BTV NEWS

គម្រោងស្ពានឆ្លងកាត់ទន្លេបាសាក់ (ចាក់អង្រែក្រោម-ព្រែកប្រា) និងផ្លូវតភ្ជាប់ សម្រេចបាន ៤៥% ហើយ ដែលលឿនជាងផែនការ ៤,១១%

សម្ដេចធិបតី អំពាវនាវដល់ជនរួមជាតិជឿទុកចិត្តលើរាជរដ្ឋាភិបាលដែលកំពុងធ្វើកិច្ចការងារយ៉ាងសកម្មស្វែងរកដំណោះស្រាយបញ្ចប់បញ្ហាព្រំដែនកម្ពុជា-ថៃ ឱ្យបានឆាប់រហ័ស

សម្ដេចធិបតីផ្ដល់អនុសាសន៍៧ចំណុច ដល់ក្រសួង-ស្ថាប័នពាក់ព័ន្ធឱ្យយកចិត្តទុកដាក់ក្នុងឱកាសទិវាអក្ខរកម្មអន្តរជាតិ ៨ កញ្ញា ២០២៥

សម្ដេចធិបតី៖ រាជរដ្ឋាភិបាលប្តេជ្ញាចិត្តយ៉ាងមុតមាំលើកកម្ពស់ការងារអក្ខរកម្ម និងបំពាក់បំប៉ន ជំនាញ និងឱកាសសិក្សាពេញមួយជីវិត ជាពិសេសជំនាញឌីជីថល

នយោបាយ និង ការអភិវឌ្ឍន៍

តំបន់លឿងទុំ ដែលអនុវត្ត ៧ថ្ងៃកន្លងមកនឹងប្រែជាតំបន់លឿងវិញ នៅកណ្ដាលអាធ្រាតនេះ

ភ្នំពេញ៖ រាជធានីភ្នំពេញ បានប្រែក្លាយតំបន់លឿងទុំ មកជាតំបន់លឿងហើយ បន្ទាប់ពីបានអនុវត្តវិធានការនានា និងពិនិត្យលើស្ថានភាពជាក់ស្ដែង។រដ្ឋបាលរាជធានីភ្នំពេញនៅថ្ងៃទី២៦ ខែឧសភាឆ្នាំ ២០២១ បានចេញសេចក្ដីសម្រេចលេខ ១១៨/២១ សសរ ស្ដីពីការកំណត់ភូមិសាស្ត្រតំបន់លឿងទុំ កន្លងមកដូចមានក្នុងសេចក្ដីសម្រេចលេខ ១១១/២១ សសរ ចុះថ្ងៃទី១៩ ខែឧសភា ឆ្នាំ ២០២១ របស់រដ្ឋបាលរាជធានីភ្នំពេញមកជា តំបន់លឿងវិញ បន្ទាប់ពីបានអនុវត្តវិធានការនានា និងពិនិត្យលើស្ថានភាពជាក់ស្ដែង។ក្នុងប្រការ២ នៃសេចក្ដីសម្រេចលេខ ១១៨/២១ សសរ វិធានការរដ្ឋបាលចំពោះការកំណត់ភូមិសាស្ត្រជា តំបន់លឿង ត្រូវអនុវត្តន៍សម្រាប់រយៈពេល៧ថ្ងៃ ដោយគិតចាប់ពីម៉ោងសូន្យថ្ងៃទី២៧ ខែឧសភា ឆ្នាំ២០២១ រហូតដល់ថ្ងៃទី២ ខែមិថុនា ឆ្នាំ២០២១ ដោយត្រូវអនុលោមតាមខ្លឹមសារក្នុងប្រការ ៤ នៃសេចក្ដីសម្រេចលេខ ១១១/២១ សសរ ចុះថ្ងៃទី១៩ ខែឧសភា ឆ្នាំ ២០២១ ស្ដីពីការដាក់ចេញវិធានការរដ្ឋបាលបន្តសម្រាប់ភូមិសាស្ត្ររាជធានីភ្នំពេញ ដើម្បីទប់ស្កាត់ការឆ្លងរាលដាលនៃជំងឺកូវីដ១៩ និងសេចក្ដីសម្រេចលេខ ១១៥/២១ សសរ ចុះថ្ងៃទី២១ ខែឧសភាឆ្នាំ២០២១ របស់រដ្ឋបាលរាជធានីភ្នំពេញ ស្ដីពីការបញ្ចប់បំរាមគោចរ និងការអនុញ្ញាតគោលការណ៍ពិសេសចំពោះអាជីវកម្មដ្ឋានក្នុងតំបន់លឿងនៃភូមិសាស្ត្ររាជធានីភ្នំពេញ។នៅក្នុងប្រការ៤នៃ១១១/២១ សសរ ចុះថ្ងៃទី១៩ ខែឧសភា ឆ្នាំ ២០២១ បានដាក់ចេញចំពោះ តំបន់លឿង គឺអនុវត្តរយៈពេល ១៤ថ្ងៃ គិតចាប់ពីថ្ងៃទី២០ ខែឧសភា រហូតដល់ថ្ងៃទី២ ខែមិថុនាឆ្នាំ២០២១ បើគិតមកដល់ពេលនេះនៅសល់រៈពេល៧ថ្ងៃទៀត ដោយមិនស្ថិតនៅក្នុងភូមិសាស្ត្របិទខ្ទប់ ប៉ុន្តែត្រូវអនុវត្តវិធានការរដ្ឋបាលទៅតាមប្រការ ៥ នៃសេចក្ដីសម្រេចលេខ ១០០/២១ សសរ។សូមបញ្ជាក់ថា តំបន់លឿងទុំ ដែលប្រែក្លាយមកជា តំបន់លឿង មានដូចជា ផ្នែកខ្លះនៃភូមិដើមចាន់ គឺទីតាំងខាងក្រោយយឿត្រី នៃសង្កាត់ច្បារអំពៅទី២ ខណ្ឌច្បារអំពៅ។ ភូមិ ២៣ នៃសង្កាត់បឹងកក់ទី២ ខណ្ឌទួលគោក។ ភូមិត្រពាំងថ្លឹង១ ភូមិត្រពាំងថ្លឹង២ ភូមិត្រពាំងថ្លឹង៤ និងភូមិទួលពង្រ នៃសង្កាត់ចោមចៅទី១ ខណ្ឌពោធិ៍សែនជ័យ។ ផ្នែកខ្លះនៃភូមិចុងខ្សាច់ និងផ្នែកខ្លះនៃភូមិបាក់ទូក សង្កាត់ទួលសង្កែទី១ ខណ្ឌឫស្សីកែវ។ ផ្នែកខ្លះភូមិ៥ នៃសង្កាត់ស្ទឹងមានជ័យទី២ និងផ្នែកខ្លះនៃភូមិដំណាក់ធំ២ ផ្នែកខ្លះនៃភូមិដំណាក់ធំ៣ និងផ្នែកខ្លះនៃភូមិទ្រា៤ សង្កាត់ស្ទឹងមានជ័យទី៣ ខណ្ឌមានជ័យ៕ អត្ថបទ៖ ប្រាក់ វ៉ាន់ដា

អភិបាលរាជធានី ស្នើក្រសួងពាក់ព័ន្ធប្រើយន្តការរួម ដើម្បីកាត់ផ្ដាច់ការឆ្លងរាលដាលកូវីដតាមរោងចក្រ

ភ្នំពេញ៖ អាជ្ញាធររាជធានីភ្នំពេញមានបំណងបង្កើតឱ្យមានយន្តការរួមមួយ ដើម្បីរួមគ្នាអនុវត្តសេចក្តីណែនាំរួមឈានទៅកាត់ផ្តាច់ឱ្យបានជំងឺកូវីដ-១៩ នៅក្នុងរោងចក្រ។ឯកឧត្ដម ឃួង ស្រេង អភិបាលរាជធានីភ្នំពេញ បានស្នើឱ្យក្រសួងពាក់ព័ន្ធទាំងអស់ ជួយរែកពន្ធជាមួយអាជ្ញាធររាជធានីភ្នំពេញ ដើម្បីទប់ស្កាត់ការរីករាលដាលជំងឺកូវីដ-១៩ ពិសេសនៅតាមរោងចក្រ សហគ្រាសនានានៅក្នុងភូមិសាស្ត្ររាជធានីភ្នំពេញ ខណៈដែលនៅតាមរោងចក្រ សហគ្រាសមួយចំនួនបាននឹងកំពុងរីករាលដាលជំងឺឆ្លងដ៏កាចសាហាវនេះ មិនឈប់ឈរសោះ។ ការស្នើឯកឧត្ដម ឃួង ស្រេង អភិបាលរាជធានីភ្នំពេញ គឺបានធ្វើឡើងនាល្ងាចថ្ងៃទី២៦ ខែឧសភា ឆ្នាំ២០២១ ក្នុងកិច្ចប្រជុំតាមរយៈការបញ្ជូនរូបភាព និងសំឡេងផ្ទាល់ជាមួយក្រសួងសុខាភិបាល ក្រសួងការងារ និងបណ្ដុះបណ្ដាលវិជ្ជាជីវៈ សមាគមន៍រោងចក្រកាត់ដេរនៅកម្ពុជា ហៅថា GMAC និងអាជ្ញាធរខណ្ឌមួយចំនួន ដែលមានរោងចក្រឆ្លងជំងឺកូវីដ-១៩។ឯកឧត្ដម ឃួង ស្រេង បានមានប្រសាសន៍លើកឡើងថា ការបើកឱ្យមានកិច្ចប្រជុំជាមួយតំណាងក្រសួងសុខាភិបាល តំណាងក្រសួងការងារ និងបណ្ដុះបណ្ដាលវិជ្ជាជីវៈ សមាគមន៍រោងចក្រកាត់ដេរនៅកម្ពុជានេះ គឺក្នុងបំណង់ឱ្យក្រសួងពាក់ព័ន្ធទាំងអស់ចូលរួមជាមួយរដ្ឋបាលរាជធានីភ្នំពេញ ដើម្បីទប់ស្កាត់ការរីករាលដាលជំងឺកូវីដ-១៩ នៅក្នុងរោងចក្រ សហគ្រាសនានានៅក្នុងរាជធានីភ្នំពេញ ព្រោះពាក់ព័ន្ធនឹងការទប់ស្កាត់ការរីករាលដាលជំងឺកូវីដ-១៩ រដ្ឋបាលរាជធានីភ្នំពេញ បានប្រឹងប្រែងរែកពុនខ្លាំងណាស់ ដូច្នេះលោកចង់ឱ្យក្រសួងពាក់ព័ន្ធជួយរែកពុន តាមរយៈការបង្កើតឱ្យមានយន្តការរួមមួយ ដើម្បីបានធ្វើការជាមួយគ្នាដោយការទទួលខុសត្រូវ ក្នុងការលុបបំបាត់ ឬកាត់ផ្តាច់ឱ្យបានកូវីដ-១៩ ក្នុងព្រឹត្តិការណ៍សហគមន៍២០កុម្ភៈនេះ។ឯកឧត្ដម ឃួង ស្រេង បន្តទៀតថា កន្លងមកនេះ ពេលដែលរាជធានីភ្នំពេញត្រូវបានបិទខ្ទប់ រោងចក្រ សហគ្រាស ក៏បានបិទផងដែរ ។ ក្រោយមកនៅពេលដែលបើកឱ្យដំណើរការឡើងវិញ រោងចក្របានឱ្យកម្មករចូលធ្វើការងារវិញ១០០ភាគរយ ខុសពីសេចក្តីណែនាំដែលចុះហត្ថលេខារួមដោយរដ្ឋមន្ត្រីក្រសួងសុខាភិបាល និងរដ្ឋមន្ត្រីក្រសួងការងារ។ ដោយក្នុងសេចក្តីណែនាំ ពាក់ព័ន្ធនឹងការទប់ស្កាត់កូវីដ-១៩នេះ កម្មករតែ៥០ភាគរយប៉ុណ្ណោះ ដែលអាចចូលធ្វើការវិញបានតាមរយៈការប្តូរវេនគ្នា។ តែមិនដូច្នោះទេ ខាងរោងចក្របានអនុញ្ញាតឱ្យកម្មករចូលធ្វើការវិញរហូត១០០ភាគរយ ដែលធ្វើឱ្យមានហានិភ័យខ្ពស់នៃការរីករាលដាលជំងឺកូវីដ-១៩ ដែលជាកង្វល់ដ៏ធំមួយរបស់រាជរដ្ឋាភិបាល។ ឯកឧត្ដម ឃួង ស្រេង បញ្ជាក់ថា ដូច្នេះហើយ ទើបរដ្ឋបាលរាជធានីភ្នំពេញ បង្កើតឱ្យមានកិច្ចប្រជុំពិភាក្សានេះឡើង ក្នុងបំណងបង្កើតឱ្យមានយន្តការរួមមួយ ដើម្បីចេញសេចក្តីណែនាំរួម នាំគ្នាអនុវត្ត ឈានទៅកាត់ផ្តាច់ឱ្យបានជំងឺកូវីដ-១៩ ក្នុងព្រឹត្តិការណ៍សហគមន៍២០កុម្ភៈនេះ។ចំពោះលទ្ធផលកិច្ចប្រជុំពិភាក្សានេះ គឺមិនទាន់មានការសម្រេចបែបណានៅឡើយទេនាព្រលប់ថ្ងៃទី២៦ ខែឧសភា ឆ្នាំ២០២១៕ អត្ថបទ៖ ប្រាក់ វ៉ាន់ដា

ផ្សារមិនរៀបរយនៅតែមិនឱ្យបើកដំណើរការ រីឯផ្សាររដ្ឋបើកលក់តែម្ហូបអាហារនឹងត្រូវតាមដានស្ថានភាពគ្រប់ពេល

ភ្នំពេញ៖ ផ្សារក្រមួន ផ្សារមិនរៀបរយ តាមរោងចក្រ តាមចិញ្ចើមផ្លូវ ឬតាមដីឡូត៍ឯកជនក្នុងភូមិសាស្ត្ររាជធានីភ្នំពេញ នៅតែបន្តសម្រេចផ្អាកដំណើរការដដែល សម្រាប់ផ្សាររដ្ឋដែលកំពុងបើកដំណើរវិញក៏អនុញ្ញាតតែការលក់ដូរម្ហូបអាហារតែប៉ុណ្ណោះ។ក្នុងកិច្ចប្រជុំគណៈបញ្ជាការឯកភាពរាជធានីភ្នំពេញ តាមរយៈការបញ្ជូនរូបភាព និងសំឡេងផ្ទាល់ ស្ដីពីការត្រួតពិនិត្យការងារក្នុងមូលដ្ឋានខណ្ឌទាំង១៤ក្នុងរាជធានីភ្នំពេញ លើកិច្ចការទប់ស្កាត់ការឆ្លងរាលដាលនៃជំងឺកូវីដ១៩ ការត្រួតពិនិត្យលើការបើកឱ្យដំណើរការផ្សាររដ្ឋឡើងវិញ និងរៀបចំសណ្ដាប់ធ្នាប់សាធារណៈតាមផ្សារទាំងអស់ក្នុងមូលដ្ឋានរាជធានីភ្នំពេញ ចំពោះផ្សារក្រមួន ផ្សារចាត់តាំង ផ្សាររោងចក្រ ផ្សារសហគមន៍ ផ្សារក្នុងដីឡូត៍ឯកជន ផ្សារជុំវិញមន្ទីរពេទ្យ និងផ្សារតាមចិញ្ចើមផ្លូវជាដើម គឺមិនត្រូវបានអនុញ្ញាតឱ្យបើកដំណើរការឡើយ ដើម្បីបង្ការ និងទប់ស្កាត់ការឆ្លងរាលដាលនៃជំងឺកូវីដ-១៩ ក្នុងរាជធានីភ្នំពេញ។ នេះគឺលទ្ធផលនៃកិច្ចប្រជុំនាព្រឹកថ្ងៃទី២៦ ខែឧសភា ឆ្នាំ២០២១ ដែលដឹកនាំដោយ ឯកឧត្ដម ឃួង ស្រេង អភិបាលរាជធានីភ្នំពេញ នៅសាលារាជធានីភ្នំពេញ ជាមួយមន្ដ្រីជំនាញពាក់ព័ន្ធ និងអាជ្ញាធរទាំង១៤ខណ្ឌ។ក្នុងកិច្ចប្រជុំនោះ ឯកឧត្ដម ឃួង ស្រេង បានជំរុញឱ្យអាជ្ញាធរខណ្ឌទាំងអស់ត្រូវចុះពិនិត្យស្ថានភាពនៅតាមផ្សារនានា នៅក្នុងមូលដ្ឋានរបស់ខ្លួនជាប់ជាប្រចាំ និងធ្វើរបាយការណ៍ពីវឌ្ឍនភាពផ្សារនីមួយៗជាប្រចាំផងដែរ។ ឯកឧត្ដម ឃួង ស្រេង បន្ថែមថា ការបើកផ្សារឡើងវិញនេះ គឺពិតជាមានហានិភ័យខ្ពស់ ចំពោះការឆ្លងរីករាលដាលជំងឺកូវី-១៩ ដូច្នេះទាំងអាជ្ញាធរខណ្ឌ ទាំងគណៈកម្មការផ្សារ គឺត្រូវយកចិត្តទុកដាក់ឱ្យបានខ្ពស់បំផុត ជុំវិញវិធានការការពារ ដោយត្រូវផ្សព្វផ្សាយ និងជំរុញប្រជាពលរដ្ឋ អាជីវករ ឱ្យអនុវត្តវិធានការរបស់ក្រសួងសុខាភិបាលជាប់ជានិច្ច។ បន្ថែមពីនេះ ឯកឧត្ដម ឃួង ស្រេង ក៏បានជំរុញឱ្យពង្រឹងការរៀបចំសណ្តាប់ធ្នាប់ របៀបរៀបរយនៅតាមទីផ្សារនេះឱ្យបានល្អប្រសើរផងដែរ ព្រោះបច្ចុប្បន្ននេះ កូវីដ-១៩ហាក់ផ្ទុះឡើងវិញ នៅតំបន់មិនរៀបរយនោះ។ចំពោះតំបន់ដែលផ្ទុះឡើងវិញនូវជំងឺកូវីដ-១៩ជាថ្មីនេះ មានមួយផ្នែកខ្លះ នៃខណ្ឌសែនសុខ នៅសហគមន៍AB ភូមិផ្សារតូច ក្នុងសង្កាត់ទួលសង្កែ១ ខណ្ឌឬស្សីកែវ ភូមិព្រៃទា សង្កាត់ចោមចៅ៣ ខណ្ឌពោធិ៍សែនជ័យ និងនៅភូមិឫស្សី ភូមិឫស្សីទី២ ភូមិឫស្សីទី៣ សង្កាត់ស្ទឹងមានជ័យទី២ និងសង្កាត់ស្ទឹងមានជ័យទី៣ ខណ្ឌមានជ័យជាដើម។ ហើយទាក់ទិនជាមួយតំបន់លឿងទុំ ឯកឧត្ដម ឃួង ស្រេង បានណែនាំអាជ្ញាធរខណ្ឌដែលពាក់ព័ន្ធត្រូវតែគ្រប់គ្រងឱ្យបានហ្មត់ចត់បំផុត មិនឱ្យមានការចេញ ចូលដាច់ខាត ដើម្បីបង្ការ និងទប់ស្កាត់ការរីករាលដាលពីតំបន់មួយទៅតំបន់មួយទៀត៕ អត្ថបទ ៖ ប្រាក់ វ៉ាន់ដា

ពលរដ្ឋ ១៥នាក់នៅស្រុកស្រែអំបិល បានឆ្លងកូវីដ-១៩ បន្ទាប់ពីពាក់ព័ន្ធនឹងកម្មករម្នាក់មកពីខេត្តព្រះសីហនុ

កោះកុង៖ រដ្ឋបាលខេត្តកោះកុង បានប្រកាសពីការរកឃើញប្រជាពលរដ្ឋចំនួន ១៥នាក់ទៀត បានឆ្លងមេរោគកូវីដ-១៩កាលពីថ្ងៃម្សិលមិញនេះនៅក្នុងស្រុកស្រែអំបិល។ក្នុងសេចក្ដីប្រកាសព័ត៌មានរបស់ខ្លួន រដ្ឋបាលខេត្តកោះកុង បានឱ្យដឹងថា ស្ត្រី ១៣នាក់ និងបុរស ២នាក់ ដែលជាពលរដ្ឋនៅក្នុងស្រុកស្រែអំបិល ត្រូវបានរកឃើញឆ្លងមេរោគកូវីដ-១៩ជាបន្តបន្ទាប់កាលពីថ្ងៃម្សិលមិញនេះ។បើតាមរដ្ឋបាលខេត្តកោះកុង ប្រជាពលរដ្ឋទាំង ១៥នាក់នេះ បានឆ្លងមេរោគកូវីដ-១៩ បន្ទាប់ពីពួកគេបានពាក់ព័ន្ធនឹងបុរសម្នាក់អាយុ ១៩ឆ្នាំ ដែលជាកម្មករបម្រើការនៅរោងចក្រចំណីសត្វស្ថិតក្នុងស្រុកព្រៃនប់ ខេត្តព្រះសីហនុ៕អត្ថបទ ៖ សុធី

ក្រសួងទេសចរណ៍រៀបចំផែនការសាកល្បងបើកទទួលភ្ញៀវទេសចរដែលចាក់វ៉ាក់សាំងរួច នៅត្រីមាសទី៤

ភ្នំពេញ ៖ នៅពេលនេះ ក្រសួងទេសចរណ៍ បានបង្កើតឯកសារទស្សនាទានរួចហើយស្តីពីកញ្ចប់ទស្សនកិច្ចទេសចរណ៍វ៉ាក់សាំងកូវីដ-១៩ មកពីក្រៅប្រទេស និងបានសម្រេចថា នឹងស្នើប្រមុខថ្នាក់ដឹកនាំរាជរដ្ឋាភិបាល ដាក់ចេញនូវផែនការសកម្មភាពអាទិភាពមួយចំនួនក្នុងនោះ រួមមានការរៀបចំស្នើសុំបើកទេសចរណ៍ជាបណ្តើរៗ ក្នុងត្រីមាសទី៤ ឆ្នាំ២០២១ដោយផ្តោតអាទិភាពការអនុវត្តគម្រោងក្នុងជំហានទី១ នៅខេត្តសៀមរាប-អង្គរ ។បើតាមឯកឧត្តម តុប សុភ័ក រដ្ឋលេខាធិការ និងជាអ្នកនាំពាក្យក្រសួងទេសចរណ៍ បានថ្លែងប្រាប់BTV នៅថ្ងៃទី២៦ ខែឧសភានេះថា នៅក្នុងគម្រោងផែនការរបស់ក្រសួងទេសចរណ៍នេះ គឺយើងទទួលយកតែ ភ្ញៀវទេសចរអន្តរជាតិ ដែលមានការចាក់វ៉ាក់សាំងការពារកូវីដ-១៩រួចរាល់ ហើយយើងទទួលតែភ្ញៀវនៅតំបន់ណាដែលមានសុវត្ថិភាព អោយមកទស្សនាតែតំបន់មានសុវត្ថិភាពនៅក្នុងប្រទេសកម្ពុជាយើង និងអាចផុតពីការអោយធ្វើចត្តាឡីស័ក។ឯកឧត្តម តុប សុភ័ក បន្តថា ការត្រៀមសាកល្បងបើកទទួលភ្ញៀវទេសចរអន្តរជាតិជាកញ្ចប់នេះ គឺជាភ្ញៀវយើងគ្រប់គ្រងបានហើយត្រូវអនុវត្តតាមការងារបីចំណុចសំខាន់ៗ ដែលយើងកំណត់ទុក។បើតាមលោកស្រី ឆាយ សៀវលីន ប្រធានសហគមន៍ទីភ្នាក់ទេសចរណ៍កម្ពុជា CATA បានថ្លែងការគាំទ្រនូវចំណាត់ការផែនការសកម្មភាពទាំងបីចំណុចដែលកំណត់ឡើងដោយក្រសួងទេសចរណ៍នោះ ពីព្រោះថា បើយើងរងចាំស្ថានភាពកូវីដ-១៩ បាត់បង់អស់ពីភពផែនដីទេ ហើយការអូសបន្លាយយូរពេក ធ្វើអោយវិស័យទេសចរណ៍ ហើយអាជីវកម្មដែលពឹងផ្អែកលើកវិស័យទេសចរណ៍ រងប៉ះពាល់កាន់តែខ្លាំងឡើងៗ។សម្រាប់ការងារត្រៀមអនុវត្តផែនការបីចំណុចនេះ លោកស្រីឆាយ សៀវលីន ក៏បានអំពាវនាវបណ្តាក្រុមហ៊ុនការីទេសចរណ៍ ត្រូវធ្វើការទទួលគ្រប់គ្រងភ្ញៀវទេសចរអន្តរជាតិ ជាកញ្ចប់នោះ ប្រកបដោយទទួលខុសត្រូវ ជាពិសេសបញ្ចុះតម្លៃកញ្ចប់ទេសចរណ៍ ដែលមានការប្រកួតប្រជែងជាមួយបណ្តាប្រទេសក្នុងតំបន់។សូមបញ្ជាក់ថា គម្រោងសាកល្បងនៃការបើកទេសចរណ៍មកពីក្រៅប្រទេសជាបណ្តើរៗនេះ នឹងត្រូវអនុវត្តនៅក្នុងត្រីមាសទី៤ ដោយដំបូងផ្តល់ជូនខេត្តសៀមរាបអង្គរមុនគេ ហើយបើការអនុវត្តបានជោគជ័យ ក្រសួងទេសចរណ៍ នឹងពង្រីកបើកអោយភ្ញៀវទៅទស្សនាខេត្តព្រះសីហនុ បន្ទាប់មករាជធានីភ្នំពេញ និងបណ្តាខេត្តគោលដៅនានាទៀត ដែលសង្កត់ធ្ងន់លើយុទ្ធសាស្ត្រទាក់ទាញទីផ្សារទេសចរណ៍ដែលមានហានិភ័យកូវីដ-១៩ ទាប ឬ ដែលមានការគ្រប់គ្រងការកូវីដ-១៩ បានល្អ ឬទីផ្សារដែលស្ថិតក្នុងតំបន់ពណ៌បៃតង៕អត្ថបទ ៖ ស៊ុម សុខជា

ខេត្តសៀមរាបបន្តហាមឃាត់ការលក់ដូរ និងទទួលទានគ្រឿងស្រវឹង ២សប្ដាហ៍ថែមទៀត

សៀមរាប៖ រដ្ឋបាលខេត្តសៀមរាបសម្រេចបន្តការហាមឃាត់ការលក់ដូរ និងការជួបជុំទទួលទានគ្រឿងស្រវឹងនៅទូទាំងខេត្តនេះរយៈពេល ២សប្ដាហ៍ទៀត ដើម្បីទប់ស្កាត់ការឆ្លងរីករាលដាលនៃមេរោគកូវីដ-១៩។ក្នុងសេចក្ដីណែនាំរបស់ខ្លួន រដ្ឋបាលខេត្តសៀមរាបបញ្ជាក់ថា ការលក់ដូរ និងការទទួលទានគ្រឿងស្រវឹង នឹងបន្តផ្អាក ១៤ថ្ងៃទៀត ចាប់ពីថ្ងៃស្អែកនេះរហូតដល់ថ្ងៃទី០៩ ខែមិថុនាខាងមុខនេះ។រដ្ឋបាលខេត្តនេះបញ្ជាក់ថា ការបន្តហាមឃាត់បែបនេះ គឺដើម្បីធានាប្រសិទ្ធភាពនៃការគ្រប់គ្រងការឆ្លងរាលដាលនៃមេរោគកូវីដ-១៩ និងការពារអាយុជីវិតរបស់ប្រជាពលរដ្ឋ សុខភាពសាធារណៈ និងសណ្ដាប់ធ្នាប់សាធារណៈផងដែរ។បើតាមសេចក្ដីណែនាំដដែលនេះ អាជ្ញាធរខេត្តសៀមរាបក៏ហាមឃាត់ផងដែរនូវសកម្មភាពចាក់ឧបករណ៍បំពងសំឡេង ការច្រៀង និងរាំកម្សាន្ត៕

ខេត្តបន្ទាយមានជ័យរកឃើញមនុស្ស ៦០នាក់ទៀត ឆ្លងកូវីដ-១៩ ខណៈអ្នកជំងឺ៩៤នាក់ទៀតជាសះស្បើយ

បន្ទាយមានជ័យ៖ រដ្ឋបាលខេត្តបន្ទាយមានជ័យ បានប្រកាសនៅថ្ងៃនេះថា មនុស្ស ៦០នាក់ទៀត ត្រូវបានរកឃើញឆ្លងមេរោគកូវីដ-១៩កាលពីថ្ងៃម្សិលមិញនេះ។ក្នុងសេចក្ដីប្រកាសព័ត៌មាននៅថ្ងៃនេះ រដ្ឋបាលខេត្តបន្ទាយមានជ័យបញ្ជាក់ថា ករណីឆ្លងថ្មីទាំងនេះ ត្រូវបានរកឃើញលើពលរដ្ឋ ៤៥នាក់នៅក្រុងប៉ោយប៉ែត។រដ្ឋបាលខេត្តនេះបញ្ជាក់ទៀតថា ពលករខ្មែរវិលត្រឡប់មកពីប្រទេសចំនួន ១៤នាក់ទៀត ក៏ត្រូវបានរកឃើញឆ្លងមេរោគកូវីដ-១៩ផងដែរកាលពីថ្ងៃម្សិលមិញនេះ ហើយរកឃើញករណីឆ្លងថ្មី ១នាក់ទៀតនៅលើពលរដ្ឋម្នាក់ទៀតដែលទើបវិលត្រឡប់មកពីខេត្តព្រះសីហនុ។នៅថ្ងៃនេះដែរ រដ្ឋបាលខេត្តបន្ទាយមានជ័យក៏បានឱ្យដឹងផងដែរថា អ្នកជំងឺកូវីដ-១៩ចំនួន ៩៤នាក់ទៀតនៅក្រុងប៉ោយប៉ែត ត្រូវបានព្យាបាលជាសះស្បើយ៕

បឹងធម្មជាតិទាំងអស់ក្នុងខេត្តស្ទឹងត្រែង នឹងត្រូវវាស់វែងកំណត់ព្រំដើម្បីចុះបញ្ជីជាទ្រព្យសម្បត្តិរដ្ឋ

ស្ទឹងត្រែង ៖ អភិបាលខេត្តស្ទឹងត្រែង បានឱ្យដឹងថា បឹងធម្មជាតិទាំងអស់ក្នុងខេត្តស្ទឹងត្រែង នឹងត្រូវវាស់វែង និងបោះបង្គោលកំណត់ព្រំ ដីដើម្បីចុះបញ្ជីជាទ្រព្យសម្បត្តិរដ្ឋ។កាលពីម្សិលមិញ ក្នុងកិច្ចប្រជុំ ស្ដីពីលទ្ធផលនៃការចុះវាស់វែងបោះបង្គោលព្រំដីចំណីបឹងធម្មជាតិដើម្បីចុះបញ្ជីជាសម្បត្តិរដ្ឋ ឯកឧត្ដម ម៉ុម សារឿន បានបញ្ជាក់ថា ការចុះបញ្ជីដីបឹងធម្មជាតិជាទ្រព្យសម្បត្តិរដ្ឋ គឺអនុវត្តទៅតាមច្បាប់រដ្ឋធម្មនុញ្ញ នៃព្រះរាជាណាចក្រកម្ពុជា ដើម្បីថែរក្សានូវអ្វី ដែលជាទ្រព្យសម្បត្តិរួម ទ្រព្យសម្បត្តិជាតិ ឲ្យស្ថិតស្ថេរគង់ វង្សយូរអង្វែង ចៀសវាងមានការបាត់បង់ដោយការទន្ទ្រានកាន់កាប់ដោយខុសច្បាប់។ឯកឧត្ដម បានបញ្ជាក់ទៀតថា ចំពោះប្រជាពលរដ្ឋ ដែលបានអាស្រ័យផលលើដីជុំវិញបឹងធម្មជាតិទាំងនោះ (ដីដែលស្ថិតក្នុងព្រំ ដែលបានកំណត់ជាដីផ្ទៃបឹង) នឹងត្រូវធ្វើកិច្ចសន្យាអាស្រ័យផលនៅលើផ្ទៃដីបឹងទាំងនោះ ប៉ុន្តែពុំអាចចុះបញ្ជីជាដីកម្មសិទ្ធិឯកជនបានឡើយ។លោក ម៉ិញ ស៊ីចាយ ប្រធានមន្ទីររៀបចំដែនដី នគរូបនីយកម្ម សំណង់ និងសុរិយោដី ខេត្តស្ទឹងត្រែង បានឱ្យដឹងថា កន្លងមកនេះ មន្ត្រីជំនាញរបស់មន្ទីររៀបចំដែនដី សហការជាមួយអាជ្ញាធរពាក់ព័ន្ធបានចុះវាស់វែងកំណត់ព្រំផ្ទៃដីបឹង បានចំនួន៥កន្លែងមកហើយ និងបន្តនីតិវិធីស្នើសុំទៅកាន់គណៈកម្មាការគ្រប់គ្រងដីរដ្ឋ ដើម្បីធ្វើការចុះបញ្ជី។ លោកបានឱ្យដឹងទៀតថា មន្ត្រីជំនាញ កំពុងបន្តនីតិវិធីក្នុងការវាស់វែងផ្ទៃដីបឹងចំនួនបីផ្សេងទៀត ក្នុងភូមិសាស្ត្រខេត្តស្ទឹងត្រែង ក្នុងនោះ បឹងវាលរំពេតូច បានវាស់វែងរួចរាល់ បឹងវាលរំពេធំ និងទំនប់អូខ្លុង កំពុងបន្តនីតិវិធី និងវាស់វែងបន្តទៀត ដើម្បីបានបញ្ចប់ និងដាក់ស្នើទៅគណៈកម្មការគ្រប់គ្រងដីរដ្ឋ ចុះក្នុងបញ្ជីជាទ្រព្យសម្បត្តិរដ្ឋ និងត្រៀមចុះបញ្ជីទីតាំងបឹងគីឡូ៨ និងអាងទឹកទំនប់គីឡូ៩ ស្ថិតក្នុងភូមិគីឡូ៨ សង្កាត់សាមគ្គី ក្រុងស្ទឹងត្រែង ផងដែរ។ឯកឧត្តម ម៉ុម សារឿន អភិបាលខេត្តស្ទឹងត្រែង និងជាប្រធានគណៈកម្មការគ្រប់គ្រងដីរដ្ឋខេត្ត បានគាំទ្រការចុះបញ្ជីផ្ទៃបឹង ដែលមន្ត្រីជំនាញ និងអាជ្ញាធរ បានចុះធ្វើការវាស់វែង និងកំណត់ព្រំរួចរាល់ និងស្នើសុំដល់មន្ទីររៀបចំដែនដី នគរូបនីយកម្ម សំណង់ និងសុរិយោដីខេត្ត ត្រូវរួមសហការជាមួយមន្ទីរធនធានទឹក និងឧតុនិយមខេត្ត រួមជាមួយអាជ្ញាធរពាក់ព័ន្ធនៅមូលដ្ឋាន ពន្លឿនការចុះវាស់វែង និងកំណត់ព្រំផ្ទៃដីបឹងធម្មជាតិនានា ក្នុងភូមិសាស្ត្រខេត្ត ឲ្យបានលឿន ដើម្បីបានចុះក្នុងបញ្ជីជាទ្រព្យសម្បត្តិរដ្ឋ៕អត្ថបទ៖ មាស ផល្លា

សង្កាត់២ក្នុងក្រុងកំពត មានបញ្ហាប្រឈមស្មុគស្មាញពាក់ព័ន្ធ នឹងការចេញប័ណ្ណកម្មសិទ្ធិជូនពលរដ្ឋ

កំពត ៖ តាំងពីឆ្នាំ១៩៧៩ មកដល់បច្ចុប្បន្ន មានលំនៅឋានប្រជានេសាទជាច្រើន នៅក្នុងសង្កាត់អណ្តូងខ្មែរ និងសង្កាត់ត្រើយកោះ ក្រុងកំពត នៅមិនទាន់មានប័ណ្ណសិទ្ធិទេ ដោយសារលំនៅឋានទាំងនោះ សង់នៅលើចំណីព្រែក និងលើទឹកព្រែកតែម្តង។ ប៉ុន្តែពលរដ្ឋ នៅតែទាមទារតវ៉ាចង់បាន។ អភិបាលខេត្ត ជំរុញអាជ្ញាធរឲ្យខិតខំដោះស្រាយបញ្ចប់បញ្ហាដោយភាពទន់ភ្លន់ និងវៃ ឆ្លាត រដ្ឋក៏ចំណេញ ពលរដ្ឋក៏សប្បាយចិត្ត។នៅក្នុងកិច្ចប្រជុំពិនិត្យពិភាក្សា ពាក់ព័ន្ធសំណើសុំចេញប័ណ្ណកម្មសិទ្ធិជូនប្រជាពលរដ្ឋ ចំនួន១៣ គ្រួសារ រស់នៅភូមិទ្វីខាងត្បូង សង្កាត់អណ្ដូងខ្មែរ ក្រុងកំពត ពាក់ព័ន្ធដីចំណីព្រែក កាលពីរសៀលម្សិលមិញ ឯកឧត្តម ជាវ តាយ អភិបាលខេត្តកំពត បានលើកឡើងថា សម័យកាលបច្ចុប្បន្ន រដ្ឋបាល និងពលរដ្ឋ ទាមទារការអភិវឌ្ឍជាសំខាន់ ហើយការអភិវឌ្ឍនោះទៀតសោត ត្រូវធានាដល់និរន្តរភាព និងកាត់បន្ថយផលប៉ះពាល់ជាទូទៅ ឲ្យបានច្រើនបំផុតផង។ បានន័យថា អាជ្ញាធរ និងប្រពលរដ្ឋ រួមសហការគ្នាដើម្បីដោះស្រាយបញ្ហាប្រឈមជាមួយគ្នា ប្រកបដោយភាពទទួលខុសត្រូវ។ ជាក់ស្តែងបញ្ហាប្រឈមរបស់ប្រជានេសាទជាច្រើននាក់ នៅសង្កាត់ត្រើយកោះ និងសង្កាត់អណ្តូងខ្មែរ ដែលពួកគេចាំបាច់ត្រូវរស់នៅជាប់មាត់ព្រែក តាំងតែពីជំនាន់ជីដូនជីតាមក ហើយបានស្នើសុំធ្វើប័ណ្ណកម្មសិទ្ធិលំនៅឋានដែរ តើត្រូវធ្វើយ៉ាងម៉េច។ ឯកឧត្តម បានបញ្ជាក់ថា បញ្ហាត្រូវតែដោះស្រាយ បើមិនដូច្នោះទេ បញ្ហាតូច និងក្លាយជាបញ្ហាធំ ហើយបើអាជ្ញាធរមិនដោះស្រាយ តើទុកឲ្យនរណាជាអ្នកដោះ ប៉ុន្តែការដោះស្រាយ ត្រូវតែប្រកបដោយភាពវៃឆ្លាត រដ្ឋក៏ចំណេញ ពលរដ្ឋក៏សប្បាយចិត្ត។ឯកឧត្តម បានស្នើសុំឲ្យមានការដោះស្រាយជូនប្រជាពលរដ្ឋ ប្រកបដោយភាពទន់ភ្លន់ ផ្អែកលើស្ថានភាពជាក់ស្ដែងផង និងផ្អែកលើលក្ខណៈច្បាប់ផង ហើយអាជ្ញាធរ និងជំនាញពាក់ព័ន្ធ ត្រូវបន្តសហការគ្នាសិក្សា ជំរុញដោះស្រាយបញ្ចប់បញ្ហាឲ្យបានឆាប់ កុំនៅអូសបន្លាយពេលវេលា។ តាមស្មារតីអង្គប្រជុំនោះ រដ្ឋបាលខេត្ត នៅមិនទាន់សម្រេចថាត្រូវចេញ ឬមិនចេញប័ណ្ណកម្មសិទ្ធិជូនពលរដ្ឋ១៣គ្រួសារ នៅភូមិទ្វីខាងត្បូងនៅឡើយទេ ដោយរង់ចាំការពិនិត្យ ផ្តល់យោបល់ និងសម្រេចនៅក្នុងកិច្ចប្រជុំគណៈកម្មការគ្រប់គ្រង់ដីរដ្ឋ៕អត្ថបទ៖ អន សារឹម

ក្រសួងសុខាភិបាល ទទួលសម្ភារៈបរិក្ខារពេទ្យពីក្រុមហ៊ុនដាំកូ សម្រាប់បម្រើការងារទប់ស្កាត់មេរោគកូវីដ-១៩

ភ្នំពេញ ៖ ដោយមានការអនុញ្ញាតដ៏ខ្ពង់ខ្ពស់ពី សំណាក់ឯកឧត្តមសាស្ត្រាចារ្យ ម៉ម ប៊ុនហេង រដ្ឋមន្ត្រីក្រសួងសុខាភិបាល នាព្រឹកថ្ងៃទី២៦ ខែឧសភា ឆ្នាំ២០២១នេះ លោកជំទាវ វេជ្ជបណ្ឌិត យក់ សម្បតិ្ត រដ្ឋលេខាធិការក្រសួងសុខាភិបាល និងជាប្រធានក្រុមការងារប្រតិបតិ្តការបច្ចេកទេស និងផ្គត់ផ្គង់ នៃគណៈកម្មការអន្តរក្រសួង ដើម្បីប្រយុទ្ធ នឹងជំងឺកូវីដ-១៩ បានទទួលជំនួយម៉ាស់ចំនួន ២០០០០ អាកុលសម្លាប់មេរោគ ចំនួន១០៥០លីត្រ អាវការពារកូវីដ-១៩ ចំនួន៣០០ឈុត សម្រាប់ប្រើប្រាស់តាមការចាំបាច់ នៅក្នុងដំណាក់កាល នៃការរីករាលដាលជំងឺកូវីដ-១៩។ក្នុងនាមក្រសួងសុខាភិបាល និងគណៈកម្មការអន្តរក្រសួង ដើម្បីប្រយុទ្ធនឹងជំងឺកូវីដ-១៩ លោកជំទាវ វេជ្ជបណ្ឌិត យក់ សម្បតិ្ត សូមថ្លែងអំណរគុណយ៉ាងជ្រាលជ្រៅជូនចំពោះក្រុមហ៊ុន ដាំកូ ខេមបូឌា/មើស្គ ខេមបូឌា ដែលបានឧបត្ថម្ភសម្ភារៈបរិក្ខារពេទ្យ សម្រាប់បម្រើឲ្យការងារទប់ស្កាត់ការរីករាលដាលនៃជំងឺកូវីដ១៩ នៅកម្ពុជា។ ទឹកចិត្តសប្បុរសធម៌ដ៏ថ្លៃថ្លារបស់ក្រុមហ៊ុន នឹងត្រូវបានចងចាំទុកដោយរាជរដ្ឋាភិបាលកម្ពុជា និងមន្រី្តសុខាភិបាល ព្រមទាំងអ្នករងគ្រោះដោយជំងឺកូវីដ-១៩ ។ ក្រសួងសុខាភិបាល សូមជូនពរក្រុមហ៊ុន បានទទួលជោគជ័យគ្រប់ភារកិច្ចរបស់ខ្លួន ដើម្បីចូលរួមចំណែកអភិវឌ្ឍន៍ប្រទេសកម្ពុជា ឲ្យកាន់តែរីកចម្រើន៕អត្ថបទ រដ្ឋា

បណ្ដាញសង្គម

ព័ត៌មានថ្មីៗ

បាតុករអ៊ីស្រាអែល ដង្ហែរក្បួននៅទីក្រុងហ្សេរុយសាឡឹម និងតែល អាវីវ ទាមទារបញ្ចប់សង្រ្គាមហ្កាហ្សា

ជនស៊ីវិលវេណេស៊ុយអេឡា ហ្វឹកហាត់ប្រើអាវុធជាមួយយោធា ខណៈភាពតានតឹងកើនឡើងជាមួយអាមេរិក

លោក Trump៖ រឿងអាក្រក់នឹងកើតឡើង បើសិនអាហ្វហ្គានីស្ថាន មិនប្រគល់មូលដ្ឋានទ័ពអាកាស Bagram

គោរពច្បាប់ចរាចរណ៍ស្មើនឹងគោរពជីវិតខ្លួនឯង! គ្រោះថ្នាក់ចរាចរណ៍ទូទាំង ប្រទេសនៅថ្ងៃទី២១ កញ្ញា កើតឡើងចំនួន ៩លើក បណ្តាលឲ្យមនុស្សស្លាប់៧នាក់ និងរបួសធ្ងន់ស្រាល ១១នាក់

អំពើហិង្សាផ្ទុះឡើង អំឡុងការដង្ហែរក្បួនប្រឆាំងអំពើពុករលួយនៅហ្វីលីពីន

អង់គ្លេស អូស្រ្តាលី និងកាណាដា ចេញសេចក្តីថ្លែងការណ៍ទទួលស្គាល់រដ្ឋប៉ាឡេស្ទីន

ពលរដ្ឋកហ្កាហ្សាជម្លៀសខ្លួនពិបាកធ្វើដំណើរ ខណៈពួកគេរត់ភៀសខ្លួនទៅកាន់តំបន់ភាគខាងត្បូង

មេបញ្ជាការកងទ័ពតាលីបង់ច្រានចោលកិច្ចប្រជុំពាក់ព័ន្ធនឹងមូលដ្ឋានទ័ពអាកាស Bagram

នាយករដ្ឋមន្រ្តីអ៊ីស្រាអែលលោក Netanyahu អះអាងថា គ្មានទេរដ្ឋប៉ាឡេស្ទីន

ប្រធានាធិបតីកូរ៉េខាងត្បូង៖ ការទាមទារការវិនិយោគរបស់អាមេរិកនឹងបង្កវិបត្តិហិរញ្ញវត្ថុ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

តំបន់លឿងទុំ ដែលអនុវត្ត ៧ថ្ងៃកន្លងមកនឹងប្រែជាតំបន់លឿងវិញ នៅកណ្ដាលអាធ្រាតនេះ

អភិបាលរាជធានី ស្នើក្រសួងពាក់ព័ន្ធប្រើយន្តការរួម ដើម្បីកាត់ផ្ដាច់ការឆ្លងរាលដាលកូវីដតាមរោងចក្រ

ផ្សារមិនរៀបរយនៅតែមិនឱ្យបើកដំណើរការ រីឯផ្សាររដ្ឋបើកលក់តែម្ហូបអាហារនឹងត្រូវតាមដានស្ថានភាពគ្រប់ពេល

ពលរដ្ឋ ១៥នាក់នៅស្រុកស្រែអំបិល បានឆ្លងកូវីដ-១៩ បន្ទាប់ពីពាក់ព័ន្ធនឹងកម្មករម្នាក់មកពីខេត្តព្រះសីហនុ

ក្រសួងទេសចរណ៍រៀបចំផែនការសាកល្បងបើកទទួលភ្ញៀវទេសចរដែលចាក់វ៉ាក់សាំងរួច នៅត្រីមាសទី៤

ខេត្តសៀមរាបបន្តហាមឃាត់ការលក់ដូរ និងទទួលទានគ្រឿងស្រវឹង ២សប្ដាហ៍ថែមទៀត

ខេត្តបន្ទាយមានជ័យរកឃើញមនុស្ស ៦០នាក់ទៀត ឆ្លងកូវីដ-១៩ ខណៈអ្នកជំងឺ៩៤នាក់ទៀតជាសះស្បើយ

បឹងធម្មជាតិទាំងអស់ក្នុងខេត្តស្ទឹងត្រែង នឹងត្រូវវាស់វែងកំណត់ព្រំដើម្បីចុះបញ្ជីជាទ្រព្យសម្បត្តិរដ្ឋ

សង្កាត់២ក្នុងក្រុងកំពត មានបញ្ហាប្រឈមស្មុគស្មាញពាក់ព័ន្ធ នឹងការចេញប័ណ្ណកម្មសិទ្ធិជូនពលរដ្ឋ

ក្រសួងសុខាភិបាល ទទួលសម្ភារៈបរិក្ខារពេទ្យពីក្រុមហ៊ុនដាំកូ សម្រាប់បម្រើការងារទប់ស្កាត់មេរោគកូវីដ-១៩

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

តំបន់​លឿងទុំ ដែល​អនុវត្ត ៧ថ្ងៃកន្លងមកនឹងប្រែជាតំបន់លឿងវិញ នៅកណ្ដាលអាធ្រាតនេះ

ក្រសួងទេសចរណ៍​រៀបចំ​ផែនការ​សាកល្បង​បើក​ទទួល​ភ្ញៀវទេសចរ​ដែល​ចាក់​វ៉ាក់សាំង​រួច នៅ​ត្រីមាស​ទី​៤

ខេត្ត​សៀមរាប​បន្ត​ហាម​ឃាត់​ការ​លក់​ដូរ និង​ទទួល​ទាន​គ្រឿង​ស្រវឹង​ ២​សប្ដាហ៍​ថែម​ទៀត

ខេត្ត​បន្ទាយមានជ័យ​រក​ឃើញ​មនុស្ស​ ៦០​នាក់​ទៀត ​ឆ្លង​កូវីដ-១៩ ខណៈ​អ្នក​ជំងឺ​៩៤​នាក់​ទៀត​ជា​សះ​ស្បើយ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

តំបន់លឿងទុំ ដែលអនុវត្ត ៧ថ្ងៃកន្លងមកនឹងប្រែជាតំបន់លឿងវិញ នៅកណ្ដាលអាធ្រាតនេះ

ក្រសួងទេសចរណ៍រៀបចំផែនការសាកល្បងបើកទទួលភ្ញៀវទេសចរដែលចាក់វ៉ាក់សាំងរួច នៅត្រីមាសទី៤

ខេត្តសៀមរាបបន្តហាមឃាត់ការលក់ដូរ និងទទួលទានគ្រឿងស្រវឹង ២សប្ដាហ៍ថែមទៀត

ខេត្តបន្ទាយមានជ័យរកឃើញមនុស្ស ៦០នាក់ទៀត ឆ្លងកូវីដ-១៩ ខណៈអ្នកជំងឺ៩៤នាក់ទៀតជាសះស្បើយ