BTV NEWS

គណៈបញ្ជាការឯកភាពរាជធានី បន្តចុះបង្ក្រាប Online Scams នៅសង្កាត់ចាក់អង្រែលើ ឃាត់មនុស្ស១៦នាក់

ផ្តន្ទាទោសជនជាប់ចោទ ៦នាក់ ដាក់ពន្ធនាគារអស់មួយជីវិតពាក់ព័ន្ធនឹងករណីឃាតកម្មដោយមានទារុណកម្មលើនិស្សិតជនជាតិកូរ៉េខាងត្បូង

ឃាត់ខ្លួនជនជាតិចិន ៦១នាក់ ក្នុងប្រតិបត្តិការបង្ក្រាបទីតាំង Online Scams នៅខណ្ឌចំនួនពីរ ក្នុងភូមិសាស្រ្តរាជធានីភ្នំពេញ

រយៈពេល៣សប្តាហ៍ខែឧសភានេះ សមត្ថកិច្ច បង្ក្រាប Online Scams ចំនួន ៥០ទីតាំង ឃាត់ខ្លួនជនបរទេសសង្ស័យប្រមាណ ៣ ៣២០នាក់ និងបណ្តេញចេញជាង១ពាន់នាក់

សន្តិសុខ និង សង្គម

ភាគឦសាននៃប្រទេសអូស្ត្រាលី ទប់ទល់នឹងព្យុះស៊ីក្លូនទីពីរក្នុងរយៈពេលមួយខែ

ការិយាល័យអាកាសធាតុបាននិយាយនៅថ្ងៃអង្គារ (២៣ មករា) នេះថា ព្យុះត្រូពិចកម្រិតទាបមួយនៅក្នុងសមុទ្រកូរ៉ាល់ (Coral) ទំនងជានឹងវិវត្តទៅជាព្យុះស៊ីក្លូន ហើយនឹងវាយប្រហារភាគឦសានរបស់ប្រទេសអូស្ត្រាលីនៅចុងសប្តាហ៍នេះ រយៈពេលមួយខែបន្ទាប់ពីព្យុះស៊ីក្លូនត្រូពិចចាស្ពើ (Jasper) បណ្តាលឱ្យមានការខូចខាតយ៉ាងទូលំទូលាយនៅទូទាំងតំបន់។ប្រព័ន្ធអាកាសធាតុដែលមានចម្ងាយប្រហែល ៨០០គីឡូម៉ែត្រពីឆ្នេរសមុទ្រនៃរដ្ឋឃ្វីនស៍ឡែន (Queensland) នេះអាចកាន់តែខ្លាំងក្លាប្រែទៅជាព្យុះស៊ីក្លូនប្រភេទទី៣ ដែលមានពីរកម្រិតក្រោមកម្រិតល្បឿនខ្យល់ដ៏គ្រោះថ្នាក់បំផុត ដោយនាំមកនូវភ្លៀងធ្លាក់ខ្លាំង និងទឹកជំនន់ដែលគំរាមកំហែងដល់អាយុជីវិត។លោកស្រី ឡូរ៉ា ប៊ូឃែល (Laura Boekel) អ្នកព្យាករណ៍នៅការិយាល័យឧតុនិយមបាននិយាយក្នុងសន្និសីទសារព័ត៌មានមួយថា «ព្យុះនេះកាន់តែមានកម្លាំងខ្លាំង ហើយទំនងជានឹងឈានដល់កម្លាំងព្យុះស៊ីក្លូននៅពេលយប់នេះ ឬក្នុងអំឡុងពេលថ្ងៃពុធស្អែក ហើយការឆ្លងកាត់ឆ្នេរសមុទ្រទំនងជាមួយយប់នៅថ្ងៃព្រហស្បតិ៍»។ការព្រមានអំពីព្យុះចុងក្រោយបំផុតកើតឡើងនៅមុនថ្ងៃឈប់សម្រាកជាតិដែលបានបន្ថែមនៅចុងសប្តាហ៍ និងឆ្ពោះទៅចុងបញ្ចប់នៃការឈប់សម្រាករដូវក្តៅរបស់សាលា នៅពេលដែលតំបន់នេះនឹងរំពឹងថានឹងមានកំណើននៃការមកទស្សនាកម្សាន្ត។ ក្រុមមន្ត្រីបានជំរុញអ្នកទេសចរឱ្យពិចារណាឡើងវិញនូវការបោះជំរំ និងការធ្វើដំណើរទៅតំបន់ដាច់ស្រយាលជាដើម៕

ថ្ងៃនេះ តុលាការបន្តសួរនាំបុរសបើករថយន្តបង្កគ្រោះថ្នាក់ចរាចរណ៍បណ្ដាលឲ្យមានមនុស្សស្លាប់ ៤នាក់នៅឫស្សីកែវ

នៅព្រឹកថ្ងៃទី២៣ ខែមករា ឆ្នាំ២០២៤នេះ សមត្ថកិច្ចការិយាល័យចរាចរណ៍ជើងគោករាជធានីភ្នំពេញ បានបន្តធ្វើការបញ្ចូនខ្លួនបុរសជាអ្នកបើករថយន្ត Ford Ranger បង្កគ្រោះថ្នាក់ចរាចរណ៍ រហូតស្លាប់មនុស្ស០៤នាក់ និង០៤នាក់ផ្សេងទៀតរងរបួសធ្ងន់ស្រាល ទៅកាន់សាលាដំបូងរាជធានីភ្នំពេញ ជាថ្មីម្តងទៀត ដើម្បីបន្តសាកសួរនាំតាមនីតិវិធីច្បាប់ ។ជនបង្កត្រូវបាននគរបាលបញ្ចូនខ្លួនទៅកាន់តុលាការតាំងពីវេលារសៀលថ្ងៃទី២២ ខែមករា ឆ្នាំ២០២៤ម្សិលមិញ ដោយការសាកសួរនាំត្រូវបានបញ្ចប់ តុលាការសម្រេចបញ្ចូនខ្លួនទៅផ្ញើរនៅនគរបាលវិញ។ បច្ចុប្បន្ន រូបគេកំពុងស្ថិតក្រោមការសាកសួរនាំរបស់តុលាការ ដោយពុំទាន់មានការសម្រេចយ៉ាងណានៅឡើយនោះទេ ។ ជនសង្ស័យមានឈ្មោះ នាង សំអូន ភេទប្រុស អាយុ៥៦ឆ្នាំ មុខរបរមន្ត្រីគយ មានទីលំនៅផ្ទះលេខ40A ផ្លូវលេខ210 ភូមិ៤ សង្កាត់ច្រាំងចំរេះ១ ខណ្ឌឫស្សីកែវ រាជធានីភ្នំពេញ ។ ជនបង្ករូបនេះ បានបើកបរក្នុងស្ថានភាពស្រវឹង ដោយមានជាតិអាត្រាជាតិអាកុល ០.៥៤ មី លី ក្រាម ក្នុង មួយលីត្រខ្យល់ ។ គួរំលឹកថា ករណីគ្រោះថ្នាក់ចរារណ៍ដ៏រន្ធត់ខាងលើនេះ បានកើតឡើងកាលពី១៨ និង៤៥នាទីយប់ថ្ងៃទី២០ ខែមករា ឆ្នាំ២០២៤ នៅចំណុចក្រោមស្ពានអាកាសឫស្សីកែវ តាមបណ្តោយផ្លូវជាតិលេខ៥ សង្កាត់ឫស្សីកែវ ខណ្ឌឫស្សីកែវ រាជធានីភ្នំពេញ ។ ករណីនេះ ជនបង្កបានបើករថយន្តចុះពីស្ពានបេតុងខ្សែកាបឫស្សីកែវ ឆ្ពោះសំដៅឡើងទៅផ្លូវជាតិលេខ០៥ លុះដល់ចំណុចស្តុប រថយន្តមិនបានបង្អង់ល្បឿន ក៏បានជ្រុលបុករះរថយន្ត និងម៉ូតូជាច្រើនគ្រឿង ដែលកំពុងឈប់ស្តុប បណ្តាលឱ្យមានមនុស្សរងរបួស និងស្លាប់ជាច្រើននាក់ នៅលើដងផ្លូវតែម្តងទៅ ។ ហើយរថយន្ត និងម៉ូតូជាច្រើនគ្រឿងក៏ទទួលរងការខូចខាតផងដែរ៕ លីហេង

បរិស្ថានអនាម័យនៅមាត់ទន្លេត្រូវបានរៀបចំស្អាតជាប់ជាប្រចាំ សម្រាប់ភ្ញៀវមកលេងកម្សាន្ត

ភ្នំពេញ៖ កម្លាំងសណ្ដាប់ធ្នាប់ខណ្ឌដូនពេញបានចុះរៀបចំ និងបាញ់ទឹកលាងសម្អាតនៅតាមសួនច្បារមាត់ទន្លេ និងវិថីថ្មើជើង ជាប់ជាប្រចាំដើម្បីរក្សាបរិស្ថានអនាម័យសន្តិសុខសណ្ដាប់ធ្នាប់ ឲ្យល្អនិងមានរបៀបរៀបរយ ជូនដល់ភ្ញៀវជាតិអន្តរជាតិមកលេងកម្សាន្ត ជៀសវាងមានក្លិនឆ្អេះឆ្អាប។ក្រោមការដឹកនាំរបស់ លោក ជា ខេមា អភិបាលនៃគណៈអភិបាលខណ្ឌភ្នំពេញបានចាត់ឱ្យកម្លាំងសណ្ដាប់ធ្នាប់ខណ្ឌចុះរៀបចំសណ្ដាប់ធ្នាប់នៅក្នុងមូលដ្ឋានជាប់ជាប្រចាំដើម្បីឲ្យបរិស្ថានអនាម័យស្អាតល្អ និងសុភ័ណភាពរាជធានីភ្នំពេញ។ បន្ទាប់ពីអាជ្ញាធរខណ្ឌបានចុះបាញ់ទឹកលាងសំអាតឱ្យស្អាតជាប់ជាប្រចាំនោះសង្កេតឃើញថា ភ្ញៀវជាតិ និងភ្ញៀវអន្តរជាតិបានមកលេងកម្សាន្តនៅសួនច្បារមាត់ទន្លេ និងវិថីថ្មើជើង ជាច្រើនកុះករនាពេលល្ងាចនឹងនាំគ្នាមកហាត់ប្រាណផងដែរ។អាជ្ញាធរខណ្ឌដូនពេញពេញបានបញ្ជាក់ផងដែរថាបច្ចុប្បន្នប្រជាពលរដ្ឋដែលមកលេងកម្សាន្តនៅតាមសួនច្បារមានការយល់ដឹងច្រើនពីការទុកដាក់សំរាម។ ដោយពួកគាត់បានយកសំរាមដាក់ចូលធុងសំរាមបានត្រឹមត្រូវនៅតែមួយផ្នែកតូចតែប៉ុណ្ណោះនៅតែបន្តចោលផ្ដេសផ្ដាស។ដូច្នេះអាជ្ញាធរសំណូមពរដល់ពលរដ្ឋដែលមកលេងកម្សាន្តនៅសួនច្បារមាត់ទន្លេ និងមុខព្រះបរម រាជវាំងបន្តចូលរួមសហការជាមួយអាជ្ញាធរទុកដាក់សំរាមថែរក្សាបរិស្ថានអនាម័យ ដើម្បីឲ្យស្អាតល្អប្រសើរទាំងអស់គ្នា។គួរបញ្ជាក់ផងដែរសួនច្បារតាមមាត់ទន្លេ និងសួនច្បារមុខព្រះបរមរាជវាំង អាជ្ញាធរខណ្ឌដូនពេញបានចុះបាញ់ទឹកសំអាតជាប់ជាប្រចាំដើម្បីឲ្យប្រជាពលរដ្ឋដែលមកលេងកម្សាន្ត និងហាត់ប្រាណតាមសួនច្បារមកមានភាពស្រស់ស្រាយ និងមិនមានក្លិនឆ្អេះឆ្អាប នឹងធ្វើយ៉ាងណាឲ្យមាន បរិស្ថានអនាម័យ សោភ័ណភាព រាជធានីភ្នំពេញស្អាតល្អប្រសើរ៕ អត្ថបទ៖ កុម្ភះ

កងកម្លាំងអ៊ីស្រាអែលសម្រុកចូលមន្ទីរពេទ្យ ខណៈក្រុង ខាន់យ៉ូនីស រងការវាយប្រហារ បង្ហូរឈាមបំផុតក្នុងឆ្នាំ២០២៤

ក្រុមមន្ត្រីប៉ាឡេស្ទីនបាននិយាយថា កងកម្លាំងអ៊ីស្រាអែល ដែលវាយសម្រុករុលចូលជ្រៅទៅភាគខាងលិចទីក្រុងខាន់ យ៉ូនីស (Khan Younis) នៅក្នុងការប្រយុទ្ធគ្នាយ៉ាងបង្ហូរឈាមបំផុតរបស់តំបន់ហ្កាហ្សា រហូតមកដល់ពេលនេះក្នុងខែមករា បានសម្រុកចូលមន្ទីរពេទ្យមួយ និងដាក់ការឡោមព័ទ្ធមួយទៀតកាលពីថ្ងៃចន្ទ (២២ មករា) ដោយធ្វើឲ្យអ្នករបួសមិនទទួលបានការថែទាំ។កងទ័ពបានរុលចូលជាលើកដំបូងចូលទៅក្នុងសង្កាត់ អាល់ម៉ាវ៉ាស៊ី (al-Mawasi) ក្បែរឆ្នេរសមុទ្រមេឌីទែរ៉ាណេ ភាគខាងលិចនៃក្រុងខាន់ យ៉ូនីស ដែលជាទីក្រុងសំខាន់នៅភាគខាងត្បូងហ្កាហ្សា។ នៅទីនោះ ពួកគេបានសម្រុកចូលមន្ទីរពេទ្យ អាល់ឃែរ (Al-Khair) ហើយចាប់ខ្លួនបុគ្គលិកពេទ្យ នេះបើតាមអ្នកនាំពាក្យក្រសួងសុខាភិបាលហ្កាហ្សា លោក អាស្រាហ្វ អាល់គីដ្រា (Ashraf al Qidra) បានប្រាប់សារព័ត៌មានរ៉យទ័រ។មិនមានការលើកឡើងណាមួយពីអ៊ីស្រាអែលអំពីស្ថានភាពនៅមន្ទីរពេទ្យនោះទេ ហើយការិយាល័យអ្នកនាំពាក្យយោធាមិនមានការអត្ថាធិប្បាយទេ។ យោធាបាននិយាយនៅពេលក្រោយមកថា ទាហានអ៊ីស្រាអែលបីនាក់ត្រូវបានសម្លាប់កាលពីថ្ងៃចន្ទ នៅតំបន់ហ្កាហ្សាភាគខាងត្បូង។លោក គីដ្រា បាននិយាយថាយ៉ាងហោចណាស់មនុស្ស ៥០នាក់ ត្រូវបានសម្លាប់ពេញមួយយប់នៅទីក្រុងខាន់ យ៉ូនីស ខណៈពេលដែលការឡោមព័ទ្ធមូលដ្ឋានពេទ្យមានន័យថានឹងមានមនុស្សរាប់សិបនាក់ស្លាប់ និងរបួស ដែលហួសពីលទ្ធភាពនៃការជួយសង្គ្រោះ៕

កងកម្លាំងអាមេរិក និងអង់គ្លេស ដាក់គោលដៅចំនួន៨របស់ក្រុមហ៊ួទីនៅយេម៉ែន ជុំវិញការវាយប្រហារលើនាវាដឹកទំនិញនៅសមុទ្រក្រហម

មន្ទីរបញ្ចកោណបាននិយាយថា កងកម្លាំងសហរដ្ឋអាមេរិក និងអង់គ្លេស បានបើកការវាយប្រហារជាថ្មីកាលពីថ្ងៃចន្ទ ២២ មករា ក្នុងប្រទេសយេម៉ែន ដោយផ្តោតលើទីតាំងស្តុកអាវុធក្រោមដីរបស់ក្រុមហ៊ួទី (Houthi) ក៏ដូចជាសមត្ថភាពមីស៊ីល និងតាមដានដែលប្រើប្រាស់ដោយក្រុមគាំទ្រដោយអ៊ីរ៉ង់ដែលតែងតែដាក់គោលដៅលើការដឹកជញ្ជូននៅសមុទ្រក្រហម។ ក្រុម ហ៊ួទី(Houthis) ដែលគ្រប់គ្រងតំបន់មានប្រជាជនច្រើនជាងគេក្នុងប្រទេសយេម៉ែន បាននិយាយថា ការវាយប្រហាររបស់ពួកគេ ជាការបង្ហាញសាមគ្គីភាពជាមួយប៉ាឡេស្ទីន នៅពេលអ៊ីស្រាអែលវាយប្រហារលើតំបន់ហ្កាហ្សា។ ការវាយប្រហាររបស់ ហ៊ួទី បានរំខានដល់ការដឹកជញ្ជូនទូទាំងពិភពលោក និងបង្កការព្រួយបារម្ភខ្លាំង ចំពោះអតិផរណាពិភពលោក។ ពួកគេក៏មានការព្រួយបារម្ភយ៉ាងខ្លាំងដែរថា ការហៀរចេញពីសង្រ្គាមអ៊ីស្រាអែល និងក្រុមហាម៉ាស អាចនឹងធ្វើឲ្យតំបន់មជ្ឈិមបូព៌ាមានអស្ថិរភាព។ យោងតាមសេចក្តីថ្លែងការណ៍រួមដែលបានចុះហត្ថលេខាដោយប្រទេសទាំង៦ ក្នុងការឆ្លើយតបចុងក្រោយនេះ កងកម្លាំងសហរដ្ឋអាមេរិក និងអង់គ្លេសបានបើកការវាយប្រហារចំនួន៨លើក ដោយមានការគាំទ្រពីប្រទេសអូស្ត្រាលី បារ៉ែន កាណាដា និងហូឡង់ ។ សេចក្តីថ្លែងការណ៍រួមបាននិយាយថា ការវាយប្រហារដ៏ជាក់លាក់ទាំងនេះ មានបំណងបង្អាក់ និងធ្វើឱ្យកម្ទេចសមត្ថភាពដែលក្រុម ហ៊ួទី ប្រើប្រាស់ដើម្បីគំរាមកំហែងដល់ពាណិជ្ជកម្មពិភពលោក និងអាយុជីវិតរបស់ទាហានជើងទឹកស្លូតត្រង់។ រដ្ឋមន្ត្រីការពារជាតិអង់គ្លេស គ្រន ហ្សេបស៍ (Grant Shapps) បាននិយាយនៅក្នុងសេចក្តីថ្លែងការណ៍មួយថា ការវាយប្រហារទាំងនេះ ត្រូវបានធ្វើឡើងជាការការពារខ្លួនប៉ុណ្ណោះ ៕

មនុស្ស ១២នាក់ បានស្លាប់នៅក្នុងការប៉ុនប៉ងជួយសង្គ្រោះកូនប្រុសរបស់ឃាតករម្នាក់នៅប្រទេសម៉ិកស៊ិក

យ៉ាងហោចណាស់ឧក្រិដ្ឋជនចំនួន ១២នាក់ ត្រូវបានសម្លាប់នៅលើផ្លូវហាយវេមួយនៅជិតទីក្រុង អ៊ែរម៉ូស៊ីយ៉ូ (Hermosillo) ក្នុងរដ្ឋសូណូរ៉ា (Sonora) ភាគខាងជើងប្រទេសម៉ិកស៊ិក ជាអ្វីដែលក្រុមអាជ្ញាធរហៅថាជាការប៉ុនប៉ងមិនបានសម្រេចក្នុងការជួយសង្គ្រោះកូនប្រុសរបស់ឃាតកម្នាក់ នេះបើយោងតាមមន្ត្រីរដ្ឋបាននិយាយកាលពីថ្ងៃអាទិត្យ (២១ មករា)។ការិយាល័យមេធាវីរដ្ឋសូណូរ៉ា បាននិយាយនៅក្នុងសេចក្តីថ្លែងការណ៍មួយថា មនុស្សប្រាំពីរនាក់ផ្សេងទៀតបានរត់គេចខ្លួន ហើយអ្នកខ្លះទៀតប្រហែលជារងរបួស ហើយអ្នកនាំពាក្យម្នាក់បានបញ្ជាក់ប្រាប់សារព័ត៌មានរ៉យទ័រ ថាមនុស្ស ១២ នាក់ត្រូវបានគេសម្លាប់។ សេចក្តីថ្លែងការណ៍បានបន្ថែមថា មន្ត្រីសន្តិសុខពីរនាក់ត្រូវបានបញ្ជូនទៅកាន់មន្ទីរពេទ្យបន្ទាប់ពីមានការប៉ះទង្គិចគ្នា ហើយឥឡូវនេះស្ថិតក្នុងស្ថានភាពធូរស្រាល។ការិយាល័យនោះបាននិយាយថា ខ្លួនសង្ស័យថាក្រុមដែលប្រដាប់ដោយអាវុធវាយលុកនេះ កំពុងព្យាយាមជួយសង្គ្រោះកូនប្រុសរបស់ឧក្រិដ្ឋជន ហេស៊ូស ស៊ុមប៊ែរតូ លីម៉ុន (Jesus Humberto Limon) ជាឃាតករដែលសង្ស័យធ្វើការឱ្យបក្សពួកអង្គការឧក្រិដ្ឋកម្ម ស៊ីណាឡូអា ខាតេ (Sinaloa Cartel)។ការិយាល័យដដែលនោះបាននិយាយថា កូនប្រុសរបស់ឃាតករដែលត្រូវចោទប្រកាន់រូបនេះឈ្មោះ ខាឡូស ស៊ុមប៊ែរតូ (Carlos Humberto) ត្រូវបានឃុំខ្លួនប៉ុន្មាននាទីមុននោះពីបទ «ឧក្រិដ្ឋកម្មប្រឆាំងនឹងសុខភាព» នៅក្នុងទីក្រុង កាមីណូ ឌែលសេរី (Camino del Seri) ដោយមិនបានផ្តល់ព័ត៌មានលម្អិតបន្ថែមឡើយ៕

មនុស្សជិត៥០នាក់ កប់នៅក្រោមបំណាក់ដីក្នុងភាគនិរតីនៅប្រទេសចិន

ប្រព័ន្ធផ្សព្វផ្សាយរដ្ឋបានរាយការណ៍ថាមនុស្ស ៤៧នាក់ ត្រូវបានកប់នៅក្នុងបំណាក់ដីមួយកន្លែងនៅក្នុងខេត្តយុនណាន (Yunnan) ភាគនិរតីនៃប្រទេសចិន នៅថ្ងៃចន្ទ (២២ មករា) នេះ។ ទីភ្នាក់ងារព័ត៌មានរដ្ឋ ស៊ីនហួរ (Xinhua) បានរាយការណ៍ថា បំណាក់ដីនេះបានកើតឡើងនៅម៉ោង ៥:៥១នាទីព្រឹក (ម៉ោងក្នុងស្រុក) នៅក្នុងស្រុក ជិនសុង (Zhenxiong)។ទូរទស្សន៍រដ្ឋ CCTV បាននិយាយថា លំនៅឋានប្រហែល ១៨ខ្នងត្រូវបានកប់នៅក្នុងបំណាក់ដី ហើយមនុស្សជាង ២០០នាក់ត្រូវបាន «ជម្លៀសជាបន្ទាន់» ចេញពីតំបន់នោះ។ យោងតាមទូរទស្សន៍ CCTV បានឱ្យដឹងថា ក្រុមអាជ្ញាធរបានចាប់ផ្តើមការឆ្លើយតបជាបន្ទាន់មួយ ដែលពាក់ព័ន្ធនឹងអ្នកជួយសង្គ្រោះជាង ២០០នាក់ ព្រមទាំងម៉ាស៊ីនពន្លត់អគ្គិភ័យរាប់សិបគ្រឿង និងឧបករណ៍ផ្សេងៗទៀត។បំណាក់ដីគឺជារឿងធម្មតានៅក្នុងខេត្តយុនណាន ដែលជាតំបន់ដាច់ស្រយាលនៃប្រទេសចិន មានជួរភ្នំដ៏ចោតទល់នឹងខ្ពង់រាបតំបន់ភ្នំហិម៉ាឡៃ។ យោងតាមមជ្ឈមណ្ឌលឧតុនិយមជាតិបានឱ្យដឹងថា ខេត្តនេះស្ថិតក្នុងចំណោមខេត្តមួយចំនួននៅក្នុងតំបន់ភាគខាងត្បូងរបស់ប្រទេសចិន ដែលបច្ចុប្បន្នកំពុងជួបប្រទះរលកត្រជាក់ និងសីតុណ្ហភាពនៅជិត ឬទាបជាងកម្រិតកក៕

រដ្ឋាភិបាលយេម៉ែន ព្រមានក្រុមហ៊ួទីប្រឆាំងនឹងការកើនឡើងផ្នែកយោធា នៅសមុទ្រក្រហម

ក្រុមប្រឹក្សាដឹកនាំរបស់ប្រធានាធិបតី(PLC)នៃប្រទេសយេម៉ែន បានកោះប្រជុំបន្ទាន់មួយកាលពីថ្ងៃអាទិត្យ ដើម្បីដោះស្រាយស្ថានភាពសន្តិសុខដែលកាន់តែយ៉ាប់យ៉ឺនក្នុងប្រទេស និងការកើនឡើងផ្នែកយោធាដោយកងកម្លាំងហ៊ួទី។យោងតាមសេចក្តីថ្លែងការណ៍ដែលចេញផ្សាយដោយទីភ្នាក់ងារសារព័ត៌មានរដ្ឋ Saba ក្រុមប្រឹក្សានេះ បានព្រមានក្រុមឧទ្ទាមហ៊ួទីប្រឆាំងនឹងផលវិបាកនៃការវាយប្រហារកាន់តែខ្លាំង ការកំណត់គោលដៅជនស៊ីវិល និងធ្វើឲ្យប៉ះពាល់ដល់កិច្ចខិតខំប្រឹងប្រែងសន្តិភាព។ប្រភពរដ្ឋាភិបាល បាននិយាយថា ប៉ុន្មានថ្ងៃថ្មីៗនេះ បានឃើញការប្រមូលផ្តុំរបស់ក្រុមហ៊ួទី និងការដាក់ឲ្យឈរជើងឡើងវិញនូវក្រុមយុទ្ធជន យានយន្ត និងសព្វាវុធនៅខ្សែត្រៀមជួរមុខមួយចំនួននៃប្រទេសអារ៉ាប់ដែលបំផ្លិចបំផ្លាញដោយសង្រ្គាមនេះ។សេចក្តីថ្លែងការណ៍នោះ បានសរសើរ «ការត្រៀមខ្លួនរបស់កងកម្លាំងប្រដាប់អាវុធយេម៉ែន និងក្រុមតស៊ូដ៏ពេញនិយម ការពារស្ថាប័នរដ្ឋរបស់ប្រទេស និងប្រឆាំងនឹងការឈ្លានពានរបស់ក្រុមឧទ្ទាមហ៊ួទី»។ក្រុមប្រឹក្សាដឹកនាំនេះ ក៏បានពិនិត្យមើលផលប៉ះពាល់ដែលអាចកើតមានលើការដឹកជញ្ជូន និងពាណិជ្ជកម្មសកលពីការវាយប្រហាររបស់ក្រុមហ៊ួទីម្តងហើយម្តងទៀត នៅក្នុងដែនទឹក ដោយបង្ហាញក្តីសង្ឃឹមថា ការរួបរួមអន្តរជាតិ នឹងពង្រឹងសមត្ថភាពរបស់ប្រទេសយេម៉ែន ដើម្បីការពារដែនទឹក និងអធិបតេយ្យភាពរបស់ខ្លួន។

ក្រុមហាម៉ាស នៅតែមានគ្រាប់រំសេវគ្រប់គ្រាន់ ដើម្បីបន្តប្រយុទ្ធជាមួយអ៊ីស្រាអែលជាច្រើនខែ

សារព័ត៌មានធំមួយ នៅសហរដ្ឋអាមេរិកនិយាយថា ទីភ្នាក់ងារស៊ើបការណ៍សម្ងាត់សហរដ្ឋអាមេរិក បានប៉ាន់ប្រមាណថា ក្រុមហាម៉ាសប៉ាឡេស្ទីន នៅតែមានគ្រាប់រំសេវគ្រប់គ្រាន់ដើម្បីបន្តការវាយប្រហារលើអ៊ីស្រាអែល និងកងកម្លាំងអ៊ីស្រាអែល នៅតំបន់ហ្កាហ្សា រយៈពេលជាច្រើនខែទៀត។ សារព័ត៌មាន The Wall Street Journal បានចុះផ្សាយអត្ថបទមួយអំពីការប៉ាន់ប្រមាណ កាលពីថ្ងៃអាទិត្យ។ អត្ថបទនេះបាននិយាយថា សហរដ្ឋអាមេរិក ក៏បានប៉ាន់ប្រមាណថា ក្រុមហាម៉ាស មានអ្នកប្រយុទ្ធរហូតដល់ ៣០.០០០នាក់ មុនពេលសង្គ្រាម ដោយ ២០ ទៅ ៣០ ភាគរយក្នុងចំណោមពួកគេត្រូវបានសម្លាប់ដោយកងកម្លាំងអ៊ីស្រាអែល បន្ទាប់ពីការប្រយុទ្ធគ្នាចាប់ផ្តើម។ អត្ថបទនេះ ក៏បានដកស្រង់សម្តីមន្ត្រីសហរដ្ឋអាមេរិកម្នាក់ ដោយនិយាយថា សហរដ្ឋអាមេរិក ប៉ាន់ប្រមាណថា ក្រុមសកម្មប្រយុទ្ធប្រហែល ១១.០០០នាក់ បានរងរបួស ហើយថា អ្នកទាំងនោះភាគច្រើន អាចត្រឡប់ទៅសមរភូមិវិញ។ អត្ថបទមួយផ្សេងទៀត ដែលចុះផ្សាយដោយសារព័ត៌មាន The Wall Street កាលពីថ្ងៃអាទិត្យ បាននិយាយថា សហរដ្ឋអាមេរិក ប្រទេសអេហ្ស៊ីប និងកាតា កំពុងជំរុញ អ៊ីស្រាអែល និងក្រុមហាម៉ាស ឱ្យចូលរួមក្នុងដំណើរការផ្នែកការទូតជាដំណាក់កាល ដែលនឹងនាំទៅដល់ការបញ្ចប់សង្រ្គាមនៅតំបន់ហ្សា។ អត្ថបទនេះ និយាយថាអ្នកសម្រុះសម្រួល បានស្នើសុំផែនការ៣ដំណាក់កាល រយៈពេល ៩០ ថ្ងៃ ដែលនឹងផ្អាកការប្រយុទ្ធសម្រាប់ចំនួនថ្ងៃដែលពុំបានបញ្ជាក់។ អត្ថបទនេះ និយាយថា ដំណាក់កាលទីមួយ នឹងពាក់ព័ន្ធទៅនឹងក្រុមហាម៉ាសដោះលែងចំណាប់ថ្នូរជនស៊ីវិលអ៊ីស្រាអែលទាំងអស់ ហើយអ៊ីស្រាអែលដោះលែងអ្នកទោសប៉ាឡេស្ទីនរាប់រយនាក់។ អ៊ីស្រាអែល ក៏នឹងដកកងកម្លាំងចេញពីទីប្រជុំជន និងក្រុងនានានៅតំបន់ហ្កាហ្សា ហើយបង្កើនចំនួនជំនួយទ្វេដងចូលក្នុងតំបន់ហ៊ុមព័ទ្ធនោះ។ អ៊ីស្រាអែល បានបន្តការវាយវាយប្រហារដោយយោធារបស់ខ្លួននៅទីក្រុង Khan Younis និងផ្នែកផ្សេងទៀតនៅតំបន់ហ្កាហ្សា កាលពីថ្ងៃអាទិត្យ។ មន្ត្រីសុខាភិបាលក្នុងតំបន់បាននិយាយថា មនុស្ស ១៧៨ នាក់ ត្រូវបានសម្លាប់ក្នុងរយៈពេល ២៤ ម៉ោងចុងក្រោយនេះ ដែលបង្កើនចំនួនអ្នកស្លាប់សរុបដល់ ២៥.១០៥នាក់។

៣សប្តាហ៍ បន្ទាប់ពីការរញ្ជួយដីនៅឧបទ្វីប Noto ជំនួយផ្នែកសុខភាពគឺជាបញ្ហាមួយ

មនុស្សជាង ១៥.០០០នាក់ នៅតែស្នាក់នៅក្នុងទីជម្រកក្នុងខេត្ត Ishikawa រយៈពេលបីសប្តាហ៍ បន្ទាប់ពីការរញ្ជួយដីដ៏មានឥទ្ធិពល បានវាយប្រហារឧបទ្វីប Noto កាលពីថ្ងៃចូលឆ្នាំថ្មី។ កម្រិតអាំងតង់ស៊ីតេចំនួន៧កម្រិត នៅលើមាត្រដ្ឋានរញ្ជួយដីជប៉ុនពី សូន្យដល់ប្រាំពីរ ត្រូវបានចុះបញ្ជីនៅក្នុងខេត្ត Ishikawa ។ ក្រុមមន្ត្រីខេត្ត បានបញ្ជាក់ថា មនុស្ស២៣២នាក់បានស្លាប់ និង២២នាក់ផ្សេងទៀតនៅបាត់ខ្លួននៅឡើយ។គិតត្រឹមម៉ោង២រសៀល កាលពីថ្ងៃអាទិត្យ លំនៅឋាននិងអគារជាង ៣៤.០០០ខ្នង ត្រូវបានគេបញ្ជាក់ថាបានរងការខូចខាតដោយការរញ្ជួយដី។ គ្រួសារជាង ៤៩.០០០គ្រួសារ នៅតែគ្មានទឹកម៉ាស៊ីនប្រើប្រាស់ ដោយសារការរញ្ជួយដី បានបណ្តាលឱ្យខូចខាតធ្ងន់ធ្ងរដល់ហេដ្ឋារចនាសម្ព័ន្ធ។ ការផ្គត់ផ្គង់ទឹក ត្រូវបានផ្អាកនៅក្នុងទីក្រុង និងទីប្រជុំជនចំនួន៦ នៅក្នុងខេត្ត Ishikawa ។ វាត្រូវបានគេរំពឹងថា នឹងត្រូវបានស្ដារឡើងវិញជាបណ្ដោះអាសន្ននៅចុងខែកុម្ភៈខាងមុខនេះ។សហគមន៍មួយចំនួន ស្ថិតនៅឯកោ ដោយសារផ្លូវថ្នល់រងការបំផ្លាញ ឬផ្លូវត្រូវបានបិទ នៅពេលមានការរញ្ជួយដី។ សហគមន៍ទាំងនេះ នឹងត្រូវបានគេជឿថាលែងនៅឯកោទៀតហើយ ប៉ុន្តែមួយចំនួននៅតែត្រូវការជំនួយ ដោយសារស្ថានភាពផ្លូវមិនល្អ។ គិតត្រឹមម៉ោង២រសៀល ថ្ងៃអាទិត្យ មនុស្ស ១៥.៦៥៦ នាក់កំពុងស្នាក់នៅទីតាំងអគារជម្លៀសខ្លួន ហើយស្ថានភាព មិនទំនងជាបានប្រសើរឡើងគ្រប់ពេលវេលានោះទេ។ អ្នកជម្លៀស ក៏ត្រូវស៊ូទ្រាំទៅនឹងស្ថានភាពរដូវរងាដ៏អាក្រក់ ដោយសារការធ្លាក់ព្រិលខ្លាំង ត្រូវបានគេរំពឹងទុកចាប់ពីថ្ងៃអង្គារ រហូតដល់ថ្ងៃពុធ។មិនតែប៉ុណ្ណោះ ជំងឺឆ្លង បាននិងកំពុងរាលដាលនៅតាមមជ្ឈមណ្ឌលជម្លៀសខ្លួនមួយចំនួន ហើយជំនួយដើម្បីជួយអ្នកជម្លៀសឱ្យមានសុខភាពល្អ គឺចាំបាច់បំផុត។

បណ្ដាញសង្គម

ព័ត៌មានថ្មីៗ

ក្រុមអ្នកជួយសង្គ្រោះ៖ មនុស្ស ៤នាក់ទៀតដែលជាប់ក្នុងរូងភ្នំ នៅឡាវ ត្រូវបាននាំចេញដោយសុវត្ថិភាព

លោក Hegseth៖ យុគសម័យឧបត្ថម្ភធនការពារជាតិពីអាមេរិក សម្រាប់ «ប្រទេសអ្នកមាន» ចប់ហើយ

មន្ត្រីជាន់ខ្ពស់អ៊ីរ៉ង់ និយាយថា លោក Trump «ក្បត់ការទូត» ដោយបន្តបិទខ្ទប់ដោយទ័ពជើងទឹកអាមេរិក

វេជ្ជបណ្ឌិត៖ សុខភាពលោក Trump គឺល្អប្រសើរណាស់ ប៉ុន្តែគួរតែសម្រកទម្ងន់

អ្នកនៅរស់ពីការជាប់ក្នុងរូងភ្នំ នៅឡាវ បានបរិភោគថាសឈើសម្រាប់រែងមាស ដើម្បីបន្តជីវិត

មនុស្ស ១៨នាក់ស្លាប់ និង ៣០នាក់រងរបួស ដោយសាររថយន្តដឹកជនភៀសខ្លួន ក្រឡាប់នៅភាគខាងកើតអាហ្វហ្គានីស្ថាន

សេតវិមាន៖ លោក Trump «នឹងធ្វើតែកិច្ចព្រមព្រៀងដែលល្អសម្រាប់អាមេរិកប៉ុណ្ណោះ» ជាមួយអ៊ីរ៉ង់

នាយករដ្ឋមន្ត្រី៖ កាណាដា និងចិន កំពុងសាង «ភាពជាដៃគូប្រកបដោយស្ថិរភាព និងការស្ថាបនាបន្ថែមទៀត»

រដ្ឋមន្រ្ដីក្រសួងការងារ ចុះពិនិត្យមើលខ្សែច្រវាក់ផលិតកម្មក្រុមហ៊ុន THACO AGRI ក្នុងខេត្តក្រចេះ ដែលផ្តល់ឱកាសការងារប្រមាណ២ម៉ឺននាក់ និងផ្ទេរជំនាញបច្ចេកទេសកសិកម្មទំនើប

របាយការណ៍៖ សភាអាមេរិកកំពុងធ្វើសមាហរណកម្មកងកម្លាំងយោធាអាមេរិក និងអ៊ីស្រាអែលដោយស្ងាត់ៗ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877