BTV NEWS

សម្ដេចធិបតី ដឹកនាំគណៈប្រតិភូចូលក្រាបបង្គំគាល់ព្រះករុណា ព្រះមហាក្សត្រ ទូលថ្វាយលទ្ធផលចុះបញ្ជីបូជនីយដ្ឋានចងចាំនៃកម្ពុជា ក្នុងបញ្ជីបេតិកភណ្ឌពិភពលោក

សភាតំណាងប្រជាជនចិនចាត់ទុកសម្តេចតេជោ ជាតួអង្គសំខាន់បន្តពីព្រះបរមរតនកោដ្ឋក្នុងការពូនជ្រំទំនាក់ទំនងរវាងកម្ពុជា និងចិន

សម្តេចតេជោអនុញ្ញាតឱ្យសមាជិកគណៈកម្មាធិការអចិន្ត្រៃយ៍សភាប្រជាជនចិនជួបសម្តែងការគួរសម

ក្រុមការងារបច្ចេកទេសអន្តរក្រសួងបន្តចុះកំណត់និយាមកា និងបោះបង្គោលព្រំដីតាមបណ្តោយព្រែកជីកហ្វូណនតេជោ សម្រាប់កំណាត់ទី២ ក្នុងភូមិសាស្រ្តខេត្តកំពត

នយោបាយ និង ការអភិវឌ្ឍន៍

១០០ថ្ងៃមកនេះ យុទ្ធនាការចាក់វ៉ាក់សាំងកូវីដ-១៩សម្រេចបាន២២% ពលរដ្ឋជិត២.២លាននាក់បានចាក់វ៉ាក់សាំង

ភ្នំពេញ៖ របាយការណ៍របស់គណៈកម្មការចំពោះកិច្ចការចាក់វ៉ាក់សាំងបង្ការជំងឺកូវីដ-១៩ បានឱ្យដឹងថា ដំណើរការចាក់វ៉ាក់សាំងទូទាំងប្រទេសសម្រេចបានខ្ទង់ ២២ភាគរយហើយនៅត្រឹមថ្ងៃម្សិលមិញនេះ។របាយការណ៍ដដែលនេះ បានឱ្យដឹងថា ដំណើរការចាក់វ៉ាក់សាំងទូទាំងប្រទេស បានផ្ដល់វ៉ាក់សាំងជូនប្រជាពលរដ្ឋបានដល់ទៅជិត ២លាន ២០ម៉ឺននាក់ចាប់ពីថ្ងៃចាប់ផ្ដើមយុទ្ធនាការកាលពីថ្ងៃទី១០ ខែកុម្ភៈ រហូតមកដល់ថ្ងៃទី២០ ខែឧសភាម្សិលមិញនេះ។របាយការណ៍នេះ បានឱ្យដឹងទៀតថា ដំណើរការចាក់វ៉ាក់សាំងនេះ សម្រេចបាន ២១.៩៩ភាគរយ នៃចំនួនពលរដ្ឋសរុប ១០លាននាក់ ដែលរាជរដ្ឋាភិបាលបានកំណត់ចាក់វ៉ាក់សាំងជូននៅត្រឹមដំណាច់ឆ្នាំ២០២១នេះ។បើតាមរបាយការណ៍ដដែលនេះ ប្រជាពលរដ្ឋដល់ទៅជិត ១លាន ៤០ម៉ឺននាក់ហើយបានទទួលវ៉ាក់សាំងទាំងពីរដូសរួចរាល់ហើយនៅអំឡុងរយៈពេល ១០០ថ្ងៃមកនេះ។ក្នុងរយៈពេលនេះ ប្រជាពលរដ្ឋដល់ទៅជិត ២លាន ៣០ម៉ឺននាក់ បានស្ម័គ្រចិត្តដើម្បីចាក់វ៉ាក់សាំង ប៉ុន្តែ ប្រជាពលរដ្ឋជិត ៧ម៉ឺននាក់ មិនត្រូវបានអនុញ្ញាតឱ្យចាក់វ៉ាក់សាំងទេដោយសារបញ្ហាសុខភាព៕

ប្រមុខរាជរដ្ឋាភិបាលគ្រោងដាក់ផែនការស្តារសេដ្ឋកិច្ចឡើងវិញពីវិបត្តិកូវីដ-១៩

ភ្នំពេញ៖ ប្រមុខរាជរដ្ឋាភិបាលកម្ពុជា សម្ដេចតេជោ ហ៊ុន សែន បង្ហាញផែនការស្ដារសេដ្ឋកិច្ចឡើងវិញ ក្រោយចប់វិបត្តិកូវីដ-១៩ សម្រាប់ឆ្នាំ២០២១-២០២៣ ក្នុងគោលបំណង អូសទាញកំណើនសេដ្ឋកិច្ច ឲ្យត្រឡប់ទៅខិតជិតកំណើន សក្ដានុពលប្រកប ដោយចីរភាព និងបរិយាបន្នកម្ម។ក្នុងសន្និសីទអន្តរជាតិលើកទី២៦ស្ដីពី «អនាគតរបស់អាស៊ី» ក្រោមប្រធានបទ «ការរៀបចំសម័យកាលថ្មី ក្រោយវិបត្តិកូវីដ៖ តួនាទីរបស់អាស៊ី ក្នុងការស្ការពិភពលោកឡើងវិញ» នាថ្ងៃទី២០ ខែឧសភា ឆ្នាំ២០២១ សម្ដេចតេជោបានថ្លែងថា រាជរដ្ឋាភិបាលកម្ពុជាប្ដេជ្ញាប្រែក្លាយវិបត្តិនៃជំងឺកូវីដ-១៩ ទៅជាឱកាសសម្រាប់ ការដ្ឋានកំណែទម្រង់ កាន់តែស៊ីជម្រៅសំដៅ កសាងប្រព័ន្ធសេដ្ឋកិច្ច និងសង្គម ដែលកាន់តែរឹងមាំ និងមានភាពធន់ទៅ នឹងវិបត្តិនាពេលអនាគត។សម្ដេចតេជោ បញ្ជាក់ថា រាជរដ្ឋាភិបាលបាននិងកំពុងរៀបចំ ហើយគ្រោងនឹងដាក់ចេញនូវ ផែនការស្ដារសេដ្ឋកិច្ចឡើងវិញ ពីវិបត្តិកូវីដ-១៩ សម្រាប់ ឆ្នាំ២០២១-២០២៣ ក្នុងគោលបំណង អូសទាញកំណើនសេដ្ឋកិច្ចឲ្យត្រឡប់ទៅខិត ជិតកំណើនសក្ដានុពល ប្រកបដោយចីរភាព និងបរិយាបន្នកម្ម តាមរយៈការធានារក្សានូវសន្ដិភាព សន្ដិសុខ ស្ថិរភាព សង្គម និងសណ្ដាប់ធ្នាប់ សាធារណៈលើគន្លងនៃប្រក្រតីភាពថ្មី ព្រមទាំងការលើកកម្ពស់ ភាពប្រកួតប្រជែង និងជំរុញការ ធ្វើពិពិធកម្មសេដ្ឋកិច្ច ជាពិសេស មូលដ្ឋានឧស្សាហកម្មរឹងមាំដែលមានសមត្ថភាពនាំចេញខ្ពស់ និងផ្សារភ្ជាប់កាន់តែខ្លាំង ក្លាជាមួយ ច្រវាក់ផ្ដគ់ផ្គង់តំបន់ និងពិភពលោក»។ប្រមុខរាជរដ្ឋាភិបាល បានលើកឡើងទៀតថា កម្ពុជានឹងផ្ដល់ អាទិភាព ដូចជា ៖ ទី១)-ស្ដារឡើងវិញ ដោយកសាងមូលដ្ឋាន រឹងមាំសម្រាប់សេដ្ឋកិច្ចវិលទៅមាគ៌ានៃកំណើនឡើងវិញ ដោយផ្ដោតលើកការធានាសុវត្ថិភាព ការគ្រប់គ្រងវិស័យដែលទទួលរងផលប៉ះពាល់ខ្លាំង និងការបង្កើតការងារបន្ថែមឱ្យបានច្រើន និងឆាប់រហ័ស។ ទី២)-កែទម្រង់ ដោយបន្តដាក់ចេញវិធានការកែទម្រង់សំខាន់ៗ ជារចនាសម្ព័ន្ធ, ការវិនិយោគ និងធុរកិច្ច , និងការជំរុញ និងការអភិវឌ្ឍ ឌីជីថលូបនីយកម្មក្នុងប្រព័ន្ធសេដ្ឋកិច្ច ទាំងវិស័យសាធារណៈ និងវិស័យឯកជន។ និងទី៣- កសាងភាពធន់ ដោយពង្រឹងការត្រៀមខ្លួន និង ការឆ្លើយតបទៅនឹងជំងឺឬស្ថានភាពស្រដៀងគ្នា ដែលអាចផ្ទុះឡើងនាពេល អនាគត ដោយផ្តោតលើការអភិវឌ្ឍ ប្រព័ន្ធសុខាភិបាល និងប្រព័ន្ធគាំពារ សង្គមដែលរឹងមាំ។សូមបញ្ជាក់ថា កំណើនសេដ្ឋកិច្ចកម្ពុជា រំពឹងថានឹងងើបឡើងវិញក្នុងរង្វង់៤ភាគរយក្នុងឆ្នាំ២០២១នេះ ពីកំណើនអវិជ្ជមានក្នុងឆ្នាំ២០២០កន្លងទៅ៕ អត្ថបទ៖ វណ្ណៈ

ការងារដោះមីនរបស់ទ័ពមួកខៀវកម្ពុជា នៅតំបន់ព្រំដែនលីបង់ជាប់អ៊ីស្រាអ៊ែលត្រូវបានដកថយ

ភ្នំពេញ៖ អគ្គនាយកមជ្ឈមណ្ឌលជាតិគ្រប់គ្រងកម្លាំងរក្សាសន្តិភាពកម្ពុជា បានអោយដឹងថា ការបាញ់ផ្លោងគ្រាប់ដាក់គ្នាទៅវិញទៅមកនៅតំបន់ព្រំដែនជាប់គ្នារវាងប្រទេសអ៊ីស្រាអ៊ែល និងប្រទេសលីបង់ នៅថ្ងៃម្សិលមិញនេះ មិនបង្កការប៉ះពាល់ទៅដល់ដំណើរការការងារបំពេញបេសកកម្មថែរក្សាសន្តិភាពអង្គការសហប្រជាជាតិ របស់កងទ័ពមួកខៀវកម្ពុជា នៅប្រទេសលីបង់នោះទេ។ឯកឧត្តម ទេសរដ្ឋមន្ត្រី សែម សុវណ្ណនី ក្នុងនាមជាអគ្គនាយកមជ្ឈមណ្ឌលជាតិគ្រប់គ្រង់កម្លាំងថែរក្សាសន្តិភាព បានថ្លែងប្រាប់ BTV នៅថ្ងៃទី២០ ខែឧសភានេះថា ការប៉ះទង្គិចគ្នារវាងលីបង់ និងអ៊ីស្រាអ៊ែល នៅតំបន់ព្រំដែនកាលពីម្សិលមិញនេះ បង្កប៉ះពាល់ដល់តំបន់បេសកកម្មរបស់ទ័ពមួកខៀវកម្ពុជានោះទេ តែទោះយ៉ាងណាសម្រាប់ការងារដោះមីនរបស់កងទ័ពមួកខៀវកម្ពុជា នៅតំបន់ព្រំដែនរវាងប្រទេសលីបង់ និងប្រទេសអ៊ីស្រាអ៊ែល ត្រូវបានភាគីអង្គការសហប្រជាជាតិតម្រូវអោយផ្អាកជាបណ្តោះអាសន្នសិន ខណៈជម្លោះសង្គ្រាមនៅអ៊ីស្រាអ៊ែលនៅមិនទាន់ដោះស្រាយចប់។ឯកឧត្តម នាយឧត្តមសេនីយ សែម សុវណ្ណនី បញ្ជាក់ថា នៅពេលនេះ កងទ័ពមួកខៀវកម្ពុជា ដែលបាននិងកំពុងបំពេញបេសកកម្មថែរក្សាសន្តិភាពអង្គការសហប្រជាជាតិនៅប្រទេសលីបង់ គឺកំពុងធ្វើការងារសាងសង់សំណង់ដេក និងសំណង់បញ្ឈរមួយចំនួន នៅក្នុងតំបន់ម៉ាចាយ័ននៅចំងាយជាង១០០គីឡូម៉ែត្រពីតំបន់តំបន់ព្រំដែនលីបង់ និងអ៊ីស្រាអ៊ែល។ឯកឧត្តម ថា ជារួមនៅក្នុងអំឡុងពេលនេះ ភាគីអង្គការសហប្រជាជាតិ តម្រូវអោយគ្រប់ទ័ពមួកខៀវទាំងអស់ ត្រូវបន្តធ្វើការងារនៅតែនៅក្នុងទីក្រុងឆ្ងាយពីព្រំដែននិងជាតំបន់មានសុវត្ថិភាព ហើយកងកម្លាំងត្រូវស្តាប់តាមបទបញ្ហានានារបស់អ្នកសម្របសម្រួលអង្គការសហប្រជាជាតិដែលនៅជាកណ្តាលរវាងលីបង់ និងអ៊ីស្រាអ៊ែល។សូមបញ្ជាក់ថា នៅពេលបច្ចុប្បន្ននេះ កម្ពុជា មានទ័ពមួកខៀវចំនួនជាង១៨០នាក់ បាននិងកំពុងឈរជើងបំពេញបេសកកម្មថែរក្សាសន្តិភាពអង្គការសហប្រជាជាតិ ហើយចាប់តាំងពីឆ្នាំ២០០៦ រហូតមកដល់នេះ កម្ពុជា មានកងទ័ពមួកខៀវប្រមាណជាង ៧៣០០នាក់ បានចូលរួមការងារបេសកកម្មថែរក្សាសន្តិភាព UN នៅតាមបណ្តាប្រទេសមានជម្លោះសង្គ្រាមចំនួន៩ រួមមាន៖ប្រទេសស៊ូដង់ ស៊ូដង់ខាងត្បូង លីបង់ សាធារណរដ្ឋអាហ្វ្រឹកកណ្តាល ប្រទេសម៉ាលី ឆាដ សាយប្រ៊ុយ ស៊ីរី យេម៉េន ។ សម្រាប់បច្ចុប្បន្ននេះ វិញ កម្ពុជា មានទ័ពមួកខៀវប្រមាណជិត ៨០០នាក់ បាននិងកំពុងឈរជើងបំពេញបេសកកម្មថែរក្សាសន្តិភាព UN នៅតាមបណ្តាប្រទេសចំនួន៤ រួមមាន៖ ប្រទេសស៊ូដង់ខាងត្បូង សាធារណរដ្ឋអាហ្វ្រឹកកណ្តាល លីបង់ និងប្រទេសម៉ាលី៕អត្ថបទ៖ ស៊ុម សុខជា

ផ្សាររដ្ឋទាំងអស់នៅភ្នំពេញនឹងបើកដំណើរការឡើងវិញថ្ងៃទី២៤ឧសភា

ភ្នំពេញ៖ សាលារាជធានី បានអនុញ្ញាតឱ្យបើកដំណើរការផ្សាររដ្ឋទាំងអស់ ក្នុងមូលដ្ឋានរាជធានីភ្នំពេញ ចាប់ពីថ្ងៃទី២៤ ខែឧសភា ឆ្នាំ២០២១ តទៅ តែផ្សារមិនរៀបរយនៅតែបន្តផ្អាកសិន។សាលារាជធានីភ្នំពេញ នៅថ្ងៃទី២០ ខែឧសភា ឆ្នាំ២០២១ បានចេញសេចក្ដីសម្រេចលេខ ១១៤/២១ សសរ ដោយសម្រេចបើកដំណើរការឡើងវិញចំពោះផ្សាររដ្ឋទាំងអស់ ក្នុងមូលដ្ឋានរាជធានីភ្នំពេញ។ក្នុងសេចក្ដីសម្រេចលេខ ១១៤/២១ សសរ បានបញ្ជាក់ថា ការបើកដំណើរការឡើងវិញចំពោះផ្សាររដ្ឋទាំងអស់នេះ គឺមានការលើកលែងផងដែរ ចំពោះផ្សារមិនរៀបរយទាំងអស់ដូចជា ផ្សារក្រមួន ផ្សារចាត់តាំង ផ្សាររោងចក្រ ផ្សារសហគមន៍ ផ្សារក្នុងដីឡូត៍ឯកជន ផ្សារជុំវិញមន្ទីរពេទ្យ និងផ្សារតាមចិញ្ចើមផ្លូវជាដើម មិនត្រូវបានអនុញ្ញាតឱ្យបើកដំណើរការឡើយ ដើម្បីបង្ការ និងទប់ស្កាត់ការឆ្លងរាលដាលធ្ងន់ធ្ងរនៃជំងឺកូវីដ-១៩ ក្នុងសហគមន៍។សេចក្ដីសម្រេចលេខ ១១៤/២១ សសរ ត្រង់ប្រការ ២ បានលើកឡើងពីកាតព្វកិច្ចដែល អាជីវករ សន្តិសុខ បុគ្គលិក-កម្មករ អតិថិជន និងជនទាំងឡាយដែលមានវត្តមានក្នុងបរិវេណផ្សារត្រូវតែអនុវត្តជាចាំបាច់បំផុត នោះគឺ ត្រូវមានកាតព្វកិច្ចពាក់ម៉ាស និងកាតព្វកិច្ចរក្សាគម្លាតសុវត្ថិភាពជាចាំបាច់។ ក្នុងករណីមិនពាក់ម៉ាស ឬ ពាក់ម៉ាសមិនបានត្រឹមត្រូវ មិនរក្សាគម្លាតសុវត្ថិភាពទេនោះ អភិបាលរដ្ឋាករស្វយ័តផ្សារធំថ្មី និង គណៈកម្មការគ្រប់គ្រងផ្សាររដ្ឋ ត្រូវសហការជាមួយមន្ត្រីជំនាញ និងអាជ្ញាធរមូលដ្ឋាន ដើម្បីអនុវត្តការផាកពិន័យជាបន្ទាន់ចំពោះបុគ្គលល្មើស និងហាមដាច់ខាតការជួបជុំប្រមូលផ្តុំមនុស្សក្នុងបរិវេណផ្សារ ទោះបីក្រោមរូបភាពណាក៏ដោយ ក្នុងករណី មានការជួបជុំប្រមូលផ្តុំមនុស្សខុសពីការណែនាំនេះ នឹងត្រូវអនុវត្តការផាកពិន័យ ជាបន្ទាន់ចំពោះបុគ្គលល្មើស។ ត្រូវអនុវត្តឱ្យបានម៉ឺងម៉ាត់នូវវិធានការ “៣ ការពារ និង ៣ កុំ" របស់ សម្តេចអគ្គ មហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា។ ឱ្យមានអ្នកវាស់កម្ដៅ បាញ់ទឹកអាល់កុល-ជែលអាល់កុល និងអនុវត្តការស្កេន QR Code ទប់ស្កាត់កូវីដ នៅតាមបណ្តាច្រកចេញ-ចូលផ្សារដែលបានកំណត់។សេចក្ដីសម្រេចលេខ ១១៤/២១ សសរ ក៏បានបញ្ជាក់ពីវិធានការក្នុងករណីរកឃើញថា អភិបាលរដ្ឋាករស្វយ័តផ្សារធំថ្មី និងគណៈកម្មការគ្រប់គ្រងផ្សាររដ្ឋ ឬ បុគ្គលណាម្នាក់ មិនព្រមសហការ ឬ មិនអនុវត្ត តាមខ្លឹមសារនៃសេចក្ដីសម្រេចនេះ ត្រូវចាត់វិធានការរដ្ឋបាល និងវិធានការច្បាប់ ដោយគ្មានការលើកលែងឡើយ៕ អត្ថបទ ៖ ប្រាក់ វ៉ាន់ដា

សម្ដេចតេជោ សង្ឃឹមថា អាមេរិកនិងចិននឹងខិតខំរកទំនាក់ទំនងល្អជាមួយគ្នា

ភ្នំពេញ ៖ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានបង្ហាញនូវការសង្ឃឹមថា អាមេរិកនិងចិននឹងខិតខំរកទំនាក់ទំនងល្អជាមួយគ្នាហើយតបនឹងសំណួរដែលថាកម្ពុជាពឹងផ្អែកលើចិនខ្លាំងពេកនោះ សម្ដេចបានឆ្លើយតបថា បើកម្ពុជាមិនពឹងចិន តើឲ្យពឹងលើអ្នកណា?សម្ដេចតេជោ ហ៊ុន សែន ប្រមុខរាជរដ្ឋាភិបាលកម្ពុជា បានថ្លែងបែបនេះ ក្នុងឱកាសសន្និសីទអន្តរជាតិលើកទី២៦ស្ដីពីអនាគតអាស៊ី ក្រោមប្រធានបទ"ការរៀបចំសម័យកាលថ្មី ក្រោយវិបត្តិកូវីដ តួនាទីរបស់អាស៊ីក្នុងការស្ដារពិភពលោកឡើងវិញ"តាមប្រព័ន្ធវីដេអូនៅព្រឹកថ្ងៃទី២០ ឧសភានេះ។ជាមួយនឹងការសង្ឃឹមជឿជាក់ ថាអាមេរិកនិងចិននឹងខិតខំរកទំនាក់ទំនងល្អជាមួយគ្នា ហើយតបនឹងសំណួរថាកម្ពុជាពឹងចិន ខ្លាំងពេកនោះ សម្ដេចបានឆ្លើយតបថាបើកម្ពុជាមិនពឹងលើចិនតើអោយទៅពឹងអ្នកណាដើម្បីឱ្យប្រជាជនកម្ពុជាមានហេដ្ឋារចនាសម្ព័ន្ធផ្លូវ និងស្ពានឆ្លងកាត់ទន្លេជាដើមនោះ។ជាមួយ នឹងការជួយជាច្រើនពីភាគីចិន សម្ដេចតេជោហ៊ុនសែន បានមានប្រសាសន៍ថា សូម្បីតែវ៉ាក់សាំងដែលបាននិងកំពុងទទួលបានយកមកចាក់ជូនប្រជាជនជាង២លាននាក់នេះ បើគ្មានជំនួយពីចិននិងការផ្គត់ផ្គង់ការលក់ពីភាគីចិនកម្ពុជា ក៏គ្មានវ៉ាក់សាំងសម្រាប់ចាក់ជូនប្រជាជនកម្ពុជាដែរ។ក្រៅពីកូវ៉ាក់ ដែលផ្ដល់ឲ្យកម្ពុជាបានជាង ៣០លានដូស តើមានប្រទេសណាមួយបានហារមាត់បញ្ជូនមកដល់កម្ពុជាហើយឬនៅ នូវវ៉ាក់សាំងសម្រាប់ចាក់ជូនប្រជាជនកម្ពុជា។ដូច្នេះការប្រើពាក្យថា កម្ពុជាពឹងពាក់លើចិនទាល់តែចិនមានអ្វីឲ្យកម្ពុជាដែរទើបកម្ពុជាទៅពឹងពាក់បាន បើចិនអត់មានអ្វីតើឲ្យកម្ពុជាទៅពឹងពាក់ម្ដេចបាន។សម្ដេច បានស្នើឱ្យគួរពិនិត្យឡើងវិញអំពីអ្វីដែលហៅថាពាក់វ៉ែនតាឲ្យបានប្រសើរសម្លឹងឆ្ពោះមកលើនយោបាយការបរទេសរបស់កម្ពុជា។តើគេគួរមានឥរិយាបថបែបណាចំពោះកម្ពុជា ទើបកម្ពុជាទទួលយក។កម្ពុជាមិនដែលបានបិទទ្វារ ចំពោះជំនួយ ហើយវិនិយោគក៏មិនដែលបានបិទទ្វារ ពាណិជ្ជកម្មក៏មិនដែលបានបិទទ្វារក៏ប៉ុន្តែបញ្ហាស្ថិតនៅត្រង់ថា តើអ្នកណាហុចដៃមកគឺកម្ពុជាទទួល។អ្នកណាផ្ដល់ឲ្យកម្ពុជាៗទទួល លើកលែងតែពួកភេរវកម្ម ដែលកម្ពុជាមិនទទួល ក្រៅពីនោះគឺកម្ពុជាទទួលយកទាំងអស់ ជាក់ស្តែងថ្មីៗនេះអាមេរិកក៏បានប្រកាសផ្តល់ជំនួយដល់កម្ពុជាចំនួន ១១លានដុល្លារ តែមិនទាន់ដឹងថា លុយនៅឯណានៅឡើយគឺទទួលយកទាំងអស់ដោយមិនបានបដិសេធឡើយ ហើយកម្ពុជាក៏បានស្នើសុំវ៉ាក់សាំងពីអាមេរិក៤ លានដូស ប៉ុន្តែមកដល់ម៉ោងនេះកម្ពុជាមិនទាន់បានទទួលចម្លើយណាមួយពីសហរដ្ឋអាមេរិកនៅឡើយទេ ៕អត្ថបទ មុត សុទ្ធ

សម្តេចតេជោថា វិធានការទប់ស្កាត់ ការឆ្លងកូវីដ១៩ កម្ពុជាមានយុទ្ធសាស្ត្រពន្លត់ភ្លើងជាជាងអង្គុយបក់ផ្សែងតាមរយៈពន្លឿនការចាក់វ៉ាក់សាំង

ភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រី មានប្រសាសន៍ទៅកាន់សកលលោកថា ទាក់ទងនឹងវិធានការទប់ស្កាត់ការឆ្លងរាលដាលកូវីដ១៩ កម្ពុជាមានយុទ្ធសាស្ត្រពន្លត់ភ្លើង ជាជាងអង្គុយបក់ផ្សែងតាមរយៈ ពន្លឿនការចាក់វ៉ាក់សាំង។ថ្លែងទៅកាន់សាកលលោកក្នុងសន្និសីទអន្តរជាតិលើកទី២៦ ស្តីពីអនាគតអាស៊ី ក្រោមប្រធានបទ "ការរៀបចំសម័យកាលថ្មីក្រោយវិបត្តិកូវីដ តួនាទីរបស់អាស៊ីក្នុងការស្ដារពិភពលោកឡើងវិញ"នៅថ្ងៃទី២០ ឧសភា តាមប្រព័ន្ធវីដេអូ សម្ដេចតេជោ នាយករដ្ឋមន្ត្រី បានឆ្លើយតបនឹងសំណួរ ដែលថាទោះ បីកន្លងមកកម្ពុជា មានវិធានការគ្រប់គ្រងបានយ៉ាងល្អប្រសើរ លើការឆ្លងកូវីដ១៩ ប៉ុន្តែរយៈពេលចុងក្រោយនេះ មានការឆ្លងរាលដាលយ៉ាងច្រើន តើកម្ពុជាមានវិធានការបែបណា សម្ដេចបានឆ្លើយតបថា វិធានការបន្ទាប់ពីការឆ្លងរាលដាលច្រើននាពេលកន្លងមកទោះបីជាបានចាត់វិធានការបិទខ្ទប់ នៅតំបន់មួយចំនួនក្នុងរាជធានីភ្នំពេញ ខេត្តកណ្ដាល ក៏ដូចជាខេត្តដទៃទៀត ប៉ុន្តែការបិទខ្ទប់នេះ គ្រាន់តែបានកាត់បន្ថយការឆ្លងរាលដាល តែប៉ុណ្ណោះ ប៉ុន្តែទោះជាយ៉ាងណាកម្ពុជាមិននៅអង្គុយបក់ផ្សែងទៀតនោះទេ គឺកម្ពុជាមានយុទ្ធសាស្ត្រពន្លត់ភ្លើងជាជាងអង្គុយបក់ផ្សែងតាមរយៈពន្លឿនការចាក់វ៉ាក់សាំងជូនប្រជាពលរដ្ឋដែលមកដល់ពេលនេះចាក់ជូនពលរដ្ឋបានជាង២លាននាក់ហើយ។សូមបញ្ជាក់ថា គិតត្រឹមថ្ងៃទី២០ ឧសភានេះ កម្ពុជាមានអ្នកឆ្លងជំងឺ covid-19 សរុប ២៣.៦៩៧នាក់ អ្នកជាសះស្បើយ ១៥.៧០០នាក់ និងអ្នកស្លាប់ចំនួន១៦៤នាក់៕អត្ថបទ មុត សុទ្ធ

ឯកឧត្តម ហ៊ុន ម៉ានី ក្នុងថ្ងៃទិវាជាតិនៃការចងចាំ ចូលរួមរំឭកដល់វិញ្ញាណក្ខន្ធជនរងគ្រោះ ដែលបានស្លាប់ ក្នុងអំពើយង់ឃ្នងប៉ុល ពត

ភ្នំពេញ ៖ ក្នុងទិវាជាតិនៃការចងចាំ ២០ ឧសភា នាថ្ងៃនេះ ឯកឧត្តម ហ៊ុន ម៉ានី បានលើកឡើងថា ក្នុងថ្ងៃទិវាជាតិនៃការចងចាំ ខ្ញុំសូមជនរួមជាតិខ្មែរទាំងអស់គ្នា ចូលរួមស្មឹងស្មាធ និងតាំងចិត្តរំឭកដល់វិញ្ញាណក្ខន្ធ ជនរងគ្រោះដែលបានស្លាប់ ដោយអំពើយង់ឃ្នង នៃរបបប្រល័យពូជសាសន៍។ឯកឧត្តម បានរំឭកទៀតថា ទោះបីជាយើងមិនរស់ក្នុងអតីតកាល យើងក៏មិនត្រូវបំភ្លេចប្រវត្តិសាស្រ្តដ៏អាក្រក់ដែលកម្ពុជា ធ្លាប់បានឆ្លងកាត់ និងក្តីវិនាសអន្តរាយដែលបានកើតឡើងលើទឹកដី និងប្រជាជនជាទីស្រលាញ់របស់យើងដែរ។ ការចងចាំរបស់យើងក្នុងពេលនេះ គឺជាការដាស់តឿនក្រើនរំឭកស្មារតីយើងម្នាក់ៗ ក្នុងការទប់ស្កាត់មិនឱ្យកំហុសក្នុងអតីតកាលអាចកើតឡើងវិញបាន និងការពារសមិទ្ធផលនានា ដែលត្រូវបានកសាងឡើងវិញដ៏លំបាកលំបិនបំផុត ជាពិសេសការពារសន្តិភាពឱ្យបានជាដាច់ខាត៕

សម្តេច ហេង សំរិន ៖ ទិវាជាតិនៃការចងចាំ» យើងចងចាំឧក្រិដ្ឋកម្មរបបប៉ុលពត និងនាំគ្នាថែរក្សាសន្តិភាព

ភ្នំពេញ ៖ សម្ដេចអគ្គមហាពញាចក្រី ហេង សំរិន ប្រធានរដ្ឋសភា បានថ្លែងថា ថ្ងៃនេះជា «ទិវាជាតិនៃការចងចាំ» ២០ឧសភា ជាថ្ងៃដែលប្រជាជនកម្ពុជាគ្រប់ៗរូប បានចងចាំនិងមិនអាចបំភ្លេចបានឡើយនូវរបបប្រល័យពូជសាសន៍ប៉ុលពត ៣ឆ្នាំ៨ខែនិង២០ថ្ងៃ។ យើងប្រារព្ធ «ទិវាជាតិនៃការចងចាំ» នេះឡើងដើម្បីរំលឹកដល់ជនរងគ្រោះជាង៣លាននាក់ ដែលបានស្លាប់បាត់បង់អាយុ ជីវិត និងទទួលរងទារុណកម្មយ៉ាងឈឺចាប់ខ្លោចផ្សារពីឧក្រិដ្ឋកម្ម ដែលបានកើតឡើងក្នុងរបបប្រល័យពូជសាសន៍នេះ។សម្ដេចប្រធានរដ្ឋសភា បានបន្តទៀតថា ថ្ងៃទី២០ខែឧសភាឆ្នាំ១៩៧៣ គឺជាថ្ងៃដែលពួកខ្មែរក្រហមបានប្រកាសជាចំហនូវគោលនយោបាយដឹកនាំប្រទេស មហាអស្ចារ្យ មហាលោតផ្លោះដ៏ឆ្កួតលីលារបស់ពួកគេ ក្នុងនោះ មានការជម្លៀសប្រជាជនចេញពីទីក្រុង ការលុបបំបាត់ចោលទាំងស្រុងនូវសេដ្ឋកិច្ចទីផ្សារសេរី លុបបំបាត់ចោលរូបិយប័ណ្ណ លុបបំបាត់សាសនា បង្កើតសហករ ធ្វើការរួមហូបរួមគ្នានៅទូទាំងប្រទេសជាដើម។សម្ដេចអគ្គមហាពញាចក្រី ហេង សំរិន បានបញ្ជាក់ថា គោលនយោបាយនៃរបបអាវខ្មៅនេះបានចាប់ផ្ដើមសម្លាប់រង្គាលប្រជាពលរដ្ឋស្លូតត្រង់ បង្ខំឱ្យប្រជាពលរដ្ឋធ្វើការហួសកម្លាំង យ៉ាងទារុណ បំបិទសិទ្ធិសេរីភាពសព្វបែបយ៉ាង។ ចាប់ពីថ្ងៃដែលពួកគេបានឡើងគ្រប់គ្រងប្រទេសពីថ្ងៃ១៧ មេសា ឆ្នាំ១៩៧៥ ដល់ថ្ងៃទី៧ ខែមករា ឆ្នាំ១៩៧៩ បានបង្ករជាសោកនាដកម្មដ៏ជូរចត់ ជាពេលវេលាដ៏ខ្មៅងងឹត ដែលពលរដ្ឋខ្មែររស់នៅក្នុងសមុទ្រទឹកភ្នែក ធ្វើការដូចសត្វ គ្មានពេលសម្រាក ពេលឈឺគ្មានថ្នាំព្យាបាល គ្មានអាហារបរិភោគគ្រប់គ្រាន់ គ្មានសិទ្ធិសេរីភាព សូម្បីតែសិទ្ធិរស់រានមានជីវិត ដែលជាសិទ្ធិមូលដ្ឋាន ពីកំណើតរបស់មនុស្សក៏គ្មានដែរ។យើងចងចាំរបបខ្មែរក្រហមមិនអាចបំភ្លេចបានឡើយ ហើយបើគ្មានថ្ងៃ៧មករា ឆ្នាំ១៩៧៩ទេ ម្ល៉េះយើងគ្មានអាយុជីវិត ដើម្បីមកកសាងអភិវឌ្ឍប្រទេសជាតិ ឱ្យមានសុខសន្តិភាព និងការអភិវឌ្ឍដូចសព្វថ្ងៃនេះនោះទេ។ សន្តិភាពបានផ្តល់ឱកាសគ្រប់យ៉ាងសម្រាប់យើង កសាងសង្គមគ្រួសារ សហគមន៍ និងប្រទេសជាតិ។ជាមួយគ្នានេះ សម្ដេចអគ្គមហាពញាចក្រី ហេង សំរិន បានសូមឲ្យប្រជាពលរដ្ឋចូលរួមថែរក្សាការពារសុខសន្តិភាព ដែលយើងទទួលបានដោយលំបាកនេះ ឱ្យបានគង់វង្សជារៀងរហូត និងនាំគ្នាទប់ស្កាត់កុំឱ្យសង្គ្រាម និងរបបប្រល័យពូជសាសន៍វិលមកសារជាថ្មី ដើម្បីដឹកនាំនាវាកម្ពុជាឆ្ពោះទៅកាន់ភាពសម្បូរសប្បាយរុងរឿងជាងនេះថែមទៀត៕

ប្រមុខរាជរដ្ឋាភិបាល អំពាវនាវឱ្យចូលរួមការពារសន្តិភាពកុំឱ្យរបបប្រល័យពូជសាសន៍វិលត្រឡប់មកវិញ

ភ្នំពេញ៖ ប្រមុខរាជរដ្ឋាភិបាលកម្ពុជា សម្ដេចតេជោ ហ៊ុន សែន បានអំពាវនាវឱ្យរួមគ្នាការពារសន្តិភាព ដើម្បីកុំឱ្យរបបប្រល័យពូជសាសន៍ ប៉ុល ពត វិលត្រឡប់មកវិញ។សម្ដេចតេជោ ហ៊ុន សែន បានអំពាវនាវបែបនេះនៅលើទំព័រហ្វេសប៊ុករបស់សម្ដេចនៅថ្ងៃនេះ ចំថ្ងៃដែលកម្ពុជាប្រារព្ធទិវាចងចាំ ២០ឧសភា ដែលការប្រារព្ធពិធីនៅឆ្នាំនេះ ធ្វើឡើងតាមបែបបទថ្មីទៅតាមវិធានការសុខាភិបាល ដើម្បីបង្ការការឆ្លងរីករាលដាលនៃមេរោគកូវីដ-១៩។សម្ដេចតេជោ ហ៊ុន សែន បានរៀបរាប់លើទំព័រហ្វេសប៊ុកថា៖ «ដើម្បីកុំឱ្យរបបនេះវិលត្រឡប់មកវិញ ចូលរួមថែរក្សាការពារសន្តិភាពឱ្យបានគង់វង្ស ពីព្រោះសន្តិភាពបានផ្តល់ឱកាសគ្រប់យ៉ាងក្នុងការកសាងសង្គមគ្រួសារ សហគមន៍ និងប្រទេសជាតិ ឱ្យកាន់តែរីកចម្រើនទៅមុខទៀត»។ទិវាជាតិនៃការចងចាំ ២០ឧសភា គឺជាការរំលឹកដល់វិញ្ញាណក្ខន្ធជនរងគ្រោះជាង ៣លាននាក់ដែលបានស្លាប់បាត់បង់ជីវិត នៅក្នុងរបបប្រល័យពូជសាសន៍ ប៉ុល ពត នៅចន្លោះឆ្នាំ១៩៧៥ រហូតដល់មុនថ្ងៃជ័យជម្នះ ៧មករា ១៩៧៩។សម្ដេចតេជោ ហ៊ុន សែន បានលើកឡើងថា ប្រជាពលរដ្ឋកម្ពុជាភាគច្រើនលើសលប់បានដឹង និងបានយល់ច្បាស់អំពីរឿងរ៉ាវសោកនាដកម្មដ៏ជូរចត់ដែលប្រជាពលរដ្ឋខ្មែរបានឆ្លងកាត់ជិត ៣ទសវត្សរ៍ក្នុងភ្នក់ភ្លើងសង្គ្រាម និងទឹកភ្នែក ការកាប់សម្លាប់ ការបំផ្លិចបំផ្លាញ ការជម្លៀសចេញពីលំនៅឋានរបស់ខ្លួនដោយបង្ខំ និងការបង្ខំឱ្យធ្វើការដូចសត្វធាតុជាដើម។សម្ដេចតេជោ ហ៊ុន សែន បានរំលឹកឡើងវិញទៀតថា ប្រជាពលរដ្ឋកម្ពុជាក៏ត្រូវស្លាប់ដោយគ្មានថ្នាំសង្កូវព្យាបាល គ្មានអាហារបរិភោគគ្រប់គ្រាន់ គ្មានសិទ្ធិសេរីភាព និងគ្មានលទ្ធិប្រជាធិបតេយ្យនោះឡើយ។សម្ដេចតេជោ ហ៊ុន សែន សង្កត់ធ្ងន់ថា៖ «សូម្បីតែសិទ្ធិរស់រានមានជីវិតដែលជាសិទ្ធិមូលដ្ឋានមានពីកំណើតរបស់មនុស្សក៏គ្មានដែរ»។ របបកម្ពុជាប្រជាធិបតេយ្យ ឬរបបខ្មែរក្រហម បានឡើងគ្រប់គ្រង និងដឹកនាំប្រទេសកម្ពុជាអស់រយៈពេល ៣ឆ្នាំ ៨ខែ និង២០ថ្ងៃ ចាប់ពីថ្ងៃទី១៧ ខែមេសា ឆ្នាំ១៩៧៥ រហូតដល់របបនេះបានដួលរលំនៅត្រឹមថ្ងៃ ៧ មករា ១៩៧៩៕

កម្ពុជាចាក់វ៉ាក់សាំងជូនពលរដ្ឋបានជាង២.១៦លាននាក់ហើយ ស្មើនឹង២១.៦៨ភាគរយនៃគោលដៅរាជរដ្ឋាភិបាល

ភ្នំពេញ៖ របាយការណ៍គណៈកម្មការចំពោះកិច្ចការចាក់វ៉ាក់សាំងបង្ការជំងឺកូវីដ-១៩ បង្ហាញថា ដំណើរការចាក់វ៉ាក់សាំងសម្រេចបានជិត ២២ភាគរយហើយមកដល់ត្រឹមថ្ងៃនេះ។គណៈកម្មការចំពោះកិច្ចការចាក់វ៉ាក់សាំងបង្ការជំងឺកូវីដ-១៩ បានបង្ហាញរបាយការណ៍ថា ប្រជាពលរដ្ឋដល់ទៅជាង ២លាន ១៦ម៉ឺននាក់ហើយ បានទទួលការចាក់វ៉ាក់សាំងនៅទូទាំងប្រទេសក្នុងរយៈពេល ៩៩ថ្ងៃកន្លងមកនេះ ដែលតួលេខនេះស្មើនឹង ២១.៦៨ភាគរយនៃតួលេខប្រជាពលរដ្ឋ ១០លាននាក់ ដែលរាជរដ្ឋាភិបាលកំណត់ឱ្យចាក់វ៉ាក់សាំងនៅត្រឹមដំណាច់ឆ្នាំនេះ។បើតាមរបាយការណ៍ដដែលនេះ ប្រជាពលរដ្ឋដល់ទៅជាង ១លាន ១៣ម៉ឺននាក់ហើយ បានទទួលវ៉ាក់សាំងទាំង ២ដូសរួចរាល់។របាយការណ៍នេះ បានឱ្យដឹងផងដែរថា មានពលរដ្ឋដល់ទៅជាង ២លាន ២៣ម៉ឺននាក់ បានចុះឈ្មោះស្ម័គ្រចិត្តចាក់វ៉ាកសាំង ប៉ុន្តែ ពលរដ្ឋដល់ទៅជិត ៧ម៉ឺននាក់ មិនត្រូវបានអនុញ្ញាតឱ្យចាក់វ៉ាក់សាំងនោះឡើយ ដោយសារបញ្ហាសុខភាពរបស់ពួកគាត់។យុទ្ធនាការចាក់វ៉ាក់សាំងទូទាំងប្រទេសរបស់រាជរដ្ឋាភិបាល បានចាប់ផ្ដើមតាំងពីថ្ងៃទី១០ ខែកុម្ភៈកន្លងមកតែ ៣ថ្ងៃប៉ុណ្ណោះក្រោយពីកម្ពុជាទទួលបានវ៉ាក់សាំងស៊ីណូហ្វាមជាលើកដំបូង៕

បណ្ដាញសង្គម

ព័ត៌មានថ្មីៗ

លោក Zelensky ប្រាប់ថា កំពុងពិចារណាជាមួយលោក Trump អំពី «កិច្ចព្រមព្រៀងយានដ្រូនដ៏ធំ»

អ៊ីរ៉ង់ ច្រានចោលការអះអាងរបស់អាមេរិកពីការបញ្ជូនគ្រឿងយុទ្ធោបករណ៍ទៅកាន់ប្រទេសយេម៉ែន

សហរដ្ឋអាមេរិក៖ ការឈប់សំចតរបស់មេដឹកនាំកោះតៃវ៉ាន់ នឹងមិនមែនជារឿងប្លែកទេ

ប្រទេសបារាំង បញ្ចប់វត្តមានទ័ពអចិន្ត្រៃយ៍នៅក្នុងប្រទេសសេណេហ្គាល់

ប្រជាជនលីបេរីយ៉ា ទាមទារកំណែទម្រង់ជុំវិញស្ថានភាពសេដ្ឋកិច្ច និងការប្រព្រឹត្តមិនត្រឹមត្រូវ

រុស្សីបានបាញ់ទម្លាក់យានដ្រូនអ៊ុយក្រែនចំនួន ៧៣គ្រឿង ក្នុងនោះ ៣គ្រឿង ហោះសំដៅទីក្រុងមូស្គូ

អ្នកការទូត៖ រុស្ស៊ីគាំទ្រអធិបតេយ្យភាពរបស់ប្រទេសលីបង់ ស្របពេលមានសម្ពាធរបស់សហរដ្ឋអាមេរិក

អាមេរិកចាត់ទុកក្រុមដែលបានអះអាងពីការវាយប្រហារនៅតំបន់កាស្មៀរ ជាក្រុមភេរវករ

អភិបាលខេត្តកំពង់ឆ្នាំង ដាក់បទបញ្ជាម៉ឺងម៉ាត់អោយអាជ្ញាធរ និងមន្ទីរពាក់ព័ន្ធ ក្នុងយុទ្ធនាការបោសសម្អាតការឆបោកតាមប្រព័ន្ធបច្ចេកវិទ្យា

សម្ដេចធិបតី អនុញ្ញាតឲ្យមេបញ្ជាការកងទ័ពជើងគោកនៃសាធារណរដ្ឋហ្វីលីពីន ចូលជួបសម្ដែងការគួរសម ពិភាក្សាការងារ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

១០០ថ្ងៃមកនេះ យុទ្ធនាការចាក់វ៉ាក់សាំងកូវីដ-១៩សម្រេចបាន២២% ពលរដ្ឋជិត២.២លាននាក់បានចាក់វ៉ាក់សាំង

ប្រមុខរាជរដ្ឋាភិបាលគ្រោងដាក់ផែនការស្តារសេដ្ឋកិច្ចឡើងវិញពីវិបត្តិកូវីដ-១៩

ការងារដោះមីនរបស់ទ័ពមួកខៀវកម្ពុជា នៅតំបន់ព្រំដែនលីបង់ជាប់អ៊ីស្រាអ៊ែលត្រូវបានដកថយ

ផ្សាររដ្ឋទាំងអស់នៅភ្នំពេញនឹងបើកដំណើរការឡើងវិញថ្ងៃទី២៤ឧសភា

សម្ដេចតេជោ សង្ឃឹមថា អាមេរិកនិងចិននឹងខិតខំរកទំនាក់ទំនងល្អជាមួយគ្នា

សម្តេច ហេង សំរិន ៖ ទិវាជាតិនៃការចងចាំ» យើងចងចាំឧក្រិដ្ឋកម្មរបបប៉ុលពត និងនាំគ្នាថែរក្សាសន្តិភាព

ប្រមុខរាជរដ្ឋាភិបាល អំពាវនាវឱ្យចូលរួមការពារសន្តិភាពកុំឱ្យរបបប្រល័យពូជសាសន៍វិលត្រឡប់មកវិញ

កម្ពុជាចាក់វ៉ាក់សាំងជូនពលរដ្ឋបានជាង២.១៦លាននាក់ហើយ ស្មើនឹង២១.៦៨ភាគរយនៃគោលដៅរាជរដ្ឋាភិបាល

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

ប្រមុខ​រាជរដ្ឋាភិបាល​គ្រោង​ដាក់​ផែនការ​ស្តារ​សេដ្ឋកិច្ច​ឡើងវិញ​ពី​វិបត្តិ​កូ​វីដ​-១៩

ការងារ​ដោះមីន​របស់​ទ័ព​មួក​ខៀវ​កម្ពុជា​ នៅ​តំបន់​ព្រំដែន​លី​បង់​ជាប់​អ៊ីស្រា​អ៊ែ​ល​ត្រូវបាន​ដកថយ​

ផ្សារ​រដ្ឋ​ទាំងអស់​នៅ​ភ្នំពេញ​នឹង​បើក​ដំណើរការ​ឡើងវិញ​ថ្ងៃទី​២៤​ឧសភា

សម្ដេច​តេ​ជោ ​សង្ឃឹមថា ​អាមេរិក​និង​ចិន​នឹង​ខិតខំ​រក​ទំនាក់ទំនង​ល្អ​ជាមួយគ្នា

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

ប្រមុខរាជរដ្ឋាភិបាលគ្រោងដាក់ផែនការស្តារសេដ្ឋកិច្ចឡើងវិញពីវិបត្តិកូវីដ-១៩

ការងារដោះមីនរបស់ទ័ពមួកខៀវកម្ពុជា នៅតំបន់ព្រំដែនលីបង់ជាប់អ៊ីស្រាអ៊ែលត្រូវបានដកថយ

ផ្សាររដ្ឋទាំងអស់នៅភ្នំពេញនឹងបើកដំណើរការឡើងវិញថ្ងៃទី២៤ឧសភា

សម្ដេចតេជោ សង្ឃឹមថា អាមេរិកនិងចិននឹងខិតខំរកទំនាក់ទំនងល្អជាមួយគ្នា