នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ជនជាតិឥណ្ឌូនេស៊ី ២១នាក់ ពាក់ព័ន្ធនឹងការលួចឆ្លងដែន ស្នាក់នៅ និងធ្វើការងារខុសច្បាប់ ត្រូវបានបណ្ដេញចេញពីកម្ពុជា
ជនជាតិឥណ្ឌូនេស៊ី ៧២នាក់ ពាក់ព័ន្ធនឹងOnline Scams ត្រូវបានបណ្ដេញចេញពីកម្ពុជា
ក្រសួងសន្តិសុខសាធារណៈចិន ចុះពិនិត្យទីតាំងធ្លាប់ប្រព្រឹត្តបទល្មើសឆបោកតាមប្រព័ន្ធបច្ចេកវិទ្យានៅតំបន់ OP ក្រុងបាវិត
ឧត្តមសេនីយ៍ឯក ជួន ណារិន្ទ ប្រកាសឲ្យអ្នកបើករថយន្ត Range Rover បង្កគ្រោះថ្នាក់ចរាចរណ៍ស្លាប់មនុស្សនៅខណ្ឌជ្រោយចង្វារ ចូលខ្លួនបន្ទាន់ មិនបាច់រកអន្តរាគមន៍ទេ

សន្តិសុខ និង សង្គម

តុលាការសម្រេចចោទប្រកាន់មន្ដ្រីយោធា៣នាក់ទាក់ទិនករណីលាក់អាវុធជាច្រើនដើមនៅខេត្តបាត់ដំបង

2021/11/23 04:58:25 pm        870
Facebook Telegram Linkin
ភ្នំពេញ ៖ សាលាដំបូងរាជធានីភ្នំពេញបានបញ្ចប់ការសាកសួរក្នុងតំណាក់កាលអយ្យការហើយក្នុងសំណុំរឿងលាក់អាវុធជាច្រើនដើមក្នុងខេត្តបាត់ដំបង ហើយនៅថ្ងៃស្អែកចៅក្រមស៊ើបសួរនឹងបន្តនីតិវិធីសួរដេញដោលបន្ត ក្រោយតំណាងអយ្យការបានធ្វើការចោទប្រកាន់។សំណុំរឿងលាក់អាវុធជាច្រើនដើមក្នុងភូមិសាស្ត្រខេត្តបាត់ដំបង និងឈានដល់មានការឃាត់ខ្លួនមនុស្សមួយចំនួន មានទាំងថ្នាក់ឧត្ដមសេនីយ៍យោធាផងដែរនោះ សមត្ថកិច្ចបានបន្តនីតិវិធីដល់ស្ថាប័នតុលាការហើយ។ បន្ទាប់ពីធ្វើការសាកសួរអស់ជាច្រើនម៉ោងនៅរសៀលថ្ងៃទី២៣ ខែវិច្ឆិកា ឆ្នាំ២០២១ លោក ប្លង់ សុផល ព្រះរាជអជ្ញារង និងជាអ្នកនាំពាក្យអយ្យការអមសាលាដំបូងរាជធានីភ្នំពេញ បានបញ្ជាក់ថា តំណាងអយ្យការបានបើកការស៊ើបសួរលើសុំណុំរឿងរបស់ជនត្រូវចោទទាំង៣នាក់ ពីបទ «ជួញដូរ នាំចេញ និងសន្និធិអាវុធ គ្រឿងផ្ទុះ និងគ្រាប់រំសេវ ដោយគ្មានការអនុញ្ញាតពីអាជ្ញាធរមានសមត្ថកិច្ច តា មមាត្រា ៤៨៨ និងមាត្រា ២០ នៃក្រមព្រហ្មទណ្ឌ និងច្បាប់ស្តីពីការគ្រប់គ្រងអាវុធគ្រឿងផ្ទុះ និងគ្រាប់រំសេវ »រួចបញ្ជូនទៅចៅក្រមស៊ើបសួរបន្តតាមនីតិវិធី។ក្រោយការសម្រេចចោទប្រកាន់ពីតំណាងអយ្យការជនត្រូវចោទទាំង៣នាក់ត្រូវបានកម្លាំង កងរាជអាវុធហត្ថ នាំខ្លួនចេញពីសាលាដំបូងរាជធានីភ្នំពេញនៅរសៀលថ្ងៃទី២៣ ខែវិច្ឆិកា ឆ្នាំ២០២១ដដែល នឹងត្រូវនាំខ្លួនទៅកាន់សាលាដំបូងរាជធានីម្ដងទៀតនៅថ្ងៃស្អែកទី២៤ វិច្ឆិកា ដើម្បីចៅក្រមស៊ើបសួរបន្តនីតិវិធី មុននឹងសម្រេចឃុំខ្លួនបណ្ដោះអាសន្ន ឬមិនឃុំនោះ។ការនាំខ្លួនជនត្រូវចោទទាំង៣នាក់នាព្រឹកមិញ និងនាំចេញពីតុលាការវិញនារសៀលថ្ងៃដដែលនេះឃើញមានវត្តមានឧត្តមសេនីយ៍យោធាឈ្មោះ អ៊ួន ពិសិដ្ឋ និងបក្ខពួក២នាក់ទៀត ដែលត្រូវបានកម្លាំងកងរាជអាវុធហត្ថដឹកតាមរថយន្ត។ការចាប់ខ្លួន មនុស្សជា បន្តបន្ទាប់ពាក់ព័ន្ធករណី ជួញដូរ អាវុធ ខុសច្បាប់នេះបានធ្វើ ឡើងកាលពីថ្ងៃទី ១៩ និងថ្ងៃទី២០ ខែវិច្ឆិកា ឆ្នាំ ២០២១ នៅទីកន្លែងផ្សេងៗគ្នា ដោយ ឧត្តម សេនីយ៍ ត្រីយោធាឈ្មោះ អ៊ួន ពិសិដ្ឋ ភេទ ប្រុស ជាអនុប្រធាន រោង ជាងជួសជុល ចម្រុះចំណុះអគ្គនាយកដ្ឋាន បច្ចេក ទេសម្ភារៈនៃ ក្រសួងការពារជាតិ ត្រូវបានចាប់ខ្លួន នៅមុខភោជនីយដ្ឋានស្យាម ស៊ី ហ្វូត ស្ថិតក្នុង ភូមិចុង កៅស៊ូ សង្កាត់ ស្លរក្រាម ក្រុង សៀមរាប ខេត្តសៀមរាប។ ក្រោយមកសមត្ថកិច្ចក៏បានបន្តឃាត់ខ្លួនមនុស្ស ចំនួន២នាក់ទៀត ដែលជា មន្ត្រី យោធា នៅ ខេត្តបាត់ដំបង មាន ព្រិន្ទបាលឯក វី វិន ហាយ ជាយោធា សឹករងស្រុក ភ្នំ ព្រឹកខេត្តបាត់ដំបងចាប់ខ្លួន កាលពី ថ្ងៃទី ១៩ ខែវិច្ឆិកានៅ ស្រុកកំរៀង ខេត្តបាត់ដំបង  និងអ្នកទី៣ វរសេនីយ ទោ ប៉ុល នី ភេទ ប្រុស មន្ត្រី យោធា នៅអង្គភាព សឹករង ស្រុកកំរៀង ខេត្តបាត់ដំបង ចាប់ខ្លួនកាលពី ថ្ងៃទី ២០ ខែវិច្ឆិកា នៅស្រុកកំរៀង ខេត្តបាត់ដំបង ។សូមជម្រាបថា កាលពី ថ្ងៃទី ១២ ខែវិច្ឆិកា ឆ្នាំ ២០២១ អាវុធជាច្រើន ដើមត្រូវបានប្រជាពលរដ្ឋប្រទះឃើញ និងសមត្ថកិច្ច រកឃើញជា បន្តបន្ទាប់ដែលបាន លាក់ទុក នៅចំណុច ចំការមៀន ស្ថិតក្នុង ក្រុមទី ២ ភូមិអូររំដួល ឃុំអូររំដួល ស្រុកភ្នំព្រឹក ខេត្តបាត់ដំបង ដោយមិនទាន់មានការអះអាងថា ជាការលាក់ដើម្បីហេតុផលអ្វីឱ្យប្រកាដនៅឡើយទេ៕អត្ថបទ ៖ ប្រាក់ វ៉ាន់ដា

នាំខ្លួនមន្ដ្រីយោធា៣នាក់ មកតុលាការ ទាក់ទិនករណីលាក់អាវុធជាច្រើនដើម នៅខេត្តបាត់ដំបង

2021/11/23 08:02:08 pm        417
Facebook Telegram Linkin
ភ្នំពេញ ៖ កងរាជអាវុធហត្ថលើផ្ទៃប្រទេស បានបញ្ជូនខ្លួនឧត្ដមសេនីយ៍យោធាម្នាក់ និងបក្ខពួក ២នាក់ មកដល់សាលាដំបូងរាជធានីភ្នំពេញ នៅព្រឹកថ្ងៃទី២៣ ខែវិច្ឆិកា ឆ្នាំ២០២១ ទាក់ទិន​នឹង​ការ​រកឃើញ ករណីលាក់អាវុធជាច្រើនដើម នៅខេត្តបាត់ដំបង។ការនាំខ្លួនមនុស្សទាំង៣នាក់នេះ គេឃើញមានវត្តមានឧត្តមសេនីយ៍យោធាម្នាក់ឈ្មោះ អ៊ួន ពិសិដ្ឋ និងបក្ខពួក២នាក់ទៀត ត្រូវបានកម្លាំងកងរាជអាវុធហត្ថ បញ្ជូនតាមរថយន្តមកកាន់សាលាដំបូង រាជធានីភ្នំពេញ ដើម្បីតំណាងអយ្យការ និងចៅក្រមស៊ើបសួរបន្តនីតិវិធីសួរដេញដោល ដោយ​មិនទាន់​មាន​ការសម្រេចបែបណានៅឡើយទេ នៅវេលាថ្ងៃត្រង់នេះ។ការចាប់ខ្លួនមនុស្សជា បន្តបន្ទាប់ពាក់ព័ន្ធករណីជួញដូរអាវុធខុសច្បាប់នេះ បានធ្វើឡើង​កាល​ពី​ថ្ងៃទី១៩ និងថ្ងៃទី២០ ខែវិច្ឆិកា ឆ្នាំ២០២១ នៅទីកន្លែងផ្សេងៗគ្នា ​ដោយឧត្តមសេនីយ៍ត្រីយោធា​ឈ្មោះ អ៊ួន ពិសិដ្ឋ ភេទ ប្រុស ជាអនុប្រធានរោងជាងជួសជុលចម្រុះចំណុះអគ្គនាយក​ដ្ឋាន​បច្ចេកទេស​សម្ភារៈនៃក្រសួងការពារជាតិ ត្រូវបានចាប់ខ្លួន នៅមុខភោជនីយដ្ឋានស្យាមស៊ី ហ្វូត ស្ថិតក្នុងភូមិចុងកៅស៊ូ ​សង្កាត់ស្លរក្រាម ក្រុងសៀមរាប ខេត្តសៀមរាប។ក្រោយមកសមត្ថកិច្ច ក៏បានបន្តឃាត់ខ្លួនមនុស្សចំនួន២នាក់ទៀត ដែលជាមន្ត្រីយោធានៅ​ខេត្តបាត់ដំបង មានព្រិន្ទបាលឯក វីវិន ហាយ ជាយោធាសឹករងស្រុកភ្នំព្រឹក ខេត្តបាត់ដំបង ចាប់ខ្លួនកាលពីថ្ងៃទី ១៩ខែវិច្ឆិកានៅ ស្រុកកំរៀង ខេត្តបាត់ដំបង និងទី៣ វរៈសេនីយទោ ប៉ុល នី ភេទប្រុសមន្ត្រីយោធា នៅអង្គភាពសឹករងស្រុកកំរៀង ខេត្តបាត់ដំបង ចាប់ខ្លួនកាលពីថ្ងៃទី២០ ខែវិច្ឆិកា នៅស្រុកកំរៀង ខេត្តបាត់ដំបង ។សូមជម្រាបថា កាលពីថ្ងៃទី១២ ខែវិច្ឆិកា ឆ្នាំ ២០២១ អាវុធជាច្រើនដើម ត្រូវបាន​ប្រជាពលរដ្ឋ​ប្រទះឃើញ ជាបន្តបន្ទាប់ ដែលបានលាក់ទុកនៅចំណុចចំការមៀន ស្ថិតក្នុងក្រុមទី២ ភូមិអូររំដួល ឃុំអូររំដួល ស្រុកភ្នំព្រឹក ខេត្តបាត់ដំបង ដោយមិនទាន់មានការអះអាងថា ជា​ការ​លាក់​ដើម្បី​ហេតុផល​អ្វី​ឱ្យប្រកដនៅឡើយទេ៕អត្ថបទ ៖ ប្រាក់ វ៉ាន់ដា

កម្ពុជា​បន្ត​កត់ត្រា​ការ​ធ្លាក់​ចុះ​ករណី​ឆ្លង​ជំងឺ​កូវីដ-១៩​ទូទាំង​ប្រទេស​មក​នៅ​ត្រឹម៣៩នាក់​នៅ​ថ្ងៃ​នេះ

2021/11/23 07:07:54 pm        381
Facebook Telegram Linkin
ភ្នំពេញ៖ ក្នុង​សេចក្ដី​ប្រកាស​ព័ត៌មាន​នៅ​ថ្ងៃ​នេះ ក្រសួង​សុខាភិបាល​បញ្ជាក់​ថា លទ្ធផល​តេស្ត​ដោយ​ម៉ាស៊ីន PCR រក​ឃើញ​ថា មនុស្ស៣៩នាក់​ទៀត ត្រូវ​បាន​រក​ឃើញ​ឆ្លង​មេរោគ​កូវីដ-១៩ កាល​ពី​ថ្ងៃ​ម្សិល​មិញ​នេះ។ក្រសួង​បាន​ឱ្យ​ដឹង​បន្ថែម​ថា មនុស្ស​ចំនួន ៤នាក់​ទៀត បាន​ស្លាប់​ដោយសារ​ជំងឺ​កូវីដ-១៩ ក្នុងនោះ២នាក់ មិន​បាន​ចាក់​វ៉ាក់សាំង​នោះ​ឡើយ។បើ​តាម​ក្រសួង​សុខាភិបាល ចំនួន​មនុស្ស​​ស្លាប់​ដោយសារ​ជំងឺ​កូវីដ-១៩ បាន​កើន​ឡើង​រហូត​ដល់ ២,៩០៩​នាក់​ហើយ​​គិត​ត្រឹម​ថ្ងៃ​នេះ ខណៈ​ចំនួន​អ្នក​ឆ្លង​ជំងឺ​នេះ​សរុបបាន​កើន​ឡើង​ដល់ ១១៩,៩៤៣​នាក់​នៅ​ទូទាំង​ប្រទេស។ប៉ុន្តែ ក្រសួង​សុខាភិបាល​បញ្ជាក់​ថា អ្នក​ជំងឺ​កូវីដ-១៩ ​សរុប​រហូត​ដល់ ១១៦,៣២០នាក់​ហើយ ត្រូវ​បាន​ព្យាបាល​ជា​សះ​ស្បើយ​ឡើង​វិញ៕

ជនជាតិចិន៣នាក់ ត្រូវបានបញ្ជូនខ្លួនទៅកាន់តុលាការ ពាក់ព័ន្ធបទល្មើសបង្ខាំងជនជាតិថៃ ចំនួន៩៩នាក់ ជម្រិតទារប្រាក់

2021/11/22 10:47:42 pm        1072
Facebook Telegram Linkin
ភ្នំពេញ ៖ នាព្រឹកថ្ងៃទី២២ខែវិច្ឆិកា ឆ្នាំ២០២១ តំណាងអយ្យការអមសាលាដំបូងរាជធានីភ្នំពេញ បានបើកការស៊ើបសួរលើសំណុំរឿងរបស់ជនត្រូវចោទដែលជាជនជាតិចិន៣នាក់ បន្ទាប់ពីកម្លាំង នគរបាលក្រសួងមហាផ្ទៃ បញ្ជូនខ្លួនទៅកាន់សាលាដំបូងរាជធានីភ្នំពេញ « ពាក់ព័ន្ធការបង្ខាំងជនជាតិថៃចំនួន៩៩នាក់ ដើម្បីជម្រិតទារប្រាក់» បន្ទាប់ពីត្រូវបានមេខ្យល់បោកពួកគេមកធ្វើការឱ្យក្រុមហ៊ុនលក់ផលិតផលតាមអនឡាញ មួយស្ថិតក្នុងខណ្ឌសែនសុខ រាជធានីភ្នំពេញ។គួររំលឹកថា លោកឧត្តមសេនីយ៍ឯក ឆាយ គឹមខឿន អ្នកនាំពាក្យអគ្គស្នងការដ្ឋាននគរបាលជាតិ នៅរសៀលថ្ងៃទី២១ ខែវិច្ឆិកា បានបញ្ជាក់ថា ជនជាតិចិនចំនួន៣នាក់ នឹងត្រូវសមត្ថកិច្ចកសាងសំណុំរឿងបញ្ជូនទៅសាលាដំបូង រាជធានីភ្នំពេញ បន្ទាប់ពីពួកគេត្រូវបាន សមត្ថកិច្ចរកឃើញពាក់ព័ន្ធនឹងការប្រព្រឹត្តបទល្មើសក្នុងចំណោមជនជាតិចិនចំនួន៧៧នាក់។លោកឧត្តមសេនីយ៍ បញ្ជាក់ទៀតថា កាលពីថ្ងៃទី១៨វិច្ឆិកា ឆ្នាំ២០២១ សមត្ថកិច្ចជំនាញក្រសួងមហាផ្ទៃ បានធ្វើប្រតិបត្តិការបង្ក្រាបក្រុមជនជាតិចិនមួយក្រុម នៅក្នុងផ្ទះមួយកន្លែង ក្នុងខណ្ឌសែនសុខ រាជធានីភ្នំពេញ ។ ក្នុងប្រតិបត្តិការនោះ សមត្ថកិច្ចបានរំដោះជនជាតិថៃបានសរុប៩៩នាក់ ប៉ុន្តែជនជាតិថៃទាំងនោះ សុទ្ធតែចូលមកប្រទេសកម្ពុជា ដើម្បីបំពេញការងារដោយខុសច្បាប់។ ហេតុដូច្នេះ សមត្ថកិច្ចជំនាញ បានចាប់ខ្លួនពួកគេប្រគល់ឲ្យផ្នែកអន្តោប្រវេសន៍កម្ពុជា។បច្ចុប្បន្នជនត្រូវចោទទាំង៣នាក់ កំពុងស្ថិតក្នុងដំណាក់​កាល​តំណាង​អយ្យការ​បើកការស៊ើប​សួរ​នៅ​ឡើយ​រងចាំការ​ចោទ​ប្រកាន់ ​នឹង​បញ្ជូន​ទៅ​ចៅ​ក្រម​ស៊ើប​សួរ​បន្តនីតិវិធី៕អត្ថបទ ៖ កុម្ភះ

ក្នុងខែតុលាសមត្ថកិច្ចថៃ ចាប់បញ្ជូនពលករខ្មែរជាង១ពាន់នាក់មកវិញ តាមច្រកខេត្តបាត់ដំបង

2021/11/22 08:38:38 pm        606
Facebook Telegram Linkin
បាត់ដំបង ៖ រយៈពេលពេញមួយខែតុលាឆ្នាំ២០២១ ពលករខ្មែរជាង១ពាន់នាក់ ដែលបានលួចឆ្លងដែនខុស ច្បាប់ទៅដល់ទឹកដីថៃ ត្រូវបានសមត្ថកិច្ចថៃ ចាប់បញ្ជូនមកឲ្យអាជ្ញាធរកម្ពុជាវិញ តាមច្រកព្រំដែនខេត្តបាត់ដំបង។ទោះបីជាអាជ្ញាធរ និងកងកម្លាំងការពារព្រំដែនចុះល្បាតទប់ស្កាត់ និងបង្រ្កាបទាំងយប់ទាំងថ្ងៃ ប៉ុន្តែ​សកម្មភាព​បណ្តាញមេខ្យល់នាំមនុស្សឆ្លងដែនចេញចូលខុសច្បាប់ និងប្រជាពលរដ្ឋលបលួច​ឆ្លងដែនខុសច្បាប់ ចូលប្រទេសថៃ នៅតែបន្តកើតមានឡើងឥតឈប់ឈរ។យោងតាមរបាយការណ៍របស់រដ្ឋបាលខេត្តបាត់ដំបង ​បានបញ្ជាក់ថា ក្នុងខែតុលា អាជ្ញាធរ និងកង កម្លាំងចម្រុះការពារព្រំដែន បានធ្វើការទប់ស្កាត់ប្រជាពលរដ្ឋ ដែលបម្រុងឆ្លងដែនខុសច្បាប់ចំនួន ១៦លើក ដែលមានមនុស្ស២៣៩នាក់ និងសមត្ថកិច្ចថៃ បានចាប់បញ្ជូនមកវិញចំនួន៥០លើក ចំនួនមនុស្ស១១៨២នាក់ ។ជាមួយគ្នានោះ កម្លាំងសមត្ថកិច្ចចម្រុះការពារព្រំដែនក្នុងភូមិសាស្រ្តខេត្តបាត់ដំបង ​បានធ្វើការ បង្រ្កាប​ករណីនាំចេញមនុស្សឆ្លងដែនខុសច្បាប់ ចូលប្រទេសថៃ ចំនួន១៧ករណី ​ឃាត់ខ្លួន២៦នាក់ អប់រំពលករ ១២៨នាក់ ​និង​បានជួបប្រជុំជាមួយភាគីថៃ ​ដើម្បី​បង្កើនកិច្ចសហប្រតិបត្តិការល្អ និងផ្លាស់ប្តូរព័ត៌មាន ចំនួន៥លើក។ក្នុងខែតុលាកន្លងទៅនេះ ក៏មានអ្នកដំណើរឆ្លងកាត់ច្រកព្រំដែនអន្តរជាតិដូង ​ច្រកព្រំដែនអន្តរ ជាតិភ្នំដី ​និងច្រកទ្វារតំបន់ទាំងបី (មាន ច្រកអូរអន្លក់ (សួនស៊ុ) អូររំដួល​ និងច្រក៤០០) ទាំងចេញ និងចូលសរុបចំនួនជាង៦២០០នាក់។អាជ្ញាធរខេត្តបាត់ដំបង បានដាក់ទិសដៅបង្កើនសកម្មភាពល្បាតត្រួតពិនិត្យតាមបន្ទាត់ព្រំដែន ដោយរក្សាឲ្យខាងតែបាននូវបូរណភាពទឹកដី និងជំរុញសកម្មភាពប្រយុទ្ធប្រឆាំងការជួញដូរ​មនុស្ស​ឲ្យខ្លាំងក្លាបន្ថែមទៀត ដោយយកចិត្តទុកដាក់ទប់ស្កាត់ និងបង្ក្រាបឲ្យមានប្រសិទ្ធភាពក្នុង​សកម្មភាព​ជួញដូរ ​ពលករឆ្លងដែន​ និងចំណាកស្រុកខុសច្បាប់។ដើម្បីចូលរួមទប់ស្កាត់ការឆ្លងរីករាលដាលនៃជំងឺកូវីដ-១៩នៅកម្ពុជា កងកម្លាំងចម្រុះការពារព្រំ ដែន ក្នុងភូមិសាស្រ្តខេត្តបាត់ដំបង ​បានធ្វើការទំនាក់ទំនង ​និងសហការយ៉ាងជិតស្និទជាមួយភាគីថៃ ដើម្បីទប់ស្កាត់មិនឲ្យប្រជាពលរដ្ឋខ្មែរលបលួចឆ្លងដែនចូលទៅក្នុងទឹកដីថៃដោយមិនស្របច្បាប់៕អត្ថបទ៖ នឿត សុភក្ត្រ

កម្ពុជា​បន្ត​កត់ត្រា​ការ​ធ្លាក់​ចុះ​ករណី​ឆ្លង​ជំងឺ​កូវីដ-១៩​ទូទាំង​ប្រទេស​មក​នៅ​ត្រឹម៣៧នាក់​នៅ​ថ្ងៃ​នេះ

2021/11/22 06:42:41 pm        306
Facebook Telegram Linkin
ភ្នំពេញ៖ ក្នុង​សេចក្ដី​ប្រកាស​ព័ត៌មាន​នៅ​ថ្ងៃ​នេះ ក្រសួង​សុខាភិបាល​បញ្ជាក់​ថា លទ្ធផល​តេស្ត​ដោយ​ម៉ាស៊ីន PCR រក​ឃើញ​ថា មនុស្ស៣៧នាក់​ទៀត ត្រូវ​បាន​រក​ឃើញ​ឆ្លង​មេរោគ​កូវីដ-១៩ កាល​ពី​ថ្ងៃ​ម្សិល​មិញ​នេះ។ក្រសួង​បាន​ឱ្យ​ដឹង​បន្ថែម​ថា មនុស្ស​ចំនួន ៥នាក់​ទៀត បាន​ស្លាប់​ដោយសារ​ជំងឺ​កូវីដ-១៩ ក្នុងនោះ៣នាក់ មិន​បាន​ចាក់​វ៉ាក់សាំង​នោះ​ឡើយ។បើ​តាម​ក្រសួង​សុខាភិបាល ចំនួន​មនុស្ស​​ស្លាប់​ដោយសារ​ជំងឺ​កូវីដ-១៩ បាន​កើន​ឡើង​រហូត​ដល់ ២,៩០៥​នាក់​ហើយ​​គិត​ត្រឹម​ថ្ងៃ​នេះ ខណៈ​ចំនួន​អ្នក​ឆ្លង​ជំងឺ​នេះ​សរុបបាន​កើន​ឡើង​ដល់ ១១៩,៩០៤​នាក់​នៅ​ទូទាំង​ប្រទេស។ប៉ុន្តែ ក្រសួង​សុខាភិបាល​បញ្ជាក់​ថា អ្នក​ជំងឺ​កូវីដ-១៩​សរុប​រហូត​ដល់ ១១៦,២៨៦នាក់​ហើយ ត្រូវ​បាន​ព្យាបាល​ជា​សះ​ស្បើយ​ឡើង​វិញ៕

កម្ពុជា​បន្ត​កត់ត្រា​ការ​ធ្លាក់​ចុះ​ករណី​ឆ្លង​ជំងឺ​កូវីដ-១៩​ទូទាំង​ប្រទេស​មក​នៅ​ត្រឹម៤១​នាក់​នៅ​ថ្ងៃ​នេះ

2021/11/21 06:52:05 pm        1042
Facebook Telegram Linkin
ភ្នំពេញ៖ ក្នុង​សេចក្ដី​ប្រកាស​ព័ត៌មាន​នៅ​ថ្ងៃ​នេះ ក្រសួង​សុខាភិបាល​បញ្ជាក់​ថា លទ្ធផល​តេស្ត​ដោយ​ម៉ាស៊ីន PCR រក​ឃើញ​ថា មនុស្ស ៤១នាក់​ទៀត ត្រូវ​បាន​រក​ឃើញ​ឆ្លង​មេរោគ​កូវីដ-១៩ កាល​ពី​ថ្ងៃ​ម្សិល​មិញ​នេះ។ក្រសួង​បាន​ឱ្យ​ដឹង​បន្ថែម​ថា មនុស្ស​ចំនួន ៤នាក់​ទៀត បាន​ស្លាប់​ដោយសារ​ជំងឺ​កូវីដ-១៩ ក្នុងនោះ៣នាក់ គឺ​មិន​បាន​ចាក់​វ៉ាក់សាំង​នោះ​ឡើយ។បើ​តាម​ក្រសួង​សុខាភិបាល ចំនួន​មនុស្ស​​ស្លាប់​ដោយសារ​ជំងឺ​កូវីដ-១៩ បាន​កើន​ឡើង​រហូត​ដល់ ២,៩០០​នាក់​ហើយ​​គិត​ត្រឹម​ថ្ងៃ​នេះ ខណៈ​ចំនួន​អ្នក​ឆ្លង​ជំងឺ​នេះ​សរុបបាន​កើន​ឡើង​ដល់ ១១៩,៨៦៧​នាក់​នៅ​ទូទាំង​ប្រទេស។ប៉ុន្តែ ក្រសួង​សុខាភិបាល​បញ្ជាក់​ថា អ្នក​ជំងឺ​កូវីដ-១៩​សរុប​រហូត​ដល់ ១១៦,២៤៦នាក់​ហើយ ត្រូវ​បាន​ព្យាបាល​ជា​សះ​ស្បើយ​ឡើង​វិញ៕

អាវុធហត្ថបន្ទាយមានជ័យ៣នាក់រងបួស ក្នុងករណីបង្ក្រាបជនទំនើងថៃនៅក្រុងប៉ោយប៉ែត និងឃាត់ខ្លួនជនបង្ក១៥នាក់

2021/11/21 11:12:48 am        14274
Facebook Telegram Linkin
បន្ទាយមានជ័យ ៖ កម្លាំងកងរាជអាវុធហត្ថខេត្តបន្ទាយមានជ័យ ចំនួន៣នាក់ បានរងរបួសធ្ងន់ស្រាល ដោយសារជនទំនើងជនជាតិថៃ បានធ្វើការបាញ់ប្រហារ ក្នុងហេតុការណ៍ជនជាតិថៃទាំងអស់នោះ ដែលបង្កការអុកឡុកនៅក្នុងក្រុងប៉ោយប៉ែត ។យោងតាមសមត្ថកិច្ចបន្ទាយមានជ័យ បានឲ្យដឹងថា ហេតុការណ៍ផ្ទុះអាវុធនេះ បានកើតឡើង​នៅវេលាម៉ោង១១ និង៤៥នាទី យប់ថ្ងៃទី២០ ខែវិច្ឆិកា ឆ្នាំ២០២១ ​ នៅហាងទូកុងទឺន័រ ទល់មុខកាស៊ីណូផារេមិក ទីតាំងរួមរបស់ក្រុមហ៊ុនកាស៊ីណូ Galaxy ប៉ោយប៉ែត ។ឧត្តមសេនីយ៍ បោន ប៊ិន មេបញ្ជាការអាវុធហត្ថខេត្តបន្ទាយមានជ័យ បានឲ្យដឹងថា ករណី​ផ្ទុះ​អាវុធនៅប៉ោយប៉ែតនេះ​ គឺជាការចុះបង្ក្រាបរបស់សមត្ថកិច្ច ​ចំពោះជនជាតិថៃមួយក្រុម និង​ក្រុមកាងជនជាតិថៃ ដែលបង្កការអុកឡុក ធ្វើឲ្យប៉ះពាល់សណ្តាប់ធ្នាប់សាធារណៈ ។លោកបន្តថា ក្រុមបង្ករទាំងនោះបានប្រើដបគប់មកលើកម្លាំងអាវុធហត្ថ ព្រមទាំង​បាន​ប្រើ​អាវុធបាញ់មកលើសមត្ថកិច្ច ​បណ្តាលឲ្យ​កម្លាំងអាវុធហត្ថរងរបួស៣នាក់ ក្នុងនោះកម្លាំង​សមត្ថកិច្ច​យើង​ម្នាក់​ត្រូវគ្រាប់កាំភ្លើង ដែលជនបង្ក​បាញ់ធ្លាយថ្ពាល់​និងថ្គាមពីម្ខាងទៅម្ខាង ​រងរបួសធ្ងន់ ទើបកម្លាំងសមត្ថកិច្ចសម្រេចចិត្តបាញ់ឡើងលើជាច្រើនគ្រាប់ ​ដើម្បី​ទប់ទល់​ស្ថានការណ៍ ជា​លទ្ធផល​សមត្ថកិច្ចចាប់ខ្លួនក្រុមបង្ករទាំងនេះបាន ​១៥នាក់ និងកំពុងបន្តស្វែងរកចាប់ខ្លួន​បក្ខពួក​ក្រុមបង្ក ​បញ្ហាបន្តបន្ទាប់ទៀត ។បើយោងតាមប្រភពនៅជិតកន្លែងកើតហេតុ បានឲ្យដឹងថា​ ហាងខាងលើមានម្ចាស់ជាស្ត្រី ជនជាតិថៃ ​ហើយមានបុរសម្នាក់ខ្មែរ​ តែងតែជួយមើលថែគ្នា ​ដោយបុរសជនជាតិខ្មែរនោះ បានប្រកែក​ជា​មួយជនជាតិថៃ​ ដែលចូលទៅផឹកស៊ីក្នុងហាងនេះ ​ក្រោយមកក៏ឮសម្លេងផ្ទុះអាវុធ​នៅទីនោះផ្នែកខាងលើ ​បង្កឲ្យមនុស្សរត់ប្រសាចផ្អើល​ចេញមកក្រោម ក៏មានរូបភាពប្រតាយប្រតប់​គ្នា ហើយភ្លាមនោះ​មានលេចមុខសមត្ថកិច្ចចុះមកបង្ក្រាប ៕

កម្ពុជា​បន្ត​កត់ត្រា​ការ​ធ្លាក់​ចុះ​ករណី​ឆ្លង​ជំងឺ​កូវីដ-១៩​ទូទាំង​ប្រទេស​មក​នៅ​ត្រឹម៤៥​នាក់​នៅ​ថ្ងៃ​នេះ

2021/11/19 06:54:16 pm        549
Facebook Telegram Linkin
ភ្នំពេញ៖ ក្នុង​សេចក្ដី​ប្រកាស​ព័ត៌មាន​នៅ​ថ្ងៃ​នេះ ក្រសួង​សុខាភិបាល​បញ្ជាក់​ថា លទ្ធផល​តេស្ត​ដោយ​ម៉ាស៊ីន PCR រក​ឃើញ​ថា មនុស្ស ៤៥​នាក់​ទៀត ត្រូវ​បាន​រក​ឃើញ​ឆ្លង​មេរោគ​កូវីដ-១៩ កាល​ពី​ថ្ងៃ​ម្សិល​មិញ​នេះ។ក្រសួង​បាន​ឱ្យ​ដឹង​បន្ថែម​ថា មនុស្ស​ចំនួន ៤នាក់​ទៀត បាន​ស្លាប់​ដោយសារ​ជំងឺ​កូវីដ-១៩ អ្នកស្លាប់ទាំង៤នាក់នេះ គឺ​មិន​បាន​ចាក់​វ៉ាក់សាំង​នោះ​ឡើយ។បើ​តាម​ក្រសួង​សុខាភិបាល ចំនួន​មនុស្ស​​ស្លាប់​ដោយសារ​ជំងឺ​កូវីដ-១៩ បាន​កើន​ឡើង​រហូត​ដល់ ២,៨៩១​នាក់​ហើយ​​គិត​ត្រឹម​ថ្ងៃ​នេះ ខណៈ​ចំនួន​អ្នក​ឆ្លង​ជំងឺ​នេះ​សរុបបាន​កើន​ឡើង​ដល់ ១១៩,៧៨៦​នាក់​នៅ​ទូទាំង​ប្រទេស។ប៉ុន្តែ ក្រសួង​សុខាភិបាល​បញ្ជាក់​ថា អ្នក​ជំងឺ​កូវីដ-១៩​សរុប​រហូត​ដល់ ១១៦,១៧០​នាក់​ហើយ ត្រូវ​បាន​ព្យាបាល​ជា​សះ​ស្បើយ​ឡើង​វិញ៕

ចៅក្រមសម្រេចឃុំខ្លួន ស្ត្រីជនជាតិថៃម្នាក់ដែលដឹកជញ្ជូនគ្រឿងញៀនជិត២គីឡូ​ចូលមកកម្ពុជា

2021/11/19 06:23:56 pm        781
Facebook Telegram Linkin
ភ្នំពេញ ៖ ចៅក្រមស៊ើបសួរសាលាដំបូងរាជធានីភ្នំពេញ បានសម្រេចចេញដីកាឃុំខ្លួនស្ត្រីជនជាតិថៃម្នាក់ ដាក់ពន្ធនាគារជាបណ្ដោះអាសន្ន ពាក់ព័ន្ធករណី «ដឹកជញ្ជូនគ្រឿងញៀនជិត ២គីឡូក្រាម ឆ្លងដែនដោយខុសច្បាប់ចូលមកប្រទេសកម្ពុជា» ។គួរបញ្ជាក់ថា ស្ត្រីជនជាតិថៃរូបនេះ បានដឹកជញ្ជូនគ្រឿងញៀនជិត ២គីឡក្រាម ដោយឆ្លងកាត់ ៣ប្រទេស គឺចេញពីប្រទេសម៉ាលី ប្រទេសអេត្យូពី និងប្រទេសកូរ៉េខាងត្បូង រួចក៏ចូលមកប្រទេស កម្ពុជា ត្រូវបានសមត្ថកិច្ច ឃាត់ខ្លួន​នៅព្រលានយន្តហោះ អន្តរជាតិភ្នំពេញ។គួររំលឹកថា កម្លាំងសមត្ថកិច្ចជំនាញ នៃមន្ទីរប្រឆាំងគ្រឿងញៀន បង្ក្រាប​ករណី​ដឹក​ជញ្ជូន​គ្រឿងញៀន​ឆ្លង​ដែន​ចូល​កម្ពុជានោះ ​បានធ្វើការ​ឃាត់ខ្លួន​ជនសង្ស័យម្នាក់ និង​រឹបអូស​គ្រឿងញៀនជិត ២ គីឡូក្រាម ​នៅ​អាកាស​យានដ្ឋាន​អន្តជាតិភ្នំពេញ ​កាលពីវេលាម៉ោង១ នឹង​៣០នាទីរំ​លងអាធ្រាត្រ​ឈានចូលថ្ងៃទី១៥ ខែវិច្ឆិកា ឆ្នាំ២០២១ នេះ ។លទ្ធផលឃាត់ខ្លួនជនសង្ស័យម្នាក់ឈ្មោះ SINEE SAISUWAN ភេទស្រី អាយុ ៦២ឆ្នាំ ជនជាតិ ថៃ កាន់លិខិត ឆ្លងដែន លេខAB3676188 ។ ក្នុងនោះ​សមត្តកិច្ចចាប់យកវត្ថុតាងរួមមាន សារធាតុញៀន​ប្រភេទ​កូកាអ៊ីន (COCAINE) ទម្ងន់សុទ្ធជិត២គីឡូ ដែលជានសង្ស័យបង្កប់លាក់នៅបាតវ៉ាលី ។ បច្ចុប្បន្នជនត្រូវចោទត្រូវបានបញ្ជូនទៅឃុំខ្លួននៅពន្ធនាគារ ជាបណ្តោះអាសន្ន ៕អត្ថបទ ៖ កុម្ភះ

បណ្ដាញសង្គម

ព័ត៌មានថ្មីៗ

មន្ត្រីរាជការ និងនិស្សិត៖ ព្រះរាជបូជនីកិច្ចទាមទារ​ឯករាជ្យ​ពីបាំរាំង​ជា​គុណ​ជ្រាល​ជ្រៅ​មិ​ន​អាច​កាត់​ថ្លៃ​បាន
11/09/2026 03:11 PM
Facebook Telegram Linkin
កញ្ញា សុគា គីមលាង ប្តេជ្ញាបង្ហាញសក្តានុពលទេសចរណ៍ និងវប្បធម៌កម្ពុជាលើឆាក Miss International នៅជប៉ុន
11/09/2026 03:11 PM
Facebook Telegram Linkin
រដ្ឋមន្ត្រីការពារជាតិអ៊ីស្រាអែលព្រមានថា បេសកកម្មប្រឆាំងអ៊ីរ៉ង់នៅមិនទាន់បញ្ចប់ឡើយ
11/09/2026 02:11 PM
Facebook Telegram Linkin
យុវជន​បំពេញកាតព្វកិច្ចយោធាជំនាន់ទី១ ចាប់ផ្តើមហ្វឹកហ្វឺន ខណៈ​សម្តេចធិបតី​នឹង​អញ្ជើញ​បើក​វគ្គ​ហ្វឹកហ្វឺន​ជា​ប្រវត្តិសាស្ត្រនៅថ្ងៃនេះ
11/09/2026 01:11 PM
Facebook Telegram Linkin
ភូមិហ្វ្រង់កូហ្វូនីសាងសង់បាន ៩០ភាគរយ មានស្ថាប័ននៅក្រៅប្រទេសចុះឈ្មោះចូលរួមរៀបចំពន្លាជាតិកើនដល់៧៣
11/09/2026 01:11 PM
Facebook Telegram Linkin
ពលរដ្ឋរលឹកដឹងគុណធំធេង ចំពោះព្រះរាជបូនីយកិច្ចរបស់ព្រះវររាជបិតាជាតិខ្មែរ ដែលបានទាមទារឯករាជ្យភាព ជូនប្រទេសជាតិ
11/09/2026 12:11 PM
Facebook Telegram Linkin
កម្ពុជាអនុម័តគម្រោងវិនិយោគ ៣៧ ក្នុងទំហំទុនវិនិយោគ ២៤៦លានដុល្លារអាម៉េរិក​ក្នុងខែតុលា
11/09/2026 12:11 PM
Facebook Telegram Linkin
លោកTrump៖ កងកម្លាំង Iron Gate កំពុងបំពេញការងារពេញលេញកាត់ផ្តាច់ការផ្គត់ផ្គង់ទៅអ៊ីរ៉ង់
11/09/2026 12:11 PM
Facebook Telegram Linkin
ជនអន្តោប្រវេសន៍ក្នុងក្បួនដំណើរនៅម៉ិកស៊ិក សង្ឃឹមថានឹងមានឱកាសចូលសហរដ្ឋអាមេរិក
11/09/2026 12:11 PM
Facebook Telegram Linkin
ចំនួនអ្នកស្លាប់ក្នុងឧបទ្ទវហេតុរថភ្លើងនៅអេហ្ស៊ីបកើនឡើងច្រើននាក់ និងអ្នករបួសជាង១០០នាក់
11/09/2026 12:11 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.