BTV NEWS

សម្ដេចធិបតី ដឹកនាំគណៈប្រតិភូចូលក្រាបបង្គំគាល់ព្រះករុណា ព្រះមហាក្សត្រ ទូលថ្វាយលទ្ធផលចុះបញ្ជីបូជនីយដ្ឋានចងចាំនៃកម្ពុជា ក្នុងបញ្ជីបេតិកភណ្ឌពិភពលោក

សភាតំណាងប្រជាជនចិនចាត់ទុកសម្តេចតេជោ ជាតួអង្គសំខាន់បន្តពីព្រះបរមរតនកោដ្ឋក្នុងការពូនជ្រំទំនាក់ទំនងរវាងកម្ពុជា និងចិន

សម្តេចតេជោអនុញ្ញាតឱ្យសមាជិកគណៈកម្មាធិការអចិន្ត្រៃយ៍សភាប្រជាជនចិនជួបសម្តែងការគួរសម

ក្រុមការងារបច្ចេកទេសអន្តរក្រសួងបន្តចុះកំណត់និយាមកា និងបោះបង្គោលព្រំដីតាមបណ្តោយព្រែកជីកហ្វូណនតេជោ សម្រាប់កំណាត់ទី២ ក្នុងភូមិសាស្រ្តខេត្តកំពត

នយោបាយ និង ការអភិវឌ្ឍន៍

ការងារបង្កបង្កើនផលស្រូវរដូវប្រាំង ឆ្នាំ២០២១ បានបញ្ចប់ជាស្ថាពរ

ភ្នំពេញ ៖ ក្រសួងកសិកម្ម រុក្ខាប្រមាញ់ និងនេសាទ បញ្ជាក់ថា ការងារបង្កបង្កើនផលស្រូវរដូវប្រាំងទូទាំងប្រទេស បានបញ្ចប់ជាស្ថាពរ ខណៈក្រសួងជំរុញដល់កសិករឲ្យត្រៀមលក្ខណៈការងារបង្កបង្កើនផលដំណាំស្រូវរដូវវស្សាដែលនឹងចូលមកដល់ក្នុងរយៈពេលដ៏ខ្លីខាងមុខនេះ។គិតមកត្រឹមថ្ងៃទី២៥ ខែមីនា ឆ្នាំ២០២១ ការងារបង្កបង្កើនផលស្រូវរដូវប្រាំងនៅទូទាំងប្រទេសសម្រេច ធ្វើការស្ទូង និងព្រោះបាន លើផ្ទៃដីចំនួន ៦៤៩ ៥៣៩ ហ.ត ស្មើនឹង ១៤២,៤៥% នៃផែនការ ៤៥៩ ២០០ ហ.ត លើសពីឆ្នាំមុន ៥២ ០៣១ ហ.ត ។ចំណែកការងារប្រមូលផលស្រូវរដូវប្រាំងឆ្នាំ២០២១ នេះសម្រេចបានចំនួន ៤៨៦ ៦៤៦ ហ.ត ស្នើនឹង ៧៤,៩២% នៃផ្ទៃដីអនុវត្តបានសរុបចំនួន ៦៤៩ ៥៣៩ ហ.ត ដោយទទួលបានបរិមាណផលសរុបចំនួន ២ ១៧៥ ១៩៧ តោន ក្នុងនេះ ទទួលបានទិន្នផលជាមធ្យមប្រមាណជា ៤,៤៧ តោន/ ហ.ត ។ក្រសួងបញ្ជាក់ បន្ថែមថា ចំពោះ ដំណាំសាកវប្បកម្ម ដូចជាពោតស, ដំឡូងជ្វា, បន្លែគ្រប់មុខ, ម្ទេស, ឪឡឹក អនុវត្តបានចំនួន ៣៨ ១៧០ ហ.ត ស្មើនឹង ១០២,៣០% នៃផែនការ ៣៧ ៣១២ ហ.ត លើសឆ្នាំមុន ៥៤៤ ហ.ត ។ ដំណាំឧស្សាហកម្ម ដូចជា ពោតក្រហម, ដំឡូងមី, សណ្តែកបាយ, សណ្តែកដី, សណ្តែកសៀង, ល្ង, អំពៅ, ក្រចៅ, ថ្នាំជក់ និងឈូក អនុវត្តបានចំនួន ៨៩ ៨៦៤ ហ.ត ស្មើនឹង ១០៥,៥៤% នៃផែនការ ៨៤ ៧៧០ ហ.ត លើសឆ្នាំមុន ១០ ១៩០ ហ.ត ។ជារួម ការងារបង្កបង្កើនផលដំណាំស្រូវរដូវប្រាំងត្រូវបានបញ្ចប់ជាស្ថាពរ នៅទូទាំងប្រទេស ។ ទន្ទឹមនឹងនេះ ក្រសួងបានបន្តជំរុញដល់កសិករឲ្យត្រៀមលក្ខណៈការងារបង្កបង្កើនផលដំណាំស្រូវរដូវវស្សាដែល នឹងចូលមកដល់ក្នុងរយៈពេលដ៏ខ្លីខាងមុខនេះ ដូចជា ការពង្រាបដីស្រែ ការភ្ជួររាស់ដី និងការត្រៀមពូជស្រូវជាដើម ៕អត្ថបទ ៖ ឈិត បូរ៉ាវី

កម្ពុជាខាតប្រាក់ប្រមាណ ៦៥០លានដុល្លារក្នុងមួយឆ្នាំ លើការប្រើប្រាស់ថ្នាំជក់របស់ប្រជាពលរដ្ឋ

ភ្នំពេញ ៖ យោងតាមអង្គការចលនាដើម្បីសុខភាពកម្ពុជា ការប្រើប្រាស់ថ្នាំជក់នៅកម្ពុជាបណ្តាលឲ្យមានអ្នកស្លាប់ប្រមាណ ១ម៉ឺន ៥ពាន់នាក់ ជារៀងរាល់ឆ្នាំ ដោយក្នុងនោះធ្វើកម្ពុជាត្រូវខាតបង់ថវិកាប្រមាណ ៦៤៩លានដុល្លារ ស្មើនឹង ៣% នៃផលិតផលសរុបក្នុងស្រុក។លោកវេជ្ជបណ្ឌិត មុំ គង់ នាយកប្រតិបត្តិ នៃអង្គការចលនាដើម្បីសុខភាពកម្ពុជា កាលពីល្ងាចថ្ងៃទី២៥ ខែមីនា ឆ្នាំ២០២១នេះ បានមានប្រសាសន៍ប្រាប់តាមសារអេឡិចត្រូនិចថា ថ្វីត្បិតតែកម្ពុជា ជាប្រទេសកំពុងអភិវឌ្ឍន៍ហើយចំណូលរបស់ប្រជាជននៅមានកម្រិត ក្នុងនោះសង្កេតឃើញមានពលរដ្ឋជាច្រើនតែងតែចំណាយប្រាក់ទៅលើការទិញថ្នាំជក់ ឬ បារីជាប្រចាំ។ លោក បានបញ្ជាក់ថា ទាក់ទងនឹងចំនួនអ្នកស្លាប់រហូតដល់ជាង ១ម៉ឺននាក់ ជារៀងរាល់ឆ្នាំមកពីប្រើប្រាស់ថ្នាំជក់នេះ ដោយសារជំងឺសំខាន់ៗ៥ រួមមាន ៖ ជំងឺដាច់សសៃឈាមខួរក្បាល, ស្ទះសរសៃឈាមបេះដូង, ផ្លូវដង្ហើមផ្នែកខាងក្រោម, ត្បៀតទងសួតរាំ រៃ និងជំងឺមហារីកទងសួត សួត និងបំពង់ខ្យល់។វិទ្យាស្ថានជាតិស្ថិតិ នៃក្រសួងផែនការ បានលើកឡើងថា តាមរយៈកិច្ចសម្ភាសជាមួយអ្នកជក់បារីមួយចំនួនកាលពីពេលកន្លងមក បានកត់សម្គាល់ថា ការចំណាយរបស់អ្នកជក់(បារី) ក្នុង១ថ្ងៃប្រហាក់ប្រហែល ឬច្រើនជាងការចំណាយទៅលើបាយមួយពេល។ គំហើញនេះ ស្របទៅនឹងទិន្នន័យចំណាយសរុបរបស់ប្រជាជនកម្ពុជាលើការទិញបារីស្មើនឹងជាង ២០០លានដុល្លារ ដែលតម្លៃនេះអាចទិញអង្ករគុណភាពល្អបានប្រមាណជាង ៣០ម៉ឺនតោន។សូមរម្លឹកថា កាលពីពេលកន្លងទៅនេះ រដ្ឋាភិបាលកម្ពុជាបានប្រកាសមិនឱ្យនាំចូល ចែកចាយ និងប្រើប្រាស់បារី អេឡិចត្រូនិក អេចឈ៍ ធី ភីអេស (HTPs) ដែលកន្លងមក ត្រូវបានឃោសនាលក់តាមបណ្តាញសង្គមយ៉ាងផុលផុស ថាជាឧបករណ៍ផ្តាច់ការញៀនបារី ប៉ុន្តែជាក់ស្តែង វាមិនមែនជាឧបករណ៍ផ្តាច់បារីទេ គឺធ្វើឱ្យអ្នកប្រើប្រាស់កាន់តែញៀន និងគ្រោះថ្នាក់ដល់សុខភាពលើសពីបារីធម្មតាទៀតផង ហើយអង្គការក្រៅរដ្ឋាភិបាលបានចេញមកគាំទ្រចំពោះចំណាត់ការរបស់អាជ្ញាធរបែបនោះ៕អត្ថបទ ឈិត បូរ៉ាវី

រាជរដ្ឋាភិបាល នឹងពន្លឿនការចាក់វ៉ាក់សាំង ជូនដល់ពលរដ្ឋ ដោយកំណត់ក្នុងឆ្នាំនេះ ឲ្យបាន១០លានដូស

ភ្នំពេញ ៖ រដ្ឋលេខាធិការប្រចាំការ នៃក្រសួងសេដ្ឋកិច្ច និងហិរញ្ញវត្ថុ ឯកឧត្តម វង្ស៊ី វិសុទ្ធ បានថ្លែងថា រាជរដ្ឋាភិបាល នឹងធ្វើការពន្លឿន និងឆ្លើយតបឲ្យបានឆាប់រហ័សបំផុតក្នុងការចាក់ថ្នាំវ៉ាក់សាំងការពារមេរោគកូវីដ១៩ ជូនដល់បងប្អូនប្រជាពលរដ្ឋខ្មែរ ទូទាំងប្រទេស ដោយកំណត់ក្នុងឆ្នាំ២០២១នេះចាក់ឲ្យបាន១០លានដូសនោះ។ថ្លែងប្រាប់អ្នកយកព័ត៌មានក្រោយពី ចូលរួមក្នុងពិធីទទួលនូវ វ៉ាក់សាំងការពារមេរោគកូវីដ១៩ (Sinovac) ចំនួន១.៥លានដូសពីប្រទេសចិន នាព្រឹកថ្ងៃទី២៦ ខែមីនា ឆ្នាំ២០២១នេះនៅព្រលានយន្តហោះអន្តរជាតិភ្នំពេញ ឯកឧត្តម វង្ស៊ី វិសុទ្ធ បានលើកឡើងថា រាជរដ្ឋាភិបាលកម្ពុជាមានថវិកាគ្រប់គ្រាន់សម្រាប់ទិញថ្នាំវ៉ាក់សាំងកូវីដ១៩ ពីប្រទេសចិន និងប្រទេសនានា ដើម្បីចាក់ជូនដល់បងប្អូនប្រជាពលរដ្ឋខ្មែរដោយឥតគិតថ្លៃ ខណៈការទិញនេះ នឹងធ្វើឡើងជាបន្តបន្ទាប់ ដោយជំហ៊ានទី២ នឹងបញ្ជាទិញពីចិនចំនួន៤លានដូសទៀត នូវវ៉ាក់សាំងស៊ីណូវ៉ាក់ និងកំពុងចរចាជាមួយក្រុមហ៊ុនអាមេរិក ក្នុងការទិញផងដែរ។យ៉ាងណាក៏ដោយ ឯកឧត្តម វង្ស៊ី វិសុទ្ធ ក៏បានលើកឡើងផងដែរថា បើទោះបីកម្ពុជាបានទិញ និងបានបញ្ជាទិញនូវវ៉ាក់សាំងការពារមេរោគកូវីដ១៩នេះ បន្ថែមទៀតជាបន្តបន្ទាប់ពីប្រទេសចិន និងបណ្តាប្រទេសមួយចំនួនទៀតក្តី ប៉ុន្តែបងប្អូនប្រជាពលរដ្ឋទាំងអស់ ក៏មិនត្រូវធ្វេសប្រហែសក្នុងការចូលរួមទប់ស្កាត់ ការរីករាលដាលនូវមេរោគកូវីដ១៩ នោះឡើយ ដោយត្រូវអនុវត្តឲ្យបានខ្ជាប់ខ្ជួនបំផុតចំពោះវិធានសុខាភិបាលជាពិសេសវិធាន«៣ការពារ និង៣កុំ»នោះ ខណៈមេរោគនេះបានកំពុងផ្ទុះឡើងជាបន្តបន្ទាប់ នៅប្រទេសកម្ពុជាយើង ដែលរហូតមកដល់បច្ចុប្បន្ននេះ គឺមានជិតពីរពាន់នាក់ហើយ ដែលបានឆ្លង និងបានបណ្តាលឲ្យបាត់បង់ជីវិត រហូតដល់៨នាក់។ថ្លែងនៅក្នុងពិធីនោះដែរ លោក វ៉ាង វេនធាន ឯកអគ្គរដ្ឋទូតចិន ប្រចាំនៅកម្ពុជា បានអះអាងផងដែរថា រដ្ឋាភិបាលចិន និងប្រជាជនចិននៅបន្តជួយដល់ប្រទេសកម្ពុជា ជានិច្ចចំពោះវិធានការទប់ស្កាត់នៃមេរោគកូវីដ១៩នេះ បើទោះប្រទេសចិនកំពុងប្រឈមយ៉ាងណាក៏ដោយនោះ។ លោកឯកអគ្គរដ្ឋទូត បានបញ្ជាក់ថា «ដរាបណាប្រទេសកម្ពុជា នៅបន្តផ្ទុះនៃការរីករាលដាលនូវមេរោគកូវីដ១៩នេះ ចិននៅតែបន្តជួយដល់កម្ពុជា ជានិច្ចដោយគ្មានងាករេនោះឡើយ»៕អត្ថបទ ៖ បាន ចក់

ក្រសួងអប់រំ អនុញ្ញាតឲ្យសិស្សរៀនតាមវេទិកាឌីជីថល របស់ក្រសួង រហូតមានការជូនដំណឹងថ្មី

ភ្នំពេញ ៖ ក្រសួងអប់រំយុវជន និងកីឡា បានអនុញ្ញាតឱ្យសិស្សានុសិស្សទូទាំងប្រទេស ត្រូវរៀនតាមវេទិកាឌីជីថលចំនួន៤ របស់ក្រសួងអប់រំ ចាប់ពីពេលនេះ តទៅ រហូតមានការសម្រេចជូនដំណឹងជាថ្មី ស្របបច្ចុប្បន្ន កំពុងកើតមានជំងឺកូវីដ-១៩។ឯកឧត្តម រស់ សុវាចា អ្នកនាំពាក្យក្រសួងអប់រំយុវជន និងកីឡា បានឲ្យដឹងថា ក្រសួងអប់រំ យុវជន និងកីឡា បានផ្អាកដំណើរការគ្រឹះស្ថានសិក្សាសាធារណៈ និងឯកជនគ្រប់កម្រិតជាបណ្តោះអាសន្ននៅទូទាំងប្រទេស ចាប់តាំងពីថ្ងៃទី២០ មីនា ២០២១ រហូតដល់មានការជូនដំណឹងជាថ្មី ហើយចំពោះមុខនេះ សិស្សានុសិស្សអាចបន្តរៀនសូត្រតាមផ្ទះរៀងៗខ្លួននៅទូទាំង ២៥ រាជធានី.ខេត្ត តាមរយៈវេទិកាឌីជីថល ចំនួន៤ របស់ក្រសួងអប់រំ យុវជន និងកីឡា ក្នុងនោះ រួមមាន១. មជ្ឈមណ្ឌលសិក្សាតាមរយៈអេឡិចត្រូនិច (elearning.moeys.gov.kh )២. បណ្តាញYoutube ផ្លូវការ (youtube.com/moeyscambodia )៣. ហ្វេសប៊ុក ផ្លូវការ( facebook.com/moeys.gov.kh )៤. ការអប់រំកុមារតូច ( youtube.com/eccdcambodia ) ។ អ្នកនាំពាក្យរូបនេះ បានបន្តថា ក្រៅពីនេះ សិស្សានុសិស្ស ក៏អាចរៀនសូត្រតាមរយៈ ប៉ុស្តិ៍ទូរទស្សន៍អប់រំថ្មី "ទទក២" របស់ក្រសួងព័ត៌មាន រៀនតាម App ក្រសួងប្រៃសណីយ៍ និងទូរគមនាគមន៍ រៀនតាម App សហភាពសហព័ន្ធយុវជនកម្ពុជា និងរៀនតាម App វិស័យឯកជននានា ដូចជា E-School Cambodia ជាដើម។គួរបញ្ជាក់ថា ក្នុងសេចក្តីជូនដំណឹងនេះដែរ ក្រសួងបានផ្តល់ជូនការសិក្សាតាមអនឡាញដោយឥតគិតថ្លៃ តាមកម្មវិធីរបស់ E-School Cambodia ក្នុងឆ្នាំសិក្សា ២០២០.២០២១ ក្រោមកិច្ចសហការជាមួយក្រុមហ៊ុន អ៊ី.ស្កួល ខេមបូឌា ដែលនឹងផ្តល់ជូនការសិក្សាថ្នាក់វិញ្ញាសាត្រៀមប្រឡងសញ្ញាបត្រមធ្យមសិក្សាទុតិយភូមិដល់សិស្សថ្នាក់ទី១២ ទាំងគ្រឹះស្ថានសិក្សាសាធារណៈ និងឯកជន ដោយឥតគិតថ្លៃ ដោយឡែកសម្រាប់សិស្សានុសិស្សគ្រប់កម្រិតថ្នាក់ទូទាំងប្រទេស ក៏នឹងទទួលបានការបញ្ចុះតម្លៃ៨៥% គ្រប់មុខវិជ្ជាពេញមួយឆ្នាំផងដែរ៕

តាមមណ្ឌលចត្តាឡីស័ក នៅបាត់ដំបង ចាប់ផ្ដើមធូរស្រាល ខណៈពលករត្រឡប់ពីថៃថយចុះ

បាត់ដំបង៖ នារយៈពេលប៉ុន្មានថ្ងៃនេះការត្រឡប់ពីប្រទេសថៃ របស់ពលករមានទីលំនៅក្នុងខេត្តបាត់ដំបង មានការថយចុះជាបន្តបន្ទាប់ ដែលស្ថានភាពបែបនេះ បានធ្វើឲ្យមណ្ឌលចត្តាឡីស័កនានា នៅក្នុងខេត្តមានការធូរស្បើយ ខណៈអាជ្ញាធរខេត្តបាត់ដំបង និងខេត្តចាន់បុរី បានបើកដំណើរការឡើងវិញ នូវច្រកព្រំដែនថ្នាក់តំបន់ចំនួន២នោះ ។បើតាមលោក សុខ ហឿន អភិបាលស្រុកសង្កែ បានឲ្យដឹងថា ចាប់ពីពេលមានប្រកាសរបស់សម្ដេចតេជោ នាយករដ្ឋមន្ត្រី តម្រូវឲ្យពលករទើបត្រឡប់មកពីថៃ អាចធ្វើចត្តាឡីស័កនៅស្រុកកំណើត ឬជិតលំនៅដ្ឋានរបស់ខ្លួននោះ គឺពេលភ្លាមៗ មានពលកររស់នៅស្រុកសង្កែត្រូវបានបញ្ជូនពីព្រំដែនមានជិត ២០០នាក់ ដែលតម្រូវឲ្យអាជ្ញាធរបង្កើនមណ្ឌលចត្តាឡីស័ក ដល់២កន្លែង ។លោកបានបន្តថា នារយៈពេលប៉ុន្មានថ្ងៃនេះ គឺមានភាពធូរស្រាល ដោយពលករទើបមកពីថៃមានតិចតួច និងបញ្ចប់ការធ្វើចត្តាឡីស័ក ត្រឡប់ទៅផ្ទះវិញជាបន្តបន្ទាប់ ប៉ុន្តែក៏មានពលរដ្ឋពាក់ព័ន្ធនឹងព្រឹត្តិការណ៍សហគមន៍២០កុម្ភៈ ទើបត្រឡប់មកពីរាជធានីខេត្តមួយចំនួន កំពុងធ្វើចត្តាឡីស័កនៅទីនេះ រួមទាំង មានជនបរទេសផងដែរ ដោយពួកគេក៏ត្រូវបានយកចិត្តទុកដាក់ ក្នុងការពិនិត្យសុខភាព យកសំណាករកជំងឺកូវីដ១៩ ការផ្ដល់អាហារ និងការពារសុខសុវត្ថិភាព ។យោងតាមរបាយការណ៍រដ្ឋបាលខេត្តបាត់ដំបង បានបង្ហាញថា បច្ចុប្បន្នពលករកំពុងធ្វើចត្តាឡីស័កតាមមណ្ឌលនានាក្នុងខេត្តបាត់ដំបងចំនួន ១ ៨៨១នាក់ បានកំណត់មុខសញ្ញាពាក់ព័ន្ធក្នុងងព្រឹត្តិការណ៍២០កុម្ភៈ ចំនួន១៧១នាក់ យកចំណាក ១៧១នាក់ អវិជ្ជាមាន ១៧០នាក់ លទ្ធផលវិជ្ជាម្នាក់ ខណៈអ្នកបានចាក់វ៉ាក់សាំងលើកទី១ ចំនួន ៦ ២៦១នាក់ និងលើកទី២ ចំនួន ២ ៥៦០នាក់ ៕បាន សុខរិទ្ធ

អាជ្ញាធរខេត្ត នៅតែបង្កើនការប្រុងប្រយ័ត្នខ្ពស់ចំពោះពលករឆ្លងដែន ខណៈកូវីដ-១៩ ផ្ទុះឡើងខ្លាំងក្នុងសហគមន៍

ឧត្តរមានជ័យ ៖ ឯកឧត្តម ប៉ែន កុសល្យ អភិបាលខេត្តឧត្តរមានជ័យ ប្រធានគណៈកម្មការប្រយុទ្ធប្រឆាំងជំងឺកូវីដ-១៩ ខេត្ត បានបន្តបង្កើនការប្រុងប្រយ័ត្នខ្ពស់បន្ថែមទៀតចំពោះពលករឆ្លងដែនមកពីប្រទេសថៃ ខណៈដែលកម្ពុជាកំពុងផ្ទុះឡើងខ្លាំងនូវជំងឺកូវីដ-១៩ ក្នុងសហគមន៍ ២០កុម្ភៈ នៅតែបន្តកើនឡើងនោះ នៅព្រឹកថ្ងៃទី២៥ មីនានេះ។ឯកឧត្តម អភិបាលខេត្តបានបន្ត ថាបច្ចុប្បន្ននេះស្ថានភាពពលករឆ្លងដែនមកពីប្រទេសថៃឆ្លងតាមច្រកអូរស្មាច់ និងច្រកជាំសាងាំ ហាក់បីដូចជាមានសភាពធូរស្រាលខ្លះៗហើយ មិនមានកំណើនកើនឡើងច្រើនដូចកាលពីមុននោះទេ បញ្ហានេះ ដោយសារតែពលករមួយចំនួនដែលឆ្លងមកកម្ពុជាតាមច្រកសំខាន់ៗ ក្នុងភូមិសាស្ត្រខេត្តឧត្តរមានជ័យ បានធ្វើការសម្រួលទៅតាមខេត្តគោលដៅរបស់ខ្លួន ដើម្បីពិនិត្យនឹងធ្វើចត្តាឡីស័ក បន្តនៅខេត្តសាមីរបស់ខ្លួននោះវិញ កត្តាទាំងអស់នោះហើយធ្វើឲ្យខេត្តជាប់ព្រំដែនមានសភាពធូរស្រាលជាងមុន។ឯកឧត្តម បានបញ្ជាក់ថា ប៉ុន្តែទោះបីជាស្ថានភាពពលករឆ្លងដែនបច្ចុប្បន្នមានសភាពធូរស្រាលជាងមុនយ៉ាងណាក្តី ក៏អាជ្ញាធរខេត្តរួមទាំងមន្ត្រីចត្តាឡីស័ក ជួរមុខទាំងអស់នៅតែបន្តធ្វើការរិតបន្តឹងយ៉ាងតឹង រឹងម៉ត់ចត់បំផុតក្នុងការពិនិត្យសុខភាពនឹងផ្សព្វផ្សាយព័ត៌មានផ្សេងៗពាក់ព័ន្ធនឹងជំងឺកូវីដ-១៩ ដល់ពលករគ្រប់ៗគ្នា ស្តីពីវិធានការ ការពារ ៣កុំ ៣ការពារ ដល់ពលករទាំងអស់គ្រប់រូប គ្រប់ពេលវេលាមុននឹងឲ្យពួកគាត់ធ្វើដំណើរបែងចែកគ្នាទៅតាមរថយន្តកងទ័ពតាមខេត្តគោលដៅរបស់ខ្លួនវិញនោះ ដោយមិនមានការធ្វេសប្រហែសដោយប្រការណាមួយនោះឡើយ។ដោយឡែកបច្ចុប្បន្ននេះ ពលករដែលកំពុងស្នាក់នៅតាមមណ្ឌលធ្វើចត្តាឡីស័ក មានចំនួនតែ៤៦៩នាក់តែប៉ុណ្តោះ៕អត្ថបទ ៖ ឃិនសារិទ្ធ

ពលរដ្ឋក្នុងរាជធានីភ្នំពេញ គាំទ្រការផាកពិន័យអ្នកអត់ពាក់ម៉ាស់ និងរក្សាគម្លាត

ភ្នំពេញ ៖ មួយថ្ងៃបន្ទាប់ពីក្រសួងសុខាភិបាល បានចេញសេចក្តីប្រកាសព័ត៌មានស្តីពីភូមិសាស្ត្រដែលត្រូវអនុវត្តកាតព្វកិច្ចពាក់ម៉ាស់ និងរក្សាគម្លាតសុវត្ថិភាព ដើម្បីទប់ស្កាត់ការរីករាលដាលជំងឺកូវីដ-19 ឆ្លងចូលក្នុងសហគមន៍នោះ។ ប្រជាពលរដ្ឋបានគាំទ្រសេចក្តីប្រកាសនេះ ខណៈអាជ្ញាធរបានត្រៀមរួចជាស្រេចក្នុងការអនុវត្តន៍វិធានការសុខាភិបាល។ដើម្បីទប់ស្កាត់ការរីករាលដាលជំងឺកូវីដ-19 ឆ្លងចូលក្នុងសហគមន៍កាន់តែច្រើនឡើងនោះ ក្រសួងសុខាភិបាល នៅពេលថ្មីៗនេះ បានចេញសេចក្តីជូនដំណឹងស្តីពីភូមិសាស្ត្រដែលត្រូវអនុវត្តការព្វកិច្ចពាក់ម៉ាស់ និងការកាតព្វកិច្ចពាក់ម៉ាស់ និងរក្សាគម្លាតសុវត្ថិភាព ក្នុងភូមសាស្ត្រ រាជធានីភ្នំពេញ ខេត្តព្រះសីហនុ ខេត្តកណ្តាល ខេត្តព្រៃវែង និងខេត្តសៀមរាប។បន្ទាប់ពីមានសេចក្តីប្រកាសនេះលោកកែវ សាវឿន ចៅសង្កាត់ចាក់អង្រែលើ ស្ថិតនៅខណ្ឌមានជ័យ រាជធានីភ្នំពេញ បានប្រាប់ BTV នាថ្ងៃទី២៥ ខែមីនានេះថា អាជ្ញាធរមូលដ្ឋាន នឹងគោរពតាមសេចក្តីជូនដំណឹងរបស់ក្រសួងសុខាភិបាល ដោយចុះពិនិត្យមើលជាប្រចាំនៅទីសាធារណៈជំរុញដល់ពលរដ្ឋត្រូវពាក់ម៉ាស់ និងរក្សាគម្លាតសុវត្ថិភាព បើមិនគោរពតាមទេ នោះអាជ្ញាធរនឹងចាត់វិធានការតាមផ្លូវច្បាប់។ប្រជាពលរដ្ឋរស់នៅក្នុងរាជធានីភ្នំពេញ បានលើកឡើងដែរថា នៅពេលនេះ ការពាក់ម៉ាស់ និងរក្សាគម្លាតគឺជារឿងសំខាន់ ព្រោះអាចកាត់បន្ថយការឆ្លងជំងឺកូវីដ-19 បានហើយពួកគាត់ បានគាំទ្រចំណាត់ការបស់ក្រសួងសុខាភិបាលលើការផាកពិនិត្យ។ជាមួយគ្នានេះ លោក គាត តូ ប្រធានគណៈកម្មការគ្រប់គ្រងផ្សារចាក់អង្រែ បានលើកឡើងដែរថា ស្របតាមការណែនាំរបស់ក្រសួងសុខាភិបាល និងគោលរបស់រាជរដ្ឋាភិបាល អាជ្ញាធរផ្សារ តែងចុះអប់រំដល់ពលរដ្ឋមកផ្សារ និងអាជីវករលក់ដូរ ត្រូវពាក់ម៉ាស់ និងរក្សាគម្លាតសុវត្ថិភាព ទប់ស្កាត់ការឆ្លងជំងឺកូវីដ-19។ ក្នុងករណីពលរដ្ឋមកផ្សារមិនពាក់ គឺមិនអនុញ្ញាតអោយចូលនោះទេ។បើតាមក្រសួងសុខាភិបាល, ចំពោះបុគ្គលដែលមានកាតព្វកិច្ចពាក់ម៉ាស និងរក្សាគម្លាតសុវត្ថិភាពបុគ្គលត្រូវបានកំណត់ក្នុងប្រការ៣ និងប្រការ៤ នៃប្រកាសលេខ០៨១ ស.នក.ប្រក ចុះថ្ងៃទី២២ ខែមីនា ឆ្នាំ២០២១ ស្តីពីកាតព្វកិច្ចពាក់ម៉ាស និងកាតព្វកិច្ចរក្សាគម្លាតសុវត្ថិភាពក្នុងអំឡុងពេលនៃការឆ្លងរាលដាលជំងឺកូវីដ-១៩ ក្នុងសហគមន៍។ នៅទីសាធារណៈ មានមនុស្សច្រើន ឬកន្លែងជួបជុំចាប់ពី ២នាក់ឡើងទៅ គឺតម្រូវឱ្យបុគ្គលគ្រប់រូបត្រូវតែពាក់ម៉ាស់។ បើមិនពាក់ម៉ាស់នឹងរងការពិន័យពី២០ម៉ឺនរៀល ទៅ១លានរៀល៕អត្ថបទ៖ទូច សោភ័ណ

ការចាក់វ៉ាក់សាំងកូវីដ១៩ ជូនកម្មករនិយោជិតរោងចក្រសហគ្រាស នឹងធានាការនាំចេញរបស់កម្ពុជានៅតែបន្ត

ភ្នំពេញ ៖ ការនាំចេញវិស័យកាត់ដេរសំលៀកបំពាក់ ស្បែកជើង និងផលិតផលធ្វើដំណើរ និងការនាំចេញពីវិស័យឧស្សាហកម្ម រួមចំណែកយ៉ាងធំ នៃការនាំចេញសរុបរបស់កម្ពុជា។ តាមរយៈយុទ្ធនាការចាក់វ៉ាក់សាំងកូវីដ១៩ ជូនដល់កម្មករនិយោជិត រោងចក្រ សហគ្រាសរបស់រាជរដ្ឋាភិបាល ត្រូវបានគេមើលឃើញថា នឹងធានាដល់ការនាំចេញរបស់របស់កម្ពុជានៅតែបន្ត។ឯកឧត្តមបណ្ឌិត គី សេរីវឌ្ឍន៍ អ្នកវិភាគសេដ្ឋកិច្ច នៅព្រឹកថ្ងៃទី២៥ ខែមីនា ឆ្នាំ២០២១នេះ បានមានប្រសាសន៍ថា វិស័យឧស្សាហកម្មកាត់ដេរបានរួមចំណែកប្រមាណ ៣០ ទៅ ៤០% នៃGDP។ លោក បន្តថា បើសិនជាការរីករាលដាលនៃជំងឺកូវីដ ចូលទៅដល់វិស័យកាត់ដេរនេះពិតមែននោះ រោងចក្រកាត់ដេរទាំងអស់ត្រូវបានបិទទ្វារ អញ្ចឹងយើងមើលពីសង្វាក់ផលិតកម្មរបស់កម្ពុជា មានន័យថា GDP របស់កម្ពុជានឹងត្រូវអាក់ខានធ្លាក់មកនូវត្រឹមតែប្រមាណ ៤០%ប៉ុណ្ណោះដែលនៅដំណើរការ ក្រៅពីនោះនឹងត្រូវជាប់គាំងអស់ ៦០%។ឯកឧត្តម ជឿថា ការចាក់វ៉ាក់សាំងនេះ ក៏អាចនឹងជួយលើកកម្ពស់សេដ្ឋកិច្ចកម្ពុជា ស្តារឡើងវិញគ្រប់វិស័យ កាលណាយើងទប់ស្កាត់ការឆ្លងថ្ងៃ ២០កុម្ភៈ បានជោគជ័យហើយ ការចាក់វ៉ាក់សាំងនឹងបានពង្រីកកាន់តែច្រើនឡើងៗ កម្ពុជានឹងស្តារអាចសេដ្ឋកិច្ចរបស់ខ្លួនឡើងមកវិញបាន។លោក ហ្វា សាលី ប្រធានសម្ព័ន្ធសហជីពជាតិ លើកឡើងថា វាពិតជាមានសារៈសំខាន់ខ្លាំងណាស់ក្នុងការទទួលបាននូវវ៉ាក់សាំងនេះ ព្រោះថាយើងមានការព្រួយបារម្ភមកលើកម្មករនិយោជិតដែលគាត់ធ្វើការងារជាសហគមន៍ ដែលជាក្រុម ជាបក្ស ជាពួកគាត់នឹងទៅតាមផ្នែកនីមួយៗ ដែលពួកគាត់អាចនឹងប្រឈមប្រសិនបើមានកម្មករណាម្នាក់ ឆ្លងកូវីដមកពីខាងក្រៅចូលសហគមន៍។លោក ហ្វា សាលី សូមអំពាវនាវដល់បងប្អូនកម្មករ និយោជិតយើងមេត្តាចូលរួមធ្វើការចាក់វ៉ាក់សាំងកូវីដ១៩ឲ្យបានគ្រប់ៗគ្នានាពេលខាងមុខនេះ ហើយកុំមានការព្រួយបារម្ភចំពោះវ៉ាក់សាំងនេះ ពីព្រោះវ៉ាក់សាំងនេះផ្តល់នូវសារៈប្រយោជន៍ជូនបងប្អូនខ្លាំងណាស់អំពីការចម្លង ឬការឆ្លងចូលដល់ក្នុងខ្លួនរបស់បងប្អូន ដូច្នេះហើយសូមបងប្អូនចាក់ហើយ បន្ទាប់ពីការចាក់សូមបងប្អូនថែរក្សាសុខភាព និងប្រកាន់យកនូវគោលការណ៍អនាម័យទាំងអស់គ្នាដើម្បីបញ្ចៀសពីការបួងសួងទៅអ្នកដទៃ ដូច្នេះសូមបងប្អូនមេត្តាចាក់ឲ្យបានគ្រប់ៗគ្នាហើយកុំជឿតាមការញុះញង់របស់ជនអគតិមួយចំនួន។សូមបញ្ជាក់ថា ក្រសួងការងារ និងបណ្តុះបណ្តាលវិជ្ជាជីវៈ បានស្នើGMAC ជួយសម្របសម្រួលជាមួយម្ចាស់ ឬនាយកគ្រប់គ្រង រៀបចំបញ្ជីឈ្មោះគ្រូពេទ្យប្រចាំរោងចក្រចំនួន១រូប ក្នុង១រោងចក្រ ដើម្បីចូលរួមយុទ្ធនាការចាក់វ៉ាក់សាំងកូវីដ១៩។ក្រសួងការងារ បញ្ជាក់ថា ដើម្បីការពារសុខភាពជូនបងប្អូនកម្មករនិយោជិត ក៏ដូចជាផលប្រយោជន៍រោងចក្រពីការឆ្លងជំងឺកូវីដ១៩ រាជរដ្ឋាភិបាលនឹងរៀបចំយុទ្ធនាការចាក់វ៉ាក់សាំងកូវីដ១៩ ដោយឥតគិតថ្លៃជូនដល់បងប្អូនកម្មករនិយោជិតរោងចក្រ សហគ្រាស នាពេលឆាប់ៗដ៏ខ្លីខាងមុខ៕អត្ថបទ ៖ ឈិត បូរ៉ាវី

អាជ្ញាធរខេត្តក្រចេះ បិទគ្លីនិកឯកជនមួយកន្លែង បន្ទាប់ពីរកឃើញមានករណីវិជ្ជមានកូវីត១៩ មនុស្ស៦៤នាក់ ជាប់ពាក់ព័ន្ធជាមួយ

ភ្នំពេញ ៖ អាជ្ញាធរមូលដ្ឋាន និងមន្ត្រីជំនាញមន្ទីរសុខាភិបាលខេត្តក្រចេះ បានចុះបិទគ្លីនិក ឯកជនមួយកន្លែងនៅ ក្នុងក្រុងក្រចេះ នៅយប់ថ្ងៃទី ២៤ ខែមីនា ឆ្នាំ២០២១ បន្ទាប់រកឃើញ នូវករណីវិជ្ជមានកូវីដ-១៩ លើមន្ត្រីនគរបាលម្នាក់ ដែលបានមកសម្រាក ព្យាបាលជំងឺកាលពី ពេលថ្មីៗកន្លងទៅនេះ ។យោងតាមប្រភពព័ត៌មានពីសមត្ថកិច្ច បានឲ្យដឹងថា ការចុះបិទទីតាំងគ្លីនិក ឯកជន ខាងលើ គឺធ្វើឡើងបន្ទាប់ពីរកឃើញថា មានករណីវិជ្ជមានទៅលើមន្ត្រីនគរបាលម្នាក់ឈ្មោះ វ៉ាន់ ណាក្រូ ភេទ ប្រុស អាយុ ៣៤ឆ្នាំ ដែលមានអាសយដ្ឋាន ៖ ភូមិជាចជើង ឃុំចុងជាច ស្រុកតំបែរ ខេត្តត្បូងឃ្មុំ និងភូមិអូរឫស្សី២ ឃុំអូរឫស្សី ក្រុងក្រចេះ ខេត្តក្រចេះ មន្ត្រីនគរបាល ដែលមានតួនាទីជា ប្រធានការិយាល័យសុខាភិបាល នៃស្នងការដ្ឋាននគរបាលខេត្តត្បូងឃ្មុំ ។លោក ឈ្នាង សុវុត្ថា ប្រធានមន្ទីរសុខាភិបាលខេត្តក្រចេះ នៅព្រឹកថ្ងៃទី ២៥ ខែមិនា ឆ្នាំ២០២១នេះ បានឲ្យដឹងថា មកទល់ពេលនេះអាជ្ញាធរ និងមន្ត្រីសុខាភិបាល បានរកឃើញ មនុស្ស៦៤នាក់ មានការពាក់ព័ន្ធទាំងផ្ទាល់ និងប្រយោលជាមួយមន្ត្រីនគរបាលឈ្មោះ វ៉ាន់ ណាក្រូ ដែលកើតជំងឺកូវីដ-១៩ ហើយបានទៅសម្រាកព្យាបាលនៅមន្ទីរសម្រាកព្យាបាល និងសម្ភព ព្រាបស និងជួបសាច់ញាតិខ្លួននៅខេត្តក្រចេះ ។លោកប្រធានមន្ទីរសុខាភិបាលខេត្តក្រចេះ បានបញ្ជាក់ថា អ្នកដែលពាក់ព័ន្ធផ្ទាល់ជាមួយ លោក វ៉ាន់ ណាក្រូ ចំនួន ២៩នាក់ គឺកំពុងពិនិត្យសំណាក និងបន្តឲ្យធ្វើចត្តាឡីស័ក នៅក្នុងមន្ទីរសម្រាកព្យាបាល និងសម្ភព ព្រាបស តែម្តង និងម្នាក់ទៀត ធ្វើចត្តាឡីស័ក នៅក្នុងមន្ទីរពេទ្យបង្អែកខេត្តក្រចេះ ។ដោយឡែក អ្នកពាក់ព័ន្ធដោយប្រយោល ចំនួន ៣៤នាក់ផ្សេងទៀត គឺតម្រូវអោយធ្វើ ចត្តាឡីស័កនៅតាមផ្ទះ ប៉ុន្តែស្ថិតក្រោមការត្រួតពិនិត្យយ៉ាងម៉ឺងម៉ាត់ពីអាជ្ញាធរ និងសមត្ថកិច្ច ។ ហើយបច្ចុប្បន្ននេះ ក្រុមការងារបាន និងកំពុងបន្តចុះពិនិត្យសិក្សាស្វែងរកបន្ថែមទៅលើ អ្នកពាក់ព័ន្ធផ្សេងទៀងផងដែរ ទាំងផ្ទាល់ និងដោយប្រយោល ។សូមជម្រាបថា ឯកឧត្តម វ៉ា ថន អភិបាលខេត្តក្រចេះ បានអំពាវនាវជាបន្ទាន់មួយទៅកាន់ ប្រជាពលរដ្ឋក្នុងខេត្តក្រចេះ ដែលបានជួបផ្ទាល់ ឬប្រយោលជាមួយលោកវរសេនីយ៍ឯក វ៉ាន់ ណាក្រូ ក៏ដូចជាអ្នកបានចូលពិនិត្យ និងព្យាបាលជំងឺចាប់ពីរសៀលថ្ងៃទី២២ ខែមិនា ឆ្នាំ២០២១ ឲ្យធ្វើចត្តាឡីស័ក និងតាមដានសុខភាពរបស់ខ្លួន ។ ក្នុងករណី លេចចេញរោគ សញ្ញា ក្តៅខ្លួន ក្អក កណ្ដាស់ ឈឺក ហៀរសំបោ ហត់ ឬពិបាកដកដង្ហើម ប្រញាប់មកយក សំណាកនៅមន្ទីរពេទ្យបង្អែកខេត្ត ដើម្បីរកមេររោគកូវីដ១៩ ៕ អត្ថបទ ៖ សេង ម័រ

វត្តក្រពើហា ក្រុងតាខ្មៅ អនុវត្តតាមរាជរដ្ឋាភិបាល ក្នុងការទូងស្គរដាស់តឿនដល់ពលរដ្ឋឲ្យគោរពវិធានក្រសួងសុខាភិបាល

កណ្ដាល ៖ ព្រះចៅអធិការវត្តប្រជុំនទី ហៅវត្តក្រពើហា ព្រះនាម ព្រះឃោសមុនីវង្ស វ័ន្ត វណ្ណា បានមានសង្ឃដីកាថា ព្រះសង្ឃ លោកតាជី យាយជីទាំងអស់ដែលកំពុងគង់ និងស្នាក់នៅក្នុងវត្តនេះ បានអនុវត្តយ៉ាងត្រឹមត្រូវ និងខ្ជាប់ខ្ជួនជានិច្ចចំពោះវិធានការ របស់ក្រសួងសុខាភិបាល និងបានធ្វើទៅតាមចរាចរ ណែនាំរបស់រាជរដ្ឋាភិបាល ដោយបានទូងស្គរក្នុងមួយថ្ងៃ៥ដង ដើម្បីដាស់តឿនដល់ពុទ្ធបរិស័ទ និងបងប្អូនប្រជាពលរដ្ឋ ឲ្យមានការប្រុងប្រយ័ត្ន ក្នុងកិច្ចការពារនូវមេរោគកូវីដ-១៩នេះ ខណៈមេរោគនេះ បានកំពុងរីករាលដាលនៅកម្ពុជានោះ។ក្នុងកិច្ចសម្ភាសន៍ជាមួយទូរទស្សន៍ប៊ីធីវី កាលពីល្ងាចថ្ងៃទី២៤ ខែមីនាម្សិលមិញនេះ ព្រះគុណម្ចាស់ វ័ន្ត វណ្ណា បានមានសង្ឃដីកាបន្ដថា វត្តប្រជុំនទី ហៅវត្តក្រពើហានេះ បានសម្រេចបិទទ្វារជាបណ្តោះអាសន្ន មិនអនុញ្ញាតឲ្យពុទ្ធបរិស័ទ និងបងប្អូនប្រជាពលរដ្ឋចូលវត្ត ដើម្បីបង្ការ និងទប់ស្កាត់ការរីករាលដាលនូវមេរោគកូវីដ-១៩ ខណៈពេលកំពុងផ្ទុះឡើងនៅរាជធានីភ្នំពេញ ខេត្តកណ្តាល និងតាមបណ្តាខេត្តនានាទៀតនោះ។សូមបញ្ជាក់ថា កាលពីថ្ងៃទី២៣ ខែមីនា កន្លងទៅនេះ សម្តេចតេជោ ហ៊ុន សែន នាយករដ្ឋមន្ត្រី បានស្នើឱ្យគ្រប់វត្តអារាមទាំងអស់វាយគង ជួង រគាំង ទូងស្គរ ព្រមៗគ្នា ទាំងអស់ចំនួន ៥ ដងក្នុងមួយថ្ងៃ ដើម្បីជាសញ្ញាផ្សព្វផ្សាយព័ត៌មានដល់ប្រជាពលរដ្ឋ ពុទ្ធបរិស័ទ ឱ្យបង្កើនការប្រុងប្រយ័ត្ន ដោយអនុវត្តនូវវិធានការ« ៣ការពារ និង ៣កុំ»។សម្តេចតេជោ ហ៊ុន សែន បានស្នើដល់គ្រប់វត្តអារាមទាំងអស់ ត្រូវធ្វើការវាយឱ្យបាន ០៥ ដងក្នុង ០១ ថ្ងៃ តាមពេលវេលាកំណត់គឺ លើកទី១ នៅម៉ោង ៥:០០ ព្រឹក, លើកទី២ នៅម៉ោង ១១:០០ ព្រឹក, លើកទី៣ នៅម៉ោង ២:០០ រសៀល, លើកទី៤ នៅម៉ោង ៥:០០ ល្ងាច និងលើកទី៥ នៅម៉ោង ៨:០០ យប់។នៅក្នុងកិច្ចសម្ភាសន៍ជាមួយទូរទស្សន៍ប៊ីធីវីនោះដែរ ព្រះគុណម្ចាស់ វ័ន្ត វណ្ណា ក៏បានអំពាវនាវដល់ពុទ្ធបរិស័ទ និងបងប្អូនប្រជាពលរដ្ឋខ្មែរទាំងអស់ គប្បីអនុវត្តឲ្យបានម៉ត់ចត់បំផុតចំពោះវិធានការក្រសួងសុខាភិបាល ជាពិសេសអនុវត្តឲ្យបានត្រឹមត្រូវគ្រប់ពេលវេលា ទាំងអស់ចំពោះវិធានការ«៣ការពារ និង៣កុំ» ដូចអ្វីដែលប្រមុខរាជរដ្ឋាភិបាល សម្តេចតេជោ ហ៊ុន សែន ដែលសម្តេច បានទទូចហើយទទូចទៀត ដល់បងប្អូនរួមគ្នា សហការគ្នាក្នុងការទប់ស្កាត់នៃការរីករាលដាលនូវមេរោគកូវីដ១៩នេះ ៕អត្ថបទ ៖ បានចក់

បណ្ដាញសង្គម

ព័ត៌មានថ្មីៗ

នាយករដ្ឋមន្ត្រីបារាំង ប្រឹងប្រែងបន្ទន់ជំហរប្រឆាំង ចំពោះច្បាប់ថវិការបស់លោក ដើម្បីបញ្ចៀសវិបត្តិថ្មី

អ៊ីរ៉ង់៖ ប្រទេសអឺរ៉ុបគ្មានមូលដ្ឋានសីលធម៌ និងផ្លូវច្បាប់ ដើម្បីអនុវត្តទណ្ឌកម្មមានឡើងវិញភ្លាមៗ

វិមានក្រឹមឡាំង ប្រាប់ថា រុស្ស៊ីបានបង្កើតអភ័យឯកសិទ្ធិជាក់លាក់ បន្ទាប់ពី EU ចេញទណ្ឌកម្មថ្មី

បទបញ្ជាបោសសម្អាតការឆបោកតាមប្រព័ន្ធបច្ចេកវិទ្យា នឹងជួយទាក់ទាញអ្នកវិនិយោគកាន់តែច្រើនថែមទៀតមកកាន់កម្ពុជា

កម្ពុជា-ហ្វីលីពីន ឯកភាពបន្តពង្រឹងកិច្ចសហប្រតិបត្តិការលើវិស័យការពារជាតិ ជាពិសេសការបណ្តុះបណ្តាលធនធានមនុស្ស

មន្ត្រីរាជការក្រសួងប្រៃសណីយ៍ ចូលរួមដាំដើមកោងកាងចំនួន៥៥០ ដើម ក្រោមប្រធានបទ “ឌីជីថល ផ្សារភ្ជាប់បរិស្ថាន”

លោក Zelenskyy៖ លោកបានពិភាក្សាអំពីការផ្គត់ផ្គង់មីស៊ីល និងការបណ្តុះបណ្តាលអ្នកបើកយន្តហោះជាមួយលោក Macron

ប្រធានការិយាល័យសិទ្ធិមនុស្ស UN ជំរុញឲ្យមានការទទួលខុសត្រូវ ចំពោះការសម្លាប់ នៅទីក្រុង Sweida របស់ស៊ីរី

រុស្ស៊ីចាប់ខ្លួនស្ត្រីសញ្ជាតិអាមេរិក-រុស្ស៊ី នៅអាកាសយានដ្ឋាន ពីបទរត់ពន្ធកាំភ្លើង

ផ្លូវជនបទបញ្ចប់សុពលភាពនៅខេត្តពោធិ៍សាត់ បានរក្សាគុណភាពល្អសម្រាប់ការរស់នៅរបស់ប្រជាជន

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

ការងារបង្កបង្កើនផលស្រូវរដូវប្រាំង ឆ្នាំ២០២១ បានបញ្ចប់ជាស្ថាពរ

កម្ពុជាខាតប្រាក់ប្រមាណ ៦៥០លានដុល្លារក្នុងមួយឆ្នាំ លើការប្រើប្រាស់ថ្នាំជក់របស់ប្រជាពលរដ្ឋ

រាជរដ្ឋាភិបាល នឹងពន្លឿនការចាក់វ៉ាក់សាំង ជូនដល់ពលរដ្ឋ ដោយកំណត់ក្នុងឆ្នាំនេះ ឲ្យបាន១០លានដូស

ក្រសួងអប់រំ អនុញ្ញាតឲ្យសិស្សរៀនតាមវេទិកាឌីជីថល របស់ក្រសួង រហូតមានការជូនដំណឹងថ្មី

តាមមណ្ឌលចត្តាឡីស័ក នៅបាត់ដំបង ចាប់ផ្ដើមធូរស្រាល ខណៈពលករត្រឡប់ពីថៃថយចុះ

អាជ្ញាធរខេត្ត នៅតែបង្កើនការប្រុងប្រយ័ត្នខ្ពស់ចំពោះពលករឆ្លងដែន ខណៈកូវីដ-១៩ ផ្ទុះឡើងខ្លាំងក្នុងសហគមន៍

ពលរដ្ឋក្នុងរាជធានីភ្នំពេញ គាំទ្រការផាកពិន័យអ្នកអត់ពាក់ម៉ាស់ និងរក្សាគម្លាត

ការចាក់វ៉ាក់សាំងកូវីដ១៩ ជូនកម្មករនិយោជិតរោងចក្រសហគ្រាស នឹងធានាការនាំចេញរបស់កម្ពុជានៅតែបន្ត

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

ការងារ​បង្កបង្កើនផល​ស្រូវ​រដូវប្រាំង ឆ្នាំ​២០២១ ​បាន​បញ្ចប់​ជា​ស្ថាពរ

កម្ពុជា​ខាត​ប្រាក់​ប្រមាណ ៦៥០​លាន​ដុល្លារ​ក្នុង​មួយឆ្នាំ​​ លើ​ការប្រើប្រាស់​ថ្នាំជក់​របស់​ប្រជាពលរដ្ឋ

ក្រសួង​អប់រំ ​អនុញ្ញាត​ឲ្យ​សិស្ស​រៀន​តាម​វេទិកា​ឌីជីថល ​របស់​ក្រសួង ​រហូត​មានការ​ជូនដំណឹង​ថ្មី

តាម​មណ្ឌល​ច​ត្តា​ឡី​ស័ក​ នៅ​បាត់ដំបង ចាប់ផ្ដើម​ធូរស្រាល ​ខណៈ​ពលករ​ត្រឡប់​ពី​ថៃ​ថយចុះ​

ពលរដ្ឋ​ក្នុង​រាជធានី​ភ្នំពេញ​ គាំទ្រ​ការ​ផាកពិន័យ​អ្នក​អត់​ពាក់​ម៉ាស់ ​និង​រក្សា​គម្លាត

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

ការងារបង្កបង្កើនផលស្រូវរដូវប្រាំង ឆ្នាំ២០២១ បានបញ្ចប់ជាស្ថាពរ

កម្ពុជាខាតប្រាក់ប្រមាណ ៦៥០លានដុល្លារក្នុងមួយឆ្នាំ លើការប្រើប្រាស់ថ្នាំជក់របស់ប្រជាពលរដ្ឋ

ក្រសួងអប់រំ អនុញ្ញាតឲ្យសិស្សរៀនតាមវេទិកាឌីជីថល របស់ក្រសួង រហូតមានការជូនដំណឹងថ្មី

តាមមណ្ឌលចត្តាឡីស័ក នៅបាត់ដំបង ចាប់ផ្ដើមធូរស្រាល ខណៈពលករត្រឡប់ពីថៃថយចុះ

ពលរដ្ឋក្នុងរាជធានីភ្នំពេញ គាំទ្រការផាកពិន័យអ្នកអត់ពាក់ម៉ាស់ និងរក្សាគម្លាត