BTV NEWS

ជាង៧ខែ ជនបរទេសជាង៥ម៉ឺននាក់ត្រូវបានបណ្ដេញចេញពីកម្ពុជា ក្នុងនោះមាន ១ម៉ឺន៧ពាន់នាក់ពាក់ព័ន្ធ Online Scams

ឆមាសទី១ឆ្នាំនេះ សមត្ថកិច្ចបង្ក្រាបបទល្មើសជួញដូរមនុស្ស និងអាជីវកម្មផ្លូវភេទជាង ១១០ករណី និងសង្គ្រោះបាន ៥៨១នាក់

មនុស្ស៦នាក់ស្លាប់ និងម្នាក់រងរបួសធ្ងន់ក្នុងប្រតិបត្តិការបង្ក្រាបគ្រឿងញៀននៅវាលវែង

ក្រសួងព័ត៌មានអប់រំណែនាំក្រុមអ្នកផលិតមាតិកា ២ក្រុម គឺ «ក្រុមនាយក្រឹប» និង «ក្រុមគ្រូតឿ» ដែលបានផលិតផ្សព្វផ្សាយមាតិកាមិនសមរម្យ និងបំពានលើក្រមសីលធម៌

សន្តិសុខ និង សង្គម

ការផ្ទុះរាលដាលជំងឺអាសន្នរោគនៅអាហ្វ្រិកខាងត្បូងដុតបញ្ឆេះកំហឹងពលរដ្ឋជុំវិញសេវាផ្ដល់ទឹកស្អាត

អាហ្វ្រិកខាងត្បូង៖ នៅពេលការផ្ទុះជំងឺអាសន្នរោគត្រូវបានបញ្ជាក់នៅក្នុងតំបន់ ហានម៉ាន់ស្កាល់ (Hammanskraal) ភាគខាងជើងរដ្ឋធានីព្រីតូរីយ៉ា(Pretoria) របស់អាហ្វ្រិកខាងត្បូង វាស្ទើរតែពុំមានការភ្ញាក់ផ្អើលទេសម្រាប់ប្រជាពលរដ្ឋភាគច្រើនភ្ញាក់ផ្អើលដែលកំពុងតម្រង់ជួររង់ចាំទទួលទឹកស្អាតនិងសាប៊ូនោះ។ បញ្ហាកង្វះទឹកស្អាត និងអនាម័យ តែងតែជាក្ដីកង្វល់នៅក្នុងតំបន់ ហានម៉ាន់ស្កាល់ ជាតំបន់ក្រីក្រមួយដែលមានប្រជាជនរស់នៅ ប្រមាណ ១២ម៉ឺននាក់ ព្រោះថាវាជាផ្នែកមួយក្នុងតំបន់មួយចំនួនរបស់អាហ្វ្រិកខាងត្បូង ហើយការផ្ទុះជំងឺឆ្លងចុងក្រោយបំផុតក្នុងតំបន់នេះ បានឆក់យកជីវិតមនុស្ស២១នាក់រួចទៅហើយ ។ លោក ពីអេតជេឡេ (Piet Jele )វ័យ៣៦ឆ្នាំ ជាប្រជាពលរដ្ឋរស់នៅក្នុងតំបន់នេះ បាននិយាយថា ពេលខ្លះទឹកធំក្លិនដូចជាទឹកទន្លេអ៊ីចឹង ដូចជាទឹកបូមពីទន្លេ។ ជួនកាលក៏មានក្លិនល្អគ្រាន់បើបន្តិច ប៉ុន្តែ ពេលខ្លះវាមានក្លិនស្អុយដូចទឹកលូ។ មនុស្សប្រហែល១៦៥នាក់ ត្រូវបានបញ្ជូនទៅព្យាបាលនៅមន្ទីរពេទ្យស្រុក ជូប៊ីលី (Jubilee )ខណៈដែលមន្ទីរពិសោធន៍បានបញ្ជាក់ថា ករណីផ្ទុះជំងឺអាសន្នរោគបានកើនឡើងដល់២៩នាក់ ។អភិបាលក្រុងនេះ ត្រូវតែ ចាត់វិធានការបន្ទាន់មុនពេលជំងឺនេះ ឆក់យកជីវិតមនុស្សកាន់តែច្រើនថែមទៀត ។ គេពុំបានដឹងថាតើការរាតត្បាតចាប់ផ្តើមដោយរបៀបណា និងថាតើវាជាប់ទាក់ទងទៅនឹងទឹកកខ្វក់ក្នុងតំបន់ ហានម៉ាន់ស្កាល់ (Hammanskraal )នេះដែរឬទេ។ អាជ្ញាធរកំពុងស៊ើបអង្កេតប្រភពដើមនៃការផ្ទុះជំងឺនេះ។ ជំងឺអាសន្នរោគមាននៅក្នុងបណ្ដាប្រទេសមានការអភិវឌ្ឍន៍តិចតួចរបស់ទ្វីបអាហ្រ្វិក ជាងរដ្ឋធានីដែលមានវិស័យឧស្សាហកម្មធំបំផុតរបស់ប្រទេសនេះ៕

ជនសង្ស័យត្រូវបានចាប់ខ្លួន បន្ទាប់ពីមនុស្ស៤នាក់បានស្លាប់ក្នុងការវាយប្រហារដោយកាំភ្លើងនិងកាំបិតនៅជប៉ុន

ជប៉ុន៖ មន្ត្រីមួយរូបបានប្រាប់សារព័ត៌មាន AFP ថា នគរបាលជប៉ុននៅថ្ងៃសុក្រទី២៦ឧសភានេះបានឃុំខ្លួនជនសង្ស័យម្នាក់ ដែលបានលាក់ខ្លួននៅក្នុងអគារមួយក្រោយការចោទប្រកាន់ថាបានសម្លាប់មនុស្សចំនួន៤នាក់ រួមទាំងមន្ត្រីនគរបាល២នាក់ ក្នុងការវាយប្រហារដោយកាំភ្លើង និងកាំបិត ។ បុរសម្នាក់ដែលត្រូវបានចាប់ឃុំខ្លួននៅខាងក្រៅអគារកសិដ្ឋានជិតទីក្រុង Nakano ក្នុងតំបន់ Nagano ដែលនគរបាលបានបញ្ជាក់ពីការស្លាប់ជនរងគ្រោះទី៤នៅពេលយប់រំលងអាធ្រាត្រ ជាស្រ្តីវ័យចំណាស់ដែល ត្រូវបារកឃើញមានរបួស នៅកន្លែងកើតហេតុហើយក្រោយមកបានប្រកាសថាបានស្លាប់។ អ្នកនាំពាក្យនគរបាលមួយរូប បានប្រាប់សារព័ត៌មាន AFP ថា ជនសង្ស័យត្រូវបានឃុំខ្លួននៅម៉ោងប្រហែល៤និង៣០នាទីព្រឹក។ នេះជាអំពើហិង្សាឧក្រឹដ្ឋកម្មដ៏កម្រនៅក្នុងប្រទេសជប៉ុន ដែលមានអត្រាមនុស្សឃាតកម្រិតទាប និងប្រទេសមួយក្នុងស្ថិតក្នុងចំណោមប្រទេសមួយចំនួនដែលមានច្បាប់ប្រើប្រាស់អាវុធតឹងរ៉ឹងបំផុតក្នុងពិភពលោក។ ទីភ្នាក់ងារសារព័ត៌មាន Kyodo បាននិយាយថា ជនសង្ស័យបានសំងំលាក់ខ្លួនរយៈពេល៤ម៉ោងនៅក្នុងផ្ទះ ដែលជាកម្មសិទ្ធិរបស់ឪពុកគេ ដែលជាអភិបាលក្រុង Nakano។ ជនសង្ស័យ ត្រូវបានចោទប្រកាន់ពីបទចាក់សម្លាប់ជនរងគ្រោះ ដោយប្រើកាំបិតធំ មួយ មុនពេលប្រើកាំភ្លើងបាញ់សត្វ បាញ់ទៅលើស្ត្រីនគរបាល២នាក់ ដែលបានលើកទូរស័ព្ទបន្ទាន់។សារព័ត៌មាន NHK បាននិយាយដោយសំអាងប្រភពពីនគរបាលថា ក្រោយមកខ្មាន់បានបាញ់ប្រហារដោយអាវុធដែលទំនងជាកាំភ្លើងគ្រាប់ប្រាយទៅលើក្រុមនគរបាលដែលបានទៅដល់កន្លែងកើតហេតុ។ គេពុំបានដឹងទេពីមូលហេតុនៅពីក្រោយការវាយប្រហារនេះទេ៕

តំបន់ធំៗជាច្រើនរបស់ម៉ិកស៊ីក ត្រូវបានគ្របដណ្តប់ដោយធូលី ខណៈភ្នំភ្លើង Popocatépetlបន្តព្រួសផេះនិងធូលី

ម៉ិកស៊ីក៖ ប្រជាជនប្រមាណ៣លាននាក់ ត្រូវបានបញ្ជាឲ្យជម្លៀសខ្លួន ខណៈតំបន់ធំៗជាច្រើនរបស់ប្រទេសម៉ិកស៊ីក ត្រូវបានគ្របដណ្តប់ទៅដោយធូលីពីភ្នំភ្លើង Popocatépetl (ប៉ូប៉ូកាតេប៉េតល) ដែលបានធ្វើឲ្យពន្យារពេលជើងហោះហើបណ្តាលឲ្យសាលារៀនជាច្រើន ត្រូវបិទទ្វារ។ ការិយាល័យសម្របសម្រួលការការពារស៊ីវិលជាតិរបស់ប្រទេស បានបង្កើនកម្រិតព្រមានរបស់ខ្លួនដល់ដំណាក់កាលទី៣ព័ណ៌លឿង ដែលបានចេញបញ្ជាឲ្យមានការជម្លៀសខ្លួន និងបានព្រមានប្រជាជនដែលនៅក្បែរនោះត្រៀមសម្រាប់លទ្ធភាពដែលអាចចាកចេញពីតំបន់។ជំហានបន្ទាប់ ជាការប្រកាសអាសន្នព័ណ៌ក្រហម ដែលបណ្តាលឲ្យមានការជម្លៀសជាកាតព្វកិច្ច ហើយទីជម្រករាប់សិបកន្លែង ត្រូវបានបើករួចជាស្រេចនៅក្នុងតំបន់នៅព័ទ្ធជុំវិញមាត់ភ្នំភ្លើង ជាការបង្ការជាមុន។ប្រជាជនប្រមាណ២៥លាននាក់ រស់នៅក្នុងចម្ងាយ៦០ម៉ាយពីភ្នំភ្លើង Popocatépetl មានចម្ងាយត្រឹមតែ ៤៥ម៉ាយភាគអាគ្នេយ៍ទីក្រុងម៉ិកស៊ីកូស៊ីធី។ រយៈពេលជាង១សប្តាហ៍ ភ្នំដែលមានកម្ពស់១៧.៧៩៧ហ្វុត ត្រូវបានគេស្គាល់ថា El PoPo មានការផ្ទុះកើនឡើង ដោយព្រួសសំណុំផ្សែងផេះដ៏ក្រាស់ និងថ្មក្តៅ ឡើងលើអាកាស។ សកម្មភាពដែលដឹកនាំដោយរដ្ឋាភិបាលម៉ិកស៊ិក បានបង្កើនកម្រិតព្រមាន និងបានបិទសាលារៀន ក្នុងក្រុងរាប់សិបកន្លែង នៅទូទាំងរដ្ឋចំនួន៣៕

UN៖ មីយ៉ាន់ម៉ា និងបង់ក្លាដែស ត្រូវការជំនួយ ៣៧៥លានដុល្លារ ក្រោយរងគ្រោះដោយព្យុះស៊ីក្លូន

UN៖ អង្គការសហប្រជាជាតិ ឬ UN កាលពីថ្ងៃអង្គារ (ទី២៣ ខែឧសភា) បាននិយាយថា អង្គការនេះ ត្រូវការថវិកាចំនួន ៣៧៥លានដុល្លារអាមេរិក ដើម្បីទិញស្បៀងអាហារ ថ្នាំពេទ្យ និងជំនួយសង្គ្រោះផ្សេងទៀតទៅជួយដល់មនុស្សរាប់លាននាក់ដែលរងផលប៉ះពាល់ ដោយសារព្យុះស៊ីក្លូន ដែលបានបំផ្លិចបំផ្លាញផ្នែកខ្លះនៃសហភាពមីយ៉ាន់ម៉ា និងប្រទេសបង់ក្លាដែស។ភាគខាងលិចសហភាពមីយ៉ាន់ម៉ា និងខេត្តនានាក្នុងប្រទេសជិតខាងបង់ក្លាដែស ដែលមានប្រជាជនមូស្លីម និងជនភៀសខ្លួនរ៉ូហ៊ីងយ៉ាយ៉ាងច្រើននោះ បានទទួលរងឥទ្ធិពលយ៉ាងខ្លាំងក្លាពីព្យុះស៊ីក្លូន Mocha កាលពីថ្ងៃទី១៤ ខែឧសភា ដែលត្រូវបានគេប៉ាន់ប្រមាណថា បានសម្លាប់មនុស្សរាប់រយនាក់ និងបង្កការខូចខាតយ៉ាងធ្ងន់ធ្ងរ។សម្រាប់មីយ៉ាន់ម៉ា អង្គការសហប្រជាជាតិ ឬ UN បានប្រាប់ថា ខ្លួនកំពុងអំពាវនាវសុំថវិកាជំនួយបន្ថែមចំនួន ១២២លានដុល្លារនិងមូលនិធិដែលមានស្រាប់ចំនួន ២១១លានដុល្លារ ដើម្បីយកទៅប្រើប្រាស់ដើម្បីឆ្លើយតបនឹងព្យុះស៊ីក្លូន ខណៈដែលប្រទេសបង់ក្លាដែស ត្រូវការដាច់ដោយឡែកចំនួន ៤២លានដុល្លារ។លោក Ramanathan Balakrishnan អ្នកសម្របសម្រួលរបស់អង្គការសហប្រជាជាតិប្រចាំនៅសហភាពមីយ៉ាន់ម៉ា បាននិយាយថា៖ «ឥឡូវនេះយើងកំពុងប្រជែងជាមួយពេលវេលា ដើម្បីផ្តល់ជម្រកសុវត្ថិភាពដល់ប្រជាជន នៅក្នុងសហគមន៍ដែលរងផលប៉ះពាល់ទាំងអស់ និងទប់ស្កាត់ការរីករាលដាលនៃជំងឺឆ្លង ដែលកើតឡើងដោយការប្រើប្រាស់ទឹក»។ការអំពាវនាវនេះធ្វើឡើង ខណៈដែលអង្គការមនុស្សធម៌ ព្យាយាមចូលទៅកាន់តំបន់ដែលរងគ្រោះខ្លាំងបំផុត បន្ទាប់ពីរងការខូចខាតដោយព្យុះ ហើយពួកគេរង់ចាំការអនុញ្ញាតពីរដ្ឋាភិបាលយោធាមីយ៉ាន់ម៉ា។អ្នកនាំពាក្យរបស់របបយោធា មិនអាចទាក់ទងសុំការអធិប្បាយបានទេ។ មេដឹកនាំរបបយោធា បានឲ្យដឹងថា មនុស្ស ១៤៥នាក់ បានស្លាប់ដោយសារព្យុះស៊ីក្លូននេះ ហើយជំនួយកំពុងត្រូវបានបញ្ជូនទៅតំបន់ដែលរងផលប៉ះពាល់។មូលនិធិនេះនឹងជួយដល់មនុស្ស ១៦លាននាក់ ដែលរងផលប៉ះពាល់នៅទូទាំងតំបន់ចំនួនប្រាំនៃសហភាពមីយ៉ាន់ម៉ា រួមមាន Chin, Sagaing, Magway, Kachin និង Rakhine៕

ភ្លៀងធ្លាក់ខ្លាំងបង្កឲ្យមានទឹកជំនន់នៅប្រទេសអេស្ប៉ាញនៅភាគអាគ្នេយ៍

អេស្ប៉ាញ៖ ជាវិធានការការពារ អាជ្ញាធរប្រទេសអេស្ប៉ាញ បានបិទសាលារៀន សាកលវិទ្យាល័យ និងសេវាសាធារណៈផ្សេងៗ ដូចជាមណ្ឌលថែទាំពេលថ្ងៃ ខណៈភ្លៀងធ្លាក់ខ្លាំងវាយបក់ឆ្លងកាត់ឆ្នេរសមុទ្រភាគអាគ្នេយ៍ កាលពីថ្ងៃអង្គារ ដែលបានបណ្តាលឲ្យជាន់ផ្ទាល់ដីលិចលង់ដោយទឹកជំនន់ ជន់លិចរថយន្ត និងមានការបិទផ្លូវថ្នល់។ ភ្លៀងធ្លាក់ខ្លាំងត្រូវបានគេរំពឹងថា បន្តពេញមួយថ្ងៃអង្គារ ក្នុងតំបន់ដែលទទួលរងគ្រោះធ្ងន់ធ្ងរបំផុត រួមទាំងផ្នែកមួយចំនួននៅតំបន់ Murcia និង Valencia ព្រមទាំងតំបន់ Andalusia ក្នុងពេលមានការព្រមានពីគ្រោះអាសន្នទឹកជំនន់កម្រិតខ្ពស់។នៅក្នុងទីក្រុង Cartagena អង្គភាពសេវាសង្គ្រោះបន្ទាន់ បានព្យាយាមបង្ហូរចេញទឹកជំនន់ជន់លិចផ្លូវ ជាកន្លែងដែលឃ្លីបវីដេអូ តាមទូរទស្សន៍ក្នុងតំបន់ បានបង្ហាញ ទឹកបានលិចរថយន្តនិងទោចក្រយានយន្តដោយអន្លើដែលបានចតនៅទីនោះ។ ទឹកភ្លៀងធ្លាក់អាចជួយសម្រាលដល់គ្រោះរាំងស្ងួតដែលបានអូសបន្លាយពេលយូរ ដែលកំពុងប៉ះពាល់ដល់ប្រទេសនេះ។ ប៉ុន្តែទោះជាយ៉ាងណា រដូវកាលនេះគេនៅតែរំពឹងថាជារដូវក្តៅហួតហែងបំផុត លើកំណត់ត្រា។ទឹកភ្លៀងធ្លាក់នៅទូទាំងប្រទេស នៅចន្លោះខែតុលា ឆ្នាំ២០២២ និងថ្ងៃទី២១ ខែឧសភា ឆ្នាំ២០២៣ ទាបជាងជាកម្រិតមធ្យមសម្រាប់អំឡុងពេលនេះ ដែលមានភ្លៀងធ្លាក់តាមធម្មតាកើនឡើងទ្វេដង ដែលជាតម្រូវការរហូតដល់ចុងខែកញ្ញា ទើបឈានដល់កម្រិតធម្មតា៕

បម្រាមផ្អាកជើងហោះហើររយៈចម្ងាយជិត បានចូលជាធរមាននៅក្នុងប្រទេសបារាំង

បារាំង៖ បម្រាមមួយលើជើងហោះហើរក្នុងស្រុកចម្ងាយជិត បានចូលជាធរមាន នៅក្នុងប្រទេសបារាំងកាលពីថ្ងៃអង្គារ ក្នុងចំណាត់ការមួយដើម្បីកាត់បន្ថយការបំភាយឧស្ម័ន ដែលរដ្ឋមន្ត្រីមួយរូបបាននិយាយថា ជា «ពិភពលោកដំបូង»។ បម្រាមដែលហាមប្រាមជើងហោះហើររវាងទីក្រុងនានា ដែលអាចទៅដល់ដោយរថភ្លើង ក្នុងរយៈពេលតិចជាង២ម៉ោងកន្លះ ត្រូវបានអនុម័តដោយសមាជិកសភាកាលពីខែមេសា ឆ្នាំ២០២១ ក្នុងពេលមានការធ្លាក់ចុះការធ្វើដំណើរតាមផ្លូវអាកាស អំឡុងការរាតត្បាតជំងឺ Covid-19។វាបានធ្វើឲ្យប៉ះពាល់ដល់ជើងហោះហើរ ពីទីក្រុងប៉ារីស ទៅកាន់ទីក្រុងនានា រួមទាំងទីក្រុងណងត៍(Nantes) ទីក្រុងបដូ (Bordeaux )និងទីក្រុងលីយ៉ុង(Lyon) ។ប៉ុន្តែក្រុមអ្នកធ្វើយុទ្ធនាការបរិស្ថាន បាននិយាយថា បម្រាមនេះពុំទាន់គ្រប់គ្រាន់នោះទេ។ មុនពេលបម្រាមត្រូវបានអនុម័តទៅជាច្បាប់ក្នុងឆ្នំា២០២១ វេទិកាអាកាសធាតុរបស់ប្រជាជន ត្រូវបានបង្កើតឡើង ដោយលោក ប្រធានាធិបតី Macron ដើម្បីជួយដល់គោលនយោបាយអាកាសធាតុដែលលេចចេញជារូបរាង អំពាវឲ្យលុបចោលជើងហោះហើរនៅលើផ្លូវដែលការធ្វើដំណើរបានដោយរថភ្លើង មានរយៈពេលតិចជាង៤ម៉ោង។ ដោយបង្ហោះនៅលើប្រព័ន្ធផ្សព្វផ្សាយសង្គម រដ្ឋមន្ត្រីក្រសួងដឹកជញ្ជូនបារាំងលោក ក្លេម៉ង់ បូណេ(Clement Beaune) បាននិយាយថា ចំណាត់ការនេះ គឺជា«សញ្ញាដ៏សំខាន់ និងពិភពលោកដំបូង»៕

ពលរដ្ឋអ៊ុយរុយហ្គាយ បន់ស្រន់ឲ្យមានទឹកភ្លៀងខណៈដែលអាងស្ដុកទឹកនៅសល់ទឹកប្រើប្រាស់១០ថ្ងៃ

អ៊ុយរុយហ្គាយ៖ គ្រោះរាំងស្ងួតជាប្រវត្ដិសាស្រ្ដនៅក្នុងប្រទេសអ៊ុយរុយហ្កាយ បានធ្វើឲ្យអាងស្ដុកទឹកដែលផ្ដល់ទឹកដល់រដ្ឋធានី ម៉ុនតេវីដេអូ ស្ទើរតែរីងស្ងួតអស់ទៅហើយ។ភ្លៀងធ្លាក់តិច និងសីតុណ្ហភាពកើនឡើងខ្ពស់នៅទូទាំងតំបន់ខាងត្បូងនៃអាមេរិកខាងត្បូងនេះ បានបង្កឲ្យមានគ្រោះរាំងស្ងួតយ៉ាងធ្ងន់ធ្ងរកាលពីឆ្នាំទៅ ដោយបានបង្កផលប៉ះពាល់ដល់ផលដំណាំនៅក្នុងប្រទេសជិតខាងអាហ្សង់ទីន ដែលជាប្រទេសផលិតគ្រាប់ធញ្ញជាតិ និងបានបង្កឲ្យការខាតបង់ដល់ការធ្វើកសិកម្មនៅតំបន់ទីទួល។ យោងតាមក្រុមមន្រ្ដីបានឲ្យដឹងថា ក្នុងប្រទេសអ៊ុយរុយហ្កាយ កង្វះខាតទឹកមានសភាពធ្ងន់ធ្ងរបំផុតនៅក្នុងរយៈពេល៧៤ឆ្នាំមិនធ្លាប់មាន។ ពោលគឺវាកំពុងធ្វើឲ្យប៉ះពាល់ដល់ផ្គត់ផ្គង់សម្រាប់មនុស្សរាប់ម៉ឺននាក់ ហើយកំពុងធ្វើឲ្យគុណភាពទឹកចុះខ្សោយទៀតផង។ លោកហ្វេឌើរីកូ ក្រេមើម៉ាន់ ប្រធានសហជីពកម្មករ នៅឯអង្គភាពOSE បាននិយាយថា ភ្លៀងធ្លាក់តិច ការគ្រប់គ្រងផ្គត់ផ្គង់មិនបានត្រឹមត្រូវ និងកង្វះការវិនិយោគពីរដ្ឋ គឺជាកត្តាដ៏ធំដែលនាំឲ្យមានស្ថានភាពបែបនេះ។ ហើយទឹកសម្រាប់មនុស្សប្រើប្រាស់នេះ ក៏បានជួយបំពេញដល់ការដាំសណ្ដែកសៀង ការចិញ្ចឹមសត្វ និងព្រៃឈើផងដែរ៕

ឃាត់ខ្លួនជនសង្ស័យជួញដូរគ្រឿងញៀនឆ្លងដែន៣នាក់ដកហូត គ្រឿងញៀនជិត២០០គីឡូក្រាម

ភ្នំពេញ ៖ កម្លាំងជំនាញមន្ទីរប្រឆាំងបទល្មើសគ្រឿងញៀន អគ្គស្នងការដ្ឋាននគរបាលជាតិ ក្រសួងមហាផ្ទៃ បង្ក្រាបបទល្មើសជួញដូរគ្រឿងញៀនឆ្លងដែនឃាត់ខ្លួនជនសង្ស័យ៣នាក់វត្ថុតាងគ្រឿងញៀនជិត ២០០គីឡូក្រាម ។ដោយអនុវត្តតាមបញ្ជា នាយឧត្ដមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ ក្រោមការបញ្ជាដឹកនាំផ្ទាល់របស់លោកឧត្ដមសេនីយ៍ឯក ឃឹង សារ៉ាត់ នាយកមន្ទីរប្រឆាំងបទល្មើសគ្រឿងញៀន កម្លាំងជំនាញមន្ទីរប្រឆាំងបទល្មើសគ្រឿងញៀន កាលពីថ្ងៃទី២០ ខែឧសភា ឆ្នាំ២០២៣ វេលាម៉ោង១៥ និង១០នាទី ដោយមានការដឹកនាំនិងសម្របសម្រួលពីលោក ស៊ន មុនី ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ កម្លាំងការិយាល័យស៊ើបការណ៍ក្រៅ (ក១១) និង (ក៥) សហការជាមួយកម្លាំងជំនាញ នៃស្នងការដ្ឋាននគរបាលរាជធានីភ្នំពេញ និងកម្លាំងជំនាញខេត្តកណ្តាល ស្រាវជ្រាវ-ស៊ើបអង្កេត រហូតឈានដល់ការបង្ក្រាបករណីរក្សាទុក និងដឹកជញ្ជូនគ្រឿងញៀនដោយខុសច្បាប់នូវសារធាតុញៀន ប្រមាណ ០៥គោលដៅផ្សេងគ្នា (០៤គោលដៅ ក្នុងរាជធានីភ្នំពេញ និង ០១គោលដៅ នៅខេត្តកណ្តាល)។គោលដៅទី១ ៖ នៅចំណុចមុខក្រសួងពាណិជ្ជកម្ម មហាវិថីសហព័ន្ធរុស្សី សង្កាត់ទឹកថ្លា ខណ្ឌសែនសុខ រាជធានីភ្នំពេញ។គោលដៅទី២ ៖ នៅចំណុចផ្ទះជួលលេខ ៦៤E១ ផ្លូវលេខ១១០ ភូមិ៥ សង្កាត់ផ្សារចាស់ ខណ្ឌដូនពេញ រាជធានីភ្នំពេញ ។គោលដៅទី៣ ៖ នៅចំណុច បុរី ពិភពថ្មី ផ្ទះលេខ១០៧ ផ្លូវE ភូមិប្រការ សង្កាត់ព្រៃស ខណ្ឌដង្កោ រាជធានីភ្នំពេញ ។គោលដៅទី៤ ៖ នៅចំណុច បុរី ពិភពថ្មី ផ្ទះលេខ១២៦ ផ្លូវលេខ៣៥B ភូមិត្រពាំងព្រុយ ឃុំបែកចាន ស្រុកអង្គស្នួល ខេត្តកណ្តាល។និងគោលដៅទី៥ ៖ នៅថ្ងៃទី២១ ខែឧសភា ឆ្នាំ២០២៣ វេលាម៉ោង ១១ និង០០នាទី សមត្ថកិច្ចបានបន្តទៅឆែកឆេរ នៅចំណុចផ្ទះ ជួលលេខ២CE1 ផ្លូវលេខ១០៩ ក្រុមទី៣១ ភូមិ៣ សង្កាត់អូប្ញស្សី១ ខណ្ឌ៧មករា រាជធានីភ្នំពេញ។ក្នុងកំឡុងប្រតិបត្តិការនោះសមត្ថកិច្ចជំនាញ ឃាត់ខ្លួនជនសង្ស័យ ០៣នាក់ ១.ឈ្មោះ សេង គុន្នី ភេទស្រី អាយុ ៤៤ឆ្នាំ ជនជាតិខ្មែរ ។ ២.ឈ្មោះ អ៊ឹម ស្រីពៅ ភេទស្រី អាយុ ៣៨ឆ្នាំ ជនជាតិខ្មែរ ។ ៣.ឈ្មោះ លាស់ ណេត ភេទស្រី អាយុ ៣៩ឆ្នាំ ជនជាតិខ្មែរ។ដកហូតវត្ថុតាងគ្រឿងញៀន រួមមាន ៖១-ហេរ៉ូអ៊ីន (HEROINE) ទម្ងន់ជាង ១៣៨ គីឡូក្រាម ។ ២-អ៊ិចស្តាស៊ី (MDMA) ទម្ងន់ជាង ៤ គីឡូក្រាម ។៣-មេតំហ្វេតាមីន (METHAMPHETAMINE) ទម្ងន់ជាង ៤៦គីឡូក្រាម ។ ៤-កេតាមីន (KETAMINE) ទម្ងន់ជាង ៤គីឡូក្រាម ។៥-នីមេតាហ្សេប៉ាម (NIMETAZEPAM) ទម្ងន់ ៧៧២,២០ ក្រាម។សរុបរួមសារធាតុញៀនទម្ងន់ ១៩៣ គីឡូ និង ៩០៨,៤១ ក្រាម) និងសារធាតុមិនច្បាស់ទម្ងន់ ២៣,២១ ក្រាម ។ចំពោះជនសង្ស័យនិងវត្ដុតាងទាំងអស់សមត្ថកិច្ចជំនាញបាននឹងកំពុងកសាងសំណុំរឿងបញ្ជូនទៅសាលាដំបូងរាជធានីភំ្នពេញ ដើម្បីចាត់ការតាមនីតិវិធី ៕ ដោយ ៖ តារាវុទ្ធី

អវកាសយានិកស្ត្រីអារ៉ាប់ដំបូងគេ បានទៅដល់ស្ថានីយអវកាស

អារ៉ាប៊ីសាអ៊ូឌីត៖ លោកស្រី Rayyanah Barnawi គឺជាអវកាសយានិកជនជាតិអារ៉ាប់ស្ត្រីដំបូងគេ ដែលបានធ្វើដំណើរទៅដល់ស្ថានីយអវកាសអន្តរជាតិ ឬ ISS។ លោកស្រីជាជនជាតិអារ៉ាប៊ីសាអ៊ូឌីតម្នាក់ ក្នុងចំណោមជនជាតិអារ៉ាប៊ីសាអ៊ូឌីតពីរនាក់ ក្នុងយានបេសកកម្មឯកជនទី២របស់ស្ថានីយអវកាស Axiom Space ដែលបានបាញ់បង្ហោះយានចម្លង SpaceX Falcon 9 ពីសហរដ្ឋអាមេរិក កាលពីថ្ងៃអាទិត្យ។ក្នុងអំឡុងពេល១០ថ្ងៃរបស់លោកស្រីនៅក្នុងគន្លងផ្លូវលើស្ថានីយអវកាសអន្តរជាតិ (ISS) អ្នកវិទ្យាសាស្ត្រជីវសាស្រ្តវ័យ ២៤ឆ្នាំរូបនេះ គ្រោងនឹងធ្វើការស្រាវជ្រាវកោសិកាដើម និងមហារីកសុដន់។ នាងសង្ឃឹមថា នឹងជួយជំរុញទឹកចិត្តស្ត្រីមកពីគ្រប់មជ្ឈដ្ឋាន នៅមជ្ឈិមបូព៌ា។នៅក្នុងវីដេអូដែលថតនៅក្នុងលំហអាកាស មុនពេលនាងទៅដល់ស្ថានីយអវកាសអន្តរជាតិ ឬ ISS នាងបាននិយាយថា៖ «ជូនចំពោះមនុស្សជុំវិញពិភពលោក អនាគតគឺភ្លឺស្វាងល្អណាស់។ ខ្ញុំចង់ឲ្យអ្នកមានសុបិនដ៏ធំ ជឿជាក់លើខ្លួនឯង និងជឿជាក់លើមនុស្សជាតិ»។នាង Barnawi ត្រូវបានចូលរួមនៅក្នុងយានបេសកកម្ម Axiom 2 ដោយមិត្តរួមជាតិអ្នកជំនាញបេសកកម្មអារ៉ាប៊ីសាអូឌីត លោក Ali Alqarni ដែលជាអវកាសយានិកប្រុសទី២ មកពីរាជាណាចក្រឈូងសមុទ្រ ដើម្បីធ្វើដំណើរទៅកាន់ស្ថានីយអវកាសអន្តរជាតិ រួមជាមួយជនជាតិអាមេរិកពីរនាក់ទៀត គឺអវកាសយានិក លោកស្រី Peggy Whitson និងពីឡុត លោក John Shoffner។ក្រុមយានិកទាំងអស់ បានធ្វើដំណើរទៅកាន់ទីអវកាសខាងក្នុងយានអវកាស Dragon របស់យានអវកាស SpaceX ដែលស្ថិតនៅលើយានចម្លង Falcon 9 និងដែលត្រូវបានបាញ់បង្ហោះពីមជ្ឈមណ្ឌលអវកាស Kennedy នៅទីក្រុង Cape Canaveral រដ្ឋ Florida កាលពីថ្ងៃអាទិត្យ៕

ប្រជាជនអាហ្វ្រិកខាងត្បូង ស្តីបន្ទោសរដ្ឋាភិបាលទីក្រុង ខណៈករណីជំងឺអាសន្នរោគកើនឡើង

អាហ្វ្រិកខាងត្បូង៖ ប្រជាជនអាហ្វ្រិកខាងត្បូង កាលពីថ្ងៃចន្ទ បានស្តីបន្តោសរដ្ឋាភិបាលតំបន់របស់ពួកគេ ព្រោះតែពុំបាន ផ្តល់ឲ្យទឹកស្អាត ខណៈអ្នកស្លាប់ពីជំងឺអាសន្នរោគកើនឡើងដល់១៥នាក់ នៅក្នុងខេត្តដែលមានប្រជាជនរស់នៅច្រើនបំផុតរបស់ប្រទេស។ នាយកដ្ឋានសុខាភិបាល ក្នុងខេត្ត Gauteng បានប្រកាសការផ្ទុះឡើងជំងឺអាសន្នរោគកាលពីថ្ងៃអាទិត្យទី២១ ខែឧសភា ក្នុងតំបន់ Hammanskraal (ហាមម៉ាន់ក្រាអាល់) ជាតំបន់មួយមានចម្ងាយប្រមាណ ៥០គីឡូម៉ែត្រ ខាងជើងទីក្រុង Pretoria (ប្រេតូរៀ)។រដ្ឋាភិបាល ទីក្រុងនិយាយថា ពលរដ្ឋជិត១០០នាក់ ត្រូវបានគេមើលឃើញនៅក្នុងមន្ទីរពេទ្យ ហើយ៣៧នាក់បានចូលសម្រាកនៅក្នុងបន្ទប់ ដោយរដ្ឋាភិបាលបានព្រមានពលរដ្ឋតំបន់ Hammanskraal និងតំបន់នៅជុំវិញនោះកុំឲ្យផឹកទឹកពីក្បាលរ៉ូប៊ីណេ។ ពលរដ្ឋអាយុ៣៦ឆ្នាំឈ្មោះ Sello Samuel Lekoto ជាពលរដ្ឋគ្មានការងារធ្វើនៅតំបន់ Hammanskraal ជាអ្នកដែលកំពុងត្រូវបានព្យាបាលជំងឺអាសន្នរោគនៅមន្ទីរពេទ្យ Jubilee បាននិយាយថា យើងកំពុងផឹកទឹកនោះ ប៉ុន្តែពួកគេមិនចង់សម្អាតទឹកនោះទេ ឬត្រូវដាក់ទុយយោមួយផ្សេងទៀតដើម្បីផ្តល់ឲ្យយើងនូវទឹកនោះ។សាលាក្រុងបាននិយាយនៅក្នុងសេចក្តីថ្លែងការណ៍ថា ទឹកត្រូវបានផ្គត់ផ្គង់ដោយទីក្រុង នៅក្នុងតំបន់ Hammanskraal ដែលអាចបរិភោគបាន ប៉ុន្តែបញ្ហានោះទីក្រុងបានផ្តល់ទឹកស្អាតបរិភោគ តាមរយៈរថយន្តដឹកទឹក ទៅកាន់តំបន់លំនៅឋានក្រៅផ្លូវការជាច្រើនលើកក្នុងមួយសប្តាហ៍។ ជំងឺអាសន្នរោគ អាចបង្ករឲ្យរាគរូសធ្ងន់ធ្ងរ ក្អួត និងចុះខ្សោយ ហើយឆ្លងជាសំខាន់តាមអាហារឬទឹកមិនស្អាត។ វាអាចធ្វើឲ្យស្លាប់បានក្នុងរយៈពេលតែប៉ុន្មានម៉ោងប្រសិនបើមិនត្រូវបានព្យាបាល។ ប្រទេសអាហ្វ្រិកខាងត្បូង បានបញ្ជាក់ពីជំងឺអាសន្នរោគចំនួន៤១ករណី នៅទូទាំងប្រទេស៕

បណ្ដាញសង្គម

ព័ត៌មានថ្មីៗ

Cristiano Ronaldo និង Georgina Rodriguez ប្រកាសចំណងអាពាហ៍ពិពាហ៍ផ្លូវការ

ប្រេងឡើងថ្លៃ ខណៈការសង្ស័យលើកិច្ចព្រមព្រៀងរវាងអាមេរិក-អ៊ីរ៉ង់ បង្កើនការព្រួយបារម្ភពីការផ្គត់ផ្គង់

ការវាយប្រហាររបស់រុស្ស៊ីសម្លាប់មនុស្សច្រើននាក់ ខណៈមេដឹកនាំអ៊ុយក្រែនអះអាងពីការប្រើប្រាស់មីស៊ីលកូរ៉េខាងជើង

ការវាយប្រហារដោយក្រុមហ៊ូទី នៅសមុទ្រក្រហមបណ្តាលឲ្យនាវិកស្លាប់និងរបួស ខណៈអាមេរិកក៏បានវាយប្រហារនាវានៅឈូងសមុទ្រអូម៉ង់

កូរ៉េខាងត្បូង និងជប៉ុន ថ្កោលទោសការបាញ់មីស៊ីលបាលីស្ទីកពីកូរ៉េខាងជើងនៅថ្ងៃពុធនេះ

ប្រទេសលីបង់ លុបចោលទោសប្រហារជីវិតដំបូងគេនៅតំបន់មជ្ឈិមបូព៌ា

កូរ៉េខាងជើង បាញ់មីស៊ីលបាលីស្ទីកនៅមុនសមយុទ្ធយោធាទ្រង់ទ្រាយធំរបស់អាមេរិក និងកូរ៉េខាងត្បូង

ប្រសាសន៍សំខាន់ៗរបស់សម្ដេចធិបតី អញ្ជើញជាអធិបតីភាពក្នុងពិធីសម្ពោធដាក់ឲ្យប្រើប្រាស់ជាផ្លូវការនូវសមិទ្ធផលនានា នៅក្រុងស្ទឹងត្រែង

[UPDATE] ចំនួនអ្នកស្លាប់ពីរញ្ជួយដីនៅកូឡុំប៊ីឡើងដល់ជាង ២៥០ នាក់ ខណៈក្រុមជួយសង្គ្រោះបន្តស្វែងរកអ្នករស់រានមានជីវិត

ថៃផ្អាកចេញលិខិតអនុញ្ញាតប្រើប្រាស់អាវុធថ្មីក្រោយការបាញ់ប្រហារសម្លាប់មនុស្សដ៏រង្គាល

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877