BTV NEWS

សម្ដេចធិបតី ដឹកនាំគណៈប្រតិភូចូលក្រាបបង្គំគាល់ព្រះករុណា ព្រះមហាក្សត្រ ទូលថ្វាយលទ្ធផលចុះបញ្ជីបូជនីយដ្ឋានចងចាំនៃកម្ពុជា ក្នុងបញ្ជីបេតិកភណ្ឌពិភពលោក

សភាតំណាងប្រជាជនចិនចាត់ទុកសម្តេចតេជោ ជាតួអង្គសំខាន់បន្តពីព្រះបរមរតនកោដ្ឋក្នុងការពូនជ្រំទំនាក់ទំនងរវាងកម្ពុជា និងចិន

សម្តេចតេជោអនុញ្ញាតឱ្យសមាជិកគណៈកម្មាធិការអចិន្ត្រៃយ៍សភាប្រជាជនចិនជួបសម្តែងការគួរសម

ក្រុមការងារបច្ចេកទេសអន្តរក្រសួងបន្តចុះកំណត់និយាមកា និងបោះបង្គោលព្រំដីតាមបណ្តោយព្រែកជីកហ្វូណនតេជោ សម្រាប់កំណាត់ទី២ ក្នុងភូមិសាស្រ្តខេត្តកំពត

នយោបាយ និង ការអភិវឌ្ឍន៍

សម្ដេចតេជោ ផ្ដល់អំណោយដល់កងកម្លាំងប្រដាប់អាវុធឈរជើងតាមខ្សែបន្ទាត់ព្រំដែនកម្ពុជា-ឡាវ

ស្ទឹងត្រែង ៖ អំណោយដ៏ថ្លៃថ្លារបស់សម្តេចតេជោ ហ៊ុន សែន និងសម្តេចក្រឡាហោម ស ខេង ជាស្បៀងអាហារ ត្រូវបានឯកឧត្តម អភិបាលខេត្តស្ទឹងត្រែង ដឹកនាំយកទៅប្រគល់ជូនកងកម្លាំងប្រដាប់អាវុធ ដែលកំពុង ឈរជើងនៅតាមខ្សែបន្ទាត់ព្រំដែនកម្ពុជា-ឡាវ។ឯកឧត្តម ម៉ុម សារឿន អភិបាលខេត្តស្ទឹងត្រែង បានដឹកនាំមន្ត្រីរាជការក្នុងខេត្ត ចុះសួរសុខទុក្ខ និង នាំយកអំណោយគ្រឿងឧបភោគ បរិភោគ និងថវិកា ដែលជាអំណោយដ៏ថ្លៃថ្លា របស់សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន និងអំណោយសម្តេចក្រឡាហោម ស ខេង ឧបនាយករដ្ឋមន្ត្រី និងជារដ្ឋមន្ត្រីក្រសួងមហាផ្ទៃ ជូនដល់កងកម្លាំងប្រដាប់អាវុធ ដែលកំពុងឈរជើងការពារ បូរណភាពទឹកដី តាមខ្សែបន្ទាត់ព្រំដែនកម្ពុជា-ឡាវ។អំណោយដែលរដ្ឋបាលខេត្តចែកជូន ដល់កងកម្លាំងប្រតិបត្តិការសឹករងខេត្ត ឈរជើងតាមព្រំដែន កម្ពុជា-ឡាវ ដែលប្រចាំការមានពីរគោលដៅ ទី១ នៅចំណុចស្រែចំប៉ា និងកងកម្លាំងនគរបាលវរសេនាតូច ការពារព្រំដែនគោក ៧០១ ឈរជើងតាមព្រំដែនកម្ពុជា-ឡាវ នៅចំណុចភូមិឧបសម្ព័ន្ធរិទ្ធីសែនជ័យពីរ ឃុំអូរស្វាយ ស្រុកបុរីអូរស្វាយសែនជ័យ។ឯកឧត្តម ម៉ុម សារឿន បានថ្លែងនូវបណ្ដាំផ្ញើសាកសួរសុខទុក្ខពីសម្តេចតេជោ ហ៊ុន សែន និង សម្តេចក្រឡាហោម ជូនកងកម្លាំងទាំងអស់ ដែលជានិច្ចកាល សម្តេចទាំងទ្វេរ តែងតែគិតគូរពីសុខទុក្ខ គ្រប់កាលៈទេសៈ ពិសេសក្នុងគ្រា ដែលប្រទេស បាននឹងកំពុងរងវិបត្តិជំងឺកូវីដ-១៩។ឯកឧត្តម បានក្រើនរំលឹកដល់កងកម្លាំងទាំងអស់ថា ភារកិច្ចកងកម្លាំងឈរជើងតាមបន្ទាត់ព្រំដែន នេះ ក្នុងបុព្វហេតុការពារបូរណភាពទឹកដី និងទប់ស្កាត់រាល់សកម្មភាពគ្រប់បទល្មើសផ្សេងៗ ទន្ទឹមនឹងកិច្ច ការងារទាំងអស់នេះដែរ ត្រូវចូលអនុវត្តឱ្យបានខ្ជាប់ខ្ជួននូវវិធានការ ៣ការពារ និង៣កុំ របស់សម្តេចតេជោ និងវិធានសុខាភិបាល ដើម្បីរួមគ្នាបង្ការ និងទប់ស្កាត់ការរីករាលដាលនៃជំងឺកូវីដ-១៩ចូលក្នុងសហគមន៍៕ អត្ថបទ៖ មាស ផល្លា

មន្ទីរពេទ្យបង្អែកមួយចំនួន នៅខេត្តកណ្តាល អំពាវនាវអ្នកមានឈ្មោះ សូមរួសរាន់ទៅចាក់វ៉ាក់សាំងប្រឆាំងកូវីដ-១៩

កណ្ដាល ៖ នៅខណៈ ដែលយុទ្ធនាការចាក់វ៉ាក់សាំងស៊ីណូវ៉ាក់ រយៈពេល១៥ថ្ងៃ នៅខេត្តកណ្តាលជិតបិទបញ្ចប់ នៅពេលនេះ មានមន្ទីរពេទ្យបង្អែកមួយចំនួននៅខេត្តកណ្តាល បានអំពាវនាវអោយបណ្តាកងកំលាំង មន្ត្រីរាជការ និងព្រះសង្ឃ មន្ត្រីចូលនិវត្ត អ្នករត់ម៉ូតូឌុប តាក់ស៊ី អាជីវកម្ម និងពលរដ្ឋនានាទៀត ដែលមានឈ្មោះចាក់វ៉ាក់សាំង គឺសុំអញ្ជើញមកចាក់វ៉ាក់ សាំងប្រឆាំងកូវីដ១៩។បើតាមវេជ្ជបណ្ឌិត លី មករា ប្រធានមន្ទីរពេទ្យជ័យជំនះ ក្រុងតាខ្មៅខេត្តកណ្តាល បានថ្លែងប្រាប់BTV នៅថ្ងៃទី១២ ខែមេសានេះថា នៅថ្ងៃនេះ អ្នកមកចាក់វ៉ាក់សាំងគឺមានចំនួនតិចតួច ហើយ គ្រប់បណ្តាកងកំលាំង មន្ត្រីរាជការ និងព្រះសង្ឃ មន្ត្រីចូលនិវត្ត អ្នករត់ម៉ូតូឌុប តាក់ស៊ី អាជីវកម្ម និងពលរដ្ឋនានា ទៀតដែលមានឈ្មោះទើបមកចាក់វ៉ាក់សាំងនេះ ដោយសារកន្លងមកពួកគេជាប់រវល់ការងារ និងទើបបានស្ម័គ្រចិត្តមកចាក់នៅពេលនេះ។ទោះយ៉ាងណា ពលរដ្ឋទើបបានចាក់វ៉ាក់សាំង នៅមន្ទីរពេទ្យជ័យជំនះ បានថ្លែងអំណរគុណប្រមុខថ្នាក់ដឹកនាំរាជរដ្ឋាភិបាល ដែលបានខិតខំស្វែងរកវ៉ាក់សាំងប្រឆាំងកូវីដ១៩ យកមកចាក់ជូនបណ្តាពលរដ្ឋខ្មែរដែលមានការងារជួយហានីភ័យខ្លាំងចំពោះការឆ្លងមេរោគកូវីដ១៩ ហើយតាមរយៈការជំរុញចាក់វ៉ាក់សាំងនេះរំពឹងថា ស្ថានការកូវីដ១៩នៅកម្ពុជា នឹងមានការថមថយ និងផុត រលត់ពីកម្ពុជា។បើតាមវេជ្ជបណ្ឌិត គួយ ប៊ុនធឿន ប្រធានមន្ទីរសុខាភិបាលខេត្តកណ្តាល បានថ្លែងថា គិតចាប់ពីថ្ងៃទី១ ខែមីនា រហូតមកដល់ថ្ងៃទី១២ ខែមេសានេះទូទាំងខេត្តកណ្តាល បានចាក់វ៉ាក់សាំងប្រឆាំងកូវីដ១៩ បានចំនួនជិត៣៣០០០នាក់ ក្នុងនោះ មន្ត្រីរាជការអាទិភាពចាក់បានជិត៥០០០នាក់ខណៈផែនការត្រូវចាក់លើមន្ត្រីរាជការមានត្រឹមតែជិត៤០០០នាក់។វេជ្ជបណ្ឌិត គួយ ប៊ុនធឿន បញ្ជាក់ថា សម្រាប់យុទ្ធនាការចាក់វ៉ាក់សាំងស៊ីណូវ៉ាក់ រយៈពេល១៥ថ្ងៃក្នុងខែមេសានេះ ខេត្តកណ្តាលបានទទួលវ៉ាក់សាំងប្រមាណជាង ៦៧០០០ដូស គ្រោងចាក់បានលើមនុស្សចំនួន៣៣០០០នាក់ ហើយគិតត្រឹមថ្ងៃទី១១ ខែមេសានេះ យើងបានចាក់ បានចំនួនជាង៣២៨០០នាក់ នៅសល់អ្នកមានឈ្មោះត្រូវចាក់តិចទៀត នៅមិនទាន់បានទៅចាក់ ហើយយើងក៏សូមអញ្ជើញអោយពួកគាត់ទៅចាក់ផងដែរ ខណៈនៅសល់តែ៣ថ្ងៃទៀត ដូសទី២ នឹងត្រូវចាប់ផ្តើមដំណើរការបន្តចាក់៕អត្ថបទ ស៊ុម សុខជា

អ្នកស្ម័គ្រចិត្តចាក់វ៉ាក់សាំងកូវីដ-១៩ ទីមួយលាន ទទួលបានអំណោយរបស់សម្តេចតេជោ នាយករដ្ឋមន្រី្ត

ភ្នំពេញ ៖ អ្នកស្ម័គ្រចិត្តចាក់វ៉ាក់សាំងបង្ការជំងឺកូវីដ-១៩ ទីមួយលាន បានទទួលអំណោយដ៏ថ្លៃថ្លារបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រី្ត នៃព្រះរាជាណាចក្រកម្ពុជា។លោកជំទាវ វេជ្ជបណ្ឌិត ឱ វណ្ណឌីន រដ្ឋលេខាធិការក្រសួងសុខាភិបាល និងជាប្រធានគណៈកម្មការចំពោះកិច្ចចាក់វ៉ាក់សាំងកូវីដ-១៩ ព្រឹកថ្ងៃទី១២ មេសា ២០២១នេះ បាននាំយកថវិកាចំនួន០៥លានរៀល ដែលជាប្រាក់រង្វាន់ត្រូវឆ្នោត ចាក់វ៉ាក់សាំងកូវីដ-១៩ និងជាអំណោយដ៏ថ្លៃថ្លារបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រី្ត នៃព្រះរាជាណាចក្រកម្ពុជា ទៅប្រគល់ជូនដល់ជ័យ លាភីចាក់វ៉ាក់សាំងកូវីដ-១៩ ទីមួយលាន តាមការណែនាំដ៏ខ្ពង់ខ្ពស់របស់សម្តេចតេជោ ហ៊ុន សែន។លោកជំទាវ វេជ្ជបណ្ឌិត ឱ វណ្ណឌីន បានថ្លែងថា អ្នកចាក់វ៉ាក់សាំងកូវីដ-១៩ លេខរៀងទី១ គឺកូនប្រុសច្បងរបស់សម្តេចតេជោ នាយករដ្ឋមន្រី្ត គឺឯកឧត្តម ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរង នៃកងយោធពលខេមរភូមិន្ទ និងជាមេបញ្ជាការកងទ័ពជើងគោក រីឯអ្នកដែលមានលេខរៀងចាក់វ៉ាក់សាំងកូវីដ-១៩ ទីមួយលាន គឺលោក ប៉ាន់ សុវណ្ណរិទិ្ធ ជាអ្នកលក់ដូរនៅរាជធានីភ្នំពេញ។ទន្ទឹមគ្នានោះដែរលោក ប៉ាន់ សុវណ្ណរិទ្ធ ជាអ្នកមានសំណាងទទួលប្រាក់រង្វាន់ក្នុងការចាក់វ៉ាក់សាំងកូវីដ-១៩ ទីមួយលាន មានអាសយដ្ឋានស្នាក់នៅផ្ទះលេខ១៦៤ ផ្លូវ១២២ សង្កាត់ទឹកល្អក់ទី១ ខណ្ឌទួលគោករាជធានីភ្នំពេញ ។ ជាចុងក្រោយលោកជំទាវ វេជ្ជបណ្ឌិត ឱ វណ្ណឌីន បានបញ្ជាក់ថា ការចាក់វ៉ាក់សាំងកូវីដ-១៩ មិនមែនធ្វើឡើងសម្រាប់តែប្រទេសកម្ពុជាមួយនោះទេ គឺការចាក់វ៉ាក់សាំងកូវីដ-១៩នេះ ធ្វើឡើងដោយអនុលោមទៅតាមលក្ខណៈបច្ចេកទេសពិតប្រាកដ វិទ្យាសាស្ត្រពិតប្រាកដ ហើយនៅលើសកលលោក យើងបានដឹងហើយថា តើមានប្រទេសចំនួនប៉ុន្មាន ដែលបាននឹងកំពុងចាក់វ៉ាក់សាំងកូវីដ-១៩ គឺមិនមានច្រើននោះទេ។ ជាពិសេសប្រទេសដែលមានធនធាន មានលទ្ធភាពនៅក្នុងផលិតវ៉ាក់សាំងកូវីដ-១៩ ដោយខ្លួនឯងនេះ គឺប្រទេសទាំងនោះ កំពុងផលិត និងចាក់ជូនប្រជាពលរដ្ឋរបស់ប្រទេសរបស់ខ្លួន។ ដូច្នេះកម្ពុជា កំពុងខិតខំធ្វើយ៉ាងណាឲ្យមានកិច្ចសហប្រតិបតិ្តការ ដោយយើងអាចទិញយកវ៉ាក់សាំងកូវីដ-១៩ មកចាក់វ៉ាក់សាំងជូនប្រជាពលរដ្ឋកម្ពុជា។ ដូច្នេះសូមបងប្អូនប្រជាពលរដ្ឋស្ម័គ្រចិត្តទៅចាក់វ៉ាក់សាំងបង្ការជំងឺកូវីដ-១៩ ទៅតាមវេនរៀងៗខ្លួន ឲ្យបានគ្រប់ៗគ្នា ដើម្បីការពារភាពធ្ងន់ធ្ងរ នៃជំងឺកូវីដ-១៩ កាត់បន្ថយនូវអត្រាសម្រាកពេទ្យ និងកាត់បន្ថយអត្រាស្លាប់ដោយសារជំងឺដ៏កាចសាហាវនេះ៕អត្ថបទ រដ្ឋា

យុទ្ធនាការចាក់វ៉ាក់សាំងកូវីដ១៩ ជូនកម្មកររោងចក្រសហគ្រាសខេត្តកណ្តាល នឹងប្រព្រឹត្តិនៅចុងខែមេសា

កណ្ដាល ៖ ប្រធានមន្ទីរការងារ និងបណ្តុះបណ្តាលវិជ្ជាជីវៈខេត្តកណ្តាល ការផ្តល់វ៉ាក់សាំងបង្ការកូវីដ១៩ ដើម្បីចាក់ជូនបងប្អូនកម្មករនិយោជិត តាមបណ្តារោងចក្រ សហគ្រាសក្នុងខេត្តកណ្តាលនឹងប្រព្រឹត្តនៅចុងខែ មេសា បន្ទាប់ពីរាជធានីភ្នំពេញ។ឯកឧត្តម ធុល នាង ប្រធានមន្ទីរការងារ និងបណ្តុះបណ្តាលវិជ្ជាជីវៈខេត្តកណ្តាល មានប្រសាសន៍ នៅព្រឹកថ្ងៃទី១២ មេសា ឆ្នាំ២០២១នេះថា សម្រាប់ខេត្តកណ្តាល កម្មករនិយោជិតដែលរោងចក្រ សហគ្រាស បញ្ជូនឈ្មោះមកមន្ទីរ និងក្រសួងការងារ ដើម្បីបានចាក់វ៉ាក់សាំងសរុបមានប្រមាណ ៧០ភាគរយហើយមកទល់ពេលនេះ។កាលពីកន្លងទៅនេះ ឯកឧត្តម ហេង សួរ រដ្ឋលេខាធិការ និងជាប្រធានអនុគណៈកម្មការចំពោះកិច្ចសម្រាប់ ចាក់វ៉ាក់សាំងការពារជំងឺកូវីដ១៩ នៃក្រសួងការងារ និងបណ្តុះបណ្តាលវិជ្ជាជីវៈ បានរម្លឹកថា យុទ្ធនាការ ចាក់វ៉ាក់សាំងការពារកូវីដ១៩ ធ្វើឡើងក្នុងគោលបំណងដើម្បីបង្ការ និងទប់ស្កាត់ការឆ្លងរីករាលដាល ជំងឺកូវីដ១៩ និងធានាឱ្យបាននូវសុខភាព សុខុមាលភាព និងសុវត្ថិភាពជូនដល់មន្ត្រីរាជការ សហជីព និយោជក និងបងប្អូនកម្មករ និយោជិតទាំងអស់គ្នា។ឯកឧត្តមបញ្ជាក់ទៀតថា ការផ្តល់ជូននូវការចាក់វ៉ាក់សាំង ក្នុងខេត្តកណ្តាល បន្ទាប់ពីរាជធានីភ្នំពេញ ដោយសារខេត្តនេះមានភាពប្រទាក់ក្រឡាគ្នា មានការចេញចូល ចម្រុះ ដូច្នេះយើងត្រូវគ្រប់គ្រងមជ្ឈមណ្ឌលពាណិជ្ជកម្មរបស់យើងឲ្យបានរឹងមាំសិន ទើបយើងពង្រីក ទៅកាន់ខេត្តដទៃទៀត គឺខេត្តព្រះសីហនុ ខេត្តស្វាយរៀង និងខេត្តតាកែវ ជាខេត្តគោលដៅដែលកំណត់ជាខេត្តអាទិភាព បន្ទាប់ពីរាជធានីភ្នំពេញ និងខេត្តកណ្តាល។គួរបញ្ជាក់ថា គិតចាប់ពីថ្ងៃទី៧ រហូតត្រឹមថ្ងៃទី១១ ខែមេសា ការចាក់វ៉ាក់សាំងបង្ការកូវីដ១៩ ស៊ីណូវ៉ាក់ ជូនកម្មករនិយោជិត និងថ្នាក់ដឹកនាំអង្គការវិជ្ជាជីវៈ នៅរាជធានីភ្នំពេញ បានចំនួន សរុបជាង ៣ម៉ឺន ៦ពាន់នាក់ហើយ ក្នុងនោះបរទេសជាង ១ ៦០០នាក់៕អត្ថបទ ៖ ឈិត បូរ៉ាវី

កម្មករនិយោជិតជាង៣ម៉ឺន ៦ពាន់នាក់ បានចាក់វ៉ាក់សាំងបង្ការកូវីដ រួចរាល់ក្នុងរយៈពេល ៥ថ្ងៃ

ភ្នំពេញ ៖ ក្រសួងការងារ និងបណ្តុះបណ្តាលវិជ្ជាជីវៈ បានឲ្យដឹងថា គិតចាប់ពីថ្ងៃទី៧ រហូតត្រឹមថ្ងៃទី១១ ខែមេសា ការចាក់វ៉ាក់សាំងបង្ការកូវីដ១៩ ស៊ីណូវ៉ាក់ ជូនកម្មករនិយោជិត និងថ្នាក់ដឹកនាំអង្គការវិជ្ជាជីវៈបានចំនួនសរុបជាង ៣ម៉ឺន ៦ពាន់នាក់ហើយ ក្នុងនោះបរទេសជាង ១,៦០០នាក់។យោងតាមសេចក្តីជូនដំណឹងរបស់ក្រសួងការងារ និងបណ្តុះបណ្តាលវិជ្ជាជីវៈ ឲ្យដឹងកាលពីល្ងាចថ្ងៃទី១១ មេសា ឆ្នាំ២០២១កន្លងទៅថា អនុគណៈកម្មការចំពោះកិច្ចសម្រាប់ចាក់វ៉ាក់សាំងបង្ការជំងឺកូវីដ១៩ ជូនបងប្អូនកម្មករ និយោជិត និងថ្នាក់ដឹកនាំអង្គការវិជ្ជាជីវៈ ជម្រាបជូនសាធារណជនអំពីលទ្ធផលការចាក់វ៉ាក់សាំង ស៊ីណូវ៉ាក់ ជូនកម្មករនិយោជិត និងថ្នាក់ដឹកនាំ អង្គការវិជ្ជាជីវៈ ក្នុងរយៈពេល ៥ថ្ងៃមកនេះ ដែលគិតមកទល់ពេលនេះ អនុគណៈកម្មការចំពោះកិច្ចបានបើកទីតាំងចាក់វ៉ាក់សាំង ចំនួន ៧ទីតាំង ដោយទទួលបានលទ្ធផល ដូចជា ៖ លទ្ធផលក្នុងថ្ងៃទី១១ ខែមេសា អ្នកស្ម័គ្រចិត្តចាក់វ៉ាក់សាំងសរុបចំនួនជាង ៨,៦០០នាក់ (បរទេសចំនួន ៥១នាក់), គ្រូពេទ្យមិនអនុញ្ញាតឱ្យចាក់ចំនួន ៣២១នាក់។ដោយឡែក លទ្ធផលគិតត្រឹមថ្ងៃនេះ អ្នកស្ម័គ្រចិត្តចាក់វ៉ាក់សាំងសរុបចំនួនជាង ៣ម៉ឺន ៧ពាន់នាក់ (បរទេសចំនួន ១, ៦៥៧នាក់), ចាក់បានចំនួនជាង ៣ម៉ឺន ៦ពាន់នាក់ (បរទេសចំនួន ១ ៦៣៧នាក់) គ្រូពេទ្យមិនអនុញ្ញាតឱ្យចាក់ចំនួន ១ ៤០៩នាក់ (បរទេសចំនួន ២០នាក់)។ប្រភពខាងលើ បន្ថែមទៀតថា អនុគណៈកម្មការចំពោះកិច្ច នឹងបន្តរៀបចំទីតាំង ចាក់វ៉ាក់សាំង ជូនបងប្អូនកម្មករ និយោជិត នៅតាមរោងចក្រ សហគ្រាស ជាបន្តបន្ទាប់ទៀតដើម្បីបង្កើនល្បឿនការចាក់ឲ្យបានគ្រប់ៗគ្នា៕អត្ថបទ ៖ ឈិត បូរ៉ាវី

ពលរដ្ឋចាត់ទុក ការញុះញង់របស់ជនអគតិរឿងចាក់វ៉ាក់សាំងបង្ការជំងឺកូវីដ-១៩ គឺដើម្បីផលប្រយោជន៍ខ្លួន

ភ្នំពេញ ៖ បន្ទាប់ពីជនអគតិមួយចំនួនបានញុះញង់ដល់ប្រជាពលរដ្ឋ កុំទៅចាក់វ៉ាក់សាំងប្រទេសចិន និងត្រូវទៅប្រជ្រៀតគ្នា ទៅចាក់វ៉ាក់សាំងបង្ការជំងឺកូវីដ-19ថ្មី ដែលមិនទាន់មកដល់ប្រទេសកម្ពុជានោះ ប្រជាពលរដ្ឋដែលមកចាក់វ៉ាក់សាំងបង្ការជំងឺកូវីដ-19 ស្ថិតនៅខណ្ឌឫស្សីកែវ រាជធានីភ្នំពេញ នាថ្ងៃទី១២ខែ មេសានេះបានចាត់ទុកការញុះញង់នេះ គឺដើម្បីចង់ទទួលផលប្រយោជន៍ផ្ទាល់ខ្លួនឯងប៉ុណ្ណោះ ពោលគឺមិនបានគិតគូរដល់សុខទុក្ខប្រជាពលរដ្ឋពិតប្រាដកនោះទេ។ជាថ្មីម្តងទៀត ប្រជាពលរដ្ឋ បានបង្ហាញភាពជឿជាក់លើការដឹកនាំរបស់រាជរដ្ឋាភិបាលកម្ពុជា ក្នុងដំណើរការចាក់វ៉ាក់សាំងបង្ការជំងឺកូវីដ-19។បើតាមពលរដ្ឋមកចាក់វ៉ាក់សាំងបង្ការជំងឺកូវីដ-19 ស្ថិតនៅខណ្ឌឫស្សីកែវ រាជធានីភ្នំពេញ នាថ្ងៃទី១២ខែ មេសានេះ បានប្រាប់BTVថា ក្រោមការដឹកនាំរបស់សម្តេចតេជោ ហ៊ុន សែននាយករដ្ឋមន្ត្រី តែងគិតគូរពីសុខទុក្ខប្រជាពលរដ្ឋជាធំ មិនដូចជនអគតិរត់ចោលស្រុក ដើរញុះញង់ប្រជាជនមិនឱ្យចាក់វ៉ាក់សាំង និងប្រើល្បិចបោកបញ្ឆោតផ្សេងៗទៀត ដើម្បីផលប្រយោជន៍ខ្លួននោះទេ។ជាការកត់សំគាល់ បន្ទាប់ពីមានវត្តមានវ៉ាក់សាំងចិនមកដល់ប្រទេសកម្ពុជានោះ ក្រុមឧទ្ទាមក្រៅច្បាប់រត់ចោលស្រុក ទៅបរទេស បានធ្វើការញុះញង់ដល់ប្រជាពលរដ្ឋកុំទៅចាក់វ៉ាក់សាំងរបស់ចិននោះទេ ដោយបំភ្លៃការពិតថា វ៉ាក់សាំងចិននេះ មានបញ្ហាដល់សុខភាព និងមានគ្រោះថ្នាក់ដល់ជីវិតជាដើមនោះ។បើទោះបីជាមានការអំពាវនាវក្តី ប្រជាពលរដ្ឋស្តាប់តាមការញុះញង់នោះទេ ដោយពួកគាត់បានទៅចាក់វ៉ាក់សាំងជាបន្តបន្ទាប់ ឈរលើគោលការណ៍ស្ម័គ្រចិត្ត។បច្ចុប្បន្នកម្ពុជា មានវ៉ាក់សាំងបង្ការជំងឺកូវីដ-19 ចំនួន៣ប្រភេទចាក់ជូនពលរដ្ឋរួមមាន ៖ ទី១.វ៉ាក់សាំងSinopharm ដែលជាជំនួយរបស់ប្រទេសចិន ត្រូវចាក់ជូនមនុស្សដែលវ័យចាប់ពី១៨ឆ្នាំ ដល់៥៩ឆ្នាំ។ទី២.វ៉ាក់សាំង Covishield ផលិតនៅប្រទេសឥណ្ឌាទទួលបានអាជ្ញាប័ណ្ណពីក្រុមហ៊ុន Astra Zeneca ក្រោមគម្រោង Covac ដែលមានកិច្ចសម្របសម្រួលពីអង្គការសុខភាពពិភពលោក (WHO) និងអង្គការយូនីសេហ្វ(UNICEF) ចាក់ជូនពលរដ្ឋមានវ័យចាប់ពី៦០ឆ្នាំឡើងទៅ។ និងទី៣.វ៉ាក់សាំងស៊ីណូវ៉ាក់ ចាក់ជូនពលរដ្ឋដែលមានវ័យចាប់ពី១៨ឡើងទៅ។វ៉ាក់សាំងទាំងបីប្រភេទនេះ គ្រប់គ្រងដោយក្រសួងសុខាភិបាល នឹងបែបចែកចាក់ជូនក្រុមអាទិភាពតាមលំដាប់លំដោយ៕អត្ថបទ៖ទូច សោភ័ណ

ប្រមុខដឹកនាំកម្ពុជា-ឡាវ ពង្រឹងកិច្ចសហការរួមដើម្បីប្រយុទ្ធប្រឆាំង នឹងជំងឺកូវីដ-១៩ និងដោះស្រាយផលប៉ះពាល់អវិជ្ជមាន

ភ្នំពេញ ៖ ក្នុងជំនួបសន្ទនាតាមប្រព័ន្ធវីដេអូ នៅថ្ងៃទី១២ខែមេសានេះ សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងឯកឧត្តមបណ្ឌិត ផនខាំ វីផាវ៉ាន់ នាយករដ្ឋមន្ត្រី នៃសាធារណរដ្ឋប្រជាធិបតេយ្យប្រជាមានិតឡាវ បានបញ្ជាក់ពីសារៈសំខាន់ក្នុងការពង្រឹងកិច្ចសហការរួម ដើម្បីប្រយុទ្ធប្រឆាំង នឹងជំងឺកូវីដ-១៩ និងដោះស្រាយផលប៉ះពាល់អវិជ្ជមាននៃជំងឺនេះ។ក្នុងស្ថានភាពនៃការរីករាលដាលនៃជំងឺកូវីដ-១៩ សម្តេចតេជោ នាយករដ្ឋមន្ត្រី បានវាយតម្លៃខ្ពស់ចំពោះកិច្ចខិតខំប្រឹងប្រែងរបស់រដ្ឋាភិបាលឡាវ ក្នុងការគ្រប់គ្រងការរីករាលដាលនៃជំងឺកូវីដ-១៩ ប្រកបដោយជោគជ័យ។សម្តេចតេជោ បានសម្តែងនូវអំណរសាទរយ៉ាងកក់ក្តៅបំផុត ជូនចំពោះ ឯកឧត្តមបណ្ឌិត ផនខាំ វីផាវ៉ាន់ ដែលទើបត្រូវបានបោះឆ្នោតជ្រើសតាំងជានាយករដ្ឋមន្ត្រី នៃសាធារណរដ្ឋ ប្រជាធិបតេយ្យប្រជាមានិត្យឡាវ។ សម្តេចតេជោ នាយករដ្ឋមន្ត្រី បានសម្ដែងការជឿជាក់ថា ផ្អែកលើបទពិសោធន៍ដ៏ធំធេង និងភាពជាអ្នកដឹកនាំដ៏រឹងមាំ សាធារណរដ្ឋប្រជាធិបតេយ្យប្រជាមានិតឡាវ នឹងសម្រេចបានការអភិវឌ្ឍសេដ្ឋកិច្ច-សង្គមកាន់តែល្អប្រសើរ និងវិបុលភាពជូនប្រជាជនឡាវ។សម្តេចតេជោ នាយករដ្ឋមន្ត្រី បានថ្លែងអំណរគុណចំពោះរដ្ឋាភិបាលឡាវ ដែលបានគាំទ្រកម្ពុជាក្នុងការធ្វើជាម្ចាស់ផ្ទះរៀបចំកិច្ចប្រជុំកំពូល ASEM លើកទី១៣ នៅចុងឆ្នាំ២០២១ និងជាប្រធានអាស៊ាន នៅឆ្នាំ២០២២។នាយករដ្ឋមន្ត្រីទាំងពីរ បានសម្ដែងការពេញចិត្តទៅវិញទៅមក ចំពោះទំនាក់ទំនងដ៏ជិតស្និទ្ធដោយឈរលើមូលដ្ឋានចំណងមិត្តភាពជាប្រពៃណី និងភាពជាអ្នកជិតខាងល្អ។ ថ្នាក់ដឹកនាំទាំងពីរ បានឯកភាពជំរុញបញ្ចប់ឲ្យបានឆាប់នូវសេចក្តីព្រាងផែនការសកម្មភាពសម្រាប់ភាពជាដៃគូ ដើម្បីបន្តពង្រឹងនូវទំនាក់ទំនងជិតស្និទ្ធនៃកិច្ចសហប្រតិបត្តិការលើគ្រប់វិស័យ ដូចជា វិស័យនយោបាយ-សន្តិសុខ ពាណិជ្ជកម្ម វិនិយោគ អប់រំ និងវប្បធម៌ ។ ក្រៅពីសហប្រតិបត្តិការទ្វេភាគី ថ្នាក់ដឹកនាំទាំងពីរក៏បានផ្លាស់ប្ដូរគំនិត និងប្ដេជ្ញាធ្វើការយ៉ាងជិតស្និទ្ធនៅក្នុងក្របខណ្ឌកិច្ចសហប្រតិបត្តិការពហុភាគីនានា។ថ្នាក់ដឹកនាំទាំងពីរ មានសេចក្តីរីករាយចំពោះកំណើននៃទំហំពាណិជ្ជកម្មទ្វេភាគី ដែលបានកើនឡើងពីត្រឹម ១០លានដុល្លារអាមេរិក នៅក្នុងឆ្នាំ២០១៩ រហូតដល់ ១០៤លានដុល្លាអាមេរិក នៅក្នុងឆ្នាំ២០២០។ ដើម្បីជំរុញការវិនិយោគនៅក្នុងប្រទេសទាំងពីរ ថ្នាក់ដឹកនាំទាំងពីរបានឯកភាពពន្លឿន ការចរចារលើ “កិច្ចព្រមព្រៀងស្តីពីការចៀសវាងការយកពន្ធត្រួតគ្នា”។នាយករដ្ឋមន្ត្រីឡាវ បានថ្លែងអំណរគុណដ៏ស្មោះចំពោះរាជរដ្ឋាភិបាលកម្ពុជាដែលបានផ្ដល់ជំនួយម៉ាសចំនួន ២លាន និងគ្រឿងបរិក្ខារវេជ្ជសាស្ត្រមួយចំនួន ដើម្បីរួមចំណែកក្នុងការប្រយុទ្ធប្រឆាំងនឹងជំងឺកូវីដ-១៩ នៅប្រទេសឡាវ។ ក្នុងឱកាសដ៏មហានក្ខត្តឫក្សនៃពិធីបុណ្យចូលឆ្នាំថ្មីប្រពៃណីជាតិខ្មែរ និងឡាវ ដែលនឹងប្រព្រឹត្តទៅក្នុងពេលតែមួយ នាយករដ្ឋមន្ត្រីទាំងពីរ បានជូនពរគ្នាទៅវិញទៅមក ឲ្យទទួលបានសុខភាពល្អ វិបុលភាព និងសុភមង្គលដល់ប្រជាជនកម្ពុជា និងឡាវ។នៅចុងបញ្ចប់នៃការសន្ទនា សម្តេចតេជោនាយករដ្ឋមន្ត្រី ហ៊ុន សែន បានអញ្ជើញ ឯកឧត្តម នាយករដ្ឋមន្ត្រី ផនខាំ វីផាវ៉ាន់ មកបំពេញទស្សនកិច្ចផ្លូវការនៅព្រះរាជាណាចក្រកម្ពុជាកម្ពុជា។ ដូចគ្នានេះដែរ ឯកឧត្តមនាយករដ្ឋមន្ត្រី ផនខាំ វីផាវ៉ាន់ ក៏បានអញ្ជើញ សម្តេចតេជោ នាយករដ្ឋមន្ត្រី ហ៊ុន សែន ទៅបំពេញទស្សនកិច្ចផ្លូវការនៅសាធារណរដ្ឋប្រជាធិបតេយ្យប្រជាមានិតឡាវតាមពេលវេលាសមស្របផងដែរ៕អត្ថបទ ៖ មុត សុទ្ធ

សម្តេចតេជោ លាតត្រដាងល្បិចកលរបស់ជនក្បត់ជាតិលើផែនការចាក់វ៉ាក់សាំងជូនពលរដ្ឋ

ភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានលាតត្រដាងអំពីល្បិចកល របស់ជនក្បត់ជាតិ ដែលម្តងបំផុស បំផុលមិនឲ្យពលរដ្ឋខ្មែរ ចាក់វ៉ាក់សាំងរបស់ចិន ហើយចុងក្រោយនេះ បានញុះញង់ឲ្យពលរដ្ឋនាំគ្នាទៅចាក់វ៉ាក់សាំងវិញ ស្របពេលដែលវ៉ាក់សាំងថ្មី មិនទាន់មកដល់ទៀតនោះ ដែលការបំផុសបំផុលនេះ គឺដើម្បីបញ្ឆេះការរិះគន់របស់ពលរដ្ឋមកលើរាជរដ្ឋាភិបាល។សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា តាមរយៈសារសំឡេងមួយ នារំលងអាធ្រាត្រ ឈានចូលថ្ងៃទី១២ ខែមេសា នេះ បានហៅការអំពាវនាវរបស់ជនក្បត់ជាតិបែបត្រឡប់ ត្រឡិន ម្ដងកុំឱ្យពលរដ្ឋចាកវ៉ាក់សាំងចិន និងម្ដងទៀតឱ្យពលរដ្ឋទៅចាក់វ៉ាក់សាំងចិន គឺជាផែនការពិស ពុល ក្នុងការជំរុញឱ្យប្រជាពលរដ្ឋទៅដណ្ដើមវ៉ាក់សាំង ខណៈដែលមិនទាន់មានវ៉ាក់សាំងគ្រប់គ្រាន់ សម្រាប់ចាក់។ អំពើញុះញង់នេះ ដើម្បីឱ្យពលរដ្ឋរិះគន់រាជរដ្ឋាភិបាលថា គ្មានលទ្ធភាពក្នុងការទិញវ៉ាក់សាំង ចាក់ជូនពលរដ្ឋ ខណៈក្រុមជនក្បត់ជាតិទាំងនោះ បានលួចទៅចាក់វ៉ាក់សាំងចិនរួចហើយ។យ៉ាងណាក៏ដោយ តាមរយៈសារនេះ សម្តេចតេជោ ក៏បានអំពាវនាវដល់ប្រជាពលរដ្ឋខ្មែរទាំអស់ ឲ្យរក្សាភាពនឹងនរចិត្ត ព្រោះរាជរដ្ឋាភិបាល នឹងធ្វើការចាក់វ៉ាក់សាំងជូនពលរដ្ឋឲ្យបានគ្រប់ៗគ្នា តាមលំដាប់លំដោយ ជាអាទិភាព ហើយកុំជឿទៅតាមការញុះញង់របស់ពួក ក្បត់ជាតិទាំងនោះឲ្យសោះ។ វ៉ាក់ សាំង នឹងមកដល់បន្តបន្ទាប់ទៀតឆាប់ៗនេះ។សម្តេចតេជោ បានបញ្ជាក់ប្រាប់ប្រជាពលរដ្ឋជាថ្មីទៀតថា មនុស្សអាយុ៥៩ឆ្នាំចុះ នឹងត្រូវចាក់ វ៉ាក់ សាំងស៊ីណូហ្វាម។ អាយុពី១៨ឆ្នាំឡើងលើ ចាក់ស៊ីណូវ៉ាក់ និងអាយុ៦០ឆ្នាំឡើងលើ ចាក់អាស្ត្រាហ្សេនី កា។ នេះជាផែនការមេរបស់រាជរដ្ឋាភិបាល។បន្ទាប់ពីវ៉ាក់សាំងចិន បានមកដល់ប្រទេសកម្ពុជានោះ ក្រុមឧទ្ទាមក្រៅច្បាប់ ដែលកំពុងស្ថិតនៅ ក្រៅប្រទេសនោះ បានញុះញង់ពលរដ្ឋ កុំឱ្យទៅចាក់វ៉ាក់សាំងរបស់ចិននោះឡើយ ដោយបានព្យាយាម បំភ័យថា វ៉ាក់សាំងនេះ នឹងបង្កបញ្ហាដល់សុខភាព ឬគ្រោះថ្នាក់ដល់ជីវិត។ ទោះបីជាមានការញុះញង់ របស់ជនក្បត់ជាតិទាំងនោះក្តី ក៏ប្រជាពលរដ្ឋខ្មែរ មិនបានស្តាប់នោះឡើយ ដោយបាននាំគ្នាទៅចាក់វ៉ាក់ សាំងជាបន្តបន្ទាប់តាមការស្ម័គ្រចិត្ត ដែលរហូតមកដល់ពេលនេះ គឺបានចំនួនមួយលាននាក់ហើយ៕អត្ថបទ៖ បាន ចក់

ស្ត្រីខ្មែរម្នាក់ទៀតអាយុ៦១ឆ្នាំស្លាប់ ដោយសារជំងឺកូវីដ-១៩ នាំឱ្យចំនួនអ្នកស្លាប់សរុបកើនដល់៣០នាក់

ភ្នំពេញ៖ ក្រសួងសុខាភិបាលប្រកាស នៅថ្ងៃនេះថា ស្ត្រីជនជាតិខ្មែរម្នាក់ទៀតអាយុ ៦១ឆ្នាំ បានស្លាប់ដោយសារជំងឺកូវីដ-១៩ នៅឯមន្ទីរពេទ្យហ្លួងម៉ែ កាលពីថ្ងៃទី១១ ខែមេសាម្សិលមិញនេះ ដែលនាំឱ្យចំនួនមនុស្សស្លាប់ដោយសារកូវីដ១៩ កើនដល់ ៣០នាក់។ក្នុងសេចក្ដីប្រកាសព័ត៌មាននៅថ្ងៃនេះ ក្រសួងសុខាភិបាលប្រកាសថា ស្ត្រីវ័យ៦១ឆ្នាំ ដែលរស់នៅក្នុងសង្កាត់ព្រែកព្នៅ ខណ្ឌព្រែកព្នៅ បានស្លាប់នៅម៉ោង ៦កន្លះល្ងាចថ្ងៃម្សិលមិញនេះ បន្ទាប់ពីសួតទាំងសងខាងរបស់គាត់បានរលាកធ្ងន់ធ្ងរដោយសារការវាយប្រហារពីមេរោគកូវីដ១៩ ខណៈស្ត្រីរូបនេះ មានជំងឺទឹកនោមផ្អែមប្រចាំកាយទៀត។បើតាមក្រសួងសុខាភិបាល ស្ត្រីរូបនេះត្រូវបានរកឃើញឆ្លងកូវីដ១៩បញ្ជូនទៅសម្រាកព្យាបាលនៅមន្ទីរពេទ្យហ្លួងម៉ែកាលពីយប់ថ្ងៃទី៣០ ខែមីនា ក្រោយពីត្រូវបានរកឃើញឆ្លងមេរោគកូវីដ១៩។គិតមកដល់ថ្ងៃនេះ កម្ពុជាមានមនុស្សស្លាប់ដោយសារជំងឺកូវីដ១៩សរុប ៣០នាក់ហើយនៅក្នុងរយៈពេលត្រឹម ១ខែប៉ុណ្ណោះ បន្ទាប់ពីករណីស្លាប់ដំបូងត្រូវបានប្រកាសកាលពីថ្ងៃទី១១ ខែមីនាកន្លងមកនេះ៕

ឯកឧត្តម គន់ គីម អំពាវនាវឱ្យអតីតយុទ្ធជនទៅចាក់វ៉ាក់សាំងបង្ការកូវីដ-១៩ ឲ្យបានគ្រប់គ្នា

ឧត្ដរមានជ័យ ៖ នាយឧត្តមសេនីយ៍ គន់ គីម អគ្គលេខាធិការសមាគមអតីតយុទ្ធជនកម្ពុជា បានធ្វើការអំពាវនាវ ដល់ អតីតយុទ្ធជនទាំងអស់ ដែលមិនមានបញ្ហាសុខភាព ឱ្យនាំគ្នាទៅចាក់វ៉ាក់សាំងបង្ការជំងឺកូវីដ-១៩ ឲ្យបាន គ្រប់គ្នា ដោយកុំជឿតាមការញុះញង់របស់ជនអគតិមួយចំនួន ដែលចោទថា វ៉ាក់សាំងរបស់ប្រទេសចិន ពេលចាក់ហើយ ធ្វើឲ្យមានបញ្ហាដល់សុខភាព។ក្នុងឱកាសអញ្ជើញចុះពិនិត្យការចាក់វ៉ាក់សាំងបង្ការជំងឺកូវីដ-១៩ ជូនដល់អតីតយុទ្ធជន និងគ្រួ សារ នៅខេត្តប៉ៃលិន កាលពីថ្ងៃទី១០ ខែមេសា ម្សិលមិញ ត្រូវបានអមដំណើរដោយលោកជំទាវ បាន ស្រីមុំ អភិបាល ខេត្តប៉ៃលិន ផងនោះ ឯកឧត្តម គន់ គីម បានលើកឡើងថា សម្តេចតេជោ ហ៊ុន សែន នាយករដ្ឋមន្ត្រី បាន ខិតខំប្រឹងប្រែងយ៉ាងខ្លាំង ក្នុងការស្វែងរកវ៉ាក់សាំងបង្ការជំងឺកូវីដ-១៩ មកចាក់ជូនប្រជាពលរដ្ឋ មន្ត្រីរាជ ការ កងកម្លាំងប្រដាប់អាវុធ ជាពិសេសអតីតយុទ្ធជន ឲ្យបានគ្រប់គ្នា។ឯកឧត្តម បានបញ្ជាក់ថា វាពិតជាមានសារសំខាន់ខ្លាំងណាស់ ក្នុងការចាក់វ៉ាក់សាំងបង្ការជំងឺកូវីដ-១៩។ រាជរដ្ឋាភិបាល នៅតែគិតគូរចំពោះអតីតយុទ្ធជន និងគ្រួសារ មិនមានបោះបង់អ្នកណាមួយចោល នោះឡើយ។ឯកឧត្តម គន់ គីម និងក្រុមការងារ បានថ្លែងនូវសារនឹករលឹកសាកសួរសុខទុក្ខពីសំណាក់សម្តេចតេជោ និងសម្ដេចកិត្តិព្រឹទ្ធបណ្ឌិត ជូនដល់អតីតយុទ្ធជនទាំងអស់គ្នា ដោយសម្តេច ក៏បានជូនពរដល់អតីត យុទ្ធជនទាំងអស់ ឱ្យមានសុខភាពល្អ កម្លាំងមាំមួន និងចូលរួមទប់ស្កាត់ការឆ្លងរីករាលដាលនៃជំងឺកូវីដ ១៩ តាមរយៈការអនុវត្តនូវវិធានការអនាម័យផ្សេងៗ តាមការណែនាំរបស់ក្រសួងសុខាភិបាល។ឯកឧត្តម បានឱ្យដឹងថា នៅក្នុងខេត្តប៉ៃលិន ក្រុមការងារ ក៏នឹងរៀបចំសាងសង់ផ្ទះជូនអតីតយុទ្ធ ជន ដែលមានដី តែគ្មានផ្ទះ នៅពេលក្រោយ តាមរយៈលោកជំទាវ បាន ស្រីមុំ អភិបាលខេត្ត និងជាប្រធាន កិត្តិយសអតីតសមាគមយុទ្ធជនកម្ពុជាខេត្តប៉ៃលិន។ក្នុងឱកាសនោះ លោកជំទាវ បាន ស្រីមុំ បានថ្លែងអំណរគុណចំពោះសម្ដេចទាំងទ្វេរ តាមរយៈឯកឧត្តម គន់ គីម ដែលសម្ដេច បានគិតគូរអំពីអតីតយុទ្ធជននៅក្នុងខេត្តប៉ៃលិន ដែលមានការផ្ដល់នូវវ៉ាក់សាំង បង្ការជំងឺកូវីដ-១៩ និងការសាងសង់ផ្ទះជូនអតីតយុទ្ធជន ដែលមានជីវភាពខ្វះខាត៕អត្ថបទ៖ បាន សុខរិទ្ធ

បណ្ដាញសង្គម

ព័ត៌មានថ្មីៗ

សារព័ត៌មានរ៉យទ័រ៖ អ៊ុយក្រែនបានទទួលគ្រាប់កាំភ្លើងធំជាង ៤២០.000គ្រាប់ តាំងពីដើមឆ្នាំ ២០២៥

អង់គ្លេសចុះកិច្ចព្រមព្រៀងស្តីពីការពារជាតិ ពាណិជ្ជកម្ម និងអន្តោប្រវេសន៍ជាមួយអាល្លឺម៉ង់ ខណៈអឺរ៉ុបពង្រឹងសន្តិសុខ

អាវុធហត្ថខេត្តស្ទឹងត្រែងឃាត់រថយន្តដឹកជនជាតិចិនចំនួន ៩នាក់ ពាក់ព័ន្ធការឆបោកតាមប្រព័ន្ធបច្ចេកវិទ្យា

ក្រសួងការពារជាតិនិយាយថា កងកម្លាំងរុស្ស៊ីបានកាន់កាប់ភូមិអ៊ុយក្រែនចំនួនបី នៅទូទាំងតំបន់ជួរមុខ

អ៊ីស្រាអែល វាយកម្ទេចអគារស៊ីវិលរាប់ពាន់ខ្នងនៅតំបន់ហ្កាហ្សា ក្នុងការតាមប្រមាញ់ក្រុមហាម៉ាស

អ៊ីស្រាអែលបានបដិសេធមិនបន្តទិដ្ឋាការសម្រាប់ប្រធានទីភ្នាក់ងារUN យ៉ាងតិច ៣ នៅហ្កាហ្សា

រលកកម្ដៅដ៏ខ្លាំងក្លានឹងបន្តកើតឡើងនៅទូទាំងប្រទេសហ្វាំងឡង់ នាចុងសប្តាហ៍នេះ

ហ្វីលីពីន និងសហរដ្ឋអាមេរិក បានធ្វើសមយុទ្ធជើងទឹករួមគ្នានៅក្នុងដែនទឹកជម្លោះសមុទ្រចិនខាងត្បូង

សហរដ្ឋអាមេរិក ចង់កែប្រែក្រុម G20 ទៅកម្រិតមូលដ្ឋានវិញ ពេលខ្លួនធ្វើប្រធានប្ដូរវេននៅឆ្នាំក្រោយ

កម្ពុជាផ្សព្វផ្សាយជាផ្លូវការ របាយការណ៍វឌ្ឍនភាពនៃការអនុវត្តវិធានការកែទម្រង់មុតស្រួចជាកញ្ចប់

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

សម្ដេចតេជោ ផ្ដល់អំណោយដល់កងកម្លាំងប្រដាប់អាវុធឈរជើងតាមខ្សែបន្ទាត់ព្រំដែនកម្ពុជា-ឡាវ

មន្ទីរពេទ្យបង្អែកមួយចំនួន នៅខេត្តកណ្តាល អំពាវនាវអ្នកមានឈ្មោះ សូមរួសរាន់ទៅចាក់វ៉ាក់សាំងប្រឆាំងកូវីដ-១៩

អ្នកស្ម័គ្រចិត្តចាក់វ៉ាក់សាំងកូវីដ-១៩ ទីមួយលាន ទទួលបានអំណោយរបស់សម្តេចតេជោ នាយករដ្ឋមន្រី្ត

យុទ្ធនាការចាក់វ៉ាក់សាំងកូវីដ១៩ ជូនកម្មកររោងចក្រសហគ្រាសខេត្តកណ្តាល នឹងប្រព្រឹត្តិនៅចុងខែមេសា

កម្មករនិយោជិតជាង៣ម៉ឺន ៦ពាន់នាក់ បានចាក់វ៉ាក់សាំងបង្ការកូវីដ រួចរាល់ក្នុងរយៈពេល ៥ថ្ងៃ

ពលរដ្ឋចាត់ទុក ការញុះញង់របស់ជនអគតិរឿងចាក់វ៉ាក់សាំងបង្ការជំងឺកូវីដ-១៩ គឺដើម្បីផលប្រយោជន៍ខ្លួន

សម្តេចតេជោ លាតត្រដាងល្បិចកលរបស់ជនក្បត់ជាតិលើផែនការចាក់វ៉ាក់សាំងជូនពលរដ្ឋ

ស្ត្រីខ្មែរម្នាក់ទៀតអាយុ៦១ឆ្នាំស្លាប់ ដោយសារជំងឺកូវីដ-១៩ នាំឱ្យចំនួនអ្នកស្លាប់សរុបកើនដល់៣០នាក់

ឯកឧត្តម គន់ គីម អំពាវនាវឱ្យអតីតយុទ្ធជនទៅចាក់វ៉ាក់សាំងបង្ការកូវីដ-១៩ ឲ្យបានគ្រប់គ្នា

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

សម្ដេច​តេ​ជោ ​ផ្ដល់​អំណោយ​ដល់​កងកម្លាំងប្រដាប់អាវុធ​ឈរជើង​តាម​ខ្សែបន្ទាត់​ព្រំដែន​កម្ពុជា​-​ឡាវ

កម្មករ​និយោជិត​ជាង៣​ម៉ឺន ៦​ពាន់​នាក់ បាន​ចាក់​វ៉ាក់សាំង​បង្ការ​កូ​វីដ ​រួចរាល់​ក្នុង​រយៈពេល ៥​ថ្ងៃ

សម្តេច​តេ​ជោ​ លាតត្រដាង​ល្បិចកល​របស់​ជន​ក្បត់ជាតិ​លើ​ផែន​ការចាក់​វ៉ាក់សាំង​ជូន​ពលរដ្ឋ

ឯកឧត្តម គន់ គីម អំពាវនាវ​ឱ្យ​អតីត​យុទ្ធជន​ទៅ​ចាក់​វ៉ាក់សាំង​បង្ការ​កូ​វីដ​-១៩​ ឲ្យ​បាន​គ្រប់គ្នា​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

សម្ដេចតេជោ ផ្ដល់អំណោយដល់កងកម្លាំងប្រដាប់អាវុធឈរជើងតាមខ្សែបន្ទាត់ព្រំដែនកម្ពុជា-ឡាវ

កម្មករនិយោជិតជាង៣ម៉ឺន ៦ពាន់នាក់ បានចាក់វ៉ាក់សាំងបង្ការកូវីដ រួចរាល់ក្នុងរយៈពេល ៥ថ្ងៃ

សម្តេចតេជោ លាតត្រដាងល្បិចកលរបស់ជនក្បត់ជាតិលើផែនការចាក់វ៉ាក់សាំងជូនពលរដ្ឋ

ឯកឧត្តម គន់ គីម អំពាវនាវឱ្យអតីតយុទ្ធជនទៅចាក់វ៉ាក់សាំងបង្ការកូវីដ-១៩ ឲ្យបានគ្រប់គ្នា