BTV NEWS

TOP STORY | សម្ដេចធិបតី បានចាត់វិធានការចាំបាច់ជាបន្តបន្ទាប់ចំពោះការវិលត្រឡប់ទ្រង់ទ្រាយធំរបស់ពលករខ្មែរ និងជនភៀសសឹក

TOP STORY | សម្ដេចតេជោ៖ ពេលនេះ ខ្ញុំកំពុងតែរួមចំណែកបញ្ជាទ័ព តាមប្រព័ន្ធវីដេអូ និងប្រព័ន្ធផ្សេងទៀតជាមួយនាយករដ្ឋមន្ត្រី, រដ្ឋមន្ត្រីក្រសួងការពារជាតិ អគ្គមេបញ្ជាការកងទ័ព និងបញ្ជាការកងកម្លាំងប្រដាប់អាវុធគ្រប់លំដាប់ថ្នាក់

TOP STORY |សម្ដេចធិបតី ហ៊ុន ម៉ាណែត ដាក់លិខិតស្នើសុំកោះប្រជុំក្រុមប្រឹក្សាសន្តិសុខជាបន្ទាន់ ដើម្បីសុំការអន្តរាគមន៍បញ្ចប់ការឈ្លានពានរបស់កងទ័ពថៃមកលើដែនអធិបតេយ្យភាពរបស់កម្ពុជា

TOP STORY | សម្ដេចធិបតី៖ កងទ័ពថៃបានបើកការវាយប្រហារមកលើទីតាំងឈរជើងរបស់កងទ័ពកម្ពុជា នៅប្រាសាទតាមាន់ធំ តាក្របី និងបានពង្រីកភូមិសាស្ត្រវាយប្រហារទៅដល់តំបន់មុំបី

នយោបាយ និង ការអភិវឌ្ឍន៍

ឯកឧត្ដម ស សុខា ផ្ដល់អំណោយកូនឈើដាំតាមសាលា និងដាក់អំពូលភ្លើងតាមផ្លូវ នៅឃុំជ្រៃ

បាត់ដំបង៖ ឯកឧត្ដម ស សុខា ប្រធានក្រុមការងារ ចុះជួយឃុំជ្រៃ ស្រុកមោងឬស្សី និងភរិយា បានផ្ដល់នូវកូនឈើជាច្រើនប្រភេទ ដើម្បីដាំក្នុងសាលា និងផ្ដល់ជាអំពូលភ្លើងសឡា ដើម្បីជាការលំអ និងបំភ្លឺផ្លូវ នៅតាមទីជនបទ ស្ថិតក្នុងឃុំជ្រៃ ដែលការងារនេះធ្វើឡើងតាមរយៈ លោក គង់ កៃដូ និងលោក សែម គន្ធា និងក្រុមការងារ។ដោយដើមឈើសរុបជាង ២០០ដើម ត្រូវបានក្នុងបរិវេណសាលាបឋមសិក្សាជ្រៃ ហើយអំពូលភ្លើងសឡាចំនួន ១០បង្គោលបន្ថែម (សរុបចំនួន ១៣០បង្គោល) និងពិនិត្យមើលស្ថានភាពគម្រោងចាក់គ្រួសធម្មជាតិជួសជួលផ្លូវលំប្រវែង៦៥០ម៉ែត្រ ស្ថិតក្នុងមូលដ្ឋានឃុំនេះផងដែរ៕ អត្ថបទ៖ បាន សុខរិទ្

បទល្មើសនេសាទ នៅតែកើតច្រើន បើទោះបីឆ្នាំនេះទឹកទន្លេឡើងទាប និងមានការបង្ក្រាបជាប្រចាំក៏ដោយ

កំពង់ឆ្នាំង៖ បើទោះបីជាឆ្នាំ២០២០នេះ ទឹកទន្លេសាបកាន់តែទាបជាងឆ្នាំ២០១៩ ក៏ពិតមែន ក៏ប៉ុន្តែ គេសង្កេតឃើញបទល្មើសនេសាទ បានកើតមានព្រោងព្រាតគ្រប់ទីកន្លែង ដែលជនល្មើសបានប្រើប្រាស់ទាំងរបាំងស្បៃមុង របាំងសាច់អួន និងឧបករណ៍ល្មើសផ្សេងៗទៀត ព្រោះថាទឹកទន្លេកាន់តែតូច ផលនេសាទកាន់តែបាត់ នាំអោយជនល្មើសត្រូវបង្កើនឧបករណ៍ល្មើស ដើម្បីចាប់ត្រីដែលឧបករណ៍ទាំងនោះ បានបំផ្លាញដល់មច្ឆាជាតិគ្រប់ប្រភេទ ទោះបីក្នុងរដូវបិទនេសាទក៏ដោយ។នៅរដូវបិទនេសាទឆ្នាំនេះ ក្នុងភូមិសាស្ត្រស្រុកជលគីរី គេសង្កេតឃើញកើតមានបទល្មើសនេសាទដាក់របាំងស្បៃមុងវែងៗ និងដាក់លបប្រើស១០០ រួមនឹងបទល្មើសរបាំងសាច់អួនផងដែរ។ដោយឡែកនៅក្នុងស្រុកបរិបូណ៌វិញ ចំណុចកំពង់ព្រះគគីរ ចំណុចកំពង់អួរ ចំណុចសេះស្លាប់ ចំណុចកំពង់ព្រះ និងនៅតំបន់ឆ្នុកទ្រូ ក៏មានបទល្មើសស្បៃមុង លបប្រើស១០០ រួមនឹងរបាំងសាច់អួនក្រឡាញឹកផងដែរ។ រីឯស្រុកកំពង់លែង នៅចំណុចចុងព្រែក ចំណុចវាលភក់ ចំណុចផ្លូវទូក ចំណុចអន្លង់លត ចំណុចព្រែកសាយ ជនល្មើសបានប្រើប្រាស់ឧបករណ៍ល្មើសរបាំងស្បៃមុង លបប្រើស១០០ ជាពិសេសរបាំងសាច់អួនវែងៗ។បើតាមប្រភពព័ត៌មានពីអ្នកដាក់បទល្មើស បានអោយដឹងថា កាលពីទឹកទន្លេសាបឡើងខ្ពស់ពួកគេបានប្រើប្រាស់របាំងសាច់អួន របាំងស្បៃមុង មិនវែងៗដូចពេលនេះទេ តែទឹកទន្លេឆ្នាំនេះរឹតតែតូច ត្រីក៏មិនសំបូរ ទាល់តែប្រើរបាំងវែងៗទើបអាចចាប់ត្រីបានខ្លះ ដោយឡែកលបប្រើស១០០វិញទាល់តែដាក់ក្នុង១កន្លែងពី៧០ទៅ១០០លបទើបអាចរកត្រីបាន។ចំណែកលោក លី ឡា នាយខណ្ឌរដ្ឋបាលជលផលកំពង់ឆ្នាំងវិញ បានបញ្ជាក់ថា កម្លាំងសមត្ថកិច្ចជំនាញខណ្ឌរដ្ឋបាលជលផល បានចុះបង្ក្រាបរៀងរាល់ថ្ងៃនិងជាប្រចាំ ក៏ប៉ុន្តែជនល្មើសនៅតែឆ្លៀតឱកាសប្រព្រឹត្តិបទល្មើសបានដដែល ដោយមិនញញើតនឹងច្បាប់ឡើយ។លោកបានបន្តថា នៅក្នុងខែកញ្ញា ឆ្នាំ២០២០នេះ កម្លាំងជំនាញរដ្ឋបាលជលផល សហការជាមួយអាជ្ញាធរមូលដ្ឋាន និងកងកម្លាំងប្រដាប់អាវុធទាំង៣ ចុះបង្ក្រាបបានរបាំងសាច់អួនចំនួន១៥៦កន្លែង ស្មើនឹង៤៣៦០ម,របាំងស្បៃមុងចំនួន៣៧៣កន្លែង ស្មើនឹង១៨២៦០ម, លូស្បៃមុងចំនួន៥២៥គ្រឿង, លូសាច់អួនចំនួន២០២គ្រឿង, ចាក់ព្រលែងកូនត្រីចម្រុះចំនួន៩៥៥០គ.ក្រ, បង្គោលចំនួន១៥ ៤០០ដើម។ដោយឡែកខណ្ឌរដ្ឋបាលជលផលបានផ្សព្វផ្សាយបទបញ្ជាលេខ០១របស់រាជរដ្ឋាភិបាល ដោយសហការជាមួយអាជ្ញាធរគ្រប់លំដាប់ថ្នាក់។ បានផ្សព្វផ្សាយសារាចរណែនាំលេខ០៥សរណ ស្តីពីវិធានការណ៍ចាំបាច់នានា ក្នុងការពង្រឹងការគ្រប់គ្រងធនធានធម្មជាតិរបស់រាជរដ្ឋាភិបាល, ផ្សព្វផ្សាយអនុសាសន៍ទាំង៧ចំណុចរបស់សម្តេចអគ្គមហាសេនាបតី ហ៊ុន សែន, ប្រកាសរបស់ក្រសួងកសិកម្មរុក្ខាប្រមាញ់និងនេសាទ ស្តីពីការប្រើប្រាស់ឧបករណ៍នេសាទជាលក្ខណៈគ្រួសារ។ផ្សព្វផ្សាយការទប់ស្កាត់ និងបង្ក្រាបបទល្មើសជលផលដោយ ប្រើប្រាស់ឧបករណ៍នេសាទលបកន្ទុយកណ្ដុរ ឫលបពោះវៀនជ្រូក និងប្រឹសមួយ១០០, ផ្សព្វផ្សាយវិធានការលុបបំបាត់ការប្រើប្រាស់ឧបករណ៍ស្បៃមុងរបស់សាលាខេត្តកំពង់ឆ្នាំង និងផ្សព្វផ្សាយច្បាប់ ស្តីពីជលផល តាមមូលដ្ឋានជាប់ដែននេសាទ ដល់គ្រប់មូលដ្ឋានដែលមានភូមិសាស្ត្រជាប់ដងទន្លេសាប។ ទោះបីមានការផ្សព្វផ្សាយ ការបង្ក្រាបជាប្រចាំ ក៏ប៉ុន្តែជនល្មើសនៅតែប្រព្រឹត្តិបទល្មើសដដែល៕ អត្ថបទ៖ ហុង វាស្នា

ព័ត៌មាន ជាតិនយោបាយ និង ការអភិវឌ្ឍន៍ យាយ-តា ប្តី-ប្រពន្ធ ជរាពិការ បានទទួលផ្ទះមនុស្សធម៌ពីកាកបាទក្រហមកម្ពុជាសាខាខេត្តសៀមរាប

សៀមរាប៖ គោលនយោបាយមនុស្សធម៌ នៃចលនាកាកបាទក្រហមកម្ពុជា បាននាំយកការលំបាក ខ្វះជម្រកស្នាក់នៅអស់ជិត១១ឆ្នាំ ចេញពីជីវិតនៃជនចាស់ជរាពិការ (ប្តីប្រពន្ធមួយគូ) ដោយការផ្តល់ជូននូវផ្ទះមនុស្សធម៌១ខ្នង ដ៏កក់ក្តៅ។យ៉ាងណាក៏ដោយផ្ទះមួយខ្នងទំហំ ៦ម៉ែត្រ គុណ ៦ម៉ែត្រ ដែលសាខាកាកបាទក្រហមកម្ពុជាខេត្តសៀមរាប ប្រកាសថា ជាផ្ទះមនុស្សធម៌ទី០៧៤ ត្រូវបានប្រគល់ជូនលោកតា វឿន ឡុក អាយុ៨៣ឆ្នាំ ពិការជើងឆ្វេង និងលោកយាយ ម៉ី ដារា អាយុ៦១ឆ្នាំ ជាភរិយា រស់នៅភូមិក្រឡាញ់ ឃុំក្រឡាញ់ ស្រុកក្រឡាញ់ ខេត្តសៀមរាប។បន្ទាប់ពីយាយតាប្តីប្រពន្ធមួយគូនេះ បានឆ្លងកាត់ការរស់នៅក្នុងជីវភាពក្រលំបាក ក្រោមការមើលថែ និងជ្រកក្រោមដំបូលផ្ទះប្អូនថ្លៃអស់រយៈពេលជិត១១ឆ្នាំ កន្លងមក។ លោកជំទាវ ទាងអេង ទៀសីហា អនុប្រធានគណកម្មាធិការសាខាកាកបាទក្រហមកម្ពុជាខេត្តសៀមរាប មានវត្តមាននៅក្នុងពិធីកាត់ខ្សែបូ និងប្រគល់ផ្ទះនោះ ដែលបានធ្វើឡើងនាព្រឹកថ្ងៃទី២៤ ខែកញ្ញា ឆ្នាំ២០២០។យោងតាមន័យដែលសរសេរនៅក្នុងកំណត់ត្រាប្រគល់ផ្ទះនោះ លោក ស៊ុ សំអន នាយកប្រតិបត្តិសាខាកាកបាទក្រហមកម្ពុជាខេត្តសៀមរាប បានបញ្ជាក់ឲ្យដឹងថា កាលពី១១ឆ្នាំកន្លងទៅនោះ គឺនៅក្នុងឆ្នាំ២០០៩ យាយតាមួយគូនេះ ទទួលរងគ្រោះដោយអគ្គីភ័យ ឆេះផ្ទះ នៅសល់តែដីទទេ។ទីតាំងដែលអគ្គីភ័យលេបយកផ្ទះសម្បែងរបស់ពួកគាត់នោះ គឺជាទីតាំងដែលត្រូវបានសាងសង់ផ្ទះថ្មី ( ផ្ទះមនុស្សធម៌ ) ដែលកំពុងធ្វើពិធីប្រគល់នេះ។ នៅក្នុងកំណត់ត្រាប្រគល់ផ្ទះដដែលនោះ ក៏បានបង្ហាញឲ្យដឹងដែរថា តាឡុក និងយាយដារា មានកូនប្រុស៤នាក់ និងបានបែកចេញពីគាត់មានគ្រួសារអស់ហើយ ២គ្រួសារនៅក្នុងខេត្តសៀមរាប ១គ្រួសារនៅក្នុងខេត្តបន្ទាយមានជ័យ និង១គ្រួសារទៀតនៅខេត្តព្រៃវែង ក៏ប៉ុន្តែកូនៗទាំងនោះមានជីវភាពមិនប្រសើរឡើយ ក៏មិនមានលទ្ធភាពសាងសង់ផ្ទះឲ្យម្តាយឪពុកជ្រកកោណបានដែរ បានត្រឹមតែជួយផ្តល់ស្បៀងបន្តិចបន្តួចប៉ុណ្ណោះ ។លោកជំទាវ ទាងអេង ទៀសីហា មានប្រសាសន៍ថា ព្រោះតែជាទុក្ខលំបាក នៃគ្រួសារប្រជាពលរដ្ឋជរាពិការនេះហើយ ទើបពេលនេះត្រូវតែមានវត្តមានរបស់ក្រុមការងារកាកបាទក្រហមកម្ពុជា។ ជានិច្ចកាល សម្តេចកិត្តិព្រឹទ្ធបណ្ឌិត ប៊ុនរ៉ានី ហ៊ុន សែន ប្រធានបេសកកម្មនៃចលនាមនុស្សធម៌កាកបាទក្រហមកម្ពុជា តែងតែបានក្រើនរំលឹក ដល់បណ្ដាសាខា អនុសាខា ដែលនៅជិតប្រជាពលរដ្ឋផ្ទាល់ក្នុងមូលដ្ឋាននៃដែនសមត្ថកិច្ចរបស់ខ្លួន ត្រូវប្រើប្រាស់គ្រប់មធ្យោបាយ និងលទ្ធភាព មើលឲ្យឃើញចំពោះសុខទុក្ខប្រជាពលរដ្ឋរងគ្រោះ និងងាយរងគ្រោះ ជាមួយនឹងការធ្វើសកម្មភាពសម្រាលទុក្ខលំបាកទាំងនោះតាមគ្រប់រូបភាព ដែលអាចធ្វើបាន។គួរបញ្ជាក់ដែរថា គោលនយោបាយផ្ទះមនុស្សធម៌ ត្រូវបានផ្តួចផ្តើមបង្កើតឡើងដោយសាខាកាកបាទក្រហមកម្ពុជា ខេត្តសៀមរាប តាមការណែនាំរបស់សម្តេចកិត្តិព្រឹទ្ធបណ្ឌិតប្រធាន សម្រាប់ជួយដល់ជនចាស់ជរា ពិការ គ្មានទីពឹង។ សមិទ្ធផលដែលកើតចេញពីគោលនយោបាយនេះ គឺស្ថិតក្រោមការអំពាវនាវ និងការចូលរួមរបស់សប្បុរសជន។ផ្ទះមនុស្សធម៌ទី០៧៤ គឺត្រូវបានទទួលការបរិច្ចាគថវិកាសម្រាប់ការកសាង ដោយ លោកជំទាវ លី ដាណា សមាជិការនៃគណកម្មាធិការសាខាកាកបាទក្រហមកម្ពុជាខេត្តសៀមរាប។ នៅក្នុងពិធីនោះ ប្រជាពលរដ្ឋស្ថិតក្នុងវ័យចាស់ជរា មកពី២០គ្រួសារ ក៏បានទទួលអំណោយពីសាខាកាកបាទក្រហមកម្ពុជាខេត្តសៀមរាបផងដែរ៕ អត្ថបទ៖ ងិន គឹមលែង

ពលរដ្ឋសហគមន៍ភូមិបេង បង្កើនមុខរបរតម្បាញនៅនឹងមូលដ្ឋាន ដើម្បីរកប្រាក់ចំណូលបន្ថែមក្នុងអំឡុងពេលជំងឺកូវីដ-១៩

ឧត្តរមានជ័យ៖ ប្រជាពលរដ្ឋរស់នៅចំណុចភូមិបេង ស្រុកបន្ទាយអំពិល ខេត្តឧត្តរមានជ័យ បង្កើតជាសហគមន៍មុខរបរផ្នែកតម្បាញនៅនឹងមូលដ្ឋានរបស់ខ្លួន បន្ទាប់ពីធ្វើស្រែចម្ការរួច ដើម្បីបង្កើននូវប្រាក់ចំណូលបន្ថែមបន្តទៀតក្នុងជីវភាពគ្រួសារ របស់ពួកគាត់ក្នុងអំឡុងពេលស្ថានភាពជំងឺកូវីដ–១៩នេះ។លោក ស្រី សន សាវី ដែលជាប្រជាពលរដ្ឋរស់នៅសហគមន៍ភូមិបេងស្រុកបន្ទាយអំពិល ខេត្តឧត្តរមានជ័យ បានលើកឡើងថា ដើម្បីបន្តការថែរក្សាឲ្យបាននូវទំនៀមទម្លាប់ប្រពៃណីយតម្បាញខ្មែរដែលមានតាំងពីបុរាណកាលមកនោះតពីដូនតារបស់ពួកគាត់របរនេះ អាចធ្វើឲ្យសហគមន៍របស់ពួកគាត់រកចំណូលបានយ៉ាងស្រួលនៅនឹងមូលដ្ឋានបន្ទាប់ពីទំនេរពីធ្វើស្រែចម្ការផងដែរ។លោកស្រីបន្តថា ការបង្កើតជាសហគមន៍តម្បាញនៅនឹងមូលដ្ឋាននេះដែលគឺមានការគាំទ្ររពីមជ្ឈមណ្ឌលអភិវឌ្ឍន៍ស្ត្រីខេត្តឧត្តរមានជ័យ ដែលកន្លងមកមន្ត្រីក្រុមការងារមជ្ឈមណ្ឌលថ្នាក់ខេត្តតែងតែចុះមកជួយបង្ហាត់បង្រៀននឹងផ្ដល់ឧបករណ៍នឹងសម្ភារៈផ្សេងៗ ដើម្បីជួយផ្គត់ផ្គង់ដល់ការតម្បាញនៅនឹងមូលដ្ឋានរបស់ពួកគាត់ផងដែរ ទើបការងារនេះ ទទួលបានភាពរលូនយ៉ាងដូច្នេះ។ហើយយ៉ាងណាមិញលោកស្រីបញ្ជាក់ថា ការតម្បាញនៅនឹងមូលដ្ឋានគឺក្នុងមួយខែៗអាចរកប្រាក់ចំណូលបានពីការតម្បាញនេះមិនក្រោមពី១ពាន់ដុល្លារអាមេរិកនោះទេ ហើយណាមួយការដែលបងប្អូនប្រជាសហគមន៍មានមុខរបរនៅនឹងមូលដ្ឋានដូច្នេះ គឺវាអាចធ្វើឲ្យមានការកាត់បន្ថយការចំណាកស្រុករបស់បងប្អូនប្រជាពលរដ្ឋបានមួយចំនួនធំផងដែរ នៅក្នុងមូលដ្ឋានរបស់ពួកគាត់ដោយសារតែការតម្បាញនេះ៕អត្ថបទ៖ ឃិន សារិទ្ធ

កសិករក្នុងឃុំចំនួន ០២ក្នុងស្រុកស្រីសន្ធរ សប្បាយរីករាយ ខណៈ អាជ្ញាធរខេត្តកំពង់ចាមចុះចែកជីកសិកម្ម ដើម្បីបង្កបង្កើនផល

កំពង់ចាម៖ ប្រជាកសិករដែលជាអ្នកដាំដំណាំកសិកម្ម បន្លែរួមផ្សំ ក្នុងឃុំព្រែកដំបូក និងឃុំស្វាយខ្សាច់ភ្នំ ចំនួន៩០គ្រួសារ ទទួលបានជីកសិកម្មពី អាជ្ញាធរខេត្តកំពង់ចាម តាមរយៈមន្ទីរកសិកម្មខេត្ត ដើម្បីចូលរួមចំណែកលើកស្ទួយជីវភាពកសិករ និងកាត់បន្ថយការចំណាយបានមួយកម្រិតដែរ។ប្រជាកសិករដែលរស់នៅក្នុងឃុំស្វាយខ្សាច់ភ្នំ ស្រុកស្រីសន្ធរ និងជាអ្នកទទួលជីកសិកម្ម ពី អាជ្ញាធរខេត្តកំពង់ចាម បានសម្ដែងអារម្មណ៍ភាពសប្បាយរីករាយ គាំទ្រចំពោះសកម្មភាពនេះ ក្នុងការជួយលើកស្ទួយជីវភាពអ្នកភូមិបានមួយកម្រិត លើការចំណាយទិញជីយកមកដាក់ដំណាំចម្ការ បន្លែរួមផ្សំផ្សេងៗ និងកសិករ បានស្នើសុំដល់មន្ទីរជំនាញពាក់ព័ន្ធជួយផ្តល់នូវបច្ចេកទេសដាំដុះ ចិញ្ចឹមបន្ថែមទៀត ពោល គឺធ្វើយ៉ាងបង្កើនចំណេះដឹង លើផ្នែកកសិកម្មឲ្យបានច្រើន ដើម្បីងាយស្រួលទទួលបានផលល្អក្នុងការប្រកបរបរកសិកម្មនេះ។ឆ្លៀតក្នុងឱកាសនោះដែរ នៅថ្ងៃទី២៤ ខែកញ្ញា ឆ្នាំ២០២០ អភិបាលខេត្តកំពង់ចាម ឯកឧត្តម អ៊ុន ចាន់ដា បានថ្លែងថា ប្រជាពលរដ្ឋដែលរស់នៅតាមដងទន្លេមេគង្គ ភាគច្រើនចូលចិត្តដាំដុះបន្លែ ក្រោមរូបភាព នៃការជួយទំនុកបម្រុងពីអាជ្ញាធរឃុំ និងអាជ្ញាធរស្រុកជាពិសេស ពីមន្ទីរកសិកម្មរុក្ខាប្រមាញ់ និងនេសាទដែលជាសេនាធិការឱ្យរដ្ឋបាលខេត្តកំពង់ចាម។ឯកឧត្ដម អភិបាលខេត្ត បានបន្តថា បច្ចុប្បន្ននេះ ការដាំដុះបង្កបង្កើន ផលរបស់ប្រជាពលរដ្ឋ គឺមានការរីកចម្រើនខុសពីមុន ដោយមួយផ្នែកសម្រាប់ផ្គត់ផ្គង់ម្ហូបអាហារក្នុងគ្រួសារ និងមួយផ្នែកទៀតសម្រាប់យកទៅលក់នៅទីផ្សារ ដូច្នេះការបង្កើនបរិមាណដាំដុះនេះ ចាំបាច់ណាស់ត្រូវការបច្ចេកទេស ដើម្បីធ្វើឱ្យផលដំណាំមានគុណភាពយកទៅប្រកួតប្រជែងលើទីផ្សារ។ប្រការនេះ បានធ្វើឱ្យជីវភាពរបស់បងប្អូនប្រជាពលរដ្ឋមានការរីកចម្រើន អភិវឌ្ឍពីមួយថ្ងៃទៅមួយថ្ងៃ ជាផ្នែកមួយចូលរួមចំណែកក្នុងការកាត់បន្ថយភាពក្រីក្រ ក្នុងមូលដ្ឋានផងដែរ ស្របទៅតាមគោលនយោបាយរបស់រាជរដ្ឋាភិបាល ក្នុងការលើកកម្ពស់ជីវភាពរបស់ប្រជាពលរដ្ឋយើង។គូសបញ្ជាក់ផងដែរថា ប្រជាកសិករដែលរស់នៅក្នុងឃុំស្វាយខ្សាច់ភ្នំ និងឃុំព្រែកដំបូក ក្នុងស្រុកស្រីសន្ធរ សរុប៩០គ្រួសារដោយក្នុងមួយគ្រួសារទទួលបានជី ចំនួន២បាវផងដែរ៕ អត្ថបទ៖ តុង សីហា

សម្តេចក្រឡាហោម ស ខេង ដឹកនាំកិច្ចប្រជុំតាមរយៈវីដេអូខនហ្វើរិន ជាមួយក្រុមធុរកិច្ចអាមេរិក

ភ្នំពេញ ៖ សម្តេចក្រឡាហោម ស ខេង ឧបនាយករដ្ឋមន្ត្រី និងជារដ្ឋមន្ត្រីក្រសួងមហាផ្ទៃ នៅព្រឹកថ្ងៃទី២៥ ខែកញ្ញា ឆ្នាំ២០២០នេះ បានដឹកនាំមន្ត្រីចូលរួមកិច្ចប្រជុំតាមរយៈវីដេអូខនហ្វើរិនជាមួយគណៈប្រតិភូក្រុមប្រឹក្សាធុរកិច្ចអាស៊ាន-អាមេរិក នៅទីស្តីការក្រសួងមហាផ្ទៃ។កិច្ចប្រជុំតាមរយៈវីដេអូខនហ្វើរិននេះ ភាគីទាំងពីរបានពិភាក្សាគ្នាជាច្រើនទាក់ទង នឹងពាណិជ្ជកម្មរវាងកម្ពុជា អាមេរិក និងអាស៊ាន និងបញ្ហាមេរោគកូវីដ១៩ រួមទាំងកិច្ចសហប្រតិបត្តិការរវាងកម្ពុជា អាមេរិក និងអាស៊ានជាដើមនោះ។ថ្លែងនៅក្នុងកិច្ចប្រជុំនោះសម្តេចក្រឡាហោម ស ខេង បានសម្តែងការស្វាគមន៍នៃកិច្ចប្រជុំទាក់ទងនឹងធុរកិច្ចរវាងកម្ពុជាអាមេរិកនេះ ហើយតាមរយៈ កិច្ចប្រជុំនេះ នឹងធ្វើឲ្យកិច្ចសហប្រតិបត្តិការ ជាពិសេសពាណិជ្ជកម្មទ្វេភាគី រវាងកម្ពុជានិងអាមេរិកកាន់តែច្រើនបន្ថែមទៀតផងដែរ។សម្តេចក្រឡាហោម ស ខេង ក៏បានសម្តែងការរីករាយយ៉ាងខ្លាំងចំពោះការប្តេជ្ញាចិត្ត របស់អាមេរិក ចំពោះអាស៊ាន និងកម្ពុជា ក្នុងកិច្ចសហប្រតិបត្តិការ និងការពង្រីកទំហំពាណិជ្ជកម្មជាមួយគ្នា ដើម្បីធ្វើយ៉ាងណាបង្កើនការងារដល់ប្រជាជនកម្ពុជា ក៏ដូចជាប្រជាជននៅក្នុងតំបន់អាស៊ានទាំងមូលនោះ។ថ្លែងនៅក្នុងកិច្ចប្រជុំនោះដែរ លោកអេឡិចសាន់ឌឺ ស៊ី ហ្វេលមេន ប្រធាន និងជានាយកប្រតិបត្តិក្រុមប្រឹក្សាធុរកិច្ចអាស៊ាន-អាមេរិក បានលើកឡើងថា ភាពរីកចំរើនរវាងអាមេរិក និងកម្ពុជាបានកំពុងរីកចំរើនជាបន្តបន្ទាប់ បើទោះបីជាពិភពលោកទាំងមូលកំពុងជួបវិបត្តិមេរោគកូវីដ១៩ក៏ដោយនោះ។លោក បានបញ្ជាក់ថា«ទំហំពាណិជ្ជកម្មទ្វេភាគីរវាងកម្ពុជា និងអាមេរិកបានកើនឡើងជាបន្តបន្ទាប់ជាក់ស្តែងនៅដើមឆ្នាំ២០២០នេះ ទំហំពាណិជ្ជប្រទេសទាំងពីរបានកើនឡើងជិត៣០ភាគរយ ហើយរំពឹងថា នឹងកើនជាបន្តបន្ទាប់ទៀតផងដែរ»៕

ក្រសួងសុខាភិបាលក្រើនរម្លឹកពលរដ្ឋបន្តប្រុងប្រយ័ត្ន ខណៈកម្ពុជានៅតែមានហានិភ័យនៃការឆ្លងជំងឺកូវីដ-១៩

ភ្នំពេញ ៖ ស្របពេលដែលប្រជាពលរដ្ឋកម្ពុជា ចាប់ផ្ដើមធ្វេសប្រហែសកាន់តែច្រើនក្នុងការរក្សាវិធានការការពារ ក្រសួងសុខាភិបាលបានក្រើនរម្លឹកដល់ប្រជាពលរដ្ឋត្រូវតែបន្តការប្រុងប្រយ័ត្នជាដាច់ខាត ព្រោះថា កម្ពុជានៅតែមានហានិភ័យក្នុងការចម្លងជំងឺកូវីដ ១៩នេះ។ការមិនមានរកឃើញករណីឆ្លងជំងឺកូវីដ១៩ថ្មី និងមានអ្នកជំងឺកូវីដ១៩ តែម្នាក់គត់កំពុងសម្រាកព្យាបាលនៅមន្ទីរពេទ្យ នាពេលបច្ចុប្បន្ននេះ ពុំមែនមានន័យថាកម្ពុជាមានសុវត្ថិភាពពីជំងឺកូវីដ ១៩នោះទេ។ នេះជាការលើកឡើងរបស់លោកជំទាវ ឱ វណ្ណឌីន ជាអ្នកនាំពាក្យក្រសួងសុខាភិបាល។ លោកជំទាវ បញ្ជាក់ថា បច្ចុប្បន្ននេះ កម្ពុជានៅតែមានហានិភ័យពីការចម្លងជំងឺចូលមកកម្ពុជា ក៏ដូចជាការចម្លងចូលសហគមន៍ បើសិនមានការធ្វេសប្រហែសណាមួយកើតឡើង ព្រោះថាជំងឺកូវីដ ១៩ នៅតែចរាចរខ្លាំងក្លានៅជុំវិញពិភពលោក និងមានករណីឆ្លងជាច្រើនគួរឱ្យព្រួយបារម្ភសម្រាប់ប្រទេសក្នុងតំបន់អាស៊ីផងដែរ។វិធានការដែលក្រសួងសុខាភិបាលក្រើនរម្លឹកម្ដងហើយម្ដងទៀត ឱ្យប្រជាពលរដ្ឋត្រូវតែគោរពតាមនេះ គឺសម្អាតអនាម័យលាងដៃជាមួយសាប៊ូ រឺទឹកអាលកុលឱ្យបានញឹកញាប់ ការពាក់ម៉ាសការពារនៅទីតាំងប្រមូលផ្ដុំ រឺពេលមានអាការៈ ក្អក កណ្ដាស់ និងវិធានការមួយទៀតគឺការរក្សាគម្លាតសុវត្ថិភាពចាប់ពី 1ម៉ែត្រកន្លះឡើងទៅ។ លោកជំទាវបញ្ជាក់ថា វិធានការទាំងនេះគឺសាមញ្ញ តែមានប្រសិទ្ធភាព។យ៉ាងណាម៉ិញ ភាពជាក់ស្ដែងប្រជាពលរដ្ឋកម្ពុជាចាប់ផ្ដើមធ្វេសប្រហែសកាន់តែច្រើន ទាំងតាមទីសាធារណៈ ក៏ដូចជាតាមផ្សារ ការពាក់ម៉ាសការពារចាប់ផ្ដើមធ្លាក់ចុះជាច្រើន ហើយការរក្សាគម្លាតសុវត្ថិភាពនៅតាមទីផ្សារគឺពុំបានអនុវត្តនោះទេ។ សម្រាប់ប្រជាពលរដ្ឋដែលនៅបន្តពាក់ម៉ាសការពារនៅពេលចេញមកក្រៅវិញ លើកឡើងថា សព្វថ្ងៃ ពួកគាត់នៅប្រុងប្រយ័ត្នខ្ពស់ដើម្បីការពារខ្លួននិងគ្រួសារពីជំងឺនេះ។ ពួកគាត់ក៏សំណូមពរឱ្យប្រជាពលរដ្ឋគ្រប់រូបត្រូវតែ បន្តអនុវត្តវិធានការការពារជាដាច់ខាតផងដែរ។វិធានការដែលក្រសួងសុខាភិបាល តែងបញ្ជាក់ឱ្យប្រជាពលរដ្ឋត្រូវគោរពតាមក្នុងការទប់ស្កាត់ការចម្លងជំងឺកូវីដ១៩ គឺពុំទាន់មាន ការចេញជាច្បាប់ ដែលត្រូវផាកពិន័យ រឺទោសទណ្ឌសម្រាប់អ្នកដែលមិនគោរពតាមនោះទេ។ វិធានការទាំងនេះគឺជាសេចក្ដីណែនាំ លើកទឹកចិត្តឱ្យប្រជាពលរដ្ឋគោរពតាម។ សម្រាប់ប្រទេសមួយចំនួន ដែលមានការចម្លងខ្ពស់វិញ បានកំណត់ការពាក់ម៉ាសជាច្បាប់ត្រូវគោរពតាមជាដាច់ខាត។ គិតត្រឹមថ្ងៃទី ២៥ ខែកញ្ញាឆ្នាំ ២០២០នេះ កម្ពុជាមានអ្នកឆ្លងជំងឺកូវីដ១៩សរុបចំនួន ២៧៥ ករណី ក្នុងនោះមានការព្យាបាលជាសះស្បើយ ចំនួន ២៧៤ករណី ដោយសល់អ្នកជំងឺកំពុងសម្រាកព្យាបាលតែ ១ករណីប៉ុណ្ណោះ៕អត្ថបទ ៖ គឹមហុក

ពលរដ្ឋយល់ថា ការទទួលសិទ្ធិធ្វើនយោបាយ បង្ហាញពីសេរីភាពអ្នកនយោបាយកម្ពុជាកាន់តែល្អប្រសើរ

ភ្នំពេញ ៖ ប្រជាពលរដ្ឋគ្រប់មជ្ឈដ្ឋាន បានលើកឡើងថា ការទទួលសិទ្ធិធ្វើនយោបាយពីគ្រប់និន្នាការ បង្ហាញពីសេរីភាពអ្នកនយោបាយនៅកម្ពុជាកាន់តែល្អប្រសើរ បន្ទាប់ពីសមាជិកអតីតបក្សប្រឆាំងចំនួន១២រូប មានខ្លះ បានបង្កើតបក្សនយោបាយថ្មី និងខ្លះទៀតកំពុងស្វះស្វែងរកការគាំទ្រពីប្រជាពលរដ្ឋ។ក្រោយពីអតីតមន្ត្រីជាន់ខ្ពស់នៃអតីតបក្សប្រឆាំងចំនួន ១២ រូប ទទួលបានសិទ្ធធ្វើនយោបាយឡើងវិញ ប្រជាពលរដ្ឋ បានសាទរចំពោះការទទួលបានសម្បទានយោបាយរបស់មន្ត្រីជាន់ខ្ពស់អតីតបក្សប្រឆាំងទាំងនោះ ដែលការទទួលបានសិទ្ធិនេះ បង្ហាញថា រាជរដ្ឋាភិបាលនៅតែប្រកាន់ខ្ជាប់នូវគោលការណ៍លទ្ធិប្រជាធិបតេយ្យ និងវាក៏ជាជម្រើសសម្រាប់ប្រជាពលរដ្ឋក្នុងការសម្រេចជ្រើសរើសគណបក្សដែលខ្លួនពេញចិត្ត។ដោយឡែក លោក អ៊ូ ចន្ទរ័ត្ន អតីតមន្ត្រីជាន់ខ្ពស់បក្សប្រឆាំង ដែលទទួលសិទ្ធិសម្បទានយោបាយ បានឱ្យដឹងដែរថា បើទោះបីជាការទទួលសិទ្ធិសម្បទានយោបាយឡើងវិញរបស់លោកមានការរិះគន់ពីក្រុមប្រឆាំងក្តី ប៉ុន្តែលោកនឹងមិនបោះបង់ឡើយចំពោះឆន្ទៈចូលរួមប្រកួតប្រជែងការធ្វើនយោបាយតាមរយៈការបោះឆ្នោតដែលនឹងប្រព្រឹត្តនាពេលខាងមុខនោះ។បើគិតមកទល់ពេលនេះ អតីតមន្ត្រីនៃអតីតគណបក្សសង្គ្រោះជាតិដែលទទួលបានសិទ្ធិសម្បទានធ្វើនយោបាយឡើងវិញ ក្នុងចំណោមអ្នក ១១៨ រូប ដែលត្រូវបានបាត់បង់សិទ្ធិធ្វើនយោបាយកន្លងមកនោះ មានចំនួន១២រូប រួមមាន លោក គង់ គាំ លោក គង់ បូរ៉ា លោក រៀល ខេមរិន្ទ្រ លោក ជីវ កត្តា លោក កង គឹមហាក់ លោក អ៊ូ ច័ន្ទរ័ត្ន លោក ច័ន្ធ សិលា លោក ស៊ីម សុវណ្ណនី លោកស្រី ទេព សិទ្ធី លោក តាវ គឹមឈន លោក វ៉ា សាម៉ុន និងលោក សុន ឆ័យ៕អត្ថបទ ៖ សេក ឧត្តម

ទ័ពមួកខៀវកម្ពុជាមកពីប្រទេសម៉ាលី មានសុខភាពល្អធម្មតាទាំងអស់ ក្រោយធ្វើចត្តាឡីស័កបាន១២ថ្ងៃមកនេះ

ភ្នំពេញ ៖ នៅថ្ងៃទី២៥ ខែកញ្ញានេះ ឯកឧត្តម ឧបនាយករដ្ឋមន្ត្រី ប្រាក់ សុខុន រដ្ឋមន្ត្រីក្រសួងការបរទេស និងកិច្ចសហប្រតិបត្តិការអន្តរជាតិ និងជាប្រធានគណៈកម្មាធិការជាតិបញ្ជូនកងកម្លាំងរក្សាសន្តិភាព បានអញ្ជើញចុះត្រួតពិនិត្យស្ថានភាពសុខភាព និងនាំយកអំណោយម្ហូបអាហារជូនយោធាមួកខៀវដែលបានធ្វើកំពុងធ្វើចត្តាឡីស័ក នៅវិទ្យាស្ថានហ្វឹកហ្វឺនកម្លាំងរក្សាសន្តិភាព ស្រុកឧត្តុង្គ ខេត្តកំពង់ស្ពឺ។នៅក្នុងអំឡុងពេលជួបសំណេះសំណាលជាមួយកងទ័ពមួកខៀវ ឯកឧត្តម ឧបនាយករដ្ឋមន្ត្រី ប្រាក់ សុខុន មានប្រសាសន៍ថា មកដល់ថ្ងៃទី២៥ ខែកញ្ញា នេះ កងកម្លាំងទ័ពមួកខៀវបញ្ចប់បេសកកម្មរក្សាសន្តិភាព មកពីប្រទេសម៉ាលី គឺបានធ្វើចត្តាឡីស័ក បានចំនួន១២ថ្ងៃ ហើយនៅថ្ងៃនេះដែរ ក្រុមគ្រូពេទ្យចត្តាឡីស័ក ក៏បានអញ្ជើញមកយកសំណាក បងប្អូនទៅពិនិត្យជាលើកទី២ ហើយនៅសល់តែ២ថ្ងៃ ទៀតប៉ុណ្ណោះ រំពឹងថា បងប្អូននឹងទទួលបានលទ្ធផលល្អទាំងអស់គ្នា។ឯកឧត្តម ឧបនាយករដ្ឋមន្ត្រី បន្តថា ទោះយ៉ាងណាសម្រាប់បងប្អូនកងកម្លាំងមួកខៀវដែលនឹងចេញទៅផ្ទះនោះ គឺត្រូវបន្តធ្វើចត្តាឡីស័កនៅក្នុងផ្ទះចំនួន១៤ទៀត ដើម្បីបញ្ជាក់អោយច្បាស់ថា ខ្លួនពិតជាគ្មានករណីមេរោគCOVID-19 នៅក្នុងខ្លួន។ឯកឧត្តម ប្រាក់ សុខុន មានប្រសាសន៍ថា សម្រាប់ការស្នាក់នៅធ្វើចត្តាឡីស័កចំនួន១៤ថ្ងៃ ហើយនៅសល់តែ២ថ្ងៃទៀតនេះ គឺវាហាក់ដូចជា មានរយៈពេលយូរសម្រាប់បងប្អូន តែទោះយ៉ាងណា ឯកឧត្តម ក៏បានកោតសរសើរទឹកចិត្តកងកម្លាំងមួកខៀវ ដែលបានខិតខំស្វែងរកសន្តិភាពជូនពិភពលោក និងស្វែងរកស្នាដៃកិត្តិយសជូនដោយលំបាកនេះ។ ម្យ៉ាងទៀតសម្រាប់ការស្នាក់នៅនៅទីនេះ គឺយើងស្នាក់នៅក្នុងប្រទេសដែលមានសុខសន្តិភាព ហើយយើងមិនមានការភ័យខ្លាចដូចនៅក្នុងប្រទេសម៉ាលីនោះទេ ។ក្នុងពិធីសំណេះសំណាលនេះ ឯកឧត្តម ប្រាក់ សុខុន ក៏បានថ្លែងផងដែរថា ដោយសារអំឡុងពេលនេះ ពិភពលោក មានកើតករណីCOVID-19នេះ ដូចនេះ សម្រាប់ការបញ្ជូនកងកម្លាំងមួកខៀវកម្ពុជាក្រោយៗនេះទៀត យើងនឹងជ្រើសរើសយកតែកងយោធាវ័យក្មេង បញ្ជូនចូលរួមបំពេញបេសកកម្មរកសន្តិភាពនៅក្រៅប្រទេស។នាយឧត្តមសេនីយ៍ សែម សុវណ្ណនី អគ្គនាយកមជ្ឈមណ្ឌលជាតិគ្រប់គ្រងកម្លាំងរក្សាសន្តិភាព បានអោយដឹងដែរ កាលពីយប់ថ្ងៃទី១៣ ខែកញ្ញាកន្លងមកទៅនេះ កងយោធាមួកខៀវកម្ពុជា ដែលបានបញ្ចប់បេសកកម្មរក្សាសន្តិភាពអង្គការសហប្រជាជាតិនៅប្រទេសម៉ាលី ចំនួន១៣៩នាក់ ក្នុងនោះមាននារី១១នាក់ ផងដែរ បានធ្វើអញ្ជើញត្រឡប់មកដល់មាតុភូមិកម្ពុជា ហើយកាលពីអំឡុងពេលក្រុមគ្រូពេទ្យចត្តាឡីស័កក្រសួងសុខាភិបាល បានយកសំណាកលើកដំបូង បានពិនិត្យឃើញថា ពុំមានកងយោធាមួកខៀវណាម្នាក់មានករណីឆ្លងមេរោគCOVID-19 នោះទេ ហើយកងកម្លាំងទាំងអស់នេះក៏បានតម្រូវអោយធ្វើចត្តាឡីស័កចំនួន១៤ថ្ងៃ។ឯកឧត្តម សែម សុវណ្ណនី បន្តថា សម្រាប់ការងារធ្វើចត្តាឡីស័ក មជ្ឈមណ្ឌលជាតិបានរៀបចំបានបែងចែកអោយចំនួន៤៥នាក់ស្រីម្នាក់ ត្រូវបានរៀបចំអោយមកស្នាក់នៅអាគារចត្តាឡីស័ក នៅវិទ្យាស្ថានហ្វឹកហ្វឹកកម្លាំងរក្សាសន្តិភាព ស្រុកឧត្តុង្គ ខេត្តកំពង់ស្ពឺ និងកម្លាំង ចំនួន៩៤នាក់ ក្នុងនោះមានស្រីចំនួន១០រូប គឺបានបញ្ជូនទៅធ្វើចត្តាឡីស័ក នៅសាលាហ្វឹកហ្វឺនពហុសាសន៍ ACO ស្រុកភ្នំស្រួច ខេត្តកំពង់ស្ពឺ ។សូមបញ្ជាក់ថា នៅពេលបច្ចុប្បន្ននេះ កម្ពុជា មានកំលាំងទ័ពមួកខៀវកំពុងឈរជើងបំពេញបេសកកម្មរក្សាសន្តិភាពអង្គការសហប្រជាជាតិចំនួន៧៨៦នាក់ ក្នុងនារី៧៦នាក់ កំពុងបំពេញបេសកកម្មនៅតាមប្រទេសចំនួន៥រួមមាន ៖ ប្រទេសស៊ូដង់ ស៊ូដង់ខាងត្បូង លីបង់ អាហ្វ្រឹកកណ្តាល និងប្រទេសម៉ាលី ហើយបើតាមការបញ្ជាក់ពីនាយឧត្តម សែម សុវណ្ណនី មកដល់នេះ គ្រប់កងកម្លាំងមួកខៀវកម្ពុជាទាំងអស់ ដែលកំពុងបំពេញបេសកកម្មរក្សាសន្តិភាពនៅក្រៅប្រទេសនោះ ពុំមានអ្នកណាឆ្លងមេរោគ COVID-19 នៅតាមតំបន់បេសកកម្មនោះទេ៕អត្ថបទ ៖ ស៊ុម សុខជា

មន្ត្រីជាន់ខ្ពស់ក្រសួងអប់រំ ស្នើអាជ្ញាធរខេត្តបាត់ដំបង ជួយរៀបចំការប្រឡងបាក់ឌុបឱ្យទទួលបានជោគជ័យ

បាត់ដំបង៖ ឋិតក្នុងដំណាក់កាលបើកសាលារៀនឡើងវិញ ហើយគ្រោងរៀបចំឱ្យបេក្ខជនបានប្រឡងមធ្យម សិក្សាទុតិយភូមិ (បាក់ឌុប) នៅខែធ្នូ ឆ្នាំ២០២០ មន្ត្រីជាន់ខ្ពស់ក្រសួងអប់រំ បានស្នើអាជ្ញាធរខេត្តបាត់ដំបង គ្រប់លំដាប់ថ្នាក់ ឱ្យចូលរួមរៀបចំការប្រឡងនេះ ឱ្យទទួលបានជោគជ័យដូចរាល់ឆ្នាំ។ក្នុងពិធីផ្សព្វផ្សាយកម្មវិធីកំណែទម្រង់សាកលវិទ្យាល័យបាត់ដំបង នៅថ្ងៃទី២៥ ខែកញ្ញា នេះ ឯកឧត្ដម ស សុខា រដ្ឋលេខាធិការក្រសួងអប់រំ យុវជន និងកីឡា បានលើកឡើថា ការប្រឡងបាក់ឌុប នឹង ចាប់ផ្ដើមនៅថ្ងៃទី២១ ខែធ្នូ ឆ្នាំ២០២០។ ឯកឧត្ដម បានស្នើឱ្យរដ្ឋបាលខេត្ត និងអាជ្ញាធរខេត្ត ជាពិសេស កងកម្លាំងប្រដាប់អាវុធ ត្រៀមខ្លួនធ្វើការងារជាមួយក្រសួងអប់រំ ជួយសម្របសម្រួលការដឹកជញ្ជូនវិញ្ញាសា ពីភ្នំពេញទៅសាលាខេត្ត និងដឹកបន្តទៅតាមមណ្ឌល។ឯកឧត្ដមបន្តថា ដោយការប្រឡងនេះ ក្នុងមួយថ្នាក់មិនឲ្យមានបេក្ខជនលើស ២០នាក់ ដូច្នេះហើយសូមឲ្យគណៈគ្រប់គ្រងមណ្ឌល នៃការប្រឡងបាក់ឌុបនីមួយៗ ត្រូវមានការយកចិត្តទុកដាក់ ហើយកិច្ចការងារនេះ ក្រសួងអប់រំ នឹងមានកិច្ចប្រជុំជាមួយអគ្គស្នងការនគរបាលជាតិ ក្នុងការជួយសម្របសម្រួលរបស់កងកម្លាំង ហើយក៏ស្នើទៅអាជ្ញាធរខេត្ត ជួយចូលរួមសហការផងដែរ ។ឯកឧត្តម បានជំរុញឱ្យបេក្ខជន ដែលនឹងចូលរួមប្រឡងបាក់ឌុប នាពេលខាងមុខ ខិតខំរៀនសូត្រ បំប៉នសមត្ថភាពចំណេះដឹង ក្នុងការប្រឡងឱ្យបានជាប់គ្រប់គ្នា បើទោះបីកម្ពុជាជួបនឹងវិបត្តិកូវីដ១៩ដែរ នោះ។ពាក់ព័ន្ធនឹងការកំណែទម្រង់ នៅសាកលវិទ្យាល័យបាត់ដំបងវិញ ដែលជាសាលារបស់រដ្ឋ ឯក ឧត្តម ស សុខា បានជំរុញដល់គណៈគ្រប់គ្រងសាលា ត្រូវខិតខំធ្វើយ៉ាងណាឱ្យគ្រប់កម្មវិធីសិក្សា ឬការ រៀបចំរបស់សាលា ប្រកបដោយស្តង់ដារ ដែលមានការទទួលស្គាល់ទាំងថ្នាក់ជាតិ និងអន្តរជាតិ ដើម្បីឱ្យសាលាឋិតនៅជាយូរអង្វែង។ឯកឧត្តម សេង ផល្លី អនុប្រធានគណៈគ្រប់គ្រងសាកលវិទ្យាល័យបាត់ដំបង បានលើកឡើងថា ដើម្បីឱ្យសាកលវិទ្យាល័យនីមួយៗ អាចដំណើរការដោយរលូន និងប្រកបដោយប្រសិទ្ធភាព ទាមទារអនុ វត្តឱ្យបាននូវចំណុចមួយចំនួន ក្នុងនោះ គណៈគ្រប់គ្រង ត្រូវមានសាមគ្គីភាពគ្នា ត្រូវមានទំនាក់ទំនងកិច្ច សហប្រតិបត្តិការល្អជាមួយដៃគូ ទាំងថ្នាក់ជាតិ និងអន្តរជាតិ កម្មវិធីសិក្សាច្បាស់លាស់ ការរៀបចំកិច្ចប្រជុំ ឱ្យទៀងទាត់ រួមទាំងលើកយកចំណុចល្អៗរបស់មន្ត្រីក្រោមឱវាទ មកបំពេញបន្ថែមក្នុងចំណុចខ្វះខាត៕ អត្ថបទ៖ បាន សុខរិទ្ធ

បណ្ដាញសង្គម

ព័ត៌មានថ្មីៗ

ឯកឧត្តម ឌិត ទីណា ចូលរួមរំលែកទុក្ខវីរៈកងទ័ពដែលបានពលីជីវិតក្នុងបុព្វហេតុការពារដែនដី

[BREAKING NEWS] រដ្ឋមន្ត្រីការបរទេសម៉ាឡេស៊ី៖ សម្ដេចធិបតី ហ៊ុន ម៉ាណែត និងនាយករដ្ឋមន្ត្រីស្តីទីថៃ ជួបគ្នានៅប្រទេសម៉ាឡេស៊ីស្អែកនេះ

សម្តេចកិត្តិសង្គហបណ្ឌិត ម៉ែន សំអន អញ្ជើញគោរពវិញ្ញាណក្ខន្ធសពឧត្តមសេនីយ៍ឯក ដួង សំនៀង ដែលបានពលីជីវិតនៅលើសមរភូមិប្រយុទ្ធជាមួយទ័ពសៀមឈ្លានពាន ដែនអធិបតេយ្យភាពកម្ពុជា

រដ្ឋមន្រ្តីការងារចុះទទួលស្វាគមន៍ពលករខ្មែរ ដែលសម្រុកត្រឡប់មកពីប្រទេសថៃ នៅព្រំដែន

ក្រសួងអប់រំបើកកិច្ចប្រជុំពិនិត្យស្ថានភាពអប់រំតាមខេត្តជាប់ព្រំដែន និងការត្រៀមរៀបចំការប្រឡងសិស្សថ្នាក់បាក់ឌុប

ប៉ាគីស្ថាន ព្រមានពីភ្លៀងមូសុងបន្ថែមទៀតនៅសប្តាហ៍ក្រោយ ខណៈអ្នកស្លាប់ឡើងជាង ២៧០នាក់

បាតុកររាប់រយនាក់នៅឥណ្ឌូនេស៊ី គោះឆ្នាំងតវ៉ា ជុំវិញវិបត្តិអត់ឃ្លានកាន់តែខ្លាំងនៅតំបន់ហ្កាហ្សា

ក្រសួងការពារជាតិ នៅតែហួសចិត្តចំពោះភាគីថៃ បន្តចោទកម្ពុជាថា ជាអ្នកបង្កហេតុមុន ខណៈថៃខ្លួនឯង ជាចោរឈ្លានពានមកលើកម្ពុជាសោះ

ចំហេះព្រៃកំពុងគំរាមកំហែងទីក្រុងធំបំផុតទីបួនរបស់ទួរគី ខណៈអ្នកស្រុកសម្រុកជម្លៀសខ្លួនចេញ

ACCD អំពាវនាវដល់ពលរដ្ឋ និងអ្នកយកសារព័ត៌មាន កុំថត ចែករំលែក ឬបង្ហោះរូបភាព ឬវីដេអូទីតាំងឈរជើង ចល័តកងទ័ព ឬសកម្មភាពកងទ័ព

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

ឯកឧត្ដម ស សុខា ផ្ដល់អំណោយកូនឈើដាំតាមសាលា និងដាក់អំពូលភ្លើងតាមផ្លូវ នៅឃុំជ្រៃ

បទល្មើសនេសាទ នៅតែកើតច្រើន បើទោះបីឆ្នាំនេះទឹកទន្លេឡើងទាប និងមានការបង្ក្រាបជាប្រចាំក៏ដោយ

ពលរដ្ឋសហគមន៍ភូមិបេង បង្កើនមុខរបរតម្បាញនៅនឹងមូលដ្ឋាន ដើម្បីរកប្រាក់ចំណូលបន្ថែមក្នុងអំឡុងពេលជំងឺកូវីដ-១៩

សម្តេចក្រឡាហោម ស ខេង ដឹកនាំកិច្ចប្រជុំតាមរយៈវីដេអូខនហ្វើរិន ជាមួយក្រុមធុរកិច្ចអាមេរិក

ក្រសួងសុខាភិបាលក្រើនរម្លឹកពលរដ្ឋបន្តប្រុងប្រយ័ត្ន ខណៈកម្ពុជានៅតែមានហានិភ័យនៃការឆ្លងជំងឺកូវីដ-១៩

ពលរដ្ឋយល់ថា ការទទួលសិទ្ធិធ្វើនយោបាយ បង្ហាញពីសេរីភាពអ្នកនយោបាយកម្ពុជាកាន់តែល្អប្រសើរ

ទ័ពមួកខៀវកម្ពុជាមកពីប្រទេសម៉ាលី មានសុខភាពល្អធម្មតាទាំងអស់ ក្រោយធ្វើចត្តាឡីស័កបាន១២ថ្ងៃមកនេះ

មន្ត្រីជាន់ខ្ពស់ក្រសួងអប់រំ ស្នើអាជ្ញាធរខេត្តបាត់ដំបង ជួយរៀបចំការប្រឡងបាក់ឌុបឱ្យទទួលបានជោគជ័យ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

ឯកឧត្ដម ស សុខា ផ្ដល់​អំណោយ​កូនឈើ​ដាំ​តាម​សាលា និង​ដាក់​អំពូល​ភ្លើង​តាម​ផ្លូវ នៅ​ឃុំ​ជ្រៃ​

បទល្មើស​នេសាទ​ នៅតែ​កើត​ច្រើន បើ​ទោះបី​ឆ្នាំនេះ​ទឹកទន្លេ​ឡើង​ទាប និង​មានការ​បង្ក្រាប​ជាប្រចាំ​ក៏ដោយ​

សម្តេច​ក្រឡាហោម​ ស​ ខេង​ ដឹកនាំ​កិច្ចប្រជុំ​តាមរយៈ​វីដេ​អូ​ខន​ហ្វើ​រិ​ន ​ជាមួយ​ក្រុម​ធុរកិច្ច​អាមេរិក

ពលរដ្ឋ​យល់ថា ​ការទទួល​សិទ្ធិ​ធ្វើ​នយោបាយ ​បង្ហាញ​ពី​សេរីភាព​អ្នកនយោបាយ​កម្ពុជា​កាន់​តែ​ល្អប្រសើរ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

ឯកឧត្ដម ស សុខា ផ្ដល់អំណោយកូនឈើដាំតាមសាលា និងដាក់អំពូលភ្លើងតាមផ្លូវ នៅឃុំជ្រៃ

បទល្មើសនេសាទ នៅតែកើតច្រើន បើទោះបីឆ្នាំនេះទឹកទន្លេឡើងទាប និងមានការបង្ក្រាបជាប្រចាំក៏ដោយ

សម្តេចក្រឡាហោម ស ខេង ដឹកនាំកិច្ចប្រជុំតាមរយៈវីដេអូខនហ្វើរិន ជាមួយក្រុមធុរកិច្ចអាមេរិក

ពលរដ្ឋយល់ថា ការទទួលសិទ្ធិធ្វើនយោបាយ បង្ហាញពីសេរីភាពអ្នកនយោបាយកម្ពុជាកាន់តែល្អប្រសើរ