BTV NEWS

ឆមាសទី១ឆ្នាំនេះ សមត្ថកិច្ចបង្ក្រាបបទល្មើសជួញដូរមនុស្ស និងអាជីវកម្មផ្លូវភេទជាង ១១០ករណី និងសង្គ្រោះបាន ៥៨១នាក់

មនុស្ស៦នាក់ស្លាប់ និងម្នាក់រងរបួសធ្ងន់ក្នុងប្រតិបត្តិការបង្ក្រាបគ្រឿងញៀននៅវាលវែង

ក្រសួងព័ត៌មានអប់រំណែនាំក្រុមអ្នកផលិតមាតិកា ២ក្រុម គឺ «ក្រុមនាយក្រឹប» និង «ក្រុមគ្រូតឿ» ដែលបានផលិតផ្សព្វផ្សាយមាតិកាមិនសមរម្យ និងបំពានលើក្រមសីលធម៌

សមត្ថកិច្ចកំពុងស្រាវជ្រាវករណីក្រុមឧក្រិដ្ឋជនអូសទាញពលករខ្មែរដែលវិលត្រឡប់មកពីថៃឲ្យធ្វើសកម្មភាព Online Scams

សន្តិសុខ និង សង្គម

ប្រមុខនុយក្លេអ៊ែអង្គការសហប្រជាជាតិ ជំរុញឲ្យអ៊ីរ៉ង់ អនុញ្ញាតដល់ក្រុមអ្នកអធិការកិច្ច

អ៊ីរ៉ង់៖ ប្រធានអង្គការឃ្លាំមើលនុយក្លេអ៊ែររបស់អង្គការសហប្រជាជាតិ កាលពីថ្ងៃចន្ទ បានជំរុញឲ្យអ៊ីរ៉ង់ ពិចារណា ការសម្រេចចិត្តរបស់ខ្លួនក្នុងការបដិសេធដំណើរការរបស់ក្រុមអធិការកិច្ចជាន់ខ្ពស់របស់អង្គការសហប្រជាជាតិ ដោយបានប្រាប់សារព័ត៌មាន AFP ថាបរាជ័យក្នុងការសហការនឹងមានផលវិបាកធ្ងន់ធ្ងរ។ ទីភ្នាក់ងារ ថាមពលអាតូមិកអន្តរជាតិបាននិយាយថា អ៊ីរ៉ង់បានដកលិខិតតែងតាំងជាផ្លូវការពីអ្នកធ្វើអធិការកិច្ចជាច្រើន ជាចំណាត់ការមួយដែលទីក្រុងតេអេរ៉ង់ចាត់ទុកថាជាការសងសឹកសម្រាប់ការបំពានខាងនយោបាយ ធ្វើឡើងដោយសហរដ្ឋអាមេរិក បារាំង អាល្លឺម៉ង់ និងចក្រភពអង់គ្លេស។ប្រមុខទីភ្នាក់ងារថាមពលអាតូមិកអន្តរជាតិ លោក Rafael Grossi បាននិយាយនៅក្នុងបទសម្ភាសន៍ជាមួយសារព័ត៌មាន AFP ថា យើងត្រូវស្នើឲ្យពួកគេពិនិត្យឡើងវិញការសម្រេចចិត្តនេះ។ ប្រសិនបើពួកគេមិនសហការជាមួយទីភ្នាក់ងារ IAEA ពួកគេនឹងមិនទទួលបាននូវអ្វីដែលពួកគេចង់បាននោះទេ ដូចជា ការធានាដែលពួកគេចង់បាន ការបញ្ជាក់ដែលពួកគេចង់ឃើញ និងការអនុម័តពីសហគមន៍អន្តរជាតិ។លោក Grossi បានព្រមានផងដែរថា សកម្មភាពយោធាបានកើនឡើងនៅជុំវិញរោងចក្រថាមពលនុយក្លេអ៊ែរ Zaporizhzhia របស់អ៊ុយក្រែន ដែលចូលកាន់កាប់ដោយកងកម្លាំងរុស្ស៊ី ចាប់តាំងពីឆ្នាំ២០២២។ លោក បានប្រាប់សារព័ត៌មាន AFPថា ប្រតិបត្តិការយោធា កំពុងកើនឡើងនៅតំបន់នោះ ក្រុមអធិការកិច្ចរបស់លោក ប្រាប់លោកថាកម្រិតសកម្មភាពយោធាគឺជាក់ស្តែង វាខិតកាន់តែជិត។ លោកនិយាយថា រៀងរាល់ថ្ងៃ ដែលបានកន្លងផុតទៅ គ្មានឧបទ្ទវហេតុនុយក្លេអ៊ែរ គឺជាថ្ងៃដ៏ល្អសម្រាប់យើង៕

ជនអន្តោប្រវេសន៍ប្រមាណ១៩០នាក់ បានមកដល់កោះ Lampedusa

អ៊ីតាលី៖ ជនអន្តោប្រវេសន៍ ប្រមាណ១៩០នាក់បានមកដល់កោះ Lampedusa ប្រទេសអ៊ីតាលី ភាគខាងត្បូង កាលពីថ្ងៃចន្ទខណៈរដ្ឋាភិបាលរបស់នាយករដ្ឋមន្ត្រីលោក Giorgia Meloni អនុម័តវិធានការ ដើម្បីបន្ថែមពេល ដែលពួកគេអាចត្រូវបានឃុំខ្លួន និងធានាបានថាមនុស្សកាន់តែច្រើនដែលពុំមានសិទ្ធស្របច្បាប់ស្នាក់នៅ ត្រូវបាននិរទេស។ចំណាត់ការនេះកើតមានឡើងបន្ទាប់ពីជនអន្តោប្រវេសន៍ជិត១ម៉ឺននាក់ បានទៅដល់ កោះ Lampedusa ប្រទេសអ៊ីតាលីភាគខាងត្បូងកាលពីសប្តាហ៍មុនដែលធ្វើឲ្យប៉ះពាល់ដល់ភាពជឿជាក់របស់នាយករដ្ឋមន្ត្រី ស្តាំនិយមលោក Giorgia Meloni ដែលបានឡើងកាន់តំណែងកាលពីឆ្នាំមុន ដោយសន្យាទប់ស្កាត់ការធ្វើអន្តោប្រវេសន៍ខុសច្បាប់។លោក Meloni ដែលបានទៅពិនិត្យកោះ Lampedusa កាលពីថ្ងៃអាទិត្យ ជាមួយប្រធានគណៈកម្មការអឺរ៉ុប លោកស្រី Ursula von der Leyen បានសន្យាផែនការសកម្មភាពរបស់សហភាពអឺរ៉ុប ចំនួន១០ចំណុច ប៉ុន្តែវិធានការទាំងនេះដូចទៅនឹងគំនិតផ្តួចផ្តើមកាលពីលើកមុន ដែលបានបរាជ័យធ្វើឲ្យមានផលប៉ះពាល់ច្រើន។ យោងតាមទិន្នន័យរបស់រដ្ឋាភិបាល បានឲ្យដឹងថា ជនអន្តោប្រវេសន៍ប្រមាណ ១៣០.០០០នាក់ បានមកដល់ប្រទេសអ៊ីតាលី រហូតមកដល់ពេលនេះនៅឆ្នាំនេះ ជាតួលេខជិត២ដងសម្រាប់អំឡុងពេលដូចគ្នានៅឆ្នាំ២០២២។ ជនអន្តោប្រវេសន៍ទាំងនេះ បានមកពី បណ្តាប្រទេសរួមមានហ្គីណេ កូឌីវ័រ ទុយនេស៊ី អេហ្ស៊ីប បួគីណាហ្វាសូ បង់ក្លាដែស និងប្រទេសប៉ាគីស្ថាន៕

ពលរដ្ឋលីប៊ី តវ៉ាប្រឆាំងរដ្ឋាភិបាល រយៈពេល១សប្តាហ៍បន្ទាប់ពីទឹកជំនន់បណ្តាលឲ្យមានមនុស្សជាច្រើន

លីប៊ី៖ ១សប្តាហ៍បន្ទាប់ពីទឹកជំនន់ ដែលបានហូរកាត់កណ្តាលទីក្រុង Derna ចូលទៅក្នុងសមុទ្រ ពលរដ្ឋលីប៊ីបានប្រមូលផ្តុំគ្នាកាលពីថ្ងៃចន្ទនៅខាងក្រៅព្រះវិហារ Al Sahaba ក្នុងការតវ៉ា ប្រឆាំងរដ្ឋាភិបាល។ វីដេអូរបស់សារព័ត៌មាន រ៉យទ័រ បានបង្ហាញហ្វូងមនុស្ស កំពុងស្រែកពាក្យផ្សេងៗ និងកំពុងកាន់បដានៅខាងក្រៅព្រះវិហារ។ទំនប់ទឹកនៅខាងលើទីក្រុង បានបាក់ធ្លាយ ដោយសារព្យុះកាលពីសប្តាហ៍កន្លងទៅនេះដោយបញ្ចូនលំហូរទឹកខ្លាំងទៅទន្លេ ដែលបានហូរឆ្លងកាត់កណ្តាលទីក្រុងដែលមានពលរដ្ឋ១២០.០០០នាក់រស់នៅ។ មនុស្សរាប់ពាន់នាក់បានស្លាប់ និងរាប់ពាន់នាក់ទៀតបាត់ខ្លួន។ ក្រុមមន្ត្រីដែលប្រើប្រាស់វិធីសាស្ត្រខុសៗគ្នា បានផ្តល់តួលេខផ្សេងៗគ្នាច្រើននៃចំនួនអ្នកស្លាប់រហូតមកដល់ពេលនេះ ដែលអភិបាលក្រុង បានប៉ាន់ប្រមាណថាមនុស្ស២០.០០០នាក់ បានបាត់ខ្លួន។ ទន្ទឹមនឹងនេះ អង្គការសុខភាពពិភពលោក បានបញ្ជាក់ថាមនុស្ស ៣.៩២២នាក់ បានស្លាប់៕

សង្គ្រាមរុស្ស៊ី នៅអ៊ុយក្រែន លុបលើសមយុទ្ធនៅសមុទ្របាល់ទិកភាគខាងជើងឆ្នាំ២០២៣ របស់NATO

NATO៖ អ្នកចាត់ចែងសមយុទ្ធ បាននិយាយកាលពីថ្ងៃចន្ទថា សមយុទ្ធសម្ព័ន្ធយោធាNATO ឆ្នេរភាគខាងជើង នៅសមុទ្របាល់ទិក ត្រូវបានដាក់បញ្ចូលជាសារជូនដំណឹងនៃភាពប្រាកដនិយមដ៏ស្មុគស្មាញនៅដើមដំបូងនៃសង្គ្រាមរបស់រុស្ស៊ីនៅអ៊ុយក្រែន។ សមយុទ្ធនេះរួមមានការអនុវត្តន៍ ប្រតិបត្តិការទាំងក្នុងទឹកនិងលើគោក និងការវាយប្រហារពីសមុទ្រមកដីគោក ហើយធានាបាន ផ្លូវឆ្លងកាត់តំបន់បាល់ទិកនៅសមុទ្រ នៅប្រទេសឡាតវី និងអេស្តូនី ជាសមាជិករបស់ម្ព័ន្ធយោធាNATO ដែលមានព្រំដែនជាប់ប្រទេសរុស្ស៊ី ទៅភាគខាងកើត ហើយគិតថាមានការបង្ហាញការគំរាមកំហែងពីអតីតសហភាពសូវៀត ចាប់តាំងពីកងកម្លាំងរុស្ស៊ី បានឈ្លានពានអ៊ុយក្រែន កាលពីឆ្នាំមុន។ សមយុទ្ធ បានចាប់ផ្តើមនៅថ្ងៃទី៩ ខែកញ្ញា ហើយរួមមាន នាវាចំនួនប្រមាណ៣០គ្រឿង និងបុគ្គលិកជាង៣.០០០នាក់ មកពីប្រទេសសម្ព័ន្ធយោធាណាតូទាំងអស់នៅក្នុងតំបន់បាល់ទិក បូករួមទាំងសមាជិកដែលនឹងចូលរួមក្នុងពេលឆាប់ៗនេះគឺប្រទេសស៊ុយអែត និងសម្ព័ន្ធមិត្តពុំមែននៅតំបន់បាល់ទិក មានសហរដ្ឋអាមេរិក កាណាដា ហូឡង់ បែលហ្សិក និងប្រទេសបារាំង។ ឧត្តមនាវីឯកអាល្លឺម៉ង់ និងជានាយកសមយុទ្ធ លោក Stephan Haisch បាននិយាយថាវត្តមានរបស់រុស្ស៊ី នៅសមុទ្របាល់ទិក រួមទាំងនាវាប្រមូលការស៊ើបការណ៍ នាវាចម្បាំង និងយន្តហោះ គឺជារឿងធម្មតា និងត្រូវបានរំពឺងទុក ប៉ុន្តែសមយុទ្ធសម្ព័ន្ធយោធាណាតូ នៅឆ្នាំនេះបានចេញឆ្ងាយពី សេណារីយ៉ូសម្បនិម្មិតទៅជាពិតៗ។កាពីទែន លោក Maris Polencs មេបញ្ជាការកងទ័ពជើងទឹកប្រទេសឡាតវី បាននិយាយថាកងទ័ពជើងទឹកចាំបាច់ត្រូវអភិវឌ្ឍសមត្ថភាពពេលអនាគតរបស់ពួកគេនៅសមុទ្រ ពីការដាក់មីន និងដោះមីន នៅពេលសង្គ្រាមរបស់រុស្ស៊ីនៅអ៊ុយក្រែន។

មន្ត្រីជាន់ខ្ពស់អាមេរិក សាទរចំពោះកំណែទម្រង់សេដ្ឋកិច្ចរបស់ប្រទេសនីហ្សេរីយ៉ា

អាមេរិក៖មន្ត្រីជាន់ខ្ពស់សហរដ្ឋអាមេរិកមួយរូបកាលពីថ្ងៃចន្ទ បានសាទរចំពោះកំណែទម្រង់ដ៏លំបាកដែលធ្វើឡើងដោយប្រធានាធិបតីនីហ្សេរីយ៉ា បូឡា អាម៉េដ ទីនុប៊ុ (Bola Ahmed Tinubu) ចាប់តាំងពីឡើងកាន់តំណែង កាលពីខែឧសភា ដោយនិយាយថា ពួកគេបានផ្តល់ឱកាសសម្រាប់សេដ្ឋកិច្ចដ៏ធំបំផុតរបស់អា ហ្វ្រិក។លោកទីនុប៊ុ បានបញ្ចប់ការឧបត្ថម្ភធនប្រេងឥន្ធនៈដែលមានរយៈពេលយូរដែលរក្សាតម្លៃប្រេងសាំងទាប ប៉ុន្តែធ្វើឲ្យរដ្ឋាភិបាលខាតបង់រាប់ពាន់លានដុល្លារ ហើយថែមទាំងបានធ្វើឲ្យរូបិយប័ណ្ណណៃរ៉ា (naira)អាចប្រើប្រាស់បាន។វិនិយោគិន ដៃគូពាណិជ្ជកម្ម និងសេដ្ឋវិទូ បានសរសើរវិធានការនេះថា ពិតជាចាំបាច់សម្រាប់កំណើនសេដ្ឋកិច្ចរយៈពេលវែង និងដើម្បីនាំយកនូវការវិនិយោគថ្មីចូលទៅក្នុងប្រទេសដែលមានប្រជាជនច្រើនបំផុតនៅអាហ្វ្រិក។ប៉ុន្តែរដ្ឋាភិបាលបានជំរុញឲ្យមានការអត់ធ្មត់ពីជនជាតិនីហ្សេរីយ៉ាដែលមានអារម្មណ៍ថា មានការរឹតត្បិតរយៈពេលខ្លី នៅពេលដែលតម្លៃប្រេងឥន្ធនៈ កើនឡើងបីដង អតិផរណា បានឈានដល់ ២៥ ភាគរយ ហើយរូបិយវត្ថុណៃរ៉ា មានតម្លៃប្រហែល៤០ភាគរយ ធៀបនឹងប្រាក់ដុល្លារ៕

សហរដ្ឋអាមេរិក ចិន និង រុស្ស៊ី បង្កើនល្បឿនសកម្មភាពផ្នែកការទូត ខណៈមានភាពតានតឹង

ចិន៖ រដ្ឋមន្ត្រីការបរទេសចិន លោក Wang Yi បានបំពេញទស្សនកិច្ចទៅកាន់ប្រទេសរុស្ស៊ី រយៈពេល៤ថ្ងៃចាប់ពីថ្ងៃចន្ទទី១៨ខែកញ្ញាដើមសប្ដាហ៍នេះសម្រាប់ជំនួបជាមួយសមាភាគីលោក Sergey Lavrov ខណៈប្រមុខការទូតអាមេរិកអាមេរិក លោក Antony Blinken បានជួបអនុប្រធានាធិបតីរបស់ចិន លោក ហាន ចឹង ( Han Zheng) នៅក្នុងទីក្រុង New York។ លោក Wang បានជួបលោក Lavrov នៅទីក្រុងមូស្គូកាលពីថ្ងៃចន្ទ ។ លោក Wang និយាយថា ចិន និងរុស្ស៊ី ចាំបាច់ត្រូវធ្វើជាមហាអំណាចពិភពលោកឈានមុខ និងបំពេញការកាតព្វកិច្ចទទួលខុសត្រូវជាអន្តរជាតិរបស់ខ្លួន ក្នុងពេលការប្រឈមចេះតែបន្តកើនឡើង ស្របពេលការរីកធំនៃអនុត្តរភាព និងការប្រឈមក្នុងតំបន់។ លោក Lavrov បានសង្កត់ធ្ងន់ពីសារៈសំខាន់នៃកិច្ចសហប្រតិបត្តិការរវាងប្រទេសចិន និងរុស្ស៊ី ក្នុងការធានាបាននូវយុត្តិធម៌ជុំវិញបញ្ហានានាលើសកលលោក។ ជំនួបប្រមុខការទូតទាំង២ទំនងគ្របដណ្ដប់លើការវាយលុករបស់រុស្ស៊ីនៅអ៊ុយក្រែន ។ លោក Lavrov អាចផ្ដល់របាយការណ៍ដល់លោក Wang លើអ្វីដែលលោកប្រធានាធិបតី Vladimir Putin បានពិភាក្សាក្នុងកិច្ចប្រជុំកំពូលថ្មីៗជាមួយមេដឹកនាំកូរ៉េខាងជើង លោក Kim Jong Un។ មន្ត្រីជាន់ខ្ពស់ទាំង២ ក៏អាចពិភាក្សាពីផែនការរៀបចំជំនួបកំពូលរុស្ស៊ី -ចិន ផងដែរនៅខាងក្រៅជំនួបវាទិការខ្សែក្រវ៉ាត់និងផ្លូវ សម្រាប់កិច្ចសហប្រតោបត្តិការអន្តរជាតិ ដែលនឹងធ្វើឡើងនៅក្នុងប្រទេសចិនខែតុលាខាងមុខ ។គេរំពឹងថា លោក Putin និងចូលរួមវាទិការនេះតបតាមការអញ្ជើញរបស់លោកប្រធានាធិបតីចិន Xi Jinping។ ប្រមុខការទូតអាមេរិក លោក Blinken និងអនុប្រធានាធិបតីចិន លោក Han បានជួបគ្នានៅកិច្ចប្រជុំនៅមហាសន្និបាតអង្គការសហប្រជាជាតិក្នុងបទីក្រុង New York។ ជំនួបនេះអាចធ្វើឡើងក្នុងបំណងត្រួសត្រាយផ្លូវសម្រាប់កិច្ចប្រជុំកំពូលអាមេរិក-ចិន ដែលអាចនឹងកើតឡើងនៅជំនួបថ្នាក់ដឹកនាំ APEC ដែលអាមេរិកនឹងធ្វើជាម្ចាស់ផ្ទះនៅខែវិច្ឆិកាឆ្នាំនេះ។ កាលពីចុងសប្ដាហ៍មុន មហាអំណាចសេដ្ឋកិច្ចទាំង២បានរៀបចំជំនួបមន្ត្រីជាន់ខ្ពស់មួយ រវាងទីប្រឹក្សាសន្តិសុខជាតិសេតវិមាន លោក Jake Sullivan និងប្រមុខការទូតចិន លោក Wang Yi នៅប្រទេសកោះម៉ាល់តា៕

ហេតុអ្វីបានជាអាមេនីអាចជាគោលដៅបន្ទាប់សម្រាប់ការឈ្លានពានរបស់រុស្ស៊ី?

រុស្ស៊ី៖ ប្រទេសអាមេនីតូចប៉ុន្តែខ្លាំង គឺស្ថិតក្នុងទីតាំងភូមិសាស្ត្រនយោបាយគួរឲ្យចាប់អារម្មណ៍។ នៅព្រំដែនភាគខាងលិចរបស់ខ្លួន គឺទួរគី ដែលជាសម្ព័ន្ធមិត្តណាតូ ប៉ុន្តែជាសត្រូវយូរអង្វែង។ នៅភាគខាងកើតរបស់ខ្លួន គឺជាសត្រូវមួយទៀត គឺអាស៊ែបៃហ្សង់ដែលអាមេនី ទើបតែវាយដណ្តើមយកតំបន់ជម្លោះណាហ្គ័រណូ-ការ៉ាបាក់ (Nagorno-Karabakh) ដែលបានអះអាងទាមទារដោយប្រទេសទាំងពីរ។នៅភាគខាងជើង គឺប្រទេសហ្ស៊កហ្ស៊ី ដែលស្ថិតនៅក្នុងសង្គ្រាមពាក្យសម្តីមិនចេះមិនហើយ និងចារកម្ម (ហើយជួនកាលមានសង្រ្គាមជាក់ស្តែង) ជាមួយប្រទេសរុស្ស៊ី។ ទាំងហ្ស៊កហ្ស៊ី និងអាមេនី គឺជាផ្នែកមួយនៃសហភាពសូវៀត ប៉ុន្តែនៅពេលដែលរុស្ស៊ីបានឈ្លានពានហ្ស៊កកហ្ស៊ីក្នុងឆ្នាំ២០០៨ ការគាំទ្រសម្រាប់រុស្ស៊ីនៅក្នុងប្រទេសអាមេនី មានកម្រិតខ្ពស់ណាស់។ចំពោះអាមេនីខាងត្បូង គឺអ៊ីរ៉ង់ ដែលសម្រាប់ពេលនេះ ជាមិត្តនឹងអាមេនីដែលមានសម្ព័ន្ធភាពជាមួយរុស្ស៊ី។ ប៉ុន្តែនៅចុងខែកញ្ញាឆ្នាំ ២០២៣ អាមេនីនឹងធ្វើជាម្ចាស់ផ្ទះសម្រាប់សមយុទ្ធយោធារួមគ្នា។ សកម្មភាពនេះ កាន់តែគំរាមកំហែងដល់ប្រទេសរុស្ស៊ី ដែលទទួលកងកម្លាំងយោធារុស្ស៊ីជាផ្នែកនៃសមាជិកភាពនៃអង្គការសន្ធិសញ្ញាសន្តិសុខសមូហភាព (CSTO) របស់ខ្លួន។ សមយុទ្ធនេះ គឺជាចុងក្រោយបង្អស់នៅក្នុងការបំបែករវាងរុស្ស៊ី និងអាមេនី ដែលអាចធ្វើឲ្យបែកបាក់ទំនាក់ទំនងរបស់ពួកគេជាអចិន្ត្រៃយ៍ ឬ អាក្រក់ជាងនេះ។ប្រទេសអាមេនី និងរុស្ស៊ី បានរក្សាទំនាក់ទំនងជិតស្និទ្ធ ចាប់តាំងពីការដួលរលំនៃសហភាពសូវៀតក្នុងឆ្នាំ១៩៩១។ អាមេនីបានចូលរួមជាមួយរុស្ស៊ីក្នុងរដ្ឋឯករាជ្យ ហើយបានចូលរួមកិច្ចសហប្រតិបត្តិការយោធាសេដ្ឋកិច្ច និងជំនួយទៅវិញទៅមកនៃCSTO ក្នុងឆ្នាំ ១៩៩៧។ ប៉ុន្តែចាប់តាំងពីនាយករដ្ឋ មន្ត្រី លោក នីកូល ប៉ាស៊ីនយ៉ាន (Nikol Pashinyan) ត្រូវបានជាប់ឆ្នោត ដើម្បីដឹកនាំប្រទេសអាមេនីក្នុងឆ្នាំ ២០១៨ ប្រទេសនេះ បាននិងកំពុងបំបែកបន្តិចម្តងៗពីឥទ្ធិពលគ្រប់គ្រងរបស់ប្រទេសរុស្ស៊ី។

បណ្ដាមេដឹកនាំពិភពលោកព្រមានពីភាពអត់ឃ្លាន ខណៈគោលដៅអាកាសធាតុកំពុងស្ថិតនៅក្នុងគ្រោះមហន្តរាយ

បញ្ជីការងារដែលត្រូវធ្វើនៃគោលដៅអភិវឌ្ឍន៍ប្រកបដោយចីរភាព ដែលបានកំណត់ក្នុងឆ្នាំ២០១៥ ហាក់ដូចជាកំពុងស្ថិតនៅក្នុងគ្រោះថ្នាក់ នេះបើយោងតាមកិច្ចប្រជុំរបស់បណ្ដាមេដឹកនាំពិភពលោក នៅអង្គការសហប្រជាជាតិក្នុងសប្តាហ៍នេះ។ សេចក្តីថ្លែងការណ៍របស់បណ្ដាមេដឹកនាំទាំងនោះ ដែលអនុម័តដោយឯកច្ឆន្ទនៅក្នុងកិច្ចប្រជុំកំពូលមួយ មុនពេលមហាសន្និបាតប្រចាំឆ្នាំរបស់អង្គការសហប្រជាជាតិ បានព្រមានថា ប្រសិនបើមិនមានវិធានការបន្ទាន់ណាមួយទេ ពិភពលោកអាចនឹងប្រឈមមុខនឹងផលវិបាកយ៉ាងធ្ងន់ធ្ងរក្នុងពេលឆាប់ៗនេះ។បញ្ជីនៃគោលដៅអភិវឌ្ឍន៍ប្រកបដោយចីរភាពចំនួន១៧ចំណុច ត្រូវបានបង្កើតឡើងដើម្បីលុបបំបាត់ភាពអត់ឃ្លាន និងភាពក្រីក្រខ្លាំង ព្រមទាំងការប្រយុទ្ធនឹងបម្រែបម្រួលអាកាសធាតុនៅត្រឹមឆ្នាំ២០៣០។ អគ្គលេខាធិការអង្គការសហប្រជាជាតិ លោក Antonio Guterres បានប្រាប់កិច្ចប្រជុំកំពូលនៃបណ្ដាមេដឹកនាំថា មានតែតួលេខគោលដៅចំនួន១៥%ប៉ុណ្ណោះដែលកំពុងដំណើរការ ហើយមានចំណុចជាច្រើនកំពុងដំណើរការបញ្ច្រាស។កាលពីដើមខែនេះ លោក Guterres បានអំពាវនាវឱ្យមេដឹកនាំក្រុមប្រទេសទាំង២០ (G20) ធានានូវថវិកាជំរុញយ៉ាងតិច៥០០ពាន់លានដុល្លារក្នុងមួយឆ្នាំ ដើម្បីឆ្ពោះទៅរកគោលដៅអភិវឌ្ឍន៍ប្រកបដោយចីរភាព (SDG)។ យោងតាមរបាយការណ៍កាលពីឆ្នាំមុនបានឲ្យដឹងថា ការចំណាយលើការសម្រេចគោលដៅសកលបានកើនឡើង២៥% ដល់ចំនួន១៧៦សែនកោដិ៍ដុល្លារក្នុងឆ្នាំ ដែលបានបញ្ចប់ក្នុងខែកញ្ញា ឆ្នាំ២០២២ ជាមួយនឹងការអនុវត្តលើវិធានការបញ្ច្រាសខុសពីគោលដៅជាច្រើនផងដែរ៕

ប្រទេសប៉េរូ ប្រកាសដាក់រដ្ឋក្នុងគ្រាអាសន្ន នៅតាមផ្នែកខ្លះនៃរដ្ឋធានី បន្ទាប់ពីឧក្រិដ្ឋកម្មកើនឡើង

ប៉េរូ៖ ប្រធានាធិបតីប៉េរូ លោកស្រី Dina Boluarte បាននិយាយកាលពីថ្ងៃចន្ទ (១៨ កញ្ញា) ថា រដ្ឋាភិបាលរបស់លោកស្រី បានប្រកាសដាក់រដ្ឋក្នុងភាពអាសន្ននៅក្នុងស្រុកចំនួនបី ដែលរងគ្រោះដោយការរីករាលដាលនៃឧក្រិដ្ឋកម្ម ដោយជាវិធានការដែលអនុញ្ញាតឱ្យយោធាជួយពង្រឹងសន្តិសុខក្នុងប្រទេស។លោកស្រី Boluarte បាននិយាយនៅក្នុងសេចក្តីថ្លែងការណ៍មួយថា ស្ថានភាពអាសន្នត្រូវបានប្រកាសនៅក្នុងស្រុក San Juan de Lurigancho (សាន វ៉ាន់ ដេ លូរីហ្កានឆូ) និងស្រុក San Martin de Porras (សាន ម៉ាទីន ដេ ប៉ូរ៉ាស)ទាំងនៅក្នុងរដ្ឋធានី លីម៉ា និងនៅភាគខាងជើងនៃស្រុក តាឡារ៉ា (Talara) ដោយបន្ថែមនៅក្នុងបទសម្ភាសន៍មួយថា វិធានការនេះមានគោលបំណងបង្កើន «ការប្រយុទ្ធប្រឆាំងនឹងឧក្រិដ្ឋកម្ម និងក្រុមឧក្រិដ្ឋកម្មដែលមានអង្គការចាត់តាំង»។ក្នុងរយៈពេលប៉ុន្មានថ្ងៃថ្មីៗនេះ នគរបាលបានរាយការណ៍ពីការវាយប្រហារនៅក្នុងទីក្រុង សាន វ៉ាន់ រួមទាំងការគប់គ្រាប់បែកដៃសង្រ្គាមចូលទៅក្នុងក្លឹបរាត្រីមួយ ដែលការវាយប្រហារដោយគ្រាប់បែកដៃមួយទៀតនៅក្បែរនោះ បានបណ្តាលឲ្យមនុស្សយ៉ាងហោចណាស់១៥នាក់រងរបួស។ របាយការណ៍ឧក្រិដ្ឋកម្មទៅកាន់នគរបាលក្នុងរដ្ឋធានី លីម៉ា បានកើនឡើងដល់ជិត១៦០.២០០ករណីកាលពីឆ្នាំមុន ធៀបនឹងចំនួន១២០.៣៥០ករណីក្នុងឆ្នាំ២០២១ នេះបើយោងតាមការិយាល័យទទួលបណ្ដឹងពលរដ្ឋ របស់ប្រទេសប៉េរូ៕

ក្រុមអ្នកតវ៉ានិយាយថា កន្លែងតែមួយគត់ដែលនាយករដ្ឋមន្ត្រីអ៊ីស្រាអែលគួរទៅ គឺពន្ធនាគារ អំឡុងទស្សនកិច្ចនៅអាមេរិក

អ៊ីស្រាអែល៖ ក្រុមអ្នកតវ៉ាប្រឆាំងលោកនាយករដ្ឋមន្ត្រីអ៊ីស្រាអែល Netanyahu បានប្រមូលផ្ដុំគ្នានៅក្នុងទីក្រុង San Francisco កាលពីថ្ងៃចន្ទ ទី១៨ខែកញ្ញា ខណៈលោកនាយករដ្ឋមន្ត្រី រូបនេះ បានបំពេញទស្សនកិច្ចនៅរដ្ឋ California និងជួបជាមួយសហគ្រិនបច្ចេកវិទ្យាលោក Elon Musk។ យោងតាមគេហទំព័ររបស់ខ្លួន ការតវ៉ានេះ ត្រូវបានរៀបចំដោយក្រុមមូលដ្ឋាន UnXeptable ដែលបេកកម្មរបស់ពួកគេ គឺដើម្បីថែរក្សាអត្តសញ្ញាណប្រជាធិបតេយ្យរបស់អ៊ីស្រាអែល ជាទីជម្រករបស់ប្រជាជនជ្វីសទាំងអស់។ អ្នកតវ៉ាវ័យ៨៣ ឆ្នាំម្នាក់ឈ្មោះ តូនី ហ្គូលបាស់ (Toni Golbus)បាននិយាយថា ខ្ញុំមកទីនេះព្រោះខ្ញុំស្រឡាញ់អ៊ីស្រាអែល។ខ្ញុំបានចំណាយពេលយ៉ាងច្រើននៅទីនោះ ខ្ញុំចង់ឲ្យប្រទេសនេះក្លាយជាប្រទេសប្រជាធិបតេយ្យ ហើយខ្ញុំបារម្ភថា អ្វីដែលលោក Netanyahu កំពុងព្យាយាមធ្វើគឺដើម្បីបំភ្លេចចោលលទ្ធិប្រជាធិបតេយ្យ។ អ្នកតវ៉ាម្នាក់ទៀតឈ្មោះ យ៉ាអេល ឡេវី(Yael Levy)វ័យ៣៩ឆ្នាំ បានបន្ថែមថា ខ្ញុំគិតថា វាជារឿងសំខាន់ក្នុងការបញ្ចូនសារ លឺៗនិងច្បាស់ៗ ថា លោកមិនត្រូវបានស្វាគមន៍នៅទីនេះទេ។ខ្ញុំគិតថាមានកន្លែងតែមួយគត់ដែលលោកគួរតែត្រូវបានស្វាគមន៍នោះគឺពន្ធធានាគារ។ រដ្ឋាភិបាលរបស់លោកNetanyahu បានកែប្រែប្រព័ន្ធតុលាការកាលពីខែមករា ដែលបានបង្កឲ្យមានការតវ៉ាទូទាំងប្រទេសមិនធ្លាប់មាននៅក្នុងប្រទេសអ៊ីស្រាអែល ។ លោក Netanyahu បានជំរុញលោក Musk ឲ្យថ្លឹងថ្លែងរវាងការកាពារសិទ្ធិបញ្ចេញមតិដោយសេរីនិងការប្រយុទ្ធប្រឆាំងនឹងសម្ដីបង្កការស្អប់ខ្ពើមនៅជំនួបមួយកាលពីថ្ងៃចន្ទ បន្ទាប់ពីមានភាពចម្រូង ចម្រាសជាច្រើនសប្ដាហ៍ជុំវិញខ្លឹមសារអរិភាពលើបណ្ដាញសង្គម X របស់លោក Musk៕

បណ្ដាញសង្គម

ព័ត៌មានថ្មីៗ

អារ៉ាប៊ីសាអ៊ូឌីត ប៉ាគីស្ថាន និងទួរគី ចុះហត្ថលេខាលើកិច្ចព្រមព្រៀងការពារជាតិរួមគ្នា នៅទីក្រុង Mecca

លោក Trump បញ្ជាក់ថា អ៊ីរ៉ង់ចង់ដោះស្រាយជាមួយសហរដ្ឋអាមេរិក និងមិនចង់រងការវាយប្រហារទេ

ទិន្នន័យ៖ ការផ្ទុះឡើងនៃជំងឺអេបូឡានៅកុងហ្គោ លើសពី ៤.០០០ករណី

កុមារជាង ១០នាក់ បាត់ខ្លួន បន្ទាប់ពីលិចទូកនៅសាធារណរដ្ឋប្រជាធិបតេយ្យកុងហ្គោ

បែលហ្ស៊ិកនឹងដាក់ពង្រាយកងទ័ពនៅកោះ Greenland ជាផ្នែកមួយនៃបេសកកម្មរបស់អង្គការណាតូ

គណៈប្រតិភូធុរកិច្ចមកពីហុងកុង ក្វាងទុង និងម៉ាកាវ បង្ហាញចំណាប់អារម្មណ៍ក្នុងការស្វែងរកឱកាសវិនិយោគលើវិស័យសក្តានុពលនៅកម្ពុជា

ក្រសួងការងារ បន្តនាំយកឱកាសការងារក្នុងស្រុក ១ ៣០០កន្លែង ដល់ប្រជាពលរដ្ឋ និងអតីតពលករនៅស្រុកត្រពាំងប្រាសាទ

រដ្ឋាភិបាល និងគណៈប្រតិភូគណបក្សប្រឆាំង នៅវ៉េណេស៊ុយអេឡា ចាប់ផ្តើមកិច្ចចរចា

ស្ថានទូតរិះគន់ជំហរប្រឆាំងរុស្ស៊ីថ្មីរបស់រដ្ឋាភិបាលចក្រភពអង់គ្លេស

រដ្ឋមន្ត្រីក្រសួងការងារ ជំរុញលើកកម្ពស់ការដឹកនាំ និងអភិវឌ្ឍគ្រឹះស្ថាន TVET ឱ្យកាន់តែទំនើប និងគុណភាពខ្ពស់ក្នុងការបណ្តុះបណ្តាល ដើម្បីឆ្លើយតបតម្រូវការទីផ្សារការងារ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877