BTV NEWS

សម្ដេចធិបតី៖ រាជរដ្ឋាភិបាល និងមហាគ្រួសារខ្មែរនៅជាមួយកងទ័ពជួរមុខគាំទ្រគ្រប់មធ្យោបាយទាំងអស់

សម្ដេចធិបតី ដឹកនាំគណៈប្រតិភូចូលក្រាបបង្គំគាល់ព្រះករុណា ព្រះមហាក្សត្រ ទូលថ្វាយលទ្ធផលចុះបញ្ជីបូជនីយដ្ឋានចងចាំនៃកម្ពុជា ក្នុងបញ្ជីបេតិកភណ្ឌពិភពលោក

សភាតំណាងប្រជាជនចិនចាត់ទុកសម្តេចតេជោ ជាតួអង្គសំខាន់បន្តពីព្រះបរមរតនកោដ្ឋក្នុងការពូនជ្រំទំនាក់ទំនងរវាងកម្ពុជា និងចិន

សម្តេចតេជោអនុញ្ញាតឱ្យសមាជិកគណៈកម្មាធិការអចិន្ត្រៃយ៍សភាប្រជាជនចិនជួបសម្តែងការគួរសម

នយោបាយ និង ការអភិវឌ្ឍន៍

គម្រោងផ្លូវល្បឿនលឿនភ្នំពេញ-ក្រុងព្រះសីហនុ សាងសង់សម្រេចបានជាង ៥១%

ភ្នំពេញ៖ គម្រោងសាងសង់ផ្លូវល្បឿនលឿនពីភ្នំពេញ ទៅកាន់ក្រុងព្រះសីហនុ គិតមកដល់ពេលនេះ សាងសង់សម្រេចបានជាង ៥១% រួចហើយ ដោយគម្រោងនេះ នឹងគ្រោងបញ្ចប់ការសាងសង់ជាស្ថាពរ នៅត្រឹមថ្ងៃទី ៣១ ខែឧសភា ឆ្នាំ២០២៣។តាមរបាយការណ៍ក្រសួងសាធារណការ និងដឹកជញ្ជូន បានបង្ហាញឱ្យដឹងថា ទោះបីជាប្រទេសកម្ពុជាប្រឈមនឹងការរីករាលដាលនៃជំងឺកូវីដ-១៩ យ៉ាងណាក៏ដោយដំណើរនៃការសាងសង់ផ្លូវល្បឿនលឿនភ្នំពេញ-ក្រុងព្រះសីហនុ នៅតែបន្តដំណើរការដដែល ដោយមិនមានការប៉ះពាល់នោះឡើយ ក្នុងនោះ ក្រុមការងារ បុគ្គលិក កម្មករទាំងអស់ បានខិតខំប្រឹងប្រែងតស៊ូជម្នះនូវគ្រប់ស្ថានភាព, ជាក់ស្ដែងមកដល់ពេលនេះ គម្រោងសាងសង់ផ្លូវល្បឿនលឿនភ្នំពេញ-ក្រុងព្រះសីហនុ ដែលមានប្រវែងសរុបជាង ១៩០គីឡូម៉ែត្រ តភ្ជាប់ពីភូមិ១ សង្កាត់សំរោងក្រោម ខណ្ឌពោធិ៍សែនជ័យ រាជធានីភ្នំពេញ ដល់ភូមិ១ សង្កាត់លេខ៣ ក្រុងព្រះសីហនុ សម្រេចបានប្រមាណ ៥១,៣៥% ហើយតាមកិច្ចសន្យា គ្រោងនេះបញ្ចប់នៅថ្ងៃទី៣១ ខែឧសភា ឆ្នាំ២០២៣ ខាងមុខ។ពាក់ព័ន្ធផលប៉ះពាល់វិញ, ក្រសួងសបញ្ជាក់ថា ចំពោះការដោះស្រាយផលប៉ះពាល់ក្នុងការសាងសង់ផ្លូវល្បឿនលឿន ភ្នំពេញ-ក្រុងព្រះសីហនុ សម្រេចបាន ៩៩,៩% ស្មើជាង ១៨៦ គីឡូម៉ែត្រ នេះបើគិតត្រឹមថ្ងៃទី២៨ ខែឧសភា ឆ្នាំ២០២១ ហើយក្រសួងកំពុងតែខិតខំប្រឹងប្រែងធ្វើការដោះស្រាយបញ្ហាដែលនៅសេសសល់ឱ្យបានរួចរាល់ក្នុងពេលឆាប់ៗនេះផងដែរ។ចំណែកទាក់ទងបច្ចេកទេសសាងសង់, ក្រសួងសាធារណការ និងដឹកជញ្ជូន បង្ហាញថា ចំពោះទទឹងតួផ្លូវសរុប នៃគម្រោងខាងលើ នឹងត្រូវសាងសង់រហូតដល់ ២៤,៥ម៉ែត្រ ក្រាលបេតុងកៅស៊ូ (AC) កម្រាស់១០ សង់ទីម៉ែត្រ ទទឹង ២៣ ម៉ែត្រ ក្នុងនោះ រួមមាន៖ គន្លងផ្លូវធ្វើចរាចរណ៍សម្រាប់រថយន្ដ ទទឹង ១៥ ម៉ែត្រ ចែកជា ៤ គន្លង (២ គន្លងទៅ ២ គន្លងមក) ដែលគន្លងនីមួយៗមានទទឹង ៣,៧៥ ម៉ែត្រ អាចឱ្យយានយន្តគ្រប់ប្រភេទបើកបរក្នុងល្បឿនរហូតដល់ ១០០ គីឡូម៉ែត្រក្នុងមួយម៉ោង និងកន្លែងខ្លះអាចដល់ ១២០ គីឡូម៉ែត្រ ក្នុងមួយម៉ោង។សូមបញ្ជាក់ថា៖ គម្រោងសាងសង់ផ្លូវល្បឿនលឿនភ្នំពេញ-ក្រុងព្រះសីហនុ បានសាងសង់ឆ្លងកាត់រាជធានីភ្នំពេញ ៨,៣០ គីឡូម៉ែត្រ, ខេត្តកណ្តាល ៩,១០ គីឡូម៉ែត្រ, ខេត្តកំពង់ស្ពឺ ៨០,៨០គីឡូម៉ែត្រ, ខេត្តកោះកុង ១,៩២ គីឡូម៉ែត្រ, និងខេត្តព្រះសីហនុ ៨៩,៨៩គីឡូម៉ែត្រ ដោយចំណាយថវិកាសាងសង់សរុបប្រមាណ ២.០០០ លានដុល្លារអាមេរិក ជាទុនវិនិយោគរបស់ក្រុមហ៊ុនសាជីវកម្មស្ពាន និងថ្នល់ចិន (CRBC) តាមរយៈក្រុមហ៊ុន Cambodian PPSHV Expressway Co., Ltd៕អត្ថបទ៖ សុន រ៉ាឌី

អនុសាខាកាកបាទក្រហមកម្ពុជាស្រុកស្វាយជ្រំ ទទួលអំណោយសប្បុរសធម៌ពីកាកបាទក្រហមខេត្ត

ស្វាយរៀង៖ ថ្ងៃនេះនៅទីស្នាក់ការអនុសាខាកាកបាទក្រហមកម្ពុជាស្រុកស្វាយជ្រំ លោកជំទាវ ដួង វណ្ណា ប្រធានកិត្តិយសាខាកាកបាទក្រហមកម្ពុជាខេត្តស្វាយរៀង និងសហការី បាននាំយកអំណោយមនុស្សធម៌ ប្រគល់ជូនដល់អនុសាខាកាកបាទក្រហមកម្ពុជាស្រុក សម្រាប់ត្រៀមបម្រុងឆ្លើយតបជួយប្រជាពលរដ្ឋនៅពេលមានគ្រោះមហន្តរាយកើតឡើង។លោកជំទាវ ដួង វណ្ណា បានមានប្រសាសន៍ផ្ដាំផ្ញើដល់លោក ប្រធានគណៈកម្មាធិការ អនុសាខាកាកបាទក្រហមកម្ពុជាស្រុកស្វាយជ្រំ ក្រោយពីទទួលបានអំណោយទាំងអស់នេះ ត្រូវយកទៅឆ្លើយតបជនងាយរងគ្រោះ និងរងគ្រោះមហន្តរាយផ្សេងៗឲ្យទាន់ពេលវេលា ហើយត្រូវយកចិត្តទុកដាក់តាមដាន ស្ថានភាពគ្រោះមហន្តរាយ និងកត្តាជនងាយរងគ្រោះនៅក្នុងសហគមន៍របស់ខ្លួនក្នុងការឆ្លើយតបឲ្យបាន ទាន់ពេលវេលាក្នុងកម្រិតតិចតួច បើករណីច្រើនលើសពីលទ្ធភាពត្រូវរាយការណ៍ និងផ្តល់ព័ត៌មានឲ្យសាខាខេត្ត ជាបន្ទាន់ ដើម្បីសាខាដោះស្រាយឆ្លើយតបជូនបានទាន់ពេលវេលា ជាពិសេសក្នុងករណីមានប្រជាពលរដ្ឋ ចំណាកស្រុកទើបត្រឡប់មកវិញ ត្រូវតាមដានពីសុខភាពរបស់ពួកគាត់ឲ្យបានល្អិតល្អន់ និងណែនាំអោយ ការពារខ្លួនជៀសវាងការឆ្លងនឹងជំងឺកូវីដ-១៩ ជាពិសេសត្រូវអនុវត្តតាមអនុសាសន៍របស់សម្តេចតេជោ ហ៊ុនសែន ៣ កុំ ៣ ការពារ។ លោកជំទាវ បានបន្តថាអំណោយដែលផ្តល់ជូននាពេលនេះ អនុសាខាត្រូវយកទៅចាត់ចែងប្រើប្រាស់ក្នុងសកម្មភាពនានា ការបង្ការ ទប់ស្កាត់ការឆ្លងរាលដាលនៃជំងឺកូវីដ-១៩ រួមទាំងការងារមនុស្សធម៌ ជួយដល់ប្រជាពលរដ្ឋដែលមានជីវភាពខ្វះខាតស្របតាមអនុសាសន៍ណែនាំដ៏ខ្ពង់ខ្ពស់របស់សម្ដេចតេជោនាយករដ្ឋមន្ត្រី បញ្ជាក់ថា ក្នុងកាលៈទេសៈណាក៏ដោយ មិនត្រូវឲ្យបងប្អូនប្រជាពលរដ្ឋណាម្នាក់រស់នៅដោយអត់ស្បៀង ឬអាហារសម្រាប់បរិភោគនោះឡើយ៕ អត្ថបទ៖ គង់ ហួន

ពលរដ្ឋ ៖ ការបើកឱ្យដំណើរការអាជីវកម្មបើកឡើងវិញ បានជួយទ្រោលស្ថានភាពសេដ្ឋកិច្ចគ្រួសារ

ភ្នំពេញ ៖ ប្រជាពលរដ្ឋ ដែលមានមុខរបរលក់ដូរ ក្នុងរាជធានីភ្នំពេញ បានលើកឡើងថា ការបើកឱ្យដំណើរការ អាជីវកម្មឡើងវីញ បានជួយទ្រោលសេដ្ឋកិច្ចគ្រួសារពួកគេឡើងវិញ បន្ទាប់ពីត្រូវបានញាំញីដោយសារវិបត្តិកូវីដ-១៩អស់ប៉ុន្មានខែ កន្លងមកនេះ។លោក ភុំ ភារ័ត្ន ជាអ្នកប្រកបមុខរបរលក់បាយ គុយទាវ នៅសង្កាត់ភ្នំពេញថ្មី ខណ្ឌសែនសុខ បានប្រាប់BTVថា បន្ទាប់ពីអាជ្ញាធរប្រកាសឱ្យបើកដំណើរការអាជីវកម្មឡើងវិញ ស្របតាមការកំណត់របស់រដ្ឋបាលរាជធានីភ្នំពេញហើយនោះ ឃើញថា ការលក់ដូរប្រចាំថ្ងៃរបស់លោក ទទួលបានអតិថិជនច្រើនជាងអំឡុងពេលបិទខ្ទប់ ទាំងការវេចខ្ចប់ និងការបរិភោគនៅហ្នឹងកន្លែង ប៉ុន្តែយ៉ាងណាមិញ ទាំងរូបលោក និងអតិថិជន ក៏ពុំភ្លេចឡើយនូវការអនុវត្តវិធានការ ៣ការពារ និង៣កុំ របស់ប្រមុខរាជរដ្ឋាភិបាល ។លោក បានបញ្ជាក់ថា បើប្រៀបធៀបការលក់បាយ គុយទាវ ក្នុងអំឡុងពេលនេះ និងអំឡុងពេលបិទខ្ទប់ គឺខុសគ្នា ដូច្នេះការរកប្រាក់ចំណូលប្រចាំថ្ងៃ ដើម្បីផ្គត់ផ្គង់ជីវភាពគ្រួសារ ក៏បានប្រសើរជាងពេលបិទខ្ទប់រាជធានីភ្នំពេញផងដែរ។ តែលោក ពុំបានអាក់អន់ចំពោះវិធានការបិទខ្ទប់នាពេលកន្លងមកដែរ ព្រោះថា បញ្ហាជំងឺកូវីដ-១៩នេះ គឺជាជំងឺរាតត្បាតជាសកល ដូច្នេះហើយទាមទារឱ្យមានវិធានការតឹង រឹងក្នុងការទប់ស្កាត់ និងប្រយុទ្ធប្រឆាំង។ដោយឡែក លោក ផល សុធា ដែលជាអាជីវករលក់ផ្លែឈើតាមម៉ូតូ រ៉ឺម៉ក ក៏បានបានសម្តែងនូវក្ដីរីក រាយចំពោះការបញ្ចប់ការបិទខ្ទប់រាជធានីភ្នំពេញ និងបើកឱ្យដំណើរការអាជីវកម្មជាធម្មតាវិញ។ បើទោះបី ជាអាជីវកម្ម បានបើកដំណើរការឡើងវិញក៏ដោយ ក្នុងនាមរូបលោកជាអ្នកលក់ ក៏ដូចជាអតិថិជន ក៏ពុំភ្លេចឡើយនូវវិធានការសុខាភិបាល ដោយពាក់ម៉ាស់ បាញ់អាល់កុល និងរក្សាគម្លាត ជាដើម ។រដ្ឋបាលរាជធានីភ្នំពេញ បានប្រកាសបញ្ចប់ការបិទខ្ទប់រាជធានីភ្នំពេញ និងអនុញ្ញាតឱ្យបើកដំណើរការឡើងវិញចំពោះប្រភេទអាជីវកម្មមួយចំនួនដែលបានកំណត់ រួមទាំងផ្សាររដ្ឋទាំងអស់ ក្នុងមូលដ្ឋានរាជធានីភ្នំពេញ ចាប់ពីថ្ងៃទី២៤ ខែឧសភា ឆ្នាំ២០២១តទៅ ដោយលើកលែងតែផ្សារមិនរៀបរយទាំងអស់ ដូចជា ផ្សារក្រមួន ផ្សារចាត់តាំង ផ្សាររោងចក្រ ផ្សារសហគមន៍ ផ្សារក្នុងដីឡូត៍ឯកជន ផ្សារជុំវិញមន្ទីរពេទ្យ និងផ្សារតាមចិញ្ចើមផ្លូវ ជាដើម មិនត្រូវបានអនុញ្ញាតឱ្យបើកដំណើរការឡើយ ដើម្បីបង្ការ និងទប់ស្កាត់ការឆ្លងរាលដាលនៃជំងឺកូវីដ១៩ ក្នុងសហគមន៍។ឯកឧត្ដម ឃួង ស្រេង អភិបាលរាជធានីភ្នំពេញ បានបញ្ជាក់កាលពីពេលថ្មីៗនេះថា មកដល់ពេលនេះ អាជ្ញាធររាជធានីភ្នំពេញ មិនទាន់មានការប្រកាសថា នឹងបិទទីក្រុងឡើងវិញនោះទេ៕អត្ថបទ៖ ជៀប សម្បត្តិ

មេបញ្ជាការរងកងទ័ពជើងគោកណែនាំយុវជននៅសៀមរាប ឱ្យចូលរួមការពារព្រំដែន

សៀមរាប ៖ មន្ដ្រីជាន់ខ្ពស់ នៃកងយោធពលខេមរភូមិន្ទ នៃកងទ័ពជើងគោក បានអំពាវនាវដល់យុវជនជំនាន់ក្រោយ ឱ្យចូលរួមការពារ និងទប់ស្កាត់ការរំលោភបំពានខ្សែបន្ទាត់ព្រំដែន ប្រាសាទបុរាណ ពីសំណាក់ប្រទេសជិតខាងជាមួយកងកម្លាំងប្រដាប់អាវុធ ក្នុងតំបន់យោធភូមិភាគទី៤ ដែលមានប្រវែង៤៧៩គីឡូម៉ែត្រ ខណៈដែលមេបញ្ជាការខ្លះជិតចូលនិវត្តន៍។ឧត្ដមសេនីយ៍ឯក ពៅ ហេង មេបញ្ជាការរងកងទ័ពជើងគោក និងជាមេបញ្ជាការយោធភូមិភាគទី៤ បានថ្លែងបែបនេះ នៅខាងមុខយុវជនជាច្រើន ក្នុងយុទ្ធនាការដាំកូនឈើទ្រង់ទ្រាយធំ នៅយោធភូមិភាគទី៤កាលពីថ្ងៃទី០១ ខែមិថុនាឆ្នាំ២០២១នេះ។លោកឧត្ដមសេនីយ៍ មានប្រសាសន៍ថា យោធភូមិភាគទី៤ បានគ្រប់គ្រងតំបន់ចំនួន៤ខេត្ដដែលសុទ្ធ សឹងជាខេត្ដដែលសំបូរដោយប្រាសាទបុរាណរាប់រយប្រាសាទ។ជាមួយគ្នានោះ មានខេត្ដចំនួន២ខេត្ដបានជាប់ព្រំប្រទល់ ជាមួយប្រទេសថៃ ប្រទេសឡាវ រួមមាន ខេត្ដឧត្ដរមានជ័យ និងខេត្ដព្រះវិហារ ដែលមានប្រវែង៤៧៩គីឡូម៉ែត្រ ក្នុងនោះ មានព្រំដែនជាមួយប្រទេសថៃ ប្រវែង៣៥០គីឡូម៉ែត្រ និងជាប់ជាមួយប្រទេសឡាវប្រវែង១២៩គីឡូម៉ែត្រ ។លោកឧត្ដមសេនីយ៍ បានបន្ដថា នៅតាមខ្សែបន្ទាត់ព្រំដែននៃប្រទេសទាំងនោះ ក៏សំបូរដោយប្រាង្គប្រាសាទបុរាណ នៅ ដែលបុព្វបុរសខ្សែបានបន្សល់ទុកឱ្យកូនខ្មែរជំនាន់ក្រោយបានស្គាល់ ដូច្នេះក្រុមយុវជនជំនាន់ក្រោយត្រូវយល់ដឹង និងចូលរួមការពារនិងទប់ស្កាត់កុំឱ្យមានការបាត់បង់ ព្រោះថា ថ្នាក់ដឹកនាំកងកម្លាំងដែលបានគ្រប់គ្រងនាពេលបច្ចុប្បន្ននេះ មានវ័យជិតចូលនិវត្តន៍ហើយ។ឯកឧត្ដមបានបន្ថែមថា ប្រាសាទបុរាណមួយចំនួន ត្រូវបានប្រទេសជិតខាងរំលោភយក ហើយមួយចំនួនទៀតកំពុងប្រឈម ដែលកូនខ្មែរគ្រប់រូប ត្រូវយល់ដឹងពីស្ថានភាពនៅតាមព្រំដែនផងដែរ។បើយោងតាមឯកសារការស្រាវជ្រាវ បានបង្ហាញថា ខេត្តឧត្តរមានជ័យ មានប្រាសាទបុរាណ(នៅមានរូបរាង) ១៨កន្លែង ស្ពានបុរាណ៧កន្លែង ទួលប្រាសាទ៨២ កន្លែងនិងស្រះបុរាណ១៤កន្លែង។ ប្រាសាទសំខាន់និងនៅជាប់ព្រំដែនថៃ មាន ដូចជា ប្រាសាទតាមន្ត និងប្រាសាទតាក្របីជាដើម។ ដោយឡែកនៅខេត្ដព្រះវិហារ មានប្រាសាទបុរាណដែលសំខាន់ធំជាងគេគឺប្រាសាទព្រះវិហារ៕អត្ថបទ៖ ឈិត សាវី

ក្រុមការងារអាជ្ញាធរជាតិអប្សរា បានបញ្ចប់ការងារជួសជុលប្រាសាទផ្ទី នៅតំបន់ប្រាសាទបេមាលា

សៀមរាប ៖ ក្រុមការងារ នៃនាយកដ្ឋានអភិរក្សប្រាសាទក្រៅ និងក្នុងឧទ្យានអង្គរ នៃអាជ្ញាធរជាតិអប្សរា បានបញ្ចប់ការងារជួសជុលប្រាសាទផ្ទី ដែលស្ថិតនៅកណ្ដាលបារាយណ៍នៃប្រាសាទបេងមាលា។ គម្រោងជួសជុលនេះ គឺធ្វើឡើងដោយមានការចូលរួមពីវិស័យឯកជន។ឯកឧត្តម គឹម សុធិន អគ្គនាយករងអាជ្ញាធរជាតិអប្សរា មានប្រសាសន៍នៅថ្ងៃទី០១ខែមិថុនា ម្សិលមិញថា គម្រោងជួសជុលប្រាសាទផ្ទី បានសម្រេចរួចរាល់ហើយនៅចុងខែឧសភា នេះ បន្ទាប់ពីចាប់ផ្តើមដំណើរការនៅដើមខែមេសា។ នៅដើមខែ មីនា ការធ្វើកំណាយពិនិត្យរចនាសម្ព័ន្ធប្រាសាទនេះបានចាប់ផ្តើម និងឈានដល់ការជួសជុលលើកតម្លៃឡើងវិញ ក្រោមការចូលរួមពីវិស័យឯកជន គឺលោកជំទាវ ម៉ៅ ម៉ាល័យ កែ គឹមមយ៉ាន ក្នុងបំណងដើម្បីចូលរួមអភិរក្សមរតកសម្បត្តិបេតិកភណ្ឌជាតិ។បើតាមការបញ្ជាក់ពីឯកឧត្តម គឹម សុធិន គម្រោងជួសជុលនេះ មានការលំបាកបន្តិចដែរ ព្រោះការដ្ឋានស្ថិតនៅកណ្ដាលបារាយណ៍ ក្នុងព្រៃ ហើយផ្លូវធ្វើដំណើរមានភាពតូចបន្ដិច ដែលពិបាកក្នុងការដឹកជញ្ជូនថ្មតាមរថយន្តធុនធ្ងន់។ យ៉ាងណា ឯកឧត្តម គឹម សុធិន បានបង្ហាញសុទិដ្ឋិនិយម និងអារម្មណ៍រីករាយជាខ្លាំងជាមួយសមិទ្ធផលថ្មីមួយបន្ថែមទៀតនេះ ពិសេសប្រាសាទដែលបានដួលរលំឃើញតែគំនរដុំថ្មហើយបានខិតខំរកផ្គុំឱ្យមានរូបរាងឡើងវិញ។ប្រាសាទផ្ទី ដែលស្ថិតនៅចំកណ្តាលបារាយណ៍ប្រាសាទបេងមាលា មានទីតាំងស្ថិតនៅភូមិបេងមាលា ឃុំបេងមាលា ស្រុកស្វាយលើ ខេត្តសៀមរាប។ ប្រាសាទនេះ មានលក្ខណៈជាសំណង់ថ្មបាយក្រៀម រាងការេ ប្រវែង១៥ម៉ែត្របួនជ្រុង និងមានជញ្ជាំងព័ទ្ធជុំវិញកម្ពស់១ម៉ែត្រ ។ នៅចំកណ្តាល គេតម្កល់រូបព្រះពុទ្ធប្រក់នាគសរុបទាំងខឿនកម្ពស់៦,៥ម៉ែត្រអំពីថ្មភក់ ដែលទំនងជាត្រូវបានសាងសង់ឡើងរវាងពាក់កណ្ដាលសតវត្សទី១២ ទៅចុងសតវត្សទី១២៕អត្ថបទ ៖ សាវី

ក្នុងចំណោមប្រាសាទបុរាណ ទូទាំងប្រទេសមាន៨៥៧កន្លែង ស្ថិតក្នុងតំបន់ការពារធម្មជាតិ

សៀមរាប ៖ យោងតាមមន្ត្រីជំនាញនៃក្រសួងបរិស្ថាន បានបញ្ជាក់ថា ក្នុងចំណោមប្រាង្គប្រាសាទបុរាណដ្ឋាន សរុបជាង ៥៣០០ កន្លែងនៅទូទាំងប្រទេសកម្ពុជា ក្នុងនោះ មានបុរាណដ្ឋាន ប្រាង្គប្រាសាទ ស្ថិតក្នុង តំបន់ការពារធម្មជាតិសរុបមានចំនួន ៨៥៧ ទីតាំង។ ក្នុងនោះដែរគ្រាន់តែបុរាណដ្ឋានស្ថិតនៅក្នុង ឧទ្យានជាតិព្រះជ័យវរ្ម័ន «ភ្នំគូលែន» មានចំនួន ៤២៦ ទីតាំង ។ មន្ត្រីជំនាញនៃក្រសួងបរិស្ថានបាន បញ្ជាក់ទៀតថា ចំនួនបុរាណដ្ឋាននៅក្នុងតំបន់ការពារធម្មជាតិ និងរបៀង អភិរក្សជីវៈចម្រុះអាច នៅមាន ច្រើនទៀតដែល ស្ថិតក្នុងព្រៃជ្រៅមិនទាន់រកឃើញ។ឯកឧត្តម នេត្រ ភក្ត្រា រដ្ឋលេខាធិការក្រសួងបរិស្ថាន បានអះអាងថា ប្រព័ន្ធតំបន់ការពារធម្មជាតិ និងរបៀងអភិរក្សចម្រុះកម្ពុជាបច្ចុប្បន្នមានសរុបមានចំនួនជាង ៧០ ទីតាំងនៅក្នុងខេត្តចំនួន ២១ ក្នុងចំណោមខេត្តរាជធានី ២៥ របស់កម្ពុជាមានផ្ទៃដីសរុបទំហំ ៧៣លានហិកតា ស្មើប្រមាណ ៤១%នៃផ្ទៃដីប្រទេសកម្ពុជា។ តំបន់ការពារធម្មជាតិ និងរបៀងអភិរក្សជីវៈចម្រុះមិនត្រឹមតែសម្បូណ៌ ដោយធនធានធម្មជាតិ ព្រៃឈើ សត្វព្រៃ និងរុក្ខជាតិតូចធំដែលមានតម្លៃផ្នែកប្រព័ន្ធអេកូឡូស៊ី និងការអភិរក្សជីវៈចម្រុះនោះទេ តែក៏មានបុរាណដ្ឋានដែលជាជង្រុកនៃ វប្បធម៌ ប្រពៃណីទំនៀម ទំលាប់របស់ជាតិសាសន៍ខ្មែរ ដ៏សម្បូណ៌បែប។ក្រសួងបរិស្ថានបានសហការយ៉ាងជិតស្និទ្ធជាមួយក្រសួងវប្បធម៌ និងវិចិត្រសិល្បៈក្នុងការការពារ និងអភិរក្សបុរាណដ្ឋានទាំងនេះ។ ក្រសួងបរិស្ថានមានយុត្តាធិការលើការគ្រប់គ្រង និងអភិរក្សធនធានធម្មជាតិក្នុងតំបន់ការពារធម្មជាតិ និងរបៀងអភិរក្ស ។ ចំណែកក្រសួងវប្បធម៌និងវិចិត្រសិល្បៈ មានតួនាទីក្នុងការអភិរក្សការពារបុរាណដ្ឋាននិងប្រាង្គប្រាសាទក្នុងតំបន់ការពារធម្មជាតិទាំងនោះ ដូចជា ការជួសជុល ថែទាំជាដើម។ នេះគឺជាកិច្ចសហការមួយប្រកបដោយការទទួលខុសត្រូវ ក្នុងនាមរាជរដ្ឋាភិបាលដើម្បី ការពារ និងអភិរក្សសម្បត្តិធម្មជាតិផង និងការពារសម្បត្តិបេតិកភណ្ឌ វប្បធម៌ផងដែលមានតម្លៃមហាសាលសម្រាប់ជាតិ និងប្រជាជនកម្ពុជា។ប្រាង្គប្រាសាទនិងបុរាណដ្ឋានដែលស្ថិតក្នុងតំបន់ការពារធម្មជាតិបានផ្សារភ្ជាប់យ៉ាងជិតស្និទ្ធនឹង ធនធានធម្មជាតិ។ បុរាណដ្ឋានទាំងនេះ បាននិងកំពុងក្លាយជាតំបន់ទេសចរណ៍យ៉ាងសំខាន់ផ្សារ ភ្ជាប់នឹងទេសចរណ៍ធម្មជាតិ និងបានកំពុងទាក់ទាញការចាប់អារម្មណ៍របស់ភ្ញៀវទេសចរជាតិ និងអន្តរជាតិដូចជាប្រាសាទជាំស្រម ក្នុងដែនជម្រកសត្វព្រៃគូលែនព្រហ្មទេព ដែលជាការផ្សារភ្ជាប់រវាងទេសចរណ៍សត្វស្លាបនិងវប្បធម៌ ប្រពៃណីទំនៀមទម្លាប់ពលរដ្ឋខ្មែរ។ក្រសួងបរិស្ថាន សូមអំពាវនាវដល់ពលរដ្ឋទាំងឡាយដែលរស់នៅក្នុងតំបន់ការពារធម្មជាតិដែលមាន បុរាណដ្ឋាន និងប្រាសាទបុរាណ សូមចូលរួមការពារ និងអភិរក្សឱ្យបានល្អដើម្បីថែរក្សាកេរមរតកដូនតា ខ្មែរឱ្យនៅគង់វង្ស និងអាចផ្តល់ផលប្រយោជន៍ទាំងការសិក្សាស្រាវជ្រាវផ្នែកបុរាណវិទ្យា និងការសិក្សា ស្វែងយល់ពីប្រពៃណីវប្បធម៌ទំនៀមទម្លាប់ប្រជាពលរដ្ឋនៅតំបន់នោះ៕

កូនឈើប្រមាណ១ម៉ឺន៥ពាន់ដើម ត្រូវបានដាំនៅក្នុងទីបញ្ជាការយោធភូមិភាគទី៤ ក្នុងខេត្តសៀមរាប

សៀមរាប ៖ អាជ្ញាធរជាតិ អប្សរាបានសហការជាមួយ កងយោធានៅយោធភូមិភាគទី៤ បានប្រារព្ធធ្វើពិធីដាំ កូនឈើចម្រុះប្រមាណជាង១ម៉ឺន៥ពាន់ដើម នៅក្នុងទីបញ្ជាការយោធភូមិភាគទី៤ ខេត្តសៀមរាប ដើម្បីលើសោភ័ណភាពទេសចរណ៍វប្បធម៌ និងបរិស្ថាន នៃតំបន់ប្រាសាទបុរាណ។កាលពីម្សិលមិញ យុទ្ធនាការដាំកូនឈើ ប្រភេទ បេង ធ្នង់ គ្រញូង និងនាងនួន ត្រូវបានធ្វើជាទ្រង់ទ្រាយធំ នៅដើមរដូវវស្សា ដែលមានអ្នកចូលរួមប្រមាណ៦រយនាក់ សមាសភាពជាកងកម្លាំងយោធា ក្រុមយុវជនសហភាពសហព័ន្ធយុវជនកម្ពុជា អាជ្ញាធរជាតិអប្សរា ចលនាយុវជនកម្ពុជា១៥៧ និងមន្ត្រីសាលាខេត្តសៀមរាប ផងដែរ។ឧត្តមសេនីយ៍ឯក ពៅ ហេង មេបញ្ជាការរងកងទ័ពជើងគោក និងជាមេបញ្ជាការយោធភូមិភាគទី៤បានលើកឡើកថា ការដាំកូនឈើពេលនេះ គឺជាការរួមចំណែក ការពារបរិស្ថាន និងជួយលើកកម្ពស់សោភ័ណភាពខេត្តសៀមរាប ព្រមទាំងធ្វើឱ្យប្រាសាទបុរាណកាន់តែមានសម្រស់ទាក់ទាញភ្ញៀវទេសចរ ។ឯកឧត្ដម ហង់ ពៅ អគ្គនាយកអាជ្ញាធរជាតិអប្សរា បានឱ្យដឹងថា ស្ថាប័ននេះ បានត្រៀមកូនឈើ២០ម៉ឺនដើម ដើម្បីទុកចែកជូនដល់ប្រជាពលរដ្ឋ ក៏ដូចជាស្ថាប័នកងកម្លាំងប្រដាប់អាវុធ អាជ្ញាធរពាក់ព័ន្ធ ដើម្បីយកទៅដាំបំពេញបន្ថែមនៅកន្លែង ដែលខ្លួនចង់ដាំ នៅតំបន់ព្រៃឈើ ដែលរេចរឹល ខណៈដែលកូនឈើរាប់ម៉ឺនដើមទៀត សម្រាប់ដាំបំពេញបន្ថែមនៅក្នុងរមណីយដ្ឋានអង្គរ។ឯកឧត្ដម បានអំពាវដល់ប្រជាពលរដ្ឋ ក៏ដូចជាអាជ្ញាធរមានសមត្ថកិច្ច ចូលរួមដាំ និងជួយការពារព្រៃឈើឱ្យបានគង់វង្ស ព្រោះព្រៃឈើជាអាយុជីវិតរបស់មនុស្សជាតិ។កាលពីអំឡុងខែឧសភា ឆ្នាំ២០២០ អាជ្ញាធរជាតិអប្សរា ធ្លាប់បានផ្ដល់កូនឈើចម្រុះចំនួនមួយម៉ឺនដើម ឱ្យកងយោធពលខេមរៈភូមិន្ទ នៃយោធភូមិភាគ៤ យកទៅដាំ នៅក្នុងទីបញ្ជាការដដែលនេះផងដែរ។នេះជាលើកទី២ហើយ ដែលអាជ្ញាធរជាតិអប្សរា បានផ្ដល់កូនឈើចម្រុះចំនួន១ម៉ឺន៥ពាន់ដើមទៀត សម្រាប់ដាំនៅទីបញ្ជាការយោធភូមិភាគទី៤នេះ៕អត្ថបទ៖ ឈិត សាវី

ក្រសួងសុខាភិបាល ជំរុញការចាក់វ៉ាក់សាំងកូវីដ-១៩ ឲ្យកាន់តែលឿនដើម្បីកាត់បន្ថយភាពធ្ងន់ធ្ងរនៃជំងឺកូវីដ-១៩

ភ្នំពេញ ៖ ក្រសួងសុខាភិបាល បានត្រៀមលក្ខណៈរួចជាស្រេច ក្នុងដំណើរការចាក់វ៉ាក់សាំងបង្ការជំងឺកូវីដ-១៩ កាន់តែលឿន កាន់តែល្អ ដើម្បីកាត់បន្ថយភាពធ្ងន់ធ្ងរនៃជំងឺកូវីដ-១៩ ។ នេះបើយោងតាមការបញ្ជាក់របស់ ឯកឧត្តម សាស្ត្រាចារ្យ ម៉ម ប៊ុនហេង រដ្ឋមន្រី្តក្រសួងសុខាភិបាល ក្នុងជំនួបពិភាក្សាការងារជាមួយ ឯកអគ្គរដ្ឋទូត សាធារណរដ្ឋកូរ៉េ ប្រចាំកម្ពុជា និងទទួលអំណោយ ឧបករណ៍បរិក្ខារវេជ្ជសាស្ត្រ នាកាលពីល្ងាចថ្ងៃទី១ ខែមិថុនា ឆ្នាំ២០២១។ឯកឧត្តម សាស្ត្រាចារ្យ ម៉ម ប៊ុនហេង បានលើកឡើងថា សម្តេចតេជោ ហ៊ុន សែន នាយករដ្ឋមន្រី្ត បានដាក់ចេញពាក្យស្លោក គឺ៣ការពារ ៣កុំ។ កាលណាបងប្អូនប្រជាពលរដ្ឋចូលរួមអនុវត្តន៍ទាំងអស់គ្នា ៣ការពារ ៣កុំ និងចាក់វ៉ាក់សាំងបង្ការជំងឺកូវីដ-១៩ បានចំនួនច្រើន យើងសង្ឃឹមថា នឹងអាចកាត់បន្ថយភាពធ្ងន់ធ្ងរជំងឺកូវីដ-១៩ និងឈានទៅបន្តិចម្តងៗ ដើម្បីរក្សាជីវភាពរស់នៅរបស់ប្រជាពលរដ្ឋ។ ឯកឧត្តម លើកឡើងថា បញ្ហាមួយទៀតនោះ ប្រទេសជិតខាងកម្ពុជា (ប្រទេសវៀតណាម និងប្រទេសថៃ) កំពុងផ្ទុះការរីករាលដាលជំងឺកូវីដ-១៩ ក្នុងនោះ ក៏មានប្រជាពលរដ្ឋកម្ពុជា ដែលធ្វើការងារនៅប្រទេសទាំងនោះ បានចល័តចូលមកប្រទេសកំណើតវិញ។ ដូច្នេះយើងត្រូវរៀបចំថែទាំប្រជាពលរដ្ឋ និងធ្វើចត្តាឡីស័ក អោយបានត្រឹមត្រូវ ហើយឲ្យប្រាកដថា បើបងប្អូនប្រជាពលរដ្ឋមានជំងឺឆ្លងនេះ អាចទទួលបានការព្យាបាលក្នុងមណ្ឌលថែទាំព្យាបាលជំងឺកូវីដ-១៩ ។សូមរំលឹកផងដែរថា បើយោងតាមសារសំឡេងពិសេស សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី កាលពីថ្ងៃទី២៩ ខែឧសភា ឆ្នាំ២០២១ ថ្លែងថា ព្រះរាជាណាចក្រកម្ពុជា បានរៀបចំផែនការ នៃការចាក់វ៉ាក់សាំងបង្ការជំងឺកូវីដ-១៩ ជូនប្រជាពលរដ្ឋឲ្យបានចំនួន១០លាននាក់ យ៉ាងយូរបំផុត នៅដើមឆ្នាំ២០២២ និងបានខិតខំប្រឹងប្រែងស្វែងរកទិញវ៉ាក់សាំងកូវីដ១៩ ឲ្យបានតាមផែនការដែលបានកំណត់។ កម្ពុជានឹងមានវ៉ាក់សាំងកូវីដ-១៩ មកដល់ ជាបន្តបន្ទាប់ ហើយនៅក្នុងខែមិថុនា ឆ្នាំ២០២១នេះ វ៉ាក់សាំងកូវីដ-១៩ ចំនួន៤លាន ៥សែនដូសបន្ថែមទៀតនឹងមកដល់ប្រទេសកម្ពុជា៕អត្ថបទ រដ្ឋា

ជនពិការបម្រើការងារតាមមូលដ្ឋានអាជីវកម្ម អង្គការ សមាគមនានាភាគច្រើន បានទទួលការចាក់វ៉ាក់សាំងកូវីដ-១៩

ភ្នំពេញ ៖ ខណៈដែល ប្រមុខថ្នាក់ដឹកនាំរាជរដ្ឋាភិបាលកម្ពុជា ប្រកាសចាក់វ៉ាក់សាំងការពារកូវីដ-១៩ ស្រោចនៅក្នុងរាជធានីភ្នំពេញ គឺមានបងប្អូនជាជនពិការគ្រប់ទម្រង់ទាំងអស់ ដែលបំរើការងារនៅតាមមូលដ្ឋានអាជីវកម្ម និងអង្គការ សមាគមសង្គមស៊ីវិល ស្ទើរតែទាំងស្រុង នៅរាជធានីភ្នំពេញ បានទៅចាក់វ៉ាក់សាំងការពារកូវីដ-១៩ ទាំងដូសទី១ ដូសទី២ ហើយរួចរាល់។បើតាម លោក ណាវ ចាន់ថារិទ្ធ ម្ចាស់មូលដ្ឋានអាជីវកម្មម៉ាស្សាជន ពិការ សាខារាជធានីភ្នំពេញ បានថ្លែងប្រាប់ BTV នៅថ្ងៃទី២ ខែមិថុនានេះថា នៅក្នុងមូលដ្ឋានអាជីវកម្មរបស់លោក មានជនពិការប្រមាណជាង ២០នាក់ ដែលកំពុងបំរើការងារនៅសាខារាជធានីភ្នំពេញ និងសាខាក្រុងតាខ្មៅខេត្តកណ្តាល គឺបានទៅចាក់វ៉ាក់សាំការពារកូវីដ-១៩ រួចរាល់អស់ហើយ លើកលែងតែបុគ្គលិកពិការចំនួន៣នាក់ ដែលគាត់សុំច្បាប់សម្រាកនៅតាមខេត្តស្រុកកំណើត គឺនៅមិនទាន់បានចាក់។សម្រាប់ការទទួលបានការចាក់វ៉ាក់សាំងការពារកូវីដ-១៩នេះ បងប្អូនជនពិការបំរើការងារនៅតាមអង្គការសមាគមនានា ទៀតបានថ្លែងថា ភាគច្រើនក្នុងចំណោមបងប្អូនមានពិការភាព គឺបានចាក់វ៉ាក់សាំងលឿន ដោយសារមានការសម្របសម្រួលបានយ៉ាងល្អប្រសើរពីសំណាក់អាជ្ញាធរមូលដ្ឋាន និងពីក្រុមគ្រូពេទ្យចាក់វ៉ាក់សាំងនៅតាមមណ្ឌលចាក់វ៉ាក់សាំងនានា។ឯកឧត្តម ឯម ច័ន្ទមករា រដ្ឋលេខាធិការក្រសួងសង្គមកិច្ច អតីតយុទ្ធជន និងយុវនីតិសម្បទា និងជាអគ្គលេខាធិការក្រុមប្រឹក្សាសកម្មភាពជនពិការ បានថ្លែងថា បច្ចុប្បន្ននៅទូទាំងប្រទេសមានបងប្អូនមានពិការភាពប្រមាណជាង ៥០ម៉ឺននាក់ ហើយមកដល់ពេលនេះ យើងមិនបានដឹងច្បាស់ថា តើមានបងប្អូន ជាជនពិការចំនួនប៉ុន្មាននាក់បានទៅចាក់វ៉ាក់សាំងនោះទេ ដោយបច្ចុប្បន្ន រាជរដ្ឋាភិបាល បានប្រកាសចាក់ស្រោចជាសាធារណៈ ហើយបងប្អូនជនពិការអាចអញ្ជើញទៅចាក់នៅទីតាំងណាក៏បាន។ទោះយ៉ាងណា នៅក្នុងអំឡុងពេលនេះ ឯកឧត្តម ឯម ច័ន្ទមករា បានប៉ាន់ប្រមាណថា មានបងប្អូនជនពិការជាច្រើននាក់ បានទៅចាក់វ៉ាក់សាំងការពារកូវីដ-១៩ រួចហើយ ហើយតាមរយៈខិតខំប្រឹងប្រែងសម្របសម្រួល ពីសំណាកក្រុមលេខាធិការដ្ឋានសកម្មភាពជនពិការ ក៏ក្រសួងសង្គមកិច្ចសហការជាមួយសាលារាជធានីភ្នំពេញ អនុគណៈកម្មការចំពោះកិច្ចចាក់វ៉ាក់សាំងថ្នាក់ជាតិ និងមានការសម្រាប់សម្របសម្រួលពីសំណាកអាជ្ញាធរមូលដ្ឋានតាមឃុំសង្កាត់ តាមភូមិ សហគមន៍ ព្រមអង្គការសមាគមនានា ទៀត គឺបាននិងកំពុងជំរុញអោយបងប្អូនជនពិការដែលមិនទាន់បានទៅចាក់ គឺត្រូវទៅចាក់វ៉ាក់សាំងនេះ អោយបានគ្រប់ៗគ្នា៕អត្ថបទ ស៊ុម សុខជា

បែចិញ្ចឹមត្រី ផ្ទះបណ្តែតទឹក និងសំណង់មិនរៀបរយលើផ្ទៃទន្លេ នៅភ្នំពេញត្រូវរុះរើ ឬចល័តចេញជាបន្ទាន់

ភ្នំពេញ ៖ រដ្ឋបាលរាជធានីភ្នំពេញជូនដំណឹងឱ្យរុះរើ ឬចល័តចេញជាបន្ទាន់ចំពោះ បែចិញ្ចឹមត្រី ផ្ទះបណ្តែតទឹក ម្ចាស់ផ្ទះតូចៗ និងម្ចាស់សំណង់មិនរៀបរយនៅលើផ្ទៃទន្លេទាំងអស់ក្នុងភូមិសាស្ត្ររាជធានីភ្នំពេញ ដោយទុករយៈពេល ០១ សប្ដាហ៍។នៅថ្ងៃទី២ ខែមិថុនា ឆ្នាំ២០២១ រដ្ឋបាលរាជធានីភ្នំពេញ បានចេញសេចក្ដីជូនដំណឹង ដោយបញ្ជាក់ថា កន្លងមកមានជនឱកាសនិយមមួយចំនួនបានលបលួចធ្វើបែចិញ្ចឹមត្រី ផ្ទះបណ្តែតទឹក ផ្ទះតូចៗ និងសំណង់មិនរៀបរយនៅលើផ្ទៃទន្លេ ហើយកន្លែងខ្លះ បានប្រែក្លាយជាកន្លែងស្នាក់នៅដោយខុសច្បាប់ យ៉ាងអានាធិបតេយ្យ ដែលបង្កឱ្យបាត់បង់សណ្ដាប់ធ្នាប់ ប៉ះពាល់ដល់ផ្លូវនាវាចរ ប៉ះពាល់ដល់ប្រព័ន្ធអេកូឡូហ្ស៊ី មានចរន្តទឹកហូរ គោករាក់ ពិសេសការប្រើប្រាស់ចំណីសម្រាប់ចិញ្ចឹមត្រី និងការបញ្ចេញកាកសំណល់ ការបន្ទោបង់ពាស វាលពាស កាលក្នុងទន្លេ ធ្វើឱ្យខូចខាតយ៉ាងធ្ងន់ធ្ងរដល់ជីវៈចម្រុះក្នុងទឹក ខូចគុណភាពទឹក បំពុលបរិស្ថាន និងប៉ះពាល់ដល់សោភ័ណភាពរាជធានីភ្នំពេញ ព្រមទាំងប៉ះពាល់ដល់សុខភាពនៃប្រជាពលរដ្ឋ ដែលបានប្រើប្រាស់ទឹកមិនស្អាតផងដែរ។ចំពោះមុខ ដើម្បីរក្សាបរិស្ថាន ជីវៈចម្រុះ គុណភាពទឹក និងលុបបំបាត់បាតុភាពអសកម្មខាងលើ រដ្ឋបាលរាជធានីភ្នំពេញ តម្រូវឱ្យម្ចាស់បែចិញ្ចឹមត្រី ផ្ទះបណ្តែតទឹក ម្ចាស់ផ្ទះតូចៗ និងម្ចាស់សំណង់មិនរៀបរយនៅលើផ្ទៃទន្លេទាំងអស់ ត្រូវរុះរើ ឬចល័តចេញជាបន្ទាន់ ដោយទុករយៈពេល ០១ សប្ដាហ៍ គិតចាប់ពីកាលបរិច្ឆេទចេញសេចក្តីជូនដំណឹងនេះតទៅ។ ផុតរយៈពេលនេះ រដ្ឋបាលរាជធានីភ្នំពេញ នឹងចាត់វិធានការរដ្ឋបាលដោយពុំទទួលខុសត្រូវរាល់ការខូចខាត ឬការបាត់បង់ណាមួយឡើយ ហើយក្នុងករណីរឹងរូសអាជ្ញាធរមូលដ្ឋាន និងមន្ត្រីជំនាញនឹងកសាងសំណុំរឿងបញ្ជូនទៅតុលាការតាមផ្លូវច្បាប់។ ទន្ទឹមនឹងនេះ រដ្ឋបាលរាជធានីភ្នំពេញស្នើឱ្យប្រជាពលរដ្ឋប្តូរទម្លាប់ពីការចិញ្ចឹមត្រីតាមបែលើផ្ទៃទន្លេ នៅភូមិសាស្ត្ររាជធានីភ្នំពេញមកចិញ្ចឹមត្រីតាមស្រះវិញ៕អត្ថបទ ៖ វ៉ាន់ដា

បណ្ដាញសង្គម

ព័ត៌មានថ្មីៗ

ក្នុងគោលបំណងមនុស្សធម៌! អាជ្ញាធរកម្ពុជាសម្រេចបើកច្រកទ្វារព្រំដែនអនុញ្ញាតដល់អនុព័ន្ធយោធាថៃប្រចាំនៅភ្នំពេញ និងមនុស្សពីរនាក់ធ្វើដំណើរតាមច្រកទ្វារអន្តរជាតិប៉ោយប៉ែត-ខ្លងលីកទៅព្យាបាលជំងឺនៅខេត្តស្រះកែវ

ចៅក្រមស៊ើបសួរសាលាដំបូងរាជធានីភ្នំពេញសម្រេចឃុំខ្លួនជនត្រូវចោទ៨នាក់ជាបណ្តោះអាសន្នពាក់ព័ន្ធអំពើឆបោកតាមឆបោកតាមប្រព័ន្ធអនឡាញ

ត្រឹមថ្ងៃទី១៩កក្កដា សមត្ថកិច្ចរាជធានី-ខេត្ត បង្រ្កាបករណីឆបោកតាមប្រព័ន្ធបច្ចេកវិទ្យា ៥២ទីតាំង ឃាត់ខ្លួនជនសង្ស័យ ២.៧៦៧ នាក់ មានជនជាតិចិនចំនួន ៨៤៣នាក់

សមាគមកាយឫទ្ធិនារីកម្ពុជាសាខាខេត្តមណ្ឌលគិរី បានចូលរួមសកម្មភាពជាច្រើននៅក្នុងសង្គមស្របតាមគម្រោងសកម្មភាពទាំង៥ របស់សមាគម

ឯកឧត្តម ឌិត ទីណា បន្តដំណើរចុះជួបសំណេះសំណាលជាមួយសហគមន៍ទំនើបស្វាយចន្ទីភ្នំគូលែន នៅខេត្តសៀមរាប

លោក Trump ទទូចថាទីតាំងនុយក្លេអ៊ែរអ៊ីរ៉ង់ត្រូវបានបំផ្លាញស្របពេលមានរបាយការណ៍មួយចំនួនថាបានរួចផុតពីការបំផ្លាញ

ពលរដ្ឋជប៉ុនបោះឆ្នោតក្នុងការសាកល្បងដ៏សំខាន់សម្រាប់នាយករដ្ឋមន្ត្រី Shigeru Ishiba

អ្នកស្លាប់ក្នុងជំនន់ទឹកភ្លៀងនៅកូរ៉េខាងត្បូងសប្តាហ៍នេះ កើនឡើងដល់១៤ នាក់

ការប៉ះទង្គិចបានផ្ទុះឡើងក្នុងការតវ៉ាប្រឆាំងនឹងជនអន្តោប្រវេសន៍ក្នុងប្រទេសប៉ូឡូញ

ក្រសួងសុខាភិបាល បើកយុទ្ធនាការផ្តល់ថ្នាំលេបសមូហភាព ដើម្បីបង្ការជំងឺគ្រុនចាញ់ នៅខេត្តស្ទឹងត្រែង

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

គម្រោងផ្លូវល្បឿនលឿនភ្នំពេញ-ក្រុងព្រះសីហនុ សាងសង់សម្រេចបានជាង ៥១%

អនុសាខាកាកបាទក្រហមកម្ពុជាស្រុកស្វាយជ្រំ ទទួលអំណោយសប្បុរសធម៌ពីកាកបាទក្រហមខេត្ត

ពលរដ្ឋ ៖ ការបើកឱ្យដំណើរការអាជីវកម្មបើកឡើងវិញ បានជួយទ្រោលស្ថានភាពសេដ្ឋកិច្ចគ្រួសារ

មេបញ្ជាការរងកងទ័ពជើងគោកណែនាំយុវជននៅសៀមរាប ឱ្យចូលរួមការពារព្រំដែន

ក្រុមការងារអាជ្ញាធរជាតិអប្សរា បានបញ្ចប់ការងារជួសជុលប្រាសាទផ្ទី នៅតំបន់ប្រាសាទបេមាលា

ក្នុងចំណោមប្រាសាទបុរាណ ទូទាំងប្រទេសមាន៨៥៧កន្លែង ស្ថិតក្នុងតំបន់ការពារធម្មជាតិ

កូនឈើប្រមាណ១ម៉ឺន៥ពាន់ដើម ត្រូវបានដាំនៅក្នុងទីបញ្ជាការយោធភូមិភាគទី៤ ក្នុងខេត្តសៀមរាប

ក្រសួងសុខាភិបាល ជំរុញការចាក់វ៉ាក់សាំងកូវីដ-១៩ ឲ្យកាន់តែលឿនដើម្បីកាត់បន្ថយភាពធ្ងន់ធ្ងរនៃជំងឺកូវីដ-១៩

ជនពិការបម្រើការងារតាមមូលដ្ឋានអាជីវកម្ម អង្គការ សមាគមនានាភាគច្រើន បានទទួលការចាក់វ៉ាក់សាំងកូវីដ-១៩

បែចិញ្ចឹមត្រី ផ្ទះបណ្តែតទឹក និងសំណង់មិនរៀបរយលើផ្ទៃទន្លេ នៅភ្នំពេញត្រូវរុះរើ ឬចល័តចេញជាបន្ទាន់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

គម្រោង​ផ្លូវ​ល្បឿន​លឿន​ភ្នំពេញ​-​ក្រុងព្រះសីហនុ សាងសង់​សម្រេច​បាន​ជាង ៥១%

អនុសាខា​កាកបាទក្រហមកម្ពុជា​ស្រុក​ស្វាយជ្រំ​ ទទួល​អំណោយ​សប្បុរសធម៌​ពី​កាកបាទក្រហម​ខេត្ត​

ពលរដ្ឋ ​៖ ការបើក​ឱ្យ​ដំណើរការ​អាជីវកម្ម​បើក​ឡើងវិញ បាន​ជួយ​ទ្រោល​ស្ថានភាព​សេដ្ឋកិច្ច​គ្រួសារ

មេបញ្ជាការរង​កងទ័ព​ជើងគោក​ណែនាំ​យុវជន​នៅ​សៀមរាប ​ឱ្យ​ចូល​រួមការ​ពារ​ព្រំដែន​

ក្រុមការងារ​អាជ្ញាធរ​ជាតិ​អប្សរា​ បានបញ្ចប់​ការងារ​ជួសជុល​ប្រាសាទ​ផ្ទី នៅ​តំបន់​ប្រាសាទ​បេ​មាលា

ក្នុង​ចំណោម​ប្រាសាទបុរាណ​ ទូទាំងប្រទេស​មាន​៨៥៧​កន្លែង ​ស្ថិតក្នុង​តំបន់ការពារធម្មជាតិ

កូនឈើ​ប្រមាណ​១​ម៉ឺន​៥​ពាន់​ដើម ​ត្រូវ​បាន​ដាំ​នៅ​ក្នុង​ទីបញ្ជាការ​យោធភូមិភាគ​ទី​៤ ​ក្នុង​ខេត្តសៀមរាប

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

គម្រោងផ្លូវល្បឿនលឿនភ្នំពេញ-ក្រុងព្រះសីហនុ សាងសង់សម្រេចបានជាង ៥១%

អនុសាខាកាកបាទក្រហមកម្ពុជាស្រុកស្វាយជ្រំ ទទួលអំណោយសប្បុរសធម៌ពីកាកបាទក្រហមខេត្ត

ពលរដ្ឋ ៖ ការបើកឱ្យដំណើរការអាជីវកម្មបើកឡើងវិញ បានជួយទ្រោលស្ថានភាពសេដ្ឋកិច្ចគ្រួសារ

មេបញ្ជាការរងកងទ័ពជើងគោកណែនាំយុវជននៅសៀមរាប ឱ្យចូលរួមការពារព្រំដែន

ក្រុមការងារអាជ្ញាធរជាតិអប្សរា បានបញ្ចប់ការងារជួសជុលប្រាសាទផ្ទី នៅតំបន់ប្រាសាទបេមាលា

ក្នុងចំណោមប្រាសាទបុរាណ ទូទាំងប្រទេសមាន៨៥៧កន្លែង ស្ថិតក្នុងតំបន់ការពារធម្មជាតិ

កូនឈើប្រមាណ១ម៉ឺន៥ពាន់ដើម ត្រូវបានដាំនៅក្នុងទីបញ្ជាការយោធភូមិភាគទី៤ ក្នុងខេត្តសៀមរាប