BTV NEWS

គម្រោងស្ពានឆ្លងកាត់ទន្លេបាសាក់ (ចាក់អង្រែក្រោម-ព្រែកប្រា) និងផ្លូវតភ្ជាប់ សម្រេចបាន ៤៥% ហើយ ដែលលឿនជាងផែនការ ៤,១១%

សម្ដេចធិបតី អំពាវនាវដល់ជនរួមជាតិជឿទុកចិត្តលើរាជរដ្ឋាភិបាលដែលកំពុងធ្វើកិច្ចការងារយ៉ាងសកម្មស្វែងរកដំណោះស្រាយបញ្ចប់បញ្ហាព្រំដែនកម្ពុជា-ថៃ ឱ្យបានឆាប់រហ័ស

សម្ដេចធិបតីផ្ដល់អនុសាសន៍៧ចំណុច ដល់ក្រសួង-ស្ថាប័នពាក់ព័ន្ធឱ្យយកចិត្តទុកដាក់ក្នុងឱកាសទិវាអក្ខរកម្មអន្តរជាតិ ៨ កញ្ញា ២០២៥

សម្ដេចធិបតី៖ រាជរដ្ឋាភិបាលប្តេជ្ញាចិត្តយ៉ាងមុតមាំលើកកម្ពស់ការងារអក្ខរកម្ម និងបំពាក់បំប៉ន ជំនាញ និងឱកាសសិក្សាពេញមួយជីវិត ជាពិសេសជំនាញឌីជីថល

នយោបាយ និង ការអភិវឌ្ឍន៍

ប្រតិភូអាកាសចរស៊ីវិល៖ ព្រលានយន្តហោះលំដាប់អន្តរជាតិធ្វើដោយកូនខ្មែរ នឹងលើកកិត្តិយសជាតិជាប្រវត្តិសាស្ត្រ

ភ្នំពេញ៖ គណៈប្រតិភូរដ្ឋលេខាធិការដ្ឋានអាកាសចរស៊ីវិល ដឹកនាំដោយ ឯកឧត្ដម ម៉ៅ ហាវណ្ណាល់ រដ្ឋមន្ត្រីទទួលបន្ទុករដ្ឋលេខាធិការដ្ឋានអាកាសចរស៊ីវិល បានចុះពិនិត្យមើលវឌ្ឍនភាពនៃការសាងសង់អាកាសយានដ្ឋានអន្តរជាតិភ្នំពេញថ្មី ស្ថិតនៅក្នុងស្រុកខ្សាច់កណ្តាល ខេត្តកណ្តាល ដោយមានការទទួលស្វាគមន៍ពីអ្នកឧកញ៉ា ពុង ឃាវសែ ប្រធានក្រុមប្រឹក្សាភិបាលក្រុមហ៊ុន CAIC ។ក្នុងអំឡុងពេលធ្វើគារវកិច្ចចំពោះវត្តមានរបស់ឯកឧត្តមបណ្ឌិត ម៉ៅ ហាវណ្ណាល់ រដ្ឋមន្ត្រីទទួលបន្ទុករដ្ឋលេខាធិការដ្ឋានអាកាសចរស៊ីវិល អ្នកឧកញ៉ា ពុង ឃាវសែ ប្រធានក្រុមប្រឹក្សាភិបាលក្រុមហ៊ុន CAIC ដែលទទួលបានសិទ្ធិសាងសង់អាកាសយានដ្ឋានអន្តរជាតិភ្នំពេញថ្មីនេះ បានថ្លែងថា ដំណើរការនៃការសាងសង់ បាននិងកំពុងប្រព្រឹត្តទៅដោយរលូន ដោយគ្រោងនឹងបញ្ចប់ការសាងសង់ដំណាក់កាលទី១ នៅឆ្នាំ ២០២២ មុនដាក់ឲ្យដំណើរការនៅឆ្នាំ ២០២៣។លោកមហាសេដ្ឋីផ្នែកសាងសង់ដ៏ល្បីនៅកម្ពុជារូបនេះ បន្ថែមថា ការសាងសង់ព្រលានយន្តហោះលំដាប់អន្តរជាតិមួយនេះ ធ្វើឡើងដោយក្រុមការងារបច្ចេកទេស ដែលសុទ្ធតែមានជំនាញច្បាស់លាស់ ដោយមានអ្នកខ្លះធ្លាប់ធ្វើការនៅប្រទេសសិង្ហបុរី និងអ្នកជំនាញខ្លះទៀត បញ្ចប់ការសិក្សានៅប្រទេសជប៉ុន កូរ៉េ ចិន និងវៀតណាម ជាដើម។ជាមួយគ្នានេះអ្នកឧកញ៉ា ពុង ឃាវសែ ក៏បានចាត់ទុកដំណើរមកត្រួតពិនិត្យការសាងសង់ របស់ប្រតិភូរដ្ឋលេខាធិការអាកាសចរស៊ីវិល នៅថ្ងៃទី ៣០ ខែកញ្ញា នេះថា ជាការលើកទឹកចិត្ត និងបានបង្កើននូវការកក់ក្តៅបន្ថែមទៀតសម្រាប់ក្រុមការងាររបស់ក្រុមហ៊ុន ក្នុងការកសាងព្រលានយន្តហោះប្រវត្តិសាស្ត្រមួយនេះ ហើយអ្នកឧកញ៉ា សង្ឃឹមថា ឯកឧត្តម ម៉ៅ ហាវណ្ណាល់ នឹងដឹកនាំក្រុមការងារមកពិនិត្យពីវឌ្ឍនភាពនៃការសាងសង់អាកាសយានដ្ឋានអន្តរជាតិភ្នំពេញថ្មីនេះ រៀងរាល់ ៦ ខែម្តង។នៅក្នុងដំណើរចុះត្រួតពិនិត្យនោះដែរ ឯកឧត្តមបណ្ឌិត ម៉ៅ ហាវណ្ណាល់ បានបង្ហាញការគាំទ្រចំពោះដំណើរការសាងសង់អាកាសយានដ្ឋានថ្មីនេះ ដោយឯកឧត្តមលើកឡើងថា ព្រលានយន្តហោះលំដាប់អន្តរជាតិដែលធ្វើដោយកូនខ្មែរមួយនេះ មិនមែនធ្វើឡើងសម្រាប់ប្រយោជន៍តែក្រុមហ៊ុនមួយនោះឡើយ តែវាជាប្រយោជន៍សម្រាប់ប្រជាជនខ្មែរទាំងមូល ដើម្បីទុកជាប្រវត្តិសាស្ត្រ និងលើកស្ទួយនូវកិត្យានុភាពជាតិផងដែរ។ឯកឧត្តម ម៉ៅ ហាវណ្ណាល់ ក៏បានថ្លែងអណរគុណចំពោះការធ្វើបដិសណ្ឋារកិច្ចដ៏កក់ក្តៅពីអ្នកឧកញ៉ា ពុង ឃាវសែ និងក្រុមការងារក្រុមហ៊ុន។ ឯកឧត្តម បន្តថា ដំណើរមកត្រួតពិនិត្យដំណើរការសាងសង់ព្រលានយន្តហោះថ្មីរបស់ក្រុមការងាររដ្ឋលេខាធិការអាកាសចរស៊ីវិលនៅពេលនេះ ដើម្បីស្វែងយល់ពីវឌ្ឍនភាពនៃការសាងសង់ សម្រាប់រាយការណ៍ជូនសម្តេចតេជោ ហ៊ុន សែន បន្ទាប់ពីសម្តេចប្រមុខរដ្ឋាភិបាល បានចុះពិនិត្យការដ្ឋានសាងសង់កាលពីខែមិថុនា ឆ្នាំ ២០២០ កន្លងទៅ។សូមបញ្ជាក់ថា ក្រុមហ៊ុន CAIC ដែលទទួលបានសិទ្ធិសាងសង់អាកាសយានដ្ឋានអន្តរជាតិភ្នំពេញថ្មីនេះ កើតចេញពីក្រុមហ៊ុនចម្រុះពីរ គឺក្រុមហ៊ុន OCIC និងក្រុមហ៊ុន SSCA ក្រោមគំនិតផ្តួចផ្តើមរបស់សម្តេចតេជោនាយករដ្ឋមន្ត្រី។ អាកាសយានដ្ឋានថ្មីនេះ មានចម្ងាយ ២០ គីឡូម៉ែត្រពីរាជធានីភ្នំពេញ និង ៨ គីឡូម៉ែត្រ ពីក្រុងតាខ្មៅ នៅលើផ្ទៃដី ២៦០០ ហិកតា។ការសាងសង់អាកាសយានដ្ឋាននេះ ចែកចេញជា ៣ ដំណាក់កាល ក្នុងនោះ ដំណាក់កាលទី១ ចំណាយទឹកប្រាក់ប្រមាណ ១៥០០ លានដុល្លារ ដោយមិនរាប់បញ្ចូលទាំងតម្លៃដី ហើយគ្រោងនឹងដាក់ឲ្យដំណើរការនៅឆ្នាំ ២០២៣ ដែលអាចទទួលភ្ញៀវទេសចរជាង ១៣ លាននាក់ក្នុងមួយឆ្នាំ។ចំណែកដំណាក់កាលទី២ នឹងបញ្ចប់នៅឆ្នាំ ២០៣០ ដោយអាចទទួលភ្ញៀវទេសចរបាន ៣០ លាននាក់ក្នុងមួយឆ្នាំ និងដំណាក់កាលទី៣ បញ្ចប់ការអភិវឌ្ឍនៅឆ្នាំ ២០៥០ ហើយអាចទទួលភ្ញៀវទេសចរបាន ៥០ លាននាក់ ក្នុងមួយឆ្នាំ៕ អត្ថបទ៖ ជា ធីរិទ្ធ

មេបញ្ជាការបញ្ជាការដ្ឋានរថក្រោះ ៖ ការដាក់យោធិនឱ្យចូលនិវត្តន៍ គឺជាការចូលរួមកែទម្រង់របស់កងយោធពលខេមរភូមិន្ទ

បាត់ដំបង ៖ មេបញ្ជាការបញ្ជាការដ្ឋានរថក្រោះ បានលើកឡើងថា ចំពោះការដាក់យោធិនឱ្យចូលនិវត្តន៍ ដែលត្រូវផ្ទេរចេញពីក្របខ័ណ្ឌក្រសួងការពារជាតិ គឺជាការងារចូលរួម ក្នុងការកែទម្រង់របស់កងយោធពលខេមរភូមិន្ទ។ថ្លែងនៅថ្ងៃទី៣០ ខែកញ្ញា ម្សិលមិញនេះ ឧត្តមសេនីយ៍ឯក ពៅ ស៊ីថា មេបញ្ជាការរងកងទ័ពជើងគោក និងជាមេបញ្ជាការ បញ្ជាការដ្ឋានរថក្រោះ តំណាងដ៏ខ្ពង់ខ្ពស់ឯកឧត្តម ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងទ័ពជើងគោក បានអញ្ជើញ ជាគណៈអធិបតីក្នុងពិធីបំពាក់ឋានន្តរសក្ដិ និងគ្រឿងឥស្សរិយយសជូនដល់បងប្អូនយោធិនចូលនិវត្តន៍ ចំនួន១៥នាក់ ដែលត្រូវផ្ទេរចេញពីក្របខ័ណ្ឌក្រសួងការពារជាតិ ឆ្នាំ២០២០ របស់បញ្ជាការដ្ឋានរថក្រោះ។ឧត្តមសេនីយ៍ឯក ពៅ ស៊ីថា បានបន្ថែមថា នៅឆ្នាំ២០២០នេះ ការដាក់យោធិនឱ្យចូលនិវត្តន៍ និងផ្ទេរយោធិនពិការចេញពីក្របខ័ណ្ឌក្រសួងការពារជាតិ គឺអនុវត្តន៍ទៅតាមច្បាប់សោធននិវត្តន៍ ចំពោះយោធិនអាជីពទាំងពីរភេទ នៃកងយោធពលខេមរភូមិន្ទ និងស្របតាមគោលនយោបាយរបស់រាជរដ្ឋាភិបាល ដែលមានសម្ដេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជាបានអនុវត្តន៍គោលនយោបាយជាតិសំខាន់ៗ ដូចជា ការយកចិត្តទុកដាក់អនុវត្តគោលនយោបាយចំពោះយោធិនពលីមរណៈ ពិការបាត់បង់សមត្ថភាពការងារ យោធិនចូលនិវត្តន៍ និងអតីតយុទ្ធជននិងគ្រួសារ ដែលនេះជាការយកចិត្តទុកដាក់ដោះស្រាយជីវភាពបងប្អូនទាំងថវិកា សម្ភារៈបរិក្ខារជាបន្តបន្ទាប់។ក្នុងឱកាសនោះ ឧត្តមសេនីយ៍ឯក ពៅ ស៊ីថា បានលើកឡើងថា ក្នុងនាមលោកជំនួសមុខឱ្យមេបញ្ជាការកងទ័ពជើងគោក សូមសំដែងនូវមនោសញ្ចេតនាដឹងគុណយ៉ាងជ្រាលជ្រៅបំផុតចំពោះនាយទាហាន នាយទាហានរង និងពលទាហាន នៃកងយោធពលខេមរភូមិន្ទ ដែលរយៈពេលកន្លងមកបានចូលរួមធើ្វពលិកម្មយ៉ាងធំធេងក្នុងចលនារំដោះប្រទេសជាតិ ពីរបបប្រល័យពូជសាសន៍ ប៉ុល ពត និង ទប់ស្កាត់ការប៉ុនប៉ងត្រឡប់មកវិញ នៃរបបព្រៃផ្សៃយង់ឃ្នងនេះ។ ជាពិសេសបានចូលរួមយ៉ាងសកម្ម ក្នុងចលនាបង្រួបបង្រួមជាតិ និងជាកម្លាំងស្នូលក្នុងការអនុវត្តនយោបាយឈ្នះ ឈ្នះ ដែលនាំមកនូវសុខសន្តិភាពពេញលេញ ក្រោមការដឹកនាំដ៏ត្រឹមត្រូវនិងឈ្លាសវៃរបស់សម្ដេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ធ្វើឲ្យប្រទេសទទួលបានជោគជ័យដ៏ត្រចះត្រចង់ជាប្រវត្តិសាស្ត្រ។ឧត្តមសេនីយ៍ឯក ពៅ ស៊ីថា បានបញ្ជាក់ទៀតថា ជាក់ស្តែង ពេលនេះ នៅទីនេះ យើងកំពុងបានអនុវត្តន៍គោលនយោបាយរបស់ប្រមុខរាជរដ្ឋាភិបាល ដែលយើងកំពុងធ្វើពិធីសំណេះសំណាល បំពាក់ឋានន្តរសក្ដិ គ្រឿងឥស្សរិយយស បន្ថែមមួយថ្នាក់ ជូនយោធិនចូលនិវត្តន៍ និងយោធិនពិការ ត្រូវផ្ទេរចេញពីក្របខ័ណ្ឌក្រសួងការពារជាតិ របស់បញ្ជាការដ្ឋានរថក្រោះ កងទ័ពជើងគោកឆ្នាំ២០២០នេះ៕

ជ្រូកចិញ្ចឹមនៅថៃ ត្រូវបានដឹកឆ្លងកាត់ខេត្តស្វាយរៀង ទៅវៀតណាម ក្នុងមួយថ្ងៃពី៦០ ទៅ៧០តោន

ស្វាយរៀង ៖ ជ្រូករស់មកពីថៃ ប្រមាណពី៦០ទៅ៧០តោន ក្នុងមួយថ្ងៃ ត្រូវបានក្រុមឈ្មួញដឹកពីព្រំដែនភាគខាងលិច នាំយកទៅលក់អោយឈ្មួញវៀតណាម នៅតាមច្រកព្រំដែន មួយចំនួន នៅក្នុងភូមិសាស្ត្រខេត្តស្វាយរៀង ក្រោមការឃ្លាំមើលសុខភាពសត្វពីមន្ត្រីបសុពេទ្យ ដែលប្រចាំការក្នុងតំបន់គោលដៅ ក្រោមច្បាប់ធ្វើអាជីវកម្មរបស់ក្រសួងកសិកម្មរុក្ខាប្រមាញ់ និងនេសាទ ។លោក ប៉ែន ចន្ធី ប្រធានការិយាល័យ ផលិតកម្មបសុព្យាបាល នៃមន្ទីរកសិកម្មរុក្ខាប្រមាញ់ និងនេសាទខេត្តស្វាយរៀង នៅថ្ងៃទី៣០ ខែកញ្ញាបានប្រាប់ BTV តាមទូរស័ព្ទថា ជារៀងរាល់ថ្ងៃក្រុមឈ្មួញ បានដឹកជញ្ជូនជ្រូករស់របស់ថៃ ក្នុងមួយថ្ងៃប្រមាណពី៦០ ទៅ៧០តោន ឆ្លងកាត់ខេត្តឆ្ពោះទៅកាន់តំបន់ព្រំដែនកម្ពុជាវៀតណាម ដើម្បីលក់ ដោះដូរក្រោមច្បាប់ធ្វើអាជីវកម្មរបស់ក្រសួង។ លោក បន្តថា ជ្រូកដែលក្រុមឈ្មួញកម្ពុជាដឹកចេញពីប្រទេសថៃ ឆ្លងចូលកម្ពុជា រួចដឹកបន្តមកដល់ខេត្តស្វាយរៀង ដើម្បីលក់អោយឈ្មួញវៀតណាម តាមរថយន្តធុនធំៗ ក្នុងមួយថ្ងៃដឹកប្រមាណ ពី៦០០ ទៅជិត ១ ពាន់ ៥០០ ក្បាល តាមការអនុញ្ញាតច្បាប់ពីក្រសួង ឯការិយាល័យផលិតកម្មបសុព្យាបាលខេត្ត បានត្រឹមតែត្រួតពិនិត្យច្បាប់ និងសុខភាពសត្វនៅពេលក្រុមឈ្មួញដឹកឆ្លងកាត់ខេត្ត និងចូលរួមសម្របសម្រួលជាមួយមន្ត្រីមានសមត្ថកិច្ចព្រំដែន និងធ្វើសេចក្តីជូនដំណឹង ទៅក្រុមហ៊ុន ឬទៅក្រសួងវិញ បន្ទាប់ពីមន្ត្រីជំនាញ ត្រួតពិនិត្យឃើញសត្វមានសុខភាពមិនល្អ។របាយការណ៍ របស់ការិយាល័យផលិតកម្មបសុព្យាបាលខេត្ត ដែលBTV ទទួលបានតាមសារតេឡេក្រាម បញ្ជាក់ឲ្យដឹងថា បន្ទាប់ពីជម្ងឺប៉េស្តអាហ្វ្រិក បង្កនិងសម្លាប់ជ្រូកនៅក្នុងខេត្ត បានស្ងប់ រហូតមកដល់បច្ចុប្បន្ន ក្រោមការផ្តល់ពូជជ្រូក នៅតំបន់ផ្ទុះជំងឺជ្រូក ក្នុងស្រុកស្វាយជ្រំ ពលរដ្ឋខេត្តស្វាយរៀង និងពលរដ្ឋនៅក្នុងសហគមន៍ បានចិញ្ចឹមជ្រូកឡើងវិញ បានប្រមាណជិតមួយសែនក្បាល គោក្របី ជាង៥សែនក្បាល និងមាន់ ទារ បានជាង១លានក្បាល ដើម្បីនិរន្តភាពជីវភាពប្រចាំថ្ងៃ និងបង្កើនប្រាក់ចំណូលគ្រួសារ ៕អត្ថបទ ៖ ភា សារិត

គ្រួសារក្រីក្រ និងងាយរងគ្រោះទទួលថវិកាជំនួយសង្គមក្នុងបរិបទកូវីដ-១៩ រហូតដល់បំណាច់ ឆ្នាំ២០២០

ភ្នំពេញ ៖ ខណៈដែលរាជរដ្ឋាភិបាលកម្ពុជា បានសម្រេចបន្តផ្ដល់ថវិកាជួយគ្រួសារក្រីក្រ និងងាយរងគ្រោះ ក្នុងកំឡុងពេលប្រយុទ្ធប្រឆាំងជំងឺប្រឆាំងជំងឺ ចំនួន៣ខែបន្តទៀត ។ប្រជាពលរដ្ឋដែលទទួលបានថវិកាជំនួយសង្គមនេះ បានសំដែងក្តីរីករាយ និងថ្លែងអំណរគុណចំពោះការគិតគូរពីជីវភាពពលរដ្ឋរងផលប៉ះពាល់ដោយសារកូវីដ១៩។ក្នុងកំឡុងពេលប្រយុទ្ធប្រឆាំងជំងឺកូវីដ ១៩ រាជរដ្ឋាភិបាលកម្ពុជា បានសម្រេចបន្តអនុវត្តការឧបត្ថម្ភសាច់ប្រាក់ជូនគ្រួសារក្រីក្រចំនួន ៣ខែបន្តទៀត ចាប់ពីខែតុលារហូតដល់ខែ ធ្នូ ឆ្នាំ ២០២០។ ការសម្រេចបន្តថវិកានេះ ធ្វើឱ្យគ្រួសារក្រីក្ររស់នៅសង្កាត់ដង្កោ ខណ្ឌដង្កោ ដែលទទួលបានផលរយៈពេលប៉ុន្មានខែកន្លងមកនេះ មានភាពត្រេកអរជាខ្លាំង ដែលរាជរដ្ឋាភិបាលកម្ពុជា នៅតែជួយឧបត្ថម្ភថវិកាដល់ពួកគាត់។ ពួកគាត់ថា ថវិកាកន្លងមកនេះ បានជួយសម្រួលជីវភាពរស់នៅប្រចាំថ្ងៃជាច្រើន ហើយពួកគាត់ក៏ប្ដេជ្ញាប្រឹងប្រកបរបរចិញ្ចឹមជីវិតបន្ថែមទៀត ដោយមិនពឹងផ្អែកពីការជួយរបស់រាជរដ្ឋាភិបាលទាំងស្រុងនោះទេ។ជុំវិញការបន្តជួយពីសំណាក់រាជរដ្ឋាភិបាលនេះ លោក ឈួរ សុបញ្ញា ជាប្រធាននាយកដ្ឋានសុខុមាលភាពសង្គម នៃក្រសួងសង្គមកិច្ច អតីតយុទ្ធជន និងយុវនីតិសម្បទា ជាអ្នកធ្វើការលើការផ្ទេរសាច់ប្រាក់ និងបើកជូនគ្រួសារក្រីក្រដោយផ្ទាល់ លើកឡើងថា ការបន្តជួយនេះគឺមានសារៈប្រយោជន៍ជាខ្លាំងសម្រាប់គ្រួសារក្រីក្រទូទាំងប្រទេស។ យ៉ាងណាម៉ិញ លោកក៏សំណូមពរឱ្យគ្រួសារក្រីក្រដែលទទួលថវិកាទាំងអស់ ត្រូវប្រើប្រាស់ថវិកាទាំងនោះក្នុងផ្លូវត្រូវ និងមិនត្រូវពឹងផ្អែកលើរដ្ឋាភិបាលទាំងស្រុងនោះទេ។បច្ចុប្បន្នរាជរដ្ឋាភិបាលកំពុងអនុវត្តការឧបត្ថម្ភសាច់ប្រាក់ ក្នុងជុំទី២លើកទី ២ សម្រាប់ខែ កញ្ញា ដោយមានគ្រួសារក្រីក្រសរុបចំនួនប្រមាណ ៦៩ម៉ឺនគ្រួសារ និងគ្រោងចំណាយថវិកាសរុបប្រមាណ ៣១លានដុល្លារ សម្រាប់ការអនុវត្តជុំនេះ។ ចំណែកឯការកំណត់អត្តសញ្ញាណគ្រួសារក្រីក្រតាមការស្នើសុំនៅតែបន្ត ហើយការដកប័ណ្ណក្រីក្រចេញពីគ្រួសារក្រីក្រដែលមានជីវភាពល្អប្រសើរឡើងវិញ ក៏កំពុងអនុវត្តជាបន្តបន្ទាប់ផងដែរ៕អត្ថបទ៖ គឹមហុក

អភិបាលខេត្តកំពត ក្រើនរំឭកមន្ទីរអង្គភាពមួយចំនួនឱ្យបង្កើនប្រសិទ្ធភាពការងារ

កំពត ៖ អភិបាលខេត្តកំពត បានក្រើនរំលឹកដល់មន្ទីរ អង្គភាពជំនាញមួយចំនួន ឱ្យបន្តខិតខំយកចិត្តទុកដាក់ អនុវត្តកាងាររបស់ខ្លួន ឱ្យមានប្រសិទ្ធភាពបន្ថែមទៀត។ ពិសេសពាក់ព័ន្ធលើវិស័យផលិតទឹកស្អាត វិស័យ អគ្គិសនី ដីធ្លី អប់រំ ទេសចរណ៍ និងការងារបម្រើសេវារដ្ឋបាល សេវាសាធារណៈជូនប្រជាពលរដ្ឋ តាមបណ្ដា មូលដ្ឋាន។នៅក្នុងកិច្ចប្រជុំគណៈអភិបាលខេត្ត ដើម្បីពិនិត្យលើវឌ្ឍនភាពការងារប្រចាំខែកញ្ញា និងប្រចាំត្រី មាសទី៣ ឆ្នាំ២០២០ តាមរយៈ Video Conference ពីបណ្ដារដ្ឋបាលក្រុងស្រុក និងមន្ទីរអង្គភាពជុំវិញ ខេត្ត ឯកឧត្ដម ជាវ តាយ អភិបាលខេត្តកំពត បានណែនាំឲ្យជំនាញ សហការគ្នាបំពេញការងារឱ្យកាន់តែ មានប្រសិទ្ធភាពខ្ពស់។ ត្រូវថែរក្សាប្រភពទឹក ដើម្បីផ្គត់ផ្គង់លើបណ្ដាញផលលិតទឹកស្អាតនៅក្នុងខេត្តកំពត ទាំង១៦មូលដ្ឋាន ថែទាំបណ្ដាញអគ្គិសនីតាមបណ្ដាមូលដ្ឋាន។ឯកឧត្ដម បានជំរុញឱ្យអាជ្ញាធរខេត្ត សហការជាមួយអង្គភាពអគ្គិសនី ធ្វើអន្តរាគមន៍សម្រប សម្រួលជាមួយប្រជាពលរដ្ឋឱ្យបានល្អ ជៀសវាង មានការរិះគន់ពីប្រជាពលរដ្ឋ។ មន្ទីរអប់រំ ត្រូវយកចិត្តទុក ដាក់ណែនាំដល់សាលាគ្រប់កម្រិត អំពីបញ្ហាអនាម័យ ដើម្បីបញ្ចៀសនូវជំងឺឆ្លងផ្សេងៗ។ ចំពោះការដោះ ស្រាយបញ្ហាប្រឈមពាក់ព័ន្ធវិស័យដីធ្លី មន្ទីរជំនាញ និងអាជ្ញាធរ ត្រូវបន្តយកចិត្តទុកដាក់ដោះស្រាយ ពិសេសត្រូវខិតខំជំរុញការបម្រើសេវារដ្ឋបាល សេវាសាធារណៈជូនប្រជាពលរដ្ឋប្រកបដោយតម្លាភាព ប្រសិទ្ធភាព និងឆាប់រហ័ស។ឯកឧត្តម អភិបាលខេត្តកំពត បានណែនាំដល់ជំនាញពាក់ព័ន្ធ អាជ្ញាធរក្រុង ស្រុក ត្រូវបង្កើនស្មារតី ចូលរួមថែរក្សាអនាម័យបរិស្ថាន រៀបចំសោភ័ណភាព តាមបណ្ដាមូលដ្ឋាន របស់ខ្លួនឱ្យបានស្អាតល្អ ដើម្បី បង្កើនភាពទាក់ទាញភ្ញៀវទេសចរ កាន់តែច្រើនបន្ថែមទៀត ព្រោះវាជាប្រភពចំណូលសម្រាប់ជីវភាពប្រជា ពលរដ្ឋក្នុងខេត្តកំពត៕អត្ថបទ៖ អន សារឹម

ខេត្តកំពង់ធំ បើកដំណើរការសាងសង់ស្ថានីយប្រព្រឹត្តកម្មទឹកកខ្វក់ និងប្រព័ន្ធលូរំដោះទឹក គ្រោងចំណាយថវិកាជាង ១២លានដុល្លារ

កំពង់ធំ៖ រដ្ឋបាលខេត្តកំពង់ធំ ចាប់ផ្តើមបើកឲ្យដំណើរការសាងសង់ស្ថានីយប្រព្រឹត្តកម្មទឹកកខ្វក់ បំពង់លូរំដោះទឹកស្អុយ និងបណ្តាញលូបង្ហូរទឹកផ្សេងៗ ដែលចំណាយថវិកាប្រមាណជាង១២លានដុល្លាររបស់គម្រោងរាជរដ្ឋាភិបាល ក្រោមកម្ចីឥទានធនាគារអភិវឌ្ឍន៍អាស៊ី(ADB)។នៅថ្ងៃទី០១ ខែតុលា ឆ្នាំ២០២០ ឯកឧត្តម សុខ លូ អភិបាលខេ្តកំពង់ធំ អញ្ជើញជាអធិបតីក្នុងពិធី បើកការដ្ឋានសាងសង់ស្ថានីយប្រព្រឹត្តកម្មទឹកកខ្វក់ និងប្រព័ន្ធលូរំដោះទឹក ក្នុងក្រុងស្ទឹងសែន ខេត្តកំពង់ធំ។ ក្នុងពិធីនោះដែរ ឯកឧត្តមលើកឡើងថា គម្រោង នៃការសាងសង់ស្ថានីយប្រព្រឹត្តកម្មទឹកកខ្វក់ បំពង់លូរំដោះ ទឹកស្អុយ និងបណ្តាញលូបង្ហូរទឹកផ្សេងៗ ក្នុងក្រុងស្ទឹងសែន ខេត្តកំពង់ធំ គឺជាជំហ៊ានដំបូងសម្រាប់ ខេត្តកំពង់ធំ ដែលធ្វើទៅតាមស្តង់ដារមួយពិតប្រាកដ។ស្ថានីយប្រព្រឹត្តកម្មទឹកកខ្វក់ និងប្រព័ន្ធលូរំដោះទឹកនេះ ពិតណាស់នឹងធ្វើឲ្យក្រុងស្ទឹងសែនប៉ែកខាងត្បូងលែងមានទឹកដក់នៅតាមផ្លូវក្នុងក្រុង ជាពិសេសនៅជុំវិញ បរិវេណផ្សារកំពង់ធំ ដែលកន្លងមករដ្ឋបាលខេត្ត និងរដ្ឋក្រុងស្ទឹងសែន បានរៀបចំសណ្តាប់ធ្នាប់ សិក្សាផលប៉ះពាល់រួចរាល់! ហើយដំណើរនៃការសាងសង់ប្រព័ន្ធលូរំដោះទឹកនៅជុំវិញផ្សារ រួមជាមួយការរៀបចំប្រព័ន្ធលូ ខ្នែងចេញពីផ្ទះប្រជាពលរដ្ឋគ្រប់រូបចូលទៅកាន់ប្រព័ន្ធលូរំដោះទឹកស្អុយ និងលូរំដោះទឹកផ្សេងទៀតចាប់ផ្តើម ពីពេលនេះតទៅ។ឯកឧត្តមបន្តថា ដំណើរការ នៃការចុះកិច្ចសន្យាសាងសង់អាងប្រព្រឹត្តិកម្ម និងប្រព័ន្ធលូ រំដោះទឹកមានរយៈពេលបីឆ្នាំ។ លុះក្រោយពេលសាងសង់រួចក្តីសង្ឃឹម និងភាពជឿជាក់ទុកចិត្តយ៉ាងមុតមាំថា ក្រុងស្ទឹងសែននឹងក្លាយជាទីក្រុងស្អាតគ្មានទឹកកខ្វក់ រួមជាមួយនូវសមិទ្ធផលថ្មីៗរួមមាន វិមានឯករាជ្យ ការកសាងរូបសំណាកប្រវត្តិសាស្ត្រ (រង្វង់មូលលោកតាក្រហមក, រូបសំណាកលោកតាអាចារ្យលាក់ និងដាវដែកកំពង់ស្វាយ) ផងដែរ។ឯកឧត្ដមបញ្ជាក់ថា ការសាងសង់ស្ថានីយប្រព្រឹត្តកម្មទឹកកខ្វក់ និងប្រព័ន្ធលូរំដោះទឹករបស់រាជរដ្ឋាភិបាល ក្រោមកម្ចីឥទានរបស់ធនាគារអភិវឌ្ឍន៍អាស៊ី(ADB) នៅពេលនេះ ស្ថិតនៅក្នុង សង្កាត់កំពង់ធំ សង្កាត់កំពង់រទេះ ដំរីជាន់ខ្លា និងសង្កាត់អូរគន្ធរ ផ្នែកខាងត្បូងស្ទឹងសែន។ នៅសល់ផ្នែកខាងជើងស្ទឹងសែន រដ្ឋបាលខេត្តកំពង់ធំ និងមន្ទីរសាធារណៈខេត្ត ជាសេនាធិការកំពុងសិក្សាបន្ថែមរួមគ្នាធ្វើក្រោមថវិការបស់ រាជរដ្ឋាភិបាល តាមរយៈក្រសួងសាធារណៈការ និងដឹកជញ្ជូនបន្តទៀត។ជាមួយគ្នានេះដែរ លោក ជូ កុល្លា ប្រធានមន្ទីរសាធារណការ និងដឹកជញ្ជូនខេត្តកំពង់ធំ លើកឡើងដែរថា ការដ្ឋានដែលបើកឲ្យដំណើរការក្នុងពេលនេះមានពីរអនុគម្រោងគឺ៖ ទី១.ការសាងសង់ ស្ថានីយប្រព្រឹត្តិកម្មទឹកកខ្វក់ ដែលមានសមត្ថភាពច្រោះប្រមាណ២.៥០០ម៉ែត្រគូបក្នុងមួយថ្ងៃ, ការសាងសង់ បំពង់លូរំដោះទឹកស្អុយប្រវែងប្រមាណ៣៩.២គីឡូម៉ែត្រ,បណ្តាញលូបង្ហូរទឹកប្រវែងប្រមាណ១៧.១គីឡូម៉ែត្រនិងទី២. សាងសង់ទីលានចាក់សំរាម មានសមត្ថភាពផ្ទុកកាកសំណល់ប្រមាណ៤.៨០០ម៉ែត្រគូប។លោកបន្តក្នុងដំណើរការសាងសង់គម្រោងនេះ ក្រសួងសាធារណការនិងដឹកជញ្ជូនបានចុះកិច្ចសន្យា សាងសង់ជាមួយក្រុមហ៊ុន ឆាយណា ហ្វឺស មែកថលឡឺជីកខលគ្រុប ខូអិលធីឌី (China First Metallurgical Group Ltd.) និងមានទីប្រឹក្សាបច្ចេកទេសដោយ រ៉េមបូល (RAMBOLL) សហការជាមួយក្រុមហ៊ុន អូស៊ី ក្លូប៊ល ខូអិលធីឌី ( O.C GLOMAL CO.LTD) និងអែសស៊ីអ៊ី (SCE) សហការជាមួយក្រុមហ៊ុនតាន់ខន (កម្ពុជា) ខូអ៊ិលធីឌី (TANCONS CAMBODIA CO.LTD) ក្នុងតម្លៃទឹកប្រាក់ចំនួន USD ១២.៧៦២.០០០៕ អត្ថបទ៖ សុងស៊ីន

ការដាក់យោធិនឱ្យចូលនិវត្តន៍ គឺជាការចូលរួមកែទម្រង់ របស់កងយោធពលខេមរភូមិន្ទ

ភ្នំពេញ៖ មេបញ្ជាការបញ្ជាការដ្ឋានរថក្រោះ បានលើកឡើងថា ចំពោះការដាក់យោធិនឱ្យចូលនិវត្តន៍ដែលត្រូវផ្ទេរចេញពីក្របខ័ណ្ឌក្រសួងការពារជាតិ គឺជាការងារចូលរួមក្នុងការកែទម្រង់របស់កងយោធពលខេមរភូមិន្ទ។ថ្លែងនៅថ្ងៃទី៣០ កញ្ញា ម្សិលមិញនេះ ឧត្តមសេនីយ៍ឯក ពៅ ស៊ីថា មេបញ្ជាការរងកងទ័ពជើងគោក និងជាមេបញ្ជាការ បញ្ជាការដ្ឋានរថក្រោះ តំណាងដ៏ខ្ពង់ខ្ពស់ឯកឧត្ដម ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការ កងទ័ពជើងគោក បានអញ្ជើញជាគណៈអធិបតីក្នុងពិធីបំពាក់ឋានន្តរសក្ដិ និងគ្រឿងឥស្សរិយយសជូនដល់បងប្អូនយោធិនចូលនិវត្តន៍ចំនួន ១៥នាក់ ដែលត្រូវផ្ទេរចេញពីក្របខ័ណ្ឌក្រសួងការពារជាតិ ឆ្នាំ២០២០ របស់បញ្ជាការដ្ឋានរថក្រោះ។ឧត្តមសេនីយ៍ ឯក ពៅ ស៊ីថា បានបន្ថែមថា នៅឆ្នាំ២០២០នេះ ការដាក់យោធិនឱ្យចូលនិវត្តន៍ និងផ្ទេរយោធិន ពិការចេញពីក្របខ័ណ្ឌក្រសួងការពារជាតិ គឺអនុវត្តន៍ទៅតាមច្បាប់សោធននិវត្តន៍ ចំពោះយោធិនអាជីពទាំងពីរភេទនៃកងយោធពល ខេមរភូមិន្ទ និង ស្របតាម គោលនយោបាយ របស់រាជរដ្ឋាភិបាល ដែលមានសម្ដេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានអនុវត្តន៍គោលនយោបាយជាតិសំខាន់ៗ ដូចជាការយកចិត្តទុកដាក់អនុវត្ត គោលនយោបាយ ចំពោះយោធិនពលី មរណៈពិការបាត់បង់សមត្ថភាពការងារយោធិនចូលនិវត្តន៍ និងអតីតយុទ្ធជន និងគ្រួសារ ដែលនេះជាការយកចិត្តទុកដាក់ដោះស្រាយជីវភាពបងប្អូនទាំងថវិកា សម្ភារៈបរិក្ខារ ជា បន្តបន្ទាប់។ក្នុងឱកាសនោះ ឧត្ដមសេនីយ៍ឯក ពៅ ស៊ីថា បានលើកឡើងថា ក្នុងនាមលោកជំនួសមុខឱ្យ មេបញ្ជាការកងទ័ពជើងគោក សូមសំដែងនូវ មនោសញ្ចេតនាដឹងគុណយ៉ាងជ្រាលជ្រៅ បំផុត ចំពោះនាយទាហាននាយទាហានរង និងពលទាហាន នៃកងយោធពលខេមរភូមិន្ទ ដែលរយៈពេលកន្លងមក បានចូលរួមធើ្វពលិកម្មយ៉ាងធំធេង ក្នុងចលនារំដោះប្រទេសជាតិ ពីរបប ប្រល័យពូជសាសន៍ ប៉ុល ពត និងទប់ស្កាត់ការប៉ុនប៉ងត្រឡប់មកវិញ នៃរបបព្រៃផ្សៃយង់ឃ្នង នេះ។ជាពិសេស បានចូលរួមយ៉ាងសកម្មក្នុងចលនាបង្រួបបង្រួមជាតិ និងជាកម្លាំងស្នូលក្នុងការអនុវត្ត នយោបាយឈ្នះ ឈ្នះ ដែលនាំមកនូវសុខសន្តិភាពពេញលេញក្រោមការដឹកនាំដ៏ត្រឹមត្រូវ និង ឈ្លាសវៃរបស់សម្ដេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជាធ្វើឲ្យប្រទេស ទទួលបានជោគជ័យដ៏ត្រចះត្រចង់ជាប្រវត្តិសាស្ត្រ។ឧត្តមសេនីយ៍ឯក ពៅ ស៊ីថា បានបញ្ជាក់ទៀតថា ជាក់ស្តែងពេលនេះនៅទីនេះ យើងកំពុងបាន អនុវត្តន៍គោលនយោបាយរបស់ប្រមុខរាជរដ្ឋាភិបាល ដែលយើងកំពុងធ្វើពិធីសំណេះសំណាល បំពាក់ឋានន្តរសក្ដិគ្រឿងឥស្សរិយយសបន្ថែម មួយថ្នាក់ជូនយោធិនចូលនិវត្តន៍ និងយោធិនពិការ ត្រូវផ្ទេរចេញពីក្របខ័ណ្ឌក្រសួងការពារជាតិ របស់បញ្ជាការដ្ឋានរថក្រោះ កងទ័ពងគោក ឆ្នាំ ២០២០ នេះ៕ អត្ថបទ៖ ចក់

រុស្សី សន្យាផ្ដល់វ៉ាក់សាំងប្រឆាំងកូវីដ១៩ ក្នុងកម្រិតណាមួយ ដល់កម្ពុជានាពេលខាងមុខនេះ

ភ្នំពេញ៖ រដ្ឋាភិបាលរុស្សី បានសន្យាផ្ដល់វ៉ាក់សាំងប្រឆាំងមេរោគកូវីដ១៩ ក្នុងកម្រិតណាមួយ ដល់ប្រទេសកម្ពុជានាពេលខាងមុខនេះ ខណៈវ៉ាក់សាំងនេះ ត្រូវបានក្រសួងសុខាភិបាលប្រទេស រុស្ស៊ីទើបចុះបញ្ជីនាពេលកន្លងទៅនេះ។ នេះបើតាមការបញ្ជាក់របស់លោក ណី សំអុល អគ្គនាយក នៃអគ្គនាយកដ្ឋានអឺរ៉ុប អាមេរិក អាហ្វ្រិក មជ្ឈិមបូព៌ា និងជាអ្នកនាំពាក្យរងក្រសួងការបរទេសកម្ពុជា។ថ្លែងប្រាប់អ្នកសារព័ត៌មាន ក្រោយជំនួបរវាងឯកឧត្ដម ប្រាក់ សុខុន ឧបនាយករដ្ឋមន្ត្រី និងជារដ្ឋមន្ត្រីការបរទេសកម្ពុជា ជាមួយលោក Anatoly Borovik ឯកអគ្គរដ្ឋទូតរុស្ស៊ីប្រចាំកម្ពុជា នៅព្រឹកថ្ងៃទី០១ តុលានេះ លោក ណី សំអុល បានបញ្ជាក់ថា នៅក្នុងកិច្ចជំនួបនោះភាគីទាំងពីរ បានពិភាក្សាគ្នាជាច្រើនទាក់ទងនឹងកិច្ចសហប្រតិបត្តិការទ្វេភាគីរវាងប្រទេសកម្ពុជា និងប្រទេសរុស្ស៊ី។លោក ណី សំអុល បានបន្តទៀតថា នៅក្នុងកិច្ចជំនួបនោះ ឯកឧត្តមឧបនាយករដ្ឋមន្ត្រី និងលោកឯកអគ្គរដ្ឋទូតក៏បានលើកឡើងផងដែរ អំពីបញ្ហាមេរោគកូវិដ១៩ ដែលពិភពលោកកំពុងរីករាលដាលនាពេលបច្ចុប្បន្ននេះ។បើតាមលោក ណី សំអុល ដដែលបានបន្ថែមទៀតថា ការផ្តល់នូវវ៉ាក់សាំងការពារមេរោគកូវិដ១៩ក្នុងកម្រិតណាមួយពីសំណាក់ប្រទេសរុស្ស៊ីដល់ប្រទេសកម្ពុជានោះគឺក្នុងគោលបំណងមនុស្សធម៌ និងមួយផ្នែកទៀត គឺពាណិជ្ជកម្មតាមរយៈការដោះដូរជាដើមនោះ៕ អត្ថបទ៖ បាន ចក់

ក្រសួងសុខាភិបាល ទទួលបានការជួយឧបត្ថម្ភសម្ភារៈសុវត្ថិភាពពីវិស័យឯកជន

ភ្នំពេញ៖ ក្រសួងសុខាភិបាល បានទទួលការជួយឧបត្ថម្ភសម្ភារសុវត្ថិភាព រួមមានម៉ាសការពារ និងជេលលាងដៃជាច្រើន ពីក្រុមហ៊ុនព្រូដិនសលកម្ពុជា។ ការផ្ដល់ជូននេះ គឺដើម្បីក្រសួងសុខាភិបាល អាចផ្ដល់ជូនបន្តដល់មន្ត្រីសុខាភិបាលដែលបម្រើការជួរមុខ ក្នុងរាជធានី-ខេត្ត ទូទាំងប្រទេស ដែលជាមន្ទីរពេទ្យទទួលព្យាបាលជំងឺកូវីដ–១៩។ក្រសួងសុខាភិបាលបានទទួលការឧបត្ថម្ភសម្ភារៈសុវត្ថិភាពជាច្រើនពី ក្រុមហ៊ុនព្រូដិនសលកម្ពុជា។ សម្ភារទាំងនោះរួមមាន ម៉ាស់ 3M N95 ចំនួន ១២៥០០ ម៉ាស់ និង ជេលលាងដៃគុណភាពខ្ពស់ ចំនួន១២០០ដប ដើម្បីជួយការពារមន្ត្រីសុខាភិបាលដែលបម្រើការជួរមុខ ក្នុងរាជធានី-ខេត្ត ទូទាំងប្រទេស ដែលជាមន្ទីរពេទ្យទទួលព្យាបាលជំងឺកូវីដ–១៩។ក្នុងឱកាសទទួលបានការជួយឧបត្ថម្ភនេះ ឯកឧត្ដមសាស្ត្រាចារ្យ ម៉ម ប៊ុនហេង មានប្រសាសន៍ថា «វិស័យឯកជនបានជួយបរិច្ចាគបរិក្ខារពេទ្យ មធ្យោបាយដឹកជញ្ជូន និងថ្នាំបាញ់សម្លាប់មេរោគ។ នេះគឺជាកាយវិការមនុស្សធម៌ល្អមួយ ដែលបានចូលរួមជាមួយរាជរដ្ឋាភិបាលកម្ពុជា ដើម្បីប្រយុទ្ធប្រឆាំងនឹងជំងឺកូវីដ–១៩។»ឯកឧត្ដមបន្តថា ការបរិច្ចាគពីសំណាក់ក្រុមហ៊ុនឯកជននានា រាប់បញ្ចូលទាំងក្រុមហ៊ុនព្រូដិនសលកម្ពុជា នាពេលនេះផង គឺជាការរួមចំណែកធំនៅក្នុងការប្រយុទ្ធប្រឆាំងជំងឺកូវីដ–១៩។ រហូតមកទល់នឹងពេលនេះ យើងទទួលបានជោគជ័យក្នុងការទប់ទល់នឹងការរីករាលដាលនៃជំងឺនេះ ប៉ុន្តែយើងត្រូវតែបន្តប្រុងប្រយ័ត្ន និងបន្តកិច្ចខិតខំប្រឹងប្រែងក្នុងការទប់ស្កាត់ជំងឺឆ្លងនេះតទៅទៀត”។លោក សានចេ ចាក្រាបាទី (Sanjay Chakrabarty ) អគ្គនាយកចាត់តាំងរបស់ក្រុមហ៊ុនព្រូដិនសលកម្ពុជា លើកឡើងថា ការជួយឧបត្ថម្ភនេះជាបេសកកម្មចំបងរបស់យើង គឺជួយការពារអតិថិជន និងសហគមន៍របស់យើងប្រឆាំងនឹងព្រឹត្តិការណ៍ដែលមិនបានរំពឹងទុក។ ស្របជាមួយបេសកកម្មរបស់យើង យើងជួយការពារមន្ត្រីសុខាភិបាលជួរមុខ តាមរយៈការផ្ដល់នូវសម្ភារការពារខ្លួនដែលមានគុណភាពខ្ពស់។ការបរិច្ចាគនេះគឺជាគំនិតផ្ដួចផ្ដើមមួយក្នុងចំណោមគំនិតផ្ដួចផ្ដើមជាច្រើនទៀត ដែលយើងបានដាក់ចេញក្នុងឆ្នាំនេះ ដើម្បីជួយដល់អ្នកពាក់ព័ន្ធរបស់យើង៕ អត្ថបទ៖ គឹមហុក

ពលរដ្ឋស្នើអាជ្ញាធរកសាងហេដ្ឋារចនាសម្ព័ន្ធ និងពន្លឿនការផ្តល់អត្តសញ្ញាណប័ណ្ណ

ភ្នំពេញ៖ នៅក្នុងវេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សារាជធានីភ្នំពេញ នាខណ្ឌព្រែកព្នៅ ប្រជាពលរដ្ឋ បានលើកឡើងជាសំណើរឱ្យអាជ្ញាធរជួយកសាងហេដ្ឋារចនាសម្ព័ន្ធ និងពន្លឿនការផ្តល់អត្តសញ្ញាណប័ណ្ណជូនប្រជាពលរដ្ឋ។ជាសំណួរផ្ទាល់មាត់ចំនួន ០៩នាក់ និងសំណើសរសេរដាក់ក្នុងប្រអប់សំបុត្រចំនួន៥២ប័ណ្ណ ដែលជាសំណើ និងសំណូមពររបស់ប្រជាពលរដ្ឋ នៅក្នុងវេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សារាជធានីភ្នំពេញ នាខណ្ឌព្រែកព្នៅ កាលពីព្រឹកថ្ងៃទី០១ ខែតុលា ឆ្នាំ២០២០ ប្រជាពលរដ្ឋបានលើកឡើងជាសំណើឱ្យអាជ្ញាធរជួយកសាងហេដ្ឋារចនាសម្ព័ន្ធ និងពន្លឿនការផ្តល់អត្តសញ្ញាណប័ណ្ណជូនប្រជាពលរដ្ឋ។ ដែលវេទិកានេះប្រព្រឹត្តិទៅក្រោមវត្តមាន ឯកឧត្ដម ប៉ា សុជាតិវង្ស ប្រធានក្រុមប្រឹក្សារាជធានីភ្នំពេញ លោក ហួត ហៃ អភិបាលរងរាជធានី និងមានប្រជាពលរដ្ឋចូលរួមផងដែរ។ឯកឧត្ដម ប៉ា សុជាតិវង្ស បានមានប្រសាសន៍ថា ការបង្កើតឱ្យមានវេទិកាសាធារណៈនេះ គឺដើម្បីឱ្យប្រជាពលរដ្ឋមានឱកាស បានលើកឡើងជាសំណើរ ជាសំណូមពរនានា ដើម្បីអាជ្ញាធរពាក់ព័ន្ធយកទៅដោះស្រាយជូន។ ឯកឧត្ដម ប៉ា សុជាតិវង្ស បន្តថា ការលើកឡើងរបស់ប្រជាពលរដ្ឋ គឺពិតណាស់ថា នឹងធ្វើឱ្យអាជ្ញាធរ ក៏ដូចជាសមត្ថកិច្ចបានរកឃើញនូវចំណុចខ្វះខាត ដែលត្រូវយកមកបំពេញបន្ថែមក្នុងការបម្រើជូនប្រជាពលរដ្ឋ។ឯកឧត្ដម ប៉ា សុជាតិវង្ស បន្ថែមថា រដ្ឋាភិបាលក្រៅពីបង្កើតឱ្យមានវេទិកាសាធារណៈនៅថ្នាក់សង្កាត់ ខណ្ឌ និងថ្នាក់រាជធានីហើយនោះ នៅបានបង្កើតឱ្យមានការិយាល័យប្រជាពលរដ្ឋនៅថ្នាក់ខណ្ឌ និងថ្នាក់រាជធានីថែមទៀត ដើម្បីទទួលយកការពិគ្រោះយោបល់ជាមួយប្រជារដ្ឋ ខណៈដែលប្រជាពលរដ្ឋមានកង្វល់អ្វីមួយ ហើយការិយាល័យនេះអាចដោះស្រាយជូនប្រជាពលរដ្ឋក្រៅប្រព័ន្ធតុលាការបាន។ឯកឧត្ដម ប៉ា សុជាតិវង្ស បានបញ្ជាក់ថា ក្នុងវេទិកានេះប្រជាពលរដ្ឋបានលើកឡើងជាសំណួរផ្ទាល់មាត់ចំនួន៩នាក់ និងសំណើសរសេរដាក់ក្នុងប្រអប់សំបុត្រចំនួន៥២ប័ណ្ណ ហើយសំណើរ និងសំណូមពរទាំងនេះ មានការស្នើឱ្យអាជ្ញាធររាជធានីភ្នំពេញស្ថាបនាលូ នៅក្នុងភូមិអណ្តូង ការស្ថាបនាផ្លូវប្រវែងជាង១គីឡូម៉ែត្រ ការជំរុញការផ្តល់អត្តសញ្ញាណប័ណ្ណជាតិខ្មែរឱ្យបានលឿន ការជម្រុញដោះស្រាយបញ្ហាទំនាស់ដីធ្លីវត្តសុវណ្ណធម្មរាជក្នុងខណ្ឌព្រែកព្នៅ បញ្ហាដីធ្លីនៅបឹងតាម៉ោក និងស្នើឱ្យទប់ស្កាត់រថយន្តដឹកដីបើកបរលឿនៗ។ ចំពោះការស្នើឡើងខាងលើនេះ អាជ្ញាធររាជធានីភ្នំពេញ បានទទួលយក ហើយសន្យាថានឹងធ្វើការដោះស្រាយជូនប្រជាពលរដ្ឋឱ្យបានល្អប្រសើរ៕ អត្ថបទ៖ ប្រាក់ វ៉ាន់ដា

បណ្ដាញសង្គម

ព័ត៌មានថ្មីៗ

កម្ពុជា បន្តរក្សាការអភិវឌ្ឍ និងនវានុវត្តន៍បច្ចេកវិទ្យា នៅក្នុងវិស័យសន្តិសុខផ្ទៃក្នុង

កម្ពុជា លើកឡើងអំពី ចក្ខុវិស័យក្នុងការជំរុញកិច្ចសហប្រតិបត្តិការអាស៊ាន-ចិន

បុរាណវិទូរកឃើញហ្វូស៊ីលត្រីដូហ្វាំងនៅបាតសមសមុទ្របុរាណប្រទេសប៉េរូ

ពលរដ្ឋអាហ្វហ្គានីស្ថានធ្វើមាតុភូមិនិវត្តន៍ជួបការលំបាក ស្របពេលកើតវិបត្តិសេដ្ឋកិច្ច និងអាកាសធាតុ

មន្រ្តីសុខាភិបាល ត្រូវមានស្មារតីបុរេសកម្ម នវានុវត្តន៍ ពង្រឹងសមត្ថភាព ដេីម្បីបង្កេីនគុណ ប្រសិទ្ធភា ព ជូនប្រជាពលរដ្ឋ

រដ្ឋមន្ត្រីក្រសួងទេសចរណ៍៖ បច្ចេកវិទ្យាឌីជីថល គឺជាកម្លាំងចលករថ្មីមួយសម្រាប់កំណើនសេដ្ឋកិច្ចសកល

ប្រាក់ចំណូលពីប្រេង និងឧស្ម័នរបស់រុស្ស៊ី នៅខែកញ្ញា ទំនងធ្លាក់ចុះ ២៣ភាគរយ

UN ៖ បម្រែបម្រួលអាកាសធាតុ បង្កភាពវឹកវរដល់វដ្តទឹករបស់ពិភពលោក

គុយបាអំពាវនាវឲ្យ UNបញ្ឈប់ការធ្វើយោធូបនីយកម្មសហរដ្ឋអាមេរិកនៅក្នុងតំបន់

ចក្រភពអង់គ្លេសនិរទេសជនអន្តោប្រវេសន៍ទៅបារាំង ក្រោមកិច្ចព្រមព្រៀងថ្មី «ម្នាក់ចូលម្នាក់ចេញ»

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

ប្រតិភូអាកាសចរស៊ីវិល៖ ព្រលានយន្តហោះលំដាប់អន្តរជាតិធ្វើដោយកូនខ្មែរ នឹងលើកកិត្តិយសជាតិជាប្រវត្តិសាស្ត្រ

ជ្រូកចិញ្ចឹមនៅថៃ ត្រូវបានដឹកឆ្លងកាត់ខេត្តស្វាយរៀង ទៅវៀតណាម ក្នុងមួយថ្ងៃពី៦០ ទៅ៧០តោន

គ្រួសារក្រីក្រ និងងាយរងគ្រោះទទួលថវិកាជំនួយសង្គមក្នុងបរិបទកូវីដ-១៩ រហូតដល់បំណាច់ ឆ្នាំ២០២០

អភិបាលខេត្តកំពត ក្រើនរំឭកមន្ទីរអង្គភាពមួយចំនួនឱ្យបង្កើនប្រសិទ្ធភាពការងារ

ការដាក់យោធិនឱ្យចូលនិវត្តន៍ គឺជាការចូលរួមកែទម្រង់ របស់កងយោធពលខេមរភូមិន្ទ

រុស្សី សន្យាផ្ដល់វ៉ាក់សាំងប្រឆាំងកូវីដ១៩ ក្នុងកម្រិតណាមួយ ដល់កម្ពុជានាពេលខាងមុខនេះ

ក្រសួងសុខាភិបាល ទទួលបានការជួយឧបត្ថម្ភសម្ភារៈសុវត្ថិភាពពីវិស័យឯកជន

ពលរដ្ឋស្នើអាជ្ញាធរកសាងហេដ្ឋារចនាសម្ព័ន្ធ និងពន្លឿនការផ្តល់អត្តសញ្ញាណប័ណ្ណ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

ជ្រូក​ចិញ្ចឹម​នៅ​ថៃ​ ត្រូវបាន​ដឹក​ឆ្លងកាត់​ខេត្តស្វាយរៀង ​ទៅ​វៀតណាម​ ក្នុង​មួយថ្ងៃ​ពី៦០ ទៅ៧០តោន

អភិបាល​ខេត្តកំពត​ ក្រើនរំឭក​មន្ទីរ​អង្គភាព​មួយ​ចំនួន​ឱ្យ​បង្កើន​ប្រសិទ្ធភាព​ការងារ​

ការ​ដាក់​យោធិន​ឱ្យ​ចូល​និវត្តន៍ គឺជា​ការចូលរួម​កែទម្រង់​ របស់​កងយោធពល​ខេមរភូមិន្ទ​

រុស្សី សន្យា​ផ្ដល់​វ៉ាក់សាំង​ប្រឆាំង​កូ​វីដ​១៩ ក្នុង​កម្រិត​ណាមួយ​ ដល់​កម្ពុជា​នា​ពេល​ខាងមុខ​នេះ​

ក្រសួងសុខាភិបាល​ ទទួល​បានការ​ជួយឧបត្ថម្ភ​សម្ភារៈ​សុវត្ថិភាព​ពី​វិស័យ​ឯកជន​

ពលរដ្ឋ​ស្នើ​អាជ្ញាធរ​កសាង​ហេដ្ឋារចនាសម្ព័ន្ធ និង​ពន្លឿន​ការ​ផ្តល់​អត្តសញ្ញាណប័ណ្ណ​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

ជ្រូកចិញ្ចឹមនៅថៃ ត្រូវបានដឹកឆ្លងកាត់ខេត្តស្វាយរៀង ទៅវៀតណាម ក្នុងមួយថ្ងៃពី៦០ ទៅ៧០តោន

អភិបាលខេត្តកំពត ក្រើនរំឭកមន្ទីរអង្គភាពមួយចំនួនឱ្យបង្កើនប្រសិទ្ធភាពការងារ

ការដាក់យោធិនឱ្យចូលនិវត្តន៍ គឺជាការចូលរួមកែទម្រង់ របស់កងយោធពលខេមរភូមិន្ទ

រុស្សី សន្យាផ្ដល់វ៉ាក់សាំងប្រឆាំងកូវីដ១៩ ក្នុងកម្រិតណាមួយ ដល់កម្ពុជានាពេលខាងមុខនេះ

ក្រសួងសុខាភិបាល ទទួលបានការជួយឧបត្ថម្ភសម្ភារៈសុវត្ថិភាពពីវិស័យឯកជន

ពលរដ្ឋស្នើអាជ្ញាធរកសាងហេដ្ឋារចនាសម្ព័ន្ធ និងពន្លឿនការផ្តល់អត្តសញ្ញាណប័ណ្ណ