BTV NEWS

សម្ដេចធិបតី ដឹកនាំគណៈប្រតិភូចូលក្រាបបង្គំគាល់ព្រះករុណា ព្រះមហាក្សត្រ ទូលថ្វាយលទ្ធផលចុះបញ្ជីបូជនីយដ្ឋានចងចាំនៃកម្ពុជា ក្នុងបញ្ជីបេតិកភណ្ឌពិភពលោក

សភាតំណាងប្រជាជនចិនចាត់ទុកសម្តេចតេជោ ជាតួអង្គសំខាន់បន្តពីព្រះបរមរតនកោដ្ឋក្នុងការពូនជ្រំទំនាក់ទំនងរវាងកម្ពុជា និងចិន

សម្តេចតេជោអនុញ្ញាតឱ្យសមាជិកគណៈកម្មាធិការអចិន្ត្រៃយ៍សភាប្រជាជនចិនជួបសម្តែងការគួរសម

ក្រុមការងារបច្ចេកទេសអន្តរក្រសួងបន្តចុះកំណត់និយាមកា និងបោះបង្គោលព្រំដីតាមបណ្តោយព្រែកជីកហ្វូណនតេជោ សម្រាប់កំណាត់ទី២ ក្នុងភូមិសាស្រ្តខេត្តកំពត

នយោបាយ និង ការអភិវឌ្ឍន៍

សាលារាជធានីភ្នំពេញ ប្រកាសរឹតបន្តឹងវិធានការទណ្ឌកម្ម ដើម្បីទប់ស្កាត់ការឆ្លងរីកដាលនៃកូវីដ-១៩

ភ្នំពេញ៖ សាលារាជធានីភ្នំពេញ បានប្រកាសរឹតបន្តឹងការអនុវត្តទណ្ឌកម្មរដ្ឋបាល និងទណ្ឌកម្មច្បាប់ទៅលើបុគ្គលដែលត្រូវបានរកឃើញថា បានល្មើសនឹងវិធានការទប់ស្កាត់ការឆ្លងរីករាលដាលនៃមេរោគកូវីដ-១៩។សាលារាជធានីភ្នំពេញ បានប្រកាសបែបនេះនៅក្នុងសេចក្ដីជូនដំណឹងមួយនៅថ្ងៃនេះ បន្ទាប់ពីកត់សម្គាល់ឃើញថា មានពលរដ្ឋមួយចំនួនមិនបានចូលរួមអនុវត្តតាមវិធានការសុខាភិបាល ដើម្បីបង្ការការឆ្លងរីករាលដាលនៃមេរោគកូវីដ-១៩។សាលារាជធានីភ្នំពេញ បញ្ជាក់ថា រដ្ឋបាលរាជធានីភ្នំពេញចាំបាច់ត្រូវជំរុញការអនុវត្តវិធានការនានាឱ្យមានប្រសិទ្ធភាពតាមរយៈការរឹតបន្តឹងការអនុវត្តទណ្ឌកម្មរដ្ឋបាល និងទណ្ឌកម្មច្បាប់៕

រដ្ឋមន្ត្រីយុត្តិធម៌ព្រមានបណ្តេញចៅក្រម និងព្រះរាជអាជ្ញាចេញពីក្របខណ្ឌ បើមិនគោរពវិន័យ

ភ្នំពេញ៖ ឯកឧត្តម កើត រិទ្ធ រដ្ឋមន្ត្រីក្រសួងយុត្តិធម៌ បានព្រមានដកចៅក្រម និងព្រះរាជអាជ្ញាណាដែលមិនគោរពវិន័យក្រមសីលធម៌ ដោយបានបញ្ជាទៅខាងអធិការកិច្ច និងរដ្ឋបាលតុលាការ ផ្ទៀងផ្ទាត់ពីបញ្ជីឈ្មោះវត្តមានចៅក្រម និងព្រះរាជអាជ្ញាឡើងវិញឲ្យបានត្រឹមត្រូវ ដើម្បីដាក់ពិន័យ ឬលុបឈ្មោះចេញពីក្របខណ្ឌ ចំពោះចៅក្រម និងព្រះរាជអាជ្ញាទាំងឡាយណា ដែលអវត្តមានដោយមិនមានការអនុញ្ញាត។ការព្រមានខាងលើរបស់ឯកឧត្តម កើត រិទ្ធ ធ្វើឡើងក្នុងពិធីប្រកាសតែងតាំង និងចូលកាន់មុខតំណែងប្រធានសាលាឧទ្ធរណ៍ភ្នំពេញ ប្រធានសាលាដំបូងខេត្តកំពង់ស្ពឺ ប្រធានសាលាដំបូងខេត្តកំពង់ឆ្នាំង ប្រធានសាលាដំបូង ខេត្តព្រៃវែង និងព្រះរាជអាជ្ញានៃអយ្យការអមសាលាដំបូងខេត្តព្រៃវែង នៅថ្ងៃទី១៩ ខែឧសភា ឆ្នាំ២០២១ ក្នុងទីស្តីការក្រសួងយុត្តិធម៌។ ឯកឧត្ដម កើត រិទ្ធ រដ្ឋមន្ត្រីក្រសួងយុត្តិធម៌ បានមានប្រសាសន៍ថា តាមរយៈសេចក្ដីរាយការណ៍ជុំវិញចៅក្រម និងព្រះរាជអាជ្ញាមួយចំនួន ឈប់លើសពី២-៣ខែ ដោយគ្មានការអនុញ្ញាត ឯកឧត្តម កើត រិទ្ធ បានបញ្ជាក់ថា ការឈប់ដោយខុសច្បាប់បែបនេះ បើយោងតាមមាត្រា៥២ នៃច្បាប់ស្តីពីលក្ខន្តិកៈចៅក្រម និងព្រះរាជអាជ្ញា ត្រូវប្រឈមនឹងការលុបឈ្មោះចេញពីក្របខណ្ឌ។ពាក់ព័ន្ធនឹងករណីខាងលើ ឯកឧត្ដម កើត រិទ្ធ បានដាក់បទបញ្ជាឲ្យខាងអធិការកិច្ច រួមទាំងរដ្ឋបាលតុលាការផ្ទៀងផ្ទាត់ឡើងវិញ ចំពោះចៅក្រម និងព្រះរាជអាជ្ញាណា ដែលអនុវត្តមានខុសច្បាប់ ដោយទី១ តម្រូវឲ្យមានបញ្ជីវត្តមានមួយត្រឹមត្រូវ ទី២ត្រួតពិនិត្យនិងអនុវត្តតាមមាត្រា៥២នៃច្បាប់ស្តីពីលក្ខន្តិកៈ ចៅក្រម និងព្រះរាជអាជ្ញា។ ឯកឧត្តម កើត រិទ្ធ បានសង្កត់ធ្ងន់ថា ចំពោះចៅក្រមរូបណា មិនបានបំពេញការងារលើសពី១៥ថ្ងៃត្រូវកាត់ប្រាក់បៀរវត្សន៍ ហើយប្រសិនបន្តអវត្តមានលើស១៥ថ្ងៃ ត្រូវចាត់ទុកថា បោះបង់ការងារ ពិន័យ ឬបណ្តេញចេញពីក្របខណ្ឌ។ជាមួយគ្នានេះ ឯកឧត្តម កើត រិទ្ធ បានគូសបញ្ជាក់ទៀតថា ការអវត្តមានរបស់មន្ត្រីក្នុងវិស័យយុត្តិធម៌នេះធ្វើឲ្យសំណុំរឿងជាច្រើនត្រូវកកស្ទះ និងបង្កជាឧបសគ្គដល់ការស្វែងរកយុត្តិធម៌ជូនប្រជាពលរដ្ឋ។ បន្ថែមលើសពីនេះ ឯកឧត្តម កើត រិទ្ធ បានចាត់ទុកការមិនបំពេញការងារ ហើយបើកតែប្រាក់បៀវត្សរ៍នោះ គឺផ្ទុយនឹងមនសិការទាំងស្រុង។រដ្ឋមន្ត្រីក្រសួងយុត្តិធម៌រូបនេះ បានណែនាំចៅក្រម ព្រះរាជអាជ្ញា ក៏ដូចជាមន្ត្រីកាន់ភ្ជាប់នូវអភិក្រមទាំង៥ របស់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា និងត្រូវប្រកាន់ខ្ជាប់ភាពម៉ឺងម៉ាត់របស់ខ្លួនក្នុងការអនុវត្តច្បាប់ឲ្យបានត្រឹមត្រូវជូនប្រជាពលរដ្ឋ។ ឯកឧត្ដម បន្តថា មន្ត្រីទាំងអស់ត្រូវចូលរួមលើកកម្ពស់កិត្តិយស សេចក្តីថ្លៃថ្នូរ និងកិត្យានុភាពនៃអង្គចៅក្រម ដោយប្រកាន់ខ្ជាប់នូវវិន័យក្រមសីលធម៌ វិជ្ជាជីវៈចៅក្រមទាំងពេលបំពេញការងារ និងក្នុងជីវភាពរស់នៅប្រចាំថ្ងៃ ដើម្បីចូលរួមប្រកបដោយឆន្ទៈក្នុងស្មារតីទទួល ខុសត្រូវខ្ពស់ក្នុងការអនុវត្តយុទ្ធនាការការដោះស្រាយការកកស្ទះសំណុំរឿងនៅតាមសាលាដំបូងរាជធានី-ខេត្ត ប្រកបដោយភាពត្រឹមត្រូវ លឿន និងមិនពុករលួយ។ ក្នុងឱកាសនោះដែរ ឯកឧត្តមរដ្ឋមន្ត្រីក្រសួងយុត្តិធម៌ រម្លឹកថា ចៅក្រម ព្រះរាជអាជ្ញា ក៏ដូចជាមន្ត្រីកាន់ភ្ជាប់នូវអភិក្រមទាំង៥ របស់សម្តេចតេជោនាយករដ្ឋមន្ត្រី រួមមាន ឆ្លុះកញ្ចក់ ងូតទឹក ដុសក្អែល ព្យាបាល និងវះកាត់ ដោយប្រកាន់ខ្ជាប់នូវភាពម៉ឺងម៉ាត់របស់ខ្លួន ក្នុងការអនុវត្តច្បាប់ឲ្យបានត្រឹមត្រូវជូនប្រជាពលរដ្ឋ៕ អត្ថបទ៖ សេក ឧត្តម

អាជ្ញាធររាជធានីនឹងចាត់វិធានយ៉ាងម៉ឺងម៉ាត់ ចំពោះអ្នកបំពានបម្រាមគោចរ ហើយផ្សារទាំង ២៥នៅតែបន្តបិទ

ភ្នំពេញ៖ អាជ្ញាធររាជធានីភ្នំពេញនឹងចាត់វិធានការធ្ងន់ជាងមុន ក្នុងរយៈពេល១សប្តាហ៍ទៀតនេះ ពោល គឺមិនលើកលែងចំពោះអ្នកដែលល្មើសនឹងបម្រាមគោចរ អ្នកដែលលួចចេញពីតំបន់លឿងទុំ ដែលអាជ្ញាធរបានបិទខ្ទប់ជដើម គឺត្រូវឃាត់ខ្លួន ផាកពិន័យ និងទទួលទោសទណ្ឌថែមទៀត ហើយផ្សារទាំង២៥នៅតែបន្តបិទ។ក្នុងកិច្ចប្រជុំគណៈបញ្ជាការឯកភាពរាជធានីភ្នំពេញ តាមរយៈ video conference នារសៀលថ្ងៃទី១៩ ខែឧសភា ឆ្នាំ២០២១ នៅសាលារាជធានីភ្នំពេញ ឯកឧត្ដម ឃួង ស្រេង អភិបាលរាជធានីភ្នំពេញ បានថ្លែងថា អាជ្ញាធររាជធានីភ្នំពេញនឹងចាត់វិធានការធ្ងន់ជាងមុន ក្នុងរយៈពេល១សប្តាហ៍ទៀតនេះ ពោល គឺមិនលើកលែងចំពោះអ្នកដែលល្មើសនឹងបម្រាមគោចរ និងអ្នកដែលលួចចេញពីតំបន់លឿងទុំ ដែលអាជ្ញាធរបានបិទខ្ទប់ឡើយ ដោយអ្នករត់ចេញ គឺត្រូវបានឃាត់ខ្លួន ផាកពិន័យ និងទទួលទោសទណ្ឌថែមទៀត។ឯកឧត្ដម ឃួង ស្រេង បានមានប្រសាសន៍ថា កិច្ចប្រជុំនេះ គឺដើម្បីពិនិត្យពិភាក្សារកចំណុចល្អ និងចំណុចខ្វះខាត យកមកអនុវត្តបន្តក្នុងការអនុវត្តការងារបន្តនៃការបិទខ្ទប់តំបន់លឿងទុំតាមខ្នងផ្ទះ តាមអគារ ឬនៅតាមខុនដូចាប់ពីថ្ងៃទី២០ឧសភា រហូតដល់ថ្ងៃទី២៧ឧសភាខាងមុខនេះ ដើម្បីផ្តាច់ឬសគល់ជម្ងឺកូវីដ-១៩ ។ឯកឧត្ដម ឃួង ស្រេង បានបន្ថែមទៀតថា ១សប្តាហទៀតនេះ គឺជាពេលដែលត្រូវអនុវត្តទឹកចុងក្រោយហើយអាជ្ញាធរ កម្លាំងមានសមត្ថកិច្ចត្រូវតែម៉ឺងម៉ាត់ បើគ្រប់គ្រងមិនបាន ការឆ្លងរាលដាល គឺនឹងវិលមករកចំណុចដើមវិញ។ ចំពោះវិធានការបន្ត គឺត្រូវអនុវត្តឱ្យបានម៉ឺងម៉ាត់ចំពោះបំរាមគោចរត្រូវឃាត់យានយន្តដែលធ្វើចរាចរណ៍ល្មើស ចាប់ពី៨យប់ដល់ម៉ោង៥ភ្លឺ ទាំងអស់មករក្សាទុក និងធ្វើការផាកពិន័យ ដោយមិនមានការអប់រំទៀតទេ។ ការផាកពិន័យនេះរដ្ឋបាលរាជធានីគ្មានចេតនាណាមួយ ចង់បានប្រាក់ពិន័យពីការផាកនោះទេ រដ្ឋបាលរាជធានីភ្នំពេញ មានបំណងតែមួយគត់ គឺចង់ឱ្យប្រជាពលរដ្ឋចូលរួមសហការជាមួយអាជ្ញាធរ និងក្រសួងសុខាភិបាល ដើម្បីយើងអាចកាត់ផ្តាច់បានជំងឺកូវីដ-១៩ ក្នុងព្រឹត្តការណ៍សហគមន៍២០កុម្ភៈនេះ។ចំពោះផ្សារក្នុងរាជធានីភ្នំពេញ ឯកឧត្ដម ឃួង ស្រេង បានបញ្ជាក់ថា ប្រជាពលរដ្ឋមួយចំនួនមិនបានអនុវត្តឱ្យបានខ្ជាប់ខ្ជួនទៅតាមការណែនាំរបស់អាជ្ញាធរ និងក្រសួងសុខាភិបាលនៅឡើយទេ ដូច្នេះយើងគ្មានមធ្យោបាយ ដើម្បីនឹងបើកផ្សាររដ្ឋទាំង២៥នេះឱ្យដំណើរការឡើងវិញនោះទេ ក្នុង១សប្តាហ៍ទៀតនេះ។ ដូចនេះអាជ្ញាធរ និងកម្លាំងទាំងអស់បន្តការផ្សព្វផ្សាយពីវិធានការការពាររបស់ក្រសួងសុខាភិបាល ពិសេសការអនុវត្ត៣កុំ និង៣ការពារ ត្រូវតែបន្តអនុវត្តឱ្យបានម៉ឺងម៉ាត់បំផុត ព្រោះថាបើយើងភ្លេចខ្លួនតែបន្តិចវានឹងមានបញ្ហាឡើងវិញ៕ អត្ថបទ ៖ ប្រាក់ វ៉ាន់ដា

ខេត្តត្បូងឃ្មុំរកឃើញមនុស្ស ០៥នាក់ទៀត ឆ្លងកូវីដ-១៩ ក្នុងនោះ មានកុមារ ០២នាក់ផងដែរ

ត្បូងឃ្មុំ៖ រដ្ឋបាលខេត្តត្បូងឃ្មុំ បានប្រកាសពីការរកឃើញមនុស្ស ៥នាក់ទៀតបានឆ្លងមេរោគកូវីដ-១៩ ក្នុងនោះ កុមារ ២នាក់ផងដែរ។ក្នុងសេចក្ដីប្រកាសព័ត៌មាននៅថ្ងៃនេះ រដ្ឋបាលខេត្តត្បូងឃ្មុំ បានបញ្ជាក់ថា ពលរដ្ឋ ០៥នាក់ ក្នុងនោះមានកុមារីម្នាក់ផងដែរ ត្រូវបានធ្វើតេស្ត និងរកឃើញឆ្លងមេរោគកូវីដ-១៩។បើតាមសេចក្ដីប្រកាសព័ត៌មាន បុរសម្នាក់អាយុ ៣៥ឆ្នាំ ត្រូវបានរកឃើញឆ្លងមេរោគកូវីដ-១៩ បន្ទាប់ពីគាត់បានវិលត្រឡប់មកពីប្រទេសថៃកាលពីថ្ងៃអង្គារកន្លងមកនេះ។ចំណែកឯកុមារីម្នាក់អាយុ ១៣ឆ្នាំ រដ្ឋបាលខេត្តនេះបញ្ជាក់ថា បានធ្វើដំណើរវិលត្រឡប់ទៅពីភ្នំពេញកាលពីសប្ដាហ៍មុន។រីឯស្រីម្នាក់អាយុ ៣៩ឆ្នាំ និងកូនប្រុសអាយុទើប ១០ឆ្នាំ ត្រូវបានរកឃើញឆ្លងមេរោគនេះនៅក្នុងលទ្ធផលតេស្តលើកទី៣ ក្រោយពីប្ដីគាត់ត្រូវបានរកឃើញឆ្លងមេរោគកូវីដ-១៩កាលពីថ្ងៃទី០១ ខែឧសភា។រដ្ឋបាលខេត្តត្បូងឃ្មុំ បានឱ្យដឹងទៀតថា បុរសម្នាក់ទៀតអាយុ ៤១ឆ្នាំ ត្រូវបានរកឃើញឆ្លងមេរោគផងដែរ ក្រោយពីបុរសរូបនេះបានវិលត្រឡប់ទៅពីរាជធានីភ្នំពេញ។បើរដ្ឋបាលខេត្តត្បូងឃ្មុំ អ្នកឆ្លងមេរោគកូវីដ-១៩ទាំង ៥នាក់នេះ ត្រូវបានបញ្ជូនទៅសម្រាកព្យាបាលនៅមន្ទីរពេទ្យបង្អែកមេមត់ មន្ទីរពេទ្យបង្អែកពាញាក្រែក និងមន្ទីរពេទ្យបង្អែកព្រះនរោត្ដម សីហនុ ត្បូងឃ្មុំ។អាជ្ញាធរខេត្តនេះក៏កំពុងស្វែងរកមនុស្សដទៃទៀតដែលបានប្រាស្រ័យទាក់ទងនឹងមនុស្សទាំង ៥នាក់ខាងលើនេះផងដែរ ដើម្បីធ្វើតេស្ត និងដាក់ឱ្យនៅដាច់ដោយឡែកដើម្បីតាមដានសុខភាព៕ អត្ថបទ៖ សុធី

ភូមិសាស្ត្ររាជធានីភ្នំពេញ លែងមាន«តំបន់ក្រហម»ហើយ នៅសល់ត្រឹម«តំបន់លឿងទុំ» និង«តំបន់លឿង»

ភ្នំពេញ៖ សាលារាជធានីភ្នំពេញ បានសម្រេចដកចេញ«តំបន់ក្រហម»ពីផែនទីភូមិសាស្ត្ររាជធានីភ្នំពេញហើយនៅថ្ងៃនេះ ដោយភូមិសាស្ត្រមួយនេះ ត្រូវបានកែសម្រួលមកនៅត្រឹម«តំបន់លឿងទុំ» និង«តំបន់លឿង»វិញ។ក្នុងសេចក្ដីសម្រេចចេញនៅថ្ងៃនេះ សាលារាជធានីភ្នំពេញ បានបែងចែកភូមិសាស្ត្ររាជធានីភ្នំពេញជា ២តំបន់ គឺ«តំបន់លឿងទុំ» ដែលសំដៅដល់ភូមិសាស្ត្រមានការឆ្លងរាលដាលកម្រិតមធ្យមនៃមេរោគកូវីដ-១៩ និង«តំបន់លឿង» ដែលសំដៅដល់ភូមិសាស្ត្រមានការឆ្លងរីករាលដាលកម្រិតស្រាលនៃមេរោគកូវីដ-១៩នេះ។បើតាមសេចក្ដីសម្រេចនេះ ភូមិសាស្ត្រដែលស្ថិតនៅក្នុង«តំបន់លឿងទុំ» មានផ្នែកខ្លះនៃភូមិដើមចាន ស្ថិតក្នុងខណ្ឌច្បារអំពៅ ភូមិ២៣ ស្ថិតក្នុងសង្កាត់បឹងកក់ទី២ នៃខណ្ឌទួលគោក ភូមិត្រពាំងថ្លឹង១ ភូមិត្រពាំងថ្លឹង២ ភូមិត្រពាំងថ្លឹង៤ និងភូមិទួលពង្រ ស្ថិតក្នុងខណ្ឌពោធិ៍សែនជ័យ។នៅក្នុងខណ្ឌឫស្សីកែវឯណោះវិញ សាលារាជធានីភ្នំពេញ បានកំណត់ផ្នែកខ្លះនៃភូមិចុងខ្សាច់ និងផ្នែកខ្លះទៀតនៃភូមិបាក់ទូក ស្ថិតក្នុងសង្កាត់ទួលសង្កែទី១ ឱ្យមកនៅត្រឹម«តំបន់លឿងទុំ»ផងដែរ។សម្រាប់ខណ្ឌមានជ័យ ដែលធ្លាប់ជា«តំបន់ក្រហម» ឬផ្ទុះការឆ្លងច្រើននោះ ក៏លែងជា«តំបន់ក្រហម»ទៀតហើយដែរ ដោយចុះមកនៅត្រឹម«តំបន់លឿងទុំ» ដូចជាផ្នែកខ្លះនៃភូមិ៥ ស្ថិតក្នុងសង្កាត់ស្ទឹងមានជ័យទី២ ផ្នែកខ្លះទៀតនៃភូមិដំណាក់ធំ២ ផ្នែកខ្លះទៀតនៃភូមិដំណាក់ធំ៣ និងផ្នែកខ្លះទៀតនៃភូមិទ្រា៤ ស្ថិតក្នុងសង្កាត់ស្ទឹងមានជ័យទី៣។រដ្ឋបាលរាជធានីភ្នំពេញ បានបញ្ជាក់ក្នុងសេចក្ដីសម្រេចថា «តំបន់លឿងទុំ» បន្តស្ថិតក្រោមវិធានការបិទខ្ទប់រយៈពេល ១សប្ដាហ៍ទៀត ចាប់ពីថ្ងៃស្អែកនេះ រហូតដល់ថ្ងៃទី២៦ ខែឧសភា។ក្រៅពីភូមិសាស្ត្រដែលត្រូវបានចាត់ចូលក្នុង«តំបន់លឿងទុំ»ខាងលើ ភូមិសាស្ត្រដទៃទៀតនៃរាជធានីភ្នំពេញ ត្រូវបានកែសម្រួលទៅជា«តំបន់លឿង»។សម្រាប់«តំបន់លឿង»នេះ អាជ្ញាធររាជធានីភ្នំពេញ សម្រេចដាក់ចេញវិធានការរដ្ឋបាលរយៈពេល ២សប្ដាហ៍ទៀត ចាប់ពីថ្ងៃស្អែកនេះរហូតដល់ថ្ងៃទី០២ ខែមិថុនាខាងមុខនេះ។ភូមិសាស្ត្ររាជធានីភ្នំពេញ ត្រូវបានកែសម្រួលជាបន្តបន្ទាប់ បន្ទាប់ពីបានមើលឃើញការធ្លាក់ចុះចំនួនករណីឆ្លងមេរោគកូវីដ-១៩នៅក្នុងរយៈពេល ២សប្ដាហ៍ចុងក្រោយមកនេះ៕ អត្ថបទ៖ សុធី

ពលរដ្ឋទាំងចាស់ទាំងក្មេង បង្ហាញសុឆន្ទៈក្នុងការចាក់វ៉ាក់សាំងដើម្បីសង្គមជាតិ

ភ្នំពេញ ៖ ប្រជាពលរដ្ឋដែលមានវ័យចាប់ពី១៨ឆ្នាំឡើងទៅរស់នៅក្នុងខណ្ឌបឹងកេងនៅថ្ងៃទី១៩ ខែឧសភានេះ បន្តនាំគ្នាទៅចាក់វ៉ាក់សាំង Sinovac ដូសទី១ដើម្បីបង្ការកុំឱ្យឆ្លងជំងឺកូវីដ-១៩។ចាប់ពីថ្ងៃទី១៨រហូតដល់ថ្ងៃទី៣១ ខែឧសភានេះក្រសួងសុខាភិបាលសហការជាមួយរដ្ឋបាល រាជធានីភ្នំពេញ បានរៀបចំយុទ្ធនាការចាកវ៉ាក់សាំងបង្ការជំងឺកូវីដ-១៩ ដូសទី១ជូនដល់ពលរដ្ឋមានវ័យចាប់ពី១៨ឆ្នាំឡើងទៅ ស្ថិតនៅក្នុងខណ្ឌបឹងកេងកងនិងខណ្ឌសែនសុខ។ពលរដ្ឋដែលបាននាំគ្នាទៅចាក់វ៉ាក់សាំងនៅទីតាំងសាលាបឋមសិក្សាវត្តមហាមន្ត្រី ក្នុងសង្កាត់ អូឡាំពិក ខណ្ឌបឹងកេងកង បានប្រាប់BTVថា ពួកគេមានឆន្ទៈក្នុងការទទួលការចាក់វ៉ាក់សាំងដើម្បីអាចការពារកុំឱ្យឆ្លងជំងឺកូវីដ-១៩ខ្លួនឯង និងទប់ស្កាត់ការឆ្លងចូលក្នុងផ្ទះព្រមទាំងកាត់បន្ថយផលប៉ះពាល់សង្គមផងដែរ។លោក ពា ហន ចៅសង្កាត់អូឡាំពិក បានឱ្យដឹងថា ពលរដ្ឋដែលមានវ័យចាប់ពី១៨ឆ្នាំឡើងនៅក្នុងសង្កាត់អូឡាំពិក ប្រមាណបីពាន់នាក់ត្រូវបានជូនដំណឹងរួចរាល់អំពីការចាក់វ៉ាក់សាំងនិងបានកំណត់ កាលបរិច្ឆេទច្បាស់លាស់ ដែលក្នុង១ថ្ងៃកំណត់ចាក់ជូនចំនួន៤០០នាក់។ការចាក់វ៉ាក់សាំងកូវីដ-១៩ គឺជាមធ្យោបាយមួយ ក្នុងចំណោមវិធានការសុខាភិបាលចាំបាច់ដទៃ ទៀត ដែលនឹងបង្ការការរាតត្បាត ការចម្លងជំងឺកូវីដ-១៩ និងកាត់បន្ថយផលប៉ះពាល់នៃជំងឺកូវីដ-១៩ ទៅ លើវិស័យសេដ្ឋកិច្ច និងសង្គម។មកដល់បច្ចុប្បន្ន កម្ពុជាមានវ៉ាក់សាំងបង្ការជំងឺកូវីដ-១៩ ចំនួនជាង៥លានដូសរួចហើយ ដែលបាននឹងកំពុងប្រើប្រាស់ក្នុងយុទ្ធនាការចាក់វ៉ាក់សាំង រួមមាន ១លាន៧០ម៉ឺនដូស ប្រភេទស៊ីណូហ្វាម ជាជំនួយរបស់មិត្តចិន ៣២ម៉ឺន៤ពាន់ដូស ប្រភេទកូវីស៊ៀល ជាជំនួយតាមរយៈមជ្ឈមណ្ឌលកូវ៉ាក់ ក្រោមកិច្ច សម្របសម្រួលពីអង្គការសុខភាពពិភពលោក និងវ៉ាក់សាំងប្រភេទស៊ីណូវ៉ាក់ ចំនួនបីលានដូស ដែលជាការបញ្ជាទិញរបស់រដ្ឋាភិបាលកម្ពុជាពីប្រទេសចិន។ តាមការគ្រោងទុកវ៉ាក់សាំងSinovac ប្រមាណ១លានដូសទៀត នឹងមកដល់កម្ពុជា នៅថ្ងៃទី២៣ខែឧសភានេះ ដែលជាការបញ្ជាទិញ របស់រាជរដ្ឋាភិបាល កម្ពុជាពីមិត្តចិនផងដែរ៕អត្ថបទ៖ ទូច សោភ័ណ

កម្ពុជា នឹងទទួលបានវ៉ាក់សាំង ១លានដូសពីអាមេរិក នៅខែឧសភានេះ តាមរយៈCOVAX

ភ្នំពេញ ៖ នៅត្រឹមដំណាច់ខែឧសភា ឆ្នាំ ២០២១ នេះ កម្ពុជានឹងទទួលបានវ៉ាក់សាំង ១ លាន ១ សែនដូស ពីរដ្ឋាភិបាលអាមេរិក តាមរយៈយន្តការកូវ៉ាក់ ។ នេះបើតាមការលើកឡើងរបស់លោក Patrick Murphy ឯកអគ្គរដ្ឋទូតអាមេរិកប្រចាំនៅកម្ពុជា ក្នុងពេលដែលលោកជួបពិភាក្សាការងារជាមួយ ឯកឧត្តម ប្រាក់ សុខុន ឧបនាយករដ្ឋមន្ត្រី រដ្ឋមន្ត្រីការបរទេស និងសហប្រតិបត្តិការអន្តរជាតិ កាលពីថ្ងៃទី ១៧ខែឧសភា ឆ្នាំ ២០២១។ទំព័រហ្វេសប៊ុកផ្លូវការរបស់ស្ថានទូតអាមេរិកប្រចាំកម្ពុជា បានស្រង់ប្រសាសន៍លោក Patrick Murphy ឯកអគ្គរដ្ឋទូតអាមេរិកប្រចាំនៅកម្ពុជា ដែល បានលើកឡើងថា សហរដ្ឋអាមេរិកគឺជាដៃគូរឹងមាំជាប់ លាប់មួយរបស់ប្រទេសកម្ពុជា នៅក្នុងអំឡុងពេលនៃការរាតត្បាតជាសាកលនៃមេរោគ ដោយបានផ្ដល់ថវិកាជាង ១១ លានដុល្លារ ជាជំនួយផ្តល់ឲ្យដោយផ្ទាល់ ទាក់ទងនឹងជំងឺកូវីដ១៩ និងជំនួយបច្ចេកទេសមួយចំនួនទៀត ។ បន្ថែមលើនេះ លោកថា អាមេរិកក៏បានផ្តល់ថវិកាចំនួនជាង ៤ ពាន់លានដុល្លារ ដែលជាចំនួនផ្ដល់ឲ្យដល់នានា តាមយន្តការកូវ៉ាក របស់អង្គការសុខភាពពិភពលោក ដែលតាមរយៈកម្មវិធីនេះ ប្រទេសកម្ពុជានឹងទទួលបានវ៉ាក់សាំងចំនួន ១ លាន ១ សែនដូស នៅត្រឹមដំណាច់ខែឧសភានេះ ហើយនឹងមានមកថែមទៀតនៅពេលក្រោយ ។ជាការឆ្លើយតបឯកឧត្តម ឧបនាយករដ្ឋមន្ត្រី ប្រាក់ សុខុន បានថ្លែងអំណរគុណដ៏ជ្រាលជ្រៅចំពោះជំនួយរបស់សហរដ្ឋអាមេរិកទាំងក្របខណ្ឌទ្វេភាគីចំពោះកម្ពុជា និងក្របខណ្ឌអន្តរជាតិ។ ឯកឧត្តមឧបនាយករដ្ឋមន្ត្រី ក៏បានគូសបញ្ជាក់អំពីកិច្ចសហប្រតិបត្តិការជិតស្និទ្ធរវាងមជ្ឈមណ្ឌលប្រយុទ្ធប្រឆាំងជំងឺឆ្លងសហរដ្ឋអាមេរិក (USCDC) និងក្រសួងសុខាភិបាលកម្ពុជា នារយៈពេលកន្លងមក។សេចក្តីប្រកាសព័ត៌មានរបស់ក្រសួងការបរទេសកម្ពុជា នៅថ្ងៃទី១៩ ខែឧសភា ឆ្នាំ ២០២១ នេះ បានឲ្យដឹងថា ក្នុងជំនួបនោះ ឯកឧត្តម ឧបនាយករដ្ឋមន្ត្រី និងឯកអគ្គរដ្ឋទូត បានកត់សម្គាល់រួម លើចំណុចវិជ្ជមាននៃកិច្ចសហប្រតិបត្តិការរបស់ប្រទេសទាំងពីរ ដូចជា វិស័យពាណិជ្ជកម្ម និងការវិនិយោគ ដែលនៅតែមានការកើនខ្លាំងឡើងនៅឆ្នាំ ២០២០ បើទោះបីជាមានបញ្ហាកូវីដ-១៩ យ៉ាងណាក៏ដោយ។ ក្រៅពីនេះ ទោះបីជាមានការខ្វែងគំនិតគ្នាលើបញ្ហាមួយចំនួនក្ដី ភាគីទាំងពីរនៅតែបញ្ជាក់ពីការប្ដេជ្ញាចិត្តខិតខំដោះស្រាយរួមគ្នា និងមិនធ្វើឱ្យបញ្ហាទាំងនោះក្លាយជាឧបសគ្គនៃកិច្ចសហប្រតិបត្តិការដ៏ល្អប្រសើររវាងប្រទេសទាំងពីរនោះទេ។ជាមួយគ្នានេះ ឯកឧត្តមឧបនាយករដ្ឋមន្ត្រី បានបញ្ជាក់ពីការត្រៀមខ្លួនរបស់កម្ពុជា ជាប្រធានប្ដូរវេនអាស៊ាននៅឆ្នាំ ២០២២ និងបានថ្លែងអំណរគុណសហរដ្ឋអាមេរិក ដែលបានបង្ហាញសមានចិត្តគាំទ្រជួយទ្រទ្រង់កម្ពុជា ក្នុងការបំពេញតួនាទីជាប្រធានអាស៊ានទទួល បានជោគជ័យនៅឆ្នាំក្រោយ៕អត្ថបទ ៖ ជា ធីរិទ្ធ

ពលរដ្ឋជាង៦០គ្រួសារទៀត នៅសង្កាត់ផ្សារដើមគរ ដែលរងផលប៉ះពាល់ពីជំងឺកូវីដ-១៩ អាជ្ញាធរខណ្ឌបន្តចែកជូនស្បៀងអាហារ

ភ្នំពេញ ៖ ស្បៀងអាហារជាអំណោយដ៏ថ្លៃថ្លារបស់សម្ដេចតេជោ ហ៊ុន សែន នាយករដ្ឋមន្ត្រី និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ត្រូវបានអាជ្ញាធរខណ្ឌទួលគោក បន្តយកទៅចែកជូន ប្រជាពលរដ្ឋ ចំនួនជាង៦០គ្រួសារទៀត រស់នៅក្នុងសង្កាត់ផ្សារដើមគរ ខណ្ឌទួលគោក ដែលរងផលប៉ះពាល់ធ្ងន់ធ្ងរពីជំងឺកូវីដ-១៩ ។ជាក់ស្ដែងនៅព្រឹក ថ្ងៃទី១៩ ខែឧសភា ឆ្នាំ ២០២១នេះ លោក ឯក ឃុនដឿន អភិបាលខណ្ឌទួលគោក បានប្រគល់អំណោយ ដល់បងប្អូនប្រជាពលរដ្ឋ មានចំនួន៤ភូមិ គឺភូមិ៨ , ៩ ,១៣និងភូមិ១៤ ក្នុងសង្កាត់ផ្សារដើមគរ ខណ្ឌទួលគោក ដោយក្នុងមួយគ្រួសារទទួលបានអង្ករ២៥គីឡូក្រាម មី១កេស ទឹកត្រី, ទឹកស៊ីអ៊ីវមួយយួរ និងត្រីខ១យួរ ជាអំណោយដ៏ថ្លៃថ្លារបស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន តាមរយៈឯកឧត្តម ឃួង ស្រេង អភិបាលរាជធានីភ្នំពេញ។ក្នុងពិធីចែកអំណោយ លោក ឯក ឃុនដឿន ក៏បានណែនាំអោយបងប្អូនប្រជាពលរដ្ឋ ចូលរួមទប់ស្កាត់ការរីករាលដាលជំងឺកូវីដ-១៩ ទាំងអស់គ្នា ដោយត្រូវអនុវត្តឱ្យបានខ្ជាប់ខ្ជួន នូវវិធានរបស់ក្រសួងសុខាភិបាល និងអនុវត្តន៍៣កុំ និង៣ការពារ ដោយហេតុថា យើងមិនបានដឹងថា នរណាម្នាក់មានជំងឺកូវីដ-១៩ នោះទេ ដូច្នេះយើងត្រូវចូលរួមទប់ស្កាត់ទាំងអស់គ្នា ដើម្បីកាត់ផ្តាច់អោយបាននូវការរីករាលដាលជំងឺកូវីដ-១៩ ក្នុងព្រឹត្តិការណ៍សហគមន៍២០ កុម្ភៈ ឲ្យបានជោគជ័យ៕អត្ថបទ ៖ កុម្ភះ

រោងចក្រធំជាងគេនៅស្រុកកណ្ដាលស្ទឹង បានបើកដំណើរការជាថ្មី ក្រោយផ្អាកដំណើរការជាង១០ថ្ងៃ

កណ្ដាល ៖ រោងចក្រស្បែកជើង សាន់បូ ជារោងចក្រធំជាងគេក្នុងភូមិសាស្ត្រស្រុកកណ្ដាលស្ទឹង ខេត្តកណ្តាល បានបើកដំណើរការជាថ្មី ក្រោយផ្អាកដំណើរការអស់រយៈពេលជាង១០ថ្ងៃ ដោយសារមានការឆ្លងជំងឺ កូវីដ-១៩។ ការបើកដំណើរការជាថ្មីនាពេលនេះ គឺពុំទាន់ដំណើរការទាំងស្រុងនោះទេ ដោយមានកម្មករកម្មការិនីប្រមាណជាង ២០០០នាក់ប៉ុណ្ណោះចូលបំពេញការងារ ខណៈពេលដែលបុគ្គលិកសរុបមានរហូតដល់ជាង ៨០០០ពាន់នាក់។ជាទិដ្ឋភាពរួមនៃការចាប់ផ្ដើមដំណើរការជាថ្មីនៃរោងចក្រស្បែកជើង សាន់បូ នាពេលនេះ គឺមានវត្តមានខាងរោងចក្រ និងសន្តិសុខជាច្រើននៅរង់ចាំត្រង់ចំណុចច្រកចូល ដើម្បីត្រួតពិនិត្យការពាក់ម៉ាសរបស់កម្មករ កម្មការិនីគ្រប់រូប។ រាល់កម្មករកម្មការិនី ដែលពុំមានពាក់ម៉ាសការពារ គឺ មិនមានសិទ្ធិចូលទៅក្នុងបរិវេណរោងចក្រនោះទេ។សម្រាប់ការបើកដំណើរការជាថ្មីនេះ កញ្ញា មុនី ផល ជាប្រធានរដ្ឋបាលនៃរោងចក្រ លើកឡើងថា រោងចក្របើកដំណើរការត្រឹមផ្នែកមួយចំនួន មិនទាន់បើកដំណើរការទាំងស្រុងនោះទេ ។ ចំពោះការបើកដំណើរការជាថ្មីនេះ គឺមានកម្មករប្រមាណជាង ២០០០នាក់នៃចំនួនកម្មករសរុបជាង ៨០០០នាក់ ហើយភាគីរោងចក្រ បានដាក់ចេញគោលការណ៍តឹង រឹងដោយតម្រូវឱ្យ កម្មករកម្មការិនី ដែលមានការពាក់ព័ន្ធកូវីដ-១៩ ត្រូវមានលិខិត បញ្ជាក់ថា បានបញ្ចប់ការធ្វើចត្តាឡីស័ក ត្រឹមត្រូវ ទើបក្រុមហ៊ុនអនុញ្ញាតឱ្យចូលបំពេញការងារ។ ប្រធានរដ្ឋបាលរោងចក្រ បានបន្តថា ដំណាក់កាលនេះ គឺរោងចក្រនៅតែអនុវត្តវិធានការពារ ទាំងការពាក់ម៉ាសការពារ ការបាញ់អាល់កុល វាស់កម្ដៅ ហើយរោងចក្រក៏គ្រោងបំពាក់ម៉ាស៊ីនបាញ់អាល់កុល និងវាស់កម្ដៅស្វ័យប្រវត្តិ និងរៀបចំឃាំងដាច់ៗសម្រាប់កន្លែងពិសារអាហារ ផងដែរ។ ចំពោះការបើកដំណើរការទាំងស្រុង ភាគីរោងចក្រពុំទាន់អាចបញ្ជាក់បាននោះទេ ដោយកិច្ចការនេះត្រូវមានការសិក្សា និងមានការឯកភាពពីមន្ត្រីជំនាញ រួមទាំងអាជ្ញាធរពាក់ព័ន្ធទាំងអស់។សម្រាប់កម្មករមួយរូបឈ្មោះ ចរិយា ដែលលោកបានមកបំពេញការងារជាថ្មីនៅថ្ងៃនេះ លើកឡើងថា លោកសប្បាយចិត្តពេលដែលរោងចក្រអាចបើកដំណើរការជាថ្មីបែបនេះ។ លោកថាបើរោងចក្របន្តបិទ វានឹងអាចប៉ះពាល់ដល់ចំណូលសម្រាប់ជីវភាពរបស់គាត់ ហើយលោកក៏ពេញចិត្តដែលរោងចក្រទាមទារលិខិតបញ្ចប់ចត្តាឡីស័ក ពីកម្មករដែលពាក់ព័ន្ធ ដើម្បីសុវត្ថិភាពគ្រប់គ្នាផងដែរ។សម្រាប់រោងចក្រស្បែកជើង សាន់បូ ក្នុងកំឡុងពេលផ្អាកដំណើរការមួយរយៈមកនេះ ក៏បានធ្វើការបាញ់ថ្នាំសម្លាប់មេរោគចំនួន ៣ដង ក្រោមការត្រួតពិនិត្យពីអាជ្ញាធរផងដែរ ។ សម្រាប់ភូមិសាស្ត្រស្រុកកណ្ដាលស្ទឹង តាមការលើកឡើងរបស់លោក អភិបាលស្រុក កាលពីសប្ដាហ៍មុនបញ្ជាក់ថា ស្រុកកណ្ដាលស្ទឹង មានរោងចក្រសហគ្រាសសរុបចំនួន ១៩ ដោយមានកម្មករកម្មការិនីសរុបជាង ៣ម៉ឺននាក់។ ក្នុងនោះរោងចក្រពាក់ព័ន្ធនឹងជំងឺកូវីដ-១៩ មានចំនួនពីររោងចក្រ រាប់បញ្ជូនទាំងរោងចក្រស្បែកជើង សាន់បូ ដែលបើកដំណើរការវិញនាពេលនេះ៕អត្ថបទ ៖ គឹមហុក

ស.ស.យ.ក ស្នើយុវជនរួបរួមគ្នា ដើម្បីផលប្រយោជន៍ជាតិជាចម្បង

ភ្នំពេញ៖ សហភាពសហព័ន្ធយុវជនកម្ពុជា(ស.ស.យ.ក) បានបើកកិច្ចប្រជុំស្ដីពី “លទ្ធផលការចូលរួមនៃយុទ្ធនាការអប់រំផ្សព្វផ្សាយប្រយុទ្ធប្រឆាំងនឹងការីករាលដាលនៃជំងឺកូវីដ១៩ ការសម្របសម្រួលការចាក់វ៉ាក់សាំង និងការផ្ដល់ជំនួយសង្គមបន្ទាន់ជូនជនងាយរងគ្រោះ នៅរាជធានីភ្នំពេញ” ។កិច្ចប្រជុំតាមរយៈប្រព័ន្ធវីដេអូនេះ ក្រោមវត្តមានឯកឧត្ដម ហ៊ុន ម៉ានី ប្រធាន ស.ស.យ.ក. និងដោយមានការចូលរួមពីឯកឧត្ដម សាយ សំអាល់ អនុប្រធាន និងជាប្រធាន ស.ស.យ.ក. រាជធានីភ្នំពេញរួមទាំងសមាជិក ស .ស.យ.ក.វិស័យ និងនៅតាមបណ្ដាខណ្ឌទាំង១៤ ក្នុងរាជធានីភ្នំពេញ។ឯកឧត្តម សាយ សំអាល់ ប្រធាន ស.ស.យ.ក រាជធានីភ្នំពេញបានលើកឡើងថា ជំនួយរបស់ ស.ស.យ.ក. ត្រូវបានបែងចែកទៅដល់បងប្អូនគ្រប់មជ្ឈដ្ឋានរួមមាន សមាជិករបស់យើង ប្រជាពលរដ្ឋជួបការលំបាក អាជ្ញាធរ និងកងកម្លាំងមានសមត្ថកិច្ចផងដែរ។ទន្ទឹមនឹងនោះ វត្តមានរបស់សមាជិក ស.ស.យ.ក. នៅតាមបណ្តាទីតាំងនានា ដូចជាកន្លែងចាក់វ៉ាក់សាំង ទីតាំងយកសំណាកជាដើម ត្រូវបានទទួលស្គាល់ពីសមត្ថភាព និងភាពម្ចាស់ការដោយអាជ្ញាធរដែលបំពេញការងារនៅទីនោះ”។ ហើយរាល់ការចូលរួមគឺ ស.ស.យ.ក. បានគិតគូរយ៉ាងខ្លាំងដល់សុវត្ថិភាពជាចម្បងចំពោះសមាជិករបស់ខ្លួន ដែលត្រូវចុះផ្ទាល់នៅតាមទីតាំងដែលមានហានិភ័យ។ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា បានថ្លែងកោតសរសើរដល់សមាជិក ស.ស.យ.ក.ទាំងអស់ ដែលបានចូលរួមយ៉ាងសកម្មក្នុងការងារប្រយុទ្ធនឹងការឆ្លងរាលដាលនៃជំងឺកូវីដ ១៩ តាំងពីចាប់ផ្តើមការផ្ទុះឡើងនៃជំងឺនេះ និងជាពិសេសសមាជិករាជធានីភ្នំពេញ និងវិស័យ ដែលបានខិតខំប្រឹងប្រែងកាន់តែខ្លាំងឡើង ក្នុងដំណាក់កាលចុងក្រោយដែលភូមិសាស្ត្ររាជធានីភ្នំពេញ និងក្រុងតាខ្មៅនៃខេត្តកណ្តាលត្រូវបានបិទខ្ទប់។ជាមួយនឹងជោគជ័យដ៏ធំធេងនេះ ឯកឧត្តម ហ៊ុន មានី ក៏បានក្រើនរំលឹកដល់សមាជិកឲ្យបន្តថែរក្សាស្មារតី ២ ធ្នូ ដែលជាការដាក់ផលប្រយោជន៍ខ្លួនឯង និងក្រុមដោយឡែក ហើយរួបរួមគ្នាដាក់ផលប្រយោជន៍ប្រទេសជាតិជាចំបង។ម្យ៉ាងទៀតក្នុងដំណាក់កាលដ៏លំបាកនេះ ការបន្តចូលរួមប្រកបដោយស្មារតី និងឆន្ទៈពីសំណាក់បងប្អូន ស.ស.យ.ក. គឺជាកត្តាគួបផ្សំដ៏មានសារៈសំខាន់ក្នុងការឈានទៅយកឈ្នះលើជំងឺកូវីដ ១៩ និងការបិទបញ្ចប់ព្រឹត្តិការ ណ៍សហគមន៍ ២០ កុម្ភៈជាស្ថាពរ។សូមបញ្ជាក់ថា នៅដំណាក់កាលចុងក្រោយនេះ ការឆ្លងរាលដាលក្រោយផ្ទុះព្រឹត្តិការណ៍សហគមន៍ ២០កុម្ភៈមានការឆ្លងលឿននេះ យុវជនបានចូលរួមយ៉ាងសកម្ម ក្នុងនោះសមាជិករបស់ ស.ស.យ.ក. មិនបានរាថយនោះឡើយ ដោយបានខិតខំប្រឹងប្រែងជំនះភាពភ័យខ្លាចទាំងឡាយបានដោយជោគ ជ័យ សហការជាមួយអាជ្ញាធរ ចូលរួមកិច្ចការផ្សេងៗ ដើម្បីរួមចំណែកទប់ស្កាត់ការឆ្លងរាលដាល និងកាត់ផ្តាច់ឬសគល់នៃមេរោគកូវីដ១៩ ក្នុងសហគមន៍កម្ពុជា៕

បណ្ដាញសង្គម

ព័ត៌មានថ្មីៗ

បទបញ្ជាបោសសម្អាតការឆបោកតាមប្រព័ន្ធបច្ចេកវិទ្យា នឹងជួយទាក់ទាញអ្នកវិនិយោគកាន់តែច្រើនថែមទៀតមកកាន់កម្ពុជា

កម្ពុជា-ហ្វីលីពីន ឯកភាពបន្តពង្រឹងកិច្ចសហប្រតិបត្តិការលើវិស័យការពារជាតិ ជាពិសេសការបណ្តុះបណ្តាលធនធានមនុស្ស

មន្ត្រីរាជការក្រសួងប្រៃសណីយ៍ ចូលរួមដាំដើមកោងកាងចំនួន៥៥០ ដើម ក្រោមប្រធានបទ “ឌីជីថល ផ្សារភ្ជាប់បរិស្ថាន”

លោក Zelenskyy៖ លោកបានពិភាក្សាអំពីការផ្គត់ផ្គង់មីស៊ីល និងការបណ្តុះបណ្តាលអ្នកបើកយន្តហោះជាមួយលោក Macron

ប្រធានការិយាល័យសិទ្ធិមនុស្ស UN ជំរុញឲ្យមានការទទួលខុសត្រូវ ចំពោះការសម្លាប់ នៅទីក្រុង Sweida របស់ស៊ីរី

រុស្ស៊ីចាប់ខ្លួនស្ត្រីសញ្ជាតិអាមេរិក-រុស្ស៊ី នៅអាកាសយានដ្ឋាន ពីបទរត់ពន្ធកាំភ្លើង

ផ្លូវជនបទបញ្ចប់សុពលភាពនៅខេត្តពោធិ៍សាត់ បានរក្សាគុណភាពល្អសម្រាប់ការរស់នៅរបស់ប្រជាជន

សម្ដេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា និងលោកជំទាវ អញ្ជើញចូលរួមអបអរសាទរព្រឹត្តិការណ៍នៃការចុះ “បូជនីយដ្ឋានចងចាំនៃកម្ពុជា៖ ពីទីតាំងឧក្រិដ្ឋកម្មមកជាមណ្ឌលផ្សះផ្សានិងសន្តិភាព” ក្នុងបញ្ជីបេតិកភណ្ឌពិភពលោក

មេដឹកនាំហ្វីលីពីន នឹងពិភាក្សាអំពីពាណិជ្ជកម្ម និងសន្តិសុខ អំឡុងទស្សនកិច្ចនៅអាមេរិក ខណៈពន្ធគយលេចឡើងស្ទុងៗ

អ៊ីរ៉ង់ច្រានចោលការអះអាងរបស់អាមេរិកដែលថា ខ្លួនបញ្ជូនអាវុធទៅឲ្យក្រុមហ៊ួទី នៅប្រទេសយេម៉ែន

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ​ និង ការអភិវឌ្ឍន៍

រដ្ឋមន្ត្រី​យុត្តិធម៌​ព្រមាន​បណ្តេញ​ចៅក្រម ​និង​ព្រះរាជអាជ្ញា​ចេញពី​ក្របខណ្ឌ​ បើ​មិន​គោរព​វិន័យ​

ខេត្ត​ត្បូងឃ្មុំ​រក​ឃើញ​មនុស្ស​ ០៥​នាក់​ទៀត ​ឆ្លង​កូ​វីដ​-១៩ ក្នុងនោះ ​មាន​កុមារ​ ០២​នាក់​ផងដែរ​

ភូមិសាស្ត្រ​រាជធានី​ភ្នំពេញ​ លែង​មាន​«​តំបន់​ក្រហម​»​ហើយ នៅសល់​ត្រឹម​«​តំបន់​លឿងទុំ​» និង​«​តំបន់​លឿង​»

ពលរដ្ឋ​ទាំងចាស់ទាំងក្មេង​ បង្ហាញ​សុឆន្ទៈ​ក្នុង​ការ​ចាក់​វ៉ាក់សាំង​ដើម្បី​សង្គមជាតិ

​កម្ពុជា​ នឹង​ទទួល​បាន​វ៉ាក់សាំង​ ១លាន​ដូ​ស​ពី​អាមេរិក​ នៅ​ខែឧសភា​នេះ​ តាមរយៈCOVAX

រោងចក្រ​ធំ​ជាងគេ​នៅ​ស្រុក​កណ្ដាលស្ទឹង ​បាន​បើក​ដំណើរការ​ជាថ្មី ក្រោយ​ផ្អាក​ដំណើរការ​ជាង​១០​ថ្ងៃ

ស​.​ស​.​យ​.​ក ស្នើ​យុវជន​រួបរួមគ្នា ដើម្បី​ផលប្រយោជន៍​ជាតិ​ជា​ចម្បង​