BTV NEWS

ក្រុមហ៊ុន TH Automotive Manufacturing Co., Ltd នឹងសម្ពោធជាផ្លូវការ រោងចក្រផ្គុំ និងដំឡើងរថយន្តរបស់ខ្លួននៅកម្ពុជា ក្នុងឆ្នាំ២០២៦នេះ

ប្រធានគណៈកម្មាធិការគណបក្សខេត្តតាកែវ ណែនាំសមាជិកមូលដ្ឋានឱ្យយកចិត្តទុកដាក់បម្រើពលរដ្ឋ

សម្ដេចតេជោ ណែនាំឱ្យដាក់បេក្ខភាពស្រ្ដីជាប់ឆ្នោតយ៉ាងតិចមួយឃុំមួយរូប និងមានស្ត្រីធ្វើស្មៀនឃុំ

សម្ដេចតេជោស្នើស្ថាប័នពាក់ព័ន្ធចាត់វិធានការភ្លាមៗចំពោះអ្នកប្រព្រឹត្តទង្វើអសីលធម៌លើបណ្ដាញសង្គម

នយោបាយ និង ការអភិវឌ្ឍន៍

សម្តេចធិបតី និងលោកជំទាវបណ្ឌិត បន្តឧបត្ថម្ភស្បៀងអាហារ ជូនដល់តំបន់ប្រតិបត្តិការសឹករងកំពង់ធំ យោធិភូមិភាគទី៤

កំពង់ធំ ៖ នាថ្ងៃទី១០ ខែកក្កដា ឆ្នាំ២០២៤ ឯកឧត្តមនាយឧត្តមសេនីយ៍ គឹម ប៊ុនថាន រដ្ឋមន្ត្រីប្រតិភូអមនាយករដ្ឋមន្ត្រី បាននាំយកស្បៀងអាហារ និងគ្រឿងឧបភោគបរិភោគ ដែលជាអំណោយដ៏ថ្លៃថ្លារបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា និងលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ទៅប្រគល់ជូនតំបន់ប្រតិបត្តិការសឹករងកំពង់ធំ យោធភូមិភាគទី៤ កងទ័ពជើងគោក ដើម្បីធ្វើសកម្មភាពមនុស្សធម៌ចែកជូនដល់អតីតយុទ្ធជន គ្រួសារយោធិន និងប្រជាពលរដ្ឋក្នុងមូលដ្ឋានដែលមានការខ្វះខាត និងជួបគ្រោះមហន្តរាយផ្សេងៗ តាមរយៈឧត្ដមសេនីយ៍ទោ សោម ស៊ុន មេបញ្ជាការតំបន់ប្រតិបត្តិការសឹករងកំពង់ធំ។

ឯកឧត្តម លឹម ស៊ីដេនីន ចុះពិនិត្យទីតាំងសម្រាប់ត្រៀមរៀបចំពិធីប្រសិទ្ធនាមឈ្មោះផ្លូវ មហាវិថី ស៊ី ជីនពីង ដែលគ្រោងនឹងប្រព្រឹត្តទៅនាពេលឆាប់ៗខាងមុខនេះ

ភ្នំពេញ៖ នាព្រឹកថ្ងៃពុធ ទី១០ ខែកក្កដា ឆ្នាំ២០២២ ឯកឧត្តម លឹម ស៊ីដេនីន រដ្ឋលេខាធិការ ក្រសួងសាធារណការ និងដឹកជញ្ជូន បានអញ្ជើញចុះពិនិត្យទីតាំងសម្រាប់ត្រៀមរៀបចំពិធីប្រសិទ្ធនាមឈ្មោះផ្លូវ មហាវិថី ស៊ី ជីនពីង ដឹកនាំដោយ ឯកឧត្តមសន្ដិបណ្ឌិត យូ ស៊ុនឡុង រដ្ឋមន្ដ្រីប្រតិភូអមនាយករដ្ឋមន្ដ្រី និងជានាយករងខុទ្ទកាល័យសម្ដេចមហាបវរធិបតីនាយករដ្ឋមន្ដ្រី ដោយមានការចូលរួមផងដែរពីអាជ្ញាធរមានសមត្ថកិច្ច រួមទាំងមន្ត្រីជំនាញពាក់ព័ន្ធក្នុងគម្រោង ក្នុងគោលបំណងធានាឱ្យដំណើរការកម្មវិធីខាងលើអាចប្រព្រឹត្តទៅបានយ៉ាងរលូនតាមផែនការ ដែលបានគ្រោងទុក។ពិធីប្រសិទ្ធនាមឈ្មោះផ្លូវនេះ នឹងត្រូវរៀបចំឡើងក្នុងឱកាសអបអរសាទរខួបអនុស្សាវរីយ៍ លើកទី៦៦ នៃការបង្កើតទំនាក់ទំនងការទូតរវាងកម្ពុជា-ចិន ដែលគ្រោងប្រព្រឹត្តទៅនៅថ្ងៃទី១៩ កក្កដា ២០២៤ ក្រោមអធិបតីភាព ឯកឧត្តម ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា តំណាងដ៏ខ្ពង់ខ្ពស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា។បន្ទាប់ពីបានចុះពិនិត្យរួចរាល់ ឯកឧត្តមរដ្ឋមន្ត្រីប្រតិភូ បានសម្រេចជ្រើសរើសយកទីតាំងសម្រាប់រៀបចំពិធីប្រសិទ្ធនាមឈ្មោះផ្លូវ មហាវិថី ស៊ី ជីនពីង នៅភូមិជម្ពូវ័ន្ត២ សង្កាត់ចោមចៅ៣ ខណ្ឌពោធិ៍សែនជ័យ រាជធានីភ្នំពេញ ស្ថិតនៅចំណុចរង្វង់មូល ក្បែរផ្លូវជាតិលេខ៤។ ថ្លែងក្នុងឱកាសចុះពិនិត្យនេះ ឯកឧត្តមរដ្ឋលេខាធិការ បានណែនាំឱ្យក្រុមការងារទទួលបន្ទុកគ្រប់ផ្នែកពាក់ព័ន្ធត្រៀមរៀបចំបំពេញភារកិច្ចរបស់ខ្លួននីមួយៗឱ្យបានច្បាស់លាស់ និងសហការគ្នាឱ្យបានជិតស្និទ្ធជាមួយគ្រប់ភាគីពាក់ព័ន្ធទាំងអស់ ដើម្បីញ៉ាំងឱ្យថ្ងៃដំណើរការពិធីប្រសិទ្ធនាមឈ្មោះផ្លូវនាឱកាសនោះអាចប្រព្រឹត្តទៅបានដោយរលូន ប្រកបដោយសុវត្ថិភាព និងប្រសិទ្ធភាពខ្ពស់៕

រដ្ឋមន្ត្រីការពារជាតិអ៊ុយក្រែន ជំរុញឱ្យប្រជាជនខ្លួនទូទាំងអឺរ៉ុបចូលរួមក្នុងកងពលថ្មី

រដ្ឋមន្ត្រីការពារជាតិអ៊ុយក្រែន លោក រ៉ូស្តេម អ៊ូមេរ៉ូវ (Rustem Umerov) បានជំរុញជនរួមជាតិរបស់ខ្លួននៅទូទាំងទ្វីបអឺរ៉ុប កាលពីថ្ងៃអង្គារ (០៩ កក្កដា) ឱ្យចុះឈ្មោះចូលរួមកងពលអ៊ុយក្រែន ដែលមានមូលដ្ឋាននៅប្រទេសជិតខាងប៉ូឡូញ ដោយពណ៌នាថាវាជាជំហានសំខាន់ក្នុងការកែលម្អការត្រៀមខ្លួនប្រយុទ្ធជាមួយនឹងជំនួយរបស់លោកខាងលិច។ការបង្កើតអង្គភាពនេះ ដែលជាផ្នែកមួយនៃកិច្ចព្រមព្រៀងសន្តិសុខជាមួយប៉ូឡូញ ហាក់ដូចជាមធ្យោបាយមួយដើម្បីបង្កើនជួរយោធារបស់អ៊ុយក្រែន ប្រឆាំងនឹងកងកម្លាំងរុស្ស៊ី ដ៏ច្រើនសន្ធឹកសន្ធាប់។ វិធានការនេះត្រូវបានប្រកាសដោយលោកប្រធានាធិបតី វ្ល៉ូឌីមី ហ្ស៊េឡិនស្គី (Volodymyr Zelenskiy) នៅក្នុងទីក្រុងវ៉ាសូវី កាលពីថ្ងៃចន្ទ។អ៊ុយក្រែនបានរៀបចំផែនការជាច្រើនដើម្បីរក្សា និងបង្កើនកម្រិតបុគ្គលិកនៅក្នុងកងកម្លាំងប្រដាប់អាវុធរបស់ខ្លួន រួមទាំងការអនុម័តច្បាប់ស្តីពីការចល័តក្នុងខែមេសា ដែលកាត់បន្ថយអាយុបម្រើការមកត្រឹម ២៥ ឆ្នាំពីអាយុ ២៧ ឆ្នាំ និងបិទចន្លោះប្រហោងប្រឆាំងនឹងបុរសវ័យប្រយុទ្ធ ដែលគេចចេញពីសេចក្តីព្រាងច្បាប់នេះ។លោក អ៊ូមេរ៉ូវ បាននិយាយថា ផែនការនេះក៏នឹងផ្តល់ឱ្យទាហានអ៊ុយក្រែននូវសមត្ថភាពយោធាផ្នែករឹងដ៏ទំនើប និងជឿនលឿនបំផុតដែលអាចរកបានពីដៃគូលោកខាងលិចរបស់ទីក្រុងគីវ៕

លោក Zelenskiy ៖ មិនអាចស្មានទុកមុនពីសកម្មភាពរបស់លោក Trump បានទេ ប្រសិនបើលោកជាប់ឆ្នោត

ប្រធានាធិបតីអ៊ុយក្រែន លោក Volodymyr Zelenskiy បាននិយាយកាលពីថ្ងៃអង្គារថា លោកមិនអាចស្មានទុកជាមុនបានទេថា លោក Donald Trump នឹងធ្វើអ្វី ប្រសិនបើលោកជាប់ឆ្នោតអាណត្តិទីពីរ ជាប្រធានាធិបតីសហរដ្ឋអាមេរិក នៅក្នុងខែវិច្ឆិកា ហើយ លោកពុំបានស្គាល់លោក Trump ច្បាស់នោះទេ ប៉ុន្តែសង្ឃឹមថា ការគាំទ្ររបស់សហរដ្ឋអាមេរិកចំពោះទីក្រុងគីវ នឹងមិនផ្លាស់ប្តូរ។លោក Zelenskiy បាននិយាយក្នុងអំឡុងពេលព្រឹត្តិការណ៍មួយនៅវិទ្យាស្ថាន Ronald Reagan ក្នុងទីក្រុង Washington DC ថា លោកមិនស្គាល់លោក Trump ច្បាស់ទេ។ លោក បានជួបជាមួយលោក Trump ហើយមានជំនួបល្អនៅពេលលោកជាប្រធានាធិបតី ប៉ុន្តែពួកយើងមិនបានឆ្លងកាត់សង្រ្គាមជាមួយលោក។លោកនិយាយថា លោកមិនអាចប្រាប់បានទេថា លោក Trump នឹងធ្វើអ្វីប្រសិនបើលោកនឹងក្លាយជាប្រធានាធិបតីសហរដ្ឋអាមេរិក។ លោក Zelenskiy បានជំរុញឱ្យមេដឹកនាំនយោបាយសហរដ្ឋអាមេរិកនៅក្នុងទីក្រុងវ៉ាស៊ីនតោន កុំរង់ចាំលទ្ធផលនៃការបោះឆ្នោតប្រធានាធិបតីអាមេរិក នៅខែវិច្ឆិកា ដើម្បីដំណើរការជួយប្រទេសរបស់លោកប្រឆាំងការឈ្លានពានរបស់រុស្ស៊ី។លោក Zelenskiy និយាយថា មនុស្សគ្រប់គ្នា កំពុងរង់ចាំខែវិច្ឆិកា។ ជនជាតិអាមេរិក កំពុងរង់ចាំខែវិច្ឆិកា នៅអឺរ៉ុប មជ្ឈិមបូព៌ា នៅតំបន់ប៉ាស៊ីហ្វិក និងនៅពិភពលោកទាំងមូល កំពុងទន្ទឹងរង់ចាំខែវិច្ឆិកា ហើយនិយាយតាមពិតទៅ ប្រធានាធិបតីរុស្ស៊ី លោក វ្ល៉ាឌីមៀ ពូទីន ក៏រង់ចាំខែវិច្ឆិកាដែរ។ ដល់ពេលត្រូវ ធ្វើការសម្រេចចិត្តឲ្យមុតមាំ ធ្វើសកម្មភាពកុំរង់ចាំខែវិច្ឆិកា ឬខែផ្សេងទៀត។

អ្នកគាំទ្រ និយាយពីភាពផ្ទុយគ្នាពីកម្លាំងពលំ និងសុខភាពរបស់លោក Trump ជាមួយលោក Biden

អ្នកគាំទ្រ លោក Donald Trump រាប់រយនាក់ បានមកប្រមូលផ្តុំគ្នាសម្រាប់ការជួបជុំមួយ នៅក្នុងទីក្រុង Miami រដ្ឋ Florida កាលពីថ្ងៃអង្គារ ដោយតស៊ូក្នុងកម្តៅក្តៅខ្លាំង ដើម្បីបង្ហាញពីការគាំទ្ររបស់ពួកគេ ចំពោះអតីតប្រធានាធិបតី។ស្ត្រីជាច្រើននាក់ បានប្រើទង់ជាតិ Trump ជាអ្នកការពារព្រះអាទិត្យ ហើយនគរបាល និងគ្រូពេទ្យសង្គ្រោះបឋម បានជួយអ្នកដែលរងផលប៉ះពាល់ដោយសីតុណ្ហភាពហក់ឡើងខ្ពស់។តារាកំប្លែង និងជាអ្នកត្រាប់តាម លោក Josh Rosen បានបញ្ជាក់ពីកម្លាំងពលំមាំមួនរបស់ លោក Trump ក្នុងអាយុ៧៨ឆ្នាំ ផ្ទុយពីប្រធានាធិបតី លោក Joe Biden ។ លោក Rosen បាននិយាយថា លោក Donald Trump មានកម្លាំងពលំមាំមួន។ លោកពុំដែលឃើញនរណាម្នាក់ដែលមានកម្លាំងមាំមួន ដូចវ័យលោក Donald Trump ដែលមានអាយុ៧៨ ឆ្នាំ នោះទេ។អ្នកស្រី Maria Peraza អាយុ៧១ ឆ្នាំ ចូលនិវត្តន៍ បាននិយាយពីភាពមុតស្រួចផ្លូវចិត្ត និងការព្រួយបារម្ភរបស់លោក Trump ចំពោះសហរដ្ឋអាមេរិក។ អ្នកស្រីនិយាយថា លោក Trump មានភាពរឹងមាំមានសុខភាពល្អ។ លោកដឹងពីអ្វីដែលលោកកំពុងធ្វើ និងយកចិត្តទុកដាក់ចំពោះប្រជាជនអាមេរិក។អ្នកចូលរួមក្នុងការប្រមូលផ្តុំគ្នា បាននិយាយពីសុខភាពល្អរបស់លោក Trump បើប្រៀបធៀបទៅនឹងលោក Biden ។ ខណៈការបោះឆ្នោតប្រធានាធិបតីឆ្នាំ២០២៤ ខិតជិតមកដល់ អ្នកគាំទ្ររបស់លោក Trump បានបញ្ចេញយោបល់ឥតសំចៃ និងលះបង់ខ្ពស់។

កោះតៃវ៉ាន់៖ នាវាផ្ទុកយន្តហោះរបស់ចិន កំពុងឆ្ពោះទៅធ្វើសមយុទ្ធនៅសមុទ្រប៉ាស៊ីហ្វិក

ប្រមុខអាជ្ញាធរការពារជាតិកោះតៃវ៉ាន់ បាននិយាយនៅថ្ងៃពុធ (១០ កក្កដា) នេះថា នាវាផ្ទុកយន្តហោះចិន សានតុង (Shandong) បានឆ្លងកាត់ជិតភាគខាងជើងប្រទេសហ្វីលីពីន ក្នុងដំណើររបស់ខ្លួនដើម្បីទៅធ្វើសមយុទ្ធនៅសមុទ្រប៉ាស៊ីហ្វិក ខណៈក្រុងតៃប៉ិ បានរាយការណ៍ថា យន្តហោះចម្បាំងរាប់សិបគ្រឿងបានចូលរួមជាមួយនាវានោះដើម្បីធ្វើសមយុទ្ធ។កោះតៃវ៉ាន់ ដែលចិនអះអាងសិទ្ធិថាជាទឹកដីរបស់ខ្លួន រក្សាការឃ្លាំមើលយ៉ាងជិតស្និទ្ធលើចលនារបស់ចិនដោយសារសកម្មភាពយោធាប្រចាំថ្ងៃជុំវិញកោះ។ ប្រភពសន្តិសុខមួយ ដែលដឹងពីការដាក់ពង្រាយរបស់ចិននៅក្នុងតំបន់បានប្រាប់សារព័ត៌មានរ៉យទ័រថា អាកាសធាតុល្អនៃខែរដូវក្តៅនេះ គឺជាពេលដែលចិនធ្វើសមយុទ្ធជាទម្លាប់ ប៉ុន្តែបានបញ្ជាក់ពីការកើនឡើង «មិនធម្មតា» នៅក្នុងការចល័តថ្មីៗនេះ។អាជ្ញាធរការពារជាតិតៃវ៉ាន់និយាយថា ចាប់ពីព្រឹកព្រលឹមថ្ងៃពុធនេះ ខ្លួនបានរកឃើញយន្តហោះយោធាចិនចំនួន ៣៦ គ្រឿង រួមទាំងយន្តហោះចម្បាំង J-16 និងយន្តហោះទម្លាក់គ្រាប់បែក H-6 ដែលមានសមត្ថភាពនុយក្លេអ៊ែរ បានហោះហើរទៅកាន់ភាគខាងត្បូង និងភាគអាគ្នេយ៍នៃកោះ ហើយឆ្ពោះទៅកាន់ប៉ាស៊ីហ្វិកខាងលិច ដើម្បីធ្វើសមយុទ្ធជាមួយនាវាសានតុង។យោធាហ្វីលីពីនបាននិយាយថា ខ្លួនមានការព្រួយបារម្ភខ្លាំងណាស់ចំពោះការដាក់ពង្រាយក្រុមនាវាផ្ទុកយន្តហោះចិននេះ។ កាលពីល្ងាចថ្ងៃអង្គារ កងកម្លាំងស្វ័យការពាររបស់ជប៉ុនបាននិយាយថា ពួកគេបានរកឃើញនាវា សានតុង រួមជាមួយនឹងនាវាពិឃាតមីស៊ីលពីរគ្រឿង និងនាវាចម្បាំងមួយគ្រឿងចម្ងាយប្រហែល ៥០០ គីឡូម៉ែត្រ ភាគខាងត្បូងនៃកោះ អូគីណាវ៉ា (Okinawa) របស់ខ្លួន៕

សហរដ្ឋអាមេរិក និងសម្ព័ន្ធមិត្ត ប្រកាសផ្ដល់ប្រព័ន្ធការពារដែនអាកាសបន្ថែមសម្រាប់អ៊ុយក្រែន

បណ្ដាមេដឹកនាំនៃប្រទេសសមាជិកណាតូ (NATO) មួយចំនួនបាននិយាយនៅក្នុងសេចក្តីថ្លែងការណ៍រួមមួយក្នុងអំឡុងពេលកិច្ចប្រជុំកំពូលរបស់អង្គការណាតូថា សហរដ្ឋអាមេរិក និងសម្ព័ន្ធមិត្ត នឹងផ្តល់ដល់ប្រទេសអ៊ុយក្រែន នូវប្រព័ន្ធការពារដែនអាកាសចំនួនប្រាំបន្ថែមទៀត រួមទាំងថ្មអាគុយមីស៊ីលផាទ្រីយ៉ូត (Patriot) និងសមាសធាតុផ្សំរបស់មីស៊ីលនេះ។ពួកគេបានបន្ថែមថា ក្នុងប៉ុន្មានខែខាងមុខនេះ ពួកគេមានបំណងផ្តល់ឱ្យអ៊ុយក្រែននូវប្រព័ន្ធការពារដែនអាកាសយុទ្ធសាស្ត្ររាប់សិបគ្រឿងបន្ថែមទៀត។ លោកប្រធានាធិបតីអាមេរិក ចូ បៃដិន (Joe Biden) បានធ្វើសេចក្តីប្រកាសនៅក្នុងសុន្ទរកថានៅឯកិច្ចប្រជុំកំពូលរបស់ណាតូ ហើយក្រោយមក សេចក្តីថ្លែងការណ៍រួមមួយត្រូវបានចេញដោយបណ្ដាមេដឹកនាំនៃសហរដ្ឋអាមេរិក ហូឡង់ រ៉ូម៉ានី អ៊ីតាលី អាល្លឺម៉ង់ និងអ៊ុយក្រែន។អ៊ុយក្រែន បានអំពាវនាវម្តងហើយម្តងទៀតឱ្យដៃគូផ្តល់ជំនួយបន្ថែមទៀតលើការការពារដែនអាកាស ខណៈប្រទេសនេះប្រឈមមុខនឹងការវាយប្រហារពីរុស្ស៊ី លើទីក្រុង និងហេដ្ឋារចនាសម្ព័ន្ធថាមពល ដោយលោកប្រធានាធិបតី វ្ល៉ូឌីមី ហ្ស៊េឡិនស្គី (Volodymyr Zelenskiy) បាននិយាយថា កង្វះសព្វាវុធនេះកំពុងធ្វើឱ្យរុស្ស៊ី មានប្រៀបក្នុងសមរភូមិ។អ៊ុយក្រែនបាននិយាយថា រុស្ស៊ីបានវាយប្រហារដោយមីស៊ីលលើមន្ទីរពេទ្យកុមារសំខាន់នៅទីក្រុងគីវ កាលពីថ្ងៃចន្ទ ហើយបានបាញ់មីស៊ីលជាច្រើនទៅលើទីក្រុងផ្សេងទៀតនៅទូទាំងប្រទេស ដោយបានសម្លាប់ជនស៊ីវិលជាង ៤០ នាក់ ហើយនោះបង្ហាញថា អ៊ុយក្រែនកំពុងត្រូវការអាវុធជាបន្ទាន់។ ទីក្រុងមូស្គូ បានបដិសេធមិនកំណត់គោលដៅលើជនស៊ីវិល និងហេដ្ឋារចនាសម្ព័ន្ធស៊ីវិលឡើយ៕

មន្ត្រីចារកម្មអាមេរិកលើកឡើងថា រុស្ស៊ីពេញចិត្តឱ្យលោក Trump ជាអ្នកឈ្នះការបោះឆ្នោត

មន្ត្រីចារកម្មអាមេរិកម្នាក់បាននិយាយកាលពីថ្ងៃអង្គារ (០៩ កក្កដា) ថា សហរដ្ឋអាមេរិក មិនបានមើលឃើញថារុស្ស៊ី ផ្លាស់ប្តូរចំណាប់អារម្មណ៍របស់ខ្លួនលើការបោះឆ្នោតប្រធានាធិបតីអាមេរិក ទៅលើអ្នកណាដែលខ្លួនចង់ឱ្យឈ្នះនៅឆ្នាំនេះទេ ដោយចង្អុលបង្ហាញថា ទីក្រុងមូស្គូ ពេញចិត្តនឹងលោក ដូណាល់ ត្រាំ (Donald Trump) មកពីគណបក្សសាធារណរដ្ឋ ឱ្យក្លាយជាអ្នកឈ្នះឆ្នោតម្តងទៀត។មន្ត្រី ដែលបានប្រាប់អ្នកយកព័ត៌មានពីសន្តិសុខបោះឆ្នោតអាមេរិកនោះ មិនបានបញ្ចេញឈ្មោះអតីតប្រធានាធិបតីរូបនេះនោះទេ នៅពេលត្រូវសាកសួរថា តើនរណាដែលក្រុងមូស្គូចង់ធ្វើជាប្រធានាធិបតីអាមេរិកបន្ទាប់។ ប៉ុន្តែលោកបានបញ្ជាក់ថា រុស្ស៊ីពេញចិត្តលោក Trump ដោយនិយាយថា សហគមន៍ស៊ើបការណ៍ចារកម្មសម្ងាត់អាមេរិក មិនបានផ្លាស់ប្តូរការវាយតម្លៃលើរុស្ស៊ី ពីការបោះឆ្នោតមុនៗទេ។ការវាយតម្លៃទាំងនោះបានរកឃើញថា ទីក្រុងមូស្គូបានព្យាយាមប្រើឥទ្ធិពលលើយុទ្ធនាការបោះឆ្នោតដើម្បីជួយលោក Trump ឱ្យឈ្នះនៅឆ្នាំ២០១៦ ប្រឆាំងនឹងលោកស្រី ហ៊ីលឡារី ឃ្លីងតុន (Hillary Clinton) និងនៅឆ្នាំ២០២០ ប្រឆាំងនឹងលោកប្រធានាធិបតី ចូ បៃដិន (Joe Biden)។ យុទ្ធនាការលោក Trump បានឆ្លើយតបបញ្ហានោះដោយនិយាយថា លោក Biden ទន់ខ្សោយពេកលើរុស្ស៊ី ដូច្នេះហើយទើបមានសង្រ្គាមអ៊ុយក្រែន។លោក Trump ជារឿយៗបានរិះគន់ទំហំនៃការគាំទ្រយោធារបស់សហរដ្ឋអាមេរិក សម្រាប់អ៊ុយក្រែន ដែលជាតួលេខប្រហែល ៦០ ពាន់លានដុល្លារចាប់តាំងពីសង្រ្គាមចាប់ផ្ដើមឆ្នាំ២០២២មក ហើយបានហៅប្រធានាធិបតីអ៊ុយក្រែន លោក វ្ល៉ូឌីមី ហ្ស៊េឡិនស្គី (Volodymyr Zelenskiy) ថាជា «អ្នកលក់ដ៏ពូកែថ្វីមាត់បំផុតដែលមិនធ្លាប់មាន»៕

ចិន និយាយថា ខ្លួនអនុញ្ញាតឱ្យហ្វីលីពីន ធ្វើការជម្លៀសផ្នែកវេជ្ជសាស្រ្តនៅសមុទ្រចិនខាងត្បូង

ឆ្មាំល្បាតឆ្នេររបស់ប្រទេសចិន បាននិយាយនៅក្នុងហេតុផលមនុស្សធម៌ថា ខ្លួនបាន «អនុញ្ញាតឱ្យ» ហ្វីលីពីន ជម្លៀសទាហានម្នាក់ដែលបានធ្លាក់ខ្លួនឈឺនៅលើនាវាចម្បាំងដ៏ចំណាស់ដែលចតចោលនៅលើដែនទឹកជម្លោះ សេខិន ថូម៉ាស ស្ហូល (Second Thomas Shoal) នៅក្នុងសមុទ្រចិនខាងត្បូង។ឆ្មាំល្បាតឆ្នេរចិនបាននិយាយនៅក្នុងសេចក្តីថ្លែងការណ៍មួយកាលពីល្ងាចថ្ងៃអង្គារ (០៩ កក្កដា) ថា ខ្លួនបានត្រួតពិនិត្យ និងផ្ទៀងផ្ទាត់ប្រតិបត្តិការទាំងមូលកាលពីថ្ងៃអាទិត្យ ដែលអ្នកនាំពាក្យរបស់ខ្លួនបាននិយាយថា ធ្វើតាមការស្នើសុំពីភាគីពាក់ព័ន្ធនៅហ្វីលីពីន។គួររំលឹកថា កាលពីមួយខែមុន ឆ្មាំល្បាតឆ្នេរហ្វីលីពីនបានចោទប្រកាន់សមភាគីចិនរបស់ខ្លួនថាបានរារាំងការជម្លៀសផ្នែកវេជ្ជសាស្រ្តចេញពីនាវាចម្បាំងនោះ ដោយហៅសកម្មភាពនេះថា «ព្រៃផ្សៃ និងអមនុស្សធម៌»។ ក្រសួងការបរទេសចិនបាននិយាយនៅថ្ងៃដដែលនោះថា ចិននឹងអនុញ្ញាតឱ្យហ្វីលីពីនផ្តល់ការផ្គត់ផ្គង់ និងជម្លៀសបុគ្គលិក ប្រសិនបើទីក្រុងម៉ានីល ជូនដំណឹងដល់ទីក្រុងប៉េកាំង មុនធ្វើបេសកកម្ម។ប្រទេសហ្វីលីពីន មានទាហានជាច្រើនដែលឈរជើងលើនាវាចម្បាំងដ៏ចាស់ទ្រុឌទ្រោមនៅលើដែនទឹក សេខិន ថូម៉ាស ស្ហូល ដែលត្រូវទីក្រុងម៉ានីល ចតចោលនៅទីនោះដោយចេតនាដោយក្នុងឆ្នាំ១៩៩៩ ដើម្បីពង្រឹងការទាមទារដែនសមុទ្ររបស់ខ្លួន។ កងទ័ពជើងទឹករបស់ចិន បានប៉ះទង្គិចគ្នាជាច្រើនលើកជាមួយកងកម្លាំងហ្វីលីពីន ដែលកំពុងធ្វើប្រតិបត្តិការផ្គត់ផ្គង់ឡើងវិញដល់នាវាចតចោលនោះ៕

លោក Trump ៖អ្នកប្រជាធិបតេយ្យមិនអាចសម្រេចចិត្តថាបេក្ខជនរូបណាស័ក្តិសមជាងរូបណាដើម្បីប្រជែងជាមួយលោកនោះទេ

អតីតប្រធានាធិបតីសហរដ្ឋអាមេរិក និងជាបេក្ខជនមកពីគណបក្សសាធារណរដ្ឋសម្រាប់ការបោះឆ្នោតថ្ងៃទី ៥ ខែវិច្ឆិកាខាងមុខនេះ លោក Donald Trump បានចំអកឲ្យលោក Joe Biden និង លោកស្រីKamala Harris អំឡុងការប្រមូលផ្តុំគ្នានៅទីក្រុង ដូរ៉ាល់ (Doral) រដ្ឋ Florida កាលពីថ្ងៃអង្គារ ទី ៩ ខែកក្កដា។លោកបានអះអាងថា គណបក្សប្រជាធិបតេយ្យ មិនអាចសម្រេចថាបេក្ខជនណាស័ក្តិសមជាងបេក្ខជនណា ធ្វើជាប្រធានាធិបតីនោះទេ។ លោក Trump បានអះអាងថា ជ័យជម្នះរបស់លោកក្នុងការជជែកដេញដោលកាលពីថ្ងៃទី ២៧ ខែ មិថុនា គឺជាការពិតមិនអាចប្រកែកបាន ដែលបានជំរុញឱ្យគណបក្សប្រជាធិបតេយ្យព្យាយាមបញ្ចុះបញ្ចូលលោក Biden បោះបង់ចោលការប្រកួតប្រជែងតំណែងប្រធានាធិបតីថ្មី។ កាយវិកាដ៏ស្រពិចស្រពិលរបស់លោក Biden ក្នុងការជជែកដេញដោលកាលពីថ្ងៃទី ២៧ ខែមិថុនាទលើនឹងលោក Trump រួមជាមួយនឹងការវាយតម្លៃជាសាធារណៈទាបរបស់លោកផងនោះ បានធ្វើឱ្យមានការសង្ស័យថ្មីក្នុងចំណោមអ្នកប្រជាធិបតេយ្យមួយចំនួនចំពោះសមត្ថភាពរបស់លោកក្នុងការយកឈ្នះការបោះឆ្នោតថ្ងៃទី ៥ ខែវិច្ឆិកា ឬដើម្បីគ្រប់គ្រងការទាមទារនៃតួនាទីរបស់លោកសម្រាប់រយៈពេល ៤ ឆ្នាំកន្លះទៀត៕

បណ្ដាញសង្គម

ព័ត៌មានថ្មីៗ

ផ្ទះទេវតាទី៣៣៨ មួយខ្នងទៀតដោយមានភ្ជាប់ប្រព័ន្ធភ្លើងសូឡា និងទឹកស្អាត ត្រូវបានលោកជំទាវ ហ៊ុន ម៉ាណា ប្រគល់ជូនពលរដ្ឋខ្វះខាតជីវភាព នៅខេត្តកំពង់ធំ

លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អញ្ជើញវឌ្ឍនភាព និងការចាប់ផ្តើមអនុវត្ត “កម្មវិធីលើកកម្ពស់ជីវភាពគ្រួសារយុទ្ធជន តាមរយៈគំរូផលិតកម្មកសិកម្មទំនើប”

លោកជំទាវ ឌី សុខីទីឃាយុកោ ហ៊ុន ម៉ានិត អញ្ជើញប្រគល់អណ្តូងទឹកស្អាត ១០ កន្លែង ជូនប្រជាពលរដ្ឋក្នុងឃុំមានជ័យ ស្រុកឈូក ខេត្តកំពត

ក្រសួងការងារ៖ ខេត្តកំពង់ស្ពឺមានឱកាសការងារជិត ២ម៉ឺនកន្លែងកំពុងរង់ចាំអតីតពលករត្រឡប់មកពីថៃ និងអ្នកកំពុងស្វែងរកការងារធ្វើ

ចង់ក្លាយជាអ្នកជំនាញអគ្គិសនី? ឱកាសអាហារូបករណ៍ រៀនជំនាញទំនើប អនុវត្តជាក់ស្តែង រៀនចប់ឆាប់មានការងារធ្វើ រៀននៅវិទ្យាស្ថានពហុបច្ចេកទេសតេជោសែនស្វាយរៀង

ACU នឹងបញ្ជូនមន្ត្រីក្រសួងការបរទេសចំនួន ៣រូប ទៅតុលាការនៅរសៀលនេះ

ក្រសួងការងារ៖ ខេត្ត៤ជាប់សមុទ្រមានឱកាសការងារជិត ២ពាន់កន្លែងកំពុងរង់ចាំអតីតពលករត្រឡប់មកពីថៃ និងអ្នកកំពុងស្វែងរកការងារធ្វើ

ក្រសួងការងារ៖ ខេត្តតាកែវមានឱកាសការងារជាង ៦ពាន់កន្លែង កំពុងរង់ចាំអតីតពលករត្រឡប់មកពីថៃ និងអ្នកកំពុងស្វែងរកការងារធ្វើ

មនុស្ស ២នាក់ ត្រូវបានសង្រ្គោះ និងមនុស្ស ២២នាក់ បាត់ខ្លួន ក្រោយនាវាដឹកទំនិញលិចនៅជិតតំបន់ឆ្នេរប្រទេសឥណ្ឌា

ជនជាតិម៉ិកស៊ិក ៣៦៥នាក់ ត្រូវបាននិរទេសចេញពីអាមេរិកទៅកាន់ហុងឌូរ៉ាស

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

រដ្ឋមន្ត្រីការពារជាតិអ៊ុយក្រែន ជំរុញឱ្យប្រជាជនខ្លួនទូទាំងអឺរ៉ុបចូលរួមក្នុងកងពលថ្មី

លោក Zelenskiy ៖ មិនអាចស្មានទុកមុនពីសកម្មភាពរបស់លោក Trump បានទេ ប្រសិនបើលោកជាប់ឆ្នោត

អ្នកគាំទ្រ និយាយពីភាពផ្ទុយគ្នាពីកម្លាំងពលំ និងសុខភាពរបស់លោក Trump ជាមួយលោក Biden

កោះតៃវ៉ាន់៖ នាវាផ្ទុកយន្តហោះរបស់ចិន កំពុងឆ្ពោះទៅធ្វើសមយុទ្ធនៅសមុទ្រប៉ាស៊ីហ្វិក

សហរដ្ឋអាមេរិក និងសម្ព័ន្ធមិត្ត ប្រកាសផ្ដល់ប្រព័ន្ធការពារដែនអាកាសបន្ថែមសម្រាប់អ៊ុយក្រែន

មន្ត្រីចារកម្មអាមេរិកលើកឡើងថា រុស្ស៊ីពេញចិត្តឱ្យលោក Trump ជាអ្នកឈ្នះការបោះឆ្នោត

ចិន និយាយថា ខ្លួនអនុញ្ញាតឱ្យហ្វីលីពីន ធ្វើការជម្លៀសផ្នែកវេជ្ជសាស្រ្តនៅសមុទ្រចិនខាងត្បូង

លោក Trump ៖អ្នកប្រជាធិបតេយ្យមិនអាចសម្រេចចិត្តថាបេក្ខជនរូបណាស័ក្តិសមជាងរូបណាដើម្បីប្រជែងជាមួយលោកនោះទេ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

រដ្ឋមន្ត្រីការពារជាតិអ៊ុយក្រែន ជំរុញឱ្យប្រជាជនខ្លួនទូទាំងអឺរ៉ុបចូលរួមក្នុងកងពលថ្មី

លោក Zelenskiy ៖ មិនអាចស្មានទុកមុនពីសកម្មភាពរបស់លោក Trump បានទេ ប្រសិនបើលោកជាប់ឆ្នោត

អ្នកគាំទ្រ និយាយពីភាពផ្ទុយគ្នាពីកម្លាំងពលំ និងសុខភាពរបស់លោក Trump ជាមួយលោក Biden

កោះតៃវ៉ាន់៖ នាវាផ្ទុកយន្តហោះរបស់ចិន កំពុងឆ្ពោះទៅធ្វើសមយុទ្ធនៅសមុទ្រប៉ាស៊ីហ្វិក

សហរដ្ឋអាមេរិក និងសម្ព័ន្ធមិត្ត ប្រកាសផ្ដល់ប្រព័ន្ធការពារដែនអាកាសបន្ថែមសម្រាប់អ៊ុយក្រែន

មន្ត្រីចារកម្មអាមេរិកលើកឡើងថា រុស្ស៊ីពេញចិត្តឱ្យលោក Trump ជាអ្នកឈ្នះការបោះឆ្នោត

ចិន និយាយថា ខ្លួនអនុញ្ញាតឱ្យហ្វីលីពីន ធ្វើការជម្លៀសផ្នែកវេជ្ជសាស្រ្តនៅសមុទ្រចិនខាងត្បូង

លោក Trump ៖អ្នកប្រជាធិបតេយ្យមិនអាចសម្រេចចិត្តថាបេក្ខជនរូបណាស័ក្តិសមជាងរូបណាដើម្បីប្រជែងជាមួយលោកនោះទេ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍