BTV NEWS

គម្រោងស្ពានឆ្លងកាត់ទន្លេបាសាក់ (ចាក់អង្រែក្រោម-ព្រែកប្រា) និងផ្លូវតភ្ជាប់ សម្រេចបាន ៤៥% ហើយ ដែលលឿនជាងផែនការ ៤,១១%

សម្ដេចធិបតី អំពាវនាវដល់ជនរួមជាតិជឿទុកចិត្តលើរាជរដ្ឋាភិបាលដែលកំពុងធ្វើកិច្ចការងារយ៉ាងសកម្មស្វែងរកដំណោះស្រាយបញ្ចប់បញ្ហាព្រំដែនកម្ពុជា-ថៃ ឱ្យបានឆាប់រហ័ស

សម្ដេចធិបតីផ្ដល់អនុសាសន៍៧ចំណុច ដល់ក្រសួង-ស្ថាប័នពាក់ព័ន្ធឱ្យយកចិត្តទុកដាក់ក្នុងឱកាសទិវាអក្ខរកម្មអន្តរជាតិ ៨ កញ្ញា ២០២៥

សម្ដេចធិបតី៖ រាជរដ្ឋាភិបាលប្តេជ្ញាចិត្តយ៉ាងមុតមាំលើកកម្ពស់ការងារអក្ខរកម្ម និងបំពាក់បំប៉ន ជំនាញ និងឱកាសសិក្សាពេញមួយជីវិត ជាពិសេសជំនាញឌីជីថល

នយោបាយ និង ការអភិវឌ្ឍន៍

ស.ស.យ.ក និងក្រុមហ៊ុនភេសជ្ជៈកម្ពុជា (កូកា-កូឡា) រួមគ្នាដំឡើងប៉មចម្រោះទឹកស្អាតថ្មីមួយទៀតក្នុងខេត្តកំពង់ស្ពឺ

កំពង់ស្ពឺ៖ សហភាពសហព័ន្ធយុវជនកម្ពុជា (សសយក) និងក្រុមហ៊ុនភេសជ្ជៈកម្ពុជា (កូកា-កូឡា) បានសហការគ្នាយ៉ាងស្អិតល្មួតក្នុងពិធីសម្ពោធគម្រោង «AquaTower-AquaSan ឬប៉មចម្រោះទឹកស្អាតស្វ័យប្រវត្តិ &ម៉ាស៊ីនលាងសម្អាតបន្ទប់ទឹក» នៅស្រុកឧដុង្គ ខេត្តកំពង់ស្ពឺ កាលពីថ្ងៃទី៣០ កញ្ញា ២០២០។គម្រោងនេះ មានទិសដៅផ្តោតសំខាន់លើការបង្កើន និងពង្រឹងសុខមាលភាពរបស់ប្រជាសហគមកម្ពុជា ដោយចាប់ផ្តើមពីការប្រើប្រាស់ទឹកស្អាតមានសុវត្ថិភាព និងបន្ទប់ទឹកស្អាតក្នុងសាលារៀន។ ប៉មចម្រោះទឹកស្អាតមួយនេះ មានសមត្ថភាពគ្រប់គ្រាន់ក្នុងការផលិតទឹកស្អាតបានជាង ១០០០ លីត្រក្នុងមួយម៉ោង មានសុវត្ថិភាពអាចទទួលទានបានភ្លាមៗ។ប៉មចម្រោះទឹកនេះ បំពាក់ដោយប្រព័ន្ធចម្រោះ Ultra-Filtration technology របស់សហរដ្ឋអាមេរិក និងផ្គុំដោយក្បាលរ៉ូប៊ីណេទឹកចំនួន ០៦ប្រព័ន្ធអនាម័យសាប៊ូលាងដៃចំនួន ៣ ក៏ដូចជាម៉ាស៊ីនបាញ់ជម្រះបន្ទប់ទឹកហៅថា AquaSan ដើរដោយបន្ទះសូឡា ដែលនឹងជួយសម្រួលដល់សិស្សានុសិស្សក្នុងការសំអាតបន្ទប់ទឹក ស្របតាមគោលដៅរបស់សាលា ដើម្បីអនុវត្តន៍បន្ទប់ស្អាត សាលារៀនគំរូ។ អង្គការមូលនិធិ Planet Water នឹងធ្វើលំហែទាំរយៈពេល ៥ ឆ្នាំ រាប់ចាប់ពីថ្ងៃដំឡើង ដោយផ្តោតទៅលើការត្រួតពិនិត្យគុណភាព សុវត្ថិភាពទឹក ។ក្នុងពិធីសម្ពោធប៉មចម្រោះទឹកស្អាតនេះដែរ លោក រស់ សោភា នាយកផ្នែកច្បាប់ និងទំនាក់ទំនងកិច្ចការសាធារណៈប្រចាំប្រទេសរបស់ក្រុមហ៊ុន បានមានប្រសាសន៍ថា «គម្រោងនេះ គឺជាផ្នែកមួយនៃចក្ខុវិស័យអាទិភាពជាសកលរបស់ក្រុមហ៊ុនកូកា-កូឡា ក្រោមគម្រោងឈ្មោះថា «ការគ្រប់គ្រងទឹក ឬ Water Stewardship» ដែលមានឆន្ទៈព្រមជាមួយការប្តេជ្ញាយ៉ាងមុតមាំចំពោះគោលដៅចម្បង ៣ គឺសន្សំសំចៃទឹកក្នុងផលិតកម្ម ធ្វើប្រព្រឹត្តកម្មចម្រោះទឹកកខ្វក់មុននឹងបង្ហូរបញ្ចេញទៅស្ទឹងបឹងបួ និងប្រគល់ត្រឡប់ទៅឲ្យសហគមន៍វិញនូវតំណក់ទឹកស្អាតមានសុវត្ថិភាពអាចពិសាបានភ្លាមៗ ដែលស្មើនឹងចំនួនតំណក់ទឹកដែលយើងបានប្រើប្រាស់ក្នុងការផលិតភេសជ្ជៈរបស់យើង។ ក្រុមហ៊ុន មានមោទនភាពដែលបានចូលរួមចំណែកក្នុងគម្រោងនេះ ហើយយើងនៅមានប៉មចម្រោះទឹកស្អាតចំនួន ១ គ្រឿងទៀត ដែលបានត្រៀមរួចជាស្រេចសម្រាប់ដំឡើងក្នុងខេត្តកំពង់ចាម ក្នុងឆ្នាំ ២០២០នេះ។ឯកឧត្តម សំ រិទ្ធី តំណាងរាស្ត្រមណ្ឌលកំពង់ស្ពឺ តំណាងដ៏ខ្ពង់ខ្ពស់ ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា បានសូមឲ្យលោកគ្រូ អ្នកគ្រូ និងក្មួយៗសិស្សានុសិស្ស ថែរក្សាសុខភាពអោយបានល្អ ដោយទទួលទានទឹកស្អាត និងអនាម័យ ពោលគឺទទួលទានទឹកដែលចម្រោះចេញពីប៉មAquatowerនេះ និងសូមចូលរួមថែរក្សា និងកាពារប៉មចម្រោះទឹកនេះ អោយដូចជាសម្បត្តិផ្ទាល់ខ្លួន។សូមបញ្ជាក់ផងដែរថា ប៉មចម្រោះទឹកស្អាត Aquatower នេះ គឺជាប៉មចម្រោះទឹកទី៤ ដែលបានតម្លើងនៅខេត្តកំពង់ស្ពឺ និងជាប៉មចម្រោះទឹកទី ៣០ ដែលក្រុមហ៊ុនបានដំឡើងនៅទូទាំងព្រះរាជាណាចក្រកម្ពុជា ក្រោមកិច្ចសហការជាមួយដៃគូនានា បើគិតចាប់តាំងពីឆ្នាំ២០១៦មក។តាមរយៈគម្រោងនេះ ក្រុមហ៊ុនបានផ្តល់ទឹកស្អាតដល់សហគមន៍នូវបរិមាណទឹកចំនួន ៨៨ លាន លីត្រ ដល់ប្រជាសហគមប្រមាណជាង ៦៩ ៨៣៧ នាក់ (ប្រាំមួយម៉ឺនប្រាំបួនពាន់ប្រាំបីរយសាមសិបប្រាំពីរ) រួមទាំងសិស្សានុសិស្ស អ្នកគ្រូលោកគ្រូ នេះបើគិតចាប់តាំងពីឆ្នាំ២០១៦មក៕អត្ថបទ៖ រដ្ឋា

ឯកអគ្គរាជទូតជប៉ុន កោតសរសើរចំពោះវិធានការ ដ៏មានប្រសិទ្ធភាពរបស់រាជរដ្ឋាភិបាលកម្ពុជា លើបញ្ហាកូវីដ-១៩

ភ្នំពេញ៖ ឯកអគ្គរាជទូតជប៉ុនប្រចាំកម្ពុជា លោកមីកាមិ ម៉ាសាហ៊ីរ៉ូ បានកោតសរសើរចំពោះវិធានការ ដ៏មានប្រសិទ្ធភាពរបស់រាជរដ្ឋាភិបាលកម្ពុជា លើបញ្ហាកូវីដ–១៩ និងវិធានការដោះស្រាយផលប៉ះពាល់ដោយជំងឺរាតត្បាតនេះ ព្រោះថាបានជួយដោះស្រាយទាំងបញ្ហាសង្គម និងសេដ្ឋកិច្ច។ ការកោតសរសើរនេះ បានធ្វើឡើងក្នុងជំនួបពិភាក្សាជាមួយរដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈ លោកអ៊ិត សំហេង នៅថ្ងៃទី០១ ខែតុលា ឆ្នាំ២០២០ នៅទីស្តីការក្រសួង។ជាការឆ្លើយតប លោក អ៊ិត សំហេង រដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈ បានបញ្ជាក់ថា ដោយសារបច្ចុប្បន្នពិភពលោកទាំងមូល រួមទាំងកម្ពុជាផងនោះ កំពុងជួបប្រទះនូវវិបត្តិជំងឺកូវីដ–១៩ បានធ្វើឱ្យវិស័យការងារ វិស័យទេសចរណ៍ និងវិស័យមួយចំនួនទៀត នៅកម្ពុជាជួបប្រទះនូវវិបត្តិមួយចំនួន ក្នុងនោះ រាជរដ្ឋាភិបាលកម្ពុជា បានដាក់ចេញនូវកញ្ចប់វិធានការ ដែលមកដល់ពេលនេះ បានទម្លាក់កញ្ចប់វិធានការទី៦ហើយ ដើម្បីដោះស្រាយផលប៉ះពាល់ជូនកម្មករនិយោជិត និយោជក និងប្រជាពលរដ្ឋ ជាពិសេសកម្មករនិយោជិតដែលព្យួរការងារ និងបាត់បង់ការងារ ដើម្បីពួកគាត់អាចដោះស្រាយបាននូវបញ្ហាជីវភាព និងស្វែងរកបាននូវឱកាសការងារថ្មី។លោករដ្ឋមន្ត្រីក៏បានថ្លែងអំណរគុណចំពោះភាគីជប៉ុនដែលបានយកចិត្តទុកដាក់ដល់សិក្ខាកាម និងកម្មករជំនាញកម្ពុជា ព្រមទាំងអនុញ្ញាតឱ្យចេញចូលជប៉ុនតាមរយៈវិធានការធ្វើចត្តាឡីស័កនៅផ្ទះ។ តាមគ្រោងទុកកម្ពុជានឹងបញ្ជូនសិក្ខាកាម និងកម្មករជំនាញដែលបានបណ្តុះបណ្តាលរួចទៅជប៉ុនបន្ថែមទៀតក្នុងពេលឆាប់ៗ នៅពេលដែលភាគីទាំងពីរឯកភាពនូវមធ្យោបាយនិងនីតិវិធីក្នុងការធានាឱ្យបាន នូវការឆ្លងវីរ៉ុសកូវីដ–១៩៕

គ.ជ.ប នឹងដាក់ពិន័យភ្នាក់ងារបក្សនយោបាយណាដែលមិនគោរពនីតិវិធី គ.ជ.ប

ភ្នំពេញ ៖ អំឡុងពេលនៃដំណើរការចុះឈ្មោះបោះឆ្នោតនេះ ឯកឧត្តម ហង្ស ពុទ្ធា អ្នកនាំពាក្យគណៈកម្មាធិការជាតិរៀបចំការបោះឆ្នោត ហៅកាត់ គជប បានឲ្យដឹងថា ចំពោះភ្នាក់ងារសង្កេតការណ៍គណបក្សនយោបាយណាដែលមិនគោរពនីតិវិធី គជប នឹងរងការពិន័យ ឬឈានដល់ការសម្រេចដកបេក្ខភាពភ្នាក់ងារតែម្តង។នៅថ្ងៃទី២ ខែតុលានេះ ក៏ថ្ងៃទី២នៃដំណើរពិនិត្យបញ្ជីឈ្មោះបោះឆ្នោត និងការចាប់ផ្តើមចុះឈ្មោះបោះឆ្នោតឆ្នាំ២០២០ ដែលកំពុងប្រព្រឹត្តទៅនៅតាមបណ្តាឃុំ-សង្កាត់សរុបនៅទូទាំងប្រទេសចំនួន ១៤៩៦ ឃុំ-សង្កាត់ ឯកឧត្តម ហង្ស ពុទ្ធា សមាជិក និងជាអ្នកនាំពាក្យ គជប បានថ្លែងក្នុងសម្ភាសន៍ជាមួយ BTV នៅថ្ងៃនេះថា រយៈពេល២ថ្ងៃមកនេះ ដំណើរការចុះបោះឆ្នោតបានប្រកបដោយរលូន និងត្រឹមត្រូវទៅតាមផែនការ និងនីតិវិធីរបស់ គជប ប៉ុន្តែទន្ទឹមគ្នានោះមានគណបក្សនយោបាយខ្លះពុំបានអនុវត្តទៅតាមនីតិវិធីនៃទម្រង់បែបបទក្នុងនាមជាភ្នាក់ងារតំណាងគណបក្សនយោបាយចូលរួមសង្កេតការណ៍ចុះបោះឆ្នោតឡើយ។ឯកឧត្តម ហង្ស ពុទ្ធា បានបញ្ជាក់ថា ក្នុងដំណើរការចុះឈ្មោះបោះឆ្នោតនេះមានគណបក្សនយោបាយចំនួន៥ ដែលបានស្នើចូលរួមជាភ្នាក់ងារសង្កេតការណ៍ចុះបោះឆ្នោត ដោយក្នុងនោះប្រសិនគណបក្សនយោបាយណាមិនគោរពតាមនីតិវិធីរបស់ គជប នឹងត្រូវរងការពិន័យជាប្រាក់ ឬឈានដល់ការដកបេក្ខភាពជាភ្នាក់ងារចេញពីការិយាល័យចុះឈ្មោះបោះឆ្នោត។ជាមួយគ្នានេះ លោក ឈុន គីមលាង ភ្នាក់ងារតំណាងគណបក្សប្រជាជនកម្ពុជា នៅសង្កាត់ជើងឯក និងលោកស្រី ចាន់ រស្មី ជាភ្នាក់ងារតំណាងគណបក្សប្រជាជនកម្ពុជា សង្កាត់ដង្កោ បានលើកឡើងថា អំឡុងសង្កេតការណ៍ជាភ្នាក់ងារតំណាងគណបក្សនយោបាយដាច់ខាតត្រូវអនុវត្តតាមនីតិវិធីរបស់ គជប ដើម្បីធានាភាពត្រឹមត្រូវ និងតម្លាភាពជូនគ្រប់ភាគីពាក់ព័ន្ធ។ក្នុងដំណើរការចុះឈ្មោះបោះឆ្នោតដែលកំពុងប្រព្រឹត្តទៅនៅតាមបណ្តាឃុំសង្កាត់ មានគណបក្សនយោបាយចំនួន៥ ដែលបានស្នើជាភ្នាក់ងារដើម្បីចូលរួមសង្កេតការណ៍ចុះឈ្មោះបោះឆ្នោតរួមមាន គណបក្សប្រជាជនកម្ពុជា គណបក្សសម្ព័ន្ធលទ្ធិដើម្បីប្រជាធិបតេយ្យ គណបក្សហ៊្វុនស៊ិនប៉ិច គណបក្សខ្មែររួមរួមជាតិ និងគណបក្សយុវជនកម្ពុជា។សូមបញ្ជាក់ថា តាមការប៉ាន់ស្មានសម្រាប់ការចុះឈ្មោះបោះឆ្នោតឆ្នាំ២០២០របស់ គជប ចំនួនប្រជាពលរដ្ឋគ្រប់អាយុដែលត្រូវចុះឈ្មោះបោះឆ្នោតសរុបនៅទូទាំងប្រទេសមានចំនួនប្រមាណ ៣០ម៉ឺននាក់ ដោយការចុះបោះឆ្នោតនេះប្រព្រឹត្តទៅចាប់ពីថ្ងៃទី១នេះ រហូតដល់ថ្ងៃទី១៩ ខែតុលា ឆ្នាំ២០២០៕អត្ថបទ ៖ សេក ឧត្តម

រាជរដ្ឋាភិបាលកម្ពុជា បង្កើនថវិកាប្រមាណជាង១០លានដុល្លារ ក្នុងរយៈពេល៣ឆ្នាំ ដើម្បីប្រយុទ្ធនឹងជំងឺអេដស៍

ភ្នំពេញ ៖ ឯកឧត្តម អៀង មូលី ទេសរដ្ឋមន្ត្រីប្រធានអាជ្ញាធរជាតិប្រយុទ្ធ នឹងជំងឺអេដស៍ បានថ្លែងថា រាជរដ្ឋាភិបាលកម្ពុជា បានបង្កើនថវិកាប្រមាណជាង១០លានដុល្លារអាមេរិក ក្នុងរយៈពេល៣ឆ្នាំ(ឆ្នាំ២០២១–២០២២ និង២០២៣) ដើម្បីទិញថ្នាំ ប្រយុទ្ធនឹងជំងឺអេដស៍។ឯកឧត្តម អៀង មូលី បានឲ្យដឹងទៀតថា ការបង្កើនថវិការបស់រាជរដ្ឋាភិបាលកម្ពុជា គឺដើម្បីប្រយុទ្ធនឹងជំងឺអេដស៍ និងដើម្បីជួយគាំទ្រដល់អង្គការសង្គមស៊ីវិល។ បើយើងនិយាយពីកំណើននៃថវិកាជាតិ ក្នុងកម្មវិធីប្រយុទ្ធប្រឆាំង នឹងជំងឺអេដស៍ មកដល់សព្វថ្ងៃនេះ យើងមានជាង៣០% ដែលបានចូលរួម ដូចនេះនៅសល់តែជាង១៦%ទៀតប៉ុណ្ណោះ សម្រាប់បង្កើនថវិកាទិញថ្នាំ ប្រយុទ្ធនឹងជំងឺអេដស៍។ឯកឧត្តម ទេសរដ្ឋមន្រី្ត បានបញ្ជាក់ទៀតថា ចាប់ពីឆ្នាំ២០២០ រហូតដល់ឆ្នាំ២០២៥ ឬក្រោយឆ្នាំ២០២៥ យើងប្ដេជ្ញាទប់ស្កាត់ មិនឲ្យមានអ្នកឆ្លងមេរោគអេដស៍ថ្មី លើសពីម្នាក់ឡើយក្នុងមួយថ្ងៃ (មានន័យថា ៣៦០នាក់ ក្នុងមួយឆ្នាំ) ចាត់ទុកថាជោគជ័យរបស់កម្ពុជា។ ហើយយើងក៏មិនឲ្យមានអ្នកស្លាប់ ដោយសារជំងឺអេដស៍លើសពី៣នាក់ ក្នុងមួយថ្ងៃ។ ប៉ុន្តែបញ្ហានេះ យើងនៅតែមានការព្រួយបារម្ភ ដែលអាចមិនទទួលបានជោគជ័យទាំងអស់ ដូចដែលកម្ពុជា គ្រោងទុកនោះទេ។ ដោយសារតែមានកត្តាថ្មីមួយដែលមន្ត្រីយើងកំពុងដោះស្រាយ យកចិត្តទុកដាក់កែសម្រួលឡើង។ ដែលបច្ចុប្បន្ននេះ ក្នុងចំណោមយុវវ័យ ដែលជាអ្នកស្រលាញ់ភេទដូចគ្នា ពួកគាត់មានអត្រាឆ្លងខ្ពស់ជាង អត្រាជាតិ។ ព្រោះថាអត្រាជាតិ ចម្លងមាន០.៥% តែយុវវ័យស្រលាញ់ភេទដូចគ្នានេះ មានអត្រាឆ្លងរហូតដល់៤% និងចំនួនក៏មានច្រើន។ ដែលកាលពីឆ្នាំកន្លងទៅ មានមិនដល់៤ម៉ឺននាក់ទេ ប៉ុន្តែសព្វថ្ងៃនេះ មានយុវវ័យស្រលាញ់ភេទដូចគ្នានេះ មានរហូតដល់៩ម៉ឺននាក់ នេះជាកង្វល់របស់មន្រី្តយើង។ ទន្ទឹមនឹងនោះ អ្វីដែលត្រូវឆ្លើយតបបន្ទាប់ គឺយើងខិតខំឲ្យរាជរដ្ឋាភិបាល បង្កើនថវិកាទិញថ្នាំ និងបញ្ជ្រាបកម្មវិធីប្រយុទ្ធនឹងជំងឺអេដស៍តាមក្រសួង មន្ទីរ និងថ្នាក់ក្រោមជាតិ ដោយរុញការងារអេដស៍នេះដល់ថ្នាក់ឃុំ សង្កាត់។ ប្រសិនបើអនុវត្តន៍បាន នោះយើងនឹងទទួលបានជោគជ័យ ជាពិសេសគឺចីរភាពក្នុងការប្រយុទ្ធប្រឆាំង នឹងជំងឺអេដស៍៕អត្ថបទ ៖ រដ្ឋា

លេខាគណខេត្តកណ្តាល ស្នើវត្តអារាមប្រុងប្រយ័ត្ន COVID-19 ក្នុងឱកាសបុណ្យកឋិនទានចាប់ពីថ្ងៃស្អែកនេះ

កណ្ដាល ៖ បន្ទាប់ពីក្រសួងធម្មការនិងសាសនា បានផ្សព្វផ្សាយសេចក្តីណែនាំស្តីពីអំពីការរៀបចំបុណ្យកឋិនទាន ដោយនៅក្នុងសេចក្តីណែនាំក្រសួងក៏បានណែនាំបណ្តាប្រជាពុទ្ធបរិស័ទ និងវត្តអារាម អនុវត្តការណែនាំរាជរដ្ឋាភិបាលទប់ស្កាត់មេរោគ COVID-19។ ព្រះលេខាគណ ខេត្តកណ្តាល ក៏បានអំពាវនាវបណ្តាវត្តអារាមក្នុងខេត្តកណ្តាល សូមពង្រឹងអនុវត្តវិធានការទប់ស្កាត់COVID-19 ខណៈក្នុងអំឡុងពេល១ថ្ងៃ ក្នុងរយៈពេលជិត១ខែនេះ តាមវត្តនានា នឹងទទួលបានប្រជាពុទ្ធបរិស័ទជិតឆ្ងាយធ្វើបុណ្យដង្ហែអង្គកឋិនទៅកាន់វត្ត។បើតាមព្រះឃោសមុនីវង្ស វ័ន្ត វណ្ណោ ព្រះលេខាគណ ខេត្តកណ្តាល និងជាព្រះចៅអធិការវត្តប្រជុំនរទី ហៅវត្តក្រពើហារ ក្រុងតាខ្មៅ ខេត្តកណ្តាល មានថេរដីកា នៅថ្ងៃទី២ ខែតុលានេះថា នៅក្នុងឆ្នាំ២០២០នេះ ចាប់ពីថ្ងៃទី០៣ ខែតុលា រហូតដល់ថ្ងៃទី៣១ ខែតុលា តាមបណ្តាទីវត្តអារាមនីមួយៗ នឹង គឺត្រូវបានទទួលបានរៀបចំបុណ្យកឋិនមួយថ្ងៃប៉ុណ្ណោះ ដែលមានទទួលប្រជាពុទ្ធបរិស័ទចំណុះជើងវត្ត និងប្រជាពុទ្ធបរិស័ទមកពីបណ្តាខេត្តរាជធានី អាចនឹងមានអ្នកមកក្រៅប្រទេសនានា បង្ហែរអង្គកឋិនចូលទៅកាន់ទីវត្តអារាម។បច្ចុប្បន្នបើទោះស្ថានភាព COVID-19 មិនមានករណីកើតនៅក្នុងប្រទេស ហើយមានតែករណីនាំចូលមកពីខាងក្រៅប្រទេស ព្រះឃោសមុនីវង្ស វ័ន្ត វណ្ណោ មានថេរដីកាអំពាវនាវអោយបណ្តាវត្តអារាម ត្រូវពង្រឹងវិធានការប្រុងប្រយ័ត្នមេរោគ COVID-19 និងជំងឺផ្ដាសាយនានាទៀត ជាពិសេសគឺត្រូវរៀបចំកន្លែងវាស់កំដៅ ពាក់ម៉ាស់អោយបានគ្រប់ៗគ្នា ចូលវត្តត្រូវរក្សាគម្លាត ត្រូវកន្លែងអង្គុយ និងត្រូវឧស្សាហ៍លាងដៃទឹកសាប៊ូ អាកុលជែលជាដើម។សូមបញ្ជាក់ថា បើតាមសេចក្តីជូនណែនាំរបស់ក្រសួងធម្មការ និងសាសនាស្តីពីការរៀបចំបុណ្យកឋិននេះ ក្រៅពីការអំពាវនាវ ឲ្យអនុវត្តវិធានណែនាំរាជរដ្ឋាភិបាលបង្ការទប់ស្កាត់មេរោគ COVID-19 និងអនុវត្តវិធានអនាម័យក្រសួងសុខាភិបាលផងដែរនោះ បណ្តាទាយក ទាយិកាម្ចាស់ដើមអង្គកឋិនត្រូវយកចិត្តទុកដាក់ទទួលខុសត្រូវ ចូលរួមដង្ហែអង្គកឋិន ហើយមិនត្រូវធ្វើអំពើផ្ដេសផ្ដាស ដូចគប់ដំដី ដំថ្ម បាចទឹកដាក់នៅតាមដងផ្លូវសាធារណៈ ដាក់ទៅលើក្បួនដង្ហែអង្គកឋិន។ក្នុងសេចក្តីណែនាំនោះ ក្រសួងធម្មការ ក៏បានណែនាំអោយម្ចាស់អង្គកឋិន និងទាយក ទាយិកា ត្រូវត្រួតពិនិត្យយានជំនិះធ្វើដំណើរគ្រប់ប្រភេទដែលជាមធ្យោបាយធ្វើដំណើរ បង្ហែរ អង្គកឋិនរបស់ខ្លួនអោយបានល្អ និងត្រូវដឹកកំណត់ចំនួនមនុស្សកុំអោយហួសចំណុះ ជៀសវាងគ្រោះថ្នាក់ចំពោះការធ្វើដំណើរតាមរថយន្ត និងលិចទូកកាណូតជាដើម៕អត្ថបទ ៖ ស៊ុម សុខជា

រយៈពេល ៩ខែស៊ីម៉ាក់ រកឃើញគ្រាប់មីន និងសំណល់គ្រឿងផ្ទុះជិត៣ម៉ឺនគ្រាប់

សៀមរាប ៖ មជ្ឈមណ្ឌលសកម្មភាពកម្ចាត់មីននៅកម្ពុជា ហៅកាត់ថា ស៊ីម៉ាក់ បានបង្ហាញពីការខិតខំប្រឹងប្រែងរបស់ខ្លួនក្នុងការបោសសំអាតមីន និងគ្រាប់យុទ្ធភណ្ឌមិនទាន់ផ្ទះ ក្នុងរយៈពេល៩ខែឆ្នាំ ២០២០នេះ ដើម្បីរៀបចំផែនការសម្រាប់ឆ្នាំ២០២១ ។ ការបង្ហាញពីវឌ្ឍនភាពការងារប្រតិបត្ដិការ៩ខែនេះ ធ្វើឡើងតាមរយៈសិក្ខាសាលាមួយ នៅខេត្ដសៀមរាប នាថ្ងៃទី០១ ខែតុលា ម្សិលមិញនេះ ។ឯកឧត្ដម ហេង រតនា អគ្គនាយកស៊ីម៉ាក់ បានថ្លែងថា ចាប់ពីខែមករា ដល់ខែកញ្ញា ពោល៩ខែឆ្នាំ២០ ២០នេះ ស៊ីម៉ាក់រំដោះគ្រាប់មីន និងយុទ្ធភណ្ឌផ្ទុះនៅលើផ្ទៃដីជិត៦០គីឡូម៉ែត្រក្រឡា និងរកឃើញគ្រាប់មីន និងគ្រាប់យុទ្ធភណ្ឌមិនទាន់ផ្ទុះគ្រប់ប្រភេទប្រមាណជាង២ម៉ឺន៨ពាន់គ្រាប់ ហើយបានកម្ទេចចោលរួចរាល់ជាស្ថាពរ។ គ្រាប់មីននិងគ្រាប់យុទ្ធភណ្ឌមិនទាន់ផ្ទុះនេះ ភាគច្រើនត្រូវបានរកឃើញនៅតាមខ្សែបន្ទាត់ព្រំដែន នៃប្រទេសកម្ពុជា ដែលសល់ពីអំឡុងពេលកម្ពុជាមានសង្គ្រាមកាលពីសម័យឆ្នាំ១៩៧០ រហូតដល់ឆ្នាំ១៩៩៧។ ការរំដោះផ្ទៃដីចេញពីគ្រោះថ្នាក់ដោយសារគ្រាប់យុទ្ធភណ្ឌនេះ ប្រហាក់ប្រហែលនឹងឆ្នាំ២០១៩ដែរ បើធៀបនឹងរយៈពេលដូចគ្នា បើទោះបីកម្ពុជាជួបវិបត្ដិសេដ្ឋកិច្ចដោយសារជំងឺកូវីដ១៩ ក៏ដោយ។ជាមួយគ្នានោះដែរ ស៊ីម៉ាក់ បានធ្វើសកម្មភាពអប់រំដល់ប្រជាពលរដ្ឋអោយបានយល់ដឹងពីបញ្ហាមីន ដែលមានអ្នកចូលរួមប្រមាណជាង៧០ម៉ឺននាក់ នៅបណ្ដាភូមិគោលដៅរបស់អង្គការស៊ីម៉ាក់។ ស៊ីម៉ាក់ ក៏បានហ្វឹកហ្វឺនវិជ្ជាជីវៈ និងកសាងសមត្ថភាពមន្ត្រី ព្រមទាំងហ្វឹកហ្វឺន ដល់សុនកហិតមីន សិក្សាស្រាវជ្រាវបច្ចេកទេសផ្សេងទទួលបានជោគជ័យផងដែរ។ឯកឧត្ដម ហេង រតនា បានឲ្យដឹងបន្ដថា ក្នុងអំឡុងពេលកម្ពុជា គ្មានជំងឺកូវីដ-១៩ ក្នុងមួយឆ្នាំស៊ីម៉ាក់រុករកឃើញគ្រាប់គ្រប់ភេទក្នុងចន្លោះពី៤ម៉ឺនគ្រាប់ទៅ៥ម៉ឺន ហើយនៅក្នុងឆ្នាំ២០២០នេះ អាចនឹងរុករកឃើញគ្រាប់មីនប្រហាក់ប្រហែលគ្នាដែរ ព្រោះ៩ខែនេះ បានជិត៣ម៉ឺនគ្រាប់ហើយ។ឯកឧត្តម បញ្ជាក់ថា ការសំអាតមីននេះ នៅក្នុងអំឡុងជំងឺកូវីដ១៩នេះ មិនបានរាំងស្ទះដល់សកម្មភាពការងារនោះទេ ប៉ុន្តែក្រុមការងារបានជួបប្រទះបញ្ហាប្រឈមមួយចំនួន ដែលបណ្តាលមកពីការព្រួយបារម្ភរបស់ម្ចាស់ជំនួយ ដែលខ្លាចមានការរីករាលដាលអំពីជំងឺកូវីដ១៩ ដល់ក្រុមប្រតិបត្តិការ។ ប៉ុន្តែទោះយ៉ាងនេះក្តី ឯកឧត្តម បញ្ជាក់ថា បន្ទាប់ពីមានការពន្យល់អំពីវិធានការរបស់រាជរដ្ឋាភិបាល ក្នុងការប្រយុទ្ធប្រឆាំង នឹងមេរោគនេះ ក្រុមម្ចាស់ជំនួយពួកគាត់បានយល់ និងបន្តគាំទ្រជាបន្តទៀត។សូមបញ្ជាក់ថា រាជរដ្ឋាភិបាលកម្ពុជា បានកំណត់គោលដៅដោយយកឆ្នាំ២០២៥ ជាឆ្នាំដែលកម្ពុជា លែងមានការគំរាមកំហែងដោយសារគ្រាប់មីនប្រឆាំងមនុស្ស។ បើទោះជាយ៉ាងនេះក្តី ឯកឧត្តមពន្យល់ថា លែងមានការគំរាមកំហែងដោយសារមីន មិនមែនមានន័យថា ស៊ីម៉ាក់បញ្ចប់សកម្មភាពទេ ព្រោះនៅមានយុទ្ធភណ្ឌមិនទាន់ផ្ទុះជាច្រើនទៀតដែលមិនទាន់បានដោះស្រាយ៕អត្ថបទ ៖ ឈិត សាវី

ក្រសួងសុខាភិបាល កំពុងបន្តស្វែងរកអ្នកប៉ះពាល់ស្ត្រីម្នាក់ ដែលមកពីអាមេរិកមានផ្ទុកមេរោគកូវីដ-១៩

ភ្នំពេញ៖ ក្រសួងសុខាភិបាលកម្ពុជា បានប្រកាសស្វែងរកអ្នកដំណើរ ៤០នាក់ និងអ្នកប៉ះពាល់ផ្សេងទៀតជាមួយស្ត្រីជនជាតិខ្មែរម្នាក់ រស់នៅឃុំក្តុលដូនទាវ ក្រុងបាត់ដំបង ខេត្តបាត់ដំបង មកពីសហរដ្ឋអាមេរិក ដែលមានផ្ទុកមេរោគកូវិដ១៩ ខណៈក្រុមគ្រួសារ និងមិត្តភ័ក្ដិចំនួន ០៧នាក់ ត្រូវបានរកឃើញ ហើយបានដាក់ឲ្យធ្វើចត្តាឡស័កនៅថ្ងៃទី២ ខែតុលា ឆ្នាំ២០២០នេះ។យោងតាមសេចក្តីប្រកាសព័ត៌មានរបស់ក្រសួងសុខាភិបាល ដែលបានចេញនៅព្រឹកថ្ងៃទី២ ខែតុលា ឆ្នាំ២០២០នេះ បានឲ្យដឹងថា ស្ត្រីជនជាតិខ្មែរម្នាក់ អាយុ៣៣ឆ្នាំ មានអាសយដ្ឋានស្នាក់នៅភូមិក្តុល ឃុំក្តុលដូនទាវ ក្រុងបាត់ដំបង ខេត្តបាត់ដំបង ជាអ្នកធ្វើដំណើរមកពីអាមេរិក ដោយបានបន្តជើងហោះហើរនៅប្រទេសចិន(តៃវ៉ាន់) មកដល់កម្ពុជានាថ្ងៃទី១៦ ខែកញ្ញាកន្លងទៅនេះ។ បន្ទាប់មកនាថ្ងៃទី១៩ ខែកញ្ញាដដែលស្ត្រីរូបនេះបានចាកចេញពីរាជធានីភ្នំពេញទៅខេត្តបាត់ដំបង ហើយត្រូវបានធ្វើចត្តាឡីស័កនៅក្នុងផ្ទះ ដោយមកដល់ថ្ងៃទី៣០ ខែកញ្ញាកន្លងទៅត្រូវបានពិនិត្យឃើញថាស្ត្រីរូបនេះ មានវិជ្ជមានមេរោគកូវិដ១៩។បើតាមសេចក្តីប្រកាសព័ត៌មានរបស់ក្រសួងសុខាភិបាលបានឲ្យដឹងថា ស្ត្រីរូបនេះនាពេលបច្ចុប្បន្នកំពុងសម្រាកព្យាបាលនៅមន្ទីរពេទ្យបង្អែកខេត្តបាត់ដំបង។ ដោយឡែកអ្នកដែលបានប៉ះពាល់ទាំងផ្ទាល់ និងប្រយោលជាមួយស្ត្រីនេះទាំងអ្នកធ្វើដំណើរតាមយន្តហោះ៤០នាក់កំពុងបន្តស្រាវជ្រាវដើម្បីយកសំណាកពួកគេមកពិនិត្យ និងចំនួនប្រាំពីរនាក់ដែលជាក្រុមគ្រួសារ និងមិត្តភក្តិកំពុងធ្វើចត្តាឡីស័ក។សូមបញ្ជាក់ថា រហូតដល់ថ្ងៃទី២ ខែតុលា ឆ្នាំ២០២០នេះ ប្រទេសកម្ពុជា មានករណីឆ្លងនូវមេរោគកូវិដ១៩ ចំនួន២៧៨នាក់ ដោយក្នុងនោះចំនួន២៧៥នាក់បានជាសះស្បើយ ហើយនៅសល់បីនាក់ទៀតកំពុងបន្តសម្រាកព្យាបាលនៅមន្ទីរពេទ្យដាច់ដោយឡែកពីគ្នា ដោយមានការយកចិត្តទុកដាក់បំផុតពីសំណាក់ក្រុមគ្រួពេទ្យ។ជាមួយគ្នានោះដែរ ក្រសួងសុខាភិបាលក៏បានបន្តអំពាវនាវដល់ជនរួមជាតិទាំងអស់ត្រូវអនុវត្តន៍ឲ្យបានត្រឹមត្រូវបំផុតចំពោះវិធានការរបស់ក្រសួងសុខាភិបាល ក្នុងកិច្ចការពារមេរោគកូវិដ១៩នេះ ខណៈមេរោគនេះនៅតែយាយីយើងគ្រប់ពេលវេលាប្រសិនបើយើងមានការធ្វេសប្រហែសនោះ៕ អត្ថបទ៖ បាន ចក់

ទូតអូស្ត្រាលីផ្ដល់សម្ភារការពារកូវីដ-១៩ ដល់មជ្ឈមណ្ឌលស្តាកាយសម្បទាខេត្តព្រៃវែង និងក្រចេះ

ភ្នំពេញ៖ ស្ថានទូតអូស្ត្រាលី ក្រោមវត្តមាន ឯកឧត្តម Pablo Kang ជាអគ្គរាជទូត បានបន្តសកម្មភាពនាំយកនូវសម្ភារការពារជំងឺកូវីដ–១៩ ជាច្រើនប្រគល់ជូនមជ្ឈមណ្ឌលស្តាលទ្ធភាពពលកម្មកាយសម្បទាខេត្តព្រៃវែង និងក្រចេះ ដើម្បីផ្តល់ជូនជនពិការដែលមកទទួលសេវា។ឯកឧត្តម Pablo Kang អគ្គរាជទូតអូស្ត្រាលីប្រចាំកម្ពុជា រួមទាំងវត្តមានរបស់ លោក ជួរ រតនៈ នាយកមូលនិធិជនពិការ រួមទាំងមន្ត្រីជាន់ខ្ពស់របស់កម្មវិធី ACCESS និងមន្ត្រីជាច្រើនរូបទៀត នៅថ្ងៃទី ៣០ កញ្ញានិងថ្ងៃទី០១ តុលា បាននាំយកនូវសម្ភារការពារជំងឺកូវីដ១៩ ជាច្រើនជួយដល់ មជ្ឈមណ្ឌលស្តាលទ្ធភាពពលកម្មកាយសម្បទាខេត្តព្រៃវែង និងក្រចេះ។ អំណោយដែលប្រគល់ជូនទាំងនោះរួមមាន អាកុលចំនួន៨១០ដប ម៉ាស់វះកាត់ចំនួន៧០ប្រអប់ ម៉ាស់ក្រមាចំនួន៨១០ម៉ាស់ ស្រោមដៃចំនួន៤០ប្រអប់។ក្នុងឱកាសកម្មវិធីនេះ ឯកឧត្តម Pablo Kang បានលើកឡើងនូវក្តីសោមនស្សជាមួយនឹងសមិទ្ធិផល និងកិច្ចខិតខំប្រឹងប្រែងរបស់រាជរដ្ឋាភិបាលកម្ពុជា ដែលបានទប់ស្កាត់ជំងឺនេះបានល្អ។ ឯកឧត្តមបន្តថា ជាការចូលរួមជាមួយរាជរដ្ឋាភិបាលកម្ពុជា រយៈពេលកន្លងមកនេះ ស្ថានទូតអូស្ត្រាលីប្រចាំប្រទេសកម្ពុជា បានផ្តល់នូវសម្ភារការពារជំងឺកូដ១៩ ជូនមជ្ឈមណ្ឌលស្តារលទ្ធភាពពលកម្មកាយសម្បទា៣រួចមកហើយ នៅខេត្តសៀមរាប តាកែវ និងមណ្ឌលគៀនឃ្លាំង(ភ្នំពេញ)។សម្រាប់ការទទួលបានសម្ភារការពារសុវត្ថិភាពពីជំងឺ កូវីដ១៩នេះ លោក ជួរ រតនៈ នាយកមូលនិធិជនពិការ បានថ្លែងអំណរគុណដល់រដ្ឋាភិបាលរបស់ប្រទេសអូស្ត្រាលី ដែលបានឧបត្ថម្ភនូវសម្ភារការពារទាំងនេះ ដល់មជ្ឈមណ្ឌលស្តាលទ្ធភាពពលកម្មកាយសម្បទាទាំង២ ដែលពិតជាបានរួមចំណែកដល់ការរក្សាសុវត្ថិភាពដល់ជនពិការ និងមន្ត្រីបម្រើសេវា។ លោកបន្តថា រយៈពេល៩ខែដើមឆ្នាំ២០២០នេះ ដោយសារមានផលប៉ះពាល់នៃជំងឺកូវីដ១៩ មជ្ឈមណ្ឌលខេត្តព្រៃវែង និងក្រចេះ បានផ្តល់សេវាស្តារលទ្ធភាពពលកម្មកាយសម្បទាជូនជនពិការចំនួន ៩៧៩នាក់ គឺមានការធ្លាក់ចុះប្រមាណ១៤%ធៀបនឹងការផ្តល់សេវាក្នុងឆ្នាំ២០១៩។ដោយអនុវត្តតាមការណែនាំពីក្រសួងសុខាភិបាល និងមានការជួយគាំទ្រពីក្រសួងអាណាព្យាបាលរបស់ខ្លួន មូលនិធិជនពិការបានរក្សាបាននូវការផ្តល់សេវាប្រកបដោយគុណភាព និងសុវត្ថិភាពជូនជនពិការ តាមរយៈការរៀបចំឱ្យមានឧបករណ៍ការពារ ការធ្វើអនាម័យជាប្រចាំ ការផ្តល់ជាម៉ាស់និងទឹកអាកុល និងការណែនាំអប់រំនានាដល់ជនពិការ៕ អត្ថបទ៖ គឹមហុក

រាជរដ្ឋាភិបាល កម្ចីឥណទានសម្បទាន ពីដៃគូអភិវឌ្ឍន៍ជាង ៤៧៩ លានដុល្លារ សម្រាប់វិនិយោគលើវិស័យអាទិភាព

ភ្នំពេញ៖ រាជរដ្ឋាភិបាលកម្ពុជា បានចុះកិច្ចព្រមព្រៀងខ្ចីឥណទានសម្បទាន ជាមួយដៃគូអភិវឌ្ឍន៍នានា សរុបជាង ៤៧៩ លាន ដុល្លារអាមេរិក ក្នុងគោលដៅនៃការខ្ចីឥណទានសម្បទានទាំងនេះ គឺជាហិរញ្ញប្បទានលើគម្រោងវិនិយោគសាធារណៈ ក្នុងវិស័យអាទិភាពរបស់រាជរដ្ឋាភិបាល សំដៅរួមចំណែកទ្រទ្រង់ចិរភាព នៃកំណើនរយៈពេលវែង និងបង្កើនផលិតភាពសេដ្ឋកិច្ច ឬផលិតភាពផលិតកម្ម។តាមព្រឹត្តិបត្រស្ថិតិបំណុលសាធារណៈកម្ពុជា ដែលបានចុះផ្សាយដោយនាយកដ្ឋានគ្រប់គ្រងបំណុល នៃអគ្គនាយកដ្ឋានសហប្រតិបត្តិការអន្តរជាតិ និងគ្រប់គ្រងបំណុល ក្រសួងសេដ្ឋកិច្ច និងហិរញ្ញវត្ថុ បានបង្ហាញឲ្យដឹងថា នៅក្នុងឆមាសទី១ ឆ្នាំ២០២០ នេះ រាជរដ្ឋាភិបាលបានចុះកិច្ចព្រមព្រៀងខ្ចីឥណទានសម្បទាន ជាមួយដៃគូអភិវឌ្ឍន៍នានា សរុបជាង ៤៧៩លានដុល្លារអាមេរិក ឬជាង ៣ម៉ឺនលានអេសដេអ៊ែរ ស្មើប្រមាណ២៥% នៃពិតានដែលច្បាប់អនុញ្ញាត (១ ៤០០ លានអេសដេអ៊ែរ) ក្នុងនោះ ក្របខ័ណ្ឌទ្វេភាគីមានចំនួន ៩៣% ត្រូវជាង ៤៤៣ លានដុល្លារអាមេរិក និងក្របខ័ណ្ឌពហុភាគី មានចំនួនប្រមាណ ៧% ត្រូវជាង ៣៥ លានដុល្លារអាមេរិក។ជុំវិញនិងកម្ចីឥណទានសម្បទាន នៅក្នុងឆមាសទី១ ឆ្នាំ២០២០ នេះ រាជរដ្ឋាភិបាលបានដកសាច់ប្រាក់ពីដៃគូអភិវឌ្ឍន៍ យកមកប្រើប្រាស់ ជាក់ស្តែង សរុបមានចំនួនជាង ៤៤៣ លានដុល្លារអាមេរិក ក្នុងនោះ ក្របខ័ណ្ឌទ្វេភាគី មានចំនួនប្រមាណ ៦៣% ត្រូវជាង ២៨១ លានដុល្លារអាមេរិក, និងក្របខ័ណ្ឌពហុភាគី មានចំនួនប្រមាណ ៣៧% ត្រូវជាង ១៦២ លានដុល្លារ អាមេរិក។ក្នុងរយៈពេលនេះដែរ រាជរដ្ឋាភិបាលកម្ពុជា បានទូទាត់សេវាបំណុលជូនដៃគូអភិវឌ្ឍន៍ សរុបជាង ១៥២ លានដុល្លារ ក្នុងនោះ ក្របខ័ណ្ឌបំណុលសាធារណៈក្នុងប្រទេស មានចំនួន ១% ត្រូវនឹង ១,៦១ លានដុល្លារ (ប្រាក់ដើម ១,៥៦ លានដុល្លារ និងការប្រាក់ ០,០៥ លានដុល្លារ) និងក្របខ័ណ្ឌបំណុលសាធារណៈក្រៅប្រទេស មានចំនួនប្រមាណ ៩៩% ត្រូវជាង ១៥០ លានដុល្លារ (ប្រាក់ដើមជិត ១១០ លានដុល្លារ រួមជាមួយការប្រាក់ និងកម្រៃ ផ្សេងៗជាង ៤០ លានដុល្លារអាមេរិកផងដែរ)។សូមបញ្ជាក់ថា គោលដៅនៃការខ្ចីឥណទានសម្បទានទាំងនេះ គឺសុទ្ធតែជាហិរញ្ញប្បទានលើគម្រោងវិនិយោគសាធារណៈ ក្នុងវិស័យអាទិភាពរបស់រាជរដ្ឋាភិបាល សំដៅរួមចំណែកទ្រទ្រង់ចីរភាព នៃកំណើនរយៈពេលវែង និងបង្កើនផលិតភាព សេដ្ឋកិច្ច ឬផលិតភាពផលិតកម្ម ដោយក្នុងនោះ វិស័យហេដ្ឋារចនាសម្ព័ន្ធរូបវន្តគ្របដណ្ដប់ប្រមាណ ៩៣% និងវិស័យ អាទិភាពចំពោះមុខផ្សេងទៀតប្រមាណ ៧%។ ជារួម, ឥណទានទាំងនេះ សុទ្ធសឹងជាឥណទានដែលមានកម្រិតសម្បទានខ្ពស់ ដោយមានធាតុអំណោយជាមធ្យម ៥៦%៕ អត្ថបទ ៖ សុន រ៉ាឌី

អាល្លឺម៉ង់ ប្រកាសផ្ដល់ហិរញ្ញប្បទានឥតសំណងបន្ថែម ៧លានអឺរ៉ូ ដើម្បីរួមចំណែកដល់ការស្តារសេដ្ឋកិច្ចកម្ពុជា

ភ្នំពេញ៖ អាល្លឺម៉ង់ប្រកាសផ្តល់ហិរញ្ញប្បទានឥតសំណងបន្ថែម ចំនួនប្រមាណ ៧លានអឺរ៉ូ ដើម្បីរួមចំណែកគាំទ្រដល់វិធានការឆ្លើយតបបន្ទាន់ ទៅនឹងផលប៉ះពាល់នៃជំងឺកូវីដ–១៩ និងវិធានការស្តារសេដ្ឋកិច្ចឡើងវិញ របស់រាជរដ្ឋាភិបាលកម្ពុជា។ឯកឧត្តម សៀង យ៉ាណារ៉ា រដ្ឋមន្ត្រី ប្រតិភូអមនាយករដ្ឋមន្ត្រី និងជាអគ្គលេខាធិការគណៈកម្មាធិការនីតិសម្បទា និងអភិវឌ្ឍន៍កម្ពុជា នៃក្រុមប្រឹក្សាអភិវឌ្ឍន៍កម្ពុជា បានបើកកិច្ចពិគ្រោះយោបល់កម្រិតនយោបាយ ស្ដីពីកិច្ចសហប្រតិបត្តិការអភិវឌ្ឍន៍រវាងរាជរដ្ឋាភិបាលកម្ពុជា និងរដ្ឋាភិបាលសាធារណសហព័ន្ធអាល្លឺម៉ង់ កាលថ្ងៃទី៣០ ខែ កញ្ញា កន្លងទៅនេះ, កិច្ចប្រជុំបានលើកឡើងពីបរិបទនៃការរីករាលដាលនៃជំងឺកូវីដ–១៩ នៅទូទាំងសកលលោក, និងកិច្ចពិគ្រោះយោបល់នាឆ្នាំនេះ ដែលត្រូវបានដំណើរការតាមប្រក្រតីកម្មថ្មី ក្នុងនោះ កិច្ចពិគ្រោះយោបល់កម្រិតនយោបាយនេះ គឺជាយន្តការពិគ្រោះយោបល់ដំណាក់កាលបញ្ចប់ នៃកិច្ចពិគ្រោះយោបល់ទ្វេភាគី ស្តីពីកិច្ចសហប្រតិបត្តិការអភិវឌ្ឍន៍ ឆ្នាំ២០២០ ។ក្រៅពីនេះ, ភាគីទាំងពីរបានពិភាក្សាលើទិដ្ឋភាពសំខាន់ៗ នៃកិច្ចសហប្រតិបត្តិការអភិវឌ្ឍន៍កម្ពុជា-អាល្លឺម៉ង់ ដោយផ្តោតលើប្រធានបទចំនួន ៣ រួមមាន៖ ផលប៉ះពាល់នៃជំងឺកូវីដ–១៩ លើសង្គមសេដ្ឋកិច្ច និងវិធានការឆ្លើយតបរបស់រាជរដ្ឋាភិបាល, លំហរនយោបាយ សិទ្ធិពលរដ្ឋ និងការគ្រប់គ្រងព្រៃឈើប្រកបដោយចីរភាព។ជុំវិញបញ្ហាមួយចំនួននេះដែរ ភាគីអាល្លឺម៉ង់ បានប្រកាសផ្តល់ហិរញ្ញប្បទានឥតសំណងបន្ថែម ចំនួនប្រមាណ ៧ លានអឺរ៉ូ ដើម្បីរួមចំណែកគាំទ្រដល់វិធានការឆ្លើយតបបន្ទាន់ ទៅនឹងផលប៉ះពាល់នៃជំងឺកូវីដ–១៩ និងវិធានការស្តារសេដ្ឋកិច្ច របស់រាជរដ្ឋាភិបាលកម្ពុជា បន្ថែមលើការផ្តល់ហិរញ្ញប្បទានចំនួន ២,៥ លានអឺរ៉ូ ដែលបានអនុវត្តកាលពីខែ មីនា និងខែ មិថុនា ឆ្នាំ២០២០កន្លងទៅ ។ ពាក់ព័ន្ធគោលដៅចម្បងនៃកិច្ចពិគ្រោះយោបល់នេះដែរ ក៏បានពិនិត្យវឌ្ឍនភាពនៃការអនុវត្តគម្រោង, កម្មវិធីដែលផ្តល់ហិរញ្ញប្បទានដោយភាគីអាល្លឺម៉ង់ និងសំណើគម្រោងថ្មីចំនួន ៦ គម្រោង ក្នុងទំហំហិរញ្ញប្បទានប្រមាណ ៣០ លានដុល្លារ ដែលស្នើដោយក្រសួង-ស្ថាប័នពាក់ព័ន្ធរបស់រាជរដ្ឋាភិបាលកម្ពុជា ទៅភាគីអាល្លឺម៉ង់ ដើម្បីពិនិត្យ និងអនុម័តក្នុងកិច្ចចរចាទ្វេភាគី ស្តីពីកិច្ចសហប្រតិបត្តិការអភិវឌ្ឍន៍ ដែលគ្រោងនឹងប្រព្រឹត្តទៅនាឆ្នាំ២០២១ ខាងមុខ ។សូមបញ្ជាក់ថា ក្នុងកិច្ចប្រជុំនេះ មានការអញ្ជើញចូលរួម ពីមន្ត្រីជាន់ខ្ពស់ និងមន្ត្រីជំនាញជាតំណាងមកពីក្រសួង ស្ថាប័នពាក់ព័ន្ធនៃរាជរដ្ឋាភិបាលចំនួន ១០។ចំណែកឯភាគីអាល្លឺម៉ង់ដឹកនាំដោយលោក Klaus Supp នាយកទទួលបន្ទុកកិច្ចការតំបន់សម្រាប់ប្រទេសចិន អាស៊ីកណ្តាល អាស៊ីបូព៌ា ឡាវ និងកម្ពុជា នៃក្រសួងសហព័ន្ធអាល្លឺម៉ង់សម្រាប់សហប្រតិបត្តិការសេដ្ឋកិច្ចនិងការអភិវឌ្ឍ (BMZ) ធ្វើឡើងតាមប្រព័ន្ធ (Video Conference) និងមានការចូលរួមដោយផ្ទាល់ពី ឯកឧត្តម Cristian Bargar ឯកអគ្គរដ្ឋទូតសាធារណរដ្ឋសហព័ន្ធអាល្លឺម៉ង់ប្រចាំព្រះរាជាណាចក្រកម្ពុជាផងដែរ៕ អត្ថបទ៖ សុន រ៉ាឌី

បណ្ដាញសង្គម

ព័ត៌មានថ្មីៗ

កម្ពុជា បន្តរក្សាការអភិវឌ្ឍ និងនវានុវត្តន៍បច្ចេកវិទ្យា នៅក្នុងវិស័យសន្តិសុខផ្ទៃក្នុង

កម្ពុជា លើកឡើងអំពី ចក្ខុវិស័យក្នុងការជំរុញកិច្ចសហប្រតិបត្តិការអាស៊ាន-ចិន

បុរាណវិទូរកឃើញហ្វូស៊ីលត្រីដូហ្វាំងនៅបាតសមសមុទ្របុរាណប្រទេសប៉េរូ

ពលរដ្ឋអាហ្វហ្គានីស្ថានធ្វើមាតុភូមិនិវត្តន៍ជួបការលំបាក ស្របពេលកើតវិបត្តិសេដ្ឋកិច្ច និងអាកាសធាតុ

មន្រ្តីសុខាភិបាល ត្រូវមានស្មារតីបុរេសកម្ម នវានុវត្តន៍ ពង្រឹងសមត្ថភាព ដេីម្បីបង្កេីនគុណ ប្រសិទ្ធភា ព ជូនប្រជាពលរដ្ឋ

រដ្ឋមន្ត្រីក្រសួងទេសចរណ៍៖ បច្ចេកវិទ្យាឌីជីថល គឺជាកម្លាំងចលករថ្មីមួយសម្រាប់កំណើនសេដ្ឋកិច្ចសកល

ប្រាក់ចំណូលពីប្រេង និងឧស្ម័នរបស់រុស្ស៊ី នៅខែកញ្ញា ទំនងធ្លាក់ចុះ ២៣ភាគរយ

UN ៖ បម្រែបម្រួលអាកាសធាតុ បង្កភាពវឹកវរដល់វដ្តទឹករបស់ពិភពលោក

គុយបាអំពាវនាវឲ្យ UNបញ្ឈប់ការធ្វើយោធូបនីយកម្មសហរដ្ឋអាមេរិកនៅក្នុងតំបន់

ចក្រភពអង់គ្លេសនិរទេសជនអន្តោប្រវេសន៍ទៅបារាំង ក្រោមកិច្ចព្រមព្រៀងថ្មី «ម្នាក់ចូលម្នាក់ចេញ»

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

ស.ស.យ.ក និងក្រុមហ៊ុនភេសជ្ជៈកម្ពុជា (កូកា-កូឡា) រួមគ្នាដំឡើងប៉មចម្រោះទឹកស្អាតថ្មីមួយទៀតក្នុងខេត្តកំពង់ស្ពឺ

ឯកអគ្គរាជទូតជប៉ុន កោតសរសើរចំពោះវិធានការ ដ៏មានប្រសិទ្ធភាពរបស់រាជរដ្ឋាភិបាលកម្ពុជា លើបញ្ហាកូវីដ-១៩

គ.ជ.ប នឹងដាក់ពិន័យភ្នាក់ងារបក្សនយោបាយណាដែលមិនគោរពនីតិវិធី គ.ជ.ប

រាជរដ្ឋាភិបាលកម្ពុជា បង្កើនថវិកាប្រមាណជាង១០លានដុល្លារ ក្នុងរយៈពេល៣ឆ្នាំ ដើម្បីប្រយុទ្ធនឹងជំងឺអេដស៍

លេខាគណខេត្តកណ្តាល ស្នើវត្តអារាមប្រុងប្រយ័ត្ន COVID-19 ក្នុងឱកាសបុណ្យកឋិនទានចាប់ពីថ្ងៃស្អែកនេះ

រយៈពេល ៩ខែស៊ីម៉ាក់ រកឃើញគ្រាប់មីន និងសំណល់គ្រឿងផ្ទុះជិត៣ម៉ឺនគ្រាប់

ក្រសួងសុខាភិបាល កំពុងបន្តស្វែងរកអ្នកប៉ះពាល់ស្ត្រីម្នាក់ ដែលមកពីអាមេរិកមានផ្ទុកមេរោគកូវីដ-១៩

ទូតអូស្ត្រាលីផ្ដល់សម្ភារការពារកូវីដ-១៩ ដល់មជ្ឈមណ្ឌលស្តាកាយសម្បទាខេត្តព្រៃវែង និងក្រចេះ

រាជរដ្ឋាភិបាល កម្ចីឥណទានសម្បទាន ពីដៃគូអភិវឌ្ឍន៍ជាង ៤៧៩ លានដុល្លារ សម្រាប់វិនិយោគលើវិស័យអាទិភាព

អាល្លឺម៉ង់ ប្រកាសផ្ដល់ហិរញ្ញប្បទានឥតសំណងបន្ថែម ៧លានអឺរ៉ូ ដើម្បីរួមចំណែកដល់ការស្តារសេដ្ឋកិច្ចកម្ពុជា

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

គ​.​ជ​.​ប នឹង​ដាក់​ពិន័យ​ភ្នាក់ងារ​បក្ស​នយោបាយ​ណា​ដែល​មិន​គោរព​នីតិវិធី គ​.​ជ​.​ប

លេខា​គណ​ខេត្តកណ្តាល ​ស្នើ​វត្ត​អារាម​ប្រុងប្រយ័ត្ន ​COVID-19 ក្នុង​ឱកាស​បុណ្យកឋិន​ទាន​ចាប់ពី​ថ្ងៃស្អែក​នេះ​

រយៈពេល​ ៩ខែស៊ី​ម៉ាក់ ​រក​ឃើញ​គ្រាប់មីន ​និង​សំណល់​គ្រឿងផ្ទុះ​ជិត​៣ម៉ឺន​គ្រាប់​

ទូត​អូស្ត្រាលី​ផ្ដល់​សម្ភារ​ការពារ​កូ​វីដ​-១៩ ដល់​មជ្ឈមណ្ឌល​ស្តា​កាយសម្បទា​ខេត្តព្រៃវែង និង​ក្រចេះ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

គ.ជ.ប នឹងដាក់ពិន័យភ្នាក់ងារបក្សនយោបាយណាដែលមិនគោរពនីតិវិធី គ.ជ.ប

លេខាគណខេត្តកណ្តាល ស្នើវត្តអារាមប្រុងប្រយ័ត្ន COVID-19 ក្នុងឱកាសបុណ្យកឋិនទានចាប់ពីថ្ងៃស្អែកនេះ

រយៈពេល ៩ខែស៊ីម៉ាក់ រកឃើញគ្រាប់មីន និងសំណល់គ្រឿងផ្ទុះជិត៣ម៉ឺនគ្រាប់

ទូតអូស្ត្រាលីផ្ដល់សម្ភារការពារកូវីដ-១៩ ដល់មជ្ឈមណ្ឌលស្តាកាយសម្បទាខេត្តព្រៃវែង និងក្រចេះ