BTV NEWS

សម្ដេចធិបតី ដឹកនាំគណៈប្រតិភូចូលក្រាបបង្គំគាល់ព្រះករុណា ព្រះមហាក្សត្រ ទូលថ្វាយលទ្ធផលចុះបញ្ជីបូជនីយដ្ឋានចងចាំនៃកម្ពុជា ក្នុងបញ្ជីបេតិកភណ្ឌពិភពលោក

សភាតំណាងប្រជាជនចិនចាត់ទុកសម្តេចតេជោ ជាតួអង្គសំខាន់បន្តពីព្រះបរមរតនកោដ្ឋក្នុងការពូនជ្រំទំនាក់ទំនងរវាងកម្ពុជា និងចិន

សម្តេចតេជោអនុញ្ញាតឱ្យសមាជិកគណៈកម្មាធិការអចិន្ត្រៃយ៍សភាប្រជាជនចិនជួបសម្តែងការគួរសម

ក្រុមការងារបច្ចេកទេសអន្តរក្រសួងបន្តចុះកំណត់និយាមកា និងបោះបង្គោលព្រំដីតាមបណ្តោយព្រែកជីកហ្វូណនតេជោ សម្រាប់កំណាត់ទី២ ក្នុងភូមិសាស្រ្តខេត្តកំពត

នយោបាយ និង ការអភិវឌ្ឍន៍

លោកជំទាវ ពេជ្រ ច័ន្ទមុន្នី បញ្ជាក់ថា អ្នកជំងឺកូវីដ-១៩ចំនួន៨៣៤នាក់ នៅមណ្ឌលព្យាបាលកោះពេជ្រ បានជាសះស្បើយ

ភ្នំពេញ៖ លោកជំទាវ ពេជ្រ ច័ន្ទមុន្នី អនុប្រធានក្រុមប្រឹក្សាភិបាលសមាគមគ្រូពេទ្យស្ម័គ្រចិត្តសម្ដេចតេជោ បានបញ្ជាក់ថា អ្នកជំងឺកូវីដ-១៩ដល់ទៅ ៨៣៤នាក់ ត្រូវបានព្យាបាលជាសះស្បើយកាលពីថ្ងៃទី២៧ ខែមេសា ម្សិលមិញនេះ។លោកជំទាវ ពេជ្រ ច័ន្ទមុន្នី ភរិយារបស់ឯកឧត្ដម ហ៊ុន ម៉ាណែត មេបញ្ជាការកងទ័ពជើងគោកកម្ពុជា បានបញ្ជាក់បែបនេះនៅលើទំព័រហ្វេសប៊ុករបស់លោកជំទាវកាលពីយប់មិញនេះ។លោកជំទាវ ពេជ្រ ច័ន្ទមុន្នី បានរៀបរាប់ថា៖ «ថ្ងៃនេះព្រះចន្ទរះពេញវង់ល្អណាស់ ហើយក៏ជាថ្ងៃដែលល្អពីព្រោះអ្នកជំងឺដែលកំពុងព្យាបាលនៅមណ្ឌលព្យាបាល Covid កោះពេជ្រចំនួន ៨៣៤នាក់ បានជាសះស្បើយ និងត្រូវធ្វើចត្តាឡីស័កបន្តនៅផ្ទះចំនួន ១៤ថ្ងៃបន្តទៀត»។លោកជំទាវ ពេជ្រ ច័ន្ទមុន្នី បានផ្ដាំផ្ញើទៅអ្នកជាសះស្បើយទាំងអស់ ឱ្យបន្តធ្វើចត្តាឡីស័កនៅផ្ទះបន្ថែមទៀត អនុវត្តតាមដំបូន្មានរបស់គ្រូពេទ្យ និងត្រូវវិលត្រឡប់ទៅផ្ដល់សំណាកវិញ ១៣ថ្ងៃក្រោយពីចាកចេញពីមណ្ឌលព្យាបាលនេះ។លោកជំទាវ បានថ្លែងអំណរគុណដល់ក្រុមគ្រូពេទ្យទាំងអស់នៃក្រុមគ្រូពេទ្យស្ម័គ្រចិត្តសម្ដេចតេជោ ដែលបានយកចិត្តទុកដាក់ថែទាំព្យាបាលដោយយកចិត្តទុកដាក់ និងកងកម្លាំងដែលបានខិតខំប្រឹងប្រែងការពារ រៀបចំ និងសម្រួលសណ្ដាប់ធ្នាប់នៅមណ្ឌលព្យាបាលកោះពេជ្រនេះ៕

សេដ្ឋកិច្ចប្រទេសកម្ពុជា ត្រូវបានព្យាករថា នឹងកើនឡើង ៤,០% នៅឆ្នាំនេះ

ភ្នំពេញ ៖ សេដ្ឋកិច្ចប្រទេសកម្ពុជា ត្រូវបានព្យាករថា នឹងកើនឡើង ៤,០% នៅឆ្នាំនេះ និង ៥,៥% ក្នុងឆ្នាំ ២០២២ ដោយសារការ ងើបឡើង វិញ នៃសេដ្ឋកិច្ចប្រទេសដៃគូពាណិជ្ជកម្មសំខាន់ៗ ដែលជួយជំរុញតម្រូវការ សម្រាប់ការនាំចេញរបស់ ប្រទេសកម្ពុជា។ នេះបើយោងតាមរបាយការណ៍របស់ធនាគារអភិវឌ្ឍន៍អាស៊ី ចេញផ្សាយនៅថ្ងៃនេះ។នាយិកាប្រចាំប្រទេសកម្ពុជារបស់ ADB លោកស្រី Sunniya Durrani-Jamal បានមានប្រសាសន៍ថា “សេដ្ឋកិច្ចកម្ពុជា បានធ្លាក់ចុះ ៣,១% ក្នុងឆ្នាំ ២០២០ ដោយសារការរាតត្បាតជាសកល នៃជំងឺកូវីដ ១៩។ រាជរដ្ឋាភិបាលបានឆ្លើយតប យ៉ាងឆាប់រហ័ស ចំពោះករណីថ្មីៗ ដែលបានកើតឡើង ហើយយើងរំពឹង ថាសេដ្ឋកិច្ចនឹងវិលត្រឡប់មករកកំណើនវិញក្នុងឆ្នាំ ២០២១។ កំណើននេះ នឹងជួយបង្កើនប្រាក់ចំណូល គ្រួសារ ប៉ុន្តែមិនមែនគ្រប់វិស័យនិងតំបន់ទាំងអស់ នឹងទទួលបានប្រយោជន៍នេះ ស្មើគ្នានោះទេ ដូច្នេះវា ចាំបាច់ណាស់ ក្នុងការតាមដានមើលជីវភាពគ្រួសារទាំងឡាយ ក៏ដូចជាតម្រូវការគាំទ្របន្ថែម ឱ្យបានដិត ដល់។”យោងតាមរបាយការណ៍ទស្សនវិស័យអភិវឌ្ឍន៍អាស៊ី (ADO) ២០២១ ផលិតកម្មឧស្សាហកម្មត្រូវបានគេរំពឹងថា នឹងកើនឡើង ៧,១% ក្នុងឆ្នាំ ២០២១ និង ៧,០% នៅឆ្នាំ២០២២ ដោយសារការងើប ឡើងវិញនៃវិស័យកាត់ដេរសម្លៀកបំពាក់ ស្បែកជើង និងទំនិញសម្រាប់ការធ្វើដំណើរ ក៏ដូចជាកំណើន នៃឧស្សហកម្មធនស្រាលផ្សេង ទៀតដូចជា ផលិតផលអេឡិចត្រូនិច និងកង់។ វិស័យកសិកម្មត្រូវបានរំពឹង ថានឹងកើនឡើង ១,៣% ក្នុងឆ្នាំ ២០២១ និង ១,២% ក្នុងឆ្នាំ ២០២២ ដោយមានការកើនឡើងនៃ ផលិតកម្មកសិផល បន្ទាប់ពីរងការខូចខាត ដោយទឹកជំនន់កាលពីឆ្នាំមុន ការបន្តមានកំណើននៃវារីវប្បកម្ម និងការហក់ឡើង នៃការនាំចេញផលិតផលកសិកម្ម ទៅ កាន់ សាធារណរដ្ឋប្រជាមានិតចិន។វិស័យសេវាកម្មនឹងស្ទុះងើបឡើងវិញក្នុងល្បឿនយឺតៗ ពោលគឺប្រមាណ ៣,៣% ក្នុងឆ្នាំ ២០២១ ទៅ ៦,២% ក្នុងឆ្នាំ ២០២២។ កិច្ចប្រឹងប្រែងក្នុងការគ្រប់គ្រងការផ្ទុះឡើងនៃជំងឺកូវីដ១៩ នៅក្នុងស្រុក ដែលបាន ចាប់ផ្តើមក្នុងខែកុម្ភៈឆ្នាំ ២០២១ កំពុងធ្វើអោយសកម្មភាពវិស័យសេវាកម្មធ្លាក់ចុះ។ ការរឹត បន្តឹងការធ្វើ ដំណើរត្រូវបានរំពឹងថានឹងនៅបន្តស្ទើរតែពេញមួយឆ្នាំក្នុងឆ្នាំ ២០២១ ដែលមានន័យថា វិស័យទេសចរណ៍ មិនត្រូវ បានរំពឹងថាអាចជួយជំរុញកំណើនផ្នែកសេវាកម្មនៅឆ្នាំនេះទេ។ វិស័យអចលន ទ្រព្យ ត្រូវបានព្យាករថា នឹងងើបឡើងវិញ ពីការធ្លាក់ចុះកាលពីឆ្នាំមុន ដោយមាននិន្នាការស្រដៀងគ្នា ទៅនឹង ឧស្សាហកម្មសំណង់។ ល្បឿនមិនស្មើគ្នានៃការងើបឡើងវិញនៃវិស័យនានា នឹងបន្តជាសម្ពាធលើគ្រួសារនិងក្រុមហ៊ុន មួយចំនួន នៅឆ្នាំនេះ ដែលនឹងធ្វើឱ្យការងើបឡើងវិញនៃសេដ្ឋ កិច្ច រួមមានការយឺតយ៉ាវ។ ហានិភ័យ ចម្បងៗ សម្រាប់ចក្ខុវិស័យសេដ្ឋកិច្ចនេះ រួមមាន ការរីករាលដាលនៃការផ្ទុះឡើងនៃកូវីដ១៩ នៅតាមសហគមន៍ កំណើនសេដ្ឋកិច្ចយឺតជាងការរំពឹងទុក នៃដៃគូធុរកិច្ចសំខាន់ៗរបស់កម្ពុជា ដូចជា អាមេរិក និងអឺរ៉ុប ការបន្តនៃភាពទន់ខ្សោយនៃតម្រូវការក្នុងស្រុក និងបញ្ហាប្រឈមរបស់សេវាកម្មហិរញ្ញវត្ថុ និង ធនាគារ។លោកស្រី Sunniya Durrani បន្តមានប្រសាសន៍ ដោយបន្ថែមថា រាជរដ្ឋាភិបាលចាំបាច់ ត្រូវរក្សាជំហរគោលនយោបាយសារពើពន្ធដែលគាំទ្រកំណើនសេដ្ឋកិច្ចនៅឆ្នាំនេះ និងឆ្នាំក្រោយ ។បច្ចុប្បន្ន ធនាគារអភិវឌ្ឍន៍អាស៊ី កំពុងអនុវត្តគម្រោងវិនិយោគ ដែលមានតម្លៃជាង ២,១ ពាន់ លានដុល្លារ នៅកម្ពុជា។ នៅឆ្នាំ ២០២០ ធនាគារអភិវឌ្ឍន៍អាស៊ី បានអនុម័តផ្តល់ប្រាក់កម្ចី និងជំនួយ ឥតសំណងចំនួន ៤៧៧ លានដុល្លារ ហើយបានកៀគរថវិកាបន្ថែមចំនួន ២៨១,៣ លានដុល្លារ តាមរយៈ សហហិរញ្ញប្បទាន សម្រាប់ប្រទេសកម្ពុជា។ ថវិការបស់ ADB ដែលត្រៀមសម្រាប់កម្ពុជាក្នុងឆ្នាំ ២០២១-២០២៣ រួមមាន កម្ចីសម្បទានចំនួន ១,៣៥ ពាន់លានដុល្លារ និងជំនួយឥតសំណងចំនួន ៣២,៤ លាន ដុល្លារដើម្បី គាំទ្រដល់ការអភិវឌ្ឍសេដ្ឋកិច្ច និងការស្តារសេដ្ឋកិច្ចជាតិ ពីការរីករាលដាលនៃជំងឺរាតត្បាត កូវីដ១៩ ។ធនាគារអភិវឌ្ឍន៍អាស៊ី ប្តេជ្ញាថានឹងសម្រេចឱ្យបាននូវ វិបុលភាព បរិយាប័ន្ន ភាពធន់ និងនិរន្តរភាព ក្នុងតំបន់អាស៊ីនិងប៉ាស៊ីហ្វិក ស្របជាមួយនឹងការខិតខំប្រឹងប្រែង ដើម្បីលុបបំបាត់ភាពក្រីក្រខ្លាំង។ បង្កើត ឡើងនៅឆ្នាំ ១៩៦៦ ធនាគារនេះគ្រប់គ្រងដោយសមាជិកចំនួន ៦៨ ប្រទេស ដែលក្នុងនោះមាន ៤៩ ប្រទេស មកពីតំបន់ខាងលើនេះ៕អត្ថបទ៖ ដាវណ្ណ

សម្ដេចតេជោ ហ៊ុន សែន បញ្ជាក់ថា សម្ដេចមានសុខាភាពល្អធម្មតាក្រោយរក្សាខ្លួនដាច់ដោយឡែកបាន៤ថ្ងៃ

ភ្នំពេញ៖ ប្រមុខរាជរដ្ឋាភិបាលកម្ពុជា សម្ដេចតេជោ ហ៊ុន សែន បានបញ្ជាក់នៅលើទំព័រហ្វេសប៊ុកផ្លូវការនៅថ្ងៃនេះថា សម្ដេចមានសុខភាពល្អដូចធម្មតាទេ បន្ទាប់ពីបានរក្សាខ្លួននៅដាច់ដោយឡែក ឬធ្វើចត្តាឡីស័ករយៈពេល ៤ថ្ងៃរួចមកហើយនោះ។សម្ដេចតេជោ ហ៊ុន សែន បានរៀបរាប់ថា៖ «សុខភាពខ្ញុំល្អធម្មតា គ្រាន់តែកម្សត់ខ្លួនបន្តិច ព្រោះផ្ទះមួយនៅម្នាក់ឯង អត់មានប្រពន្ធ អត់មានកូន អត់ចៅ ដោយសារខ្លួនខ្ញុំត្រូវធ្វើចត្តាឡីស័ក។ រីឯការពិនិត្យសម្រេច និងបញ្ហាគ្រប់គ្រងប្រទេសនៅដំណើរការ»។ប្រមុខរាជរដ្ឋាភិបាលកម្ពុជាបានបញ្ជាក់បែបនេះ ក្រោយពីសម្ដេចបានមានប្រសាសន៍ជាមួយសំឡេងស្អក ដែលត្រូវបានផ្ញើទៅកាន់សម្ដេចពិជ័យសេនា ទៀ បាញ់ និងលោកជំទាវ ឱ វណ្ណឌីន កាលពីថ្ងៃម្សិលមិញនេះ។សម្ដេចតេជោ ហ៊ុន សែន បញ្ជាក់ថា៖ «មានបងប្អូនមួយចំនួនចាប់អារម្មណ៍លើសំឡេងរបស់ខ្ញុំ ដែលហាក់ដូចហត់ខ្លាំង។ ពិតជាហត់មែន តែមិនមែនជំងឺទេ គឺហត់ដោយខ្ញុំនិយាយក្នុងពេលដែលខ្ញុំធាក់កង់ហាត់ប្រាណ»។ប្រមុខរាជរដ្ឋាភិបាលកម្ពុជាដាក់ខ្លួននៅដាច់ដោយឡែកចាប់តាំងពីវិលត្រឡប់មកពីកិច្ចប្រជុំកំពូលពិសេសមេដឹកនាំអាស៊ានកាលពីចុងសប្ដាហ៍កន្លងមកនេះ៕

ខេត្តកំពង់ធំបន្តហាមឃាត់ការលក់ដូរ និងជួបជុំផឹកគ្រឿងស្រវឹង ១សប្ដាហ៍ទៀត ដើម្បីទប់ស្កាត់ការរីករាលដាលនៃកូវីដ-១៩

កំពង់ធំ៖ រដ្ឋបាលខេត្តកំពង់ធំប្រកាសបន្តហាមឃាត់ការលក់ដូរ និងការជួបជុំទទួលទានគ្រឿងស្រវឹងរយៈពេល ១សប្ដាហ៍បន្ថែមទៀតចាប់ពីខានស្អែកនេះ ដើម្បីទប់ស្កាត់ការឆ្លងរីករាលដាលនៃមេរោគកូវីដ-១៩។ក្នុងសេចក្ដីសម្រេចនៅថ្ងៃនេះ អភិបាលខេត្តកំពង់ធំ លោក សុខ លូ បានសម្រេចផ្អាកការលក់គ្រឿងស្រវឹងគ្រប់ប្រភេទរយៈពេល ១សប្ដាហ៍ទៀត ចាប់ពីថ្ងៃទី២៩ ខែមេសា រហូតដល់ថ្ងៃទី០៥ ខែឧសភា។ក្នុងសេចក្ដីសម្រេចដដែលនេះ រដ្ឋបាលខេត្តកំពង់ធំ ក៏ហាមឃាត់ការជួបជុំទទួលទានគ្រឿងស្រវឹងផងដែរនៅអំឡុងពេលនៃការហាមឃាត់នេះ។រដ្ឋបាលខេត្តកំពង់ធំ បានបញ្ជាក់ថា អាជីវករ ឬម្ចាស់អាជីវកម្មទាំងអស់ និងបុគ្គលគ្រប់រូបដែលល្មើសនឹងសេចក្ដីសម្រេចនេះ នឹងត្រូវប្រឈមមុខនឹងច្បាប់ដោយគ្មានការលើកលែង៕

អាជ្ញាធរជាតិអប្សរា ចាប់ផ្ដើមស្ដារពើកដែលមានអាយុកាលជាច្រើនឆ្នាំ ចេញពីទឹកកស្សិន្ធុអង្គរធំ

សៀមរាប ៖ ស្មៅពើកដ៏ក្រាស់ឃ្មឹក ដែលមានអាយុកាលជាច្រើនឆ្នាំ ស្ថិតនៅក្នុងទឹកកស្សិន្ធុ ក្រុងអង្គរធំ ពីខាងលិច ក្នុងសង្កាត់គោកចក ក្រុងសៀមរាប ត្រូវបានអាជ្ញាធរជាតិអប្សរា ចាប់ផ្ដើមស្ដារចេញពីកស្សិន្ធុនោះ ដើម្បីអភិរក្ស និងលើកតម្លៃប្រាង្គប្រាសាទបុរាណ អោយមានភាពស្រស់ស្អាត និងទាក់ទាញអ្នកទេសចរ ជាពិសេសសម្រួលដល់ប្រព័ន្ធចរន្ដទឹកនៅក្នុងកសិ្សន្ធុ។ឯកឧត្ដម យិត ចាន់ដារដ្ឋ អគ្គនាយករងនៃអាជ្ញាធរជាតិអប្សរា មានប្រសាសន៍កាលពីព្រឹកថ្ងៃទី២៧ខែមេសានេះថា ស្មៅពើកនេះ បានដុះក្នុងកស្សិន្ធុក្រុងអង្គរធំ ពីខាងលិច និងឈាងខាងជើង ជាប់ខ្លោងទ្វារតាកាវ ដែលមានទំហំបណ្ដោយ១៥០០ម៉ែត្រ និងទំហំទទឹងជិត១០០ម៉ែត្រមានអាយុកាលជាច្រើនឆ្នាំមកហើយ ព្រោះមិនធ្លាប់មានការស្ដារម្ដងណាឡើយ ដែលនេះជាការស្ដារលើកទី១ ខុសពីកសិ្សន្ធុទន្លេអុំមានការថែទាំ និងសំអាតរាល់ថ្ងៃ។ការស្ដារនេះ ដោយប្រើដោយកំលាំងពលកម្មរបស់មនុស្ស និងប្រើប្រាស់សម្ភារៈធន់ស្រាល ដូចជាចងខ្សែទាញ មង ក្បូន ទូកអូសពើកចេញពីទឹកជាដើម ។ ឯកឧត្ដម បានបន្ដថា ការសា្ដរសាកល្បងដំបូងនេះ អាចប្រើរយៈពេលច្រើនខែ អាចពី៥ខែទៅ៦ខែទើបរួចរាល់ ខណៈដែលស្មៅពើកនេះ មានកម្រាស់ពីកន្លះម៉ែត្រទៅមួយម៉ែត្រ។ឯកឧត្ដម បន្ដថា ការយកពើកចេញពីទឹកកសិ្សន្ធុនេះ មិនមានផលប៉ះពាល់ ដល់ជីវៈចម្រុះរបស់សត្វ ក៏ដូចជាដល់ប្រាង្គប្រាសាទបុរាណនោះឡើយ ។បើតាមឯកឧត្ដម យិត ចាន់ដារដ្ឋ លើកឡើងថា គម្រោងសា្ដរពើកសាកល្បងនេះ បានចាប់ផ្ដើម កាលពីថ្ងៃទី២៦ខែមេសាឆ្នាំ២០២១នេះ ក្រោយពេលមានការចូលរួមនិងគាំទ្រថវិកាផ្ទាល់ខ្លួនពីសប្បុរសជន រួមមាន លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងរដ្ឋសភា ព្រឹទ្ធសភា និងអធិការកិច្ច។ លោកជំទាវ សៀង ចាន់ហេង អគ្គនាយិកាក្រុមហ៊ុនហេងអភិវឌ្ឍន៍ ព្រមទាំងសប្បុរសជនជាច្រើនទៀត។ សប្បុរសជនដែលបានចូលរួមស្ដារពើកនេះ ដើម្បីរួមចំណែកលើកស្ទួយវប្បធម៌ ប្រាង្គប្រាសាទបុរាណនៅក្នុងកសិន្ធុក្រុងអង្គរធំ ដើម្បីទុកជាប្រយោជន៍ដល់កិច្ចការអភិរក្ស ជាពិសេសជួយលើកស្ទួយដល់ទេសភាពក្នុងតំបន់អង្គរ សម្រាប់ទាក់ទាញអ្នកទេសចរ និងជួយសម្រួលដល់ចរន្ដទឹកក្នុងកស្សិន្ធុក្រុងអង្គរធំផងដែរ៕អត្ថបទ ៖ សាវី

ភូមិថ្មី ខ ស្រុកកងមាស ត្រូវអាជ្ញាធរបិទខ្ទប់ ដោយសារឆ្លងជម្ងឺកូវីដ១៩ ដើម្បីកាត់ផ្ដាច់ខ្សែចម្លងកូវីដ

កំពង់ចាម ៖ ដើម្បីកាត់ផ្តាច់ខ្សែចម្លង និងការទប់ស្កាត់ ប្រុងប្រយ័ត្ន ការឆ្លងរីករាលដាល ជំងឺកូវីដ ១៩ អាជ្ញាធរខេត្តកំពង់ចាម បានបិទខ្ទប់ជាបណ្តោះអាសន្ន នូវភូមិថ្មី ខ ឃុំ រកាគយ ស្រុកកងមាស បន្ទាប់ពី រកឃើញប្រជាពលរដ្ឋខ្មែរ ឆ្លងជំងឺកូវីដ-១៩ តាមរយៈព្រឹត្តិការណ៍២០កុម្ភៈ ។បច្ចុប្បន្ន អាជ្ញាធរស្រុកកងមាស បានអនុវត្តន៍វិធាន សុខាភិបាល ៣ការពារ៣កុំ និងបានពិនិត្យតាមដាន យ៉ាងយកចិត្តទុកដាក់បំផុត ចំពោះបងប្អូនប្រជាពលរដ្ឋ ដែលធ្វើដំណើរមកពីតំបន់ប្រឈមចូលមកកាន់ទីនេះ។

អ្នកចាក់វ៉ាក់សាំងកូវីដ-១៩ ចំនួនពីរលើក មិនអាចការពារបាន១០០% នោះទេ ប៉ុន្តែបើអ្នកឆ្លងកូវីដ១៩ អាចស្ថិតក្នុងកម្រិតស្រាល

ភ្នំពេញ ៖ លោកស្រីវេជ្ជបណ្ឌិត អ៊ាត ឆវី ប្រធានកម្មវិធីផ្តល់ថ្នាំបង្ការ ស្រុកប្រតិបត្តិបាសាក់ គ្របដណ្តប់ចំនួន២ខណ្ឌមានជ័យ និងច្បារអំពៅ ប្រាប់BTV ព័ត៌មាន នាព្រឹកថ្ងៃទី២៧ មេសា ២០២១នេះថា អ្នកចាក់វ៉ាក់សាំងកូវីដ-១៩ ចំនួនពីរលើក មិនអាចការពារបាន១០០%នោះទេ ប៉ុន្តែបើអ្នកឆ្លងកូវីដ-១៩ អាចស្ថិតក្នុងកម្រិតស្រាល ប៉ុន្តែយើងត្រូវអនុវត្ត៣ការពារ និង៣កុំ។លោកស្រី វេជ្ជបណ្ឌិត អ៊ាត ឆវី បានបន្តទៀតថា បើទោះបីជាអ្នកចាក់វ៉ាក់សាំងកូវីដ-១៩ ចំនួន២លើករួចហើយកី្ត ក៏ត្រូវតែអនុវត្តវិធានការសុខាភិបាលឲ្យបានខ្ជាប់ខ្ជួន ដើម្បីទប់ស្កាត់ការឆ្លងមេរោគដ៏កាចសាហាវនេះ។លោកស្រី វេជ្ជបណ្ឌិត អ៊ាត ឆវី បានបញ្ជាក់ទៀតថា សម្រាប់មូលដ្ឋានខណ្ឌច្បារអំពៅ និងខណ្ឌមានជ័យ ស្ថិតក្រោមការគ្រប់គ្រងរបស់ស្រុកប្រតិបតិ្តបាសាក់ ក៏បានចាប់ផ្តើមបើកយុទ្ធនារចាក់វ៉ាក់សាំងបង្ការជំងឺកូវីដ-១៩ កាលពីថ្ងៃទី១៩ ខែកុម្ភះ ឆ្នាំ២០២១ ប្រភេទស៊ីណូហ្វាម សម្រាប់មនុស្សអាយុចាប់ពី១៨ឆ្នាំ និងថ្ងៃទី៥ ខែមីនា ឆ្នាំ២០២១ ចាប់ផ្តើមចាក់វ៉ាក់សាំងកូវីដ-១៩ ប្រភេទ កូវីសែល សម្រាប់មនុស្សអាយុពី៦០ឆ្នាំឡើង។ ដោយឡែកនាថ្ងៃនេះ បន្ទាប់ពីក្រុមគ្រូពេទ្យបានចាក់វ៉ាក់សាំងកូវីដ-១៩ ប្រភេទស៊ីណូហ្វាម ដូសលើកទី១រួចហើយ ក្រុមគ្រូពេទ្យកំពុងចាក់វ៉ាក់សាំងកូវីដ-១៩ ដូសលើកទី២ ជូនឥស្សរជន និងប្រជាពលរដ្ឋ កំពុងបន្តដំណើរការចាក់វ៉ាក់សាំងកូវីដ-១៩ តាមការកំណត់។ ទន្ទឹមនឹងនោះវ៉ាក់សាំងកូវីដ-១៩ ប្រភេទកូវីសែល មិនទាន់ដល់ថ្ងៃដែលត្រូវចាក់វ៉ាក់សាំងកូវីដ-១៩ ជូនប្រជាពលរដ្ឋនោះទេ គឺបន្ទាប់ពីរយៈពេលចាក់វ៉ាក់សាំងកូវីដ-១៩ ដូសលើកទី១ និងដូសលើកទី២ ពី៨សប្តាហ៍ ទៅ១២សប្តាហ៍៕អត្ថបទ រដ្ឋា

រដ្ឋបាលក្រុងប៉ោយប៉ែត ច្រានចោលព័ត៌មានថា បុរសឥណ្ឌូនេស៊ីម្នាក់ស្លាប់ ក្រោយឆ្លងមេរោគកូវីដ១៩

ក្រុងប៉ោយប៉ែត៖ រដ្ឋបាលខេត្តប៉ោយប៉ែត បានច្រានចោលព័ត៌មានផ្សព្វផ្សាយលើបណ្ដាញសង្គមហ្វេសប៊ុកដែលនិយាយថា បុរសជនជាតិឥណ្ឌូនេស៊ីម្នាក់បានស្លាប់ក្រោយពីឆ្លងមេរោគកូវីដ១៩។ក្នុងសេចក្ដីជូនដំណឹងនៅថ្ងៃនេះ រដ្ឋបាលក្រុងប៉ោយប៉ែត បាននិយាយថា អ្នកប្រើហ្វេសប៊ុកម្នាក់ បានបង្ហោះព័ត៌មានកាលពីថ្ងៃម្សិលមិញនេះដោយភ្ជាប់ជាមួយរូបថតរបស់បុរសជនជាតិឥណ្ឌូនេស៊ីម្នាក់ ហើយនិយាយថា បុរសឥណ្ឌូនេស៊ីរូបនេះ បានទទួលមរណភាពហើយ ក្រោយពីសួតរបស់គាត់រងការវាយប្រហារពីមេរោគកូវីដ១៩។រដ្ឋបាលក្រុងប៉ោយប៉ែត បញ្ជាក់ថា ការអះអាងដោយអ្នកប្រើបណ្ដាញសង្គមបែបនេះ គឺជា«ព័ត៌មានមិនពិត» ដោយថា បុរសជនជាតិឥណ្ឌូនេស៊ីរូបនេះ មានសុខភាព«ល្អប្រសើរ» និងកំពុងស្ថិតក្រោមការព្យាបាលនៅមណ្ឌលសុខភាពប៉ោយប៉ែត១នៅឡើយ។រដ្ឋបាលក្រុងប៉ោយប៉ែត ក៏បានស្នើទៅសមត្ថកិច្ចឱ្យស្វែងរកបុគ្គលអ្នកបង្ហោះព័ត៌មានបែបនេះ យកទៅអនុវត្តតាមនីតិវិធីច្បាប់៕

អាជ្ញាធរខេត្តតាកែវ អំពាវនាវឲ្យពលរដ្ឋ ចូលរួមជាមួយរាជរដ្ឋាភិបាល ក្នុងការទប់ស្កាត់ការរីករាលដាលនៃជំងឺកូវីដ១៩

តាកែវ៖ អភិបាលរងខេត្តតាកែវ បានអំពាវនាវដល់បងប្អូនប្រជាពលរដ្ឋ ទាំងអស់ចូលរួមជាមួយរាជរដ្ឋាភិបាល ក្នុងការទប់ស្កាត់ ការរីករាលដាលនៃជំងឺកូវីដ១៩ដែលកំពុងកើតមានឡើង នៅក្នុងប្រទេសកម្ពុជាយើង ។ថ្លែងនៅក្នុងឱកាសនាំយកអំណោយសប្បុរសធម៌ ដែលបានមកពីការបរិច្ចាគពីក្រុមការងារ និងបងប្អូនអាជីវករក្នុងខេត្តតាកែវ ទៅចែកជូនគ្រួសារក្រីក្រ ស្ថិតក្នុងឃុំជ័យជោគ ស្រុកបូរីជល់សារ ខេត្តតាកែវ នៅព្រឹកថ្ងៃទី២៦ ខែមេសានេះ ។លោក ម៉ឹង វុធី អភិបាលរងខេត្តតាកែវ បានធ្វើការផ្ដាំផ្ញើ ដល់បងប្អូនប្រជាពលរដ្ឋត្រូវថែរក្សាសុខភាព និងរស់នៅទម្លាប់មានអនាម័យ លាងដៃ និងសាប៊ូ អាកុលនិងត្រូវពាក់ម៉ាស់អោយបានគ្រប់ៗគ្នា ពេលចេញក្រៅផ្ទះ មិនត្រូវជួបជុំគ្នាច្រើនជាពិសេសមិនត្រូវនាំគ្នាផឹកស៊ីដែលនាំអោយមានការឆ្លងរីករាលដាលជំងឺកូវីដ១៩នៅក្នុងសហគមន៍ របស់ខ្លួន និយាយជារួមសូមបងប្អូនប្រជាពលរដ្ឋ ត្រូវអនុវត្ត តាមវិធានការណែនាំ របស់ក្រសួងសុខាភិបាល ៣ការពារ និង៣កុំ ជានិច្ច។លោកអភិបាលរងខេត្តតាកែវ មានប្រសាសន៍បន្តថា បច្ចុប្បន្ននេះ អត្រាអ្នកឆ្លងជំងឺកូវីដ១៩ មានការកើនឡើងយ៉ាងខ្លាំងពីមួយថ្ងៃទៅមួយថ្ងៃ ហើយចំនួននាក់ស្លាប់ក៏មានការកើនឡើងដូចគ្នាផងដែរ ដូច្នោះសូមបងប្អូនប្រជាពលរដ្ឋត្រូវយកចិត្តទុកដាក់ខ្ពស់ពីបញ្ហានេះ ជៀសវាង អនុវត្តផ្ទុយពីការណែនាំរបស់អាជ្ញាធរមូលដ្ឋាន និងក្រសួងសុខាភិបាលដែលនាំអោយមានការឆ្លងរីករាលដាលជំងឺកូវីដ១៩នៅក្នុងសហគមន៍។នៅក្នុងឱកាសនោះ លោកអភិបាលរងខេត្តតាកែវ ក៏បានធ្វើការណែនាំដល់អាជ្ញាធរមូលដ្ឋាន បន្តអប់រំ ផ្សព្វផ្សាយដល់បងប្អូនប្រជាពលរដ្ឋនៅមូលដ្ឋានពីគ្រោះថ្នាក់នៃជំងឺកូវីដ១៩ និងត្រូវធ្វើយ៉ាងណាអោយបងប្អូនប្រជាពលរដ្ឋចូលរួមសហការ ជាមួយអាជ្ញាធរជាមួយរាជរដ្ឋាភិបាល ព្រោះប្រសិនបើគ្មានការចូលរួមអនុវត្តពីបងប្អូនប្រជាពលរដ្ឋនោះទេ យើងមិនអាចទប់ស្កាត់ជំងឺកូវីដ១៩ បាននោះទេ៕ដោយ ៖ គុជ វិភាគ

កងពលតូច ថ្មើជើងលេខ៤២ បង្កើនការដាំដុះបន្លែ ចិញ្ចឹមសត្វ ដើម្បីផ្គត់ផ្គង់ជីវភាពបន្ថែមដល់កងទ័ព ក្នុងបរិបទកូវីដ-១៩

ឧត្តរមានជ័យ ៖ មេបញ្ជាការកងពលតូចថ្មើជើងលេខ៤២ ជំរុញដល់គ្រប់អង្គភាពទាំងអស់ ដែលចំណុះឲ្យកងពលត្រូវតែបន្តការបង្ករបង្កើនការដាំដុះដំណាំបន្លែរួមផ្សំ ចិញ្ចឹមសត្វបន្ថែមទៀត នៅតាមបណ្តាអង្គភាពនីមួយៗ ឲ្យបានគ្រប់ៗគ្នាដើម្បីជាប្រយោជន៍ សំរាប់ផ្គត់ផ្គង់ជីវភាពរស់នៅប្រចាំថ្ងៃ របស់កងទ័ពឲ្យមានភាពរឹងមាំក្នុងកាលៈទេសៈនេះ។លោកឧត្តមសេនីយ៍ទោ ប៉ែន វ៉ូយ មេបញ្ជាការកងពលតូចថ្មើរជើងលេខ៤២ បានឲ្យដឹងថា ស្ថិតក្នុងស្ថានភាពបែបនេះ កងទ័ព គឺជាកម្លាំងស្នូលនឹងមានកាតព្វកិច្ចដ៏សំខាន់សំរាប់ការពារជាតិការពារប្រជាជន ដើម្បីរួមគ្នាធ្វើការទប់ស្កាត់ឲ្យបាននូវជំងឺកូវីដ-១៩ទាំងអស់គ្នាក្នុងស្ថានភាពដ៏លំបាកនេះ។លោកមេបញ្ជាកការ បានបន្តថា ដើម្បីពង្រឹងកម្លាំងប្រចាំការឲ្យបានរឹងមាំក្នុងអង្គភាព គម្បីកងកម្លាំងទាំងអស់ ក្រៅពីការពារជាតិ គឺត្រូវពង្រីកធ្វើការដាំដុះបន្លែរួមផ្សំនឹងចិញ្ចឹមសត្វ ឲ្យបានច្រើនក្នុងអង្គភាពនីមួយៗ ដើម្បីផ្គត់ផ្គង់ជីវភាពកងទ័ពឲ្យបានល្អប្រសើរក្នុងអំឡុងពេលបរិបទកូវីដ-១៩នេះកុំឲ្យមានការខ្វះខាត។លោកសារឿត ដែលជាយោធាម្នាក់ ក្នុងអង្គភាពកងពលតូចថ្មើរជើងលេខ៤២បានបញ្ជាក់ថា ដើម្បីពង្រឹងសាមក្គីភាពផ្ទៃក្នុងអង្គភាពកងទ័ពក្នុងគ្រាលំបាកជួបវិបត្តិកូវីដ-១៩នេះ ឲ្យបានរឹងមាំគម្បីកងកម្លាំងទាំងអស់ត្រូវរួមសាមគ្គីគ្នាជាថ្លុងមួយនូវគ្រប់អង្គភាពទាំងអស់ក្រោមចំណុះកងពលតូចថ្មើរជើងលេខ៤២ ត្រូវបន្តធ្វើការដាំដុះដំណាំបន្លែរួមផ្សំចិញ្ចឹមសត្វក្នុងអង្គភាពឲ្យបានច្រើន ដើម្បីផ្គត់ផ្គង់ជីវភាពក្នុងអង្គភាពឲ្យបានប្រសើរកុំឲ្យមានការខ្វះខាតក្នុងអំឡុងពេលកូវីដ-១៩នេះ។គួរបញ្ជាក់ថា បន្លែដែលបានដាំរួមមាន ៖ សណ្តែកកួរ ខាត់ណា ម្ទេស ខ្ទឹម ជីនាងវង ម្រះព្រៅ ត្រសក់ ត្រឡាច ត្រប់ ត្រកួន នឹង មាន់ទា កង្កែប គោ សំរាប់ផ្គត់ផ្គង់ការហូបចុកក្នុងអង្គភាពផងដែរ ៕អត្ថបទ ៖ ឃិនសារិទ្ធ

បណ្ដាញសង្គម

ព័ត៌មានថ្មីៗ

សមត្ថកិច្ចរាជធានីភ្នំពេញបង្ក្រាបទីតាំងបទល្មើសឆបោកតាមអនឡាញ២កន្លែងទៀតឃាត់ខ្លួនមនុស្សបាន១៣៣នាក់

នាយករដ្ឋមន្ត្រីបារាំង ប្រឹងប្រែងបន្ទន់ជំហរប្រឆាំង ចំពោះច្បាប់ថវិការបស់លោក ដើម្បីបញ្ចៀសវិបត្តិថ្មី

អ៊ីរ៉ង់៖ ប្រទេសអឺរ៉ុបគ្មានមូលដ្ឋានសីលធម៌ និងផ្លូវច្បាប់ ដើម្បីអនុវត្តទណ្ឌកម្មមានឡើងវិញភ្លាមៗ

វិមានក្រឹមឡាំង ប្រាប់ថា រុស្ស៊ីបានបង្កើតអភ័យឯកសិទ្ធិជាក់លាក់ បន្ទាប់ពី EU ចេញទណ្ឌកម្មថ្មី

បទបញ្ជាបោសសម្អាតការឆបោកតាមប្រព័ន្ធបច្ចេកវិទ្យា នឹងជួយទាក់ទាញអ្នកវិនិយោគកាន់តែច្រើនថែមទៀតមកកាន់កម្ពុជា

កម្ពុជា-ហ្វីលីពីន ឯកភាពបន្តពង្រឹងកិច្ចសហប្រតិបត្តិការលើវិស័យការពារជាតិ ជាពិសេសការបណ្តុះបណ្តាលធនធានមនុស្ស

មន្ត្រីរាជការក្រសួងប្រៃសណីយ៍ ចូលរួមដាំដើមកោងកាងចំនួន៥៥០ ដើម ក្រោមប្រធានបទ “ឌីជីថល ផ្សារភ្ជាប់បរិស្ថាន”

លោក Zelenskyy៖ លោកបានពិភាក្សាអំពីការផ្គត់ផ្គង់មីស៊ីល និងការបណ្តុះបណ្តាលអ្នកបើកយន្តហោះជាមួយលោក Macron

ប្រធានការិយាល័យសិទ្ធិមនុស្ស UN ជំរុញឲ្យមានការទទួលខុសត្រូវ ចំពោះការសម្លាប់ នៅទីក្រុង Sweida របស់ស៊ីរី

រុស្ស៊ីចាប់ខ្លួនស្ត្រីសញ្ជាតិអាមេរិក-រុស្ស៊ី នៅអាកាសយានដ្ឋាន ពីបទរត់ពន្ធកាំភ្លើង

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

លោកជំទាវ ពេជ្រ ច័ន្ទមុន្នី បញ្ជាក់ថា អ្នកជំងឺកូវីដ-១៩ចំនួន៨៣៤នាក់ នៅមណ្ឌលព្យាបាលកោះពេជ្រ បានជាសះស្បើយ

សេដ្ឋកិច្ចប្រទេសកម្ពុជា ត្រូវបានព្យាករថា នឹងកើនឡើង ៤,០% នៅឆ្នាំនេះ

សម្ដេចតេជោ ហ៊ុន សែន បញ្ជាក់ថា សម្ដេចមានសុខាភាពល្អធម្មតាក្រោយរក្សាខ្លួនដាច់ដោយឡែកបាន៤ថ្ងៃ

អាជ្ញាធរជាតិអប្សរា ចាប់ផ្ដើមស្ដារពើកដែលមានអាយុកាលជាច្រើនឆ្នាំ ចេញពីទឹកកស្សិន្ធុអង្គរធំ

ភូមិថ្មី ខ ស្រុកកងមាស ត្រូវអាជ្ញាធរបិទខ្ទប់ ដោយសារឆ្លងជម្ងឺកូវីដ១៩ ដើម្បីកាត់ផ្ដាច់ខ្សែចម្លងកូវីដ

រដ្ឋបាលក្រុងប៉ោយប៉ែត ច្រានចោលព័ត៌មានថា បុរសឥណ្ឌូនេស៊ីម្នាក់ស្លាប់ ក្រោយឆ្លងមេរោគកូវីដ១៩

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

សេដ្ឋកិច្ចប្រទេសកម្ពុជា ​ត្រូវបានព្យាករថា នឹងកើនឡើង ៤,០% នៅឆ្នាំនេះ

សម្ដេច​តេជោ ហ៊ុន សែន បញ្ជាក់​ថា សម្ដេច​មាន​សុខាភាព​ល្អ​ធម្មតា​ក្រោយ​រក្សា​ខ្លួន​ដាច់​ដោយឡែក​បាន​៤​ថ្ងៃ

អាជ្ញាធរជាតិអប្សរា ចាប់ផ្ដើមស្ដារពើកដែលមានអាយុកាលជាច្រើនឆ្នាំ ចេញពីទឹកកស្សិន្ធុអង្គរធំ

ភូមិថ្មី ខ ស្រុកកងមាស ត្រូវអាជ្ញាធរបិទខ្ទប់ ដោយសារឆ្លងជម្ងឺកូវីដ១៩ ដើម្បីកាត់ផ្ដាច់ខ្សែចម្លងកូវីដ

រដ្ឋបាល​ក្រុង​ប៉ោយប៉ែត​ ច្រាន​ចោល​ព័ត៌មាន​ថា បុរស​ឥណ្ឌូនេស៊ី​ម្នាក់​ស្លាប់ ​ក្រោយ​ឆ្លង​មេរោគ​កូវីដ​១៩

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

សេដ្ឋកិច្ចប្រទេសកម្ពុជា ត្រូវបានព្យាករថា នឹងកើនឡើង ៤,០% នៅឆ្នាំនេះ

សម្ដេចតេជោ ហ៊ុន សែន បញ្ជាក់ថា សម្ដេចមានសុខាភាពល្អធម្មតាក្រោយរក្សាខ្លួនដាច់ដោយឡែកបាន៤ថ្ងៃ

រដ្ឋបាលក្រុងប៉ោយប៉ែត ច្រានចោលព័ត៌មានថា បុរសឥណ្ឌូនេស៊ីម្នាក់ស្លាប់ ក្រោយឆ្លងមេរោគកូវីដ១៩