BTV NEWS

គណៈបញ្ជាការឯកភាពរាជធានី បន្តចុះបង្ក្រាប Online Scams នៅសង្កាត់ចាក់អង្រែលើ ឃាត់មនុស្ស១៦នាក់

ផ្តន្ទាទោសជនជាប់ចោទ ៦នាក់ ដាក់ពន្ធនាគារអស់មួយជីវិតពាក់ព័ន្ធនឹងករណីឃាតកម្មដោយមានទារុណកម្មលើនិស្សិតជនជាតិកូរ៉េខាងត្បូង

ឃាត់ខ្លួនជនជាតិចិន ៦១នាក់ ក្នុងប្រតិបត្តិការបង្ក្រាបទីតាំង Online Scams នៅខណ្ឌចំនួនពីរ ក្នុងភូមិសាស្រ្តរាជធានីភ្នំពេញ

រយៈពេល៣សប្តាហ៍ខែឧសភានេះ សមត្ថកិច្ច បង្ក្រាប Online Scams ចំនួន ៥០ទីតាំង ឃាត់ខ្លួនជនបរទេសសង្ស័យប្រមាណ ៣ ៣២០នាក់ និងបណ្តេញចេញជាង១ពាន់នាក់

សន្តិសុខ និង សង្គម

Update៖ ជំនន់ទឹកភ្លៀងផ្តើមស្រក ក្រោយជន់លិចផ្ទះពលរដ្ឋនៅឃុំឫស្សីជ្រុំ ស្រុកថ្មបាំង

កោះកុង៖ បន្ទាប់ពីជំនន់ទឹកភ្លៀងជន់លិចលំនៅឋានប្រជាំពលរដ្ឋក្នុងភូមិចំនួន២ នៅឃុំឬស្សីជ្រុំ ស្រុកថ្មបាំង នៅព្រឹកថ្ងៃទី០១ខែសីហានេះ ទឹកចាប់ផ្តើមស្រកជាបណ្តើរៗហើយ ដោយអាជ្ញាធរបញ្ចូនពលរដ្ឋវិលត្រឡប់ទៅផ្ទះវិញផងដែរ។ស្ថានភាពជំនន់ទឹកភ្លៀងនៅក្នុងភូមិត្រពាំងឈើត្រាវ និងភូមិគគីរជ្រុំ ឃុំឬស្សីជ្រុំ នៅព្រឹកថ្ងៃទី១ ខែសីហា ឆ្នាំ២០២៣ គឺបានស្រកចុះជាបណ្តើរៗហើយក្រោយបរិមាណទឹកភ្លៀងថយចុះហូរពីជ្រលងភ្នំ។លោកស្រី អ៊ី នារីនេត អភិបាលរងខេត្តកោះកុង បានឱ្យដឹងថា អាកាសធាតុព្រឹកនេះមិនទាន់មានភ្លៀងធ្លាក់ខ្លាំងដូចប៉ុន្មានថ្ងៃមុននោះទេ ពោលគឺមេឃគ្រាន់តែស្រទុំដែលអំណោយផលមួយសម្រាប់ការរស់នៅរបស់ពលរដ្ឋ។ ស្ថានភាពជំនន់ទឹកភ្លៀងនៅឃុំឬស្សីជ្រុំ និងឃុំជំនាប់ តំបង់អារ៉ែង ក៏បានថមថយឥទ្ធិពល រីឯពលរដ្ឋក៏ត្រូវបានបញ្ជូនវិលត្រឡប់ទៅលំនៅដ្ឋានវិញផងដែរ។ ប៉ុន្តែអាជ្ញាធរសមត្ថកិច្ចនៅតែបន្តតាមដានអាកាសធាតុ និងត្រៀមចុះជួយសង្រ្គោះ ករណីមានទឹកជំនន់ជាថ្មី។យោងតាមរបាយការណ៍ព័ត៌មានផ្តល់ដោយអាជ្ញាធរស្រុកថ្មបាំង បង្ហាញថា មានពលរដ្ឋ៣៧គ្រួសារ និងដីស្រែចម្ការចំនួន២០ហិកតាស្ថិតនៅភូមិត្រពាំងឈើត្រាវ និងភូមិគគីរជ្រុំ បានរងផលប៉ះពាល់ដោយសារជំនន់ទឹកភ្លៀង ។ពលរដ្ឋទាំង៣៧គ្រួសារខាងលើ ត្រូវបានជម្លៀសមករកទីសុវត្តិភាពដោយអោយពួកគាត់ស្នាក់នៅជាបណ្តោះអាសន្ននៅវត្តសិលាមុន្នីគីរីរង្សី(ហៅវត្តលើ) ឃុំឫស្សីជ្រុំ ស្រុកថ្មបាំង ដោយលោកជំទាវ មិថុនា ភូថង ប្រធានគណៈកម្មាធិការកាកបាទក្រហមកម្ពុជាខេត្តកោះកុង អញ្ជើញចុះចែកអំណោយមនុស្សធម៌ភ្លាមៗផងដែរ។លោកស្រី ទួត ហាទីម៉ា អភិបាលស្រុកថ្មបាំង ថ្លែងថា ជំនន់ទឹកភ្លៀងនេះមិនបង្កឲ្យពលរដ្ឋណាម្នាក់ស្លាប់នោះ ពោលគ្រាន់តែលិចផ្ទះសម្បែង ផ្លូវថ្នល់ និងផលដំណាំរបស់ពលរដ្ឋប៉ុណ្ណោះ៕ (អត្ថបទ៖ ឈឹម មករា)

សមាជិកក្រុមប្រឹក្សាសន្តិសុខUN ជំរុញឱ្យរុស្ស៊ីដកទ័ពចេញពីទឹកដីអន្តរជាតិរបស់អ៊ុយក្រែន

UN៖ កាលពីថ្ងៃចន្ទ (៣០ កក្កដា) សមាជិកក្រុមប្រឹក្សាសន្តិសុខអង្គការសហប្រជាជាតិ បានជំរុញឱ្យរុស្ស៊ីដកទ័ពរបស់ខ្លួនចេញពីទឹកដីដែលទទួលស្គាល់ជាអន្តរជាតិរបស់អ៊ុយក្រែន។ តំណាងរបស់ប្រទេសអ៊ុយក្រែន លោកស្រី Khrystyna Hayovyshyn (គ្រីស្ទីណា ហាយ៉ូវីស៊ីន) បាននិយាយថា សកម្មភាពរបស់រុស្ស៊ី បង្កការគំរាមកំហែងយ៉ាងខ្លាំងដល់ស្ថិរភាពក្នុងតំបន់ និងទូទាំងពិភពលោក។ក្រុមមន្ត្រីអ៊ុយក្រែនបាននិយាយថា ការវាយប្រហារដោយមីស៊ីលរបស់រុស្ស៊ីទៅលើទីក្រុង គ្រីវី រី (Kryvyi Rih) ភាគខាងត្បូងប្រទេសអ៊ុយក្រែនកាលពីថ្ងៃចន្ទ បានសម្លាប់មនុស្សយ៉ាងហោចណាស់ ៦នាក់ រួមទាំងក្មេងស្រីអាយុ ១០ឆ្នាំម្នាក់ និងម្តាយរបស់នាង ព្រមទាំងមនុស្សរាប់សិបនាក់ផ្សេងទៀតរងរបួស។រដ្ឋធានី គីវ ដែលបានទទួលគ្រឿងយុទ្ធោបករណ៍ និងការហ្វឹកហ្វឺនមានតម្លៃរាប់ពាន់លានដុល្លារពីប្រទេសលោកខាងលិច ដើម្បីធ្វើការវាយលុកដណ្តើមយកទឹកដីដែលកាន់កាប់ឡើងវិញនៅរដូវក្តៅនេះ បានទទួលស្គាល់ថាយុទ្ធនាការរបស់ខ្លួនកំពុងដំណើរការយឺតជាងការរំពឹងទុក។ ក្រុមមេបញ្ជាការនិយាយថា ល្បឿនវាយលុកដោយចេតនាគឺត្រូវការចាំបាច់ដើម្បីបញ្ចៀសគ្រោះថ្នាក់ខ្ពស់។ទាហានរុស្សីមានពេលជាច្រើនខែដើម្បីរៀបចំពហរងឹងបន្ទាយការពារ និងដាក់ពង្រាយគ្រាប់មីន។ ក្រុមអ្នកវាយប្រហារជនជាតិអ៊ុយក្រែន ខ្វះឧត្តមភាពដែនអាកាស ដែលសម្ព័ន្ធមិត្តណាតូ ជាធម្មតារំពឹងទុកនៅក្នុងសមយុទ្ធហ្វឹកហ្វឺនរបស់ពួកគេ៕

រុស្ស៊ី បានវាយប្រហារដោយមីស៊ីល លើក្រុងកំណើតរបស់លោក Zelensky សម្លាប់មនុស្សចំនួន៦នាក់

រុស្ស៊ី៖ មនុស្សយ៉ាងហោចណាស់៦នាក់ រួមទាំងក្មេងស្រីអាយុ១០ឆ្នាំនិងម្ដាយរបស់នាង បានស្លាប់ដោយសារការវាយប្រហារដោយមីស៊ីលរបស់រុស្ស៊ីលើទីក្រុង គ្រីវីរី (Kryvyi Rih)របស់អ៊ុយក្រែន។ រដ្ឋមន្ត្រីក្រសួងមហាផ្ទៃរបស់អ៊ុយក្រែន បាននិយាយថា មនុស្សចំនួន៦៩នាក់បានរងរបួសនៅពេលមីស៊ីលជាច្រើនគ្រាប់បានវាយប្រហារលើអគារខ្ពស់មួយនិងសាកលវិទ្យាល័យមួយកន្លែងកាលពីថ្ងៃចន្ទ។ អភិបាលតំបន់ លោក ស៊ើហ៊ី លីសាក់(Serhiy Lysak) បានប្រកាសកាន់ទុក្ខរយៈពេលមួយថ្ងៃសម្រាប់អ្នកបាត់បង់ជីវិត។ ក្រុងកំណើតរបស់លោកប្រធានាធិបតី Volodymyr Zelensky ស្ថិតក្នុងទីក្រុង គ្រីវីរី គឺជាគោលដៅមិនផ្លាស់ប្ដូរសម្រាប់ការវាយប្រហារទាំងឡាយពីសំណាក់កងកម្លាំងរុស្ស៊ី។ កាលពីខែមិថុនា មនុស្ស១១នាក់បានស្លាប់ និង២៨នាក់ផ្សេងទៀតបានរងរបួស នៅក្នុងទីក្រុងមួយនេះ បន្ទាប់ពីរុស្ស៊ី បើកការវាយប្រហារដោយមីស៊ីលដ៏ច្រើនសន្ធាប់លើអគារលំនៅឋានរបស់ជនស៊ីវិល។ការវាយប្រហារចុងក្រោយបំផុត គេបានមើលឃើញមនុស្សជាច្រើនត្រូវបានបញ្ជូនទៅកាន់មន្ទីរពេទ្យ រួមទាំងកុមារ អាយុចាប់ពី៤ឆ្នាំដល់ ដល់១៧ឆ្នាំ។ លោក Zelensky ដែលបានធំធាត់នៅក្នុងទីក្រុងដែលមានប្រជាជនប្រមាណ ៦០ម៉ឺននាក់ រស់នៅ បាននិយាយថាមីស៊ីលចំនួន២គ្រាប់ បានធ្លាក់ចំប្លុកអគារអឹផាតមិនរបស់ប្រជាពលរដ្ឋ និងអគារសាកលវិទ្យាល័យមួយកាលពីព្រឹកថ្ងៃចន្ទ៕

អ្នកវិភាគ៖ រដ្ឋប្រហារនីហ្សេ អាចបើកទ្វារដល់ក្រុមទាហានស៊ីឈ្នួល Wagner និងក្រុមជីហាដ

អាមេរិក៖ អ្នកវិភាគសន្តិសុខអាមេរិកម្នាក់បានព្រមានថា ការទម្លាក់ប្រធានាធិបតីនីហ្សេ លោក Mohamed Bazoum អាចធ្វើឱ្យប្រទេសនេះ មានភាពងាយស្រួលសម្រាប់ក្រុមទាហានស៊ីឈ្នួល The Wagner និងក្រុមជីហាដ ខណៈដែលវិបត្តិនេះបានធ្វើឱ្យអតីតសម្ព័ន្ធមិត្តលោកខាងលិចរបស់នីហ្សេ ប្រឆាំងនឹងរុស្ស៊ី និងមេដឹកនាំរបបយោធាដទៃទៀតនៅក្នុងតំបន់។សហភាពអាហ្រ្វិក អង្គការសហប្រជាជាតិ សហភាពអឺរ៉ុប និងមហាអំណាចផ្សេងទៀតបានថ្កោលទោសការទម្លាក់លោកប្រធានាធិបតី Mohamed Bazoum នេះ ដែលជាការកាន់កាប់ដោយយោធាលើកទី៧ ក្នុងរយៈពេលតិចជាងបីឆ្នាំនៅអាហ្វ្រិកខាងលិច និងកណ្តាល ដែលបានធ្វើឱ្យខូចដល់វឌ្ឍនភាពលទ្ធិប្រជាធិបតេយ្យនៅក្នុងតំបន់ក្រីក្របំផុតរបស់ពិភពលោកមួយនេះ។ ប៉ុន្តែរបបយោធានៃប្រទេសជិតខាងដូចជា ប្រទេសប៊ូគីណា ហ្វាសូ (Burkina Faso), ប្រទេសម៉ាលី (Mali) និងប្រទេសហ្គីនេ (Guinea) សុទ្ធតែបានសម្តែងការគាំទ្ររបស់ពួកគេចំពោះមេដឹកនាំរដ្ឋប្រហារទាំងនោះ។កាលពីសប្តាហ៍មុន លោក Yevgeny Prigozhin ប្រធានក្រុមទាហានស៊ីឈ្នួល Wagner របស់រុស្ស៊ី បានស្វាគមន៍រដ្ឋប្រហារនៅនីហ្សេ ហើយបាននិយាយថា កងកម្លាំងរបស់លោកមានលទ្ធភាពដើម្បីស្តារសណ្តាប់ធ្នាប់ឡើងវិញក្នុងប្រទេសនេះ។ លោកស្រី Analiese Bernard អ្នកវិភាគសន្តិសុខ និងជាអតីតមន្ត្រីក្រសួងការបរទេសសហរដ្ឋអាមេរិក បាននិយាយថា ប្រសិនបើក្រុមទាហាន Wagner ជាប់ពាក់ព័ន្ធក្នុងប្រទេសនីហ្សេ នោះវាទំនងជានឹងប្រព្រឹត្តិការរំលោភសិទ្ធិមនុស្ស ដូចគ្នាដែលក្រុមនោះធ្លាប់បានប្រព្រឹត្តនៅក្នុងប្រទេសម៉ាលីដែលជាប្រទេសជិតខាងនោះ ហើយបើកទ្វារឱ្យក្រុមជីហាដឈរជើងនៅក្នុងប្រទេសនីហ្សេ មិនខាន៕

មន្ត្រីជាន់ខ្ពស់៖ អារ៉ាប៊ីសាអ៊ូឌីត នឹងធ្វើជាម្ចាស់ផ្ទះកិច្ចចរចាសន្តិភាពអ៊ុយក្រែន

អារ៉ាប៊ីសាអ៊ូឌីត៖ ប្រទេសអារ៉ាប៊ីសាអ៊ូឌីត កំពុងរៀបចំធ្វើជាម្ចាស់ផ្ទះនៃកិច្ចប្រជុំកំពូលមួយ ដើម្បីពិភាក្សាអំពីផែនការរបស់ប្រធានាធិបតីអ៊ុយក្រែនលោក វ៉ូឡូមៀ ហ្សេឡិនស្គី សម្រាប់សន្តិភាពនៅក្នុងប្រទេសរបស់លោក ចំពេលមានការវាយលុករបស់រុស្ស៊ី ដែលកំពុងបន្ត នេះបើយោងតាមមន្ត្រីជាន់ខ្ពស់នៅទីក្រុងគីវ។លោក អានឌ្រី យឺម៉ាក ( Andriy Yermak) ប្រធានបុគ្គលិករបស់លោកប្រធានាធិបតីហ្សេឡិនស្គី បាននិយាយកាលពីថ្ងៃអាទិត្យថា មន្ត្រីមកពីប្រទេសជាច្រើន នឹងចូលរួមក្នុងកិច្ចប្រជុំកំពូលអារ៉ាប៊ីសាអ៊ូឌីត ប៉ុន្តែមិនបានបញ្ជាក់ថា កិច្ចប្រជុំ នឹងត្រូវធ្វើឡើងនៅពេលណា ឬនៅទីក្រុងណានោះទេ។កាសែត Wall Street Journal ដែលបានរាយការណ៍ជាលើកដំបូងនៅលើកិច្ចប្រជុំកំពូល ដោយដកស្រង់សម្តី «អ្នកការទូតចូលរួមក្នុងការពិភាក្សា» បាននិយាយថា កិច្ចពិភាក្សា នឹងប្រព្រឹត្តទៅនៅថ្ងៃទី៥ និង៦ ខែសីហា នៅទីក្រុងជេដដាហ៍ (Jeddah) ដោយមានប្រទេសប្រហែល៣០ចូលរួម។សារព័ត៌មាន The Journal បាននិយាយថា មន្ត្រីអ៊ុយក្រែន និងលោកខាងលិចសង្ឃឹមថា កិច្ចខិតខំប្រឹងប្រែងនេះ អាចបញ្ចប់នៅក្នុងកិច្ចប្រជុំកំពូលសន្តិភាពមួយនៅចុងឆ្នាំនេះ ដែលមេដឹកនាំពិភពលោក នឹងចុះហត្ថលេខាលើគោលការណ៍រួមគ្នាសម្រាប់ការដោះស្រាយសង្រ្គាមនេះ។

ប្រទេសចិន និងហ្គីយ៉ាន បានចុះហត្ថលេខាលើសេចក្តីប្រកាសរួម ដោយព្រមព្រៀងពង្រីកកិច្ចសហប្រតិបត្តិការលើវិស័យផ្សេងៗ

ចិន៖ ប្រទេសចិន និងហ្គីយ៉ាន បានចុះហត្ថលេខាលើសេចក្តីប្រកាសរួមមួយ នៅថ្ងៃចន្ទ (ទី៣១ ខែកក្កដា) នេះ ដោយមានកិច្ចព្រមព្រៀងពង្រីកកិច្ចសហប្រតិបត្តិការទ្វេភាគីលើវិស័យផ្សេងៗ ដោយក្នុងនោះរួមទាំងពាណិជ្ជកម្ម ការវិនិយោគ ហេដ្ឋារចនាសម្ព័ន្ធ ថាមពល និងកសិកម្មផងដែរ។ក្នុងសេចក្តីប្រកាសដែលត្រូវបានចុះហត្ថលេខា ក្នុងឱកាសនៃដំណើរទស្សនកិច្ចដែលកំពុងតែប្រព្រឹត្តទៅរបស់ប្រធានាធិបតីហ្គីយ៉ាន លោក Irfaan Ali នៅប្រទេសចិននោះ ប្រទេសហ្គីយ៉ាន បានរំលឹកឡើងវិញនូវការគាំទ្ររបស់ខ្លួន ចំពោះគោលការណ៍ចិនតែមួយ ដោយអះអាងពីគំនិតផ្តួចផ្តើម ដែលស្នើឡើងដោយប្រទេសចិន រួមមានគំនិតផ្តួចផ្តើមខ្សែក្រវ៉ាត់ និងផ្លូវ គំនិតផ្តួចផ្តើមអភិវឌ្ឍន៍សកល គំនិតផ្តួចផ្តើមសន្តិសុខសកល និងគំនិតផ្តួចផ្តើមអារ្យធម៌សកល។លើសពីនេះទៀត ភាគីទាំងពីរ ក៏បានឯកភាពជំរុញកិច្ចសហប្រតិបត្តិការលើវិស័យវប្បធម៌ និងអប់រំ ព្រមទាំងបន្តជំរុញកម្មវិធីផ្លាស់ប្តូរនិស្សិតផងដែរ។សូមបញ្ជាក់ថា ប្រធានាធិបតីហ្គីយ៉ាន កំពុងស្នាក់នៅ ក្នុងប្រទេសចិន ចាប់ពីថ្ងៃទី២៥ ខែកក្កដា ដល់ថ្ងៃទី១ ខែសីហា ដែលក្នុងនោះលោកបានចូលរួមក្នុងពិធីបើកការប្រកួតកីឡាសាកលវិទ្យាល័យពិភពលោក FISU រដូវក្តៅលើកទី៣១ នៅថ្ងៃទី២៨ ខែកក្កដា ហើយកំពុងបំពេញទស្សនកិច្ចនៅប្រទេសមហាអំណាចនៅអាស៊ីនេះ៕

រលកកម្ដៅវាយប្រហារទីក្រុងស៊ីដនី និងផ្នែកផ្សេងៗទៀតនៃប្រទេសអូស្រ្តាលី

អូស្រ្តាលី៖ ទីក្រុងស៊ីដនីបានកត់ត្រាខែកក្កដាដែលជាខែក្តៅបំផុតរបស់ខ្លួន លើសពីកំណត់ត្រាមុនៗដែលបានកត់ត្រាកាលពីឆ្នាំ២០១៨។ គិតត្រឹមពាក់កណ្តាលរសៀលថ្ងៃច័ន្ទនេះ សីតុណ្ហភាពនៅទីក្រុងនីមួយៗនៃរដ្ឋភាគខាងកើត បានឈានដល់កំណើនការព្យាករណ៍ចំនួន១ដឺក្រេ ឬច្រើនជាងនេះ។លោក Ben Domensino អ្នកជំនាញឧតុនិយមប្រចាំតំបន់អាកាសធាតុបាននិយាយថា សីតុណ្ហភាព២៣,៥អង្សាសេ របស់ទីក្រុងស៊ីដនី គឺជាសីតុណ្ហភាពអតិបរិមានៃខែកក្កដាលើសពីកំណត់ត្រាមុនមានកម្រិត ១៩,៨៩អង្សាសេ ដែលបានកត់ត្រាក្នុងឆ្នាំ២០១៨។ ផ្នែកភាគច្រើននៃប្រទេសអូស្ត្រាលីកំពុងបន្តជួបប្រទះអាកាសធាតុក្តៅមិនសមហេតុផលក្នុងសប្តាហ៍នេះ រួមទាំងកម្ដៅកំណត់ត្រាសម្រាប់ទីក្រុងស៊ីដនីផងដែរ។ ក្នុងពេលជាមួយគ្នានោះ រដ្ឋ Tasmania ប្រឈមនឹងការបំផ្លិចបំផ្លាញដោយខ្យល់បក់ខ្លាំង។សីតុណ្ហភាពនៅទីក្រុងធំៗចំនួន ៤ ក្នុងចំណោមទីក្រុងធំៗចំនួន ៨ របស់ប្រទេសអូស្ត្រាលី ត្រូវបានគេព្យាករណ៍ថានឹងឡើងដល់យ៉ាងហោចណាស់ដល់កម្រិត ២០អង្សាសេ នៅថ្ងៃច័ន្ទនេះ រួមមានទីក្រុងស៊ីដនី (២២អង្សាសេ) ទីក្រុង Brisbane ( ប៊្រីសបិន) (២៧អង្សាសេ) ទីក្រុង Perth (២០អង្សាសេ) និងទីក្រុង Darwin (៣៣អង្សាសេ) បន្ទាប់ពីសីតុណ្ហភាពកើនឡើងចំនួន ៨អង្សាសេ លើសពីធម្មតាសម្រាប់ខែកក្កដានៅចុងសប្តាហ៍ ក្នុងផ្នែកខ្លះនៃប្រទេសអូស្ត្រាលីភាគខាងកើតផងដែរ៕

សង្គ្រាមកំពុងត្រឡប់ទៅរករុស្ស៊ីវិញ បន្ទាប់ពីការវាយប្រហារដោយយានដ្រូននៅទីក្រុងម៉ូស្គូ

អ៊ុយក្រែន៖ ប្រធានាធិបតីអ៊ុយក្រែន លោក Volodymyr Zelensky បាននិយាយថា សង្រ្គាមកំពុងវិលត្រលប់ទៅរកប្រទេសរុស្ស៊ីវិញ ប៉ុន្មានម៉ោងបន្ទាប់ពីវិមានក្រឹមឡាំងបានចោទប្រកាន់រដ្ឋធានី គីវ ពីការកំណត់គោលដៅវាយប្រហាររដ្ឋធានីមូស្គូជាមួយនឹងយានដ្រូន ដែលជាការវាយប្រហារចុងក្រោយបង្អស់។ក្រសួងការពារជាតិរុស្ស៊ីបាននិយាយថា យានដ្រូនចំនួន៣គ្រឿងត្រូវបានស្ទាក់ចាប់កាលពីថ្ងៃអាទិត្យ ប៉ុន្តែអាជីវកម្ម និងផ្សារទំនើបមួយនៅភាគខាងលិចនៃរដ្ឋធានីត្រូវបានវាយប្រហារ។ ទីភ្នាក់ងារព័ត៌មានរដ្ឋ TASS បានរាយការណ៍ថា ជាន់ទី៥ និងទី៦នៃអគារកម្ពស់ ៥០ជាន់បានរងការខូចខាត ហើយមិនមានអ្នកស្លាប់និងរបួសត្រូវបានរាយការណ៍ទេ។លោក Zelensky បាននិយាយនៅក្នុងសុន្ទរកថាប្រចាំថ្ងៃរបស់លោកថា "អ៊ុយក្រែនកាន់តែរឹងមាំ ហើយសង្រ្គាមកំពុងវិលត្រលប់ទៅរកទឹកដីរុស្ស៊ីវិញជាបណ្តើរៗ គឺទៅកាន់មជ្ឈមណ្ឌលនិមិត្តសញ្ញា និងមូលដ្ឋានយោធារបស់រុស្ស៊ី" ។ "នេះគឺជាការជៀសមិនរួច ហើយវាជារឿងធម្មជាតិ និងយុត្តិធម៌ពិតប្រាកដ"។អ្នកនាំពាក្យរបស់កងទ័ពអាកាសអ៊ុយក្រែនបាននិយាយថា ការវាយប្រហារដោយយានដ្រូនចុងក្រោយបង្អស់លើរដ្ឋធានីមូស្គូគឺសំដៅលើការប៉ះពាល់ដល់ប្រជាជនរុស្ស៊ី ដែលចាប់តាំងពីវិមានក្រឹមឡាំងបានឈ្លានពានអ៊ុយក្រែនក្នុងខែកុម្ភៈឆ្នាំ២០២២មក៕

មនុស្ស៤នាក់ បានស្លាប់ បន្ទាប់ពីកងកម្លាំងការពារផ្លូវដែកឥណ្ឌាបើកការបាញ់ប្រហារលើរថភ្លើងមួយគ្រឿង

ឥណ្ដា៖កងកម្លាំងការពារផ្លូវដែក (RPF) នៅភូមិ ចាវ៉ាន់ (jawan) ប្រទេសឥណ្ឌា បានបាញ់សម្លាប់មនុស្ស ៤នាក់ នៅលើរថភ្លើងពីទីក្រុងចៃពួរ (Jaipur) ទៅទីក្រុងម៉ុមបៃ (Mumbai) ។ ជនរងគ្រោះរួមមានអ្នករួមដំណើរ៣នាក់ និងជំនួយការអធិការរងកងកម្លាំងការពារផ្លូវដែក RPF ម្នាក់។កម្លាំងការពារផ្លូវដែកលោក Chetan បានបាញ់ជនរងគ្រោះទាំងបួននាក់នោះ។ ហេតុការណ៍នេះបានកើតឡើងកាលពីវេលាម៉ោង៥ព្រឹកថ្ងៃចន្ទ ត្រង់ចន្លោះស្ថានីយវ៉ាភី (Vapi)និងស្ថានីយបូរីវ៉ាលី (Borivali)។ បច្ចុប្បន្នជនសង្ស័យត្រូវបានឃាត់ខ្លួននៅអធិការដ្ឋាននគរបាលស្រុកបូរីវ៉ាលី។ យោងតាមសេចក្តីថ្លែងការណ៍របស់នគរបាលបានឲ្យដឹងថា ហេតុការណ៍នោះត្រូវបានគេរាយការណ៍នៅលើរថភ្លើងលេខ១២៩៥៦ នៅវេលាម៉ោង ៥:២៣នាទីនៅថ្ងៃទី៣១ ដែកក្កដា ឆ្នាំ២០២៣ ថាមានការបាញ់ប្រហារនៅក្នុងបន្ទប់រថភ្លើង B5 ។ គេបានបញ្ជាក់ថាលោក Chetan ដែលស្ថិតក្នុងកាតព្វកិច្ចអមដំណើរ បានបាញ់ទៅលើអ្នកទទួលខុសត្រូវអមដំណើរឈ្មោះ ASI Tika Ram។ រថភ្លើងបានទីដល់ស្ថានីយ៍ BVI ហើយតាមព័ត៌មានជាមុន ជនរងគ្រោះ៣នាក់ក៏ត្រូវបានរាយការណ៍ផងដែរ បន្ថែមពីលើកងកម្លាំងការពារផ្លូវដែករូបនោះ៕

រដ្ឋធានីរបស់ប្រទេសចិន ជួបប្រទះការធ្លាក់ភ្លៀងខ្លាំងបំផុតប្រចាំឆ្នាំ រហូតនាំមានឲ្យមានជម្លៀសមនុស្សរាប់ម៉ឺននាក់

ចិន៖ រដ្ឋធានីប៉េកាំងរបស់ប្រទេសចិន បានជួបប្រទះនូវការធ្លាក់ភ្លៀងខ្លាំងបំផុត ក្នុងឆ្នាំនេះ ខណៈដែលកម្សួលនៃព្យុះទីហ្វុង Doksuri បានបក់បោកឆ្លងកាត់ទីក្រុងនេះ ដោយបង្ខំឲ្យមានការជម្លៀសប្រជាជនរាប់ម៉ឺននាក់ពីតំបន់ដែលមានហានិភ័យខ្ពស់ នៅក្នុងតំបន់។យោងតាមការសង្កេតរបស់ទីក្រុងនេះ បានឲ្យដឹងថា ភ្លៀងធ្លាក់ជាមធ្យមក្នុងទីក្រុងប៉េកាំងពេញមួយយប់ថ្ងៃចន្ទ (ទី៣១ ខែកក្កដា) បានឡើងដល់កម្រិត ១៤០,៧មីលីម៉ែត្រ ដោយបរិមាណភ្លៀងធ្លាក់ជាអតិបរមា នៅក្នុងតំបន់ Fangshan ឡើងដល់ ៥០០.៤មីលីម៉ែត្រ (អ៊ីង)។ គេរំពឹងថា ភ្លៀងធ្លាក់នៅតំបន់ភាគខាងត្បូង និងភាគខាងលិច នឹងមានកម្រិតកាន់តែខ្លាំង នៅព្រឹកថ្ងៃចន្ទនេះ។ តែយ៉ាងណាក្ដី ប្រព័ន្ធផ្សព្វផ្សាយរដ្ឋ បានឲ្យដឹងថា មិនទាន់មានរបាយការណ៍ខូចខាត ឬរងរបួសនៅឡើយទេ។Doksuri គឺជាព្យុះដ៏មានឥទ្ធិពលខ្លាំងបំផុតមួយ ដែលបានវាយប្រហារប្រទេសចិន ក្នុងរយៈពេលជាច្រើនឆ្នាំ ហើយមនុស្សរាប់រយលាននាក់ នៅតំបន់ភាគខាងជើងនៃប្រទេស ក្នុងនោះរួមទាំងនៅទីក្រុងប៉េកាំង នៅតែស្ថិតក្រោមការប្រកាសអាសន្នពណ៌ក្រហម ដែលជាកម្រិតខ្ពស់បំផុត សម្រាប់ការមានភ្លៀងធ្លាក់ខ្លាំង។ ការជូនដំណឹងនេះគ្របដណ្តប់លើប្រជាជនចំនួន ២២លាននាក់របស់ទីក្រុងប៉េកាំង និង ១៤លាននាក់របស់ទីក្រុង Tianjin ក៏ដូចជាផ្នែកខ្លះនៃខេត្ត Hebei, Shanxi, Shandong និង Henan។ប្រព័ន្ធផ្សព្វផ្សាយក្នុងស្រុក បានរាយការណ៍ថា នេះជាលើកទី១ ហើយ គិតចាប់តាំងពីឆ្នាំ២០១១ ដែលមានការព្រមានពីភ្លៀងធ្លាក់ខ្លាំងបែបនេះ ហើយបានឲ្យដឹងបន្ថែមទៀតថា ការងារត្រូវបានបញ្ឈប់នៅការដ្ឋានសំណង់ជាង ៤.០០០កន្លែង ក្នុងទីក្រុងប៉េកាំង ដោយអគារចំនួនជិត ២០.០០០ ត្រូវបានត្រួតពិនិត្យមើលការខូចខាត ហើយកន្លែងសម្ដែងទស្សនីភាពផ្សេងៗ នៅក្នុងទីក្រុង ត្រូវបានបិទ៕

បណ្ដាញសង្គម

ព័ត៌មានថ្មីៗ

ក្រុមអ្នកជួយសង្គ្រោះ៖ មនុស្ស ៤នាក់ទៀតដែលជាប់ក្នុងរូងភ្នំ នៅឡាវ ត្រូវបាននាំចេញដោយសុវត្ថិភាព

លោក Hegseth៖ យុគសម័យឧបត្ថម្ភធនការពារជាតិពីអាមេរិក សម្រាប់ «ប្រទេសអ្នកមាន» ចប់ហើយ

មន្ត្រីជាន់ខ្ពស់អ៊ីរ៉ង់ និយាយថា លោក Trump «ក្បត់ការទូត» ដោយបន្តបិទខ្ទប់ដោយទ័ពជើងទឹកអាមេរិក

វេជ្ជបណ្ឌិត៖ សុខភាពលោក Trump គឺល្អប្រសើរណាស់ ប៉ុន្តែគួរតែសម្រកទម្ងន់

អ្នកនៅរស់ពីការជាប់ក្នុងរូងភ្នំ នៅឡាវ បានបរិភោគថាសឈើសម្រាប់រែងមាស ដើម្បីបន្តជីវិត

មនុស្ស ១៨នាក់ស្លាប់ និង ៣០នាក់រងរបួស ដោយសាររថយន្តដឹកជនភៀសខ្លួន ក្រឡាប់នៅភាគខាងកើតអាហ្វហ្គានីស្ថាន

សេតវិមាន៖ លោក Trump «នឹងធ្វើតែកិច្ចព្រមព្រៀងដែលល្អសម្រាប់អាមេរិកប៉ុណ្ណោះ» ជាមួយអ៊ីរ៉ង់

នាយករដ្ឋមន្ត្រី៖ កាណាដា និងចិន កំពុងសាង «ភាពជាដៃគូប្រកបដោយស្ថិរភាព និងការស្ថាបនាបន្ថែមទៀត»

រដ្ឋមន្រ្ដីក្រសួងការងារ ចុះពិនិត្យមើលខ្សែច្រវាក់ផលិតកម្មក្រុមហ៊ុន THACO AGRI ក្នុងខេត្តក្រចេះ ដែលផ្តល់ឱកាសការងារប្រមាណ២ម៉ឺននាក់ និងផ្ទេរជំនាញបច្ចេកទេសកសិកម្មទំនើប

របាយការណ៍៖ សភាអាមេរិកកំពុងធ្វើសមាហរណកម្មកងកម្លាំងយោធាអាមេរិក និងអ៊ីស្រាអែលដោយស្ងាត់ៗ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877