នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ករណីបុរសម្នាក់ឡើងលើ​ផ្លូវ​ល្បឿ​ន​លឿនPK54 យក​ដែក​ដាក់​ទទឹង​ផ្លូវ​ត្រូវ​បាន​សមត្ថ​កិច្ច​នគរបាលស្រាវជ្រាវបង្រ្កាបបានហើយ
អង្គភាពប្រឆាំងអំពើពុករលួយបានធ្វើកោសល្យវិច័យទូរស័ព្ទជាង ៨០០គ្រឿង និងភស្តុតាងមួយចំនួនទៀតដែលសាលាដំបូងរាជធានីភ្នំពេញប្រគល់ឱ្យ
នគរបាលរាជធានីភ្នំពេញ ស្រាវជ្រាវឃាត់ខ្លួនក្មេងទំនើង ៩នាក់ ពាក់ព័ន្ធករណីវាយប្លន់យកម៉ូតូ
អាវុធហត្ថរាជធានីភ្នំពេញ បង្ក្រាបគ្រឿងញៀនជាង ៦គីឡូក្រាមឃាត់ខ្លួនមនុស្ស ១១នាក់

សន្តិសុខ និង សង្គម

ក្រុមកសិករគប់ស៊ុត និងដុំថ្មលើសភាសហភាពអឺរ៉ុប តវ៉ាប្រឆាំងការដំឡើងពន្ធ និងទំនិញឡើងថ្លៃខណៈមានជំនួបកំពូល

2024/02/02 04:34:37 pm        109
Facebook Telegram Linkin
ប្រជាកសិករបានគប់ស៊ុត និងដុំថ្មទៅលើសភាអឺរ៉ុបកាលពីថ្ងៃព្រហស្បតិ៍ ដោយចាប់ផ្តើមបំពួកភ្លើងនៅជិតអគារ និងអុជកាំជ្រួចស្របពេលមានការតវ៉ាដើម្បីដាក់សម្ពាធលើកិច្ចប្រជុំកំពូលរបស់ក្រុមមេដឹកនាំសហភាពអឺរ៉ុប ឲ្យធ្វើការងារបន្ថែមទៀតក្នុងការជួយពួកគេទាក់ទងនឹងការដំឡើងពន្ធ និងការឡើងថ្លៃម្ហូបអាហារនៅលើទីផ្សារប៉ះពាល់ដល់ជីវភាពរស់នៅប្រចាំថ្ងៃរបស់ពលរដ្ឋ។ កសិករពោពេញដោយកំហឹងបានដុតភ្លើងជាច្រើនកន្លែងនៅទីលានកណ្តាលទីក្រុងបព្រុចសែលកាលពីល្ងាចថ្ងៃព្រហស្បតិ៍ ថ្ងៃទី១ ខែកុម្ភៈ ក្រោយមកត្រូវបានបណ្តេញចេញដោយនគរបាល បន្ទាប់ពីការតវ៉ាមួយថ្ងៃ ដែលបានធ្វើឱ្យកក្រើករដ្ឋធានីបែលហ្ស៊ិក។ ក្រុមអ្នកតវ៉ាបានព្យាយាមរុះរើរបាំងដែលបានដំឡើងនៅមុខសភា រារាំងប្លុកមួយចំនួន ជាទីតាំងដែលកិច្ចប្រជុំកំពូលកំពុងប្រព្រឹត្តទៅ ប៉ុន្តែកងកម្លាំងនគរបាល បានរុញពួកគេត្រឡប់ទៅវិញ ដោយប្រើ ទុយោទឹក។ នគរបាលក៏បានបាញ់ឧស្ម័នបង្ហូរទឹកភ្នែកផងដែរ។ មន្ត្រីម្នាក់ក្នុងតំបន់បាននិយាយថា រូបសំណាកមួយនៅលើទីលានដែលកសិករប្រមូលផ្តុំនៅជិតសភាជាមួយត្រាក់ទ័ររបស់ពួកគេត្រូវបានខូចខាត។ យោងតាមការប៉ាន់ប្រមាណរបស់នគរបាល ផ្លូវសំខាន់ៗនៅទីក្រុងព្រុចសែល ដែលជាបេះដូងនៃសហភាពអឺរ៉ុប ត្រូវបានរារាំងដោយត្រាក់ទ័រប្រហែល១.៣០០គ្រឿង ។ ក្រុមប្រជាកសិករនិយាយថា ពួកគេពុំបានទទួលប្រាក់ខែគ្រប់គ្រាន់ ហើយត្រូវជាប់ពន្ធទៀត និងច្បាប់បៃតងឬគោលនយោបាយបរិស្ថាន ប្រឈមនឹងការប្រកួតប្រជែងមិនយុត្តិធម៌ពីបរទេស៕

អ៊ីស្រាអែល ផ្តោតការវាយប្រហារលើក្រុង Rafah ខណៈក្រុមហាម៉ាស កំពុងថ្លឹងថ្លែងសំណើបទឈប់បាញ់

2024/02/02 04:29:09 pm        144
Facebook Telegram Linkin
អ៊ីស្រាអែល បានត្រៀមខ្លួនក្នុងការវាយរុលក្នុងសង្រ្គាមរបស់ខ្លួននៅតំបន់ហ្កាហ្សា នៅចុងភាគខាងត្បូងជិតព្រំដែនអេហ្ស៊ីប បន្ទាប់ពីបានអះអាងថាបានកម្ចាត់ក្រុមហាម៉ាស នៅក្រុងខាន់ យូនីស (Khan Younis) ខណៈកិច្ចខិតខំប្រឹងប្រែងការទូតក្នុងការស្វែងរកបទឈប់បាញ់ត្រូវបានពន្លឿន ហើយក្រុមហាម៉ាស កំពុងថ្លឹងថ្លែងសំណើបទឈប់បាញ់ដែលខ្លួនបានទទួល។រដ្ឋមន្ត្រីការពារជាតិ លោក យ៉ាវ ហ្កាឡាន់ (Yoav Gallant) បាននិយាយកាលពីថ្ងៃព្រហស្បតិ៍ ថា ជោគជ័យក្នុងការប្រយុទ្ធប្រឆាំងនឹងពួកសកម្មប្រយុទ្ធប៉ាឡេស្ទីននៅក្នុងទីក្រុង ខាន់ យូនីស ភាគខាងត្បូងតំបន់ហ្កាហ្សា ជាទីដែលអ៊ីស្រាអែលបានបើកការវាយប្រហារថ្មើរជើងដ៏ធំកាលពីសប្តាហ៍មុន មានន័យថាកងកម្លាំងរបស់ខ្លួនអាចឈានទៅដល់ទីក្រុងរ៉ាហ្វាហ្វ (Rafah) នៅតាមព្រំដែនភាគខាងត្បូងនៃតំបន់នោះ។ជាងពាក់កណ្តាលនៃប្រជាជន ២,៣លាននាក់នៅតំបន់ហ្កាហ្សា កំពុងស្នាក់នៅក្នុងតំបន់នេះ ដែលភាគច្រើនកំពុងជួបការលំបាក និងភាពស្រេកឃ្លាននៅក្នុងតង់បណ្តោះអាសន្ន និងអគារសាធារណៈផ្សេងៗ។ ក្នុងពេលជាមួយគ្នានេះ អ្នកសម្របសម្រួលកាតា និងអេហ្ស៊ីប សង្ឃឹមថាមានការឆ្លើយតបជាវិជ្ជមានពីក្រុមហាម៉ាស ដែលគ្រប់គ្រងតំបន់ហ្កាហ្សា ទៅនឹងសំណើជាក់ស្តែងដំបូងដើម្បីបញ្ឈប់ការបន្តប្រយុទ្ធ ដែលបានយល់ព្រមជាមួយអ៊ីស្រាអែល និងសហរដ្ឋអាមេរិក ក្នុងកិច្ចពិភាក្សានៅទីក្រុងប៉ារីសកាលពីសប្តាហ៍មុន៕

គុយបាពន្យារពេលការដំឡើងថ្លៃប្រេងឥន្ធនៈនៅថ្ងៃទី ១ ខែកុម្ភៈ ដោយលើកឡើងពីការវាយប្រហារតាមអ៊ីនធឺណិត

2024/02/01 07:54:50 pm        304
Facebook Telegram Linkin
អនុរដ្ឋមន្ត្រីក្រសួងសេដ្ឋកិច្ច លោកស្រី មីលដ្រេ ហ្ក្រាណាឌីឡូ(Mildrey Granadillo) បាននិយាយ កាលពីថ្ងៃពុធថា ប្រទេសគុយបា បានបិទការដំឡើងថ្លៃប្រេងសាំងកើនឡើង៥ដង ដែលគ្រោងនឹងធ្វើឡើងនៅថ្ងៃទី ១ ខែកុម្ភៈនេះ ដោយសារការវាយប្រហារតាមប្រព័ន្ធអ៊ីនធឺណិត។ លោកស្រី Granadillo បាននិយាយថា ការសម្រេចចិត្តនេះ ត្រូវបានទទួលរងឥទ្ធិពលដោយការកើតឡើងនៃឧបទ្ទវហេតុសន្តិសុខតាមប្រព័ន្ធអ៊ីនធឺណិត នៅក្នុងបណ្តាញកុំព្យូទ័រ សម្រាប់ទីផ្សារប្រេងឥន្ធនៈ។ប្រទេសគុយបា កាលពីចុងខែធ្នូ បានប្រកាសនូវវិធានការជាបន្តបន្ទាប់ រួមទាំងការដំឡើងថ្លៃប្រេងឥន្ធនៈ និងតម្លៃដឹកជញ្ជូនសាធារណៈ ដើម្បីកាត់បន្ថយឱនភាពដែលធ្លាក់ជ្រៅ។ ក្រុមអ្នករិះគន់ បានចាត់ទុកវិធានការមានទំនោទៅរកអតិផរណា ថា ខុសពេលវេលា និងកង្វះការលើកទឹកចិត្ត សម្រាប់ការផលិតក្នុងស្រុក។លោកស្រី បាននិយាយនៅក្នុងនាទីចុងក្រោយនៃការផ្សាយព័ត៌មានពេលថ្ងៃត្រង់នៅលើកញ្ចក់ទូរទស្សន៍រដ្ឋ ថា ប្រេងឥន្ធនៈ នឹងនៅតែស្ថិតក្នុងតម្លៃបច្ចុប្បន្ន។

អគ្គិភ័យ មិនអាចគ្រប់គ្រងបាន ខណៈទីក្រុងឆ្នេរនៅអាហ្វ្រិកខាងត្បូង ប្រយុទ្ធទប់ស្កាត់អណ្តាតភ្លើង

2024/02/01 07:46:40 pm        253
Facebook Telegram Linkin
ក្រុមអ្នកពន្លត់អគ្គិភ័យ បានប្រយុទ្ធដើម្បីទប់ស្កាត់ចំហេះព្រៃ ដែលកំពុងឆាបឆេះនៅទីក្រុងនានានៅតំបន់ឆ្នេរ Western Cape ប្រទេសអាហ្វ្រិកខាងត្បូង ចូលដល់ថ្ងៃទី ៣ កាលពីថ្ងៃពុធ។រដ្ឋមន្ត្រីបរិស្ថានប្រចាំតំបន់ បាននិយាយថា អគ្គិភ័យមិនអាចគ្រប់គ្រងបានទេ ប៉ុន្តែការជម្លៀសពលរដ្ឋចេញ បានជួយបញ្ចៀសការបាត់បង់អាយុជីវិត។លោកនិយាយបន្តថា បច្ចុប្បន្នអគ្គិភ័យមិនទាន់ស្ថិតនៅក្រោមការគ្រប់គ្រងនៅឡើយ។ លោក អាន់តុន ប្រេដែល(Anton Bredell) រដ្ឋមន្ត្រីកិច្ចការបរិស្ថាននិងផែនការអភិវឌ្ឍន៍តំបន់ Western Cape បានប្រាប់សារព័ត៌មានរ៉យទ័រថា វាហួសពីការគ្រប់គ្រងបាន នៅក្នុងតំបន់មួយចំនួន ប៉ុន្តែវាពុំមានហានិភ័យនៃការបាត់បង់អាយុជីវិត ឬខូចខាតទ្រព្យសម្បត្តិនាពេលនេះទេ។អាជ្ញាធរតំបន់ បានបញ្ជាឱ្យប្រជាជននៅក្នុងក្រុងដែលរងគ្រោះ ជម្លៀសខ្លួនទៅកាន់តំបន់មានសុវត្ថិភាពជាងនេះ។ ផ្សែងអ័ព្ទដ៏ក្រាស់ បានគ្របដណ្តប់លើផ្ទៃអាកាសនៅឆ្នេរ ប្រីនហ្គល(Pringle) និងឆ្នេរ Betty នៅក្បែរនោះ ហើយអគ្គិភ័យ ត្រូវបានគេឃើញនៅតាមតំបន់ជួរភ្នំ។ ឧទ្ធម្ភាគចក្រ កំពុងនាំយកទឹកពីមហាសមុទ្រនៅក្បែរនោះ ហើយទម្លាក់ទឹកទៅលើអគ្គិភ័យ។មូលហេតុនៃចំហេះព្រៃ កំពុងស្ថិតក្រោមការស៊ើបអង្កេត។ ចំហេះព្រៃ គឺជារឿងធម្មតានៅតំបន់ភ្នំ ជុំវិញទីក្រុង Cape Town និងតំបន់ឆ្នេរជុំវិញនោះ ក្នុងអំឡុងរដូវក្តៅ ដោយសារស្ថានភាពអាកាសធាតុស្ងួត មានខ្យល់បក់ និងក្តៅខ្លាំង។

អ៊ីស្រាអែល៖ ទីភ្នាក់ងារ UNRWA ត្រូវតែបិទ ខណៈយន្តហោះចម្បាំងអ៊ីស្រាអែល វាយប្រហារតំបន់ហ្កាហ្សា

2024/02/01 07:43:53 pm        252
Facebook Telegram Linkin
នាយករដ្ឋមន្ត្រីអ៊ីស្រាអែល លោក Benjamin Netanyahu បានអំពាវនាវកាលពីថ្ងៃពុធ ឲ្យបិទទីភ្នាក់ងារជនភៀសខ្លួនប៉ាឡេស្ទីន(UNRWA) ខណៈកងកម្លាំងរបស់លោក បានធ្វើការវាយប្រហារតាមអាកាសបន្ថែមទៀតទៅលើតំបន់ហ្កាហ្សា ក្នុងពេលមានកិច្ចខិតខំប្រឹងប្រែងផ្នែកការទូត សម្រាប់បទឈប់បាញ់ និងការដោះលែងចំណាប់ថ្នូរ នៅក្នុងតំបន់ហ៊ុមព័ទ្ធនេះ។ ម្ចាស់ជំនួយរួមទាំងសហរដ្ឋអាមេរិក បានផ្អាកការផ្តល់មូលនិធិដោយរង់ចាំការស៊ើបអង្កេត ប៉ុន្តែទីភ្នាក់ងារផ្តល់ជំនួយទាំងអស់ និយាយថាការបញ្ចប់ប្រតិបត្តិការរបស់ទីភ្នាក់ងារ UNRWA នឹងបំផ្លាញកិច្ចខិតខំប្រឹងប្រែងមនុស្សធម៌ នៅក្នុងតំបន់ហ្កាហ្សា។ ប៉ាឡេស្ទីន បានចោទប្រកាន់អ៊ីស្រាអែលពីបទក្លែងបន្លំព័ត៌មានដើម្បីបង្ខូចឈ្មោះ ទីភ្នាក់ងារ UNRWA ដែលត្រូវបានបង្កើតឡើងដើម្បីជួយដល់ជនភៀសខ្លួនពីសង្គ្រាមនៅក្នុងការបង្កើតរបស់អ៊ីស្រាអែល ក្នុងឆ្នាំ ១៩៤៨ ហើយប្រជាជនជាងពាក់កណ្តាលនៅតំបន់ហ្កាហ្សាស្វែងរកជំនួយជាប្រចាំថ្ងៃ។ យោងតាមការិយាល័យបានឲ្យដឹងថា លោក Netanyahu បាននិយាយទៅកាន់គណៈប្រតិភូអង្គការសហប្រជាជាតិ ដែលមកធ្វើទស្សនកិច្ចថា «វាដល់ពេលហើយ ដែលសហគមន៍អន្តរជាតិ និងអង្គការសហប្រជាជាតិខ្លួនឯង យល់ថា បេសកកម្មរបស់ទីភ្នាក់ងារ UNRWA ត្រូវបញ្ចប់។ លោកបាននិយាយថា ទីភ្នាក់ងារ UNRWA គួរតែត្រូវបានជំនួសដោយទីភ្នាក់ងារផ្តល់ជំនួយផ្សេងទៀត ប្រសិនបើយើងនឹងដោះស្រាយបញ្ហានៅតំបន់ហ្កាហ្សា ខណៈយើងមានបំណងធ្វើបន្ត។ ប្រទេសមហាអំណាចពិភពលោក សង្ឃឹមថានឹងទប់ស្កាត់ជម្លោះកាន់តែរីកធំ ប៉ុន្តែភាពតានតឹងនៅមជ្ឈិមបូព៌ា នៅតែមានកម្រិតខ្ពស់ បន្ទាប់ពីក្រុមឧទ្ទាមហ៊ូទី ដែលជាសម្ព័ន្ធមិត្តអ៊ីរ៉ង់នៅប្រទេសយេម៉ែន បាននិយាយថា ពួកគេនឹងបន្តវាយប្រហារនាវាចម្បាំងអាមេរិក និងអង់គ្លេស នៅសមុទ្រក្រហមក្នុងសាមគ្គីភាពជាមួយប៉ាឡេស្ទីន។

អង្គការសហប្រជាជាតិ៖ មនុស្ស៨លាននាក់ បានភៀសខ្លួនដោយសារសង្រ្គាមស៊ូដង់

2024/02/01 06:03:55 pm        248
Facebook Telegram Linkin
អង្គការសហប្រជាជាតិ បាននិយាយកាលពីថ្ងៃពុធថា ចំនួនមនុស្សដែលបានភៀសខ្លួន ដោយសារសង្រ្គាមរវាងឧត្តមសេនីយ៍គូប្រជែង នៅក្នុងប្រទេសស៊ូដង់ មានប្រហែល ៨លាននាក់។ឧត្តមស្នងការអង្គការសហប្រជាជាតិទទួលបន្ទុកជនភៀសខ្លួនលោក ហ្វីលីបប៉ូ ហ្គ្រែនឌី (Filippo Grandi) ដែលកំពុងបំពេញទស្សនកិច្ចនៅប្រទេសអេត្យូពី បានប្រមូលផ្តុំម្ចាស់ជំនួយអន្តរជាតិឲ្យបើកយុទ្ធនាការរបស់ពួកគេ ដើម្បីប្រយុទ្ធប្រឆាំងនឹងវិបត្តិ ដោយពណ៌នាស្ថានភាពនេះថា «ធ្ងន់ធ្ងរ»។លោកហ្គ្រែនឌី បានប្រាប់សារព័ត៌មាននៅទីក្រុងអាឌីសអាបេបា (Addis Ababa)ថា៖«ជម្លោះបានកើនឡើង ក្នុងកម្រិតមួយខ្លាំង និងប៉ះពាល់ដល់ជនស៊ីវិល»។លោកបានថ្លែងថា៖«ចាប់តាំងពីខែមេសាឆ្នាំ ២០២៣ ដូច្នេះតិចជាងមួយឆ្នាំមុន មនុស្ស៨លាននាក់ ត្រូវបានផ្លាស់ទីលំនៅពីផ្ទះរបស់ពួកគេ នៅក្នុងប្រទេសស៊ូដង់ ដោយបន្ថែមថា ជាង១,៥ លាននាក់ បានភៀសខ្លួនទៅកាន់ប្រទេសជិតខាងចំនួន៦។ជម្លោះរវាងប្រមុខកងទ័ពស៊ូដង់ លោកអាប់ឌែល ហ្វាតា អាល់ ប៊ុហាន ( Abdel Fattah al-Burhan) និងអតីតអនុរបស់ខ្លួន លោក ម៉ូហាម៉េដ ហាមដាន ដាហ្គ្លូ (Mohamed Hamdan Daglo) មេបញ្ជាការកងកម្លាំងគាំទ្ររហ័ស (RSF) បានផ្ទុះឡើង កាលពីខែមេសា។កិច្ចខិតខំប្រឹងប្រែងការទូត ដើម្បីបញ្ចប់អំពើហិង្សា នៅតែបន្ត បន្ទាប់ពីបទឈប់បាញ់ជាច្រើន ត្រូវបានរំលោភបំពាន។

លោកសាប(Shapps)៖ ចក្រភពអង់គ្លេសនិងអាមេរិក «ឈរកៀកស្មាគ្នា»ប្រឆាំងនឹងក្រុមសកម្មប្រយុទ្ធដែលគាំទ្រដោយអ៊ីរ៉ង់

2024/02/01 05:50:43 pm        361
Facebook Telegram Linkin
រដ្ឋមន្ត្រីការពារជាតិអង់គ្លេស លោក ហ្គែ្រន សាប (Grants Shapps) បានប្រាប់សមភាគីអាមេរិកកាលពីថ្ងៃពុធថា ចក្រភពអង់គ្លេស និងសហរដ្ឋអាមេរិក «ឈរកៀកស្មាគ្នា» ប្រឆាំងនឹងក្រុមដែលគាំទ្រដោយអ៊ីរ៉ង់ ដោយកងនាវាចរណ៍សមុទ្រ បានត្រៀមបញ្ជូននាវាផ្ទុកយន្តហោះទៅកាន់សមុទ្រក្រហម។រដ្ឋមន្ត្រីការពារជាតិ បានធានាចំពោះលោក ឡយ អូស្ទីន (Lloyd Austin)ថា ចក្រភពអង់គ្លេស នឹងឈានជើងចូល «ដើម្បីធានាថា មានខ្សែបន្ទាត់មួយដែលមិនអាចឆ្លងកាត់បាន» បន្ទាប់ពីការវាយប្រហារជាច្រើនសប្តាហ៍ដោយក្រុមឧទ្ទាមហ៊ួទី និងក្រុមផ្សេងទៀត នៅទូទាំងមជ្ឈិមបូព៌ា។នៅក្នុងដំណើរទស្សនកិច្ចទៅកាន់មន្ទីរបញ្ចកោណ លោកសាប បានពណ៌នាក្រុមហ៊ួទីថា ជា «ចោរសមុទ្រ និងជាចោរ» ហើយបានផ្ញើការរំលែកទុក្ខរបស់ខ្លួនទៅកាន់សហរដ្ឋអាមេរិក បន្ទាប់ពីទាហានអាមេរិកបីនាក់បានស្លាប់ ក្នុងការវាយប្រហារដោយយានដ្រូន កាលពីថ្ងៃអាទិត្យ។លោកបានថ្លែងថា៖«យើងកំពុងឈរកៀកស្មាម្តងទៀត ដើម្បីធានាថា មានបន្ទាត់មួយដែលមិនអាចឆ្លងកាត់បានទេ»។ករណីនេះ ត្រូវបានគេយល់ថា លោកឧត្តមនាវីឯក សឺ បេន ឃី (Sir Ben Key) ដែលជាអ្នកគ្រប់គ្រង សមុទ្រទី១ បានផ្តល់«ដំបូន្មានផ្នែកយោធា» ដល់លោកសាប នៅពេលដែលពួកគេបានចូលរួមកិច្ចប្រជុំដាច់ដោយឡែក ដើម្បីពិភាក្សាពីយុទ្ធសាស្ត្ររបស់ចក្រភពអង់គ្លេស នៅក្នុងសមុទ្រក្រហមនោះ។ប្រភពពីកងទ័ពជើងទឹក បាននិយាយថា កិច្ចប្រជុំគឺ «ទំនងជារួមបញ្ចូលការពិភាក្សាអំពីនាវាផ្ទុកយន្តហោះ» ដែលអាចត្រូវបានដាក់ពង្រាយជំនួស USS Dwight D Eisenhower នៅក្នុងសមុទ្រក្រហម នៅចុងឆ្នាំនេះ។លោកសាប បានជួបជាមួយមន្ត្រីជាន់ខ្ពស់រដ្ឋបាលលោកបៃដិន ក្នុងទីក្រុងវ៉ាស៊ីនតោន រួមទាំងលោក អូស្ទីន លោក អង់តូនី ប្ល៊ីនខិន (Antony Blinken) រដ្ឋមន្ត្រីការបរទេសអាមេរិក និងលោក ចេក ស៊ុលលីវ៉ាន (Jake Sullivan) ទីប្រឹក្សាសន្តិសុខជាតិរបស់សេតវិមាន។

មន្ត្រីជំនាញខេត្តស្វាយរៀង ចាប់សាច់បង្កក ៤កុងតឺន័រ និងរកឃើញចំណុចមិនត្រូវស្ដង់ដា​មួយចំនួន

2024/02/01 05:47:39 pm        407
Facebook Telegram Linkin
ស្វាយរៀង ៖ មន្ត្រីជំនាញខេត្តស្វាយរៀង បានឃាត់ចាប់សាច់បង្កកចំនួន៤កុងទឺន័រ ទម្ងន់​ជា​ច្រើន​តោននៅថ្ងៃទី៣១ ខែមករា នេះ និងបានរកឃើញចំណុចមិនត្រូវស្ដង់ដាមួយចំនួន ។លោក ហៀង តារ៉ា ប្រធានសាខាការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែង បន្លំ «ក.ប.ប» ខេត្តស្វាយរៀង បានBTVនៅព្រឹកថ្ងៃទី១ ខែកុម្ភៈ នេះថា សាច់បង្កក ដែល​មន្ត្រី​ជំនាញចាប់​ឃាត់រក្សាទុក ក្រោយក្រុមឈ្មួញនាំចូលតាមភូមិសាស្ត្រខេត្តស្វាយរៀង បច្ចុប្បន្ន ត្រូវ​បាន​រក​ឃើញ​ចំណុច ខ្វះខាតមួយចំនួន រួមមានឯកសារពាក់ព័ន្ធបញ្ជាក់ពីគុណភាពសាច់បង្កក លិខិត​អនុញ្ញាតនាំចូល ពិសេស សីតុណ្ហភាពមិនគ្រប់គ្រាន់ដើម្បីរក្សាគុណភាពសាច់ ពោល​គឺ​មិន​ត្រូវ​ស្តង់ដា។មន្ត្រីជំនាញបានឱ្យដឹងថា សាច់បង្កកចំនួន​ ៤កុងតឺន័រនេះ បាននាំចូលមកតាមច្រកព្រំដែនខេត្ត ស្វាយរៀង ចូលមកស្រុករមាសហែក ។ តែទោះជាយ៉ាងណាក៏ដោយ ជំនាញមិន​ទាន់​ផ្ដល់​ព័ត៌មាន​លម្អិត​ជាក់លាក់ចំពោះការចាប់រក្សាទុកសាច់បង្កករាប់តោននេះទេ ដោយកំពុង​ធ្វើ​ការ​ពិនិត្យ​ស្រាវជ្រាវ​រក​ឯកសារ ពាក់ព័ន្ធនានាដើម្បីបញ្ជាក់ថាតើ ការនាំចូលសាច់បង្កកទាំងនេះ ត្រឹមត្រូវ​តាម​ច្បាប់​ឬទេ៕

ក្រុមបាតុករហៃទី បានដុតរបាំងការពារ ខណៈមានកំហឹងជុំវិញរលកឧក្រិដ្ឋកម្ម ផ្ទុះឡើង

2024/02/01 05:42:08 pm        136
Facebook Telegram Linkin
របាំងការពារ ត្រូវបានដុតក្នុងរដ្ឋធានី ព័រអូប្រាំង(Port-au-Prince) ប្រទេសហៃទី កាលពីថ្ងៃពុធ ខណៈប្រជាជន បានតវ៉ាប្រឆាំងរដ្ឋាភិបាលរបស់ នាយករដ្ឋមន្ត្រី លោក អារៀល ហេនរី(Ariel Henry) ដោយទាមទារឲ្យធ្វើការងារបន្ថែមទៀត ដើម្បីបញ្ឈប់រលកនៃអំពើហិង្សា ដែលបានធ្វើឲ្យពលរដ្ឋជាច្រើនជម្លៀសខ្លួនចេញពីលំនៅឋាន។ប្រទេសហៃទី កំពុងប្រឈមមុខទៅនឹងជម្លោះកាន់តែអាក្រក់ រវាងសម្ព័ន្ធមិត្តនៃក្រុមជនអន្ធពាលប្រដាប់អាវុធ ដែលគ្រប់គ្រងភាគច្រើននៅក្នុងរដ្ឋធានី ហើយកំពុងពង្រីកដែនដីរបស់ពួកគេទៅកាន់តំបន់ជនបទ ដោយនាំមកនូវអំពើហិង្សាផ្លូវភេទ ចោរកម្ម និងការសម្លាប់ដោយមិនរើសអើង។ទន្ទឹមនឹងនេះ ការចាប់ជំរិត បានកើនឡើងស្ទើរតែទ្វេដងពីឆ្នាំ ២០២២ ដល់ជិត ២.៥០០ករណី ខណៈដែលក្រុមជនអន្ធពាល បានកំណត់គោលដៅទៅលើអ្នកនៅលើផ្លូវដឹកជញ្ជូន ដើម្បីទាមទាយកប្រាក់លោះ ពីមិត្តភក្តិ និងសាច់ញាតិរបស់ពួកគេ។ យោងតាមអង្គការយូនីសេហ្វ(UNICEF)បានឲ្យដឹងថា មនុស្សប្រហែល ៣១៤.០០០នាក់ បានភៀសខ្លួនចេញពីលំនៅឋាននៅខាងក្នុងប្រទេស ក្នុងពេលមានរលកនៃអំពើហិង្សា។

អង្គការសុខភាពពិភពលោក៖ ប្រជាជននៅហ្កាហ្សា កំពុងអត់ឃ្លានស្លាប់ ដោយសារឧបសគ្គក្នុងការទទួលបានជំនួយ

2024/02/01 04:33:02 pm        322
Facebook Telegram Linkin
នាយកផ្នែកសង្គ្រោះបន្ទាន់របស់អង្គការសុខភាពពិភពលោក(WHO)លោកម៉ៃឃើលរ៉ៃអិន (Michael Ryan) បាននិយាយកាលពីថ្ងៃពុធថា ចំនួនប្រជាជននៅតំបន់ហ្កាហ្សាកំពុងអត់ឃ្លានដល់ស្លាប់ដោយសារតែឧបសគ្គ ដែលដាក់លើជំនួយមនុស្សធម៌។ អង្គការសុខភាពពិភពលោក បាននិយាយថា ហានិភ័យនៃគ្រោះទុរ្ភិក្សនៅក្នុងដែនដីប៉ាឡេស្ទីនមានអត្រាខ្ពស់រួចទៅហើយ និងកំពុងកើនឡើងជាលំដាប់ ដោយកន្លែងសម្រាប់អន្តរាគមន៍មនុស្សធម៌ត្រូវបានរងសម្ពាធកាន់តែខ្លាំង។ លោក Ryan បានប្រាប់សន្និសីទសារព័ត៌មានមួយថា នេះគឺជាចំនួនប្រជាជនដែលស្រេកឃ្លានរហូតដល់ស្លាប់ នេះគឺជាចំនួនប្រជាជនដែលកំពុងត្រូវបានរុញច្រានដល់មាត់ជ្រោះមរណៈ ។ ជនស៊ីវិលនៃតំបន់ហ្កាហ្សាមិនមែនជាភាគីនៃជម្លោះនេះទេ ហើយពួកគេគួរតែត្រូវទទួលបានការការពារ ដូចជាមូលដ្ឋានសុខភាពរបស់ពួកគេផងដែរ។ លោក Ryan បាននិយាយថា ប្រជាជនប៉ាឡេស្ទីននៅតំបន់ហ្កាហ្សា គឺស្ថិតនៅចំកណ្តាលនៃមហន្តរាយដ៏ធំមួយ ដោយបន្ថែមថា អ្វីៗអាចកាន់តែអាក្រក់ជាងនេះទៀត។ លោកបានបន្តថា ការទទួលបានអាហារូបត្ថម្ភត្រឹមត្រូវបានក្លាយជាបញ្ហាចម្បងនៅក្នុង ហ្កាហ្សាស្ទ្រីប រួមទាំងចំនួនកាឡូរី និងគុណភាពនៃអាហារូបត្ថម្ភដែលប្រើប្រាស់ដោយពលរដ្ឋហ្កាហ្សា បានធ្លាក់ចុះយ៉ាងខ្លាំង។ លោកបានបន្តថា ប្រជាជនមិនត្រូវបានគេសន្មត់ថាអាចរស់បានដោយមិនកំណត់លើជំនួយស្បៀងអាហារនោះទេ។ប្រធានអង្គការសុខភាពពិភពលោក លោក Tedros Adhanom Ghebreyesus បាននិយាយថា ទីភ្នាក់ងារនេះកំពុងជួបប្រទះបញ្ហាប្រឈមកាន់តែខ្លាំង ក្នុងការជំរុញប្រព័ន្ធសុខាភិបាលរបស់តំបន់ហ្កាហ្សា៕

បណ្ដាញសង្គម

ព័ត៌មានថ្មីៗ

ទំនាក់ទំនងកម្ពុជា-ឡាវ រយៈពេល ៧០ឆ្នាំ បន្តលូតលាស់យ៉ាងរឹងមាំ និងផ្ដល់ផលប្រយោជន៍ទៅវិញទៅមក
10/06/2026 09:10 PM
Facebook Telegram Linkin
WHO កំពុងតាមដាន ចំពោះ​ការ​ស្លាប់​របស់បុគ្គលិកមន្ទីរពិសោធន៍រុស្ស៊ី ស្របពេល​សង្ស័យពី​ជំងឺប៉េស្តសួត
10/06/2026 06:10 PM
Facebook Telegram Linkin
សហជីព៖ សាលារៀនជិត ២ពាន់​កន្លែង ត្រូវបិទផ្លូវ ឬបិទទ្វារ ខណៈការតវ៉ាកើតឡើងទូទាំងបារាំង​
10/06/2026 06:10 PM
Facebook Telegram Linkin
សាកល​​វិទ្យាល័យ Cornell រៀបចំបោះឆ្នោតដក​សេចក្ដី​ទុក​ចិត្តលើ​រដ្ឋបាល​ ជុំវិញ​ដំណោះស្រាយ​ករណីរំលោភផ្លូវភេទ
10/06/2026 06:10 PM
Facebook Telegram Linkin
កងកម្លាំងអ៊ីស្រាអែលសម្លាប់មនុស្សម្នាក់ និងជាច្រើននាក់ផ្សេងទៀតរងរបួសនៅតំបន់វ៉េសប៊ែង
10/06/2026 06:10 PM
Facebook Telegram Linkin
លោកស្រី Von der Leyen ជំរុញឲ្យជំនួយថាមពលទៅដល់គ្រួសារខ្វះខាត់ខ្លាំងបំផុត
10/06/2026 06:10 PM
Facebook Telegram Linkin
កេនយ៉ាបញ្ជាក់ករណីជំងឺអេបូឡាលើកដំបូងដែលបាននាំចូលពីប្រទេសកុងហ្គោ
10/06/2026 06:10 PM
Facebook Telegram Linkin
សភាលីទុយអានីបោះឆ្នោតលុបចោលការហាមឃាត់ការដាក់ពង្រាយអាវុធនុយក្លេអ៊ែរ
10/06/2026 05:10 PM
Facebook Telegram Linkin
តៃវ៉ាន់៖ លទ្ធភាព​​​បែងចែកជាផ្នែកតូចៗនៃ​​ការលក់អាវុធថ្មីរបស់អាមេរិក មិន​ទាន់​ត្រូវបាន​ឮនៅឡើយទេ​
10/06/2026 05:10 PM
Facebook Telegram Linkin
លោក Vance៖អ៊ីរ៉ង់អាចមានជាប់ពាក់ព័ន្ធនឹងហេតុការណ៍នៅមូលដ្ឋានទ័ពអាកាស Fairford នៅព្រីត ថេន
10/06/2026 05:10 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.