BTV NEWS

ជនជាតិឥណ្ឌូនេស៊ី ២១នាក់ ពាក់ព័ន្ធនឹងការលួចឆ្លងដែន ស្នាក់នៅ និងធ្វើការងារខុសច្បាប់ ត្រូវបានបណ្ដេញចេញពីកម្ពុជា

ជនជាតិឥណ្ឌូនេស៊ី ៧២នាក់ ពាក់ព័ន្ធនឹងOnline Scams ត្រូវបានបណ្ដេញចេញពីកម្ពុជា

ក្រសួងសន្តិសុខសាធារណៈចិន ចុះពិនិត្យទីតាំងធ្លាប់ប្រព្រឹត្តបទល្មើសឆបោកតាមប្រព័ន្ធបច្ចេកវិទ្យានៅតំបន់ OP ក្រុងបាវិត

ឧត្តមសេនីយ៍ឯក ជួន ណារិន្ទ ប្រកាសឲ្យអ្នកបើករថយន្ត Range Rover បង្កគ្រោះថ្នាក់ចរាចរណ៍ស្លាប់មនុស្សនៅខណ្ឌជ្រោយចង្វារ ចូលខ្លួនបន្ទាន់ មិនបាច់រកអន្តរាគមន៍ទេ

សន្តិសុខ និង សង្គម

កម្ពុជាបន្តរកឃើញមនុស្ស ៩១នាក់ឆ្លងកូវីដ-១៩ ខណៈអ្នកជំងឺ១៧៥នាក់ទៀត ត្រូវបានព្យាបាលជាសះស្បើយ

ភ្នំពេញ ៖ ក្រសួងសុខាភិបាលនៅថ្ងៃនេះ បានប្រកាសថា កម្ពុជាបន្ដរកឃើញមនុស្សចំនួន៩១នាក់បន្ថែមទៀត ឆ្លងមេរោគកូវីដ-១៩ ខណៈអ្នកជំងឺកូវីដចំនួន ១៧៥នាក់ទៀត ត្រូវបានព្យាបាលជាសះស្បើយ។ក្នុងសេចក្ដីប្រកាសព័ត៌មានរបស់ខ្លួននៅថ្ងៃនេះ ក្រសួងសុខាភិបាលបានបញ្ជាក់ថា ករណីឆ្លងថ្មីដល់ទៅចំនួន ៧៥នាក់ សុទ្ធតែពាក់ព័ន្ធនឹងព្រឹត្តិការណ៍សហគមន៍២០កុម្ភៈ ហើយ១៦នាក់ទៀត គឺជាករណីនាំចូល។ក្រសួងសុខាភិបាល ក៏បានប្រកាសផងដែរថា មនុស្ស៦នាក់បន្ថែមទៀត បានស្លាប់ដោយសារជំងឺកូវីដ-១៩ ដែលនាំឱ្យតួលេខអ្នកស្លាប់សរុបឡើងដល់ ២ ៧៩៤នាក់គិតចាប់តាំងពីកម្ពុជាប្រកាសពីករណីស្លាប់លើកដំបូងជាផ្លូវការកាលពីថ្ងៃទី១១ ខែមីនាកន្លងមក។បើតាមក្រសួងសុខាភិបាល អ្នកជំងឺកូវីដ-១៩សរុប ១១៤ ៩០២នាក់ហើយ ត្រូវបានព្យាបាលជាសះស្បើយ ក្នុងនោះមានទាំងអ្នកជាសះស្បើយថ្មី ដែលក្រសួងប្រកាសនៅថ្ងៃនេះផងដែរ។គិតត្រឹមថ្ងៃនេះ កម្ពុជារកឃើញមនុស្សសរុបដល់ទៅ ១១៨ ៦១៣ នាក់ហើយ បានឆ្លងមេរោគកូវីដ-១៩នៅទូទាំងប្រទេសចាប់តាំងពីកម្ពុជារកឃើញករណីឆ្លងដំបូងកាលពីចុងខែមករាឆ្នាំ២០២០កន្លងមក៕

កម្ពុជាបន្តរកឃើញមនុស្ស ១០៦នាក់ឆ្លងកូវីដ-១៩ ខណៈអ្នកជំងឺ២៣៤នាក់ទៀត ត្រូវបានព្យាបាលជាសះស្បើយ

ភ្នំពេញ ៖ ក្រសួងសុខាភិបាលនៅថ្ងៃនេះ បានប្រកាសថា កម្ពុជាបន្ដរកឃើញមនុស្សចំនួន១០៦នាក់បន្ថែមទៀត ឆ្លងមេរោគកូវីដ-១៩ ខណៈអ្នកជំងឺកូវីដចំនួន ២៣៤នាក់ទៀត ត្រូវបានព្យាបាលជាសះស្បើយ។ក្នុងសេចក្ដីប្រកាសព័ត៌មានរបស់ខ្លួននៅថ្ងៃនេះ ក្រសួងសុខាភិបាលបានបញ្ជាក់ថា ករណីឆ្លងថ្មីដល់ទៅចំនួន ៩០នាក់ សុទ្ធតែពាក់ព័ន្ធនឹងព្រឹត្តិការណ៍សហគមន៍២០កុម្ភៈ ហើយ១៦នាក់ទៀត គឺជាករណីនាំចូល។ក្រសួងសុខាភិបាល ក៏បានប្រកាសផងដែរថា មនុស្ស៨នាក់បន្ថែមទៀត បានស្លាប់ដោយសារជំងឺកូវីដ-១៩ ដែលនាំឱ្យតួលេខអ្នកស្លាប់សរុបឡើងដល់ ២ ៧៨១នាក់គិតចាប់តាំងពីកម្ពុជាប្រកាសពីករណីស្លាប់លើកដំបូងជាផ្លូវការកាលពីថ្ងៃទី១១ ខែមីនាកន្លងមក។បើតាមក្រសួងសុខាភិបាល អ្នកជំងឺកូវីដ-១៩សរុប ១១៤ ៥៣៤នាក់ហើយ ត្រូវបានព្យាបាលជាសះស្បើយ ក្នុងនោះមានទាំងអ្នកជាសះស្បើយថ្មី ដែលក្រសួងប្រកាសនៅថ្ងៃនេះផងដែរ។គិតត្រឹមថ្ងៃនេះ កម្ពុជារកឃើញមនុស្សសរុបដល់ទៅ ១១៨ ៤២៧ នាក់ហើយ បានឆ្លងមេរោគកូវីដ-១៩នៅទូទាំងប្រទេសចាប់តាំងពីកម្ពុជារកឃើញករណីឆ្លងដំបូងកាលពីចុងខែមករាឆ្នាំ២០២០កន្លងមក៕

បុរសម្នាក់បើករថយន្តខ្វះការប្រុងប្រយ័ត្នបណ្ដាលបុកក្បាលនាគថ្មគល់ស្ពានអាកាស៧មករាបាក់មួយកង់ រថយន្តរងការខូចខាត

ភ្នំពេញ៖បុរសម្នាក់បើករថយន្តមួយគ្រឿងរួមដំណើរជាមួយគ្រួសារ ងោកមួយភាំងរេចង្កូតទៅបុកក្បាលនាគថ្មគល់ស្ពានអាកាស៧មករាបណ្តាលអោយបាក់មួយកង់ខ្ទាតមកកណ្តាលផ្លូវ និងរថយន្តរងការខូចខាតមួយកំណាត់មុខ។ហេតុការណ៍នេះបានកើតឡើងកាលពីវេលាម៉ោង២និង៣០នាទីរសៀលថ្ងៃទី២៩ ខែតុលាឆ្នាំ២០២១ស្ថិតតាមបណ្តោយមហាវិថីសហព័ន្ធរុស្សីត្រង់ចំណុចខាងកើតគល់ស្ពានអាកាស៧មករា សង្កាត់ទឹកល្អក់ទី១ ខណ្ឌទួលគោក រាជធានីភ្នំពេញ។តាមប្រភពព័ត៌មាននៅកន្លែងកើតហេតុបានអោយដឹងថា នៅមុនពេលកើតហេតុគេឃើញរថយន្តម៉ាកម៉ាសស្តា ពណ៌សរ ពាក់ស្លាកលេខ ភ្នំពេញ2AW-6716បើកបរដោយបុរសម្នាក់រួមដំណើរជាមួយគ្រួសារ ធ្វើដំណើរតាមបណ្តោយមហាវិថីសហព័ន្ធរុស្សីក្នុងទិសដៅពីកើតទៅលិចក្នុងល្បឿនលឿនគួរសមខណៈពេលមកដល់ចំណុចកើតហេតុ បានរេចង្កូតទៅបុកក្បាលនាគថ្មគល់ស្ពានអាកាស៧មករាបណ្តាលអោយបាក់មួយកង់ខ្ទាតចេញមកកណ្តាលផ្លូវតែសំណាងល្អក្នុងហេតុការណ៍នោះមិនបង្កអោយមនុស្សណាម្នាក់រងរបួសនោះទេរងការខូចខាតតែរថយន្តមួយកំណាត់មុខ។ក្រោយកើតហេតុគេឃើញសមត្ថកិច្ចជំនាញមូលរដ្ឋានចុះមកដល់កន្លែងកើតហេតុរួចទាក់ទងទៅសមត្ថកិច្ចចុះមកវាស់វែងយករថយន្តនិងអ្នកបើកបរទៅការិយាល័យចរាចរណ៍ជើងគោកនៃស្នងការរាជធានីភ្នំពេញដើម្បីដោះស្រាយគ្នានៅពេលក្រោយ៕អត្ថបទ៖ កុម្ភះ

នគរបាលឃាត់ខ្លួនជនសង្ស័យប្រុសស្រីចំនួន០៨នាក់ ពាក់ព័ន្ធករណីចោរកម្ម

ភ្នំពេញ៖ ជនសង្ស័យប្រុសស្រីមួយក្រុមចំនួន០៨នាក់ ត្រូវបានកម្លាំងនគរបាលជំនាញព្រហ្មទណ្ឌក្រសួងមហាផ្ទៃ សហការជាមួយនគរបាលព្រហ្មទណ្ឌនៃស្នងការដ្ឋាននគរបាលរាជធានីភ្នំពេញ និងនគរបាលមូលដ្ឋានខណ្ឌដូនពេញ ឃាត់ខ្លួននិងដកហូតសម្ភារៈសម្រាប់ធ្វើសកម្មភាព មួយចំនួនធំ ដូចជាកាំបិត ដាវ និងឧបករណ៍កាចករម៉ូតូ -ល-។ប្រតិបត្តិការនេះ បានធ្វើឡើងនៅវេលាម៉ោង១១ថ្ងៃត្រង់នាថ្ងៃទី២៨ ខែតុលា ឆ្នាំ២០២១ ស្ថិតនៅចំណុចផ្ទះសំណាក់មួយកន្លែង ដែលគេនិយមហៅថាផ្ទះសំណាក់ គេចពន្ធ ស្ថិតនៅផ្ទះលេខ៩៨ ផ្លូវលេខ៨១ សង្កាត់បឹងរាំង ខណ្ឌដូនពេញ រាជធានីភ្នំពេញ។តាមប្រភពព័ត៌មានពីមន្រ្តីជំនាញ បានឲ្យដឹងថា មុនឈានដល់ការចុះបង្ក្រាបទីតាំងលាក់ខ្លួនរបស់ក្រុមចោរនេះ គឺកម្លាំងជំនាញបានធ្វើការស្រាវជ្រាវ ស៊ើបអង្កេត ច្បាស់លាស់រហូតដល់ព្រឹកថ្ងៃទី២៨ ខែតុលានេះ កម្លាំងនគរបាលជំនាញព្រហ្មទណ្ឌក្រសួងមហាផ្ទៃចុះ សហការជាមួយកម្លាំងព្រហ្មទណ្ឌនៃស្នងការដ្ឋាននគរបាលរាជធានីភ្នំពេញ និងនគរបាលមូលដ្ឋានខណ្ឌដូនពេញ ចុះឡោមព័ទ្ធទីតាំងផ្ទះសំណាក់ ឃាត់ខ្លួនជនសង្ស័យប្រុសស្រីចំនួន០៨នាក់ ក្នុងនោះស្រី០២នាក់ ដកហូតវត្ថុតាងធ្វើសកម្មភាព មួយចំនួនធំ ដូចជាកាំបិតដាវ និងឧបករណ៍កាចករម៉ូតូ -ល-។មន្រ្តីជំនាញ បានបញ្ជាក់ប្រាប់ឲ្យដឹងផងដែរថា ក្រុមជនសង្ស័យនេះ គឺធ្វើសកម្មភាពចម្រុះ ដោយលួចទាំងខ្សែភ្លើង កង់ ម៉ូតូថែមទាំងពេលខ្លះធ្វើសកម្មភាពកាប់ប្លន់ផងដែរពេលផ្លូវងងឹតស្ងាត់។ក្រោយបញ្ចប់ប្រតិបត្តិការនគរបាលជំនាញ បានប្រគល់ក្រុមជនសង្ស័យទៅឲ្យនគរបាលមូលដ្ឋានខណ្ឌដូនពេញ ដើម្បីបន្តកសាងសំណុំរឿងចាត់ការតាមនីតិវិធី៕អត្ថបទ៖ កុម្ភះ

រថយន្តបីគ្រឿងបុកបន្តកន្ទុយគ្នារងការខូចខាត តែសំណាងល្អមិនបណ្ដាលឲ្យមានអ្នករងរបួស

ភ្នំពេញ ៖ រថយន្តបីគ្រឿងបានបុករះបន្តកន្ទុយគ្នា ហើយជ្រុលឡើងលើសួនច្បារពុះចែកទ្រូងផ្លូវ រងការខូចខាត និងមានការកកស្ទុះចរាចរណ៍ តែសំណាងល្អមិនមានអ្នករងរបួស ឡើងក្នុងហេតុការណ៍នេះ។ហេតុការណ៍នេះ បានកើតនៅវេលាម៉ោង៩នាទីព្រឹកថ្ងៃទី២៨ ខែតុលា ឆ្នាំ២០២១ នៅត្រង់ចំនុចមុខបុរីមេគង្គ ស៊ីធី តាមបណ្ដោយផ្លូវជាតិលេខ៦A នៅភូមិសំបួរមាស សង្កាត់បាក់ខែង ខណ្ឌជ្រោយចង្វារ រាជធានីភ្នំពេញ ។ប្រភពព័ត៌មានពីប្រជាពលរដ្ឋកន្លែងកើតហេតុ បានឲ្យដឹងថា មុនពេលកើតហេតុគេរថយន្តម៉ាកកាមេរីឆ្លាម ពណ៌ទឹកមាស ស្លាកលេខភ្នំពេញ 2L -9058 ធ្វើដំណើរពីជើងមកត្បូង តាមបណ្ដោយផ្លូវជាតិលេខ៦A មកដល់ត្រង់ចំណុចកើតហេតុបានបត់ឆ្វេងត្រលប់ក្រោយ ក៏ត្រូវរថយន្តម៉ាកហាយឡែនឌ័រ ពណ៌ខ្មៅ ស្លាកលេខភ្នំពេញ 2AE -7435 ធ្វើដំណើរពីជើងមកត្បូង មកពីក្រោយក្នុងល្បឿនលឿនហ្វាំងមិនទាន់ក៏បុកគូទរថយន្តឆ្លាមពេញទំហឹង រុញរថយន្តទៅមុខបុកនឹងរថយន្តម៉ាកស៊ីណា ពណ៌ទឹកប្រាក់ ស្លាកលេខភ្នំពេញ 2AG -6691 ធ្វើដំណើរពីត្បូងមកជើង បុកចំទ្វាខាងក្រោយបណ្ដាលឲ្យរថយន្តស៊ីណារ៉េចង្កូតឡើងទៅទើលើសួនច្បារពុះចែកទ្រូងផ្លូវ និងបុកបង្គោលស្លាកសញ្ញាចរាចរណ៍ដួលរលើងដល់ដីរថយន្តក៏ទៅមុខលែងរួច ។ក្រោយពេលកើតហេតុរថយន្តទាំងបី ត្រូវសមត្ថកិច្ចចរាចរណ៍ ខណ្ឌជ្រោយចង្វារធ្វើការវាស់វែង នឹងយករថយន្តចេញ ដើម្បីសំរួលចរាចរណ៍កុំឲ្យកក់ស្ទុះ នឹងបានយករថយន្តទៅរក្សាទុក្ខនៅអធិការដ្ឋានខណ្ឌរងចាំការដោះស្រាយនៅពេលក្រោយ ៕អត្ថបទ៖ កុម្ភះ

គ្រោះថ្នាក់ចរាចរណ៍លើផ្លូវជាតិលេខ៥ ក្នុងស្រុកមោងឫស្សី បណ្ដាលឲ្យមនុស្សស្លាប់ ៥នាក់

ភ្នំពេញ ៖ មនុស្សចំនួន ៥នាក់ បានស្លាប់បាត់បង់ជីវិតភ្លាមៗ ក្នុងករណីគ្រោះថ្នាក់ចរាចរណ៍ដ៏រន្ធត់មួយ បង្កឡើងដោយរថយន្ត ២គ្រឿងបុកគ្នា នៅព្រឹកព្រលឹមវេលាម៉ោង៥ និង១៥ ថ្ងៃទី២៨ ខែតុលា ឆ្នាំ២០២១ លើផ្លូវជាតិលេខ៥ ស្ថិតក្នុងភូមិមោង ឃុំមោង ស្រុកមោងឫស្សី ខេត្តបាត់ដំបង ។បើយោងតាមសមត្ថកិច្ចស្រុកមោងឫស្សី បានឲ្យដឹងថា រថយន្តទាំងពីរគ្រឿង ដែលបានបុកគ្នានោះ គឺម៉ាកហ៊ីណូ (HINO) ១គ្រឿង ពាក់ស្លាកលេខកំពង់ឆ្នាំង 3A-1566អ្នកបើកបរមិនស្គាល់ឈ្មោះរត់គេចខ្លួនបាត់ បានបុកនិងរថយន្ត ១គ្រឿងទៀត ម៉ាកនីសសាន់ ពាក់ស្លាកលេខបាត់ដំប2B-2211 កំពុងបើកបរទិសដៅច្រាស់គ្នា ភ្នំពេញ-បាត់ដំបង ។ប្រភពបានបន្តថា ករណីនេះ បានបណ្តាលឲ្យស្លាប់មនុស្ស ៥នាក់ និងរបួសម្នាក់ ត្រូវបានបញ្ជូនទៅព្យាបាលនៅពេទ្យបង្អែកស្រុកមោងឫស្សី ។ ក្រោយកើតហេតុសពជនរងគ្រោះ ត្រូវបានប្រគល់ឲ្យក្រុមគ្រួសារយកទៅធ្វើបុណ្យតាមប្រពៃណី ៕

សត្វត្រកួតជិត២០ក្បាល ត្រូវបានមន្ត្រីជំនាញប្រលែងចូលព្រៃវិញ

មណ្ឌលគិរី ៖ ក្រុមមន្ត្រីជំនាញ បានប្រលែងសត្វត្រកួតប្រមាណជិត២០ក្បាល ឲ្យចូលទៅរស់នៅក្នុងព្រៃធម្មជាតិវិញ ដែលនេះជាការសង្គ្រោះជីវិតសត្វត្រកួតទាំងអស់នោះ ពីព្រានព្រៃ ខណៈពួកវាបម្រុងត្រូវគេយកទៅជួញដូរ ។ប្រាប់តាមទូរសព្ទនៅរសៀលថ្ងៃទី២៦តុលាម្សិលមិញនេះ លោក កែវ សុភក៌ ប្រធានមន្ទីរបរិស្ថានខេត្តមណ្ឌលគិរី បានឲ្យដឹងថា សត្វត្រកួតដែលបង្ក្រាបបានពីព្រានព្រៃ មានចំនួន ១៨ក្បាល ដោយត្រូវបានប្រលែងឲ្យចូលទៅជម្រករបស់ពួកវាវិញ ក្នុងដែនក្នុងដែនជម្រកសត្វព្រៃស្រែពក កាលពីថ្ងៃទី២៤តុលាកន្លងទៅ ។លោកបន្តថា សត្វត្រកួតទាំងនេះ ត្រូវប្រទះឃើញ នៅពេលដែលមន្ត្រីឧទ្យានុរក្សនៃការិយាល័យដែនជម្រកសត្វព្រៃស្រែពក ប្រចាំស្នាក់ការ ល្វេ និងស្នាក់ការម្រើច រួមទាំងកម្លាំងសហការល្បាតតាមដងទន្លេ ត្រង់ចំណុចពាមអូរឌឿរ ស្ថិតនៅភូមិកោះម្យើលលើ ឃុំណងឃីលឹក ស្រុកកោះញែក ដោយមានជនសង្ស័យ បានចាប់ត្រកួតទាំងនេះពីក្នុងព្រៃ ហើយពេលជួបជាមួយក្រុមមន្ត្រីជំនាញកំពុងល្បាត ជនសង្ស័យទម្លាក់សត្វត្រកួតចោល និងរត់យករួចខ្លួនបាត់ ។លោកប្រធានមន្ទីរបរិស្ថាន បានឲ្យដឹងទៀតថា សត្វត្រកួតមិនមែនជាសត្វមានច្រើននោះទេនៅក្នុងព្រៃ វាជាពពួកសត្វមានដោយបង្គួរ ហើយបច្ចុប្បន្នសត្វព្រៃដូចជាខ្ទីង-ទន្សោងជាដើម ក៏កំពុងមានការប្រឈមទៅ និងការបរបាញ់ ឬអន្ទាក់ផងដែរពីសំណាក់ព្រានព្រៃ ទោះបីមន្ត្រីឧទ្យានុរក្សប្រឹងប្រែងល្បាតទប់ស្កាត់យ៉ាងណាក៏ដោយ ដែលកត្តានេះ ក៏តម្រូវឲ្យប្រជាពលរដ្ឋទាំងអស់គ្នាចូលរួមអភិរក្ស ៕អត្ថបទ ៖ អ៊ិត ភីរុណ

កម្ពុជាបន្តរកឃើញមនុស្ស ១១១នាក់ឆ្លងកូវីដ-១៩ ខណៈអ្នកជំងឺ២៦៤នាក់ទៀត ត្រូវបានព្យាបាលជាសះស្បើយ

ភ្នំពេញ ៖ ក្រសួងសុខាភិបាលនៅថ្ងៃនេះ បានប្រកាសថា កម្ពុជាបន្ដរកឃើញមនុស្សចំនួន១១១នាក់បន្ថែមទៀត ឆ្លងមេរោគកូវីដ-១៩ ខណៈអ្នកជំងឺកូវីដចំនួន ២៦៤នាក់ទៀត ត្រូវបានព្យាបាលជាសះស្បើយ។ក្នុងសេចក្ដីប្រកាសព័ត៌មានរបស់ខ្លួននៅថ្ងៃនេះ ក្រសួងសុខាភិបាលបានបញ្ជាក់ថា ករណីឆ្លងថ្មីដល់ទៅចំនួន ១០០នាក់ សុទ្ធតែពាក់ព័ន្ធនឹងព្រឹត្តិការណ៍សហគមន៍២០កុម្ភៈ ហើយ១១នាក់ទៀត គឺជាករណីនាំចូល។ក្រសួងសុខាភិបាល ក៏បានប្រកាសផងដែរថា មនុស្ស៧នាក់បន្ថែមទៀត បានស្លាប់ដោយសារជំងឺកូវីដ-១៩ ដែលនាំឱ្យតួលេខអ្នកស្លាប់សរុបឡើងដល់ ២ ៧៥៨នាក់គិតចាប់តាំងពីកម្ពុជាប្រកាសពីករណីស្លាប់លើកដំបូងជាផ្លូវការកាលពីថ្ងៃទី១១ ខែមីនាកន្លងមក។បើតាមក្រសួងសុខាភិបាល អ្នកជំងឺកូវីដ-១៩សរុប ១១៣ ៧៩១នាក់ហើយ ត្រូវបានព្យាបាលជាសះស្បើយ ក្នុងនោះមានទាំងអ្នកជាសះស្បើយថ្មី ដែលក្រសួងប្រកាសនៅថ្ងៃនេះផងដែរ។គិតត្រឹមថ្ងៃនេះ កម្ពុជារកឃើញមនុស្សសរុបដល់ទៅ ១១៨ ១១១ នាក់ហើយ បានឆ្លងមេរោគកូវីដ-១៩នៅទូទាំងប្រទេសចាប់តាំងពីកម្ពុជារកឃើញករណីឆ្លងដំបូងកាលពីចុងខែមករាឆ្នាំ២០២០កន្លងមក៕

អ្នកជំងឺកូវីដ១៩ក្នុងខេត្តបាត់ដំបង កំពុងត្រូវបានផ្ទេរទៅកាន់មណ្ឌលព្យាបាលថ្មីនៅជាយដែន

បាត់ដំបង ៖ អ្នកជំងឺកូវីដ១៩នៅទូទាំងខេត្តបាត់ដំបង ជាពិសេសអ្នកជំងឺកំពុងសម្រាកព្យាបាលនៅតាមសាលារៀន កំពុងត្រូវបានផ្ទេរទៅកាន់មណ្ឌលព្យាបាលថ្មី នៅជាយដែនជាបន្តបន្ទាប់ ដើម្បីយកសាលារៀនប្រគល់ឲ្យសិស្សានុសិស្សសិក្សារៀនសូត្រឡើងវិញ។មណ្ឌលព្យាបាលអ្នកជំងឺកូវីដ១៩ និងមណ្ឌលចត្តាឡីស័កនៅជាយដែន ត្រូវបានសាងសង់ឡើង កាលពីអំឡុងដើមខែកញ្ញា ដែលការសាងសង់នេះដឹកនាំដោយ នាយឧត្តមសេនីយ៍ ខេង សុមេធ ប្រធានអនុគណៈកម្មការសាងសង់ នៃគណៈកម្មការអន្តរក្រសួង ដើម្បីប្រយុទ្ធនឹងជំងឺកូវីដ១៩ សហការជាមួយអាជ្ញាធរខេត្តបាត់ដំបង។មណ្ឌលព្យាបាលអ្នកជំងឺកូវីដ១៩ មានលទ្ធភាពអាចទទួលអ្នកជំងឺបានដល់ចំនួន១៨៨០គ្រែ ចំណែកមណ្ឌលចត្តាឡីស័ក អាចទទួលអ្នកធ្វើចត្តាឡីស័ក បានចំនួន១៨០០គ្រែ។ ចំពោះមណ្ឌលព្យាបាល ត្រូវបានក្រុមការងាររៀបចំទីកន្លែងបានយ៉ាងមានរបៀបរៀបរយដោយក្នុងនោះ បានរៀបចំបន្ទប់អនាម័យត្រឹមត្រូវ កន្លែងលាងដៃ កន្លែងលេងកីឡា និងប្រព័ន្ធកាមេរ៉ាសុវត្ថិភាព ចំណែកមណ្ឌលចត្តាឡីស័ក ក្រុមការងារកំពុងតែរួតរះបញ្ចប់ការងារសាងសង់ ។ឯកឧត្តម សុខ លូ អភិបាលខេត្តបាត់ដំបង បានណែនាំដល់មន្ទីរសុខាភិបាល ត្រូវសហការជាមួយ អាជ្ញាធរដើម្បីពន្លឿនការផ្ទេរអ្នកជំងឺកូវីដ១៩ និងអ្នកកំពុងធ្វើចត្តាឡីស័ក ចេញពីសាលារៀនមកដាក់នៅ ទីតាំងទាំងនេះ ឲ្យបានឆាប់បំផុត ដើម្បីប្រគល់សាលារៀនទាំងអស់ ឲ្យមន្ទីរអប់រំ យុវជន និងកីឡាខេត្ត ចាត់ចែងរៀបចំសម្អាត និងបាញ់ថ្នាំសម្លាប់មេរោគមុនបើកទ្វារឲ្យសិស្សានុសិស្សចូលរៀន។ចាប់ពីថ្ងៃទី១ ខែ វិច្ឆិកា ឆ្នាំ២០២១ ក្រសួងអប់រំ យុវជន និងកីឡា នឹងពង្រីកវិសាលភាព នៃការ បង្រៀន និងរៀនតាមបណ្ដុំសម្រាប់គ្រឹះស្ថានសិក្សាសាធារណៈ និងឯកជន នៅគ្រប់កម្រិត ក្នុងភូមិសាស្រ្ត ទូទាំងរាជធានី-ខេត្តទាំងអស់៕អត្ថបទ៖ នឿត សុភក្ត្រ

ទឹកជំនន់នៅបន្ទាយមានជ័យ កាន់តែធូរស្បើយខណៈអាកាសធាតុមិនមានភ្លៀងធ្លាក់ខ្លាំងបន្ត

បន្ទាយមានជ័យ ៖ ស្ថានភាពទឹកជំនន់ នៅខេត្តបន្ទាយមានជ័យ កាន់តែមានភាពធូរស្បើយច្រើន ខណៈអាកាសធាតុ នៅក្នុងខេត្តមិនមានភ្លៀងធ្លាក់ខ្លាំងបន្ត ដែលបង្កឲ្យមានទឹកជំនន់ ហើយពលរដ្ឋនៅទីទួលសុវត្ថិភាព បានត្រឡប់ទៅផ្ទះវិញក៏ជិតអស់ផងដែរ ។ឯកឧត្តម អ៊ុំ រាត្រី អភិបាលខេត្តបន្ទាយមានជ័យ បានឱ្យដឹងថា ទឹកជំនន់នៅបន្ទាយមានជ័យ មិន មានប៉ះពាល់ធ្ងន់ធ្ងរអ្វីទៀតនោះទេ ហើយនារយៈពេលប៉ុន្មានថ្ងៃចុងក្រោយនេះ អាកាសធាតុល្អ មានភ្លៀង ធ្លាក់តិចតួចប៉ុណ្ណោះ ។ នៅក្រុងប៉ោយប៉ែត បានវិលទៅរកភាពធម្មតាវិញ ដោយទឹកបានស្រកអស់ហើយ និងកាលពីទឹកជំនន់ទើបហក់ឡើងថ្មីៗ មានប្រជាពលរដ្ឋជាង ៤០០គ្រួសារ ត្រូវបានជម្លៀសទៅកាន់ទី ទួលសុវត្ថិភាព ហើយនៅព្រឹកនេះ អាជ្ញាធរកំពុងរៀបចំដឹកពួកគេត្រឡប់ទៅផ្ទះវិញ ។ទឹកជំនន់នៅខេត្តបន្ទាយមានជ័យ បានហក់ឡើងជាបន្តបន្ទាប់ជាងពីរខែមកហើយ ដោយបានប៉ះ ពាល់ផ្ទះប្រជាពលរដ្ឋជិតពីរម៉ឺនគ្រួសារ ប៉ះពាល់ដំណាំស្រូវជាង១៥ពាន់ហិកតា រួមទាំងដំណាំកសិកម្ម ផ្សេងៗជាច្រើនហិកតាទៀត ខណៈហេដ្ឋារចនាសម្ព័ន្ធ មានផ្លូវថ្នល់ត្រូវទឹកហូរកាត់ផ្ដាច់ សាលារៀន និងតូបក្នុងផ្សារជាដើម តែមិនមានពលរដ្ឋណាម្នាក់ បានគ្រោះថ្នាក់ដោយសារទឹកជំនន់នៅឆ្នាំនេះនៅឡើយ ទេ ។ពាក់ព័ន្ធបញ្ហាគ្រោះទឹកជំនន់នេះ អាជ្ញាធរបានជួយសង្គ្រោះពលរដ្ឋនាំទៅកាន់ទីទួលសុវត្ថិភាព ការ ផ្ដល់នូវស្បៀងអាហារ ដាក់គ្រូពេទ្យប្រចាំព្យាបាលជំងឺ ហើយរាជរដ្ឋាភិបាល ដោយមានការគាំទ្រថវិកាពី អង្គការ GIZ និងអង្គការ USIAD ឧបត្ថម្ភថវិកាចំនួន៣ខែ ដល់ពលរដ្ឋរងគ្រោះដោយទឹកជំនន់ ដែលមាន ជីវភាពខ្វះខាត ៕អត្ថបទ៖ បាន សុខរិទ្ធ

បណ្ដាញសង្គម

ព័ត៌មានថ្មីៗ

G7 នឹងវាយតម្លៃផលប៉ះពាល់ពីបរាជ័យរបស់លោក Trump ក្នុងការបោះឆ្នោតពាក់កណ្តាលអាណត្តិ

លោក Trump ប្រាប់ថា អ៊ុយក្រែននឹងខុសពីសភាពដើម ហើយថា សង្គ្រាមជាមួយរុស្ស៊ី នឹងបញ្ចប់ឆាប់ៗ

អ៊ីរ៉ង់៖ គ្មានការចរចា តាំងពីមានលទ្ធផលគួរឱ្យភ្ញាក់ផ្អើលនៃការបោះឆ្នោតពាក់កណ្តាលអាណត្តិ នៅអាមេរិក

មេដឹកនាំគណបក្សប្រជាធិបតេយ្យ គាំទ្រការចោទប្រកាន់ទម្លាក់លោក Pete Hegseth ចេញពីតំណែង

ពលរដ្ឋនៅតែរលឹកគុណធំធេងចំពោះជាតិរបស់ព្រះវររាជបិតាឯករាជ្យជាតិ

មន្ត្រីរាជការ និងនិស្សិត៖ ព្រះរាជបូជនីកិច្ចទាមទារឯករាជ្យពីបាំរាំងជាគុណជ្រាលជ្រៅមិនអាចកាត់ថ្លៃបាន

កញ្ញា សុគា គីមលាង ប្តេជ្ញាបង្ហាញសក្តានុពលទេសចរណ៍ និងវប្បធម៌កម្ពុជាលើឆាក Miss International នៅជប៉ុន

រដ្ឋមន្ត្រីការពារជាតិអ៊ីស្រាអែលព្រមានថា បេសកកម្មប្រឆាំងអ៊ីរ៉ង់នៅមិនទាន់បញ្ចប់ឡើយ

យុវជនបំពេញកាតព្វកិច្ចយោធាជំនាន់ទី១ ចាប់ផ្តើមហ្វឹកហ្វឺន ខណៈសម្តេចធិបតីនឹងអញ្ជើញបើកវគ្គហ្វឹកហ្វឺនជាប្រវត្តិសាស្ត្រនៅថ្ងៃនេះ

ភូមិហ្វ្រង់កូហ្វូនីសាងសង់បាន ៩០ភាគរយ មានស្ថាប័ននៅក្រៅប្រទេសចុះឈ្មោះចូលរួមរៀបចំពន្លាជាតិកើនដល់៧៣

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

សន្តិសុខ និង សង្គម

កម្ពុជាបន្តរកឃើញមនុស្ស ៩១នាក់ឆ្លងកូវីដ-១៩ ខណៈអ្នកជំងឺ១៧៥នាក់ទៀត ត្រូវបានព្យាបាលជាសះស្បើយ

កម្ពុជាបន្តរកឃើញមនុស្ស ១០៦នាក់ឆ្លងកូវីដ-១៩ ខណៈអ្នកជំងឺ២៣៤នាក់ទៀត ត្រូវបានព្យាបាលជាសះស្បើយ

នគរបាលឃាត់ខ្លួនជនសង្ស័យប្រុសស្រីចំនួន០៨នាក់ ពាក់ព័ន្ធករណីចោរកម្ម

រថយន្តបីគ្រឿងបុកបន្តកន្ទុយគ្នារងការខូចខាត តែសំណាងល្អមិនបណ្ដាលឲ្យមានអ្នករងរបួស

គ្រោះថ្នាក់ចរាចរណ៍លើផ្លូវជាតិលេខ៥ ក្នុងស្រុកមោងឫស្សី បណ្ដាលឲ្យមនុស្សស្លាប់ ៥នាក់

សត្វត្រកួតជិត២០ក្បាល ត្រូវបានមន្ត្រីជំនាញប្រលែងចូលព្រៃវិញ

កម្ពុជាបន្តរកឃើញមនុស្ស ១១១នាក់ឆ្លងកូវីដ-១៩ ខណៈអ្នកជំងឺ២៦៤នាក់ទៀត ត្រូវបានព្យាបាលជាសះស្បើយ

អ្នកជំងឺកូវីដ១៩ក្នុងខេត្តបាត់ដំបង កំពុងត្រូវបានផ្ទេរទៅកាន់មណ្ឌលព្យាបាលថ្មីនៅជាយដែន

ទឹកជំនន់នៅបន្ទាយមានជ័យ កាន់តែធូរស្បើយខណៈអាកាសធាតុមិនមានភ្លៀងធ្លាក់ខ្លាំងបន្ត

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

សន្តិសុខ និង សង្គម

នគរបាលឃាត់ខ្លួនជនសង្ស័យប្រុសស្រីចំនួន០៨នាក់ ពាក់ព័ន្ធករណីចោរកម្ម

រថយន្តបីគ្រឿងបុកបន្តកន្ទុយគ្នារងការខូចខាត តែសំណាងល្អមិនបណ្ដាលឲ្យមានអ្នករងរបួស

គ្រោះថ្នាក់ចរាចរណ៍លើផ្លូវជាតិលេខ៥ ក្នុងស្រុកមោងឫស្សី បណ្ដាលឲ្យមនុស្ស​ស្លាប់ ៥នាក់

សត្វត្រកួតជិត២០ក្បាល ត្រូវបានមន្ត្រីជំនាញប្រលែងចូលព្រៃវិញ

អ្នកជំងឺកូវីដ១៩ក្នុងខេត្តបាត់ដំបង កំពុងត្រូវបានផ្ទេរទៅកាន់មណ្ឌលព្យាបាលថ្មីនៅជាយដែន

ទឹកជំនន់នៅបន្ទាយមានជ័យ កាន់តែធូរស្បើយខណៈអាកាសធាតុមិនមានភ្លៀងធ្លាក់ខ្លាំងបន្ត

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

គ្រោះថ្នាក់ចរាចរណ៍លើផ្លូវជាតិលេខ៥ ក្នុងស្រុកមោងឫស្សី បណ្ដាលឲ្យមនុស្សស្លាប់ ៥នាក់