BTV NEWS

TOP STORY | សម្ដេចធិបតី បានចាត់វិធានការចាំបាច់ជាបន្តបន្ទាប់ចំពោះការវិលត្រឡប់ទ្រង់ទ្រាយធំរបស់ពលករខ្មែរ និងជនភៀសសឹក

TOP STORY | សម្ដេចតេជោ៖ ពេលនេះ ខ្ញុំកំពុងតែរួមចំណែកបញ្ជាទ័ព តាមប្រព័ន្ធវីដេអូ និងប្រព័ន្ធផ្សេងទៀតជាមួយនាយករដ្ឋមន្ត្រី, រដ្ឋមន្ត្រីក្រសួងការពារជាតិ អគ្គមេបញ្ជាការកងទ័ព និងបញ្ជាការកងកម្លាំងប្រដាប់អាវុធគ្រប់លំដាប់ថ្នាក់

TOP STORY |សម្ដេចធិបតី ហ៊ុន ម៉ាណែត ដាក់លិខិតស្នើសុំកោះប្រជុំក្រុមប្រឹក្សាសន្តិសុខជាបន្ទាន់ ដើម្បីសុំការអន្តរាគមន៍បញ្ចប់ការឈ្លានពានរបស់កងទ័ពថៃមកលើដែនអធិបតេយ្យភាពរបស់កម្ពុជា

TOP STORY | សម្ដេចធិបតី៖ កងទ័ពថៃបានបើកការវាយប្រហារមកលើទីតាំងឈរជើងរបស់កងទ័ពកម្ពុជា នៅប្រាសាទតាមាន់ធំ តាក្របី និងបានពង្រីកភូមិសាស្ត្រវាយប្រហារទៅដល់តំបន់មុំបី

នយោបាយ និង ការអភិវឌ្ឍន៍

ពលរដ្ឋប្រេស៊ីល បង្ហាញការគាំទ្រដល់ប្រធានាធិបតីសហរដ្ឋអាមេរិក ដែលឆ្លងជំងឺ COVID-19

ប្រេស៊ីល៖ ពលរដ្ឋប្រេស៊ីល បានបង្ហាញការគាំទ្ររបស់ពួកគេ ដល់ប្រធានាធិបតីសហរដ្ឋអាមេរិក លោកដូណាល់ ត្រាំ ដែលបានឆ្លងជំងឺ COVID-19 នៅមុខស្ថានទូតអាមេរិក ប្រចាំនៅទីក្រុងប្រាស៊ីលៀ កាលពីថ្ងៃអាទិត្យ។មនុស្សប្រហែល ៦០នាក់ ស្លៀកពាក់ចម្លោះពណ៌ប្រេស៊ីល និងអាមេរិក កាន់ទង់ជាតិប្រទេសទាំង២ និងមានពលរដ្ឋមកពីអ៊ីស្រាអែលផងដែរនោះ បាននាំគ្នាស្រែក លុតជង្គង់ និងជូនពរការបោះឆ្នោតឡើងវិញរបស់លោកត្រាំ និងជូនពរលោកឲ្យឆាប់ជាសះស្បើយពីជំងឺ COVID-19 ។អ្នកស្រី លូស៊ី អូតូនី គឺជាអ្នកសម្របសម្រួលចលនាតាមផ្លូវអភិរក្សនិយម បាននិយាយថា គោលបំណងរបស់ពួកយើងនៅថ្ងៃនេះ គឺដើម្បីគាំទ្រលោកប្រធានាធិបតីដូណាល់ ត្រាំ ដែលជាអ្នកអភិរក្សនិយម និងស្តាំនិយម ។ស្ត្រីវ័យ៤៨ឆ្នាំម្នាក់នេះ បាននិយាយថា គាត់ជាមនុស្សដែលត្រូវនឹងគុណតម្លៃសិលធម៌របស់ពួកយើង ជំនឿរបស់ពួកយើង ដើម្បីផ្លាស់ប្តូរប្រទេសទាំងនេះ។ដោយឡែក លោករ៉ណាន់ សេណា ដែលជាអ្នកចូលរួមការជួបជុំគ្នានេះដែរ បាននិយាយថា លោកមានជំនឿថា លោកត្រាំ នឹងឆាប់ជាសះស្បើយពីជំងឺ COVID-19។ លោកបន្តថា ជាមួយពិធីការសុខភាពទាំងអស់ ពួកយើងជឿថា គាត់នឹងឆាប់ជាសះស្បើយឡើងវិញ។សូមបញ្ជាក់ថា បច្ចុប្បន្ន លោកត្រាំ កំពុងសម្រាកព្យាបាលនៅមន្ទីរពេទ្យយោធា Walter Reed ក្រោយលោកធ្វើតេស្តវិជ្ជមានជំងឺ COVID-19៕ អត្ថបទ៖ សារ៉ាត់

សម្ដេចតេជោ ហ៊ុន សែន អញ្ជើញថ្វាយព្រះរាជដំណើររបស់ព្រះមហាក្សត្រ និងសម្តេចម៉ែយាងទៅទីក្រុងប៉េកាំង ប្រទេសចិន

ភ្នំពេញ៖នៅព្រឹកថ្ងៃអង្គារ ៤រោច ខែអស្សុជ ឆ្នាំជូត ទោសស័ក ព.ស ២៥៦៤ ត្រូវនឹងថ្ងៃទី៦ ខែតុលា ឆ្នាំ២០២០នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានអញ្ជើញថ្វាយព្រះរាជដំណើរព្រះករុណា ព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា និងសម្តេចម៉ែ ព្រះមហាក្សត្រី នរោត្តម មុនីនាថ សីហនុ យាងទៅទីក្រុងប៉េកាំងប្រទេសចិន ដើម្បីពិនិត្យព្រះរាជសុខភាព។សម្តេចតេជោ ហ៊ុន សែន សូមថ្វាយព្រះពរព្រះអង្គទ្រង់ប្រកបដោយព្រះពលានុភាពខ្លាំងក្លា ព្រះបញ្ញាញាណវាងវៃ ព្រះរាជសុខភាពល្អបរិបូណ៌ ព្រះជន្មាយុយឺនយូរជាងរយព្រះវស្សា ដើម្បីគង់ប្រថាប់ជាម្លប់ដ៏ត្រជាក់ត្រជុំ ដល់ប្រជានុរាស្ត្រគ្រប់រូប រស់នៅក្នុងសុខសន្តិភាព តរៀងទៅ៕

សម្តេចតេជោ ហ៊ុន សែន សូមព្រះរាជទានទោសពីព្រះមហាក្សត្រ និងសម្តេចម៉ែ ចំពោះកំហុសអចេតនាពាក់វ៉ែនតាខ្មៅ

ភ្នំពេញ៖ សម្តេចតេជោ ហ៊ុន សែន ផ្ញើសារសូមព្រះរាជទោសចំពោះព្រះអង្គទាំងទ្វេ (ព្រះករុណា ព្រះមហាក្សត្រ និងសម្តេចម៉ែ)និងសូមអភ័យទោសពីបងប្អូនជនរួមជាតិចំពោះកំហុសដោយអចេតនា ដោយប្រើវ៉ែនតាពណ៌ខ្មៅក្នុងពេលដង្ហែព្រះមហាក្សត្រ និងហ្លួងម៉ែយាងចេញទៅសាធារណរដ្ឋប្រជាមានិតចិននៅព្រលានយន្តហោះអន្តរជាតិភ្នំពេញ។សម្តេចមានប្រសាសន៍ថា «នេះមិនមែនជាទម្លាប់ខាងពិធីការរបស់ទូលព្រះបង្គំខ្ញុំព្រះករុណាខ្ញុំឡើយតែដោយសារភ្នែកចាញ់ពន្លឺថ្ងៃ ក៏មិនបានដូរវ៉ែនតាសជំនួសវិញ»៕

រដ្ឋបាលរាជធានីបញ្ចេញរថយន្ត៧០គ្រឿង និងរ៉ឺម៉ក់ប្រមូលសំរាមរាប់សិបគ្រឿង ដើម្បីសម្អាតទីក្រុង

ភ្នំពេញ ៖ ក្រុមកម្មករប្រមូលសំរាមក្រុមហ៊ុន ស៊ីនទ្រី បានធ្វើកូដកម្មជាច្រើនថ្ងៃហើយ ដោយមិនព្រមចេញប្រមូលសំរាមនៅក្រុងភ្នំពេញនោះទេ ជាហេតុធ្វើឱ្យសំរាមគរ និងនៅពាស វាលពាស កាលលើដងផ្លូវ ដើម្បីដោះស្រាយបន្ទាន់លើការប្រមូលសំរាម រដ្ឋបាលរាជធានីបានបញ្ចេញរថយន្ត៧០គ្រឿង និងរ៉ឺម៉ក់ប្រមូលសំរាមរាប់សិបគ្រឿង ដើម្បីសម្អាតទីក្រុង។ជិតមួយសប្ដាហ៍ហើយ ដែលកម្មករក្រុមហ៊ុន ស៊ីនទ្រី បានធ្វើកូដកម្មទាមទារលក្ខខណ្ឌការងារមួយចំនួន ហើយមិនព្រមចេញទៅប្រមូលសំរាមនៅក្នុងរាជធានីភ្នំពេញ បើទោះជាអាជ្ញាធរ និងខាងដោះស្រាយវិវាទនៃក្រសួងការងារព្យាយាមប្រជុំពន្យល់ និងដោះស្រាយក៏ដោយ នេះហើយដែលបណ្ដាលឱ្យសំរាមត្រូវបានពលរដ្ឋយកទៅចោល និងគរនៅតាមដងផ្លូវ ដែលអាជ្ញាធរតាមមូលដ្ឋានខិតខំប្រមូលក៏មិនទាន់សភាពការណ៍នៃការបញ្ចេញសំរាមនេះ។ ដូច្នេះហើយ និងជាដំណោះស្រាយបន្ទាន់ នៅ ថ្ងៃ ទី ៦ ខែ តុលា នេះ ឯកឧត្ដម ឃួង ស្រេង អភិបាលរាជធានីភ្នំពេញបានសម្រេចបញ្ចេញរថយន្តប្រមូលសំរាមដែលទើបទិញ និង មកដល់ថ្មីចំនួន៧០គ្រឿង និងរ៉ឺម៉ក់ម៉ូតូរាប់សិបគ្រឿង រួមជាមួយកម្លាំងសន្តិសុខ សណ្តាប់ ធ្នាប់គ្រប់ខណ្ឌ ចេញប្រតិបត្តិការប្រមូលសំរាមក្នុងរាជធានីភ្នំពេញ ដែលកន្លងមករដ្ឋបាលរាជធានីបានប្រើរថយន្តប្រមូលសំរាមចំនួន៤៩គ្រឿង និងរ៉ឺម៉ក់ម៉ូតូតាមបណ្ដាខណ្ឌ និងផ្សារចូលរួមចេញប្រមូល។លោក ម៉េត មាសភក្ដី អ្នកនាំពាក្យរដ្ឋបាលរាជធានីភ្នំពេញបានអំពាវនាវឱ្យបញ្ឈប់ការយកសំរាមជាចំណាប់ខ្មាំងទៀតទៅ។ លោក បានបន្ថែមថា យើងមិនអាចបន្តអនុញ្ញាតឱ្យអ្នកយកសំរាមធ្វើជាចំណាប់ខ្មាំង ដើម្បីតថ្លៃលើការទាមទារផ្ទុយពីច្បាប់ឡើយ។ ដែលន័យនេះអ្នកពាក្យសំដៅលើការព្យាយាមតវ៉ារបស់ក្រុមកម្មករប្រមូលសំរាម ដែលមិនព្រមចេញប្រមូល ដោយរដ្ឋបាលរាជធានីបានព្យាយាមសម្របសម្រួល ពន្យល់ណែនាំគ្រប់ទិដ្ឋភាព រួមទាំងទិដ្ឋភាពច្បាប់ការងារ ដល់កម្មករប្រមូលសំរាមដែលកំពុងទាមទារលក្ខខណ្ឌមិនសមស្របមួយចំនួន។លោក ម៉េត មាសភក្ដី បន្ថែមថា ប៉ុន្តែទោះឈរលើស្មារតីយោគយល់ចំពោះអាកប្បកិរិយារឹងរូសទាំងនេះក៏ដោយ ក៏ស្ថានភាពមិនអំណោយផលដល់ការបន្តរង់ចាំ ហើយជម្រើសនៃការប្រើកម្លាំងពលកម្មថ្មី ត្រូវតែបង្ខំចិត្តអនុវត្ត ដើម្បីកែប្រែស្ថានការណ៍នៃការសំអាតទីក្រុងឡើងវិញ។លោក ម៉េត មាសភក្ដី អំពាវនាវដល់កម្មករប្រមូលសំរាមដែលកំពុងធ្វើកូដកម្ម សូមភ្ញាក់រលឹក និងបញ្ឈប់សកម្មភាពទាមទារខុសច្បាប់ការងារ ដោយលោកជឿជាក់ថា បងប្អូនកម្មករនឹងវិលត្រឡប់មកធ្វើការបំពេញតួនាទីរៀងៗខ្លួនឡើងវិញ ដើម្បីទីក្រុងយើងទាំងអស់គ្នាស្អាត ហើយខណៈនេះដែរពិតជាត្រូវបន្ថែមបន្ទុកដល់ប្រជាការពារ និងអាជ្ញាធរភូមិ សង្កាត់ ខណ្ឌ គ្រប់ជាន់ថ្នាក់ដែលកំពុងចេញប្រមូលកើបសំរាមក្នុងអន្តរកាលមួយនេះ និងសូមកោតសរសើរចំពោះការខិតខំប្រឹងប្រែងរបស់អាជ្ញាធរ និងសូមអរគុណដល់ការយោគយល់ពីសំណាក់ប្រជាពលរដ្ឋនៅរាជធានីភ្នំពេញ ក្នុងស្ថានភាពដែលកំពុងដោះស្រាយនេះ។លោក គាត រង្សី ប្រធានមន្ទីរបរិស្ថានរាជធានីភ្នំពេញ បានឱ្យដឹងថា តាមរយៈកិច្ចខិតខំប្រឹងប្រែរបស់រដ្ឋបាលរាជធានីភ្នំពេញ រដ្ឋបាលខណ្ឌទាំង១៤ បាននិងកំពុងខិតខំធ្វើការប្រឹងប្រែងប្រមូលសំរាមដែលបានគរសល់ប៉ុន្មានថ្ងៃនេះ ហើយមានការបែងចែកវេនរហូតដល់ទៅបីវេន ប្រើគ្រប់មធ្យោបាយនៃការប្រមូល ដូច្នេះទីតាំងសេសសល់ដទៃរដ្ឋបាលខណ្ឌនឹងឲ្យកម្លាំង និងរថយន្តទៅប្រមូលនៅពេលឆាប់ៗខាងមុខនេះ។ សង្ឃឹមថា ប្រជាពលរដ្ឋមានការយោគយល់ និងចូលរួមវេចខ្ចប់ទុកដាក់សំរាមឲ្យបានត្រឹមត្រូវ។គួរបញ្ជាក់ថា នៅរាជធានីភ្នំពេញសព្វថ្ងៃមានសំរាមប្រមាណ ២៥០០តោនក្នុងថ្ងៃ ដែលត្រូវប្រមូល និងដឹកយកទៅចាក់នៅទីលានចាក់សំរាម៕អត្ថបទ ៖ ប្រាក់ វ៉ាន់ដា

បញ្ជាការដ្ឋានជួរមុខនៃ(គ.ជ.ស.ស) នឹងផ្លាស់ប្ដូរទៅនៅលើកោះព្រាប

ភ្នំពេញ ៖ អគ្គលេខាធិការដ្ឋាន គណៈកម្មាធិការជាតិសន្តិសុខលម្ហសមុទ្រ ហៅកាត់ថា (គ.ជ.ស.ស) នឹងធ្វើការ ផ្លាស់ប្ដូរទីតាំងបញ្ជាការដ្ឋានជួរមុខរបស់ខ្លួន ដោយចាកចេញពីមូលដ្ឋានសមុទ្ររាម កងទ័ពជើងទឹកកម្ពុជា ទៅនៅលើកោះព្រាប ប៉ុន្តែមូលដ្ឋានចាស់ដែលជាជំនួយរបស់អាមេរិក និងអូស្ត្រាលី រក្សាទុកដដែល។យោងតាមសេចក្តីថ្លែងការណ៍ របស់គណៈកម្មាធិការជាតិសន្តិសុខលម្ហសមុទ្រ ដែលបានចេញនៅ ថ្ងៃទី៥ ខែតុលា នេះ ការសម្រេចផ្លាស់ប្តូរទីតាំងថ្មី របស់បញ្ជាការដ្ឋានជួរមុខ របស់ខ្លួន គឺដោយសារតែមូលដ្ឋានចាស់ មានលក្ខណៈតូចចង្អៀត ហើយមានការលំបាកក្នុងការគ្រប់គ្រងផ្នែកសន្តិសុខចេញចូល និងលំបាកក្នុងកិច្ចសហប្រតិបត្តិការជាមួយប្រទេសជាមិត្ត រួមទាំងលំបាកក្នុងការសំចតនាវា របស់អន្តរជាតិ ដែល ចង់ចតនៅទីនោះផងដែរ។សេចក្តីថ្លែងការណ៍ដដែល បានបញ្ជាក់ថា «ទីតាំងបញ្ជាការដ្ឋានជួរមុខបច្ចុប្បន្ន ស្នាក់អាស្រ័យក្នុង បរិវេណមូលដ្ឋានកងទ័ពជើងទឹក មានទំហំតូច ធ្វើឱ្យប្រសិទ្ធភាព នៃកិច្ចប្រតិបត្តិការចម្រុះស្ថាប័ន មាន កម្រិត និងជួបការលំបាក។ បញ្ជាការដ្ឋានជួរមុខ ត្រូវការចាំបាច់នូវទីតាំងសមស្របមួយ ដែលប្រកបដោយ ភាពឯករាជ្យ ក្នុងឋានៈស្ថាប័នជាតិ ងាយស្រួលក្នុងការចេញប្រតិបត្តិការ ការធ្វើអន្តរាគមន៍ និងការជួយ សង្គ្រោះជាដើម។ លើសពីនេះទៀត បញ្ជាការដ្ឋានជួរមុខ ត្រូវការពង្រីក និងអភិវឌ្ឍសមត្ថភាពរបស់ខ្លួន ទាំងក្នុងផ្នែកហេដ្ឋារចនាសម្ព័ន្ធ និងប្រសិទ្ធភាព នៃប្រតិបត្តិការ ដែលកិច្ចការនេះ កន្លែងចាស់ ពុំអាចធ្វើ បាននោះឡើយ»។គណៈកម្មាធិការជាតិសន្តិសុខលម្ហសមុទ្រ បានបញ្ជាក់ទៀតថា ទីតាំងថ្មី នៅលើកោះព្រាប មានទំ ហំធំ និងចំនួនអគារច្រើនជាងមុន តែមិនឱ្យមានការបាត់បង់សមិទ្ធផល ដែលប្រទេសជាដៃគូបានផ្តល់ឱ្យ នោះទេ។ គណៈកម្មាធិការជាតិសន្តិសុខលម្ហសមុទ្រ បានប្រកាសជាឱឡារិកថា ខ្លួននៅតែប្រកាន់ជំហរ យ៉ាងម៉ឺងម៉ាត់ នៅក្នុងស្មារតី នៃការរក្សា និងលើកស្ទួយកិច្ចសហប្រតិបត្តិការជិតស្និទ្ធ ជាមួយបណ្តាប្រទេស ជាដៃគូទាំងអស់ ប្រកបដោយតម្លាភាព និងការគោរពផលប្រយោជន៍គ្នាទៅវិញទៅមក និងនៅតែស្វាគមន៍ យ៉ាងកក់ក្តៅបំផុត ចំពោះការចូលរួមពីសំណាក់ដៃគូអន្តរជាតិនានា ដើម្បីបង្កើនសមត្ថភាពផ្នែកប្រតិបត្តិ ការ របស់ទីបញ្ជាការដ្ឋានជួរមុខ តទៅអនាគត៕អត្ថបទ៖ បាន ចក់

ពលរដ្ឋខេត្តក្រចេះ ស្នើសុំបង្កើតអនុវិទ្យាល័យមួយ ដើម្បីសិស្សនៅតំបន់ដាច់ស្រយាលបានរៀន សូត្រ

ក្រចេះ ៖ ឯកឧត្តម លី ផល្លា រដ្ឋលេខាធិការក្រសួង កសិកម្ម និងជាប្រធានក្រុមការងាររាជ រដ្ឋាភិបាលចុះជួយស្រុកស្នួល និងលោក គង់ គឹមនី អភិបាលរងខេត្តក្រចេះ បានអញ្ជើញជាអធិបតីក្នុងវេទិកាសាធារណៈ ដើម្បីត្រួតពិនិត្យ និងការអនុវត្តគោលនយោបាយ យុទ្ធសាស្ត្រចតុកោណដំណាក់កាលទី៤ របស់រាជរដ្ឋាភិបាលកម្ពុជា។ ពិធីនេះ ធ្វើឡើងកាលពីថ្ងៃទី៥ ខែតុលានៅភូមិក្បាលត្រាច ឃុំស្រែចារ ស្រុកស្នួល ខេត្តក្រចេះ។មានប្រសាសន៍បើកអង្គវេទិកាសាធារណៈនេះ ឯកឧត្ដម លី ផល្លា បានលើកឡើងថា វេទិកាសាធារណៈ របស់ក្រុមការងាររាជរដ្ឋាភិបាលចុះមូលដ្ឋាន មានគោលបំណង សួរសុខទុក្ខ និងស្វែងយល់ពីជីវភាពរស់នៅរបស់បងប្អូនប្រជាពលរដ្ឋ និងស្ដាប់នូវកង្វល់ បញ្ហាប្រឈម ឬសំណូមពរ សំណើររបស់ប្រជាពលរដ្ឋ និងរួមគ្នាដោះស្រាយរាល់សំណូមពរ និងសំណើរទាំងនោះដោយផ្អែកទៅលើច្បាប់ និងលិខិតបទដ្ឋានគតិយុទ្ធនានា ក្នុងដំណើរមិនអាចដោះស្រាយបាន ក្រុមការងារ និងរាយការណ៍ជូនរដ្ឋាភិបាល តាមឋានានុក្រម។ជាមួយគ្នានោះ ពលរដ្ឋបានស្នើសុំ និងលើកបញ្ហាមួយចំនួនរួមមាន បញ្ហាបរិស្ថាន ដែលបុគ្គលមួយចំនួន ចិញ្ចឹមជ្រូកបណ្ដាលឲ្យមានក្លិនស្អុយ សុំជួសជុលផ្លូវលំ សុំជួសជុលសាលារៀននៅភូមិអញ្ចាញ ដែលខូចខាតជាខ្លាំងស្ទើរមិនអាចឲ្យសិស្ស ចូលរៀនបាន សុំជួសជុលផ្លូវសាមលិញ សុំបង្កើតអនុវិទ្យាល័យនៅតំបន់ដាច់ស្រយាល ជាពិសេសវិធានការចំពោះល្បែងស៊ីសង។ពាក់ព័ន្ធការលើកឡើងរបស់ប្រជាពលរដ្ឋ ខាងមន្ទីរពាក់ព័ន្ធបានបកស្រាយ ពន្យល់ និងដោះស្រាយជូននូវបញ្ហាមួយចំនួននៅនឹងកន្លែង។ ដោយឡែក ចំពោះ សុំណើរសុំបង្តើតអនុវិទ្យាល័យ និងសាលារៀននៅភូមិដាច់ស្រយាល ជាពិសេស ការសុំជួសជុលផ្លូវសាមលិញ ក្រុមការងារនឹងបញ្ជូនទៅថ្នាក់ជាតិជួយដោះស្រាយបន្ត។ឯកឧត្តម ប្រធានអង្គវេទិកាបាន ជំរុញដល់សមត្ថកិច្ចមូលដ្ឋាន ត្រូវមានវិធានការ ជាបន្ទាន់ចំពោះបញ្ហាល្បែងស៊ីសង ទៅតាមគោលនយោបាយភូមិ ឃុំសុវត្ថិភាព។ ឯកឧត្ដម ក៏បានជំរុញដល់អាជ្ញាធរដែនដី មានសមត្ថកិច្ច និងប្រជាពលរដ្ឋ ផងដែរ រស់នៅត្រូវតែធ្វើយ៉ាងណាអោយមូលដ្ឋាន ភូមិ.ឃុំទទួលបានសុខសុវត្ថិភាព មានការអភិវឌ្ឍន៍ អោយកាន់តែរីកចំរើនឡើងបន្ថែមទៀត ត្រូវខិតខំប្រឹងប្រែងបន្ថែ មទៀត ដើម្បីលុបបំបាត់អោយអស់នូវចំណុចអវិជ្ជមានទាំងឡាយ ដែលប្រជាពលរដ្ឋ បានលើកឡើង-ខិតខំជួយដោះស្រាយរាល់ទុក្ខកង្វល់ បញ្ហាសុខភាព សន្តិសុខ សណ្ដាប់ធ្នាប់ ជាពិសេសសមត្ថកិច្ចទាំងអស់ត្រូវធ្វើការបង្ក្រាប បទល្មើស លួច ឆក់ បទល្មើសគ្រឿងញៀន ស្របតាមគោលនយោបាយភូមិ ឃុំ មានសុវត្ថិភាព៕ដោយ ៖ សេង ម័រ

អាជ្ញាធរខេត្តបាត់ដំបង កំពុងពន្លឿនការជួសជុលតូបដែលឆេះ ដើម្បីពលរដ្ឋឆាប់បានចូលលក់ដូរឡើងវិញ

បាត់ដំបង ៖ ដើម្បីឆ្លើយតបនឹងតម្រូវការចាំបាច់របស់ក្រុមអាជីវករនៅក្នុងផ្សារធំបាត់ដំបង ឬហៅថាផ្សារណាត់ ដែលត្រូវអគ្គិភ័យឆាប់ឆេះតូបរបស់ពួកគាត់ កាលពីចុងខែសីហា ឆ្នាំ២០២០កន្លងទៅ រដ្ឋបាលខេត្តបាត់ដំបង កំពុងពន្លឿនឲ្យក្រុមជាង ខិតខំធ្វើតូបឲ្យបានឆាប់រួចរាល់ ដើម្បីឲ្យអាជីវករឆាប់បានចូលលក់ដូរឡើងវិញ ក្នុងការដោះស្រាយជីវភាពប្រចាំថ្ងៃ ។ក្នុងជំនួបជាមួយក្រុមអាជីវករផ្សារណាត់ ដើម្បីរកដំណោះស្រាយជូនពួកគាត់ នៅរសៀលថ្ងៃទី៥ ខែតុលា ម្សិលមិញនេះ ឯកឧត្តម ងួន រតនៈ អភិបាលខេត្តបាត់ដំបង បានមានប្រសាសន៍ថា បន្ទាប់ពីជួបបញ្ហាអគ្គិភ័យឆេះតូប ក្រុមអាជីវកររងគ្រោះបានស្នើដល់រដ្ឋបាលខេត្តបាត់ដំបង តាមរយៈអភិបាលក្រុង ជួយដោះស្រាយនូវសំណើធំៗចំនួន៣ ទី១. ជួយធ្វើតូបឡើងវិញ, ទី២. ជួយទូទាត់សំណង់រងការខូចខាត និងទី៣. គឺកុំយកថ្លៃតូបរយៈពេល ៥ឆ្នាំ ។ឯកឧត្តម បន្តថា បច្ចុប្បន្នក្នុងចំណោមសំណើទាំង៣ រដ្ឋបាលខេត្តបាននិងកំពុងដោះស្រាយសំណើបានមួយ គឺការធ្វើតូប ដើម្បីឲ្យអាជីវករបានចូលលក់ដូរឡើងវិញ ប៉ុន្តែនៅបំណែកខ្លះ ដូចជាសសរផ្សារជាដើម ដែលត្រូវភ្លើងឆេះនោះ គឺត្រូវចាំការវាយតម្លៃពីក្រសួងជំនាញសិន ចំពោះសំណើ២ទៀត ខេត្តក៏បានបញ្ជូនទៅក្រសួងមហាផ្ទៃ និងក្រសួងសេដ្ឋកិច្ច និងហិរញ្ញវត្ថុ រួចរាល់ហើយដែរ ដោយកំពុងរងចាំការឆ្លើយតបពីក្រសួងទាំងពីរ ។នៅក្នុងជំនួបនោះ ក្រៅពីសំណើធំៗទាំង៣ ក្រុមអាជីវករក៏បានស្នើនូវសំណើមួយចំនួនទៀត មានសុំកុំយកថ្លៃភាស៊ី ៥ឆ្នាំ, កុំយកថ្លៃភ្លើងអគ្គិសនី ៥ឆ្នាំ, កុំយកថ្លៃសន្តិសុខ ៥ឆ្នាំ, ជួយរៀបចំសណ្ដាប់ថ្នាក់ មានការតបណ្ដាញអគ្គិសនីឲ្យល្អ និងមានសុវត្ថិភាពជាងមុន តបណ្ដាញទឹក ការដាក់ឧបករណ៍ពន្លត់អគ្គិភ័យ និងការដាក់ឧបករណ៍បំពងសំឡេង ដើម្បីខ្លាចមានបញ្ហាអ្វីកើតឡើងជាយថាហេតុ អាចប្រើប្រាស់ឧបករណ៍បំពងសំឡេង នោះ ផ្សព្វផ្សាយបានទាន់ពេលវេលា ។ពាក់ព័ន្ធនឹងសំណើបន្ថែមនេះ ឯកឧត្តម ងួន រតនៈ ក៏បានយល់ស្របនូវសំណើមួយចំនួន ប៉ុន្តែសំណើខ្លះ ត្រូវបានឯកឧត្តមអភិបាលខេត្ត ស្នើឲ្យក្រុមអាជីវករដោះស្រាយខ្លួនឯង ដូចជាបញ្ហាបង់ប្រាក់ឲ្យសន្តិសុខ ការបង់ថ្លៃភ្លើង និងបញ្ហាភាស៊ី ។កាលពីល្ងាចថ្ងៃទី៣០ ខែសីហា ឆ្នាំ២០២០ អគ្គិភ័យបានឆាប់ឆេះផ្សារណាត់ នៅក្នុងក្រុងបាត់ដំបង បណ្ដាលឲ្យតូបលក់គ្រឿងទេស សំលៀកបំពាក់ និងលក់ចានឆ្នាំងជាដើម ចំនួន៣៣តូប ខូចខាតទាំងស្រុង និង៤០តូបទៀត រងការខូចខាតមួយចំនួន ដោយបញ្ហាអគ្គិភ័យនេះ ធ្វើឲ្យខាតបង់ទ្រព្យសម្បត្តិអស់ជាង ៨០ម៉ឺនដុល្លារ៕អត្ថបទ ៖ បាន សុខរិទ្ធ

ការហ្វឹកហ្វឺនបំប៉នគឺជាការពង្រឹងសមត្ថភាពធនធានមនុស្សសម្រាប់ប្រសិទ្ធភាពការងារ និងការអភិវឌ្ឍអង្គភាព

ព្រះសីហនុ ៖ អភិបាលខេត្តព្រះសីហនុ បានថ្លែងថា ការហ្វឹកហ្វឺនបំប៉ន គឺជាការពង្រឹងសមត្ថភាពធនធានមនុស្សសម្រាប់ប្រសិទ្ធភាព ការងារ និងការអភិវឌ្ឍអង្គភាព។ក្នុងពិធីបើកវគ្គហ្វឹកហ្វឺនបំប៉នពង្រឹងសមត្ថភាពយោធារបស់តំបន់ប្រតិបត្តិការសឹករងព្រះសីហនុ ប្រចាំឆ្នាំ២០២០ កាលពីថ្ងៃទី០៥ ខែតុលា ម្សិលមិញ ឯកឧត្ដម គួច ចំរើន អភិបាលខេត្តព្រះសីហនុ បានថ្លែងថា សន្ដិភាព មានតម្លៃណាស់សម្រាប់មនុស្សជាតិ និងការអភិវឌ្ឍ ពិសេស ប្រទេសកម្ពុជា។ សន្ដិភាព គឺត្រូវបានប្រមុខដឹកនាំខិតខំស្វះស្វែងរកដោយលំបាកបំផុត ដោយត្រូវយក សាច់ឈាមអាយុជីវិតទៅដូរ ដើម្បីប្រជាជន និងប្រទេសជាតិ។ សម័យសង្គ្រាម ទាំងប្រជាពលរដ្ឋ ទាំងកងកម្លាំង គឺគ្មានពេល វេលាណាសមស្របសម្រាប់ការរៀនសូត្រ ហ្វឹកហ្វឺននោះទេ ដូច្នេះត្រូវដឹងពីតម្លៃនៃសន្ដិភាពនេះ ហើយរួមគ្នាថែរក្សា ឱ្យបាន ដាច់ខាត ដើម្បីរួមគ្នាអភិវឌ្ឍប្រទេសឱ្យរីកចម្រើនថែមទៀត។ឧត្ដមសេនីយ៍ឯក យឿង សុខុន មេបញ្ជាការរងកងទ័ពជើងគោក មេបញ្ជាការយោធភូមិភាគទី៣ បានបញ្ជាក់ថា ការហ្វឹកហ្វឺនបំប៉នដល់កងទ័ព មានសារសំខាន់ណាស់សម្រាប់ពង្រឹង និងបង្កើនសមត្ថភាពដល់កងកម្លាំង ក្នុងការអភិវឌ្ឍសមត្ថ ភាពខ្លួនឯង ប្រសិទ្ធភាពការងារជូនអង្គភាព ពិសេសពង្រឹងកិច្ចការពារបូរណភាពទឹកដីការពារជាតិមាតុភូមិ រក្សាសន្ដិសុខ សុវត្ថិ ភាពជូនប្រជាពលរដ្ឋ។ឧត្ដមសេនីយ៍ឯក បានស្នើឱ្យកងកម្លាំងតំបន់ប្រតិបត្ដិការសឹករងខេត្ដព្រះសីហនុ ត្រូវបន្ដចូលរួមសហការជាមួយអាជ្ញា ធរ និងសមត្ថកិច្ចពាក់ព័ន្ធ រួមគ្នាថែរក្សាសុខសន្ដិភាពបច្ចុប្បន្នឱ្យបានគង់វង្ស ប្រឆាំងដាច់ខាត និងវាយបកចំពោះជនអគតិណា ឬក្រុម ដែលចង់បំផ្លាញសន្ដិភាព។ឧត្ដមសេនីយ៍ត្រី នូវ សំអុល មេបញ្ជាការតំបន់ប្រតិបត្ដិការសឹករងខេត្ដព្រះសីហនុ បានឱ្យដឹងថា សម្រាប់តំបន់ប្រតិបត្ដិ ការសឹករងខេត្ដព្រះសីហនុ បានរៀបចំវគ្គហ្វឹកហ្វឺនបំប៉នពង្រឹងសមត្ថភាពយោធា ជាបន្ដបន្ទាប់ ស្របតាមការណែនាំពីថ្នាក់ដឹក នាំគ្រប់លំដាប់ថ្នាក់។ ការហ្វឹកហ្វឺនបំប៉នជាជំនួយ ផ្នែកធនធានមនុស្សក្នុងការអភិវឌ្ឍខ្លួន អង្គភាព និងអភិវឌ្ឍសង្គមជាតិ ឱ្យ កាន់តែល្អប្រសើរឡើង ស្របតាមសម័យវិទ្យាសាស្ត្រទំនើប៕អត្ថបទ៖ គង់ ប៊ុនថា

ពលរដ្ឋ៧០គ្រួសារកំពុងអត់ផ្លូវប្រើប្រាស់ ដោយសារបុគ្គលម្នាក់ រំលោភយកដីប្រឡាយរបស់រដ្ឋ

កំពត ៖ ប្រជាពលរដ្ឋ៧០គ្រួសារ នៅក្នុងខេត្តកំពត កំពុងអត់ផ្លូវប្រើប្រាស់ ដោយសារតែបុគ្គលម្នាក់ បានរំលោភយកដីប្រឡាយ ឬផ្លូវភ្លោះ ដែលពួកគេធ្លាប់ធ្វើដំណើរចេញចូលពីថ្នល់ជាតិទៅស្រែ និងទៅផ្ទះ។ ពលរដ្ឋ បានឱ្យដឹងថា អាជ្ញាធរភូមិឃុំ បានចុះទៅហាមឃាត់បុគ្គលនោះដែរ ប៉ុន្តែគេមិនស្តាប់ ខណៈដែលអាជ្ញាធរស្រុកវិញ បានត្រឹមតែមកសន្យាហើយ សន្យាទៀត អូសបន្លាយរាប់ខែ គ្មានដំណោះស្រាយ។ប្រជាពលរដ្ឋ ជាម្ចាស់ស្រែ ជាប់មាត់ប្រឡាយ ដែលគេរំលោភយក នៅក្នុងឃុំសម្រោងក្រោម ស្រុក បន្ទាយមាស បានលើកឡើងថា នៅឃុំនេះ មានប្រឡាយទឹកបន្សល់ទុកពីសម័យ ប៉ុលពត ជាច្រើនខ្សែ ដែលបច្ចុប្បន្ន ប្រឡាយទឹកនេះ បានក្លាយជាផ្លូវសម្រាប់ចេញចូលផ្ទះរបស់អ្នកភូមិ។ កន្លងមក មិនមាន ពលរដ្ឋណាម្នាក់ហ៊ានចាក់ដីលុប ឬធ្វើរបងបិទផ្លូវប្រឡាយនោះទេ តែម្ចាស់ទីតាំងដីជាប់ផ្លូវជាតិម្នាក់ ពិតជាំមានឥទ្ធិពលខ្លាំងណាស់ ព្រោះអាជ្ញាធរភូមិឃុំ បានចុះហាមឃាត់ច្រើនដង ប៉ុន្តែគេនៅតែមិនស្តាប់ រហូតដល់ពលរដ្ឋ បានដាក់ពាក្យស្នើសុំបើកផ្លូវដល់រដ្ឋបាលខេត្ត ហើយរដ្ឋបាលខេត្ត បានចុះមកពិនិត្យ និង ឱ្យរក្សាប្រឡាយទុកដូចដើម។ ប៉ុន្តែអ្វីដែលគួរឱ្យឆ្ងល់នោះ គឺអាជ្ញាធរស្រុកបន្ទាយមាស ដែលបានសន្យាថា ជួយដោះស្រាយម្តងហើយម្តងទៀត រាប់ខែទៅហើយ នៅតែគ្មានលទ្ធផលបន្តិចសោះ។ប្រជាពលរដ្ឋ បានបញ្ជាក់ថា ការបិទផ្លូវប្រឡាយនេះ គឺជាបិទផ្លូវធ្វើដំណើររបស់ពួកគេ ពីផ្ទះទៅផ្លូវ ជាតិ។ ប្រជាពលរដ្ឋ នឹងវាយជញ្ជាំងរបងបិទផ្លូវប្រឡាយនេះចេញ ក្នុងពេលឆាប់ៗ ប្រសិនបើអាជ្ញាធរស្រុក គ្មានដំណោះឱ្យពួកគេ។ ប្រជាពលរដ្ឋទាំង៧០គ្រួសារ ស្នើឱ្យអាជ្ញាធរ និងជំនាញពាក់ព័ន្ធ ជាពិសេសឯកឧត្តមអភិបាលខេត្ត ជួយពន្លឿនដោះស្រាយបើកផ្លូវជូនពួកគេប្រើប្រាស់ដូចដើមវិញ ឱ្យបានឆាប់រហ័ស៕អត្ថបទ៖ អន សារឹម

ឯកឧត្តម ប្រាក់ សុវណ្ណ ៖ ក្រោមការដឹកនាំដ៏ឈ្លាសវៃរបស់សម្ដេចតេជោ ធ្វើការទប់ស្កាត់ការរីករាលដាលជំងឺកូវីដ-១៩ ប្រកបដោយប្រសិទ្ធភាព

ព្រះវិហារ ៖ អភិបាលខេត្តព្រះវិហារ មានប្រសាសន៍ថា កម្ពុជាក្រោមការដឹកនាំដ៏ឈ្លាសវៃរបស់ សម្ដេចតេជោ ហ៊ុន សែន ជាប្រមុខដឹកនាំរាជរដ្ឋាភិបាល បានសហការជាមួយអង្គការសុខភាពពិភពលោក និងភាគីពាក់ព័ន្ធផ្សេងៗ ធ្វើការទប់ស្កាត់ការឆ្លងរីករាលដាលនៃជំងឺកូវីដ–១៩ ប្រកបដោយប្រសិទ្ធភាព ដោយគ្មានការឆ្លងរីករាលដាលនៅក្នុងសហគមន៍ គ្មានករណីស្លាប់។ថ្លែងក្នុងពិធីបើកកិច្ចប្រជុំក្រុមការងារជំរុញ ណែនាំ និងតាមដានការអនុវត្តវិធានសុវត្ថិភាពទេសចរណ៍ខេត្ត នៅព្រឹកថ្ងៃទី០៦ ខែតុលា ឆ្នាំ២០២០ ឯកឧត្តម ប្រាក់ សុវណ្ណ អភិបាលខេត្តព្រះវិហារ បានបញ្ជាក់ទៀតថា បច្ចុប្បន្ន កម្ពុជាក៏ដូចជា បណ្ដាប្រទេសនៅក្នុងពិភពលោក បានទទួលរងនូវផលប៉ះពាល់យ៉ាងធ្ងន់ធ្ងរពីជំងឺកូវីដ–១៩ ដ៏កាចសាហាវនេះ ដែលបានឆ្លងដល់មនុស្សជាង ៣៥ លាននាក់ និងបានសម្លាប់មនុស្សអស់ជាង ១.០៤៥.០០០នាក់ ផងដែរ។ឯកឧត្តម ប្រាក់ សុវណ្ណ បានបន្ថែមថា សម្រាប់កម្ពុជា សម្ដេចតេជោ ហ៊ុន សែន នាយករដ្ឋមន្ត្រីក៏បានដាក់ចេញនូវវិធានការនានា ដើម្បីជួយសង្គ្រោះអាជីវកម្ម សេវាកម្ម បុគ្គលិកបម្រើការងារ និងប្រជាពលរដ្ឋក្រីក្រ ដែលរងផលប៉ះពាល់ដោយជំងឺកូវីដ–១៩ ជាបន្តបន្ទាប់ផងដែរ។ មានតែករណីវិជ្ជមាននាំចូលតិចតួច ហើយដែលបានទទួលការត្រួតពិនិត្យព្យាបាលថែទាំដោយគ្រូពេទ្យជំនាញកម្ពុជា គ្រូពេទ្យស្ម័គ្រចិត្ត ក៏ដូចជាអាជ្ញាធរពាក់ព័ន្ធ ប្រកបដោយភាពហ្មត់ចត់។ក្នុងឱកាសនោះ ឯកឧត្តម អភិបាលខេត្តព្រះវិហារ ឯកឧត្តម ប្រាក់ សុវណ្ណ បានណែនាំ ដល់ស្ថាប័នពាក់ព័ន្ធ ត្រូវអនុវន្ដបន្ដវិធានការ ៖ ១.ឯកភាពតាមទិសដៅដែលបានលើកឡើង និងសូមលេខាធិការដ្ឋានក្រុមការងារសហការជាមួយមន្ទីរ-អង្គភាពពាក់ព័ន្ធ អាជ្ញាធរដែនដី ដើម្បីបន្តចុះផ្សព្វផ្សាយវិធានសុវត្ថិភាពទេសចរណ៍ និងត្រួតពិនិត្យពីការអនុវត្តរបស់ប្រតិបត្តិករទេសចរណ៍បន្ថែមទៀត ស្របតាមគោលការណែនាំ។ ២. ក្នុងដំណាក់កាលចំពោះមុខ ត្រូវធានាឱ្យបាននូវការមិនឆ្លងកូវីដ–១៩ នៅក្នុងសហគមន៍ ដោយត្រូវគោរពឱ្យបាននូវការប្រតិបត្តិតាមវិធានសុវត្ថិភាព និងអនាម័យ ដែលជាមូលដ្ឋាននៃការកសាងទំនុកចិត្ត និងភាពជឿជាក់ដល់ភ្ញៀវទេសចរជាតិ និងអន្តរជាតិ ដែលជាកត្តាចាំបាច់មិនអាចខ្វះបាន នៃការចាប់ផ្ដើមឡើងវិញនៃវិស័យទេសចរណ៍នៅក្នុងខេត្ត និងក្នុងប្រទេសទាំងមូល។ ៣.ទន្ទឹមនឹងការទប់ស្កាត់ការឆ្លងរីករាលដាលនៃជំងឺកូវីដ១៩ ក្រោមយន្តការនៃគណៈកម្មការអភិវឌ្ឍទេសចរណ៍ខេត្ត ខ្ញុំសូមមន្ទីរទេសចរណ៍ បន្តយកចិត្តទុកដាក់បន្ថែមទៀតក្នុងការសហការជាមួយមន្ទីរ-អង្គភាពពាក់ព័ន្ធ រដ្ឋបាលក្រុង-ស្រុក ដើម្បីពង្រឹងបន្ថែមនូវការគ្រប់គ្រងគោលដៅទេសចរណ៍ដែលមានស្រាប់ ដូចជា សហគមន៍ទេសចរណ៍ សហគមន៍គោលដៅទេសចរណ៍ និងអភិវឌ្ឍពង្រីកបន្ថែមទៀត នូវគោលដៅទេសចរណ៍ថ្មីៗ ដោយផ្សារភ្ជាប់នូវមូលដ្ឋានជនបទដើម្បីទាក់ទាញភ្ញៀវទេសចរបន្ថែមទៀត។ ៤.មន្ទីរទេសចរណ៍ ត្រូវសហការជាមួយ មន្ទីរបរិស្ថាន មន្ទីរកសិកម្ម និងសមត្ថកិច្ចពាក់ព័ន្ធផ្សេងទៀត ដើម្បីរៀបចំយន្តការគ្រប់គ្រងគោលដៅទេសចរណ៍នៅភ្នំត្បែងឱ្យបានត្រឹមត្រូវ និងធានាបាននូវប្រសិទ្ធភាព និរន្តរភាពបរិស្ថាន។តាមរយៈសកម្មភាព និងលទ្ធផលការងារសម្រេចបាន ឯកឧត្តម ប្រាក់ សុវណ្ណ អភិបាលខេត្តព្រះវិហារ ថ្លែងអំណរគុណចំពោះការចូលរួមសហការ គាំទ្រ ពីអាជ្ញាធរដែនដី មន្ទីរ–អង្គភាព ពាក់ព័ន្ធ ក្នុងនោះ មាន មន្ទីរ សុខាភិបាល ផងដែរ ចូលរួមផ្សព្វផ្សាយពីបញ្ហាការឆ្លងជំងឺកូវីដ–១៩ ៕

បណ្ដាញសង្គម

ព័ត៌មានថ្មីៗ

ស៊ុយអែត ន័រវែស និងដាណឺម៉ាក ផ្តល់ ៤៨៦លានដុល្លារ ដល់គម្រោងរបស់ណាតូ ដើម្បីបញ្ជូនអាវុធអាមេរិកទៅអ៊ុយក្រែន

លោក Netanyahu ៖ វាចាំបាច់ត្រូវបញ្ចប់គោលបំណងសង្រ្គាមហ្កាហ្សា

UNICEF៖ ការកាត់បន្ថយមូលនិធិ ធ្វើឲ្យកុមារស៊ូដង់ធ្លាក់ទៅកៀកកម្រិតគ្រោះថ្នាក់សង្គ្រោះមិនបាន

មនុស្ស ២នាក់ស្លាប់ក្រោយរុស្ស៊ីប្រើប្រាស់យានដ្រូនវាយប្រហារតំបន់ Kharkiv របស់អ៊ុយក្រែន

ឥណ្ឌាចោទប្រកាន់ EU និងអាមេរិកថា ប្រើប្រាស់ស្តង់ដារ ២ ជុំវិញពាណិជ្ជកម្មរុស្ស៊ី

គណៈរដ្ឋមន្ត្រីលីបង់ ជួបប្រជុំ ដើម្បីពិភាក្សា អំពីអាវុធរបស់ក្រុមហេសបូឡា ក្រោយមានសម្ពាធពីអាមេរិក

ភ្លៀងធ្លាក់ខ្លាំងធ្វើឲ្យដងផ្លូវប្រែក្លាយជាដងទន្លេនៅតំបន់ភាគខាងត្បូងប្រទេសចិន

UNICEF៖ អ៊ីស្រាអែលសម្លាប់កុមារប៉ាឡេស្ទីនជាមធ្យម ២៨នាក់ជារៀងរាល់ថ្ងៃនៅតំបន់ហ្កាហ្សា

ឱកាសការងារជាង ៥ពាន់កន្លែង ត្រូវបានផ្សព្វផ្សាយជូនពលរដ្ឋ និងពលករ នៅក្នុងខេត្តកំពង់ចាម

EU នៅតែគិតថា មានភាពមិនច្បាស់លាស់ ក្នុងទំនាក់ទំនងពាណិជ្ជកម្មជាមួយអាមេរិក

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

ពលរដ្ឋប្រេស៊ីល បង្ហាញការគាំទ្រដល់ប្រធានាធិបតីសហរដ្ឋអាមេរិក ដែលឆ្លងជំងឺ COVID-19

សម្ដេចតេជោ ហ៊ុន សែន អញ្ជើញថ្វាយព្រះរាជដំណើររបស់ព្រះមហាក្សត្រ និងសម្តេចម៉ែយាងទៅទីក្រុងប៉េកាំង ប្រទេសចិន

សម្តេចតេជោ ហ៊ុន សែន សូមព្រះរាជទានទោសពីព្រះមហាក្សត្រ និងសម្តេចម៉ែ ចំពោះកំហុសអចេតនាពាក់វ៉ែនតាខ្មៅ

រដ្ឋបាលរាជធានីបញ្ចេញរថយន្ត៧០គ្រឿង និងរ៉ឺម៉ក់ប្រមូលសំរាមរាប់សិបគ្រឿង ដើម្បីសម្អាតទីក្រុង

បញ្ជាការដ្ឋានជួរមុខនៃ(គ.ជ.ស.ស) នឹងផ្លាស់ប្ដូរទៅនៅលើកោះព្រាប

ពលរដ្ឋខេត្តក្រចេះ ស្នើសុំបង្កើតអនុវិទ្យាល័យមួយ ដើម្បីសិស្សនៅតំបន់ដាច់ស្រយាលបានរៀន សូត្រ

អាជ្ញាធរខេត្តបាត់ដំបង កំពុងពន្លឿនការជួសជុលតូបដែលឆេះ ដើម្បីពលរដ្ឋឆាប់បានចូលលក់ដូរឡើងវិញ

ការហ្វឹកហ្វឺនបំប៉នគឺជាការពង្រឹងសមត្ថភាពធនធានមនុស្សសម្រាប់ប្រសិទ្ធភាពការងារ និងការអភិវឌ្ឍអង្គភាព

ពលរដ្ឋ៧០គ្រួសារកំពុងអត់ផ្លូវប្រើប្រាស់ ដោយសារបុគ្គលម្នាក់ រំលោភយកដីប្រឡាយរបស់រដ្ឋ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

ពលរដ្ឋ​ប្រេ​ស៊ី​ល បង្ហាញ​ការគាំទ្រ​ដល់​ប្រធានាធិបតី​សហរដ្ឋអាមេរិក ​ដែល​ឆ្លង​ជំងឺ COVID-19

បញ្ជាការដ្ឋាន​ជួរមុខ​នៃ​(​គ​.​ជ​.​ស​.​ស​)​ នឹង​ផ្លាស់ប្ដូរ​ទៅ​នៅ​លើ​កោះ​ព្រាប

ពលរដ្ឋ​ខេត្តក្រចេះ​ ស្នើសុំ​បង្កើត​អនុវិទ្យាល័យ​មួយ ដើម្បី​សិស្ស​នៅ​តំបន់​ដាច់ស្រយាល​បាន​រៀន សូត្រ​

ពលរដ្ឋ​៧០​គ្រួសារ​កំពុង​អត់​ផ្លូវ​ប្រើប្រាស់ ​ដោយសារ​បុគ្គល​ម្នាក់ ​រំលោភ​យក​ដី​ប្រឡាយ​របស់​រដ្ឋ​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

ពលរដ្ឋប្រេស៊ីល បង្ហាញការគាំទ្រដល់ប្រធានាធិបតីសហរដ្ឋអាមេរិក ដែលឆ្លងជំងឺ COVID-19

បញ្ជាការដ្ឋានជួរមុខនៃ(គ.ជ.ស.ស) នឹងផ្លាស់ប្ដូរទៅនៅលើកោះព្រាប

ពលរដ្ឋខេត្តក្រចេះ ស្នើសុំបង្កើតអនុវិទ្យាល័យមួយ ដើម្បីសិស្សនៅតំបន់ដាច់ស្រយាលបានរៀន សូត្រ

ពលរដ្ឋ៧០គ្រួសារកំពុងអត់ផ្លូវប្រើប្រាស់ ដោយសារបុគ្គលម្នាក់ រំលោភយកដីប្រឡាយរបស់រដ្ឋ