BTV NEWS

TOP STORY | សម្ដេចតេជោ៖ ពេលនេះ ខ្ញុំកំពុងតែរួមចំណែកបញ្ជាទ័ព តាមប្រព័ន្ធវីដេអូ និងប្រព័ន្ធផ្សេងទៀតជាមួយនាយករដ្ឋមន្ត្រី, រដ្ឋមន្ត្រីក្រសួងការពារជាតិ អគ្គមេបញ្ជាការកងទ័ព និងបញ្ជាការកងកម្លាំងប្រដាប់អាវុធគ្រប់លំដាប់ថ្នាក់

TOP STORY |សម្ដេចធិបតី ហ៊ុន ម៉ាណែត ដាក់លិខិតស្នើសុំកោះប្រជុំក្រុមប្រឹក្សាសន្តិសុខជាបន្ទាន់ ដើម្បីសុំការអន្តរាគមន៍បញ្ចប់ការឈ្លានពានរបស់កងទ័ពថៃមកលើដែនអធិបតេយ្យភាពរបស់កម្ពុជា

TOP STORY | សម្ដេចធិបតី៖ កងទ័ពថៃបានបើកការវាយប្រហារមកលើទីតាំងឈរជើងរបស់កងទ័ពកម្ពុជា នៅប្រាសាទតាមាន់ធំ តាក្របី និងបានពង្រីកភូមិសាស្ត្រវាយប្រហារទៅដល់តំបន់មុំបី

TOP STORY | ខណៈព្រំដែនកំពុងមានការផ្ទុះអាវុធ, សម្តេចតេជោ ហ៊ុន សែន ប្រាប់ពលរដ្ឋឲ្យជឿទុកចិត្តលើរាជរដ្ឋាភិបាល និងកងទ័ព

នយោបាយ និង ការអភិវឌ្ឍន៍

ព្យុះNOUL បង្កជាប់គាំងការធ្វើដំណើរកម្សាន្ត នៃភ្ញៀវទេសចរ នៅតាមគោលដៅទេសចរណ៍មួយចំនួនក្នុងឱកាសភ្ជុំបិណ្ឌ

ភ្នំពេញ៖ ឥទ្ធិពលព្យុះទី១១មានឈ្មោះថា NOUL(នូល) ដែលបាននាំទឹកភ្លៀងធ្លាក់ខ្លាំង និងខ្យល់បោកបក់ខ្លាំង មកលើប្រទេសកម្ពុជា ចាប់ពីថ្ងៃទី១៨ ដល់ថ្ងៃទី២០ ខែកញ្ញា ឆ្នាំ២០២០នេះ គឺបានបង្កអោយប៉ះពាល់ការធ្វើដំណើរកម្សាន្ត នៃភ្ញៀវទេសចរ នៅតាមគោលដៅទេសចរណ៍សំខាន់ៗមួយចំនួន ជាពិសេសគោលដៅទេសចរណ៍ខេត្តព្រះសីហនុ បាត់ដំបង និងខេត្តសៀមរាបជាដើម។បើតាមឯកឧត្ដម តុប សុភ័ក រដ្ឋលេខាធិការ និងជាអ្នកនាំពាក្យក្រសួងទេសចរណ៍ បានថ្លែងប្រាប់BTV នៅថ្ងៃទី២១ ខែកញ្ញានេះថា នៅក្នុងអំឡុងពេលកម្ពុជា បានជួបរងនូវឥទ្ធិពលព្យុះ NOUL បានធ្វើអោយការធ្វើដំណើរកម្សាន្តនៃភ្ញៀវទេសចរក្នុងស្រុក នៅក្នុងឱកាសថ្ងៃឈប់សំរាកបុណ្យភ្ជុំបិណ្ឌចំនួន៣ថ្ងៃ និងថ្ងៃឈប់សម្រាកចុងសប្តាហ៍ចំនួន២ថ្ងៃនេះ បានជាប់គាំង ជាពិសេសបណ្តាភ្ញៀវទេសចរដែលធ្វើដំណើរទៅលេងកម្សាន្តនៅតាមបណ្តាកោះនានា នៅក្នុងខេត្តព្រះសីហនុ និងគោលដៅទេសចរណ៍មួយចំនួនទៀត នៅខេត្តបាត់ដំបងជាដើម។ឯកឧត្ដម តុប សុភ័ក បន្តថា ទោះយ៉ាងណាក៏ដោយនៅក្នុងឱកាសថ្ងៃឈប់សម្រាកបុណ្យភ្ជុំបិណ្ឌ ៣ថ្ងៃ នៅទូទាំងប្រទេសមានភ្ញៀវទេសចរក្នុងចេញដើរកម្សាន្តនៅតាមគោលដៅទេសចរណ៍នានា មានប្រមាណជាង១លាន១សែននាក់ ហើយរហូតមកដល់ថ្ងៃឈប់សម្រាកចុងសប្ដាហ៍ពីរថ្ងៃនេះទៀត គឺមានភ្ញៀវទេសចរចេញដើរកម្សាន្តបានកើនឡើង ប្រមាណ១លាន៥សែននាក់។ឯកឧត្ដម បន្តថា បច្ចុប្បន្ននៅទូទាំងប្រទេសគោលដៅទេសចរណ៍រួមមាន រមណីយដ្ឋានទេសចរណ៍ សហគមន៍ទេសចរណ៍ សហគមន៍អេកូទេសចរណ៍ និងតំបន់ដែលមានសក្តានុពលទេសចរណ៍ គឺមានប្រមាណ៥៥៧គោលដៅទេសចរណ៍ដែលអាចអោយភ្ញៀវទេសចរទៅទស្សនាកម្សាន្តបាន។ដោយឡែកបញ្ហាតម្លៃសេវានៅតាមគោលដៅទេសចរណ៍ ជារួមឯកឧត្តម បានវាយតំលៃថា គឺមានគ្រប់គ្រងបានល្អជាងមុនច្រើន ពីសំណាក់អាជ្ញាធរមូលដ្ឋាន ពោលគឺតំលៃលក់ម្ហូបអាហារ សេវាធ្វើដំណើរកម្សាន្ត និងការស្នាក់នៅជាដើម គឺភាគច្រើនមិនមានតំឡើងថ្លៃខ្ពស់ នៅក្នុងអំឡុងពេលឈប់សម្រាកកន្លងមកនេះទេ៕ អត្ថបទ៖ ស៊ុម សុខជា

ក្រសួងបរិស្ថាន និងUSAID រួមគ្នាបើកយុទ្ធនាការការពារព្រៃឡង់ តាមរយៈការទំនាក់ទំនងផ្លាស់ប្ដូរឥរិយាបទសង្គម

ភ្នំពេញ ៖ ក្រសួងបរិស្ថាន និង USAID នៅព្រឹកថ្ងៃទី ២២ កញ្ញាឆ្នាំ ២០២០នេះ បានបើកយុទ្ធនាការការពារព្រៃឡង់ តាមរយៈ ការទំនាក់ទំនងផ្លាស់ប្ដូរឥរិយាបទសង្គម។ តាមរយៈយុទ្ធនាការនេះ គឺធ្វើឡើងដោយមានការផ្សព្វផ្សាយតាមបណ្ដាញសង្គម ដើម្បីលើកកម្ពស់ការយល់ដឹងពីសារៈសំខាន់ ក៏ដូចជាការចូលរួមក្នុងការថែរក្សាសម្បត្តិធម្មជាតិ។សម្រាប់ការបើកយុទ្ធនាការ នាព្រឹកនេះ លោកស្រី វីណា រេដឌី នាយិកាបេសកកម្ម USAID លើកឡើងថា យុទ្ធនាការនេះគឺបង្ហាញពីភាពជាដៃគូរបស់ទីភ្នាក់ងារជំនួយអាមេរិក USAID នៅក្នុងវិស័យបរិស្ថាននៅកម្ពុជា ក៏ដូចជាការបន្តប្ដេជ្ញាចិត្ត ក្នុងការអភិរក្សជីវៈចម្រុះដ៏មានសារសំខាន់នៅកម្ពុជា។ លោកស្រី សង្ឃឹមថា យុទ្ធនាការនេះនឹងមានការចូលរួមជាច្រើនពីប្រជាពលរដ្ឋគ្រប់រូប ជាពិសេសយុវជន ដើម្បីលើកកម្ពស់ការយល់ដឹង និងជួយលើកទឹកចិត្តឱ្យប្រជាពលរដ្ឋកម្ពុជាកាន់តែច្រើន ចូលរួមការពារសម្បត្តិធម្មជាតិ។យុទ្ធនាការការការពារព្រៃឡង់ តាមរយៈការទំនាក់ទំនងផ្លាស់ប្ដូរឥរិយាបទសង្គម នេះគឺនឹងធ្វើឡើងដោយប្រើប្រាស់បណ្ដាញទំនាក់ទំនងសង្គមក្នុងការផ្សព្វផ្សាយ ។ឯកឧត្តម សៅ សុភាព រដ្ឋលេខាធិការក្រសួងបរិស្ថាន បានបញ្ជាក់ថា យុទ្ធនាការនេះ គឺស្របទៅនឹងផែនការសកម្មភាព នយុទ្ធសាស្ត្រគាំពារបរិស្ថានរបស់រាជរដ្ឋាភិបាលកម្ពុជា ហើយយុទ្ធនាការនេះ នឹងផ្សព្វផ្សាយពីសម្រស់ ក៏ដូចជាមុខងារ និងតម្លៃរបស់ប្រព័ន្ធអេកូឡេស៊ី និងបង្ហាញពីការរស់នៅរបស់ប្រជាជនក្នុងសហគមន៍ផងដែរ។ឯកឧត្តម រដ្ឋលេខាធិការ បានលើកឡើងដែរថា ក្រៅពីយុទ្ធនាការដើម្បីជំរុញការផ្សព្វផ្សាយនេះ ក្រសួងក៏មានមន្ត្រីឧទ្យានុរក្សប្រចាំការ ការពារតំបន់ទាំងនោះផងដែរ។តាមទិន្នន័យរបស់ USAID បង្ហាញថា តំបន់ទេសភាពព្រៃឡង់ និងតំបន់ជុំវិញលាតសន្ធឹងលើផ្ទៃដីប្រមាណ ៣,៣ លានហិកតា គ្របដណ្ដប់លើខេត្តចំនួន ៤ រួមមាន ខេត្ត ព្រះវិហារ ខេត្តកំពង់ធំ ក្រចេះ និងខេត្តស្ទឹងត្រែង។ តំបន់ព្រៃឡង់នេះ មានព្រៃស្រោង ការប្រើប្រាស់ដីចម្រុះ តំបន់ការពារ ដីឯកជន និងរដ្ឋ សហគមន៍តំបន់ការពារធម្មជាតិ តំបន់ទាំងនេះ កំពុងប្រឈមការគំរាមកំហែងពីការកាប់បំផ្លាញព្រៃឈើ ការកាប់ឈើខុសច្បាប់ ក៏ដូចជាការបរបាញ់និងការជួញដូរសត្វព្រៃ និងការប្រែប្រួលអាកាសធាតុផងដែរ៕

អ្នកជំនាញសេដ្ឋកិច្ច និងក្រុមហ៊ុនឯកជនគាំទ្រគោលនយោបាយជួយទ្រទ្រង់វិស័យឯកជនអំឡុងពេលវិបត្តិCOVID-19

ភ្នំពេញ ៖ ការដាក់ចេញនូវគោលនយោបាយគាំទ្រវិស័យឯកជននៅក្នុងអំឡុងពេលពិភពលោកជួបវិបត្តិ COVID-19 របស់រាជរដ្ឋាភិបាលកន្លងមក ដែលមានដូចជា ការផ្តល់ការអនុគ្រោះពន្ធអាជីវកម្ម ពន្ធអាជ្ញាប័ណ្ណ និងផ្តល់ប្រាក់ឧបត្ថម្ភសម្រាប់កម្មករនិយោជិតដែលព្យួរការងារ ជាដើម គឺបានធ្វើអោយមូលដ្ឋានអាជីវកម្មមួយចំនួនធំ មានដំណើរការល្អ ដែលជួយទ្រទ្រង់វិស័យសេដ្ឋកិច្ចក្នុងស្រុក អ្នកជំនាញសេដ្ឋកិច្ច និងក្រុមហ៊ុនឯកជនបានសំដែងការគាំទ្រគោលនយោបាយរបស់រាជរដ្ឋាភិបាល ដែលបានជួយទ្រទ្រង់វិស័យឯកជនអំឡុងពេលវិបត្តិCOVID-19។លោកបណ្ឌិត គី សេរីវឌ្ឍន៍ អ្នកជំនាញនិងជាអ្នកស្រាវជ្រាវផ្នែកសេដ្ឋកិច្ចនៃរាជបណ្ឌិត្យសភាកម្ពុជា បានថ្លែងប្រាប់ BTV នៅថ្ងៃទី២២ ខែកញ្ញានេះ ថា រាជរដ្ឋាភិបាលក្រោមដឹកនាំរបស់ប្រមុខថ្នាក់ដឹកនាំរាជរដ្ឋាភិបាលគឺមានចក្ខុវិស័យ ច្បាស់លាស់ ជាពិសេសនៅក្នុងអំឡុងពេលដែលពិភពលោកជួបវិបត្តិ COVID-19 វិស័យទេសចរណ៍ធ្លាក់ចុះ គឺសម្តេច តេជោ បានដាក់ចេញនូវគោលនយោបាយអនុគ្រោះពន្ធទ្រទ្រង់វិស័យឯកជនអោយមានលំនឹង។ដោយឡែកបើតាមលោកស្រី ឆាយ សៀវលីន ប្រធានសហគមន៍ទីភ្នាក់ងារទេសចរណ៍កម្ពុជាCATA ក្នុងអំឡុងបរិបទកូវីដ១៩នេះ បញ្ហាប្រឈមនានាបានកើតឡើងប៉ះពាល់ដល់បណ្តាក្រុមហ៊ុនក្នុងវិស័យទេសចរណ៍ ប៉ុន្តែដោយភាពឈ្លាសវៃរបស់រាជរដ្ឋាភិបាល បានជួយស្រោចស្រង់ដល់ក្រុមហ៊ុនក្នុងវិស័យទេសចរណ៍ អនុគ្រោះផ្តល់កញ្ចប់ការមិនយកពន្ធ និងមកដល់ពេលនេះ ជាជុំទី៥ហើយ។បើតាមលោក សេរី មុន្នី តំណាងក្រុមហ៊ុនភ្នាក់ងារទេសចរណ៍ ណែលីន ស្តារ បានថ្លែងថា បច្ចុប្បន្នវិស័យទេសចរណ៍បានកំពុងធ្លាក់ចុះ ពុំសូវសំបូរភ្ញៀវដើរកំសាន្ត ប៉ុន្តែទោះយ៉ាងណា ក្រុមហ៊ុនរបស់លោកនៅតែបន្តបើកដំណើរការជាធម្មតា ដោយរាជរដ្ឋាភិបាលបានលើកទឹកចិត្ត និងផ្តល់កញ្ចប់អនុគ្រោះពន្ធជាច្រើនទៀត៕

កិច្ចប្រជុំ ស្តីពីសំណើរបស់សហព័ន្ធបាល់ទាត់ និងគណៈកម្មការរៀបចំបាល់ទាត់ជាតិ បានស្នើឲ្យអ្នកចូលទស្សនាបាល់ទាត់ឡើងវិញ

ភ្នំពេញ ៖ គណៈកម្មការអន្តរក្រសួង ដើម្បីប្រយុទ្ធនឹងជំងឺកូវីដ១៩ បើកកិច្ចប្រជុំ ស្តីពីសំណើររបស់សហព័ន្ធបាល់ទាត់ និងគណៈកម្មការរៀបចំបាល់ទាត់ជាតិ បានស្នើឲ្យអ្នកចូលទស្សនាបាល់ទាត់ឡើងវិញ , នាទីស្តីការក្រសួង នៅព្រឹកថ្ងៃទី២២ កញ្ញា ២០២០នេះ។ក្នុងកិច្ចប្រជុំនេះធ្វើឡើងក្រោមវត្តមានឯកឧត្តម សាស្ត្រាចារ្យ ម៉ម ប៊ុនហេង រដ្ឋមន្ត្រីក្រសួងសុខាភិបាល និងអញ្ជើញចូលរួមរបស់ឯកឧត្តម ឌី វិជ្ជា ប្រធានគណៈកម្មការនាយក នៃគណៈកម្មការប្រកួតបាល់ទាត់កម្ពុជា និងឯកឧត្តម ស សុខា រដ្ឋលេខាធិការក្រសួងអប់រំ យុវជន និងកីឡា ក្នុងគោលបំណងពិភាក្សាគ្នាលើសំណើដែលចង់ឲ្យអ្នកចូលទស្សនាការប្រកួតកីឡាក្នុងពហុកីឡដ្ឋាន សម្រាប់ពានរង្វាន់សម្តេចអគ្គមហាសេនាបតីតេជោ ហ៊ុន សែន និងពានរង្វាន់មិត្តហ្វូន ខេមបូឌា លីក ឆ្នាំ២០២០ ដែលត្រូវបើកការប្រកួតនាពេលខាងមុខនេះ។អ្វីដែលជាការសម្រេច គណៈកម្មការអន្តរក្រសួង នឹងលើកជាជម្រើសចំនួន០២ ត្រូវដាក់ស្នើសុំការសម្រេចដ៏ខ្ពង់ខ្ពស់ពីសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា។ ក្រោយការសម្រេចក្រសួងសុខាភិបាល នឹងជម្រាបជូនថាតើយើងនឹងអនុវត្តន៍វិធានការបែបណាបន្ថែមទៀត៕

អាជ្ញាធរខេត្តប៉ៃលិនកំពុងស្វះស្វែងរកស្ត្រីម្នាក់ដែលត្រូវបានជំនន់ទឹកភ្លៀងហូរកួចទៅបាត់ពីរបីថ្ងៃហើយ

ប៉ៃលិន ៖ អាជ្ញាធរខេត្តប៉ៃលិន កំពុងស្វះស្វែងរកស្ត្រីម្នាក់ ដែលត្រូវបានជំនន់ទឹកភ្លៀងហូរកួចយកទៅបាត់ ពីរបី ថ្ងៃហើយ ខណៈពេលកំពុងឆ្លងអូរព្រំដែនត្រលប់មកពីប្រទេសថៃជាមួយនឹងពលករខ្មែរមួយចំនួនទៀត។កាលពីរសៀលថ្ងៃទី១៩ ខែកញ្ញា នេះ ត្រង់ចំណុចភូមិអូរឈើក្រំ ឃុំស្ទឹងកាច់ ស្រុកសាលាក្រៅ ខេត្តប៉ៃលិន ឈមនឹងស្រុកពោណាំរ៉ន ខេត្តច័ន្ទបុរី ប្រទេសថៃ ពលករឆ្លងដែន មានគ្នា៣នាក់ ត្រូវជាម្តាយ ឪពុក កូននឹងគ្នា បានព្យាយាមឆ្លងអូរឆ្លងព្រំដែនពីប្រទេសថៃមកកម្ពុជាវិញ តែបានជួបនឹងហេតុការណ៍ អាក្រក់ ដោយត្រូវជំនន់ទឹកភ្លៀងហូរកួចយកទៅបាត់ មិនទាន់រកឃើញនៅឡើយទេ ដោយសារស្ថានភាព អូរនៅព្រំដែន មានព្រៃច្រើន និងសម្បូរទៅដោយគ្រាប់មីន។ស្ត្រីរងគ្រោះ ឈ្មោះ សេង ស្រីម៉ៅ អាយុ ៤១ឆ្នាំ រស់នៅភូមិស្វាយមាស ឃុំកណ្តុរជ្រុំ ស្រុកពញា ក្រែក ខេត្តត្បូងឃ្មុំ។ កាលពីម្សិលមិញ ឯកឧត្តម ផាន់ ចាន់ធុល អភិបាលខេត្តប៉ៃលិន បានចុះដឹកនាំកម្លាំងចម្រុះទាំង អស់ សហការជាមួយភាគីថៃ ធ្វើការរុករកស្ត្រីរងគ្រោះ នៅតាមបណ្តោយអូរព្រំដែននេះ។ឯកឧត្តម បានលើកឡើងថា ដោយសារប៉ុន្មានថ្ងៃនេះ មានភ្លៀងធ្លាក់ច្រើន នៅតាមតំបន់ភ្នំផ្នែក ខាងលើ បណ្តាលឱ្យទឹកស្ទឹងប៉ៃលិន និងតាមអូរនានាក្នុងខេត្ត មានសភាពឡើងខុសប្រក្រតី បង្កទៅជា ជំនន់ទឹកភ្លៀង ដូច្នេះពលរដ្ឋរស់នៅតាមបណ្តោយដងស្ទឹងប៉ៃលិន និងអូរនានា ត្រូវមានការប្រុងប្រយ័ត្ន ខ្ពស់ ហើយអាជ្ញាធរមូលដ្ឋាន ត្រូវសហការជាមួយអង្គភាពជំនាញពាក់ព័ន្ធ ជាពិសេសមន្ទីរធនធានទឹក និង ឧតុនិយមខេត្ត ត្រូវសិក្សារកទីតាំងរំដោះទឹកចេញ បើសិនជាជំនន់ទឹកភ្លៀងមានស្ថានភាពមិនល្អ ព្រមទាំង ធ្វើការជួយសង្គ្រោះប្រជាពលរដ្ឋឱ្យបានទាន់ពេលវេលា៕

អង្គការស្បៀងអាហារពិភពលោក បង្ហាញគោលជំហរសហការជាមួយក្រសួងសង្គមកិច្ច លើការងារជំនួយសង្គម

ភ្នំពេញ៖ អង្គការស្បៀងអាហារពិភពលោក តាមរយៈលោកស្រី Claire Conan ជានាយិកាអង្គការ ក្នុងឱកាស ចូលជួបសម្ដែងការគួរសមជាមួយក្រសួងសង្គមកិច្ច បានបង្ហាញគោលជំហរសហការជាមួយក្រសួងសង្គមកិច្ច លើការងារជំនួយសង្គមដើម្បីជួយដល់ជនងាយរងគ្រោះ។ នេះជាការបញ្ជាក់របស់លោកស្រី នៅថ្ងៃទី២៨ ខែតុលាឆ្នាំ២០២០នេះ។សម្រាប់ឱកាសជួបសម្ដែងការគួរសម និងពិភាក្សាការងាររវាង អង្គការស្បៀងអាហារពិភពលោក និងក្រសួងសង្គមកិច្ចនាព្រឹកនេះ លោកស្រី Claire Conan ជានាយិកាអង្គការ បានបញ្ជាក់នូវគោលជំហររបស់ខ្លួន សហការជាមួយក្រសួងសង្គមកិច្ចលើការងារជំនួយសង្គមដើម្បីជួយដល់ជនងាយរងគ្រោះ។លោកស្រីបញ្ជាក់ថា អង្គការស្បៀងអាហារពិភពលោក គឺរីករាយនឹងសហការជាមួយក្រសួងសង្គមកិច្ច លើការងារបច្ចេកទេសនានា លើការងារជំនួយសង្គម ព្រោះកិច្ចការងារជំនួយសង្គមនេះ ជាការងារចម្បងរបស់អង្គការស្បៀងអាហារពិភពលោក ហើយអង្គការក៏មានបទពិសោធន៍ច្រើនធ្វើលើការងារនេះដែរ។ជុំវិញការបង្ហាញនូវគោលជំហរបែបនេះ ឯកឧត្តម វង សូត រដ្ឋមន្ត្រីក្រសួងសង្គមកិច្ច ក៏បានបង្ហាញការអរគុណចំពោះអ្វីដែលលោកស្រី នាយិការបានលើកឡើងផងដែរ។ឯកឧត្តមរដ្ឋមន្ត្រីបញ្ជាក់ថា ចំពោះមុខនិងទៅថ្ងៃអនាគតក្រសួងសង្គមកិច្ចមានកិច្ចការជាច្រើនត្រូវបំពេញ ដែលអាចទទួលបានការគាំទ្រ និងកិច្ចសហការជាមួយអង្គការស្បៀងអាហារពិភពលោក ក៏ដូចជាអង្គការជាដៃគូផ្សេងទៀត។ ឯកឧត្តមរដ្ឋមន្ត្រីបញ្ជាក់ដែរថា ក្រសួងក៏មានគម្រោងបង្កើតមជ្ឈមណ្ឌលដែលប្រមូលផ្ដុំជនងាយរងគ្រោះរាប់ពាន់នាក់ ដែលសង្ឃឹមថា អង្គការស្បៀងអាហារពិភពលោកអាចជួយសហការលើការងារនេះផងដែរ។ក្នុងជំនួបនាព្រឹកនេះ ឯកឧត្តមរដ្ឋមន្ត្រី ក៏បានលើកឡើងនូវកិច្ចការជាច្រើនដែលក្រសួងសង្គមកិច្ចកំពុងបំពេញលើការងារជំនួយសង្គមនេះផងដែរ។ជាក់ស្ដែងគឺការអនុវត្តការឧបត្ថម្ភសាច់ប្រាក់ជូន ស្ត្រីមានផ្ទៃពោះ និងកុមារអាយុក្រោម២ឆ្នាំ និងកិច្ចការសំខាន់មួយទៀតគឺ ការឧបត្ថម្ភសាច់ប្រាក់ជូនគ្រួសារក្រីក្រ និងងាយរងគ្រោះក្នុងកំឡុងពេលប្រយុទ្ធប្រឆាំងជំងឺកូវីដ ១៩។សម្រាប់កម្មវិធីឧត្ថម្ភសាច់ជូនគ្រួសារក្រីក្រនេះ បានជួយសម្រួលដល់ការរស់នៅដល់គ្រួសារក្រីក្រជាច្រើនម៉ឺនគ្រួសារ ហើយរាជរដ្ឋាភិបាល ក៏បានសម្រេចបន្តអនុវត្តកម្មវិធីនេះ រហូតដល់ដំណាច់ឆ្នាំ២០២០ផងដែរ។ នេះជាការបញ្ជាក់បន្ថែម របស់ឯកឧត្ដម រដ្ឋមន្ត្រី ជូននាយិកាអង្គការស្បងពិភពលោកប្រចាំកម្ពុជា៕អត្ថបទ៖ គឹមហុក

UN សម្ដែងការកោតសរសើរ ចំពោះកម្ពុជាដែលបានលើកកម្ពស់សិទ្ធិទទួលបានបរិស្ថានស្អាត

ភ្នំពេញ៖ លោក ដេវីដ ប៉ូយដ៍ David.Boyd អ្នករាយការណ៍ពិសេសទទួលបន្ទុកសិទ្ធិមនុស្ស និងបរិស្ថាន បានសម្តែងការកោតសរសើរកម្ពុជា ដែលបានលើកកម្ពស់សិទ្ធិទទួលបានបរិស្ថានស្អាត មានសុវត្ថិភាព និងអនាម័យ និងប្រកបដោយចរីភាព ដែលនេះជាគំរូជំរុញឲ្យប្រទេសដ៏ទៃដោះស្រាយវិបត្តិបរិស្ថានពិភពលោក។ នេះបើយោងតាមសេចក្តីប្រកាសព័ត៌មានរបស់ស្ថានបេសកកម្មអចិន្ត្រៃយ៍កម្ពុជាប្រចាំអង្គការសហប្រជាជាតិ។យោងតាមសេចក្តីប្រកាសព័ត៌មាន របស់ស្ថានបេសកម្មអចិន្ត្រៃយ៍កម្ពុជាប្រចាំអង្គការសហប្រជាជាតិចុះថ្ងៃទី២៧ ខែតុលាម្សិលមិញនេះ ក្នុងកិច្ចសន្ទនាអន្តរកម្មរបស់គណៈកម្មាធិការទី៣ នៃសម័យប្រជុំលើកទី៧៥នៃមហាសន្និបាតអង្គការសហប្រជាជាតិ អ្នករាយការណ៍ពិសេស ទទួលបន្ទុកសិទ្ធិមនុស្ស និងបរិស្ថាន លោក ដេវីដ ប៉ូយដ៍ បានលើកសរសើររដ្ឋ សមាជិកអង្គសហប្រជាជាតិ រួមទាំងកម្ពុជាផង ចំពោះការចាត់វិធានការលើកកម្ពស់សិទ្ធិទទួលបានបរិស្ថានស្អាត មានសុវត្ថិភាព មានអនាម័យ និងប្រកបដោយចីរភាព ក្នុងនោះ លោក ដេវីដ ប៉ូយដ៍ បានបន្តថា រាជរដ្ឋាភិបាលកម្ពុជា បានផ្តល់ជាគំរូ ដែលជាការជំរុញឲ្យប្រទេសដ៏ទៃទៀតដោះស្រាយវិបត្តិបរិស្ថានពិភពលោក។អ្នករាយការណ៍ពិសេស ទទួលបន្ទុកសិទ្ធិមនុស្ស និងបរិស្ថាន រូបនេះបានបញ្ជាក់ថា អង្គការសហប្រជាជាតិ បានដាក់បញ្ជូលគំរូរបស់កម្ពុជាទៅក្នុងឧបសម្ពន្ធ នៃរបាយការណ៍ពិសេសស្តីពីបញ្ហានៃកាតព្វកិច្ចសិទ្ធិមនុស្ស ពាក់ព័ន្ធដល់ការរីករាយក្នុងការទទួលបានបរិស្ថានស្អាត មានសុវត្ថិភាព មានអនាម័យ និងប្រកបដោយចិរភាព។ជាមួយគ្នានេះ អ្នករាយការណ៍ពិសេស រូបនេះបានបញ្ជាក់ទៀតថា កម្ពុជាបានអនុលោមតាមកំណែទម្រង់អភិបាលកិច្ចបរិស្ថានសម្រាប់កម្មវិធីការអភិវឌ្ឍប្រកបដោយចិរភាព រួមមាន តំបន់ព្រៃឈើមួយចំនួនធំត្រូវបានដាក់ជាតំបន់ការពារ ហើយតំបន់សម្រាប់អភិរក្សជីវចម្រុះត្រូវបានគ្រប់គ្រងដោយក្រសួងបរិស្ថាន ខណៈប្រព័ន្ធតំបន់ការពាររបស់កម្ពុជានាពេលបច្ចុប្បន្នគ្របដណ្តប់លើផ្ទៃដី៣៩ភាគរយនៃផ្ទៃប្រទេស។នៅក្នុងបទអន្តរាគមន៍ នៃកិច្ចសន្ទនាខាងលើនេះ ឯកឧត្តម កែ សុវណ្ណ ឯកអគ្គរាជទូតតំណាងអចិន្ត្រៃយ៍កម្ពុជាប្រចាំអង្គការសហប្រជាជាតិ បានគូសបញ្ជាក់ថា កម្ពុជាជាអ្នកគាំទ្រពេញទំហឹងចំពោះកិច្ចសហប្រតិបត្តិការពហុភាគី និងបានប្ដេជ្ញាយ៉ាងមុតមាំ ដើម្បីអនុវត្តកិច្ចព្រមព្រៀងបរិស្ថានអន្តរជាតិនានា រួមទាំងកិច្ចព្រមព្រៀងក្រុងប៉ារីសស្តីពីបរិស្ថាន ដើម្បីឆ្លើយតបទៅនឹងការប្រែប្រួលអាកាសធាតុ ការការបារប្រព័ន្ធអេកូឡូស៊ី និងការអភិវឌ្ឍន៍សេដ្ឋកិច្ចសង្គមព្រមទាំងការធ្វើឲ្យប្រសើរឡើងវិញនូវជីវភាពរស់នៅរបស់ប្រជាជនកម្ពុជា។ឯកអគ្គរាជទូតតំណាងអចិន្ត្រៃយ៍កម្ពុជាប្រចាំអង្គការសហប្រជាជាតិ បានបន្ថែមថា ការគ្រប់គ្រងធនធានធម្មជាតិប្រកបដោយចិរភាព គឺជាសមាសភាពចម្បងមួយនៃផែនការយុទ្ធសាស្ត្រអភិវឌ្ឍន៍ជាតិ ដោយកម្ពុជានៅតែបន្តកិច្ចសហប្រតិបត្តិការជាមួយទីភ្នាក់ងារពាក់ព័ន្ធអង្គការសហប្រជាជាតិ និងដៃគូអភិវឌ្ឍន៍នានា ដើម្បីអនុវត្តបណ្តាវិធានការដោះស្រាយ ដែលរក្សាធនធានធម្មជាតិរបស់ខ្លួន ក្នុងគោលដៅផ្តល់អត្ថប្រយោជន៍សេដ្ឋកិច្ច និងសង្គមប្រជាជនកម្ពុជាទាំងអស់ ជាពិសេសដល់ប្រជាជនទទួលរងគ្រោះ៕ អត្ថបទ៖ សេក ឧត្តម

សមាគមចិន ផ្តល់អំណោយជាថវិកា និងសម្ភារផ្សេងៗជូនបញ្ជាការដ្ឋានអង្គរក្សជួយពលរដ្ឋរងគ្រោះទឹកជំនន់

ភ្នំពេញ៖ ឯកឧត្តម ហង្ស សាមឿន អនុប្រធានគណៈកម្មាធិការជាតិគ្រប់គ្រងគ្រោះមហន្តរាយ និងជាតំណាង ឯកឧត្ដមទេសរដ្ឋមន្ត្រី គន់ គីម អនុប្រធានទី១គណៈកម្មាធិការជាតិគ្រប់គ្រងគ្រោះមហន្តរាយ នៅថ្ងៃទី២៨ ខែតុលានេះ បានដឹកនាំគណៈប្រតិភូសមាគមចិន ផ្តល់ជូនថវិកា និងសម្ភារៈមួយចំនួនទៀត ជូនបញ្ជាការដ្ឋានអង្គរក្ស ក្នុងបំណងជួយពលរដ្ឋរងគ្រោះ ដោយសារទឹកជំនន់។ខណៈកម្ពុជា កំពុងរងផលប៉ះពាល់ដោយសារជំនន់ទឹកភ្លៀង ឯកឧត្តម ហង្ស សាមឿន អនុប្រធានគណៈកម្មាធិការជាតិគ្រប់គ្រងគ្រោះមហន្តរាយ និងជាតំណាងឯកឧត្តមទេសរដ្ឋមន្ត្រីគន់ គីមអនុប្រធានទី១គណៈកម្មាធិការជាតិគ្រប់គ្រងគ្រោះមហន្តរាយ នៅថ្ងៃទី២៨ ខែតុលានេះ បានដឹកនាំគណៈប្រតិភូសមាគមចិន ផ្តល់ជាអំណាយថវិការ និងសំភារៈផ្សេងៗមួយចំនួនទៀត ជូនឯកឧត្តមនាយឧត្តមសេនីយ៍កិត្តិបណ្ឌិត ហ៊ីង ប៊ុនហៀង អគ្គមេបញ្ជាការរង នៃកងយោធពលខេមរភូមិន្ទ និងជាមេបញ្ជាការ បញ្ជាការដ្ឋានអង្គរក្សសម្ដេចតេជោហ៊ុន សែន ដើម្បីទុកជួយសង្គ្រោះប្រជាពលរដ្ឋរងគ្រោះដោយទឹកជំនន់នៅកម្ពុជា។ ពិធីប្រគល់ និងទទួលអំណោយសប្បុរសធម៌នេះ បានធ្វើឡើងក្រោមវត្តមានឯឧត្តម ហង្ស សាមឿន និងសមាសភាពសមាគមពាណិជ្ជកម្មបេតុកម្ពុជា-ចិន ស្ថិតនៅបញ្ជាការដ្ឋានកងអង្គរក្ស ទីក្រុងតាខ្មៅខេត្តកណ្តាល។នៅក្នុងឱកាសនោះ តំណាងសមាគមពាណិជ្ជកម្មបេតុកម្ពុជា-ចិន បានលើកឡើងថា ដោយមើលឃើញប្រទេសកម្ពុជា បច្ចុប្បន្ននេះ បាននឹងកំពុងរងគ្រោះមហន្តរាយដោយទឹកជំនន់ទឹកភ្លៀង ដែលបានប៉ះពាល់ដល់រាជធានី-ខេត្ត មួយចំនួន ដូច្នេះក្នុងនាមជាសមាគមពាណិជ្ជកម្មចិន នៅក្នុងប្រទេសកម្ពុជា ប្រឹងប្រែងកៀងគរអំណោយ និងថវិកា ដើម្បីចូលរួមរំលែកនូវការលំបាករបស់រាជរដ្ឋាភិបាល ដែលមានសម្តេចតេជោ ហ៊ុន សែន ជានាយករដ្ឋមន្ត្រី ដែលបានប្រឹងប្រែងរឹតចំណងមិត្តភាពកម្ពុជា-ចិន ឱ្យកាន់តែរីកចម្រើនពីមួយថ្ងៃទៅមួយថ្ងៃ។ជាការឆ្លើយតបឧត្តមសេនីយ៍ឯកណុប រ័ត្ននិមល តំណាងនាយឧត្តមសេនីយ៍កិត្តិបណ្ឌិតហ៊ីង ប៊ុនហៀង អគ្គមេបញ្ជាការង នៃកងយុទ្ធពលខេមរភូមិន្ទ និងជាមេបញ្ជាការដ្ឋានអង្គរក្សសម្ដេចតេជោហ៊ុន សែន បានថ្លែងអំណរគុណដល់សប្បុរសជនទាំងអស់ដែលជួយផ្តល់ជាថវិកា សម្ភារៈ និងស្បៀងអាហារជាដើម។ឧត្តមសេនីយ៍ឯក បានសន្យាថា នឹងយកអង្ករ ព្រមទាំងថវិកា ដែលទទួលបានពីសប្បុរសជននានា ទៅប្រគល់ដល់កងយុទ្ធពលខេមរភូមិន្ទ និងកងកម្លាំងប្រដាប់អាវុធ និងកងកម្លាំងពាក់ព័ន្ធទាំងអស់ ដើម្បីបន្ដយកចិត្តទុកដាក់ជួយសង្គ្រោះប្រជាពលរដ្ឋ។បើយោតាមរបាយការណ៍របស់គណៈកម្មាធិការជាតិគ្រប់គ្រងគ្រោះមហន្តរាយ ចេញផ្សាយនៅពេលថ្មីៗនេះ បានលើកឡើងថា ចាប់ពីថ្ងៃទី០១ ខែកញ្ញា រហូតដល់ថ្ងៃទី២៧ ខែតុលា ឆ្នាំ២០២០នេះ រាជធានី-ខេត្តចំនួន២០ បានរងផលប៉ះពាល់ដោយសារទឹកជំនន់ បណ្តាលអោយពលរដ្ឋជាង ១៤ម៉ឺនគ្រួសាររងគ្រោះ និងមនុស្សស្លាប់៤៤នាក់ ព្រមទាំងបំផ្លាញហេដ្ឋារចនាសម្ព័ន្ធ និងដំណាំផ្សេងៗមួយចំនួនទៀត៕ អត្ថបទ៖ទូច សោភ័ណ

ក្រសួងសុខាភិបាល ប្រកាសដាក់ឲ្យដំណើរការអាគារថ្មី ផ្នែកជំងឺកូវីដ-១៩ VIP នៃមនី្ទរពេទ្យមិត្តភាពខ្មែរ-សូវៀត

ភ្នំពេញ៖ ឯកឧត្ដម សាស្ត្រាចារ្យ ម៉ម ប៊ុនហេង រដ្ឋមន្ត្រីក្រសួងសុខាភិបាល ព្រឹកថ្ងៃទី២៨ តុលា ២០២០ បានអញ្ជើញសម្ពោធដាក់ឲ្យប្រើប្រាស់អគារផ្នែកជំងឺកូវីដ១៩ VIP។ឯកឧត្តម សាស្ត្រចារ្យ ម៉ម ប៊ុនហេង បានមានប្រសាសន៍ថា អគារថ្មីនេះ មានសមត្ថភាព និងសម្ភារៈ បរិក្ខារពេទ្យទំនើប អាចទទួលអ្នកមានជំងឺកូវីដ១៩ ទាំងជនជាតិខ្មែរ និងជនបរទេស ឲ្យចូលមកសម្រាកព្យាបាលជំងឺ បានចំនួនប្រមាណជាង៦០នាក់។ អគារផ្នែកជំងឺកូវីដ១៩ ផ្តល់សេវាពិនិត្យ ព្យាបាលជំងឺកូវីដ១៩ ទាំងអគារដែលមានស្រាប់ និងអគារថ្មីផងដែរ។ឯកឧត្ដម សាស្ត្រាចារ្យ ម៉ម ប៊ុនហេង បានបញ្ជាក់ទៀតថា ស្ថានភាពជំងឺកូវីដ១៩ នៅកម្ពុជា មានចំនួនអ្នកព្យាបាលជាសះស្បើយសរុបទូទាំងប្រទេស មានចំនួន២៨៣នាក់ នៅក្នុងចំនួនខាងលើនេះ មានស្រី ៥៧នាក់ និងបុរស២២៦នាក់ អ្នកមានវីរុសកូវីដ១៩ មានចំនួនសរុប ២៩០នាក់ នឹងអ្នកដែលកំពុងសម្រាកព្យាបាលនៅក្នុងមនី្ទរពេទ្យភាពខ្មែរ សូវៀត រាជធានីភ្នំពេញ មានចំនួន០៧នាក់ ក្នុងនោះ មានបុរសជនជាតិខ្មែរ ០៣នាក់ ស្រី្តជនជាតិខ្មែរ០១នាក់ បុរសជនជាតិប៉ូឡូញ០១នាក់ បុរសជនជាតិបារាំង ០១នាក់ និងស្រី្តជនជាតិបារាំង០១នាក់។ដោយឡែកសម្រាប់មន្ទីរពេទ្យមិត្តភាពខ្មែរ សូវៀត ចាប់តាំងពីមានជំងឺកូវីដ១៩កើតឡើង មនី្ទរពេទ្យបានធ្វើតេស្កយកសំណាកទៅមនី្ទរពិសោធន៍រកមេរោគកូវីដ១៩ បានចំនួនជាង១ម៉ឺននាក់ ក្នុងនោះបានព្យាបាលឲ្យជាសះស្បើយពីជំងឺកូវីដ១៩ បានចំនួនជាង ៥០នាក់ផងដែរ៕ អត្ថបទ៖ រដ្ឋា

អាជីវករផ្សារសំរោងយ៉ោង ជាង២០០នាក់ បានទទួលអំណោយពីសាខាកាកបាទក្រហមខេត្តតាកែវ

តាកែវ ៖ ក្រុមអាជីវករផ្សារសំរោងយ៉ោង ក្នុងស្រុកបាទី ខេត្តតាកែវ ចំនួនជាង២០០នាក់ ដែលតូបលក់ដូរពួកគាត ត្រូវបានអគ្គិភ័យឆាបឆេះ កាលពីថ្ងៃបុណ្យភ្ជុំបិណ្ឌ បានទទួលអំណោយពីសាខាកាកបាទក្រហមកម្ពុជា ខេត្តតាកែវ កាលពីថ្ងៃទី២១ ខែកញ្ញា ម្សិលមិញ។ឯកឧត្តម អ៊ូច ភា ប្រធានសាខាកាកបាទក្រហមកម្ពុជាខេត្តតាកែវ បានមានប្រសាសន៍ពាំនាំនូវ បណ្ដាំផ្ញើសួរសុខទុក្ខ និងចូលរួមសំដែងការសោកស្ដាយពីសំណាក់សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ដល់អាជីវរកទាំងអស់ ដែលរងគ្រោះដោយសារតែអគ្គិភ័យឆេះតូប លក់ដូរ ហើយគ្រាន់តែទទួលបានដំណឹងដ៏ក្រៀមក្រំនេះភ្លាម សម្ដេចកិត្តិព្រឹទ្ធបណ្ឌិត បានណែនាំដល់ សាខាកាកបាទក្រហមខេត្តតាកែវ ឲ្យចុះសួរសុខទុក្ខ និងរៀបចំអំណោយយកមកចែកជូនជនរងគ្រោះឲ្យ បានទាន់ពេលវេលា។ឯកឧត្តម បានមានប្រសាសន៍បន្តថា អំណោយទាំងអស់នេះ វាជាមិនស្មើនឹងទំហំនៃការបាត់បង់ ទ្រព្យសម្បត្តិនោះទេ ប៉ុន្តែវាជាការជួយគ្នាក្នុងគ្រាលំបាកបានមួយគ្រា ព្រោះទីណាមានមានទុក្ខលំបាក ទី នោះតែងតែមានមន្ត្រីកាកបាទក្រហមចុះទៅជួយជាប់ជានិច្ច មិនទុកឱ្យប្រជាពលរដ្ឋណាម្នាក់ឯកោ ឬអស់ សង្ឃឹមដោយសារតែមានបញ្ហាកើតឡើងនោះទេ។ឯកឧត្តម អ៊ូច ភា បានលើកឡើងពីកិច្ចខិតខំប្រឹងប្រែងរបស់អាជ្ញាធរគ្រប់លំដាប់ថ្នាក់ ជាពិសេស ថ្នាក់ដឹកនាំរាជរដ្ឋាភិបាលចុះជួយខេត្តតាកែវ ក្នុងការប្រឹងប្រែងគ្រប់បែបយ៉ាង ដោយជួយរៀបចំជួសជុល និងសាងសង់ដំបូលផ្សារ ដើម្បីធ្វើយ៉ាងណាឲ្យអាជីវករ អាចប្រកបរបរចិញ្ចឹមជីវិតបានឆាប់រហ័ស៕

បណ្ដាញសង្គម

ព័ត៌មានថ្មីៗ

កងភាពការពារជនស៊ីវិល នៅតំបន់ហ្កាហ្សា និយាយថា កងកម្លាំងអ៊ីស្រាអែល បានសម្លាប់មនុស្ស ២៨នាក់

ឯកឧត្តម ឌិត ទីណា៖ ការភៀសខ្លួនពលរដ្ឋគឺជាការលះបង់ចាំបាច់ លើការជួយសម្រួលឱ្យកងទ័ពការពារទឹកដីដោយទឹកចិត្ត អង់អាចក្លាហាន

នាយករដ្ឋមន្ត្រីអង់គ្លេស ថ្កោលទោសអ៊ីស្រាអែល ក្នុងពាក្យសម្តីខ្លាំងៗ ខណៈដែលសម្ពាធកើនឡើងខ្លាំងទាមទារឲ្យទទួលស្គាល់រដ្ឋប៉ាឡេស្ទីន

គ្រោះថ្នាក់រថយន្តក្រុងក្រឡាប់ នៅប្រទេសប៉េរូ បានបណ្តាលឲ្យ ១៨នាក់ស្លាប់ និង ២៤នាក់ រងរបួស

ការឈ្លានពានរបស់ទាហានសៀមមិនត្រឹមតែប៉ះពាល់ដល់សន្តិសុខតាមព្រំដែនប៉ុណ្ណោះទេថែមទាំងប៉ះពាល់ដល់សន្តិសុខក្នុងតំបន់ផងដែរ

ក្រោយចោរឈ្លានពានសៀមវាយចូលកម្ពុជាបណ្តាលឲ្យទាហានកម្ពុជាពលីជីវិត៥នាក់របួស២១នាក់ជនស៊ីវិលស្លាប់៨នាក់និងរបួស៥០នាក់

រុស្ស៊ីអះអាងថា បានគ្រប់គ្រងកន្លែងតាំងទីលំនៅ ចំណែកអ៊ុយក្រែនរាយការណ៍ថា បានវាយបករុស្ស៊ីវិញ

កម្ពុជាទាត់ចោលទាំងស្រុងចំពោះការផ្សព្វផ្សាយថាកម្ពុជាជាអ្នកបំពាន ឬឈ្លានពានភាគីសៀមមុន

អាល្លឺម៉ង់ ទាមទារឱ្យបញ្ចប់ភាពមិនប្រាកដប្រជាក្នុងជម្លោះដំឡើងពន្ធរបស់អាមេរិក

វិទ្យុកងទ័ពអ៊ីស្រាអែលនិយាយថា អ៊ីស្រាអែលនឹងអនុញ្ញាតឱ្យបរទេសទម្លាក់ជំនួយចូលតំបន់ហ្កាហ្សា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

ព្យុះNOUL បង្កជាប់គាំងការធ្វើដំណើរកម្សាន្ត នៃភ្ញៀវទេសចរ នៅតាមគោលដៅទេសចរណ៍មួយចំនួនក្នុងឱកាសភ្ជុំបិណ្ឌ

ក្រសួងបរិស្ថាន និងUSAID រួមគ្នាបើកយុទ្ធនាការការពារព្រៃឡង់ តាមរយៈការទំនាក់ទំនងផ្លាស់ប្ដូរឥរិយាបទសង្គម

អ្នកជំនាញសេដ្ឋកិច្ច និងក្រុមហ៊ុនឯកជនគាំទ្រគោលនយោបាយជួយទ្រទ្រង់វិស័យឯកជនអំឡុងពេលវិបត្តិCOVID-19

អាជ្ញាធរខេត្តប៉ៃលិនកំពុងស្វះស្វែងរកស្ត្រីម្នាក់ដែលត្រូវបានជំនន់ទឹកភ្លៀងហូរកួចទៅបាត់ពីរបីថ្ងៃហើយ

អង្គការស្បៀងអាហារពិភពលោក បង្ហាញគោលជំហរសហការជាមួយក្រសួងសង្គមកិច្ច លើការងារជំនួយសង្គម

UN សម្ដែងការកោតសរសើរ ចំពោះកម្ពុជាដែលបានលើកកម្ពស់សិទ្ធិទទួលបានបរិស្ថានស្អាត

សមាគមចិន ផ្តល់អំណោយជាថវិកា និងសម្ភារផ្សេងៗជូនបញ្ជាការដ្ឋានអង្គរក្សជួយពលរដ្ឋរងគ្រោះទឹកជំនន់

ក្រសួងសុខាភិបាល ប្រកាសដាក់ឲ្យដំណើរការអាគារថ្មី ផ្នែកជំងឺកូវីដ-១៩ VIP នៃមនី្ទរពេទ្យមិត្តភាពខ្មែរ-សូវៀត

អាជីវករផ្សារសំរោងយ៉ោង ជាង២០០នាក់ បានទទួលអំណោយពីសាខាកាកបាទក្រហមខេត្តតាកែវ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

អង្គការ​ស្បៀងអាហារ​ពិភពលោក​ បង្ហាញ​គោលជំហរ​សហការ​ជាមួយ​ក្រសួង​សង្គមកិច្ច​ លើ​ការងារ​ជំនួយ​សង្គម​

UN សម្ដែង​ការ​កោតសរសើរ​ ចំពោះ​កម្ពុជា​ដែល​បាន​លើកកម្ពស់​សិទ្ធិ​ទទួល​បាន​បរិស្ថាន​ស្អាត

អាជីវករ​ផ្សារ​សំរោង​យ៉ោង ជាង​២០០នាក់ ​បាន​ទទួល​អំណោយ​ពី​សាខា​កាកបាទក្រហម​ខេត្តតាកែវ​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

អង្គការស្បៀងអាហារពិភពលោក បង្ហាញគោលជំហរសហការជាមួយក្រសួងសង្គមកិច្ច លើការងារជំនួយសង្គម

UN សម្ដែងការកោតសរសើរ ចំពោះកម្ពុជាដែលបានលើកកម្ពស់សិទ្ធិទទួលបានបរិស្ថានស្អាត

អាជីវករផ្សារសំរោងយ៉ោង ជាង២០០នាក់ បានទទួលអំណោយពីសាខាកាកបាទក្រហមខេត្តតាកែវ