BTV NEWS

សម្ដេចធិបតី ដឹកនាំគណៈប្រតិភូចូលក្រាបបង្គំគាល់ព្រះករុណា ព្រះមហាក្សត្រ ទូលថ្វាយលទ្ធផលចុះបញ្ជីបូជនីយដ្ឋានចងចាំនៃកម្ពុជា ក្នុងបញ្ជីបេតិកភណ្ឌពិភពលោក

សភាតំណាងប្រជាជនចិនចាត់ទុកសម្តេចតេជោ ជាតួអង្គសំខាន់បន្តពីព្រះបរមរតនកោដ្ឋក្នុងការពូនជ្រំទំនាក់ទំនងរវាងកម្ពុជា និងចិន

សម្តេចតេជោអនុញ្ញាតឱ្យសមាជិកគណៈកម្មាធិការអចិន្ត្រៃយ៍សភាប្រជាជនចិនជួបសម្តែងការគួរសម

ក្រុមការងារបច្ចេកទេសអន្តរក្រសួងបន្តចុះកំណត់និយាមកា និងបោះបង្គោលព្រំដីតាមបណ្តោយព្រែកជីកហ្វូណនតេជោ សម្រាប់កំណាត់ទី២ ក្នុងភូមិសាស្រ្តខេត្តកំពត

នយោបាយ និង ការអភិវឌ្ឍន៍

អតីតយុទ្ធជន និងគ្រួសារនៅខេត្តបាត់ដំបង ទទួលការចាក់វ៉ាក់សាំងបង្ការជំងឺកូវីដ-១៩

ភ្នំពេញ ៖ យុទ្ធនាការចាក់វ៉ាក់សាំងបង្ការជំងឺកូវីដ-១៩ ជូនដល់អតីតយុទ្ធជននៅខេត្តបាត់ដំបង និងសមាជិកគ្រួសារ កំពុងធ្វើឡើង ខណៈសកម្មភាពការចាក់វ៉ាក់សាំងនេះ ក៏កំពុងចាក់លើមន្ត្រីរាជការ និងអ្នកមានអាទិ ភាព នៅទូទាំងខេត្ត ដោយអ្នកខ្លះ ក៏បានចាក់បានចំនួនពីរដូសរួចរាល់ហើយដែរ។របាយការណ៍រដ្ឋបាល ខេត្តបាត់ដំបង បានបង្ហាញថា ការចាក់វ៉ាក់សាំងជូនអតីតយុទ្ធជន និងក្រុម គ្រួសារ មកទល់ពេលនេះ បានចំនួនជាង៣៦០០នាក់ ខណៈការចាក់វ៉ាក់សាំងស៊ីណូហ្វាម លើកទី១ និង លើកទី២ បានចំនួនជាង១២ពាន់នាក់ ហើយការចាក់វ៉ាក់សាំងស៊ីណូវ៉ាក់ បានចំនួនជិតពីរម៉ឺននាក់។ក្រោយទទួលបានការចាក់វ៉ាក់សាំងលើកទី១ អតីតយុទ្ធជន និងគ្រួសារ បានបង្ហាញនូវការ សប្បាយចិត្ត និងអរគុណចំពោះរាជរដ្ឋាភិបាល ដែលបានខិតខំស្វែងរកវ៉ាក់សាំងបង្ការជំងឺកូវីដ-១៩ ចាក់ ជូនមន្ត្រីរាជការ កងកម្លាំង ពលរដ្ឋ រួមទាំងពួកគេ និងគ្រួសារ ជាបន្តបន្ទាប់។ ពួកគេ បានបង្ហាញពីទំនុកចិត្តលើរាជរដ្ឋាភិបាល ក្នុងការនាំយកវ៉ាក់សាំងមកចាក់ជូនពលរដ្ឋនេះ ដែលនេះបានបង្ហាញពីការគិតគូរពីសុខទុក្ខរបស់ពលរដ្ឋ។ក្នុងសកម្មភាពចាក់វ៉ាក់សាំងជូនអតីតយុទ្ធជន និងក្រុមគ្រួសារ បានចុះពិនិត្យដោយផ្ទាល់ ពីសំ ណាក់ឯកឧត្តម ងួន រតនៈ អភិបាលខេត្តបាត់ដំបង ឯកឧត្តម ឯក សំអូន មេបញ្ជាការយោធភូមិភាគទី៥ លោក មាស សុវណ្ណ មេបញ្ជាការកងរាជអាវុធហត្ថខេត្តបាត់ដំបង និងជាប្រធានសាខាសមាគមអតីតយុទ្ធ ខេត្ត។គិតមកទល់ពេលបច្ចុប្បន្ន ក្នុងខេត្តបាត់ដំបង រកឃើញអ្នកពាក់ព័ន្ធក្នុងព្រឹត្តិការណ៍សហគមន៍ ២០ កុម្ភៈ ចំនួន៦៩០នាក់ ត្រូវបានយកសំណាករកមេរោគកូវីដ១៩ទាំងអស់ ជាលទ្ធផលអវិជ្ជមាន៦៨៩នាក់ និងលទ្ធផលវិជ្ជមានម្នាក់ ត្រូវបានក្រុមគ្រូពេទ្យព្យាបាលជាសះស្បើយ និងអនុញ្ញាតឲ្យត្រឡប់ទៅផ្ទះវិញ ហើយ៕អត្ថបទ៖ បាន សុខរិទ្ធ

ដោយជឿជាក់លើរាជរដ្ឋាភិបាល កម្មកររោងចក្រក្នុងខេត្តកំពង់ចាម មិនរារែកក្នុងការចាក់វ៉ាក់សាំង

កំពង់ចាម ៖ កម្មករកម្មការិនីរោងចក្រក្នុងខេត្តកំពង់ចាម ភាគច្រើន កំពុងទន្ទឹងរង់ចាំចាក់វ៉ាក់សាំងដោយមិនរារែក ដោយមានការជឿទុកចិត្តចំពោះរាជរដ្ឋាភិបាលកម្ពុជាជានិច្ច ដើម្បីចូលរួមបង្ការទប់ស្កាត់ជំងឺកូវីដ-១៩។បើទោះបីមានព័ត៌មានបំពុលសង្គមយ៉ាងណាក៏ដោយ ស្តីអំពីបញ្ហាការចាក់វ៉ាក់សាំង និងបំផុស បំផុល ឱ្យកម្មករកម្មការិនី តាមរោងចក្រ មិនចូលរួមទទួលវ៉ាក់សាំងនោះ ចំពោះកម្មករកម្មការិនី ដែលកំពុង បម្រើការងារនៅក្នុងរោងចក្រ មេតថេក ក្នុងស្រុកកំពង់សៀម ខេត្តកំពង់ចាម បានគាំទ្រពេញចិត្ត ស្ម័គ្រ ចិត្ត ចូលរួមទទួលការផ្តល់វ៉ាក់សាំងពីរាជរដ្ឋាភិបាល និងស្នើសុំឲ្យមានការពន្លឿនការផ្តល់វ៉ាក់សាំង ដែលជា ជាខែលទប់ស្កាត់ជំងឺកូវីដ-១៩ ខណៈឃើញមានអ្នកវិជ្ជមានកូវីដជាបន្តបន្ទាប់ ហើយបន្តចូលរួម អនុវត្តវិធានការពារអនាម័យ តាមការណែនាំក្រសួងសុខាភិបាលជានិច្ច។លោក ចេង ហ៊ាង ប្រធានមន្ទីរការងារ និងបណ្តុះបណ្តាលវិជ្ជាជីវៈខេត្តកំពង់ចាម បានឲ្យដឹងថា បច្ចុប្បន្ន កម្មករកម្មករិនីរោងចក្រក្នុងខេត្តកំពង់ចាម ក្រោយពិធីបុណ្យចូលឆ្នាំថ្មី ទើបផ្តល់ជូនវ៉ាក់សាំង ដែលបច្ចុប្បន្ន ចំនួនកម្មករកម្មករិនី ដែលស្ម័គ្រចិត្តចុះឈ្មោះចាក់វ៉ាក់សាំង បានប្រមាណ៩០ភាគរយ ហើយ។លោក បានបន្ថែមទៀតថា បច្ចុប្បន្ន នៅតាមបណ្តារោងចក្រ តម្រូវឲ្យកម្មករ កម្មករិនីទាំងអស់ ពាក់ ម៉ាស់ពេលបំពេញការងារ និងមុនចេញចូលរោងចក្រត្រូវវ៉ាស់កម្ដៅ បាញ់អាល់កុលជាប្រចាំ ហើយប្រសិន បើមានករណីឈប់សម្រាក ឬ សុំច្បាប់នោះ ត្រូវមកបំពេញការងារវិញ ត្រូវធ្វើការងារនៅកន្លែង ដោយឡែក ពីគេសិន ទើបអាចចូលកន្លែងដើមបាន និងបន្តអនុវត្តតាមវិធានការ ៣ការពារ និង៣កុំ ដើម្បីឆ្ពោះទៅ បញ្ចប់ព្រឹត្តិការណ៍សហគមន៍២០-កុម្ភៈ នៅកម្ពុជា៕អត្ថបទ ៖ ថុង សីហា

អភិបាលខេត្តកំពត បន្តចុះចែកអំណោយកាកបាទក្រហមជូនពលរដ្ឋងាយរងគ្រោះទាំង៨ ក្រុង-ស្រុក

កំពត ៖ ក្រៅពីចុះផ្សព្វផ្សាយអប់រំ និងអំពាវនាវឲ្យប្រជាពលរដ្ឋ ចូលរួមអនុវត្តនូវវិធានសុវត្ថិភាពនានា ដើម្បី បង្ការជំងឺកូវីដ១៩ រដ្ឋបាលខេត្តកំពត ពិសេសឯកឧត្តម ជាវ តាយ ក៏មិនភ្លេចទេ ចំពោះសុខទុក្ខរបស់ពល រដ្ឋនៅក្នុងគ្រាដ៏សែនលំបាកនេះ។ ឯកឧត្តម បានបន្តចុះចែកអំណោយមនុស្សធម៌កាកបាទក្រហម ជូន ពលរដ្ឋ នៅក្នុង៨ក្រុងស្រុក ហើយនឹងបន្តចែកជាបន្តបន្ទាប់ទៀត។ ក្នុងដំណើរចុះសួរសុខទុក្ខ និងនាំយកអំណោយកាកបាទក្រហមកម្ពុជាសាខាខេត្តកំពត ចែកជូន ពលរដ្ឋងាយរងគ្រោះ ចំនួន១០៧គ្រួសារ នៅស្រុកកំពង់ត្រាច និងក្រុងកំពត កាលពីថ្ងៃទី១២ ខែមេសា ម្សិលមិញ ឯកឧត្តម ជាវ តាយ អភិបាលខេត្តកំពត បានលើកឡើងថា សម្ដេចតេជោ ហ៊ុន សែន នាយករដ្ឋមន្ត្រី នៃព្រះរាជា ណាចក្រកម្ពុជា និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា តែងបាន គិតគូរយកចិត្តទុកដាក់ខ្ពស់ចំពោះសុខទុក្ខ និងជីវភាពរស់នៅរបស់ប្រជាពលរដ្ឋ ដែលងាយរងគ្រោះ និង ខ្វះខាតគ្រប់ទីកន្លែង ដោយមិនរើសអើង ពូជសាសន៍ ពណ៌សម្បុរ និន្នាការនយោបាយណាមួយឡើយ និង មិនទុកចោលប្រជាពលរដ្ឋណាម្នាក់ ឲ្យស្លាប់ដោយខ្វះស្បៀងអាហារនោះទេ។ឯកឧត្តម បានបញ្ជាក់ថា បើទោះបីអំណោយតិចតួច ប៉ុន្តែក៏អាចជួយរំលែកការលំបាកបានមួយ គ្រា ពិសេសក្នុងស្ថានភាព នៃការបង្ការទប់ស្កាត់ជំងឺកូវីដ១៩ ហើយសាខាកាកបាទក្រហមខេត្តកំពត មាន គម្រោងផ្តល់នូវអំណោយមនុស្សធម៌នៅពេលខាងមុខ ប្រមាណជាងមួយពាន់គ្រួសារបន្ថែមទៀត។ឯកឧត្តម បានស្នើដល់ប្រជាពលរដ្ឋឱ្យមានការអត់ធ្មត់ ចូលរួមអនុវត្តវិធានការ ៣ការពារ ៣កុំ និង ត្រូវគោរពបម្រាមរបស់រាជរដ្ឋាភិបាល ក៏ដូចជាអាជ្ញាធរ កងកម្លាំងមានសមត្ថកិច្ចផ្សេងៗ ពិសេសការហាម ធ្វើដំណើរឆ្លងខេត្ត និងឆ្លងតំបន់ ពីស្រុកទៅស្រុកមួយ ពីខេត្តមួយ ទៅខេត្តមួយ ដោយគ្មានការចាំបាច់ ព្រោះបច្ចុប្បន្ន ជំងឺកូវីដ១៩ បាននឹងកំពុងបន្តរីករាលដាលតាមសហគមន៍។ ឯកឧត្តម ក៏បានស្នើដល់ពលរដ្ឋត្រូវចូលរួមចាក់វ៉ាក់សាំងកូវីដ១៩ តាមការណែនាំរបស់ប្រមុខរាជ រដ្ឋាភិបាល។ រាល់វិធានការ រាល់បម្រាម និងការដាក់ចេញនូវបទបញ្ជារបស់ប្រមុខរាជរដ្ឋាភិបាល គឺដើម្បីតែ ការពារ និងជួយបងប្អូនប្រជាពលរដ្ឋទាំងអស់ ហើយកុំជឿបក្សពួកជននៅក្រៅច្បាប់មួយចំនួនតូចនោះ៕អត្ថបទ៖ អន សារឹម

អភិបាលរាជធានី ណែនាំដល់ខណ្ឌដែលបិទខ្ទប់ស្រង់ស្ថិតិពលរដ្ឋ និងកម្មករ ដើម្បីផ្ដល់អំណោយឱ្យដល់ដៃគ្រប់ៗគ្នា

ភ្នំពេញ ៖ អភិបាលរាជធានីភ្នំពេញ ណែនាំឱ្យអភិបាល តាមខណ្ឌស្រង់ស្ថិតិកម្មករ កម្មការិនី ដែលកំពុងធ្វើចត្តាឡីស័ក ឱ្យបានច្បាស់លាស់ ដើម្បីងាយស្រួលផ្តល់អំណោយជូនពួកគាត់។ក្នុងកិច្ចប្រជុំតាមរយៈ video conference ជាមួយអាជ្ញាធរខណ្ឌទាំង១៤ នៅព្រឹកថ្ងៃទី១៣ ខែមេសា ឆ្នាំ២០២១ ឯកឧត្ដម ឃួង ស្រេង អភិបាលរាជធានីភ្នំពេញ បានជំរុញឱ្យអាជ្ញាធរខណ្ឌទាំង១៤ ពិសេសខណ្ឌដែលត្រូវបានបិទខ្ទប់ភូមិឋាន ចំនួន៣ខណ្ឌ ត្រូវស្រង់ស្ថិតិពលរដ្ឋឱ្យបានច្បាស់លាស់ ងាយស្រួលក្នុងផ្តល់អំណោយជូនពួកគាត់ ក្នុងនោះ ការងារស្ថិតិបន្ទប់ជួល ផ្ទះជួល និងអ្នកស្នាក់នៅអចិន្ត្រៃយ៍ក្នុងមូលដ្ឋានរបស់ខ្លួន ដើម្បីគ្រប់គ្រង និងធានាឱ្យបានក្នុងការចែកអំណោយឱ្យបានទៅដល់ដៃប្រជាពលរដ្ឋ កម្មករ កម្មការិនី ដែលកំពុងធ្វើចត្តាឡីស័ក ក្នុងតំបន់បិទខ្ទប់។ឯកឧត្ដម ឃួង ស្រេង បានមានប្រសាសន៍ថា ការចែកអំណោយនៅតំបន់បិទខ្ទប់ គឺត្រូវចែកជូនកម្មករ កម្មការិនីមុនគេ ព្រោះពួកគាត់ជាអ្នកមានជីវភាពខ្វះខាតជាងគេ ហើយក៏ងាយរងគ្រោះជាងគេផងដែរ ដែលអាជ្ញាធរត្រូវយកចិត្តទុកដាក់បំផុត។ ចំពោះខណ្ឌ១១ទៀត ដែលមិនមានការបិទខ្ទប់ភូមិឋានក៏ត្រូវតែចុះស្រង់ស្ថិតិឱ្យបានច្បាស់ដែរ មានន័យថា នៅពេលមានបញ្ហាកើតឡើង យើងមានស្ថិតិនៅក្នុងដៃស្រាប់។ យើងទាំងអស់គ្នាត្រូវចូលរួមការគោរពតាមអនុសាសន៍ដ៏ខ្ពង់ខ្ពស់របស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ដោយអនុវត្តឱ្យបាន " ៣ការពារ ៣កុំ " ព្រមទាំងការអនុវត្តន៍តាមវិធានការរបស់ក្រសួងសុខាភិបាល ដើម្បីចៀសផុតពីជំងឺកូវីដ១៩៕អត្ថបទ ៖ ប្រាក់ វ៉ាន់ដា

ក្នុងអំឡុងពេលបុណ្យចូលឆ្នាំថ្មី ប្រពៃណីជាតិ យុទ្ធនាការចាក់វ៉ាក់សាំងកូវីដ-១៩ បន្តចាក់វ៉ាក់សាំងជូនពលរដ្ឋធម្មតា

ភ្នំពេញ ៖ លោកវេជ្ជបណ្ឌិត ងី មានហេង ប្រធានមនី្ទរសុខាភិបាលរាជធានីភ្នំពេញ ប្រាប់BTV ព័ត៌មាន នាព្រឹកថ្ងៃទី១៣ មេសា ២០២១នេះថា ក្នុងអំឡុងពេលបុណ្យចូលឆ្នាំថ្មី ប្រពៃណីជាតិខ្មែរ នាពេលមុខនេះ គឺយុទ្ធនាការចាក់វ៉ាក់សាំងបង្ការជំងឺកូវីដ-១៩ បន្តចាក់វ៉ាក់សាំងជូនប្រជាពលរដ្ឋជាធម្មតា។លោកវេជ្ជបណ្ឌិត ងី មានហេង បន្តទៀតថា បុណ្យចូលឆ្នាំថ្មី ប្រពៃណីជាតិខ្មែរ រយៈពេល៣ថ្ងៃ ដែលនឹងប្រព្រឹត្តទៅចាប់ពីថ្ងៃទី១៤-១៥-១៦ ខែមេសា ឆ្នាំ២០២១ ខាងមុខនេះ ក្រុមការងារគ្រូពេទ្យ នៅក្នុងរាជធានីភ្នំពេញទាំងអស់ បន្តដំណើរការចាក់វ៉ាក់សាំងបង្ការជំងឺកូវីដ-១៩ ជូនប្រជាពលរដ្ឋជាធម្មតា ដើម្បីការពារទប់ស្កាត់ការរីករាលដាលជំងឺកូវីដ-១៩។ ដោយឡែកសម្រាប់មណ្ឌលចាក់វ៉ាក់សាំងបង្ការជំងឺកូវីដ១៩ នៅក្នុងក្របខណ្ឌរាជធានីភ្នំពេញ មានចំនួន៣៤ទីតាំង ក្នុងនោះយើងមានក្រុមគ្រូពេទ្យដែលចាក់វ៉ាក់សាំងកូវីដ១៩ ជូនប្រជាពលរដ្ឋមានចំនួនជាង៦០០នាក់ និងក្រុមសម្របសម្រួលអាជ្ញាធរតាមមូលដ្ឋាន សរុបទាំងអស់មានចំនួនជាង១០០០នាក់ ផ្សេងទៀត។សូមបញ្ជាក់ផងដែរថា វ៉ាក់សាំងបង្ការជំងឺកូវីដ-១៩ នឹងមកដល់ព្រះរាជាណាចក្រកម្ពុជា ជាបន្តបន្ទាប់ ហើយវ៉ាក់សាំងកូវីដ-១៩ ចំនួន៥០ម៉ឺនដូស នឹងមកដល់នៅថ្ងៃទី១៧ ខែមេសា ឆ្នាំ២០២១ខាងមុខនេះ។ ចំណែក១លាន៥សែនដូស នឹងមកដល់នៅខែឧសភា និង២លានដូស នឹងមកដល់នៅខែកក្កដា និង៣លានដូស នឹងមកដល់នៅខែមិថុនា និង១លានដូសទៀត នឹងមកដល់នៅក្នុងខែសីហា ឆ្នាំ២០២១ខាងមុខនេះ។ វ៉ាក់សាំងកូវីដ១៩ ជាឧបករណ៍ថ្មីមួយបន្ថែមលើវិធានការសុខាភិបាល ដែលមានស្រាប់ សម្រាប់ទប់ស្កាត់ការរីករាលដាលនៃជំងឺកូវីដ១៩ និងសង្គ្រោះជីវិតមនុស្ស ដោយជួយបុគ្គលមិនឲ្យឈឺធ្ងន់ធ្ងរនៅពេលឆ្លងជំងឺកូវីដ១៩ និងកាត់បន្ថយព្យាបាលនៅមនី្ទរពេទ្យ។ ហើយវ៉ាក់សាំងកូវីដ១៩ ដែលកំពុងប្រើប្រាស់នៅក្នុងព្រះរាជាណាចក្រកម្ពុជា ជាវ៉ាក់សាំងដែលបានធ្វើតេស្តពីសុវត្ថិភាព និងប្រសិទ្ធភាពម៉ត់ចត់ និងកំពុងប្រើប្រាស់នៅតាមបណ្តាប្រទេសនានាក្នុងតំបន់ និងក្នុងពិភពលោក ដែលបណ្តាប្រទេសមួយចំនួន បាននិងកំពុងតែដំណើរការចាក់បានរាប់សិបលាននាក់រួចទៅហើយ៕អត្ថបទ រដ្ឋា

ផ្សារធំថ្មីក៏ស្ងប់ស្ងាត់អតិថិជន ទោះបីផ្សារមួយចំនួនបានបិទ ដោយសារកូវីដ-១៩

ភ្នំពេញ ៖ ក្នុងឱកាសពិធីបុណ្យចូលឆ្នាំថ្មី ប្រពៃណីជាតិ ដែលឈានចូលមកដល់នៅថ្ងៃទី១៤ខែមេសាស្អែកនេះ ការលក់ដូរនៅផ្សារធំថ្មី មិនសូវដាច់ដូចបណ្តាឆ្នាំមុនៗ មិនទាន់កើតជំងឺកូវីដ-១៩នោះទេ បើទោះបីបច្ចុប្បន្នមានផ្សារមួយចំនួនក្នុងរាជធានីភ្នំពេញត្រូវបានបិទ។មានប្រសាសន៍ប្រាប់BTV នៅថ្ងៃទី១៣ខែមេសានេះ អាជីវករលក់ដូរនៅផ្សារធំថ្មី បានឲ្យដឹងថា ជិតចូលឆ្នាំថ្មីប្រពៃណីជាតិ ការលក់ដូរមិនសូវដាច់ដូចឆ្នាំមុនៗ មិនទាន់កើតជំងឺកូវីដនោះទេ បើទោះបីបច្ចុប្បន្នមានផ្សារមួយចំនួនក្នុងរាជធានីភ្នំពេញត្រូវបានបិទក៏ដោយ។លើសពីនេះ ពួកគាត់ បញ្ជាក់ថា ទំនិញដាក់លក់នៅពេលនេះ រក្សាតម្លៃដដែលមិនឡើងថ្លៃនោះទេ។កន្លងទៅថ្មីៗនេះ អភិបាលរាជធានីភ្នំពេញ បានសម្រេចបិទផ្សារមួយចំនួនដែលបានរកឃើញអ្នកជាប់ពាក់ព័ន្ធព្រឹត្តិការណ៍សហគមន៍២០កុម្ភៈ មានជំងឺកូវីដ-១៩ ក្នុងបំណងទប់ស្កាត់កុំអោយមានការរីករាលដាលកាន់តែខ្លាំង។ ផ្សារទាំងនោះ រួមមាន ៖ ផ្សារអូរឫស្សីបិទជាបណ្តោះអាសន្នពីថ្ងៃទី៤ រហូតដល់ថ្ងៃទី១៧ ខែមេសា ដោយអាជីវករក្នុងផ្សារត្រូវធ្វើចត្តាឡីស័ក និងត្រូវធ្វើតេស្តរកជំងឺកូវីដ-១៩ និងផ្សារចាស់មួយកន្លែងទៀតត្រូវបិទជាបណ្តោះអាសន្នចាប់ពីថ្ងៃទី១២ ខែមេសាទៅ រហូតមានការសម្រេចជាថ្មី។ សម្រាប់ពិធីបុណ្យចូលខ្មែរ ប្រពៃណីជាតិ នៅឆ្នាំ២០២១នេះ នឹងចាប់ផ្តើមពីថ្ងៃទី១៤ រហូតថ្ងៃទី១៦ ខែមេសា ក្នុងបរិបទជំងឺកូវីដ-១៩ ការស្នាក់នៅផ្ទះជាកន្លែងសុវត្ថិភាពបំផុត៕អត្ថបទ ៖ ទូច សោភ័ណ

ឧត្តមសេនីយ៍ឯក ស ថេត ជំរុញដល់អធិការខណ្ឌទាំងអស់បង្កើនការអនុវត្តបម្រាមគោចរបន្ថែមទៀត

ភ្នំពេញ ៖ ឧត្តមសេនីយ៍ឯក ស ថេត អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញបានជំរុញដល់អធិការខណ្ឌទាំងអស់នៃ រាជធានីភ្នំពេញ ត្រូវបង្កើនការអនុវត្តឲ្យបានខ្ជាប់ខ្ជួនបន្ថែមទៀត នូវបម្រាមគោចររបស់រាជរដ្ឋាភិបាល ខណៈការអនុវត្តនាពេលកន្លងទៅបានប្រកបដោយរលូន ក្នុងការទប់ស្កាត់ការរីករាលដាលនូវមេរោគកូវីដ១៩ ។ថ្លែងនៅក្នុងកិច្ចប្រជុំ ខនហ្វើរិនជាមួយអធិការនគរគរបាលខណ្ឌទាំង១៤ នាថ្ងៃទី១៣ ខែមេសា នេះ ឯកឧត្តមឧត្តមសេនីយ៍ឯក ស ថេត បានលើកឡើងថា អធិការខណ្ឌទាំងអស់ត្រូវបញ្ជាទៅកូនចៅរបស់ខ្លួនឱ្យបង្កើនការយកចិត្តទុកដាក់ខ្ពស់បំផុតក្នុងការអនុវត្តវិធានការបម្រាមគោចរ ពង្រឹងគោលដៅបិទខ្ទប់ និងគោលដៅធ្វើចត្តាឡីស័ក ឱ្យបានម៉ឺងម៉ាត់ ដើម្បីបង្ការទប់ស្កាត់ការឆ្លងរាលដាលជំងឺកូវីដ-១៩ ស្របទៅតាមការណែនាំរបស់រាជរដ្ឋាភិបាល។ឯកឧត្តម បានបន្តទៀតថា នៅគ្រាដែលរដ្ឋបាលរាជធានីភ្នំពេញថ្មីៗនេះ បានដាក់ចេញនូវការអនុវត្តវិធានការរដ្ឋបាលជាបណ្តោះអាសន្នរយៈពេល២សប្តាហ៍ ការអនុវត្តបម្រាមគោចរមានរយៈពល១២យប់ និងឈានចូលដល់យប់ទី១៣នោះ ការរឹតត្បិតទៅលើការធ្វើដំណើរចរាចរណ៍ រឹតត្បិតចំពោះការប្រមូលផ្តុំ រឹតត្បិតចំពោះរបរអាជីវកម្ម ដែលមានការជួបជុំទទួលទានអាហារ ភេសជ្ជៈ ឬគ្រឿងស្រវឹង និង វិធានការបិទខ្ទប់នៅក្នុងសហគមន៍មួយចំនួនក្នុងខណ្ឌមានជ័យ ខណ្ឌសែន សុខ និងខណ្ឌពោធិ៍សែនជ័យ ខណៈដែលសហគមន៍ទាំងនោះបានរកឃើញមានអ្នកឆ្លងជំងឺកូវីដ១៩ ជាប់ពាក់ព័ន្ធនឹងព្រឹត្តិការណ៍សហគមន៍២០ កុម្ភៈជាច្រើន និងជាបន្តបន្ទាប់។ជាមួយគ្នានោះដែរ ឯកឧត្តម អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ ក៏បានណែនាំដល់អធិការនគរបាលខណ្ឌទាំង១៤ ត្រូវដឹកនាំកម្លាំងក្រោមឱវាទចុះសហការជាមួយកម្លាំងពាក់ព័ន្ធអនុវត្តវិធានការខាងលើឱ្យមានប្រសិទ្ធភាព និងការទទួលខុសត្រូវជាពិសេសអនុវត្តឱ្យបានត្រឹមត្រូវតាមផែនការ និងការណែនាំរបស់រដ្ឋបាលរាជធានីភ្នំពេញ ចៀសវាងការអនុវត្តលើសផែនការនិងការណែនាំរបស់រដ្ឋបាលរាជធានីភ្នំពេញបង្កឱ្យរងការរិះគន់របស់ប្រជាពលរដ្ឋ។ដើម្បីពង្រឹងនៃការអនុវត្តវិធានការខាងលើឱ្យមានប្រសិទ្ធភាពបន្ថែមទៀតនោះ ឧត្តមសេនីយ៍ឯក ស ថេត បានចុះត្រួតពិនិត្យគោលដៅបិទខ្ទប់ ទីដែលបងប្អូនប្រជាពលរដ្ឋធ្វើចត្តាឡីស័ក នៅក្នុងសហគមន៍នៅចំណុចភូមិទ្រុងមាន់ សង្កាត់អូរបែកក្អម ខណ្ឌសែន សុខ រាជធានីភ្នំពេញ ដែលមានកម្លាំងនគរបាលរាជធានីភ្នំពេញសហការជាមួយកម្លាំងពាក់ព័ន្ធ ដាក់ការហ៊ុមព័ទ្ធដោយរនាំងដែក និងចងខ្សែ បិទផ្លូវ ចេញ-ចូល នៅក្នុងសហគមន៍នេះ មានចំនួន២១គោលដៅ ដោយរឹតត្បិតមិនឱ្យធ្វើដំណើរចេញ-ចូល លើកលែងតែមានការអនុញ្ញាតដោយអាជ្ញាធរសមត្ថកិច្ច និងករណីចាំបាច់ណាមួយនោះ។តាមរយៈកិច្ចប្រជុំពីចម្ងាយនេះដែរ ឧត្តមសេនីយ៍ឯក ស ថេត ក៏បានណែនាំដល់កងកម្លាំងការពារគោលដៅនីមួយ ត្រូវបំពេញភារកិច្ចដោយប្រុងប្រយ័ត្ន ជាពិសេសការពារទប់ស្កាត់កុំឱ្យបានចំពោះប្រជាពលរដ្ឋលួចគេចចេញពីការធ្វើចត្តាឡីស័ក ដែលមានហានិភ័យបង្កឆ្លងរាលដាលជំងឺកូវីដ១៩នោះ៕អត្ថបទ៖ បាន ចក់

រាជធានីភ្នំពេញ សម្រេចបន្តផ្អាកការជួបជុំ និងធ្វើដំណើរពេលយប់ពីរសប្ដាហ៍បន្ថែមទៀត

ភ្នំពេញ ៖ ដោយសារតែព្រឹត្តិការណ៍សហគមន៍ ២០កុម្ភៈមិនថមថយ រដ្ឋបាលរាជធានីសម្រេចបន្តដាក់ចេញនូវវិធានការរដ្ឋបាល ជាបណ្តោះអាសន្ន ដើម្បីទប់ស្កាត់ការឆ្លងរាលដាលជំងឺ កូវីដ-១៩ នៅក្នុងភូមិសាស្ត្ររាជធានីភ្នំពេញ រយៈពេល២សប្ដាហ៍ បន្ថែមទៀត។រដ្ឋបាលរាជធានីភ្នំពេញ នៅថ្ងៃទី១៣ ខែមេសា ឆ្នាំ២០២១ បានចេញសេចក្ដីសម្រេចបន្តដាក់ចេញនូវវិធានការរដ្ឋបាលជាបណ្តោះអាសន្ន ដើម្បីទប់ស្កាត់ការឆ្លងរាលដាលជំងឺ កូវីដ-១៩ នៅក្នុងភូមិសាស្ត្ររាជធានីភ្នំពេញ ដែលមានថិរវេលាអនុវត្តរយៈពេល២សប្ដាហ៍ បន្ថែមទៀត គិតចាប់ពីថ្ងៃទី១៥ ខែមេសា ឆ្នាំ២០២១ រហូតដល់ថ្ងៃទី២៨ ខែមេសា ឆ្នាំ២០២១ ។សេចក្ដីសម្រេចរបស់រដ្ឋបាលរាជធានីភ្នំពេញ ត្រង់ប្រការ២ ត្រូវបានផ្អាកជាបណ្តោះអាសន្ននូវសកម្មភាពអាជីវកម្មចំពោះតូបអាហារ អាហារដ្ឋាន ភោជនីយដ្ឋាន ហាងកាហ្វេ ហាងភេសជ្ជៈ និងភោជនីយដ្ឋាននៅតាមសណ្ឋាគារ ។ល។ ដែលទទួលអតិថិជនឱ្យចូលមកទទួលទានក្នុងបរិវេណអាជីវកម្មដ្ឋានរបស់ខ្លួន ប៉ុន្តែអាចប្រកបអាជីវកម្មលក់ដូរជាលក្ខណៈវេចខ្ចប់បាន។ប្រការ៣ ត្រូវបានផ្អាកជាបណ្តោះអាសន្ននូវការប្រមូលផ្តុំ ឬការជួបជុំគ្នាទទួលទានអាហារ ភេសជ្ជៈ ឬ ទទួលទានគ្រឿងស្រវឹង នៅចន្លោះម៉ោង ២០ ដល់ម៉ោង ៥ព្រឹក លើកលែងតែចំពោះករណី ដូចជា ការជួបជុំក្នុងចំណោមសមាជិកគ្រួសារដែលរស់នៅក្នុងលំនៅឋាន ឬ ទីសំណាក់ជាមួយគ្នា។ ការរៀបចំពិធីបុណ្យសព ដោយគោរពតាមការកំណត់របស់អាជ្ញាធរមានសមត្ថកិច្ច។ ការជួបជុំរបស់បុគ្គលិកសុខាភិបាល ដើម្បីយកវត្ថុសំណាកបុគ្គលដែលពាក់ព័ន្ធដោយផ្ទាល់ ឬ ប្រយោល ជាមួយអ្នកផ្ទុកជំងឺកូវីដ-១៩ ឬដើម្បីយកអ្នកដែលផ្ទុកជំងឺកូវីដ-១៩ ក៏ដូចជា បុគ្គលិកសុខាភិបាល ដែលបំពេញការងារសង្គ្រោះបន្ទាន់ផ្សេងទៀត។ ការជួបជុំរបស់អាជ្ញាធរមានសមត្ថកិច្ច កម្លាំងគណៈបញ្ជាការឯកភាពរដ្ឋបាលគ្រប់លំដាប់ថ្នាក់ ក្នុងការបំពេញការងារថែរក្សាសន្តិសុខ សណ្តាប់ធ្នាប់ និងរបៀបរៀបរយសាធារណៈ។ ការជួបជុំមនុស្សដែលមានភាពចាំបាច់ សម្រាប់បម្រើផលប្រយោជន៍សាធារណៈ ឬក្នុងគោលបំណងផ្សេងទៀតតាមការកំណត់របស់អាជ្ញាធរមានសមត្ថកិច្ច។ត្រង់ប្រការ៤ រដ្ឋបាលរាជធានីភ្នំពេញសម្រេចបន្តផ្អាកជាបណ្តោះអាសន្ននូវការធ្វើចរាចរណ៍ក្នុងភូមិសាស្ត្ររាជធានីភ្នំពេញ នៅចន្លោះម៉ោង ២០ ដល់ម៉ោង ៥ព្រឹក លើកលែងតែចំពោះករណី ដូចជា ការធ្វើដំណើរដោយមូលហេតុសុខភាពបន្ទាន់ និងមូលហេតុចាំបាច់ក្នុងគ្រួសារ ដែលមានលិខិតបញ្ជាក់ ឬការអនុញ្ញាតពីអាជ្ញាធរមានសមត្ថកិច្ចដែលនៅជិតបំផុត។ ការធ្វើដំណើររបស់បុគ្គលិកក្រុមគ្រូពេទ្យទាំងផ្នែករដ្ឋ និងឯកជន មន្ត្រីរាជការ ក្រុមពន្លត់អគ្គិភ័យ កងកម្លាំងប្រដាប់អាវុធគ្រប់ប្រភេទ ដើម្បីបំពេញបេសកកម្មជូនស្ថាប័ន-អង្គភាព។ ការធ្វើចរាចរណ៍របស់រថយន្តកុងតឺនី រថយន្តដឹកទំនិញ រថយន្តបាញ់បេតុង រថយន្តសម្រាប់បម្រើឱ្យ ការដឹកជញ្ជូនទំនិញ ផ្គត់ផ្គង់ការដ្ឋានសំណង់ រថយន្តដឹកជញ្ជូនសំរាម-សំណល់រឹង និងសំណល់វេជ្ជសាស្ត្រ ការដឹកជញ្ជូនម្ហូបអាហារ របស់បុគ្គលិកបម្រើសេវាដឹកជញ្ជូន។ ការធ្វើដំណើររបស់បុគ្គលិក និងកម្មករ -កម្មការិនី ទៅទីកន្លែងបំពេញការងារនៅក្នុងសហគ្រាស គ្រឹះស្ថាន រោងចក្រ ឬទីតាំងអាជីវកម្ម ដែលអនុញ្ញាតឱ្យបើកដំណើរការជាធម្មតា និងការធ្វើដំណើរចាំបាច់ផ្សេងៗទៀត ដែលមានការអនុញ្ញាតពីអាជ្ញាធរមានសមត្ថកិច្ច។បុគ្គល ឬ នីតិបុគ្គលទាំងឡាយណា ដែលមិនអនុវត្តតាមខ្លឹមសារនៃប្រការ២ ប្រការ៣ និងប្រការ៤ ខាងលើ នឹងត្រូវទទួលទោសដូចមានកំណត់ក្នុងច្បាប់ស្តីពីវិធានការទប់ស្កាត់ការឆ្លងរាលដាលនៃជំងឺកូវីដ-១៩ និងជំងឺឆ្លងកាចសាហាវ និងប្រកបដោយគ្រោះថ្នាក់ធ្ងន់ធ្ងរផ្សេងទៀត និងលិខិតបទដ្ឋានគតិយុត្តិពាក់ព័ន្ធជាធរមាន។ នេះបើយោងតាមប្រការ៥ នៃសេចក្ដីសម្រេចរបស់រដ្ឋបាលរាជធានីភ្នំពេញ។គួរបញ្ជាក់ថា ការសម្រេចរបស់រដ្ឋបាលរាជធានីភ្នំពេញនេះជាលើកទី២ហើយ ដោយលើកទី១គឺសម្រេចកាលពីថ្ងៃទី១ ដល់ថ្ងៃទី១៤ មេសា ប៉ុន្តែដោយមើលឃើញពីស្ថានភាពនៃព្រឹត្តិការណ៍សហគមន៍២០កុម្ភៈមិនថមថយនោះ ទើបរដ្ឋបាលរាជធានីសម្រេចបន្តដាក់ចេញនូវវិធានការរដ្ឋបាលជាបណ្តោះអាសន្ន រយៈពេល ២ សប្ដាហ៍បន្ថែមទៀត៕អត្ថបទ ៖ ប្រាក់ វ៉ាន់ដា

អតីតយុទ្ធជន និងគ្រួសារជាង ៤០០០នាក់ នៅខេត្តកំពត ទទួលការចាក់វ៉ាក់សាំងកូវីដ-១៩

កំពត ៖ ការចាក់វ៉ាក់សាំងការពារជំងឺកូវីដ១៩ នៅខេត្តកំពត ជំហានទី១ និងទី២ សរុបបានចំនួន ជាងមួយម៉ឺន ប្រាំពាន់នាក់ហើយ ខណៈអតីតយុទ្ធជន និងក្រុមគ្រួសារ ចំនួនជាងបួនពាន់នាក់ទៀត បាននឹងកំពុងនាំគ្នា មកទទួលការចាក់វ៉ាក់សាំងការពារកូវីដ១៩ដែរ។នៅក្នុងដំណើរអញ្ជើញជួបសំណេះសំណាល សួរសុខទុក្ខលើកទឹកចិត្តគ្រូពេទ្យ និងអតីតអតីត យុទ្ធជន ព្រមទាំងគ្រួសារ ដែលត្រូវទទួលការចាក់វ៉ាក់សាំងការពារជំងឺឆ្លងកូវីដ១៩ តាមគោលការណ៍ ស្ម័គ្រចិត្ត និងឥតគិតថ្លៃ នៅមន្ទីរពេទ្យបង្អែកខេត្តកំពត កាលពីចុងសប្ដាហ៍មុននេះ ឯកឧត្តម ជាវ តាយ អភិបាលខេត្តកំពត បានលើកឡើងថា សម្ដេចតេជោ ហ៊ុន សែន ប្រមុខរាជរដ្ឋាភិបាលកម្ពុជា និងជាប្រធាន សមាគមអតីតយុទ្ធជនកម្ពុជា និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហម កម្ពុជា ជានិច្ចកាល តែងតែនឹកដល់គុណបំណាច់របស់អតីតយុទ្ធជន និងគ្រួសារអតីតយុទ្ធជន មិនដែល បំភ្លេចពេលណាឡើយ។ ហើយស្ថិតក្នុងស្ថានភាពបច្ចុប្បន្ន ដែលប្រទេសកម្ពុជា និងពិភពលោកទាំងមូល បាននឹងកំពុងរងការយាយីដោយជំងឺកូវីដ១៩ ដែលជាជំងឺដ៏កាចសាហាវ និងមិនទាន់មានថ្នាំព្យាបាលនៅ ឡើយនោះ សម្ដេច បានខិតខំស្វែងរកគ្រប់លទ្ធភាព ដើម្បីបានវ៉ាក់សាំងមកចាក់ជូនប្រជាពលរដ្ឋ ដោយ ឥតគិតថ្លៃ។ឯកឧត្តម បានបញ្ជាក់ថា ការចាក់វ៉ាក់សាំងនៅខេត្តកំពត ធ្វើ២ជំហានរួចមកហើយ ដែលបានចាក់ ជូនដល់កងកម្លាំង មន្ត្រីរាជការជួរមុខ និងមុខព្រួញអាទិភាព មានចំនួនសរុប១ម៉ឺន៥ពាន់នាក់។ ចំណែក លើកនេះ នៅទូទាំងខេត្តកំពត បានចាក់ជូនអតីតយុទ្ធជន និងគ្រួសារ ចំនួនជាង៤ពាន់នាក់ ហើយការចាក់ វ៉ាក់សាំង ត្រូវប្រើរយៈពេលចាក់បីថ្ងៃ ដោយអនុវត្តនៅតាមបណ្ដាក្រុងស្រុកទាំង៨ ក្នុងខេត្តចាប់ពីថ្ងៃទី១០ ខែមេសានេះ។ឯកឧត្តម អភិបាលខេត្ត ក៏បានលើកទឹកចិត្ត និងស្នើឲ្យអតីតយុទ្ធជន និងគ្រួសារ ទៅទទួលការចាក់ វ៉ាក់សាំងឲ្យបានគ្រប់គ្នា ដើម្បីរួមគ្នាប្រយុទ្ធប្រឆាំង និងបង្ការទប់ស្កាត់ការឆ្លងជំងឺកូវីដ-១៩ ពិសេសការរួម គ្នាអនុវត្តវិធាន “៣ការពារ ៣កុំ” តាមការអំពាវនាវរបស់សម្តេចតេជោ ហ៊ុន សែន៕អត្ថបទ៖ អន សារឹម

អភិបាលខេត្តតាកែវ ដាក់បទបញ្ជាម៉ឺងម៉ាត់ឱ្យអាជ្ញាធរមានសមត្ថកិច្ចទប់ស្កាត់ការឆ្លងព្រំប្រទល់ខេត្ត

តាកែវ ៖ អភិបាលខេត្តតាកែវ បានដាក់បទបញ្ជាម៉ឺងម៉ាត់ដល់គោលដៅត្រួតពិនិត្យការចេញចូល នៅតាមបណ្តា ស្រុកជាប់ខេត្តកំពត កណ្តាល និងខេត្តកំពង់ស្ពឺ ត្រូវហាមឃាត់មិនឱ្យពលរដ្ឋចេញចូលឆ្លងខេត្តបានជាដាច់ ខាត ដើម្បីទប់ស្កាត់ការឆ្លងរាលដាលជំងឺកូវីដ-១៩។នៅក្នុងពេលចុះត្រួតពិនិត្យស្ថានភាពចរាចរណ៍ នៅតាមបណ្តោយផ្លូវជាតិលេខ២ និងលេខ៣ កាលពីចុងសប្ដាហ៍មុននេះ អភិបាលខេត្តតាកែវ ឯកឧត្តម អ៊ូច ភា បានដាក់បទបញ្ជាយ៉ាងម៉ឺងម៉ាត់បំផុត ចំពោះអាជ្ញាធរមានសមត្ថកិច្ច និងផ្នែកពាក់ព័ន្ធ ដែលកំពុងតែឈរជើងត្រួតពិនិត្យការធ្វើដំណើរ របស់ ប្រជាពលរដ្ឋនៅតាមគោលដៅប៉ុស្តិ៍ជាប់នឹងខេត្តកំពង់ស្ពឺ និងខេត្តតាកែវ ត្រូវតែហាមឃាត់ពួកគេកុំឱ្យឆ្លង ទៅមក រវាងខេត្ត និងខេត្ត បានជាដាច់ខាត ដើម្បីទប់ស្កាត់ការឆ្លងរាលដាលជំងឺកូវីដ-១៩ កាន់តែធ្ងន់ធ្ងរ ជាងនេះ ពិសេសខេត្ត ដែលមានហានិភ័យខ្ពស់។ឯកឧត្តម បានបញ្ជាក់ថា ការរាំងខ្ទប់ការធ្វើដំណើរឆ្លងកាត់ខេត្ត ចាប់ពីថ្ងៃទី០៧ដល់ថ្ងៃទី២០ ខែមេ សានេះ របស់រាជរដ្ឋាភិបាល គឺក្នុងគោលបំណងទប់ស្កាត់ការឆ្លងរីករាលដាលជំងឺកូវីដ១៩នេះ ចូលសហគមន៍កាន់តែធ្ងន់ធ្ងរជាងនេះទៅទៀត ព្រោះស្ថានភាពជំងឺនេះនៅក្នុងប្រទេសកម្ពុជា មិនទាន់ថមថយនៅ ឡើយទេ ដែលតម្រូវឱ្យពលរដ្ឋទាំងអស់ រួមគ្នាទប់ស្កាត់ ដោយអនុវត្តតាមការណែនាំក្រសួងសុខាភិបាល ពិសេសវិធានការ៣កុំ និង៣ការពារ ឱ្យបានត្រឹមត្រូវ។ឯកឧត្តម អ៊ូច ភា បានអំពាវនាវ និងសុំការយោគយល់ពីសំណាក់ប្រជាពលរដ្ឋ កុំទាន់ធ្វើដំណើរ ទៅមកលេងស្រុកកំណើត នៅក្នុងរយៈពេលនៃការបិទការធ្វើដំណើរនេះ ដោយបន្តស្នាក់នៅកន្លែងដដែល ដើម្បីរួមគ្នាទប់ស្កាត់ជំងឺកូវីដ-១៩ ដោយកុំធ្វើឱ្យខ្លួនក្លាយជាភ្នាក់ងារចម្លងជំងឺកូវីដ-១៩ ដល់បងប្អូនសាច់ ញាតិនៅស្រុកកំណើតរបស់ខ្លួនឡើយ៕អត្ថបទ៖ គុជ វិភាគ

បណ្ដាញសង្គម

ព័ត៌មានថ្មីៗ

អ៊ីស្រាអែល បដិសេធរបាយការណ៍អំពីការវាយប្រហារពេលយប់ នៅស៊ីរី

សេចក្ដីព្រាងចំនួន ៤ ត្រូវបានកិច្ចប្រជុំពេញអង្គគណៈរដ្ឋមន្ត្រីអនុម័តនៅថ្ងៃនេះ

អាជ្ញាធរខេត្តកោះកុង បំភ្លឺថាមិនមានការបង្រ្កាបទីតាំងល្បែងអនឡាញទេ មានការស្រាវជ្រាវករណីឃាតកម្ម

សម្ដេចធិបតី៖បូជនីយដ្ឋានចងចាំនៃកម្ពុជានឹងក្លាយជាការចងចាំជាសាកល និងជាមជ្ឈមណ្ឌលអន្តរជាតិ

លោកអ្នកឧកញ៉ាបណ្ឌិត ទ្រី ភាព ជួបសំណេះសំណាលជាមួយនិស្សិតជ័យលាភីអាហារូបករណ៍ទៅសិក្សានៅប្រទេសហុងគ្រីចំនួន ១៦រូប

សម្ដេចធិបតី៖ខែកក្កដាជាពេលវេលាដ៏មានអត្ថន័យ ខណៈសម្បត្តិបេតិកភណ្ឌជាតិ៣ត្រូវបានចុះបញ្ជីនៅយូណេស្កូ

EU យល់ព្រមលើការដាក់ទណ្ឌកម្មថ្មីមិនធ្លាប់មានពីមុន ដោយដាក់គោលដៅលើការនាំចេញប្រេងរបស់រុស្ស៊ី

ប្រជាជនអាល្លឺម៉ង់ថ្កោលទោសការកេណ្ឌទ័ពដោយបង្ខំ នៅអ៊ុយក្រែនថា ជា«ការប្រើអំណាចផ្តាច់ការ» និង «អមនុស្សធម៌»

អាល្លឺម៉ង់បញ្ជូនជនជាតិអាហ្វហ្គានីស្ថាន៨១នាក់ ទៅប្រទេសកំណើតវិញ ជាលើកទី២ ចាប់តាំងពីក្រុមតាលីបង់ ត្រឡប់មកកាន់អំណាចវិញ

សម្ដេចធិបតី នាយករដ្ឋមន្រ្ដី៖ ការវិសោធនកម្មច្បាប់កាតព្វកិច្ចយោធាគឺដើម្បីកែសម្រួលឱ្យស្របទៅនឹងស្ថានភាពបច្ចុប្បន្ន

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

អតីតយុទ្ធជន និងគ្រួសារនៅខេត្តបាត់ដំបង ទទួលការចាក់វ៉ាក់សាំងបង្ការជំងឺកូវីដ-១៩

ដោយជឿជាក់លើរាជរដ្ឋាភិបាល កម្មកររោងចក្រក្នុងខេត្តកំពង់ចាម មិនរារែកក្នុងការចាក់វ៉ាក់សាំង

អភិបាលខេត្តកំពត បន្តចុះចែកអំណោយកាកបាទក្រហមជូនពលរដ្ឋងាយរងគ្រោះទាំង៨ ក្រុង-ស្រុក

អភិបាលរាជធានី ណែនាំដល់ខណ្ឌដែលបិទខ្ទប់ស្រង់ស្ថិតិពលរដ្ឋ និងកម្មករ ដើម្បីផ្ដល់អំណោយឱ្យដល់ដៃគ្រប់ៗគ្នា

ផ្សារធំថ្មីក៏ស្ងប់ស្ងាត់អតិថិជន ទោះបីផ្សារមួយចំនួនបានបិទ ដោយសារកូវីដ-១៩

ឧត្តមសេនីយ៍ឯក ស ថេត ជំរុញដល់អធិការខណ្ឌទាំងអស់បង្កើនការអនុវត្តបម្រាមគោចរបន្ថែមទៀត

រាជធានីភ្នំពេញ សម្រេចបន្តផ្អាកការជួបជុំ និងធ្វើដំណើរពេលយប់ពីរសប្ដាហ៍បន្ថែមទៀត

អតីតយុទ្ធជន និងគ្រួសារជាង ៤០០០នាក់ នៅខេត្តកំពត ទទួលការចាក់វ៉ាក់សាំងកូវីដ-១៩

អភិបាលខេត្តតាកែវ ដាក់បទបញ្ជាម៉ឺងម៉ាត់ឱ្យអាជ្ញាធរមានសមត្ថកិច្ចទប់ស្កាត់ការឆ្លងព្រំប្រទល់ខេត្ត

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

អតីតយុទ្ធជន​ និង​គ្រួសារ​នៅ​ខេត្តបាត់ដំបង​ ទទួល​ការចាក់​វ៉ាក់សាំង​បង្ការ​ជំងឺ​កូ​វីដ​-១៩

ដោយ​ជឿជាក់​លើ​រាជរដ្ឋាភិបាល កម្មករ​រោងចក្រ​ក្នុង​ខេត្តកំពង់ចាម​ មិន​រារែក​ក្នុង​ការ​ចាក់​វ៉ាក់សាំង

អភិបាលខេត្ត​កំពត​ ប​ន្ត​ចុះ​ចែក​អំណោយ​កាកបាទក្រហម​ជូន​ពល​រដ្ឋ​ងាយ​រងគ្រោះ​ទាំង​៨ ​ក្រុង​-ស្រុក

ផ្សារ​ធំថ្មី​ក៏​ស្ងប់ស្ងាត់​អតិថិជន​ ទោះបី​​ផ្សារ​មួយចំនួន​បាន​បិទ ​ដោយសារ​កូ​វីដ​-១៩

ឧ​ត្ត​ម​សេនីយ៍​ឯក ស ថេត ជំរុញ​ដល់​អធិការ​ខណ្ឌ​ទាំងអស់​បង្កើន​ការអនុវត្ត​បម្រាម​គោចរ​បន្ថែមទៀត

រាជធានី​ភ្នំពេញ​ សម្រេច​បន្ត​ផ្អាក​ការ​ជួបជុំ ​និង​ធ្វើដំណើរ​ពេលយប់​ពីរ​សប្ដាហ៍​បន្ថែម​ទៀត

អតីតយុទ្ធជន​ និង​គ្រួសារ​ជាង ​៤០០០​នាក់​ នៅ​ខេត្តកំពត ​ទទួល​ការ​ចាក់​វ៉ាក់សាំង​កូ​វីដ​-១៩

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

អតីតយុទ្ធជន និងគ្រួសារនៅខេត្តបាត់ដំបង ទទួលការចាក់វ៉ាក់សាំងបង្ការជំងឺកូវីដ-១៩

ដោយជឿជាក់លើរាជរដ្ឋាភិបាល កម្មកររោងចក្រក្នុងខេត្តកំពង់ចាម មិនរារែកក្នុងការចាក់វ៉ាក់សាំង

អភិបាលខេត្តកំពត បន្តចុះចែកអំណោយកាកបាទក្រហមជូនពលរដ្ឋងាយរងគ្រោះទាំង៨ ក្រុង-ស្រុក

ផ្សារធំថ្មីក៏ស្ងប់ស្ងាត់អតិថិជន ទោះបីផ្សារមួយចំនួនបានបិទ ដោយសារកូវីដ-១៩

ឧត្តមសេនីយ៍ឯក ស ថេត ជំរុញដល់អធិការខណ្ឌទាំងអស់បង្កើនការអនុវត្តបម្រាមគោចរបន្ថែមទៀត

រាជធានីភ្នំពេញ សម្រេចបន្តផ្អាកការជួបជុំ និងធ្វើដំណើរពេលយប់ពីរសប្ដាហ៍បន្ថែមទៀត

អតីតយុទ្ធជន និងគ្រួសារជាង ៤០០០នាក់ នៅខេត្តកំពត ទទួលការចាក់វ៉ាក់សាំងកូវីដ-១៩