នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
TOP STORY | សម្ដេចធិបតី បានចាត់វិធានការចាំបាច់​ជាបន្ត​បន្ទា​ប់ចំ​ពោះកា​រ​វិល​ត្រឡប់​ទ្រង់ទ្រាយ​ធំរ​បស់​ពលករ​ខ្មែរ និងជនភៀសសឹក
TOP STORY | សម្ដេចតេជោ៖ ពេលនេះ ខ្ញុំកំពុងតែរួមចំណែកបញ្ជាទ័ព តាមប្រព័ន្ធវីដេអូ និងប្រព័ន្ធផ្សេងទៀតជាមួយនាយករដ្ឋមន្ត្រី, រដ្ឋមន្ត្រីក្រសួងការពារជាតិ អគ្គមេបញ្ជាការកងទ័ព និងបញ្ជាការកងកម្លាំងប្រដាប់អាវុធគ្រប់លំដាប់ថ្នាក់
TOP STORY |សម្ដេចធិបតី ហ៊ុន ម៉ាណែត ដាក់លិខិតស្នើសុំ​​កោះប្រជុំក្រុមប្រឹក្សាសន្តិសុខជាបន្ទាន់ ដើម្បី​សុំ​ការ​អន្ត​រាគមន៍​បញ្ចប់​ការ​ឈ្លាន​ពាន​របស់​កង​ទ័ព​ថៃមក​លើដែនអធិបតេយ្យភាពរបស់កម្ពុជា
TOP STORY | សម្ដេចធិបតី៖ កងទ័ពថៃបានបើកការ​វាយប្រហារ​មក​លើ​ទីតាំង​ឈរ​ជើង​របស់​កង​ទ័ព​កម្ពុជា​ នៅប្រាសាទតាមាន់ធំ តាក្របី និងបានពង្រីកភូមិសាស្ត្រវាយប្រហារទៅដល់តំបន់មុំបី

នយោបាយ​ និង ការអភិវឌ្ឍន៍

សម្ដេចតេជោ ជំរុញក្រសួងអប់រំ ពិចារណាអនុញ្ញាតឲ្យសិស្សប្រើកាតចាក់វ៉ាក់សាំងប្រភេទ Copy

2021/11/02 01:47:44 pm        329
Facebook Telegram Linkin
ភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រី បានជំរុញឱ្យក្រសួងអប់រំ យុវជន និងកីឡា ពិចារណាក្នុងការអនុញ្ញាតឱ្យសិស្សានុសិស្ស ប្រើប្រាស់កាតចាក់វ៉ាក់សាំងកូវីដ១៩ ជាប្រភេទថតចម្លង (Copy) ដើម្បីរក្សាកាតដើម កុំឱ្យមានការខូចខាត ឬបាត់បង់ដោយប្រការណាមួយ ព្រោះក្មេងៗមានកម្រិតនៃការថែទាំ និងការប្រុងប្រយ័ត្ន មិនសូវបានជាប់លាប់ដូចយើងមនុស្សធំៗឡើយ។សម្ដេចតេជោ នៅព្រឹកថ្ងៃទី២ ខែវិច្ឆិកា ឆ្នាំ២០២១ មានប្រសាសន៍ថា សិស្សានុសិស្សបាន​ប្រើប្រាស់​នូវកាតចាក់វ៉ាក់សាំង ដើម្បីបង្ហាញសម្រាប់ការចូលរៀន ដោយបើយើងអនុញ្ញាត​ឲ្យប្រើច្បាប់ដើម ការពាក់ទៅចូលរៀនបែបនេះ អាចនឹងត្រូវខូចខាត ឬបាត់បង់ ។សម្ដេចតេជោ នាយករដ្ឋមន្ត្រី មានប្រសាសន៍បន្ថែមថា ម្យ៉ាងទៀតកុមារាកុមារី គឺខ្វះការថែទាំ ហើយបើជួបមេឃភ្លៀង អាចនឹងជួបការលំបាក ក្នុងន័យនេះ សូមស្នើឲ្យមានការពិចារណា​បន្ទាប់​ពីនេះទៅ គប្បីប្រើប្រាស់ប័ណ្ណ ដែលថតចម្លង (Copy) ​ហើយរក្សាប័ណ្ណដើមទៅនៅផ្ទះ ដោយសុវត្ថិភាព ៕អត្ថបទ ៖ សុខរិទ្ធ

សិស្សថ្នាក់ទី១២ គាំទ្រប្រសាសន៍សម្តេចតេជោ សម្រាប់ការរៀបចំប្រឡងបាក់ឌុបឆ្នាំនេះជាធម្មតា

2021/11/02 01:36:34 pm        579
Facebook Telegram Linkin
កណ្ដាល ៖ បណ្តាសិស្សានុសិស្សកំពុងសិក្សានៅថ្នាក់ទី១២ នៅថ្ងៃទី២ខែវិច្ឆិកានេះ បានសំដែងការបង្កើនខិតខំប្រឹងប្រែងរៀនសូត្រ និងសូមគាំទ្រប្រសាសន៍ដ៏ខ្ពង់ខ្ពស់របស់សម្តេចតេជោ ហ៊ុន សែន នាយករដ្ឋមន្ត្រីកម្ពុជា នៅថ្ងៃម្សិលមិញចំពោះការប្រកាសប្រឡងសញ្ញាបត្រមធ្យមសិក្សាទុតិយភូមិ ឬបាក់ឌុបឆ្នាំសិក្សា២០២១នេះ ​ត្រូវតែរៀបចំប្រឡងឆ្នាំនេះ​ដូច​ធម្មតា ដោយមិនមានអោយជាប់ទាំងស្រុងដូចឆ្នាំមុននោះទេ។បណ្តាសិស្សានុសិស្សថ្នាក់ទី១២ វិទ្យាល័យ ហ៊ុន សែនតាខ្មៅ ក៏ដូចវិទ្យាល័យផ្សេងៗ បានថ្លែងថា ចាប់តាំងពី​ពួក​គេ​​បានចាប់ផ្តើមចូលសិក្សាថ្នាក់ទី១២មក បើទោះមានមេរោគកូវីដ១៩បង្កជាបញ្ហា​ប្រឈម​ក៏ដោយ ​ក៏ពួកគេទាំងអស់​គ្នា​បាន​ខិតខំប្រឹងប្រឹងស្វះស្វែងរកការរៀន​សូត្រតាម​ប្រព័ន្ធ​អេឡិចត្រូនិចផង ​និងនៅក្នុងថា្នក់ផងរហូតមកដល់បច្ចុប្បន្ន ​ហើយ​ពួកគេនៅតែបន្តបង្កើន​ការ​ខិតខំរៀន​រហូតដល់ថ្ងៃប្រឡងសញ្ញាបត្រមធ្យមសិក្សាទុតិភូមិនៅថ្ងៃទី៦​ ខែធ្នូខាងមុខនេះ ។ សិស្សថ្នាក់ទី១២ ថ្លែងថា ​ប្រសាសន៍ដ៏ខ្ពង់ខ្ពស់របស់សម្តេចតេជោ ហ៊ុន សែន នាយករដ្ឋមន្ត្រីកម្ពុជា​នៅ​ថ្ងៃ​ម្សិល​មិញ គេចាត់ទុកថា ជាការដាសតឿនក្រើនរំលឹកដ៏ល្អបំផុត ហើយវាក៏មិនទាន់​ហួស​ពេលសម្រាប់​សិស្សដែល​ស្នើ​សម្តេច​សុំ​ជាប់​ដោយស្វ័យប្រវត្តិ ខណៈការប្រឡងបាក់ឌុប​នៅ​សល់ពេលវេលារហូតជាង ១ខែទៀតឯណោះ។តាមប្រសាសន៍សម្តេចតេជោ ហ៊ុន សែន នៅក្នុងពិធីប្រកាសបិទយុទ្ធនាការ ចាក់វ៉ាក់សាំង​ជំងឺ​កូវីដ១៩ សម្រាប់​អ្នក​មាន​អាយុ ៦ឆ្នាំឡើង និងបើកយុទ្ធនាការចាក់សម្រាប់ ​កុមារអាយុ៥ឆ្នាំ នាព្រឹកថ្ងៃទី១ ខែវិច្ឆិកា​ ឆ្នាំ២០២១ សម្តេច​ បាន​ប្រកាសអោយរៀបចំការប្រឡងសញ្ញាបត្រមធ្យម​សិក្សាទុតិយភូមិ​ ហើយក៏សូមផ្តាំផ្ញើអោយក្មួយៗ ​ចៅៗ ដែល​ជា​សិស្ស​ថ្នាក់ទី១២ទាំងអស់​សូមផ្តល់ការយោគយល់​ និងត្រូវបានខិតខំរៀនត្រៀមប្រឡង​ដើម្បីអនាគតរបស់ខ្លួន។សូមបញ្ជាក់ថា នៅក្នុងឆ្នាំសិក្សាឆ្នាំ២០២០ កន្លងទៅនេះ ការប្រឡងសញ្ញាបត្រមធ្យមសិក្សា​ទុតិយភូមិ ត្រូវ​បាន​អាក់​ខាន​មិនបានប្រឡង​ ដោយសារកម្ពុជា ជួបរងការផ្ទុះរាតត្បាត​មេរោគ​កូវីដ១៩ខ្លាំង​នៅក្នុងសហគមន៍ ហើយកាល​នោះ​សិស្ស​ថ្នាក់​ទី១២ ត្រូវបានអោយជាប់ជាស្ថាពរទាំង​អស់​ដោយគ្មាននិទ្ទេស ​ខណៈសិស្សានុសិស្ស​កាល​នោះ​គឺ​បាន​ខិត​ខំ​ប្រឹង​ប្រែង​រៀន​សូត្របាន​ច្រើនជាង​នៅក្នុងឆ្នាំនេះ៕អត្ថបទ ស៊ុម សុខជា

អ្នកនាំពាក្យ គ.ជ.ប ៖ អ្នកចុះឈ្មោះបោះឆ្នោតកើនឡើងបន្ទាប់ពីបញ្ហាកូវីដបានប្រសើរជាងមុន

2021/11/02 01:04:09 pm        209
Facebook Telegram Linkin
ភ្នំពេញ ៖ ឯកឧត្តម ហង្ស ពុទ្ធា អ្នកនាំពាក្យគណៈកម្មាធិការជាតិរៀបចំការបោះឆ្នោត ហៅកាត់ គ.ជ.ប បានថ្លែងថា ​ការចុះ​ឈ្មោះបោះ​ឆ្នោតរបស់ប្រជាពលរដ្ឋឆ្នាំនេះកើនឡើង ដោយ​សារការរីករាលដាលជំងឺកូវីដ១៩ កាន់តែធូរស្រាលជាងមុន។ថ្លែងប្រាប់ BTV នៅថ្ងៃទី២ ខែវិច្ឆិកា ឆ្នាំ២០២១នេះ ឯកឧត្តម. ហង្ស ពុទ្ធា សមាជិក និងជាអ្នក​នាំពាក្យ​គណៈ​កម្មា​ធិ​ការ​ជាតិរៀបចំការបោះឆ្នោត ​ហៅកាត់ គ.ជ.ប បាន​មានប្រសាសន៍ ក្នុង​ដំណើរការពិនិត្យឈ្មោះ និងចុះឈ្មោះ​បោះ​ឆ្នោត ឆ្នាំ២០២១នេះដំណើរការទៅល្អប្រសើរ ដោយមានការយកចិត្តទុកដាក់ចូលរួមចុះឈ្មោះ​ពី​ប្រជាពល​រដ្ឋ​ជា​បន្ត​បន្ទាប់ និងភាគីពាក់ព័ន្ធ។ ក្នុងនោះ ឯកឧត្តម ហង្ស ពុទ្ធា បន្តថា តាមការប៉ាន់ស្មានបណ្តោះអាសន្នចំនួន​អ្នកចុះ​ឈ្មោះ​បោះ​ឆ្នោត​តាមបណ្តាឃុំ-សង្កាត់ មានការកើនឡើងជាង៩លាននាក់ ​ស្មើនឹង៨៦ភាគរយ ខណៈការ​កើនឡើងនេះ ដោយ​សារ​ស្ថានភាពនៃ​ការរីករាលដាល​ជំងឺកូវីដ១៩​មានភាព​ធូរ​ស្រាលជាងមុន។ជាមួយគ្នានោះ ឯកឧត្តម ហង្ស ពុទ្ធា បានឲ្យដឹងទៀតថា ការកើនឡើងចំនួនអ្នក​ចុះ​ឈ្មោះបោះឆ្នោត​ឆ្លុះ​បញ្ចាំង​អំពីការបំពេញ​តួនាទីក្នុង​នាមជាប្រជាពលរដ្ឋរស់នៅក្នុងប្រទេសនីតិរដ្ឋ និង​លទ្ធិប្រជាធិបតេយ្យ​ពិតប្រាកដ។បន្ថែមលើសពីនេះ ឯកឧត្តម ហង្ស ពុទ្ធា បាន​អំពាវនាវដល់ប្រជាពលរដ្ឋដែលបានចុះឈ្មោះបោះ​ឆ្នោត​សូម​អញ្ជើញ​ទៅពិនិត្យបញ្ជីឈ្មោះ ​និងការចុះឈ្មោះបោះឆ្នោត ​ដែលមានរយៈពេល៥០ថ្ងៃ គឺចាប់ពីថ្ងៃទី១២ ខែតុលា ដល់ថ្ងៃ​ទី៣០ ខែវិច្ឆិកា ឆ្នាំ២០២១។បើតាមរបាយការណ៍តាមរបាយការណ៍របស់ គ.ជ.ប គិតត្រឹមថ្ងៃទី២ ខែវិច្ឆិកា ឆ្នាំ២០២១នេះ មាន​ប្រជា​ពល​រដ្ឋ​ដែល​បាន​អញ្ជើញមកចុះឈ្មោះបោះឆ្នោតថ្មីសរុប មានចំនួន​ ២៣១,៩៦៨ នាក់, អ្នកដែលនឹងត្រូវ​លុបឈ្មោះ​ចេញ​ពីបញ្ជីបោះឆ្នោតសរុប មានចំនួន ១១៨,៣១៣នាក់, អ្នកដែល​បានកែតម្រូវ​​ទិន្នន័យសរុប​ មានចំនួន ៧៧,៤៧០នាក់ និងអ្នកដែល​បានផ្ទេរទីលំនៅចូលក្នុងឃុំ សង្កាត់ថ្មីសរុប មានចំនួន ៦៩,៣២៥នាក់៕អត្ថបទ ៖ សេក ឧត្តម 

ព្រឹទ្ធសភាអនុម័តសេចក្ដីព្រាងច្បាប់រដ្ឋធម្មនុញ្ញកំណត់សញ្ជាតិខ្មែរតែមួយសម្រាប់មេដឹកនាំស្ថាប័នកំពូលៗ

2021/11/02 12:55:47 pm        191
Facebook Telegram Linkin
ភ្នំពេញ ៖ នៅថ្ងៃនេះ ព្រឹទ្ធសភា នៃព្រះរាជាណាចក្រកម្ពុជា បានសម្រេចអនុម័តទាំងស្រុង ដោយសំឡេង គាំទ្រ៥៧ លើ៥៧សំឡេង ចំពោះសេចក្តីព្រាងច្បាប់ធម្មនុញ្ញ ស្តីពីវិសោធនកម្មមាត្រា១៩ថ្មី មាត្រា៨២ថ្មី មាត្រា១០៦ថ្មី (១) មាត្រា១១៩ថ្មី និងមាត្រា១៣៧ថ្មី នៃរដ្ឋធម្មនុញ្ញ នៃព្រះរាជាណាចក្រកម្ពុជា និង មាត្រា៣ និងមាត្រា៤ នៃច្បាប់ធម្មនុញ្ញបន្ថែម ដើម្បីកំណត់សញ្ជាតិខ្មែរតែមួយ សម្រាប់ថ្នាក់ដឹកនាំកំពូលៗ ដូចជាប្រធានព្រឹទ្ធសភា រដ្ឋសភា នាយករដ្ឋមន្រ្តី និងប្រធានក្រុមប្រឹក្សាធម្មនុញ្ញ។សេចក្តីព្រាងច្បាប់ធម្មនុញ្ញ ដើម្បីកំណត់សញ្ជាតិខ្មែរតែមួយ សម្រាប់មេដឹកនាំស្ថាប័នកំពូលៗទាំង ៤របស់ជាតិ ត្រូវបានរាជរដ្ឋាភិបាលរៀបចំឡើងកាលពីខែមុន និងត្រូវបានរដ្ឋសភា អនុម័តយល់ព្រម កាល ពណីថ្ងៃទី២៥ ខែតុលា ឆ្នាំ២០២១នេះ។សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានបញ្ជាក់ថា ការធ្វើ វិសោធនកម្មរដ្ឋធម្មនុញ្ញ ដែលកំណត់សញ្ជាតិខ្មែរតែមួយសម្រាប់មេដឹកនាំកំពូល៤រូបនេះ មិនមែនសម្រាប់ តែជំនាន់នេះឡើយ ពោលគឺសម្រាប់អនាគតប្រទេសជាតិទៅគ្រប់ជំនាន់៕អត្ថបទ ៖ បាន ចក់

ទេសរដ្ឋមន្រ្តី លី ធុជ អំពាវនាវឲ្យបន្ដការផ្សព្វផ្សាយការយល់ដឹងអំពីមីន និងសំណល់ជាតិផ្ទុះ ឲ្យបានទូលំទូលាយបន្ថែមទៀត

2021/11/02 12:29:13 pm        578
Facebook Telegram Linkin
ប៉ៃលិន ៖ ឯកឧត្តម ទេសរដ្ឋមន្រ្តី លី ធុជ បានអំពាវនាវឲ្យអាជ្ញាធរដែនដីគ្រប់លំដាប់ថ្នាក់ បន្តយកចិត្តទុកដាក់ផ្សព្វផ្សាយការអប់រំយល់ដឹងអំពីមីន និងសំណល់ជាតិផ្ទុះពីសង្រ្គាម​ឲ្យបានទូលំទូលាយបន្ថែមទៀត ។នេះជាការអំពាវនាវរបស់ ឯកឧត្តម ទេសរដ្ឋមន្រ្តី លី ធុជ អនុប្រធានទី១ អាជ្ញាធរមីន​ក្នុងពិធីដំឡើង​ផ្ទាំងប៉ាណូផ្សព្វផ្សាយការអប់រំការយល់ដឹងអំពីមីន និងសំណល់ជាតិផ្ទុះពីសង្រ្គាម នាព្រឹកថ្ងៃទី០២ ខែវិច្ឆិកា ឆ្នាំ២០២១ តាមបណ្តោយព្រំដែនកម្ពុជា-ថៃ ស្ថិតក្នុងឃុំស្ទឹងកាច់ ស្រុកសាលាក្រៅ ខេត្តប៉ៃលិន ។ឯកឧត្តម ទេសរដ្ឋមន្រ្តី ក៏បានជម្រុញឲ្យមន្រ្តីនគរបាលប៉ុស្តិ៍តាមបណ្តោយព្រំដែន បន្តជួយ​ផ្សព្វ​ផ្សាយ​ជូន​ចំពោះបងប្អូនពលករ មិនត្រូវប្រថុយប្រថាន​ចូលក្នុងតំបន់ដែលមិនស្គាល់​ទីតាំង​ភូមិសាស្រ្តច្បាស់លាស់ ​ក្នុងបំណងណាមួយ ​ដូចជាប្រើប្រាស់ដី​ រុករកអនុផលព្រៃឈើ ធ្វើ​ដំណើរឆ្លងកាត់ មិនត្រូវប៉ះពាល់គ្រាប់មីន ​និងសំណល់ជាតិផ្ទុះពីសង្គ្រាមជាដាច់ខាត ហើយ​ត្រូវរាយការណ៍ជូនអាជ្ញាធរមូលដ្ឋាន មេឃុំ មេភូមិ ប្រតិបត្តិករបោសសម្អាតមីន ឬ​សមត្ថកិច្ចនគរបាលជាបន្ទាន់ ​នៅពេលបានឃើញ ​បានដឹងពីកន្លែងមានមីន សំណល់ជាតិផ្ទុះពីសង្គ្រាមនេះ។ក្នុងឱកាសនោះ ឯកឧត្តម ទេសរដ្ឋមន្រ្តី លី ធុជ បានពាំនាំនូវសេចក្តីសោកស្តាយ​ការក្រៀមក្រំ និងការ​អាណិតអាសូរ​របស់សម្តេចតេជោនាយករដ្ឋមន្រ្តី និងសម្តេចកិត្តិព្រឹទ្ធបណ្ឌិត ចំពោះការ​គ្រោះថ្នាក់រហូតដល់ពិការដោយសារការលេងនិងគប់គ្រាប់របស់កុមារចំនួន ០៤ នាក់ កាលពីថ្ងៃទី៣០ ខែតុលា ឆ្នាំ២០២១ កន្លងទៅនេះ ក្នុងនោះស្រុកបុទុមសាគរ ខេត្តកោះកុងចំនួន ០៣ នាក់ និងស្រុកភ្នំក្រវ៉ាញ ខេត្តពោធិ៍សាត់ចំនួន ០១នាក់។ ឯកឧត្តម ក៏បានជំរុញឲ្យអាណាព្យាបាលត្រូវបន្តយកចិត្តទុកដាក់ខ្ពស់​ចំពោះ​សុខសុវត្ថិភាព​របស់​កូនៗ ដោយត្រូវណែនាំឲ្យមានប្រុងប្រយ័ត្ន និងត្រូវស្ថិតនៅចៀសឲ្យឆ្ងាយពីយុទ្ធភណ្ឌមិន​ទាន់ផ្ទុះ និងតំបន់សង្ស័យថាមានមីននិងគ្រាប់។គិតត្រឹមខែកញ្ញា ឆ្នាំ២០២១ ឃុំស្ទឹងកាច់ ស្រុកសាលាក្រៅ ខេត្តប៉ៃលិន មានផ្ទៃដីបោស​សម្អាត​រួច​បានប្រមាណ ១៤.៥ គីឡូម៉ែត្រក្រឡា រកឃើញ ​និងកំទេច​ចោលមីនប្រឆាំងមនុស្សចំនួន ២៤ ៧៩០ គ្រាប់ មីន​តោនចំនួន ៧៣ គ្រាប់ និង​សំណល់ជាតិផ្ទុះពីសង្គ្រាមចំនួន ៨ ៩៣០គ្រាប់ និង​ផ្ទៃដីដែល​នៅសល់ប្រមាណជាង ១.៦ គីឡូម៉ែត្រក្រឡា។ យោង​តាមទិន្នន័យ CMVIS របស់អាជ្ញាធរមីន ​ចាប់ពីឆ្នាំ១៩៧៩ ដល់​ខែតុលា ​ឆ្នាំ២០២១ ជនរង​គ្រោះថ្នាក់​ដោយសារមីន​ និងសំណល់ជាតិផ្ទុះពីសង្គ្រាមសរុប ​៤៤៦ នាក់ ស្មើនឹង ៣១% នៃជនរងគ្រោះទូទាំងខេត្តប៉ៃលិន​ ក្នុងនោះ​ដោយសារមីន ៣៨៩ នាក់ និងគ្រាប់ ៥៧ នាក់៕

ការស្គែន QR Code ប័ណ្ណចាក់វ៉ាក់សាំង កំពុងដំណើរការល្អ ខណៈពលរដ្ឋចូលរួមអនុវត្ត

2021/11/02 12:01:37 pm        293
Facebook Telegram Linkin
ភ្នំពេញ ៖ ពលរដ្ឋនៅក្នុងរាជធានីភ្នំពេញ ចូលរួមអនុវត្តបានល្អប្រសើរ ក្នុងការស្គែន QR Code ក៏ដូចជាបង្ហាញនូវប័ណ្ណចាក់វ៉ាក់សាំងកូវីដ១៩ នៅពេលចូលទៅក្នុងទីផ្សារណាមួយ ខណៈវិស័យនានានៅកម្ពុជា ត្រូវបានរាជរដ្ឋាភិបាលបើកដំណើរការឡើងវិញ ។លោក ឯក និមល ប្រធានគណៈកម្មការគ្រប់គ្រងផ្សារបឹងកេងកង ​លើកឡើងថា បន្ទាប់ពី​សម្ដេចតេជោ នាយករដ្ឋមន្ត្រី បានប្រកាសបើកដំណើរការប្រទេសឡើងវិញ សកម្មភាពការលក់ដូរក្នុងផ្សារបឹងកេងកង ​មានការអួរអរច្រើន ហើយអតិថិជនកើនឡើងជាងមុន បើធៀបនឹងអំឡុងនៃការឆ្លងរាលដាលខ្លាំងនៃជំងឺកូវីដ១៩នៅក្នុងប្រទេសកម្ពុជា ។លោក បន្តថា ទន្ទឹមនឹងការកើនឡើងនៃចំនួនអ្នកចូលទិញក្នុងផ្សារនេះ គណៈកម្មការផ្សារ បានរៀបចំដាក់ឧបករណ៍វាស់កំដៅ ​ការស្គែន QR Code និងពិនិត្យប័ណ្ណចាក់វ៉ាក់សាំង ហើយអ្នកចូលផ្សារ ​ក៏បានចូលរួមសហការបានល្អ ។សម្រាប់ប្រជាពលរដ្ឋ លើកឡើងថា ការដាក់ឧបករណ៍ទប់ស្កាត់ការឆ្លងជំងឺកូវីដ១៩ និង​ការពិនិត្យ​ប័ណ្ណ​ចាក់វ៉ាក់សាំង​ ចំពោះអ្នកចូលផ្សារនេះ គឺជាសកម្មភាពល្អ ព្រោះវា​អាច​នឹង​ជួយទប់ស្កាត់​ការ​ឆ្លងរាលដាលជំងឺកូវីដ១៩ នៅកម្ពុជាបន្ថែមទៀត បើទោះបីមានការចាក់វ៉ាក់សាំង​គ្រប់ចំនួន​ដូស​ហើយនោះ ។កាលពីពេលថ្មីៗនេះ ប្រព័ន្ធ QR Code Stop Covid របស់កម្ពុជា ឈ្នះពាននវានុវត្តន៍ឌីជីថល​សកល​ស្ដីពីកូវីដ១៩ ពីសហភាពទូរគមនាគមន៍អន្តរជាតិ (ITU) និងការិយាល័យអង្គការសហប្រជាជាតិ​សម្រាប់​កិច្ចសហការភាគខាងត្បូង ​(UNOSSC) ដែលជាស្ថាប័នរបស់អង្គការសហប្រជាជាតិ ទទួលបន្ទុកលើវិស័យទូរគមនាគមន៍ ​និងឌីជីថល ៕អត្ថបទ ៖ បាន សុខរិទ្ធិ

សេវាដឹកជញ្ជូនសាធារណៈរថយន្តក្រុង ចាប់ផ្ដើមដំណើរការសាកល្បងឡើងវិញហើយ

2021/11/02 11:43:06 am        330
Facebook Telegram Linkin
ភ្នំពេញ ៖រដ្ឋាករស្វយ័តដឹកជញ្ជូនសាធារណៈរថយន្តក្រុង បានដាក់ឱ្យដំណើរការឡើងវិញ លើសេវាដឹកជញ្ជូនសាធារណៈរថយន្តក្រុង និងកាណូត ពីថ្ងៃទី២វិច្ឆិកា នេះតទៅ ដោយ​យោង​ប្រសាសន៍ដឹកនាំដ៏ខ្ពង់ខ្ពស់របស់សម្តេចតេជោ ហ៊ុន សែន ​និងការណែនាំ​របស់​ឯកឧត្តម ឃួង ស្រេង អភិបាលរាជធានីភ្នំពេញ។ ការដំណើរការឡើងវិញនេះ គឺជាការសាកល្បងរយៈពេល​មួយសប្ដាហ៍។អ្នកដំណើរដែលជ្រើសយកសេវាសាធារណៈរថយន្តក្រុង នៅថ្ងៃចាប់ផ្ដើមដំបូងឡើងវិញនាថ្ងៃនេះ បានយល់ឃើញថា ការដំណើរការការដឹកជញ្ជូនសាធារណៈឡើងវិញនេះ គឺល្អប្រសើរ ប៉ុន្តែយើងក៏ត្រូវការពារដែរកុំឱ្យមានការឆ្លងរាលដាលជាថ្មីនូវជំងឺកូវីដ១៩។ជាមួយនឹងដំណើរការឡើងវិញសេវាដឹកជញ្ជូនសាធារណៈនេះ​លក្ខខ័ណ្ឌ​ នៃការជិះរថយន្តក្រុង និងកាណូត ​ចំពោះអ្នកដំណើរទាំងអស់ត្រូវគោរពតាមវិធានសុខាភិបាល ដោយ​ត្រូវ​បង្ហាញ​ប័ណ្ណ​ចាក់វ៉ាក់សាំង​ ពាក់ម៉ាស ​លាងដៃ និងអាល់កុល វ៉ាស់កម្ដៅ ​ស្កេន QR-Code ​និងអង្គុយតាមកៅអី ដែលបានរៀបចំរក្សាគម្លាត។ការដាក់ឱ្យដំណើរការសាកល្បងសេវាដឹកជញ្ជូន សាធារណៈរថយន្តក្រុង​ និងកាណូតឡើងវិញនេះ គឺចាប់ពីថ្ងៃទី០២ ខែវិច្ឆិកា ឆ្នាំ ២០២១ ដោយមានខ្សែរត់ដូចជា ខ្សែទី១ ចេញពីស្ថានីយចំណត​រថយន្ត​ក្រុងព្រែកព្នៅ​ ដល់ស្ថានីយចំណតរថយន្តក្រុងវាលស្បូវ។ ខ្សែទី២ ចេញពី​ស្ថានីយ​ចំណត​រថយន្តក្រុងរង្វង់មូលគួចកាណុង ​ដល់ស្ថានីយ​ចំណត​រថយន្តក្រុងស្ពានព្រែកសំរោង​ ក្រុងតាខ្មៅ។ខ្សែទី៣ ចេញពីស្ថានីយចំណតរថយន្តក្រុង សួនឫស្សីកែវ ដល់ស្ថានីយ​ចំណតរថយន្តក្រុងបុរី​សន្តិភាព២ តាមមហាវិថីសហព័ន្ធរុស្ស៊ី។ ​ខ្សែទី៤A ចេញពីស្ថានីយចំណតរថយន្តក្រុង សួន​ឫស្សីកែវ ដល់ស្ថានីយចំណតរថយន្តក្រុងបុរីសន្តិភាព២តាមមហាវិថីសហព័ន្ធរុស្ស៊ី ​និងខ្សែទី៤B ចេញពីស្ថានីយ​ចំណតរថយន្តក្រុងសួនឫស្សីកែវ ដល់ស្ថានីយចំណតរថយន្តក្រុងបុរីសន្តិភាព២ តាមមហាវិថីចោមចៅ។ ចំពោះ កាណូត គឺចេញពីស្ថានីយ ចំណតសួនឫស្សីកែវ ដល់ស្ថានីយ៍ចំណតក្រុងតាខ្មៅ។ទន្ទឹមនេះ រដ្ឋបាលរាជធានីភ្នំពេញ បានអនុញ្ញាតឱ្យជិះដោយមិនបង់ប្រាក់រយៈពេល ០៦ថ្ងៃ ចាប់ពីថ្ងៃទី០២ ដល់ ថ្ងៃទី០៧ ខែវិច្ឆិកា ឆ្នាំ២០២១ និងគិតកម្រៃសេវាធម្មតាចាប់ពីថ្ងៃទី០៨​ ខែវិច្ឆិកា ឆ្នាំ២០២១ ប៉ុន្តែក៏លើកលែងមិនគិតថ្លៃសេវាចំពោះព្រះសង្ឃ ​ចាស់ជរា ​កុមារកម្ពស់ក្រោម១ម៉ែត្រ សិស្ស-និស្សិត កម្មករ-កម្មការិនី កីឡាករ-កីឡាការិនី និងគ្រូបង្រៀន៕

វិស័យឯកជនផ្ដល់អំណោយជូនរដ្ឋបាលរាជធានីភ្នំពេញ ដើម្បីចែកជូនពលរដ្ឋរងគ្រោះដោយជំនន់ស្ទឹងព្រែកត្នោត

2021/11/01 05:32:08 pm        668
Facebook Telegram Linkin
ភ្នំពេញ ៖ ក្រុមហ៊ុន ៣អិលអឹមធី អ៊ិនវេសម៊ិន ឯ.ក ផ្ដល់អំណោយគ្រឿងឧបភោគបរិភោគជូនរដ្ឋបាលរាជធានី ដើម្បីជួយសង្គ្រោះពលរដ្ឋរងគ្រោះដោយជំនន់ទឹកភ្លៀង។ពិធីប្រគល់ទទួលអំណោយនេះ បានធ្វើឡើងនារសៀលថ្ងៃទី០១ ខែ វិច្ឆិកា ឆ្នាំ២០២១ ក្រោមវត្តមាន ឯកឧត្ដម ឃួង ស្រេង អភិបាលរាជធានីភ្នំពេញ និងក្រុមហ៊ុន ៣អិលអឹមធី អ៊ិនវេសម៊ិន ឯ.ក នៅសាលារាជធានីភ្នំពេញ។ឯកឧត្ដម មានប្រសាសន៍ថា ក្នុងនាមក្រុមប្រឹក្សារាជធានីភ្នំពេញ និងក្នុងនាមគណៈអភិបាល​រាជ​ធានី​ភ្នំពេញ សូមថ្លែងអំណរគុណយ៉ាងជ្រាលជ្រៅចំពោះក្រុមហ៊ុន ៣អិលអឹមធី អ៊ិនវេសម៉ិន ឯ.ក ដែល​បាន​ឧបត្ថម្ភ អង្ករ៥០តោន ទឹកស៊ីអ៊ីវ ចំនួន ១០០០យួរ ទឹកត្រីចំនួន១,០០០យួរ ត្រី​ខចំនួន ១០០០យួរ​ មីចំនួន ១០០០កេសតូច ទឹក​បរិសុទ្ធចំនួន ១០០០កេស ​ជូនដល់រដ្ឋបាលរាជធានីភ្នំពេញ ដើម្បីចូលរួមចំណែកជួយសង្គ្រោះប្រជាពលរដ្ឋដែលរងគ្រោះដោយសារជំនន់ទឹកភ្លៀង។ឯកឧត្ដម ឃួង ស្រេង បន្ថែមថា ទឹកចិត្តសប្បុរសធម៌ដ៏ថ្លៃថ្លាមួយនេះ ​ស្តែងឱ្យឃើញអំពីការគិតគូរ និង​ក្តីអាណិតស្រលាញ់ចំពោះជនរួមជាតិ ​ដោយឈរលើបុព្វហេតុជាតិ ​សាមគ្គីជាធ្លុងមួយ ក្នុង​ស្មារតីជួយគ្នា ​នៅក្នុងកាលៈទេសៈដែលប្រទេសជាតិកំពុងប្រយុទ្ធប្រឆាំងជាមួយ និងជំងឺកូវីដ-១៩ ហើយ​ប្រជាជនរាជធានីភ្នំពេញ កំពុងរងគ្រោះដោយសារជំនន់ទឹកភ្លៀងថែមទៀត។ សមានចិត្តដ៏ប្រពៃនេះ នឹងត្រូវបានចងចាំទុកដោយរាជរដ្ឋាភិបាល រដ្ឋបាលរាជធានីភ្នំពេញ និងប្រជាពលរដ្ឋកម្ពុជាទាំងអស់៕អត្ថបទ ៖ ប្រាក់ វ៉ាន់ដា

ព្រឹទ្ធសភា នឹងអនុម័តសេចក្តីព្រាងច្បាប់ ស្តីពីការកំណត់សញ្ជាតិតែមួយនៃថ្នាក់ដឹកនាំកំពូលៗនៅថ្ងៃស្អែក

2021/11/01 02:27:27 pm        262
Facebook Telegram Linkin
ភ្នំពេញ ៖ សេចក្តីព្រាងច្បាប់ធម្មនុញ្ញ ស្តីពីវិសោធនកម្មមាត្រា១៩ថ្មី មាត្រា៨២ថ្មី មាត្រា១០៦ថ្មី (មួយ) មាត្រា១១៩ថ្មី និងមាត្រា១៣៧ថ្មី នៃរដ្ឋធម្មនុញ្ញនៃព្រះរាជាណាចក្រកម្ពុជា ​និងមាត្រា៣ និងមាត្រា៤ នៃច្បាប់ធម្មនុញ្ញបន្ថែម ​ដើម្បីកំណត់សញ្ជាតិខ្មែរតែមួយសម្រាប់ថ្នាក់ដឹកនាំកំពូលៗ នឹងត្រូវព្រឹទ្ធសភា ពិនិត្យនិងឱ្យយោបល់ក្នុងកិច្ចប្រជុំព្រឹទ្ធសភាជាវិសាមញ្ញ នីតិកាលទី៤ នៅថ្ងៃទី២ ខែតុលា ឆ្នាំ២០២១ ស្អែកនេះ ។បើតាមសេចក្តីសេចក្តីប្រកាសព័ត៌មានស្តីពីលទ្ធផល នៃកិច្ចប្រជុំគណៈកម្មាធិការអចិន្ត្រៃយ៍ព្រឹទ្ធសភា ដែលបានចេញនៅថ្ងៃទី១ ខែតុលា ឆ្នាំ២០២១នេះ បានបញ្ជាក់ថា បន្ទាប់ពីបានពិនិត្យ និងពិភាក្សារួចមក គណៈកម្មាធិការអចិន្ត្រៃយ៍ព្រឹទ្ធសភា បានកំណត់យកថ្ងៃទី២ ខែ វិច្ឆិកា ឆ្នាំ២០២១ ព្រឹកស្អែកនេះ ដើម្បីប្រជុំព្រឹទ្ធសភាជាវិសាមញ្ញ នីតិកាលទី៤ ដោយមានរបៀបវារៈចំនួនបីដូចខាងក្រោម ៖ ទី១៖ ពិនិត្យ និងឱ្យយោបល់លើសេចក្តីព្រាងច្បាប់ធម្មនុញ្ញ ស្តីពីវិសោធនកម្មមាត្រា១៩ថ្មី មាត្រា៨២ថ្មី មាត្រា១០៦ថ្មី(មួយ) មាត្រា១១៩ថ្មី និងមាត្រា១៣៧ថ្មី នៃរដ្ឋធម្មនុញ្ញនៃព្រះរាជាណាចក្រកម្ពុជា និងមាត្រា៣ និងមាត្រា៤ នៃច្បាប់ធម្មនុញ្ញបន្ថែម សំដៅធានានូវដំណើរការជាប្រក្រតី នៃស្ថាប័នជាតិ។ទី២៖ ពិនិត្យ និងឱ្យយោបល់លើសេចក្តីព្រាងច្បាប់ ស្តីពីការអនុម័តយល់ព្រមលើកិច្ចព្រម-ព្រៀង​បន្ថែមទៅលើកិច្ចព្រមព្រៀងរវាងរាជរដ្ឋាភិបាលកម្ពុជា និងអង្គការសហប្រជាជាតិ ទាក់ទងទៅ​នឹងការកាត់សេចក្តីនៅក្រោមច្បាប់កម្ពុជានូវឧក្រិដ្ឋកម្ម ដែលប្រព្រឹត្តឡើងនៅ​ក្នុងរយៈកាល​នៃ​កម្ពុជាប្រជាធិបតេយ្យ ស្តីពីការរៀបចំក្នុងពេលអន្តរកាល និងការបញ្ចប់ការងាររបស់​អង្គជំនុំ​ជម្រះវិសាមញ្ញ។និងទី៣៖ ពិនិត្យ និងឱ្យយោបល់លើសេចក្តីព្រាងច្បាប់ស្តីពី ភាពជាដៃគូរវាងរដ្ឋ និងឯកជន។សូមបញ្ជាក់ថា សេចក្តីព្រាងច្បាប់ធម្មនុញ្ញស្តីពីវិសោធនកម្មមាត្រា១៩ថ្មីមាត្រា៤២ថ្មី មាត្រា១០៦ថ្មី(មួយ) មាត្រា១១៩ថ្មី និង មាត្រា ១៣ថ្មី នៃរដ្ឋធម្មនុញ្ញនៃព្រះរាជាណាចក្រកម្ពុជា និងមាត្រា៣, មាត្រា៤ នៃច្បាប់ធម្មនុញ្ញ ដែលកំណត់ «សញ្ជាតិខ្មែរតែមួយគត់» ចំពោះតួនាទី​ប្រធានព្រឹទ្ធសភា ប្រធានរដ្ឋសភា នាយករដ្ឋមន្ត្រី និងប្រធានក្រុមប្រឹក្សាធម្មនុញ្ញ ត្រូវបាន​គណៈរដ្ឋមន្ត្រី អនុម័តក្នុងកិច្ចប្រជុំពេញអង្គ កាលពីនៅថ្ងៃសុក្រ ទី០៨ ខែតុលា ឆ្នាំ២០២១ និងត្រូវបានរដ្ឋសភា អនុម័តទាំងស្រុង ​កាលពីថ្ងៃទី២៥​ ខែតុលា ឆ្នាំ២០២១ កន្លងទៅនេះ៕អត្ថបទ ៖ បាន ចក់

ឯកឧត្តម អ៊ុ រាត្រី អញ្ជើញបើកយុទ្ធនាការចាក់វ៉ាក់សាំងជូនកុមារអាយុ ៥ឆ្នាំ

2021/11/01 02:21:32 pm        392
Facebook Telegram Linkin
បន្ទាយមានជ័យ ៖ ឯកឧត្តម អ៊ុ រាត្រី អភិបាលខេត្តបន្ទាយមានជ័យ អញ្ជើញបើកយុទ្ធនាការចាក់វ៉ាក់សាំងបង្ការជំងឺកូវីដ១៩ ជូនកុមារអាយុ៥ឆ្នាំនៅមណ្ឌលសុខភាពទឹកថ្លា ក្រុងសិរីសោភ័ណ ខេត្តបន្ទាយមានជ័យ។សូមបញ្ជាក់ថា ថ្ងៃចន្ទទី១ វិច្ឆិកា ឆ្នាំ២០២១នេះ គ្រប់មណ្ឌលសុខភាព ឃុំ/សង្កាត់ទាំងអស់ បានចាប់ផ្តើមបើកចាក់វ៉ាក់សាំងជូនកុមារទាំងអស់ សូមអាណាព្យាបាលនាំកូន ចៅគ្រប់អាយុទៅទទួលការចាក់វ៉ាក់ឲ្យបានគ្រប់ៗគ្នា។ឯកឧត្តម អ៊ុ រាត្រី អភិបាលខេត្តបន្ទាយមានជ័យបានថ្លែងថា «យុទ្ធនាការចាក់វ៉ាក់សាំងការពារ​ជម្ងឺ​កូវីដ១៩ នាពេលនេះ គឺបានមកពី​គិតគូរ ​យកចិត្តទុកដាក់ខ្ពស់បំផុត​ពីសំណាក់សម្តេចតេជោ ហ៊ុន សែន ទៅដល់ក្មួយៗ​ ដើម្បីឲ្យមានសុខភាពមាំមួន ក្នុងការបង្កើនភាពស៊ាំ ឬអង់ទីគ័រការពារ ប្រឆាំងនឹងជម្ងឺឆ្លងកូវីដ ១៩»។នៅក្នុងឱកាសនោះ ឯកឧត្ដមអភិបាលខេត្ត បានបន្តថា វ៉ាក់សាំងបង្ការនេះ ពិតជា​បាន​ចូលរួម​ចំណែកជួយកាត់បន្ថយការឆ្លងរាលដាលនៃជម្ងឺកូវីដ ១៩ បានមួយ​ផ្នែកធំ បើទោះបីវាមានការឆ្លង​មកបុគ្គល​ដែលបានចាក់ហើយក៏ដោយ​ ក៏អ្នកជម្ងឺមិនអាការៈធ្ងន់ធ្ងរ ​ដល់អាយុជីវិត នោះឡើយ។ ឯកឧត្តមអភិបាលខេត្ត ក៏បានថ្លែងបញ្ជាក់ដែរថា ​ការចាក់វ៉ាក់សាំងបង្ការ នាពេលនេះដែរ គឺធ្វើឡើង​សម្រាប់កុមារ អាយុ៥ឆ្នាំដល់ ក្រោម៦ឆ្នាំ ដែលបានចាប់ផ្តើមចាក់ ចាប់ពីថ្ងៃទី១ វិច្ឆិកា ឆ្នាំ២០២១ តទៅនេះ។ ការចាក់វ៉ាកសាំងជូនកុមារ និងយុវវ័យ ក្នុងក្របខណ្ឌទូទាំងខេត្ត រៀបចំចាប់ផ្តើមចាក់ពីថ្ងៃនេះ​តទៅ​តាមមណ្ឌលសុខភាពទាំង៦៥ ឃុំ/សង្កាត់ ។ឯកឧត្តមអភិបាលខេត្ត បានអំពាវនាវដល់ប្រជាពលរដ្ឋដែលបាននាំកូន ក្មួយៗ មកទទួលការ​ចាក់​វ៉ាក់សាំងបង្ការជម្ងឺកូវីដ ១៩ ខាងលើ ​ត្រូវមកតាមការកំណត់របស់អាជ្ញាធរ ​ជៀសវាង​មកប្រជ្រៀតគ្នា ត្រូវរក្សាគម្លាតសុវត្ថិភាព ​ការប្រើអាល់កុលជែលលាងដៃ និងម៉ាស់៕

បណ្ដាញសង្គម

ព័ត៌មានថ្មីៗ

សម្តេចព្រះមហាក្សត្រី ព្រះវររាជមាតាជាតិខ្មែរ ប្រោសព្រះរាជទានព្រះរាជទ្រព្យ​១៥.០០០​ដុល្លារ រួមជាមួយស្បៀង​ និងសម្ភារមួយចំនួនទៀត ចំពោះកាកបាទក្រហមកម្ពុជា ​សម្រាប់ជួយដល់ប្រជារាស្ត្រភៀសសឹក...!!
08/04/2025 08:08 PM
Facebook Telegram Linkin
កងកម្លាំងអ៊ុយក្រែនវាយប្រហារមូលដ្ឋានអាកាសរុស្ស៊ី នៅគ្រីម៉ា ដោយយន្តហោះ ១គ្រឿង ត្រូវបានបំផ្លាញ ខណៈ ៤គ្រឿងខូចខាត
08/04/2025 07:08 PM
Facebook Telegram Linkin
ក្រសួងការងារនាំយកឱកាសការងារជាង ៧ពាន់កន្លែង សម្រាប់ប្រជាពលរដ្ឋនៅក្នុងខេត្តសៀមរាប
08/04/2025 07:08 PM
Facebook Telegram Linkin
ភាពអត់ឃ្លានកើនឡើង ហើយទីបញ្ចុះសពមានកាន់តែច្រើន នៅទីក្រុង Al-Fashir របស់ស៊ូដង់
08/04/2025 07:08 PM
Facebook Telegram Linkin
TOP STORY | សម្ដេចតេជោ៖«សូមកុំភ្លេចថា ខ្ញុំជានាយឧត្តមសេនីយ៍ផុតលេខផ្កាយមាស៥, នៅកម្ពុជាគ្មានការប្រជែងអំណាចរវាងរដ្ឋាភិបាលជាមួយកងទ័ពនោះឡើយ»!
08/04/2025 07:08 PM
Facebook Telegram Linkin
វិមានក្រឹមឡាំង៖ លោក Putinអាចជួបប្រេសិតពិសេសអាមេរិកក្នុងសប្តាហ៍នេះ
08/04/2025 07:08 PM
Facebook Telegram Linkin
ជំនន់ទឹកភ្លៀងបានសម្លាប់មនុស្ស ១៥នាក់នៅប្រទេសហ្គីណេ
08/04/2025 07:08 PM
Facebook Telegram Linkin
សាកសពជនប៉ាឡេស្ទីនស្វែងរកជំនួយនាំយកទៅកាន់មន្ទីរពេទ្យនៅទីក្រុងហ្កាហ្សា
08/04/2025 06:08 PM
Facebook Telegram Linkin
ព័រ៊ទុយហ្គាល់រឹតត្បិតការចូលដល់តំបន់ព្រៃឈើ ស្របពេលកើតមានរលកកម្តៅ និងហានិភ័យភ្លើងឆេះព្រៃ
08/04/2025 06:08 PM
Facebook Telegram Linkin
ព្យុះ Floris បោកបក់ខិតជិតតំបន់ឆ្នេរអង់គ្លេស និងអៀរឡង់
08/04/2025 06:08 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.