BTV NEWS

គម្រោងស្ពានឆ្លងកាត់ទន្លេបាសាក់ (ចាក់អង្រែក្រោម-ព្រែកប្រា) និងផ្លូវតភ្ជាប់ សម្រេចបាន ៤៥% ហើយ ដែលលឿនជាងផែនការ ៤,១១%

សម្ដេចធិបតី អំពាវនាវដល់ជនរួមជាតិជឿទុកចិត្តលើរាជរដ្ឋាភិបាលដែលកំពុងធ្វើកិច្ចការងារយ៉ាងសកម្មស្វែងរកដំណោះស្រាយបញ្ចប់បញ្ហាព្រំដែនកម្ពុជា-ថៃ ឱ្យបានឆាប់រហ័ស

សម្ដេចធិបតីផ្ដល់អនុសាសន៍៧ចំណុច ដល់ក្រសួង-ស្ថាប័នពាក់ព័ន្ធឱ្យយកចិត្តទុកដាក់ក្នុងឱកាសទិវាអក្ខរកម្មអន្តរជាតិ ៨ កញ្ញា ២០២៥

សម្ដេចធិបតី៖ រាជរដ្ឋាភិបាលប្តេជ្ញាចិត្តយ៉ាងមុតមាំលើកកម្ពស់ការងារអក្ខរកម្ម និងបំពាក់បំប៉ន ជំនាញ និងឱកាសសិក្សាពេញមួយជីវិត ជាពិសេសជំនាញឌីជីថល

នយោបាយ និង ការអភិវឌ្ឍន៍

កងពលតូច ថ្មើជើងលេខ៤២ បង្កើនការដាំដុះបន្លែ ចិញ្ចឹមសត្វ ដើម្បីផ្គត់ផ្គង់ជីវភាពបន្ថែមដល់កងទ័ព ក្នុងបរិបទកូវីដ-១៩

ឧត្តរមានជ័យ ៖ មេបញ្ជាការកងពលតូចថ្មើជើងលេខ៤២ ជំរុញដល់គ្រប់អង្គភាពទាំងអស់ ដែលចំណុះឲ្យកងពលត្រូវតែបន្តការបង្ករបង្កើនការដាំដុះដំណាំបន្លែរួមផ្សំ ចិញ្ចឹមសត្វបន្ថែមទៀត នៅតាមបណ្តាអង្គភាពនីមួយៗ ឲ្យបានគ្រប់ៗគ្នាដើម្បីជាប្រយោជន៍ សំរាប់ផ្គត់ផ្គង់ជីវភាពរស់នៅប្រចាំថ្ងៃ របស់កងទ័ពឲ្យមានភាពរឹងមាំក្នុងកាលៈទេសៈនេះ។លោកឧត្តមសេនីយ៍ទោ ប៉ែន វ៉ូយ មេបញ្ជាការកងពលតូចថ្មើរជើងលេខ៤២ បានឲ្យដឹងថា ស្ថិតក្នុងស្ថានភាពបែបនេះ កងទ័ព គឺជាកម្លាំងស្នូលនឹងមានកាតព្វកិច្ចដ៏សំខាន់សំរាប់ការពារជាតិការពារប្រជាជន ដើម្បីរួមគ្នាធ្វើការទប់ស្កាត់ឲ្យបាននូវជំងឺកូវីដ-១៩ទាំងអស់គ្នាក្នុងស្ថានភាពដ៏លំបាកនេះ។លោកមេបញ្ជាកការ បានបន្តថា ដើម្បីពង្រឹងកម្លាំងប្រចាំការឲ្យបានរឹងមាំក្នុងអង្គភាព គម្បីកងកម្លាំងទាំងអស់ ក្រៅពីការពារជាតិ គឺត្រូវពង្រីកធ្វើការដាំដុះបន្លែរួមផ្សំនឹងចិញ្ចឹមសត្វ ឲ្យបានច្រើនក្នុងអង្គភាពនីមួយៗ ដើម្បីផ្គត់ផ្គង់ជីវភាពកងទ័ពឲ្យបានល្អប្រសើរក្នុងអំឡុងពេលបរិបទកូវីដ-១៩នេះកុំឲ្យមានការខ្វះខាត។លោកសារឿត ដែលជាយោធាម្នាក់ ក្នុងអង្គភាពកងពលតូចថ្មើរជើងលេខ៤២បានបញ្ជាក់ថា ដើម្បីពង្រឹងសាមក្គីភាពផ្ទៃក្នុងអង្គភាពកងទ័ពក្នុងគ្រាលំបាកជួបវិបត្តិកូវីដ-១៩នេះ ឲ្យបានរឹងមាំគម្បីកងកម្លាំងទាំងអស់ត្រូវរួមសាមគ្គីគ្នាជាថ្លុងមួយនូវគ្រប់អង្គភាពទាំងអស់ក្រោមចំណុះកងពលតូចថ្មើរជើងលេខ៤២ ត្រូវបន្តធ្វើការដាំដុះដំណាំបន្លែរួមផ្សំចិញ្ចឹមសត្វក្នុងអង្គភាពឲ្យបានច្រើន ដើម្បីផ្គត់ផ្គង់ជីវភាពក្នុងអង្គភាពឲ្យបានប្រសើរកុំឲ្យមានការខ្វះខាតក្នុងអំឡុងពេលកូវីដ-១៩នេះ។គួរបញ្ជាក់ថា បន្លែដែលបានដាំរួមមាន ៖ សណ្តែកកួរ ខាត់ណា ម្ទេស ខ្ទឹម ជីនាងវង ម្រះព្រៅ ត្រសក់ ត្រឡាច ត្រប់ ត្រកួន នឹង មាន់ទា កង្កែប គោ សំរាប់ផ្គត់ផ្គង់ការហូបចុកក្នុងអង្គភាពផងដែរ ៕អត្ថបទ ៖ ឃិនសារិទ្ធ

ក្រសួងសុខាភិបាល ទទួលអំណោយពីសាធារណរដ្ឋឥណ្ឌូនេស៊ី ដើម្បីទប់ស្កាត់ការរាតត្បាតជំងឺកូវីដ-១៩

ភ្នំពេញ ៖ ក្រសួងសុខាភិបាល នៃព្រះរាជាណាចក្រកម្ពុជា ព្រឹកថ្ងៃទី២៦ មេសា ២០២១នេះ បានរៀបចំពិធីប្រគល់-ទទួល អំណោយរបស់ស្ថានទូត នៃសាធារណរដ្ឋឥណ្ឌូនេស៊ី ប្រចាំព្រះរាជាណាចក្រកម្ពុជា សម្រាប់ប្រើប្រាស់ក្នុងការការពារ ទប់ស្កាត់ និងឆ្លើយតបការរាតត្បាតជំងឺកូវីដ-១៩ នៅកម្ពុជា។ពិធីប្រគល់-ទទួលនេះ ក្រោមវត្តមានឯកឧត្តម សាស្រ្តាចារ្យ ម៉ម ប៊ុនហេង រដ្ឋមន្រី្តក្រសួងសុខាភិបាល ជាមួយឯកឧត្តម Sudirman Haseng ឯកអគ្គរដ្ឋទូតវិសាមញ្ញ និងពេញសមត្ថភាព នៃសាធារណរដ្ឋឥណ្ឌូនេស៊ី ប្រចាំព្រះរាជាណាចក្រកម្ពុជា។សូមបញ្ជាក់ថា ពិធីនាថ្ងៃនេះ ស្ថានទូតឥណ្ឌូនេស៊ី តំណាងឲ្យសហគមន៍ធុរៈកិច្ចឥណ្ឌូនេស៊ីប្រចាំនៅកម្ពុជា បានប្រគល់ ១.Indomie កញ្ចប់ចំនួន១៥០កេស, ២.Indomie កំប៉ុងចំនួន១៥០កេស, ៣.នំ Cracker ចំនួន១៥០កេស និង៤.វីតាមីន ចំនួន១៥០បន្ទះ (Daneuron B1 B6 B12)។ឯកឧត្តម សាស្រ្តាចារ្យ ម៉ម ប៊ុនហេង បានថ្លែងថា អំណោយដ៏ថ្លៃថ្លារបស់រដ្ឋាភិបាល និងប្រជាជនឥណ្ឌូនេស៊ី ត្រូវបានចងចាំ ដោយរាជរដ្ឋាភិបាលកម្ពុជា និងមន្រី្តសុខាភិបាល ព្រមទាំងអ្នករងគ្រោះដោយសារជំងឺកូវីដ-១៩ និងលើកទឹកចិត្តមន្រី្តសុខាភិបាលគ្រប់លំដាប់ថា្នក់បន្តខិតខំទប់ស្កាត់ការរាតត្បាតនៃជំងឺកូវីដ-១៩ នៅកម្ពុជា។ឯកឧត្តម រដ្ឋមន្រី្តក្រសួងសុខាភិបាល បានថ្លែងអំណរគុណយ៉ាងជ្រាលជ្រៅចំពោះជំនួយមនុស្សធម៌ ដ៏ថ្លៃថ្លារបស់សហគមន៍ធុរៈកិច្ចឥណ្ឌូនេស៊ីនៅកម្ពុជា គឺជាកាយវិការ នៃវប្បធម៌ចែករំលែកជាមួយរាជរដ្ឋាភិបាលកម្ពុជា ដើម្បីជម្រុញវិធានការការពារ ទប់ស្កាត់ និងឆ្លើយតបការរាលដាលនៃជំងឺកូវីដ-១៩ ឲ្យបានកាន់តែឆាប់រហ័ស៕អត្ថបទ រដ្ឋា

បិទខ្ទប់ការធ្វើដំណើរចេញ ចូលជាបណ្តោះអាសន្នលើទីតាំងមួយចំនួន ក្នុងភូមិសាស្ត្រក្រុងប៉ោយប៉ែត

បន្ទាយមានជ័យ ៖ នៅថ្ងៃនេះ រដ្ឋបាលខេត្តបន្ទាយមានជ័យ ចេញសេចក្តីសម្រេច ស្តីពីបិទខ្ទប់ការធ្វើដំណើរចេញ ចូលជាបណ្តោះអាសន្ន លើទីតាំងមួយចំនួនក្នុងភូមិសាស្ត្រ សង្កាត់ប៉ោយប៉ែត ក្រុងប៉ោយប៉ែត។ទីតាំងទាំងនោះមាន ៖ ១/ ប៉ែកខាងជើងផ្លូវជាតិលេខ៥ ចាប់ពីផ្លូវផ្សារអគ្គៈ(ផ្សារប៉ោយប៉ែតថ្មី) ប៉ែកខាងលិចរហូតដល់អូរព្រំដែនកម្ពុជា ថៃ ។២/ ប៉ែកខាងលិចផ្លូវផ្សារអគ្គរហូតដល់ព្រំប្រទល់រវាងភូមិរស្មីសាមគ្គីមានជ័យ និងភូមិព្រៃព្រឹចសង្កាត់ប៉ោយប៉ែតក្រុងប៉ោយប៉ែត។៣/ ចាប់ពីព្រំប្រទល់ភូមិសាមគ្គីមានជ័យនិងភូមិព្រៃព្រិចសង្កាត់ប៉ោយប៉ែត រហូតដល់អូរព្រំដែនថៃ ។

លោកជំទាវកិត្តិសង្គហបណ្ឌិត ម៉ែន សំអន ៖ ដើម្បីបញ្ចប់នូវព្រឹត្តិការណ៍២០កុម្ភៈនេះបាន គឺត្រូវទាមទាឲ្យមានការចូលរួមពីសំណាក់បងប្អូនទាំងអស់គ្នា

ភ្នំពេញ ៖ លោកជំទាវកិត្តិសង្គហបណ្ឌិត ម៉ែន សំអន ប្រធានក្រុមការងាររាជរដ្ឋាភិបាល ចុះមូលដ្ឋានរាជធានីភ្នំពេញ បានដឹកនាំក្រុមការងារ ចុះសំណេះសំណាល និងចែកអំណោយរបស់សម្តេចតេជោ និងសម្តេចកិត្តិព្រឹទ្ធបណ្ឌិត និងចែកជានិមិត្តរូប ៣០០គ្រួសារ លើចំនួន ៣.១៧៣គ្រួសារដែលរដ្ឋបាលខណ្ឌបឹងកេងកង បានរៀបចំក្នុងថ្ងៃនេះ ជូនដល់ប្រជាពលរដ្ឋអំឡុងពេលបិទខ្ទប់ ស្ថិតនៅក្នុងសង្កាត់អូឡាំពិក ខណ្ឌបឹងកេងកង រាជធានីភ្នំពេញ នាព្រឹកថ្ងៃសៅរ៍ ១៣កើត ខែពិសាខ ឆ្នាំឆ្លូវ ត្រីស័ក ព.ស. ២៥៦៤ ត្រូវនឹង ថ្ងៃទី២៤ ខែមេសា ឆ្នាំ២០២១ ។ឆ្លៀតក្នុងឱកាសនេះ លោកជំទាវ ក៏បាននាំមកនូវប្រសាសន៍ផ្តាំផ្ញើការសាកសួរសុខទុក្ខ ពីសម្តេចទាំងទ្វេរ ផ្ញើជូនបងប្អូនប្រកបដោយក្តីនឹករលឹក និងបានសំណូមពរឲ្យបងប្អូនប្រជាពលរដ្ឋទាំងអស់ សូមមានការអត់ធ្មត់ និងគោរពតាមវិធានការ ៣ការពារ ៣កុំ និងអនុវត្តឲ្យបានតាមសេចក្តីសម្រេចស្តីពីវិធានការដែលត្រូវអនុវត្តក្នុងអំឡុងពេលបិទខ្ទប់ក្នុងភូមិសាស្រ្ត រាជធានីភ្នំពេញ និងក្រុងតាខ្មៅ នៃខេត្តកណ្តាល ដើម្បីទប់ស្កាត់ការឆ្លងរីករាលដាលកូវីដ១៩ និងកាត់ផ្តាច់នៃការឆ្លងនៃព្រឹត្តិការណ៍ ២០ កុម្ភៈ ។លោកជំទាវ បានបន្តទៀតថា នៅក្នុងដំណាក់កាលដ៏លំបាកនេះ ក្រោមការគិតគូរយ៉ាងយកចិត្តទុក្ខដាក់ពីប្រមុខរាជរដ្ឋាភិបាល ក្នុងបញ្ចប់នូវព្រឹត្តិការណ៍ ២០កុម្ភៈ នេះបាន គឺត្រូវទាមទាឲ្យមានការចូលរួមពីសំណាក់បងប្អូនទាំងអស់គ្នា ដើម្បីឲ្យស្ថានភាពបិទខ្ទប់នេះវិលមករកស្ថានភាពធម្មតាវិញ។លោកជំទាវ ក៏បានថ្លែងអំណរគុណ និងកោតសសើរដល់ថ្នាក់ដឹកនាំរដ្ឋបាលរាជធានីភ្នំពេញ កងកម្លាំងទាំងបីប្រភេទ ក្រុមគ្រូពេទ្យទាំងអស់ ជាពិសេស ក្រុមគ្រូពេទ្យសម្តេចតេជោ (TYDA) ដែលបានខិតខំបំពេញភារកិច្ចយ៉ាងសស្រាក់សស្រាំទាំងថ្ងៃ ទាំងយប់ក្នុងការអនុវត្តតាមបទបញ្ជារបស់រដ្ឋាភិបាល គឺក្នុងគោលបំណងកាត់ផ្តាច់ការចម្លងនៃព្រឹត្តិការណ៍ ២០កុម្ភៈ ៕

រដ្ឋបាលខេត្តកំពង់ធំប្រកាសថា រកឃើញស្ត្រី២នាក់បានឆ្លងមេរោគកូវីដ១៩ ក្រោយចូលរួមដឹកសពបុរសម្នាក់ពីភ្នំពេញ

កំពង់ធំ៖ អាជ្ញាធរខេត្តកំពង់ធំបានប្រកាសនៅថ្ងៃនេះពីការរកឃើញស្ត្រី ២នាក់នៅឯស្រុកប្រាសាទសំបូរ បានឆ្លងមេរោគកូវីដ១៩ បន្ទាប់ពីបានចូលរួមដឹកសពបុរសម្នាក់ចេញពីមន្ទីរពេទ្យព្រះកុសមៈនៅរាជធានីភ្នំពេញ។ក្នុងសេចក្ដីប្រកាសព័ត៌មាននៅថ្ងៃទី២៤ ខែមេសានេះ របស់រដ្ឋបាលខេត្តកំពង់ធំ បានឱ្យដឹងថា ស្ត្រីម្នាក់អាយុ ៦៤ឆ្នាំ និងស្ត្រីម្នាក់ទៀតអាយុ ២៩ឆ្នាំ ដែលធ្វើការនៅរោងចក្រស៊ីងគង់ ត្រូវបានធ្វើតេស្តរកឃើញឆ្លងមេរោគកូវីដ១៩កាលពីថ្ងៃទី២៣ ខែមេសា។បើតាមរដ្ឋបាលខេត្តកំពង់ធំ ស្ត្រីទាំង ២នាក់នេះ រស់នៅភូមិតាំងស្ទោង ស្ថិតក្នុងឃុំតាំងក្រសៅ នៃស្រុកប្រាសាទសំបូរ។រដ្ឋបាលខេត្តកំពង់ធំ បានឱ្យដឹងទៀតថា ស្ត្រីទាំងពីរនាក់នេះ ស្ថិតនៅក្នុងចំណោមមនុស្ស ៥នាក់ផ្សេងទៀតបានចូលរួមដឹកសពបុរសម្នាក់ពីមន្ទីរពេទ្យព្រះកុសមៈ ឬមន្ទីរពេទ្យលោកសង្ឃនៅភ្នំពេញ ត្រឡប់មកស្រុកកំណើតនៅភូមិតាំងស្ទោង កាលពីថ្ងៃទី១៧ ខែមេសា។រដ្ឋបាលខេត្តកំពង់ធំ បញ្ជាក់ថា សពបុរសម្នាក់ដែលស្លាប់ដោយសារជំងឺលើសឈាម និងមនុស្សទាំង ៧នាក់ដែលដឹកសពបុរសនោះ ត្រូវបានមន្ទីរពេទ្យព្រះកុសមៈពិនិត្យសំណាករួចហើយ ហើយលទ្ធផលបង្ហាញថា មិនមានមេរោគកូវីដ១៩ទេ។ទោះជាយ៉ាងណា រដ្ឋបាលខេត្តនេះអះអាងថា អាជ្ញាធរមូលដ្ឋានបានដាក់មនុស្សទាំង ៧នាក់នោះ ឱ្យធ្វើចត្តាឡីស័កនៅផ្ទះភ្លាមៗ មុននឹងយកសំណាកនៅថ្ងៃទី២២ ខែមេសា។រដ្ឋបាលខេត្តកំពង់ធំនិយាយថា លទ្ធផលពិនិត្យសំណាកបង្ហាញថា ស្ត្រី ២នាក់ ត្រូវបានរកឃើញឆ្លងមេរោគកូវីដ១៩ ហើយលទ្ធផលតេស្តមនុស្ស ៥នាក់ទៀត បង្ហាញថា អវិជ្ជមាន ឬមិនមានកូវីដ១៩ទេ។រដ្ឋបាលខេត្តនេះ បញ្ជាក់ថា ស្ត្រីទាំង២នាក់ខាងលើ ត្រូវបានបញ្ជូនទៅសម្រាកព្យាបាលនៅមន្ទីរពេទ្យខេត្តហើយ ខណៈមនុស្ស ៥នាក់ទៀត ត្រូវបានដាក់ឱ្យធ្វើចត្តាឡីស័កនៅផ្ទះដោយខ្លួនឯង។អាជ្ញាធរខេត្តនេះនិយាយផងដែរថា ខ្លួនកំពុងស្រាវជ្រាវរកអ្នកពាក់ព័ន្ធដទៃទៀតដើម្បីប្រមូលយកសំណាកមកធ្វើតេស្ត និងធ្វើចត្តាឡីស័កផងដែរ ដើម្បីទប់ស្កាត់ការឆ្លងរីករាលដាលទៅក្នុងសហគមន៍កាន់តែខ្លាំង៕

សម្ដេចតេជោ ដឹកនាំគណៈប្រតិភូទៅចូលរួមកិច្ចប្រជុំកំពូលអាស៊ានពិសេសនៅប្រទេសឥណ្ឌូនេស៊ី

ភ្នំពេញ ៖ សម្ដេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា នៅរសៀលថ្ងៃនេះ បានដឹកនាំ គណៈប្រតិភូរាជរដ្ឋាភិបាលជាន់ខ្ពស់ តាមជើងយន្តហោះកម្ពុជាពិសេស ឆ្ពោះទៅកាន់ទីក្រុងហ្សាកាតា សាធារណរដ្ឋឥណ្ឌូនេស៊ី ដើម្បីចូលរួមកិច្ចប្រជុំកំពូលអាស៊ានពិសេស នៅថ្ងៃស្អែក។តាមរយៈទំព័រសង្គមហ្វេសប៊ុក សម្ដេចតេជោ ហ៊ុន សែន ប្រមុខរាជរដ្ឋាភិបាលកម្ពុជា បានឱ្យដឹងថា តាមកម្មវិធីគ្រោងទុក នៅថ្ងៃទី២៤ ខែមេសា នេះ សម្ដេច នឹងចូលរួមកិច្ចប្រជុំក្រៅផ្លូវការ របស់មេដឹកនាំអា ស៊ាន និងជំនួបមួយចំនួនជាមួយបណ្ដាមេដឹកនាំអាស៊ានផ្សេងទៀត។ ក្រោយពីចប់កិច្ចប្រជុំពេញមួយថ្ងៃ ហើយ សម្ដេច នឹងវិលត្រឡប់មកកម្ពុជាវិញ នៅល្ងាចថ្ងៃដដែល។សម្ដេចតេជោ បានបញ្ជាក់ជាថ្មីថា ពេលមកដល់កម្ពុជាភ្លាម សម្ដេច និងគណៈប្រតិភូ នឹងផ្ដល់សំ ណាក ដើម្បីពិនិត្យរកកូវីដ-១៩ នៅអាកាសយានដ្ឋានអន្តរជាតិភ្នំពេញតែម្ដង ដើម្បីធានាសុវត្ថិភាពសុខ ភាពទាំងអស់គ្នា។យោងតាមសេចក្តីប្រកាសព័ត៌មានរបស់ក្រសួងការបរទេស និងសហប្រតិបត្តិការអន្តរជាតិ នៅក្នុង ឱកាសកិច្ចប្រជុំនេះ មេដឹកនាំអាស៊ាន រំពឹងថានឹងផ្តោតការយកចិត្តទុកដាក់ទៅលើ ប្រធានបទធំៗចំនួនបី គឺការជំរុញដំណើរការកសាងសហគមន៍អាស៊ាន រួមទាំងគំនិតផ្តួចផ្តើមនានា ដើម្បីឆ្លើយតបជំងឺរាតត្បាត កូវីដ-១៩ និងកិច្ចប្រឹងប្រែងស្តារសេដ្ឋកិច្ច-សង្គមឡើងវិញ ទំនាក់ទំនងអាស៊ានជាមួយដៃគូក្រៅតំបន់ និង ការវិវត្ត នៃស្ថានការណ៍អន្តរជាតិ និងក្នុងតំបន់ ដែលជាផលប្រយោជន៍ និងការបារម្ភរួម។សម្ដេចតេជោ ហ៊ុន សែន បានសម្ដែងការអរគុណដល់អាជ្ញាធរ សមត្ថកិច្ច និងកងកម្លាំងប្រដាប់ អាវុធ ដែលបានយកចិត្តទុកដាក់ក្នុងការអនុវត្តវិធានការបង្ការកូវីដ-១៩ ដើម្បីការពារអាយុជីវិតប្រជាពល រដ្ឋ ព្រមទាំងការផ្គត់ផ្គង់ស្បៀងអាហារជូនប្រជាពលរដ្ឋបានទាន់ពេលវេលា។ អរគុណសប្បុរសជនទាំង អស់ ដែលបានចូលរួមជាមួយរាជរដ្ឋាភិបាល និងចូលរួមឧបត្ថម្ភដោយផ្ទាល់ដល់ប្រជាពលរដ្ឋ ដែលកំពុង ត្រូវការជំនួយស្បៀងអាហារ។សម្ដេចតេជោ បានធ្វើការ អំពាវនាវជាថ្មីដល់ប្រជាពលរដ្ឋ ឱ្យបន្តរស់នៅក្នុងផ្ទះ និងអនុវត្តវិធាន ការបង្ការកូវីដ-១៩ឱ្យបានខ្ជាប់ខ្ជួនបំផុត តាមការណែនាំរបស់ក្រសួងសុខាភិបាល និងរាជរដ្ឋាភិបាល៕

ខេត្តព្រះសីហនុដាក់ភូមិចំនួន៥ជា«តំបន់ក្រហម»ក្រោយផ្ទុះការឆ្លងរីករាលដាលនៃមេរោគកូវីដ១៩ធ្ងន់ធ្ងរ

ព្រះសីហនុ៖ ភូមិចំនួន ៥ស្ថិតក្នុងសង្កាត់លេខ៤ ក្នុងក្រុងព្រះសីហនុ ត្រូវបានដាក់ជា«តំបន់ក្រហម» ជាតំបន់ដែលផ្ទុះការឆ្លងរីករាលដាលនៃមេរោគកូវីដ១៩ធ្ងន់ធ្ងរប៉ុន្មានថ្ងៃចុងក្រោយនេះ។ភូមិទាំង៥ដែលត្រូវបានដាក់ក្នុងតំបន់ក្រហម មានភូមិ១ ភូមិ២ ភូមិ៣ ភូមិ៤ និងភូមិ៥ ដែលភូមិទាំងអស់នេះសុទ្ធតែក្នុងសង្កាត់លេខ៤ នៃក្រុងព្រះសីហនុ។ការសម្រេចដាក់ភូមិទាំង៥នេះជា«តំបន់ក្រហម» ត្រូវបានធ្វើឡើងដោយរដ្ឋាភិបាលខេត្តព្រះសីហនុកាលពីថ្ងៃម្សិលមិញនេះ។រដ្ឋបាលខេត្តព្រះសីហនុ បានសម្រេចហាមឃាត់ពលរដ្ឋគ្រប់រូបធ្វើដំណើរចាកចេញពីលំនៅឋាន ឬទីស្នាក់អាស្រ័យបច្ចុប្បន្នរបស់ពួកគេនៅក្នុងតំបន់ក្រហមនោះ លើកលែងតែមូលហេតុបន្ទាន់ខាងសុភាព និងការធ្វើដំណើររបស់មន្ត្រីមានសមត្ថកិច្ចតែប៉ុណ្ណោះ។រដ្ឋបាលខេត្តព្រះសីហនុ ក៏បានហាមឃាត់ពលរដ្ឋពីតំបន់ផ្សេងក៏មិនត្រូវបានអនុញ្ញាតឱ្យធ្វើដំណើរចេញចូលតំបន់ក្រហមដែរ លើកលែងតែការធ្វើដំណើររបស់មន្ត្រីមានសមត្ថកិច្ចប៉ុណ្ណោះ។ចំណែកឯសកម្មភាពការងារ មុខរបរ អាជីវកម្ម ផ្សារ និងកន្លែងលក់ម្ហូបអាហារ និងគ្រឿងឧបភោគបរិភោគ ក៏ត្រូវបានរដ្ឋបាលខេត្តសម្រេចឱ្យផ្អាកជាបណ្ដោះអាសន្នផងដែរ។រដ្ឋបាលខេត្តបញ្ជាក់ថា បុគ្គលណាល្មើសនឹងសេចក្ដីសម្រេចនេះ នឹងត្រូវផ្ដន្ទាទោសទៅតាមច្បាប់ស្ដីពីវិធានការទប់ស្កាត់ការឆ្លងរីករាលដាលនៃជំងឺកូវីដ១៩ និងជំងឺឆ្លងកាចសាហាវ និងប្រកបដោយគ្រោះថ្នាក់ធ្ងន់ធ្ងរផ្សេងទៀត៕

អាជ្ញាធរខេត្តព្រះសីហនុ សម្រេចបិទខ្ទប់ក្រុងព្រះសីហនុ២សប្ដាហ៍ជាបណ្ដោះអាសន្ន

ព្រះសីហនុ៖ អាជ្ញាធរខេត្តព្រះសីហនុ សម្រេចបិទខ្ទប់ក្រុងព្រះសីហនុរយៈពេល ២សប្ដាហ៍ ខណៈដែលភូមិសាស្ត្រមួយនេះប្រឈមមុខនឹងកំណើននៃការឆ្លងរីករាលដាលនៃមេរោគកូវីដ១៩កាន់តែខ្លាំងឡើង។ក្នុងសេចក្ដីសម្រេចចេញនៅថ្ងៃនេះ អភិបាលខេត្តព្រះសីហនុ លោក គួច ចំរើន បានសម្រេចបិទខ្ទប់ក្រុងព្រះសីហនុរយៈពេល ១៤ថ្ងៃចាប់ពីថ្ងៃទី២៣ ខែមេសា រហូតដល់ថ្ងៃទី០៦ ខែឧសភា។បើតាមសេចក្ដីសម្រេចនេះ អាជ្ញាធរហាមឃាត់ពលរដ្ឋគ្រប់រូបមិនឱ្យធ្វើដំណើរចេញពីលំនៅឋាន ឬទីកន្លែងស្នាក់នៅបច្ចុប្បន្ននោះឡើយ។នៅក្រោមវិធានការបិទខ្ទប់នេះ អាជ្ញាធរក៏ហាមឃាត់ផងដែរនូវការជួបជុំ ឬការប្រមូលផ្ដុំមនុស្ស ហាមឃាត់រាល់សកម្មភាពការងារ មុខរបរ ឬអាជីវកម្មទាំងអស់។អាជ្ញាធរខេត្តនេះ សម្រេចបិទការធ្វើដំណើរពេលចាប់ពីម៉ោង ៨យប់រហូតដល់ម៉ោង ៥ព្រឹក នៅក្នុងភូមិសាស្ត្រក្រុងព្រះសីហនុ។ទោះជាយ៉ាងណា រដ្ឋបាលខេត្តព្រះសីហនុផ្ដល់ការលែកលែងមួយចំនួនដល់ការធ្វើការដំណើរ និងការជួបជុំដែលត្រូវបានសមត្ថកិច្ចពិចារណាថា «ចាំបាច់»។ការបិទខ្ទប់ក្រុងព្រះសីហនុ បានកើតឡើងបន្ទាប់ពីខេត្តនេះរកឃើញមនុស្សក្នុងចំនួនដ៏ច្រើន បានឆ្លងមេរោគកូវីដ១៩ជាបន្តបន្ទាប់ក្នុងរយៈពេលប៉ុន្មានថ្ងៃចុងក្រោយនេះ។ក្រុងព្រះសីហនុនេះ ក្លាយជាភូមិសាស្ត្រទី៣ហើយដែលត្រូវបានបិទខ្ទប់ បន្ទាប់ពីរាជធានីភ្នំពេញ និងក្រុងតាខ្មៅ ដែលត្រូវបានបិទខ្ទប់ចាប់ពីថ្ងៃទី១៥ រហូតដល់ថ្ងៃទី២៨ ខែមេសា៕

ក្រសួងសុខាភិបាល គ្រោងបើកវគ្គបណ្តុះបណ្តាល ដល់សេវាសុខាភិបាលឯកជនស្របច្បាប់ ក្នុងការប្រើបា្រស់ Rapid Antigen Test Covid-19

ភ្នំពេញ ៖ ដោយយោងតាមសេចកី្តប្រកាសព័ត៌មាន របស់ក្រសួងសុខាភិបាល លេខ១៧៦ សខល ចុះថ្ងៃទី២២ ខែមេសា ឆ្នាំ២០២១ ស្តីពីការអនុញ្ញាតឲ្យសេវាសុខាភិបាលឯកជនស្របច្បាប់ Rapid Antigen Test Covid-19 ក្នុងក្របខណ្ឌទូទាំងប្រទេស។លោកវេជ្ជបណ្ឌិត ងី មានហេង ប្រធានមនី្ទរសុខាភិបាលរាជធានីភ្នំពេញ ប្រាប់BTV ព័ត៌មាន នាព្រឹកថ្ងៃទី២៣ មេសា ២០២១នេះថា ក្រសួងសុខាភិបាល គ្រោងបើកវគ្គបណ្តុះបណ្តាលដល់សេវាសុខាភិបាលឯកជនស្របច្បាប់ ដូចជាមនី្ទរពេទ្យឯកជន មនី្ទរពហុព្យាបាល មនី្ទរសម្រាកព្យាបាល និងមនី្ទរសម្ភព ក្នុងការប្រើប្រាស់ Rapid Antigen Test Covid-19។ ហើយគ្រប់ម្ចាស់មូលដ្ឋានសុខាភិបាលឯកជនស្របច្បាប់ទាំងអស់ ដែលមានបំណងប្រើបា្រស់ Rapid Antigen Test Covid-19 ត្រូវគោរពតាមគោលការណ៍ណែនាំស្តីពីការប្រើប្រាស់ Rapid Antigen Test Covid-19 សម្រាប់សេវាសុខាភិបាលឯកជន ដែលនឹងរៀបចំដោយក្រសួងសុខាភិបាល ក្នុងពេលដ៏ឆាប់ខាងមុខនេះ មុននឹងចាប់ផ្តើមអនុវត្ត។លោកវេជ្ជបណ្ឌិត ងី មានហេង បានបន្ថែមទៀតថា ក្រសួងនឹងបង្រៀន និងបើកវគ្គបណ្តុះបណ្តាលដល់គ្លីនិកឯកជន ព្រោះលោកអនុញ្ញាតត្រឹមគ្លីនិកឯកជន និងមនី្ទរពេទ្យឯកជន ជាង១០០ ប៉ុន្តែអាស្រ័យលើគេចង់ធ្វើដែលឬអត់ បើគេចង់ បានគេមករៀន ព្រោះយើងអត់អាចបង្ខំគេបាននោះទេ។ គេមានសិទ្ធ តែគេត្រូវឆ្លងកាត់វគ្គបណ្តុះបណ្តាល....។លោកវេជ្ជបណ្ឌិត ងី មានហេង បានបញ្ជាក់ទៀតថា បច្ចុប្បន្នមន្រី្តសុខាភិបាល ក្នុងក្របខណ្ឌមនី្ទរសុខាភិបាលរាជធានីភ្នំពេញ មានចំនួន១២៤០នាក់ កំពុងប្រយុទ្ធប្រឆាំង នឹងជំងឺកូវីដ-១៩។ ទន្ទឹមនឹងនោះក្នុងមូលដ្ឋានរាជធានីភ្នំពេញ យើងមានទីតាំងសម្រាប់ព្យាបាលអ្នកជំងឺកូវីដ-១៩ ចំនួន១២ទីតាំង (បូករួមទាំងព្រីមៀមសែនសុខ ដែលនឹងបើកដំណើរការព្យាបាលជំងឺកូវីដ១៩នាពេលខាងមុខនេះ) និងមានមណ្ឌលសម្រាប់អ្នកធ្វើចត្តាឡីស័ករដ្ឋ និងសណ្ឋាគារ មានជាង៥០ផងដែរ៕ អត្ថបទ រដ្ឋា

ពលរដ្ឋចំនួន៥០គ្រួសារ នៅក្នុងឃុំសាមឃួយ និងឃំកំភុន បានទទួលអំណោយពីព្រះសង្ឃ និងអាជ្ញាធរស្រុកសេសាន

ស្ទឹងត្រែង ៖ ព្រះសង្ឃ និងអាជ្ញាធរស្រុកសេសាន ចុះចែកអំណោយ ជូនដល់ប្រជាពលរដ្ឋ ជាចាស់ ទីទាល់ក្រចំនួន ៥០គ្រួសារ កាលពីថ្ងៃទី២២ខែមេសា ម្សិលមិញនេះ ។សូមបញ្ជាក់ថា លោកតា លោកយាយ ដែលមានជីវភាពលំបាក ទីទាល់ក្រនៅឃុំសាមឃួយ និងកំភុន ចំនួន៥០គ្រួសារ ត្រូវបានព្រះសង្ឃនិមន្តមកពីតាមបណ្ដាលវត្ត ដូចជា វត្តកំភុន វត្តបាដើម វត្តញើន និងវត្តសេសាន បានប្រមូលបច្ច័យសរុបរួម មានអង្ករ ១តោន ១២៥ គក មី ៥០ កេះ ប្រាក់ចំនួន១,៥០០,០០០ រៀលបានផ្ដល់តាមគ្រួសារនីមួយដល់ខ្នងផ្ទះ។លោក សុវណ្ណ ពិសេដ្ឋ អភិបាលស្រុកសេសាន បានឲ្យដឹងថា នៅក្នុងភូមិសាស្ត្រមួយចំនួន មានពលរដ្ឋខ្លះមានជីវភាពក្រលំបាកទីទាល់ក្រ អាជ្ញាធរស្រុកក៏បានគៀងគរដោយមានការចូលរួមពីព្រះសង្ឃតាមបណ្ដាលវត្តមួយចំនួន បានចូលរួមជាអង្ករ មី បច្ច័យ និងសម្ភារៈផ្សេងៗ យកផ្ដល់ជូន គ្រួសារលោកតា លោកយាយ ចំនួន៥០គ្រួសារដល់លំនៅឋាន។លោកអភិបាលស្រុក បន្ដថា ការផ្ដល់អំណោយជូនដល់គ្រួសារជួបការលំបាកនេះ ដោយទានទាំងអស់នេះ បានចែកជូនដល់គ្រួសារនីមួយ ទទួលបានអង្ករ២០គីឡូក្រាម មី១កេះ និងថវិកាគ្រួសារខ្លះទទួលបាន២០០០០រៀល និងខ្លះ៣០០០០រៀល។ក្នុងឱកាសនោះ ព្រះអង្ឃ និងអាជ្ញាធរ ក៏បានផ្ដាំផ្ញើប្រជាពលរដ្ឋ ឲ្យចូលរួមថែរក្សាអនាម័យ និងអនុវត្តតាមវិធានរបស់ក្រសួងសុខាភិបាល និងគោរពតាមអនុសាសន៍ដ៏ថ្លៃថ្លារបស់ប្រមុខរាជរដ្ឋាភិបាល គឺ៣ការពារ និង៣កុំ ឲ្យបានខ្ជាប់ខ្ជួន៕អត្ថបទ ៖ មាស ផល្លា

បណ្ដាញសង្គម

ព័ត៌មានថ្មីៗ

ពលរដ្ឋទៅធ្វើបុណ្យភ្ជុំបិណ្ឌក្រៅពីឧទ្ទិសកុសលដល់បុព្វការីជនក៏បានឧទ្ទិផលបុណ្យដល់វីរកងទ័ពពលីដែរ

អ្នកទេសចរណ៍ជិត២ម៉ឺននាក់ ទស្សនាទិដ្ឋភាពព្រះអាទិត្យរះចំកំពូលប្រាសាទអង្គរវត្ត

អាជីវករលក់ដូរនៅភ្នំពេញថ្ងៃភ្ជុំបិណ្ឌវេនទី១៤នេះ ខ្លះបិទទ្វារ និងខ្លះទៀតបន្តលក់ដូរជាធម្មតា

មនុស្សម្នាក់ស្លាប់ក្នុងការបាញ់បោះនៅក្លឹបរាត្រីក្នុងរដ្ឋ New Hampshire សហរដ្ឋអាមេរិក ហើយជនសង្ស័យត្រូវបានឃុំខ្លួន

ថ្ងៃនេះ ប្រជាពលរដ្ឋ និងកម្មករនិយោជិត បន្តប្រើសេវារថយន្តក្រុងឥតគិតថ្លៃរបស់រដ្ឋធ្វើដំណើរទៅស្រុកកំណើតក្នុងឱកាសបុណ្យភ្ជុំបិណ្ឌ

រដ្ឋបាលខេត្តឧត្តរមានជ័យ ប្រកាសគាំទ្រ និងចូលរួមចំណែកជាមួយរាជរដ្ឋាភិបាលកម្ពុជា ក្នុងការស្នើសុំឱ្យប្រធានអាស៊ាន និងថ្នាក់ដឹកនាំពិភពលោក ជួយជំរុញឱ្យមានការគោរពយ៉ាងពេញលេញចំពោះលក្ខខណ្ឌបទឈប់បាញ់

កម្ពុជាតវ៉ា និងជំទាស់យ៉ាងខ្លាំងចំពោះចេតនារបស់ថៃក្នុងការអនុវត្តច្បាប់ក្នុងស្រុកមកលើពលរដ្ឋកម្ពុជា

លេខាធិការដ្ឋានកិច្ចការព្រំដែនកម្ពុជា ច្រានចោលការផ្សាយលើផេកហ្វេសប៊ុករបស់ថៃ និងបញ្ជាក់ថា តំបន់ភូមិព្រៃចាន់ស្ថិតនៅចន្លោះបង្គោលព្រំដែនលេខ 42 និង 43 គឺជាតំបន់ដែលភាគីកម្ពុជា-ថៃពុំទាន់បានឯកភាពគ្នា

នគរបាលហូឡង់ បានបាញ់ឧស្ម័នបង្ហូរទឹកភ្នែក និងបានប៉ះទង្គិចជាមួយបាតុករប្រឆាំងអន្តោប្រវេសន៍

យន្តហោះរុស្ស៊ីចូលក្នុងដែនអាកាសរបស់អេស្តូនីក្នុងការសាកល្បងចុងក្រោយសម្រាប់អង្គការណាតូ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

ក្រសួងសុខាភិបាល ទទួលអំណោយពីសាធារណរដ្ឋឥណ្ឌូនេស៊ី ដើម្បីទប់ស្កាត់ការរាតត្បាតជំងឺកូវីដ-១៩

បិទខ្ទប់ការធ្វើដំណើរចេញ ចូលជាបណ្តោះអាសន្នលើទីតាំងមួយចំនួន ក្នុងភូមិសាស្ត្រក្រុងប៉ោយប៉ែត

រដ្ឋបាលខេត្តកំពង់ធំប្រកាសថា រកឃើញស្ត្រី២នាក់បានឆ្លងមេរោគកូវីដ១៩ ក្រោយចូលរួមដឹកសពបុរសម្នាក់ពីភ្នំពេញ

សម្ដេចតេជោ ដឹកនាំគណៈប្រតិភូទៅចូលរួមកិច្ចប្រជុំកំពូលអាស៊ានពិសេសនៅប្រទេសឥណ្ឌូនេស៊ី

ខេត្តព្រះសីហនុដាក់ភូមិចំនួន៥ជា«តំបន់ក្រហម»ក្រោយផ្ទុះការឆ្លងរីករាលដាលនៃមេរោគកូវីដ១៩ធ្ងន់ធ្ងរ

អាជ្ញាធរខេត្តព្រះសីហនុ សម្រេចបិទខ្ទប់ក្រុងព្រះសីហនុ២សប្ដាហ៍ជាបណ្ដោះអាសន្ន

ក្រសួងសុខាភិបាល គ្រោងបើកវគ្គបណ្តុះបណ្តាល ដល់សេវាសុខាភិបាលឯកជនស្របច្បាប់ ក្នុងការប្រើបា្រស់ Rapid Antigen Test Covid-19

ពលរដ្ឋចំនួន៥០គ្រួសារ នៅក្នុងឃុំសាមឃួយ និងឃំកំភុន បានទទួលអំណោយពីព្រះសង្ឃ និងអាជ្ញាធរស្រុកសេសាន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

ក្រសួងសុខាភិបាល ​ទទួលអំណោយពីសាធារណរដ្ឋឥណ្ឌូនេស៊ី ​ដើម្បី​ទប់ស្កាត់ការរាតត្បាតជំងឺកូវីដ-១៩

បិទខ្ទប់ការធ្វើដំណើរចេញ ចូលជាបណ្តោះអាសន្នលើទីតាំងមួយចំនួន ក្នុងភូមិសាស្ត្រក្រុងប៉ោយប៉ែត

សម្ដេចតេជោ ដឹកនាំគណៈប្រតិភូទៅចូលរួមកិច្ចប្រជុំកំពូលអាស៊ានពិសេសនៅប្រទេសឥណ្ឌូនេស៊ី

អាជ្ញាធរ​ខេត្ត​ព្រះសីហនុ​ សម្រេច​បិទ​ខ្ទប់​ក្រុង​ព្រះសីហនុ​២​សប្ដាហ៍​ជា​បណ្ដោះ​អាសន្ន

ក្រសួងសុខាភិបាល គ្រោងបើកវគ្គបណ្តុះបណ្តាល ដល់សេវាសុខាភិបាលឯកជនស្របច្បាប់ ក្នុងការប្រើបា្រស់ Rapid Antigen Test Covid-19

ពលរដ្ឋចំនួន៥០គ្រួសារ នៅក្នុងឃុំសាមឃួយ និងឃំកំភុន បាន​ទ​ទួលអំណោយពីព្រះសង្ឃ ​និងអាជ្ញាធរស្រុកសេសាន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

ក្រសួងសុខាភិបាល ទទួលអំណោយពីសាធារណរដ្ឋឥណ្ឌូនេស៊ី ដើម្បីទប់ស្កាត់ការរាតត្បាតជំងឺកូវីដ-១៩

អាជ្ញាធរខេត្តព្រះសីហនុ សម្រេចបិទខ្ទប់ក្រុងព្រះសីហនុ២សប្ដាហ៍ជាបណ្ដោះអាសន្ន

ពលរដ្ឋចំនួន៥០គ្រួសារ នៅក្នុងឃុំសាមឃួយ និងឃំកំភុន បានទទួលអំណោយពីព្រះសង្ឃ និងអាជ្ញាធរស្រុកសេសាន