BTV NEWS

សម្ដេចធិបតី ដឹកនាំគណៈប្រតិភូចូលក្រាបបង្គំគាល់ព្រះករុណា ព្រះមហាក្សត្រ ទូលថ្វាយលទ្ធផលចុះបញ្ជីបូជនីយដ្ឋានចងចាំនៃកម្ពុជា ក្នុងបញ្ជីបេតិកភណ្ឌពិភពលោក

សភាតំណាងប្រជាជនចិនចាត់ទុកសម្តេចតេជោ ជាតួអង្គសំខាន់បន្តពីព្រះបរមរតនកោដ្ឋក្នុងការពូនជ្រំទំនាក់ទំនងរវាងកម្ពុជា និងចិន

សម្តេចតេជោអនុញ្ញាតឱ្យសមាជិកគណៈកម្មាធិការអចិន្ត្រៃយ៍សភាប្រជាជនចិនជួបសម្តែងការគួរសម

ក្រុមការងារបច្ចេកទេសអន្តរក្រសួងបន្តចុះកំណត់និយាមកា និងបោះបង្គោលព្រំដីតាមបណ្តោយព្រែកជីកហ្វូណនតេជោ សម្រាប់កំណាត់ទី២ ក្នុងភូមិសាស្រ្តខេត្តកំពត

នយោបាយ និង ការអភិវឌ្ឍន៍

អាជីវករមួយចំនួនភ្ជាប់ QR Code ទូទាត់ថ្លៃទិញទំនិញតាមប្រព័ន្ធធនាគារដើម្បីការពារការឆ្លងកូវីដ-១៩

ភ្នំពេញ ៖ នៅអំឡុងពេលដែលកម្ពុជា កំពុងជួបការរាតត្បាតខ្លាំងការឆ្លងមេរោគកូវីដ១៩ មានបណ្តាហាងលក់ដូរទំនិញតូចធំ ភោជនីយដ្ឋាន និងកន្លែងផ្តល់សេវាកម្មនានាទៀត គឺបានភ្ជាប់ប្រព័ន្ធ QR Code ពីបណ្តាធនាគារនិងគ្រឹះស្ថានមីក្រូហិរញ្ញវត្ថុនានា ដើម្បីទូទាត់ថវិកាទិញទំនិញ និងសេវាកម្មនានា ពីអតិថិជន។បើតាមបណ្តាអាជីវករនៅផ្សារច្បារអំពៅ រាជធានីភ្នំពេញ បានថ្លែងប្រាប់ BTV នៅថ្ងៃទី២៥ ខែឧសភានេះថា នៅកំឡុងពេលកម្ពុជា ជួបការរាតត្បាតខ្លាំងនៃមេរោគកូវីដ១៩ គឺមានអតិថិជនប្រមាណ៥០% ទៅ៨០% ដែលចូលទិញទំនិញ គឺមានតម្រូវការប្រើប្រាស់ទូរស័ព្ទដៃ ស្កេនប្រព័ន្ធ QR Code និងខ្លះទៀត ប្រើប្រាស់លេខគណនីធនាគារ ដើម្បីទូទាត់ថវិកាទិញទំនិញ ដោយមិនបាច់កាន់សាច់ប្រាក់រាប់ដើម្បីទូទាត់ថ្លៃទិញទំនិញនានា។អាជីវករច្បារអំពៅ ក៏ដូចបណ្តាហាងផ្តល់សេវាកម្មម្ហូបអាហារនានាទៀត បានថ្លែងថា ការទូទាត់ថវិកាទិញទំនិញតាមរយៈការស្កេន QR CODE និងវេរលុយតាមរយៈលេខគណនីធនាគារ ដើម្បីធានាថា អាចទប់ស្កាត់ការឆ្លងមេរោគកូវីដ-១៩ រវាងអ្នកទិញ និងអ្នកលក់ ហើយណាមួយទៀតបើទូទាត់ជាដុល្លារ គឺមិនព្រួយបារម្ភពីលុយក្លែងក្លាយទៀតផង។សូមបញ្ជាក់ថា ប្រព័ន្ធQR Code ទូទាត់ថវិកាតាមរយៈពេលទូរសព្ទដៃ និងតាមលេខគណនីធនាគារជាដើមនោះ ជាភាគច្រើន បណ្តាមូលដ្ឋានអាជីវកម្ម ហាងលក់ទំនិញតូចធំនានា គឺបានប្រើប្រាស់ប្រព័ន្ធរបស់ធនាគារអេស៊ីលីដា អេប៊ីអេ វីង និងធនាគារស្ថាបនាជាដើម។បើតាមលោកស្រី សុខ សោភា នាយិកាប្រតិបត្តិជាន់ខ្ពស់ទីផ្សារធនាគារអេស៊ីលីដា នៅស្នាក់កណ្តាល ក្នុងរាជធានីភ្នំពេញ បានអោយដឹងថា គិតមកដល់ថ្ងៃនេះ គឺមានអតិថិជនប្រើប្រាស់អេស៊ីលីដា Mobile App ភ្ជាប់ប្រព័ន្ធទូទាត់ថវិកាតាម QR Code គឺមានប្រមាណជិត២លាននាក់ ហើយបច្ចុប្បន្នមានមន្ត្រីធនាគារក៏កំពុងចុះភា្ជប់ប្រព័ន្ធនេះ ជូនបណ្តាអាជីវករ អ្នកលក់ដូរទំនិញនានាទៀត ដើម្បីរួមចំណែកទប់ស្កាត់ការចំលង និងការរាតត្បាតកូវីដ១៩ផងដែរ៕ អត្ថបទ ស៊ុម សុខជា

សមាជិកសភាវ័យក្មេងកម្ពុជា-ចិន ពិភាក្សាផ្លាស់ប្តូរទស្សនៈក្នុងវិស័យនយោបាយនិងសេដ្ឋកិច្ច

ភ្នំពេញ ៖ ឯកឧត្ដម ហ៊ុន ម៉ានី ប្រធានគណៈកម្មការទី៧ នៃរដ្ឋសភា និងជាប្រធានគណៈប្រតិភូសមាជិករដ្ឋសភាវ័យក្មេងកម្ពុជា បានប្រជុំទ្វេភាគីរវាងសមាជិករដ្ឋសភាវ័យក្មេងកម្ពុជា ជាមួយសមាជិកសភាវ័យក្មេងនៃសភាតំណាងប្រជាជនចិន ទូទាំងប្រទេសដឹកនាំដោយ លោកជំទាវ វ៉ាង ហុងយ៉ាន ប្រធានគណៈប្រតិភូសភាវ័យក្មេងនៃសភាតំណាងប្រជាជនចិន ដើម្បីពិភាក្សាផ្លាស់ប្តូរបទពិសោធន៍ក្នុងវិស័យនយោបាយ សេដ្ឋកិច្ច និងកិច្ចសហប្រតិបត្តិការ កម្ពុជា-ចិន។ នៅក្នុងកិច្ចប្រជុំដែលធ្វើឡើងតាមប្រព័ន្ធវីដេអូ កាលពីរសៀលថ្ងៃទី ២៤ ខែឧសភា ឆ្នាំ២០២១ ឯកឧត្តម ហ៊ុន ម៉ានី ប្រធានគណៈប្រតិភូសមាជិករដ្ឋសភាវ័យក្មេងកម្ពុជា ក៏ដូចជាលោកជំទាវ វ៉ាង ហុងយ៉ាន ប្រធានគណៈប្រតិភូសភាវ័យក្មេងនៃសភាតំណាងប្រជាជនចិនទូទាំងប្រទេស សុទ្ធតែបានមានប្រសាសន៍រំលេចពីសារៈសំខាន់នៃកិច្ចប្រជុំនេះ ដោយចាត់ទុកថា កិច្ចប្រជុំនេះ ជាវេទិកាមួយដែលអនុញ្ញាតឲ្យសមាជិកសភាវ័យក្មេងនៃប្រទេសទាំងពីរ មានឱកាសចែករំលែកព័ត៌មាន បទពិសោធន៍ការងារ និងធ្វើការពិភាក្សាផ្លាស់ប្ដូរទស្សនៈជុំវិញបញ្ហារួមរបស់ប្រទេសទាំងពីរ ក្នុងវិស័យនយោបាយ សេដ្ឋកិច្ច និងទំនាក់ទំនងកិច្ចសហប្រតិបត្តិការ កម្ពុជា-ចិន ទាំងក្នុងក្រប ខណ្ឌទ្វេភាគី តំបន់ និងពិភពលោក។ឯកឧត្តម ហ៊ុន ម៉ានី បានមានប្រសាសន៍បន្ថែមថា កិច្ចប្រជុំទ្វេភាគីដ៏សំខាន់នាពេលនេះ គឺជាការឆ្លុះបញ្ចាំងនូវភាពរឹងមាំនៃចំណងមិត្តភាពកម្ពុជា-ចិន ក្នុងការកសាងសហគមន៍ជោគវាសនារួម ដែលមានលក្ខណៈយុទ្ធសាស្ត្រ ជាពិសេសរវាងរដ្ឋសភានៃព្រះរាជាណាចក្រកម្ពុជា និងសភាតំណាងប្រជាជនចិនទូទាំងប្រទេស ដែលថ្នាក់ដឹកនាំនៃប្រទេសទាំងពីរ បានប្រសិទ្ធនាមថា “ចំណងមិត្តភាពដែកថែប” និងបានបង្កើតជា ”ទំនាក់ទំនងកិច្ចសហប្រតិបត្តិការភាពជាដៃគូយុទ្ធសាស្ត្រគ្រប់ជ្រុងជ្រោយ”។នៅក្នុងកិច្ចប្រជុំនេះ សមាជិកសភាវ័យក្មេងនៃប្រទេសទាំងពីរ បានផ្ដល់បទអន្តរាគមន៍ និងធ្វើការពិភាក្សាលើប្រធានបទចំនួនបីផ្សេងគ្នា យ៉ាងក្បោះក្បាយ ដោយរំលេចចេញនូវខ្លឹមសារសំខាន់ៗ ជាច្រើនជូនដល់អង្គប្រជុំ ទៅតាមប្រធានបទនីមួយៗ មានដូចជា ៖ ប្រធានបទទី១គឺ « ការលើកកម្ពស់សន្តិភាព ការអភិវឌ្ឍសេដ្ឋកិច្ច ការរក្សាពហុភាគីនិយម និងការកសាងវិបុលភាពសម្រាប់មនុស្សជាតិ តាមរយៈការបន្តគាំទ្រគ្នា និងសហការគ្នាលើគ្រប់ទិដ្ឋភាព ក្នុងដំណាក់កាល និងក្រោយការរីរាលដាលនៃជំងឺកូវីដ-១៩»។ ប្រធានបទទី២គឺ «ការកាត់បន្ថយផលប៉ះពាល់ទៅលើសេដ្ឋកិច្ចសង្គមដោយជំងឺកូវីដ-១៩ និងការលើកកម្ពស់នូវភាពធន់ក្រោយការរាតត្បាតជាសកលនៃជំងឺនេះ ៖ បទពិសោធន៍ និងទស្សនាទាន»។ ចំណែកប្រធានបទទី ៣គឺ «ពង្រឹង និងពង្រីកកិច្ចសហប្រតិបត្តិការរវាងស្ថាប័នសភាចិន-កម្ពុជា ជាពិសេស ទំនាក់ទំនងនៃសមាជិកសភាវ័យក្មេងនៃប្រទេសទាំងពីរ ឆ្ពោះទៅកាន់ការពង្រឹងនីតិរដ្ឋ»៕អត្ថបទ ៖ ជា ធីរិទ្ធ

ពលរដ្ឋ និងអាជ្ញាធរមូលដ្ឋាន រំពឹងទំនប់ស្ទាក់ទឹកតាក្រី នឹងជួយកាត់បន្ថយការខ្វះទឹកប្រើប្រាស់

បាត់ដំបង ៖ ប្រជាពលរដ្ឋ និងអាជ្ញាធរមូលដ្ឋាន នៅក្នុងឃុំតាក្រី ស្រុកកំរៀង បានសម្ដែងនូវការសប្បាយរីករាយ ដែលរាជរដ្ឋាភិបាល តាមរយៈក្រសួងធនធានទឹក និងឧតុនិយម បានអភិវឌ្ឍនូវប្រព័ន្ធធារាសាស្ត្រ គឺទំនប់ស្ទាក់ទឹកតាក្រី ដោយពួកគេរំពឹងថា បន្ទាប់ពីសាងសង់រួចរាល់នឹងអាចនាំទឹកពីទំនប់នេះ ទៅស្រោចស្រពដំណាំកសិកម្មផ្សេងៗ និងប្រើប្រាស់ប្រចាំថ្ងៃបានគ្រប់គ្រាន់ ហើយធ្វើឲ្យជីវភាពកាន់តែល្អប្រសើរ ។លោក រស់ កប់ មេឃុំតាក្រី និងជាតំណាងឲ្យប្រជាពលរដ្ឋ បានលើកឡើងថា នៅតំបន់នេះភាគច្រើនពលរដ្ឋប្រកបរបរធ្វើស្រែ ដាំដំឡូងមី ដាំពោត ដាំស្វាយ និងដាំដំណាំហូបផ្លែមួយចំនួនទៀត ប៉ុន្តែមិនសូវមានទឹកគ្រប់គ្រាន់ សម្រាប់ស្រោចស្រពនោះទេ ។លោក បានបន្តថា នៅក្នុងឃុំនេះ ស្ថិតនៅជាប់ស្ទឹងមង្គលបុរី ប៉ុន្តែបើមិនមានទំនប់ស្ទាក់ទឹកទេនោះ ទឹកបានហូរទៅក្រោមអស់ ហើយខែរាំងស្ងួតខ្លាំង អត់មានទឹកក្នុងស្ទឹង និងនៅពេលរាជរដ្ឋាភិបាលជួយសាងសង់ទំនប់ស្ទាក់ទឹកតាក្រីនេះ ធ្វើឲ្យពួកគាត់សប្បាយរីករាយ ហើយ ពេលធ្វើរួចរាល់ អាចនឹងមានជួយកាត់បន្ថយការខ្វះខាតប្រើប្រាស់ ។លោក សុខ ដារ៉ា អនុប្រធាននាយកដ្ឋានវិស្វកម្ម នៃក្រសួងធនធានទឹក និងឧតុនិយម លើកឡើងថា ប្រព័ន្ធធារាសាស្ត្រទំនប់ស្ទាក់ទឹកតាក្រីនេះ គឺស្ថិតក្នុងភូមិសាស្ត្រឃុំតាក្រី ស្រុកកំរៀង ដោយពេលសាងសង់រួចរាល់ នឹងបម្រើដល់ការស្រោចស្រពដំណាំកសិកម្មរបស់ប្រជាពលរដ្ឋប្រមាណជាង ២ ០០០ហិកតា ។ក្នុងឱកាសចុះពិនិត្យមើលពីវឌ្ឍនភាព ការសាងសង់ទំនប់ស្ទាក់ទឹកតាក្រី ឯកឧត្តម ងួន រតនៈ អភិបាលខេត្តបាត់ដំបង បានមានប្រសាសន៍ថា គម្រោងទំនប់ស្ទាក់ទឹកតាក្រីនេះ នឹងក្លាយជាសមិទ្ធផលប្រព័ន្ធធារាសាស្ត្រថ្មីបន្ថែមមួយទៀតនៅក្នុងខេត្តបាត់ដំបង ខណៈការអភិវឌ្ឍប្រព័ន្ធស្រោចស្រពនេះ កំពុងសាងសង់នៅក្នុងស្រុកមួយចំនួន ។ឯកឧត្តម ក៏បានថ្លែងអំណរគុណដល់រាជរដ្ឋាភិបាល តាមរយៈក្រសួងធនធានទឹក និងឧតុនិយម ដែលបាននិងកំពុងអភិវឌ្ឍនូវហេដ្ឋារចនាសម្ព័ន្ធផ្សេងៗ នៅក្នុងខេត្តបាត់ដំបង ដើម្បីបម្រើដល់ផលប្រយោជន៍របស់ប្រជាពលរដ្ឋ ក្នុងការធ្វើឲ្យជីវភាពមានភាពប្រសើរ ។គួរបញ្ជាក់ថា ទំបន់ស្ទាក់ទឹកតាក្រី ចាប់ផ្ដើមសាងសង់ កាលពីថ្ងៃទី៤ ខែមិនា ឆ្នាំ២០២១ គ្រោងនឹងធ្វើឲ្យរួចរាល់ នៅខែកញ្ញា ឆ្នាំ២០២១ខាងមុខ ហើយទឹកនៅទំបន់នេះ អាចនឹងជួយស្រោចស្រពដំណាំកសិករ និងការប្រើប្រាស់ប្រចាំថ្ងៃរបស់ពលរដ្ឋនៅឃុំចំនួន២ ក្នុងស្រុកកំរៀង គឺមានឃុំតាក្រី និងឃុំថ្មដា ហើយក៏អាចបម្រើដល់ពលរដ្ឋនៅក្នុងស្រុកបវេល បានមួយផ្នែកផងដែរ ៕អត្ថបទ ៖ សុខរិទ្ធ

មន្ត្រីជំនាញ ចុះស្វែងរកអាហារចំណីខូចគុណភាព ក្នុងផ្សារនៅមណ្ឌលគិរី

មណ្ឌលគិរី ៖ ដើម្បីការពារសុខុមាលភាពជូនប្រជាពលរដ្ឋទូទៅ នាថ្ងៃទី២៤ ខែឧសភា ម្សិលមិញនេះ មន្ត្រីការពារអ្នកប្រើប្រាស់កិច្ចការប្រកួតប្រជែង និងបង្ក្រាបការក្លែងបន្លំសាខាខេត្តមណ្ឌលគិរី (ក.ប.ប.) ដោយទទួលបានការសហការពីមន្ត្រីមន្ទីរពាណិជ្ជកម្មខេត្ត បានចុះផ្សព្វផ្សាយអំពីគុណភាព សុវត្ថិភាព ម្ហូបអាហារ និងត្រួតពិនិត្យទំនិញដែលជាគ្រឿងឧបភោគបរិភោគ នៅផ្សារសែនមនោរម្យ ស្ថិតក្នុងសង្កាត់ស្ពានមានជ័យ ក្រុងសែនមនោរម្យ។មន្ត្រីសាខា ក.ប.ប ខេត្តមណ្ឌលគិរី បានឲ្យដឹងថា គោលដៅសំខាន់នៃការត្រួតពិនិត្យ គឺដើម្បីស្រាវជ្រាវទប់ស្កាត់ការចរាចរណ៍ទំនិញខូចគុណភាព ក្លែងបន្លំស្លាកសញ្ញា ផលិតផលផុតកំណត់កាលបរិច្ឆេទប្រើប្រាស់ និងមានសារធាតុគីមីហាមឃាត់ រួមទាំងអាល់កុលនៅតាមឱសថស្ថាននានាផងដែរ។ ក្នុងសកម្មភាពនេះ មន្ត្រីជំនាញបានវិភាគបឋមទៅលើគំរូម្ហូបអាហារមួយចំនួនរួមមាន ៖ សាច់ គោស្រស់ ដើម្បីស្វែងរកសារធាតុគីមីហាមឃាត់ និងអាល់កុល ដែលអាចធ្វើឱ្យប៉ះពាល់ដល់សុខភាពប្រជាពលរដ្ឋ។ ជាមួយគ្នានោះ មន្ត្រីជំនាញក៏បានត្រួតពិនិត្យរកភាពមិនអនុលោមរបស់ទំនិញនៅលើសម្បកវេចខ្ចប់។ ជាលទ្ធផល មន្ត្រីជំនាញពុំបានរកឃើញ ទំនិញដែលមានសភាពមិនប្រក្រតី ផលិតផលដែលមានសារធាតុគីមីហាមឃាត់ និងអាល់កុលក្លែងក្លាយនោះទេ។ ទន្ទឹមនឹងនោះ មន្ត្រីជំនាញក៏បានណែនាំដល់អាជីវករផ្សេងទៀតឱ្យយល់ដឹង និងអនុវត្តទៅតាមច្បាប់ស្តីពីការគ្រប់គ្រងគុណភាព សុវត្ថិភាព លើផលិតផលទំនិញ និងសេវា ព្រមទាំងច្បាប់ស្តីពីកិច្ចការពារអ្នកប្រើប្រាស់ ជៀសវាងបង្កផលប៉ះពាល់ដល់សុខភាព និងអាចប្រឈមចំពោះមុខច្បាប់ថែមទៀត។មន្ត្រីសាខា ក.ប.ប ខេត្ត ក៏បានណែនាំដល់អាជីវករទាំងអស់ ត្រូវរក្សាទុកទំនិញឲ្យមានសណ្តាប់ធ្នាប់ល្អ និងពិនិត្យមើលកាលបរិច្ឆេទមុននឹងទិញទំនិញមកលក់បន្ត និងការទទួលខុសត្រូវតាមផ្លូវច្បាប់ របស់អ្នកលក់អំពីផលិតផលទំនិញម្ហូបអាហាររបស់ខ្លួន និងជាពិសេសត្រូវប្រកាន់ខ្ជាប់នូវអនាម័យជានិច្ច តាមការណែនាំរបស់រាជរដ្ឋាភិបាល និងក្រសួងសុខាភិបាល ដោយពាក់ម៉ាស និងលាងដៃឲ្យបានញឹកញាប់ រក្សាគម្លាត និងមិនត្រូវប្រមូលផ្តុំគ្នាច្រើន ដើម្បីរួមគ្នាការពារជំងឺកូវីដ-១៩ ទាំងអស់គ្នា៕អត្ថបទ ៖ អ៊ិត ភីរុន

ពលរដ្ឋជាង ៧៧ម៉ឺននាក់ ក្នុងខណ្ឌ៦នៅរាជធានីភ្នំពេញ ទទួលបានវ៉ាក់សាំងផ្ដល់ដោយក្រសួងការពារជាតិ

ភ្នំពេញ៖ ក្រសួងការពារជាតិ អះអាងថា ប្រជាពលរដ្ឋនៅរាជធានីភ្នំពេញដល់ទៅជាង ៧៧ម៉ឺននាក់ហើយ បានទទួលការចាក់វ៉ាក់សាំងបង្ការជំងឺកូវីដ-១៩ នៅក្នុងយុទ្ធនាការរយៈពេល ២៤ថ្ងៃកន្លងមកនេះ។ក្រសួងការពារជាតិបានឱ្យដឹងបែបនេះនៅក្នុងរបាយការណ៍ប្រចាំថ្ងៃរបស់អនុគណៈកម្មការចំពោះកិច្ចការចាក់វ៉ាក់សាំងបង្ការជំងឺកូវីដ-១៩ ដែលស្ថិតក្រោមការដឹកនាំរបស់ក្រសួងមួយនេះ។បើតាមរបាយការណ៍ដដែលនេះ ប្រជាពលរដ្ឋជាង ៧៧ម៉ឺននាក់ នៅក្នុងខណ្ឌចំនួន ៦នៅរាជធានីភ្នំពេញ បានទទួលវ៉ាក់សាំងយ៉ាងហោចណាស់ដូសទី១រួចមកហើយ។របាយការណ៍នេះ ឱ្យដឹងទៀតថា ពលរដ្ឋជាង ៣៨ម៉ឺននាក់ហើយ បានទទួលការចាក់វ៉ាក់សាំងទាំងពីរដូសរួចរាល់ហើយ។ក្រសួងការពារជាតិ បានឱ្យដឹងផងដែរថា ក្រសួងបានផ្ដល់វ៉ាក់សាំងដល់ប្រជាពលរដ្ឋសរុបដល់ទៅជាង ១លាន ៧ម៉ឺននាក់ហើយនៅទូទាំងប្រទេស ក្នុងនោះពលរដ្ឋជាង ៦៦ម៉ឺននាក់បានទទួលការចាក់វ៉ាក់សាំងទាំងពីរដូសរួចរាល់ហើយនៅក្នុងការអនុវត្តយុទ្ធនាការចាក់វ៉ាក់សាំងទូទាំងប្រទេសកន្លងមកនេះ៕

កម្ពុជាចាក់វ៉ាក់សាំងជូនពលរដ្ឋបានជិត២.៣លាននាក់ហើយ សម្រេចបានជិត២៣% នៃគោលដៅរាជរដ្ឋាភិបាល

ភ្នំពេញ៖ គណៈកម្មការចំពោះកិច្ចការចាក់វ៉ាក់សាងបង្ការជំងឺកូវីដ-១៩ បានឱ្យដឹងថា ប្រជាពលរដ្ឋដល់ទៅជិត ២លាន ៣០ម៉ឺននាក់ហើយបានទទួលវ៉ាក់សាំងនៅក្នុងយុទ្ធនាការចាក់វ៉ាក់សាំងទូទាំងប្រទេសរយៈពេលជាង១០០ថ្ងៃកន្លងមកនេះ។គណៈកម្មការចំពោះកិច្ចការចាក់វ៉ាក់សាងបង្ការជំងឺកូវីដ-១៩ បានឱ្យដឹងបែបនេះនៅក្នុងរបាយការណ៍ប្រចាំថ្ងៃស្ដីពីលទ្ធផលនៃការចាក់វ៉ាក់សាំងជូនប្រជាពលរដ្ឋ។របាយការណ៍ដដែលនេះ បានឱ្យដឹងថា ប្រជាពលរដ្ឋជាង ២លាន ២៨ម៉ឺននាក់ហើយ បានទទួលការចាក់វ៉ាក់សាំង ក្នុងនោះប្រជាពលរដ្ឋដល់ទៅជាង ១លាន ៦៤ម៉ឺននាក់ បានទទួលវ៉ាក់សាំងទាំងពីរដូសរួចរាល់ហើយ។គណៈកម្មការ បញ្ជាក់ថា ដំណើរការចាក់វ៉ាក់សាំងជូនប្រជាពលរដ្ឋ សម្រេចបាន ២២.៨១ភាគរយហើយនៅក្នុងចំណោមពលរដ្ឋចំនួន ១០លាននាក់ ដែលរាជរដ្ឋាភិបាលកំណត់ឱ្យទទួលបានវ៉ាក់សាំងនៅត្រឹមឆ្នាំ២០២១នេះ។នៅក្នុងរយៈពេល ១០៤ថ្ងៃកន្លងមកនេះ យុទ្ធនាការចាក់វ៉ាក់សាំងទូទាំងប្រទេស បានទទួលពលរដ្ឋស្ម័គ្រចិត្តចាក់វ៉ាក់សាំងដល់ទៅជាង ២លាន ៣៣ម៉ឺននាក់ ប៉ុន្តែ ប្រជាពលរដ្ឋជិត ៥ម៉ឺននាក់ មិនត្រូវបានអនុញ្ញាតឱ្យចាក់វ៉ាក់សាំងនោះឡើយដោយសារបញ្ហាសុខភាពរបស់ពួកគេ។កម្ពុជាបានចាប់ផ្ដើមយុទ្ធនាការចាក់វ៉ាក់សាំងជូនប្រជាពលរដ្ឋរបស់ខ្លួននៅទូទាំងប្រទេសដើម្បីបង្ការជំងឺកូវីដ-១៩ ចាប់តាំងពីថ្ងៃទី១០ ខែកុម្ភៈកន្លងមកនេះ ដោយដំណើរការបាន ១០៤ថ្ងៃរួចមកហើយ៕

សៀមរាប បណ្ដាញខ្សែកាបក្រោមដី ជាផ្នែកមួយនៃគម្រោងរៀបចំទីក្រុងស្អាត និងឆ្លាតវៃ !

សៀមរាប ៖ ខ្សែកាបអាកាសពុំមានទៀតទេ ខណៈហេដ្ឋារចនាសម្ព័ន្ធផ្លូវ៣៨ខ្សែត្រូវបានបញ្ចប់ ដោយជោគជ័យ ដើម្បីបង្កើតសោភ័ណភាពថ្មី នៃក្រុងទេសចរណ៍វប្បធម៌ប្រវត្តិសាស្ត្រសៀមរាប អង្គរនៃកម្ពុជា ។នៅព្រឹកថ្ងៃទី២៤ ខែឧសភា ឆ្នាំ២០២១ អនុវត្តគម្រោងផែនការដោយមន្ទីរប្រៃសណីយ៍ និងទូរគមនាគមន៍ខេត្តសៀមរាប នៅតាមបណ្តោយផ្លូវសម្តេចសង្ឃ ទេព វង្ស នៃក្រុងសៀមរាប ចាប់ពីចំណុចស្ពានវត្តរាជបួណ៌ រហូតដល់ស្តុបផ្សារកណ្តាល ការដ្ឋានរៀបចំសណ្ដាប់ធ្នាប់សោភ័ណភាពបណ្តាញខ្សែកាបអាកាស កំពុងបានដំណើរការ ដោយមានកិច្ចសហការជាមួយក្រុមការងារនៃរដ្ឋបាលខេត្ត និងមន្ទីរអង្គភាពពាក់ព័ន្ធ។លោកស្រី យូ សុភា អភិបាលរងខេត្តសៀមរាប បានលើកឡើងថា រដ្ឋបាលខេត្តសៀមរាប បានអនុវត្តគម្រោងរៀបចំនិងប្រើប្រាស់បណ្តាញបំពង់ខ្សែកាបអុបទិក ក្រោមដី តាំងពីឆ្នាំ២០១៨ ក្នុងគោលដៅលុបបំបាត់ទាំងស្រុង ការប្រើប្រាស់បណ្តាញទូរគមនាគមន៍ខ្សែកាប អាកាស ដែលវាមានផលប៉ះពាល់ទាំងផ្នែកបច្ចេកទេស និងសោភ័ណភាពផងដែរ។ នៅក្នុងគម្រោងផែនការទាំងនោះ គឺត្រូវអនុវត្តនៅលើបណ្តាផ្លូវចំនួន២៤ខ្សែក្នុងក្រុងសៀមរាប ដែលស្មើនឹងប្រហែលជា ១៥០គីឡូម៉ែត្រ ហើយគម្រោងទាំងនោះ វាគឺជាផ្នែកមួយ នៃការកសាងសម្បទាក្រុងសៀមរាប-អង្គរ ឲ្យក្លាយជាទីក្រុងឆ្លាត នៃតំបន់ទេសចរណ៍វប្បធម៌ប្រវត្តិសាស្ត្រកម្ពុជា នាថ្ងៃអនាគត។លោក សុខ សីហា ប្រធានមន្ទីរប្រៃសណីយ៍ និងទូរគមនាគមន៍ខេត្ដសៀមរាប បញ្ជាក់ឲ្យដឹងថា ការអនុវត្តគម្រោងផែនការទាំងនោះ នៅក្នុងឆ្នាំ២០១៨ និងដើមឆ្នាំ២០១៩ ខ្សែកាប អាកាសដែលស្ថិតនៅលើដងផ្លូវចំនួន១៤ខ្សែ ស្មើនឹងប្រហែលជា៧០គីឡូម៉ែត្រ ត្រូវបានកាត់ផ្តាច់បោសសំអាត១០០% និងដាក់ឲ្យដំណើរការតាមបំពង់បណ្តាញបង្កប់ក្រោមដី។ យ៉ាងណាក៏ដោយ លទ្ធផលសម្រេចទាំងនោះ អាចនិយាយបានថា ប្រហែលជា៥០% នៃផែនការសរុប មកដល់ពេលនេះ កំពុងស្ថិតក្នុងដំណាក់កាលនៃការសង្គ្រោះប្រើប្រាស់ និងត្រូវបានកែលម្អកន្លងបង្កប់ថ្មី ឲ្យស្របតាមប្លង់មេនៃកិច្ចដំណើរការស្ថាបនាផ្លូវអភិវឌ្ឍន៍ ក្រុងសៀមរាប ៣៨ខ្សែ។ មន្ត្រីជំនាញព្យាករណ៍ថា បណ្តាញទូរគមនាគមន៍ក្រោមដី នឹងត្រូវបានសម្រេចលទ្ធផលជាស្ថាពរ១០០% ស្របជាមួយគ្នានឹងការរៈឡើងនៃទីក្រុងឆ្លាត ក្រោយការបញ្ចប់ការដ្ឋានហេដ្ឋារចនាសម្ព័ន្ធផ្លូវ៣៨ខ្សែ និងក្រោយវិបត្តិកូវីដ-១៩។គួរបញ្ជាក់ដែរថា ខេត្ដសៀមរាប មានក្រុមហ៊ុនចំនួន១១ កំពុងប្រើប្រាស់បណ្តាញខ្សែកាបទាំងនោះ ហើយក៏មានក្រុមហ៊ុនចំនួន២ក្រុមហ៊ុនផងដែរ ដែលបានទទួលអាជ្ញាប័ណ្ណជីកកប់បំពង់កាបទូរគមនាគមន៍ក្រោមដី រួមមាន ទូរគមនាគមន៍កម្ពុជា TC របស់រដ្ឋ និងក្រុមហ៊ុន Cambodia Fiber Optic Communication Network (CFOCN )៕អត្ថបទ ៖ គឹម ឡេង

ពលរដ្ឋក្នុងខណ្ឌចំនួន ៣បន្ថែមទៀត នឹងទទួលបានវ៉ាក់សាំងការពារជំងឺ Covid-19

ភ្នំពេញ ៖ ពលរដ្ឋដែលមានអាយុចាប់ពី ១៨ ឆ្នាំឡើងទៅ ក្នុងខណ្ឌចំការមន ខណ្ឌ៧មករា និងខណ្ឌច្បារអំពៅ នឹងទទួលបានការចាក់វ៉ាក់សាំងការពារជំងឺ Covid-19 ក្នុងក្របខណ្ឌទូទាំងរាជធានីភ្នំពេញ សម្រាប់ដូសទី១ ដែលនឹងចាប់ផ្តើមពីថ្ងៃទី២៥ ខែឧសភា ស្អែកនេះ រហូតដល់ថ្ងៃទី៧ ខែមិថុនា ឆ្នាំ២០២១ សម្រាប់ដូសទី២ នឹងចាប់ផ្តើមពីថ្ងៃទី៨ ខែមិថុនា រហូតដល់ថ្ងៃទី២១ ខែមិថុនា ឆ្នាំ២០២១ខាងមុខ តាមការអញ្ជើញរបស់អាជ្ញាធរមូលដ្ឋាន ដែលបានកំណត់ទីតាំងជូន ។នេះបើយោងតាមសេចក្តីជូនដំណឹងរបស់រដ្ឋបាលរាជធានីភ្នំពេញ ដែលបានប្រកាសកាលពីថ្ងៃទី២៣ ខែមិថុនា ម្សិលមិញនេះ ។ក្នុងសេចក្តីជូនដំណឹង បានបញ្ជាក់ជូនថា ចំពោះបងប្អូនប្រជាពលរដ្ឋទាំងឡាយណា ដែលមានបញ្ហាសុខភាពដូចជា ក្តៅខ្លួន ក្អក កណ្តាស់ ផ្តាសាយ ពិបាកដកដង្ហើម ឬរោគសញ្ញាផ្សេងៗទៀត សូមអញ្ជើញទៅយកសំណាកវិភាគមេរោគ Covid-19 ជាមុនសិន ចៀសវាងប៉ះពាល់ក្រុមគ្រូពេទ្យ ប្រជាពលរដ្ឋដទៃ និងដំណើរការនៃការចាក់វ៉ាក់សាំងការពារជំងឺ Covid-19 ក្នុងមូលដ្ឋាននីមួយៗ ។ទន្ទឹមនឹងនេះ រដ្ឋបាលរាជធានីភ្នំពេញ សូមក្រើនរំលឹក និងអំពាវនាវសារជាថ្មីម្តងទៀត ដល់បងប្អូនប្រជាពលរដ្ឋទាំងអស់ ដែលត្រូវទៅទទួលយកវ៉ាក់សាំងការពារជំងឺ Covid-19 ត្រូវរក្សាអោយបានដាច់ខាតនូវគម្លាតសុវត្ថិភាពសង្គម ពាក់ម៉ាស់ តម្រង់ជួរ ចៀសវាងការឈរប្រជ្រៀតគ្នា កៀកគ្នា ណែនណាន់តាន់តាប់ ដោយត្រូវប្រកាន់ខ្ជាប់ការចូលរួមអនុវត្តវិធានការសុខាភិបាល និងវិធានការ ៣ការពារ ៣កុំ របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ឈរលើស្មារតីស្រឡាញ់ជាតិ សហគមន៍ គ្រួសារ និងអាយុជីវិតផ្ទាល់ខ្លួន ក្នុងឆន្ទៈរួមគ្នាជាធ្លូងមួយ ដើម្បីឈានទៅកាន់ផ្តាច់ និងលុបបំបាត់ការឆ្លងរាលដាលជំងឺ Covid-19 ក្នុងព្រឹត្តិការណ៍សហគមន៍ ២០កុម្ភៈ អោយបានឆាប់ៗ នាពេលខាងមុខ ៕អត្ថបទ ៖ ជៀប សម្បត្តិ

មន្ទីរពេទ្យព្រះអង្គឌួង គ្រោងដាក់ដំណើរការអគារសង្គ្រោះបន្ទាន់ព្យាបាលអ្នកជំងឺកូវីដ-១៩

ភ្នំពេញ ៖ ឯកឧត្តម សាស្ត្រាចារ្យ ម៉ម ប៊ុនហេង រដ្ឋមន្ត្រីក្រសួងសុខាភិបាល ព្រឹកថ្ងៃទី២៤ ខែឧសភា ឆ្នាំ២០២១នេះ បានអញ្ជើញចុះពិនិត្យ មន្ទីរពេទ្យព្រះអង្គឌួង គ្រោងដាក់ដំណើរការអគារសង្គ្រោះបន្ទាន់ព្យាបាលអ្នកជំងឺកូវីដ-19 នាពេល ខាងមុខនេះ។ឯកឧត្តម សាស្ត្រាចារ្យ ម៉ម ប៊ុនហេង បានថ្លែងថា ការរៀបចំបន្ថែមអគារសង្គ្រោះបន្ទាន់ព្យាបាលជំងឺកូវីដ-១៩នេះ គឺជាការប្រតិបត្តិនូវគោលនយោបាយរបស់រាជរដ្ឋាភិបាល ដោយសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រី្ត បានសម្រេចឲ្យរៀបចំនូវសេវាជួយសង្គ្រោះបន្ទាន់លើផ្នែកអុកហ្ស៊ីហ្សែន ចំពោះអ្នកជំងឺធ្ងន់។ ដូច្នេះក្រៅពីមនី្ទរពេទ្យមិត្តភាពខ្មែរ-សូវៀត ក្រសួងសុខាភិបាល បានពង្រីករួចហើយចំនួន១៥០គ្រែ និងមណ្ឌលថែទាំព្យាបាលជំងឺកូវីដ១៩ សែនសុខ២ ចំនួន១០០គ្រែ និងមណ្ឌលសុខភាពចាក់អង្រែ ចំនួន១០០គ្រែ។ ដោយឡែកសម្រាប់មនី្ទរពេទ្យអង្គឌួង ដែលគ្រោងដាក់ដំណើរការអគារសង្គ្រោះបន្ទាន់ព្យាបាលអ្នកជំងឺកូវីដ-១៩ មានចំនួន៣៥គ្រែ និងក្រុមគ្រូពេទ្យសម្រាប់ ព្យាបាលជំងឺកូវីដ១៩ មានចំនួន៦០នាក់ផងដែរ។ បញ្ហាជំងឺកូវីដ១៩ មិនទាន់មានការថមថយ ខណៈដែលក្រសួងសុខាភិបាលបន្តបង្កើនការប្រុងប្រយ័ត្នជានិច្ច ដូចជាការពង្រីកទីតាំងបន្ថែមសម្រាប់ពិនិត្យព្យាបាលជំងឺកូវីដ១៩ ទាំងកម្រិតស្រាល កម្រិតមធ្យម និងកម្រិតធ្ងន់ និងរាជរដ្ឋាភិបាល បានចាក់វ៉ាក់សាំងបង្ការជំងឺកូវីដ១៩ ជូនប្រជាពលរដ្ឋ ដែលជាទូទៅអ្នកឆ្លងជំងឺកូវីដ១៩ ដែលចាក់វ៉ាក់សាំងរួច មិនសូវស្ថិតក្នុងសភាពធ្ងន់ធ្ងរនោះទេ៕អត្ថបទ រដ្ឋា

ប្រធានក្រុមការងារ ចុះជួយឃុំក្នុងខេត្តស្វាយរៀង ស្នើឱ្យពលរដ្ឋបង្កើនការចូលរួមទប់ស្កាត់ជំងឺកូវីដ-១៩

ស្វាយរៀង ៖ ប្រធានក្រុមការងារចុះជួយឃុំ ក្នុងខេត្តស្វាយរៀង បានអំពាវនាវឱ្យពលរដ្ឋបង្កើនការចូលរួមទប់ស្កាត់ ការឆ្លងរាលដាលជំងឺកូវីដ-១៩ ខណៈវាបាននឹងកំពុងឆ្លងរាលដាលច្រើនគួរឱ្យព្រួយបារម្ភ ក្នុងចំណោមកម្មកររោងចក្រ ក្នុងក្រុងបាវិត។លោក ប៉ាង ឡេង ប្រធានក្រុមការងាររាជរដ្ឋាភិបាល ចុះជួយឃុំសំឡី ស្រុកកំពង់រោទិ៍ ខេត្តស្វាយរៀង ក្នុងពិធីផ្ដល់ស្បៀងរបស់រាជរដ្ឋាភិបាល ជូនអតីតយុទ្ធជន និងគ្រួសារ ចំនួន៣០គ្រួសារ នៅក្នុងឃុំសំឡី ស្រុកកំពង់រោទិ៍ កាលពីម្សិលមិញ បានអំពាវនាវដល់ប្រជាពលរដ្ឋ បន្តអនុវត្តវិធានការសុខាភិបាល ពិសេស វិធានករ ៣ការពារ និង ៣កុំ ឱ្យបានខ្ជាប់ខ្ជួន ដើម្បីចូលរួមទប់ស្កាត់ការឆ្លងរាលដាលជំងឺកូវីដ១៩ ចូលសហគមន៍ ខណៈដែលជំងឺនេះ បាននឹងកំពុងផ្ទុះ និងចម្លងក្នុងចំណោមកម្មករ កម្មការិនី ដែលជាកូន ជាចៅ នៅក្នុង និងនៅជិតៗមូលដ្ឋាននេះ។លោក បានបន្តថា ជំងឺកូវីដ១៩ ជាជំងឺ ដែលសកលលោក បាននឹងកំពុងយកចិត្តទុកដាក់កម្ចាត់ ដូច្នេះក្នុងនាមជាប្រជាពលរដ្ឋ ត្រូវតែមានកាតព្វកិច្ចចូលរួមកម្ចាត់ជំងឺនេះផងដែរ ដោយប្រកាន់ខ្ជាប់នូវវិធានការសុខាភិបាល មិនត្រូវចេញទៅណាផ្ដេសផ្ដាស និងកុំជួបជុំគ្នាច្រើន ក្នុងករណីមិនចាំបាច់ ដោយ ងាកមកប្រើពេលវេលានេះ គិតគូរដាំដុះបន្លែបង្ការ ចិញ្ចឹមសត្វ ដើម្បីហូបចុក និងបម្រើទីផ្សារ ដើម្បីបង្កើនប្រាក់ចំណូលគ្រួសារ។តំណាងគ្រួសារអតីតយុទ្ធជន ដែលបានទទួលអំណោយរាជរដ្ឋាភិបាល បានថ្លែងអំណរគុណចំពោះប្រមុខរាជរដ្ឋាភិបាល សម្តេចតេជោ ហ៊ុន សែន នាយករដ្ឋមន្ត្រី និងជាប្រធានសហគមន៍អតីតយុទ្ធជនកម្ពុជា ដែលបានបន្តគិតគូរឧបត្ថម្ភស្បៀងអាហារ សម្ភារប្រើប្រាស់ ពិសេសប្រាក់បៀរវត្សរ៍ប្រចាំខែ បានទាន់ពេលដល់ពួកគេ។លោក ប៉ែន សុវណ្ណនី ប្រធានមន្ទីរសង្គមកិច្ច អតីតយុទ្ធជន និងយុវនីតិសម្បទា ខេត្តស្វាយរៀង បានបញ្ជាក់អំពីការយកចិត្តទុកដាក់របស់រាជរដ្ឋាភិបាលចំពោះអតីតយុទ្ធជន និងគ្រួសារមានគុណបំណាច់។ក្នុងរយៈពេលប៉ុន្មានថ្ងៃចុងក្រោយនេះ នៅក្នុងតំបន់សេដ្ឋកិច្ចពិសេស មួយចំនួន ក្នុងក្រុងបាវិត បានរងនូវការគំរាមកំហែងដោយជំងឺកូវីដ-១៩ ដែលបាននឹងកំពុងឆ្លងរាលដាលលើកម្មកររោងចក្រ ដែល ក្នុងមួយថ្ងៃ គឺរហូតដល់ជិត១០០នាក់៕អត្ថបទ៖ ភា សារិត

បណ្ដាញសង្គម

ព័ត៌មានថ្មីៗ

បេសកជន៖ អាមេរិកពន្លឿនការបញ្ជូនសព្វាវុធប៉ាទ្រីយ៉ូតទៅឲ្យអ៊ុយក្រែនក្រោមកិច្ចព្រមព្រៀងជាមួយណាតូ

[UPDATE] អ្នកស្លាប់ក្នុងទឹកជំនន់នៅកូរ៉េខាងត្បូង ឡើងដល់៤នាក់ និងជាង១.០០០នាក់ ត្រូវបានជម្លៀស ក្រោយភ្លៀងធ្លាក់ខ្លាំងបំផុតមិនធ្លាប់មានក្នុងរយៈពេល១២០ឆ្នាំ

អ៊ុយក្រែន ស្នើផ្តល់សមរភូមិជួរមុខរបស់ខ្លួនធ្វើជាទីតាំងសាកល្បងសម្រាប់អាវុធបរទេស

[UPDATE] ចំនួនអ្នកស្លាប់ក្នុងទឹកជំនន់រដូវមូសុងនៅប៉ាគីស្ថាន ឡើងដល់ប្រហែល១៨០នាក់ក្រោយអ្នកស្លាប់ថ្មី៥៤នាក់

អាជ្ញាធរខេត្តឧត្តរមានជ័យ បង្ក្រាបបទល្មើសអនឡាញ ៩កន្លែង ឃាត់ជនសង្ស័យជាង ១០០នាក់

សម្តេចពិជ័យសេនា៖ ការរៀបចំតំបន់ប្រវត្តិសាស្រ្តយោធាពិតជាមានសារៈសំខាន់បំផុត ដើម្បីកូនខ្មែរចងចាំ

ចាប់ពីថ្ងៃទី២៧ ខែមិថុនាដល់ថ្ងៃទី១៦ ខែកក្កដានេះ គ.ប.ឆ.ប. បង្រ្កាប ONLINESCAMS ២០ទីតាំងឃាត់ខ្លួនជនសង្ស័យ ១.៣៦២ នាក់ ក្នុងនោះជនជាតិវៀតណាម ៣៤៧នាក់

រាជរដ្ឋាភិបាលបានកំណត់តម្លៃនិងតួនាទីព្រៃឈើ ដោយមិនកាត់ផ្តាច់ចេញពីវិស័យអាទិភាពរបស់រដ្ឋ

ឯកឧត្តមឧបនាយករដ្ឋមន្ត្រី ប្រាក់ សុខុន អញ្ជើញធ្វើបាឋកថាស្តីពី «សភាពការណ៍អន្តរជាតិ និងនយោបាយការបរទេសរបស់កម្ពុជា» ចែករំលែកដល់សិស្សមន្ត្រីសាលាភូមិន្ទរដ្ឋបាល

ក្រសួងការងារបដិសេធចំពោះជនខិលខូចប្រើប្រាស់រូប និងឈ្មោះ ឯកឧត្តម ហេង សួរ ក្នុងចេតនាឆបោកសាធារណជន

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

អាជីវករមួយចំនួនភ្ជាប់ QR Code ទូទាត់ថ្លៃទិញទំនិញតាមប្រព័ន្ធធនាគារដើម្បីការពារការឆ្លងកូវីដ-១៩

សមាជិកសភាវ័យក្មេងកម្ពុជា-ចិន ពិភាក្សាផ្លាស់ប្តូរទស្សនៈក្នុងវិស័យនយោបាយនិងសេដ្ឋកិច្ច

ពលរដ្ឋ និងអាជ្ញាធរមូលដ្ឋាន រំពឹងទំនប់ស្ទាក់ទឹកតាក្រី នឹងជួយកាត់បន្ថយការខ្វះទឹកប្រើប្រាស់

មន្ត្រីជំនាញ ចុះស្វែងរកអាហារចំណីខូចគុណភាព ក្នុងផ្សារនៅមណ្ឌលគិរី

ពលរដ្ឋជាង ៧៧ម៉ឺននាក់ ក្នុងខណ្ឌ៦នៅរាជធានីភ្នំពេញ ទទួលបានវ៉ាក់សាំងផ្ដល់ដោយក្រសួងការពារជាតិ

កម្ពុជាចាក់វ៉ាក់សាំងជូនពលរដ្ឋបានជិត២.៣លាននាក់ហើយ សម្រេចបានជិត២៣% នៃគោលដៅរាជរដ្ឋាភិបាល

សៀមរាប បណ្ដាញខ្សែកាបក្រោមដី ជាផ្នែកមួយនៃគម្រោងរៀបចំទីក្រុងស្អាត និងឆ្លាតវៃ !

ពលរដ្ឋក្នុងខណ្ឌចំនួន ៣បន្ថែមទៀត នឹងទទួលបានវ៉ាក់សាំងការពារជំងឺ Covid-19

មន្ទីរពេទ្យព្រះអង្គឌួង គ្រោងដាក់ដំណើរការអគារសង្គ្រោះបន្ទាន់ព្យាបាលអ្នកជំងឺកូវីដ-១៩

ប្រធានក្រុមការងារ ចុះជួយឃុំក្នុងខេត្តស្វាយរៀង ស្នើឱ្យពលរដ្ឋបង្កើនការចូលរួមទប់ស្កាត់ជំងឺកូវីដ-១៩

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

សមាជិកសភា​វ័យក្មេង​កម្ពុជា​-​ចិន ​ពិភាក្សា​ផ្លាស់​ប្តូរ​ទស្សនៈ​ក្នុង​វិស័យ​នយោបាយ​និង​សេដ្ឋកិច្ច

ពលរដ្ឋ និង​អាជ្ញាធរ​មូលដ្ឋាន រំពឹង​ទំនប់​ស្ទាក់​ទឹក​តា​ក្រី នឹង​ជួយ​កាត់បន្ថយ​ការខ្វះ​ទឹក​ប្រើប្រាស់

មន្ត្រី​ជំនាញ​ ចុះ​ស្វែងរក​អាហារ​ចំណី​ខូចគុណភាព ​ក្នុង​ផ្សារ​នៅ​មណ្ឌលគិរី​

កម្ពុជា​ចាក់​វ៉ាក់សាំង​ជូន​ពលរដ្ឋ​បាន​ជិត២.៣​លាន​នាក់​ហើយ សម្រេច​បាន​ជិត​២៣​%​ នៃ​គោលដៅ​រាជ​រដ្ឋាភិបាល

សៀមរាប ​បណ្ដាញ​ខ្សែកាប​ក្រោម​ដី ​ជា​ផ្នែក​មួយ​នៃ​គម្រោង​រៀបចំ​ទីក្រុង​ស្អាត​ និង​ឆ្លាត​វៃ !

ពលរដ្ឋ​ក្នុង​ខណ្ឌ​ចំនួន ៣បន្ថែមទៀត នឹង​ទទួល​បាន​វ៉ាក់សាំង​ការពារ​ជំងឺ Covid-19

មន្ទីរពេទ្យ​ព្រះអង្គ​ឌួង ​គ្រោង​ដាក់​ដំណើរការ​អគារ​សង្គ្រោះ​បន្ទាន់​ព្យាបាល​អ្នកជំងឺ​កូ​វីដ​-១៩

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

សមាជិកសភាវ័យក្មេងកម្ពុជា-ចិន ពិភាក្សាផ្លាស់ប្តូរទស្សនៈក្នុងវិស័យនយោបាយនិងសេដ្ឋកិច្ច

ពលរដ្ឋ និងអាជ្ញាធរមូលដ្ឋាន រំពឹងទំនប់ស្ទាក់ទឹកតាក្រី នឹងជួយកាត់បន្ថយការខ្វះទឹកប្រើប្រាស់

មន្ត្រីជំនាញ ចុះស្វែងរកអាហារចំណីខូចគុណភាព ក្នុងផ្សារនៅមណ្ឌលគិរី

កម្ពុជាចាក់វ៉ាក់សាំងជូនពលរដ្ឋបានជិត២.៣លាននាក់ហើយ សម្រេចបានជិត២៣% នៃគោលដៅរាជរដ្ឋាភិបាល

សៀមរាប បណ្ដាញខ្សែកាបក្រោមដី ជាផ្នែកមួយនៃគម្រោងរៀបចំទីក្រុងស្អាត និងឆ្លាតវៃ !

ពលរដ្ឋក្នុងខណ្ឌចំនួន ៣បន្ថែមទៀត នឹងទទួលបានវ៉ាក់សាំងការពារជំងឺ Covid-19

មន្ទីរពេទ្យព្រះអង្គឌួង គ្រោងដាក់ដំណើរការអគារសង្គ្រោះបន្ទាន់ព្យាបាលអ្នកជំងឺកូវីដ-១៩