នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
លោកសាស្ត្រាចារ្យ Yang Jiemian៖ ការពង្រឹង និងពង្រីកកិច្ចសហប្រតិបត្តិការលើគ្រប់វិស័យ និងគ្រប់តួអង្គ ជាកត្តាគន្លឹះនៃទំនាក់ទំនងទ្វេភាគី ចិន-កម្ពុជា
មេបញ្ជាការរងកងទ័ពជើងគោកនៃសហព័ន្ធរុស្ស៊ី ប្ដេជ្ញាបន្តពូនជ្រំទំនាក់ទំនង និងកិច្ចសហប្រតិបត្តិការរវាងប្រទេសទាំងពីរ ឱ្យកាន់តែរឹងមាំ និងរីកចម្រើន
កម្ពុជា បារាំង ចង់បង្កើតនូវកិច្ចសហប្រតិបត្តិការ លើវិស័យសុខាភិបាល និងអាកាសចរស៊ីវិល បន្ថែមទៀត
សម្ដេចតេជោ៖ ទំនាក់ទំនងស្នូលកម្ពុជា-ជប៉ុន មិនអាចខ្វះបានឡើយ នូវផ្នែកសេដ្ឋកិច្ច ពាណិជ្ជកម្ម និងវិនិយោគ

នយោបាយ​ និង ការអភិវឌ្ឍន៍

ក្រុមយុវជនសង្គមស៊ីវិល អំពាវនាវដល់ក្រុមប្រឆាំងជ្រុលនិយមបញ្ឈប់យករូបលោកបណ្ឌិត កែម ឡី ដើម្បីកេងចំណេញនយោបាយ និងបំផ្លើសបំភ្លៃការពិត

2024/07/08 10:07:07 pm        190
Facebook Telegram Linkin
ភ្នំពេញ៖ លោក ហេង សំណាង ដែលជាអតីតកូនសិស្ស និងលោក ធូវី សុវណ្ណដារ៉ា ត្រូវ​ក្មួយ​បង្កើត​​លោក​បណ្ឌិត កែម ឡី និងជាប្រធានសមាគមយុវជនខ្មែរមហានគរ នៃបណ្ដុំអង្គការ​សង្គម​ស៊ីវិល​សាខា​ខេត្តតាកែវ បានអំពាវនាវដល់ក្រុមប្រឆាំងជ្រុលនិយម គណបក្សនយោបាយ អង្គការ​សង្គម​ស៊ីវិល និងសារព័ត៌មានបរទេសជាខេមរៈភាសាមួយចំនួន បញ្ឈប់​យក​គ្រប់​រូបភា​ពរ​បស់​លោក​បណ្ឌិត កែម ឡី ដើម្បីកេងចំណេញ នយោបាយ និងប្រើប្រាស់រូបភាព​ដើម្បី​បំផ្លើស​បំភ្លៃ​ការ​ពិត។ ក្រុមយុវជនបានអំពាវនាវនេះស្របពេលដែលខួប៨ឆ្នាំ នៃការស្លាប់របស់លោកបណ្ឌិត កែម ឡី ឈាន​ជិតមកដល់នៅថ្ងៃទី១០ ខែកក្កដា ឆ្នាំ២០២៤ ហើយមាន​ក្រុម​ប្រឆាំង​ជ្រុលនិ​យមមួ​យ​ចំនួន​កំពុងយករូបភាពលោកបណ្ឌិត ដើម្បីកេញចំណេញនយោបាយរបស់ពួកគេ។លោក ធូវី សុវណ្ណដារ៉ា បានអំពាវនាវ និងទទូចម្តង​ហើយ​ម្តង​ទៀត​ដល់​ក្រុម​ប្រឆាំង​ជ្រុលនិយម​សុំកុំយ​ក​រូបភាពលោកពូរបស់ខ្លួន គឺលោកបណ្ឌិត កែម ឡី និងក្រុមគ្រួសាររបស់​លោក​ដើម្បី​យក​ទៅ​ធ្វើ​ជា​ឈ្នាន់នយោបាយ និងដើម្បីកេងចំណេញនយោបាយ។ ជាពិសេសនាពេលបច្ចុប្បន្ននេះ លោក អាឡិចហ្សង់ដ្រូ ហ្គន់សាឡេស ដេវិនសុន មេក្លោងចលនា​ខុសច្បាប់​បាន​យករូបភា​ព​លោក​បណ្ឌិត កែម ឡី ដើម្បីយកទៅផ្សព្វផ្សាយក្នុងការកេងចំណេញ និងវាយប្រ​ហារ​មក​លើ​រាជរដ្ឋាភិបាល។ សារព័ត៌មាន ឌឹ ខេមបូឌាដេលី និងវិទ្យុអាស៊ីសេរី ដែលតែងតែ​យករូបភាព​លោក​បណ្ឌិត កែម ឡី យកទៅវាយប្រហារមកលើរាជរដ្ឋាភិបាល។លោក ធូវី សុវណ្ណដារ៉ា បានអះអាងថា៖«កន្លងមកលោកពូ កែម ឡី មិនដែលមាន​គំនិត​ទៅ​ប្រឆាំ​ង​ជាមួ​យរដ្ឋាភិបាលទេ ហើយក៏មិនដែលមានគំនិតផ្តួចផ្តើមក៏ដូចជាចង់ផ្តួលរំលំរដ្ឋាភិបាលដែរ។ ជាមួយគ្នានេះ ខ្ញុំសូមអរគុណសម្តេចអគ្គមហាសេនាបតីតេជោ ហ៊ុន សែន និងក្រុម​គ្រួសារ​ដែល​តែង​តែ​ឧបត្ថម្ភដល់ក្រុមគ្រួសាររបស់ខ្ញុំបាទក្នុងការធ្វើបុណ្យរម្លឹកខួបលោកពូ កែម ឡី កន្លងមកជា​រឿយ​ៗ និងបានឧបត្ថម្ភថវិកាជាច្រើនដើម្បីកសាងចេតីយបង្ហើយជូនលោកបណ្ឌិត កែម ឡី»។លោក ហេង សំណាង ជាកូនសិស្ស និងជាប្រធានក្រុមយុវជនសង្គមស៊ីវិល បានអំពាវនាវ​ទៅដ​ល់​គណបក្ស​នយោបាយក្រុមប្រឆាំងជ្រុលនិយម អង្គការសង្គមស៊ីវិល វិទ្យុអាស៊ីសេរី និងខេមបូឌា​ដេលី ដែលតែងតែយករូបភាពលោកបណ្ឌិត កែម ឡី និងក្រុមគ្រួសារ ដើម្បីកេងចំណេញ​នយោបាយ សូមបញ្ឈប់យករូបភាពលោកបណ្ឌិត កែម ឡី មកផ្សព្វផ្សាយចាប់ពីពេលនេះតទៅ។ឆ្លើយតបទៅនឹងក្រុមប្រឆាំងជ្រុលនិយមលោក ហេង សំណាង បានអះអាងថា លោកគ្រូបណ្ឌិត កែម ឡី មិនដែលលម្អៀតទៅគណបក្សនយោបាយណាមួយទេ គឺគាត់នៅកណ្តាល គាត់វិភាគ​បើក​វាំង​នននៃសង្គម ហើយក៏មិនដែលមានគំនិតនៅក្នុងការផ្តួចផ្តើមផ្តួលរំលំរដ្ឋាភិបាលនោះទេ ដែលពួកក្រុមប្រឆាំងតែងតែលើកឡើងកន្លងមកនោះជាពាក្យចចាមអារាម។លោកបញ្ជាក់ថា៖«ពិសេសការដាក់ការសន្និដ្ឋាន យើងខ្លាំងបំផុតក្រុមជនទី៣ជ្រុលនិយម ដែលធ្វើ​នយោបាយ (ស្វាស៊ីបាយ លាបមាត់ពពែ) ព្រោះជនទីបីជ្រុលនិយម គឺតែងតែឆ្លៀតឱកាស វាយ​ប្រហារដើម្បីគេហចំណេញនយោបាយរបស់ពួកគេ»។សូមជម្រាប​ថា លោកបណ្ឌិត កែម ឡី ត្រូវបានខ្មាន់កាំភ្លើងបាញ់សម្លាប់ នៅហាងស្តាម៉ាត​ក្នុង​ស្ថានីយ​ប្រេង ឥន្ធនៈកាល់តិច ជិតស្តុបបូកគោ កាលថ្ងៃទី១០ ខែកក្កដា ឆ្នាំ២០១៦។ ចំណែក​ឃាតករ​ត្រូវបានសមត្ថកិច្ចតាមចាប់បានភ្លាមៗ បន្ទាប់ពីបានព្យាយាមរត់គេចខ្លួន។ ឃាតករត្រូវ​បាន​តុលាការផ្តន្តាទោសដាក់ពន្ធនាគារអស់មួយជីវិត៕ 

អ្នកនយោបាយ៖ ក្រុមសកម្មជនបរិស្ថានដែលត្រូវផ្តន្ទាទោស គឺជាឈ្នាន់របស់ជនក្បត់ជាតិ​នៅក្រៅស្រុក

2024/07/08 10:02:08 pm        110
Facebook Telegram Linkin
អ្នកនយោបាយមួយចំនួននៅកម្ពុជា បានចាត់ទុក ការសម្រេចផ្តន្ទាទោសក្រុមសកម្មជនបរិស្ថាន គឺជាការអនុវត្តផ្លូវច្បាប់ត្រឹមត្រូវដោយសារពួកគេនោះជាឈ្នាន់របស់ជនក្បត់ជាតិបង្កើតព្រឹត្តិការណ៍​វិទ្ធង្សនា ដើម្បីវាយប្រហារលើរាជរដ្ឋាភិបាលតែប៉ុណ្ណោះ។ ថ្លែងប្រាប់ BTV នៅថ្ងៃទី៨ ខែកក្កដា ឆ្នាំ២០២៤ ស្រប​ពេល​គណបក្ស​នយោបាយ​មួយ​ចំនួន​បាន​ចេញ​សេចក្តី​ថ្លែងការណ៍គាំទ្រ និងថ្កោលទោសលើ​អំពើ​របស់​ក្រុម​សកម្មភាព​បរិស្ថាន​ដែល​ត្រូវ​សាលា​ដំបូង​រាជ​ធានីភ្នំពេញសម្រេចផ្តន្ទាទោសកាលពីថ្មីៗនេះ លោក អ៊ុន វិសិទ្ធគុន ប្រធាន​គណបក្ស​កម្លាំង​ប្រជាធិបតេយ្យ បានឱ្យដឹងថា ក្នុងនាមអ្នក​នយោបាយ​មួយ​រូប​ដែល​បាន​តាម​ដាន​ជុំវិញ​សំណុំ​រឿងនេះ បានចាត់ទុកសកម្មភាព​របស់​ក្រុម​សកម្មជន​បរិស្ថាន​ជា​ចេតនា​បង្កើត​ព្រឹត្តិការណ៍​វិទ្ធង្សនា ក្នុងការទាញយកមជ្ឈដ្ឋាន​ពី​បរទេស​ឱ្យ​ដាក់​សម្ពាធ​លើ​ការ​អនុវត្ត​របស់​តុលាការ​។ ប្រធានគណបក្ស​រូបនេះ បញ្ជាក់ថា ចេតនានៃការបង្កើតព្រឹត្តិការណ៍ទាំងអស់នេះ គឺសុទ្ធតែឈ្នាន់​របស់​ជន​ក្បត់ជាតិ៣ជំនាន់នៅពីក្រោយ ដើម្បីបោកប្រាស់ប្រជាពលរដ្ឋតែប៉ុណ្ណោះ។ជាមួយគ្នា លោក អ៊ុន ជឹម ប្រធានគណបក្សឯកភាពជាតិខ្មែរ លើកឡើងថា តាមរយៈ​ការ​ផ្តន្ទា​ទោស​ក្រុម​សកម្មជនបរិស្ថាននេះកំពុងត្រូវបានអ្នក​នយោបាយ​ក្បត់​ជាតិ​យក​ធ្វើ​ជា​ចំណី​នយោបាយ​របស់​ខ្លួន ដើម្បីធ្វើឱ្យប្រជាពលរដ្ឋលែងទុកចិត្តចំពោះអង្គព្រះមហាក្សត្រ និងផ្លូវច្បាប់​របស់​កម្ពុជា​។ សូមជម្រាបថា សាលាដំបូងរាជធានីភ្នំពេញកាលពីថ្ងៃទី២ ខែកក្កដា ឆ្នាំ២០២៤ បាន​ប្រកាស​សាល​ក្រមផ្តន្ទាទោសមេក្លោង និងសកម្មជនមាតាធម្មជាតិចំនួន ១០នាក់ ដាក់ពន្ធនាគារពី៦ឆ្នាំ ទៅ​៨ឆ្នាំ និងពិន័យជាប្រាក់ចំនួន ១០លានរៀល ពាក់ព័ន្ធការប្រមាថអង្គព្រះមហាក្សត្រ និង​រួម​គំនិតក្បត់។ ការសម្រេចផ្តន្ទាទោសលើក្រុមសកម្មជនបរិស្ថាននេះ ដោយសារកាលពីឆ្នាំ២០២១ ក្រុម​សកម្មជនមាតាធម្មជាតិ បានជាប់ចោទពីបទប្រមាថព្រះមហាក្សត្រ និងបទរួមគំនិតក្បត់ ក្រោយ​ពី​បែកធ្លាយវីដេអូកិច្ចប្រជុំមួយដែលពួកគេជជែកគ្នានាពេលនោះ៕ អត្ថបទ សេក ឧត្តម 

សម្ដេចធិបតី៖ ឆ្នាំ២០២៣ កម្ពុជាទទួលបានការវិនិយោគផ្ទាល់ពីបរទេសមានចំនួន ២៦៨ គម្រោង

2024/07/08 10:00:53 pm        80
Facebook Telegram Linkin
ក្នុងឱកាសអញ្ជើញជាអធិបតី ដ៏ខ្ពង់ខ្ពស់ វេទិកាធុរកិច្ចកម្ពុជា-បារាំង លើកទី២ នៅព្រឹកថ្ងៃទី៨ ខែ កក្កដា ឆ្នាំ២០២៤នេះ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា មានប្រសាសន៍ថា ឆ្នាំ២០២៣ កម្ពុជាទទួលបានការវិនិយោគផ្ទាល់ពីបរទេសមានចំនួន ២៦៨ គម្រោង និងគិតជាទឹកប្រាក់មានចំនួនជិតប្រាំពាន់លានដុល្លារ។ គម្រោងវិនិយោគនេះ បានបង្ហាញឱ្យឃើញថា កម្ពុជា គឺជាប្រទេសដែលមានការបោះទុនវិនិយោគផ្ទាល់ពីបរទេសច្រើនជាងគេ ក្នុងចំណោមប្រទេសអភិវឌ្ឍន៍តិចតួច។សម្ដេចធិបតី នាយករដ្ឋមន្រ្ដី មានប្រសាសន៍ថា នៅក្នុងបរិបទនៃភាពមិនប្រាកដប្រជាខ្ពស់ជាសកល ដែលកើតចេញពីការធ្លាក់ចុះសេដ្ឋកិច្ចសាកល, ការកើនឡើងនៃភាពតានតឹងផ្នែកភូមិសាស្រ្ដនយោបាយ និងពាណិជ្ជកម្ម ការប្រែប្រួលអាកាសធាតុ សង្គ្រាមនៅអ៊ុយក្រែន និងជម្លោះប្រដាប់អាវុធនៅមជ្ឈិមបូព៌ា សេដ្ឋកិច្ចកម្ពុជានៅតែមានភាពធន់ ដោយសម្រេចបានប្រមាណ អត្រាកំណើន ៥ភាគរយនៅឆ្នាំ ២០២៣ ជាមួយនឹងការព្យាករណ៍កំណើនសេដ្ឋកិច្ច ៦ភាគរយនៅឆ្នាំ ២០២៤នេះ។ សម្ដេច បញ្ជាក់ថា កន្លងសេដ្ឋកិច្ចដ៏រឹងមាំ និងមានភាពធន់នេះ បានជំរុញកម្ពុជាឱ្យក្លាយជាគោលដៅ​វិនិយោគដ៏លេចធ្លោមួយ ក្នុងចំណោមទីផ្សារដែលរីកលូតលាស់នៅតំបន់អាស៊ីអាគ្នេយ៍នៅ​ក្នុងទសវត្សរ៍​ចុងក្រោយនេះកម្ពុជាតែងតែស្ថិតនៅក្នុងប្រទេសអភិវឌ្ឍន៍​តិចតួច ដែលទទួល​បានការវិនិយោគផ្ទាល់ពីបរទេសច្រើនជាងគេ។ សូមជម្រាបថា បើតាម ក្រុមប្រឹក្សាអភិវឌ្ឍន៍​កម្ពុជា នៅឆមាសទី១ ឆ្នាំ២០២៤ កម្ពុជា​សម្រេច​បានសម្ទុះនៃរំហូរវិនិយោគផ្ទាល់ពីបរទេសកាន់តែខ្លាំង ​ដោយក្រុមប្រឹក្សាអភិវឌ្ឍន៍កម្ពុជា បានអនុម័ត​គម្រោងវិនិយោគសរុបចំនួន ១៩០ មានតម្លៃ ៣,២ ពាន់លានដុល្លារអាមេរិក៕ អត្ថបទ៖ វ៉ន ដារ៉ា

កូរ៉េខាងត្បូង នឹងពិភាក្សាពីការគំរាមកំហែងរបស់កូរ៉េខាងជើង ចំពោះអឺរ៉ុប នៅក្នុងកិច្ចប្រជុំ NATO

2024/07/08 08:51:33 pm        72
Facebook Telegram Linkin
ប្រធានាធិបតីកូរ៉េខាងត្បូង លោក យ៉ូន សុកយ៉ុល (Yoon Suk Yeol) បាននិយាយក្នុងបទសម្ភាសន៍ជាមួយសារព័ត៌មានរ៉យទ័រថា លោកនឹងពិភាក្សាជាមួយបណ្ដាមេដឹកនាំណាតូ (NATO) អំពីការគំរាមកំហែងដោយឡែកពីគ្នា ដែលកូរ៉េខាងជើងបង្កឡើងចំពោះអឺរ៉ុប ដោយការធ្វើឱ្យទំនាក់ទំនងយោធាកាន់តែស៊ីជម្រៅជាមួយរុស្ស៊ី ដោយព្រមានថាទីក្រុងមូស្គូ ត្រូវតែធ្វើការជ្រើសរើសរវាងកូរ៉េទាំងពីរ ជាទីដែលផលប្រយោជន៍ពិតរបស់ខ្លួនស្ថិតនៅ។លោក Yoon បាននិយាយថា នោះ «ពឹងផ្អែកទាំងស្រុង» លើរុស្ស៊ី ដែលថាខ្លួនចង់មានទំនាក់ទំនងនាពេលអនាគតជាមួយកូរ៉េខាងត្បូងឬទេ ដោយបន្ថែមថា ទីក្រុងសេអ៊ូល នឹងធ្វើការសម្រេចចិត្តលើការគាំទ្រអាវុធសម្រាប់អ៊ុយក្រែន ដោយផ្អែកលើមធ្យោបាយដែលកិច្ចព្រមព្រៀងយោធាថ្មីរវាងទីក្រុងមូស្គូ និងទីក្រុងព្យុងយ៉ាង ដំណើរការ។លោក Yoon បានប្រាប់រ៉យទ័រថា «កិច្ចសហប្រតិបត្តិការយោធារវាងរុស្ស៊ី និងកូរ៉េខាងជើង បង្កការគំរាមកំហែងដោយឡែក និងបញ្ហាប្រឈមយ៉ាងធ្ងន់ធ្ងរចំពោះសន្តិភាព និងសន្តិសុខនៅឧបទ្វីបកូរ៉េ និងនៅអឺរ៉ុប»។ ការលើកឡើងនេះបានធ្វើឡើងនៅក្នុងការឆ្លើយតបជាលាយលក្ខណ៍អក្សរចំពោះសំណួររបស់រ៉យទ័រ នៅមុនដំណើរទស្សនកិច្ចទៅកាន់ទីក្រុងវ៉ាស៊ីនតោន សម្រាប់កិច្ចប្រជុំកំពូលអង្គការណាតូ ដែលធ្វើឡើងនៅថ្ងៃទី០៩ ទី១០ និងទី១១ ខែកក្កដា។លោក Yoon ដែលបានក្លាយជាមេដឹកនាំកូរ៉េខាងត្បូងដំបូងគេដែលចូលរួមក្នុងកិច្ចប្រជុំកំពូលរបស់អង្គការណាតូក្នុងឆ្នាំ២០២២ បានចាកចេញនៅថ្ងៃចន្ទ (០៨ កក្កដា) នេះសម្រាប់កិច្ចពិភាក្សានៅទីក្រុងវ៉ាស៊ីនតោន ដោយនោះជាលើកទីបីរបស់លោកដែលចូលរួមក្នុងកិច្ចប្រជុំបែបនេះ។ រុស្ស៊ី បានហៅកូរ៉េខាងត្បូង ថាជា «ប្រទេសគួរឱ្យរាប់អានបំផុត» ខណៈលោកប្រធានាធិបតី វ្ល៉ាឌីមៀ ពូទីន (Vladimir Putin) បានព្រមានថា កូរ៉េខាងត្បូងនឹងធ្វើ «កំហុសដ៏ឆ្គងធំ» ប្រសិនបើខ្លួនសម្រេចចិត្តផ្គត់ផ្គង់អាវុធដល់អ៊ុយក្រែន៕

សម្ព័ន្ធមិត្តរបស់បារាំង ធូរចិត្តដែលក្រុមស្ដាំនិយមជ្រុលចាញ់ឆ្នោត ប៉ុន្តែបារម្ភពីភាពវឹកវរនយោបាយ

2024/07/08 08:05:05 pm        89
Facebook Telegram Linkin
សម្ព័ន្ធមិត្តជាច្រើនរបស់ប្រទេសបារាំង សម្ដែងក្ដីត្រេកអរដែលរឿងអាក្រក់បំផុតត្រូវបានបញ្ចៀស នៅពេលដែលក្រុមស្តាំនិយមជ្រុលរបស់លោកស្រី ម៉ារីន ឡឺប៉ែន (Marine Le Pen) បរាជ័យក្នុងការឈ្នះការបោះឆ្នោតសភាជុំទីពីរកាលពីថ្ងៃអាទិត្យ (០៧ កក្កដា) ប៉ុន្តែពួកគេបារម្ភថា សម្ព័ន្ធភាពដ៏រញ៉េរញ៉ៃនៅក្នុងសភាបារាំង អាចបង្ករឿងឈឺក្បាលសម្រាប់អឺរ៉ុប។គណបក្ស រួបរួមកម្លាំងជាតិ (RN) របស់លោកស្រី ឡឺប៉ែន បានឈរនៅលេខរៀងទីមួយឈ្មោះបោះឆ្នោតជុំទីមួយ ដោយបង្កើនហានិភ័យថាអាចមានរដ្ឋាភិបាលស្តាំនិយមជ្រុលដំបូងរបស់បារាំង ចាប់តាំងពីសង្គ្រាមលោកលើកទីពីរ និងការគម្រាមកំហែងលើគោលនយោបាយសេដ្ឋកិច្ច និងការបរទេសនៅក្នុងប្រទេសសេដ្ឋកិច្ចធំបំផុតទីពីររបស់តំបន់ចាយប្រាក់អឺរ៉ូមួយនេះ។ជាពិសេស សម្ព័ន្ធមិត្តរបស់អ៊ុយក្រែនបារម្ភថា រដ្ឋាភិបាលដឹកនាំដោយលោកស្រី ឡឺប៉ែន អាចនឹងងាកលើខាងទីក្រុងមូស្គូ និងកាត់បន្ថយការផ្តល់ជំនួយផ្នែកយោធា ដែលទីក្រុងគីវ ពឹងផ្អែកចាប់តាំងពីប្រតិបត្តិការយោធារបស់រុស្ស៊ី ក្នុងឆ្នាំ២០២២ ទោះបីជាបក្សលោកស្រី ឡឺប៉ែន បាននិយាយថា រុស្ស៊ីគឺជាការគំរាមកំហែងក៏ដោយ។ ប្រតិកម្មដំបូងៗជាច្រើនពីក្រៅប្រទេសដូចជា ប៉ូឡូញ អាល្លឺម៉ង់ អេស្ប៉ាញ និងប្រទេសសម្ព័ន្ធមិត្តផ្សេងទៀតជាច្រើនបានត្រេកអរ ដែលការគំរាមកំហែងភ្លាមៗរបស់រដ្ឋាភិបាលស្តាំនិយមជ្រុលត្រូវបានលុបបំបាត់។ ការបរាជ័យរបស់បក្ស រួបរួមកម្លាំងជាតិ បង្ហាញថាយ៉ាងហោចណាស់មានការរុញច្រានជាបណ្តោះអាសន្នប្រឆាំងនឹងកំណើនក្រុមស្តាំនិយមជ្រុលនៅអឺរ៉ុប ប៉ុន្តែក៏បង្ហាញពីរយៈពេលនៃអស្ថិរភាពជាមួយរដ្ឋាភិបាលថ្មីនៅក្នុង «ការរួមរស់ជាមួយគ្នា» ដែលមិនងាយស្រួល សម្រាប់លោកប្រធានាធិបតី អ៊ីម៉ានុយអែល ម៉ាក្រុង (Emmanuel Macron)៕

នាយករដ្ឋមន្ត្រីឥណ្ឌា ធ្វើទស្សនកិច្ចលើកដំបូងទៅរុស្ស៊ី ចាប់តាំងពីសង្គ្រាមអ៊ុយក្រែន ចាប់ផ្ដើម

2024/07/08 08:00:42 pm        93
Facebook Telegram Linkin
នាយករដ្ឋមន្ត្រីឥណ្ឌា លោក ណារិន្រ្ទៈ ម៉ូឌី (Narendra Modi) ចាប់ផ្តើមដំណើរទស្សនកិច្ចរយៈពេលពីរថ្ងៃទៅកាន់ប្រទេសរុស្ស៊ី នៅថ្ងៃចន្ទ (០៨ កក្កដា) នេះ ដែលជាលើកទីមួយរបស់លោកចាប់តាំងពីទីក្រុងមូស្គូ បានចាប់ផ្តើមប្រតិបត្តិការយោធានៅអ៊ុយក្រែន ដែលជាសង្រ្គាមមួយដែលធ្វើឱ្យទំនាក់ទំនងរវាងសម្ព័ន្ធមិត្តមានភាពស្មុគស្មាញ និងបានរុញច្រានរុស្ស៊ី ឱ្យកាន់តែជិតស្និទ្ធជាមួយគូប្រជែងរបស់ឥណ្ឌា គឺប្រទេសចិន។ដំណើរទស្សនកិច្ចរបស់លោក ម៉ូឌី នឹងរួមបញ្ចូលការជួបជាមួយលោកប្រធានាធិបតី វ្ល៉ាឌីមៀ ពូទីន (Vladimir Putin) ដែលលោកបានជួបចុងក្រោយនៅរុស្ស៊ី ក្នុងឆ្នាំ២០១៩ នៅក្រុងកំពង់ផែចុងបូព៌ា វ្ល៉ាឌីវ៉ូស្តុក (Vladivostok)។ មេដឹកនាំទាំងពីរក៏បានជួបផ្ទាល់នៅខែកញ្ញា ឆ្នាំ២០២២ នៅប្រទេសអ៊ូសបេគីស្ថាន ក្នុងកិច្ចប្រជុំកំពូលនៃប្លុកអង្គការសហប្រតិបត្តិការសៀងហៃ (SCO)។រុស្ស៊ី មានទំនាក់ទំនងរឹងមាំជាមួយឥណ្ឌា តាំងពីសង្គ្រាមត្រជាក់មក ហើយសារៈសំខាន់របស់ទីក្រុងញូវដែលី ក្នុងភាពជាដៃគូពាណិជ្ជកម្មដ៏សំខាន់សម្រាប់ទីក្រុងមូស្គូ បានរីកចម្រើនចាប់តាំងពីវិមានក្រឹមឡាំង បានបញ្ជូនកងទ័ពចូលអ៊ុយក្រែន ក្នុងឆ្នាំ២០២២ មក។ ក្រោមការដឹកនាំរបស់លោក ម៉ូឌី ឥណ្ឌាបានជៀសវាងការថ្កោលទោសសង្គ្រាមរបស់រុស្ស៊ីនៅអ៊ុយក្រែន ខណៈដែលសង្កត់ធ្ងន់លើតម្រូវការសម្រាប់ការដោះស្រាយដោយសន្តិវិធី។ភាពជាដៃគូរវាងទីក្រុងមូស្គូ និងទីក្រុងញូវដេលី កាន់តែមានភាពស្រពិចស្រពិល ចាប់តាំងពីរុស្ស៊ី ចាប់ផ្តើមបង្កើតទំនាក់ទំនងកាន់តែជិតស្និទ្ធជាមួយគូប្រជែងសំខាន់របស់ឥណ្ឌា គឺចិន ដោយសារតែអរិភាពនៅអ៊ុយក្រែន៕

លោក Zelenskyy សង្ឃឹមថា មេដឹកនាំណាតូ នឹងព្រមព្រៀងលើជំនួយបន្ថែមទៀតសម្រាប់អ៊ុយក្រែន

2024/07/08 06:36:35 pm        120
Facebook Telegram Linkin
ប្រធានាធិបតីអ៊ុយក្រែន លោក Volodymyr Zelenskyy បានបង្ហាញក្តីសង្ឃឹមថា មេដឹកនាំសម្ព័ន្ធយោធាណាតូ នឹងព្រមព្រៀងដើម្បីជំរុញជំនួយដល់ប្រទេសរបស់លោក ខណៈកងកម្លាំងរុស្ស៊ីកំពុងបង្កើនការវាយលុករបស់ខ្លួននៅភាគខាងកើតអ៊ុយក្រែន។កិច្ចប្រជុំកំពូលរបស់សម្ព័ន្ធយោធាណាតូ នឹងបើកនៅទីក្រុងវ៉ាស៊ីនតោន នៅថ្ងៃអង្គារស្អែកនេះ។លោក Zelenskyy បាននិយាយនៅក្នុងការបង្ហោះលើបណ្តាញផ្សព្វផ្សាយសង្គម ថា ដើម្បីការពារទីក្រុងនានា និងភូមិទាំងអស់របស់យើង និងដើម្បីយកឈ្នះពិតប្រាកដលើភេរវកររុស្ស៊ី យើងត្រូវការ ការសម្រេចចិត្តច្បាស់លាស់បន្ថែមទៀត។ ជាមួយគ្នានេះ ក្រសួងការពារជាតិរុស្ស៊ី បាននិយាយនៅក្នុងសេចក្តីថ្លែងការណ៍កាលពីថ្ងៃអាទិត្យ ថា កងកម្លាំងរបស់ខ្លួនបានដណ្តើមកាន់កាប់ភូមិមួយនៅតំបន់ Donetsk ភាគខាងកើតរបស់អ៊ុយក្រែន។ ក្រសួងនិយាយថា កងកម្លាំងដណ្តើមបានទីតាំងយុទ្ធសាស្ត្ររបស់ពួកគេ ជាលទ្ធផលនៃប្រតិបត្តិការដ៍សកម្ម។កងកម្លាំងអ៊ុយក្រែន បានប្រកាសថា ពួកគេបានបាញ់ទម្លាក់យន្តហោះចម្បាំង Su-25 របស់រុស្ស៊ីនៅលើសមរភូមិ Pokrovsk ក្នុងតំបន់ Donetsk។ការយកចិត្តទុកដាក់ ត្រូវបានផ្តោតទៅលើថាតើជំនួយចំនួនប៉ុន្មាន ដែលមេដឹកនាំសម្ព័ន្ធយោធាណាតូ នឹងអាចផ្តល់ឲ្យ ខណៈលោក Zelenskyy បានបញ្ជាក់លើតម្រូវការសម្រាប់ការគាំទ្រក្នុងការទទួលបានមីស៊ីលរយៈចម្ងាយឆ្ងាយ និងការពង្រឹងប្រព័ន្ធការពារដែនអាកាស។

ហ្វីលីពីន និងជប៉ុន ចុះហត្ថលេខាលើកិច្ចសន្យាការពារជាតិ ដោយសម្លឹងមើលការទប់ទល់ចិន

2024/07/08 06:28:35 pm        99
Facebook Telegram Linkin
មន្រ្តីម្នាក់បាននិយាយនៅថ្ងៃចន្ទ (០៨ កក្កដា) នេះថា ប្រទេសហ្វីលីពីន និងជប៉ុន បានចុះហត្ថលេខាលើកិច្ចព្រមព្រៀងចូលដំណើរការទៅវិញទៅមក (RAA) ដែលអនុញ្ញាតឱ្យពួកគេដាក់ពង្រាយកម្លាំងនៅលើដីរបស់គ្នាទៅមក ដែលជាជំហានដ៏សំខាន់ក្នុងទំនាក់ទំនងសន្តិសុខរបស់ភាគីទាំងពីរ ដោយសម្លឹងរកមើលការទប់ទល់ឥទ្ធិពលចិន ស្របពេលមានភាពតានតឹងកើនឡើងនៅក្នុងឥណ្ឌូប៉ាស៊ីហ្វិក ។រដ្ឋមន្ត្រីក្រសួងការពារជាតិហ្វីលីពីន លោក ហ្គីលប៊ឺតតូ តេអូដូរ៉ូ (Gilberto Teodoro) និងរដ្ឋមន្ត្រីការបរទេសជប៉ុន លោកស្រី យ៉ូកូ កាមីកាវ៉ា (Yoko Kamikawa) បានចុះហត្ថលេខាលើកិច្ចព្រមព្រៀងនៅក្នុងពិធីមួយនៅទីក្រុងម៉ានីល ដោយមានការចូលរួមពីប្រធានាធិបតីហ្វីលីពីន លោក ហ្វឺឌីណាន ម៉ាកូស ជូនៀ (Ferdinand Marcos Jr) នេះបើតាមលេខាធិការទំនាក់ទំនងប្រធានាធិបតីបាននិយាយនៅក្នុងសារមួយ។កិច្ចព្រមព្រៀងនេះបង្កើតក្របខ័ណ្ឌមួយដើម្បីជួយសម្រួលដល់កិច្ចសហប្រតិបត្តិការយោធា ដូចជាធ្វើឱ្យការចូលក្នុងប្រទេសរបស់បុគ្គលិកបរទេស និងគ្រឿងយុទ្ធោបករណ៍កាន់តែងាយស្រួលសម្រាប់កងកម្លាំងបំពេញទស្សនកិច្ច។ ក្រុមមន្ត្រីនិយាយថា កិច្ចព្រមព្រៀង ដែលជាប្រភេទដំបូងដែលត្រូវបានចុះហត្ថលេខាដោយប្រទេសជប៉ុននៅអាស៊ីនេះ នឹងចូលជាធរមានបន្ទាប់ពីការផ្តល់សច្ចាប័នដោយសភានៃប្រទេសទាំងពីរ។វត្តមានយោធាជប៉ុន នៅហ្វីលីពីន អាចជួយទីក្រុងម៉ានីល ទប់ទល់នឹងឥទ្ធិពលរបស់ចិន នៅសមុទ្រចិនខាងត្បូង ជាទីដែលការទាមទារដែនសមុទ្រដ៏ធំទូលាយរបស់ទីក្រុងប៉េកាំង មានជម្លោះជាមួយប្រទេសមួយចំនួននៅអាស៊ីអាគ្នេយ៍។ ទាំងហ្វីលីពីន និងជប៉ុន ដែលជាសម្ព័ន្ធមិត្តអាស៊ីដ៏ជិតស្និទ្ធបំផុតរបស់អាមេរិក បានប្រកាន់ខ្ជាប់នូវជំហរដ៏រឹងមាំប្រឆាំងនឹងអ្វីដែលពួកគេមើលឃើញថាជាសកម្មភាពដ៏កម្រោលរបស់នាវាចិន ស្របពេលមានជម្លោះលើអធិបតេយ្យភាពដែនសមុទ្រ៕

នាយករដ្ឋមន្ត្រីបារាំង ប្តេជ្ញាលាលែងពីតំណែង ក្រោយរងបរាជ័យក្នុងការបោះឆ្នោតសភា

2024/07/08 06:24:30 pm        153
Facebook Telegram Linkin
នាយករដ្ឋមន្ត្រីបារាំង លោក ហ្កាប្រ៊ីយែល អាតាល់ (Gabriel Attal) បានប្រកាសកាលពីយប់ថ្ងៃអាទិត្យ (០៨ កក្កដា) ថាលោកនឹងដាក់សំណើលាលែងពីតំណែងទៅកាន់ប្រធានាធិបតីបារាំង លោក អ៊ីម៉ានុយអែល ម៉ាក្រុង (Emmanuel Macron) នៅថ្ងៃចន្ទ (០៨ កក្កដា) នេះ បន្ទាប់ពីការបរាជ័យនៃក្រុមចម្រុះកណ្តាលនិយមរបស់លោក ម៉ាក្រុង ក្នុងការបោះឆ្នោតនីតិបញ្ញត្តិ (សភា) ដោយបន្ថែមថាលោកនឹងបន្តបំពេញភារកិច្ចរបស់ខ្លួនប្រសិនបើចាំបាច់។លោក អាតាល់ បាននិយាយនៅក្នុងសុន្ទរកថាតាមទូរទស្សន៍ថា «ជាការស្មោះត្រង់ចំពោះក្រុមនយោបាយដែលខ្ញុំតំណាងនៅក្នុងយុទ្ធនាការនេះ និងស្របតាមគោលការណ៍របស់ខ្ញុំ ខ្ញុំនឹងដាក់លិខិតលាលែងពីតំណែងនៅព្រឹកស្អែកទៅកាន់លោកប្រធានាធិបតី»។ដោយនិយាយថាប្រជាជនបារាំង អាចរងឥទ្ធិពលពី «ភាពមិនប្រាកដប្រជា» អំពីអនាគត បន្ទាប់ពីលទ្ធផលនៃការបោះឆ្នោតនីតិបញ្ញត្តិនោះ លោក អាតាល់ បានសង្កត់ធ្ងន់ថាលោកនឹងនៅតែកាន់តួនាទីរបស់ខ្លួនជានាយករដ្ឋមន្ត្រី ដរាបណាមានការតម្រូវឱ្យលោកនៅបន្ត ដោយសារបារាំង នឹងត្រូវរៀបចំការប្រកួតកីឡាអូឡាំពិកក្នុងរយៈពេលបីសប្តាហ៍។ ទោះបីជាលោក អាតាល់ បញ្ជូនការលាលែងពីតំណែងទៅលោក ម៉ាក្រុង ក៏ដោយ ក៏សំណើនោះមិនចាំបាច់ត្រូវបានទទួលយកភ្លាមៗនោះទេ។លោក អាតាល់ បានធ្វើអត្ថាធិប្បាយបែបនេះបន្ទាប់ពីក្រុមចម្រុះរណសិរ្សប្រជាប្រិយថ្មី (NFP) ឆ្វេងនិយម របស់បារាំង បានឈ្នះអាសនៈច្រើនជាងគេក្នុងការបោះឆ្នោតសភាជុំទីពីរ ក្នុងការឈ្នះដែលមិននឹកស្មានដល់ លើសក្រុមស្ដាំនិយមជ្រុល ប៉ុន្តែខ្វះសំឡេងភាគច្រើនដាច់ខាតនៅក្នុងសភា៕

សមាជិកសភា៖ ប្រធានាធិបតីជាប់ឆ្នោតថ្មីរបស់អ៊ីរ៉ង់ នឹងចូលកាន់តំណែងនៅដើមខែសីហា

2024/07/08 06:18:31 pm        105
Facebook Telegram Linkin
យោងតាមសមាជិកសភាជាន់ខ្ពស់អ៊ីរ៉ង់ ដែលត្រូវបានដកស្រង់សម្ដីដោយទីភ្នាក់ងារព័ត៌មានផ្លូវការ IRNA កាលពីថ្ងៃអាទិត្យ (០៧ កក្កដា) បានឱ្យដឹងថា ប្រធានាធិបតីជាប់ឆ្នោតថ្មីរបស់អ៊ីរ៉ង់ លោក ម៉ាស៊ូដ ប៉េហ្សេស្គីអាន (Masoud Pezeshkian) គ្រោងនឹងចូលកាន់តំណែងនៅដើមខែសីហា ខាងមុខនេះ។ លោក ម៉ូចតាបា យូសេហ្វី (Mojtaba Yousefi) សមាជិកនៃគណៈប្រធានសភាអ៊ីរ៉ង់ បានគូសបញ្ជាក់ពីកាលវិភាគនៃស្ថាប័ននីតិប្បញ្ញត្តិសម្រាប់ការបញ្ជាក់លើសមាជិកគណៈរដ្ឋមន្ត្រីដែលបានស្នើឡើងដោយលោក ប៉េហ្សេស្គីអាន នៅក្នុងបទសម្ភាសន៍នោះ ។លោកបានបញ្ជាក់ថា ពិធីឡើងកាន់តំណែងត្រូវបានគ្រោងធ្វើនៅថ្ងៃទី០៤ ឬទី០៥ ខែសីហា បន្ទាប់ពីនោះលោក ប៉េហ្សេស្គីអាន នឹងមានពេល ១៥ ថ្ងៃដើម្បីដាក់បញ្ជីរដ្ឋមន្ត្រីដែលបានស្នើឡើងរបស់លោកសម្រាប់ការអនុម័តពីសភា។ លោក យូសេហ្វី បានសង្កត់ធ្ងន់ថា នៅថ្ងៃទី២១ ខែកក្កដា សភានឹងបើកការពិភាក្សា និងបោះឆ្នោតលើការលាលែងពីតំណែងរបស់លោក ប៉េហ្សេស្គីអាន ពីមុខតំណែងបច្ចុប្បន្នជាតំណាងរាស្រ្តនៅទីក្រុងតេអេរ៉ង់។លោក ប៉េហ្សេស្គីអាន ដែលជាអ្នកនយោបាយកែទម្រង់ និងជាអតីតរដ្ឋមន្ត្រីសុខាភិបាល ត្រូវបានប្រកាសជាប្រធានាធិបតីបន្ទាប់របស់អ៊ីរ៉ង់ កាលពីថ្ងៃសៅរ៍ បន្ទាប់ពីជ័យជម្នះការបោះឆ្នោតជុំទី២ ប្រឆាំងនឹងមេដឹកនាំប្រកាន់ជំហរតឹង លោក សៃអ៊ីត ចាលីលី (Saeed Jalili) ដែលជាអតីតប្រធានក្រុមចរចាក្នុងកិច្ចចរចានុយក្លេអ៊ែរអ៊ីរ៉ង់ ជាមួយមហាអំណាចពិភពលោក។ លោក ប៉េហ្សេស្គីអាន ទទួលបានការគាំទ្រជាង ១៦ លានសំឡេង ធៀបនឹងចំនួនជាង ១៣ លានសំឡេងរបស់លោក ចាលីលី។លោក ប៉េហ្សេស្គីអាន វ័យ ៦៩ ឆ្នាំគឺជាគ្រូពេទ្យវះកាត់បេះដូង ហើយបច្ចុប្បន្នជាតំណាងរាស្រ្តក្នុងសភារបស់ប្រទេស។ លោកគឺជាអនុប្រធានទីមួយរបស់សភាពីឆ្នាំ២០១៦ ដល់ឆ្នាំ២០២០ និងជារដ្ឋមន្ត្រីសុខាភិបាលចន្លោះឆ្នាំ២០០១ និងឆ្នាំ២០០៥ ក្នុងរដ្ឋាភិបាលរបស់អតីតប្រធានាធិបតីអ៊ីរ៉ង់ ម៉ូហាម៉ាដ ខាតាមី (Mohammad Khatami)៕

បណ្ដាញសង្គម

ព័ត៌មានថ្មីៗ

អ៊ីរ៉ង់៖ ខ្លួននឹងមិនបោះបង់ចោលការគ្រប់គ្រងនៅច្រកសមុទ្រ Hormuz ឡើយ
10/31/2026 10:10 AM
Facebook Telegram Linkin
កងទ័ពប៉ាគីស្ថានមានសុទិដ្ឋិនិយមយ៉ាងប្រុងប្រយ័ត្នចំពោះកិច្ចខិតខំសម្របសម្រួលរវាងអាមេរិកនិងអ៊ីរ៉ង់
10/31/2026 09:10 AM
Facebook Telegram Linkin
ប្រធានក្រុមការងារទទួលបន្ទុកជួសជុល និងសាងសង់ឡើងវិញអគារសិក្សាអំណោយសម្ដេចតេជោ បន្តដឹកនាំក្រុមការងារចុះពិនិត្យ និងវាយតម្លៃស្ថានភាពអគារសិក្សាចំនួន ៦ ទីតាំង ក្នុងក្រុងកែប និងស្រុកដំណាក់ចង្អើរ ខេត្តកែប
10/30/2026 08:10 PM
Facebook Telegram Linkin
វត្ថុសិល្បៈចំនួន ១៨ អាយុប្រមាណ ១ពាន់ឆ្នាំ នឹងត្រូវប្រគល់ត្រឡប់មកកម្ពុជាវិញ ពី ចក្រភពអង់គ្លេស
10/30/2026 08:10 PM
Facebook Telegram Linkin
ក្រសួងអប់រំ បើកវេទិកាជាតិលើកទី៣ ស្តីពីការសិក្សាពេញមួយជីវិត ឆ្នាំ២០២៦
10/30/2026 07:10 PM
Facebook Telegram Linkin
ភ្លៀងធ្លាក់ខ្លាំងបង្កជាទឺកជំនន់ដ៏គំហក់នៅតំបន់ភាគខាងជើង និងខាងកើតស៊ីរី សម្លាប់មនុស្ស ៥នាក់ និងមនុស្ស ៥នាក់ផ្សេងទៀតបាត់ខ្លួន
10/30/2026 07:10 PM
Facebook Telegram Linkin
ប្រធានាធិបតី៖ ចិន និងអាល្លឺម៉ង់ គួររួមគ្នាលើក​បន្ត​កម្ពស់​សណ្តាប់ធ្នាប់អន្តរជាតិ
10/30/2026 07:10 PM
Facebook Telegram Linkin
អ៊ីស្រាអែលវាយប្រហារតំបន់ហ្កាហ្សា ខណៈក្រសួងសុខាភិបាលតំបន់មួយនេះ ជំរុញឲ្យបើកច្រកព្រំដែន Rafahឡើងវិញ
10/30/2026 06:10 PM
Facebook Telegram Linkin
រុស្ស៊ីវាយប្រហារហេដ្ឋារចនាសម្ព័ន្ធថាមពល នៅ​ទីក្រុង​គីវ​ ខណៈ​ជំនួយ​ឆ្ពោះ​ទៅទីក្រុង​​ Oleshky ​របស់​អ៊ុយក្រែន
10/30/2026 06:10 PM
Facebook Telegram Linkin
ក្រុមរដ្ឋអាជ្ញាកូរ៉េខាងត្បូង ជំរុញឲ្យមានទោសប្រហារជីវិតសម្រាប់លោកអតីតប្រធានាធិបតី Yoon
10/30/2026 06:10 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.