BTV NEWS

BREAKING NEWS|កម្ពុជាចាត់ទុកផែនការថៃចង់ដណ្តើមប្រាសាទតាក្របី និងបិទប្រាសាទតាមាន់ធំគឺជាការប៉ុនប៉ងឈ្លានពានកម្ពុជាគិតទុកជាមុន និងមិនគោរពបទឈប់បាញ់

សម្ដេចតេជោ៖សង្គ្រាមព្រំដែនកម្ពុជា-ថៃបានផ្ទេរពីសង្គ្រាមប្រើប្រាស់អាវុធមកជាសង្រ្គាម ប្រើប្រាស់ជំពាមកៅស៊ូ ខណៈបើពិនិត្យឲ្យសុីជម្រៅវាជារឿងធំ ប្រសិនបើមិនទប់ស្កាត់

ឯកឧត្តម ចាន់ ដារ៉ុង ដឹកនាំគណៈកម្មការអន្តរក្រសួងចុះពិនិត្យវាយតម្លៃបញ្ចប់សុពលភាពការងារថែទាំផ្លូវខួបចំនួន ៣កំណាត់ ក្នុងខេត្តពោធិ៍សាត់

BREAKING NEWS! សម្តេចធិបតី អបអរសាទរចំពោះការប្រព្រឹត្តទៅដោយជោគជ័យនូវកិច្ចប្រជុំវិសាមញ្ញ នៃគណៈកម្មាធិការព្រំដែនទូទៅកម្ពុជា-ថៃ

នយោបាយ និង ការអភិវឌ្ឍន៍

អភិបាលខេត្តកំពត ប្រាប់អាជ្ញាធរឲ្យរិតបន្តឹងការអនុវត្តដើម្បីការពារកូវីដ១៩ និងកូវីដបំប្លែងថ្មី

កំពត ៖ អភិបាលខេត្តកំពត បានប្រាប់អាជ្ញាធរ សមត្ថកិច្ចជំនាញពាក់ព័ន្ធត្រូវបង្កើនការរិតបន្តឹងការអនុវត្តសារាចរណែនាំលេខ០៤ របស់រាជរដ្ឋាភិបាល និងអំពាវនាវដល់ប្រជាពលរដ្ឋត្រូវបង្កើនការប្រុងប្រយ័ត្នទ្វេដង ហើយមិនត្រូវជួបជុំគ្នាច្រើនឡើយ ព្រោះមានតែការចូលរួមទាំងអស់គ្នាទេ ទើបអាចទប់ស្កាត់ការឆ្លងរាលដាលកូវីដ១៩ និងកូវីដ១៩បំប្លែងថ្មី ប្រភេទ“ដែលតា”បាន។ ថ្លែងក្នុងកិច្ចប្រជុំគណៈអភិបាលខេត្ត តាមរយៈវីដេអូ Zoom ដើម្បីបូកសរុបលទ្ធផលការងារប្រចាំខែកក្កដា ២០២១ នាសាលប្រជុំសាលាខេត្ត នៅព្រឹកថ្ងៃទី០២ ខែសីហានេះ ឯកឧត្តម ជាវ តាយ អភិបាលខេត្តកំពត បានលើកឡើងថា ដើម្បីធានាបានប្រសិទ្ធភាព នៃការអនុវត្តវិធានការប្រយុទ្ធ និងទប់ស្កាត់ការឆ្លងរាលដាល នៃជំងឺកូវីដ-១៩ ជាពិសេស ក្នុងបរិបទដែលកម្ពុជាកំពុងប្រឈមនឹងការមកដល់នៃរលកទី៣ នៃការឆ្លងរាលដាល នៃជំងឺកូវីដ-១៩ បំប្លែងខ្លួនថ្មី ប្រភេទដែលតា (Delta) រដ្ឋបាលខេត្តកំពត បានចេញសេចក្តីណែនាំសំខាន់រួចទៅហើយ ប៉ុន្តែរយៈពេលពីរបីថ្ងៃនេះ ឃើញការអនុវត្ត និងការចូលរួមរបស់ប្រជាពលរដ្ឋនៅមិនទាន់បានល្អប្រើសើរនោះទេ ខណៈដែលកូវីដប្រភេទ(Delta) បានឆ្លងរាលដាលកើនដល់ជាង១០០ករណី ក្នុងនោះក៏មាននៅរាជធានីខ្លះដែរ។ ឯកឧត្តម បានប្រាប់ដល់អាជ្ញាធរតាមបណ្តា ក្រុងស្រុក ត្រូវរិតបន្តឹងការអនុវត្តតាមសេចក្តីណែនាំឲ្យបានម៉ឺងមាត់។ ពិសេសសារាចរណែនាំ លេខ០៤ របស់រាជរដ្ឋាភិបាលស្តីពីការដាក់ចេញយុទ្ធនាការពង្រឹងវិធានការប្រយុទ្ធ និងទប់ស្កាត់ការឆ្លងរាលដាលនៃជំងឺកូវីដ-១៩ នៅក្នុងភូមិសាស្រ្តខេត្តកំពត ឲ្យមានប្រសិទ្ធភាព។ចំណែកប្រជាពលរដ្ឋសូមកុំជួបជុំគ្នាច្រើន ក្រៅពីសមាជិកគ្រួសារខ្លួនឡើយ នៅក្នុងអំឡុងពេលនេះ។វិធានការសំខាន់ៗ របស់រដ្ឋបាលខេត្តមានដូចជា ៖ ផ្អាកការធ្វើអាជីវកម្មក្លឹបកំសាន្ត ខារ៉ាអូខេ, រង្គសាល កន្លែងម៉ាស្សា ក្លឹបហាត់ប្រាណ រោងភាពយន្ត។ល។ ហាមលក់ និងសេពគ្រឿងស្រវឹង ហាមឃាត់ការប្រមូលផ្តុំមនុស្សច្រើន និងបានដាក់បម្រាមគោរចរពីចន្លោះម៉ោង ២១ រហូតដល់ម៉ោង ៣ភ្លឺ ។ ប្រសិនបើមានការល្មើសនឹងបទបញ្ជានេះ ត្រូវចាត់វិធានការណែនាំអប់រំ ឬផាកពិន័យ ឬបិទទីតាំងអាជីវកម្មល្មើសនោះតែម្តង៕អត្ថបទ ៖ សារីម

វ៉ាក់សាំងបង្ការជំងឺកូវីដ-១៩ប្រភេទស៊ីណូហ្វាម ចំនួន០១លានដូស និងម្ជុលចាក់វ៉ាក់សាំងចំនួន០១លាន ជាជំនួយរបស់ចិន ដឹកមកដល់កម្ពុជាហើយ

ភ្នំពេញ ៖ វ៉ាក់សាំងបង្ការជំងឺកូវីដ-១៩ ប្រភេទស៊ីណូហ្វាម (Sinopharm) ចំនួន០១លានដូស និងម្ជុលចាក់វ៉ាក់សាំង ចំនួន០១លាន ថ្មីបន្ថែមទៀត ដែលជាជំនួយរបស់សាធារណរដ្ឋប្រជាមានិត ចិន បានដឹកតាមយន្តហោះពិសេសមកដល់ព្រះរាជាណាចក្រកម្ពុជា នាព្រឹកថ្ងៃទី០១ ខែសីហា ឆ្នាំ២០២១នេះ។វ៉ាក់សាំងបង្ការជំងឺកូវីដ-១៩ ប្រភេទ ស៊ីណូហ្វាមនេះ ចាក់បានតែមនុស្សមានអាយុចាប់ពី១៨ឆ្នាំ រហូតដល់៥៩ឆ្នាំ តែប៉ុណ្ណោះ។សូមបញ្ជាក់ផងដែរថា វ៉ាក់សាំងបង្ការជំងឺកូវីដ-១៩ គឺជាឧបករណ៍ដ៏សំខាន់មួយក្នុងការប្រយុទ្ធប្រឆាំងនឹងជំងឺកូវីដ-១៩ ដែលកំពុងរីករាលដាលលើពិភពលោក។ ជាពិសេសរាជរដ្ឋាភិបាលកម្ពុជា ដែលមានសម្តេចតេជោ ហ៊ុន សែន នាយករដ្ឋមន្រី្ត បានដាក់ចេញផែនការផ្តល់វ៉ាក់សាំងការពារជំងឺកូវីដ-១៩ជូនប្រជាពលរដ្ឋ គឺជាផែនការយុទ្ធសាស្ត្រមួយក្នុងការប្រយុទ្ធប្រឆាំង នឹងជំងឺកូវីដ-១៩។ រាជរដ្ឋាភិបាលកម្ពុជា បានស្វះស្វែងយ៉ាងខ្លាំងក្នុងការរកវ៉ាក់សាំងការពារជំងឺកូវីដ-១៩ មកចាក់ជូនប្រជាពលរដ្ឋ។ តាមផែនការនៅត្រឹមខែសីហា ឆ្នាំ២០២១នេះ កម្ពុជា នឹងទទួលបានវ៉ាក់សាំងគ្រប់ ២០លានដូសសម្រាប់ចាក់ជូនប្រជាពលរដ្ឋអាយុចាប់ពី ១៨ឆ្នាំឡើង ដែលមានចំនួនប្រមាណ ១០លាននាក់។ កម្ពុជា ក៏បានបញ្ជាទិញវ៉ាក់សាំងប្រមាណ ៥លានដូសបន្ថែមទៀត សម្រាប់ចាក់ជូនកុមារ និងយុវវ័យអាយុចាប់ពី ១២ឆ្នាំ ទៅ១៧ឆ្នាំផងដែរ។ ដោយឡែកកាលពីថ្ងៃទី៣១ ខែកក្កដា ឆ្នាំ២០២១កាលពីម្ស៊ិលម៉ិញនេះ ព្រះរាជាណាចក្រកម្ពុជា ក៏បានទទួលវ៉ាក់សាំងបង្ការជំងឺកូវីដ-១៩ ប្រភេទស៊ីណូវ៉ាក់ ចំនួន០១លានដូស ព្រមទាំងឧបករណ៍តេស្តរហ័ស ចំនួន៣០ម៉ឺនតេស្ត របស់ក្រុមហ៊ុន ស៊ីណូវ៉ាក់ ដែលជាការបញ្ជាទិញ របស់រាជរដ្ឋាភិបាលកម្ពុជា៕អត្ថបទ រដ្ឋា

សម្ដេចតេជោ ហ៊ុន សែន បញ្ជាក់ថា ការដឹកនាំជាកត្តាជួយជំរុញដំណើរការនៃការចាក់វ៉ាក់សាំងបានលឿននៅកម្ពុជា

ភ្នំពេញ ៖ ប្រមុខរាជរដ្ឋាភិបាលកម្ពុជា សម្ដេចតេជោ ហ៊ុន សែន បានបញ្ជាក់ថា ផែនការចាក់វ៉ាក់សាំងជូនប្រជាពលរដ្ឋកម្ពុជា អាចនឹងបញ្ចប់លឿនជាងការគ្រោងរហូតដល់ទៅ ៦ខែ បើពិនិត្យមើលតាមល្បឿននៃការចាក់វ៉ាក់សាំងរហូតមកដល់ថ្ងៃនេះ។សម្ដេចតេជោ ហ៊ុន សែន បានថ្លែងបញ្ជាក់បែបនេះនៅក្នុងពិធីបើកយុទ្ធនាការចាក់វ៉ាក់សាំងជូនក្រុមមនុស្សអាយុចន្លោះពី ១២ ទៅ ១៧ឆ្នាំ នៅព្រឹកថ្ងៃនេះ។ប្រមុខរាជរដ្ឋាភិបាលបានបញ្ជាក់ថា កត្តាដឹកនាំ គឺជាចំណុចសំខាន់សម្រាប់ដំណើរការចាក់វ៉ាក់សាំងលឿនបែបនេះនៅក្នុងប្រទេសកម្ពុជា។សម្ដេចតេជោ ហ៊ុន សែន បញ្ជាក់ទៀតថា ដំណើរការចាក់វ៉ាក់សាំងនៅកម្ពុជានេះ អាចមានល្បឿនលឿនជាងនេះ ១ខែទៀត ប្រសិនបើសម្ដេចជឿតាមមតិយោបល់របស់សម្ដេចពិជ័យសេនា ទៀ បាញ់ ឧបនាយករដ្ឋមន្ត្រី និងជារដ្ឋមន្ត្រីក្រសួងការពារជាតិ។គិតត្រឹមថ្ងៃនេះ កម្ពុជាបានចាក់វ៉ាក់សាំងជូនប្រជាពលរដ្ឋបានចំនួនជាង ៧លាន ៣០ម៉ឺននាក់ហើយ ឬស្មើនឹង ៧៣.០៥ភាគរយ ក្នុងនោះពលរដ្ឋជាង ៤លាន ៧៨ម៉ឺននាក់ បានចាក់វ៉ាក់សាំងទាំងពីរដូសរួចរាល់ហើយដែរ៕

សម្ដេចតេជោ ហ៊ុន សែន អនុម័តឱ្យចាក់វ៉ាក់សាំងដូសទី៣ ដើម្បីជំរុញការបង្កើតអង់ទីករប្រឆាំងជំងឺកូវីដ-១៩

ភ្នំពេញ៖ ប្រមុខរាជរដ្ឋាភិបាលកម្ពុជា សម្ដេចតេជោ ហ៊ុន សែន បញ្ជាក់ថា សម្ដេចអនុញ្ញាតឱ្យចាក់វ៉ាក់សាំងដូសទី៣ ដែលជាដូសជំរុញសម្រាប់បង្ការការឆ្លងជំងឺកូវីដ-១៩។សម្ដេចតេជោ ហ៊ុន សែន បានថ្លែងបញ្ជាក់បែបនេះ នៅក្នុងសន្និសីទស្ដីពីការចាប់ផ្ដើមយុទ្ធនាការចាក់វ៉ាក់សាំងដល់ក្រុមមនុស្សអាយុចន្លោះពី ១២ ទៅ ១៧ឆ្នាំ នៅព្រឹកថ្ងៃនេះ។សម្ដេចតេជោ បានបញ្ជាក់ថា រាជរដ្ឋាភិបាលបានសម្រេចលើកការចាក់វ៉ាក់សាំងដូសទី៣នេះហើយកាលពីថ្ងៃម្សិលមិញ បន្ទាប់ពីមានការសិក្សារួច។សម្ដេចតេជោ ហ៊ុន សែន បានបញ្ជាក់ទៀតថា វ៉ាក់សាំង AstraZeneca ចំនួន ១ដូស នឹងប្រើប្រាស់ធ្វើជាដូសទី៣ សម្រាប់ធ្វើជាដូសជំរុញដល់ការបណ្ដុះអង់ទីករប្រឆាំងនឹងជំងឺកូវីដ-១៩។សម្ដេចតេជោ ហ៊ុន សែន បានបញ្ជាក់ទៀតថា វ៉ាក់សាំងដូសទី៣នេះ នឹងផ្ដល់ជូនក្រុមការងារជួរមុខដែលកំពុងប្រយុទ្ធនឹងការឆ្លងរីកដាលនៃមេរោគកូវីដ-១៩នៅតាមបណ្ដាខេត្តជាប់ព្រំដែនកម្ពុជា-ថៃ។សម្ដេចតេជោ ហ៊ុន សែន បញ្ជាក់ថា ក្រុមជួរមុខនេះ មានចំនួនចន្លោះពី ៥០ ទៅ ៦០ម៉ឺននាក់ ដែលជាក្រុមអាទិភាពសម្រាប់ទទួលបានវ៉ាក់សាំងដូសទី៣នេះ។សម្រាប់អ្នកចាក់វ៉ាក់សាំងចិនស៊ីណូហ្វាម ឬស៊ីណូវ៉ាក់ទាំងពីរដូសរួចហើយ សម្ដេចតេជោ ហ៊ុន សែន បញ្ជាក់ថា នឹងទទួលបានវ៉ាក់សាំងដូសទី៣ ដែលជាវ៉ាក់សាំង AstraZeneca៕

សម្ដេចតេជោ ហ៊ុន សែន ប្រាប់ក្រសួងសុខាភិបាលឱ្យបញ្ជាទិញរថយន្ត ៤០គ្រឿងថែមទៀតសម្រាប់យុទ្ធនាការចាក់វ៉ាក់សាំង

ភ្នំពេញ៖ សម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា បានស្នើទៅលោកជំទាវ ឱ វណ្ណឌីន រដ្ឋលេខាធិការក្រសួងសុខាភិបាល និងជាប្រធានគណៈកម្មការចាក់វ៉ាក់សាំងទូទាំងប្រទេសបញ្ជារទិញរថយន្តដឹកវ៉ាក់សាំងចំនួន ៤០គ្រឿងបន្ថែមទៀត សម្រាប់ធ្វើយុទ្ធនាការចាក់វ៉ាក់សាំងជូនដល់បងប្អូនប្រជាពលរដ្ឋ ក្នុងនោះចំនួន ២០គ្រឿងបានមកដល់ប្រទេសកម្ពុជាហើយ។ប្រមុខរាជរដ្ឋាភិបាលកម្ពុជា សម្ដេចតេជោ ហ៊ុន សែន បានបញ្ជាក់បែបនេះនៅក្នុងសន្និសីទសារព័ត៌មាននៃការបើកយុទ្ធនាការចាក់វ៉ាក់សាំងបង្ការជំងឺកូវីដ-១៩ដល់ក្រុមមនុស្សអាយុចន្លោះពី ១២ ទៅ ១៧ឆ្នាំ នៅព្រឹកថ្ងៃនេះ។សម្តេចតេជោ ហ៊ុន សែន បានបញ្ជាក់ជាថ្មីថា កម្ពុជានឹងបន្តយកវ៉ាក់សាំងចិនធ្វើជាបង្អែកដ៏ធំ ខណៈវ៉ាក់សាំងប្រទេសផ្សេងទៀតទុកលទ្ធភាពឲ្យក្រសួងការពារជាតិកម្ពុជាជាអ្នកចាត់ចែក និងទាក់ទង។គិតត្រឹមថ្ងៃនេះ កម្ពុជាបានចាក់វ៉ាក់សាំងជូនប្រជាពលរដ្ឋបានចំនួនជាង ៧លាន ៣០ម៉ឺននាក់ហើយ ឬស្មើនឹង ៧៣.០៥ភាគរយ ក្នុងនោះពលរដ្ឋជាង ៤លាន ៧៨ម៉ឺននាក់ បានចាក់វ៉ាក់សាំងទាំងពីរដូសរួចរាល់ហើយដែរ៕

សម្ដេចតេជោ ហ៊ុន សែន បញ្ជាក់ថា សម្ដេចមិនទៅទទួលវ៉ាក់សាំងអាមេរិកដោយសារវ៉ាក់សាំងផ្ដល់មកតាមយន្តការ COVAX

ភ្នំពេញ ៖ ប្រមុខរាជរដ្ឋាភិបាលកម្ពុជា សម្ដេចតេជោ ហ៊ុន សែន បានបញ្ជាក់ថា សម្ដេចមិនបានចេញទៅទទួលវ៉ាក់សាំងដែលជាជំនួយផ្ដល់ដោយសហរដ្ឋអាមេរិកនោះឡើយ ដោយថា វ៉ាក់សាំងនោះ មិនត្រូវបានផ្ដល់មកកម្ពុជា តាមរយៈយន្តការទ្វេភាគីនោះឡើយ។សម្ដេចតេជោ ហ៊ុន សែន បានបញ្ជាក់បែបនេះ នៅក្នុងសន្និសីទបើកយុទ្ធនាការចាក់វ៉ាក់សាំងជូនកុមារ និងយុវវ័យអាយុចន្លោះពី ១២ ទៅ ១៧ឆ្នាំ នៅមន្ទីរពេទ្យកាល់ម៉ែត នៅព្រឹកថ្ងៃនេះ។សម្ដេចតេជោ ហ៊ុន សែន បញ្ជាក់ថា សម្ដេចបានចេញទៅទទួលវ៉ាក់សាំងដែលជាជំនួយរបស់ចិន និងជប៉ុន ដែលត្រូវបានផ្ដល់មកកម្ពុជា តាមរយៈយន្តការទ្វេភាគី។ ប៉ុន្តែ សម្ដេចតេជោ ហ៊ុន សែន បញ្ជាក់ថា ចំណែកឯវ៉ាក់សាំងអាមេរិក Johnson & Johnson ចំនួន ១លានដូស ត្រូវបានផ្ដល់មកកម្ពុជាតាមរយៈយន្តការ COVAX របស់អង្គការសុខភាពពិភពលោក។សម្ដេចតេជោ ហ៊ុន សែន បញ្ជាក់ថា សម្ដេចមិនបានចេញទៅទទួលបែបនេះ មិនមែនជាការរើសអើងចំពោះវ៉ាក់សាំងអាមេរិកនោះឡើយ។សម្ដេចតេជោ ហ៊ុន សែន បញ្ជាក់បន្ថែមទៀតថា សម្ដេចតេជោ ហ៊ុន សែន នឹងទៅទទួលវ៉ាក់សាំងដែលជាជំនួយរបស់រដ្ឋាភិបាលអង់គ្លេស ដែលគ្រោងមកដល់កម្ពុជានាពេលឆាប់ៗខាងមុខនេះ៕

វ៉ាក់សាំងបង្ការជំងឺកូវីដ-១៩ និងឧបករណ៍តេស្តរហ័សរបស់មិត្តចិន បានដឹកមកដល់កម្ពុជា នៅថ្ងៃនេះ

ភ្នំពេញ ៖ វ៉ាក់សាំងបង្ការជំងឺកូវីដ-១៩ ប្រភេទស៊ីណូវ៉ាក់ ចំនួន០១លានដូសរបស់ក្រុមហ៊ុន ស៊ីណូវ៉ាក់ និងឧបករណ៍តេស្តរហ័ស ចំនួន៣០ម៉ឺនតេស្តរបស់សាធារណរដ្ឋប្រជាមានិត ចិន បានដឹកមកដល់ព្រះរាជាណាចក្រកម្ពុជា នៅថ្ងៃទី៣១ ខែកក្កដា ឆ្នាំ២០២១នេះ។ឆ្លៀតក្នុងឱកាសដែរ លោកជំទាវវេជ្ជបណ្ឌិត យក់ សម្បតិ្ត រដ្ឋលេខាធិការក្រសួងសុខាភិបាល និងជាប្រធានក្រុមការងារប្រតិបត្តិការបច្ចេកទេស និងផ្គត់ផ្គង់នៃគណៈកម្មការអន្តរក្រសួង ដើម្បីប្រយុទ្ធ នឹងជំងឺកូវីដ-១៩ បានអញ្ជើញទទួលវ៉ាក់សាំងបង្ការជំងឺកូវីដ-១៩ ព្រមទាំងឧបករណ៍តេស្តរហ័ស នៅអាកាសយានដ្ឋានអន្តរជាតិភ្នំពេញ បានប្រាប់បណ្តាញអ្នកសារព័ត៌មានថា វ៉ាក់សាំងកូវីដ-១៩ ប្រភេទស៊ីណូវ៉ាក់ ចំនួន០១លានដូស គឺជាវ៉ាក់សាំងកូវីដ-១៩ បញ្ជាទិញពីក្រុមហ៊ុនស៊ីណូវ៉ាក់ របស់រាជរដ្ឋាភិបាលកម្ពុជា។ ហើយវ៉ាក់សាំងស៊ីណូវ៉ាក់ បានមកដល់នាព្រឹកនេះ មិនមែនអស់ត្រឹមថ្ងៃនេះទេ គឺរាជរដ្ឋាភិបាលកម្ពុជា បានត្រៀមវ៉ាក់សាំង សម្រាប់ចាក់ជូនដល់កុមារ។ ជាពិសេសនៅកម្មវិធីស្អែកថ្ងៃទី១ ខែសីហា ឆ្នាំ២០២១ សម្តេចតេជោ ហ៊ុន សែន នាយករដ្ឋមន្រី្ត នឹងអញ្ជើញបើកយុទ្ធនាការចាក់វ៉ាក់សាំងកូវីដ-១៩ ប្រភេទស៊ីណូវ៉ាក់ ជូនកុមារ និងយុវវ័យ អាយុចាប់ពី១២ឆ្នាំ ដល់អាយុក្រោម១៨ឆ្នាំ។ ដូច្នេះកម្ពុជា នឹងទទួលវ៉ាក់សាំងប្រភេទស៊ីណូវ៉ាក់ ជាបន្តបន្ទាប់។ ដោយឡែកវ៉ាក់សាំងអាស្រ្តាហ្សេនីកា ក៏ដូចជាវ៉ាក់សាំង ចនសុន-ចនសុន ដែលកម្ពុជា បានទទួលនោះ យើងបានរៀបចំផែនការពង្រាយនៅតាមបណ្តាខេត្ត ទន្ទឹមនឹងនោះ សម្រាប់វ៉ាក់សាំងចនសុន-ចនសុន គឺគណៈកម្មការចំពោះកិច្ចចាក់វ៉ាក់សាំងកូវីដ១៩ ក្នុងក្របខណ្ឌទូទាំងប្រទេស បានពង្រាយទៅកាន់ខេត្តទាំង០៩ នៅជាប់ព្រំដែន។លោកជំទាវវេជ្ជបណ្ឌិត យក់ សម្បតិ្ត បានបញ្ជាក់ទៀតថា យុទ្ធនាការចាក់វ៉ាក់សាំងកូវីដ-១៩ ប្រភេទស៊ីណូវ៉ាក់ ជូនកុមារ និងយុវវ័យ អាយុចាប់ពី១២ឆ្នាំ ដល់អាយុក្រោម១៨ឆ្នាំ នាថ្ងៃស្អែកនោះ យើងមិនខ្វះនៅវ៉ាក់សាំងសម្រាប់ចាក់ជូនកុមារ និងយុវវ័យនោះឡើយ យើងមានវ៉ាក់សាំងគ្រប់គ្រាន់នៅក្នុងដៃ។ ហើយសម្តេចតេជោ លោកបានបញ្ជាក់ច្បាស់ហើយថា វ៉ាក់សាំងកូវីដ-១៩ ជាវ៉ាក់សាំងយុទ្ធសាស្រ្តដែលកម្ពុជា បញ្ជាទិញពីសាធារណរដ្ឋប្រជាមានិត ចិន។ ក្រៅពីនោះកម្ពុជា នៅមានវ៉ាក់សាំងគាំទ្រជាច្រើនទៀត ពីខាងកូវ៉ាក់ ដែលកម្ពុជា នឹងទទួលជាបន្តបន្ទាប់។ វ៉ាក់សាំងសម្រាប់កម្ពុជា គឺមិនខ្វះនោះទេ គឺយើងមានផែនការច្បាស់លាស់។ នៅចំពោះមុខ អ្វីដែលកម្ពុជា បានបញ្ជាទិញរួចហើយ និងទទួលការមកដល់វ៉ាក់សាំងកូវីដ-១៩ជាបន្តបន្ទាប់ទៀត សរុបមានចំនួនជាង២៦លានដូស ដែលយើងត្រូវទទួលរហូតដល់ពាក់កណ្តាលខែសីហា ឆ្នាំ២០២១ ខាងមុខនេះ។ ហើយវ៉ាក់សាំងកូវីដ-១៩ ដែលជាជំនួយរបស់អង់គ្លេស បើមិនមានការប្រែប្រួលនោះទេ នឹងដឹកមកដល់កម្ពុជា ចន្លោះពីថ្ងៃទី៣-៤ ខែសីហា ឆ្នាំ២០២១ នាសប្តាហ៍ក្រោយនេះ ហើយនៅមានប្រទេសអូស្រ្តាលី ដែលបានគាំទ្រក្នុងការផ្តល់វ៉ាក់សាំងជូនកម្ពុជាផងដែរ៕អត្ថបទ រដ្ឋា

ឧត្តមសេនីយ៍ទោ សេង ធារិន អំពាវនាវដល់ពលករដែលធ្វើការនៅប្រទេសថៃសូមកុំឆ្លងដែនមកប្រទេសកម្ពុជាក្នុងដំណាក់កាលនេះ

បន្ទាយមានជ័យ ៖ លោកឧត្តមសេនីយ៍ទោ សេង ធារិន មេបញ្ជាការរងនាយសេនាធិការយោធភូមិភាគទី៥ នាព្រឹកថ្ងៃទី ៣១ ខែកក្កដា ឆ្នាំ២០២១ បានអញ្ជើញចុះត្រួតពិនិត្យរឹតបន្តឹងនូវវិធានការបិទខ្ទប់តាមបណ្ដាលច្រកព្រំដែនកម្ពុជា-ថៃ ទិសទី១ខេត្តបន្ទាយមានជ័យ ។ក្នុងដំណើរចុះត្រួតពិនិត្យនាឱកាសនេះ គឺអនុវត្តទៅតាមបទបញ្ជារបស់ប្រមុខរដ្ឋាភិបាលក្នុងការបិទខ្ទប់តាមបណ្ដាច្រកព្រំដែនកម្ពុជា-ថៃ សំដៅទប់ស្កាត់ការឆ្លងរីករាលដាលនូវជំងឺកូវីដ-១៩ ប្រភេទដែលតា ។លោកឧត្តមសេនីយ៍ទោ សេង ធារិន សូមអំពាវនាវ ដល់បងប្អូនដែលជាពលករធ្វើការនៅប្រទេសថៃសូមមេត្តាកុំធ្វើដំណើរឆ្លងដែនមកប្រទេសកម្ពុជា ក្នុងដំណាក់កាលនេះ ព្រោះវាអាចបង្កឱ្យមានការឆ្លងរីករាលដាលនៃជំងឺកូវីដ-១៩ ប្រភេទដែលតា ចូលខ្លួនយើងនិងក្រុមគ្រួសារយើង ហើយពេលនេះប្រទេសកម្ពុជា កំពុងអនុវត្តនូវវិធានការរបស់ប្រមុខរដ្ឋាភិបាល ក្នុងការបិទច្រកព្រំដែនកម្ពុជា-ថៃ មិនឱ្យមានការឆ្លងកាត់ក្នុងរយៈពេលខ្លី ដើម្បីចូលរួមទប់ស្កាត់ការឆ្លងរាលដាលនៃជំងឺកូវីដ-១៩ ចូលកម្ពុជាយើង ។ ដូច្នេះសូមបងប្អូនទ្រាំលំបាកមួយរយៈពេលខ្លី ដើម្បីខ្លួនយើង ដើម្បីក្រុមគ្រួសារយើងនិងដើម្បីកម្ពុជាយើងឆ្លងផុតពីការឆ្លងរាលដាលជំងឺកូវី-១៩ក្នុងដំណាក់កាលនេះ ៕

រថយន្ត១គ្រឿងផាកពិន័យ១លានរៀល និងម៉ូតូ២០ម៉ឺនរៀលប្រសិនបើល្មើសនឹងបម្រាមគោចររបស់អាជ្ញាធរ

ភ្នំពេញ ៖ អភិបាលនៃគណៈអភិបាលរាជធានីភ្នំពេញ ឯកឧត្តម ឃួង ស្រេង បានព្រមានថា នឹងធ្វើការផាកវិន័យ ដោយគ្មានការលើកលែងនោះឡើយ ដោយរថយន្តតម្លៃ១លានរៀល និងគឺម៉ូតូ តម្លៃ២០ម៉ឺនរៀល បើមានការរឹងទទឹងខ្លាំងជាងនេះទៀត នឹងអនុវត្តច្បាប់ទៅតុលាការជាធរមាន ។ថ្លែងប្រាប់អ្នកសារព័ត៌មាន ខណៈដឹកនាំកងកម្លាំងឯកភាពរបស់សាលារាជធានីភ្នំពេញ ដើម្បីចុះត្រួតពិនិត្យ និងចាត់វិធានការបម្រាមគោចរ ដើម្បីទប់ស្កាត់ការឆ្លងរាលដាលនៃមេរោគកូវីដ-១៩ នាយប់ថ្ងៃទី៣០ ខែកក្កដា ឆ្នាំ២០២១នេះ ឯកឧត្តមអភិបាលរាជធានីភ្នំពេញ បានលើកឡើងថា ការដាក់បម្រាមគោចរជាលើកទីពីរនៅក្នុងរាជធានីភ្នំពេញ ក៏ដូចជាបណ្តាខេត្តនានានៅជាប់នឹងព្រំប្រទល់ប្រទេសថៃនេះ គឺធ្វើឡើងស្របទៅតាមបទបញ្ជារបស់ប្រមុខរាជរដ្ឋាភិបាល ដើម្បីទប់ស្កាត់ការរីករាលដាលនូវមេរោគកូវីដ១៩ ជាពិសេសគឺមេរោគកូវីដ១៩បំប្លែងថ្មីប្រភេទDeltaនេះតែម្តង។សូមបញ្ជាក់ថា ដើម្បីទប់ស្កាត់ការឆ្លងរាលដាលនៃជំងឺកូវីដ១៩ និងជំងឺឆ្លងកាចសាហាវ និងប្រកបដោយគ្រោះថ្នាក់ធ្ងន់ធ្ងរផ្សេងទៀត រដ្ឋបាលរាជធាំនីភ្នំពេញ បានដាក់ចេញនូវវិធានការដ្ឋបាល (បំរាមគោចរ) នៅក្នុងភូមិសាស្ត្ររាជធានីភ្នំពេញ ១៤ថ្ងៃ គិតចាប់ពីថ្ងៃទី២៩ វេលាម៉ោង២៣៖និង៥៩នាទី រហូតដល់ថ្ងៃទី១២ ខែសីហា ឆ្នាំ២០២១នេះ។នៅក្នុងសរាចរណែនាំរបស់សាលារាជធានីភ្នំពេញ ក៏បានបញ្ជាក់ផងដែរថា គ្រប់ទីផ្សារ ភោជនីយដ្ឋាន អាហារដ្ឋាន តូបអាហារ ហាងកាហ្វេ ហាងភេសជ្ជៈ និងអាជីវកម្មដ្ឋានផ្នែកអាហារ-ភេសជ្ជៈគ្រប់ប្រភេទ អាចដំណើរការជាប្រក្រតី ប៉ុន្តែត្រូវប្រកបអាជីវកម្មរបស់ខ្លួនត្រឹមតែជាលក្ខណៈវេចខ្ចប់ប៉ុណ្ណោះ ដោយមិនត្រូវអនុញ្ញាតឲ្យអតិថិជនខ្លួន ចូលមកទទួលទាននៅក្នុងបរិវេណអាជីវកម្មដ្ឋានរបស់ពួកផងខ្លួននោះឡើយហើយពុំនោះទេ អាជ្ញាធរនឹងចាត់វិធានការទៅតាមផ្លូវច្បាប់យ៉ាងដូច្នេះដែរ។យ៉ាងណាក៏ដោយបន្ទាប់ពីរដ្ឋបាលរាជធានីភ្នំពេញ បានចេញបម្រាមគោចរនេះ ដោយចាប់ផ្តើមអនុវត្តចាប់ពីម៉ោង៩យប់នោះ គេសង្កេតឃើញផ្លូវនានាក្នុងរាជធានីភ្នំពេញមានសភាពស្ងប់ស្ងាត់ ដោយមានអ្នកធ្វើដំណើរតិចតួចបំផុត ហើយក៏មានការសួរនាំយ៉ាងតឹងរឹងពីមន្រ្តីអនុវត្តច្បាប់ផងដែរ៕អត្ថបទ បាន ចក់

លោកជំទាវ ឱ វណ្ណឌីន បញ្ជាក់អំពីល្បឿននៃការឆ្លងលឿននូវជំងឺកូវីដDelta ដោយក្នុងពេលតែមួយឆ្លងចាប់ពី១០ទៅ១៥នាក់

ភ្នំពេញ ៖ លោកជំទាវ ឱ វណ្ណឌីន រដ្ឋលេខាធិការក្រសួងសុខាភិបាល និងជាប្រធានគណៈកម្មការចំពោះកិច្ចការចាក់វ៉ាក់សាំងកូវីដ១៩ ក្នុងក្របខណ្ឌទូទាំងប្រទេស បានថ្លែងថា មេរោគកូវីដ១៩ បំប្លែងថ្មីប្រភេទDelta អាចធ្វើការចម្លងទៅមនុស្សចាប់ពី១០ទៅ១៥នាក់ ក្នុងពេលតែមួយ ខណៈ Alpha កម្លាំងឆ្លងចាប់ពី៥ទៅ៦នាក់ ក្នុងរយៈពេលដូចគ្នា ដោយឡែកកូវីដ១៩ ធម្មតាឆ្លងត្រឹមតែ១ទៅ២នាក់ ប៉ុណ្ណោះក្នុងរយៈពេលតែមួយនោះ។ថ្លែងប្រាប់អ្នកសារព័ត៌មានក្នុងឱកាសនាំយកអំណោយរបស់សម្តេចតេជោ ហ៊ុន សែន នាយករដ្ឋមន្រ្តី ជាថវិកាបីលានរៀល និងគ្រឿងឧបភោគបរិភោគមួយចំនួនទៀត មនុស្សចាស់ពីរនាក់ នៅក្នុងស្រុកជាំក្សាន្ត ខេត្តព្រះវិហារ ដែលបានស្ម័គ្រចិត្តចាក់វ៉ាក់សាំងកូវីដ-១៩ នៅថ្ងៃទី៣០ ខែកក្កដា ឆ្នាំ២០២១នេះ ។លោកជំទាវ ឱ វណ្ណឌីន បានលើកឡើងថា មេរោគកូវីដ១៩ប្រភេទថ្មីៗចុងក្រោយនេះវាបានឆ្លងលឿនជាងកូវីដ១៩ធម្មតា ហើយរហូតមកដល់ពេលនេះ មេរោគAlpha បានកើតគ្រប់រាជធានីខេត្តហើយ ខណៈ Deltaបានកំពុងឈានជើងចូលក្នុងសហគមន៍បណ្តើរៗដោយភាគច្រើនគឺខេត្តដែលជាប់ នឹងប្រទេសថៃនេះតែម្តង។យ៉ាងណាក៏ដោយលោកជំទាវ ឱ វណ្ណឌីន បានបន្តអំពាវនាវដល់ពលរដ្ឋគ្រប់ៗរូបទាំងអស់មិនថានៅក្នុងខេត្តព្រះវិហារនោះទេ ត្រូវអនុវត្តវិធានការរាជរដ្ឋាភិបាលឱ្យបានខ្ជាប់ខ្ជួន ជាពិសេសត្រូវអនុវត្តវិធានការ ៣ការពារ ៣កុំ។ ជាមួយគ្នានោះសម្រាប់មនុស្សវ័យចាស់ ចាំបាច់ត្រូវទៅទទួលវ៉ាក់សាំងកូវីដ-១៩ ព្រោះជាបុគ្គលងាយរងគ្រោះ ហើយការចាក់វ៉ាក់សាំងនេះទៀតសោត ត្រូវចាក់ឱ្យគ្រប់ចំនួន២ដូស ទើបមានប្រសិទ្ធភាពនោះ៕អត្ថបទ ៖ បាន ចក់

បណ្ដាញសង្គម

ព័ត៌មានថ្មីៗ

[UPDATE] ចំនួនអ្នកស្លាប់បន្ទាប់ពីទឹកជំនន់រដូវមូសុងនៅប៉ាគីស្ថាន និងឥណ្ឌា កើនឡើងដល់ជាង៤០០ នាក់

យោធាអ៊ីស្រាអែល ត្រៀមផ្លាស់ប្តូរទីលំនៅរបស់ប្រជាពលរដ្ឋហ្កាហ្សាទៅកាន់តំបន់ភាគខាងត្បូង

កម្ពុជាបន្តទាមទារឱ្យថៃប្រគល់កងកម្លាំងកម្ពុជា ដែលថៃចាប់ខ្លួន ដោយខុសច្បាប់ មិនទាន់ដោះលែង

អ្នកនាំពាក្យ៖កិច្ចប្រជុំ RBC ទទួលបានលទ្ធផលជាវិជ្ជមាន និងអាចឈានទៅសភាពដើមវិញក្នុងពេលឆាប់ៗ

អគ្គនាយកស៊ីម៉ាក់៖ គ្រាប់មីន PMN-2 ថៃដាក់បង្ហាញប្រតិភូបរទេសចោទកម្ពុជា ជាគ្រាប់មីនជាន់មិនផ្ទុះនោះទេ

លោក Zelensky៖ រុស្ស៊ីធ្វើឱ្យស្មុគស្មាញដល់ការបញ្ចប់សង្រ្គាម ខណៈលោកTrump ជំរុញអ៊ុយក្រែនឱ្យយល់ព្រមលើកិច្ចព្រមព្រៀងសន្តិភាពក្រុងមូស្គូ

ទំនិញខូចគុណភាពជាង៥តោន នាំចូលពីថៃ ឆ្លងប្រទេសឡាវ ចូលមកកម្ពុជា ត្រូវបានសមត្ថកិច្ចចម្រុះបង្ក្រាបដុតកំទេចចោល

ស.អ.ក ខេត្តកំពង់ស្ពឺ នាំយកថវិកាបេឡាមរណសង្គ្រោះជូនគ្រួសារសពសមាជិកអតីតយុទ្ធជន៣គ្រួសារ

អាកាសយានដ្ឋានអន្តរជាតិតេជោ ស្វាគមន៍ និងត្រៀមខ្លួនទទួលភ្ញៀវទេសចរ និងធុរជនជាតិ និងអន្តរជាតិ ពីគ្រប់ទិសទីនៅលើពិភពលោក

លោកជំទាវលីម ដារ៉ែន ជួន ណារិន្ទ ផ្តល់ម៉ូតូ២០គ្រឿង និងអំណោយមួយចំនួន ទៅកាន់វរៈនគរបាល និងកងទ័ពការពារព្រំដែន

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

អភិបាលខេត្តកំពត ប្រាប់អាជ្ញាធរឲ្យរិតបន្តឹងការអនុវត្តដើម្បីការពារកូវីដ១៩ និងកូវីដបំប្លែងថ្មី

សម្ដេចតេជោ ហ៊ុន សែន បញ្ជាក់ថា ការដឹកនាំជាកត្តាជួយជំរុញដំណើរការនៃការចាក់វ៉ាក់សាំងបានលឿននៅកម្ពុជា

សម្ដេចតេជោ ហ៊ុន សែន អនុម័តឱ្យចាក់វ៉ាក់សាំងដូសទី៣ ដើម្បីជំរុញការបង្កើតអង់ទីករប្រឆាំងជំងឺកូវីដ-១៩

សម្ដេចតេជោ ហ៊ុន សែន ប្រាប់ក្រសួងសុខាភិបាលឱ្យបញ្ជាទិញរថយន្ត ៤០គ្រឿងថែមទៀតសម្រាប់យុទ្ធនាការចាក់វ៉ាក់សាំង

សម្ដេចតេជោ ហ៊ុន សែន បញ្ជាក់ថា សម្ដេចមិនទៅទទួលវ៉ាក់សាំងអាមេរិកដោយសារវ៉ាក់សាំងផ្ដល់មកតាមយន្តការ COVAX

វ៉ាក់សាំងបង្ការជំងឺកូវីដ-១៩ និងឧបករណ៍តេស្តរហ័សរបស់មិត្តចិន បានដឹកមកដល់កម្ពុជា នៅថ្ងៃនេះ

រថយន្ត១គ្រឿងផាកពិន័យ១លានរៀល និងម៉ូតូ២០ម៉ឺនរៀលប្រសិនបើល្មើសនឹងបម្រាមគោចររបស់អាជ្ញាធរ

លោកជំទាវ ឱ វណ្ណឌីន បញ្ជាក់អំពីល្បឿននៃការឆ្លងលឿននូវជំងឺកូវីដDelta ដោយក្នុងពេលតែមួយឆ្លងចាប់ពី១០ទៅ១៥នាក់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

អភិបាលខេត្តកំពត ប្រាប់អាជ្ញាធរឲ្យរិតបន្តឹងការអនុវត្តដើម្បីការពារកូវីដ១៩ និងកូវីដបំប្លែងថ្មី

សម្ដេចតេជោ ហ៊ុន សែន បញ្ជាក់ថា សម្ដេចមិនទៅទទួលវ៉ាក់សាំងអាមេរិក​ដោយសារវ៉ាក់សាំង​ផ្ដល់​មកតាមយន្តការ COVAX

វ៉ាក់សាំងបង្ការជំងឺកូវីដ-១៩ និងឧបករណ៍តេស្តរហ័សរបស់មិត្តចិន បានដឹកមកដល់កម្ពុជា នៅថ្ងៃនេះ

រថយន្ត១គ្រឿងផាកពិន័យ១លានរៀល និងម៉ូតូ២០ម៉ឺនរៀល​ប្រសិនបើល្មើស​នឹង​បម្រាម​គោចរ​របស់អាជ្ញាធរ

លោកជំទាវ ឱ វណ្ណឌីន បញ្ជាក់អំពីល្បឿននៃការឆ្លងលឿននូវជំងឺ​កូវីដDelta​ ដោយ​ក្នុងពេលតែមួយ​ឆ្លងចាប់ពី១០ទៅ១៥នាក់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

សម្ដេចតេជោ ហ៊ុន សែន បញ្ជាក់ថា សម្ដេចមិនទៅទទួលវ៉ាក់សាំងអាមេរិកដោយសារវ៉ាក់សាំងផ្ដល់មកតាមយន្តការ COVAX

រថយន្ត១គ្រឿងផាកពិន័យ១លានរៀល និងម៉ូតូ២០ម៉ឺនរៀលប្រសិនបើល្មើសនឹងបម្រាមគោចររបស់អាជ្ញាធរ

លោកជំទាវ ឱ វណ្ណឌីន បញ្ជាក់អំពីល្បឿននៃការឆ្លងលឿននូវជំងឺកូវីដDelta ដោយក្នុងពេលតែមួយឆ្លងចាប់ពី១០ទៅ១៥នាក់