BTV NEWS

គម្រោងស្ពានឆ្លងកាត់ទន្លេបាសាក់ (ចាក់អង្រែក្រោម-ព្រែកប្រា) និងផ្លូវតភ្ជាប់ សម្រេចបាន ៤៥% ហើយ ដែលលឿនជាងផែនការ ៤,១១%

សម្ដេចធិបតី អំពាវនាវដល់ជនរួមជាតិជឿទុកចិត្តលើរាជរដ្ឋាភិបាលដែលកំពុងធ្វើកិច្ចការងារយ៉ាងសកម្មស្វែងរកដំណោះស្រាយបញ្ចប់បញ្ហាព្រំដែនកម្ពុជា-ថៃ ឱ្យបានឆាប់រហ័ស

សម្ដេចធិបតីផ្ដល់អនុសាសន៍៧ចំណុច ដល់ក្រសួង-ស្ថាប័នពាក់ព័ន្ធឱ្យយកចិត្តទុកដាក់ក្នុងឱកាសទិវាអក្ខរកម្មអន្តរជាតិ ៨ កញ្ញា ២០២៥

សម្ដេចធិបតី៖ រាជរដ្ឋាភិបាលប្តេជ្ញាចិត្តយ៉ាងមុតមាំលើកកម្ពស់ការងារអក្ខរកម្ម និងបំពាក់បំប៉ន ជំនាញ និងឱកាសសិក្សាពេញមួយជីវិត ជាពិសេសជំនាញឌីជីថល

នយោបាយ និង ការអភិវឌ្ឍន៍

ឯកឧត្តម គន់ គីម អំពាវនាវឱ្យអតីតយុទ្ធជនទៅចាក់វ៉ាក់សាំងបង្ការកូវីដ-១៩ ឲ្យបានគ្រប់គ្នា

ឧត្ដរមានជ័យ ៖ នាយឧត្តមសេនីយ៍ គន់ គីម អគ្គលេខាធិការសមាគមអតីតយុទ្ធជនកម្ពុជា បានធ្វើការអំពាវនាវ ដល់ អតីតយុទ្ធជនទាំងអស់ ដែលមិនមានបញ្ហាសុខភាព ឱ្យនាំគ្នាទៅចាក់វ៉ាក់សាំងបង្ការជំងឺកូវីដ-១៩ ឲ្យបាន គ្រប់គ្នា ដោយកុំជឿតាមការញុះញង់របស់ជនអគតិមួយចំនួន ដែលចោទថា វ៉ាក់សាំងរបស់ប្រទេសចិន ពេលចាក់ហើយ ធ្វើឲ្យមានបញ្ហាដល់សុខភាព។ក្នុងឱកាសអញ្ជើញចុះពិនិត្យការចាក់វ៉ាក់សាំងបង្ការជំងឺកូវីដ-១៩ ជូនដល់អតីតយុទ្ធជន និងគ្រួ សារ នៅខេត្តប៉ៃលិន កាលពីថ្ងៃទី១០ ខែមេសា ម្សិលមិញ ត្រូវបានអមដំណើរដោយលោកជំទាវ បាន ស្រីមុំ អភិបាល ខេត្តប៉ៃលិន ផងនោះ ឯកឧត្តម គន់ គីម បានលើកឡើងថា សម្តេចតេជោ ហ៊ុន សែន នាយករដ្ឋមន្ត្រី បាន ខិតខំប្រឹងប្រែងយ៉ាងខ្លាំង ក្នុងការស្វែងរកវ៉ាក់សាំងបង្ការជំងឺកូវីដ-១៩ មកចាក់ជូនប្រជាពលរដ្ឋ មន្ត្រីរាជ ការ កងកម្លាំងប្រដាប់អាវុធ ជាពិសេសអតីតយុទ្ធជន ឲ្យបានគ្រប់គ្នា។ឯកឧត្តម បានបញ្ជាក់ថា វាពិតជាមានសារសំខាន់ខ្លាំងណាស់ ក្នុងការចាក់វ៉ាក់សាំងបង្ការជំងឺកូវីដ-១៩។ រាជរដ្ឋាភិបាល នៅតែគិតគូរចំពោះអតីតយុទ្ធជន និងគ្រួសារ មិនមានបោះបង់អ្នកណាមួយចោល នោះឡើយ។ឯកឧត្តម គន់ គីម និងក្រុមការងារ បានថ្លែងនូវសារនឹករលឹកសាកសួរសុខទុក្ខពីសំណាក់សម្តេចតេជោ និងសម្ដេចកិត្តិព្រឹទ្ធបណ្ឌិត ជូនដល់អតីតយុទ្ធជនទាំងអស់គ្នា ដោយសម្តេច ក៏បានជូនពរដល់អតីត យុទ្ធជនទាំងអស់ ឱ្យមានសុខភាពល្អ កម្លាំងមាំមួន និងចូលរួមទប់ស្កាត់ការឆ្លងរីករាលដាលនៃជំងឺកូវីដ ១៩ តាមរយៈការអនុវត្តនូវវិធានការអនាម័យផ្សេងៗ តាមការណែនាំរបស់ក្រសួងសុខាភិបាល។ឯកឧត្តម បានឱ្យដឹងថា នៅក្នុងខេត្តប៉ៃលិន ក្រុមការងារ ក៏នឹងរៀបចំសាងសង់ផ្ទះជូនអតីតយុទ្ធ ជន ដែលមានដី តែគ្មានផ្ទះ នៅពេលក្រោយ តាមរយៈលោកជំទាវ បាន ស្រីមុំ អភិបាលខេត្ត និងជាប្រធាន កិត្តិយសអតីតសមាគមយុទ្ធជនកម្ពុជាខេត្តប៉ៃលិន។ក្នុងឱកាសនោះ លោកជំទាវ បាន ស្រីមុំ បានថ្លែងអំណរគុណចំពោះសម្ដេចទាំងទ្វេរ តាមរយៈឯកឧត្តម គន់ គីម ដែលសម្ដេច បានគិតគូរអំពីអតីតយុទ្ធជននៅក្នុងខេត្តប៉ៃលិន ដែលមានការផ្ដល់នូវវ៉ាក់សាំង បង្ការជំងឺកូវីដ-១៩ និងការសាងសង់ផ្ទះជូនអតីតយុទ្ធជន ដែលមានជីវភាពខ្វះខាត៕អត្ថបទ៖ បាន សុខរិទ្ធ

WHO ៖ កម្ពុជាឈរនៅមាត់ជ្រោះ នៃសោកនាដកម្មព្រោះកូវីដ-១៩ បើពលរដ្ឋមិនធ្វើទង្វើដោយទទួលខុសត្រូវ

ភ្នំពេញ ៖ អង្គការសុខភាពពិភពលោក (WHO) ប្រចាំកម្ពុជា បានព្រមានថា ប្រទេសកម្ពុជា ឈរនៅមាត់ជ្រោះ នៃសោកនាដកម្ម ព្រោះមេរោគរាតត្បាតកូវីដ-១៩ បើសិនជាប្រជាពលរដ្ឋ មិនធ្វើទង្វើដោយទទួលខុសត្រូវ ដោយបានសង្កត់ថា លុះត្រាតែអាចបញ្ឈប់ការផ្ទុះឡើងយ៉ាងអាក្រក់បំផុត នៃកូវីដ-១៩ បើមិនដូច្នេះទេ ប្រព័ន្ធសុខាភិបាលរបស់ប្រទេសកម្ពុជា ឋិតក្នុងហានិភ័យខ្ពស់ ដែលត្រូវមានបន្ទុកធ្ងន់ធ្ងរ ដែលអាចនឹង មានមហន្តរាយដ៏ធំ។វេជ្ជបណ្ឌិត លី អាយលែន (Li Ailan) តំណាងអង្គការ WHO ប្រចាំកម្ពុជា បានព្រមានថា «ប្រទេសកម្ពុជា ស្ថិតនៅលើផ្លូវបំបែក។ អ្វីដែលយើងទាំងអស់គ្នាត្រូវធ្វើក្នុងប៉ុន្មានថ្ងៃ និងសប្តាហ៍ខាងមុខ នឹងកំណត់ពីអនាគតរបស់យើង។ ប្រទេសជាតិ ត្រូវតែរួមគ្នាតែមួយឆ្ពោះទៅរកគោលដៅរួមមួយ រួមគ្នា យើងអាចគ្រប់គ្រងការផ្ទុះឡើងនេះ។ បើសិនជាយើងមិនអាចគ្រប់គ្រងបានទេ ផលវិបាកទាំងនេះ នឹង ក្លាយជាមហន្តរាយ។អង្គការនេះ ក៏បានសាទរចំពោះកិច្ចខំប្រឹងប្រែង និងវិធានការរបស់រាជរដ្ឋាភិបាល ចំពោះការបិទ ការធ្វើដំណើរឆ្លងកាត់ខេត្ត និងការជួបជុំគ្នាផ្សេងៗ។ អង្គការ បានស្នើសុំឱ្យប្រជាពលរដ្ឋកម្ពុជា ចូលរួមទប់ ស្កាត់ការឆ្លង និងចម្លង ដោយគោរពវិធានការសុខាភិបាល។ អង្គការនេះ បានអំពាវនាវឱ្យពលរដ្ឋរីករាយជួបជុំគ្រួសារ អបអរសាទរពិធីបុណ្យចូលឆ្នាំ នៅក្នុងផ្ទះ ដើម្បីសុវត្ថិភាព៕អត្ថបទ ៖ យន់ វ៉ាន់

ពលរដ្ឋទូទៅក្នុងខេត្តកណ្តាល ទទួលបានការចាក់វ៉ាក់សាំងកូវីដ១៩ នៅតាមមណ្ឌលសុខភាពដែលនៅជិតផ្ទះ

កណ្ដាល ៖ នៅថ្ងៃឈប់សំរាកចុងសបា្តហ៍ យុទ្ធនាការចាក់វ៉ាក់សាំងប្រឆាំងកូវីដ១៩ ជូនប្រជាជនទូទាំងនៅក្នុងខេត្តកណ្តាល គឺបាននិងកំពុងដំណើរការចាក់ជាធម្មតា ហើយការចាក់នោះ គឺមានធ្វើឡើង នៅតាមមន្ទីរបង្អែកក្រុងស្រុកទាំង១១ និងមានពង្រីកការចាក់នៅតាមមណ្ឌលសុខភាពចំនួន១១ កន្លែងទៀត ដែលនៅជិតមូលដ្ឋានរបស់ប្រជាពលរដ្ឋ។សម្រាប់ការពង្រីកចាក់វ៉ាក់សាំងប្រឆាំងកូវីដ១៩ នៅមណ្ឌលសុខភាពនេះ បើតាមបណ្តាព្រះសង្ឃ មន្ត្រីរាជការ និងប្រជាពលរដ្ឋទូទៅដែលបានអញ្ជើញចាក់វ៉ាក់សាំងនៅមណ្ឌលសុខភាពស្វាយរលំសង្កាត់ស្វាយរលំក្នុងក្រុងតាខ្មៅ ខេត្តកណ្តាល បានថ្លែងប្រាប់ BTV នៅថ្ងៃទី១០ ខែមេសានេះថា ពលរដ្ឋមានសប្បាយរីកខ្លាំងណាស់ ខណៈ ប្រមុខថ្នាក់ដឹកនាំរាជរដ្ឋាភិបាល បានកំណត់យកខេត្តកណ្តាលខេត្តអាទិភាពទី២ បន្ទាប់ពីរាជធានីភ្នំពេញ ផ្តល់ឱកាសឱ្យពលរដ្ឋទូទៅដែលមានវ័យចាប់ពី១៨ឆ្នាំ ឡើងទៅ ទទួលបានការចាក់វ៉ាក់សាំងការពារជំងឺកូវីដ១៩ ហើយការចាក់នោះទៀត គឺបានពង្រីកមកដល់មណ្ឌលសុខភាពដែលនៅជិតខ្នងផ្ទះពលរដ្ឋ។សម្រាប់ការចាក់វ៉ាក់សាំងប្រឆាំងកូវីដ-១៩នៅតាមមណ្ឌលសុខភាពស្វាយរលំនេះដែរ គេសំគាល់ឃើញថា ខេត្តកណ្តាលបានដាក់ក្រុមគ្រូពេទ្យចាក់វ៉ាក់សាំងចំនួន១០នាក់ អនុវត្តដំណើរការចាក់វ៉ាក់សាំង ហើយនិងមានការចូលរួមស្ម័គ្រចិត្តពីក្រុងយុវជនសហភាពសហព័ន្ធយុវជនកម្ពុជាសង្កាត់ ជួយរៀបចំចុះឈ្មោះ រក្សាគន្លាត វ៉ាក់សាំងកំដៅ និងរក្សាអនាម័យ ការពារកូវីដ១៩ ដែលធ្វើទិដ្ឋភាពការចាក់ មិនមានការកកស្ទះ មិនប្រជ្រៀតគ្នាជាដើម។សូមបញ្ជាក់ថា នៅក្នុងដំណើរការអនុវត្តយុទ្ធនាការចាក់វ៉ាក់សាំងទ្រង់ទ្រាយធំរយៈពេល១៥ថ្ងៃចាប់ពីថ្ងៃទី១ ដល់ថ្ងៃទី១៥ ខែមេសានេះ នៅក្នុងខេត្តកណ្តាល បានទទួលវ៉ាក់សាំងពីក្រសួងសុខាភិបាល ប្រមាណជាង៦ម៉ឺនដូស សម្រាប់ដំណើរការចាក់ជូនពលរដ្ឋទូទៅនៅក្នុងខេត្តកណ្តាល ដើម្បីទប់ស្កាត់ការរីករាលកូវីដ១៩នៅក្នុងសហគមន៍៕អត្ថបទ ៖ ស៊ុម សុខជា

កម្ពុជា នឹងទទួលបានវ៉ាក់សាំង Sinovac ចំនួនប្រហែលកន្លះលានដូស នៅថ្ងៃទី១៧ មេសាខាងមុខនេះ

ភ្នំពេញ ៖ លោកជំទាវ វេជ្ជបណ្ឌិត ឱ វណ្ណឌីន រដ្ឋលេខាធិការ និងជាអ្នកនាំពាក្យក្រសួងសុខាភិបាល តាមរយៈបណ្តាញ BTV ព័ត៌មាន បញ្ជាក់ថា ប្រទេសកម្ពុជា នឹងទទួលបានវ៉ាក់សាំងបង្ការជំងឺកូវីដ-១៩ Sinovac ចំនួនប្រហែលកន្លះលានដូស បន្ថែមទៀត នៅថ្ងៃទី១៧ ខែមេសា ឆ្នាំ២០២១ខាងមុខនេះ។លោកជំទាវ វេជ្ជបណ្ឌិត ឱ វណ្ណឌីន បន្តថា វ៉ាក់សាំង ស៊ីណូវ៉ាក់ ចំនួនប្រហែលកន្លះលានដូស នឹងមកដល់កម្ពុជា នៅថ្ងៃទី១៧ មេសាខាងមុខនេះ ប្រសិនបើមិនមានការប្រែប្រួល នៃការដឹកជញ្ជូននោះទេ។ សព្វគណៈកម្មការចំពោះកិច្ចចាក់វ៉ាក់សាំងកូវីដ-១៩ កំពុងធ្វើការមួយដំណាក់ទៀត ទៅតាមការអនុវត្តការសម្រេចចិត្តដ៏ខ្ពង់ខ្ពស់របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រី្ត នៃព្រះរាជាណាចក្រកម្ពុជា គណៈកម្មការចំពោះកិច្ចចាក់វ៉ាក់សាំងកូវីដ-១៩ នឹងធ្វើការបែងចែកឲ្យបានសមស្រប ជាពិសេសយើងចង់ការចាក់វ៉ាក់សាំងកូវីដ-១៩ នៅរាជធានីភ្នំពេញ និងខេត្តកណ្តាល ទៅតាមការណែនាំរបស់សម្តេចតេជោ នាយករដ្ឋមន្រី្ត។លោកជំទាវ វេជ្ជបណ្ឌិត ឱ វណ្ណឌីន បានបញ្ជាក់ទៀតថា សម្រាប់យុទ្ធនាការចាក់វ៉ាក់សាំងនេះ មិនមែនយើងបោះបង់ចោលខេត្តផ្សេងៗនោះទេ ដោយបច្ចុប្បន្នប្រជាពលរដ្ឋចង់មកចាក់វ៉ាក់សាំងកូវីដ-១៩ មានចំនួនច្រើន ទន្ទឹមនឹងនោះ ជនដែលខិតខំបំផ្លិចបំផ្លាញ នូវការខិតខំប្រឹងប្រែងនៅយុទ្ធនាការចាក់វ៉ាក់សាំងបង្ការជំងឺកូវីដ-១៩នេះ នៅតែបន្ត ក៏ប៉ុន្តែលទ្ធផលដែលយើងបានទទួលមកដល់បច្ចុប្បន្ននេះ បង្ហាញយ៉ាងច្បាស់ទៅដល់ក្រុមទាំងនោះ ឲ្យជនទាំងអស់នោះឃើញឲ្យច្បាស់ថា ទោះបីជាអ្នកឯងខិតខំបំប៉ោងយ៉ាងណាក៏ដោយ បំផ្លើសយ៉ាងណាក៏ដោយ ក៏បងប្អូនប្រជាពលរដ្ឋកម្ពុជា នៅតែមានជំនឿទុកចិត្តជឿជាក់ទៅលើការដឹកនាំរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រី្ត ហើយបងប្អូនប្រជាពលរដ្ឋកម្ពុជា នៅតែមានជំនឿទុកចិត្តទៅលើវ៉ាក់សាំងកូវីដ-១៩ បើទោះបីជាវ៉ាក់សាំងនោះផលិតនៅប្រទេសណាក៏ដោយ ក៏ផលិតផលនេះ វានៅតែជាផលិតផល វានៅតែជាវ៉ាក់សាំងកូវីដ-១៩ ដែលមានផលប្រយោជន៍សម្រាប់មនុស្សជាតិ និងសម្រាប់បុគ្គល ក្នុងការទប់ស្កាត់មិនឲ្យមានការវិវត្តន៍ទៅរកភាពធ្ងន់ធ្ងរ នៅពេលដែលមានការវៃលុកពីវីរុសកូវីដ-១៩ ចូលទៅក្នុងសរីរាង្គរបស់បុគ្គល ហើយកាត់បន្ថយបានអត្រាឈឺ អត្រាចូលសម្រាកពេទ្យ ហើយក៏ដូចជាអត្រាមរណៈភាព ដែលបណ្តាប្រទេសនៅលើសកលលោកមួយចំនួនបានអនុវត្តន៍ និងសិក្សាទៅ រកឃើញថា មានការធ្លាក់ចុះខ្លាំង។ ដូច្នេះគណៈកម្មការចំពោះកិច្ចចាក់វ៉ាក់សាំងកូវីដ-១៩ នៅតែបន្តដំណើរចាក់វ៉ាក់សាំងជូនប្រជាពលរដ្ឋទូទៅ ប៉ុន្តែធ្វើតាមដំណាក់កាល អាស្រ័យទៅលើចំនួនវ៉ាក់សាំងដែលយើងមាន៕អត្ថបទ រដ្ឋា

ស្នងការរាជធានីភ្នំពេញ ដាក់កម្រិតមួយសប្តាហ៍ ឲ្យនគរបាលទាំងអស់ ត្រូវចាក់វ៉ាក់សាំងកូវីដ-១៩ឲ្យបានគ្រប់ៗគ្នា

ភ្នំពេញ ៖ ឧត្តមសេនីយ៍ឯក ស ថេត អគ្គស្នងការរងនគរបាលជាតិ និងជាស្នងការដ្ឋាននគរបាលរាជធានីភ្នំពេញ បានដាក់កម្រិតមួយសប្តាហ៍ ដល់នគរបាលទាំងអស់នៅក្នុងរាជធានីភ្នំពេញ ត្រូវចាក់វ៉ាក់សាំងការពារមេរោគកូវីដ-១៩ ឲ្យបានគ្រប់ៗគ្នា លើកលែងតែនគរបាលណា ដែលមានជំងឺប្រចាំកាយហើយមានអាការៈ ធ្ងន់ធ្ងរតែប៉ុណ្ណោះ។ការដាក់កម្រិតរបស់ឧត្តមសេនីយ៍ឯកស្នងការនគរបាលរាជធានីភ្នំពេញរូបនេះ គឺបានធ្វើឡើង ក្រោយពីមានបញ្ជាផ្ទាល់យ៉ាងមុតមាំពីនាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ ដែលតម្រូវឱ្យនគរបាលនៅតាមនាយកដ្ឋាន រាជធានី-ខេត្តទាំងអស់ ត្រូវចាក់វ៉ាក់សាំងឱ្យបានគ្រប់គ្នា មិនឱ្យលើសពី១សប្តាហ៍ ខណៈដែលស្ថានភាពនៃការរីករាលដាលនូវមេរោគកូវីដ១៩ នៅប្រទេសកម្ពុជា ជាពិសេសនៅរាជធានីភ្នំពេញ បានកំពុងវិវត្តន៍យ៉ាងអាក្រក់នោះ។ឯកឧត្តមឧត្តមសេនីយ៍ឯក ស ថេត បានលើកឡើងថា «នគរបាលរាជធានីភ្នំពេញដែលមិនទាន់បានចាក់វ៉ាក់សាំងបង្ការជំងឺឆ្លងកូវីដ១៩ ត្រូវនាំគ្នាមកទទួលការចាក់វ៉ាក់សាំងឱ្យបានគ្រប់គ្នា មិនឱ្យលើសពី១ សប្តាហ៍នេះទេ លើកលែងតែមន្ត្រីនគរបាលមានអាការៈ ជំងឺធ្ងន់ធ្ងរ»។នៅក្នុងព្រឹត្តិការណ៍ចាក់វ៉ាក់សាំងជូនដល់បងប្អូននគរបាលនោះដែរ ស្នងការដ្ឋាននគរបាលរាជធានីភ្នំពេញក៏បានទទួលការឧបត្ថម្ភនូវទឹកសុទ្ធចំនួន២៥០កេស ពី ឯកឧត្តម ហ៊ុន ម៉ានី ប្រធានសហភាព សហព័ន្ធយុវជនកម្ពុជា ដើម្បីលើកទឹកចិត្តជូនដល់កម្លាំងនគរបាលរាជធានីភ្នំពេញ ដែលជាកម្លាំងជួរមុខកំពុងធ្វើសកម្មភាពយ៉ាងមមាញឹកសហការជាមួយក្រសួងសុខាភិបាល ប្រយុទ្ធប្រឆាំងជំងឺឆ្លងកូវីដ១៩ នៅក្នុងព្រឹត្តិការណ៍សហគមន៍២០ កុម្ភៈផងដែរ។ការឧបត្ថម្ភជាទឹកសុទ្ធពីសំណាក់ឯកឧត្តម ហ៊ុន ម៉ានី នៅពេលនេះ បន្ទាប់ពីឯកឧត្តម ឧត្តមសេនីយ៍ឯក ហ៊ុន ម៉ាណែត និងលោកជំទាវជួយឧបត្ថម្ភជាថ្នាំពេទ្យ និងម៉ាស់ជាច្រើន ជូនដល់ស្នងការដ្ឋាននគរបាលរាជធានីភ្នំពេញ បំពេញតម្រូវការចាំបាច់ប្រើប្រាស់បង្ការជំងឺឆ្លងកូវីដ១៩ ខណៈការជួយឧបត្ថម្ភ ជូនដល់កម្លាំងនគរបាលរាជធានីភ្នំពេញនេះ គឺជាការបង្ហាញនូវការយកចិត្តទុកដាក់ខ្ពស់ផុតពីសុខភាពពីប្រមុខរាជរដ្ឋាភិបាលកម្ពុជា ជូនដល់កងកម្លាំងជួរមុខ ដែលបានខិតខំប្រឹងប្រែងចូលរួមប្រយុទ្ធប្រឆាំងជំងឺកូវីដ១៩។នៅក្នុងឱកាសនោះឯកឧត្តម ឧត្តមសេនីយ៍ឯក ស ថេត អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ ក៏បានលើកឡើងសំដែងនូវការដឹងគុណយ៉ាងជ្រាលជ្រៅបំផុត ចំពោះឯកឧត្តម ហ៊ុន ម៉ានី និងលោកជំទាវ ដែលបានគិតគូរសុខទុក្ខដល់កម្លាំងនគរបាលរាជធានីភ្នំពេញ ហើយថា នេះជាកាយវិកាដ៏សប្បុរស និងការចែករំលែក ដើម្បីជាការលើកទឹកចិត្តដល់កម្លាំងជួរមុខ កំពុងតែប្រយុទ្ធប្រឆាំងជំងឺឆ្លងកូវីដ១៩នោះ៕អត្ថបទ ៖ បានចក់

សម្ដេចតេជោ ប្រកាសជួយបង់ថ្លៃទឹកភ្លើង មួយរយៈដល់ក្រុមគ្រួសារដែលពាក់ព័ន្ធ នឹងករណីជំងឺកូវីដ-១៩

ភ្នំពេញ ៖ សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានប្រកាសថា រដ្ឋ នឹងជួយបង់ ថ្លៃទឹក និងភ្លើង ជំនួសក្រុមគ្រួសារ ដែលមានការពាក់ព័ន្ធនឹងករណីជំងឺកូវីដ-១៩ រយៈពេលពី ២ខែដល់៥ ខែ ព្រមទាំងជំនួយស្បៀងអាហារមួយចំនួនទៀតផងដែរ។នៅព្រឹកថ្ងៃទី១០ ខែមេសា នេះ សម្ដេចតេជោ ហ៊ុន សែន ប្រមុខរាជរដ្ឋាភិបាលកម្ពុជា បានថ្លែង សារទៅកាន់ជនរួមជាតិ ជុំវិញបច្ចុប្បន្នភាព និងស្ថានភាពទូទៅ នៃការរាតត្បាតជំងឺកូវីដ-១៩ ដែលក្នុងសារ នេះ សម្តេចតេជោ បានលើកឡើងថា ខណៈពេលនេះ កំពុងតែកើតមាននូវការឆ្លងកដ៏អាក្រក់នៃជំងឺកូវីដ-១៩ នៅក្នុងប្រទេសកម្ពុជា ពិសេសក្នុងរាជធានីភ្នំពេញ ដែលសភាពការណ៍បែបនេះ រដ្ឋ នឹងជួយសម្រាល ដល់ការលំបាករបស់ប្រជាពលរដ្ឋ ពិសេសគ្រួសារដែលមានការពាក់ព័ន្ធនឹងករណីជំងឺកូវីដ-១៩នេះ មួយ រយៈពេល។សម្តេចតេជោ បានបញ្ជាក់ថា ការអន្តរាគមន៍របស់រាជរដ្ឋាភិបាលក្នុងការផ្តល់ស្បៀង និងថវិកា ឧបត្ថម្ភជូនដល់ក្រុមគ្រួសារពាក់ព័ន្ធនឹងករណីជំងឺកូវីដ-១៩ ថ្វីត្បិតវាមិនបានគ្រប់គ្រាន់ដូចប្រាក់ចំណូល របស់ពួកគេក៏ពិតមែន ប៉ុន្តែវាជាការសម្រាលទុក្ខលំបាកបានមួយរយៈ ក្នុងពេលជួបបញ្ហានេះផងដែរ។សម្តេចតេជោ ហ៊ុន សែន បានអំពាវនាវឱ្យពលរដ្ឋបង្កើនការប្រុងប្រយ័ត្នបន្ថែមទៀត ការពារខ្លួនកុំ ឱ្យឆ្លងជំងឺកូវីដ-១៩ ព្រោះបច្ចុប្បន្ននេះ វាកំពុងតែវិវត្តយ៉ាងអាក្រក់នៅក្នុងរាជធានីភ្នំពេញតែម្តង ដោយវា បានឆ្លងចូលក្នុងសហគមន៍រោងចក្រ និងទីផ្សារមួយចំនួន ដែលតួលេខនេះ បានបង្ហាញថា វាជាព្រឹត្តិ ការណ៍ដ៏គួរឲ្យព្រួយបារម្ភខ្លាំង។សម្តេចតេជោ ហ៊ុន សែន បានដាក់បទបញ្ជាឱ្យអភិបាលរាជធានីភ្នំពេញ ប្រញាប់ប្រញាល់រៀបចំ ស្បៀងអាហារជូនដល់ប្រជាពលរដ្ឋ ដែលកំពុងសម្រាកព្យាបាលជំងឺកូវីដ-១៩ និងធ្វើចត្តាឡីស័ក នៅក្នុង តំបន់ ដែលបាននឹងកំពុងបិទខ្ទប់ ដើម្បីជួយសម្រាលដល់ទុក្ខលំបាករបស់ពួកគេ៕អត្ថបទ៖ បាន ចក់

សម្ដេចតេជោ ណែនាំឲ្យរដ្ឋមន្ត្រីយុត្តិធម៌ ធ្វើការជាមួយតុលាការកាត់ទោស អ្នកមិនគោរពវិធានចត្តាឡីស័ក ជាចាំបាច់

ភ្នំពេញ ៖ ច្បាប់មានហើយ និងកុំអោយគេថាមិនអនុវត្ត សម្តេចតេជោ ហ៊ុន សែន ប្រមុខរាជរដ្ឋាភិបាលកម្ពុជា បានណែនាំអោយរដ្ឋមន្ត្រីក្រសួងយុត្តិធម៌ធ្វើការជាមួយតុលាការដើម្បីកាត់ទោសអ្នកដែលបំពានវិធានការចត្តាឡីស័ក។សារពិសេសចេញពីភូមិគ្រឹះក្រុងតាខ្មៅ នាព្រឹកមិញនេះ សម្តេច បានបញ្ជាក់ថា កន្លងមកនេះ មានអ្នកគេចវេសពីការធ្វើចត្តាឡីស័ក និងនាំដល់មានការចម្លងផងដែរដូច្នេះត្រូវមានការកាត់ទោសជាចាំបាច់កុំអោយគេថាច្បាប់មានហើយមិនអនុវត្ត និងត្រួតពិនិត្យអោយបានម៉ត់ចត់ចំពោះអ្នកធ្វើចត្តាឡីស័កកុំអោយមានការចេញក្រៅពីកន្លែងធ្វើចត្តាឡីស័ក។ការដែលសម្តេច បានណែនាំបែបនេះ ដើម្បីពង្រឹងវិធានការទប់ស្កាត់ ការចម្លងកូវីដ១៩ពីមនុស្សម្នាក់ទៅមនុស្សម្នាក់ព្រោះថា ប៉ុន្មានថ្ងៃនេះករណីឆ្លងកូវីដ១៩ មានការកើនឡើងយ៉ាងច្រើនជាពិសេសនៅរាជធានីភ្នំពេញ។ ករណីឆ្លងជំងឺកូវីដ១៩ នៅទូទាំងប្រទេសបើគិតដល់ថ្ងៃម្សិលមិញបានកើនឡើងរហូតដល់ជិត៤ពាន់នាក់ហើយ ក្នុងនោះ ករណីឆ្លងថ្មីនៅថ្ងៃទី៨មេសា មាន៥៧៦នាក់ និងមានអ្នកជាថ្មី៧០នាក់ ក្នុងចំណោមអ្នកជាសរុបជិត ២ពាន់នាក់និងមានស្លាប់ចំនួន២៤នាក់។នេះ បើយោងតាមសេចក្តីជូនព័ត៌មានរបស់ក្រសួងសុខាភិបាលចេញថ្ងៃទី៩មេសាម្សិលមិញនេះ៕អត្ថបទ ៖ មុត សុទ្ធ

ក្រសួងសុខាភិបាលរកឃើញមនុស្ស៤៧៧នាក់ទៀតឆ្លងកូវីដ១៩ ខណៈអ្នកជំងឺ៩៦នាក់ជាសះស្បើយ

ភ្នំពេញ៖ ក្រសួងសុខាភិបាល នៅថ្ងៃទី១០ ខែមេសានេះ បានប្រកាសថា មនុស្ស ៤៧៧នាក់បន្ថែមទៀត ត្រូវបានរកឃើញឆ្លងមេរោគកូវីដ១៩ ដែលធ្វើឱ្យតួលេខអ្នកឆ្លងសរុបឡើងដល់ ៤ ០៨១ករណី។ក្នុងសេចក្ដីប្រកាសព័ត៌មានរបស់ខ្លួន ក្រសួងសុខាភិបាល បានបញ្ជាក់ថា ករណីឆ្លងថ្មីទាំង ៤៧៧នាក់នេះ សុទ្ធតែពាក់ព័ន្ធនឹងព្រឹត្តិការណ៍សហគមន៍ ២០កុម្ភៈ ដោយក្នុងនោះរកឃើញនៅរាជធានីភ្នំពេញ ៤៥៤នាក់ ខេត្តព្រះសីហនុ ៦នាក់ ខេត្តកណ្ដាល ៤នាក់ ខេត្តស្វាយរៀង ៤នាក់ ខេត្តតាកែវ ៤នាក់ ខេត្តព្រៃវែង ៣នាក់ ខេត្តកំពង់ធំ ១នាក់ និងខេត្តសៀមរាប ១នាក់។គិតត្រឹមថ្ងៃនេះ កម្ពុជារកឃើញមនុស្សដល់ទៅ ៤ ០៨១នាក់ បានឆ្លងមេរោគកូវីដ១៩នៅទូទាំងប្រទេសគិតចាប់តាំងពីចុងខែមករាឆ្នាំ២០២០ នៅពេលកម្ពុជាប្រកាសរកឃើញករណីឆ្លងលើកដំបូង។ក្រសួងសុខាភិបាលប្រកាសផងដែរថា អ្នកជំងឺកូវីដ១៩ចំនួន ២ ០៨០នាក់ហើយ ត្រូវបានព្យាបាលជាសះស្បើយហើយ ក្នុងនោះមានទាំងអ្នកជាសះស្បើយថ្មី ៩៦នាក់ទៀត ដែលក្រសួងប្រកាសនៅថ្ងៃនេះ ខណៈអ្នកជំងឺកូវីដ១៩ចំនួន ១ ៩៧០នាក់ទៀតកំពុងស្ថិតក្រោមការព្យាបាលបន្ត៕

សម្តេចកិត្តិព្រឹទ្ធបណ្ឌិត ផ្ដល់ថវិកា១០លានរៀល ជួយសម្រាលការលំបាកជីវភាព សន្តិសុខយាមនៅធនាគារ ABA សាខាស្ពានអាកាសផ្សារដីហុយ

ភ្នំពេញ ៖ នៅថ្ងៃទី០៩ ខែមេសា សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា បានចាត់តំណាងនាំយកថវិកាមនុស្សធម៌កាកបាទក្រហមកម្ពុជា ចំនួន១០លានរៀល ជួយសម្រាលការលំបាកជីវភាព ដល់លោកអនុសេនីយ៍ឯក ភឿន ភិរៈ មន្ត្រីនគរបាលអង្គភាពតម្រួតបទបញ្ជា ដែលមានភារកិច្ចការពារសន្តិសុខ សណ្តាប់ធ្នាប់ នៅធនាគារABA សាខាស្ពានអាកាសផ្សារដីហុយ។គួរបញ្ជាក់ថា កាលពីយប់ថ្ងៃទី០៦ ខែមេសា ឆ្នាំ២០២១ លោកអនុសេនីយ៍ឯក ភឿន ភិរៈ បានប្រើសិទ្ធិការពារខ្លួនក្នុងពេលបំពេញភារកិច្ចត្រូវបានមហាជនធ្វើការគាំទ្រ ព្រមទាំងអាណិតអាសូរជាពន់ពេក។ក្នុងករណីនេះ ព្រះរាជអាជ្ញាសាលាដំបូងរាជធានីភ្នំពេញ បានពិនិត្យភស្តុតាងជាវីដេអូ និងឯកសារពាក់ព័ន្ធ ក្នុងសំនុំរឿងនេះ ហើយព្រះរាជអាជ្ញាបានដោះលែងលោក ភឿន ភិរៈ ឱ្យមានសេរីភាពវិញ និងបន្តការស៊ើបអង្កេត លើករណីនេះ បន្ថែមទៀតផងដែរ៕

កម្មកររោងចក្រកាត់ដេរ Din Han ចំនួន១៨នាក់ទៀត រកឃើញមានផ្ទុកជំងឺកូវីដ១៩

ភ្នំពេញ ៖ អាជ្ញាធរខណ្ឌមានជ័យ បានបញ្ជាក់ថា កម្មកររោងចក្រកាត់ដេរ Din Han ចំនួន១៨នាក់ទៀត បានរកឃើញ មានផ្ទុកជំងឺកូវីដ១៩ ដែលធ្វើឱ្យចំនួនកម្មករសរុបឆ្លងឆ្លងមេរោគកូវីដ១៩ កើនឡើងដល់៦៨នាក់ គិតត្រឹមថ្ងៃព្រហស្បតិ៍នេះ។លោក ឌី រ័ត្នខេមរុណ អភិបាលរងខណ្ឌមានជ័យ មានប្រសាសន៍ប្រាប់ នៅព្រឹកថ្ងៃទី៩ មេសា ឆ្នាំ២០២១នេះថា រោងចក្រកាត់ដេរ ឌីន ហាន មានទីតាំងស្ថិតនៅផ្លូវឌួងងៀប២ ភូមិថ្មី សង្កាត់ស្ទឹងមានជ័យទី៣ ខណ្ឌមានជ័យ រាជធានីភ្នំពេញ មានកម្មករសរុប២០០០នាក់ បានមកយកសំណាកគ្រប់ចំនួនហើយ។លោកបញ្ជាក់ថា ចំពោះកម្មករដែលបានប៉ះពាល់ផ្ទះនឹងអ្នកផ្ទុកជំងឺកូវីដ១៩ ត្រូវបានគេយកទៅធ្វើចត្តាឡីស័ក នៅមណ្ឌលចត្តាឡីស័ក និងចំពោះកម្មករដែលប៉ះពាល់ដោយប្រយោល គឺតម្រូវឱ្យធ្វើចត្តាឡីស័ក ខ្លួនឯង នៅផ្ទះរៀងខ្លួន រយៈពេល១៤ថ្ងៃ។សូមបញ្ជាក់ថា រោងចក្រកាត់ដេរ Din Han បានរកឃើញមានការឆ្លងជំងឺកូវីដ១៩ កាលពីថ្ងៃទី៧ ដោយមានកម្មករចំនួន៥០នាក់ បានរកឃើញមានផ្ទុកជំងឺកូវីដ១៩។ទាក់ទងបញ្ហាខាងលើនេះ ឯកឧត្តម ឃួង ស្រេង អភិបាលរាជធានីភ្នំពេញ បានអំពាវនាវដល់កម្មករនិយោជិតទាំងអស់ដែលបម្រើការនៅរោងចក្រ ឌីន ហាន ត្រូវមកយកសំណាកដើម្បីពិនិត្យជាបន្ទាន់។ ជាមួយគ្នានេះ ឯកឧត្តម ក៏បានអំពាវនាវដល់បងប្អូនសាច់ញាតិ ឬមិត្តភ័ក្ដិរបស់កម្មករនិយោជិតទាំងនោះ ត្រូវជួយណែនាំឲ្យធ្វើចត្តាឡីស័ក (នៅដាច់ដោយឡែក) រយៈពេល ១៤ថ្ងៃ តាមចំនួនកំណត់ ហើយបើធ្វើមិនបានត្រឹមត្រូវទេ នឹងទទួលទោសពិន័យតាមច្បាប់ ជាក់ជាមិនខាន៕អត្ថបទ ឈិត បូរ៉ាវី

បណ្ដាញសង្គម

ព័ត៌មានថ្មីៗ

ហូលីវីតចិន គ្រោងផលិតភាពយន្តភាគខ្លីៗ និងអភិវឌ្ឍទេសចរណ៍ជាមួយបច្ចេកវិទ្យាទំនើប នៅកម្ពុជា

សភាសហភាពអឺរ៉ុប កំពុងតាមដានដោយយកចិត្តទុកដាក់ការអនុវត្តបទឈប់បាញ់

ផ្ទះអតីតយុទ្ធជន ៣៥ខ្នង ស្ថិតនៅឃុំក្រយា ស្រុកសន្ទុក ខេត្តកំពង់ធំ រងផលប៉ះពាល់ដោយជំនន់ទឹកភ្លៀង

ឯកអគ្គរដ្ឋទូត៖ ដាណឺម៉ាកប្រើកោះ Bornholm ដើម្បីគំរាមកំហែងសន្តិសុខរបស់រុស្ស៊ី រួមទាំងតំបន់ Kaliningrad

មនុស្សរាប់ពាន់នាក់ ធ្វើបាតុកម្មនៅយេម៉ែនប្រឆាំងនឹងប្រតិបត្តិការយោធាអ៊ីស្រាអែល នៅតំបន់ហ្កាហ្សា

អាមេរិក កំពុងពិភាក្សាជាមួយក្រុមតាលីបង់អំពីការវិលត្រឡប់នូវយោធារបស់ខ្លួន ទៅមូលដ្ឋានទ័ពអាកាស Bagram វិញ

កូរ៉េខាងត្បូង មានបំណងរក្សាទំនាក់ទំនងជាមួយរុស្ស៊ី

រុស្ស៊ីបើកការវាយប្រហារចង្កោមលើគោលដៅអ៊ុយក្រែន ចំណែកអ៊ុយក្រែន បានវាយប្រហារមជ្ឈមណ្ឌលដឹកជញ្ជូនយោធារុស្ស៊ី

មន្ត្រីជាន់ខ្ពស់៖ យន្តហោះចម្បាំង MiG-31 របស់រុស្ស៊ី មិនបានបំពានដែនអាកាសអេស្តូនីទេ

គណៈកម្មាការអឺរ៉ុប៖ និយាយថា ប្រទេសចំនួន៨របស់សហភាពអឺរ៉ុប បន្តនាំចូលឧស្ម័នពីរុស្ស៊ី

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

ឯកឧត្តម គន់ គីម អំពាវនាវឱ្យអតីតយុទ្ធជនទៅចាក់វ៉ាក់សាំងបង្ការកូវីដ-១៩ ឲ្យបានគ្រប់គ្នា

WHO ៖ កម្ពុជាឈរនៅមាត់ជ្រោះ នៃសោកនាដកម្មព្រោះកូវីដ-១៩ បើពលរដ្ឋមិនធ្វើទង្វើដោយទទួលខុសត្រូវ

ពលរដ្ឋទូទៅក្នុងខេត្តកណ្តាល ទទួលបានការចាក់វ៉ាក់សាំងកូវីដ១៩ នៅតាមមណ្ឌលសុខភាពដែលនៅជិតផ្ទះ

កម្ពុជា នឹងទទួលបានវ៉ាក់សាំង Sinovac ចំនួនប្រហែលកន្លះលានដូស នៅថ្ងៃទី១៧ មេសាខាងមុខនេះ

ស្នងការរាជធានីភ្នំពេញ ដាក់កម្រិតមួយសប្តាហ៍ ឲ្យនគរបាលទាំងអស់ ត្រូវចាក់វ៉ាក់សាំងកូវីដ-១៩ឲ្យបានគ្រប់ៗគ្នា

សម្ដេចតេជោ ប្រកាសជួយបង់ថ្លៃទឹកភ្លើង មួយរយៈដល់ក្រុមគ្រួសារដែលពាក់ព័ន្ធ នឹងករណីជំងឺកូវីដ-១៩

ក្រសួងសុខាភិបាលរកឃើញមនុស្ស៤៧៧នាក់ទៀតឆ្លងកូវីដ១៩ ខណៈអ្នកជំងឺ៩៦នាក់ជាសះស្បើយ

កម្មកររោងចក្រកាត់ដេរ Din Han ចំនួន១៨នាក់ទៀត រកឃើញមានផ្ទុកជំងឺកូវីដ១៩

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

ឯកឧត្តម គន់ គីម អំពាវនាវ​ឱ្យ​អតីត​យុទ្ធជន​ទៅ​ចាក់​វ៉ាក់សាំង​បង្ការ​កូ​វីដ​-១៩​ ឲ្យ​បាន​គ្រប់គ្នា​

WHO ៖​ កម្ពុជា​ឈរ​នៅ​មាត់ជ្រោះ​ នៃ​សោកនាដកម្ម​ព្រោះ​កូ​វីដ​-១៩​ បើ​ពលរដ្ឋ​មិន​ធ្វើ​ទង្វើ​ដោយ​ទទួលខុសត្រូវ

កម្ពុជា​ នឹង​ទទួល​បាន​វ៉ាក់សាំង ​Sinovac ​ចំនួន​ប្រហែល​កន្លះ​លាន​ដូ​ស ​នៅ​ថ្ងៃទី​១៧ ​មេសា​ខាងមុខនេះ

ក្រសួង​សុខាភិបាល​រក​ឃើញ​មនុស្ស​៤៧៧​នាក់​ទៀត​ឆ្លង​កូវីដ​១៩ ខណៈ​អ្នក​ជំងឺ​៩៦​នាក់​ជា​សះស្បើយ

កម្មករ​រោងចក្រ​កាត់ដេរ Din Han ចំនួន​១៨​នាក់​ទៀត រកឃើញ​មាន​ផ្ទុក​ជំងឺ​កូ​វីដ​១៩

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

ឯកឧត្តម គន់ គីម អំពាវនាវឱ្យអតីតយុទ្ធជនទៅចាក់វ៉ាក់សាំងបង្ការកូវីដ-១៩ ឲ្យបានគ្រប់គ្នា

WHO ៖ កម្ពុជាឈរនៅមាត់ជ្រោះ នៃសោកនាដកម្មព្រោះកូវីដ-១៩ បើពលរដ្ឋមិនធ្វើទង្វើដោយទទួលខុសត្រូវ

កម្ពុជា នឹងទទួលបានវ៉ាក់សាំង Sinovac ចំនួនប្រហែលកន្លះលានដូស នៅថ្ងៃទី១៧ មេសាខាងមុខនេះ

ក្រសួងសុខាភិបាលរកឃើញមនុស្ស៤៧៧នាក់ទៀតឆ្លងកូវីដ១៩ ខណៈអ្នកជំងឺ៩៦នាក់ជាសះស្បើយ

កម្មកររោងចក្រកាត់ដេរ Din Han ចំនួន១៨នាក់ទៀត រកឃើញមានផ្ទុកជំងឺកូវីដ១៩