BTV NEWS

ជនជាតិវៀតណាម ១០នាក់ ពាក់ព័ន្ធករណីលួចស្នាក់នៅ ធ្វើការងារខុសច្បាប់ ត្រូវបានបណ្ដេញចេញពីកម្ពុជា

គណៈបញ្ជាការឯកភាពរាជធានី ចុះរដ្ឋបាលបង្ក្រាប Online Scams នៅខណ្ឌពោធិ៍សែនជ័យ ឃាត់ជនបរទេស ២០នាក់

ភ្ជុំបិណ្ឌ៣ថ្ងៃ គ្រោះថ្នាក់ចរាចរណ៍សម្លាប់អ្នកដំណើរជាង ២០នាក់ របួសធ្ងន់ស្រាលជាង ១០០នាក់

គិតត្រឹមខែកញ្ញាឆ្នាំ២០២៦នេះ មន្ត្រីនគរបាល ៧៧នាក់ត្រូវវិន័យធ្ងន់ធ្ងរដោយសារ Online Scams ខណៈជនជាតិខ្មែរ និងបរទេសជិត ៥ពាន់ទៀតត្រូវជាប់ឃុំ

សន្តិសុខ និង សង្គម

អ្នកជំនាញ៖ផែនការរបស់រុស្ស៊ីក្នុងការបញ្ឈប់ការវាយប្រហារដោយយានដ្រូនក្នុងសមុទ្រជាមួយនឹងរបាំងការពារបណ្តែតទឹក មានគុណវិបត្តិជាក់ស្តែង

រុស្ស៊ី៖ យោងតាមសារព័ត៌មានរុស្ស៊ីឯករាជ្យ Mash បានឲ្យដឹងថា ប្រទេសរុស្ស៊ី បានដាក់ពង្រាយរបាំងការពារអណ្តែតទឹកក្បែរស្ពានគ្រីម៉េ ដើម្បីការពារការវាយប្រហារដោយយានដ្រូនរបស់អ៊ុយក្រែន ប៉ុន្តែពួកគេអាចមានគុណវិបត្តិជាក់ស្តែងមួយ។លោក Stephen Wright អ្នកបង្កើតបច្ចេកវិទ្យាយានដ្រូន បានថ្លែងប្រាប់សារព័ត៌ Insider ថា របាំងការពារបណ្តែតទឹក ដែលមានមកតាំងពីសង្គ្រាមលោកលើកទី២ នឹងបង្ហាញថា គ្មានប្រយោជន៍ ប្រសិនបើអ៊ុយក្រែន សម្រេចចិត្តទប់ទល់នឹងការវាយប្រហារដោយយានដ្រូនជាច្រើនលើក ក្នុងរយៈពេលដ៏ខ្លីនោះ។ស្រដៀងទៅនឹងសំណាញ់ប្រឆាំងនឹងគ្រាប់បែកប្រឆាំងនាវា ( torpedo) របាំងការពារបណ្តែតទឹក គឺជារបាំងការពារដ៏សំខាន់ ឬសំណាញ់ដែលព័ទ្ធជុំវិញគោលដៅដ៏មានសក្តានុពល នៅក្នុងសមុទ្រ ឬឆ្លងកាត់មាត់កំពង់ផែ ឬច្រកសមុទ្រសម្រាប់ការការពារប្រឆាំងនឹងយានដ្រូន។ប្រព័ន្ធការការពារទាំងនេះ ត្រូវបានដាក់ពង្រាយ បន្ទាប់ពីអ៊ុយក្រែន បានបង្ហាញយានដ្រូនសមុទ្រថ្មីដែលត្រូវបានផលិតឡើង ដើម្បីវាយប្រហារកងនាវារបស់រុស្ស៊ីនៅសមុទ្រខ្មៅ៕

ព្យុះទីហ្វុង Khanun សម្លាប់មនុស្ស២នាក់និងកាត់ផ្តាច់អគ្គីសនីដល់លំនៅឋាន១៦៦.០០០ខ្នងនៅជប៉ុន

ជប៉ុន៖ លំនៅឋានប្រមាណ១៦៦.០០០ខ្នងទៀត នៅកោះOkinawa និងខេត្ត Kagoshima ( កាហ្កូស៊ីម៉ា)នៅប្រទេសជប៉ុនភាគនិរតី គ្មានអគ្គិសនីប្រើប្រាស់នៅព្រឹកថ្ងៃព្រហស្បតិ៍នេះ ខណៈព្យុះទីហ្វុង Khanun កំពុងវាយបក់យឺតៗ បានបន្តនាំយកភ្លៀងធ្លាក់ខ្លាំង និងខ្យល់បក់មានសន្ទុះខ្លាំង កំពុងអូសបន្លាយពេលនៃការបំផ្លាញខ្លាំង។ យោងតាមទីភ្នាក់ងារឧត្តុនិយមជប៉ុន បានឲ្យដឹងថា ព្យុះនៅសមុទ្រចិនខាងកើត កំពុងបក់ឆ្ពោះទៅកាន់ភាគពាយព្យ ក្នុងល្បឿនយឺតដោយមានសន្ទុះ ២២២គីឡូម៉ែត្រក្នុងមួយម៉ោង។ សារព័ត៌មាន NHK បាននិយាយថា មនុស្ស២នាក់ត្រូវបានរាយការណ៍ថាបានស្លាប់ នៅកោះ Okinawa ជាគោលដៅទេសចរណ៍ដ៏ពេញនិយម មានចម្ងាយ១.៦០០ គីឡូម៉ែត្រភាគនិរតី រដ្ឋធានីតូក្យូរបស់ប្រទេសជប៉ុនគិតត្រឹមព្រឹកថ្ងៃព្រហស្បតិ៍នេះ។ យោងតាម ទីភ្នាក់ងារគ្រប់គ្រងគ្រោះមហន្តរាយ និងអគ្គិភ័យ បានឲ្យដឹងថា មនុស្សសរុប ៤១នាក់នៅខេត្តកោះOkinawa និងខេត្ត Kagoshima បានរងរបួស។អាកាសយានដ្ឋាន Naha ស្ថិតនៅរដ្ឋធានីរបស់កោះ Okinawa និងច្រកចូលធំទៅកាន់គោលដៅទេសចរណ៍ដ៏មានប្រជាប្រីយ បានបន្តប្រតិបត្តិការនៅថ្ងៃព្រហស្បតិ៍នេះ បន្ទាប់ពីបានបិទរយៈពេល២ថ្ងៃ។ ក្រសួងដឹកជញ្ជូននិយាយថា ទោះជាយ៉ាងណា ជើងហោះហើរចំនួន២០៤ ត្រូវបានលុបចោល។ព្យុះទីហ្វុង Khanun បានបង្ខំឲ្យសាលារៀន និងអាជីវកម្មជាច្រើនកន្លែង បិទទ្វារ នៅកោះតៃវ៉ាន់ភាគខាងជើងនៅថ្ងៃព្រហស្បតិ៍នេះ ដោយជើងហោះហើរអន្តរជាតិចំនួនជិត៤០ កំពុងត្រូវបានលុបចោល៕

សហជីពនៅនីហ្សេរីយ៉ា ធ្វើកូដកម្មប្រឆាំងការកើនឡើងតម្លៃប្រេងឥន្ធនៈ ធ្វើឲ្យកើនឡើងតម្លៃផ្សេងៗ

នីហ្សេរីយ៉ា៖ ការធ្វើកូដកម្មនៅទូទាំងប្រទេស ដែលបានអំពាវនាវដោយសហជីពការងាររបស់ប្រទេសនីហ្សេរីយ៉ា ដើម្បីធ្វើការតវ៉ា ប្រឆាំងការដកចេញការផ្តល់ការឧបត្ថមធនប្រេង និងទាមទាប្រាក់ឈ្នួលអប្បរមាថ្មី ដែលត្រូវបានដកចេញចំពោះការចាប់ផ្តើមយឺតយ៉ាវ កាលពីថ្ងៃពីថ្ងៃពុធខណៈអាជីវកម្មភាគច្រើននៅតែបើកទ្វារ ទោះបីជាចរាចរណ៍មានការកាត់បន្ថយនៅចំណុចមួយចំនួនក៍ដោយ។ ចាប់តាំងពីការស្បថចូលកាន់តំណែងកាលពីថ្ងៃទី២៩ ខែ ឧសភា ប្រធានាធិបតីលោក Bola Tinubu បានចាប់ផ្តើមកំណែទម្រង់ដ៏ក្លៀវក្លាបំផុតរបស់ប្រទេសក្នុងរយៈពេលជាច្រើនទសវត្សរ៍មកនេះ ដោយបោះបង់ប្រជាប្រិយភាព ប៉ុន្តែមានការឧបត្ថមធន មានតម្លៃថ្លៃ ដែលបានចំណាយ១០ពាន់លានដុល្លារកាលពីឆ្នាំមុន និងបន្ធូរបន្ថយរបបប្តូរប្រាក់បរទេស។ ខណៈកំណែទម្រង់ត្រូវបានស្វាគមន៍ដោយក្រុមអ្នកវិនិយោគ សហជីពជាច្រើននិយាយថា ពួកគេបាននាំទៅរកការកើនឡើងការចំណាយលើជីវភាពប្រចាំថ្ងៃ នៅពេលដែលពលរដ្ឋនីហ្សេរីយ៉ាបានទប់ទល់រួចទៅហើយជាមួយអតិផរណាកើនឡើងខ្ពស់ក្នុងរយៈពេលជិត២ទសវត្សរ៍មកនេះ។ ក្រុមអ្នកតវ៉ាកំពុងកាន់ផ្ទាំងប្រកាសរាប់រយនាក់ ដឹកនាំដោយមេដឹកនាំសហជីព បានបានចេញដើរធ្វើបាតុកម្មនៅក្នុងរដ្ឋធានី Abuja និងរដ្ឋ Bayelsa ដែលផលិតប្រេង ជាកន្លែងដែលមន្ត្រីសហជីព បានផ្តល់ញ្ញតិទៅកាន់រដ្ឋាភិបាលរដ្ឋ ដោយលម្អិតពីការលំបាករបស់ពួកគេ។ ក្រុមអ្នកតវ៉ា បានដើរក្បួននៅទីក្រុងKano និងទីក្រុង Kaduna នៅភាគខាងជើង។ សភាការងាររប្រទេសនីហ្សេរីយ៉ា និយាយថា ការបញ្ចប់ការឧបត្ថមធនប្រេងឥន្ធនៈ កំពុងធ្វើឲ្យប៉ះពាល់ដល់ពលរដ្ឋក្រីក្រយ៉ាងខ្លាំង។ សហជីពជាច្រើន និយាយថា កូដកម្មនឹងមានរយៈពេល១សប្តាហ៍ ប៉ុន្តែពួកគេអាចព្យាយាមគាំទ្រដល់ការតវ៉ាខណៈមនុស្សរាប់លាននាក់ត្រូវបានជួល ក្នុងវិស័យសេដ្ឋកិច្ចក្រៅផ្លូវការធំៗ គ្មានអ្នកតំណាងសហជីព៕

កម្មករសំណង់របស់កូរ៉េខាងត្បូង អំពាវនាវឲ្យមានលក្ខខណ្ឌការងារល្អប្រសើរ ក្នុងពេលអាកាសធាតុក្តៅខ្លាំង

កូរ៉េខាងត្បូង៖ កម្មករសំណង់របស់ប្រទេសកូរ៉េខាងត្បូង បានប្រមូលផ្តុំគ្នាតវ៉ា នៅមុខការិយាល័យប្រធានាធិបតី ក្នុងទីក្រុងសេអ៊ូល កាលពីថ្ងៃពុធ (ទី២ ខែសីហា) ដើម្បីទាមទារលក្ខខណ្ឌការងារឲ្យកាន់តែប្រសើរឡើងជាងនេះ ខណៈដែលប្រទេសនេះ បានព្រមានកាន់តែខ្លាំងឡើងៗ អំពីអាកាសធាតុក្តៅដល់កម្រិតខ្ពស់បំផុតជាលើកដំបូងក្នុងរយៈពេល ៤ឆ្នាំ។បន្ទាប់ពីចាក់ទឹកកកលើខ្លួនឯងរួចមក លោកស្រី Jeon Jae-hee ដែលជាសមាជិកនៃសហជីពកម្មករសំណង់ បាននិយាយថា៖ «រលកកម្ដៅរបស់កូរ៉េខាងត្បូងកំពុងឈានដល់កម្រិតក្ដៅខ្លាំងបំផុត។ បើទោះជាសីតុណ្ហភាពឡើងលើស ៣៥អង្សារសេក៏ដោយ កម្មករសំណង់មិនអាចសម្រាក នៅកន្លែងសម្រាកបានទេ ហើយវារឹតតែពិបាក ក្នុងការប្រើបន្ទប់សម្រាក»។ រូបភាពវីដេអូពីសហជីព បានបង្ហាញឲ្យឃើញថា កម្មករសំណង់ដេកលើដី នៅឯការដ្ឋានសំណង់ ដើម្បីឲ្យត្រជាក់។ ដោយឡែកនៅឯតំបន់ទេសចរណ៍ Myeongdong គេឃើញប្រជាជនកាន់កង្ហារចល័ត និងបរិភោគការ៉េម ខណៈដែលរបាំងការពារកម្តៅថ្ងៃ និងឧបករណ៍ត្រជាក់ក ត្រូវបានដាក់លក់ នៅតាមហាងនានា។សូមបញ្ចាក់ថា បើតាមភ្នាក់ងារពន្លត់អគ្គិភ័យជាតិ បានឲ្យដឹងថា ប្រទេសកូរ៉េខាងត្បូងបានធ្វើការព្រមានកាន់តែខ្លាំងឡើងៗ អំពីកម្ដៅ នៅក្នុងប្រព័ន្ធ ៤ថ្នាក់របស់ខ្លួនដល់កម្រិតខ្ពស់បំផុត គិតត្រឹមម៉ោង ៦ល្ងាច នៅថ្ងៃអង្គារ (ទី១ ខែសីហា) ជាលើកដំបូង គិតចាប់តាំងពីឆ្នាំ២០១៩។ កម្ដៅដ៏ហួតហែងនេះ ត្រូវបានគេប៉ាន់ប្រមាណថា បានសម្លាប់មនុស្សយ៉ាងហោចណាស់ ២២នាក់ នៅទូទាំងប្រទេស គិតត្រឹមថ្ងៃអង្គារនោះ ពោលគឺច្រើនជាង៣ដងនៃចំនួន ៧នាក់ ក្នុងរយៈពេលដូចគ្នា កាលពីឆ្នាំមុន៕

រដ្ឋមន្ត្រីការបរទេសកោះតៃវ៉ាន់៖ ជម្លោះជាមួយចិន នឹងមានលទ្ធផលដ៏មហន្តរាយ

តៃវ៉ាន់៖ លោករដ្ឋមន្ត្រីការបរទេស ចូសិប អ៊ូ ( Joseph Wu) បានថ្លែងប្រាប់សារព័ត៌មាន AFP ក្នុងបទសម្ភាសន៍មួយកាលពីថ្ងៃពុធ (ទី២ សីហា) ដោយលើកឡើងពីសារៈសំខាន់ជាយុទ្ធសាស្ត្ររបស់កោះនេះសម្រាប់ឧស្សាហកម្មបន្ទះអេឡិចត្រូនិក (semiconductor) និងផ្លូវដឹកជញ្ជូនសកល។ការព្រមានរបស់លោកអ៊ូ កើតឡើងនៅពេលកោះតៃវ៉ាន់ ដែលគ្រប់គ្រងតាមបែបប្រជាធិបតេយ្យនេះ បោះជំហានទៅរកការបោះឆ្នោតជ្រើសរើសមេដឹកនាំរបស់ខ្លួននៅឆ្នាំក្រោយ ខណៈពេលដែលកំពុងប្រឈមមុខនឹងសម្ពាធកាន់តែខ្លាំងផ្នែកយោធា និងនយោបាយពីប្រទេសចិន នៅទូទាំងច្រកសមុទ្រតៃវ៉ាន់។ទីក្រុងប៉េកាំង បានអះអាងថាតៃវ៉ាន់គឺជាទឹកដីរបស់ខ្លួន ហើយបានប្តេជ្ញាម្តងហើយម្តងទៀតថា នឹងក្រសោបកោះ នេះនៅថ្ងៃណាមួយ ដោយប្រើយោធា ប្រសិនបើចាំបាច់។លោកអ៊ូ បាននិយាយថា រាល់សកម្មភាពនៃកម្លាំងប្រឆាំងប្រឆាំងនឹងកោះតៃវ៉ាន់ នឹងមានផលប៉ះពាល់ជាសកល។លោកបានថ្លែងដោយចង្អុលទៅបញ្ហាកង្វះស្បៀងអាហារ និងឥន្ធនៈ និងអតិផរណាដែលកំពុងកើនឡើងដែលបានមកពីការឈ្លានពានរបស់ រុស្ស៊ីលើអ៊ុយក្រែនថា អ្វីដែលយើងត្រូវធ្វើ គឺការពន្យល់ដល់សហគមន៍អន្តរជាតិថា ប្រសិនបើមានជម្លោះណាមួយពាក់ព័ន្ធនឹងកោះតៃវ៉ាន់ វានឹងមានលទ្ធផលអាក្រក់សម្រាប់ពិភពលោកទាំងមូល៕

ភាពតានតឹងកាន់តែកើនឡើង នៅព្រំដែនណាតូជាមួយបេឡារុស បន្ទាប់ពីទាហាន Wagner ចូលទៅកាន់តែកៀក

ប៉ូឡូញ៖ ប្រទេសប៉ូឡូញនឹងដាក់ពង្រាយទាហានបន្ថែមទៀត នៅតាមព្រំដែនជាមួយប្រទេសបេឡារុស បន្ទាប់ពីខ្លួនបានចោទប្រកាន់ទីក្រុងមីនស្ក៍ (Minsk) ថា រំលោភលើដែនអាកាសរបស់ខ្លួន ដែលសកម្មភាពនេះ បង្កើនភាពតានតឹងកាន់តែខ្លាំងឡើង រវាងប្រទេសសមាជិកណាតូ (NATO) មួយនេះ និងសម្ព័ន្ធមិត្តដ៏ជិតស្និទ្ធរបស់វិមានក្រឹមឡាំង ជុំវិញបរិយាកាសសន្តិសុខដែលប្រែប្រួលកាន់តែខ្លាំងឡើង នៅតំបន់អឺរ៉ុប។រដ្ឋាភិបាលទីក្រុងវ៉ាសូវី បានឲ្យដឹងថា ឧទ្ធម្ភាគចក្ររបស់បេឡារុស ២គ្រឿង ត្រូវបានចោទថា បានរំលោភលើដែនអាកាសប៉ូឡូញ អំឡុងពេលសមយុទ្ធហ្វឹកហ្វឺន កាលពីថ្ងៃអង្គារ (ទី១ ខែកក្កដា) តែក្រសួងការពារជាតិបេឡារុស បានបដិសេធយ៉ាងដាច់អហង្ការ និងច្រានចោលថា ជាការចោទប្រកាន់ «មិនសូវទំនង»។ភាពតានតឹងនេះ បានកើតឡើងក្នុងពេលមានមានកើនឡើងនូវសកម្មភាព នៅជិតព្រំដែនដីដ៏តូច រវាងប្រទេសប៉ូឡូញ និងលីទុយអានី ដែលត្រូវបានគេដឹងថា ជាគម្លាត Suwalki ឬច្រករបៀង ដែលកងទ័ពមកពីក្រុមទាហានស៊ីឈ្នួល Wagner របស់រុស្ស៊ី កំពុងធ្វើដំណើរឆ្ពោះទៅ ដែលជាប៉ុនប៉ងជាក់ស្តែង ដើម្បីបង្កើនសម្ពាធលើសមាជិកណាតូ និងសហភាពអឺរ៉ុប។គួរបញ្ជាក់ដែរថា មេដឹកនាំបេឡារុស លោក Alexander Lukashenko បានចុះកិច្ចព្រមព្រៀងមួយ ដើម្បីទប់ស្កាត់ការបះបោរដែលបរាជ័យរបស់ក្រុមទាហានស៊ីឈ្នួល Wagner ប្រឆាំងនឹងទីក្រុងម៉ូស្គូ បន្ទាប់ពីនោះមក ទាហានស៊ីឈ្នួលរាប់ពាន់នាក់ ត្រូវបានរាយការណ៍ថា ត្រូវបានបញ្ជូនទៅកាន់ប្រទេសបេឡារុស។ក្រសួងការពារជាតិប៉ូឡូញ បានឲ្យដឹងនៅក្នុងសេចក្តីថ្លែងការណ៍ថា៖ «ទីក្រុងមីនស្ក៍ បានជូនដំណឹងដល់ទីក្រុងវ៉ាសូវីអំពីសមយុទ្ធនេះដែរ ប៉ុន្តែការឆ្លងកាត់ព្រំដែន បានកើតឡើងនៅភាគខាងកើតតំបន់ Bialowieza ( ប៊ូយ៉ាឡូវ៉េហ្សា) ក្នុងរយៈកម្ពស់ទាបបំផុត ដែលលំបាកចាប់បានដោយប្រព័ន្ធរ៉ាដា»។ក្រសួងបានបន្ថែមទៀតថា រដ្ឋមន្ត្រីការពារជាតិប៉ូឡូញ លោក Mariusz Blaszczak (ម៉ាអ៊ូស ប្លាស្សាក់) បានបញ្ជាជាបន្តបន្ទាប់ឲ្យដាក់ពង្រាយទាហាន និងឧទ្ធម្ភាគចក្រប្រយុទ្ធបន្ថែមទៀត នៅតាមព្រំដែន។ តែយ៉ាងណាក្ដី ក្រសួងការពារជាតិបេឡារុស បាននិយាយថា៖ «មិនមានការរំលោភលើដែនអាកាសដោយឧទ្ធម្ភាគចក្រ Mi-24 និង Mi-8 នោះឡើយ»៕

បម្រាមនាំចេញអង្កររបស់ឥណ្ឌា នឹងធ្វើឱ្យប៉ះពាល់ដល់មនុស្សរាប់លាននាក់ទូទាំងពិភពលោក

ឥណ្ឌា៖ ការហាមប្រាមការនាំចេញអង្កររបស់ប្រទេសឥណ្ឌា អាចបង្កផលប៉ះពាល់ពាសពេញទីផ្សារអង្ករពិភពលោក ហើយមនុស្សរាប់លាននាក់ត្រូវបានគេរំពឹងថានឹងរងផលប៉ះពាល់ផងដែរ ដោយអ្នកប្រើប្រាស់អាស៊ី ព្រមទាំងអាហ្រ្វិក នឹងទទួលរងនូវផលប៉ះពាល់ដ៏ខ្លាំងបំផុត។ប្រទេសឥណ្ឌា ដែលជាប្រទេសនាំចេញអង្ករដ៏ធំបំផុតរបស់ពិភពលោក បានហាមប្រាមការនាំចេញអង្ករសដែលមិនមែនជាពូជបាសម៉ាទី កាលពីថ្ងៃទី២០ ខែកក្កដា ខណៈដែលរដ្ឋាភិបាលបានព្យាយាមទប់ទល់នឹងកំណើនតម្លៃអាហារក្នុងស្រុក និងធានាឱ្យបាននូវការទិញអង្ករក្នុងស្រុកបានគ្រប់គ្រាន់ក្នុងតម្លៃសមរម្យ។ ប្រទេសនេះមានការនាំចេញអង្ករច្រើនជាង ៤០% នៃពាណិជ្ជកម្មអង្ករពិភពលោក។ក្រៅពីអាស៊ី បណ្ដាប្រទេសអាហ្វ្រិក និងមជ្ឈិមបូព៌ាជាច្រើន ក៏ងាយរងការហាមប្រាមការនាំចេញនេះផងដែរ។ នេះមិនមែនជាលើកទីមួយទេរបស់ប្រទេសឥណ្ឌា ដែលដាក់បម្រាមនាំចេញលើអង្ករដែលមិនមែនជាពូជបាសម៉ាទី ប៉ុន្តែផលប៉ះពាល់លើកនេះអាចមានជះឥទ្ធិពលខ្លាំងជាងពេលមុនទៅទៀត៕

ការលើកលែងទោសមួយផ្នែករបស់របបយោធាមីយ៉ាន់ម៉ាចំពោះលោកស្រី អ៊ុងសាន ស៊ូជី គឺគ្មានន័យអ្វីសោះ

មីយ៉ាន់ម៉ា៖ កាលពីថ្ងៃពុធ (២ សីហា) កូនប្រុសពៅរបស់លោកស្រី អ៊ុងសាន ស៊ូជី លោក គីម អារីស បាននិយាយថាការលើកលែងទោសមួយផ្នែកដោយយោធាកំពុងកាន់អំណាចរបស់មីយ៉ាន់ម៉ាដល់អតីតមេដឹកនាំសហភាពមីយ៉ាន់ម៉ាលោកស្រី អ៊ុងសាន ស៊ូជី គឺ "គ្មានន័យអ្វីសោះ" ដោយអំពាវនាវឱ្យរដ្ឋាភិបាលលោកខាងលិចធ្វើសកម្មភាពបន្ថែមទៀតដើម្បីបង្កើនសម្ពាធលើរបបសឹកនោះ។ការលើកលែងបទចោទចំនួន៥ករណីក្នុងចំណោមបទចោទប្រកាន់ទាំង១៩ករណី ដែលលោកស្រីត្រូវបានកាត់ទោសនោះ មានន័យថា រយៈពេល៦ឆ្នាំនឹងត្រូវកាត់ចេញពីការជាប់ពន្ធនាគាររយៈពេល៣៣ឆ្នាំរបស់លោកស្រី ស៊ូជី ប៉ុន្តែលោក អារីស ដែលមានសញ្ជាតិអង់គ្លេស បានប្រដូចទង្វើនេះទៅនឹងការអនុវត្តការឃោសនាទៅវិញ។សហភាពមីយ៉ាន់ម៉ាបានស្ថិតក្នុងភាពចលាចលចាប់តាំងពីដើមឆ្នាំ២០២១មក នៅពេលដែលយោធាបានផ្តួលរំលំរដ្ឋាភិបាលជាប់ឆ្នោតរបស់លោកស្រី ស៊ូជី និងបានបង្ក្រាបលើក្រុមអ្នកប្រឆាំងនៃការគ្រប់គ្រងដោយយោធា ដោយមានមនុស្សរាប់ពាន់នាក់ត្រូវជាប់ពន្ធនាគារ ឬត្រូវបានសម្លាប់ផងដែរ។ម្ចាស់ជ័យលាភីណូបែលសន្តិភាពវ័យ៧៨ឆ្នាំដែលត្រូវបានឃុំខ្លួនក្នុងអំឡុងពេលធ្វើរដ្ឋប្រហាររូបនេះ បានបដិសេធរាល់ការចោទប្រកាន់ដែលលោកស្រីត្រូវបានកាត់ទោស រាប់ចាប់ពីការញុះញង់ និងការក្លែងបន្លំការបោះឆ្នោត រហូតដល់អំពើពុករលួយ ហើយបាននិងកំពុងប្តឹងឧទ្ធរណ៍ប្រឆាំងនឹងពួកគេទៀតផង៕

នគរបាលព័រទុយហ្គាល់តវ៉ាទាមទារលក្ខខណ្ឌការងារល្អប្រសើរ ក្នុងអំឡុងពេលទស្សនកិច្ចរបស់សម្តេចប៉ាប

ព័រទុយហ្គាល់៖ មន្ត្រីនគរបាលព័រទុយហ្គាល់បានតវ៉ានៅទីក្រុង Lisbon កាលពីថ្ងៃអង្គារ (២ សីហា) ដើម្បីទាមទារលក្ខខណ្ឌការងារកាន់តែប្រសើរឡើង ក្នុងថ្ងៃដំបូងនៃដំណើរទស្សនកិច្ចរបស់សម្តេចប៉ាប ហ្វ្រង់ស៊ីស ទៅកាន់ប្រទេសនេះសម្រាប់ការប្រារព្ធទិវាយុវជនពិភពលោក។ ក្រុមមន្ត្រីបាននិយាយថា ពួកគេចង់ទាញយកអត្ថប្រយោជន៍ពីព្រឹត្តិការណ៍ពិភពលោក ដើម្បីបង្កើនការយល់ដឹងអំពីបុគ្គលិកកម្រិតទាប និងការទាមទាររបស់ពួកគេ សម្រាប់ប្រាក់ឈ្នួលកាន់តែប្រសើរ។ដំណើរនោះកំពុងប្រព្រឹត្តទៅក្រោមស្រមោលនៃរឿងអាស្រូវរំលោភបំពានផ្លូវភេទរបស់បព្វជិតរបស់ប្រទេសព័រទុយហ្គាល់ និងការខឹងសម្បាក្នុងតំបន់ចំពោះកំណើនផលប៉ះពាល់នៃព្រឹត្តិការណ៍នេះ។ សម្តេចប៉ាបព្រះជន្ម៨៦ឆ្នាំ កំពុងធ្វើដំណើរជាលើកដំបូងចាប់តាំងពីការវះកាត់ពោះវៀនក្នុងខែមិថុនា ហើយប្រើរទេះរុញ និងឈើច្រត់៕

រដ្ឋប្រហារនៅប្រទេសនីហ្សេ អាចបង្កគ្រោះថ្នាក់ដល់ប្រតិបត្តិការប្រឆាំងភេរវកម្មរបស់អាមេរិកនៅទ្វីបអាហ្វ្រិក

នីហ្សេ៖ ការផ្តួលរំលំប្រធានាធិបតីដែលជាប់ឆ្នោតតាមលទ្ធិប្រជាធិបតេយ្យរបស់ប្រទេសនីហ្សេ កាលពីថ្ងៃទី២៦ ខែកក្កដា កំពុងធ្វើឱ្យមានហានិភ័យដល់បេសកកម្មប្រឆាំងភេរវកម្មរបស់សហរដ្ឋអាមេរិកនៅក្នុងទ្វីបអាហ្រ្វិកជាច្រើន ហើយបានចោទជាសំណួរអំពីសមត្ថភាពរបស់អាមេរិកក្នុងការអនុវត្តប្រតិបត្តិការយោធានៅក្នុងតំបន់នោះ។សហរដ្ឋអាមេរិក និងបារាំងបានថ្កោលទោសការដណ្តើមអំណាចរបស់យោធា ដែលដឹកនាំដោយលោក Abdourahamane Tchiani ដែលជាមេដឹកនាំថ្មីស្វ័យប្រកាសរបស់នីហ្សេ។ បណ្តាប្រទេសនៅអាហ្វ្រិកខាងលិចមួយក្រុមកាលពីថ្ងៃទី៣០ ខែកក្កដា បានដាក់ទណ្ឌកម្ម និងថែមទាំងបានគំរាមកំហែងប្រើប្រាស់កម្លាំង ប្រសិនបើអំណាចរបស់ប្រធានាធិបតីនីហ្សេលោក Mohammad Bazoum មិនត្រូវបានស្ដារឡើងវិញទេនោះ។មិនទាន់មានសញ្ញាណាមួយដែលបង្ហាញថា របបយោធាដែលដណ្តើមបានការគ្រប់គ្រងនោះ កំពុងថយក្រោយ ហើយការព្រួយបារម្ភបានកើនឡើងព្រោះថា រុស្ស៊ីអាចនឹងព្យាយាមទាញយកផលប្រយោជន៍ពីភាពចលាចលនេះ។ សម្រាប់ពេលនេះ សហរដ្ឋអាមេរិកបានផ្អាកកិច្ចសហប្រតិបត្តិការសន្តិសុខជាមួយប្រទេសនីហ្សេ ខណៈដែលបុគ្គលិកអាមេរិកភាគច្រើនកំពុងស្នាក់នៅក្នុងមូលដ្ឋានរបស់ខ្លួន។សហរដ្ឋអាមេរិកនិយាយថា ខ្លួននៅតែរក្សាក្តីសង្ឃឹមថាអំណាចរបស់លោក Bazoum អាចត្រូវបានស្ដារឡើងវិញ ហើយក្រុមមន្ត្រី និងអ្នកវិភាគរបស់សហរដ្ឋអាមេរិកជាច្រើនបាននិយាយថា ស្ថានភាពនីហ្សេនៅតែមិនទាន់ច្បាស់លាស់នៅឡើយ៕

បណ្ដាញសង្គម

ព័ត៌មានថ្មីៗ

ក្រសួងបរិស្ថានអនុម័តជាផ្លូវការនូវក្របខណ្ឌវិនិយោគសម្រាប់ការគ្រប់គ្រងដីប្រកបដោយនិរន្តរភាព និងគ្មានផ្សែងអ័ព្ទនៅកម្ពុជា

ឯកឧត្តម អ៊ុច បូររិទ្ធ អញ្ជើញចុះសំណេះសំណាលជាមួយអាជ្ញាធរមូលដ្ឋាន និងមន្ត្រីរាជការ នៅស្រុកមេមត់ និងស្រុកពញ្ញាក្រែក

Harry Kane ឈ្នះពាន Ballon d’Or បញ្ចប់ការរង់ចាំ ២៥ ឆ្នាំរបស់អង់គ្លេស

CMAC និងAPOPO ចុះហត្ថលេខាលើគម្រោង «ការគាំទ្រដល់ស្ថិរភាព និងការស្តារឡើងវិញនៅតាមបណ្តាខេត្តជាប់ព្រំដែននៃប្រទេសកម្ពុជា តាមរយៈការពន្លឿនការស្រាវជ្រាវ និងការបោសសម្អាតគ្រាប់បែកចង្កោម និងសំណល់យុទ្ធភណ្ឌមិនទាន់ផ្ទុះ»

ក្រសួងទេសចរណ៍ ជំរុញកាត់បន្ថយគម្លាតបណ្តុះបណ្តាលជំនាញ និងការផ្តល់ឱកាសការងារជូនយុវជន

សម្ដេចធិបតី អញ្ជើញជួបសំណេះសំណាលជាមួយលោកគ្រូ អ្នកគ្រូបង្គោល និងនាយក នាយិកានៃសាលារៀនចំនួន ១៦០សាលា ដែលជាសាលារៀនគោលដៅរបស់គណៈកម្មាធិការជាតិជំរុញការអនុវត្តវិធានការគន្លឹះក្នុងវិស័យអប់រំ

ម៉ាស៊ីនថតចម្លងឯកសារជាង ៧០គ្រឿង ត្រូវបានរៀបចំដើម្បីពន្លឿនការថតចម្លងវិញ្ញាសាការប្រឡងប្រជែងជ្រើសរើសគ្រូបង្រៀនបឋមសិក្សា ផ្អែកលើកិច្ចព្រមព្រៀងការងារ

ប្រជាជនអ៊ីស្រាអែលចាប់ផ្តើមបោះឆ្នោត ជាលើកដំបូងចាប់តាំងពីមានការវាយប្រហារដោយក្រុមហាម៉ាស

ពលរដ្ឋបន្តទៅចុះឈ្មោះ និងធ្វើបច្ចុប្បន្នភាពបញ្ជីឈ្មោះបោះឆ្នោតបំពេញកាតព្វកិច្ចជាម្ចាស់ជោគវាសនាជាតិ

អ្នកវិភាគ៖ កម្ពុជាប្រកាន់ភ្ជាប់ស្មារតីសន្តិភាពនៅទីក្រុងគូឡាឡាំពួរចុះហត្ថលេខារវាងនាយករដ្ឋមន្ត្រីកម្ពុជា និងថៃ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877