BTV NEWS

តំណាងអយ្យការចោទប្រកាន់ រតនៈ ពិសាល ពីបទហិង្សាដោយចេតនាមានស្ថានទម្ងន់ទោស ក្រោយបង្កហិង្សា និងអះអាងថា ខ្លួនជាកូនខ្លាមេ០៧

សាម ម៉ីជូ ត្រូវបាននគរបាលនាំខ្លួនដល់អយ្យការអមសាលាដំបូងរាជធានីភ្នំពេញហើយ ដើម្បីចោទប្រកាន់

ក្មេងទំនើងដែលបង្កហិង្សា និងអះអាងថាខ្លួនជាកូនខ្លាមេ០៧ ត្រូវបានអាវុធហត្ថបញ្ជូនដល់ដំណាក់កាលអយ្យការហើយ

៦ខែដើមឆ្នាំ២០២៦ សមត្ថកិច្ចក្រសួងមហាផ្ទៃចុះឆែកឆេរជិត ៣ម៉ឺនទីតាំង ឃាត់ខ្លួនជនបរទេស Online Scams ជាង ២ពាន់នាក់ និងពិន័យប្រាក់ម្ចាស់ទីតាំងជិត ៨ប៊ីលានរៀល

សន្តិសុខ និង សង្គម

មនុស្ស៨នាក់បានស្លាប់ និងម្នាក់បាត់ខ្លួន បន្ទាប់ពីព្យុះវាយប្រហារប្រទេសអូស្ត្រាលី

នគរបាលអូស្ត្រាលី បាននិយាយថា មនុស្សយ៉ាងហោចណាស់៨ នាក់ បានស្លាប់ និងម្នាក់ ផ្សេងទៀត នៅតែបន្តបាត់ខ្លួន បន្ទាប់ពីព្យុះភ្លៀងដ៏ធ្ងន់ធ្ងរ បានវាយប្រហារបណ្ដារដ្ឋនៅភាគខាងកើតរបស់ប្រទេសអូស្ត្រាលី អំឡុងថ្ងៃបុណ្យណូអែល ស្របពេលលំនៅឋានរាប់ម៉ឺនខ្នងនៅតែពុំទាន់មានអគ្គិសនីប្រើប្រាស់ នៅឡើយនៅក្នុងរដ្ឋឃ្វីនលែន (Queensland)។ នគរបាលរដ្ឋ វីកតូរីយ៉ា (Victoria) និងឃ្វីនលែន បានបញ្ជាក់ពីការស្លាប់មនុស្សចំនួន៨នាក់ ជនរងគ្រោះក្មេងជាងគេបំផុត គឺជាក្មេងស្រីម្នាក់ មានអាយុ៩ឆ្នាំ ដែលសារព័ត៌មានក្នុងស្រុក បានរាយការណ៍ក្មេងស្រីរងគ្រោះត្រូវទឹកហូរគួចនាំចូលក្នុងលូតាមទឹកជំនន់។ នគរបាលនៅតែបន្តស្វែងរកមនុស្សម្នាក់ផ្សេងទៀត ដែលកំពុងបាត់ខ្លួន នៅថ្ងៃពុធនេះ បន្ទាប់ពីទូក ដែលពួកគេកំពុងជិះ បានលិចនៅភាគខាងត្បូងកោះគ្រីន (Green Island) ជិតទីក្រុង ប្រ៊ីសបាន (Brisbane)ក្នុងរដ្ឋឃ្វីនលែន ។ នគរបាល ក៏កំពុងតាមរក ស្រ្តីចំណាស់ម្នាក់ ដែលត្រូវបានជាប់ក្នុងទឹកជំនន់ នៅភាគខាងជើងទីក្រុង ប្រ៊ីសបាន ក្នុងតំបន់ជីមផាយ(Gympie)ផងដែរ។ ព្យុះភ្លៀងដ៏ធ្ងន់ធ្ងរ បានវាយប្រហារលើរដ្ឋនានាភាគខាងកើត កាលពីថ្ងៃទី២៥ និង២៦ខែធ្នូ ដែលនាំមកនូវដុំទឹកកកធំៗ ខ្យល់បោកបក់ និងភ្លៀងធ្លាក់ខ្លាំង។ ទន្លេនានាត្រូវបានពេញហៀរដោយទឹកជំនន់ ហើយខ្យល់ខ្លាំងបានបោកបក់បំប៉ើងដំបូលផ្ទះ និងផ្ដួលរម្លើងដើមឈើនៅក្នុងតំបន់រងគ្រោះធ្ងន់ធ្ងរបំផុតមួយចំនួន៕

ទីក្រុងបាកដាដ ថ្កោលទោសការវាយប្រហាររបស់សហរដ្ឋអាមេរិក លើមូលដ្ឋានយោធារបស់អ៊ីរ៉ាក់

រដ្ឋាភិបាលអ៊ីរ៉ាក់កាលពីថ្ងៃអង្គារបានថ្កោលទោសការវាយប្រហារតាមផ្លូវអាកាសទាំងយប់របស់សហរដ្ឋអាមេរិក លើមូលដ្ឋានយោធារបស់ប្រទេសអ៊ីរ៉ាក់ដែលខ្លួនបាននិយាយថាបានសម្លាប់ទាហានម្នាក់និង ១៨នាក់ផ្សេងទៀតបានរបួស ដោយហៅការវាយប្រហារទាំងនោះថាជា អំពើអរិភាពយ៉ាងច្បាស់។ សហរដ្ឋអាមេរិកបានបើកការវាយប្រហារសងសឹកតាមអាកាស កាលពីថ្ងៃចន្ទនៅក្នុងប្រទេសអ៊ីរ៉ាក់ បន្ទាប់ពីការវាយប្រហារដោយយានដ្រូន កាលពីព្រឹកមិញ នៅថ្ងៃចន្ទដដែលនោះ ពីសំណាក់ក្រុមសកម្មប្រយុទ្ធ គាំទ្រដោយប្រទេសអ៊ីរ៉ង់ ដែលបានធ្វើឱ្យសមាជិកកងទ័ពអាមេរិកម្នាក់រងរបួសធ្ងន់ និងពីរនាក់ទៀតរងរបួសស្រាល។ សេចក្តីថ្លែងការណ៍មួយរបស់រដ្ឋាភិបាលអ៊ីរ៉ាក់ បាននិយាយថា រដ្ឋាភិបាលបានថ្កោលទោសការវាយប្រហាររបស់សហរដ្ឋអាមេរិក ថាជា ការរំលោភបំពានមិនអាចទទួលយកបាន លើអធិបតេយ្យភាពរបស់អ៊ីរ៉ាក់ ស្របពេល សង្កត់ធ្ងន់ថា ការវាយប្រហារដោយក្រុមប្រដាប់អាវុធដាក់គោលដៅលើមូលដ្ឋានយោធាដែលមានទីប្រឹក្សាចម្រុះដឹកនាំដោយសហរដ្ឋអាមេរិក គឺជាទង្វើអរិភាព និងរំលោភលើអធិបតេយ្យភាពអ៊ីរ៉ាក់។ ប្រភពសន្តិសុខអ៊ីរ៉ាក់ចំនួនពីរបាននិយាយថា ការវាយប្រហារតាមអាកាសទាំងយប់ជ្រៅរបស់សហរដ្ឋអាមេរិក បានដាក់គោលដៅលើទីស្នាក់ការកណ្តាលសម្រាប់ក្រុមប្រដាប់អាវុធអ៊ីរ៉ាក់ កាថេបហេសូឡា(Kataib Hezbollah) ក្នុងទីក្រុង ហ៊ីឡា (Hilla) ភាគខាងត្បូងនៃទីក្រុងបាកដាដ(Baghdad )របស់ប្រទេសអ៊ីរ៉ាក់។ គួរឲ្យដឹងថា សហរដ្ឋអាមេរិក មានកងទ័ពចំនួន៩០០នាក់ នៅក្នុងប្រទេសស៊ីរី និង២.៥០០នាក់ នៅក្នុងប្រទេសអ៊ីរ៉ាក់ សម្រាប់បេសកកម្ម ដែលខ្លួននិយាយថា ក្នុងបំណងផ្ដល់ការប្រឹក្សា និងទប់ទល់កងកម្លាំងក្នុងតំបន់ដែលព្យាយាមទប់ស្កាត់ការងើបឡើងវិញនៃក្រុមរដ្ឋអ៊ីស្លាម ដែលបានដណ្ដើមទឹកដីយ៉ាងច្រើនកាលពីឆ្នាំ២០១៤ នៃប្រទេសទាំង២ មុនពេលក្រុមនោះត្រូវបានបោសសម្អាត៕

ក្រុមហ៊ុន Apple ប្តឹងឧទ្ធរណ៍បន្ទាប់ពីរដ្ឋបាលអាមេរិក អនុញ្ញាតឲ្យមានបម្រាមលើការនាំចូលនាឡិកា

ក្រុមហ៊ុន អេផល (Apple) កាលពីថ្ងៃអង្គារ (២៦ ធ្នូ) បានប្តឹងឧទ្ធរណ៍លើការសម្រេចហាមឃាត់ការនាំចូលនាឡិកា អេផលវ៉ច (Apple Watches) របស់ខ្លួនដោយផ្អែកលើពាក្យបណ្តឹងរបស់ក្រុមហ៊ុនបច្ចេកវិទ្យាត្រួតពិនិត្យវេជ្ជសាស្ត្រ ម៉ាស៊ីម៉ូ (Masimo) បន្ទាប់ពីរដ្ឋបាលរបស់ប្រធានាធិបតីសហរដ្ឋអាមេរិក លោក ចូ បៃដិន (Joe Biden) បានបដិសេធមិនប្រើសិទ្ធិវេតូលើសាលក្រមរបស់រដ្ឋាភិបាល។ ក្រុមហ៊ុនបច្ចេកវិទ្យាខ្នាតយក្សមួយនេះក៏បានដាក់សំណើបន្ទាន់មួយកាលពីថ្ងៃអង្គារ ដល់សាលាឧទ្ធរណ៍របស់សហរដ្ឋអាមេរិក សម្រាប់តុលាការសហព័ន្ធប្រចាំតំបន់ដើម្បីបញ្ឈប់ការហាមឃាត់នេះ។ក្រុមហ៊ុននេះបានស្នើឱ្យតុលាការសហព័ន្ធប្រចាំតំបន់ផ្អាកការហាមប្រាមនេះ យ៉ាងហោចណាស់រហូតដល់ទីភ្នាក់ងារគយ និងការការពារព្រំដែនរបស់សហរដ្ឋអាមេរិក សម្រេចថាតើកំណែដែលបានរចនាឡើងវិញនៃនាឡិការបស់ខ្លួនរំលោភលើប៉ាតង់របស់ក្រុមហ៊ុនបច្ចេកវិទ្យាត្រួតពិនិត្យវេជ្ជសាស្ត្រ ម៉ាស៊ីម៉ូ ឬយ៉ាងណា និងដើម្បីបញ្ឈប់ការហាមឃាត់នេះ ខណៈពេលដែលតុលាការពិចារណាលើសំណើរបស់ក្រុមហ៊ុនអេផល។បទបញ្ជារបស់គណៈកម្មការពាណិជ្ជកម្មអន្តរជាតិរបស់សហរដ្ឋអាមេរិក (ITC) រារាំងការនាំចូល និងការលក់នាឡិកា អេផលវ៉ច ដែលប្រើបច្ចេកវិទ្យាអានកម្រិតអុកស៊ីហ្សែនក្នុងឈាម។ ក្រុមហ៊ុន អេផលបានរួមបញ្ចូលមុខងារវាស់កម្រិតអុកស៊ីហ្សែនក្នុងឈាមតាមជីពចរនេះនៅក្នុងនាឡិកាឆ្លាតវៃរបស់ខ្លួន ដែលចាប់ផ្តើមជាមួយនឹងម៉ូដែលស៊េរី៦ ក្នុងឆ្នាំ២០២០។

ចំនួនអ្នកស្លាប់កើនដល់ជាង២០.៩០០នាក់ នៅខាងប៉ាឡេស្ទីន ដោយសារសង្រ្គាមកំពុងបន្តនៅតំបន់ហ្កាហ្សា

ក្រសួងសុខាភិបាលដែលមានមូលដ្ឋាននៅតំបន់ហ្កាហ្សា បាននិយាយកាលពីថ្ងៃអង្គារ (២៦ ធ្នូ) ថាយ៉ាងហោចណាស់ជនជាតិប៉ាឡេស្ទីនចំនួន ២០.៩១៥នាក់ ត្រូវបានសម្លាប់ និងមនុស្សចំនួន ៥៤.៩១៨នាក់ ផ្សេងទៀតបានរងរបួសនៅក្នុងជម្លោះអ៊ីស្រាអែល និងក្រុមហាម៉ាស ចាប់តាំងពីថ្ងៃទី០៧ ខែតុលា មក។ អ្នកនាំពាក្យរបស់ក្រសួងលោក អាស្រាហ្វ អាល់កេដ្រា (Ashraf Al-Qedra) បាននិយាយនៅក្នុងសេចក្តីថ្លែងការណ៍មួយថា ក្នុងរយៈពេល ២៤ម៉ោងកន្លងមកនេះ ប្រជាជនប៉ាឡេស្ទីនចំនួន ២៤១នាក់ បានស្លាប់ និងមនុស្ស ៣៨២នាក់ ផ្សេងទៀតបានរងរបួសនៅក្នុងប្រតិបត្តិការផ្លូវអាកាស និងដីចំនួន១៨ដង ដែលបានចាប់ផ្តើមដោយកងកម្លាំងអ៊ីស្រាអែល នៅទូទាំងតំបន់ដែលគ្រប់គ្រងដោយក្រុមហាម៉ាសមួយនេះ។លោក Al-Qedra បានអំពាវនាវដល់អង្គការអន្តរជាតិឱ្យជួយការពារមន្ទីរពេទ្យ និងបុគ្គលិកពេទ្យនៅហ្កាហ្សា ក៏ដូចជាអ្នករបួស អ្នកឈឺ និងអ្នកភៀសខ្លួននៅទីនោះ។ លោកក៏បានជំរុញសហគមន៍អន្តរជាតិឱ្យ «បង្កើនកិច្ចខិតខំប្រឹងប្រែងជាបន្ទាន់ដើម្បីធានាការផ្តល់ថ្នាំ និងប្រេងឥន្ធនៈ ដែលត្រូវការជាបន្ទាន់សម្រាប់អ្នករបួស និងអ្នកជំងឺរាប់ពាន់នាក់នៅហ្កាហ្សា»។ទន្ទឹមនឹងនេះ ក្រុមហ៊ុនផ្តល់សេវាទូរគមនាគមន៍សំខាន់របស់ហ្កាហ្សា ឈ្មោះថា ផាលតែល (Paltel) បានប្រកាសតាមរយៈប្រព័ន្ធផ្សព្វផ្សាយសង្គម X ថាមានការដាច់បណ្ដាញទាំងស្រុង រួមទាំងសេវាអ៊ីនធឺណិត និងទូរស័ព្ទទាំងអស់ ដោយសារការវាយប្រហារបន្តរបស់អ៊ីស្រាអែល។ ក្រុមហ៊ុននេះបានបន្ថែមថាក្រុមបច្ចេកទេសរបស់ខ្លួនកំពុងធ្វើការដើម្បីស្តារសេវាកម្មឡើងវិញ ទោះបីជាមានស្ថានភាពគ្រោះថ្នាក់ខ្លាំងក៏ដោយ៕

អ៊ីស្រាអែល៖ ការវាយប្រហារលើនាវាគឺជាសកម្មភាពនៃអំពើភេរវកម្មរបស់អ៊ីរ៉ង់ ដែលធ្វើឡើងដោយក្រុមហ៊ូទី

អ្នកនាំពាក្យយោធាអ៊ីស្រាអែល លោក ដានីញែល ហាហ្ការី (Daniel Hagari) បាននិយាយកាលពីថ្ងៃអង្គារ (២៦ ធ្នូ) ថា ការវាយប្រហារនៅសមុទ្រលើនាវាដែលមិនមានទំនាក់ទំនងជាមួយអ៊ីស្រាអែល គឺជាអំពើភេរវកម្មរបស់អ៊ីរ៉ង់ ដែលធ្វើឡើងដោយក្រុមឧទ្ទាមហ៊ូទី (Houthi)។ការលើកឡើងនេះធ្វើឡើងបន្ទាប់ពីប្រកាសពីការស្ទាក់ចាប់គោលដៅដែនអាកាសអរិភាព ដែលត្រូវបានស្ទាក់ចាប់ដោយយន្តហោះចម្បាំងអ៊ីស្រាអែល ពីលើតំបន់សមុទ្រក្រហម ដែលកំពុងតែធ្វើដំណើរទៅកាន់ទឹកដីអ៊ីស្រាអែល។ កងជីវពល ហ៊ូទី ដែលគាំទ្រដោយអ៊ីរ៉ង់ របស់ប្រទេសយេម៉ែន បានអះអាងទទួលខុសត្រូវចំពោះការវាយប្រហារដោយមីស៊ីលកាលពីថ្ងៃអង្គារ (២៦ ធ្នូ) លើនាវាកុងតឺន័រនៅសមុទ្រក្រហម និងសម្រាប់ការប៉ុនប៉ងវាយប្រហារអ៊ីស្រាអែលដោយយានដ្រូន។ចាប់តាំងពីខែមុន ក្រុមហ៊ូទី ដែលគ្រប់គ្រងទឹកដីដ៏ច្រើនសន្ធឹកសន្ធាប់ក្នុងប្រទេសយេម៉ែន បន្ទាប់ពីសង្រ្គាមជាច្រើនឆ្នាំ បានបាញ់យានដ្រូន និងមីស៊ីលទៅកាន់នាវាអន្តរជាតិដែលធ្វើដំណើរឆ្លងកាត់សមុទ្រក្រហម ក្នុងការវាយប្រហារដែលខ្លួននិយាយថាជាការឆ្លើយតបទៅនឹងការវាយលុករបស់អ៊ីស្រាអែល លើតំបន់ហ្កាហ្សាស្ទ្រីប៕

អ៊ុយក្រែន បំផ្លាញនាវារុស្ស៊ី ក្នុងការវាយប្រហារតាមអាកាស នៅតំបន់គ្រីម៉េ

មេបញ្ជាការទ័ពអាកាសរបស់ប្រទេសអ៊ុយក្រែន បានអះអាងថា កងទ័ពអាកាសអ៊ុយក្រែន បានបំផ្លាញនាវាដែលអាចចល័តបានទាំងក្នុងទឹក និងលើគោករបស់រុស្ស៊ី នៅក្នុងការវាយឆ្មក់កាលពីព្រឹកថ្ងៃអង្គារ ដែលជាការខាតបង់ដ៏ធំសម្រាប់កងទ័ពជើងទឹករុស្ស៊ី។ក្រសួងការពារជាតិរុស្ស៊ី បានបញ្ជាក់ថា នាវាNovocherkassk ដែលបានចូលចតនៅទីក្រុង Feodosia នៃតំបន់គ្រីម៉េ ត្រូវរងការខូចខាត ក្នុងការវាយប្រហារមួយ ដោយបន្ថែមថា យន្តហោះចម្បាំងអ៊ុយក្រែនពីរគ្រឿង ត្រូវបានបាញ់ទម្លាក់ ក្នុងអំឡុងពេលប្រតិបត្តិការ។ប្រព័ន្ធផ្សព្វផ្សាយរដ្ឋរុស្ស៊ី TASS បានរាយការណ៍ថា មនុស្សម្នាក់ បានស្លាប់ និងពីរនាក់ បានរងរបួស នៅក្នុងការវាយប្រហារនេះ។ ប្រព័ន្ធផ្សព្វផ្សាយនេះ បានឲ្យដឹងទៀតថា ឃ្លាំងគ្រាប់រំសេវមួយ បានផ្ទុះឡើង ចំពេលមានការវាយប្រហារនោះ។មេទ័ពអាកាសអ៊ុយក្រែន លោក Mykola Oleshchuk បាននិយាយនៅលើបណ្តាញសង្គមTelegram ដោយចំអកជនជាតិរុស្ស៊ីថា៖«កងនាវានៅរុស្ស៊ី គឺកាន់តែតូចទៅៗ!»។លោក Oleshchuk បានចែករំលែកវីដេអូមួយដែលហាក់ដូចជាបង្ហាញពីការផ្ទុះដ៏ធំនៅកំពង់ផែ។យោធាអ៊ុយក្រែន បានអះអាងថា នាវា Novocherkassk បានបម្រើការជាចំណុចចាប់ផ្តើមសម្រាប់ការវាយប្រហារដោយយានដ្រូន នៅសមុទ្រខ្មៅ។ លោក Oleshchuk បាននិយាយថា ការវាយប្រហារកាលពីថ្ងៃអង្គារ គឺកើតឡើងបន្ទាប់ពីការបំផ្លិចបំផ្លាញនៃនាវាចម្បាំងរុស្ស៊ី Moskva នៅក្នុងខែមេសា ឆ្នាំ ២០២២ មិនយូរប៉ុន្មាន បន្ទាប់ពីការចាប់ផ្តើមនៃសង្រ្គាម។

អ៊ីស្រាអែល ពង្រីកប្រតិបត្តិការយោធា ចូលទៅក្នុងជំរុំជនភៀសខ្លួននានា នៅក្នុងទីក្រុង

ទាហានអ៊ីស្រាអែល បានពង្រីកការវាយលុកថ្នើរជើង ចូលទៅក្នុងជំរំជនភៀសខ្លួន នៅទូទាំងតំបន់ហ្កាហ្សាភាគកណ្តាល ដោយអះអាងថា ការតាំងទីលំនៅ ត្រូវបានប្រើប្រាស់ដោយក្រុមសកម្មប្រយុទ្ធប៉ាឡេស្ទីន។យោធាអ៊ីស្រាអែល បានចែករំលែកវីដេអូអំពីទាហានចូលក្នុងជំរំ Bureij រួមជាមួយអ្នកដទៃទៀត នៅតំបន់ហ្គាហ្សាភាគកណ្តាល បន្ទាប់ពីបានអះអាងថា ខ្លួនបានរកឃើញភ័ស្តុតាងនៃសកម្មភាពយោធា នៅទីតាំងនោះ។វីដេអូមួយដែលត្រូវបានចែករំលែកដោយយោធា បង្ហាញពីរថក្រោះ និងរថពាសដែក ដែលកំពុងរុលចូលទៅក្នុងជំរុំ នៅតំបន់ហ្កាហ្សាភាគកណ្តាល។មន្ត្រីយោធាអ៊ីស្រាអែល បាននិយាយថា ពួកគេមានទីតាំងនៅផ្លូវរូងក្រោមដី អាវុធ និងមជ្ឈមណ្ឌលហ្វឹកហ្វឺន ក្នុងទីក្រុង Bureij ហើយក៏បានបញ្ចេញនូវអ្វីដែលមើលទៅដូចជាវីដេអូនៃប្រតិបត្តិការហ្វឹកហ្វឺនដែលធ្វើឡើងដោយក្រុមហាម៉ាស គឺក្រុមសកម្មប្រយុទ្ធប៉ាឡេស្ទីនដែលអ៊ីស្រាអែលកំពុងប្តេជ្ញាថា នឹងកម្ទេច។ជំរំជនភៀសខ្លួន ជាធម្មតាជាតំបន់ទីក្រុង ដែលត្រូវប្រើផ្តល់ជម្រកដល់ជនស៊ីវិលប៉ាឡេស្ទីន ដែលរត់គេចពីជម្លោះ។ អ៊ីស្រាអែល ក៏បានវាយប្រហារម្តងហើយម្តងទៀតទៅលើជំរំជនភៀសខ្លួន Jabalia នៅតំបន់ហ្កាហ្សាភាគខាងជើង ចាប់តាំងពីសង្រ្គាម បានចាប់ផ្តើម នៅថ្ងៃទី៧ ខែតុលា។

មនុស្ស២៤១នាក់ បានស្លាប់ក្នុងការវាយប្រហាររបស់អ៊ីស្រាអែល ក្នុងរយៈពេល២៤ម៉ោងចុងក្រោយនៅតំបន់ហ្កាហ្សា

ក្រសួងសុខាភិបាលគ្រប់គ្រងដោយក្រុមហាម៉ាសរបស់តំបន់ហ្កាហ្សាបាននិយាយថាមនុស្សយ៉ាងហោចណាស់២៤១នាក់ បានស្លាប់ក្នុងរយៈពេល២៤ ម៉ោងចុងក្រោយនេះ ខណៈប្រតិបត្តិការយោធារបស់អ៊ីស្រាអែលនៅតែបន្តនៅក្នុងដែនដីរងការបំផ្លិចបំផ្លាញមួយនេះ។ ប្រធានអាជ្ញាធរប៉ាឡេស្ទីន ម៉ាខ្មូដ អាបាស (Mahmoud Abbas) បានហៅសង្រ្គាមថាជាឧក្រិដ្ឋកម្មធ្ងន់ធ្ងរ លើប្រជាជនរបស់លោក។ អ៊ីស្រាអែលនិយាយថា ខ្លួនបានវាយប្រហារដាក់គោលដៅលើទីតាំងជាង ១០០កន្លែង កាលពីថ្ងៃអង្គារ ស្របពេលមានរបាយការណ៍ជាច្រើន អំពីប្រតិបត្តិការថ្មើរជើងដែលជិតចូលទៅដល់កណ្តាលតំបន់ហ្កាហ្សា។គេអាចលឺសំឡេងនៃការផ្ទុះខ្លាំងៗជាច្រើន ពីតំបន់ហ្កាហ្សាស្ទ្រីប ឆ្លងកាត់តំបន់ព្រំដែនជាមួយអ៊ីស្រាអែលនៅព្រឹកព្រលឹមថ្ងៃពុធនេះ។ ក្រសួងសុខាភិបាលរបស់ហ្កាហ្សាបាននិយាយថាមនុស្ស ៣៨២នាក់ក៏បានរងរបួសក្នុងរយៈពេល ២៤ម៉ោងដូចគ្នា នៃការវាយប្រហារពីអ៊ីស្រាអែល។ យោងតាមក្រសួងសុខាភិបាលហ្កាហ្សាជនជាតិប៉ាឡេស្ទីន យ៉ាងហោចណាស់មា ២០.៩១៥ នាក់បានស្លាប់ ដែលភាគច្រើនជាកុមារ និងស្ត្រី ក្នុងការប្រយុទ្ធគ្នារយៈពេលជាង ១១ សប្តាហ៍មកនេះ ។ការអះអាងរបស់ភាគីជម្លោះ មិនត្រូវបានផ្ទៀងផ្ទាត់ដោយឯករាជ្យទេ។ប្រធានអាជ្ញាធរប៉ាឡេស្ទីនខាងលើ បានហៅសង្រ្គាមនៅតំបន់ ហ្កាហ្សាស្ទ្រីប ថា ស្ថានភាពហួសពីមហន្តរាយនិង លើសពីសង្រ្គាមនៃការបំផ្លិចបំផ្លាញទៅទៀត ។មេដឹកនាំប៉ាឡេស្ទីន រូបនេះ បានចោទក្រុងវ៉ាស៊ីនតោន ថាបានអូសបន្លាយសង្រ្គាមដោយវេតូសេចក្តីព្រាងសេចក្តីសម្រេចរបស់អង្គការសហប្រជាជាតិដែលអំពាវនាវឲ្យមានបទឈប់បាញនៅតំបន់ហ្កាហ្សា៕

អ៊ីស្រាអែលនិយាយថា សង្គ្រាមនៅហ្កាហ្សានឹងបន្តច្រើនខែទៀត ខណៈបារម្ភថាជម្លោះនឹងរាលដាល

ប្រមុខយោធាអ៊ីស្រាអែលបាននិយាយថា សង្រ្គាមរបស់អ៊ីស្រាអែលលើក្រុមហាម៉ាស នឹងអូសបន្លាយរយៈពេលជាច្រើនខែ ខណៈឧបទ្ទវហេតុជាច្រើននៅខាងក្រៅតំបន់ហ្កាហ្សាស្ទ្រីបបានបង្ហាញពីហានិភ័យនៃការរីករាលដាលជម្លោះកាន់តែធំ។ អគ្គសេនាធិការរបស់អ៊ីស្រាអែល លោក ហ៊ើហ្ស៊ី ហាឡេវី(Herzi Halevi)បានប្រាប់អ្នកព័ត៌មាននៅក្នុងសេចក្តីថ្លែងការណ៍តាមទូរទស្សន៍មួយកាលពីថ្ងៃអង្គារពីព្រំដែនថា សង្រ្គាមនេះនឹងបន្តរយៈពេលជាច្រើនខែទៀត។ លោក ហាឡេវី (Halevi) បាននិយាយថា មិនមានដំណោះស្រាយវេទមន្តទេ មិនមានផ្លូវកាត់ក្នុងការរំលាយអង្គការភេរវករទេ មានតែការប្តេជ្ញាចិត្ត និងតស៊ូប៉ុណ្ណោះ។ យើងនឹងឈានដល់ការដឹកនាំរបស់ក្រុមហាម៉ាស ផងដែរ មិនថា ត្រូវការពេលមួយសប្តាហ៍ ឬត្រូវចំណាយពេលរាប់ខែនោះទេ។ សកម្មភាពរបស់អ៊ីស្រាអែលកាន់តែខ្លាំងឡើងនៅអំឡុងថ្ងៃបុណ្យណូអែល ជាពិសេសនៅតំបន់ កណ្តាលមួយ ភាគខាងត្បូងនៃផ្លូវទឹកតាមរដូវកាល ដែលខណ្ឌចែកតំបន់ហ្កាហ្សាស្ទ្រីប។ កងទ័ពអ៊ីស្រាអែលបានប្រាប់ជនស៊ីវិលឱ្យចាកចេញពីតំបន់នេះ បើទោះជាមនុស្សជាច្រើនបាននិយាយថាគ្មានកន្លែងសុវត្ថិភាពត្រូវចាកចេញក៏ដោយ។ អ្នកនាំពាក្យការិយាល័យសិទ្ធិមនុស្សអង្គការសហប្រជាជាតិ លោក សេហ្វម៉ា ហ្គានហ្គោ (Seif Magango) បាននិយាយកាលពីថ្ងៃអង្គារថា យើងមានការព្រួយបារម្ភយ៉ាងខ្លាំងអំពីការបន្តទម្លាក់គ្រាប់បែកនៅតំបន់ ហ្កាហ្សា ពីសំណាក់កងកម្លាំងអ៊ីស្រាអែល ដែលបានឆក់យកជីវិតប្រជាជនប៉ាឡេស្ទីនជាង ១០០ នាក់ ចាប់តាំងពីថ្ងៃបុណ្យណូអែលមក ។ ក្រុមអាជ្ញាធរសុខាភិបាលប៉ាឡេស្ទីនបាននិយាយថា មនុស្សជិត២១.០០០ នាក់បានស្លាប់នៅក្នុងការវាយប្រហាររបស់អ៊ីស្រាអែល ខណៈមានក្ដីបារម្ភថាមានមនុស្សរាប់ពាន់នាក់ទៀតត្រូវបានកប់នៅក្រោមគំនរកម្ទេចថ្ម។ មនុស្សជិត ២,៣ លាននាក់នៃតំបន់រងការឡោមព័ទ្ធមួយនេះ ត្រូវបានបណ្តេញចេញពីផ្ទះសម្បែងរបស់ពួកគេជាច្រើនដង ៕

ស្រ្តីជនជាតិសឹង្ហបុរីម្នាក់បានបាត់បង់ជីវិត បន្ទាប់ពីធ្លាក់ពីលើចំណោតថ្មនៃឧទ្យានរដ្ឋញូវយ៉ក សហរដ្ឋអាមេរិក

ស្ត្រីជនជាតិសឹង្ហបុរី ម្នាក់បានស្លាប់កាលពីថ្ងៃសុក្រ (២២ ធ្នូ) បន្ទាប់ពីនាងបានបាត់បង់ជំហរហើយបានធ្លាក់ពីចំណោតថ្មកម្ពស់ ៣០ម៉ែត្រនៅក្នុងឧទ្យានរដ្ឋ មីនណេវ៉ាស្កា (Minnewaska) ក្នុងរដ្ឋញូវយ៉ក របស់សហរដ្ឋអាមេរិក។ នៅក្នុងការបង្ហោះហ្វេសប៊ុកកាលពីថ្ងៃទី២៣ ខែធ្នូ លោក អាបឌុល រ៉ាហ្វម៉ុដសាដ (Abdul Rauf Mohd Said) ដែលជាស្វាមីជនរងគ្រោះបាននិយាយថា បុគ្គលិកពេទ្យបានព្យាយាមជួយសង្គ្រោះភរិយារបស់លោកឈ្មោះ នួរ អៃស្យ៉ា (Nur Aisyah) ដែលត្រូវបានគេស្គាល់ថាឈ្មោះ អៃស៍ សារ៉ាស (Ais Sarah) អស់រយៈពេលជិត ៣ម៉ោង ប៉ុន្តែពួកគេមិនបានជោគជ័យ។លោក អាបឌុល រ៉ាហ្វ បាននិយាយថា៖ «នាងបានធ្លាក់ពីលើចំណោតថ្មកម្ពស់ប្រហែល ១០០ហ្វីតប៉ុណ្ណោះហើយបានបាត់បង់ជីវិត។ លោកបានសរសេរនៅលើបណ្ដាញសង្គមហ្វេសប៊ុក កាលពីថ្ងៃច័ន្ទថា ការធ្វើកោសល្យវិច័យត្រូវបានបញ្ចប់ ហើយលោក «សង្ឃឹមយ៉ាងមុតមាំសម្រាប់ការត្រឡប់មកវិញនៃសាកសពភរិយារបស់ខ្លួន»។ជាការឆ្លើយតប អ្នកនាំពាក្យក្រសួងការបរទេស (MFA) បានប្រាប់សារព័ត៌មាន CNA កាលពីថ្ងៃច័ន្ទថា ក្រសួងការបរទេសកំពុងផ្តល់ជំនួយផ្នែកកុងស៊ុល តាមរយៈស្ថានកុងស៊ុលសិង្ហបុរី ក្នុងទីក្រុងញូវយ៉ក ដល់គ្រួសាររបស់លោកស្រី អៃស្យ៉ា។ប្រព័ន្ធផ្សព្វផ្សាយអាមេរិក កាលពីមុនបានរាយការណ៍ពីការស្លាប់មនុស្សពីរនាក់ នៅក្នុងឧទ្យានរដ្ឋ មីនណេវ៉ាស្កា នេះបន្ទាប់ពីអ្នកឡើងភ្នំទាំងនេះបានធ្លាក់ពីលើទីខ្ពស់ក្នុងឧប្បត្តិហេតុអំឡុងឆ្នាំ២០២១ និងឆ្នាំ២០២៥៕

បណ្ដាញសង្គម

ព័ត៌មានថ្មីៗ

អាមេរិកជំរុញឱ្យពលរដ្ឋរបស់ខ្លួននៅមជ្ឈិមបូព៌ាត្រៀមខ្លួនចាកចេញក្នុងករណីមានការកើនឡើងភាពតានតឹង

សហភាពអឺរ៉ុបកោះប្រជុំបន្ទាន់ ដើម្បីពិភាក្សាស្ដីពីវិបត្តិជនអន្តោប្រវេសន៍ពីម៉ារ៉ុកចូលទីក្រុង Ceuta របស់អេស្ប៉ាញ

សមត្ថកិច្ចបង្ក្រាបទីតាំងសង្ស័យលួចលាក់ប្រព្រឹត្តបទល្មើស Online Scams នៅនៅក្នុងក្រុងបាវិតឃាត់ខ្លួនមនុដ្ស៣៨នាក់

ប្រធានក្រុមការងាររាជរដ្ឋាភិបាលចុះមូលដ្ឋានស្រុករមាសហែក នាំយកទៀនចំណាំព្រះវស្សា ទេយ្យទាន និងបច្ច័យប្រគេនព្រះសង្ឃគង់ចាំព្រះវស្សានៅវត្តទាំង៥៣ ក្នុងស្រុករមាសហែក ខេត្តស្វាយរៀង

ក្រសួងកសិកម្ម និងក្រសួងទេសចរណ៍សហការគ្នាជំរុញខ្សែក្រវាត់បៃតងនៅតាមតំបន់ទេសចរណ៍កាន់តែប្រសើរ

ក្រុមហ៊ូទីអះអាងថា ខ្លួនបានបង្ខំឲ្យនាវាដឹកប្រេងអារ៉ាប៊ីសាអ៊ូឌីត ៨គ្រឿង បង្វែរទិសដៅ ដោយសារការបិទខ្ទប់ផ្លូវសមុទ្រ

ការចំណាយសរុបរបស់អ៊ុយក្រែនក្នុងឆ្នាំ ២០២៦ នឹងមានចំនួន ១៧៦,៨ ពាន់លានដុល្លារ

សហភាពអឺរ៉ុប នឹងពង្រីកការអនុវត្តច្បាប់ស្តីពីបញ្ញាសិប្បនិម្មិត (AI) ចាប់ពីថ្ងៃទី២ ខែសីហា

រដ្ឋាភិបាលឥណ្ឌា៖ ពលរដ្ឋឥណ្ឌា ១៦នាក់ ស្លាប់និង ៧៥នាក់ រងរបួស ចាប់តាំងពីជម្លោះនៅមជ្ឈិមបូព៌ាផ្ទុះឡើង ក្នុងឆ្នាំនេះ

អគារស្នាក់ការគណបក្សប្រជាជនកម្ពុជាឃុំត្រប់ ស្រុកបាធាយ ត្រូវបានសម្ពោធដាក់ឲ្យប្រើប្រាស់ជាផ្លូវការ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877