BTV NEWS

សម្ដេចធិបតី ដឹកនាំគណៈប្រតិភូចូលក្រាបបង្គំគាល់ព្រះករុណា ព្រះមហាក្សត្រ ទូលថ្វាយលទ្ធផលចុះបញ្ជីបូជនីយដ្ឋានចងចាំនៃកម្ពុជា ក្នុងបញ្ជីបេតិកភណ្ឌពិភពលោក

សភាតំណាងប្រជាជនចិនចាត់ទុកសម្តេចតេជោ ជាតួអង្គសំខាន់បន្តពីព្រះបរមរតនកោដ្ឋក្នុងការពូនជ្រំទំនាក់ទំនងរវាងកម្ពុជា និងចិន

សម្តេចតេជោអនុញ្ញាតឱ្យសមាជិកគណៈកម្មាធិការអចិន្ត្រៃយ៍សភាប្រជាជនចិនជួបសម្តែងការគួរសម

ក្រុមការងារបច្ចេកទេសអន្តរក្រសួងបន្តចុះកំណត់និយាមកា និងបោះបង្គោលព្រំដីតាមបណ្តោយព្រែកជីកហ្វូណនតេជោ សម្រាប់កំណាត់ទី២ ក្នុងភូមិសាស្រ្តខេត្តកំពត

នយោបាយ និង ការអភិវឌ្ឍន៍

អាជ្ញាធរខេត្តបាត់ដំបង សម្រេចបិទមិនឲ្យឆ្លងកាត់ចេញ-ចូល រយៈពេល៨ថ្ងៃ ដើម្បីទប់ស្កាត់ការឆ្លងកូវីដ១៩

បាត់ដំបង ៖ នៅថ្ងៃទី២០ ខែមេសា នេះ រដ្ឋបាលខេត្តបាត់ដំបង បានសម្រេចបិទ និងហាមឃាត់ការធ្វើដំណើរឆ្លងកាត់ ចេញ-ចូល ជាបណ្តោះអាសន្ន រយៈពេល៨ថ្ងៃ គឺចាប់ពីថ្ងៃទី២០ ដល់ថ្ងៃទី២៨ ខែមេសា ឆ្នាំ២០២១នេះ ដើម្បីបង្ការ និងទប់ស្កាត់ការរីកដាលដាលនូវមេរោគកូវីដ១៩ ប៉ុន្តែចំពោះការដឹកជញ្ជូន ទំនិញគ្រប់ប្រភេទត្រូវបានដំណើរការជាធម្មតា និងករណីមួយចាំបាច់មួយចំនួនទៀតជាដើម។យោងតាមលិខិតមួយរបស់រដ្ឋបាលខេត្តបាត់ដំបង ដែលបានផ្ញើជូនដល់កងកម្លាំងប្រដាប់អាវុធទាំងបីប្រភេទ និងរដ្ឋបាលស្រុកទាំង១៤ នៃខេត្តនេះ បានឲ្យដឹងថា ដើម្បីចូលរួមទប់ស្កាត់ការឆ្លងរាលដាលនៃជំងឺកូវីដ ស្របតាមការណែនាំរបស់រាជរដ្ឋាភិបាលកម្ពុជា សូមធ្វើការបិទការធ្វើដំណើរជាបណ្តោះអាសន្ន រយៈពេល៨ថ្ងៃ ដោយចាប់ពីថ្ងៃជូនដំណឹងនេះតទៅ ហើយប្រសិនបើបុគ្គលណាបំពាននូវបំរាម ហាមឃាត់នេះ ត្រូវចាត់វិធានការជាធរមានផងដែរ។ លិខិតដដែលបានបញ្ជាក់បន្ថែមទៀតថា«ចំពោះវិធានការរដ្ឋបាល ក្នុងការហាមឃាត់ការធ្វើដំណើរឆ្លងកាត់ ចេញ-ចូលនេះ ត្រូវយកចិត្តទុកដាក់ខ្ពស់ចំពោះបុគ្គលល្មើស ដែលប្រើប្រាស់មធ្យោបាយផ្សេងៗ ធ្វើដំណើរតាមផ្លូវជនបទ ផ្លូវលំនានាតាមភូមិ ឃុំ ស្រុក ដើម្បីបង្វែងដានអាជ្ញាធរសមត្ថកិច្ច ហើយទៅសំងំខ្លួននៅក្នុងសហគមន៍ ភូមិ ឃុំ និងសង្កាត់ ដែលអាចនាំមកនូវការរីករាលដាលជំងឺកូវីដ១៩»។ ប៉ុន្តែទោះបីជាយ៉ាងណាក៏ដោយ ការហាមឃាត់ការធ្វើដំណើរនេះ ត្រូវបានលើកលែងផងដែរ ដូចជាការដឹកជញ្ជួនទំនិញគ្រប់ប្រភេទទាំងផ្លូវគោក ទឹក និងអាកាស.ការធ្វើដំណើររបស់មន្រ្តីរាជកាសាធារណៈទាំងថ្នាក់ជាតិ និងថ្នាក់ក្រោមជាតិ សំដៅបំពេញការងារប្រចាំថ្ងៃ ដោយត្រូវបង្ហាញដល់កងកម្លាំងមានសមត្ថកិច្ច ត្រួតពិនិត្យប័ណ្ណសម្គាល់ខ្លួន ឯកសារបេសកកម្ម និងឯកសារពាក់ព័ន្ធផ្សេងៗទៀត។ ចំពោះការធ្វើដំណើររបស់កងកម្លាំងប្រដាប់អាវុធគ្រប់ប្រភេទ ក្នុងគោលដៅបំពេញភារកិច្ចរបស់ខ្លួន ដោយរួមទាំងការដឹកជញ្ជួនពលករ ដែលធ្វើដំណើរវិលត្រឡប់ពីក្រៅប្រទេស ចូលក្នុងកម្ពុជាទៅកាន់ស្រុកកំណើតក្នុងគោលបំណងដើម្បីធ្វើច័ត្តាឡីស័ក រថយន្តសង្រ្គោះបន្ទាន់របស់មន្ទីរពេទ្យរដ្ឋ និងឯកជន រថយន្តពន្លត់អគ្គិភ័យ និងរថយន្តបម្រើសេវាកម្មដឹកជញ្ជួនសំរាម និងកាកសំណល់ក៏ត្រូវបានលើកលែងផងដែរ។ ជាមួយគ្នានោះដែរ រដ្ឋបាលខេត្តបាត់ដំបង ក៏បានបញ្ជាក់ដល់អាជ្ញាធរគ្រប់លំដាប់ថ្នាក់ទាំងអស់ឲ្យមានការលើកលែង ការដឹកជញ្ជួនកម្មករទៅកាន់ទីកន្លែងការងារនៅតាមរោងចក្រ-សហគ្រាស ដែលត្រូវមានប័ណ្ណអនុញ្ញាត ចេញដោយក្រសួងការងារ និងបណ្តុះបណ្តាលវិជ្ជាជីវៈ ឬមន្ទីរការងារ និងបណ្តុះបណ្តាលវិជ្ជាជីវៈ។ ការធ្វើដំណើររបស់ប្រជាពលរដ្ឋទៅកាន់មន្ទីរពេទ្យ ឬមណ្ឌលសុខភាព ដែលនៅជិតបំផុតដើម្បីទទួលបាននូវសេវាសុខភាពចាំបាច់ និងបន្ទាន់ ដោយកំណត់ចំនួនមនុស្សមិនឲ្យលើសពី៤នាក់ សម្រាប់ករណីនីមួយៗនោះឡើយ ហើយនិងការធ្វើដំណើរដោយមូលហេតុចាំបាច់ផ្សេងទៀតដោយមានការអនុញ្ញាតពីអាជ្ញាធរមានសមត្ថកិច្ចជាដើមនោះ៕អត្ថបទ ៖ បាន ចក់

មេបញ្ជាការកងទ័ពជើងគោក បញ្ជូនកម្លាំងចូលរួមក្នុងការដឹកជញ្ជូនស្បៀង ជូនប្រជាពរដ្ឋដែលរស់នៅក្នុងតំបន់បិទខ្ទប់

ភ្នំពេញ ៖ ឯកឧត្តម ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការងនៃកងយោធពលខេមរភូមិន្ទ មេបញ្ជាការកងទ័ពជើងគោក បានបញ្ជូនកម្លាំងទ័ព និងរថយន្តដឹកជញ្ជូន ចូលអន្តរាគមន៍ ដឹកជំនួយសង្គមរបស់រាជរដ្ឋាភិបាលចែកជូនប្រជាពលរដ្ឋដែលរស់នៅក្នុងតំបនបិទខ្ទប់ ដោយសហការជាមួយសាលារាជធានីភ្នំពេញ ចាប់ពីថ្ងៃទី២០ ខែមេសា ឆ្នាំ២០២១នេះទៅ។ឯកឧត្តម ហ៊ុន ម៉ាណែត បានមានប្រសាសន៍ថា កម្លាំងដែលបញ្ជូនជំហានដំបូង ប្រើប្រាស់កម្លាំងបញ្ជាការដ្ឋានទ័ពពិសេស ចំនួន២០០នាក់ និងកងពលតូចដឹកជញ្ជូនលេខ៩០ ប្រើប្រាស់រថយន្ត២០គ្រឿង។សូមរំលឹកជូនថា កាលពីថ្ងៃទី១៤ ខែមេសា ឆ្នាំ២០២១ រាជរដ្ឋាភិបាលកម្ពុជា បានចេញសេចក្តីសម្រេចស្តីពីការបិទខ្ពប់ភូមិសាស្រ្តរាជធានីភ្នំពេញ និងក្រុងតាខ្មៅនៃខេត្តកណ្តាល ដើម្បីទប់ស្កាត់ការឆ្លងរាលដាលនៃជំងឺកូវដ-១៩។ ការចេញសេចក្តីសម្រេចនេះ ដោយសារស្ថានភាពជំងឺកវីដ-១៩ នៅកម្ពុជា មានភាពកាន់តែធ្ងន់ធ្ងរ។ជាមួយនឹងការអនុវត្តវិធានការនានារបស់រាជរដ្ឋាភិបាល កងទ័ពបានចូលរួមយ៉ាងសកម្ម ក្នុងសកម្មភាពទប់ស្កាត់ការីករាលដាល់នៃជំងឺកូវីដ១៩នេះតាំងពីដំបូងមក។ ការចូលរួមដូចជា ការពារទប់ស្កាត់លំហូរពលករមកពីប្រទេសថៃ ការដឹកជញ្ជូនពលករ និងប្រជាពលរដ្ឋ ត្រឡប់ពីប្រទេសថៃ ទៅកាន់ខេត្តគោលដៅ ចូលរួមការពារនៅបរិវេណមណ្ឌលចត្តាឡីស័ក ការចូលរួមក្នុងការចាក់វ៉ាក់សាំង ការចូលរួមរៀបចំមន្ទីរពេទ្យសម្រាប់ព្យាបាលអ្នកជំងឺកូវីដ-១៩ ការចូលរួមបាញ់ថ្នាំសម្លាប់មេរោគនៅទីសារធារណៈនិងឯកជន និងចូលរួមការពារតំបន់បិទខ្ទប់ផងដែរ៕

សម្ដេចតេជោ ហ៊ុន សែន និងភរិយា ទទួលការចាក់វ៉ាក់សាំងដូសទីពីរនៅព្រឹកនេះ នៅគេហដ្ឋានរបស់សម្ដេចផ្ទាល់

ភ្នំពេញ៖ សម្ដេចតេជោ ហ៊ុន សែន នាយករដ្ឋមន្ត្រីកម្ពុជា និងភរិយារបស់លោក គឺសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន បានទទួលដូសទី២នៃវ៉ាក់សាំង AstraZeneca នៅថ្ងៃនេះ។ប្រមុខរាជរដ្ឋាភិបាលកម្ពុជា បានប្រកាសឱ្យដឹងពីការចាក់វ៉ាក់សាំង AstraZeneca ដូសទី២នេះនៅលើទំព័រហ្វេសប៊ុកផ្លូវការរបស់លោកនៅព្រឹកថ្ងៃនេះ។បើតាមទំព័រហ្វេសប៊ុកលោក សម្ដេចតេជោ ហ៊ុន សែន និងភិរយារបស់លោក បានទទួលវ៉ាក់សាំងដូសទី២នេះនៅឯគេហដ្ឋានរបស់សម្ដេចតែម្ដង ដោយចាក់វ៉ាក់សាំងនៅលើដៃខាងឆ្វេងដដែល។សម្ដេចតេជោ ហ៊ុន សែន ឱ្យដឹងផងដែរថា កូនស្រីពៅរបស់សម្ដេច ក៏ទទួលការចាក់វ៉ាក់សាំងស៊ីណូវ៉ាក់ដូសទី២ផងដែរនៅថ្ងៃនេះ។សម្រាប់ការចាក់វ៉ាក់សាំងដូសទី២នេះ សម្ដេចតេជោ ហ៊ុន សែន លើកឡើងថា «ខ្ញុំនៅបន្តចាក់ដៃឆ្វេងដដែល ដើម្បីទុកដៃស្ដាំបន្តកិច្ចការតទៅទៀត។ រឿងដែលបារម្ភ តើខ្ញុំងងុយដេកដូចកាលចាក់ដូសទីមួយឬទេ? បើងងុយដេក ឯកសារច្បាស់ជានៅលើតុ និងមិនបានហាត់ប្រាណផងដែរ»។សម្ដេចតេជោ ហ៊ុន សែន បញ្ជាក់ថា សម្ដេចចាក់វ៉ាក់សាំងដូសទី២នៅថ្ងៃនេះ គឺដើម្បីអាចចេញដំណើរទៅចូលរួមកិច្ចប្រជុំកំពូលអាស៊ានដែលគ្រោងរៀបចំធ្វើឡើងនៅប្រទេសឥណ្ឌូនេស៊ីនៅថ្ងៃទី២៤ ខែមេសានេះ។សម្ដេចតេជោ ហ៊ុន សែន បានទទួលការចាក់វ៉ាក់សាំង AstraZeneca ដូសទី១ កាលពីថ្ងៃទី៤ ខែមីនាកន្លងមកនេះ ដែលការចាក់លើកទី១នោះ ធ្វើឡើងនៅឯមន្ទីរពេទ្យកាល់ម៉ែត្រ៕

សម្តេចតេជោ ហ៊ុន សែន ស្នើសុំមិនឲ្យប្រតិជូនដំណើរ និងទទួលសម្តេចពេលទៅមកប្រទេសឥណ្ឌូនេស៊ី

ភ្នំពេញ ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា បានស្នើដល់ប្រតិភូនៃរាជរដ្ឋាភិបាលទាំងអស់ មិនចាំបាច់ជូនដំណើរ និងទៅទទួលសម្តេច ពេលដែលសម្តេចអញ្ជើញទៅ ចូលរួមកិច្ចប្រជុំអាស៊ាន នៅប្រទេសឥណ្ឌូនេស៊ី ដើម្បីបង្ការទប់ស្កាត់ការរីករាលដាលនូវមេរោគកូវីដ១៩។យោងតាមសារសំឡេងរបស់សម្តេចតេជោ ហ៊ុន សែន នាព្រឹកថ្ងៃទី២០ ខែមេសា ឆ្នាំ២០២១នេះ សម្តេចតេជោ ហ៊ុន សែន បានបញ្ជាក់ឲ្យដឹងថា ការចេញដំណើររបស់សម្តេច នាថ្ងៃទី២៤ ខែមេសា ខាងមុខនេះទៅប្រទេសឥណ្ដូនេស៊ី ដើម្បីទៅចូលរួមកិច្ចប្រជុំអាស៊ានពេលនេះ គឺមិនចាំបាច់ជូនដំណើរ ហើយពេលដែលសម្តេចវិលត្រឡប់មកវិញក៏មិនចាំបាច់ទៅទទួលផងដែរ ខណៈដែលប្រទេសកម្ពុជាយើង ជាពិសេសនៅក្នុងរាជធានីភ្នំពេញនេះតែម្តង បានកំពុងតែធ្វើការបិទខ្ទប់ដើម្បើទប់ស្កាត់ និងបង្ការនៃការរីករាលដាលនូវមេរោគកូវីដ១៩នោះ។សូមបញ្ជាក់ថា សម្តេចតេជោ ហ៊ុន សែន អមដោយគណៈប្រតិភូជាន់ខ្ពស់របស់រាជរដ្ឋាភិបាលមួយចំនួនទៀត នៅព្រឹកថ្ងៃទី២៤ ខែមេសា ២០២១ខាងមុខនេះ នឹងចេញដំណើរទៅទីក្រុងហ្សាកាតា ប្រទេសឥណ្ឌូនេស៊ី ដើម្បីចូលរួមកិច្ចប្រជុំអាស៊ាន។ បើតាមសម្តេចតេជោ ហ៊ុន សែន នាយករដ្ឋមន្រ្តី បានបញ្ជាក់កាលពីកន្លងទៅថា មុនពេលសម្តេចចេញដំណើរទៅសម្តេច ត្រូវយកសំណាកពិនិត្យដើម្បីទទួលលិខិតបញ្ជាក់សម្រាប់អោយអាជ្ញាធរសុខាភិបាលឥណ្ឌូណេស៊ី ហើយពេលពេលសម្តេចទៅដល់ត្រូវយកសំណាកពិនិត្យម្តងទៀត ខណៈពេលរសៀលការប្រជុំចាប់ផ្តើម ពេលចប់មិនថាថ្ងៃ ឬយប់សម្តេចត្រូវត្រឡប់មកវិញ ហើយពេលមកដល់ព្រលានយន្តហោះអន្តរជាតិភ្នំពេញ សម្តេចត្រូវយកសំណាកពិនិត្យម្តងទៀតផងដែរ។ មកដល់ផ្ទះសម្តេចត្រូវធ្វើចត្តាឡីស័ក១៤ថ្ងៃជាមួយនឹងការពិនិត្យសំណាក២ទៅ៣ដងទៀត។សម្តេច បានបន្ថែមទៀតថា«ដើម្បីធានាសុវត្ថិភាពសម្រាប់ភរិយា កូន និងចៅ សម្តេចត្រូវអោយភរិយា នាំកូន និងចៅទៅសម្រាកនៅទីកន្លែងផ្សេង។ ដោយឡែកសមាជិកប្រតិភូដែលធ្វើដំណើរជាមួយសម្តេច ត្រូវយកសំណាក និងធ្វើចត្តាឡីស័ក១៤ថ្ងៃដូចគ្នា ជាមួយនឹងសម្តេចយ៉ាងដូច្នេះដែរ។សូមរំលឹកផងដែរថា ដោយភារកិច្ចខានមិនបានក្នុងការចូលរួមប្រជុំអាស៊ាននាថ្ងៃទី២៤ មេសា ២០២១នេះ នៅរដ្ឋធានីហ្សាកាតាប្រទេសឥណ្ឌូណេស៊ីនោះ សម្តេចតេជោ ត្រូវបានប្តូរថ្ងៃចាក់វ៉ាក់សាំងដូសទី២នៅថ្ងៃទី២០ មេសានេះ ដែលមុននោះគ្រោងចាក់នៅថ្ងៃទី២៩ មេសា ២០២១។នៅថ្ងៃទី២០ ខែមេសានេះ សម្តេចតេជោ ត្រូវចាក់វ៉ាក់សាំងដូសទី២ បានរួចជាស្ថាពរហើយ ប៉ុន្តែការចាក់របស់សម្តេចគឺមិនបានចាក់នៅមន្ទីរពេទ្យទេ គឺចាក់នៅគេហដ្ឋានជាមួយភរិយា និងកូនស្រីពៅខុសគ្នាតែប្រភេទវ៉ាក់សាំងប៉ុណ្ណោះ។ សម្តចបានបញ្ជាក់ថា សម្តេច និងភរិយារបស់សម្តេចគឺបានទទួលវ៉ាក់សាំង Astra Zeneca រីឯកូនស្រីពៅទទួលដូសទី២នៃវ៉ាក់សាំង Sinovac៕អត្ថបទ ៖ បាន ចក់

សាធារណៈរដ្ឋកូរ៉េ ផ្តល់សម្ភារៈបរិក្ខាពេទ្យដល់ក្រសួងសុខាភិបាល តាមរយៈកម្មវិធីប្រយុទ្ធប្រឆាំងជំងឺកូវីដ19

ភ្នំពេញ ៖ នាព្រឹកថ្ងៃទី១៩ មេសា នេះ រដ្ឋាភិបាលនៃសាធារណៈរដ្ឋកូរ៉េ បានផ្តល់សម្ភារៈបរិក្ខាពេទ្យ ដល់ក្រសួងសុខាភិបាល តាមរយៈកម្មវិធីប្រយុទ្ធប្រឆាំងជំងឺកូវីដ19។ការផ្តល់ជំនួយនេះត្រូវបានធ្វើឡើងតាមរយៈទីភ្នាក់ងារសហប្រតិបត្តិការអន្តរជាតិកូរ៉េ (KOICA) ក្នុងគោលបំណងដើម្បីជួយក្រសួងសុខាភិបាលក្នុងការប្រយុទ្ធប្រឆាំងជំងឺកូវីដ19នៅក្នុងប្រទេសកម្ពុជា។សម្ភារៈបរិក្ខាពេទ្យដែលផ្តល់ឲ្យនៅពេលនេះរួមមាន RNA ExtractionKits ចំនួន18,750 SD Biosensor ចំនួន14,400 សំលីដើម្បីធ្វើការប្រមូលយកសំណាក (swap) ចំនួន42,000 និងសំភារៈមួយចំនួនទៀតដើម្បីចាំបាច់សម្រាប់ប្រើប្រាស់ក្នុងបន្ទប់ពិសោធន៍ ដើម្បីពិនិត្យរកមេរោគកូវីដ19 ដែលមានទឹកប្រាក់សរុបប្រមាណជា350,000ដុល្លារអាមេរិក។ សម្ភារៈបរិក្ខាពេទ្យទាំងនេះ នឹងត្រូវបានប្រើប្រាស់ដោយមន្ទីពិសោធន៍ជាតិនៃវិទ្យាស្ថានជាតិសុខភាពសាធារណៈ ដើម្បីពិនិត្យរកមេរោគកូវីដ19។

អភិបាលរាជធានីភ្នំពេញ ៖ មានការអាណិតអាសូរ ការឆ្លងមេរោគកូវីដ១៩នៅតែបន្តមាន

ភ្នំពេញ ៖ អភិបាលនៃគណៈអភិបាលរាជធានីភ្នំពេញ ឯកឧត្តម ឃួង ស្រេង បានប្រាប់ដល់សមត្ថកិច្ចទាំងអស់ មិនឲ្យមានការធូរលុង និងមេត្តាគ្មានហេតុផលបន្តទៀតនោះឡើយ ហើយថា ប្រសិនបើយើងមានការអាណិតអាសូរដល់ពួកគាត់ទៀត ការឆ្លងរីករាលដាលមេរោគកូវីដ១៩ នៅតែបន្ត ជាពិសេសនៅក្នុងតំបន់រោងចក្រ ដែលកំពុងតែផ្ទុះឡើងខ្លាំងនេះតែម្តង។នៅក្នុងចុះត្រួតពិនិត្យគោលដៅ និងសំណេះសំណាលជាមួយកងកម្លាំងប្រដាប់អាវុធចម្រុះ ដើម្បីត្រៀមល្បាត និងដាក់តាមគោលដៅនានា ក្នុងអំឡុងបិទខ្ទប់រាជធានីភ្នំពេញ និងក្រុងតាខ្មៅជាបណ្តោះអាសន្ន ដើម្បីទប់ស្កាត់ការរីករាលដាលនូវមេរោគកូវីដ១៩ ឯកឧត្តម ឃួង ស្រេង បានលើកឡើងថា បើទោះជានៅក្នុងអំឡុងពេលដែលរាជរដ្ឋាភិបាលបានធ្វើការបិទខ្ទប់រាជធានីភ្នំពេញ មិនឲ្យឆ្លងកាត់ជាបណ្តោះអាសន្ន រយៈពេលពីរសប្តាហ៍ ដើម្បីបង្ការទប់ស្កាត់ការរីករាលដាលបន្ថែមនូវមេរោគកូវីដ១៩ ក៏ដោយ ក៏មានបងប្អូនមួយចំនួនតូចពួកគាត់នៅតែបន្តដើរ ដោយគ្មានការភ័យខ្លាចដដែល ដូច្នេះចាប់ពីពេលនេះ តទៅគឺគ្មានការលើកលែងបន្តទៀតនោះឡើយ ហើយការចាប់ ការរឹតបន្តឹងរបស់យើងពេលនេះ គឺមិនមែនជាការបិទសិទ្ធិ សេរីភាពរបស់ពួកគាត់ទេ គឺជាការជួយពួកគាត់ឲ្យរួចផុតពីការឆ្លងនូវមេរោគកូវីដ១៩ដ៏កាចសាហាវនេះ។ឯកឧត្តមអភិបាល បានសង្កត់ធ្ងន់ថា«កងកម្លាំងទាំងអស់ ដែលបានមកពីអគ្គស្នងការនគរបាលជាតិ ស្នងការរាជាធានីភ្នំពេញ កងរាជអាវុធហត្ថលើផ្ទៃប្រទេសត្រូវសហការគ្នាដោយម៉ឺងម៉ាត់បំផុតដើរល្បាតនូវក្នុងតំបន់ភូមិសាស្រ្តសំខានៗ ជាពិសេសនៅក្នុងតំបន់រោងចក្រនេះតែម្តង ប្រសិនបើឃើញបងប្អូនប្រជាពលរដ្ឋណានៅតែដើរប្រសេចប្រសាចទៀត ត្រូវធ្វើការចាប់ពួកគាត់ឲ្យទៅធ្វើចត្តាឡីស័ករយៈពេល១៤ថ្ងៃ ហើយការធ្វើបែបនេះរបស់យើងនាពេលនេះគឺមិនមែនជាការរឹតបន្តឹងសិទ្ធិអ្វីនោះទេ គឺធ្វើឡើងដើម្បីសេចក្តីសុខ និងអាយុជីវិតរបស់ពួកគាត់តែប៉ុណ្ណោះ ហើយប្រសិនបើយើងនៅតែអាណិតអាសូរដល់ពួកគាត់ អ្នកឆ្លងនូវមេរោគកូវ១៩នៅតែបន្តមាន ហើយធ្វើយ៉ាងណាហាមឃាត់ពួកគាត់ ឲ្យនៅផ្ទះរយៈពេល១៤ថ្ងៃនេះឲ្យបាន»។ជាមួយគ្នានោះដែរ ឧត្តមសេនីយ៍ឯក ស ថេត អគ្គស្នងការរងនគរបាលជាតិ និងជាស្នងការរាជធានីភ្នំពេញ ក៏បានជំរុញដល់កងកម្លាំងប្រដាប់អាវុធដែលឈរជើងនៅគោលដៅនានាទាំងអស់ ត្រូវតែធ្វើការហាមឃាត់ និងចាប់ភ្លាមៗ ចំពោះបុគ្គលណាដឹកនូវគ្រឿងស្រវឹង ហើយនាំបុគ្គលនោះទៅធ្វើការអប់រំ ឬ តាមនីតិវិធីច្បាប់ជាធរមាន ដូចអ្វីដែលស្របទៅតាមសេចក្តីសម្រេចរបស់រាជរដ្ឋាភិបាល។សូមបញ្ជាក់ថា រាជរដ្ឋាភិបាលកម្ពុជាបានសម្រេចបិទខ្ទប់រាជធានីភ្នំពេញ និងក្រុងតាខ្មៅ នៃខេត្តកណ្តាល ជាបណ្តោះអាសន្នរយៈពេល១៤ថ្ងៃ គឺចាប់ពីថ្ងៃទី១៤ ខែមេសា រហូតដល់ថ្ងៃទី២៨ ខែមេសា ឆ្នាំ២០២១នេះ ។ ហើយមកពីបណ្តាខេត្តចូលមកភ្នំពេញត្រូវហាមឃាត់មិនឲ្យចូលភ្នំពេញវិញរយៈពេល១៤ និងហាមចេញពីភ្នំពេញទៅតាមបណ្តាខេត្តវិញរយៈពេល១៤ថ្ងៃផងដែរ ដែលការហាមនេះគឺមិនឲ្យមានការរីករាលដាលនូវមេរោគនេះកាន់តែខ្លាំងឡើងថែមទៀតនោះ៕អត្ថបទ បាន ចក់

សមាគមយុវជនក្រុម៨ បានឧបត្ថម្ភថវិកា និងសម្ភារៈជូនដល់សមាគមគ្រូពេទ្យស្ម័គ្រចិត្តយុវជនសម្តេចតេជោ(TYDA) ដើម្បីចូលរួមប្រយុទ្ធប្រឆាំងជំងឺកូវីដ-១៩

ភ្នំពេញ៖ សមាគមយុវជនក្រុម៨ បានឧបត្ថម្ភថវិកាចំនួន១៨៨,៨៨៨,០០០រៀល និងសម្ភារៈមួយចំនួនរួមមានសាប៊ូលាងដៃ១០០៨៨ដប និងម៉ាសចំនួន១៨៨,៨០០ ជូនដល់សមាគមគ្រូពេទ្យស្ម័គ្រចិត្តយុវជនសម្តេចតេជោ(TYDA) ដើម្បីចូលរួមប្រយុទ្ធប្រឆាំងជំងឺកូវីដ-១៩ ចូលរួមប្រយុទ្ធប្រឆាំងជំងឺកូវីដ១៩ ដើម្បីជាការលើកទឹកចិត្តចំពោះកិច្ចខិតខំ ប្រឹងប្រែងចូលរួមក្នុងការទប់ស្កាត់ជំងឺកូវីដ-១៩។ការចូលរួមនេះគឺជាទឹកចិត្តនិងសប្បុរសធម៌ជួយគ្នានៅក្នុងគ្រាដែលប្រទេសជាតិកំពុងជួបគ្រោះអាសន្នដោយសារការរីករាលដាលនៃជំងឺ កូវីដ-១៩ ខណ:ពេលបច្ចុប្បន្នដែលថ្នាក់ដឹកនាំ និងក្រុមការងារសមាគមគ្រូពេទ្យស្ម័គ្រចិត្តយុវជនសម្តេចតេជោ(TYDA) និងយុវជនស្ម័គ្រចិត្តប្រឆាំងកូវីដ-១៩ កំពុងបំពេញភារកិច្ចយ៉ាងសកម្មដើម្បីជាតិ និងប្រជាជនស្របពេលដែលប្រទេសកម្ពុជាមានការរីករាលដាលជំងឺកូវីដ-១៩នៅក្នុងសហគមន៍ មានសព្វដោយសុគន្ធជាច្រើនបានចូលរួឧបត្ថម្ភថវិកា សម្ភារៈ ជូនដល់សមាគមTYDA ដើម្បីរួមចំណែកជាមួយសកម្មភាពមនុស្សធម៌ដើម្បីជាតិនិងប្រជាជន។ សមាគមគ្រូពេទ្យស្ម័គ្រចិត្តយុវជនសម្តេចតេជោ (TYDA) សូមថ្លែងអំណរគុណដល់សប្បុរសជនដែលបានចូលរួមសកម្មភាពមនុស្សធម៌ជាមួយសមាគមគ្រូពេទ្យស្ម័គ្រចិត្តយុវជនសម្តេតេជោ(TYDA) តាម រយៈការឧបត្ថម្ភថវិកា សម្ភារៈ ដើម្បីផ្តល់លទ្ធភាពឱ្យសមាគមបំពេញបេសកកម្មមនុស្សធម៌សម្រាប់ជាតិ និងមាតុភូមិ។សូមបញ្ជាក់ថា គិតត្រឹមថ្ងៃទី១៧ ខែមេសា ឆ្នាំ២០២១នេះ ខណ:ដែលចំនួនអ្នកកើតជំងឺកូវីដ-១៩ កាន់តែមានចំនួនកើនឡើង មានសប្បុរសជនជាច្រើនបានចូលរួមឧបត្ថម្ភជាថវិកា ភេសជ្ជ: អាហារ និងសម្ភារៈជូនដល់ក្រុមគ្រូពេទ្យស្ម័គ្រចិត្តយវជនសម្តេចតេជោ(TYDA) ដែលចូលរួមប្រយុទ្ធប្រឆាំងជំងឺកូវីដ១៩ ដើម្បីជាការលើកទឹកចិត្តចំពោះកិច្ចខិតខំ ប្រឹងប្រែងចូលរួមក្នុងការទប់ស្កាត់ជំងឺកូវីដ-១៩កន្លងមក៕

បុរសខ្មែរម្នាក់ទៀតអាយុ៦៧ឆ្នាំស្លាប់ ដោយសារជំងឺកូវីដ១៩នៅខេត្តព្រះសីហនុ

ភ្នំពេញ៖ ក្រសួងសុខាភិបាលបានប្រកាសថា បុរសជនជាតិខ្មែរម្នាក់ទៀតអាយុ ៦៧ឆ្នាំ បានស្លាប់ដោយសារជំងឺកូវីដ១៩កាលពីល្ងាចថ្ងៃម្សិលមិញនេះ ដែលធ្វើឱ្យចំនួនអ្នកស្លាប់ដោយសារជំងឺផ្លូវដង្ហើមមួយនេះ កើនឡើងដល់ ៣៩នាក់ហើយ។ក្នុងសេចក្ដីប្រកាសព័ត៌មាន ក្រសួងសុខាភិបាល បានបញ្ជាក់ថា បុរសវ័យ ៦៧ឆ្នាំដែលរស់នៅខេត្តព្រះសីហនុ ត្រូវបានបញ្ជូនទៅមន្ទីរពេទ្យបង្អែកខេត្តនេះកាលពីល្ងាចថ្ងៃទី១៤ ខែមេសា ជាមួយស្ថានភាពក្ដៅខ្លួន និងហត់ដង្ហក់ខ្លាំង។បើតាមក្រសួងសុខាភិបាល លទ្ធផលពិនិត្យសំណាករបស់បុរសនេះដែលចេញនៅថ្ងៃ១៤ ខែមេសានោះ បង្ហាញថា គាត់បានឆ្លងមេរោគកូវីដ១៩។ក្រសួងបញ្ជាក់ថា បុរសខ្មែររូបនេះ បានស្លាប់ដោយសារវិបត្តិផ្លូវដង្ហើមដែលបណ្ដាលមកពីការរលាកសួតដែលបង្កឡើងដោយមេរោគកូវីដ១៩។គិតមកដល់ថ្ងៃនេះ តួលេខផ្លូវការនៃអ្នកស្លាប់ដោយសារជំងឺកូវីដ១៩ មានចំនួន ៣៩នាក់ហើយគិតចាប់តាំងពីពេលដែលកម្ពុជាបានប្រកាសករណីស្លាប់លើកដំបូងដោយសារកូវីដ១៩នេះកាលពីថ្ងៃទី១១ ខែមីនាកន្លងមកនេះ៕

សម្ដេចតេជោ ៖ កម្ពុជាកំពុងឋិតនៅមាត់ជ្រោះមរណៈ នៃជំងឺកូវីដ-១៩ ដូច្នេះពលរដ្ឋត្រូវចូលរួមទប់ស្កាត់

ភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានអំពាវនាវយ៉ាងទទូចដល់បងប្អូនជនរួមជាតិខ្មែរទាំងអស់ ត្រូវបន្តរួមគ្នាឲ្យបានខ្ជាប់ខ្ជួនបន្ថែមទៀត ក្នុងការទប់ស្កាត់ការរីករាលដាលនូវមេរោគកូវីដ-១៩ ជាពិសេសយកឈ្នះឲ្យបានលើព្រឹត្តិការណ៍សហគមន៍២០កុម្ភៈ ដែលជាព្រឹត្តិការណ៍ដ៏គ្រោះថ្នាក់បំផុត ខណៈពេលនេះកម្ពុជាយើងបានកំពុងស្ថិតនៅលើមាត់ជ្រោះមរណៈហើយនោះ។ថ្លែងនៅក្នុងសារសំឡេងពិសេសមួយកាលពីយប់ថ្ងៃទី១៤ ខែមេសា ឆ្នាំ២០២១នេះ ស្តីពីវិធានបិទខ្ទប់រាជធានីភ្នំពេញ និងក្រុងតាខ្មៅនោះ សម្តេចតេជោ ហ៊ុន សែន បានលើកឡើងថា ព្រឹត្តិការណ៍សហគមន៍២០កុម្ភៈ កំពុងស្ថិតលើមាត់ជ្រោះនៃមរណៈហើយបើបងប្អូនជនរួមជាតិមិនរួមគ្នាជម្នះទេនោះ វានឹងឈានទៅរកមរណៈមិនខាន ហើយការដែលរាជរដ្ឋាភិបាលធ្វើការបិទខ្ទប់នូវរាជធានីភ្នំពេញ និងក្រុងតាខ្មៅខេត្តកណ្តាលនេះ គឺក្នុងគោលបំណងការពារសុខុមាលភាពរបស់បងប្អូនជនរួមជាតិ ស្របពេលដែលការឆ្លងរីករាលដាលនូវមេរោគកូវីដចេញពី «ព្រឹត្តិការណ៍២០កុម្ភៈ» មិនទាន់មានពន្លឺណាមួយថមថយនៅឡើយនោះ។ជាមួយគ្នានោះដែរ សម្តេចតេជោ ហ៊ុន សែន ក៏បានបញ្ជាក់ផងដែរថា វិធានការបានហាមឃាត់ប្រជាពលរដ្ឋមិនឱ្យចេញពីផ្ទះ និងបិទអាជីវកម្ម មិនចាំបាច់ខ្លះ នាពេលនេះ គឺមិនមែនជាការសម្លាប់បងប្អូនប្រជាពលរដ្ឋនោះទេ ពោលគឺដើម្បីជួយថែរក្សាសុខុមាលភាព និងសេចក្តីស្លាប់របស់បងប្អូនប្រជាពលរដ្ឋតែប៉ុណ្ណោះ ខណៈការឆ្លងរីករាលដាលកាន់តែច្រើន និងការស្លាប់ដោយសារមេរោគកូវីដ១៩នេះ មានជារៀងរាល់ថ្ងៃក្នុងរយៈពេលប៉ុន្មានសប្តាហ៍ចុងក្រោយនេះ។យ៉ាងណាក៏ដោយសម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានបញ្ជាក់ដល់ជនរួមជាតិផងដែរថា ការបិទខ្ទប់នូវរាជធានីភ្នំពេញ និងក្រុងតាខ្មៅនេះ នឹងមិនធ្វើឲ្យបងប្អូនទាំងអស់ដែលស្ថិតនៅក្នុងការបិទខ្ទប់នោះដាច់បាយ ដាច់ទឹក និងភ្លើងនោះទេ ខណៈសេវាកម្មចាំបាច់ដែលត្រូវការប្រចាំថ្ងៃនោះ នឹងដំណើរការជាធម្មតា រួមទាំងមានការឧបត្ថម្ភខ្លះពីរដ្ឋដែរនោះ៕អត្ថបទ ៖ បាន ចក់

សម្តេចតេជោ នឹងដាក់វិន័យមន្ត្រីដែលធ្វើអោយបែកធ្លាយសារសំឡេងរបស់សម្តេច ចំពោះផែនការបិទខ្ទប់រាជធានីភ្នំពេញ និងក្រុងតាខ្មៅ១៤ថ្ងៃ

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជាបានមានប្រសាសន៍ថាសម្ដេចនឹងដាក់ វិន័យចំពោះមន្ត្រីដែលបញ្ចេញធ្វើអោយបែកធ្លាយសារជាសំឡេងរបស់សម្តេចអំពីផែនការបិទខ្ទប់ភូមិសាស្ត្ររាជធានីភ្នំពេញ និងក្រុងតាខ្មៅ កាលពីល្ងាចថ្ងៃទី១៤ មេសាដែលនាំឲ្យប្រជាពលរដ្ឋមានការចលាចល នាំគ្នាទៅសំរុកទិញស្បៀងអាហារបំរុងទុកនោះ។សម្ដេចបានបង្ហាញការសោកស្តាយជាខ្លាំងចំពោះមន្ត្រីដែលខ្វះការទទួលខុសត្រូវបែបនេះ ហើយសម្ដេចថានឹងដាក់វិន័យនៅពេលក្រោយចំពោះមន្ត្រីដែលបញ្ចេញសារសំឡេងនាំអោយបែកធ្លាយមុនសេចក្តីសម្រេចដែលសម្តេចមិនទាន់បានចុះហត្ថលេខាផង ដែលការពិតសេចក្តីសម្រេចបិទខ្ទប់នេះមិនមែនជាការបិទខ្ទប់ទាំងស្រុងមិនអោយមានការលក់ដូរចំណីអាហារជាប្រភេទស្បៀងហូបចុក ការចេញទៅរកសេវាព្យាបាលជំងឺ ការហាត់ប្រាណក្នុងបរិវេណផ្ទះឬជិតៗផ្ទះ ក្នុងក្របខណ្ឌមិនលើសពី ២នាក់ ការចេញទៅផ្សារក្នុងមនុស្សម្នាក់ឬ២នាក់ក្នុង១ផ្ទះមិនលើសពី២ដងក្នុង១សប្តាហ៍ និងការប្រកបការងារជាចាំបាច់ ផ្សេងៗ នៅក្នុងភូមិសាស្ត្របិទខ្ទប់ប៉ុន្តែអ្នកមិនចាំបាច់ត្រូវនៅក្នុងផ្ទះ ពោលគឺរដ្ឋាភិបាលបានគិតគូរមិនអោយពលរដ្ឋអត់ស្បៀងអាហារហូបចុកនោះទេ។សូមបញ្ជាក់ថា ល្ងាចថ្ងៃទី១៤មេសា បន្ទាប់ពីការបែកធ្លាយសារជាសំឡេងរបស់សម្តេចដែលបានមាន ប្រសាសន៍តាមប្រព័ន្ធអេឡិចត្រូនិចទៅកាន់គណៈអចិន្រ្តៃយរាជរដ្ឋាភិបាលអំពីផែនការបិទខ្ទប់រាជធានីភ្នំពេញ និងក្រុងតាខ្មៅចាប់ពីម៉ោង០០ថ្ងៃទី១៥មេសាដល់ថ្ងៃទី២៨មេសា ភ្លាមៗនោះបានធ្វើអោយប្រជាពលរដ្ឋនៅរាជធានីភ្នំពេញមានការភ្ញាក់ផ្អើលនាំគ្នាទៅទិញស្បៀងអាហារបំរុងទុកនៅតាមទីផ្សារ និងហាងនានាដែលរូបភាពណែនណាន់តាន់តាប់នៃការប្រជ្រៀតគ្នាទៅដណ្តើមទិញស្បៀងអាហារបំរុងទុកបែបនេះជាការព្រួយបារម្ភអំពីផលអវិជ្ជមាននាំអោយមានការចម្លងមេរោគកូវីដ១៩ថ្មីៗបន្ថែមទៀត ហើយបន្ថែមលើនេះក៏នាំអោយមានការច្របូកច្របល់ការតម្លើងថ្លៃទំនិញថែមទៀតផង។អាស្រ័យហេតុដូច្នេះហើយទើបប្រមុខរាជរដ្ឋាភិបាល និងថ្នាក់ដឹកនាំនានាបានអំពាវនាវកុំអោយមានការភ្ញាក់ផ្អើលព្រួយបារម្ភអំពីការបិទខ្ទប់រាជធានីភ្នំពេញ និងក្រុងតាខ្មៅព្រោះការបិទខ្ទប់នេះ គឺមិនមែនបិទខ្ទប់ទាំងស្រុងដែលនាំអោយពលរដ្ឋស្លាប់ដោយអត់ស្បៀងហូបចុក លើកលែងតែការលក់ស្រាបៀរ គ្រឿងស្រវឹងផ្សេងៗដែលនាំអោយមានការជួបជុំ។ ក្រៅពីនោះទៀត ដូចជាបញ្ហាការចេញទៅរកទទួលសេវាព្យាបាលជំងឺ ឬការប្រារព្ធបុណ្យសព និងកិច្ចការផ្សេងៗដែលជាការងារចាំចាច់មិនមានការហាមឃាត់នោះទេគឺត្រូវបានអនុញ្ញាតដោយអាជ្ញាធរ៕ អត្ថបទ៖ មុត សុទ្ធ

បណ្ដាញសង្គម

ព័ត៌មានថ្មីៗ

អ៊ីរ៉ង់៖ ប្រទេសអឺរ៉ុបគ្មានមូលដ្ឋានសីលធម៌ និងផ្លូវច្បាប់ ដើម្បីអនុវត្តទណ្ឌកម្មមានឡើងវិញភ្លាមៗ

វិមានក្រឹមឡាំង ប្រាប់ថា រុស្ស៊ីបានបង្កើតអភ័យឯកសិទ្ធិជាក់លាក់ បន្ទាប់ពី EU ចេញទណ្ឌកម្មថ្មី

បទបញ្ជាបោសសម្អាតការឆបោកតាមប្រព័ន្ធបច្ចេកវិទ្យា នឹងជួយទាក់ទាញអ្នកវិនិយោគកាន់តែច្រើនថែមទៀតមកកាន់កម្ពុជា

កម្ពុជា-ហ្វីលីពីន ឯកភាពបន្តពង្រឹងកិច្ចសហប្រតិបត្តិការលើវិស័យការពារជាតិ ជាពិសេសការបណ្តុះបណ្តាលធនធានមនុស្ស

មន្ត្រីរាជការក្រសួងប្រៃសណីយ៍ ចូលរួមដាំដើមកោងកាងចំនួន៥៥០ ដើម ក្រោមប្រធានបទ “ឌីជីថល ផ្សារភ្ជាប់បរិស្ថាន”

លោក Zelenskyy៖ លោកបានពិភាក្សាអំពីការផ្គត់ផ្គង់មីស៊ីល និងការបណ្តុះបណ្តាលអ្នកបើកយន្តហោះជាមួយលោក Macron

ប្រធានការិយាល័យសិទ្ធិមនុស្ស UN ជំរុញឲ្យមានការទទួលខុសត្រូវ ចំពោះការសម្លាប់ នៅទីក្រុង Sweida របស់ស៊ីរី

រុស្ស៊ីចាប់ខ្លួនស្ត្រីសញ្ជាតិអាមេរិក-រុស្ស៊ី នៅអាកាសយានដ្ឋាន ពីបទរត់ពន្ធកាំភ្លើង

ផ្លូវជនបទបញ្ចប់សុពលភាពនៅខេត្តពោធិ៍សាត់ បានរក្សាគុណភាពល្អសម្រាប់ការរស់នៅរបស់ប្រជាជន

សម្ដេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា និងលោកជំទាវ អញ្ជើញចូលរួមអបអរសាទរព្រឹត្តិការណ៍នៃការចុះ “បូជនីយដ្ឋានចងចាំនៃកម្ពុជា៖ ពីទីតាំងឧក្រិដ្ឋកម្មមកជាមណ្ឌលផ្សះផ្សានិងសន្តិភាព” ក្នុងបញ្ជីបេតិកភណ្ឌពិភពលោក

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

អាជ្ញាធរខេត្តបាត់ដំបង សម្រេចបិទមិនឲ្យឆ្លងកាត់ចេញ-ចូល រយៈពេល៨ថ្ងៃ ដើម្បីទប់ស្កាត់ការឆ្លងកូវីដ១៩

សម្ដេចតេជោ ហ៊ុន សែន និងភរិយា ទទួលការចាក់វ៉ាក់សាំងដូសទីពីរនៅព្រឹកនេះ នៅគេហដ្ឋានរបស់សម្ដេចផ្ទាល់

សម្តេចតេជោ ហ៊ុន សែន ស្នើសុំមិនឲ្យប្រតិជូនដំណើរ និងទទួលសម្តេចពេលទៅមកប្រទេសឥណ្ឌូនេស៊ី

សាធារណៈរដ្ឋកូរ៉េ ផ្តល់សម្ភារៈបរិក្ខាពេទ្យដល់ក្រសួងសុខាភិបាល តាមរយៈកម្មវិធីប្រយុទ្ធប្រឆាំងជំងឺកូវីដ19

អភិបាលរាជធានីភ្នំពេញ ៖ មានការអាណិតអាសូរ ការឆ្លងមេរោគកូវីដ១៩នៅតែបន្តមាន

បុរសខ្មែរម្នាក់ទៀតអាយុ៦៧ឆ្នាំស្លាប់ ដោយសារជំងឺកូវីដ១៩នៅខេត្តព្រះសីហនុ

សម្ដេចតេជោ ៖ កម្ពុជាកំពុងឋិតនៅមាត់ជ្រោះមរណៈ នៃជំងឺកូវីដ-១៩ ដូច្នេះពលរដ្ឋត្រូវចូលរួមទប់ស្កាត់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

អាជ្ញាធរខេត្តបាត់ដំបង សម្រេចបិទមិនឲ្យឆ្លងកាត់ចេញ-ចូល រយៈពេល៨ថ្ងៃ ដើម្បីទប់ស្កាត់ការឆ្លងកូវីដ១៩

សម្តេចតេជោ ហ៊ុន សែន ស្នើសុំមិនឲ្យប្រតិជូនដំណើរ និងទទួល​សម្តេចពេលទៅមកប្រទេសឥណ្ឌូនេស៊ី

អភិបាលរាជធានីភ្នំពេញ ៖ មានការអាណិតអាសូរ ការឆ្លងមេរោគកូវីដ១៩នៅតែបន្តមាន

បុរសខ្មែរម្នាក់ទៀតអាយុ៦៧ឆ្នាំស្លាប់ ដោយសារជំងឺកូវីដ១៩នៅខេត្តព្រះសីហនុ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

សម្តេចតេជោ ហ៊ុន សែន ស្នើសុំមិនឲ្យប្រតិជូនដំណើរ និងទទួលសម្តេចពេលទៅមកប្រទេសឥណ្ឌូនេស៊ី