BTV NEWS

គម្រោងស្ពានឆ្លងកាត់ទន្លេបាសាក់ (ចាក់អង្រែក្រោម-ព្រែកប្រា) និងផ្លូវតភ្ជាប់ សម្រេចបាន ៤៥% ហើយ ដែលលឿនជាងផែនការ ៤,១១%

សម្ដេចធិបតី អំពាវនាវដល់ជនរួមជាតិជឿទុកចិត្តលើរាជរដ្ឋាភិបាលដែលកំពុងធ្វើកិច្ចការងារយ៉ាងសកម្មស្វែងរកដំណោះស្រាយបញ្ចប់បញ្ហាព្រំដែនកម្ពុជា-ថៃ ឱ្យបានឆាប់រហ័ស

សម្ដេចធិបតីផ្ដល់អនុសាសន៍៧ចំណុច ដល់ក្រសួង-ស្ថាប័នពាក់ព័ន្ធឱ្យយកចិត្តទុកដាក់ក្នុងឱកាសទិវាអក្ខរកម្មអន្តរជាតិ ៨ កញ្ញា ២០២៥

សម្ដេចធិបតី៖ រាជរដ្ឋាភិបាលប្តេជ្ញាចិត្តយ៉ាងមុតមាំលើកកម្ពស់ការងារអក្ខរកម្ម និងបំពាក់បំប៉ន ជំនាញ និងឱកាសសិក្សាពេញមួយជីវិត ជាពិសេសជំនាញឌីជីថល

នយោបាយ និង ការអភិវឌ្ឍន៍

សម្តេចប្រធានកាកបាទក្រហម អរព្រះគុណព្រះមហាក្សត្រ ដែលប្រទានព្រះរាជទ្រព្យប្រចាំខែឧសភា ជួយទ្រទ្រង់សកម្មភាពកាកបាទក្រហមកម្ពុជា

ភ្នំពេញ ៖ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា នៅថ្ងៃទី២៦ឧសភានេះ បានថ្វាយសារលិខិតអរព្រះគុណព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុត ដែលព្រះអង្គបានប្រទានព្រះរាជទ្រព្យប្រចាំ ខែឧសភា សម្រាប់ជួយទ្រទ្រង់ដល់សកម្មភាពកាកបាទក្រហមកម្ពុជា។ក្នុងសារលិខិតសម្តេច បានសរសេរថា ខ្ញុំម្ចាស់ និងថ្នាក់ដឹកនាំ សមាជិក សមាជិកា - មន្ត្រី និងបុគ្គលិកទាំងអស់នៃកាកបាទក្រហមកម្ពុជា មានសេចក្តីរីករាយឥតឧបមា ដោយបានទទួលនូវព្រះរាជទ្រព្យ ចំនួន ១.០០០ USD (មួយពាន់ដុល្លារអាមេរិក) អំពី ព្រះករុណាជាអម្ចាស់ជីវិតលើត្បូង ព្រះមហាក្សត្រ នៃព្រះរាជាណាចក្រកម្ពុជា ជាទីគោរពសក្ការៈ ដ៏ខ្ពង់ខ្ពស់បំផុត ព្រះអង្គសព្វព្រះរាជហឫទ័យ ប្រោសព្រះរាជូបត្ថម្ភចំពោះកាកបាទក្រហមកម្ពុជា សំរាប់ ខែ ឧសភា ឆ្នាំ ២០២១ តាមរយៈ សម្ដេចចៅហ្វាវាំង គង់ សំអុល ឧបនាយករដ្ឋមន្ត្រី និងជារដ្ឋមន្ត្រីក្រសួងព្រះបរមរាជវាំង ។ក្នុងនាមថ្នាក់ដឹកនាំ សមាជិក សមាជិកា មន្ត្រី និងបុគ្គលិកទាំងអស់នៃកាកបាទក្រហមកម្ពុជា ខ្ញុំម្ចាស់ សូមព្រះបរមរាជានុញ្ញាតដ៏ខ្ពង់ខ្ពស់ ក្រាបបង្គំទូលថ្វាយអំណរព្រះរាជគុណដ៏ខ្ពង់ខ្ពស់បំផុត ថ្វាយ ព្រះករុណា ជាអម្ចាស់ជីវិតលើត្បូង ជាទីគោរពសក្ការៈដ៏ខ្ពង់ខ្ពស់បំផុត ចំពោះព្រះរាជទាន ព្រះរាជទ្រព្យនេះ ដើម្បីទ្រទ្រង់ សកម្មភាពមនុស្សធម៌ របស់កាកបាទក្រហមកម្ពុជា សំរាប់ជួយសង្គ្រោះ ប្រជារាស្ត្រកម្ពុជាក្រីក្រ ទទួលរងគ្រោះ ៖ ដោយគ្រោះមហន្តរាយផ្សេងៗ ។ខ្ញុំម្ចាស់សូមបួងសួងគុណបុណ្យព្រះរតនត្រ័យ តេជៈបារមីនៃវត្ថុស័ក្ដិសិទ្ធិនានាក្នុងលោក ព្រះបារមី ទេវតារក្សាព្រះមហាស្វេតច្ឆត្រ និងព្រះបារមីនៃព្រះវិញ្ញាណក្ខន្ធអតីតព្រះមហាក្សត្រ ព្រះមហាក្សត្រីយានីខ្មែរ គ្រប់ព្រះអង្គ សូមព្រះមេត្តាប្រោសព្រះរាជទាន ព្រះពរជ័យបវរមហាប្រសើរ ថ្វាយ ព្រះករុណាជាម្ចាស់ ជីវិតលើត្បូង ជាទីគោរពសក្ការៈដ៏ខ្ពង់ខ្ពស់បំផុត សូមព្រះអង្គប្រកបដោយព្រះបរមសុខគ្រប់ប្រការ គង់ប្រថាប់ ក្នុងព្រះមហាសិរីរាជសម្បត្តិ ជាម្លប់ដ៏ត្រជាក់ត្រជុំ សំរាប់ ប្រជារាស្ត្រកម្ពុជា ជ្រកកោន តរៀងទៅ ៕អត្ថបទ ៖ មុត សុត

សម្តេចពិជ័យសេនា ទៀ បាញ់ ៖ កម្ពុជាយល់ផលវិបាកខ្លាំងពីសង្គ្រាម ដូច្នេះទើបបញ្ជូនកងទ័ពខ្លួនចូលរួមចំណែករក្សាសន្តិភាពតាមប្រទេសកំពុងមានជម្លោះ

ភ្នំពេញ ៖ សម្តេចពិជ័យសេនា ទៀ បាញ់ បានថ្លែងថា ប្រទេសកម្ពុជា ធ្លាប់ឆ្លងកាត់នូវសង្គ្រាមផ្ទៃក្នុងរបស់ខ្លួនយ៉ាងច្រើន ហើយផលវិបាកនៃសង្គ្រាមនេះ កម្ពុជាបានយល់យ៉ាងច្បាស់ ដូច្នេះហើយបានជារាជរដ្ឋាភិបាលកម្ពុជាបញ្ជូនកងទ័ពរបស់ខ្លួន តាមការស្នើសុំរបស់អង្គការសហប្រជាជាតិ (UN) ដើម្បីរួមចំណែកស្វែងរកសន្តិភាពនៅប្រទេសមួយចំនួនលើសកលលោក ដែលកំពុងមានជម្លោះ ។តាមរយៈគណនីហ្វេសបុកផ្ទាល់របស់សម្តេចពិជ័យសេនា ទៀ បាញ់ ឧបនាយករដ្ឋមន្ត្រី និងជារដ្ឋមន្ត្រីក្រសួងការពារជាតិកម្ពុជា នាព្រឹកថ្ងៃទី២៦ ខែឧសភា ឆ្នាំ២០២១នេះ បានលើកឡើងថា« ដោយធ្លាប់ហែលឆ្លងនូវសង្គ្រាមអស់ជាច្រើនទសវត្សរ៍ខ្លួនឯងផ្ទាល់ កម្ពុជាយល់ច្បាស់អំពីផលវិបាកនៃសង្គ្រាម។ ហេតុនេះ ទើបយើងបាន និងកំពុងចូលរួមយ៉ាងសកម្ម ក្នុងចំណោមប្រទេសដែលបានបញ្ជូនកម្លាំង បំពេញបេសកកម្មរក្សាសន្តិភាពក្រោមឆត្រអង្គការសហប្រជាជាតិ ក្នុងន័យរួមចំណែកស្វែងរកសន្តិភាពជូនបណ្តាប្រទេសកំពុងមានជម្លោះ»។សូមបញ្ជាក់ថា ចាប់តាំងពីឆ្នាំ២០០៦ រហូតមកដល់បច្ចុប្បន្ននេះ កម្ពុជា មានកងទ័ពមួកខៀវប្រមាណជាង ៧៣០០នាក់ បានចូលរួមការងារបេសកកម្មថែរក្សាសន្តិភាព (UN)នៅតាមបណ្តាប្រទេសដែលកំពុងមានជម្លោះសង្គ្រាមចំនួន៩ ដែលប្រទេសទាំងនោះរួមមាន ប្រទេសស៊ូដង់ ស៊ូដង់ខាងត្បូង លីបង់ សាធារណរដ្ឋអាហ្វ្រិកកណ្តាល ប្រទេសម៉ាលី ឆាដ សាយប្រ៊ុយ ស៊ីរី និងយេម៉េន ។សម្រាប់បច្ចុប្បន្ននេះ វិញ កម្ពុជាមានទ័ពមួកខៀវប្រមាណជិត ៨០០នាក់ បាននិងកំពុងឈរជើងបំពេញបេសកកម្មថែរក្សាសន្តិភាពតាមការស្នើសុំរបស់អង្គការសហប្រជាជាតិ នៅប្រទេសចំនួន៤ រួមមាន ប្រទេសស៊ូដង់ខាងត្បូង សាធារណរដ្ឋាអាហ្វ្រិកកណ្តាល លីបង់ និងប្រទេសម៉ាលី។កងទ័ពកម្ពុជា បានពលីជីវិតមួយចំនួនផងដែរនៅតាមបណ្តាប្រទេសដែលខ្លួនបានកំពុងបំពេញបេសកកម្មដើម្បីរួមចំណែកថែរក្សាសន្តិភាព។ ប៉ុន្តែទោះជាយ៉ាងនេះក្តីរាជរដ្ឋាភិបាលកម្ពុជា សម្តេចតេជោ ហ៊ុន សែន បានប្រកាសថា កម្ពុជាមិនបានរាថយក្នុងការបញ្ជូនកងទ័ពរបស់ខ្លួនទៅកាន់ប្រទេសដែលកំពុងមានសង្គ្រាមទាំងនោះឡើយ ផ្ទុយទៅវិញកម្ពុជាមានតែបង្កើនឲ្យបានច្រើនជាងមុនទៅទៀត ដើម្បីបញ្ជាក់ ឲ្យឃើញថា កម្ពុជា បានខិតខំប្រឹងប្រែងយ៉ាងខ្លាំងក្នុងន័យរួមចំណែករក្សាសន្តិភាព រក្សាសន្តិសុខជូនមនុស្សជាតិនៅលើពិភពលោកទាំងមូលនោះ៕អត្ថបទ ៖ បាន ចក់

ខេត្តបាត់ដំបងរកឃើញមនុស្ស ១៣នាក់ទៀតឆ្លងកូវីដ-១៩ ក្នុងនោះ មានកុមារ និងទារកឆ្លងពីឪពុកម្ដាយពួកគេវិលត្រឡប់ពីថៃ

បាត់ដំបង៖ រដ្ឋបាលខេត្តបាត់ដំបងបានប្រកាសថា បានរកឃើញមនុស្ស ១៣នាក់ទៀតបានឆ្លងមេរោគកូវីដ-១៩ ក្នុងនោះមានពលករខ្មែរ ០៧នាក់វិលត្រឡប់មកពីប្រទេសថៃ។ក្នុងសេចក្ដីប្រកាសព័ត៌មាននៅថ្ងៃនេះ រដ្ឋបាលខេត្តបាត់ដំបងបញ្ជាក់ថា បុរសម្នាក់អាយុ ២០ឆ្នាំ ដែលមានអាសយដ្ឋាននៅស្រុកភ្នំព្រឹក ត្រូវបានរកឃើញឆ្លងមេរោគកូវីដ-១៩ ក្រោយពីវិលត្រឡប់មកពីខេត្តព្រះសីហនុ។ចំណែកឯស្ត្រី ២នាក់ ដែលធ្វើដំណើរពីរាជធានីភ្នំពេញ ក៏ត្រូវបានរកឃើញឆ្លងមេរោគផ្លូវដង្ហើមនេះដែរ។រដ្ឋបាលខេត្តនេះ បានឱ្យដឹងទៀតថា ពលករខ្មែរ ០៧នាក់ ត្រូវបានរកឃើញឆ្លងមេរោគកូវីដ-១៩ បន្ទាប់ពីពួកគេវិលត្រឡប់មកពីប្រទេសថៃ។ក្រៅពីពលករខ្មែរមកពីប្រទេសថៃ កូនៗរបស់ពួកគេ ក្នុងនោះមានទារកម្នាក់ និងកុមារី ២នាក់ ក៏ត្រូវបានរកឃើញឆ្លងមេរោគកូវីដ-១៩ផងដែរ ដែលពាក់ព័ន្ធនឹងឪពុកម្ដាយរបស់ពួកគេវិលត្រឡប់មកពីប្រទេសថៃ។រដ្ឋបាលខេត្តនេះបានឱ្យដឹងផងដែរថា អ្នកជំងឺកូវីដ-១៩ម្នាក់ ដែលជាពលរដ្ឋមកពីក្រុងប៉ោយប៉ែត ត្រូវបានព្យាបាលជាសះស្បើយកាលពីថ្ងៃម្សិលមិញនេះ។គិតមកត្រឹមថ្ងៃនេះ រដ្ឋបាលខេត្តបាត់ដំបងបញ្ជាក់ថា បានរកឃើញមនុស្ស ១៦៨នាក់ហើយ ក្នុងនោះអ្នកជំងឺ ៦០នាក់ បានជាសះស្បើយ និងម្នាក់បានស្លាប់បាត់បង់ជីវិត ហើយអ្នកជំងឺកូវីដ-១៩ចំនួន ១០៥នាក់ទៀត កំពុងស្ថិតក្រោមការព្យាបាលបន្ត៕

អភិបាលរាជធានី ជំរុញអាជ្ញាធរខណ្ឌទប់ស្កាត់ការឆ្លងរាលដាលកូវីដ-១៩ ឱ្យបានម៉ឺងម៉ាត់

ភ្នំពេញ៖ អភិបាលរាជធានីភ្នំពេញ បានជំរុញឱ្យអាជ្ញាធរតាមខណ្ឌដែលមានផ្ទុះជំងឺកូវីដ-១៩ ត្រូវពង្រឹងការងារឱ្យបានម៉ឺងម៉ាត់បន្ថែមទៀត លើការទប់ស្កាត់ការរាលដាលពីកន្លែងមួយទៅកន្លែងមួយទៀត។ក្នុងកិច្ចប្រជុំតាមរយៈការបញ្ជូនរូបភាព និងសំឡេងផ្ទាល់ នារសៀលថ្ងៃទី២៥ ខែឧសភា ឆ្នាំ២០២១ ឯកឧត្ដម ឃួង ស្រេង អភិបាលរាជធានីភ្នំពេញ បានជំរុញឱ្យអាជ្ញាធរខណ្ឌ ដែលមានមូលដ្ឋានរបស់ខ្លួនមានតំបន់បិទខ្ទប់ ជាតំបន់លឿងទុំ ត្រូវអនុវត្តការងារលើកិច្ចការពារឱ្យបានហ្មត់ចត់បំផុត ដើម្បីបង្ការ និងទប់ស្កាត់ការរីករាលដាលជំងឺកូវី-១៩ ពីតំបន់មួយទៅតំបន់មួយទៀត ហើយបើមានបញ្ហាអ្វីដែលហួសពីដែនសមត្ថកិច្ចរបស់ខ្លួន អាជ្ញាធរខណ្ឌត្រូវធ្វើទំនាក់ទំនង ឬស្នើសុំភ្លាមៗមកអាជ្ញាធររាជធានីភ្នំពេញ ឬទៅកាន់ក្រសួងសុខាភិបាល ដើម្បីមានវិធានការបន្ថែមទៀត សំខាន់ធ្វើយ៉ាងណាកុំឱ្យជំងឺនេះពង្រីកខ្លួន ឬចម្លងពីទីតាំងមួយទៅទីតាំងមួយផ្សេងទៀត ដែលកិច្ចប្រជុំនេះ គឺត្រួតពិនិត្យការងារមូលដ្ឋានខណ្ឌសែនសុខ ខណ្ឌឫស្សីកែវ និងខណ្ឌពោធិ៍សែនជ័យ ក្នុងកិច្ចការទប់ស្កាត់ការឆ្លងរាលដាល នៃជំងឺកូវីដ១៩ នៅសាលារាជធានីភ្នំពេញ ខណៈដែលខណ្ឌទាំងបីនេះបាននិងកំពុងផ្ទុះឡើងជាថ្មីនូវជំងឺកូវីដ-១៩។ឯកឧត្ដម ឃួង ស្រេង បានមានប្រសាសន៍លើកឡើងថា ការផ្ទុះឡើងនូវជំងឺកូវីដ-១៩ ក្នុងព្រឹត្តិការណ៍សហគមន៍ ២០កុម្ភៈ មកដល់ពេលនេះ មានរយៈពេលជាង ៣ខែហើយ ហើយក៏មានបទពិសោធន៍ច្រើនហើយដែរ ក្នុងការបង្ការ និងទប់ស្កាត់ជំងឺនេះ កុំឱ្យរីករាលដាលប្រកបដោយប្រសិទ្ធភាព ។ ដូច្នេះទេ អាជ្ញាធរខណ្ឌទាំង៣ ត្រូវពិនិត្យតាមដាន និងមានចំណាត់ការឱ្យបានច្បាស់លាស់ ដោយផ្ដាច់ឱ្យបាននូវការឆ្លងរីករាលដាលជំងឺកូវីដ-១៩ ពីទីតាំងមួយទៅទីតាំងមួយទៀត ។ ឯកឧត្ដម ឃួង ស្រេង ក៏បានស្នើឱ្យអាជ្ញាធរខណ្ឌបន្តវិធានការ នៃការបាញ់ថ្នាំសម្លាប់មេរោគនៅតំបន់មួយចំនួនដែលអាជ្ញាធរមូលដ្ឋានគិតថា ជាតំបន់ដែលមានហានិភ័យខ្ពស់ក្នុងការឆ្លងរីករាលដាលជំងឺកូវីដ-១៩ ព្រោះការបាញ់សម្លាប់មេរោគ គឺជាវិធានការ ដែលមានប្រសិទ្ធភាព និងគួរឱ្យជឿទុកចិត្តបាន។ឯកឧត្ដម អភិបាលរាជធានីបានបញ្ជាក់ថា ទីតាំងតំបន់រឿងទុំ ដែលបាននិងកំពុងបិទខ្ទប់ អាជ្ញាធរខណ្ឌត្រូវតែគ្រប់គ្រងឱ្យបានហ្មត់ចត់បំផុត មិនឱ្យមានការចេញ ចូលនោះទេ ហើយចំពោះស្បៀងអាហារ ក៏ត្រូវតែមានគ្រប់គ្រាន់ សម្រាប់ផ្ដល់ជូនបងប្អូនប្រជាពលរដ្ឋនៅតំបន់ទាំងនោះផងដែរ៕ អត្ថបទ ៖ ប្រាក់ វ៉ាន់ដា

ការផ្គត់ផ្គង់សាច់សត្វនៅលើទីផ្សារ មានសន្ទុះឡើងបន្ទាប់ពីបើកដំណើរការផ្សារនៅរាជធានីភ្នំពេញ

ភ្នំពេញ៖ ប្រធានសមាគមអ្នកចិញ្ចឹមសត្វនៅកម្ពុជា ប្រកាសថាជុំវិញការបើកឲ្យដំណើរការផ្សាររដ្ឋទាំងអស់ នៅក្រុងភ្នំពេញឡើងវិញ ការផ្គត់ផ្គង់សាច់សត្វនៅមានសន្ទុះកើនឡើងវិញ ដោយការចិញ្ចឹមសត្វក្នុងស្រុក អាចផ្គត់ផ្គង់ នៅលើទីផ្សារបាន និងមានតម្លៃសមរម្យផងដែរ។លោក ស្រ៊ុន ពៅ ប្រធានសមាគមអ្នកចិញ្ចឹមសត្វនៅកម្ពុជា បានថ្លែងប្រាប់ភ្នាក់ងារអ្នកយកព័ត៌មាន BTV ស្តីពីផលិតកម្មសត្វ និងការផ្គត់ផ្គង់សាច់សត្វនៅតាមទីផ្សារ នៅថ្ងៃទី២៥ ខែឧសភា ឆ្នាំ២០២១ នេះថា នារយៈពេលប៉ុន្មានឆ្នាំចុងក្រោយនេះ សន្ទុះនៃការចិញ្ចឹមសត្វក្នុងស្រុក បានហក់ឡើងមាន កំណើនគួរជាទីកត់សម្គាល់ ដែលការរីកចម្រើនទាំងនេះ គឺស្ថិតក្រោមការគិតគូរដ៏ឈ្លៀសវៃរបស់ប្រមុខរាជរដ្ឋាភិបាល ជាក់ស្ដែងស្ថិតនៅក្នុងការរីករាលដាលជំងឺកូវីដ១៩ រាជរដ្ឋាភិបាលបានជំរុញផ្តល់ឥណទានពិសេស តាមរយៈធនាគារអភិវឌ្ឍន៍ និងកសិកម្ម និងតាមរយៈធនាគារសហគ្រាសធុនតូច និងមធ្យមជាដើមសម្រាប់ទ្រទ្រង់ ដល់វិស័យកសិកម្ម ក្នុងនោះ ចំពោះវិស័យចិញ្ចឹមសត្វ បច្ចុប្បន្នវិស័យនេះ បានកំពុងឆ្លើយតបនៅក្នុងស្ថានភាពដ៏លំបាកនេះបានយ៉ាងល្អប្រសើរផងដែរ។ចំណែកការផ្គត់ផ្គង់សាច់សត្វ, លោកបានបន្តថា នៅមុនរយៈពេលនៃការបិទខ្ទប់ ក៏ដូចជានៅក្នុងស្ថានភាពបិទខ្ចប់ និងហូរដល់ការបើកផ្សាររបស់រដ្ឋនៅទីក្រុងភ្នំពេញឲ្យដំណើរឡើងវិញ ចំពោះសម្រាប់ការផ្គត់ផ្គង់សាច់សត្វដូចជា សាច់ជ្រូក សាច់មាន់ និងពងមាន់ជាដើម គឺមិនមានការខ្វះខាតនោះឡើយ ព្រោះបច្ចុប្បន្ននៅតាមកសិដ្ឋាន របស់សមាជិកសមាគម ដំណើរការក្នុងផលិតកម្មចិញ្ចឹមសត្វបានយ៉ាងល្អប្រសើរ ដែលអាចធានាបាននៃការផ្គត់ផ្គង់សាច់ សត្វទាំងនេះនៅលើទីផ្សារ ជាពិសេសផ្សារទាំងអស់នៅរាជធានីភ្នំពេញ។ជុំវិញការផ្គត់ផ្គង់សាច់សត្វនេះដែរ, នាពេលថ្មីៗនេះ ឯកឧត្តម តាន់ ផាន់ណារ៉ា ប្រតិភូរាជរដ្ឋាភិបាលកម្ពុជា ទទួលបន្ទុកជាអគ្គនាយក នៃអគ្គនាយកដ្ឋានសុខភាពសត្វ ផលិតកម្មសត្វ បានថ្លែងថា មុនពេលមានវិបត្តិនៃការរីករាលជំងឺកូវីដ-១៩ ការនាំចូលសត្វជ្រូកពីប្រទេសជិតខាង មានចំនួនចន្លោះពី ២ ៥០០ ទៅ ៥ ០០០ ក្បាល, មកដល់បច្ចុប្បន្នការនាំចូលនេះ មានចំនួនតិចតូចប៉ុណ្ណោះ ដូច្នេះការផ្គត់ផ្គង់នៃតម្រូវការសាច់ គឺមិនមានការខ្វះខាតនោះឡើយ ខណៈផលិតកម្មនៃការចិញ្ចឹមសត្វក្នុងស្រុកកំពុងផុលផុស។ក្រសួងកសិកម្ម រុក្ខាប្រមាញ់ និងនេសាទ បានចេញសេចក្តីជូនដំណឹងដល់អាជ្ញាធរ ជួយទប់ស្កាត់ការនាំចូលសត្វជ្រូក សាច់ជ្រូក និងផលិតផលសាច់ជ្រូកខុសច្បាប់ពីប្រទេសវៀតណាម ដែលអាចបណ្តាលឱ្យឆ្លងរាលដាល ជំងឺប៉េស្តជ្រូកអាហ្វ្រិកនៅក្នុងកម្ពុជា ជាពិសេសខេត្តនៅជាប់ព្រំដែនវៀតណាមទាំងអស់ ដើម្បីធានាបាននូវគុណភាព សុវត្ថិភាពសត្វជ្រូក សាច់ជ្រូក ផលិតផលសាច់ និងការពារដល់សុខភាពសាធារណៈ។ លោក ស្រ៊ុន ពៅ បានថ្លែងថា ជុំវិញនៃការរីករាលដាលជំងឺប៉េស្តជ្រូកនៅប្រទេសជិតខាងនេះ សមាគមបានរៀប ចំផែនការចុះពិនិត្យដោយផ្ទាល់ អំពីស្ថានភាពនៃការចិញ្ចឹមរបស់ប្រជាពលរដ្ឋ ដើម្បីផ្តល់ជាលក្ខណៈបច្ចេកទេស ក៏ដូចជាកិច្ចការពារផ្សេងៗ ធ្វើយ៉ាងណាចៀសឲ្យផុតនៃការឆ្លងជំងឺដ៏កាចសាហាវនេះ ក្នុងនោះ សម្រាប់បញ្ហានេះដែរ លោកក៏បានអំពាវនាវដល់អាជ្ញាធរ ជាពិសេសអាជ្ញាធរមូលដ្ឋាន សូមជួយទប់ស្កាត់នៃការនាំចូលសត្វជ្រូកពីប្រទេសវៀតណាមឲ្យមានតម្លាភាព ខណៈបច្ចុប្បន្នប្រជាពលរដ្ឋកំពុងមានការចិញ្ចឹមយ៉ាងផុលផុស ដើម្បីឆ្លើយតបការផ្គត់ផ្គង់សាច់សត្វក្នុងស្រុក៕ អត្ថបទ៖ សុន រ៉ាឌី

ខេត្តកំពង់ចាម រកឃើញកម្មការិនី ៧៧នាក់ទៀត ឆ្លងកូវីដ-១៩ ក្រោយតេស្តលើសំណាកកម្មករកម្មការិនី ៣ ៤០៧នាក់

កំពង់ចាម៖ រដ្ឋបាល ខេត្តកំពង់ចាម បានប្រកាសពីការរកឃើញពលរដ្ឋដល់ទៅ ៧៧នាក់ទៀតបានឆ្លងមេរោគកូវីដ-១៩ បន្ទាប់ពួកគេប៉ះពាល់នឹងកម្មការិនីរោងចក្រមានផ្ទុកមេរោគនេះ។ក្នុងសេចក្ដីប្រកាសព័ត៌មាននៅថ្ងៃនេះ រដ្ឋបាលខេត្តកំពង់ចាមបញ្ជាក់ថា ករណីឆ្លងថ្មីទាំង ៧៧នាក់នេះ សុទ្ធតែជាកម្មការិនីរោងចក្រ។រដ្ឋបាលខេត្តកំពង់ចាមបានឱ្យដឹងទៀតថា កម្មការិនីទាំង ៧៧នាក់នេះ ត្រូវបានបញ្ជូនទៅសម្រាកព្យាបាលនៅមន្ទីរពេទ្យមេគង្គកំពង់ចាម និងមណ្ឌលព្យាបាលជំងឺកូវីដ-១៩កម្រិតស្រាល ស្ថិតនៅក្នុងបរិវេណនៃវិទ្យាល័យព្រះសីហនុ។បើតាមរដ្ឋបាលខេត្តកំពង់ចាម ករណីឆ្លងថ្មីនេះ ត្រូវបានរកឃើញក្នុងចំណោមកម្មករកម្មការិនីដល់ទៅ ៣ ៤០៧នាក់ ដែលត្រូវបានធ្វើតេស្តសំណាកកាលពីថ្ងៃម្សិលមិញនេះ៕

ពលរដ្ឋជាង ៥ម៉ឺននាក់ ក្នុងខណ្ឌចំការមននឹងទទួលបានការចាក់វ៉ាក់សាំងក្នុងយុទ្ធនាការ ១៤ថ្ងៃ

ភ្នំពេញ៖ ចាប់ពីថ្ងៃទី២៥ ខែឧសភា រហូតដល់ថ្ងៃទី៧ ខែមិថុនា ឆ្នាំ២០២១នេះ ពលរដ្ឋដែលរស់នៅក្នុងខណ្ឌចំការមន រាជធានីភ្នំពេញ អាចទៅចាក់វ៉ាក់សាំងSinovac ដូសទី១ ក្នុងទីតាំងចំនួន៧ តាមសង្កាត់កំពុងរស់នៅបច្ចុប្បន្ន។មានប្រសាសន៍ប្រាប់អ្នកសារព័ត៌មាន នាថ្ងៃទី២៥ខែឧសភានេះ លោកអាំង សេរីពិសិដ្ឋអភិបាលរងខណ្ឌចំការមន បានឲ្យដឹងថា ពលរដ្ឋជាង ៥ម៉ឺននាក់ រស់នៅខណ្ឌចំការមននឹងទទួលបានការចាក់វ៉ាក់សាំង Sinovac ដូសទី១ ក្នុងយុទ្ធនាការចាក់វ៉ាក់សាំងដែលចាប់ផ្តើមពីថ្ងៃទី២៥ ខែឧសភា រហូតដល់ថ្ងៃទី០៧ ខែមិថុនាខាងមុខនេះ។ពលរដ្ឋដែលមកចាក់វ៉ាក់សាំងនៅទីតាំងខាងលើ បានយល់ឃើញដែរថា ការចាក់វ៉ាក់សាំងនៅពេលនេះ ពិតជារឿងសំខាន់ព្រោះអាចបង្ការកុំឱ្យឆ្លងជំងឺកូវីដ-19 ប៉ុន្តែ ក្នុងករណីឆ្លងមានភាពធូរស្រាលជាងអ្នកមិនចាក់ផងដែរ។ លើសពីនេះ ពួកគាត់បានអគុណចំពោះរាជរដ្ឋាភិបាល ដែលបានគិតគូរពីសុខទុក្ខប្រជាពលរដ្ឋ អាចចាក់វ៉ាក់សាំងបានគ្រប់គ្នាៗ។ការចាក់វ៉ាក់សាំងកូវីដ-19 គឺជាមធ្យោបាយមួយក្នុងចំណោមវិធានការសុខាភិបាលចាំបាច់ដទៃទៀត ដែលនឹងបង្ការការរាតត្បាតការចម្លងជំងឺកូវីដ-19 និងកាត់បន្ថយផលប៉ះពាល់នៃជំងឺកូវីដ-19 ទៅលើវិស័យសេដ្ឋកិច្ច និងសង្គម។បើតាមផែនការមេរបស់គណៈកម្មការចំពោះកិច្ចចាក់វ៉ាក់សាំងកូវីដ-19 ក្នុងក្របខណ្ឌទូទាំងប្រទេស មានគោលដៅចាក់ជូនពលរដ្ឋ ១០លាននាក់ ឫ៦២ភាគរយ នៃប្រជាពលរដ្ឋសរុបបានចាក់វ៉ាក់សាំងកូវីដ-19 និងអត្រាគ្របដណ្ដប់នៃការចាក់វ៉ាក់សាំងកូវីដ-19 លើសពី៩៥ភាគរយ នៃប្រជាពលរដ្ឋគោលដៅ បានចាក់វ៉ាក់សាំងរួចនៅត្រឹមពាក់កណ្តាលឆ្នាំ២០២២៕ អត្ថបទ៖ ទូច សោភ័ណ

WHO៖ ពលរដ្ឋកម្ពុជា មានសំណាងណាស់ដែលបានទទួលវ៉ាក់សាំងបង្ការកូវីដ-១៩

ភ្នំពេញ៖ តំណាងអង្គការសុខភាពពិភពលោក បានលើកឡើងថា ពលរដ្ឋកម្ពុជាមានសំណាងណាស់ ដែលបានទទួលវ៉ាក់សាំងបង្ការកូវីដ-១៩ ខណៈប្រទេសមួយចំនួននៅលើពិភពលោក នៅខ្វះខាតវ៉ាក់សាំងនេះ សម្រាប់ការផ្តល់ជូនដល់ពលរដ្ឋខ្លួន។លោកស្រី លី អាយលែន តំណាងអង្គការសុខភាពពិភពលោក លោកជំទាវ ឱ វណ្ណឌីន ប្រធាន គណៈកម្មការចំពោះកិច្ចចាក់វ៉ាក់សាំងកូវីដ-១៩ ក្របខណ្ឌទូទាំងប្រទេស និងលោកស្រី ហ្វូរ៉ូហ្វ ហ្វាអ៊ូហ្សាត តំណាងអង្គការយូនីស្វែហ្វប្រចាំនៅកម្ពុជា នៅថ្ងៃទី២៥ ខែឧសភានេះ បានចុះពិនិត្យក្នុងដំណើរការចាក់វ៉ាក់សាំងជូនពលរដ្ឋទូទៅ អាយុចាប់ពី១៨ឆ្នាំឡើង នៅសាលាបឋមសិក្សាបាក់ទូក ក្នុងខណ្ឌ៧មករា។លោកស្រី លី អាយលែន បានថ្លែងកោតសរសើរចំពោះរាជរដ្ឋាភិបាលកម្ពុជា ក៏ដូចជាស្ថាប័នពាក់ ព័ន្ធ រួមទាំងអាជ្ញាធរមូលដ្ឋាន ដែលបានសហការគ្នាបានយ៉ាងល្អ ក្នុងយុទ្ធនាការចាក់វ៉ាក់សាំងបង្ការជំងឺកូវីដ-១៩ ជូនប្រជាពលរដ្ឋ ខណៈប្រទេសកម្ពុជា បានទទួលវ៉ាក់សាំងជាបន្តបន្ទាប់។លោកស្រី ហ្វូរ៉ូហ្វ ហ្វាអ៊ូហ្សាត តំណាងអង្គការយូនីសែហ្វ បានថ្លែងថា ក្នុងនាមជាសាក្សីក្នុងយុទ្ធនាការចាក់វ៉ាក់សាំងជូនពលរដ្ឋកម្ពុជានាពេលនេះ លោកស្រីបានយល់ឃើញថា តាមរយៈយុទ្ធនាការនេះ កម្ពុជាបានធ្វើការសម្រេចចិត្តមួយយ៉ាងត្រឹមត្រូវ ការរៀបចំទីតាំងចាក់វ៉ាក់សាំងបានល្អ រួមទាំងការស្ម័គ្រចិត្តចូលរួមពីក្រុមគ្រូពេទ្យស្ម័គ្រចិត្ត អាជ្ញាធរមូលដ្ឋាន និងកិច្ចសហការចូលរួមពីពលរដ្ឋទទួលការចាក់វ៉ាក់សាំងទៀតនោះ សង្ឃឹមថាកម្ពុជាអាចនឹងឆាប់បានវិលត្រឡប់មករកភាពប្រក្រតីឡើងវិញ។លោកជំទាវ ឱ វណ្ណឌីន រដ្ឋលេខាធិការក្រសួងសុខាភិបាល និងជាប្រធានគណៈកម្មការចំពោះកិច្ច ចាក់វ៉ាក់សាំងកូវីដ-១៩ បានបញ្ជាក់ថា យុទ្ធនាការបន្តការចាក់វ៉ាក់សាំងជូនពលរដ្ឋ ក្នុងខណ្ឌចំការមន ច្បារអំពៅ និងខណ្ឌ ៧មករា ដែលកំពុងប្រព្រឹត្តទៅនេះ មានវឌ្ឍនភាពល្អ ទាំងខាងយោធា និងស៊ីវិល ដោយមានការចូលរួមស្ម័គ្រចិត្តពីពលរដ្ឋយ៉ាងច្រើនលើសលប់ ខណៈចំនួនវ៉ាក់សាំង អាចគ្រប់គ្រាន់សម្រាប់ចាក់ ជូនពលរដ្ឋក្នុងខណ្ឌទាំងបីនេះ។សេចក្តីជូនដំណឹងរបស់រដ្ឋបាលរាជធានីភ្នំពេញ បានឱ្យដឹងថា ពលរដ្ឋអាយុចាប់ពី១៨ឆ្នាំឡើងទៅ ក្នុងខណ្ឌចំការមន ៧មករា និងខណ្ឌច្បារអំពៅ អាចទៅទទួលការចាក់វ៉ាក់សាំងបង្ការកូវីដ-១៩បាន សម្រាប់ដូសទី១ ចាប់ពីថ្ងៃទី២៥ ខែឧសភានេះ រហូតដល់ថ្ងៃទី៧ ខែមិថុនា និងដូសទី២ នឹងចាប់ផ្តើមពីថ្ងៃ ទី៨ ដល់ថ្ងៃទី២១ ខែមិថុនា ឆ្នាំ២០២១៕ អត្ថបទ៖ ជៀប សម្បត្តិ

អង្គការសុខភាពពិភពលោកថា ពលរដ្ឋកម្ពុជា មានសំណាងណាស់ ដែលមានឱកាសបានទទួលវ៉ាក់សាំង Covid-19

ភ្នំពេញ ៖ លោកស្រី លី អាយលែន តំណាងអង្គការសុខភាពពិភពលោក បានលើកឡើងថា ពលរដ្ឋកម្ពុជា មានសំណាងណាស់ដែលមានឱកាសបានទទួលវ៉ាក់សាំងការពារជំងឺ Covid-19 នេះ ហើយប្រទេសកម្ពុជា ក៏ជាប្រទេសដំបូងផងដែរ ដែលបានទទួលនូវវ៉ាក់សាំង តាមរយៈយន្តការកូវ៉ាក់ ខណៈដែលប្រទេសផ្សេងៗ តាមតំបន់ នៅមានការខ្វះខាតវ៉ាក់សាំងការពារជំងឺ Covid-19 សម្រាប់ការផ្តល់ជូនដល់ពលរដ្ឋខ្លួន ។ការលើកឡើងដូចនេះរបស់ លោកស្រី លីអាយលែន គឺបានធ្វើឡើងក្នុងឱកាសដែលលោកស្រី និងលោកជំទាវ ឱ វណ្ណឌីន ប្រធានគណៈកម្មការចំពោះកិច្ចចាក់វ៉ាក់សាំង Covid-19 ក្របខណ្ឌទូទាំងប្រទេស រួមជាមួយលោកស្រី ហ្វូរ៉ូហ្វ ហ្វាអ៊ូហ្សាត តំណាអង្គការយូនីស្វែហ្វប្រចាំនៅកម្ពុជា ចុះពិនិត្យក្នុងដំណើរការចាក់វ៉ាក់សាំងជូនពលរដ្ឋទូទៅដែលមានអាយុចាប់ពី ១៨ឆ្នាំឡើងទៅ នៅសាលាបឋមសិក្សាបាក់ទូក ស្ថិតក្នុងខណ្ឌ ៧មករា នៅថ្ងៃទី២៥ ខែឧសភានេះ ។ក្នុងឱកាសនោះទៀតដែរ លោកស្រីតំណាងអោយអង្គការសុខភាពពិភពលោករូបនេះ ក៏បានថ្លែងកោតសរសើរចំពោះរាជរដ្ឋាភិបាលកម្ពុជា តាមរយៈគណៈកម្មការចំពោះកិច្ច ក៏ដូចជា ស្ថាប័នពាក់ព័ន្ធ រួមទាំងអាជ្ញាធរមូលដ្ឋាន ដែលបានសហការគ្នាបានយ៉ាងល្អក្នុងយុទ្ធនាការចាក់វ៉ាក់សាំងការពារជំងឺ Covid-19 នេះជូនប្រជាពលរដ្ឋ ។បន្ថែមពីនេះ លោកស្រី ក៏បានក្រើនរំលឹកដល់ប្រជាពលរដ្ឋទាំងអស់ សូមបន្តអនុវត្តវិធានការសុខាភិបាល និង វិធានការ ៣ការពារ ៣កុំ បន្ថែមទៀត ដើម្បីចូលរួមទប់ស្កាត់ និងការឆ្លងរាលដាលនៃជំងឺ Covid-19 នេះជាមួយរាជរដ្ឋាភិបាល ៕

ស្នងការខេត្តឧត្តរមានជ័យ ប្រគល់ថវិកាមនុស្សធម៌ដល់កាកបាទក្រហមខេត្ត ដើម្បីផ្គត់ផ្គង់ក្នុងអំឡុងវិបត្តិកូវីដ-១៩

ឧត្តរមានជ័យ ៖ នៅព្រឹកថ្ងៃទី២៥ឧសភានេះ ស្នងការនគរបាលខេត្តឧត្តរមានជ័យ លោកឧត្តមសេនីយ៍ទោ ហួត សុធី បានផ្តល់ថវិកាមនុស្សធម៌ចំនួន ៤លានរៀល ដើម្បីប្រគល់ជូនសាខាកាកបាទក្រហមខេត្តឧត្តរមានជ័យ សម្រាប់ផ្គត់ផ្គង់ការខ្វះខាតផ្សេងៗ ក្នុងអំឡុងពេលវិបត្តិកូវីដ-១៩ ។ជាមួយគ្នានោះដែរក្នុងនាមប្រធានគណៈកម្មការអចិន្ត្រៃយ៍សាខាកាកបាទក្រហមកម្ពុជា ខេត្តឧត្តរមានជ័យ ឯកឧត្តម ប៉ែន កុសល្យ បានថ្លែងអំណរអរគុណយ៉ាងជ្រាវជ្រៅចំពោះស្នងការនគរបាលខេត្តឧត្តរមានជ័យ ជានិច្ចកាលលោកតែងតែយកចិត្តទុកដាក់គិតគូរខ្ពស់ក្នុងការជួយទំនុកបម្រុងរាល់បញ្ហាប្រឈមការខ្វះខាតផ្សេងៗ ក្នុងការងារមនុស្សធម៌របស់ខេត្ត។ឯកឧត្តម បន្តថា កត្តាទាំងអស់នេះហើយ គឺជាការចូលរួមចំណែកមួយដ៏ល្អប្រសើរក្នុងការងារមនុស្សធម៌ក្នុងអំឡុងពេលជួបវិបត្តិកូវីដ-១៩នេះ ទោះបី តិចក្តីច្រើនក្តី តែវាជាទឹកចិត្តដ៏ប្រពៃរបស់បងប្អូនសប្បុរសក្នុងការរួមចំណែកការងារមនុស្សធម៌។ក្នុងនោះ បន្ទាប់ពីធ្វើការប្រគល់ថវិកាមនុស្សធម៌ជូនដល់កាកបាទក្រហមខេត្តរួចមក លោកឧត្តមសេនីយ៍ទោ ហួត សុធី ស្នងការនគរបាលខេត្តឧត្តរមានជ័យ ក៏បន្តដំណើរ ចុះសំណេះសំណាល នឹងពាំនាំការផ្ដាំផ្ញើសួរសុខទុក្ខពីសំណាក់ឯកឧត្តម នាយឧត្តមសេនីយ៍សន្តិបណ្ឌិត នេត សាវឿន អគ្គស្នងការនគរបាលជាតិ នឹងបានផ្តល់នូវថវិកាឧបត្ថម្ភចំនួន៤លានរៀល ដល់កងកម្លាំងនគរបាលម្នាក់ កំពុងមានជំងឺប្រចាំកាយធ្ងន់ធ្ងរដែលបានសម្រាកព្យាបាលនៅឯមន្ទីរពេទ្យបង្អែកខេត្តឧត្តរមានជ័យ ដើម្បីបានដោះស្រាយការខ្វះខាតក្នុងអំឡុងពេលសម្រាកព្យាបាល៕អត្ថបទ ៖ ឃិន សារិទ្ធ

បណ្ដាញសង្គម

ព័ត៌មានថ្មីៗ

នាយករដ្ឋមន្រ្តីអ៊ីស្រាអែលលោក Netanyahu អះអាងថា គ្មានទេរដ្ឋប៉ាឡេស្ទីន

ប្រធានាធិបតីកូរ៉េខាងត្បូង៖ ការទាមទារការវិនិយោគរបស់អាមេរិកនឹងបង្កវិបត្តិហិរញ្ញវត្ថុ

លោក Kim ៖ កូរ៉េខាងជើងអាចជជែកជាមួយអាមេរិកបើសិនជាពួកគេឈប់និយាយរឿងរំសាយអាវុធនុយក្លេអ៊ែរ

គណៈប្រតិភូជាន់ខ្ពស់សភាកម្ពុជាអញ្ជើញនិវត្តន៍ដល់មាតុប្រទេស ក្រោយពីបានចូលរួមមហាសន្និបាតអាយប៉ាលើកទី៤៦ នៅប្រទេសម៉ាឡេស៊ី ទទួលបានជោគជ័យ ប្រកបដោយមោទនភាព

ទេយ្យទានសម្តេចធិបតី និងលោកជំទាវបណ្ឌិត បានប្រគេនព្រះសង្ឃចំនួន ៣៦វត្ត ក្នុងខេត្តកំពង់ឆ្នាំង

ទេយ្យទានរបស់សម្ដេចធិបតី និងលោកជំទាវបណ្ឌិតបានប្រគេនដល់ព្រះសង្ឃ ១៤វត្ត នៅខេត្តស្វាយរៀង

អង្គការសហប្រជាជាតិ ព្រួយបារម្ភយ៉ាងខ្លាំងចំពោះស្ថានភាពកាន់តែយ៉ាប់យ៉ឺននៅក្នុងទីក្រុង el-Fasher របស់ស៊ូដង់

សមត្ថកិច្ចបង្រ្កាបករណីចាប់ឃុំឃាំងបង្ខាំងមនុស្សធ្វើទារុណកម្មដោយខុសច្បាប់ និងជួញដូរមនុស្សដោយមានគោលដៅដោយឃាត់ជនសង្ស័យ៧នាក់

អង់គ្លេស និងព័រទុយហ្គាល់ នឹងទទួលស្គាល់រដ្ឋប៉ាឡេស្ទីន នៅមុនការពិភាក្សារបស់អង្គការសហប្រជាជាតិ

យន្តហោះចម្បាំងអង់គ្លេសចាប់ផ្តើមបេសកកម្មការពារដែនអាកាសរបស់អង្គការណាតូលើប្រទេសប៉ូឡូញ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

អភិបាលរាជធានី ជំរុញអាជ្ញាធរខណ្ឌទប់ស្កាត់ការឆ្លងរាលដាលកូវីដ-១៩ ឱ្យបានម៉ឺងម៉ាត់

ការផ្គត់ផ្គង់សាច់សត្វនៅលើទីផ្សារ មានសន្ទុះឡើងបន្ទាប់ពីបើកដំណើរការផ្សារនៅរាជធានីភ្នំពេញ

ខេត្តកំពង់ចាម រកឃើញកម្មការិនី ៧៧នាក់ទៀត ឆ្លងកូវីដ-១៩ ក្រោយតេស្តលើសំណាកកម្មករកម្មការិនី ៣ ៤០៧នាក់

ពលរដ្ឋជាង ៥ម៉ឺននាក់ ក្នុងខណ្ឌចំការមននឹងទទួលបានការចាក់វ៉ាក់សាំងក្នុងយុទ្ធនាការ ១៤ថ្ងៃ

WHO៖ ពលរដ្ឋកម្ពុជា មានសំណាងណាស់ដែលបានទទួលវ៉ាក់សាំងបង្ការកូវីដ-១៩

អង្គការសុខភាពពិភពលោកថា ពលរដ្ឋកម្ពុជា មានសំណាងណាស់ ដែលមានឱកាសបានទទួលវ៉ាក់សាំង Covid-19

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

អភិបាល​រាជធានី ជំរុញ​អាជ្ញាធរ​ខណ្ឌ​ទប់ស្កាត់​ការ​ឆ្លង​រាលដាល​កូ​វីដ​-១៩ ឱ្យ​បាន​ម៉ឺងម៉ាត់​

ពលរដ្ឋ​ជាង​ ៥​ម៉ឺន​នាក់​ ក្នុង​ខណ្ឌ​ចំការមន​នឹង​ទទួលបាន​ការចាក់​វ៉ាក់សាំង​ក្នុង​យុទ្ធនាការ​ ១៤​ថ្ងៃ​

WHO៖ ពលរដ្ឋ​កម្ពុជា មាន​សំណាង​ណាស់​ដែល​បានទទួល​វ៉ាក់សាំង​បង្ការ​កូ​វីដ​-១៩

អង្គការ​សុខភាព​ពិភព​លោកថា​ ពលរដ្ឋ​កម្ពុជា​ មាន​សំណាង​ណាស់​ ដែល​មាន​ឱកាស​បាន​ទទួល​វ៉ាក់សាំង Covid-19

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

អភិបាលរាជធានី ជំរុញអាជ្ញាធរខណ្ឌទប់ស្កាត់ការឆ្លងរាលដាលកូវីដ-១៩ ឱ្យបានម៉ឺងម៉ាត់

ពលរដ្ឋជាង ៥ម៉ឺននាក់ ក្នុងខណ្ឌចំការមននឹងទទួលបានការចាក់វ៉ាក់សាំងក្នុងយុទ្ធនាការ ១៤ថ្ងៃ

WHO៖ ពលរដ្ឋកម្ពុជា មានសំណាងណាស់ដែលបានទទួលវ៉ាក់សាំងបង្ការកូវីដ-១៩

អង្គការសុខភាពពិភពលោកថា ពលរដ្ឋកម្ពុជា មានសំណាងណាស់ ដែលមានឱកាសបានទទួលវ៉ាក់សាំង Covid-19