BTV NEWS

អាវុធហត្ថរាជធានីឃាត់ខ្លួនក្មេងទំនើង ០៥នាក់ ពាក់ព័ន្ធករណីហិង្សា កាប់ វាយ និងគប់ ប្លន់ម៉ូតូ

បង្ក្រាបករណីចាប់ឃុំឃាំង និងបង្ខាំងមនុស្សដោយខុសច្បាប់ ជំរិតទារប្រាក់១០ម៉ឺនដុល្លារ ឃាត់ខ្លួនជនសង្ស័យ០៤នាក់

ស្លាប់១៨នាក់ ក្នុងករណីគ្រោះថ្នាក់ចរាចរណ៍៦ថ្ងៃ,ពីថ្ងៃទី២០ដល់២៥សីហានេះ

ឃាត់ខ្លួនជនបរទេសចំនួន៥នាក់ក្នុងប្រតិបត្តិការបង្ក្រាបបទល្មើសឆបោកតាមប្រព័ន្ធបច្ចេកវិទ្យានៅឃុំសំរោង ស្រុកចន្ទ្រា ខេត្តស្វាយរៀង

សន្តិសុខ និង សង្គម

ការតវ៉ា បានកាត់បន្ថយការប្រារព្ធទិវាឯករាជ្យរបស់ប្រទេសអ៊ីស្រាអែល

ប្រទេសអ៊ីស្រាអែល បានប្រារព្ធទិវាឯករាជ្យកាលពីថ្ងៃច័ន្ទ ខណៈមានបាតុកម្មដោយក្រុមអ្នកតវ៉ា ទាមទារឱ្យនាយករដ្ឋមន្រ្តី លោក Benjamin Netanyahu និងរដ្ឋាភិបាលរបស់លោក បង្កើតកិច្ចព្រមព្រៀងដែលនឹងនាំយកចំណាប់ខ្មាំងនៅតំបន់ហ្កាហ្សា ត្រឡប់មកវិញ។ ទិវាបុណ្យឯករាជ្យជាតិ នៅក្នុងប្រទេសអ៊ីស្រាអែល ត្រូវបានគេសង្កេតឃើញចាប់តាំងពីថ្ងៃលិចនៅថ្ងៃទី១៣ រហូតដល់ថ្ងៃលិច ថ្ងៃទី១៤ ខែឧសភា បន្ទាប់ពីទិវារំលឹកដ៏ស្ងប់ស្ងាត់ ដែលប្រជាជនអ៊ីស្រាអែល គោរពវិញ្ញាណក្ខន្ធដល់អ្នកស្លាប់ ក្នុងសង្គ្រាមរបស់ប្រទេស ព្រមទាំងអ្នកទាំងឡាយដែលបានទទួលរងគ្រោះដោយសារការវាយប្រហារភេរវកម្ម។ខណៈប្រទេសនេះ ប្រារព្ធខួបលើកទី៧៦របស់ខ្លួន ការបាញ់កាំជ្រួចត្រូវបានលុបចោល ហើយពិធីដុតបំភ្លឺភ្លើងតាមប្រពៃណីនៅទីបញ្ចុះសពជាតិទីក្រុងហ្សេរុយសាឡឹម ត្រូវបានថតទុកសម្រាប់ទស្សនិកជនមើលតាមទូរទស្សន៍ ជំនួសឱ្យការផ្សាយបន្តផ្ទាល់។សង្រ្គាម បានចាប់ផ្តើមនៅពេលដែលក្រុមសកម្មប្រយុទ្ធហាម៉ាសប៉ាឡេស្ទីន មានមូលដ្ឋាននៅតំបន់ហ្កាហ្សា បានសម្រុកចូលទៅក្នុងសហគមន៍ព្រំដែននៅប្រទេសអ៊ីស្រាអែលភាគខាងត្បូង កាលពីថ្ងៃទី៧ ខែតុលា បានសម្លាប់មនុស្ស ១.២០០ នាក់ និងចាប់ចំណាប់ខ្មាំងជាង២៥០នាក់ នេះបើយោងតាមតួលេខសរុបរបស់ប្រទេសអ៊ីស្រាអែល។ចាប់តាំងពីពេលនោះមក ទាហានអ៊ីស្រាអែល ២៧៣ នាក់ទៀត បានស្លាប់ ភាគច្រើននៅក្នុងការវាយលុកលើតំបន់ហ្កាហ្សា ដែលក្រុមគ្រូពេទ្យប៉ាឡេស្ទីនបាននិយាយថា បានសម្លាប់មនុស្សជាង ៣៥.០០០នាក់។ កំហឹងជាសាធារណៈនៅក្នុងប្រទេសអ៊ីស្រាអែល បានផ្តោតលើរដ្ឋាភិបាលរបស់លោក Netanyahu ជាអ្នកអភិរក្សជើងចាស់ ដែលបន្តលើកកម្ពស់ខ្លួនឯងថាជា អ្នកធានាបានសន្តិសុខជាតិ ។

UN៖ មនុស្សជាង ៧ លាននាក់ ប្រឈមមុខនឹងអសន្តិសុខស្បៀងធ្ងន់ធ្ងរនៅស៊ូដង់ខាងត្បូង

ទីភ្នាក់ងារមនុស្សធម៌របស់អង្គការសហប្រជាជាតិ បាននិយាយថា យ៉ាងហោចណាស់មនុស្ស ៧,១ លាននាក់ ទំនងជានឹងប្រឈមមុខនឹងកម្រិតអសន្តិសុខស្បៀងធ្ងន់ធ្ងរបំផុតនៅក្នុងប្រទេសស៊ូដង់ខាងត្បូង ចន្លោះខែមេសា ដល់ខែកក្កដា។វិបត្តិស៊ូដង់ បានបណ្តាលឱ្យមានអ្នកភៀសខ្លួនទៅប្រទេសស៊ូដង់ខាងត្បូង ចំនួន ៦៥៥.៦៩៤ នាក់ពីប្រទេសស៊ូដង់ គិតត្រឹមថ្ងៃទី៣០ ខែមេសា ដោយជាមធ្យមមានមនុស្សប្រហែល ១.៨០០ នាក់បានឆ្លងកាត់ប្រទេសស៊ូដង់ខាងត្បូង ជារៀងរាល់ថ្ងៃ នេះបើតាមការិយាល័យសម្របសម្រួលកិច្ចការមនុស្សធម៌របស់អង្គការសហប្រជាជាតិ (OCHA) បាននិយាយនៅក្នុងរបាយការណ៍ចុងក្រោយរបស់ខ្លួន។យោងតាមការិយាល័យ OCHA នេះ បុគ្គលចំនួន ៧៩.០០០ នាក់កំពុងស្ថិតក្នុងកម្រិតមហន្តរាយ ដោយភាគច្រើននៃពួកគេរស់នៅក្នុងតំបន់ដែលត្រូវបានគំរាមកំហែងដោយគ្រោះមហន្តរាយទាក់ទងនឹងអាកាសធាតុ អស្ថិរភាពសេដ្ឋកិច្ច ឬជម្លោះ។ ទីភ្នាក់ងារនេះនិយាយថា លំហូរនៃអ្នកវិលត្រឡប់មកវិញ និងជនភៀសខ្លួន បន្តដាក់សម្ពាធបន្ថែមលើសេវាមានកម្រិតនៅតាមចំណុចព្រំដែន និងតំបន់គោលដៅនៅស៊ូដង់ខាងត្បូង។លើសពីនេះទៀត ក្រុមប្រដាប់អាវុធមកពីតំបន់រដ្ឋបាល ហ្រ្គេតធើ ភីប័រ (Greater Pibor) បានវាយប្រហារជំរំសត្វគោនៅក្នុងរដ្ឋ អ៊ីសស្ទើន អេក្វាតូរៀ (Western Equatoria) ដោយបង្ខំមនុស្សប្រហែល ៦.៥០០ នាក់ឱ្យភៀសខ្លួនទៅកាន់តំបន់ភ្នំ។ ការវាយប្រហារនេះក៏បានបណ្តាលឱ្យមានការសម្លាប់មនុស្សជាច្រើននាក់ ការចាប់ពង្រត់ស្ត្រី និងកុមារជាដើម៕

[UPDATE] ចំនួនអ្នកស្លាប់ ក្នុងជំនន់កម្អែភ្នំភ្លើង នៅឥណ្ឌូនេស៊ី កើនឡើងដល់ ៥០នាក់ ខណៈ២៧នាក់បាត់ខ្លួន

មន្ត្រីជាន់ខ្ពស់នៃទីភ្នាក់ងារគ្រប់គ្រងគ្រោះមហន្តរាយក្នុងតំបន់មួយរូប បាននិយាយនៅថ្ងៃអង្គារទី១៤ឧសភានេះ ថា មនុស្សយ៉ាងហោចណាស់៥០ នាក់បានស្លាប់ ៣៧នាក់រងរបួស និង២៧ នាក់ផ្សេងទៀត កំពុងបាត់ខ្លួន បន្ទាប់ពីជំនន់កម្អែភ្នំភ្លើង បានវាយប្រហារខេត្ត ស៊ូម៉ាត្រាខាងលិច (West Sumatra) របស់ប្រទេសឥណ្ឌូនេស៊ី កាលពីយប់ថ្ងៃសៅរ៍សប្ដាហ៍មុន។ លោក ហ្វាចា ស៊ូកម៉ា (Fajar Sukma) ប្រធានអង្គភាពសង្គ្រោះបន្ទាន់នៃទីភ្នាក់ងារគ្រប់គ្រងគ្រោះមហន្តរាយខេត្ត ស៊ូម៉ាត្រាខាងលិច បាននិយាយថា ទោះបីដុំថ្មធំៗ និងសំណល់ជាច្រើនពីទឹកជំនន់បានរារាំងដល់ការស្វែងរកជនរងគ្រោះក៏ដោយ ក៏ក្រុមអ្នកជួយសង្គ្រោះបានរកឃើញសាកសពចំនួន ៧នាក់ទៀតនៅក្នុងតំបន់ដែលរងគ្រោះខ្លាំងបំផុតនេះដែរ ។ លោកបានប្រាប់ទីភ្នាក់ងារសារព័ត៌មានស៊ីនហួថា យើងបានរកឃើញសាកសពមួយចំនួនទៀត ដែលនាំឱ្យចំនួនអ្នកស្លាប់សរុបកើនឡើងដល់ ៥០ នាក់ ។ ដុំថ្មធំៗ និងសំណល់ផ្សេងៗ បានរារាំងដល់ការស្វែងរក ប៉ុន្តែយើងបន្តស្វែងរកមនុស្ស ២៧នាក់ដែលត្រូវបានរាយការណ៍ថាបានបាត់ខ្លួន ។លោកនិយាយថា គ្រឿងចក្រមួយចំនួនបានទៅដល់តំបន់រងគ្រោះដោយសារទឹកជំនន់ធ្ងន់ធ្ងរនោះហើយ។ លោកបានបន្ថែមថា ប្រតិបត្តិការស្វែងរកនឹងផ្តោតលើស្រុក តាណា ដាតា (Tanah Datar) និង ស្រុកអាហ្កាំ (Agam) ជាទីដែលអ្នកបាត់ខ្លួនទាំង២៧ នាក់ត្រូវបានរាយការណ៍។ អ្នកនាំពាក្យទីភ្នាក់ងារគ្រប់គ្រងគ្រោះមហន្តរាយជាតិ (BNPB) លោក អាប់ឌុល ម៉ូហារី (Abdul Muhari) បាននិយាយថា គ្រោះមហន្តរាយធម្មជាតិនេះ បានបង្ខំមនុស្ស ៣.៣៩៦នាក់ ឱ្យភៀសខ្លួនចេញពីផ្ទះសម្បែង និងទៅស្នាក់នៅជម្រកបណ្ដោះអាសន្ន ខណៈជំនន់កម្អែភ្នំភ្លើងត្រជាក់បានបំផ្លិចបំផ្លាញលំនៅឋាន អគារ និងហេដ្ឋារចនាសម្ព័ន្ធផ្សេងៗទៀត៕

នគរបាលប៉ះទង្គិចជាមួយក្រុមបាតុករគាំទ្រប៉ាឡេស្ទីននៅសាកលវិទ្យាល័យអាំស្ទែដាំ ប្រទេសហូឡង់

កងកម្លាំងនគរបាល បានចូលទៅបញ្ចប់ការតវ៉ាគាំទ្រប៉ាឡេស្ទីន នៅសាកលវិទ្យាល័យ អាំស្ទែដាំ(Amsterdam) កាលពីថ្ងៃចន្ទទី១៣ ឧសភា បន្ទាប់ពីក្រុមអ្នកតវ៉ា បានកាន់កាប់អគារសាកលវិទ្យាល័យនានានៅក្នុងទីក្រុងមួយចំនួនរបស់ប្រទេសហូឡង់ ដើម្បីថ្កោលទោសសង្រ្គាមរបស់អ៊ីស្រាអែលនៅដែនដីហ្កាហ្សា។ កាលពីព្រឹកថ្ងៃចន្ទដើមសប្ដាហ៍នេះ ក្រុមអ្នកតវ៉ាហូឡង់ និយាយថាខ្លួនបានកាន់កាប់អគារសាកលវិទ្យាល័យមួយចំនួនដូចជានៅទីក្រុង អាំស្ទែដាំ(Amsterdam)ទីក្រុងក្រូនីនហ្គិន (Groningen) និងទីក្រុងអ៊ីនដូវិន (Eindhoven) ជាដើម។ ក្រុមបាតុករ បានប្រាប់សារព័ត៌មាន Reuters តាមរយៈអ៊ីមែល ឬសាអេឡិចត្រូនិក ថា ពួកគេនឹងបន្តកាន់កាប់សាកលវិទ្យាល័យនានារហូតនគរបាលបំបែកពួកគេ ហើយថាក្រុមអ្នកតវ៉ានឹងនៅតែវិលត្រឡប់មកវិញរហូតទាល់តែសាកលវិទ្យាល័យទាំងអស់ បំពេញការទាមទាររបស់ពួកគេដូចជា តម្លាភាព ការធ្វើពហិការ និងកាត់ផ្ដាច់ទំនាក់ទំនងជាមួយស្ថាប័នអ៊ីស្រាអែល។ នៅក្នុងការបង្ហោះនៅលើគេហទំព័រប្រព័ន្ធផ្សព្វផ្សាយសង្គម X នគរបាលក្រុង អាំស្ទែដាំ បាននិយាយថា សាកលវិទ្យាល័យនេះ បានប្ដឹងក្រុមបាតុករពីបទប្រើសកម្មភាពបំផ្លិចបំផ្លាញទ្រព្យសម្បត្តិរបស់សាលា។នគរបាលកំពុងធ្វើឱ្យប្រាកដថាគ្មាននរណាម្នាក់អាចចូលទៅក្នុងអគារសាកលវិទ្យាល័យបានទេ ហើយនឹងស្នើឱ្យក្រុមអ្នកតវ៉ាចាកចេញពីបរិវេណសាលានេះ ដោយស្ម័គ្រចិត្ត។ក្រុមចលនានិស្សិតនៅប្រទេសហូឡង់ បានតវ៉ាប្រឆាំងសង្រ្គាមរបស់អ៊ីស្រាអែលនៅហ្កាហ្សាចាប់តាំងពីសប្តាហ៍មុន ហើយនគរបាលបង្ក្រាបកុបកម្មរបស់ប្រទេសនេះ ធ្លាប់បានប៉ះទង្គិចជាមួយក្រុមអ្នកតវ៉ានៅសាកលវិទ្យាល័យ អាំស្ទែដាំ រួចមកហើយពេលមានការតវ៉ាដំបូងៗ។ ក្រុមនិស្សិតនៅសហរដ្ឋអាមេរិក និងអឺរ៉ុប បាននិងកំពុងធ្វើបាតុកម្ម ភាគច្រើនដោយស្ងៀមស្ងាត់ អំពាវនាវឱ្យមានបទឈប់បាញ់ជាអចិន្ត្រៃយ៍ភ្លាមៗ និងឱ្យសាកលវិទ្យាល័យនានាកាត់ផ្តាច់ទំនាក់ទំនងហិរញ្ញវត្ថុជាមួយក្រុមហ៊ុន ដែលពួកគេនិយាយថាទទួលបានផលចំណេញពីការគៀបសង្កត់លើពលរដ្ឋប៉ាឡេស្ទីន៕

កងកម្លាំងអ៊ីស្រាអែល បង្កើនការវាយលុកកាន់តែខ្លាំងលើតំបន់ហ្កាហ្សា ពីខាងជើង និងខាងត្បូង

កងកម្លាំងអ៊ីស្រាអែល បានវាយច្រានចូលជ្រៅទៅក្នុងជាយភាគខាងជើងតំបន់ហ្កាហ្សាដែលរងការបំផ្លិចបំផ្លាញកាលពីថ្ងៃចន្ទដើមសប្ដាហ៍នេះ ដើម្បីដណ្តើមតំបន់មួយយកមកវិញពីកណ្ដាប់ដៃក្រុមហាម៉ាស ខណៈរថក្រោះ និងកងទ័ពនៅភាគខាងត្បូង បានវាយប្រយុទ្ធរុលទៅមុខ ឆ្លងកាត់ផ្លូវហាយវេមួយចូលទៅក្នុងទីក្រុង រ៉ាហ្វា ដែលធ្វើឱ្យជនស៊ីវិលប៉ាឡេស្ទីន ភ័យស្លន់ស្លោររត់រកកន្លែងមានសុវត្ថិភាព។ ការប្រយុទ្ធគ្នាដ៏ខ្លាំងបំផុតមួយចំនួន អស់រយៈពេលជាច្រើនសប្តាហ៍ កំពុងផ្ទុះឡើងទូទាំងភាគខាងជើង និងខាងត្បូង។ ប្រតិបត្តិការរបស់អ៊ីស្រាអែលនៅក្រុងរ៉ាហ្វា ដែលជាប់ព្រំដែនអេហ្ស៊ីប បានបិទច្រកឆ្លងកាត់សំខាន់មួយសម្រាប់ការដឹកជញ្ជូនជំនួយ។ ក្រុមមនុស្សធម៌និយាយថា ការធ្វើបែបនេះ រុញឱ្យស្ថានភាពកាន់តែធ្ងន់ធ្ងរខ្លាំង។ មនុស្សរាប់សែននាក់កំពុងភៀសខ្លួនម្តងទៀត។ប្រជាជនប្រហែលពាក់កណ្តាលនៃដែនដីហ្កាហ្សាបានស្នាក់អាស្រ័យក្នុងជម្រកនៅទីនោះ បន្ទាប់ពីអ៊ីស្រាអែលបានបញ្ជាឱ្យជម្លៀសចេញពីតំបន់ហ្កាហ្សាភាគខាងជើងកាលពីខែតុលា។ក្រុមអាជ្ញាធរសុខាភិបាលហ្កាហ្សាបានអំពាវនាវឱ្យមានសម្ពាធពីអន្តរជាតិលើអ៊ីស្រាអែល ឱ្យបើកច្រកឆ្លងកាត់ឡើងវិញតាមព្រំដែនភាគខាងត្បូង ដើម្បីអនុញ្ញាតឱ្យមានជំនួយ ការផ្គត់ផ្គង់វេជ្ជសាស្រ្ត និងប្រេងឥន្ធនៈសម្រាប់ម៉ាស៊ីនភ្លើង និងរថយន្តសង្គ្រោះជាដើម។អង្គការនេះបានបន្តថា អ្នករបួស និងអ្នកជំងឺ បានស្លាប់ ព្រោះគ្មានការព្យាបាល និងផ្គត់ផ្គង់ ហើយពួកគេមិនអាចធ្វើដំណើរបាន៕

[UPDATE ] ចំនួនអ្នកស្លាប់ក្នុងទឹកជំនន់នៅកេនយ៉ា បានឡើងដល់២៧៧ ខណៈសាលារៀនបើកឡើងវិញ

យោងតាមការប្រកាសរបស់រដ្ឋាភិបាល ចំនួនអ្នកស្លាប់ដោយសារគ្រោះទឹកជំនន់ និងបំណាក់ដីនៅប្រទេសកេនយ៉ា ដែលបង្កឡើងដោយភ្លៀងធ្លាក់ខ្លាំង បានកើនឡើងដល់ ២៧៧នាក់ ។ការធ្វើបច្ចុប្បន្នភាពថ្មីនេះ បានកើតឡើងស្របពេលសាលារៀនទូទាំងប្រទេសបានបន្តថ្នាក់រៀនឡើងវិញយ៉ាងប្រយ័ត្នប្រយែងសម្រាប់វគ្គ ទី ២ បន្ទាប់ពីការពន្យារពេលពីរសប្តាហ៍ដោយសារលក្ខខណ្ឌអាកាសធាតុមិនល្អ។ ក្រសួងមហាផ្ទៃ និងរដ្ឋបាលជាតិ នៅក្នុងសេចក្តីថ្លែងការណ៍មួយ ដែលចេញផ្សាយនៅរដ្ឋធានីណៃរ៉ូប៊ី របស់ប្រទេសកេនយ៉ា បាននិយាយថា សាលារៀនមួយចំនួនដែលរងផលប៉ះពាល់ធ្ងន់ធ្ងរដោយសារភ្លៀងធ្លាក់ខ្លាំង និងទឹកជំនន់ នឹងត្រូវពន្យារពេលបើកដំណើរការ ខណៈក្រុមទីភ្នាក់ងារថ្នាក់ជាតិ និងស្រុកជាច្រើន ធានាថា នឹងមានការជួសជុលដើម្បីបង្កើតបរិយាកាសសុវត្ថិភាពសម្រាប់សិស្សក្នុងការសិក្សាឡើងវិញ។ មានការព្យាករណ៍ថានឹងមានពន្លឺថ្ងៃសម្រាប់តំបន់ភាគច្រើននៃប្រទេសនេះ ក្នុងសប្តាហ៍ខាងមុខនេះ ដោយលាយឡំជាមួយភ្លៀងធ្លាក់ម្តងម្កាល និងព្យុះផ្គររន្ទះនៅទូទាំង៣៧ ស្រុក ។ ក្រសួងបាននិយាយថា គេរំពឹងថាទឹកជំនន់ នឹងកើតមាននៅតំបន់ទំនាប តំបន់មាត់ទន្លេ និងតំបន់ទីក្រុង ខណៈបំណាក់ដី អាចកើតមានឡើងនៅក្នុងតំបន់ជម្រាលភ្នំ និងជ្រោះ។ការព្រួយបារម្ភអំពីសុខភាព កំពុងកើនឡើង ស្របពេលមានករណីជំងឺអាសន្នរោគចំនួន ៥៣នាក់ ត្រូវបានរាយការណ៍មកទល់ពេលនេះ៕

បាតុករអ៊ីស្រាអែល រារាំងក្បួនជំនួយដែលធ្វើដំណើរឆ្ពោះទៅតំបន់ហ្កាហ្សា

ក្រុមអ្នកតវ៉ាជនជាតិអ៊ីស្រាអែល បានរារាំងរថយន្តជំនួយដែលធ្វើដំណើរឆ្ពោះទៅតំបន់ហ្កាហ្សា កាលពីថ្ងៃចន្ទ (១៣ ឧសភា) ដោយបានលើកកញ្ចប់អាហារគប់ចោលនៅលើផ្លូវ ក្នុងឧប្បត្តិហេតុចុងក្រោយបង្អស់ដែលបានកើតឡើង ខណៈដែលអ៊ីស្រាអែល បានសន្យាថានឹងអនុញ្ញាតឱ្យការផ្គត់ផ្គង់មនុស្សធម៌ដោយគ្មានការរំខានចូលទៅក្នុងតំបន់ហ៊ុមព័ទ្ធ។បាតុករ ៤ នាក់ រួមទាំងអនីតិជនម្នាក់ ត្រូវបានចាប់ខ្លួននៅក្នុងការតវ៉ានៅឯច្រកត្រួតពិនិត្យ ថាគូមីយ៉ា (Tarqumiya) ភាគខាងលិចនៃទីក្រុង ហេប្រ៊ុន (Hebron) ក្នុងតំបន់ វេសបែង (West Bank) ដែលអ៊ីស្រាអែលកាន់កាប់ នេះបើយោងតាមសេចក្តីថ្លែងការណ៍របស់មេធាវីតំណាងឱ្យក្រុមបាតុករ។វីដេអូដែលបានផ្សព្វផ្សាយនៅលើប្រព័ន្ធផ្សព្វផ្សាយសង្គម បានបង្ហាញពីក្រុមបាតុករបានគប់គ្រឿងផ្គត់ផ្គង់ពីរថយន្តដឹកទំនិញទៅលើដី ដោយមានប្រអប់ដាក់ស្បៀងអាហារបើកចំហរបានរាយប៉ាយពាសពេញផ្លូវ។ក្រុមដែលរៀបចំការតវ៉ាបាននិយាយថា ដរាបណាអ៊ីស្រាអែល «ផ្តល់អំណោយដល់ក្រុមហាម៉ាស និងលទ្ធភាពនៃការគ្រប់គ្រងទាំងស្រុងលើតំបន់ហ្កាហ្សាស្ទ្រីប តាមរយៈកម្មសិទ្ធិនៃការចែកចាយជំនួយនោះ ក្រុមហាម៉ាស នឹងមិនចាប់អារម្មណ៍លើកិច្ចព្រមព្រៀងដែលនឹងនាំយកចំណាប់ថ្នូរជាង ១០០ នាក់ មកវិញទេ៕

UN៖ ក្រុមប្រដាប់អាវុធនៅប្រទេសហៃទី បន្តសម្របសម្រួលការវាយប្រហារលើជនស៊ីវិល

ក្រុមមនុស្សធម៌របស់អង្គការសហប្រជាជាតិ បាននិយាយកាលពីថ្ងៃចន្ទ (១៣ ឧសភា) ថាក្រុមប្រដាប់អាវុធកំពុងបន្តបើកការវាយប្រហារដោយសម្របសម្រួលទៅលើជនស៊ីវិលនៅក្នុងតំបន់លំនៅឋានមួយចំនួននៃរដ្ឋធានី ព័រអូប្រាំង របស់ប្រទេសហៃទី។ការិយាល័យអង្គការសហប្រជាជាតិសម្រាប់ការសម្របសម្រួលកិច្ចការមនុស្សធម៌ (OCHA) បាននិយាយថា ឃុំ ហ្រ្គេស្ហៀ (Gressier) ភាគខាងត្បូងទីក្រុង ព័រអូប្រាំង ត្រូវបានវាយប្រហារកាលពីថ្ងៃសុក្រ ហើយលំនៅឋានជាច្រើនខ្នងត្រូវបានដុតបំផ្លាញ។ អាជ្ញាធរមូលដ្ឋានបាននិយាយថា អ្នកស្រុកក្នុងចំនួនដ៏ច្រើនបានរត់ភៀសខ្លួនចេញពីផ្ទះសម្បែង។ការិយាល័យនេះបាននិយាយថា បច្ចុប្បន្នមានជនភៀសខ្លួនខាងក្នុងចំនួន ៣៦២.០០០ នាក់ ដែលពាក់កណ្តាលនៃពួកគេជាកុមារនៅប្រទេសហៃទី។ អង្គការទេសន្តប្រវេសន៍អន្តរជាតិ (IOM) បានរាយការណ៍ថាមនុស្សប្រហែល ៩៥.០០០ នាក់បានភៀសខ្លួនចេញពីរដ្ឋធានីនៅចន្លោះថ្ងៃទី០៨ ខែមីនា ដល់ថ្ងៃទី០៩ ខែមេសា ដោយ ៦០ ភាគរយនៃពួកគេបានផ្លាស់ទីលំនៅទៅកាន់តំបន់ភាគខាងត្បូងនៃប្រទេសហៃទី។ចាប់តាំងពីថ្ងៃទី០១ ខែមីនា កម្មវិធីស្បៀងអាហារពិភពលោក WFP បានជួយមនុស្សជាង ៨០០.០០០ នាក់ទូទាំងប្រទេស តាមរយៈកម្មវិធីផ្តល់អាហារដល់សាលារៀន ភាពអាសន្ន និងកម្មវិធីធន់ទ្រាំនឹងវិបត្តិ។ ទីភ្នាក់ងារ OCHA បន្ថែមថា ខ្លួនបានចែកចាយអាហារដល់ជនភៀសខ្លួនជាង ៩៥.០០០ នាក់នៅក្នុងតំបន់រដ្ឋធានីដែលហែកហួរដោយអំពើហិង្សានេះ៕

[UPDATE ]មានសេចក្ដីរាយការណ៍ពីឧក្រិដ្ឋកម្ម នៅក្នុងភាគខាងត្បូងប្រេស៊ីល ដែលរងគ្រោះដោយទឹកជំនន់ ខណៈអ្នកស្លាប់កើនដល់១៤៧នាក់

យោងតាមក្រុមអាជ្ញាធរបានឱ្យដឹងថា ទឹកជំនន់នៅតំបន់ទីក្រុង ព័រតូ អាឡេក្រេ (Porto Alegre) របស់រដ្ឋ រីអូ គ្រែនដេ ដូស៊ូល (Rio Grande do Sul) ភាគខាងត្បូងរបស់ប្រទេសប្រេស៊ីល បាននាំឲ្យមានឧក្រិដ្ឋកម្មជាច្រើនករណីកើតឡើង រួមទាំងអំពើប្លន់ និងការលួចទ្រព្យសម្បត្តិជាដើម។ ទឹកជំនន់នេះ បណ្តាលមកពីភ្លៀងធ្លាក់ខ្លាំងដែលបានចាប់ផ្តើមតិចជាងពីរសប្តាហ៍មុន។ ភ្លៀងធ្លាក់កាន់តែច្រើនកាលពីថ្ងៃអាទិត្យ ១២ ឧសភា និងមានភ្លៀងធ្លាក់បន្ថែមទៀតកាលពីថ្ងៃចន្ទ ១៣ ឧសភា។ក្រុមអាជ្ញាធរបាននិយាយថាកងកម្លាំងនគរបាល បាននិងកំពុងល្បាតនៅតំបន់ទឹកជន់លិច ដែលពិបាកចូលទៅដល់ ហើយបានសង្កេតឃើញនគរបាលប្រដាប់អាវុធជាច្រើនចុះពិនិត្យផ្ទះដែលគេទុកចោល និងស្ថានីយប្រេងឥន្ធនៈដែលត្រូវគេចូលលួចប្លន់។ ក្រុមអាជ្ញាធរក្នុងតំបន់បាននិយាយកាលពីថ្ងៃចន្ទថា ចំនួនអ្នកស្លាប់ដោយសារទឹកជំនន់នៅក្នុងរដ្ឋ រីអូ គ្រែនដេ ដូស៊ូល ភាគខាងត្បូងប្រទេសប្រេស៊ីល បានកើនឡើងដល់ ១៤៧នាក់ ខណៈមនុស្ស ១២៧ នាក់នៅតែបាត់ខ្លួន។ ភ្លៀងធ្លាក់ខ្លាំងបានបណ្តាលឱ្យទឹកក្នុងទន្លេ និងបឹងជាច្រើន ក្នុងតំបន់នេះ ហក់ឡើងដល់កម្រិតខ្ពស់បំផុតមិនធ្លាប់មាន ស្របពេលទឹកជំនន់បានបិទផ្លូវ និងរំខានដល់ការដឹកជញ្ជូន ដែលបណ្តាលឱ្យមានការខ្វះខាតទំនិញសំខាន់ៗនៅក្នុងតំបន់មួយចំនួន៕

ចំនួនអ្នកស្លាប់ ក្នុងជំនន់កម្អែភ្នំភ្លើង នៅឥណ្ឌូនេស៊ី កើនឡើងដល់ ៤៤នាក់ ខណៈ១៥នាក់បាត់ខ្លួន

មន្ត្រីជាន់ខ្ពស់នៃទីភ្នាក់ងារគ្រប់គ្រងគ្រោះមហន្តរាយក្នុងតំបន់មួយរូប បាននិយាយកាលពីថ្ងៃចន្ទទី១៣ឧសភា ថា មនុស្សយ៉ាងហោចណាស់៤៤ នាក់បានស្លាប់ និង១៥ នាក់ផ្សេងទៀត កំពុងបាត់ខ្លួន បន្ទាប់ពីជំនន់កម្អែភ្នំភ្លើង បានវាយប្រហារខេត្ត ស៊ូម៉ាត្រាខាងលិច (West Sumatra) របស់ប្រទេសឥណ្ឌូនេស៊ី កាលពីយប់ថ្ងៃសៅរ៍សប្ដាហ៍មុន។ លោក ហ្វាចា ស៊ូកម៉ា (Fajar Sukma) ប្រធានអង្គភាពសង្គ្រោះបន្ទាន់នៃទីភ្នាក់ងារគ្រប់គ្រងគ្រោះមហន្តរាយខេត្ត ស៊ូម៉ាត្រាខាងលិច បាននិយាយថា ទោះបីដុំថ្មធំៗ និងសំណល់ជាច្រើនពីទឹកជំនន់បានរារាំងដល់ការស្វែងរកជនរងគ្រោះក៏ដោយ ក៏ក្រុមអ្នកជួយសង្គ្រោះបានរកឃើញសាកសពចំនួន ៧នាក់ទៀតនៅក្នុងតំបន់ដែលរងគ្រោះខ្លាំងបំផុតនេះដែរ ។ លោកបានប្រាប់ទីភ្នាក់ងារសារព័ត៌មានស៊ីនហួថា យើងបានរកឃើញសាកសពមួយចំនួនទៀត ដែលនាំឱ្យចំនួនអ្នកស្លាប់សរុបកើនឡើងដល់ ៤៤ នាក់ ។ ដុំថ្មធំៗ និងសំណល់ផ្សេងៗ បានរារាំងដល់ការស្វែងរក ប៉ុន្តែយើងបន្តស្វែងរកមនុស្ស ១៥ នាក់ដែលត្រូវបានរាយការណ៍ថាបានបាត់ខ្លួន ។លោកនិយាយថា គ្រឿងចក្រមួយចំនួនបានទៅដល់តំបន់រងគ្រោះដោយសារទឹកជំនន់ធ្ងន់ធ្ងរនោះហើយ។ លោកបានបន្ថែមថា ប្រតិបត្តិការស្វែងរកនឹងផ្តោតលើស្រុក តាណា ដាតា (Tanah Datar) និង ស្រុកអាហ្កាំ (Agam) ជាទីដែលអ្នកបាត់ខ្លួនទាំង១៥ នាក់ត្រូវបានរាយការណ៍។ អ្នកនាំពាក្យទីភ្នាក់ងារគ្រប់គ្រងគ្រោះមហន្តរាយជាតិ (BNPB) លោក អាប់ឌុល ម៉ូហារី (Abdul Muhari) បាននិយាយថា គ្រោះមហន្តរាយធម្មជាតិនេះ បានបង្ខំមនុស្សជាង ៣.០០០នាក់ ឱ្យភៀសខ្លួនចេញពីផ្ទះសម្បែង និងទៅស្នាក់នៅជម្រកបណ្ដោះអាសន្ន ខណៈជំនន់កម្អែភ្នំភ្លើងត្រជាក់បានបំផ្លិចបំផ្លាញលំនៅឋាន អគារ និងហេដ្ឋារចនាសម្ព័ន្ធផ្សេងៗទៀត៕

បណ្ដាញសង្គម

ព័ត៌មានថ្មីៗ

ក្រសួងទេសចរណ៍កម្ពុជា និងខេត្តយូណានចុះអនុស្សរណៈចំនួន ៥ លើកិច្ចសហប្រតិបត្តិការវិស័យទេសចរណ៍ជាមួយគ្នា

ក្រសួងការពារជាតិកម្ពុជាសម្តែងការសោកស្តាយចំពោះឧបទ្ទវហេតុផ្ទុះគ្រាប់មីនបណ្តាលឱ្យកងទ័ពថៃរងរបួស ខណៈកម្ពុជាមិនបានប្រើប្រាស់ និងមិនបានដាក់គ្រាប់មីនថ្មីឡើយ

គ្រោះថ្នាក់រថយន្តក្រុងដឹកអ្នកដំណើរ នៅអាហ្វហ្គានីស្ថាន បណ្ដាលឲ្យមនុស្ស ២៥នាក់ស្លាប់

រដ្ឋមន្រ្តីសុខាភិបាល «អាកាសយានដ្ឋានអន្តរជាតិតេជោ ក្លាយជាច្រកព្រំដែនអាកាសរបស់ជាតិ យ៉ាងទូលំទូលាយជាមួយពិភពលោក ខណៈសុខាភិបាលផ្តោតការយកចិត្តទុកដាក់ខ្ពស់ លើសុវត្ថិភាពផ្នែកសុខភាព សម្រាប់ផ្តល់ជូនអ្នកដំណើរគ្រប់ៗគ្នា»

ឯកឧត្តមគង់ សុភី លើកឡើងថា សិក្ខាសាលាស្តីពីឌីជីថលូបនីយកម្មក្នុងរដ្ឋបាលសាធារណៈ នៅខេត្តសៀមរាបសម្រេចបានសមិទ្ធផលធំៗចំនួន ៥

គណៈរដ្ឋមន្ត្រីអាល្លឺម៉ង់ អនុម័តសេចក្ដីស្នើច្បាប់ចូលបម្រើយោធាដោយស្ម័គ្រចិត្ត

IAEA វិលទៅកាន់អ៊ីរ៉ង់វិញ តែមិនទាន់មានកិច្ចព្រមព្រៀង ស្តីពីការត្រួតពិនិត្យ

សម្តេច ប៉ាប ឡេអូ អំពាវនាវឲ្យមានបទឈប់បាញ់ និងការដោះលែងចំណាប់ថ្នូរ នៅក្នុងជម្លោះអ៊ីស្រាអែល-ហាម៉ាស

ចិន និងអារ៉ាប៊ីសាអ៊ូឌីត បើកកិច្ចពិភាក្សាពាណិជ្ជកម្ម និងវិនិយោគ នៅទីក្រុងប៉េកាំង

កូរ៉េខាងត្បូងនឹងហាមមិនឲ្យប្រើទូរសព្ទដៃ ក្នុងថ្នាក់រៀន ចាប់ពីខែមីនាឆ្នាំក្រោយ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877