BTV NEWS

គណៈបញ្ជាការឯកភាពរាជធានី បន្តចុះបង្ក្រាប Online Scams នៅសង្កាត់ចាក់អង្រែលើ ឃាត់មនុស្ស១៦នាក់

ផ្តន្ទាទោសជនជាប់ចោទ ៦នាក់ ដាក់ពន្ធនាគារអស់មួយជីវិតពាក់ព័ន្ធនឹងករណីឃាតកម្មដោយមានទារុណកម្មលើនិស្សិតជនជាតិកូរ៉េខាងត្បូង

ឃាត់ខ្លួនជនជាតិចិន ៦១នាក់ ក្នុងប្រតិបត្តិការបង្ក្រាបទីតាំង Online Scams នៅខណ្ឌចំនួនពីរ ក្នុងភូមិសាស្រ្តរាជធានីភ្នំពេញ

រយៈពេល៣សប្តាហ៍ខែឧសភានេះ សមត្ថកិច្ច បង្ក្រាប Online Scams ចំនួន ៥០ទីតាំង ឃាត់ខ្លួនជនបរទេសសង្ស័យប្រមាណ ៣ ៣២០នាក់ និងបណ្តេញចេញជាង១ពាន់នាក់

សន្តិសុខ និង សង្គម

ជនភៀសខ្លួនស៊ូដង់អះអាងថា មនុស្សចាស់ និងមនុស្សក្មេងស្លាប់ដូចគ្នានៅផ្ទះរបស់ពួកគេ

ស្រ្តីដែលបានរត់ភៀសខ្លួនចេញពីអំពើហិង្សានៅក្នុងទីក្រុងដាហ្វួរ ប្រទេសស៊ូដង់ជួបជុំគ្នាក្នុងសំពត់តង់របស់ពួកគេនៅជំរុំជនភៀសខ្លួន ស្ថិតនៅទីក្រុងព្រំដែន Adre ប្រទេសឆាដនោះ បានរត់គេចេញពីជម្លោះដែលបានញាំញីប្រទេសរបស់ពួកគេអស់រយៈពេល ១០០ថ្ងៃមកហើយ ។ ស្រ្តី និងកូនៗរបស់ពួកគេនិយាយថា ពួកគេបានរត់គេចចេញដោយថ្មើរជើងពីអំពើហិង្សា ដោយទុកចោលផ្ទះសម្បែងរងការដុតបំផ្លាញរបស់ពួកគេ និងទីក្រុងបែកបាក់របស់ពួកគេ ហើយពួកគេនិយាយថា មនុស្សប្រុស ត្រូវបានសម្លាប់ ។ អ្នកស្រី Amna Omar គឺជាជនភៀសខ្លួនស៊ូដង់មួយរូប និយាយថា ពួកយើងបានលាក់ក្មេងៗ ។ មនុស្សចាស់ បានស្លាប់ដូចគ្នានឹងក្មេងៗដែរ ពួកគេបានស្លាប់ទាំងអស់ ។ សង្រ្គាមដែលបានផ្ទុះឡើងកាលពីពាក់កណ្តាលខែមេសា រវាងកងទ័ពស៊ូដង់ និងកងកម្លាំងឆ្លើយតបរហ័ស(RSF)បានបំផ្លិចបំផ្លាញរដ្ឋធានី Khartoum បណ្តាលឲ្យមានកំណើនយ៉ាងឆាបរហ័សអំពើហិង្សាបង្កឡើងដោយជនជាតិដើមភាគតិចនៅទីក្រុងដាហ្វួរ ហើយនិងការជម្លៀសខ្លួនមនុស្សជាង ៣លាននាក់ ។ ក្រុមសង្កេតការណ៍ជម្លោះស៊ូដង់ ដែលមានមូលដ្ឋាននៅសហរដ្ឋអាមេរិក រាយការណ៍ថា កងកម្លាំង RSF និងកងទ័ពស៊ូដង់ ត្រូវបានគេសង្ស័យថា មានគោលដៅបំផ្លិចបំផ្លាញសហគមន៍យ៉ាងហោច ២៦កន្លែងនៅក្នុងទីក្រុងដាហ្វួរ ។ កាលពីរយៈពេល ១ថ្ងៃមុន តុលាការព្រហ្មទណ្ឌអន្តរជាតិ( ICC) បាននិយាយថា ពួកគេកំពុងស៊ើបអង្កេតលើអំពើហិង្សានៅទីក្រុងដាហ្វួរ ។ ក្រុមសង្កេតការណ៍ជម្លោះស៊ូដង់មួយនេះ និយាយថា លំនាំនៃការវាយប្រហារមានគោលដៅមកលើសហគមន៍មិនមែនអារ៉ាប់ គឺដូចគ្នាសុទ្ធសាធនឹងលំនាំដែលត្រូវបានធ្វើឡើងដោយរដ្ឋាភិបាលស៊ូដង់ និងក្រុមជីវពលសម្ព័ន្ធមិត្ត Janjaweedកាលពីឆ្នាំ ២០០៣-២០០៤ ពេលដែលអំពើឃោឃៅទ្រង់ទ្រាយធំ ត្រូវបានធ្វើឡើង ពេលដែលពួកគេធ្វើសង្រ្គាមកម្ទេចក្រុមបះបោរ ៕

មនុស្សជាង១៩លាននាក់នៅស៊ូដង់ ប្រឈមមុខនឹងអសន្តិសុខស្បៀង ដោយសារជម្លោះប្រដាប់អាវុធក្នុងប្រទេសនេះ

មន្ត្រីម្នាក់មកពីកម្មវិធីស្បៀងអាហារពិភពលោក (WFP) របស់អង្គការសហប្រជាជាតិ បាននិយាយ កាលពីថ្ងៃអាទិត្យថា មនុស្សជាង ១៩លាននាក់នៅក្នុងប្រទេសស៊ូដង់ កំពុងប្រឈមនឹងអសន្តិសុខស្បៀង ខណៈដែលជម្លោះប្រដាប់អាវុធដែលកំពុងបន្ត ធ្វើឱ្យវិបត្តិមនុស្សធម៌កាន់តែធ្ងន់ធ្ងរឡើង។ជម្លោះប្រដាប់អាវុធរវាងក្រុមយោធាជាគូប្រជែងចំនួនពីរក្រុម ដែលបានអូសបន្លាយជាងបីខែមកនេះ បាននាំឱ្យមានការរំខានដល់ការផ្គត់ផ្គង់ទឹក អគ្គិសនី ឧស្ម័ន និងកង្វះខាតស្បៀងអាហារ ព្រមទាំងថ្នាំពេទ្យយ៉ាងធ្ងន់ធ្ងរនៅក្នុងតំបន់ជាច្រើន។ យោងតាមទិន្នន័យរបស់អង្គការសហប្រជាជាតិបានបង្ហាញថា ប្រហែលពាក់កណ្តាលនៃចំនួនប្រជាជន ២៤,៧លាននាក់របស់ប្រទេសស៊ូដង់ រួមទាំងកុមារ ១៣លាននាក់ ត្រូវការជំនួយមនុស្សធម៌។ចាប់តាំងពីការប្រយុទ្ធគ្នារវាងកងកម្លាំងប្រដាប់អាវុធស៊ូដង់ (SAF) និងកងកម្លាំងគាំទ្ររហ័សយោធាប៉ារ៉ា (RSF) បានផ្ទុះឡើងកាលពីថ្ងៃទី ១៥ ខែមេសាមក មនុស្សជិត ២,៨លាននាក់បានភៀសខ្លួនចេញពីប្រទេសស៊ូដង់ រួមទាំងមនុស្សប្រមាណ ២៣០.០០០នាក់ បានទៅកាន់ប្រទេសឆាដ។ទីភ្នាក់ងារ WFP បាននាំយកជំនួយស្បៀងអាហារដល់ប្រជាជនជាង ១,៤លាននាក់នៅក្នុងប្រទេសស៊ូដង់ ហើយមានបំណងផ្តល់ជំនួយសម្រាប់ប្រជាជន ៥,៩លាននាក់ដែលរងផលប៉ះពាល់ដោយជម្លោះនៅទូទាំងប្រទេសនៅឆ្នាំនេះ។ ទោះជាយ៉ាងណាក៏ដោយ កិច្ចខិតខំប្រឹងប្រែងផ្តល់ជំនួយមនុស្សធម៌ត្រូវបានរារាំង ខណៈដែលភាគីសង្រ្គាមបានបរាជ័យក្នុងការធានានូវសុវត្ថិភាពពេញលេញរបស់បុគ្គលិកមនុស្សធម៌ ហើយឃ្លាំងស្តុកស្បៀងអារហាររបស់ទីភ្នាក់ងារ WFP មួយចំនួនត្រូវបានលួចផងដែរ៕

មនុស្សរាប់សិបនាក់បានស្លាប់ ដោយសារទឹកជំនន់ភ្លាមៗ វាយប្រហារអាហ្វហ្គានីស្ថាន និងប៉ាគីស្ថាន

យ៉ាងហោចណាស់មនុស្ស ៣១នាក់ បានស្លាប់ និងរាប់សិបនាក់ផ្សេងទៀត កំពុងបាត់ខ្លួន បន្ទាប់ពីមានទឹកជំនន់ដ៏ធ្ងន់ធ្ងរដែលបណ្ដាលមកពីភ្លៀងធ្លាក់តាមរដូវកាល ក្នុងប្រទេសអាហ្វហ្គានីស្ថាន ខណៈដែលមនុស្ស ១៣នាក់ បានបាត់បង់ជីវិត ដោយសារភ្លៀងធ្លាក់ខ្លាំង និងបំណាក់ដី នៅប្រទេសជិតខាងប៉ាគីស្ថាន។លោក Shafiullah Rahimi អ្នកនាំពាក្យដែលត្រូវបានតែងតាំងដោយក្រុមតាលីបង់ ដើម្បីគ្រប់គ្រងក្រសួងគ្រោះមហន្តរាយរបស់ប្រទេសអាហ្វហ្គានីស្ថាន បាននិយាយ កាលពីថ្ងៃអាទិត្យ (ទី២៣ ខែកក្កដា) ថា មនុស្សយ៉ាងហោចណាស់ ៣១នាក់ បានស្លាប់ ៧៤នាក់ រងរបួស និង៤១នាក់ផ្សេងទៀត បានបាត់ខ្លួន បន្ទាប់ពីមានទឹកជំនន់ ក្នុងរយៈពេល៣ថ្ងៃកន្លងមកនេះ។ លោកបានបញ្ជាក់បន្ថែមថា ភាគច្រើននៃអ្នកស្លាប់ និងរបួស គឺនៅភាគខាងលិចក្រុងកាប៊ុល និងខេត្ត Maidan Wardak។នៅប្រទេសប៉ាគីស្ថាន ភ្លៀងធ្លាក់ខ្លាំង និងបំណាក់ដី បានឆក់យកជីវិតមនុស្ស ១៣នាក់ និងបានបណ្ដាលឲ្យ ៧នាក់រងរបួស នៅក្នុងខេត្ត Khyber Pakhtunkhwa ( ឃីបើ ប៉ាក់ទុនខា) និងក្នុងក្រុង Skardu របស់តំបន់ Gilgit Baltistan ខណៈដែលរដូវមូសុង នៅបន្តប៉ះពាល់ដល់ផ្នែកជាច្រើនទៀតរបស់ប្រទេស នៅថ្ងៃអាទិត្យ (ទី២៣ ខែកក្កដា)។យោងតាមអាជ្ញាធរគ្រប់គ្រងគ្រោះមហន្តរាយជាតិរបស់ប្រទេសប៉ាគីស្ថាន បានឲ្យដឹងថា គិតតាំងពីមានភ្លៀងរដូវមូសុង ដែលចាប់ផ្តើមនៅថ្ងៃទី២៥ ខែមិថុនា មនុស្សយ៉ាងហោចណាស់ ១០១នាក់ ក្នុងនោះមានស្ត្រី ១៦នាក់ និងកុមារ ៤២នាក់ បានស្លាប់។សម្រាប់ប្រទេសអាហ្វហ្គានីស្ថានវិញ គ្រោះមហន្តរាយធម្មជាតិ ប៉ះពាល់ដល់មនុស្ស ២០០.០០០នាក់ជាមធ្យមក្នុងមួយឆ្នាំ។ នៅឆ្នាំ២០២២ ទឹកជំនន់ឡើងខ្លាំង នៅរដូវមូសុង បានជន់លិចជាបណ្តោះអាសន្នលើផ្ទៃដី ១ភាគ៣របស់ប្រទេស ដោយបានសម្លាប់មនុស្សប្រហែល ១.៧០០នាក់៕

ខេត្ត Nova Scotia របស់កាណាដា ស្វែងរកជំនួយគ្រោះមហន្តរាយ ក្រោយរងការជន់លិចធ្ងន់ធ្ងរ

ក្រុមមន្រ្តី និយាយកាលពីថ្ងៃអាទិត្យថា ភ្លៀងធ្លាក់ខ្លាំងរយៈពេលជាច្រើនថ្ងៃកន្លងមកនេះ និងការជន់លិចជាបន្តបន្ទាប់នៅខេត្ត Nova Scotiaបានហូរកាត់ផ្តាច់ផ្លូវ អគារ ហើយនិងធ្វើឲ្យខូចខាតស្ពាន និងផ្លូវដែករបស់ក្រុមហ៊ុនផ្លូវដែកជាតិកាណាដា ដែលត្រូវបានប្រើប្រាស់ដើម្បីតភ្ជាប់ទៅកាន់កំពង់ផែធំបំផុតទី៤របស់ប្រទេសកាណាដា ។ ព្យុះដែលបាចាប់ផ្តើមបោកបក់កាលពីថ្ងៃសុក្រ នៅតាមតំបន់មួយចំនួន បង្កឲ្យមានទឹកភ្លៀងកម្ពស់ ២៥សង់ទីម៉ែត្រ ក្នុងរយៈពេលត្រឹម ២៤ម៉ោងប៉ុណ្ណោះ ពោលគឺធ្លាក់ច្រើនជាងទឹកភ្លៀងរយៈពេល ៣ខែទៅទៀត ។ លោក Tim Houston គឺជាអភិបាលខេត្ត Nova Scotia បានចាត់ទុកការខូចខាតថា ជារឿងមិននឹកស្មានដល់ ហើយលោកនិយាយថា វានឹងធ្វើឲ្យមានការខូចខាតគិតជាទឹកប្រាក់ រាប់រយលានដុល្លារ ។លោក Houston និយាយថា ពួកយើងដឹងពីទំហំនៃការខូចខាត និងផ្នែកខ្លះនៃផ្លូវដែក ។ វាគឺជាក្តីកង្វល់ធំសម្រាប់ពួកយើង ។ ពួកយើងដឹងច្បាស់ពីសារសំខាន់របស់ប្រព័ន្ធរថភ្លើង និងផ្លូវដែក ដូច្នេះហើយពួកយើងកំពុងព្យាយាមស្វែងរកជំនួយគ្រោះមហន្តរាយសហព័ន្ធ ។ ខេត្ត Nova Scotia បានប្រកាសដាក់ខេត្តក្នុងគ្រាអាសន្នកាលពីយប់ថ្ងៃសៅរ៍ ដែលមានរយៈពេលរហូតដល់ថ្ងៃទី ៥ ខែសីហា ខាងមុខ ។ ក្មេង ២នាក់ បានបាត់ខ្លួននៅជិតរដ្ឋធានី Halifaxនៃខេត្ត Nova Scotia ក្រោយពេលដែលរថយន្តរបស់ពួកគេរងការជន់លិច ។ នៅក្នុងឧបទ្ទវហេតុមួយផ្សេងទៀត បុរសម្នាក់ និងយុវជនម្នាក់ បានបាត់ខ្លួន ក្រោយរថយន្តរបស់ពួកគេ បើកឆ្លងកាត់ទឹកជ្រៅ ៕

នាវាមុជទឹកទី២ របស់អាមេរិក ទៅដល់កូរ៉េខាងត្បូង ចំពេលមានភាពតានតឹងជាមួយកូរ៉េខាងជើង

នាវាមុជទឹកដើរដោយថាមពលនុយក្លេអ៊ែររបស់សហរដ្ឋអាមេរិក បានទៅដល់ប្រទេសកូរ៉េខាងត្បូងហើយ នៅថ្ងៃចន្ទ (ទី២៤ ខែកក្កដា)នេះ ពោលគឺត្រឹមតែប៉ុន្មានថ្ងៃ បន្ទាប់ពីនាវាមុជទឹកបំពាក់អាវុធនុយក្លេអ៊ែរដំបូងរបស់ប្រទេសមហាអំណាចមួយនេះ បានចូលចតនៅកំពង់ផែក្នុងប្រទេសតំបន់អាស៊ីនេះជាលើកដំបូងក្នុងរយៈពេល ៤ទសវត្សរ៍ ខណៈដែលសម្ព័ន្ធមិត្តទាំង២ ស្វះស្វែងរកការបង្កើនយុទ្ធោបករណ៍យុទ្ធសាស្ត្ររបស់អាមេរិក ដើម្បីរារាំងប្រទេសកូរ៉េខាងជើង។កងទ័ពជើងទឹកកូរ៉េខាងត្បូង បាននិយាយថា នាវា USS Annapolis បានចូលដល់មូលដ្ឋានទ័ពជើងទឹកនៅភាគខាងត្បូងកោះ Jeju របស់ប្រទេសកូរ៉េខាងត្បូង ដើម្បីផ្ទុកការផ្គត់ផ្គង់យោធា ខណៈដែលកំពុងបំពេញបេសកកម្មប្រតិបត្តិការដែលមិនបានបញ្ជាក់ឲ្យដឹង។ក្នុងសេចក្ដីថ្លែងការរបស់ខ្លួន កងទ័ពជើងទឹកកូរ៉ខាងត្បូង បានឲ្យដឹងដឹងថា៖ «កងទ័ពជើងទឹកនៃប្រទេសទាំង២ គ្រោងពង្រឹងជំហរការពាររួមគ្នាជាមួយនឹងការមកដល់របស់នាវា USS Annapolis និងអនុវត្តការផ្លាស់ប្តូរសកម្មភាពនានា ដើម្បីប្រារព្ធរំលឹកខួបលើកទី៧០ឆ្នាំនៃការចងសម្ព័ន្ធភាពរបស់ប្រទេសទាំង២»។នាវាមុជទឹក USS Kentucky ដែលជានាវាមុជទឹកមីស៊ីលផ្លោងរបស់សហរដ្ឋអាមេរិក បានចូលចតនៅកំពង់ផែក្នុងប្រទេសកូរ៉េខាងត្បូង កាលពីថ្ងៃអង្គារសប្តាហ៍មុន។ នេះគឺជាទស្សនកិច្ចលើកដំបូងចាប់តាំងពីទសវត្សរ៍ឆ្នាំ១៩៨០ របស់នាវាមុជទឹកបំពាក់មីស៊ីលបាលីស្ទិកក្បាលគ្រាប់នុយក្លេអ៊ែរ (SSBN) របស់សហរដ្ឋអាមេរិក ហើយវាក៏កើតឡើងស្របពេលជាមួយនឹងការចាប់ផ្តើមកិច្ចចរចា រវាងសហរដ្ឋអាមេរិក និងកូរ៉េខាងត្បូង ដើម្បីសម្របសម្រួលការឆ្លើយតប ក្នុងករណីមានសង្គ្រាមនុយក្លេអ៊ែរជាមួយកូរ៉េខាងជើង។សូមបញ្ជាក់ថា ប្រទេសកូរ៉េខាងជើង បានបាញ់មីស៊ីលបាលីស្ទិកចំនួន ២គ្រាប់ កាលពីថ្ងៃពុធសប្ដាហ៍កន្លងមក ដែលការបាញ់នោះ ត្រូវបានធ្វើឡើងប៉ុន្មានម៉ោង បន្ទាប់ពីមានទស្សនកិច្ចរបស់នាវា USS Kentucky នៅប្រទេសកូរ៉ខាងត្បូងនេះ ហើយបានបាញ់មីស៊ីលតម្រង់គោលដៅជាច្រើនគ្រាប់ម្ដងទៀត កាលពីថ្ងៃសៅរ៍ (ទី២២ ខែកក្កដា)៕

មនុស្សយ៉ាងហោច១៥នាក់ស្លាប់ និង១៩នាក់បាត់ខ្លួន ដោយការលិចសាឡាងនៅឥណ្ឌូនេស៊ី

ទីភ្នាក់ងារជួយសង្គ្រោះនិងស្វែងរក បាននិយាយថា អាជ្ញាធរប្រទេសឥណ្ឌូនេស៊ី កំពុងស្វែងរកអ្នកដំណើរដែលកំពុងបាត់ខ្លួន នៅថ្ងៃចន្ទនេះ បន្ទាប់ពីសាឡាងមួយគ្រឿង បានលិច នៅជិតកោះ Sulawesi បណ្តាលឲ្យមនុស្សយ៉ាងហោចណាស់១៥ នាក់ស្លាប់។ទីភ្នាក់ងារបាននិយាយនៅក្នុងសេចក្តីថ្លែងការណ៍ថា ក្នុងចំណោមអ្នកដំណើរ៤០នាក់ ១៩នាក់កំពុងបាត់ខ្លួន ខណៈ៦នាក់ត្រូវបានជួយសង្គ្រោះ។ មូលហេតុនេះការលិចសាឡាង ដែលបានកើតឡើងនៅពាក់កណ្តាលអាធ្រាត្រ នៅតែមិនទាន់ច្បាស់នៅឡើយ។ លោក Muhamad Arafah មកពីសាខាទីភ្នាក់ងារជួយសង្គ្រោះនិងស្វែងរកបាននិយាយថា ជនរងគ្រោះទាំងអស់ ត្រូវបានកំណត់អត្តសញ្ញាណ និងបានប្រគល់ទៅឲ្យក្រុមគ្រួសារ ខណៈអ្នកនៅរស់រានមានជីវិត ពេលនេះកំពុងត្រូវបានព្យាបាល នៅមន្ទីរពេទ្យក្នុងតំបន់។ រូបថតជាច្រើន ត្រូវបានចែករំលែកដោយទីភ្នាក់ងារសង្គ្រោះបន្ទាន់ ដែលបានបង្ហាញសាកសពជនរងគ្រោះគ្របក្រណាត់នៅលើកម្រាលឥដ្ឋមន្ទីពេទ្យក្នុងតំបន់។ សាឡាងជួបឧបទ្ទវហេតុនេះ កំពុងចម្លងមនុស្សជាច្រើន ឆ្លងកាត់ឈូងសមុទ្រនៅកោះMuna មានចម្ងាយប្រមាណ២០០គីឡូម៉ែត្រ ភាគខាងត្បូងក្រុង Kendari ជាទីរួមខេត្ត Sulawesi ភាគឦសាន។ សាឡាងគឺជាមធ្យោបាយដឹកជញ្ជូនជាធម្មតានៅក្នុងប្រទេសឥណ្ឌូនេស៊ី ជាប្រជុំកោះមានកោះជាង១៧.០០០ កោះ ហើយឧបទ្ទវហេតុជាច្រើនតែងកើតមាន ខណៈស្តង់ដាសុវត្ថិភាពធូរលុង ដែលជាញឹកញាប់អនុញ្ញាតឲ្យនាវាផ្ទុកលើសទម្ងន់ដោយគ្មានសម្ភារៈសង្គ្រោះជីវិតគ្រប់គ្រាន់។

ខណៈកោះតៃវ៉ាន់ ត្រៀមធ្វើសមយុទ្ធប្រឆាំងការចូលលុកលុយ ចិនបញ្ជូនយន្តហោះចម្បាំងរាប់សិបគ្រឿងទៅកាន់កោះនេះ

ក្រសួងការពារជាតិកោះនេះ បានឲ្យដឹងថា ប្រទេសចិន បានបញ្ជូនយន្តហោះចម្បាំងរាប់សិបគ្រឿង រួមទាំងយន្តហោះចម្បាំង និងយន្តហោះទម្លាក់គ្រាប់បែក ទៅកាន់កោះតៃវ៉ាន់ ដោយជាការបង្ហាញកម្លាំងដ៏ខ្លាំងក្លារយៈពេលប៉ុន្មានថ្ងៃ មុនពេលកោះលទ្ធិប្រជាធិបតេយ្យនេះ គ្រោងធ្វើសមយុទ្ធយោធា ក្នុងគោលបំណងការពារខ្លួនប្រឆាំងនឹងលទ្ធភាពការចូលលុកលុយ។កោះតៃវ៉ាន់ គ្រោងនឹងធ្វើសមយុទ្ធ Han Kuang ប្រចាំឆ្នាំរបស់ខ្លួននៅសប្តាហ៍ក្រោយ ក្នុងអំឡុងពេលដែលយោធារបស់ខ្លួន នឹងធ្វើសមយុទ្ធត្រៀមប្រយុទ្ធ ដើម្បីការពារការឈ្លានពាន។ កោះនេះ ក៏នឹងធ្វើសមយុទ្ធ Wan'an ( វ៉ាន អាន) ប្រចាំឆ្នាំក្នុងគោលបំណងរៀបចំជនស៊ីវិលសម្រាប់គ្រោះមហន្តរាយធម្មជាតិ និងការអនុវត្តការជម្លៀស ក្នុងករណីមានការវាយឆ្មក់តាមផ្លូវអាកាស។ក្រសួងបាននិយាយនៅក្នុងសេចក្តីថ្លែងការណ៍មួយថា កងទ័ពរំដោះប្រជាជនចិន បានបញ្ជូនយន្តហោះ ៣៧គ្រឿង និងនាវាកងទ័ពជើងទឹកចំនួន ៧គ្រឿងនៅជុំវិញកោះតៃវ៉ាន់ចន្លោះម៉ោង៦ព្រឹកថ្ងៃសុក្រដល់ម៉ោង៦ព្រឹកថ្ងៃសៅរ៍។ សេចក្តីថ្លែងការណ៍នោះ បានឲ្យដឹងថា ក្នុងចំណោមនោះ មានយន្តហោះចម្បាំង J-10 និង J-16 និងយន្តហោះទម្លាក់គ្រាប់បែក H-6 ហើយយន្តហោះចម្បាំងចំនួន ២២ គ្រឿង ដែលបានឃើញឆ្លងកាត់ខ្សែបន្ទាត់កណ្តាលផ្លូវនៃច្រកសមុទ្រតៃវ៉ាន់ ដែលជាព្រំប្រទល់ក្រៅផ្លូវការដែលត្រូវបានចាត់ទុកថា ជាតំបន់ទ្រនាប់មួយរវាងកោះ និងដីគោក ឬចូលទៅក្នុងតំបន់កំណត់អត្តសញ្ញាណការពារដែនអាកាសរបស់តៃវ៉ាន់នៅជិតផ្នែកខាងត្បូងរបស់វា។តៃវ៉ាន់ និងចិន បានបែកបាក់គ្នានៅឆ្នាំ ១៩៤៩ បន្ទាប់ពីសង្គ្រាមស៊ីវិល ដែលបានបញ្ចប់ដោយបក្សកុម្មុយនីស្ត ដែលកំពុងគ្រប់គ្រងលើដីគោក។ កោះនេះ មិនដែលក្លាយជាផ្នែកនៃសាធារណរដ្ឋប្រជាមានិតចិនទេ ប៉ុន្តែទីក្រុងប៉េកាំង និយាយថា កោះនេះត្រូវតែជុំជាតិជាមួយនឹងចិនដីគោក។

អ្នកជម្លៀសខ្លួនពីចំហេះព្រៃនៅកោះ Rhodes រងចាំជើងហោះហើរ បានដេកនៅអាកាសយានដ្ឋាន

ក្រុមអ្នកទេសចរដែលត្រូវបានជម្លៀសខ្លួនចេញពីកោះ Rhodes ប្រទេសក្រិក ត្រូវបានបង្ខំឲ្យដេកនៅលើកម្រាលឥដ្ឋនៅអាកាសយានដ្ឋាន កាលពីយប់ថ្ងៃអាទិត្យ ខណៈមនុស្សជាច្រើន បានរង់ចាំជើងហោះហើរចាកចេញពីកោះនេះ។ក្រុមអ្នកស្ម័គ្រចិត្ត បានផ្តល់អាហារ និងទឹក ដល់អ្នកទេសចរដែលជាប់គាំងដំណើរ ខណៈអាកាសយានដ្ឋានពេញដោយមនុស្ស សង្ឃឹមថាបានទៅដល់ប្រទេសកំណើតរបស់ពួកគេ។ ក្រុមហ៊ុនទេសចរណ៍ TUI បាននិយាយថា ក្រុមការងាររបស់ក្រុមហ៊ុន កំពុងធ្វើអ្វីគ្រប់យ៉ាង ដែលពួកគេអាចធ្វើបានដើម្បីជួយដល់អតិថិជន និងបានបញ្ជូនបុគ្គលិកបន្ថែមទៀតជាអ្វីដែលក្រុមហ៊ុនចាត់ទុកថាជាស្ថានភាពលំបាក និងកំពុងផ្លាស់ប្តូរ។អ្នកទេសចរមួយចំនួន និយាយថា ពួកគេបានដើរជាច្រើនម៉ាយស៍ ក្នុងកម្តៅក្តៅខ្លាំងដើម្បីបានទៅដល់ទីសុវត្ថិភាព ដោយក្រុមគ្រួសារមួយចំនួនបានបែកគ្នាបណ្តោះអាសន្ន។ អ្នកទេសចរអង់គ្លេសម្នាក់និយាយថា វាពិតជាមានការតស៊ូព្យាយាមនៅលើឆ្នេរខ្សាច់ដោយមានផ្សែងហុយ។ កោះRhodes ប្រទេសក្រិក គឺជាគោលដៅដ៏ពេញនិយមជាពិសេសមានអ្នកទេសចមកពីចក្រភពអង់គ្លេស និងបណ្តាប្រទេសដ៏ទៃទៀតនៅអឺរ៉ុបខាងជើង។

មនុស្ស៣នាក់រងរបួសក្នុងការវាយប្រហារដោយកាំបិតនៅលើរថភ្លើងប្រទេសជប៉ុន

មនុស្ស៣នាក់បានរងរបួស ក្នុងការវាយប្រហារដោយកាំបិតនៅលើរថ្លើងនៅប្រទេសជប៉ុនភាគខាងលិចកាលពីថ្ងៃអាទិត្យ ដោយនគរបាលនិយាយថា ពួកគេបានបានចាប់ខ្លួនបុរសម្នាក់តាមការចោទប្រកាន់ពីបទវាយប្រហារដោយកាំបិត។លោក Tetsuya Sakagami មកពីនាយកដ្ឋានពន្លត់អគ្គិភ័យ បាននិយាយថា ជនរងគ្រោះដែលរួមមាន អ្នកបម្រើការលើរថភ្លើងក្នុងវ័យ២០ឆ្នាំ និងអ្នកដំណើរជាបុរស២នាក់ក្នុងវ័យ២០ឆ្នាំ និងក្នុងវ័យ៧០ឆ្នាំ ត្រូវបានបញ្ជូនទៅកាន់មន្ទីរពេទ្យដោយការរងរបួសពុំគំរាមកំហែងដល់អាយុជីវិតនោះទេ។ នគរបាលក្នុងតំបន់បានប្រាប់សារព័ត៌មាន AFP ថា ជនសង្ស័យជាបុរសមានអាយុ៣៧ឆ្នាំ មានកាំបិតចំនួន៣នៅពេលដែលត្រូវបានគេចាប់ខ្លួននៅស្ថានីយ៍រថភ្លើងទីក្រុង Rinku ក្នុងខេត្ត Osaka។ នគរបាលនិយាយថា ជនសង្ស័យត្រូវបានចាប់ខ្លួនពីបទឃាតកម្មដែលបានប៉ុនប៉ងទុកជាមុន ហើយបានសារភាពចំពោះការវាយប្រហារនេះកាលពីព្រឹកថ្ងៃអាទិត្យ ហើយពួកគេកំពុងស៊ើបអង្កេតពីការជំរុញឲ្យមានការវាយប្រហារនេះ។ ឧក្រិដ្ឋកម្មហិង្សាគឺកម្រកើតមាននៅក្នុងប្រទេសជប៉ុន ដែលមានអត្រាឃាតកម្មទាប ហើយមានច្បាប់ប្រើប្រាស់អាវុធតឹងរ៉ឹងបំផុតនៅលើពិភពលោក។ ប៉ុន្តែនៅតែមានការចាក់សម្លាប់ និងការបាញ់ប្រហារម្តងម្កាល រួមទាំងករណីឃាតកម្មលើអតីតនាយករដ្ឋមន្ត្រី លោក Shinzo Abe កាលពីឆ្នាំមុន។ កាលពីឆ្នាំ២០២១ បុរសវ័យ២៤ឆ្នាំម្នាក់ តាមការចោទប្រកាន់ បានចាក់អ្នកដំណើរម្នាក់និងបានបង្កអគ្គិភ័យនៅលើរថភ្លើងក្នុងទីក្រុងតូក្យូ នៅថ្ងៃបុណ្យ Halloween ។

រុស្ស៊ី និងចិន បញ្ចប់សមយុទ្ធយោធានៅក្នុងសមុទ្រជប៉ុន

ក្រសួងការពារជាតិរុស្ស៊ី បានប្រកាសកាលពីថ្ងៃអាទិត្យថា ប្រទេសរុស្ស៊ី និងចិន បានបញ្ចប់សមយុទ្ធកងទ័ពជើងទឹករួមគ្នា នៅក្នុងសមុទ្រជប៉ុន ខណៈសម្ព័ន្ធមិត្តទាំងពីរស្វែងរកដើម្បីធ្វើឲ្យកាន់តែស៊ីជម្រៅទំនាក់ទំនងផ្នែកយោធារបស់ពួកគេ។ ប្រទេសធំៗទាំងពីរ ដែលមានបំណងរួមគ្នាដើម្បីប្រយុទ្ធប្រឆាំងនូវអ្វីដែលពួកគេមើលឃើញថាជាអនុត្តរភាពអាមេរិក ដែលបានកើនឡើងកាន់តែជិតនៅក្នុងវីស័យយោធា ចាប់តាំងពីរុស្ស៊ី បានចាប់ផ្តើមការវាយលុកលើអ៊ុយក្រែនកាលពីឆ្នាំមុន ជាចំណាត់ការមួយដែលប្រទេសចិន មិនបានថ្កោលទោសនោះទេ។ កាលពីពេលមុន ក្រសួងការពារជាតិរុស្ស៊ី បាននិយាយថា គោលបំណងសំខាន់នៃការធ្វើសមយុទ្ធចុងក្រោយនេះដែលបានចាប់ផ្តើមកាលពីថ្ងៃព្រហស្បតិ៍ គឺដើម្បីពង្រឹងកិច្ចសហប្រតិបត្តិការកងទ័ពជើងទឹក រវាងប្រទេសទាំងពីរ និងស្ថិរភាពនិងសន្តិភាពដែនសមុទ្រ នៅក្នុងតំបន់អាស៊ី-ប៉ាស៊ីហ្វិក។ យោធារុស្ស៊ីបានបញ្ជាក់នៅក្នុងសេចក្តីថ្លែងការណ៍កាលពីថ្ងៃអាទិត្យថា សមយុទ្ធកងទ័ពជើងទឹកចិន-រុស្ស៊ីរួមគ្នា បានបញ្ចប់នៅក្នុងសមុទ្រជប៉ុន។កងទ័ពនិយាយថា សមយុទ្ធប្រយុទ្ធចំនួនប្រមាណ២០ត្រូវបានអនុវត្ត រួមមានការបាញ់កាំភ្លើងធំរួមគ្នាលើគោលដៅអាកាស ឆ្នេរ និងនៅលើសមុទ្រ។ យោងតាមក្រសួងការពារជាតិរុស្ស៊ី បានឲ្យដឹងថា កងទ័ពជើងទឹករុស្ស៊ី ត្រូវបានតំណាងដោយ នាវាប្រឆាំងនាវាមុជទឹក២គ្រឿង នាវាចម្បាំងធនតូច២គ្រឿង ព្រមទាំងនាវាប្រភេទទំនើបមួយគ្រឿង។ កាលពីចុងសប្តហ៍កន្លងទៅនេះ ទីក្រុងប៉េកាំង និយាយថា ខ្លួនបានបញ្ជូននាវាចម្បាំង៥គ្រឿង រួមមានទាំងនាវាពិឃាតបំពាក់មីស៊ីលស៊ីបគោលដៅមួយគ្រឿងផងដែរ។

បណ្ដាញសង្គម

ព័ត៌មានថ្មីៗ

កម្ពុជា-កាហ្សាក់ស្ថាន ចុះហត្ថលេខាស្តីពីការលើកលែងទិដ្ឋាការសម្រាប់អ្នកកាន់លិខិតឆ្លងដែនការទូត និងផ្លូវការ

ក្រុមរឹងត្អឹងខ្លាំងរបស់អ៊ីរ៉ង់ ព្យាយាមបំផ្លាញលទ្ធភាពដែលអាចមានកិច្ចព្រមព្រៀងជាមួយអាមេរិក

ប្រធាន IAEA បញ្ជាក់ថា កាហ្សាក់ស្ថានស្នើរក្សាស្តុកសារធាតុអ៊ុយរ៉ានីញ៉ូមរបស់អ៊ីរ៉ង់

អាជ្ញាធរបីខណ្ឌក្នុងរាជធានីភ្នំពេញ ចុះត្រួតពិនិត្យ និងបង្រ្កាបទីតាំងបទល្មើសឆបោកតាមប្រព័ន្ធបច្ចេកវិទ្យាព្រមៗគ្នា

របាយការណ៍៖ អ៊ីស្រាអែលបដិសេធការទាមទារឲ្យដកទ័ពចេញពីភាគខាងត្បូងលីបង់

អនុប្រធាន សមាគមអតីតយុទ្ធ អញ្ជើញបើកវគ្គបណ្តុះបណ្តាល ស្តីពីលិខិតគតិយុត្ត អ.ន.ក. ខេត្តព្រះវិហារ

ប្រមុខការពារជាតិកម្ពុជា៖ ចាប់តាំងពីច្បាប់កាតព្វកិច្ចប្រកាសឱ្យប្រើប្រាស់ជាផ្លូវការ មកទល់ពេលនេះ មានយុវជនប្រមាណ ១ម៉ឺននាក់ហើយបានចុះឈ្មោះចូលរួមអនុវត្តហើយភាគច្រើនជាកូនថ្នាក់ដឹកនាំ

ឧត្តមសេនីយ៍អាមេរិកជួបជាមួយមន្ត្រីយោធាគុយបា នៅឆ្នេរឈូងសមុទ្រ Guantanamo

ប្រមុខការពារជាតិ៖ កម្ពុជាបង្កើនសមត្ថភាពយោធា ដើម្បីការពារបូរណភាទឹកដី គ្មានបំណងឈ្លានពាន ឬប៉ះទង្កិចជាមួយប្រទេសជិតខាងណាទេ

សម្ដេចតេជោណែ នាំមន្រ្តីមូលដ្ឋានខេត្តពោធិ៍សាត់ត្រូវធ្វើជាខ្នងបង្អែករបស់អតីតយុទ្ធជន និងគ្រួសារយុទ្ធជននៅសមរភូមិ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877