នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
អាជ្ញាធររាជធានីបញ្ជាឱ្យម្ចាស់សំណង់ភូមិគ្រឹះខុសច្បាប់សង់លើចំណីទន្លេនៅបាក់ខែង រុះរើ​សំណង់​ចេញជាបន្ទាន់
គណៈបញ្ជាការឯកភាពខេត្តប៉ៃលិន ចុះត្រួតពិនិត្យទីតាំងស្នាក់នៅប្រមូលផ្តុំ និង​ឃាត់​ខ្លួន​ជន​ជាតិ​ចិន​ ៧នាក់ សង្ស័យលួចបង្កប់បទល្មើស Online Scams
៣ខែដើមឆ្នាំនេះ ក្មេងទំនើងជិត ១ពាន់នាក់ត្រូវសមត្ថកិច្ចឃាត់ខ្លួន
នគរបាលជំនាញព្រហ្មទណ្ឌរាជធានីភ្នំពេញ បង្រ្កាបជនសង្ស័យជនជាតិចិន ៣នាក់​ពាក់ព័ន្ធ​អំពើ​លួច​រថយន្ត និងផ្លាកលេខរថយន្តចំនួន ៦ករណី

សន្តិសុខ និង សង្គម

ទីភ្នាក់ងារប្រេស៊ីល៖ រុស្ស៊ីនឹងមិនស៊ើបអង្កេតការធ្លាក់យន្តហោះរបស់លោក Prigozhin ក្រោមច្បាប់អន្តរជាតិ

2023/08/30 01:44:05 pm        401
Facebook Telegram Linkin
រុស្ស៊ី៖ ទីភ្នាក់ងារប្រេស៊ីល កាលពីថ្ងៃអង្គារ (ទី២៩ ខែសីហា) បានប្រាប់ទីភ្នាក់ងារសារព័ត៌មាន Reuters ថា ប្រទេសរុស្ស៊ីបានជូនដំណឹងដល់អាជ្ញាធរស៊ើបអង្កេតយន្តហោះរបស់ប្រទេសប្រេស៊ីលថា ខ្លួននឹងមិនស៊ើបអង្កេតការធ្លាក់យន្តហោះ Embraer ផលិតនៅប្រទេសប្រេស៊ីល ដែលបានសម្លាប់មេដឹកនាំរបស់ក្រុមទាហានស៊ីឈ្នួល លោក Yevgeny Prigozhin ក្រោមច្បាប់អន្តរជាតិ នាពេលនេះនោះទេ។សូមបញ្ជាក់ថា លោក Prigozhin អនុសេនីយ៍ឯក ២រូបនៃក្រុមទាហានស៊ីឈ្នួល Wagner របស់លោក និងអង្គរក្ស ៤នាក់ សុទ្ធតែស្ថិតនៅក្នុងចំណោមមនុស្ស ១០នាក់ ដែលបានបាត់បង់ជីវិត នៅពេលដែលយន្តហោះ Embraer Legacy 600 បានធ្លាក់នៅភាគខាងជើងទីក្រុងម៉ូស្គូ កាលពីសប្តាហ៍មុន។មរណភាពរបស់មេដឹកនាំរូបនេះ កើតមានឡើងក្នុងរយៈពេល ២ខែ មកទល់នឹងថ្ងៃកើតហេតុនោះ ពោលគឺបន្ទាប់ពីមានការបះបោររយៈខ្លីមួយប្រឆាំងនឹងស្ថាប័នការពារជាតិរុស្ស៊ី ដែលការរំជើបរំជួលមួយវឹបនោះ បានបង្កជាបញ្ហាប្រឈមដ៏ធំបំផុត ចំពោះការគ្រប់គ្រងរបស់ប្រធានាធិបតីរុស្សី លោក វ្លាឌីមៀរ ពូទីន (Vladimir Putin) ចាប់តាំងពីលោកបានឡើងកាន់អំណាច ក្នុងឆ្នាំ១៩៩៩។ពាក់ព័ន្ធនឹងការធ្លាក់យន្តហោះនោះ ក្នុងគោលបំណងធ្វើឲ្យសុវត្ថិភាពអាកាសចរណ៍ប្រសើរឡើង មជ្ឈមណ្ឌលស្រាវជ្រាវ និងការពារឧបទ្ទវហេតុផ្លូវអាកាសរបស់ប្រទេសប្រេស៊ីល ហៅកាត់ថា CENIPA បាននិយាយថា ខ្លួននឹងចូលរួមការស៊ើបអង្កេតដែលដឹកនាំដោយរុស្ស៊ី ប្រសិនបើមានការអញ្ជើញ ហើយការស៊ើបអង្កេតធ្វើឡើងក្រោមច្បាប់អន្តរជាតិ។បន្ទាប់ពីមជ្ឈមណ្ឌល បានផ្ញើសារអេឡិចត្រូនិក កាលពីសប្តាហ៍មុន ដោយសួរទៅប្រទេសរុស្ស៊ីថា តើខ្លួននឹងបើកការស៊ើបអង្កេតដែរ ឬទេ នាយក CENIPA លោក Marcelo Moreno បានប្រាប់ទីភ្នាក់ងារសារព័ត៌មាន Reuters ថា៖ «អាជ្ញាធររុស្ស៊ីមិនមានកាតព្វកិច្ច ក្នុងការស៊ើបអង្កេតនោះឡើយ ដោយនេះគ្រាន់តែជាការផ្តល់អនុសាសន៍ឲ្យមានសកម្មភាពបែបនេះប៉ុណ្ណោះ»។យ៉ាងណាក្ដី CENIPA បានឲ្យដឹងនៅក្នុងសេចក្តីថ្លែងការណ៍តាមរយៈសារអេឡិចត្រូនិកថា បជ្ឈមណ្ឌលទទួលបានការឆ្លើយតបពីគណៈកម្មាធិការអាកាសចរណ៍អន្តររដ្ឋ ដែលជាគណៈកម្មការស៊ើបអង្កេតឧប្ទវហេតុ (IAC) កាលពីថ្ងៃអង្គារ (ទី២៩ ខែសីហា) ដោយអាជ្ញាធររុស្ស៊ី បានប្រាប់ថា ខ្លួននឹងមិនបើកឲ្យមានការស៊ើបអង្កេតនាពេលនេះនោះទេ តាមឧបសម្ព័ន្ធទី១៣ (Annex 13)៕

នាយករដ្ឋមន្រ្តីអូស្រ្តាលី ប្រកាសកាលបរិច្ឆេតសម្រាប់ការធ្វើប្រជាមតិជនជាតិដើមភាគតិច

2023/08/30 01:41:45 pm        381
Facebook Telegram Linkin
អូស្រ្តាលី៖  នៅថ្ងៃពុធនេះ នាយករដ្ឋមន្រ្តីអូស្រ្តាលីលោក Anthony Albanese និយាយថា ការធ្វើប្រជាមតិជាប្រវត្តិសាស្រ្ត ដើម្បីផ្លាស់ប្តូររដ្ឋធម្មនុញ្ញទទួលស្គាល់ជនជាតិដើមភាគតិចរបស់ប្រទេសមួយនេះ នឹងត្រូវព្រព្រឹត្តទៅនៅថ្ងៃទី ១៤ ខែតុលា ខាងមុខនេះ ។  ប្រជាពលរដ្ឋអូស្រ្តាលី នឹងត្រូវគេសួរឲ្យបោះឆ្នោតថាតើពួកគេគាំទ្រការផ្លាស់ប្តូររដ្ឋធម្មនុញ្ញឬយ៉ាងណា ឲ្យរួមបញ្ចូល “សំឡេងសភា” ដែលជាគណៈកម្មាធិការជនជាតិដើមភាគតិច ដើម្បីណែនាំសភាសហព័ន្ធលើបញ្ហាប៉ះពាល់ជនជាតិភាគតិច អាប៊័ររិចនី និងប្រជាពលរដ្ឋរស់នៅលើកោះ Torres Strait ។  ទោះបីជាយ៉ាងណាក៏ដោយ អូស្រ្តាលី គ្មានសន្ធិសញ្ញាជាមួយជនជាតិដើមភាគតិចនោះទេ ដែលមានចំនួនស្មើនឹង ៣,២ភាគរយនៃចំនួនប្រជាពលរដ្ឋជិត ២៦លាននាក់របស់ពួកគេ ហើយនិងស្ថិតនៅពីក្រោមមធ្យមភាគជាតិនៃវិធានការសេដ្ឋកិច្ចសង្គមភាគច្រើន ។   ជនជាតិភាគតិចទាំងអស់នេះ មិនត្រូវបានអះអាងនៅក្នុងរដ្ឋធម្មនុញ្ញនោះឡើយ បើទោះបីជាពួកគេបានរស់នៅលើទឹកដីអូស្រ្តាលីអស់រយៈពេលជាង ៦ម៉ឺនឆ្នាំក៏ដោយ ។  គួរឲ្យដឹងថា ការផ្លាស់ប្តូររដ្ឋធម្មនុញ្ញណាមួយនៅអូស្រ្តាលី ត្រូវការការធ្វើប្រជាមតិថ្នាក់ជាតិ ហើយការផ្លាស់ប្តូររដ្ឋធម្មនុញ្ញនៅប្រទេសអូស្រ្តាលី ពិតជាពិបាកខ្លាំងណាស់ ។   កាលពីមុន មាននូវសំណើរចំនួន ៤៤សម្រាប់ការផ្លាស់ប្តូររដ្ឋធម្មនុញ្ញ អំឡុងការធ្វើប្រជាមតិ ១៩លើក ហើយមានតែសំណើរចំនួន ៨ប៉ុណ្ណោះ នៅក្នុងចំណោមសំណើរទាំងអស់នេះ បានអនុម័ត ៕

រដ្ឋមន្រ្តីក្រសួងពាណិជ្ជកម្មសហរដ្ឋអាមេរិក ជំរុញឲ្យមានទំនាក់ទំនងកាន់តែច្រើនជាងនេះជាមួយចិន

2023/08/30 01:39:25 pm        390
Facebook Telegram Linkin
អាមេរិក៖រដ្ឋមន្រ្តីក្រសួងពាណិជ្ជកម្មសហរដ្ឋអាមេរិកលោកស្រី Gina Raimondo និយាយនៅថ្ងៃពុធនេះថា ការទំនាក់ទំនងបន្ថែមទៀត ត្រូវការចាំបាច់រវាងចិន និងសហរដ្ឋអាមេរិក ហើយប្រទេសទាំង ២ បានយល់ព្រមចាប់ផ្តើមឲ្យក្រុមការងារបញ្ហាពាណិជ្ជកម្មជួបគ្នាច្រើនលើកនៅក្នុងឆ្នាំនេះ ។  ពេលផ្តល់អនុសាសន៍នៅកិច្ចប្រជុំសភាពាណិជ្ជកម្មអាមេរិកក្នុងទីក្រុងសៀងហៃ លោកស្រី Raimondo បន្តថា សហរដ្ឋអាមេរិក និងចិន មាននូវទំនាក់ទំនងសេដ្ឋកិច្ចដ៏សំខាន់ និងទ្រង់ទ្រាយធំ ។   លោកស្រី Raimondo គឺជារដ្ឋមន្រ្តីក្រសួងពាណិជ្ជកម្មលើកដំបូងគេបំពេញទស្សនកិច្ចមកកាន់ចិនក្នុងរយៈពេល ៥ឆ្នាំកន្លងមកនេះ ហើយនិងជាមន្រ្តីចុងក្រោយគេរបស់រដ្ឋបាលលោកប្រធានាធិបតី Joe Biden ធ្វើដំណើរមកកាន់ប្រទេសមួយនេះ ដើម្បីពង្រឹងទំនាក់ទំនង ជាពិសេសលើវិស័យសេដ្ឋកិច្ច និងវិស័យការពារជាតិ ស្របពេលដែលជម្លោះរវាងប្រទេសមហាអំណាចសេដ្ឋកិច្ចធំបំផុតទាំង ២របស់ពិភពលោក ធ្វើឲ្យរង្គោះរង្គើរដល់ទំនាក់ទំនងពាណិជ្ជកម្ម ។  លោកស្រី Raimondoនឹងបញ្ចប់ដំណើរទស្សនកិច្ចរយៈពេល ៤ថ្ងៃរបស់លោកស្រីទៅកាន់ប្រទេសចិន ហើយកាលពីថ្ងៃចន្ទ លោកស្រីបានជួបជាមួយសមភាគីចិនលោក Wang Wentao នៅក្នុងទីក្រុងប៉េកាំង ៕

ក្រុមជួយសង្រ្គោះបង្កើនកិច្ចខិតខំជម្លៀសខ្លួន ពេលភ្លៀងធ្លាក់ខ្លាំងបង្កជាទឹកជំនន់នៅតំបន់ភាគខាងកើត និងភាគកណ្តាលប្រទេសចិន

2023/08/30 01:37:17 pm        284
Facebook Telegram Linkin
ចិន៖  ទូរទស្សន៍ CCTV រាយការណ៍ថា ក្រុមជួយសង្រ្គោះ បានបង្កើនកិច្ចខិតខំជម្លៀសខ្លួនមនុស្សរបស់ពួកគេនៅតំបន់ភាគខាងកើត និងតំបន់ភាគកណ្តាលប្រទេសចិន ស្របពេលដែលភ្លៀងធ្លាក់ខ្លាំង បង្កភាពវឹកវរ និងធ្វើឲ្យកើតមានទឹកជំនន់ដ៏គំហក់ ។  រូបភាពវីដេអូឃ្លីបពី CCTV ឃើញក្រុមឆ្លើយតបសង្រ្គោះបន្ទាន់នៅក្នុងខេត្តហ៊ូប៉ី និងខេត្តជាំងហ្ស៊ី ដើរលុកទឹកដែលមានទឹកជំនន់ខ្ពស់ ទៅកាន់ប្រជាពលរដ្ឋដែលជាប់ខ្លួន មុនពេលជម្លៀសពួកគេតាមទូកពោង ហើយនិងតាមខ្សែពួរ ។  ប្រទេសចិន ទទួលរងការភ្លៀងធ្លាក់ខ្លាំង និងទឹកជំនន់អស់រយៈពេលជាច្រើនសប្តាហ៍មកហើយ ស្របពេលដែលមានរដូវក្តៅសើមខុសពីធម្មតា ។ កាលពីចុងខែកក្កដា ព្យុះទីហ្វុង Dokusriបណ្តាលមានភ្លៀងធ្លាក់ខ្លាំងបំផុត មិនធ្លាប់ដែលមានក្នុងរយៈពេលជាង ១ទសវត្សរ៍កន្លងមកនេះ ក្នុងនោះទីក្រុងប៉េកាំង មានភ្លៀងធ្លាក់ខ្លាំងបំផុត ក្នុងរយៈពេល ១៤០ឆ្នាំ ។  រដ្ឋាភិបាលចិន បានអំពាវនាវផងដែរឲ្យមានការប្រុងប្រយ័ត្នបន្ថែមទៀតចំពោះទឹកជំនន់ ស្របពេលដែលព្យុះទីហ្វុង Saola បច្ចុប្បន្នបោកបក់ឆ្លងកាត់សមុទ្រចិនខាងត្បូង ហើយការព្យាករណ៍ បង្ហាញវានឹងបោកបក់មកដល់ដីគោកខេត្តក្វាងទុងនៅថ្ងៃសុក្រខាងមុខនេះ ៕

ជប៉ុន ស្នើឲ្យប្រទេសចិនជំរុញឲ្យពលរដ្ឋបញ្ឈប់ការរំខានបន្ទាប់ពីការចាប់ផ្តើមបញ្ចេញទឹកសំណល់

2023/08/30 01:34:55 pm        230
Facebook Telegram Linkin
ជប៉ុន៖ នាយករដ្ឋមន្ត្រីជប៉ុនលោក Fumio Kishida បានស្នើសុំឲ្យប្រទេសចិនជំរុញឲ្យពលរដ្ឋរបស់ខ្លួនបញ្ឈប់សកម្មភាពរំខាន រួមមានការហៅទូរស័ព្ទពុំទំនង និងការគប់ដុំថ្មទៅលើអគារការទូតនិងសាលារៀនជប៉ុន ក្នុងការឆ្លើយតបទៅនឹងការបញ្ចេញទឹកមានសារធាតុវិទ្យុសកម្មធ្វើប្រព្រឹត្តិកម្មរួច ពីរោងចក្រថាមពលនុយក្លេអ៊ែរ Fukushima ដែលត្រូវបានបំផ្លាញ។ លោក Kishida និយាយថា «ខ្ញុំត្រូតែនិយាយថា «វាជារឿងគួឲ្យសោកស្តាយ»។លោក បាននិយាយថា អនុរដ្ឋមន្ត្រីការបរទេសលោក Masataka Okano បានកោះហៅឯកអគ្គរដ្ឋទូតចិនលោក Wu Jianghao ដើម្បីស្នើសុំថា ពលរដ្ឋចិនគួធ្វើសកម្មភាពស្ងប់ស្ងាត់ និងទទួលខុសត្រូវ។ ការបញ្ចេញទឹកធ្វើប្រព្រឹត្តិកម្មរួចចូលទៅក្នុងសមុទ្រ បានចាប់ផ្តើមកាលពីថ្ងៃព្រហស្បតិ៍កន្លងទៅនេះ ហើយត្រូវបានគេរំពឹងថានឹងបន្តជាច្រើនទសវត្សរ៍ ដែលត្រូវបានជំទាស់យ៉ាងខ្លាំងដោយក្រុមអ្នកនេសាទ និងបណ្តាប្រទេសជិតខាង។ ប្រទេសចិន បានដាក់បម្រាមភ្លាមៗលើការនាំចូលអាហារសមុទ្រជប៉ុនទាំងអស់ជាការឆ្លើយតប។នៅក្នុងប្រទេសកូរ៉េខាងត្បូង មនុស្សរាប់ពាន់នាក់ បានចូលរួមប្រមូលផ្តុំគ្នាកាលពីចុងសប្តាហ៍កន្លងទៅនេះ ដើម្បីថ្កោលទោសការបញ្ចេញទឹកសំណល់នេះ។ប្រព័ន្ធផ្សព្វផ្សាយសាធារណៈរបស់ប្រទេសជប៉ុន NHK បាននិយាយថាការហៅទូរស័ព្ទរំខានរាប់ពាន់លើកមកពីប្រទេសចិន បានដាក់គោលដៅលើការិយាល័យរដ្ឋាភិបាលខេត្ត Fukushima និងប្រតិបត្តិកររោងចក្រនុយក្លេអ៊ែរ។ ប្រព័ន្ធផ្សព្វផ្សាយនេះនិយាយថាអ្នកហៅទូរស័ព្ទ បានស្រែកជាភាសាចិន ហើយមួយចំនួនទៀតនិយាយខ្លាំងៗថា «ល្ងង់ណាស់» និងពាក្យជេប្រមាថផ្សេងៗទៀត៕

ទីភ្នាក់ងារអវកាសឥណ្ឌា បញ្ចេញរូបភាពយានរុករករបស់យានចម្លងចន្រ្តាយាន-៣ស្វែងរកមាត់ភ្នំភ្លើងលើផ្ទៃឋានព្រះច័ន្ទ

2023/08/30 01:32:39 pm        252
Facebook Telegram Linkin
ឥណ្ឌា៖  ទីភ្នាក់ងារអវកាសឥណ្ឌា បានបញ្ចេញរូបភាពថ្មីនូវការរកឃើញចុងក្រោយគេរបស់យានរុករក Pragyaan នៃយានអវកាសចន្រ្តាយាន-៣(Chandrayaan-3) នៅលើផ្ទៃប៉ូលខាងត្បូងរបស់ឋានព្រះច័ន្ទកាលពីថ្ងៃចន្ទ ។  យោងតាមយានរបស់អង្គការស្រាវជ្រាវអវកាសឥណ្ឌា(ISRO) យានរុករកនេះ ស្ថិតនៅក្នុងដំណើររបស់វារកឃើញមាត់ភ្នំភ្លើងដែលមានរង្វាស់ប្រវែង ៤ម៉ែត្រ ហើយយានរុករកនេះ ឈរលើទីតាំងចម្ងាយ ៣ម៉ែត្រនៅមុខទីតាំងរបស់វា ។  ទីភ្នាក់ងារអវកាសមួយនេះ និយាយថា យានរុករកដែលត្រូវបានបញ្ជាឲ្យស្វែងរកផ្លូវដោយ ISRO បច្ចុប្បន្នកំពុងធ្វើដំណើរដោយសុវត្ថិភាពឆ្ពោះទៅកាន់ផ្លូវថ្មី ។  បេសកកម្មនេះ ត្រូវបានគេយល់ព្រមឲ្យពិសោធន៍លើទីតាំងជាច្រើនកន្លែង ដែលការតាមដានកម្តៅផ្ទៃឋានព្រះច័ន្ទ ត្រូវបានបញ្ជូនទៅកាន់ ISRO ។  គួររំឭកថា យានអវកាស Chandrayaan -3បានចុះចតនៅតំបន់ប៉ូលខាងត្បូងដែលមិនទាន់រុករកនៅលើឋានព្រះច័ន្ទ ធ្វើឲ្យប្រទេសឥណ្ឌាក្លាយជាប្រទេសលើកដំបូងគេ សម្រេចបានជោគជ័យធំមួយនេះ រយៈពេលប៉ុន្មានថ្ងៃប៉ុណ្ណោះ ក្រោយបេសកកម្ម Luna-25របស់រុស្ស៊ី បរាជ័យនៅក្នុងបេសកកម្មស្រដៀងគ្នា ៕

UN អំពាវនាវចំពោះបម្រាមសាកល្បងនុយក្លេអ៊ែរ ក្នុងក្តីបារម្ភកើនឡើងក្នុងការបែងចែកពិភពលោក

2023/08/30 01:29:54 pm        209
Facebook Telegram Linkin
UN៖ អង្គការសហប្រជាជាតិកាលពីថ្ងៃអង្គារ បានអំពាវនាវឲ្យមានបម្រាមចំណងផ្លូវច្បាប់សម្រាប់ការសាកល្បងនុយក្លេអ៊ែរ និងបានព្រមានពីមហន្តរាយពិភពលោកនាំមកដោយអាវុធនុយក្លេអ៊ែរ។ នៅក្នុងសារមួយ នៅថ្ងៃទិវាអន្តរជាតិប្រឆាំងការសាកល្បងនុយក្លេអ៊ែរកាលពីថ្ងៃទី២៩ ខែសីហា អគ្គលេខាធិការអង្គការសហប្រជាជាតិលោក Antonio Guterres និយាយថាបម្រាមសាកល្បងនុយក្លេអ៊ែរ ជាជំហានជាមូលដ្ឋានឆ្ពោះទៅរកពិភពលោកគ្មានអាវុធនុយក្លេអ៊ែរ។ សន្ធិសញ្ញាបម្រាមសាកសល្បងនុយក្លេអ៊ែរគ្រប់ជ្រុងជ្រោយ ទោះបីជាពុំទាន់ចូលជាធរមានក៏ដោយ នៅតែជាភស្តុតាងដ៏មានឥទ្ធិពលចំពោះឆន្ទៈមនុស្សជាតិ ដើម្បីដកចេញ មោលនៃមហន្តរាយនុយក្លេអ៊ែរពីពិភពលោករបស់យើងនិងជាស្ថាពរ។លោកបានព្រមានថា នៅឆ្នាំនេះ យើងប្រឈមមុខការកើនឡើងក្តីបារម្ភក្នុងមន្ទិលសង្ស័យ និងការបែងចែងពិភពលោក។ នៅពេលដែលមានអាវុធនុយក្លេអ៊ែរជិត១៣.០០០គ្រឿងត្រូវបានស្តុកទុកនៅជុំវិញពិភពលោក ហើយប្រទេសជាច្រើនកំពុងធ្វើការដើម្បីធ្វើឲ្យប្រសើរឡើងភាពជាក់លាក់របស់ពួកគេ នូវការឈានដល់និងឥទ្ធិពលបំផ្លាញ ដែលនេះជារូបមន្តសម្រាប់ការធ្វើឲ្យសាបសូន្យ។ប្រធានមហាសន្និបាតអង្គការសហប្រជាជាតិ លោក Csaba Korosi បានដឹកនាំកិច្ចប្រជុំពេញអង្គកម្រិតខ្ពស់ដើម្បីប្រារព្ធទីវាអន្តរជាតិប្រឆាំងការសកល្បងនុយក្លេអ៊ែរ ដែលគាំទ្រដោយសាររបស់លោក Guterres និងបានព្រមានអំពីមហន្តរាពិភពលោក នាំមកដោយអាវុធនុយក្លេអ៊ែរ៕

ការសិក្សាថ្មី៖ កង្វក់បរិយាកាសក្លាយជាហានិភ័យដ៏ធំដល់អាយុកាលមធ្យម របស់មនុស្សនៅអាស៊ីខាងត្បូង

2023/08/30 12:50:48 pm        281
Facebook Telegram Linkin
កំណើននៃការកង្វក់ខ្យល់អាចកាត់បន្ថយអាយុកាលមធ្យមរបស់មនុស្សលើសពី៥ឆ្នាំក្នុងមនុស្សម្នាក់នៅអាស៊ីខាងត្បូង ដែលជាតំបន់មួយនៃការបំពុលខ្លាំងបំផុតរបស់ពិភពលោក នេះបើយោងតាមរបាយការណ៍ដែលបានចេញផ្សាយកាលពីថ្ងៃអង្គារ (២៩សីហា) ដែលបានបង្ហាញពីបន្ទុកកើនឡើងនៃខ្យល់ដែលមានគ្រោះថ្នាក់ដល់សុខភាព។វិទ្យាស្ថានគោលនយោបាយថាមពលរបស់សាកលវិទ្យាល័យឈីកាហ្គោ (EPIC) បាននិយាយនៅក្នុងកម្មវិធីសន្ទស្សន៍គុណភាពខ្យល់សម្រាប់ជីវិត ចុងក្រោយរបស់ខ្លួនថា តំបន់ដែលរាប់បញ្ចូលទាំងប្រទេសដែលបំពុលខ្លាំងបំផុតលើពិភពលោកដូចជា បង់ក្លាដែស ឥណ្ឌា នេប៉ាល់ និងប៉ាគីស្ថាន មានចំនួនច្រើនជាងពាក់កណ្តាលនៃអាយុជីវិតសរុបដែលបានបាត់បង់ជាសកល ដោយសារកង្វក់។ឧស្សាហូបនីយកម្មយ៉ាងឆាប់រហ័ស និងកំណើនប្រជាជន បានរួមចំណែកដល់ការធ្លាក់ចុះនៃគុណភាពខ្យល់នៅអាស៊ីខាងត្បូង ដែលការបំពុលដោយភាគល្អិតបច្ចុប្បន្នមានកម្រិត៥០% ខ្ពស់ជាងនៅដើមសតវត្សន៍នេះ ហើយឥឡូវនេះបានគ្របដណ្ដប់លើគ្រោះថ្នាក់ ដែលបង្កឡើងដោយការគំរាមកំហែងសុខភាពកាន់តែធំផងដែរ។របាយការណ៍បានបន្ថែមថា ការកាត់បន្ថយកម្រិតសកលនៃភាគល្អិតខ្យល់បំផ្លាញសួត ដែលគេស្គាល់ថាឈ្មោះ PM 2.5 ទៅកម្រិតដែលត្រូវបានណែនាំដោយអង្គការសុខភាពពិភពលោក (WHO) អាចបង្កើនអាយុកាលរបស់មនុស្សជាមធ្យមត្រឹម២,៣ឆ្នាំ ឬអាយុ១៧,៨ពាន់លានឆ្នាំនៃជីវិតរួមគ្នាបាន៕

ចំហេះព្រៃចំនួន១០ករណីត្រូវបានរាយការណ៍នៅទូទាំងប្រទេសទុយនេស៊ី ក្នុងរយៈពេល២៤ម៉ោងកន្លងមកនេះ

2023/08/30 12:47:01 pm        244
Facebook Telegram Linkin
សេវាការពារស៊ីវិលទុយនីស៊ីបាននិយាយកាលពីថ្ងៃចន្ទ (២៨សីហា)ថា ចំហេះព្រៃចំនួន១០ករណីបានផ្ទុះឡើងនៅក្នុងខេត្តចំនួន៥ នៅប្រទេសទុយនីស៊ីក្នុងរយៈពេល២៤ម៉ោងចុងក្រោយនេះ ដោយបង្ខំឱ្យមានការជម្លៀសប្រជាជនចំនួន១១គ្រួសារ។ ស្ថានីយ៍វិទ្យុក្នុងស្រុក Mosaique FM បានដកស្រង់សម្តីអ្នកនាំពាក្យការពារជនស៊ីវិលឈ្មោះ Moez Triaa ដោយលោកបាននិយាយថា «ចំហេះព្រៃទាំងនេះបានផ្ទុះឡើងនៅក្នុងខេត្ត Jendouba និងខេត្ត Beja នៅភាគពាយ័ព្យ ប្រទេសទុយនេស៊ី»។លោក Triaa បាននិយាយថា អង្គភាពការពារជនស៊ីវិលបានចូលរួមយ៉ាងសកម្មដើម្បីទប់ស្កាត់ចំហេះយ៉ាងឆាប់រហ័ស និងការពារតំបន់ដែលមានប្រជាជនរស់នៅ ហើយទំហំនៃការខូចខាតនៅតែត្រូវការវាយតម្លៃ។ នៅក្នុងខេត្ត Jendouba ចំហេះបានរាលដាលយ៉ាងសន្ធោសន្ធៅ និងបានបំផ្លាញព្រៃឈើមួយផ្នែកធំ។ មន្ត្រីទុយនីស៊ីបាននិយាយបន្ថែមថា ចំហេះទាំងនេះបានគំរាមកំហែងដល់តំបន់លំនៅឋាន ដោយបានជំរុញឱ្យមនុស្សចំនួន១១គ្រួសារត្រូវជម្លៀសចេញផងដែរ។ចំហេះនេះទំនងជាបណ្តាលមកពីអាកាសធាតុក្តៅ និងស្ងួត ដែលបានគ្របដណ្តប់ពាសពេញប្រទេសទុយនេស៊ីក្នុងរយៈពេលប៉ុន្មានថ្ងៃថ្មីៗនេះ។ យោងតាមវិទ្យាស្ថានជាតិឧតុនិយមបានឲ្យដឹងថា សីតុណ្ហភាពបានឡើងដល់កម្រិត៥០អង្សាសេ នៅតំបន់ខ្លះនៃប្រទេសនេះផងដែរ៕

គ្រោះរាំងស្ងួតប៉ះពាល់ដល់ក្តីសង្ឃឹមងើបឡើងវិញ នៃសេដ្ឋកិច្ចរបស់ប្រទេសស្រីលង្កា

2023/08/30 12:42:48 pm        252
Facebook Telegram Linkin
សេដ្ឋកិច្ចរបស់ប្រទេសស្រីលង្កា បានស៊ូទ្រាំនឹងការលំបាកយ៉ាងខ្លាំងនាពេលថ្មីៗនេះ។ ឥឡូវនេះ គ្រោះរាំងស្ងួតដែលគំរាមកំហែងដល់ការប្រមូលផលស្រូវនៅរដូវក្តៅរបស់ប្រទេស អាចធ្វើឱ្យអ្វីៗកាន់តែអាក្រក់ទៅៗ។ សេដ្ឋកិច្ចប្រទេសកោះមួយនេះ កំពុងព្យាយាមងើបឡើងវិញពីវិបត្តិហិរញ្ញវត្ថុដ៏អាក្រក់បំផុតរបស់ខ្លួនក្នុងរយៈពេលជាច្រើនទសវត្សរ៍។ ថវិកាសង្គ្រោះចំនួន២,៩ពាន់លានដុល្លារពីមូលនិធិរូបិយវត្ថុអន្តរជាតិ បានជួយឱ្យប្រទេសនេះមានស្ថិរភាពបន្តិចម្តងៗ ចាប់តាំងពីខែមីនា មក។ ប៉ុន្តែមុនពេលដែលវិស័យកសិកម្មរបស់ប្រទេសអាចងើបឡើងវិញពីការឡើងថ្លៃនៃតម្លៃទំនិញបាន ប្រទេសនេះ បានជួបប្រទះគ្រោះរាំងស្ងួតមួយទៀត។ ភ្លៀងមូសុងនិរតីដែលកសិករពឹងផ្អែកលើការប្រមូលផលរដូវក្តៅ មានសន្ទុះខ្សោយនៅឆ្នាំនេះ ដោយសារបញ្ហាអាកាសធាតុអ៊ែល នីញ៉ូ។ អ្នកព្យាករណ៍ព្យាករណ៍ថានឹងមិនមានភ្លៀងធ្លាក់ទេ រហូតដល់ខែតុលា។ ក្រុមអាជ្ញាធរប៉ាន់ប្រមាណថា ការបាត់បង់ស្រូវអាចមានទំហំដល់ទៅ៧៥.០០០ហិចតានៅទូទាំងប្រទេសស្រីលង្កា។ រហូតមកដល់ពេលនេះ តម្លៃអង្ករភាគច្រើននៅតែថ្លៃមិនប្រែប្រួលនៅក្នុងហាងលក់រាយ។ប៉ុន្តែក្រុមអ្នកជំនាញនិយាយថា ពួកគេមានការព្រួយបារម្ភ ប្រសិនបើប្រទេសនេះមិនទទួលបានភ្លៀងដែលត្រូវការនៅខែមីនាខាងមុខនេះទេ ប្រទេសនេះនឹងនៅសល់ស្តុកបម្រុងតិចតួចប៉ុណ្ណោះ។ ហើយបន្ទាប់មកស្រីលង្កា នឹងត្រូវងាកទៅរកការនាំចូលដ៏ធំ និងមានតម្លៃថ្លៃ។ នោះនឹងបន្ថែមពីលើការលំបាកដែលជួបប្រទះ នៅក្នុងប្រទេសមានប្រជាជនចំនួន២២លាននាក់ ដែលសេដ្ឋកិច្ចកំពុងជួបការលំបាកមួយនេះ ដោយសារអង្ករគឺជាដ៏អាហារសំខាន់៕

បណ្ដាញសង្គម

ព័ត៌មានថ្មីៗ

រដ្ឋមន្ត្រីក្រសួងហិរញ្ញវត្ថុអ៊ីស្រាអែល បញ្ជាក់​ថា ICC ស្វែង​រក​ដីកាចាប់ខ្លួន​លោក
05/19/2026 07:05 PM
Facebook Telegram Linkin
ស៊ុយអែតនឹងទិញនាវាចម្បាំងបារាំងចំនួន ៤គ្រឿង ជា​កិច្ចព្រមព្រៀងការពារជាតិដ៏ធំ
05/19/2026 06:05 PM
Facebook Telegram Linkin
សេវាស៊ើបការណ៍សម្ងាត់បរទេសរុស្ស៊ី៖ អ៊ុយក្រែនកំពុងរៀបចំវាយប្រហារដោយយានដ្រូន​ពីទឹកដីឡាតវី
05/19/2026 06:05 PM
Facebook Telegram Linkin
អធិការបតី​អាល្លឺម៉ង់៖ អ៊ីរ៉ង់ត្រូវតែឈប់លលេងនឹង​ពេលវេលា ហើយវិល​ត្រឡប់ទៅកាន់​តុចរចាវិញ
05/19/2026 06:05 PM
Facebook Telegram Linkin
កងទ័ពអ៊ីស្រាអែលឃាត់​​នាវាជាង ៤០គ្រឿង ពី​​កង​នាវាជំនួយ​ Global Sumud Flotilla ឆ្ពោះទៅ​ហ្កាហ្សា
05/19/2026 06:05 PM
Facebook Telegram Linkin
អ៊ីរ៉ង់និយាយថា សំណើសន្តិភាពរួមមានសំណងសម្រាប់ការខូចខាតដោយសារសង្គ្រាម និងការដកទ័ពអាមេរិក
05/19/2026 06:05 PM
Facebook Telegram Linkin
ទីក្រុងគីវ៖ ការវាយប្រហារដោយមីស៊ីលរបស់រុស្ស៊ីលើទីក្រុងអ៊ុយក្រែន សម្លាប់មនុស្ស ២នាក់ និង ១៧នាក់រងរបួស
05/19/2026 06:05 PM
Facebook Telegram Linkin
IOM៖ ជនអន្តោប្រវេសន៍ចំនួន ៧៤១នាក់ ត្រូវស្ទាក់ចាប់បាន ហើយបញ្ជូនត្រឡប់ទៅលីប៊ីវិញ ក្នុងរយៈពេល ១ សប្តាហ៍
05/19/2026 05:05 PM
Facebook Telegram Linkin
មនុស្សយ៉ាង​តិច​ ២នាក់ស្លាប់​ ខណៈ​​ ៤នាក់រងរបួស អំឡុង​ការ​​បាញ់ប្រហារ នៅភាគខាងត្បូងអេស្ប៉ាញ
05/19/2026 05:05 PM
Facebook Telegram Linkin
ការលើកលែងទោសអន្តរជាតិ៖ អ្នករិះគន់រដ្ឋាភិបាលឥណ្ឌូនេស៊ី គឺជាគោលដៅនៃការវាយប្រហារ និងអំពើហិង្សា
05/19/2026 05:05 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.