នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ក្រុមហ៊ុន TH Automotive Manufacturing Co., Ltd​ នឹង​សម្ពោធជាផ្លូវការ​ រោងចក្រផ្គុំ និងដំឡើងរថយន្តរបស់ខ្លួន​នៅកម្ពុជា​ ក្នុងឆ្នាំ២០២៦នេះ
ប្រធានគណៈកម្មាធិការគណបក្សខេត្តតាកែវ ណែនាំសមាជិកមូលដ្ឋានឱ្យយកចិត្ត​ទុកដាក់​បម្រើ​ពលរដ្ឋ
សម្ដេចតេជោ ណែនាំឱ្យដាក់បេក្ខភាពស្រ្ដីជាប់ឆ្នោតយ៉ាងតិចមួយឃុំមួយរូប និងមានស្ត្រីធ្វើស្មៀនឃុំ
សម្ដេចតេជោស្នើស្ថាប័នពាក់ព័ន្ធចាត់វិធានការភ្លាមៗចំពោះអ្នកប្រព្រឹត្តទង្វើអសីលធម៌លើបណ្ដាញសង្គម

នយោបាយ​ និង ការអភិវឌ្ឍន៍

កងទ័ពជើងទឹកម៉ិកស៊ិកព្រមានថា សារធាតុគីមី ប្រើប្រាស់បានពីរយ៉ាង អាចជំរុញឲ្យមានការជួញដូមេតំហ្វេតាមីន

2024/07/11 06:06:03 pm        222
Facebook Telegram Linkin
ទីក្រុងកំពង់ផែ ម៉ានហ្សានីលឡូ(Manzanillo) ស្ថិតនៅលើឆ្នេរសមុទ្រប៉ាស៊ីហ្វិករបស់ប្រទេសម៉ិកស៊ិក គឺជាកំពង់ផែធំបំផុតរបស់ប្រទេស។ កំពង់ផែនេះ ទទួលបានស្ទើរតែ ៦០% នៃការដឹកជញ្ជូនទូកុងតឺន័រ ដែលមកដល់ប្រទេសម៉ិកស៊ិក ជារៀងរាល់ថ្ងៃ។ មន្ត្រីកងទ័ពជើងទឹកប្រទេសម៉ិកស៊ិក ដែលធ្វើការនៅទីតាំងនេះមានការព្រួយបារម្ភកាន់តែខ្លាំងឡើងអំពីលំហូរនៃសារធាតុគីមីដែលគ្រប់គ្រងមិនបានល្អ ចូលទៅក្នុងកំពង់ផែ ដែលអាចត្រូវបានប្រើប្រាស់ដើម្បីផលិតថ្នាំញៀនសំយោគដូចជា មេតំហ្វេតាមីន និងហ្វង់តានីល ជាដើម។មន្ត្រីការពារកំពង់ផែបាននិយាយដោយមិនបញ្ចេញឈ្មោះថា ទីក្រុង Manzanillo ដោយសារទីតាំងយុទ្ធសាស្ត្ររបស់ទីក្រុង វាគឺជាបង្អួចសម្រាប់កំពង់ផែនៅអាស៊ី អាមេរិកខាងត្បូង និងអាមេរិកខាងជើង។ ក្រុមមន្ត្រី បានឃើញ ការកើនឡើងការនាំចូលសារធាតុគីមីប្រើប្រាស់បានពីរយ៉ាង ភាគច្រើនមកពីប្រទេសចិន ដែលត្រូវបានប្រើប្រាស់ដើម្បីផលិតទំនិញស្របច្បាប់ ដូចជាអាហារ ទឹកអប់ និងឱសថ។ ប៉ុន្តែសារធាតុគីមីដូចគ្នានេះ ក៏កើនឡើងទ្វេដងផងដែរជាសារធាតុ ដែលអាចផលិតថ្នាំញៀនសំយោគដូចជា មេតំហ្វេតាមីន និងហ្វង់តានីល។មន្ត្រីកងទ័ពជើងទឹកម្នាក់បាននិយាយថា បរិមាណដ៏ច្រើននៃសារធាតុគីមី ដែលប្រើប្រាស់បានពីរយ៉ាង ទាំងនេះ ត្រូវបានរកឃើញនៅក្នុងមន្ទីរពិសោធន៍គ្រឿងញៀនលួចលាក់។ មន្ត្រីម្នាក់នៅកំពង់ផែ Manzanillo បានចង្អុលទៅរកការដឹកជញ្ជូនពីប្រទេសចិន ដែលត្រូវបានរឹបអូសកាលពីខែមករា ដោយមានអាស៊ីតអាសេទិកទឹកកក៨៨តោន ជាសារធាតុគីមី មិនត្រូវបានគ្រប់គ្រង ត្រូវបានប្រើប្រាស់ក្នុងការផលិតថ្នាំញៀនមេតំហ្វេតាមីន ។មន្ត្រីកងទ័ពជើងទឹកម្នាក់ទៀតបាននិយាយថា សារធាតុដែលត្រូវបានរឹបអូសជាច្រើន ក៏ត្រូវបាននាំចូលដោយក្រុមហ៊ុន ក្នុងរដ្ឋ ចាលីស្កូ(Jalisco) និងរដ្ឋស៊ីណាឡូវ(Sinaloa) ប្រទេសម៉ិកស៊ិក។ ទាំងនេះគឺជាមូលដ្ឋានរបស់ក្រុមជួញដូរគ្រឿងញៀនធំបំផុតចំនួនពីររបស់ប្រទេសម៉ិកស៊ិក គឺក្រុម Sinaloa Cartel និងគូប្រជែងរបស់ខ្លួន គឺក្រុម Jalisco New Generation Cartel ។

កោះតៃវ៉ាន់ រាយការណ៍កំណើនសកម្មភាពទ័ពអាកាសចិន បន្ទាប់ពីនាវាផ្ទុកយន្តហោះបើកឆ្លងកាត់កោះ

2024/07/11 05:52:19 pm        235
Facebook Telegram Linkin
អាជ្ញាធរការពារជាតិកោះតៃវ៉ាន់ នៅថ្ងៃព្រហស្បតិ៍ (១១ កក្កដា) នេះ បានរាយការណ៍ថាខ្លួនបានរកឃើញការកើនឡើងនៃយន្តហោះយោធាចិន ដែលកំពុងប្រតិបត្តិការជុំវិញកោះនេះ បន្ទាប់ពីនាវាផ្ទុកយន្តហោះចិនមួយគ្រឿង បានបើកឆ្លងកាត់ទៅភាគខាងត្បូងនៃកោះតៃវ៉ាន់ តាមផ្លូវធ្វើសមយុទ្ធនៅសមុទ្រប៉ាស៊ីហ្វិក។កោះតៃវ៉ាន់ ដែលចិនចាត់ទុកជាទឹកដីរបស់ខ្លួន បានត្អូញត្អែរពីសកម្មភាពយោធាចិនម្តងហើយម្តងទៀតក្នុងរយៈពេល ៤ ឆ្នាំចុងក្រោយនេះ។ ប្រមុខអាជ្ញាធរការពារជាតិតៃវ៉ាន់ បាននិយាយកាលពីថ្ងៃពុធថា នាវាផ្ទុកយន្តហោះចិន សានតុង (Shandong) បានឆ្លងកាត់ជិតប្រទេសហ្វីលីពីន ក្នុងដំណើរឆ្ពោះទៅកាន់សមយុទ្ធប៉ាស៊ីហ្វិក។នៅក្នុងបច្ចុប្បន្នភាពប្រចាំថ្ងៃរបស់ខ្លួនអំពីសកម្មភាពយោធាចិនក្នុងរយៈពេល ២៤កន្លងមកនេះ ដែលចេញផ្សាយនៅព្រឹកថ្ងៃព្រហស្បតិ៍ កោះតៃវ៉ាន់បាននិយាយថា ខ្លួនបានរកឃើញយន្តហោះយោធាចិនចំនួន ៦៦ គ្រឿងដែលកំពុងប្រតិបត្តិការនៅជុំវិញកោះនេះ។ អាជ្ញាធរនេះបាននិយាយថា ក្នុងចំណោមនោះ មាន ៣៩ គ្រឿងបានឆ្លងទៅភាគខាងត្បូង និងភាគអាគ្នេយ៍នៃកោះ ហើយធ្លាប់និយាយមុននោះថា ខ្លួនបានរកឃើញយន្តហោះចំនួន ៣៦ គ្រឿងដែលកំពុងធ្វើដំណើរទៅកាន់ប៉ាស៊ីហ្វិកខាងលិច ដើម្បីធ្វើសមយុទ្ធជាមួយនាវាផ្ទុកយន្តហោះចិន សានតុង។ ក្រសួងការពារជាតិចិន មិនបានឆ្លើយតបទៅនឹងសំណើសុំការអត្ថាធិប្បាយលើសកម្មភាពរបស់នាវា សានតុង នោះទេ៕

ប្រភព៖ អាមេរិក នឹងបន្តដឹកជញ្ជូនគ្រាប់បែកទម្ងន់ជាង ២០០គីឡូក្រាមទៅឱ្យអ៊ីស្រាអែល

2024/07/11 05:48:59 pm        319
Facebook Telegram Linkin
មន្ត្រីអាមេរិកមួយរូបបាននិយាយកាលពីថ្ងៃពុធ (១០ កក្កដា) ថា រដ្ឋបាលរបស់លោកប្រធានាធិបតី ចូ បៃដិន (Joe Biden) នឹងបន្តដឹកជញ្ជូនគ្រាប់បែកទម្ងន់ ៥០០ ផោន (ជាង ២២៦ គីឡូក្រាម) ទៅឱ្យអ៊ីស្រាអែល ប៉ុន្តែនឹងបន្តរារាំងការផ្គត់ផ្គង់គ្រាប់បែកទម្ងន់ ២.០០០ ផោន (ជាង ៩០៧ គីឡូក្រាម) ជុំវិញការព្រួយបារម្ភថាអ៊ីស្រាអែល អាចនឹងប្រើប្រាស់គ្រាប់បែកធុនធ្ងន់ទាំងនោះនៅក្នុងតំបន់ហ្កាហ្សា ដែលមានប្រជាជនរស់នៅច្រើន។សហរដ្ឋអាមេរិក កាលពីខែឧសភា បានផ្អាកការដឹកជញ្ជូនគ្រាប់បែកទម្ងន់ ២.០០០ ផោន និង ៥០០ ផោននេះ ដោយសារតែការបារម្ភពីផលប៉ះពាល់ដែលគ្រឿងយុទ្ធោបករណ៍ទាំងនោះអាចបង្កនៅក្នុងតំបន់ហ្កាហ្សា។ ការព្រួយបារម្ភជាពិសេសរបស់រដ្ឋបាលលោក បៃដិន គឺការប្រើប្រាស់គ្រាប់បែកដ៏ធំបែបនេះនៅក្នុងទីក្រុងរ៉ាហ្វា (Rafah) ជាទីដែលប្រជាជនប៉ាឡេស្ទីនជាងមួយលាននាក់បានភៀសខ្លួន។គ្រាប់បែកទម្ងន់ ២.០០០ ផោនមួយគ្រាប់អាចច្រៀកបេតុង និងដែកក្រាស់ៗជាបំណែកៗ បង្កើតបានជាកាំផ្ទុះ (ទំហំនៃការផ្ទុះ) យ៉ាងធំទូលាយ។ មន្ត្រីអាមេរិកនិយាយថា គ្រាប់បែកទម្ងន់ ៥០០ ផោនត្រូវបានដាក់បញ្ចូលក្នុងការដឹកជញ្ជូនជាមួយគ្នានឹងគ្រាប់បែបធំៗដែលត្រូវបានផ្អាកទាំងនោះ ដូច្នេះហើយទើបគ្រាប់បែកទាំងអស់ត្រូវផ្អាកដឹកស្របគ្នា។ អាមេរិក បានជូនដំណឹងដល់អ៊ីស្រាអែលថាខ្លួនកំពុងបញ្ចេញគ្រាប់បែកទម្ងន់ ៥០០ ផោន ប៉ុន្តែនៅតែផ្អាកគ្រាប់បែកធំៗដដែល។កាលពីខែមិថុនា នាយករដ្ឋមន្ត្រីអ៊ីស្រាអែល លោក បេនចាមីន ណាតាន់យ៉ាហ៊ូ (Benjamin Netanyahu) បានអះអាងថា ទីក្រុងវ៉ាស៊ីនតោនកំពុងដកហូតអាវុធ ហើយបានអង្វរករមន្ត្រីអាមេរិកឱ្យដោះស្រាយស្ថានការណ៍។ មន្រ្តីជំនិតរបស់លោក Biden បានសម្តែងការខកចិត្តចំពោះការលើកឡើងរបស់មេដឹកនាំអ៊ីស្រាអែលរូបនេះ៕

លោកZelenskyy៖ ពិភពលោកមិនអាចរង់ចាំរហូតដល់ការបោះឆ្នោតអាមេរិកក្នុងខែវិច្ឆិកា ដើម្បីចាត់វិធានការបណ្ដេញ Putin បានឡើយ

2024/07/11 05:46:25 pm        237
Facebook Telegram Linkin
លោកប្រធានាធិបតីអ៊ុយក្រែន Volodymyr Zelenskyy បាននិយាយកាលពីថ្ងៃអង្គារថា ត្រូវតែចាត់វិធានការយ៉ាងម៉ឺងម៉ាត់មុនការបោះឆ្នោតប្រធានាធិបតីអាមេរិកក្នុងខែវិច្ឆិកា ដើម្បីទប់ទល់ការវាយលុករបស់រុស្ស៊ីលើប្រទេសលោក ដោយប្រើសុន្ទរកថាមួយនៅខាងក្រៅកិច្ចប្រជុំកំពូលរបស់អង្គការណាតូដើម្បីជំរុញឱ្យមានការគាំទ្រកាន់តែខ្លាំងក្នុងអំឡុងពេលវេលាដ៏សំខាន់នេះ ប៉ុន្តែពេលនេះនយោបាយមានភាពច្របូកច្របល់នៅក្នុងសហរដ្ឋអាមេរិក។ លោក Zelenskyy បាននិយាយថា ត្រូវដើរចេញពីស្រមោលក្នុងការសម្រេចចិត្តដ៏រឹងមាំដើម្បីចាត់វិធានការ និងមិនរង់ចាំដល់ខែវិច្ឆិកា ឬខែផ្សេងទៀតឡើយ។ យើងត្រូវតែរឹងមាំ និងគេចចេញភាពមិនចុះសម្រុងគ្នា។ ថ្លែងក្នុងទីក្រុងវ៉ាស៊ីនតោន បួនខែមុនការបោះឆ្នោត ហ៊ុមព័ទ្ធដោយភាពមិនច្បាស់លាស់ថ្មី បន្ទាប់ពីការជជែកដេញដោលមិនល្អរបស់លោកប្រធានាធិបតី Joe Biden លោកបានសំដៅលើសាររបស់លោកទៅកាន់គណបក្សសាធារណរដ្ឋ ដែលមេដឹកនាំរបស់អង្គការ NATO រំពឹងថា បក្សនេះអាចឈ្នះតំណែងប្រធានាធិបតីក្នុងការបោះឆ្នោតឆ្នាំនេះ។ លោក Zelenskyy បានបន្ថែមថា ប្រធានាធិបតីសហរដ្ឋអាមេរិក ត្រូវតែលុបបំបាត់ភាពមិនចុះសម្រុងក្នុងការការពារលទ្ធិប្រជាធិបតេយ្យ ក៏ដូចជាទប់ទល់នឹងប្រធានាធិបតីរុស្ស៊ី Vladimir Putin៕

អេហ្ស៊ីប៖ ការចរចាកំពុងដំណើរការជាមួយលីបង់ និងអ៊ីស្រាអែល ដើម្បីបញ្ចៀសការប្រឈមមុខដាក់គ្នា

2024/07/11 05:43:07 pm        234
Facebook Telegram Linkin
រដ្ឋមន្ត្រីការបរទេសអេហ្ស៊ីប បាននិយាយកាលពីថ្ងៃពុធ ទី១០ កក្កដា ថា ការចរចា កំពុងដំណើរការជាមួយភាគីប្រទេសលីបង់ និងអ៊ីស្រាអែល ដើម្បីបញ្ចៀសការជាប់ពាក់ព័ន្ធដោយផ្ទាល់ទាំងអស់ក្នុងការប្រឈមមុខដាក់គ្នា។នៅក្នុងសន្និសីទសារព័ត៌មានរួមជាមួយសមភាគីប្រទេសហ្ស៊កដានី រដ្ឋមន្ត្រីការបរទេសអេហ្ស៊ីប លោក បាដ អាប់ដែលឡាតទី(Badr Abdelatty) បាននិយាយថា ជំនួបកាលពីនាពេលថ្មីៗនេះ មានគោលបំណងបញ្ឈប់ «សេណារីយ៉ូដ៏ធ្ងន់ធ្ងរ» នៅលើសមរភូមិប្រទេសលីបង់។ក្រុមហេសបូឡា បានចាប់ផ្តើមការបាញ់ផ្លោងទៅលើគោលដៅរបស់អ៊ីស្រាអែល នៅតាមព្រំដែន ដើម្បីគាំទ្រដល់ប៉ាឡេស្ទីន បន្ទាប់ពីក្រុមហាម៉ាស់ដែលជាសម្ព័ន្ធមិត្តរបស់ខ្លួន បានបើកការវាយប្រហារ កាលពីថ្ងៃទី ៧ ខែតុលា ទៅលើអ៊ីស្រាអែល ដែលបង្កឱ្យមានសង្រ្គាមនៅតំបន់ហ្កាហ្សា។ក្រុមនេះ បានចាត់ទុកការវាយប្រហាររបស់ខ្លួនម្តងហើយម្តងទៀតថាជា «សមរភូមិគាំទ្រ» ក្នុងគោលបំណងធ្វើឲ្យធនធានយោធារបស់អ៊ីស្រាអែលចេញឆ្ងាយពីតំបន់ហ្កាហ្សា និងគាំទ្រប៉ាឡេស្ទីន។ប្រជាជនអ៊ីស្រាអែល និងលីបង់ រាប់ម៉ឺននាក់ត្រូវបានបង្ខំឱ្យជម្លៀសខ្លួនចេញពីតំបន់នៅជុំវិញព្រំដែនរវាងប្រទេសទាំងពីរ ហើយអ្នកសង្កេតការណ៍អន្តរជាតិ បានព្រមានក្នុងប៉ុន្មានសប្តាហ៍ថ្មីៗនេះអំពីហានិភ័យនៃជម្លោះកាន់តែរីកធំ។

នាវាពិឃាតកងទ័ពជើងទឹកជប៉ុន ចូលក្នុងដែនទឹកចិន ក្បែរកោះតៃវ៉ាន់ ដែលធ្វើឱ្យក្រុងប៉េកាំង ព្រួយបារម្ភ

2024/07/11 05:37:42 pm        228
Facebook Telegram Linkin
ប្រព័ន្ធផ្សព្វផ្សាយជប៉ុនបានរាយការណ៍កាលពីយប់ថ្ងៃពុធ (១០ កក្កដា) ថា នាវាពិឃាតរបស់កងទ័ពជើងទឹកជប៉ុនមួយគ្រឿង បានចូលទៅក្នុងដែនទឹករបស់ប្រទេសចិន នៅជិតកោះតៃវ៉ាន់ កាលពីដើមខែនេះ ដោយមិនជូនដំណឹងដល់ចិន និងបង្កឱ្យមាន «ក្តីបារម្ភយ៉ាងធ្ងន់ធ្ងរ» ពីទីក្រុងប៉េកាំង។ទីភ្នាក់ងារសារព័ត៌មាន ខ្យូដូ (Kyodo) បាននិយាយដោយដកស្រង់ប្រភពការទូតថា នាវាពិឃាតរបស់កងកម្លាំងស្វ័យការពារដែនសមុទ្រជប៉ុន ស៊ូហ្ស៊ូសុគិ (Suzutsuki) បានធ្វើដំណើរចូលទៅក្នុងដែនទឹករបស់ប្រទេសចិន ពីខេត្ត ជឺជាំង (Zhejiang) កាលពីថ្ងៃទី០៤ ខែកក្កដា ជាទីដែលចិនបានប្រកាសថាខ្លួននឹងធ្វើសមយុទ្ធកងទ័ពជើងទឹក។ទូរទស្សន៍ NTV បានរាយការណ៍ដោយដកស្រង់ប្រភពពីក្រសួងការពារជាតិជប៉ុនថា នាវា ស៊ូហ្ស៊ូសុគិ ដែលមានភារកិច្ចត្រួតពិនិត្យសមយុទ្ធមីស៊ីលរបស់ចិន នៅសមុទ្រចិនខាងកើត ភាគខាងជើងនៃកោះតៃវ៉ាន់ បានចូលទៅក្នុងដែនទឹកនោះដោយមិនជូនដំណឹងដល់ប្រទេសចិន។ សារព័ត៌មានក្យូដូបាននិយាយថា នាវាពិឃាតបានធ្វើដំណើរក្នុងចម្ងាយ ២២ គីឡូម៉ែត្រពីឆ្នេរសមុទ្រ ជឺជាំង ប្រហែល ២០ នាទី បើទោះបីជាមានការព្រមានពីនាវាចិនក៏ដោយ ហើយទីក្រុងប៉េកាំង បានសម្តែងនូវ «ការព្រួយបារម្ភយ៉ាងខ្លាំង» ដល់ទីក្រុងតូក្យូ។សារព័ត៌មានដដែលនោះបានបន្ថែមថា ក្រសួងការពារជាតិជប៉ុន បានបើកការស៊ើបអង្កេតមួយដោយធ្វើការសាកសួរកាពីទែននាវាពិឃាត ស៊ូហ្ស៊ូសុគិ ហើយចេតនារបស់នាវិកក្នុងបើកចូលដែនទឹកចិននេះនៅតែមិនច្បាស់លាស់៕

ហុងគ្រី មើលឃើញឱកាសសន្តិភាពសម្រាប់អ៊ុយក្រែន ប្រសិនបើលោក Trump ឈ្នះឆ្នោត

2024/07/11 05:33:08 pm        248
Facebook Telegram Linkin
រដ្ឋមន្ត្រីការបរទេសប្រទេសហុងគ្រី លោក ភីតធើ ហ្ស៊ីចាតូ (Peter Szijjarto) បាននិយាយកាលពីថ្ងៃពុធ (១០ កក្កដា) ថា ប្រទេសហុងគ្រី មើលឃើញថាលទ្ធភាពនៃការវិលត្រឡប់គ្រប់គ្រងតំណែងរបស់អតីតប្រធានាធិបតីអាមេរិក លោក ដូណាល់ ត្រាំ (Donald Trump) គឺជា «ឱកាសសន្តិភាព» នៅអ៊ុយក្រែន ខណៈសម្ព័ន្ធមិត្តអង្គការណាតូ ភាគច្រើនសង្ឃឹមថានឹងផ្ញើសារយ៉ាងម៉ឺងម៉ាត់ចំពោះការគាំទ្រដល់ទីក្រុងគីវ។នាយករដ្ឋមន្ត្រីហុងគ្រី លោក វីកទ័រ អ័បាន (Viktor Orban) បានទៅបំពេញទស្សនកិច្ចនៅទីក្រុងមូស្គូ កាលពីសប្តាហ៍មុន នៅក្នុងអ្វីដែលលោកហៅថាបេសកកម្មសន្តិភាព ប៉ុន្តែគំនិតផ្តួចផ្តើមនេះបានធ្វើឱ្យសម្ព័ន្ធមិត្តណាតូមួយចំនួនខឹងសម្បារ ដោយនិយាយថា ដំណើរនេះបានផ្តល់ភាពស្របច្បាប់ដល់ការទាមទាររបស់ប្រធានាធិបតីរុស្ស៊ី លោក វ្ល៉ាឌីមៀ ពូទីន (Vladimir Putin) លើទឹកដីអ៊ុយក្រែន ដែលខ្លួនបានរឹបអូសចាប់តាំងពីប្រតិបត្តការយោធាឆ្នាំ២០២២។នៅក្នុងបទសម្ភាសន៍ជាមួយរ៉យទ័រ ក្នុងទីក្រុងវ៉ាស៊ីនតោន លោក ហ្ស៊ីចាតូ បាននិយាយថា គោលបំណងរបស់ហុងគ្រី គឺដើម្បីបញ្ចប់សង្រ្គាមតាមរយៈការចរចាសន្តិភាពដែលពាក់ព័ន្ធទាំងរុស្ស៊ី និងអ៊ុយក្រែន។ លោកនិយាយថា «យើងគិតថាគួរតែមានឥទ្ធិពលពីខាងក្រៅដ៏ខ្លាំងក្លាដើម្បីបង្ខំឱ្យភាគីជម្លោះចរចាគ្នា។ នោះមានតែលោក Trump ទេដែលអាចធ្វើបាន ប្រសិនបើលោកជាប់ឆ្នោត»។លោក Trump បាននិយាយថាលោកនឹងបញ្ចប់សង្រ្គាមយ៉ាងឆាប់រហ័ស ប៉ុន្តែមិនបានផ្តល់នូវផែនការលម្អិតថាធ្វើបែបណាទើបអាចសម្រេចបាននូវរឿងនោះទេ ប៉ុន្តែសារព័ត៌មានរ៉យទ័រ បានរាយការណ៍កាលពីខែមុនថា ទីប្រឹក្សារបស់អតីតប្រធានាធិបតីរូបនេះ បានបង្ហាញផែនការបញ្ចប់សង្រ្គាមដោយផ្នែក ដោយលក្ខខណ្ឌកាត់ផ្ដាច់ជំនួយនាពេលអនាគតដល់ទីក្រុងគីវ ប្រសិនបើអ៊ុយក្រែន មិនចូលរួមក្នុងកិច្ចចរចាសន្តិភាព៕

ចិនប្រឆាំងចំពោះសម្ព័ន្ធយោធាណាតូ ដែលបង្កជម្លោះ និងការប្រឈមដាក់គ្នានៅអាស៊ី-ប៉ាស៊ីហ្វិក

2024/07/11 05:08:01 pm        208
Facebook Telegram Linkin
ក្រសួងការបរទេសចិនកាលពីថ្ងៃពុធសប្ដាហ៍នេះ បាននិយាយថា ប្រទេសចិនប្រឆាំងចំពោះការបង្កជម្លោះឬការប្រឈមដាក់គ្នាពីសំណាក់អង្គការសន្ធិសញ្ញាអាត្លង់ទិកខាងជើង (NATO) នៅក្នុងតំបន់អាស៊ី-ប៉ាស៊ីហ្វិក។នៅឯសន្និសីទសារព័ត៌មានប្រចាំថ្ងៃ លោក លីន ជៀន (Lin Jian) អ្នកនាំពាក្យក្រសួងខាងលើបាននិយាយថា យើងប្រឆាំងយ៉ាងម៉ឺងម៉ាត់ចំពោះសកម្មភាពហួសព្រំដែនរបស់ណាតូ ក្នុងនាមជាសម្ព័ន្ធមិត្តការពារក្នុងតំបន់ ហើយបានលូកចូលមកដល់តំបន់អាស៊ី-ប៉ាស៊ីហ្វិក ដើម្បីបង្កជម្លោះ និងការប្រឈមដាក់គ្នា និងធ្វើឱ្យប៉ះពាល់ដល់ភាពរ៉ុងរឿង និងស្ថិរភាពក្នុងតំបន់ ។ លោក Lin បាននិយាយថា យើងណែនាំឲ្យអង្គការណាតូធ្វើបន្ថែមទៀតសម្រាប់សន្តិភាព ស្ថិរភាព និងសន្តិសុខពិភពលោក។អ្នកនាំពាក្យរូបនេះបានធ្វើអត្ថាធិប្បាយនៅពេលត្រូវបានសួរអំពីការរំពឹងទុករបស់ចិនសម្រាប់កិច្ចប្រជុំកំពូលខួបលើកទី ៧៥ ឆ្នាំ របស់សម្ព័ន្ធយោធាណាតូនៅទីក្រុងវ៉ាស៊ីនតោនឌីស៊ី ចាប់ពីថ្ងៃអង្គារដល់ថ្ងៃព្រហស្បតិ៍សប្ដាហ៍នេះ៕

ប្រជាប្រិយភាពរបស់លោក Biden បានធ្លាក់ចុះច្រើនជាងការរំពឹងទុក បន្ទាប់ពីការជជែកដេញដោលទល់នឹងលោក Trump

2024/07/11 04:57:28 pm        321
Facebook Telegram Linkin
ប្រជាប្រិយភាពរបស់លោក Biden បានធ្លាក់ចុះខ្លាំងជាងការរំពឹងទុកបន្ទាប់ពីការជជែកដេញដោលទល់នឹងលោក Donald Trump ខណៈលោកស្រី Kamala Harris អនុប្រធានាធិបតី និងអាចជាអ្នកជំនួសតំណែងប្រធានាធិបតីដ៏លេចធ្លោរ ប្រសិនបើគណបក្សប្រជាធិបតេយ្យប្តូរបេក្ខជន ទទួលបានលទ្ធផលការយល់ឃើញខុសគ្នា ក្នុងករណីកំណត់ឲ្យទប់ទល់នឹងលោកTrump។ ទាំងនោះគឺជាការពិតដ៏សំខាន់ៗរបស់អ្នកវិភាគពីការស្ទង់មតិថ្មីជិតពីរសប្តាហ៍បន្ទាប់ពីការជជែកដេញដោល ខណៈលោក Biden បានបន្តប្រឆាំងនឹងការអំពាវនាវឱ្យបោះបង់ចោលការប្រកួតប្រជែងណាណត្តិថ្មីពីក្នុងបក្សរបស់លោក ហើយប្រជាជនអាមេរិកភាគច្រើននិយាយថាលោកគួរតែបោះបង់ដោយសារតែបារម្ភអំពីវ័យ និងសុខភាពរបស់លោក។ លោក ម៉ាក មួរ៉េ(Mark Murray) និពន្ធនាយកសារព័ត៌មានខាងនយោបាយជាន់ខ្ពស់នៅទូរទស្សន៍NBC News បានកត់សម្គាល់ថាប្រធានាធិបតីវ័យ៨១ ឆ្នាំកំពុងតាមពីក្រោយលោក Trump នៅក្នុងការស្ទង់មតិ ទាំងនៅក្នុងប្រទេស និង រដ្ឋដែលមានការប្រទាញប្រទង់គ្នា នៅមុនការជជែកដេញដោល ក្នុងទីក្រុងអាល្លង់តា កាលពីថ្ងៃទី២៧ខែមិថុនា។ នៅក្នុងការស្ទង់មតិដែលបានធ្វើឡើងចាប់តាំងពីពេលនោះមក លោក មួរ៉េ បានកត់សម្គាល់ថា លោកBiden កំពុងតាមពីក្រោយ មួយទៅពីរពិន្ទុបន្ថែមទៀតនៅក្នុងការស្ទង់មតិមួយចំនួន ប៉ុន្តែការស្ទង់មតិនេះ នៅតែអាចមានកែប្រួល។ តាមការស្ទង់មតិបង្ហាញថា លោក Biden មានសន្ទុះគាំទ្រចាញ់លោក Trump ពោលគឺ លោក Trump ទទួលបានការគាំទ្រ៤៦% ហើយលោក Biden ទទួលបាន៤៣%៕

សម្ដេចតេជោជួបសំណេះសំណាលជាមួយមន្ត្រីដឹកនាំវ័យក្មេងគណបក្សជាប់ព្រំដែនកម្ពុជា-វៀតណាម-ឡាវ

2024/07/10 10:39:26 pm        425
Facebook Telegram Linkin
សម្តេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា អញ្ជើញ​ជួប​សំណេះ​សំណាល​ជាមួយ សិក្ខាកាមកម្មវិធីបណ្តុះប​ណ្តាល​មន្ត្រី​ដឹក​នាំ​វ័យ​ក្មេង​គណបក្ស​ជាប់​ព្រំដែន កម្ពុជា-វៀតណាម-ឡាវ នៅវិមាន៧មករា ថ្ងៃទី១០ ខែកក្កដា ឆ្នាំ២០២៤។ការជួបសំណេះសំណាលនាពេលនេះ គឺបាន​បញ្ជាក់​យ៉ាង​ច្បាស់​អំពី​ការ​យក​ចិត្ត​ទុក​ដាក់​ដ៏ខ្ពង់​ខ្ពស់​របស់សម្តេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា ចំ​ពោះ​វគ្គ​បណ្តុះបណ្តាលថ្នាក់ដឹកនាំវ័យក្មេងគណបក្សជាប់ព្រំដែន កម្ពុជា-ឡាវ-វៀតណាម និង​សិក្ខា​កាម​ ក៏ដូចជាធ្វើឱ្យទំនាក់ទំនងមិត្តភាព សាមគី្គភាពជាប្រពៃណី កិច្ចសហប្រតិបត្តិការ​គ្រប់​ជ្រុង​ជ្រោយ​ រឹងមាំ យូរអង្វែងរវាងគណបក្សនៃប្រទេសទាំងបី កម្ពុជា ឡាវ ​និង​វៀតណាម​កាន់​តែ​ប្រសើរ​ឡើង​ថែមទៀត។សូមបញ្ជាក់ថា តាមការឯកភាពគ្នាជាឯកច្ឆ័ន ពីប្រមុខដឹកនាំនៃគណៈបក្សទាំងបី គឺសម្ដេចអគ្គ​មហា​សេនា​បតីតេជោ ហ៊ុន សែន ប្រធានគណបក្សប្រជាជនកម្ពុជា ឯកឧត្តម ថងលុន ស៊ីសូលីត អគ្គ​លេខាធិការបក្សប្រជាជនបដិវត្តន៍ឡាវ និងឯកឧត្តម ង្វៀន ហ្វូជុង អគ្គ​លេខា​ធិការ​មជ្ឈិម​បក្ស​កុម្មុយ​និស្តវៀតណាម កាលពីថ្ងៃទី២៦ ខែកញ្ញា ឆ្នាំ ២០២១ គណបក្សប្រជាជន​កម្ពុជា​រៀបចំ​វគ្គ​បណ្ដុះ​បណ្ដាល​ថ្នាក់ដឹកនាំវ័យក្មេងគណបក្ស ខេត្តជាប់ព្រំដែន នៃប្រទេសទាំងបី ជាលើក​ទី២​ នៅ​ព្រះរាជាណាចក្រកម្ពុជា ចាប់ពីថ្ងៃទី១ដល់ថ្ងៃទី១០ ខែកក្កដា ឆ្នាំ២០២៤។វគ្គបណ្តុះ​បណ្តាលថ្នាក់ដឹកនាំវ័យក្មេងគណបក្សជាប់ព្រំដែន កម្ពុជា-ឡាវ-វៀតណាម ដើរតួនាទី​យ៉ាង​សំខាន់​ក្នុងការបណ្តុះថ្នាលយុវជនឆ្នើម ដើម្បីចូលរួម​កាន់​តែ​សកម្មថែម​ទៀត​ក្នុង​ការ​អភិវឌ្ឍ​ប្រទេសជាតិ និងពង្រឹងចំណងមិត្តភាព សាមគ្គីភាព និងកិច្ចសហប្រតិបត្តិការ ដើម្បី​វឌ្ឍនភាព​ និង​វិបុលភាពសម្រាប់ប្រជាជននៃប្រទេសយើងទាំងបី និងបណ្តា​ប្រទេស​ក្នុង​មហា​អនុ​តំបន់​ទន្លេ​មេគង្គ ទទួលបានបទពិសោធន៍ពីវគ្គបណ្តុះបណ្តាលថ្នាក់ដឹកនាំវ័យក្មេង និង​បាន​ឃើញ​ជាក់​ស្តែង​នូវ​សមិទ្ធ​ផលសង្គមជាតិ។នៅចុងបញ្ចប់នៃកិច្ចជួបសំណេះសំណាល សម្ដេចតេជោ ប្រធានគណបក្សប្រជាជនកម្ពុជា បាន​អញ្ជើញ​ថតរូបអនុស្សាវរីយ៍ជាមួយ សិក្ខាកាមនៃប្រទេសទាំង៣ ប្រកប​ដោយ​បរិយាកាស​សប្បា​យ​រីករាយ​៕

បណ្ដាញសង្គម

ព័ត៌មានថ្មីៗ

ផ្ទះទេវតាទី៣៣៨ មួយខ្នងទៀតដោយមានភ្ជាប់ប្រព័ន្ធភ្លើងសូឡា និងទឹកស្អាត ត្រូវបានលោកជំទាវ ហ៊ុន ម៉ាណា ប្រគល់ជូនពលរដ្ឋខ្វះខាតជីវភាព នៅខេត្តកំពង់ធំ
08/23/2026 05:08 PM
Facebook Telegram Linkin
លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អញ្ជើញវឌ្ឍនភាព និងការចាប់ផ្តើមអនុវត្ត “កម្មវិធីលើកកម្ពស់ជីវភាពគ្រួសារយុទ្ធជន តាមរយៈគំរូផលិតកម្មកសិកម្មទំនើប”
08/23/2026 04:08 PM
Facebook Telegram Linkin
លោកជំទាវ ឌី សុខីទីឃាយុកោ ហ៊ុន ម៉ានិត អញ្ជើញប្រគល់អណ្តូងទឹកស្អាត ១០ កន្លែង ជូនប្រជាពលរដ្ឋក្នុងឃុំមានជ័យ ស្រុកឈូក ខេត្តកំពត
08/23/2026 04:08 PM
Facebook Telegram Linkin
ក្រសួងការងារ៖ ខេត្តកំពង់ស្ពឺមានឱកាសការងារជិត ២ម៉ឺនកន្លែងកំពុងរង់ចាំអតីតពលករត្រឡប់មកពីថៃ និងអ្នកកំពុងស្វែងរកការងារធ្វើ
08/23/2026 04:08 PM
Facebook Telegram Linkin
ចង់ក្លាយជាអ្នកជំនាញអគ្គិសនី? ឱកាសអាហារូបករណ៍ រៀនជំនាញទំនើប អនុវត្តជាក់ស្តែង រៀនចប់ឆាប់មានការងារធ្វើ រៀននៅវិទ្យាស្ថានពហុបច្ចេកទេសតេជោសែនស្វាយរៀង
08/23/2026 04:08 PM
Facebook Telegram Linkin
ACU នឹងបញ្ជូនមន្ត្រីក្រសួងការបរទេសចំនួន ៣រូប ទៅតុលាការនៅរសៀលនេះ
08/23/2026 03:08 PM
Facebook Telegram Linkin
ក្រសួងការងារ៖ ខេត្ត៤ជាប់សមុទ្រមានឱកាសការងារជិត ២ពាន់កន្លែងកំពុងរង់ចាំអតីតពលករត្រឡប់មកពីថៃ និងអ្នកកំពុងស្វែងរកការងារធ្វើ
08/23/2026 03:08 PM
Facebook Telegram Linkin
ក្រសួងការងារ៖ ខេត្តតាកែវមានឱកាសការងារជាង ៦ពាន់កន្លែង កំពុងរង់ចាំអតីតពលករត្រឡប់មកពីថៃ និងអ្នកកំពុងស្វែងរកការងារធ្វើ
08/23/2026 03:08 PM
Facebook Telegram Linkin
មនុស្ស ២នាក់ ត្រូវបានសង្រ្គោះ និងមនុស្ស ២២នាក់ បាត់ខ្លួន ក្រោយនាវាដឹកទំនិញលិចនៅជិតតំបន់ឆ្នេរប្រទេសឥណ្ឌា
08/23/2026 03:08 PM
Facebook Telegram Linkin
ជនជាតិម៉ិកស៊ិក ៣៦៥នាក់ ត្រូវបាននិរទេសចេញពីអាមេរិកទៅកាន់ហុងឌូរ៉ាស
08/23/2026 03:08 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.