BTV NEWS

គណៈបញ្ជាការឯកភាពខេត្តប៉ៃលិន ចុះត្រួតពិនិត្យទីតាំងស្នាក់នៅប្រមូលផ្តុំ និងឃាត់ខ្លួនជនជាតិចិន ៧នាក់ សង្ស័យលួចបង្កប់បទល្មើស Online Scams

៣ខែដើមឆ្នាំនេះ ក្មេងទំនើងជិត ១ពាន់នាក់ត្រូវសមត្ថកិច្ចឃាត់ខ្លួន

នគរបាលជំនាញព្រហ្មទណ្ឌរាជធានីភ្នំពេញ បង្រ្កាបជនសង្ស័យជនជាតិចិន ៣នាក់ពាក់ព័ន្ធអំពើលួចរថយន្ត និងផ្លាកលេខរថយន្តចំនួន ៦ករណី

កម្លាំងនគរបាលរាជធានី បើកការឆ្មក់ចុះបង្ក្រាប Online Scams នៅខណ្ឌសែនសុខ ឃាត់ខ្លួនជនបរទេស ៣៣នាក់

សន្តិសុខ និង សង្គម

ជនអន្តោប្រវេសន៍ មួយចំនួនជាកុមារ ព្យាយាមឆ្លងកាត់ទន្លេ Rio Grande សម្រាប់ក្តីស្រម៉ៃ ទៅអាមេរិក

អាមេរិក៖ កាលពីថ្ងៃចន្ទ ជនអន្តោប្រវេសន៍ច្រើននាក់បានឆ្លងកាត់ទន្លេ Rio Grande យ៉ាងក្លាហាន ធ្វើដំណើរដោយថ្មើជើងក្នុងការស្វែងរករបស់ពួកគេដើម្បីបានទៅដល់សហរដ្ឋអាមេរិក។ ឃ្លីបវីដេអូ មកពីទីក្រុង Eagle Pass រដ្ឋតិចសាស់ ជនអន្តោប្រវេសន៍មួយចំនួន ធ្វើដំណើរជាមួយកុមារ ដោយដើរឆ្លងកាត់ចរន្តទឹកទន្លេហូខ្លាំង និងកំពុងនាំយកអីវ៉ាន់របស់ពួកគេមកជាមួយ។ ទូកល្បាតព្រំដែនសហរដ្ឋអាមេរិកមួយចំនួន បានស្ថិតនៅទីតាំងកើតហេតុនោះ។ ជនអន្តោប្រវសេន៍រាប់ពាន់នាក់បានឆ្លងកាត់ចូលទៅក្នុងសហរដ្ឋអាមេរិក ក្នុងប៉ុន្មានថ្ងៃថ្មីៗនេះ ពីរដ្ឋកាលីហ្វ័នីញ៉ា ទៅកាន់រដ្ឋតិចសាស់ ដោយជនអន្តោប្រវេសន៍ជាច្រើននាក់ទៀតនៅតែមកដល់តាមរថយន្តក្រុង និងរថភ្លើងដឹកទំនិញ ទៅកាន់ទីក្រុងព្រំដែនប្រទេសម៉ិកស៊ិក ក្នុងកំណត់ត្រាខ្ពស់នៃលំហូរការធ្វើអន្តោប្រវេសន៍ទៅកាន់ភាគខាងត្បូងបន្ថែមទៀត។ ការកើនឡើងច្រើននៅតាមបណ្តោយព្រំដែន ដែលគួឲ្យកត់សំគាល់ នៅក្នុងទីក្រុង San Diego រដ្ឋកាលីហ្វ័នីញ៉ា និងទីក្រុង El Paso និងទីក្រុង Eagle Pass របស់រដ្ឋតិចសាស់ ដែលកំណត់ជាចំណុចរបត់មួយ បន្ទាប់ពីចំនួនបានថយចុះក្នុងរយៈពេលប៉ុន្មានខែថ្មីៗនេះ និងអាចបង្កើតបញ្ហាប្រឈមផ្នែកនយោបាយថ្មីៗ សម្រាប់ប្រធានាធិបតីសហរដ្ឋអាមេរិក លោក Joe Biden ដែលកំពុងឈានទៅរករដូវកាលបោះឆ្នោត។ កាលពីថ្ងៃសៅរ៍អភិបាលក្រុង El Paso លោក Oscar Lesser បាននិយាយថាការកើនឡើងនេះបានជំរុញឲ្យទីក្រុងចូលទៅកាន់ចំណុចបំបែកមួយ ដោយមនុស្សជាង២.០០០នាក់ ក្នុងមួយថ្ងៃកំពុងស្វែងរកសិទ្ធជ្រកកោន ដែលហួសពីសមត្ថភាពការផ្តល់ទីជម្រក និងធនធាននៃការដាក់ពង្រាយ។ ជនអន្តោប្រវេសន៍រាប់ពាន់នាក់ បានមកប្រមូលផ្តុំគ្នាកាលពីថ្ងៃចន្ទនៅខាងក្រៅការិយាល័យគណៈកម្មាធិការផ្តល់ជំនួយជនភៀសខ្លួនម៉ិកស៊ិក នៅទីក្រុង Tapachula ភាគខាងត្បូង ដើម្បីទទួលបានទិដ្ឋាការ ដែលអនុញ្ញាតឲ្យពួកគេ ឆ្លងកាត់ដោយសុវត្ថិភាពតាមប្រទេសម៉ិកស៊ិក ដើម្បីបន្តដំណើរទៅកាន់សហរដ្ឋអាមេរិក។ យោងតាមប្រព័ន្ធផ្សព្វផ្សាយក្នុងតំបន់បានឲ្យដឹងថាជនអន្តោប្រវេសន៍ប្រមាណ៣ពាន់នាក់មកពីប្រទេសអាមេរិកកណ្តាល និងខាងត្បូងកំពុងរង់ចាំយ៉ាងអន្ទះសារទិដ្ឋាការមនុស្សធម៌ ដើម្បីឆ្ពោះទៅកាន់ព្រំដែនភាគខាងជើងប្រទេសម៉ិកស៊ិក ស្វែងរកសិទ្ធជ្រកកោន នៅក្នុងសហរដ្ឋអាមេរិក៕

ភ្លៀងធ្លាក់ខ្លាំង នៅប្រទេសហ្គាតេម៉ាឡា បណ្តាលឲ្យមនុស្ស៦នាក់ស្លាប់ និង១៣នាក់បាត់ខ្លួន

ហ្គាតេម៉ាឡា៖ អាជ្ញាធរបាននិយាយកាលពីថ្ងៃចន្ទថា ភ្លៀងធ្លាក់ខ្លាំងកាលពីពេលយប់បង្កឲ្យទន្លេនៅក្នុងរដ្ឋធានីប្រទេសហ្គាតេម៉ាឡា ហៀរឡើងលើច្រាំង បណ្តាលឲ្យមនុស្សយ៉ាងហោចណាស់៦នាក់ស្លាប់ និង១៣នាក់ផ្សេងទៀតបាត់ខ្លួន។ទីភ្នាក់ងារគ្រោះមហន្តរាយជាតិប្រទេសហ្គាតេម៉ាឡា Conred បាននិយាយថា លំនៅឋាន៦ខ្នងត្រូវបានទឹកហូរនាំបន្ទាប់ពីទន្លេ Las Vacas ដែលហូរឆ្លងកាត់ទីក្រុងរបស់ប្រទេសហ្គាតេម៉ាឡា បានធ្វើឲ្យពេញហៀរតំបន់មួយកន្លែង មានចម្ងាយប្រមាណ៣គីឡូម៉ែត្រ ភាគខាងត្បូងទីប្រជុំជន។ លោក Sergio Cabanas ប្រធានប្រតិបត្តិការមកពីនាយកដ្ឋានពន្លត់អគ្គិភ័យក្រុង បាននិយាយថាសាកសពយ៉ាងហោចណាស់៦នាក់ ម្នាក់ជាអនីតិជន និង៥នាក់ជាមនុស្សពេញវ័យ ត្រូវបានស្រង់យក ទោះបីជាក្រុមអ្នកសង្គ្រោះនៅបន្តស្វែងរកសាកសសពបន្ថែមទៀតក៏ដោយ។យោងតាមអ្នកសម្របសម្រួលជាតិ ទទួលបន្ទុកកាត់បន្ថយគ្រោះមហន្តរាយ(Conred) បានឲ្យដឹងថា មុនពេលភ្លៀងកាលពីល្ងាចថ្ងៃអាទិត្យ មនុស្សយ៉ាងហោចណាស់២៩នាក់បានស្លាប់ដោយសារតែទឹកជំនន់នៅក្នុងប្រទេសហ្គាតេម៉ាឡា ក្នុងរដូវវស្សានេះ៕

ភាពក្រអឺតក្រទម និងបំណងជាយុទ្ធសាស្ត្ររបស់អាមេរិកក្នុងការទប់ឥទ្ធិពលចិន ត្រូវបានលាតត្រដាងក្នុងកិច្ចប្រជុំកំពូលអាមេរិក-ប្រជុំកោះប៉ាស៊ីហ្វិកលើកទី២

អាមេរិក៖ ប្រធានាធិបតីអាមេរិកលោក Joe Biden កំពុងធ្វើជាម្ចាស់ផ្ទះនៃកិច្ចប្រជុំកំពូលលើកទីពីរជាមួយមេដឹកនាំកោះប៉ាស៊ីហ្វិកមួយចំនួននៅទីក្រុងវ៉ាស៊ីនតោនកាលពីថ្ងៃចន្ទ។ អ្នកជំនាញចិនមួយចំនួនបាននិយាយថា មិនសមហៅជំនួបនេះថាជា ការស្វាគមន៍ដំណើរទេសចរណ៍ ទេ គួរតែហៅថាជា ដំណើរកម្សាន្តលាងខួរក្បាល ព្រោះថាគោលដៅចុងក្រោយរបស់រដ្ឋាភិបាលអាមេរិកគឺ ធ្វើឲ្យក្លាយជាឧបករណ៍ និងយោធាក្នុងតំបន់ ដើម្បីបម្រើឲ្យផលប្រយោជន៍របស់ខ្លួន ដែលធ្វើឱ្យវាក្លាយជាចំណុចសំខាន់មួយនៅ អឌ្ឍគោលខាងត្បូង ដើម្បីធ្វើឱ្យឥទ្ធិពលរបស់ចិនចុះខ្សោយ ខណៈការបង្កើនឥទ្ធិពលរបស់សហរដ្ឋអាមេរិកមិនត្រឹមតែផ្នែកសេដ្ឋកិច្ចប៉ុណ្ណោះទេ ថែមទាំងនៅក្នុងវិស័យដូចជាយោធា និងសន្តិសុខផងដែរ។ អ្នកជំនាញមួយចំនួនបាននិយាយថា កិច្ចប្រជុំនេះត្រូវបានគេរំពឹងថានឹងផ្តោតលើប្រធានបទដូចជា ការប្រយុទ្ធប្រឆាំងនឹងការនេសាទខុសច្បាប់ ការបើកស្ថានទូត ការសន្យាការវិនិយោគថ្មីលើហេដ្ឋារចនាសម្ព័ន្ធ និងការពង្រឹងទំនាក់ទំនងតាមរយៈខ្សែកាបិ៍ក្រោមសមុទ្រ និងមួយចំនួនដែលអាចប្រើជាមធ្យោបាយសំខាន់ក្នុងការលាបពណ៌ប្រទេសចិន។ អ្នកជំនាញក៏មានការងឿងឆ្ងល់យ៉ាងខ្លាំងដែរថា មេដឹកនាំកោះប៉ាស៊ីហ្វិកនឹងធ្លាក់ចូលទៅក្នុងអន្ទាក់"ការនិទានរឿងដែលផ្តោតលើប្រទេសចិន" ជាពិសេសនៅពេលមេដឹកនាំកោះសូឡូម៉ុង (Solomon) សម្រេចចិត្តមិនចូលរួមកិច្ចប្រជុំកំពូលនេះ ហើយនាយករដ្ឋមន្ត្រីវ៉ានវ៉ាអាទូ (Vanuatu) នឹងមិនចូលរួមទេ ដែលបង្ហាញថាប្រទេសក្នុងតំបន់ មិនមានឆន្ទៈ ចូលរួមស្របពេលការប្រជែងគ្នារវាងអាមេរិក និងចិន។ លោក Biden សន្យាផ្ដល់ជំនួយចំនួន៤០លានដុល្លារបន្ថែមទៀតដល់បណ្ដាកោះប៉ាស៊ីហ្វុក ដើម្បីទប់ទល់នឹងឥទ្ធិពលដែលចេះតែកើនឡើងរបស់ប្រទេសចិន។នាយករដ្ឋមន្ត្រីកោះ សូឡូម៉ុង លោក ម៉ាណាសេ សូហ្គាវ៉ារ៉េ (Manasseh Sogavare) ថ្មីៗនេះបានកោតសរសើរគំនិតផ្តួចផ្តើមដែលស្នើឡើងដោយប្រទេសចិន រួមទាំងគំនិតផ្តួចផ្តើមខ្សែក្រវ៉ាត់ និងផ្លូវ គំនិតផ្តួចផ្តើមអភិវឌ្ឍន៍សកល គំនិតផ្តួចផ្តើមសន្តិសុខសកល និងគំនិតផ្តួចផ្តើមអរិយធម៌សកលនៅក្នុងសុន្ទរកថារបស់លោកទៅកាន់កិច្ចពិភាក្សាទូទៅនៃមហាសន្និបាតអង្គការសហប្រជាជាតិ៕

អាមេរិក និងកេនយ៉ា ចុះកិច្ចព្រមព្រៀងការពារជាតិ នៅមុនការគ្រោងដាក់ពង្រាយសន្តិសុខនៅប្រទេសហៃទី

អាមេរិក៖ សហរដ្ឋអាមេរិក និងប្រទេសកេនយ៉ា បានចុះហត្ថលេខាលើកិច្ចព្រមព្រៀងការពារជាតិកាលពីថ្ងៃចន្ទ ដែលនឹងឃើញប្រទេសអាហ្វ្រិកខាងកើត ទទួលបានធនធាន និងការគាំទ្រសម្រាប់ការដាក់ពង្រាយសន្តិសុខ ខណៈដែលខ្លួនបានត្រៀមខ្លួន ដើម្បីដឹកនាំបេសកកម្មរក្សាសន្តិភាពពហុជាតិទៅកាន់ប្រទេសហៃទី ដើម្បីប្រយុទ្ធប្រឆាំងនឹងអំពើហិង្សារបស់ក្រុមជនអន្ធពាល។រដ្ឋមន្ត្រីការពារជាតិអាមេរិក លោក ឡយ អូស្ទីន (Lloyd Austin) និងរដ្ឋមន្ត្រីការពារជាតិកេនយ៉ា លោក អាដែន ឌូអាល (Aden Duale) បានចុះហត្ថលេខាលើកិច្ចព្រមព្រៀងនេះ នៅក្នុងកិច្ចប្រជុំមួយក្នុងរដ្ឋធានី ណៃរ៉ូប៊ី (Nairobi) ប្រទេសកេនយ៉ា។ កិច្ចព្រមព្រៀងនេះ នាំផ្លូវទំនាក់ទំនងការពារជាតិរបស់ប្រទេសក្នុង រយៈពេល៥ឆ្នាំខាងមុខ ខណៈសង្គ្រាមនៅអាហ្វ្រិកខាងកើតប្រឆាំងនឹងក្រុមជ្រុលនិយមអាល់កៃដា ដែលមានទំនាក់ទំនងជាមួយក្រុមជ្រុលនិយមអាល់សាបាប ( al-Shabab)កាន់តែខ្លាំងឡើង។លោកអូស្ទីន បានថ្លែងអំណរគុណដល់ប្រទេសកេនយ៉ា ដែលបានស្ម័គ្រចិត្តដឹកនាំកងកម្លាំងពហុជាតិហៃទី ហើយបានរំលឹកឡើងវិញថា រដ្ឋាភិបាលសហរដ្ឋអាមេរិក នឹងធ្វើការជាមួយសភា ដើម្បីទទួលបានមូល និធិចំនួន១០០លានដុល្លារ ដែលខ្លួនបានសន្យានៅខាងក្រៅវេទិកាមហាសន្និបាតអង្គការសហប្រជាជាតិ។លោកបាននិយាយថា ពិភពលោកទាំងមូល គួរតែធ្វើតាមការប្តេជ្ញាចិត្តរបស់កេនយ៉ាចំពោះសន្តិសុខសកល ហើយ «បង្កើន និងផ្តល់បុគ្គលិក បរិក្ខារ ជំនួយ ការបណ្តុះបណ្តាល និងការផ្តល់មូលនិធិបន្ថែមទៀត»៕

កិច្ចពិភាក្សាអាស៊ែរបៃហ្សង់និងនិងទួរគីអំពីច្រករបៀងផ្លូវគោកអាមេនី បង្កើនការភ័យខ្លាចការឈ្លានពានថ្មី

អាស៊ែបៃហ្សង់៖ ប្រធានាធិបតីអាស៊ែបៃហ្សង់ បានជួបពិភាក្សាជាមួយសមភាគីទួរគីរបស់លោកអំពីការបង្កើតច្រករបៀងផ្លូវគោករវាងប្រទេសរបស់ពួកគេ តាមរយៈអាមេនី ដោយបង្កើនការភ័យខ្លាចការឈ្លានពានមួយផ្សេងទៀត។លោក អ៊ីលហាម អាលីយ៉េវ ( Ilham Aliyev) ប្រធានាធិបតីអាស៊ែបៃហ្សង់ បានស្នើសុំគំនិតនេះ ដែលប្រទេសអាមេនីប្រឆាំងជាមួយលោករ៉េសិប តាយីប អេរដូហ្គែន ( Recep Tayyip Erdogan) មេដឹកនាំទួរគី កាលពីថ្ងៃចន្ទ នេះបើយោងតាមសារព័ត៌មានរ៉យទ័រ។បញ្ហានេះ បានកើតឡើង នៅពេលដែលជនភៀសខ្លួនការ៉ាបាក់រាប់ពាន់នាក់ បានឆ្លងចូលទៅក្នុងប្រទេសអាមេនី ដោយមានរបស់របរផ្សេងៗភ្ជាប់ទៅជាមួយ ខណៈដែលពួកគេ បានភៀសខ្លួនពីការបោសសម្អាតជនជាតិភាគតិចដ៏គួរឲ្យភ័យខ្លាច នៅក្នុងអតីតផ្ទះរបស់ពួកគេ។ប្រទេសអាស៊ែបៃហ្សង់ បានចាប់ផ្តើមប្រតិបត្តិការមួយ កាលពីថ្ងៃទី១៩ ខែកញ្ញា ដើម្បីដណ្តើមកាន់កាប់ តំបន់ណាហ្គ័រណូ-ការ៉ាបាក់ (Nagorno-Karabakh) ដោយបង្ខំឲ្យពួកបំបែកខ្លួនដាក់អាវុធរបស់ពួកគេ ក្រោមលក្ខខណ្ឌនៃបទឈប់បាញ់ ដែលបានព្រមព្រៀង នៅថ្ងៃទី២០ ខែកញ្ញា៕

ជនជាតិកាណាដាកាន់សាសនាស៊ីគ (Sikhs) តវ៉ាប្រឆាំងរដ្ឋាភិបាលឥណ្ឌាជុំវិញឃាតកម្មមេដឹកនាំផ្ដាច់ខ្លួន

កាណាដា៖ ជនជាតិកាណាដាកាន់សាសនាស៊ីគ(Sikhs) បានធ្វើបាតុកម្មតូចមួយនៅខាងក្រៅបេសកកម្មការទូតរបស់ប្រទេសឥណ្ឌាកាលពីចន្ទ មួយសប្តាហ៍បន្ទាប់ពី លោកនាយករដ្ឋមន្ត្រី ចាស្ទីន ទ្រូដូ (Justin Trudeau) និយាយថា អាចមានជាប់ពាក់ព័ន្ធរវាងទីក្រុង New Delhi និងការសម្លាប់អ្នកតស៊ូមតិបំបែកខ្លួន សាសនាស៊ីគ (Sikh) នៅខេត្ត ប្រ៊ីធីសកូឡុំប៊ី (British Columbia) ។ ក្រុមអ្នកតវ៉ាប្រហែល ១០០ នាក់នៅទីក្រុងតូរ៉ុនតូ(Toronto)បានដុតទង់ជាតិឥណ្ឌា និងវាយរូបក្រដាសកាតុងកាត់របស់នាយករដ្ឋមន្ត្រីឥណ្ឌា Narendra Modi ដោយស្បែកជើង។ បាតុករប្រហែល ២០០នាក់ក៏បានប្រមូលផ្តុំគ្នានៅខាងក្រៅស្ថានកុងស៊ុល ក្នុងទីក្រុង វ៉ាន់កូវ៉ើ(Vancouver)ផងដែរ។នៅទីក្រុងអូតាវ៉ា មនុស្សតិចជាង ១០០ នាក់បានប្រមូលផ្តុំគ្នានៅមុខការិយាល័យឧត្តមស្នងការឥណ្ឌា (ស្ថានទូត)ក្នុងរដ្ឋធានីនេះ។ពួកគេបានគ្រវីទង់ជាតិពណ៌លឿង ដែលបង្ហាញពិភពលោកថា ខាហាលីស្ថាន (Khalistan) ដែលសំដៅលើការគាំទ្ររបស់ពួកគេក្នុងការធ្វើឱ្យរដ្ឋ ពុនចាប(Punjab) របស់ឥណ្ឌាក្លាយជារដ្ឋឯករាជ្យសម្រាប់សាសនិកស៊ីគ (Sikhs) ជាបុព្វហេតុដែលលោក នីចា (Nijjar) បានធ្វើយុទ្ធនាការ។ប្រទេសកាណាដាគឺជាផ្ទះសម្រាប់សាសនិកស៊ីគ ប្រហែល ៧៧០.០០០ នាក់ ជាចំនួនប្រជាជនខ្ពស់បំផុតនៃអ្នកកាន់សាសនាស៊ីគ នៅខាងក្រៅរដ្ឋកំណើត ពុនចាបរបស់ពួកគេ - ហើយក្នុងរយៈពេលប៉ុន្មានឆ្នាំថ្មីៗនេះមានបាតុកម្មជាច្រើនដែលបានធ្វើឱ្យឥណ្ឌាខឹង។ ចំណែកប្រទេសឥណ្ឌាវិញ បានចាត់ទុកការចោទប្រកាន់របស់លោក Trudeau ថាជារឿងមិនសមហេតុផល។ ឥណ្ឌា បានព្រមានអ្នកធ្វើដំណើរកាលពីសប្តាហ៍មុនថាមានការកើនឡើង សកម្មភាពប្រឆាំងឥណ្ឌា នៅក្នុងប្រទេសកាណាដាដោយជំរុញឱ្យ ប្រុងប្រយ័ត្នបំផុត ប៉ុន្តែពុំបានផ្តល់ភស្តុតាងឬព័ត៌មានលម្អិតនៃឧបទ្ទវហេតុជាក់លាក់ណាមួយនោះទេ៕

អាមេរិកបដិសេធសំណើរបស់ប្រមុខការទូតអ៊ីរ៉ង់ ដើម្បីធ្វើទស្សនកិច្ចទីក្រុងវ៉ាស៊ីនតោន

អាមេរិក៖ សហរដ្ឋអាមេរិក បាននិយាយកាលពីថ្ងៃចន្ទថា ខ្លួនបានបដិសេធសំណើរបស់រដ្ឋមន្ត្រីការបរទេសអ៊ីរ៉ង់ ដើមម្បីធ្វើទស្សនកិច្ចទៅកាន់ទីក្រុងវ៉ាស៊ីនតោន កាលពីសប្តាហ៍មុន ដោយចង្អុលបង្ហាញពីការព្រួយបារម្ភអំពីកំណត់ត្រារបស់ទីក្រុងតេអេរ៉ង់ រួមទាំងការឃុំខ្លួនអតីតពលរដ្ឋអាមេរិកផងដែរ។តាមសេចក្តីរាយការណ៍ រដ្ឋមន្ត្រីការបរទេសអ៊ីរ៉ង់ លោក ហ៊ូសេន អាមីរ៉ាប់ឌូឡាហៀន (Hossein Amir-Abdollahian) បានព្យាយាមធ្វើដំណើរទៅទស្សនាផ្នែកនៃផលប្រយោជន៍កុងស៊ុលរបស់ប្រទេសអ៊ីរ៉ង់ បន្ទាប់ពីមហាសន្និបាតអង្គការសហប្រជាជាតិ នៅទីក្រុងញូវយ៉ក។អ្នកនាំពាក្យ Matthew Miller បានថ្លែងប្រាប់អ្នកយកព័ត៌មានថា៖«ពួកគេ បានធ្វើសំណើនេះ ហើយវាត្រូវបានបដិសេធដោយក្រសួងការបរទេស» ។លោក បាននិយាយថា៖«យើងមានកាតព្វកិច្ចអនុញ្ញាតឲ្យមន្ត្រីអ៊ីរ៉ង់ និងមន្ត្រីរដ្ឋាភិបាលបរទេសផ្សេងទៀតធ្វើដំណើរទៅកាន់ទីក្រុងញូវយ៉កសម្រាប់កិច្ចការរបស់អង្គការសហប្រជាជាតិ។ ប៉ុន្តែយើងមិនមានកាតព្វកិច្ចអនុញ្ញាតឲ្យពួកគេ ធ្វើដំណើរទៅកាន់រដ្ឋធានីវ៉ាស៊ីនតោននោះទេ៕

ការវាយប្រហារតាមអាកាសរបស់អ៊ីស្រាអែលទៅលើតំបន់ហ្គាហ្សា ៣ថ្ងៃជាប់ៗគ្នា ខណៈអំពើហិង្សានៅតំបន់វេសបែង កាន់តែខ្លាំងឡើង

យោធាអ៊ីស្រាអែល បាននិយាយថា ការវាយប្រហារតាមអាកាសរបស់អ៊ីស្រាអែល បានត្រូវចំទីតាំងឈរឃជើងរបស់ក្រុមសកម្មប្រយុទ្ធនៅតំបន់ហ្គាហ្សា រយៈពេលបីថ្ងៃជាប់គ្នា កាលពីថ្ងៃអាទិត្យ បន្ទាប់ពីពួកសកម្មប្រយុទ្ធប៉ាឡេស្ទីន នៅជិតរបងព្រំដែន បានបាញ់បង្ហោះប៉េងប៉ោងមានឧបករណ៍បង្កចំហេះចូលទៅអ៊ីស្រាអែល ហើយបានគប់គ្រឿងផ្ទុះទៅលើទាហាន។ ការវាយប្រហារនេះ បានកើតឡើង បន្ទាប់ពីការវាយឆ្មក់របស់យោធាអ៊ីស្រាអែល នៅភាគខាងជើងតំបន់វេសបែង ដែលមន្ត្រីសុខាភិបាលប៉ាឡេស្ទីន បាននិយាយថា បានសម្លាប់ជនជាតិប៉ាឡេស្ទីនពីរនាក់។នេះគឺជាការបង្ហូរឈាមចុងក្រោយបំផុត នៅក្នុងការកើនឡើងនៃអំពើហិង្សាក្នុងអំឡុងពេលថ្ងៃឈប់សម្រាកដ៏សប្បាយរីករាយរបស់ជនជាតិជ្វីហ្វ។ ការកើនឡើងនៃអំពើហិង្សា ជាបន្តបន្ទាប់នៅតាមព្រំដែនរវាងអ៊ីស្រាអែល និងតំបន់ហ្គាហ្សាកាលពីសប្តាហ៍មុន បានបង្កើនទិដ្ឋភាពនៃការកើនឡើងភាពតានតឹង ជាលើកដំបូង ចាប់តាំងពីជម្លោះរយៈពេលដ៏ខ្លី កាលពីខែឧសភាឆ្នាំមុន រវាងអ៊ីស្រាអែល និងក្រុមសកម្មប្រយុទ្ធជីហាដឥស្លាមប៉ាឡេស្ទីន។វាគឺជាពេលវេលាដ៏លំបាក និងគួរឲ្យព្រួយបារម្ភ។ ជនជាតិជ្វីហ្វ ត្រូវបានកំណត់ឲ្យប្រារព្ធពិធីបុណ្យ យ៉ុម គីពើ (Yom Kippur) ដែលជាថ្ងៃដ៏ពិសិដ្ឋបំផុត នៅលើប្រតិទិនរបស់ពួកគេ នៅយប់ថ្ងៃអាទិត្យ បន្ទាប់មកដោយពិធីបុណ្យស៊ុកកូត (Sukkot) ពេញមួយសប្តាហ៍ នៅចុងខែនេះ។ពុំមានរបាយការណ៍អំពីអ្នកស្លាប់ និងរបួសពីការវាយប្រហារនៅតំបន់ហ្គាហ្សានោះទេ។ នៅព្រឹកថ្ងៃអាទិត្យ យោធាអ៊ីស្រាអែល បានបាញ់ និងបានបង្ករបួសដល់ជនជាតិប៉ាឡេស្ទីន៥នាក់ ដែលកំពុងប្រមូលផ្តុំគ្នានៅរបងបែងចែងតាមបណ្តោយព្រំដែនអ៊ីស្រាអែល ជាមួយនឹងហ្វូងមនុស្សដ៏ច្រើនកុះករ។ នេះគឺជាយុទ្ធសាស្ត្រដែលដ៏ងាយស្រួលសម្រាប់ប៉ាឡេស្ទីន នៅតំបន់ហ្គហ្សា ដែលតវ៉ានឹងការបិទផ្លូវរយៈពេល ១៦ ឆ្នាំដែលអ៊ីស្រាអែលដាក់ ដោយមានជំនួយពីអេហ្ស៊ីប។ អ៊ីស្រាអែល បាននិយាយថា ការបិទផ្លូវ គឺចាំបាច់ ដើម្បីរារាំងក្រុមសកម្មប្រយុទ្ធហាម៉ាស ដែលកំពុងកាន់អំណាច ពីការបំពាក់អាវុធដោយខ្លួនឯង។

ពលរដ្ឋអូស្ត្រាលី ត្រូវបានព្រមានឲ្យត្រៀមទប់ទល់សម្រាប់គ្រោះមហន្តរាយធម្មជាតិដែលខិតជិតមកដល់

អាជ្ញាធរគ្រប់គ្រងគ្រោះអាសន្នជាន់ខ្ពស់របស់ប្រទេស បានព្រមានថា ប្រទេសអូស្ត្រាលីកំពុងប្រឈមគ្រោះមហន្តរាយធម្មជាតិខ្លាំង និងមហន្តរាយលាយឡំគ្នាដែលអាចកើតមាន ឆ្លងកាត់រដូវក្តៅនេះ។ លោក Brendan Moon អគ្គសម្របសម្រួលទទួលបន្ទុកគ្រប់គ្រងគ្រាអាសន្នជាតិរបស់ប្រទេសអូស្ត្រាលី បានប្រាប់អ្នកសារព័ត៌មានក្នុងទីក្រុងកង់បេរ៉ានៅថ្ងៃចន្ទនេះថា ពលរដ្ឋអូស្ត្រាលី គួមានផែនការសម្រាប់ផលប៉ះពាល់ នៃមហន្តរាយជាបន្តបន្ទាប់ នៅក្នុងរដូចក្តៅនៅពេលខាងមុខ។ លោក និយាយថា យើងនឹងជួបប្រទះកម្តៅក្តៅជាងនេះ រដូវស្លឹកឈើជ្រុះកាន់តែស្ងួតហូតហែង និងរដូវក្តៅ ប៉ុន្តែយើងគួតែត្រៀមទប់ទល់សម្រាប់ភាពអាចកើតមាននៃព្យុះស៊ីក្លូន ទឹកជំនន់ ចំហេះព្រៃ និងរលកកម្តៅ។ លោក Moon បាននិយាយនៅមុនពេល កិច្ចប្រជុំការត្រៀមទប់ទល់គ្រោះមហន្តរាយជាតិលើទី១ ដែលចាប់ផ្តើមនៅទីក្រុងកង់បេរ៉ា នៅថ្ងៃចន្ទនេះ។ អ្នកតំណាងជាង២៥០នាក់ មកពីរដ្ឋាភិបាលសហព័ន្ធ រដ្ឋ និងដែនដី ព្រមទាំងអ្នកជំនាញមកពីអង្គភាពសេវាសង្គ្រោះបន្ទាន់ និងឧស្សាហកម្ម ត្រូវបានអញ្ជើញមកចូលរួមកិច្ចប្រជុំរយៈពេល២ថ្ងៃ ដើម្បីធានាបានការឆ្លើយតបដែលពាក់ព័ន្ធចំពោះគ្រោះមហន្តរាយធម្មជាតិ នៅរដូវក្តៅ។កាលពីលើកមុន អ្នកជំនាញ បានព្រមានថាប្រទេសអូស្ត្រាលី កំពុងប្រឈមមុខរដូវកាលចំហេះព្រៃដ៏អាក្រក់បំផុត ចាប់តាំងពី អគ្គិភ័យ Black Summer ដ៏មហន្តរាយកាលពីឆ្នាំ២០១៩-២០២០ ដែលបានឆេះបំផ្លាញផ្ទៃដីជាង២៤០.០០០គីឡូម៉ែត្រក្រឡា។ ទោះបីជាមានការព្រមានក៏ដោយ រដ្ឋមន្ត្រីគ្រប់គ្រងគ្រាអាសន្ន លោក Murray Watt បាននិយាយនៅក្នុងសេចក្តីថ្លែងការណ៍នៅថ្ងៃចន្ទនេះថា លោកមានទំនុកចិត្តលើផែនការឆ្លើយតបរបស់រដ្ឋាភិបាល។ យើងដឹងថា ដោយសារតែបម្រែបម្រួលអាកាសធាតុ គ្រោះមហន្តរាយនានានឹងកើនឡើងញឹកញាប់ និងខ្លាំង ជាមូលហេតុដែលយើងត្រូវមានវិធានការសំខាន់ៗដើម្បីកសាងភាពធន់ និងសមត្ថភាពឆ្លើយតប។

មេដឹកនាំក្រុមម៉ាហ្វីយ៉ាអ៊ីតាលីលោក Messina Denaro បានទទួលមរណភាពដោយសារជំងឺមហារីកពោះវៀនធំ

ទីភ្នាក់ងារព័ត៌មាន AFP បានរាយការណ៍នៅថ្ងៃចន្ទនេះ ដោយលើកប្រភពពីសារព័ត៌មានអ៊ីតាលីថា មេដឹកនាំក្រុមម៉ាហ្វីយ៉ាអ៊ីតាលីលោក Messina Denaro ដែលត្រូវបានចាប់ខ្លួនកាលពីខែមករាកន្លងទៅ ក្រោយរត់គេចអស់រយៈពេល ៣០ឆ្នាំនោះ បានទទួលមរណភាពហើយដោយសារជំងឺមហារីកពោះវៀនធំ ។ លោក Messina Denaro វ័យ ៦១ឆ្នាំ បានកើតជំងឺមហារីកពោះវៀនធំនៅពេលចាប់ខ្លួនលោក ។ ស្របពេលដែលស្ថានភាពសុខភាពរបស់លោកកាន់តែធ្ងន់ធ្ងរក្នុងរយៈពេលប៉ុន្មានសប្តាហ៍កន្លងមកនេះ លោកត្រូវបានបញ្ជូនទៅកាន់មន្ទីរពេទ្យ ចេញពីពន្ធនាគារដែលមានការយាមកាមយ៉ាងតឹងរឹង ស្ថិតនៅតំបន់ភាគកណ្តាលប្រទេសអ៊ីតាលី ជាទីដែលលោកត្រូវបានឃុំឃាំងដំបូង ។ លោកត្រូវបានតុលាការកាត់ទោសពីបទព្រហ្មទណ្ឌជាច្រើនករណី រួមទាំងការរួមចំណែករបស់លោកក្នុងការរៀបផែនការធ្វើឃាតក្រុមរដ្ឋអាជ្ញាធរប្រឆាំងក្រុមម៉ាហ្វីយ៉ា លោក Giovanni Falcone និងលោក Paolo Borsellino កាលពីឆ្នាំ ១៩៩២ គឹជាឧក្រិដ្ឋកម្មមួយដែលបានធ្វើឲ្យប្រទេសអ៊ីតាលីតក់ស្លុតយ៉ាងខ្លាំង និងនាំឲ្យមានវិធានការបង្រ្កាបក្រុមម៉ាហ្វីយ៉ា ។ លោកគឺជាអ្នកទទួលខុសត្រូវផងដែរសម្រាប់ការបំផ្ទុះគ្រាប់បែកនៅក្នុងទីក្រុង Rome, Florence និងទីក្រុង Milan កាលពីឆ្នាំ ១៩៩៣ ដែលបានសម្លាប់មនុស្ស ១០នាក់ ក៏ដូចជាជួយរៀបចំការចាប់ជម្រិតក្មេងប្រុស Giuseppe Di Matteo អាយុ ១២ឆ្នាំ ដើម្បីព្យាយាមរារាំងឪពុកក្មេងប្រុសពីការផ្តល់ភស្តុតាងប្រឆាំងនឹងក្រុមម៉ាហ្វីយ៉ា ។ ក្មេងប្រុសម្នាក់នេះ ត្រូវបានចាប់ខ្លួនអស់រយៈពេល ២ឆ្នាំ ហើយក្រោយមកត្រូវបានសម្លាប់ចោល ។ ដោយសារព័ត៌មានអ៊ីតាលីដាក់រហ័សនាមថាជា “ឪពុកធម៌ចុងក្រោយ” លោក Messina Denaro ពុំត្រូវបានគេជឿថា បានផ្តល់ព័ត៌មានណាមួយដល់ក្រុមនគរបាលនោះឡើយ ក្រោយរូបលោកត្រូវបានចាប់ខ្លួននៅក្រៅគ្លីនិកសុខភាពឯកជន ស្ថិតក្នុងទីក្រុង Palermo រដ្ឋធានីកោះ Sicilyកាលពីថ្ងៃទី ១៦ ខែមករាកន្លងទៅ ។ យោងតាមប្រវត្តិសុខភាពដែលបែកធ្លាយដល់សារព័ត៌មានអ៊ីតាលី បានឲ្យដឹងថា លោកបានទទួលការវះកាត់មហារីកពោះវៀនធំនៅឆ្នាំ ២០២០ និងឆ្នាំ ២០២២ ដោយប្រើឈ្មោះក្លែងក្លាយ ។ គ្រូពេទ្យនៅគ្លីនិកទីក្រុង Palermo បាននិយាយប្រាប់កាសែត La Repubblica ថា សុខភាពរបស់លោកធ្ងន់ធ្ងរខ្លាំងរួចទៅហើយ រយៈពេលច្រើនខែមុនការចាប់ខ្លួនរបស់លោក ៕

បណ្ដាញសង្គម

ព័ត៌មានថ្មីៗ

យានដ្រូនរុស្ស៊ីវាយប្រហារនាវាចិននៅជិតតំបន់ឆ្នេរអ៊ុយក្រែន មុនដំណើរទស្សនកិច្ចរបស់លោក Putinទៅកាន់ទីក្រុងប៉េកាំង

កម្ពុជាកំពុងជំរុញវិស័យឧស្សាហកម្មប្រកបដោយចីរភាព និងការឈានទៅឧស្សាហកម្មបៃតង

អ៊ូហ្គង់ដាបង្កើនការត្រួតពិនិត្យតាមព្រំដែន ស្របពេលការរីករាលដាលឆ្លងជំងឺអេបូឡាបង្ខំឲ្យផ្អាកពិធីបុណ្យ

ឥណ្ឌាទិញប្រេងរុស្ស៊ី ដោយពុំគិតដល់ពីការលើកលែងទណ្ឌកម្មរបស់សហរដ្ឋអាមេរិកនោះឡើយ

ប្រធានាធិបតីលីបង់បញ្ជាក់ថា លោកនឹងធ្វើអ្វី «មិនអាចទៅរួច» ដើម្បីបញ្ឈប់សង្គ្រាមជាមួយអ៊ីស្រាអែល

នាយករដ្ឋមន្ត្រីជប៉ុនសង្កត់ធ្ងន់ពីការគាំទ្ររបស់ទីក្រុងតូក្យូ ចំពោះពហុភាគីនិយម ពេលជួបប្រមុខ UN

ប្រមុខ UN ជួបពិភាក្សាការងារជាមួយនាយករដ្ឋមន្រ្តីជប៉ុននៅទីក្រុងតូក្យូ

វិនិយោគិនចិនចាត់ទុកការពង្រឹងឧបករណ៍មានហានិភ័យ ជាគ្រឹះនៃការរីកចម្រើនវិស័យឧស្សាហកម្ម

បុគ្គលិកសុខាភិបាលប្រញាប់ប្រញាល់ឆ្លើយតបជំងឺអេបូឡាដែលរីករាលដាលយ៉ាងរហ័ស នៅកុងហ្គោ

ប្រធានចារកម្មអេស្តូនី៖ លោក Putin ប្រឈមនឹងជម្រើសដ៏សែនពិបាកនៅអ៊ុយក្រែន ស្របពេលរងទណ្ឌកម្ម

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877