BTV NEWS

គម្រោងស្ពានឆ្លងកាត់ទន្លេបាសាក់ (ចាក់អង្រែក្រោម-ព្រែកប្រា) និងផ្លូវតភ្ជាប់ សម្រេចបាន ៤៥% ហើយ ដែលលឿនជាងផែនការ ៤,១១%

សម្ដេចធិបតី អំពាវនាវដល់ជនរួមជាតិជឿទុកចិត្តលើរាជរដ្ឋាភិបាលដែលកំពុងធ្វើកិច្ចការងារយ៉ាងសកម្មស្វែងរកដំណោះស្រាយបញ្ចប់បញ្ហាព្រំដែនកម្ពុជា-ថៃ ឱ្យបានឆាប់រហ័ស

សម្ដេចធិបតីផ្ដល់អនុសាសន៍៧ចំណុច ដល់ក្រសួង-ស្ថាប័នពាក់ព័ន្ធឱ្យយកចិត្តទុកដាក់ក្នុងឱកាសទិវាអក្ខរកម្មអន្តរជាតិ ៨ កញ្ញា ២០២៥

សម្ដេចធិបតី៖ រាជរដ្ឋាភិបាលប្តេជ្ញាចិត្តយ៉ាងមុតមាំលើកកម្ពស់ការងារអក្ខរកម្ម និងបំពាក់បំប៉ន ជំនាញ និងឱកាសសិក្សាពេញមួយជីវិត ជាពិសេសជំនាញឌីជីថល

នយោបាយ និង ការអភិវឌ្ឍន៍

ពិធីបុណ្យឆ្លងវិមានគុណមាតាបិតា ឧទ្ទិសមហាកុសលជូនដួងវិញ្ញាណក្ខន្ធ មហាឧបាសិកា លីន គ្រី និងអ្នកឧកញ៉ាព្រឹទ្ធមហាឧបាសិកាធម្មញ្ញាណវិវឌ្ឍនា ប៊ុន ស៊ាងលី

ត្បូងឃ្មុំ៖ នៅថ្ងៃព្រហស្បតិ៍ និងថ្ងៃសុក្រ ១៥កើត ថ្ងៃពេញបូរមី ខែអស្សុជ ឆ្នាំជូត ទោស័ក ពុទ្ធសករាជ២៥៦៤ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន និងសម្តេច អគ្គមហាសេនាបតី តេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ព្រមទាំងបុត្រ និងចៅ រួមជាមួយបង ប្អូនរួមមាន លោកស្រី ប៊ុន សាមលេន និងលោក គីម ទូច ព្រមទាំងបុត្រ និងចៅឯកឧត្តម គ្រី ទូច និង លោកជំទាវ ទ្រី ង៉ូវណាំ ព្រម ទាំងបុត្រ និងចៅលោកជំទាវ ប៊ុន សុថា និងឯកឧត្តម តាន់ បញ្ញាវុធ ព្រមទាំងបុត្រ និងចៅ ត្រូវជាកូនបង្កើត កូនប្រសារ ចៅ ចៅទួត ទាំង អស់ រួមទាំងញាតិការ ទាំង ប្រាំពីរសណ្តាន បានពិធីបុណ្យឆ្លងវិមានគុណមាតាបិតា ឧទ្ទិសជូនមហាឧបាសក លីន គ្រី និងអ្នក ឧញ៉ា ព្រឹទ្ធមហា ឧបាសិកាធម្មញ្ញាណវិវឌ្ឍនា ប៊ុន ស៊ាងលី តាមគន្លងប្រពៃណីព្រះពុទ្ធសាសនា យ៉ាងមហោឡាឬក្ស អធិកអធម។ពិធីបុណ្យបានប្រារព្ធឡើងនៅភូមិ២ ឃុំរការខ្នុរ ស្រុកក្រូចឆ្មារ ខេត្តត្បូងឃ្មុំ ដែលជាភូមិកំណើត ជាទីកន្លែងរស់នៅ និងក៏ជាទីដ្ឋានបញ្ចុះសពមហាឧបាសក មហាឧបាសិកា. បន្ទាប់ពីលោកអ្នកមានគុណទាំងទ្វេបានទទួលអនិច្ចកម្មទៅ។ពិធីក្រុងពាលីសុំម្ចាស់ទឹក ម្ចាស់ដី បារមីភូមិ២ ស្រុករការខ្នុរ ស្រុកក្រូចឆ្មារ ខេត្តត្បូងឃ្មុំ ត្រូវបានរៀបចំឡើងនៅថ្ងៃ ១៤ កើត ដើម្បីសុំសេចក្តីសុខ សេចក្តីចម្រើន ត្រជាក់ត្រជុំ ក្រោមកិច្ចដឹកនាំរបស់ អ្នក ឧកញ៉ាព្រះស្តេច ហេង គឹមគុណ ធម្មការនិងសាសនា ព្រះបរមរាជវាំង ដោយមានការរៀបចំគ្រឿងរណ្តាប់បូជា ប្រគេនថ្វាយរំលឹកដល់ គុណបុណ្យបារមី វត្ថុ ស័ក្តិ សិទ្ធទេវតាថែរក្សា ក្នុង ដែន ចក្រវាឡ ព្រះឥន្ធ ទេវតាទាំងមួយម៉ឺនរុក្ខធាតុ ពិសេសបារមីវត្ថុស័ក្តិ សិទ្ធ នៅតាមទីអារាមទាំងអស់ នៅទូទាំងព្រះរាជាណាចក្រកម្ពុជា។សម្តេច ឯកឧត្តម លោកជំទាវ កូន ចៅ ចៅទួត ទាំងអស់ បានធ្វើបទនមសិកា ព្រះរតនត្រ័យ ដើម្បីរំលឹកដល់គុណបុណ្យ ព្រះសម្មាសម្ពុទ្ធព្រះបរមគ្រូនៃយើង។ នៅក្នុងពិធីតាមបែបសាសនានោះដែរ សម្តេចព្រះសង្ឃនាយករង សម្តេចព្រះរាជាគណះ និងព្រះ សង្ឃទាំង ១៤ព្រះអង្គ បានប្រោសព្រំប្រសិទ្ធពរជ័យបវរមហាប្រសើរ ជូនដល់វិញ្ញាណក្ខន្ធ មហាឧបាសក លីន គ្រី និងអ្នក ឧញ៉ា ព្រឹទ្ធមហាឧបាសិកាធម្មញ្ញាណវិវឌ្ឍនា ប៊ុន ស៊ាងលី ដែលបានធ្វើកម្ម កិរិយា លាចាកលោកយើងនេះទៅកាន់លោកខាងមុខហើយនោះ បានយោងយិតទៅចាប់បដិសន្ធិ ក្នុងឋានបរមសុខ សុគតិភព កុំបីឃ្លាងឃ្លាតដោយប្រការណាមួយឡើយ។សម្តេច ឯកឧត្តម លោកជំទាវ ជាម្ចាស់ដើមបុណ្យ បាននិមន្តសម្តេចព្រះវ័ន្តរ័ត្ន ណយ ច្រឹក សម្តេចព្រះសង្ឃនាយករងទី២ គណះមហានិកាយ នៃព្រះរាជាណាចក្រកម្ពុជា សំដែង ធម៌វិសេសទេស្នា ស្តីពីអនិសង្ឃកើតចេញពីការកសាងវិមានគុណមាតាបិតា ជាអនិសង្ឃខ្ពង់ខ្ពស់ បំផុត ដែលកូនចៅមានសទ្ធាជ្រះថ្លាប្រកបដោយសេចក្តីបរិសុទ្ធ ជូនដល់លោកអ្នកមានគុណរបស់ ខ្លួន បើទោះបីជាលោកអ្នកមានគុណបានធ្វើកម្មកិរិយាលាចាកលោកយើងនេះ ទៅកាន់លោកខាង មុខហើយក្តី។ធម៌ទេសនា បានឧទ្ទិសនូវមហាកុសលដែលការ កសាង វិមានគុណមាតាបិតានេះ ជូនដល់ជួងវិញ្ញាណក្ខន្ធមហា ឧបា សក លីន គ្រី និងអ្នកឧញ៉ាព្រឹទ្ធ មហាឧបាសិកាធម្មញ្ញាណវិវឌ្ឍនា ប៊ុន ស៊ាងលី ដែលបានធ្វើកម្មកិរិយាលាចាកលោកយើងនេះទៅ កាន់ លោកខាងមុខហើយនោះ បានយោងយិតទៅចាប់បដិសន្ធិ ក្នុងឋានបរមសុខ សុគតិភពកុំបី ឃ្លៀង ឃ្លាតដោយប្រការណាមួយឡើយ និងសូមអោយវិញ្ញាណក្ខន្ធលោកអ្នកមានគុណទាំងទ្វេ តាមជួយបីបាច់ថែរក្សាការសម្តេចតេជោនាយករដ្ឋមន្ត្រី និងសម្តេចកិត្តិព្រឹទ្ធបណ្ឌិត ព្រមទាំងកូន ចៅ ចៅទួតទាំងអស់ របស់មហា ឧបាសក លីន គ្រី និងអ្នក ឧញ៉ា ព្រឹទ្ធមហាឧបាសិកា ធម្មញ្ញាណ វិវឌ្ឍនា ប៊ុន ស៊ាងលី សូមសមប្រកបតែពុទ្ធពរទាំងឡាយបួនប្រការ និងប្រកបដោយភាពត្រជាក់ត្រជុំ ចម្រុងចម្រើនគ្រប់ក្រុមគ្រួសារ តរៀងទៅ។ នៅព្រឹកថ្ងៃសុក្រ១៥កើត ថ្ងៃ ពេញ បរមី ខែអស្សុជ ឆ្នាំជូត ទោស័ក ពុទ្ធសករា២៥៦៤ ត្រូវថ្ងៃទី២ ខែតុលា ឆ្នាំ២០២០ សម្តេចកិតិព្រឹទ្ធបណ្ឌិត ប៊ុន រ៉ានី ហ៊ុន សែន សម្តេចអគ្គមហាសេនាបតីតេជោ ហ៊ុនសែន ព្រមទាំងបងប្អូនកូនចៅបងប្អូនញាតិមិត្តទាំងអស់ បានអញ្ជើញធ្វើបទនមសិកា ព្រះរតនត្រ័យ សមាទានសិល៍ និង រាប់បាត្រព្រះសង្ឃចំនួន១២អង្គ ដើម្បីជាកិច្ចឧទ្ទិសបញ្ជួននូវកុសលផលបុណ្យ ដែល កើត មានឡើងពីពិធីបុណ្យឆ្លងវិមានគុណមាតាបិតា ជូនមហាកុសលចំពោះដួង វិញ្ញាណក្ខន្ធ មហាឧបាសក លីន គ្រី និងអ្នកឧកញ៉ាព្រឹទ្ធមហាឧបាសិកាធម្មញ្ញាណវិវឌ្ឍនា ប៊ុន ស៊ាង លី ដែលបានធ្វើកម្មកិរិយាលាចាកលោកយើងនេះ ទៅកាន់លោកខាងមុខហើយនោះ សូមវិញ្ញាណក្ខន្ធលោក អ្នកមានគុណទាំងទ្វេមកទទួលនូវមហាកុសលដែលកូនចៅឧទ្ទិសជូន ក្នុងទឹកចិត្តដ៏ជ្រះថ្លាតាមផ្លូវ ព្រះពុទ្ធសាសនានេះ និងបានយោងយិតទៅចាប់បដិសន្ធិក្នុងឋានបរមសុខ សុគតិភព និងទទួលបាន នូវ សម្បត្តិ៣ កុំបីឃ្លាងឃ្លាតដោយប្រការណាមួយឡើយ។តាមជីវប្រវត្តិ.អ្នកឧកញ៉ា ព្រឹទ្ធ មហាឧបាសិកាធម្មញ្ញាណវិវឌ្ឍនា ប៊ុន ស៊ាងលី ប្រសូត្រនៅថ្ងៃ១២កើត ខែ ពិសាខ ឆ្នាំឆ្លូវ ពុទ្ធសករាជ ២៤៦៨ ត្រូវនឹងថ្ងៃទី៤ ខែ ឧសភា ឆ្នាំ១៩២៥ ក្នុងគ្រួសារកសិករ នៅ ភូមិ កោះបីពៃ ឃុំកោះពីរ ស្រុក ក្រូច ឆ្មារ ខេត្តកំពង់ចាម។ អ្នកឧកញ៉ាព្រឹទ្ធមហាឧបាសិកា ធម្ម ញ្ញាណវិវឌ្ឍនា បានរៀបអាពាហ៍ពិពាហ៍ ជាមួយមហាឧបាសក លីន គ្រី នៅឆ្នាំ១៩៤៣ នៅឃុំរការខ្នុរស្រុកក្រូចឆ្មារ ខេត្តកំពង់ចាម។ ពីចំណងអាពាហ៍ពិពាហ៍នោះ អ្នក ឧក ញ៉ាព្រឹទ្ធមហាឧបាសិកា ធម្ម ញ្ញាណ វិវឌ្ឍនា មាន បុត្រា បុត្រី ចំនួន៥រូប។អ្នក ឧកញ៉ាព្រឹទ្ធមហាឧបាសិកា ធម្មញ្ញាណវិវឌ្ឍនា ប៊ុនស៊ាងលី និង ឧបា សក លីន គ្រី ដែលមានមុខរបរ ជា កសិករ បានចិញ្ចឹមបីបាច់បុត្រា បុត្រី ទាំង៥នាក់ យ៉ាងលំបាក ដោយបានធ្វើការពុះពារគ្រប់ឧបសគ្គខណៈសង្គមជាតិយើងមានការប្រែប្រួលដោយសារសង្គ្រាមនោះ ។ ទោះមានភ្លៀង ផ្គរ ក្តៅត្រជាក់ យ៉ាង ណាក៏ អ្នកឧកញ៉ា ព្រឹទ្ធ មហាឧបាសិកាធម្មញ្ញាណ វិវឌ្ឍនា ខិតខំប្រឹងប្រែងប្រកបរបរ ចិញ្ចឹមជីវិត ដោយសុចរិតយុត្តិធម៌ និង លះ បង់សេចក្តីសុខផ្ទាល់ខ្លួន ដើម្បីឲ្យកូនទាំង៥នាក់ បានរៀនសូត្រចេះដឹងនិងមានមុខរបរសមរម្យ គ្រប់ៗគ្នា។ នៅក្នុងឆ្នាំ១៩៧០ ដល់ឆ្នាំ១៩៧៥ អ្នកឧកញ៉ាព្រឹទ្ធ មហា ឧបាសិកា ធម្មញ្ញាណវិវឌ្ឍនា និងគ្រួសារ បន្តប្រកបមុខរបរនៅ ក្នុង ស្រុកកំណើតកាលនោះជាតំបន់រំដោះ។ពីឆ្នាំ១៩៧៥ ដល់ឆ្នាំ១៩៧៩ អ្នកឧកញ៉ាព្រឹទ្ធមហា ឧបាសិកាធម្មញ្ញាណវិវឌ្ឍនា និងក្រុមគ្រួសារ ត្រូវបាន របបប្រល័យ ពូជសាន៍ បង្ខំឲ្យធ្វើការជាទម្ងន់ ដូច ជា ប្រជាជនទូទៅ នៅក្នុង ប្រទេស ទាំង មូលដែរ ប៉ុន្តែ ប្រការ ដែល គួរ កត់សម្គាល់ និងសោកស្ដាយ នោះ គឺអ្នកឧកញ៉ាព្រឹទ្ធ មហា ឧបាសិកា ធម្មញ្ញាណវិវឌ្ឍនា បានបាត់បង់ ស្វាមីជាទីស្រឡាញ់បំផុត នៅដើមឆ្នាំ១៩៨០ ដោយត្រូវ បាន ក្រុម បាត ដៃប្រលាក់ឈាម ប៉ុលពត សម្លាប់នៅលើផ្ទះ នៅក្នុងភូមិទី២ ឃុំរការ ខ្នុរ ស្រុកក្រូច ឆ្មារ ខេត្តកំពង់ចាម។ ក្រោយពីបាត់ បង់ ស្វាមីជាទីស្រលាញ់ អ្នកឧកញ៉ាព្រឹទ្ធ មហា ឧបាសិកា ធម្មញ្ញាណ វិវឌ្ឍនា បាននាំក្រុមគ្រួសារ មក រស់ នៅទីក្រុងភ្នំពេញ ចាប់តាំងពីឆ្នាំ១៩៨៥ រហូតមក។ដោយការតបស្នងសងគុណនូវទឹកចិត្តកត្តញ្ញូតាធម៌ កាលពីអ្នកមានគុណនៅមានព្រះជន្មក្តី និងតាមរយៈការរៀបចំទីដ្ឋានដ៏ល្អប្រណិត ស្កឹមស្កៃសម្រាប់តម្កល់សពលោកទាំងទ្វេក្នុងពេលចែកឋាននេះទៅហើយក្តី ហើយតាមរយៈមនុញ្ញផលតាមផ្លូវព្រះពុទ្ធសាសនា កុសលផលបុណ្យទាំងពួងដែលកូនចៅបានសាងនៅគ្រប់ទីកន្លែង ជាពិសេសអំ ណាច នៃពិធីបុណ្យឆ្លងវិមានគុណមាតាបិតា ដែលបានប្រារព្ធឡើងចំពោះអ្នកមានគុណទាំងទ្វេនាពេលនេះ. ព្រះសង្ឃគ្រប់ព្រះអង្គ ព្រមទាំងសម្តេចឯកឧត្តម លោកជំទាវ និងពុទ្ធបរិស័ទចូលរួមក្នុងពិធីបុណ្យនេះដែរ សូមប្រសិទ្ធពរដល់ទសបារមីវត្ថុស័ក្តិសិទ្ធទេវតាថែរក្សាក្នុងលោក សូមតាមជួយគាំពារថែរក្សាការពារ សម្តេចតេជោនាយករដ្ឋមន្ត្រី និងសម្តេចកិត្តិព្រឹទ្ធបណ្ឌិត សូមមាន រិទ្ធីបារមីខ្លាំងពូកែ ឈ្នះអស់មាសត្រូវ ដើម្បីបន្តស្ថិតនៅជាអ្នកដឹកនាំដ៏ឆ្នើមនៅកម្ពុជា ដើម្បីថែរក្សាការ ពារសុខសន្តិភាព និងការអភិវឌ្ឍប្រទេសកម្ពុជាឲ្យកាន់តែមានភាពរីកចម្រើនរុងរឿង ជាយូរអង្វែងតរៀងទៅ៕

ភាពស្រពិចស្រពិល បានកើតឡើងនៅអាមេរិក ក្រោយលោកត្រាំ និងស្ត្រីទី១ធ្វើតេស្តវិជ្ជមានជំងឺ COVID-19

អន្តរជាតិ៖ លោកប្រធានាធិបតី ដូណាល់ ត្រាំ បាននិយាយនៅថ្ងៃសុក្រនេះថា លោក និងស្ត្រីទី១ មេឡានៀ ត្រាំ បានធ្វើតេស្តវិជ្ជមានជំងឺ COVID-19 គឺជាសេចក្តីប្រកាសដ៏គួរភ្ញាក់ផ្អើលមួយ ធ្វើឲ្យសហរដ្ឋអាមេរិកធ្លាក់ក្នុងស្ថានភាពមិនច្បាស់លាស់កាន់តែខ្លាំងឡើង រយៈពេល១ខែប៉ុណ្ណោះ មុនការបោះឆ្នោតជ្រើសរើសប្រធានាធិបតី។លោកត្រាំ ដែលបានច្រានចោលការគំរាមកំហែងរបស់ជំងឺ COVID-19 ដែលបានសម្លាប់មនុស្សជាង ២០៥.០០០នាក់នៅអាមេរិក បាននិយាយថា លោក និងលោកស្រីមេឡានៀ កំពុងដាក់ខ្លួនឯងឲ្យនៅដាច់ដោយឡែក។គ្រូពេទ្យសេតវិមាន បាននិយាយថា លោកប្រធានាធិបតី នឹងបន្តការងាររបស់លោក ដោយគ្មានការអាក់ខានអ្វីឡើយ អំឡុងពេលព្យាបាលជំងឺរបស់លោក។ស្របពេលដែលរោគសញ្ញារបស់លោកត្រាំ នឹងបង្កផលអស្ថិរភាពនៅទីក្រុងវ៉ាស៊ីងតោននោះ ការចោទសួរ បានកើតមានឡើងថាតើការរីករាលឆ្លងជំងឺ COVID-19 នឹងឆ្លងដល់មន្ត្រីកំពូលៗបំផុតរបស់រដ្ឋាភិបាលអាមេរិក ដល់កម្រិតណា។រយៈពេលប៉ុន្មានម៉ោង ក្រោយពេលដែលលោកត្រាំ ប្រកាសថាលោកឆ្លងជំងឺ COVID-19 សេតវិមាន បាននិយាយថា ទីប្រឹក្សាកំពូលដែលបានធ្វើដំណើរជាមួយលោកអំឡុងសប្តាហ៍នេះ បានធ្វើតេស្តវិជ្ជមានផងដែរ ។នៅវ័យ ៧៤ឆ្នាំ លោកត្រាំ ប្រឈមហានិភ័យខ្លាំងដោយសារជំងឺ COVID-19 ដែលបានឆ្លងមនុស្សជាង ៧លាននាក់នៅទូទាំងសហរដ្ឋអាមេរិក៕ អត្ថបទ៖ សារ៉ាត់

ប្រទេសម៉ិកស៊ិក ចុះយុទ្ធនាការផ្តល់វ៉ាក់សាំងបង្ការជំងឺផ្តាសាយធំ ស្របពេលវិបត្តិជំងឺ COVID-19

ម៉ិកស៊ីកូ៖ ស្របពេលដែលមានការរីករាលដាលឆ្លងសកលជំងឺ COVID-19 ទីក្រុងម៉ិកស៊ីកូ របស់ម៉ិកស៊ិក បានចាប់ផ្តើមយុទ្ធនាការផ្តល់វ៉ាក់សាំងបង្ការជំងឺផ្តាសាយធំ កាលពីថ្ងៃព្រហស្បតិ៍ ជាមួយនឹងការផ្តល់វ៉ាក់សាំងដោយឥតគិតថ្លៃ នៅតាមមណ្ឌលសុខភាព។ពួកគេបានបង្កើតជាតង់ផងដែរ នៅតាមទីសាធារណៈ ក៏ដូចជាការធ្វើដំណើរតាមផ្ទះ។ លោកស្រី ម៉ូនីកា រ៉ាមីរ៉េស វ៉ាហ្គាស់ ប្រធានផ្នែកយុត្ថាធិការថែទាំសុខភាព Benito Juárez បាននិយាយថា វាសំខាន់ខ្លាំងណាស់ កាលដែលពលរដ្ឋត្រូវការទទួលវ៉ាក់សាំងបង្ការជំងឺផ្តាសាយធំ ដែលជារោគសញ្ញាស្រដៀងគ្នា នឹងជំងឺ COVID-19។ក្រុមមន្ត្រីសុខភាពទីក្រុងម៉ិកស៊ិក បានផ្តល់អាទិភាពការចែកចាយវ៉ាក់សាំងនេះ ដល់មនុស្សងាយរងគ្រោះថ្នាក់។អ្នកស្រី អេរីកា ជ័រឌី គឺជាពលរដ្ឋរស់នៅក្នុងទីក្រុងម៉ិកស៊ិក ដែលបានធ្វើដំណើរទៅទទួលវ៉ាក់សាំងជាមួយប្តីអ្នកស្រី និងកូនស្រី២នាក់ បាននិយាយថា យើងត្រូវតែបញ្ចៀសផុតពីហានិភ័យ វាចាំបាច់ខ្លាំងណាស់ អ្នកស្រីជឿជាក់ថា វ៉ាក់សាំងនេះ នឹងអាចជួយដល់ពួកយើង ។ខណៈពេលនោះដែរ ក្រុមមន្ត្រីក្រុងម៉ិកស៊ិក រំពឹងថា នឹងអាចចែកចាយវ៉ាក់សាំងបង្ការជំងឺផ្តាសាយធំ ជាង៣លានដូសក្នុងរយៈពេល២–៣ខែទៀតនេះ៕ អត្ថបទ៖ សារ៉ាត់

ក្រសួងបរិស្ថាន ជំរុញឲ្យអ្នកថតរូបបន្តផលិតរូបភាពស្អាតៗ តាមតំបន់ធម្មជាតិ ដើម្បីផ្សព្វផ្សាយ

ភ្នំពេញ ៖ ឯកឧត្តម សាយ សំអាល់ រដ្ឋមន្ត្រីក្រសួងបរិស្ថាន បានលើកឡើងជាការលើកទឹកចិត្តដល់អ្នកថតរូបទាំងអស់ បន្តចូលរួមផលិតរូបភាពស្អាតៗ នៅតាមតំបន់ធម្មជាតិនានា នៅប្រទេសកម្ពុជា ដើម្បីជាការផ្សព្វផ្សាយបន្តដល់ប្រជាពលរដ្ឋកម្ពុជា ។ ការលើកឡើងបែបនេះ ធ្វើឡើងក្នុងឱកាសដែលក្រសួង បរិស្ថានរៀបចំការជួបជុំសំណេះសំំណាលជាមួយអ្នកថតរូប នាល្ងាចថ្ងៃទី ២ខែតុលាឆ្នាំ២០២០។ក្នុងឱកាសជួបសំណេះសំណាលជាមួយអ្នកថតរូបជាច្រើននៅកម្ពុជានេះ ឯកឧត្តម សាយ សំអាល់ រដ្ឋមន្ត្រីក្រសួងបរិស្ថាន បានថ្លែងអំណរគុណដល់អ្នកថតរូបទាំងអស់ ដែលខិតខំព្យាយាមផ្ដិតយករូបភាពស្អាតៗ នៅតាមតំបន់ធម្មជាតិនានាទូទាំងប្រទេសកម្ពុជា។ ឯកឧត្តមបញ្ជាក់ថានេះជាការបង្ហាញពីស្មារតីស្នេហាជាតិមួយ ក្នុងនាមជាប្រជាពលរដ្ឋកម្ពុជាដែលពោរពេញដោយសមត្ថភាព តាមការផលិតនូវរូបភាពស្អាតប្រណិត ដើម្បីបង្ហាញបន្តជូនប្រជាពលរដ្ឋកម្ពុជាឱ្យបានឃើញពីភាពអស្ចារ្យ នៃសម្រស់តំបន់ធម្មជាតិរបស់កម្ពុជា។ឯកឧត្តម បានលើកឡើងថា តាមរយៈរូបភាពកន្លងមករបស់អ្នកថតរូបកម្ពុជា ពិតជាមានសារៈប្រយោជន៍ ជាខ្លាំង ក្នុងការជួយផ្សព្វផ្សាយជូនសាធារណជនកម្ពុជា ទាំងអស់ ហើយសកម្មភាពនេះ ក៏បានបង្ហាញពីការចូលរួមប្រតិបត្តិមេត្រីភាពបរិស្ថានល្អប្រសើរ ក្នុងកិច្ចគាំពារបរិស្ថាន ការគ្រប់គ្រងធម្មជាតិ ការអភិរក្សជីវៈចម្រុះ និងការរស់នៅដោយចីរភាព។ ក្រៅពីលើកឡើងជាការលើកទឹកចិត្ត ក្រសួងបរិស្ថានក៏បានប្រគល់ជូន ប័ណ្ណសរសើរមេត្រីភាពបរិស្ថាន ជូនដល់ថតរូបជាច្រើនផងដែរ។ក្នុងកម្មវិធីដដែលនេះ ក្នុងនាមជារដ្ឋមន្ត្រីក្រសួងបរិស្ថាន ឯកឧត្តម សាយ សំអាល់ ក៏បានបញ្ជាក់ដែរថា ក្រសួងនឹងពង្រឹងកិច្ចការងារអភិរក្សតំបន់ការពារធម្មជាតិ ឱ្យកាន់តែប្រសើរតាមរយៈមន្ត្រីអភិរក្ស ដែលមានសព្វថ្ងៃ ហើយ ឯកឧត្តម ក៏សំណូមពរឱ្យប្រជាពលរដ្ឋគ្រប់រូបបង្ហាញភាពស្រលាញ់ចំពោះតំបន់ធម្មជាតិរបស់យើង និងចូលរួមការពារទាំងអស់គ្នា៕អត្ថបទ៖គឹមហុក

ក្រសួងបរិស្ថាន និងរដ្ឋបាលក្រុងសួង ដាំដើមឈើ ដើម្បីបង្កើនភាពបៃតង ក្នុងសហគមន៍

ត្បូងឃ្មុំ ៖ ក្រសួងបរិស្ថាន និងរដ្ឋបាលក្រុងសួង ខេត្តត្បូងឃ្មុំ បានសហការគ្នាធ្វើពិធីដាំដើមឈើ ដើម្បីបង្កើនភាពបៃតងក្នុងសហគមន៍ និងបណ្តុះស្មារតីពលរដ្ឋឱ្យស្រឡាញ់ការពារបរិស្ថាន អភិរក្សធនធានធម្មជាតិព្រៃឈើ និងសត្វព្រៃ ឱ្យបានគង់វង្ស សម្រាប់ជាផលប្រយោជន៍មនុស្សរាប់ជំនាន់តទៅអនាគត។ឯកឧត្តម នេត្រ ភក្ត្រា រដ្ឋលេខាធិការ និងជាអ្នកនាំពាក្យក្រសួងបរិស្ថាន បានឱ្យដឹងថា កូនឈើ គ្រញូង និងធ្នង់ និងដើមក្ងោកពូជផ្កាពណ៌លឿង ចំនួនជាង១០០០ដើម ត្រូវបាននៅតាមបណ្តោយផ្លូវជាតិ លេខ៧ វត្តអារាម សាលារៀន និងផ្លូវសាធារណៈ ក្នុងភូមិសាស្ត្រក្រុងសួង នៅព្រឹកថ្ងៃទី៣ ខែតុលា នេះ ខណៈដែលរៀងរាល់ឆ្នាំ កូនឈើរាប់សែនដើម ត្រូវបានអាជ្ញាធរ ប្រជាពលរដ្ឋ ដាំនៅតាមតំបន់នានា ពិសេសតំបន់ព្រៃរេចរឹលផង នៅក្នុងប្រទេសកម្ពុជា។ឯកឧត្ដម បានអំពាវនាវឱ្យប្រជាពលរដ្ឋខ្មែរចូលរួមដាំដើមឈើទាំងអស់គ្នា ដើម្បីស្តារឡើងវិញនូវ គម្របព្រៃឈើ ដែលបានបាត់បង់ និងការពារធនធានធម្មជាតិព្រៃឈើ របស់កម្ពុជា ដែលនៅសល់។យោងតាមរបាយការណ៍របស់ក្រសួងបរិស្ថាន គម្របព្រៃឈើ នៅឆ្នាំ១៩៦៤ មានទំហំ៧៣ភាគ រយ នៃផ្ទៃដីប្រទេសកម្ពុជា ខណៈប្រជាពលរដ្ឋ មានចំនួនជាង៥លាន៧សែននាក់។ មកដល់ឆ្នាំ២០១៨ នៅសល់ជាង៤៦,៨៦ភាគរយ ខណៈចំនួនប្រជាជន បានកើនឡើងដល់១៦លាននាក់។ កត្តាមនុស្ស ជា ហេតុផលចម្បង ដែលបានធ្វើឱ្យធ្លាក់ចុះនូវគម្របព្រៃឈើ ហើយជំនួសមកវិញនូវផ្ទៃដីកសិកម្ម និងលំនៅ ឋាន។ឯកឧត្តម នេត្រ ភក្ត្រា បានបញ្ជាក់ថា ប្រទេសកម្ពុជា បាននឹងកំពុងខិតខំប្រឹងប្រែងការពារធនធាន ធម្មជាតិ ដែលខ្លួនមាន ដោយបង្កើតតំបន់ការពារធម្មជាតិ និងតំបន់អភិរក្សជាច្រើនកន្លែង។ មកទល់ពេល នេះ មានតំបន់ការពារពារធម្មជាតិ ចំនួន៦៦កន្លែង លើផ្ទៃដីជាង៧,៣លានហិកតា ស្មើជាង៤១ភាគរយ នៃផ្ទៃដីប្រទេស និងឋិតនៅក្រោមការគ្រប់គ្រង និងអភិរក្ស របស់ក្រសួងបរិស្ថាន។ ផ្ទៃដីតំបន់ធម្មជាតិ ដែល ត្រូវបានដាក់ជាតំបន់អភិរក្សនេះ ច្រើនជាងពីរដង នៃគោលការណ៍ជីវចម្រុះអាឈី (Archi) ដែលកំណត់ ថា ប្រទេសនីមួយៗ ត្រូវរក្សាដីអភិរក្ស១៧ភាគរយ នៃផ្ទៃដីប្រទេស។ឯកឧត្តម បានបញ្ជាក់ទៀតថា ការដាំដើមឈើបន្ថែមថ្មី នឹងដើរតួនាទីសំខាន់ដើម្បីបង្កើតបរិស្ថាន បៃតងសម្រាប់ភូមិឃុំ និងដើម្បីជាដំណោះស្រាយចំពោះបញ្ហាបង្កឡើងដោយការប្រែប្រួលអាកាសធាតុ ដែលបាននឹងកំពុងបង្កផលប៉ះពាល់យ៉ាងខ្លាំងដល់ពិភពលោក។ កម្ពុជា មិនមែនជាប្រទេស ដែលបង្កឱ្យ មានការប្រែប្រួលអាកាសធាតុឡើយ តែបាននឹងកំពុងរងនូវផលប៉ះពាល់ពីបញ្ហានេះ ដូចជារដូវវស្សាចាប់ ផ្តើមយឺត ភ្លៀងមិនទៀងទាត់ ភាពរាំងស្ងួត ឬទឹកជំនន់ ធ្វើឱ្យមានការប្រែប្រួលរបបទឹកនៃទន្លេមេគង្គ និង ទន្លេសាប និងធ្វើឱ្យខូចផលដំណាំប្រជាពលរដ្ឋ ជាដើម៕អត្ថបទ៖ ចេន សុជាតា

យោធាមួកខៀវកម្ពុជា បញ្ចប់បេសកកម្មនៅម៉ាលី ជិត៨០រូបទៀត មិនទាន់ត្រឡប់មកកម្ពុជាវិញ

ភ្នំពេញ ៖ នៅក្នុងឆ្នាំ២០១៩ ដល់ឆ្នាំ២០២០ កម្ពុជា មានកងយោធាមួកខៀវប្រមាណជិត៣០០រូប បានបញ្ចប់ ការងារបំពេញបេសកកម្មថែរក្សាសន្តិភាពអង្គការសហប្រជាជាតិ នៅប្រទេសម៉ាលី។ បើគិតមកដល់ថ្ងៃទី៣ ខែតុលា ឆ្នាំ២០២០នេះ ភាគីអង្គការសហប្រជាជាតិ បានបញ្ជូនកងយោធាមួកខៀវកម្ពុជា បញ្ចប់បេសកកម្មនៅប្រទេសម៉ាលី ត្រឡប់មកកម្ពុជាវិញ បានចំនួន២១៩រូបហើយនៅសល់កងមួកខៀវកម្ពុជា នៅប្រទេសម៉ាលី ជិត៨០រូបទៀតមិនទាន់ត្រឡប់មកមាតុប្រទេសវិញ។បើតាមនាយឧត្តមសេនីយ៍ សែម សុវណ្ណនី អគ្គនាយកមជ្ឈមណ្ឌលជាតិគ្រប់គ្រងកម្លាំងរក្សាសន្តិភាព បានថ្លែងនៅថ្ងៃទី៣ ខែតុលានេះថា នៅពេលនេះ យើងមិនទាន់បានដឹងពីកាលបរិច្ឆេទនៃការបញ្ជូនកងយោធាមួកខៀវបញ្ចប់បេសកកម្មនៅប្រទេសម៉ាលី ប្រមាណជិត៨០រូបត្រឡប់មកកម្ពុជា ពីខាងភាគីអង្គការសហប្រជាជាតិនៅឡើយទេ តែទោះយ៉ាងណា បច្ចុប្បន្នកងកម្លាំងទាំងនោះ បាននិងកំពុងបន្តបំពេញបេសកកម្មថែរក្សាសន្តិភាពនៅប្រទេសម៉ាលីរយៈពេលខ្លី ហើយពុំមាននរណាម្នាក់មានករណីឆ្លងមេរោគ COVID-19នោះទេ។ឯកឧត្តម បញ្ជាក់ថា សម្រាប់ការងារយោធាមួកខៀវដែលបញ្ចប់បេសកកម្មមិនទាន់ត្រឡប់មកកម្ពុជាវិញនេះ គឺបច្ចុប្បន្ន គេកំពុងធ្វើការបង្ហាត់បង្រៀនការងារនានា នៅក្នុងតំបន់បេសកកម្មជូនដល់កម្លាំងយោធាមួកខៀវថ្មី ដែលទើបប្តូរវេនបញ្ជូនទៅដល់ប្រទេសម៉ាលី ប្រមាណជិត៣០០រូប ហើយនៅពេលបង្ហាត់បង្រៀនការងារបេសកកម្មជូនកងកម្លាំងថ្មីនេះចប់ កងកម្លាំងទាំងនោះបញ្ជូនត្រឡប់មកកម្ពុជាវិញភ្លាម។ឯកឧត្តម សែម សុវណ្ណនី បានបញ្ជាក់ថា សម្រាប់កងយោធាមួកខៀវដែលបញ្ចប់ការងារបំពេញបេសកកម្មរក្សាសន្តិភាព UN នៅប្រទេសម៉ាលីនេះ កាលពីខែថ្ងៃទី១០ ខែកក្កដា ឆ្នាំ២០២០ ភាគី UN បានបញ្ជូនត្រឡប់មាតុភូមិកម្ពុជាវិញ បានចំនួន៨០រូប ហើយនៅថ្ងៃទី១៣ ខែកញ្ញា ឆ្នាំ២០២០នេះ បានបញ្ជូនត្រឡប់មកកម្ពុជាបានចំនួន១៣៩រូប ហើយកងកម្លាំងទាំងនោះក៏បានធ្វើចត្តាឡីស័ក និងត្រឡប់ទៅផ្ទះជួបជុំគ្រួសាររបស់គេអស់ហើយ។ឯកឧត្តម សែម សុវណ្ណនី បន្តថា ចាប់ខែតុលានេះ រហូតដល់ខែធ្នូ ឆ្នាំ២០២០នេះ ភាគី UN នឹងរៀបចំបញ្ជូនកងមួកខៀវកម្ពុជាបញ្ចប់បេសកកម្មរក្សាសន្តិភាពនៅប្រទេសម៉ាលី ប្រទេសស៊ូដង់ខាងត្បូង និងសាធារណរដ្ឋអាហ្វ្រឹក កណ្តាល ត្រឡប់មកកម្ពុជាវិញជាដំណាក់កាលបន្តិចម្តងៗ ហើយនៅដើមឆ្នាំ២០២១ នឹងបញ្ជូនត្រឡប់ជាបន្តបន្ទាប់ផងដែរ ដោយឡែកភាគីកម្ពុជា ក៏បានត្រៀមបញ្ជូនកម្លាំងយោធាមួកខៀវប្តូរវេនជាច្រើនកងទៀតទៅបំពេញបេសកកម្មរក្សាសន្តិភាពនៅតាមបណ្តាមានជម្លោះសង្គ្រាមទាំងនោះវិញផងដែរ។សូមបញ្ជាក់ថា បច្ចុប្បន្ននេះកម្ពុជា យោធាមួកខៀវប្រមាណជិត៨០០រូប កំពុងបំពេញបេសកកម្មរក្សាសន្តិភាព នៅប្រទេសស៊ូដង់ ស៊ូដង់ខាងត្បូង ម៉ាលី អាហ្វ្រឹកកណ្តាល និង ប្រទេសលីបង់ ហើយតាមការបញ្ជាក់ពីឯកឧត្តម សែម សុវណ្ណនី ពុំមាននរណាម្នាក់មានករណីឆ្លងមេរោគ covid-19 ទេ៕

តម្បាញហូលពិតានខ្មែរ នៅសៀមរាប ប្ដេជ្ញាផ្ទេរចំណេះដឹង ដល់កូនចៅជំនាន់ក្រោយដើម្បីចូលរួមអភិរក្

សៀមរាប ៖ ហូលពិតាន ( ក្រណាត់ធ្វើអំពីសូត្រ លើកជាក្បាច់គោមផ្សេងៗ ឬ រូបសត្វ ក្នុងពុទ្ធសាសនា ឬ រូបពុទ្ធប្រវត្តិ ឬ រឿងជាតក ដែលប្រជាជនកម្ពុជា និយមប្រើជាវត្ថុសក្ការបូជា ដើម្បីដាក់ចងជាពិតានលើព្រះពុទ្ធបដិមា នៅក្នុងវត្តអារាម) បច្ចុប្បន្នសហគមន៍តម្បាញហូលពិតានខ្មែរ នៅខេត្តសៀមរាប កំពុងផលិតតាមធម្មជាតិ និងបណ្តុះបណ្តាលជូនកូនខ្មែរជំនាន់ក្រោយ ដើម្បីចូលរួមអភិរក្ស។បើតាមកញ្ញា រិន រដ្ឋា បុគ្គលិកវិទ្យាស្ថាន វាយនភណ្ឌសូត្រប្រពៃណីខ្មែរ នាំមកនូវគំនិតថ្មី ខេត្តសៀមរាប (ហៅកាត់អង្គការ អាយខេធីធី) បាននិយាយថា មានប្រជាពលរដ្ឋមួយចំនួនតូច មិនបានដឹងថា នៅក្នុងខេត្តសៀមរាប មានអ្នកផលិតក្រណាត់ធ្វើអំពីសូត្រ ពណ៌ធម្មជាតិ ដែលរក្សាទុកតាំងពីសម័យដើម ដោយអនុវត្តន៍ឡើងតាមលំនាំក្នុងសៀវភៅ និងលំនាំចេញពីសំពត់ចាស់ៗ ដែលបន្សល់ទុកពីចាស់ទុំ បុរាណ បានចងជាឯកសារទុក។ ហើយការជ្រលក់ពណ៌ប្រើដោយធម្មជាតិ ការត្បាញ ស្រាវសូត្រ គឺធ្វើដោយដៃ គឺគ្មានប្រើប្រាស់ឧបករណ៍ដោយម៉ាស៊ីននោះទេ។ សព្វថ្ងៃអង្គការ បានដាំមន និងចិញ្ចឹមកូននាង មានបុគ្គលិកប្រមាណជាង១០០នាក់ កំពុងបំពេញការងារនេះ។ទន្ទឹមគ្នានោះដែរ អ្នកស្រី ប៉ៅ ប៉ាក់ អ្នកផលិតហូលពិតាន រស់នៅខេត្ដសៀមរាប បានឲ្យដឹងដែរ សព្វថ្ងៃ ចំពោះការផលិតហូលពិតាន មានការលំបាក ព្រោះនៅពេលធ្វើហូលពិតាន ត្រូវមានអារម្មណ៍ស្រស់ថ្លា ប្រសិនបើមានអារម្មណ៍មិនល្អ ឆេវឆាវ ធ្វើមិនល្អនោះទេ។អ្នកស្រី ប៉ៅ ប៉ាក់ បានបញ្ជាក់ទៀតថា គ្រប់ហូលពិតានទាំងអស់ រាល់ការជាវរបស់អតិថិជនគ្រប់រូប ត្រូវតែ យកទៅដាក់តាំងលើជញ្ជាំង ឬក៏ប្រគេនព្រះសង្ឃតាមទីវត្តអារាម ហាមផ្តាច់យកមកធ្វើជាសំលៀកបំពាក់ ដោយមានជំនឿពីបុរាណមកថា ប្រសិនបើយើងយកមកធ្វើជាសំលៀកបំពាក់ គឺអ្នកដែលស្លៀកនោះ នឹងទទួលផលបាប។សូមរំលឹកផងដែរថា សិល្បៈតម្បាញសូត្រ សង្កេតឃើញថា មានសហគមន៍តម្បាញសូត្រមួយចំនួន នៅខេត្តតាកែវ និងខេត្តសៀមរាប កំពុងបន្តថែរក្សារហូតមកដល់សព្វថ្ងៃនេះ៕អត្ថបទ ៖ រដ្ឋា

WHO បង្ហាញមូលហេតុបីយ៉ាង ដែលកម្ពុជាអាចទទួលបានឧបករណ៍ថ្មី ធ្វើតេស្តរកជំងឺកូវីដ-១៩

ភ្នំពេញ ៖ បន្ទាប់ពីអង្គការសុខភាពពិភពបានប្រកាសរកឃើញឧបករណ៍ថ្មី ធ្វើតេស្តរកជំងឺកូវីដ–១៩ ឆាប់រហ័ស ដែលគ្រោង នឹងផ្តល់ជូនដល់ប្រទេសមានចំណូលទាប និងមធ្យមនោះ។ លោកជំទាវ លី អាយលែន ប្រធានអង្គការសុខភាពពិភពលោកប្រចាំប្រទេសកម្ពុជា បានបង្ហាញមូលហេតុចំនួន៣ ដែលកម្ពុជា អាចនឹងទទួលបានជំនួយឧបករណ៍នេះ។មានប្រសាសន៍ក្នុងកិច្ចសំភាសន៍ជាមួយBTV នៅពេលថ្មីៗ លោកជំទាវ លី អាយលែន ប្រធានអង្គការសុខភាពពិភពលោក ប្រចាំប្រទេសកម្ពុជា បានបង្ហាញមូលហេតុចំនួន៣ ដែលកម្ពុជា អាចនឹងទទួលបានជំនួយឧបករណ៍ថ្មី ធ្វើរោគវិនិច្ឆ័យរកជំងឺកូវីដ–១៩ ដែលអង្គការសុខភាពពិភពលោក គ្រោងផ្តល់ជូនដល់ប្រទេសមានចំណូលទាប និងប្រទេសមានចំណូលមធ្យម។បើតាមលោកជំទាវមូលហេតុទាំងបីនោះ រួមមាន ៖ ទី១.កម្ពុជាគឺជាប្រទេសមួយក្នុងចំណោមប្រទេសមានចំណូលកម្រិតទាប និងមធ្យម ទី២.តួនាទី WHO គឺធានាថា រាល់ឧបករណ៍ការធ្វើតេស្ត និងការព្យាបាលជំងឺកូវីដ–១៩ ធ្វើឡើងដោយតម្លាភាព មានន័យថា ប្រទេសទាំងអស់នឹងទទួលបានគ្រប់គ្នាៗ ក្នុងពេលវេលាណាមួយ និងទី៣.ឧបករណ៍ធ្វើតេស្តថ្មីរកជំងឺកូវី–១៩នេះ គឺធ្វើរោគវិនិច្ឆ័យលឿន ហើយវាជាដំណឹងល្អសម្រាប់ពិភពលោក និងប្រទេសកម្ពុជា ផងដែរ។បើទោះបី ឧបករណ៍ថ្មីវិនិច្ឆ័យរកកូវីដ–១៩ បានដឹងលឿន ១ម៉ោង ឫ ២ម៉ោងប៉ុណ្ណោះ តែលោកជំទាវ លី អាយលែន បានផ្ដល់អនុសាសន៍ ការធ្វើតេស្តរកជំងឺកូវីដ–១៩ ធ្វើនៅមន្ទីរពិសោធន៍គឺល្អជាង។ពាក់ព័ន្ធនឹងឧបករណ៍ថ្មី ដែល WHO រកឃើញនេះដែរ លោកជំទាវ ឱ វណ្ណឌីន រដ្ឋលេខាធិការក្រសួងសុខាភិបាល បានលើកឡើងថា កម្ពុជានៅតែរក្សាការធ្វើតេស្តតាមមន្ទីរពិសោធន៍ ដែលហៅជាភាសារអង់គ្លេស PCR ព្រោះថា ការធ្វើតេស្តតាម PCR មានភាពជឿជាក់ទុកចិត្ត បានជាងឧបករណ៍ថ្មីនេះ ។ម្យ៉ាងទៀតឧបករណ៍ថ្មីនេះ ភាគច្រើនធ្វើនៅប្រទេស ដែលមានអ្នកកើតជំងឺកូវីដ–១៩ ច្រើន ដើម្បីដឹងរហ័ស ងាយស្រួលរៀបចំវិធានការទប់ស្កាត់ការរីករាលដាល។នៅពេលថ្មីនេះ អង្គការសុខភាពពិភពលោក (WHO) បានប្រកាសពីការរកឃើញឧបករណ៍ថ្មីវិនិច្ឆ័យរក ជំងឺកូវីដ–១៩ បានឆាប់រហ័ស ដែលគ្រោងនឹងផ្តល់ជូនដល់ប្រទេសជាង១០០រយ ដែលមានចំណូលទាប និងមធ្យម ក្នុងតម្លៃខ្ពស់បំផុត៥ដុល្លារប៉ុណ្ណោះ៕អត្ថបទ ៖ ទូច សោភ័ណ

បណ្តាប្រទេសអាស៊ាន គាំទ្រវឌ្ឍនភាពកម្ពុជា ស្តីពីការលើកកម្ពស់ការការពារសិទ្ធិមនុស្ស

ភ្នំពេញ ៖ នៅក្នុងពិភាក្សាអន្តរសកម្មជាមួយអ្នករាយការណ៍ពិសេសស្តីពីស្ថានភាពសិទ្ធិមនុស្សនៅកម្ពុជា ដែលបានធ្វើឡើងនៅប្រព្រឹត្តទៅអង្គការសហប្រជាជាតិ ទីក្រុងហ្សឺណែវ ប្រទេសចំនួន១៧ និងសមាគមប្រជាជាតិអាស៊ីអាគ្នេយ៍ បានគាំទ្រវឌ្ឍនភាពកម្ពុជាស្តីពីការលើកកម្ពស់ការការពារសិទ្ធិមនុស្ស។យោងតាមសេចក្តីប្រកាសព័ត៌មានរបស់ស្ថានបេសកកម្មអចិន្ត្រៃយ៍កម្ពុជាប្រចាំអង្គការសហប្រជាជាតិ កាលពីថ្ងៃទី២ ខែតុលា ប្រទេសចំនួន១៧ រួមទាំងសហគមន៍ប្រជាជាតិអាស៊ីអាគ្នេយ៍ (អាស៊ាន) បានថ្លែងគាំទ្រដល់កិច្ចខិតខំប្រឹងប្រែងនិងវឌ្ឍនភាពរបស់ប្រទេសកម្ពុជា ក្នុងការលើកកម្ពស់ និងការការពារសិទ្ធិមនុស្ស ក្នុងនោះ ពាក់ព័ន្ធនឹងការឆ្លើយតបទៅ នឹងជំងឺកូវីដ១៩ វិធានការជំរុញសេដ្ឋកិច្ច ការគាំទ្រសង្គម និងគំនិតផ្ដួចផ្ដើមកំណែ ទម្រង់យុត្តិធម៌ ជាដើម រាជរដ្ឋាភិបាលបានអនុវត្តប្រកបដោយ លក្ខណៈមានតុល្យភាព និងស្របទៅតាមច្បាប់។សេចក្តីប្រកាសព័ត៌មានដដែល បានបន្តថា នៅកិច្ចប្រជុំនោះដែរ វាគ្មិនក៏បានស្វាគមន៍ចំពោះការរៀបចំវេទិកាភាពជាដៃគូរវាងរដ្ឋាភិបាល និងអង្គការសង្គមស៊ីវិល ព្រមទាំងក្រុមការងារដែលពិនិត្យនិងសិក្សានូវការស្នើសុំធ្វើវិសោធនកម្មលើច្បាប់ស្តីពីសមាគមនិងអង្គការមិនមែនរដ្ឋាភិបាល។ គណៈប្រតិភូកម្ពុជា បានសង្កត់ធ្ងន់នៅក្នុងកម្មវិធីនោះដែរថា វិធីសាស្ត្រធ្វើការរបស់អ្នករាយការណ៍ពិសេសគួរតែមានតុល្យភាពនិងមានលក្ខណៈស្ថាបនា ដោយគិតពិចារណានូវទស្សនៈ របស់រដ្ឋាភិបាល និងស្ថានភាពរបស់ប្រទេស ។សេចក្តីប្រកាសព័ត៌មាននេះ បានបន្ថែមថា ក្រោយកិច្ចប្រជុំពិភាក្សារបស់អង្គការសហប្រជាជាតិលើវិស័យសិទ្ធិមនុស្សនៅកម្ពុជា ស្ទើរគ្រប់ប្រទេសទាំងអស់ បានថ្លែងស្វាគមន៍ចំពោះកិច្ចសហប្រតិបត្តិការ និងការចូលរួមរបស់រាជរដ្ឋាភិបាលកម្ពុជា ជាមួយអ្នករាយការណ៍ពិសេសនិងយន្តការសិទ្ធិមនុស្សរបស់អង្គការសហប្រជាជាតិផងដែរ៕អត្ថបទ ៖ សេក ឧត្តម

មន្ទីរសុខាភិបាល អំពាវនាវ ឱ្យពលរដ្ឋធ្លាប់ទាក់ទង ជាមួយស្ត្រីផ្ទុកកូវីដ-១៩ នៅបាត់ដំបង ទៅជួបជំនាញ

បាត់ដំបង ៖ មន្ត្រីមន្ទីរសុខាភិបាលខេត្តបាត់ដំបង បានអំពាវនាវដល់ពលរដ្ឋ ដែលធ្លាប់ប្រាស្រ័យទាក់ទង ជាមួយស្ត្រី ទើបឆ្លងកូវីដ១៩ មានទីលំនៅក្នុងសង្កាត់ក្ដុលដូនទាវ ក្រុងបាត់ដំបង ទៅជួបមន្ត្រីសុខាភិបាលខេត្ត ដើម្បីយកសំណាកទៅពិនិត្យរកកូវីដ១៩ និងដាក់ខ្លួននៅដាច់ដោយឡែក (ចត្តាឡីស័ក) ។ក្នុងពេលចុះផ្សព្វផ្សាយបញ្ហាជំងឺកូវីដ១៩ នៅព្រឹកថ្ងៃទី៣ ខែសីហា នេះក្នុងសង្កាត់ក្ដុលដូនទាវ លោកវេជ្ជបណ្ឌិត អ៊ុក វិទ្យា អនុប្រធានមន្ទីរសុខាភិបាលខេត្តបាត់ដំបង បានឱ្យដឹងថា បច្ចុប្បន្ន ស្ត្រីឆ្លងកូវីដ ១៩ ទើបមកពីអាមេរិកនោះ កំពុងសម្រាកព្យាបាលនៅក្នុងមន្ទីរពេទ្យបង្អែកខេត្ត ដោយក្រុមគ្រូពេទ្យជួរមុខ បាននឹងកំពុងយកចិត្តដាក់ថែទាំ ។ ចំពោះអ្នកធ្លាប់ប្រាស្រ័យទាក់ទង អំឡុងស្ត្រីឆ្លងជំងឺកូវីដ១៩នេះ ជំនាញទើបរកឃើញបាន៨នាក់ ដែលជាសមាជិកក្រុមគ្រួសារ ខណៈអ្នកផ្សេងទៀត មន្ត្រីសុខាភិបាល អាជ្ញាធរមូលដ្ឋាន កំពុងធ្វើការស្រាវជ្រាវស្វែងរកបន្ថែម ។លោកវេជ្ជបណ្ឌិត បានស្នើឱ្យអាជ្ញាធរមូលដ្ឋាន បន្តជួយស្រាវជ្រាវរកអ្នកធ្លាប់ជួបប្រាស្រ័យជាមួយ អ្នកជំងឺ ដើម្បីឲ្យពួកគេទៅជួបមន្ត្រីសុខាភិបាល ដើម្បីយកសំណាកទៅពិនិត្យ និងដើម្បីធ្វើចត្តាឡីស័ក ចៀសវាងកុំឱ្យមានការឆ្លងរាលដាលក្នុងសហគមន៍ ។លោក អែម ស៊ីយឿន ចៅសង្កាត់ក្ដុលដូនទាវ បានបញ្ជាក់ថា ក្រោយពីការរកឃើញផ្ទុកកូវីដ១៩ លើស្ត្រីម្នាក់ ក្នុងតំបន់នេះ ធ្វើឱ្យពលរដ្ឋមានការព្រួយបារម្ភ ដោយអ្នកខ្លះមិនហានចេញក្រៅ ។ស្ត្រី ដែលទើបឆ្លងកូវីដ១៩ រស់នៅក្នុងសង្កាត់ក្ដុលដូនទាវ ក្រុងបាត់ដំបងនេះ គឺជាអ្នកជំងឺ កូវីដទី ៩ហើយ ដែលបានរកឃើញនៅក្នុងខេត្តបាត់ដំបង ខណៈអ្នកឆ្លងចំនួន៨នាក់ ផ្សេងទៀត បានជាសះ ស្បើយអស់ហើយ៕អត្ថបទ៖ បាន សុខរិទ្ធ

បណ្ដាញសង្គម

ព័ត៌មានថ្មីៗ

កម្ពុជា បន្តរក្សាការអភិវឌ្ឍ និងនវានុវត្តន៍បច្ចេកវិទ្យា នៅក្នុងវិស័យសន្តិសុខផ្ទៃក្នុង

កម្ពុជា លើកឡើងអំពី ចក្ខុវិស័យក្នុងការជំរុញកិច្ចសហប្រតិបត្តិការអាស៊ាន-ចិន

បុរាណវិទូរកឃើញហ្វូស៊ីលត្រីដូហ្វាំងនៅបាតសមសមុទ្របុរាណប្រទេសប៉េរូ

ពលរដ្ឋអាហ្វហ្គានីស្ថានធ្វើមាតុភូមិនិវត្តន៍ជួបការលំបាក ស្របពេលកើតវិបត្តិសេដ្ឋកិច្ច និងអាកាសធាតុ

មន្រ្តីសុខាភិបាល ត្រូវមានស្មារតីបុរេសកម្ម នវានុវត្តន៍ ពង្រឹងសមត្ថភាព ដេីម្បីបង្កេីនគុណ ប្រសិទ្ធភា ព ជូនប្រជាពលរដ្ឋ

រដ្ឋមន្ត្រីក្រសួងទេសចរណ៍៖ បច្ចេកវិទ្យាឌីជីថល គឺជាកម្លាំងចលករថ្មីមួយសម្រាប់កំណើនសេដ្ឋកិច្ចសកល

ប្រាក់ចំណូលពីប្រេង និងឧស្ម័នរបស់រុស្ស៊ី នៅខែកញ្ញា ទំនងធ្លាក់ចុះ ២៣ភាគរយ

UN ៖ បម្រែបម្រួលអាកាសធាតុ បង្កភាពវឹកវរដល់វដ្តទឹករបស់ពិភពលោក

គុយបាអំពាវនាវឲ្យ UNបញ្ឈប់ការធ្វើយោធូបនីយកម្មសហរដ្ឋអាមេរិកនៅក្នុងតំបន់

ចក្រភពអង់គ្លេសនិរទេសជនអន្តោប្រវេសន៍ទៅបារាំង ក្រោមកិច្ចព្រមព្រៀងថ្មី «ម្នាក់ចូលម្នាក់ចេញ»

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

ភាពស្រពិចស្រពិល បានកើតឡើងនៅអាមេរិក ក្រោយលោកត្រាំ និងស្ត្រីទី១ធ្វើតេស្តវិជ្ជមានជំងឺ COVID-19

ប្រទេសម៉ិកស៊ិក ចុះយុទ្ធនាការផ្តល់វ៉ាក់សាំងបង្ការជំងឺផ្តាសាយធំ ស្របពេលវិបត្តិជំងឺ COVID-19

ក្រសួងបរិស្ថាន ជំរុញឲ្យអ្នកថតរូបបន្តផលិតរូបភាពស្អាតៗ តាមតំបន់ធម្មជាតិ ដើម្បីផ្សព្វផ្សាយ

ក្រសួងបរិស្ថាន និងរដ្ឋបាលក្រុងសួង ដាំដើមឈើ ដើម្បីបង្កើនភាពបៃតង ក្នុងសហគមន៍

យោធាមួកខៀវកម្ពុជា បញ្ចប់បេសកកម្មនៅម៉ាលី ជិត៨០រូបទៀត មិនទាន់ត្រឡប់មកកម្ពុជាវិញ

តម្បាញហូលពិតានខ្មែរ នៅសៀមរាប ប្ដេជ្ញាផ្ទេរចំណេះដឹង ដល់កូនចៅជំនាន់ក្រោយដើម្បីចូលរួមអភិរក្

WHO បង្ហាញមូលហេតុបីយ៉ាង ដែលកម្ពុជាអាចទទួលបានឧបករណ៍ថ្មី ធ្វើតេស្តរកជំងឺកូវីដ-១៩

បណ្តាប្រទេសអាស៊ាន គាំទ្រវឌ្ឍនភាពកម្ពុជា ស្តីពីការលើកកម្ពស់ការការពារសិទ្ធិមនុស្ស

មន្ទីរសុខាភិបាល អំពាវនាវ ឱ្យពលរដ្ឋធ្លាប់ទាក់ទង ជាមួយស្ត្រីផ្ទុកកូវីដ-១៩ នៅបាត់ដំបង ទៅជួបជំនាញ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

ភាព​ស្រពិចស្រពិល ​បាន​កើត​ឡើង​នៅ​អាមេរិក ក្រោយ​លោក​ត្រាំ និង​ស្ត្រី​ទី​១​ធ្វើតេស្ត​វិជ្ជមាន​ជំងឺ COVID-19

ប្រទេស​ម៉ិ​ក​ស៊ិ​ក ចុះ​យុទ្ធនា​ការផ្តល់​វ៉ាក់សាំង​បង្ការ​ជំងឺ​ផ្តាសាយធំ ស្របពេល​វិបត្តិ​ជំងឺ COVID-19

ក្រសួងបរិស្ថាន​ ជំរុញ​ឲ្យ​អ្នក​ថតរូប​បន្ត​ផលិត​រូបភាព​ស្អាតៗ ​តាម​តំបន់​ធម្មជាតិ ​ដើម្បី​ផ្សព្វផ្សាយ

ក្រសួងបរិស្ថាន​ និង​រដ្ឋបាល​ក្រុង​សួង​ ដាំ​ដើមឈើ​ ដើម្បី​បង្កើន​ភាព​បៃតង ​ក្នុង​សហគមន៍

យោធា​មួក​ខៀវ​កម្ពុជា ​បញ្ចប់​បេសកកម្ម​នៅ​ម៉ាលី​ ជិត​៨០​រូប​ទៀត មិនទាន់​ត្រឡប់​មក​កម្ពុជា​វិញ

តម្បាញ​ហូល​ពិតាន​ខ្មែរ នៅ​សៀមរាប ប្ដេជ្ញា​ផ្ទេរ​ចំណេះដឹង​ ដល់​កូនចៅ​ជំនាន់​ក្រោយ​ដើម្បី​ចូលរួម​អភិរក្

WHO ​បង្ហាញ​មូលហេតុ​បី​យ៉ាង ​ដែល​កម្ពុជា​អាច​ទទួល​បាន​ឧបករណ៍​ថ្មី​ ធ្វើតេស្ត​រក​ជំងឺ​កូ​វីដ​-១៩

បណ្តា​ប្រទេស​អាស៊ាន ​គាំទ្រ​វឌ្ឍនភាព​កម្ពុជា​ ស្តីពី​ការ​លើក​កម្ពស់​ការ​ការ​ពា​រ​សិទ្ធិមនុស្ស

មន្ទីរសុខាភិបាល​ ​អំពាវនាវ ​ឱ្យពលរដ្ឋធ្លាប់ទាក់ទង ​ជាមួយស្ត្រីផ្ទុកកូវីដ-១៩ នៅបាត់ដំបង ទៅ​ជួប​ជំនាញ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

ភាពស្រពិចស្រពិល បានកើតឡើងនៅអាមេរិក ក្រោយលោកត្រាំ និងស្ត្រីទី១ធ្វើតេស្តវិជ្ជមានជំងឺ COVID-19

ប្រទេសម៉ិកស៊ិក ចុះយុទ្ធនាការផ្តល់វ៉ាក់សាំងបង្ការជំងឺផ្តាសាយធំ ស្របពេលវិបត្តិជំងឺ COVID-19

ក្រសួងបរិស្ថាន ជំរុញឲ្យអ្នកថតរូបបន្តផលិតរូបភាពស្អាតៗ តាមតំបន់ធម្មជាតិ ដើម្បីផ្សព្វផ្សាយ

ក្រសួងបរិស្ថាន និងរដ្ឋបាលក្រុងសួង ដាំដើមឈើ ដើម្បីបង្កើនភាពបៃតង ក្នុងសហគមន៍

យោធាមួកខៀវកម្ពុជា បញ្ចប់បេសកកម្មនៅម៉ាលី ជិត៨០រូបទៀត មិនទាន់ត្រឡប់មកកម្ពុជាវិញ

តម្បាញហូលពិតានខ្មែរ នៅសៀមរាប ប្ដេជ្ញាផ្ទេរចំណេះដឹង ដល់កូនចៅជំនាន់ក្រោយដើម្បីចូលរួមអភិរក្

WHO បង្ហាញមូលហេតុបីយ៉ាង ដែលកម្ពុជាអាចទទួលបានឧបករណ៍ថ្មី ធ្វើតេស្តរកជំងឺកូវីដ-១៩

បណ្តាប្រទេសអាស៊ាន គាំទ្រវឌ្ឍនភាពកម្ពុជា ស្តីពីការលើកកម្ពស់ការការពារសិទ្ធិមនុស្ស

មន្ទីរសុខាភិបាល អំពាវនាវ ឱ្យពលរដ្ឋធ្លាប់ទាក់ទង ជាមួយស្ត្រីផ្ទុកកូវីដ-១៩ នៅបាត់ដំបង ទៅជួបជំនាញ