BTV NEWS

គម្រោងស្ពានឆ្លងកាត់ទន្លេបាសាក់ (ចាក់អង្រែក្រោម-ព្រែកប្រា) និងផ្លូវតភ្ជាប់ សម្រេចបាន ៤៥% ហើយ ដែលលឿនជាងផែនការ ៤,១១%

សម្ដេចធិបតី អំពាវនាវដល់ជនរួមជាតិជឿទុកចិត្តលើរាជរដ្ឋាភិបាលដែលកំពុងធ្វើកិច្ចការងារយ៉ាងសកម្មស្វែងរកដំណោះស្រាយបញ្ចប់បញ្ហាព្រំដែនកម្ពុជា-ថៃ ឱ្យបានឆាប់រហ័ស

សម្ដេចធិបតីផ្ដល់អនុសាសន៍៧ចំណុច ដល់ក្រសួង-ស្ថាប័នពាក់ព័ន្ធឱ្យយកចិត្តទុកដាក់ក្នុងឱកាសទិវាអក្ខរកម្មអន្តរជាតិ ៨ កញ្ញា ២០២៥

សម្ដេចធិបតី៖ រាជរដ្ឋាភិបាលប្តេជ្ញាចិត្តយ៉ាងមុតមាំលើកកម្ពស់ការងារអក្ខរកម្ម និងបំពាក់បំប៉ន ជំនាញ និងឱកាសសិក្សាពេញមួយជីវិត ជាពិសេសជំនាញឌីជីថល

នយោបាយ និង ការអភិវឌ្ឍន៍

UN សម្ដែងការកោតសរសើរ ចំពោះកម្ពុជាដែលបានលើកកម្ពស់សិទ្ធិទទួលបានបរិស្ថានស្អាត

ភ្នំពេញ៖ លោក ដេវីដ ប៉ូយដ៍ David.Boyd អ្នករាយការណ៍ពិសេសទទួលបន្ទុកសិទ្ធិមនុស្ស និងបរិស្ថាន បានសម្តែងការកោតសរសើរកម្ពុជា ដែលបានលើកកម្ពស់សិទ្ធិទទួលបានបរិស្ថានស្អាត មានសុវត្ថិភាព និងអនាម័យ និងប្រកបដោយចរីភាព ដែលនេះជាគំរូជំរុញឲ្យប្រទេសដ៏ទៃដោះស្រាយវិបត្តិបរិស្ថានពិភពលោក។ នេះបើយោងតាមសេចក្តីប្រកាសព័ត៌មានរបស់ស្ថានបេសកកម្មអចិន្ត្រៃយ៍កម្ពុជាប្រចាំអង្គការសហប្រជាជាតិ។យោងតាមសេចក្តីប្រកាសព័ត៌មាន របស់ស្ថានបេសកម្មអចិន្ត្រៃយ៍កម្ពុជាប្រចាំអង្គការសហប្រជាជាតិចុះថ្ងៃទី២៧ ខែតុលាម្សិលមិញនេះ ក្នុងកិច្ចសន្ទនាអន្តរកម្មរបស់គណៈកម្មាធិការទី៣ នៃសម័យប្រជុំលើកទី៧៥នៃមហាសន្និបាតអង្គការសហប្រជាជាតិ អ្នករាយការណ៍ពិសេស ទទួលបន្ទុកសិទ្ធិមនុស្ស និងបរិស្ថាន លោក ដេវីដ ប៉ូយដ៍ បានលើកសរសើររដ្ឋ សមាជិកអង្គសហប្រជាជាតិ រួមទាំងកម្ពុជាផង ចំពោះការចាត់វិធានការលើកកម្ពស់សិទ្ធិទទួលបានបរិស្ថានស្អាត មានសុវត្ថិភាព មានអនាម័យ និងប្រកបដោយចីរភាព ក្នុងនោះ លោក ដេវីដ ប៉ូយដ៍ បានបន្តថា រាជរដ្ឋាភិបាលកម្ពុជា បានផ្តល់ជាគំរូ ដែលជាការជំរុញឲ្យប្រទេសដ៏ទៃទៀតដោះស្រាយវិបត្តិបរិស្ថានពិភពលោក។អ្នករាយការណ៍ពិសេស ទទួលបន្ទុកសិទ្ធិមនុស្ស និងបរិស្ថាន រូបនេះបានបញ្ជាក់ថា អង្គការសហប្រជាជាតិ បានដាក់បញ្ជូលគំរូរបស់កម្ពុជាទៅក្នុងឧបសម្ពន្ធ នៃរបាយការណ៍ពិសេសស្តីពីបញ្ហានៃកាតព្វកិច្ចសិទ្ធិមនុស្ស ពាក់ព័ន្ធដល់ការរីករាយក្នុងការទទួលបានបរិស្ថានស្អាត មានសុវត្ថិភាព មានអនាម័យ និងប្រកបដោយចិរភាព។ជាមួយគ្នានេះ អ្នករាយការណ៍ពិសេស រូបនេះបានបញ្ជាក់ទៀតថា កម្ពុជាបានអនុលោមតាមកំណែទម្រង់អភិបាលកិច្ចបរិស្ថានសម្រាប់កម្មវិធីការអភិវឌ្ឍប្រកបដោយចិរភាព រួមមាន តំបន់ព្រៃឈើមួយចំនួនធំត្រូវបានដាក់ជាតំបន់ការពារ ហើយតំបន់សម្រាប់អភិរក្សជីវចម្រុះត្រូវបានគ្រប់គ្រងដោយក្រសួងបរិស្ថាន ខណៈប្រព័ន្ធតំបន់ការពាររបស់កម្ពុជានាពេលបច្ចុប្បន្នគ្របដណ្តប់លើផ្ទៃដី៣៩ភាគរយនៃផ្ទៃប្រទេស។នៅក្នុងបទអន្តរាគមន៍ នៃកិច្ចសន្ទនាខាងលើនេះ ឯកឧត្តម កែ សុវណ្ណ ឯកអគ្គរាជទូតតំណាងអចិន្ត្រៃយ៍កម្ពុជាប្រចាំអង្គការសហប្រជាជាតិ បានគូសបញ្ជាក់ថា កម្ពុជាជាអ្នកគាំទ្រពេញទំហឹងចំពោះកិច្ចសហប្រតិបត្តិការពហុភាគី និងបានប្ដេជ្ញាយ៉ាងមុតមាំ ដើម្បីអនុវត្តកិច្ចព្រមព្រៀងបរិស្ថានអន្តរជាតិនានា រួមទាំងកិច្ចព្រមព្រៀងក្រុងប៉ារីសស្តីពីបរិស្ថាន ដើម្បីឆ្លើយតបទៅនឹងការប្រែប្រួលអាកាសធាតុ ការការបារប្រព័ន្ធអេកូឡូស៊ី និងការអភិវឌ្ឍន៍សេដ្ឋកិច្ចសង្គមព្រមទាំងការធ្វើឲ្យប្រសើរឡើងវិញនូវជីវភាពរស់នៅរបស់ប្រជាជនកម្ពុជា។ឯកអគ្គរាជទូតតំណាងអចិន្ត្រៃយ៍កម្ពុជាប្រចាំអង្គការសហប្រជាជាតិ បានបន្ថែមថា ការគ្រប់គ្រងធនធានធម្មជាតិប្រកបដោយចិរភាព គឺជាសមាសភាពចម្បងមួយនៃផែនការយុទ្ធសាស្ត្រអភិវឌ្ឍន៍ជាតិ ដោយកម្ពុជានៅតែបន្តកិច្ចសហប្រតិបត្តិការជាមួយទីភ្នាក់ងារពាក់ព័ន្ធអង្គការសហប្រជាជាតិ និងដៃគូអភិវឌ្ឍន៍នានា ដើម្បីអនុវត្តបណ្តាវិធានការដោះស្រាយ ដែលរក្សាធនធានធម្មជាតិរបស់ខ្លួន ក្នុងគោលដៅផ្តល់អត្ថប្រយោជន៍សេដ្ឋកិច្ច និងសង្គមប្រជាជនកម្ពុជាទាំងអស់ ជាពិសេសដល់ប្រជាជនទទួលរងគ្រោះ៕ អត្ថបទ៖ សេក ឧត្តម

សមាគមចិន ផ្តល់អំណោយជាថវិកា និងសម្ភារផ្សេងៗជូនបញ្ជាការដ្ឋានអង្គរក្សជួយពលរដ្ឋរងគ្រោះទឹកជំនន់

ភ្នំពេញ៖ ឯកឧត្តម ហង្ស សាមឿន អនុប្រធានគណៈកម្មាធិការជាតិគ្រប់គ្រងគ្រោះមហន្តរាយ និងជាតំណាង ឯកឧត្ដមទេសរដ្ឋមន្ត្រី គន់ គីម អនុប្រធានទី១គណៈកម្មាធិការជាតិគ្រប់គ្រងគ្រោះមហន្តរាយ នៅថ្ងៃទី២៨ ខែតុលានេះ បានដឹកនាំគណៈប្រតិភូសមាគមចិន ផ្តល់ជូនថវិកា និងសម្ភារៈមួយចំនួនទៀត ជូនបញ្ជាការដ្ឋានអង្គរក្ស ក្នុងបំណងជួយពលរដ្ឋរងគ្រោះ ដោយសារទឹកជំនន់។ខណៈកម្ពុជា កំពុងរងផលប៉ះពាល់ដោយសារជំនន់ទឹកភ្លៀង ឯកឧត្តម ហង្ស សាមឿន អនុប្រធានគណៈកម្មាធិការជាតិគ្រប់គ្រងគ្រោះមហន្តរាយ និងជាតំណាងឯកឧត្តមទេសរដ្ឋមន្ត្រីគន់ គីមអនុប្រធានទី១គណៈកម្មាធិការជាតិគ្រប់គ្រងគ្រោះមហន្តរាយ នៅថ្ងៃទី២៨ ខែតុលានេះ បានដឹកនាំគណៈប្រតិភូសមាគមចិន ផ្តល់ជាអំណាយថវិការ និងសំភារៈផ្សេងៗមួយចំនួនទៀត ជូនឯកឧត្តមនាយឧត្តមសេនីយ៍កិត្តិបណ្ឌិត ហ៊ីង ប៊ុនហៀង អគ្គមេបញ្ជាការរង នៃកងយោធពលខេមរភូមិន្ទ និងជាមេបញ្ជាការ បញ្ជាការដ្ឋានអង្គរក្សសម្ដេចតេជោហ៊ុន សែន ដើម្បីទុកជួយសង្គ្រោះប្រជាពលរដ្ឋរងគ្រោះដោយទឹកជំនន់នៅកម្ពុជា។ ពិធីប្រគល់ និងទទួលអំណោយសប្បុរសធម៌នេះ បានធ្វើឡើងក្រោមវត្តមានឯឧត្តម ហង្ស សាមឿន និងសមាសភាពសមាគមពាណិជ្ជកម្មបេតុកម្ពុជា-ចិន ស្ថិតនៅបញ្ជាការដ្ឋានកងអង្គរក្ស ទីក្រុងតាខ្មៅខេត្តកណ្តាល។នៅក្នុងឱកាសនោះ តំណាងសមាគមពាណិជ្ជកម្មបេតុកម្ពុជា-ចិន បានលើកឡើងថា ដោយមើលឃើញប្រទេសកម្ពុជា បច្ចុប្បន្ននេះ បាននឹងកំពុងរងគ្រោះមហន្តរាយដោយទឹកជំនន់ទឹកភ្លៀង ដែលបានប៉ះពាល់ដល់រាជធានី-ខេត្ត មួយចំនួន ដូច្នេះក្នុងនាមជាសមាគមពាណិជ្ជកម្មចិន នៅក្នុងប្រទេសកម្ពុជា ប្រឹងប្រែងកៀងគរអំណោយ និងថវិកា ដើម្បីចូលរួមរំលែកនូវការលំបាករបស់រាជរដ្ឋាភិបាល ដែលមានសម្តេចតេជោ ហ៊ុន សែន ជានាយករដ្ឋមន្ត្រី ដែលបានប្រឹងប្រែងរឹតចំណងមិត្តភាពកម្ពុជា-ចិន ឱ្យកាន់តែរីកចម្រើនពីមួយថ្ងៃទៅមួយថ្ងៃ។ជាការឆ្លើយតបឧត្តមសេនីយ៍ឯកណុប រ័ត្ននិមល តំណាងនាយឧត្តមសេនីយ៍កិត្តិបណ្ឌិតហ៊ីង ប៊ុនហៀង អគ្គមេបញ្ជាការង នៃកងយុទ្ធពលខេមរភូមិន្ទ និងជាមេបញ្ជាការដ្ឋានអង្គរក្សសម្ដេចតេជោហ៊ុន សែន បានថ្លែងអំណរគុណដល់សប្បុរសជនទាំងអស់ដែលជួយផ្តល់ជាថវិកា សម្ភារៈ និងស្បៀងអាហារជាដើម។ឧត្តមសេនីយ៍ឯក បានសន្យាថា នឹងយកអង្ករ ព្រមទាំងថវិកា ដែលទទួលបានពីសប្បុរសជននានា ទៅប្រគល់ដល់កងយុទ្ធពលខេមរភូមិន្ទ និងកងកម្លាំងប្រដាប់អាវុធ និងកងកម្លាំងពាក់ព័ន្ធទាំងអស់ ដើម្បីបន្ដយកចិត្តទុកដាក់ជួយសង្គ្រោះប្រជាពលរដ្ឋ។បើយោតាមរបាយការណ៍របស់គណៈកម្មាធិការជាតិគ្រប់គ្រងគ្រោះមហន្តរាយ ចេញផ្សាយនៅពេលថ្មីៗនេះ បានលើកឡើងថា ចាប់ពីថ្ងៃទី០១ ខែកញ្ញា រហូតដល់ថ្ងៃទី២៧ ខែតុលា ឆ្នាំ២០២០នេះ រាជធានី-ខេត្តចំនួន២០ បានរងផលប៉ះពាល់ដោយសារទឹកជំនន់ បណ្តាលអោយពលរដ្ឋជាង ១៤ម៉ឺនគ្រួសាររងគ្រោះ និងមនុស្សស្លាប់៤៤នាក់ ព្រមទាំងបំផ្លាញហេដ្ឋារចនាសម្ព័ន្ធ និងដំណាំផ្សេងៗមួយចំនួនទៀត៕ អត្ថបទ៖ទូច សោភ័ណ

ក្រសួងសុខាភិបាល ប្រកាសដាក់ឲ្យដំណើរការអាគារថ្មី ផ្នែកជំងឺកូវីដ-១៩ VIP នៃមនី្ទរពេទ្យមិត្តភាពខ្មែរ-សូវៀត

ភ្នំពេញ៖ ឯកឧត្ដម សាស្ត្រាចារ្យ ម៉ម ប៊ុនហេង រដ្ឋមន្ត្រីក្រសួងសុខាភិបាល ព្រឹកថ្ងៃទី២៨ តុលា ២០២០ បានអញ្ជើញសម្ពោធដាក់ឲ្យប្រើប្រាស់អគារផ្នែកជំងឺកូវីដ១៩ VIP។ឯកឧត្តម សាស្ត្រចារ្យ ម៉ម ប៊ុនហេង បានមានប្រសាសន៍ថា អគារថ្មីនេះ មានសមត្ថភាព និងសម្ភារៈ បរិក្ខារពេទ្យទំនើប អាចទទួលអ្នកមានជំងឺកូវីដ១៩ ទាំងជនជាតិខ្មែរ និងជនបរទេស ឲ្យចូលមកសម្រាកព្យាបាលជំងឺ បានចំនួនប្រមាណជាង៦០នាក់។ អគារផ្នែកជំងឺកូវីដ១៩ ផ្តល់សេវាពិនិត្យ ព្យាបាលជំងឺកូវីដ១៩ ទាំងអគារដែលមានស្រាប់ និងអគារថ្មីផងដែរ។ឯកឧត្ដម សាស្ត្រាចារ្យ ម៉ម ប៊ុនហេង បានបញ្ជាក់ទៀតថា ស្ថានភាពជំងឺកូវីដ១៩ នៅកម្ពុជា មានចំនួនអ្នកព្យាបាលជាសះស្បើយសរុបទូទាំងប្រទេស មានចំនួន២៨៣នាក់ នៅក្នុងចំនួនខាងលើនេះ មានស្រី ៥៧នាក់ និងបុរស២២៦នាក់ អ្នកមានវីរុសកូវីដ១៩ មានចំនួនសរុប ២៩០នាក់ នឹងអ្នកដែលកំពុងសម្រាកព្យាបាលនៅក្នុងមនី្ទរពេទ្យភាពខ្មែរ សូវៀត រាជធានីភ្នំពេញ មានចំនួន០៧នាក់ ក្នុងនោះ មានបុរសជនជាតិខ្មែរ ០៣នាក់ ស្រី្តជនជាតិខ្មែរ០១នាក់ បុរសជនជាតិប៉ូឡូញ០១នាក់ បុរសជនជាតិបារាំង ០១នាក់ និងស្រី្តជនជាតិបារាំង០១នាក់។ដោយឡែកសម្រាប់មន្ទីរពេទ្យមិត្តភាពខ្មែរ សូវៀត ចាប់តាំងពីមានជំងឺកូវីដ១៩កើតឡើង មនី្ទរពេទ្យបានធ្វើតេស្កយកសំណាកទៅមនី្ទរពិសោធន៍រកមេរោគកូវីដ១៩ បានចំនួនជាង១ម៉ឺននាក់ ក្នុងនោះបានព្យាបាលឲ្យជាសះស្បើយពីជំងឺកូវីដ១៩ បានចំនួនជាង ៥០នាក់ផងដែរ៕ អត្ថបទ៖ រដ្ឋា

អាជីវករផ្សារសំរោងយ៉ោង ជាង២០០នាក់ បានទទួលអំណោយពីសាខាកាកបាទក្រហមខេត្តតាកែវ

តាកែវ ៖ ក្រុមអាជីវករផ្សារសំរោងយ៉ោង ក្នុងស្រុកបាទី ខេត្តតាកែវ ចំនួនជាង២០០នាក់ ដែលតូបលក់ដូរពួកគាត ត្រូវបានអគ្គិភ័យឆាបឆេះ កាលពីថ្ងៃបុណ្យភ្ជុំបិណ្ឌ បានទទួលអំណោយពីសាខាកាកបាទក្រហមកម្ពុជា ខេត្តតាកែវ កាលពីថ្ងៃទី២១ ខែកញ្ញា ម្សិលមិញ។ឯកឧត្តម អ៊ូច ភា ប្រធានសាខាកាកបាទក្រហមកម្ពុជាខេត្តតាកែវ បានមានប្រសាសន៍ពាំនាំនូវ បណ្ដាំផ្ញើសួរសុខទុក្ខ និងចូលរួមសំដែងការសោកស្ដាយពីសំណាក់សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ដល់អាជីវរកទាំងអស់ ដែលរងគ្រោះដោយសារតែអគ្គិភ័យឆេះតូប លក់ដូរ ហើយគ្រាន់តែទទួលបានដំណឹងដ៏ក្រៀមក្រំនេះភ្លាម សម្ដេចកិត្តិព្រឹទ្ធបណ្ឌិត បានណែនាំដល់ សាខាកាកបាទក្រហមខេត្តតាកែវ ឲ្យចុះសួរសុខទុក្ខ និងរៀបចំអំណោយយកមកចែកជូនជនរងគ្រោះឲ្យ បានទាន់ពេលវេលា។ឯកឧត្តម បានមានប្រសាសន៍បន្តថា អំណោយទាំងអស់នេះ វាជាមិនស្មើនឹងទំហំនៃការបាត់បង់ ទ្រព្យសម្បត្តិនោះទេ ប៉ុន្តែវាជាការជួយគ្នាក្នុងគ្រាលំបាកបានមួយគ្រា ព្រោះទីណាមានមានទុក្ខលំបាក ទី នោះតែងតែមានមន្ត្រីកាកបាទក្រហមចុះទៅជួយជាប់ជានិច្ច មិនទុកឱ្យប្រជាពលរដ្ឋណាម្នាក់ឯកោ ឬអស់ សង្ឃឹមដោយសារតែមានបញ្ហាកើតឡើងនោះទេ។ឯកឧត្តម អ៊ូច ភា បានលើកឡើងពីកិច្ចខិតខំប្រឹងប្រែងរបស់អាជ្ញាធរគ្រប់លំដាប់ថ្នាក់ ជាពិសេស ថ្នាក់ដឹកនាំរាជរដ្ឋាភិបាលចុះជួយខេត្តតាកែវ ក្នុងការប្រឹងប្រែងគ្រប់បែបយ៉ាង ដោយជួយរៀបចំជួសជុល និងសាងសង់ដំបូលផ្សារ ដើម្បីធ្វើយ៉ាងណាឲ្យអាជីវករ អាចប្រកបរបរចិញ្ចឹមជីវិតបានឆាប់រហ័ស៕

ទេយ្យទាននៃរដូវភ្ជុំបិណ្ឌ ត្រូវបានព្រះសង្ឃចែកជូនបន្តដល់ពលរដ្ឋមានជំងឺក្នុងមន្ទីរពេទ្យខេត្តកំពង់ចាម

កំពង់ចាម ៖ ក្រោយរដូវភ្ជុំបិណ្ឌ តាមបណ្តាលវត្តអារាមក្នុងខេត្តកំពង់ចាម មានទេយ្យទាន និងគ្រឿងឧបភោគសម្បូរហូហៀរ ទើប មន្ត្រីសង្ឃ បានសហការគ្នាចុះចែកអំណោយជូនដល់ប្រជាពលរដ្ឋ ដែលកំពុងសម្រាកព្យាបាលជំងឺ នៅក្នុងមន្ទីរពេទ្យខេត្ត កំពង់ចាម។សកម្មភាពចែករំលែក ការធ្វើទានរបស់ព្រះសង្ឃចំពោះប្រជាពលរដ្ឋ ដែលជួបការលំបាក ជាការចូលរួមចំណែក ក្នុងការលើកស្ទួយជីវភាពពលរដ្ឋ។ បើតាមការលើកឡើងរបស់ លោក ស្រី សុភក្ត្រ ប្រធានមន្ទីរ ធម្មការ និងសាសនា ខេត្ត កំពង់ចាម និងជាប្រធានក្រុមការងារយុវជនខេត្ត ការចែកទានជាអំណោយគ្រឿងឧបភោគ បរិភោគ រួមទាំងថវិកានៅពេល នេះ គឺចង់បង្ហាញពីការចូលរួមរបស់សាសនាព្រះពុទ្ធ ដោយមិនប្រកាន់ពូជសាសន៍ និន្ទាការនយោបាយ និងសាសនាអ្វី ឡើយ ពោលគឺជួយគ្រប់ជនជាតិសាសន៍ទៅតាមលទ្ធភាពដែលមាន។ បច្ចុប្បន្ន ពលរដ្ឋមានជីវភាពធូរធារ មានការអភិវឌ្ឍ រីកចម្រើន មានសុខសន្តិភាព ប្រជាពលរដ្ឋ អាចធ្វើបុណ្យទានដោយសេរី។កាលពីថ្ងៃទី២១ ខែកញ្ញា ម្សិលមិញ ព្រះសីលសំវរ ប៊ត តាំងឆេង ព្រះរាជាគណៈថ្នាក់ចត្វា ព្រះនាគមុនីព្រះមេគណខេត្តកំពង់ចាម លោក ស្រី សុភក្ត្រ ប្រធានមន្ទីរធម្មការ និងសាសនាខេត្ត និងយុវជនខេត្តកំពង់ចាម បានចែកអំណោយគ្រឿងឧបភោគ និង ថវិកា ជូនដល់ប្រជាពលរដ្ឋ ចំនួន៤១៨នាក់ ដែលមកពិនិត្យព្យាបាលជំងឺ នៅមន្ទីរពេទ្យខេត្តកំពង់ចាម៕

សម្តេចតេជោ ហ៊ុន សែន នឹងចូលរួមកិច្ចពិភាក្សាទូទៅ នៃមហាសន្និបាតអង្គការសហប្រជាជាតិលើកទី៧៥ ពីថ្ងៃទី២២-២៩ ខែកញ្ញា

ភ្នំពេញ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា នឹងអញ្ជើញចូលរួមកិច្ចពិភាក្សាទូទៅ នៃមហាសន្និបាតអង្គការសហប្រជាជាតិ (អ.ស.ប.) លើកទី៧៥ ក្រោមមូលបទ «អនាគតដែលយើងទាំងអស់គ្នាចង់បាន សហប្រជាជាតិដែលយើងត្រូវការ៖ ធានា ឡើងវិញកិច្ចប្រឹងប្រែងរួមដើម្បីពហុភាគីនិយម – ប្រឈមនឹងជំងឺកូវីដ–១៩ តាមរយៈសកម្មភាពពហុភាគី ដែលមានប្រសិទ្ធភាព» នឹងប្រព្រឹត្តទៅពីថ្ងៃទី២២ ដល់ ២៩ ខែកញ្ញា ឆ្នាំ២០២០ នៅទីក្រុងញូវយ៉ក តាមរយៈប្រព័ន្ធវីដេអូថតទុកជាមុន៕

ក្រសួងអប់រំនឹងបិទកន្លែងថតចម្លង ចាប់ពីថ្ងៃទី២០ ដល់ថ្ងៃទី២២ខែធ្នូ សម្រាប់ការប្រឡងបាក់ឌុបខាងមុខ

ភ្នំពេញ៖ ក្រសួងអប់រំ បានចេញសេចក្ដីណែនាំដោយស្នើសុំដល់ គណៈអភិបាលរាជធានី ខេត្ត ក្រុង ស្រុក ខណ្ឌ ចូលរួមសហការក្នុងការរៀបចំការប្រឡងសញ្ញាប័ត្រមធ្យមទុតិយភូមិ សម័យប្រឡង ២១ ខែធ្នូ ឆ្នាំ២០២០ខាងមុខ ដោយរាប់បញ្ចូលទាំងចុះបិទកន្លែងថតចម្លងជុំវិញសាលាចាប់ពីថ្ងៃទី ២០ ដល់ថ្ងៃទី ២២ ខែធ្នូឆ្នាំ២០២០។ជុំវិញការរៀបចំការប្រឡងសញ្ញាប័ត្រមធ្យមសិក្សាទុតិយភូមិ សម័យប្រឡង ២១ ខែធ្នូឆ្នាំ២០២០ ក្រសួងអប់រំ បានចេញសេចក្ដីណែនាំដោយស្នើសុំដល់ គណៈអភិបាលរាជធានី ខេត្ត ក្រុង ស្រុក ខណ្ឌ ចូលរួមអនុវត្តកិច្ចការ ដើម្បីឱ្យការប្រឡង សញ្ញាប័ត្រមធ្យមសិក្សាទុតិយភូមិ ប្រព្រឹត្តិទៅដោយប្រក្រតីភាព មានសណ្ដាប់ធ្នាប់ ជាពិសេសធានាបានគោលការណ៍ច្បាប់ យុត្តិធម៌ តម្លាភាព និងលទ្ធផលទទួលយកបានជូនបេក្ខជនប្រឡង និងអាណាព្យាបាល។ ក្នុងសេចក្ដីណែនាំនេះ គឺតម្រូវឱ្យមានការចូលរួមពី អាជ្ញាធរមានសមត្ថកិច្ច ទាំងដំណាក់កាលមុនដំណើរការសំណេរ ដំណាក់ការសំណេរ និងក្រោយដំណើរការសំណេរ។សម្រាប់សេចក្ដីណែនាំនេះ មានចំណុចមួយបញ្ជាក់ឱ្យអាជ្ញាធរទប់ស្កាត់ការថតចម្លងឯកសារផ្សេងៗ ពាក់ព័ន្ធការប្រឡងតាមគ្រប់រូបភាព និងបាតុភាពមិនប្រក្រតីនានា ដោយត្រូវផ្អាកជាបណ្ដោះអាសន្នការធ្វើអាជីវកម្មថតចម្លង អាជីវកម្មអ៊ីនធឺណិត និងឧបករណ៍អេឡិចត្រូនិកផ្សេងៗនៅបរិវេណមណ្ឌលប្រឡង និងត្រូវទប់ស្កាត់ការលក់វិញ្ញាសាប្រឡង រឺឯកសារពាក់ព័ន្ធផងដែរ។ សម្រាប់ការបិទអាជីវកម្មថតចម្លងនេះ ក៏ដូចជាកន្លែងលក់ឯកសារនានានៅជុំវិញ បរិវេណមណ្ឌលប្រឡង គឺកំណត់ចាប់ពីព្រឹកថ្ងៃទី២០ ខែធ្នូឆ្នាំ ២០២០ រហូតដល់ថ្ងៃទី ២២ ខែធ្នូឆ្នាំ ២០២០។សម្រាប់ការប្រឡងខាងមុខនេះ ក្រសួងអប់រំក៏ស្នើសុំដល់អាជ្ញាធរមានសមត្ថកិច្ចចូលរួម រក្សាសុវត្ថិភាពក្នុងការដឹកជញ្ជូន និងការរក្សាទុកហិបវិញ្ញាសា និងហិបកិច្ចការរបស់បេក្ខជននៅតាមសាលាគ្រប់រាជធានី ខេត្ត ការរៀបចំកម្លាំងការពារសន្តិសុខ សុវត្ថិភាព និងរក្សាសណ្ដាប់ធ្នាប់តាមមណ្ឌលប្រឡងក្នុងដែនសមត្ថកិច្ចរបស់ខ្លួន ជួយសម្របសម្រួល និងចាត់តាំងមន្ត្រីសុខាភិបាល និង ស.ស.យ.ក ឱ្យសហការជាមួយគណៈមេប្រយោគប្រឡងពាក់ព័ន្ធការស្នាក់នៅ និងបញ្ហាសុខភាពរបស់បេក្ខជន និងគណៈមេប្រយោគ និងត្រូវសម្របសម្រួលជាមួយសណ្ឋាគារ ក៏ដូចជាផ្ទះសំណាក់មិនត្រូវដំឡើងថ្លៃ ក្នុងកំឡុងពេលប្រឡង និងត្រូវជួយសម្រួលសម្រាប់ការផ្ញើរយានជំនិះរបស់បេក្ខជនប្រឡងប្រកបដោយសុវត្ថិភាព។ ក្រសួងអប់រំក៏ស្នើសុំឱ្យ គណៈអភិបាលរាជធានី ខេត្ត ក្រុង ស្រុក ខណ្ឌ ចូលរួមលើការងារជាច្រើនផ្សេងទៀតផងដែរ។សម្រាប់ការប្រឡងសញ្ញាប័ត្រមធ្យមសិក្សាទុតិយភូមិ ក្នុងបរិបទជំងឺកូវីដ–១៩ នេះ ក្រសួងអប់រំនឹងនៅតែបន្តអនុវត្តគោលការណ៍ច្បាប់ យុត្តិធម៌ តម្លាភាព និងលទ្ធផលទទួលយកបានជូនបេក្ខជនប្រឡង និងអាណាព្យាបាល៕ អត្ថបទ៖ គឹមហុក

ច្បាប់គ្រប់គ្រងល្បែងពាណិជ្ជកម្ម នឹងអនុម័តនៅខែតុលា ដើម្បីចូលរួមជំរុញកំណើនសេដ្ឋកិច្ចកម្ពុជា

ភ្នំពេញ៖ ឯកឧត្ដមឧបនាយករដ្ឋមន្ត្រី អូន ព័ន្ធមុនីរ័ត្ន រដ្ឋមន្ត្រីក្រសួងសេដ្ឋកិច្ច បានអះអាងថា សេចក្តីព្រាងច្បាប់គ្រប់គ្រងល្បែងពាណិជ្ជកម្មនឹងចូលរួមជំរុញកំណើនសេដ្ឋកិច្ចកម្ពុជា ពិសេសក្រោយវិបត្តិកូវីដ១៩។ សេចក្តីព្រាងច្បាប់នេះ នឹងត្រូវអនុម័តនៅក្នុងកិច្ចប្រជុំពេញអង្គរដ្ឋសភា នៅខែតុលាខាងមុខ។ឯកឧត្ដម អូន ព័ន្ធមុនីរ័ត្ន ឧបនាយករដ្ឋមន្ត្រីរដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ បានមានប្រសាសន៍ថា សេចក្តីព្រាងច្បាប់គ្រប់គ្រងល្បែងពាណិជ្ជកម្មនេះ បានសិក្សាអស់រយៈពេលជាច្រើនឆ្នាំ ដើម្បីឆ្លើយតបទៅនឹងការគ្រប់គ្រង គ្រប់ល្បែងពាណិជ្ជកម្មទាំងអស់ ឲ្យមានការអនុវត្តត្រឹមត្រូវតាមកំណត់នៃច្បាប់ និងផ្តល់លទ្ធភាពចូលរួមការដោះស្រាយបញ្ហាសេដ្ឋកិច្ចកម្ពុជា ក្រោយប្រឈមជំងឺកូវីដ១៩។ក្នុងកិច្ចប្រជុំជាមួយគណ:កម្មការសេដ្ឋកិច្ចនៃរដ្ឋសភា នៅថ្ងៃទី២២ ខែកញ្ញា ឆ្នាំ២០២០នេះ ដឹកនាំដោយ ឯកឧត្តម ជាម យៀប ដើម្បីពិនិត្យនិងពិភាក្សាលើសេចក្តីព្រាងច្បាប់ចំនួន៤ ក្នុងនោះ មានសេចក្តីព្រាងច្បាប់គ្រប់គ្រងល្បែងពាណិជ្ជកម្មផងនោះ ឯកឧត្តម អូន ព័ន្ធមុនីរ័ត្ន បានបញ្ជាក់ថា សេចក្តីព្រាងច្បាប់ស្តីពីការគ្រប់គ្រងល្បែងពាណិជ្ជកម្មនេះ ត្រូវបានតាក់តែងឡើង ក្នុងគោលបំណងធានាដល់ការគ្រប់គ្រងមណ្ឌលល្បែងពាណិជ្ជកម្មសមាហរ័ណ និងល្បែងពាណិជ្ជកម្ម ដើម្បីរួមចំណែកជំរុញកំណើនសេដ្ឋកិច្ច លើកកម្ពស់វិស័យទេសចរណ៍ បង្កើតការងារ ប្រមូលចំណូល រក្សាសុវត្ថិភាព និងសន្តិសុខសង្គម ដែលជាទស្សនទានមួយថ្មីនៃការអភិវឌ្ឍសេដ្ឋកិច្ចកម្ពុជា។ ឯកឧត្តម បន្តថា រាល់ម្ចាស់អាជីវកម្មល្បែងពាណិជ្ជកម្មទាំងអស់ដែលមិនអនុវត្តទៅតាមច្បាប់នេះ នឹងត្រូវប្រឈមការពិន័យជាអន្តរកាល និងឈានដល់ការរឹបអូសទ្រព្យសម្បត្តិជាដើម។ជាមួយគ្នានេះ ឯកឧត្ត ម ជាម យៀប បានលើកឡើងថា ការរៀបចំសេចក្តីព្រាងច្បាប់នេះពិតជាមានសារ:សំខាន់ចំពោះកម្ពុជា ជាពិសេសវាជាកត្តាជំរុញសេដ្ឋកិច្ចកម្ពុជាក្រោយប្រឈមជំងឺកូវីដ១៩ ខណ:រាជរដ្ឋាភិបាលបាខិតខំប្រយុទ្ធប្រឆាំងការរាតត្បាតក្នុងសហគមន៍ ឬតំបន់ប្រកបដោយជោគជ័យ។ឯកឧត្តម បានបន្ថែមថា ក្រោយកិច្ចប្រជុំនៅថ្ងៃនេះ សេចក្តីព្រាងច្បាប់នេះត្រូវបានបញ្ជូនទៅក្នុងកិច្ចប្រជុំគណ:កម្មាធិការអចិន្ត្រៃយ៍ នៅថ្ងៃស្អែក ដើម្បីពិភាក្សា និងអនុម័ត កំណត់ការបើកសម័យប្រជុំពេញអង្គនាខែតុលាខាងមុខនេះ។សូមបញ្ជាក់ថា សេចក្តីព្រាងច្បាប់នេះ នឹងអនុញ្ញាតឱ្យមានការគ្រប់គ្រងលើវិស័យកាស៊ីណូ និងល្បែងពាណិជ្ជកម្មដទៃទៀតយ៉ាងតឹងរ៉ឹងនិងប្រកបដោយប្រសិទ្ធភាពខ្ពស់ តាមរយៈការកំណត់ចំនួនទុនវិនិយោគអប្បបរមាសម្រាប់អាជីវកម្មកាស៊ីណូ ការកំណត់តំបន់ដែលគួរអនុញ្ញាតឱ្យមានល្បែងពាណិជ្ជកម្ម ឬមិនគួរអនុញ្ញាត ការពង្រឹងសមត្ថភាពស្ថាប័ន និងការបំពាក់នូវបច្ចេកវិទ្យាសមស្របក្នុងការត្រួតពិនិត្យជាប្រចាំលើកិច្ចដំណើរការរបស់ប្រតិបត្តិករល្បែងពាណិជ្ជកម្ម ព្រមទាំងបានគិតគូរផងដែរ អំពីយន្តការយ៉ាងតឹងរ៉ឹងពាក់ព័ន្ធនឹងការប្រឆាំងការលាងសម្អាតប្រាក់និងហិរញ្ញប្បទានភេរវកម្ម៕ អត្ថបទសេក ឧត្តម

គណៈអភិបាលជំរុញអាជ្ញាធរ និងក្រុមហ៊ុន បង្កើនការប្រមូលសំរាម ដើម្បីកុំឲ្យបាត់ដំបង បាត់បង់ផ្ការំដួល៣ទង

បាត់ដំបង៖ ខណៈក្រុងបាត់ដំបង កំពុងកាន់កាប់ផ្ការំដួល៣ទង ពីរាជរដ្ឋាភិបាល ដោយចាត់ទុកថាជាទីក្រុងស្អាត ដើម្បីកុំឲ្យបាត់បង់នូវមុខដំណែងនេះ លោក ណុប ដារ៉ា អភិបាលរងខេត្តបាត់ដំបង បានជំរុញទៅអាជ្ញាធរក្រុង និងក្រុមហ៊ុនស៊ិនទ្រី ត្រូវបង្កើនការប្រមូលសំរាមឲ្យបានស្អាតគ្រប់ទីកន្លែង និងកុំឲ្យមានការរិះគន់ពីមហាជន។ក្នុងកិច្ចប្រជុំពិភាក្សាពីបញ្ហាប្រឈម លើការប្រមូលសំរាម ក្នុងក្រុងបាត់ដំបង នៅថ្ងៃទី២២ ខែកញ្ញា ឆ្នាំ២០២០ លោក ណុប ដារ៉ា ខេត្តបាត់ដំបង ជាខេត្តដែលបានទទួលពានរង្វាន់ទីក្រុងស្អាតជាងគេ ហើយពិន្ទុខ្ពស់ទៀតផងនាពេលកន្លងមក ដូច្នេះត្រូវរួមគ្នារក្សា ពានរង្វាន់មួយនេះឲ្យនៅខេត្តនេះបន្តទៀត។តំណាងក្រុមហ៊ុនស៊ិនទ្រី បានសន្យាថានឹងដោះស្រាយបញ្ហាសំរាមដែលបាន លើកឡើងក្នុងអង្គប្រជុំនេះឲ្យបានក្នុងរយ:ពេល ១៥ថ្ងៃ រាប់ចាប់ពីថ្ងៃប្រជុំនេះទៅ នាភូមិសាស្ត្រ ដែលក្រុមហ៊ុនទទួលខុសត្រូវ៕

សម្តេចតេជោ៖ ប្រទេសកំពុងអភិវឌ្ឍន៍ ជាមុខព្រួយនៃការដាក់ទណ្ឌកម្ម ពេលធ្វើមិនស្របស្តង់ដារប្រទេសអភិវឌ្ឍន៍

ភ្នំពេញ៖ សម្តេចតេជោ មានប្រសាសន៍ថា ប្រទេសកំពុងអភិវឌ្ឍន៍ តែងតែជាមុខព្រួញនៃការដាក់ទណ្ឌកម្ម នៅពេលដែលអនុវត្តមិនស្របតាមស្តង់ដាររបស់ប្រទេសអភិវឌ្ឍន៍។ ការលើកឡើងរបស់សម្តេចតេជោនៅបែបនេះ ធ្វើឡើងនៅក្នុងសុន្ទរកថារបស់សម្តេច ដើម្បីអបអរសាទរខួបលើកទី ៧៥ នៃអង្គការសហប្រជាជាតិ នៅថ្ងៃទី២១ ខែកញ្ញា ឆ្នាំ២០២០។សម្តេចតេជោ បានបញ្ជាក់ថា ជំនួសការទទួលបានការគាំទ្រ, ជារឿយៗ ប្រទេសកំពុងអភិវឌ្ឍន៍ តែងត្រូវបានប្រែក្លាយជា មុខព្រួញនៃការដាក់ទណ្ឌកម្ម ចំពោះកិច្ចដំណើរការប្រឹងប្រែងកសាងជាតិរបស់ខ្លួន ដែលមិនបានល្អឥតខ្ចោះស្របតាមស្តង់ដាររបស់ប្រទេសអភិវឌ្ឍន៍ ខណៈដែលសមត្ថភាពប្រទេសទន់ខ្សោយទាំងនោះនៅមានការខ្វះខាត ក្នុងកិច្ចការពារសិទ្ធិមនុស្សជាមូលដ្ឋាន ដូចជា សិទ្ធិទទួលបានសន្តិភាព, សិទ្ធិរស់-រានមានជីវិត, សិទ្ធិទទួលបានអាហារ, ទីជម្រក និង ការងារ ជាដើម។ ប្រមុខរាជរដ្ឋាភិបាលកម្ពុជា បានចាត់ទុកទង្វើនេះថា ជាមូលហេតុមួយដែលចូលរួមចំណែកក្នុងការបំផ្លិចបំផ្លាញយ៉ាងធ្ងន់ធ្ងរ ដល់កិច្ចប្រឹងប្រែងស្តារ និងអភិវឌ្ឍជាតិរបស់ប្រទេសក្រីក្រ។សម្តេចនាយករដ្ឋមន្ត្រីបន្តថា ប្រសិនបើសម្លឹងមើលទៅអនាគត, សហគមន៍អន្តរជាតិ ពិតជាទាមទារចង់បានអង្គការសហប្រជាជាតិដ៏រឹងមាំមួយ ដែលមានសមត្ថភាពពេញលេញ ក្នុងការដោះស្រាយគ្រប់បញ្ហាប្រឈមដែលកើតមាននៅក្នុងតថភាពនៃសតវត្សទី ២១ ដោយសម្តេចលើកឡើងថា កម្ពុជាទទួលស្គាល់តួនាទីស្នូលនៃប្រព័ន្ធពហុភាគី-និយម ក្នុងការដោះស្រាយបញ្ហាប្រឈមសកលដ៏ស្មុគស្មាញដែលកំពុងជួបប្រទះនាបច្ចុប្បន្ននេះ។យ៉ាងណាក្តី សម្តេច សង្ឃឹមថា តាមរយៈការគោរពធម្មនុញ្ញអង្គការសហប្រជាតិ, តម្លាភាព, សាមគ្គីភាព, កិច្ចសហប្រតិបត្តិការ និងការ-ចូលរួមជាមួយគ្នាជាធ្លុងមួយ, សហគមន៍អន្តរជាតិពិតជានឹងអាចសម្រេចបាននូវអនាគតមួយដែលយើងទាំងអស់គ្នាចង់បាន និង អង្គការសហប្រជាជាតិមួយដែលពិភពលោកទាំងមូលត្រូវការ៕អត្ថបទ៖ ជា ធីរិទ្ធ

បណ្ដាញសង្គម

ព័ត៌មានថ្មីៗ

ប្រតិភូក្រសួងមហាផ្ទៃ ពិភាក្សាការងារជាមួយ ក្រុមអ្នកជំនាញបច្ចេកទេសតួកគី លេីវិស័យសន្តិសុខបច្ចេកវិទ្យាឌីជីថល

ក្រុមហ៊ុន Yunhong Group ស្វែងរកដៃគូពាណិជ្ជកម្មនៅកម្ពុជា លើការផលិត និងកែច្នៃចំណីអាហារ និងភេសជ្ជៈគុណភាពនាំចេញ

ក្រសួងការពារជាតិជប៉ុន អំពាវនាវឲ្យផ្ដោតបន្ថែមទៀតលើយានដ្រូន និងការនាំចេញអាវុធ

នាយករដ្ឋមន្ត្រីអូស្ត្រាលីធ្វើដំណើរទៅទីក្រុងញូវយ៉ក ហើយអាចជួបលោក Trump ជាលើកដំបូង

លោក Merz៖ អាល្លឺម៉ង់នឹងសម្រេចថា តើត្រូវគាំទ្រការដាក់ទណ្ឌកម្មលើអ៊ីស្រាអែលដែរ ឬយ៉ាងណា

ស្ថាប័នតាមដានអាកាសធាតុ៖ អឺរ៉ុបឃើញមានការបំភាយឧស្ម័នខ្ពស់បំផុតពីចំហេះព្រៃ នៅរដូវក្តៅ រយៈពេល ២៣ឆ្នាំ

អ្នកនាំពាក្យក្រសួងព័ត៌មាន៖ ការតម្រង់ទិសដល់អ្នកសារព័ត៌មានឱ្យយល់ដឹងពីក្រមសីលធម៌វិជ្ជាជីវៈ គឺជាការការពារពួកគាត់ឱ្យរួចផុតពីបញ្ហាប្រឈមផ្លូវច្បាប់

លោក Putin៖ ទាហានរុស្ស៊ីជាង ៧០០.០០០នាក់ ប្រយុទ្ធនៅជួរមុខ នៅអ៊ុយក្រែន

សេចក្ដីរាយការណ៍៖ លោក Trump បដិសេធមិនយល់ព្រមលើកញ្ចប់ជំនួយយោធាតៃវ៉ាន់តម្លៃ ៤០០លានដុល្លារ

ឧត្តមសេនីយ៍ឯក ម៉ឹង ពន្លក អញ្ជើញបិទវគ្គហ្វឹកហ្វឺនបំប៉នជំនាញហិរញ្ញវត្ថុថ្នាក់មធ្យមជំនាន់ទី៥ ឆ្នាំ២០២៥

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

UN សម្ដែងការកោតសរសើរ ចំពោះកម្ពុជាដែលបានលើកកម្ពស់សិទ្ធិទទួលបានបរិស្ថានស្អាត

សមាគមចិន ផ្តល់អំណោយជាថវិកា និងសម្ភារផ្សេងៗជូនបញ្ជាការដ្ឋានអង្គរក្សជួយពលរដ្ឋរងគ្រោះទឹកជំនន់

ក្រសួងសុខាភិបាល ប្រកាសដាក់ឲ្យដំណើរការអាគារថ្មី ផ្នែកជំងឺកូវីដ-១៩ VIP នៃមនី្ទរពេទ្យមិត្តភាពខ្មែរ-សូវៀត

អាជីវករផ្សារសំរោងយ៉ោង ជាង២០០នាក់ បានទទួលអំណោយពីសាខាកាកបាទក្រហមខេត្តតាកែវ

ទេយ្យទាននៃរដូវភ្ជុំបិណ្ឌ ត្រូវបានព្រះសង្ឃចែកជូនបន្តដល់ពលរដ្ឋមានជំងឺក្នុងមន្ទីរពេទ្យខេត្តកំពង់ចាម

ក្រសួងអប់រំនឹងបិទកន្លែងថតចម្លង ចាប់ពីថ្ងៃទី២០ ដល់ថ្ងៃទី២២ខែធ្នូ សម្រាប់ការប្រឡងបាក់ឌុបខាងមុខ

ច្បាប់គ្រប់គ្រងល្បែងពាណិជ្ជកម្ម នឹងអនុម័តនៅខែតុលា ដើម្បីចូលរួមជំរុញកំណើនសេដ្ឋកិច្ចកម្ពុជា

គណៈអភិបាលជំរុញអាជ្ញាធរ និងក្រុមហ៊ុន បង្កើនការប្រមូលសំរាម ដើម្បីកុំឲ្យបាត់ដំបង បាត់បង់ផ្ការំដួល៣ទង

សម្តេចតេជោ៖ ប្រទេសកំពុងអភិវឌ្ឍន៍ ជាមុខព្រួយនៃការដាក់ទណ្ឌកម្ម ពេលធ្វើមិនស្របស្តង់ដារប្រទេសអភិវឌ្ឍន៍

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

UN សម្ដែង​ការ​កោតសរសើរ​ ចំពោះ​កម្ពុជា​ដែល​បាន​លើកកម្ពស់​សិទ្ធិ​ទទួល​បាន​បរិស្ថាន​ស្អាត

អាជីវករ​ផ្សារ​សំរោង​យ៉ោង ជាង​២០០នាក់ ​បាន​ទទួល​អំណោយ​ពី​សាខា​កាកបាទក្រហម​ខេត្តតាកែវ​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

UN សម្ដែងការកោតសរសើរ ចំពោះកម្ពុជាដែលបានលើកកម្ពស់សិទ្ធិទទួលបានបរិស្ថានស្អាត

អាជីវករផ្សារសំរោងយ៉ោង ជាង២០០នាក់ បានទទួលអំណោយពីសាខាកាកបាទក្រហមខេត្តតាកែវ