BTV NEWS

សម្ដេចតេជោ៖ការពង្រឹងខឿនការពារជាតិមិនសំដៅតែនៅសមរភូមិមុខទេ ត្រូវយកចិត្តទុកដាក់ទំនុកបម្រុងអ្នកសមរភូមិក្រោយជាគ្រួសារយុទ្ធជនជួរមុខ និងអតីតយុទ្ធជន

ឯកអគ្គរដ្ឋទូតហុងគ្រីចប់អាណត្តិមើលឃើញថាកម្ពុជាគឺជាដៃគូដ៏ជិតស្និទ្ធរបស់ហុងគ្រី

ឯកអគ្គរដ្ឋទូតបញ្ចប់អាណត្តិស្វីស៖ រដ្ឋាភិបាលស្វីសនឹងបន្តគាំទ្រដល់ការអភិវឌ្ឍសង្គម-សេដ្ឋកិច្ចកម្ពុជា

សម្តេចធិបតីផ្ញើសារច្បាស់លាស់ និងយ៉ាងម៉ឺងម៉ាត់ដល់អាជ្ញាធរមូលដ្ឋានឱ្យបង្ក្រាប Online Scams ឱ្យទាល់តែអស់ជាដាច់ខាតប្រកបដោយស្មារតីទទួលខុសត្រូវខ្ពស់បំផុត

នយោបាយ និង ការអភិវឌ្ឍន៍

ឯកឧត្តម ប្រាក់ សុវណ្ណ ៖ ក្រោមការដឹកនាំដ៏ឈ្លាសវៃរបស់សម្ដេចតេជោ ធ្វើការទប់ស្កាត់ការរីករាលដាលជំងឺកូវីដ-១៩ ប្រកបដោយប្រសិទ្ធភាព

ព្រះវិហារ ៖ អភិបាលខេត្តព្រះវិហារ មានប្រសាសន៍ថា កម្ពុជាក្រោមការដឹកនាំដ៏ឈ្លាសវៃរបស់ សម្ដេចតេជោ ហ៊ុន សែន ជាប្រមុខដឹកនាំរាជរដ្ឋាភិបាល បានសហការជាមួយអង្គការសុខភាពពិភពលោក និងភាគីពាក់ព័ន្ធផ្សេងៗ ធ្វើការទប់ស្កាត់ការឆ្លងរីករាលដាលនៃជំងឺកូវីដ–១៩ ប្រកបដោយប្រសិទ្ធភាព ដោយគ្មានការឆ្លងរីករាលដាលនៅក្នុងសហគមន៍ គ្មានករណីស្លាប់។ថ្លែងក្នុងពិធីបើកកិច្ចប្រជុំក្រុមការងារជំរុញ ណែនាំ និងតាមដានការអនុវត្តវិធានសុវត្ថិភាពទេសចរណ៍ខេត្ត នៅព្រឹកថ្ងៃទី០៦ ខែតុលា ឆ្នាំ២០២០ ឯកឧត្តម ប្រាក់ សុវណ្ណ អភិបាលខេត្តព្រះវិហារ បានបញ្ជាក់ទៀតថា បច្ចុប្បន្ន កម្ពុជាក៏ដូចជា បណ្ដាប្រទេសនៅក្នុងពិភពលោក បានទទួលរងនូវផលប៉ះពាល់យ៉ាងធ្ងន់ធ្ងរពីជំងឺកូវីដ–១៩ ដ៏កាចសាហាវនេះ ដែលបានឆ្លងដល់មនុស្សជាង ៣៥ លាននាក់ និងបានសម្លាប់មនុស្សអស់ជាង ១.០៤៥.០០០នាក់ ផងដែរ។ឯកឧត្តម ប្រាក់ សុវណ្ណ បានបន្ថែមថា សម្រាប់កម្ពុជា សម្ដេចតេជោ ហ៊ុន សែន នាយករដ្ឋមន្ត្រីក៏បានដាក់ចេញនូវវិធានការនានា ដើម្បីជួយសង្គ្រោះអាជីវកម្ម សេវាកម្ម បុគ្គលិកបម្រើការងារ និងប្រជាពលរដ្ឋក្រីក្រ ដែលរងផលប៉ះពាល់ដោយជំងឺកូវីដ–១៩ ជាបន្តបន្ទាប់ផងដែរ។ មានតែករណីវិជ្ជមាននាំចូលតិចតួច ហើយដែលបានទទួលការត្រួតពិនិត្យព្យាបាលថែទាំដោយគ្រូពេទ្យជំនាញកម្ពុជា គ្រូពេទ្យស្ម័គ្រចិត្ត ក៏ដូចជាអាជ្ញាធរពាក់ព័ន្ធ ប្រកបដោយភាពហ្មត់ចត់។ក្នុងឱកាសនោះ ឯកឧត្តម អភិបាលខេត្តព្រះវិហារ ឯកឧត្តម ប្រាក់ សុវណ្ណ បានណែនាំ ដល់ស្ថាប័នពាក់ព័ន្ធ ត្រូវអនុវន្ដបន្ដវិធានការ ៖ ១.ឯកភាពតាមទិសដៅដែលបានលើកឡើង និងសូមលេខាធិការដ្ឋានក្រុមការងារសហការជាមួយមន្ទីរ-អង្គភាពពាក់ព័ន្ធ អាជ្ញាធរដែនដី ដើម្បីបន្តចុះផ្សព្វផ្សាយវិធានសុវត្ថិភាពទេសចរណ៍ និងត្រួតពិនិត្យពីការអនុវត្តរបស់ប្រតិបត្តិករទេសចរណ៍បន្ថែមទៀត ស្របតាមគោលការណែនាំ។ ២. ក្នុងដំណាក់កាលចំពោះមុខ ត្រូវធានាឱ្យបាននូវការមិនឆ្លងកូវីដ–១៩ នៅក្នុងសហគមន៍ ដោយត្រូវគោរពឱ្យបាននូវការប្រតិបត្តិតាមវិធានសុវត្ថិភាព និងអនាម័យ ដែលជាមូលដ្ឋាននៃការកសាងទំនុកចិត្ត និងភាពជឿជាក់ដល់ភ្ញៀវទេសចរជាតិ និងអន្តរជាតិ ដែលជាកត្តាចាំបាច់មិនអាចខ្វះបាន នៃការចាប់ផ្ដើមឡើងវិញនៃវិស័យទេសចរណ៍នៅក្នុងខេត្ត និងក្នុងប្រទេសទាំងមូល។ ៣.ទន្ទឹមនឹងការទប់ស្កាត់ការឆ្លងរីករាលដាលនៃជំងឺកូវីដ១៩ ក្រោមយន្តការនៃគណៈកម្មការអភិវឌ្ឍទេសចរណ៍ខេត្ត ខ្ញុំសូមមន្ទីរទេសចរណ៍ បន្តយកចិត្តទុកដាក់បន្ថែមទៀតក្នុងការសហការជាមួយមន្ទីរ-អង្គភាពពាក់ព័ន្ធ រដ្ឋបាលក្រុង-ស្រុក ដើម្បីពង្រឹងបន្ថែមនូវការគ្រប់គ្រងគោលដៅទេសចរណ៍ដែលមានស្រាប់ ដូចជា សហគមន៍ទេសចរណ៍ សហគមន៍គោលដៅទេសចរណ៍ និងអភិវឌ្ឍពង្រីកបន្ថែមទៀត នូវគោលដៅទេសចរណ៍ថ្មីៗ ដោយផ្សារភ្ជាប់នូវមូលដ្ឋានជនបទដើម្បីទាក់ទាញភ្ញៀវទេសចរបន្ថែមទៀត។ ៤.មន្ទីរទេសចរណ៍ ត្រូវសហការជាមួយ មន្ទីរបរិស្ថាន មន្ទីរកសិកម្ម និងសមត្ថកិច្ចពាក់ព័ន្ធផ្សេងទៀត ដើម្បីរៀបចំយន្តការគ្រប់គ្រងគោលដៅទេសចរណ៍នៅភ្នំត្បែងឱ្យបានត្រឹមត្រូវ និងធានាបាននូវប្រសិទ្ធភាព និរន្តរភាពបរិស្ថាន។តាមរយៈសកម្មភាព និងលទ្ធផលការងារសម្រេចបាន ឯកឧត្តម ប្រាក់ សុវណ្ណ អភិបាលខេត្តព្រះវិហារ ថ្លែងអំណរគុណចំពោះការចូលរួមសហការ គាំទ្រ ពីអាជ្ញាធរដែនដី មន្ទីរ–អង្គភាព ពាក់ព័ន្ធ ក្នុងនោះ មាន មន្ទីរ សុខាភិបាល ផងដែរ ចូលរួមផ្សព្វផ្សាយពីបញ្ហាការឆ្លងជំងឺកូវីដ–១៩ ៕

ប្រធានក្រុមការងាររាជរដ្ឋាភិបាល ចុះមូលដ្ឋានខេត្តកំពត ប្រាប់មន្ត្រីឱ្យកែលម្អចំណុចខ្វះខាត

កំពត ៖ ប្រធានក្រុមការងាររាជរដ្ឋាភិបាលចុះមូលដ្ឋានខេត្តកំពត បានក្រើនរំលឹកដល់ក្រុមការងារ ឱ្យបន្តពង្រឹង សកម្មភាពការងារ បំពេញចំណុចខ្វះខាតរបស់ខ្លួនបន្ថែមទៀត ដើម្បីបន្តដោះស្រាយបញ្ហា សំណូមពរ និង ទំនាស់នានា នៅមូលដ្ឋាន ក្នុងគោលបំណងបញ្ចៀសភាពអសកម្ម ដែលអាចបង្កឱ្យមានភាពថ្នាំងថ្នាក់ពីសំណាក់ប្រជាពលរដ្ឋ ហើយជះឥទ្ធិពលអវិជ្ជមានដល់ការគាំទ្ររាជរដ្ឋាភិបាល។ក្នុងកិច្ចប្រជុំបូកសរុបលទ្ធផលសកម្មភាពការងារវេទិកាសាធារណៈ ត្រីមាសទី៣ និងលើកទិសដៅ អនុវត្តបន្ត របស់ក្រុមការងាររាជរដ្ឋាភិបាលចុះមូលដ្ឋាន ក្រុង ស្រុក ក្នុងខេត្តកំពត កាលពីថ្ងៃទី០៥ តុលា ម្សិលមិញ ឯកឧត្តម ទេសរដ្ឋមន្ត្រី ចម ប្រសិទ្ធ ប្រធានក្រុមការងាររាជរដ្ឋាភិបាល ចុះមូលដ្ឋានខេត្តកំពត បានលើកឡើងថា គោលនយោបាយ និងយុទ្ធសាស្ត្រចតុកោណដំណាក់កាលទី៤ របស់រាជរដ្ឋាភិបាលកម្ពុជា គឺពិតជា បានដើរតួនាទីយ៉ាងសំខាន់ ក្នុងការបម្រើសេវាជូនប្រជាពលរដ្ឋនៅមូលដ្ឋានទាន់ពេលវេលា និងប្រកប ដោយប្រសិទ្ធភាពខ្ពស់។ឯកឧត្ដម បានបញ្ជាក់ថា ជាក់ស្តែង នៅក្នុងដំណាក់កាលប្រទេសជួបវិបត្តិកូវីដ១៩ ក្រុមការងារ រាជរដ្ឋាភិបាល បានធ្វើសកម្មភាពយ៉ាងផុលផុស ក្នុងការអប់រំផ្សព្វផ្សាយ ដល់ខ្នងផ្ទះប្រជាពលរដ្ឋ ដើម្បី គ្រប់គ្រងទិន្នន័យ និងចូលរួមបរិច្ចាគ តាមគ្រប់រូបភាពផ្សេងៗ សម្រួលដល់ការដោះស្រាយជីវភាពប្រជា ពលរដ្ឋខ្វះខាត និងបង្ការទប់ស្កាត់មិនឱ្យជំងឺកូវីដ១៩ ឆ្លងដល់សហគមន៍។ឯកឧត្តម ជាវ តាយ អភិបាលខេត្តកំពត បានធ្វើរបាយការណ៍ថា ក្នុងត្រីមាសទី៣ ឆ្នាំនេះ ក្រុមការ ងារ បានចុះធ្វើវេទិកាសាធារណៈ ចំនួន២១៦លើក លើ៩៣ឃុំ-សង្កាត់ មានការចូលរួមពីក្រុមការងារចំនួន ជាង២ពាន់៥រយនាក់ និងប្រជាពលរដ្ឋ ចំនួនជាង១ម៉ឺននាក់ ដោយប្រមូលបានបញ្ហា និងសំណូមពរ ចំនួន ជិត៧ពាន់ករណី ដែលក្នុងករណីទាំងនេះ មួយចំនួនត្រូវបានដោះស្រាយរួច និងមួយចំនួនបាននឹងកំពុង ដោះស្រាយ៕អត្ថបទ៖ អន សារឹម

យុវជនជាទំពាងស្នងឫស្សី ត្រូវបង្កើនការសិក្សារៀនសូត្រ ដើម្បីអនាគតខ្លួន

ស្វាយរៀង ៖ យុវជនជាទំពាំងដែលត្រូវស្នងឫស្សី គប្បីបង្កើនការសិក្សារៀនសូត្រ មុខជំនាញវិជ្ជាជីវៈ ពិសេសស្វែង យល់ពីរបកគំហើញថ្មី នៃការដឹកនាំរបស់គណបក្សប្រជាជនកម្ពុជា ដើម្បីក្លាយខ្លួនជាអ្នកបន្តវេនពីមនុស្ស ចាស់ ខណៈដែលសង្គមជាតិ ពឹងផ្អែកមកលើយុវជនៗពីពេលនេះ និងទៅអនាគត។ឯកឧត្តម ង៉ូយ ហាក់ ប្រធានក្រុមការងារគណបក្សប្រជាជនកម្ពុជា ចុះជួយឃុំកំពង់ត្រាច ស្រុក រមាសហែក ខេត្តស្វាយរៀង ក្នុងពិធីប្រកាសបញ្ចូលសមាជិក សមាជិកា គណបក្សប្រជាជនកម្ពុជាថ្មី ចំនួន ជាង៩០នាក់ កាលពីថ្ងៃទី០៥ ខែតុលា ម្សិលមិញ បានជំរុញយុវជនវ័យក្មេង ឱ្យបន្តសិក្សារៀនសូត្រ និងវិជ្ជាជីវៈផងនោះឱ្យ បានគ្រប់ៗគ្នា ពិសេសសិក្សាស្វែងយល់ពីប្រវត្តិ នៃការដឹកនាំគណបក្សប្រជាជនឱ្យបានស៊ីជម្រៅ សំដៅ បង្កើនសមត្ថភាពខ្លួនឯង ត្រៀមទទួលរ៉ាប់រងការងារពីមនុស្សចាស់ពីពេលនេះ និងទៅអនាគត ខណៈ ដែលប្រទេសជាតិ បាននឹងកំពុងតែពឹងផ្អែកមកលើយុវជន។ឯកឧត្តម បានបញ្ជាក់ថា ប្រទេសជាតិ មានការរីកចម្រើន ឯកភាពជាតិ និងអភិវឌ្ឍបាន អាស្រ័យ ទៅលើពលរដ្ឋ ពិសេសយុវជន ដែលមានសមត្ថភាព និងចំណេះដឹងខ្ពស់ ចំណេះធ្វើ ពិសេសការដឹកនាំ ជាមូលដ្ឋាន។ ដើម្បីធ្វើឱ្យប្រទេសរីកលូតលាស់នៅក្នុងតំបន់ យុវជន ទោះបានបញ្ចប់ការសិក្សា ឬមិនទាន់ បានបញ្ចប់ ក៏ត្រូវតែបន្តសិក្សាស្វែងយល់ ដើម្បីបង្កើនសមត្ថភាពក្នុងការដឹកនាំ និងធ្វើការផលិត ផលិត ផលបម្រើជីវភាព និងនាំទៅកាន់ទីផ្សារ ក្នុង និងក្រៅប្រទេស បង្កើនប្រាក់ចំណូលគ្រួសារ និងឆ្លើយតបទៅ នឹងតម្រូវការប្រើប្រាស់ ក្នុងពេលប្រទេស ក៏ដូចពិភពលោកប្រឈមនឹងបញ្ហាកូវីដ–១៩។ទាក់ទងទៅនឹងសភាពការណ៍ប្រទេសជាតិ ក៏ដូចពិភពលោក ក្នុងអន្តរកាលនៃវិបត្តិកូវីដ–១៩នេះ ឯកឧត្តម ប្រធានក្រុមការងារចុះជួយឃុំ បានជំរុញដល់យុវជន ត្រូវបន្តចលនា រក្សាការពារ សន្តិសុខ មូលដ្ឋាន តាមរយៈវាយបករាល់សកម្មភាពដែលជនអគតិមួយចំនួន បំពុលសភាពការណ៍ បង្កចលាចល ឱ្យ ទាន់ពេលដែលអាចធ្វើបាន ពីព្រោះយុវជន ជាជនម្នាក់ ដែលគណបក្សផ្តល់សេចក្តីទុកចិត្ត ឱ្យចូលរួមអនុ វត្តគោលនយោបាយភូមិឃុំមានសុវត្ថិភាព និងបន្តចលនាពលរដ្ឋ ធ្វើអនាម័យភូមិស្ថាន បញ្ចៀសជំងឺ តម្កាត់ ពិសេស កូវីដ១៩៕អត្ថបទ៖ ភា សារិត

តាមរយៈការខិតខំ របស់មន្ត្រីឧទ្យានុរក្ស បទល្មើសធនធានធម្មជាតិទ្រុងទ្រាយធំ លែងមានទៀតហើយ

មណ្ឌលគិរី៖ មន្ត្រីឧទ្យានុរក្ស នៃក្រសួងបរិស្ថានចំនួន ១២០០ នាក់បាននឹងកំពុងបំពេញតួនាទីជាឆ្នាំព្រៃ ការពារ និងអភរិក្សធនធានធម្មជាតិ ដោយបានចុះទប់ស្កាត់ និងបង្ក្រាបបទល្មើសធនធានធម្មជាតិ ប្រកបដោយការទទួលខុសត្រូវខ្ពស់ នៅតាមបណ្តាតំបន់ការពារធម្មជាតិនានាក្នុងប្រទេសកម្ពុជា។ តាមរយៈការខិតខំប្រឹងប្រែងរបស់មន្ត្រីឧទ្យានុរក្សជាច្រើនឆ្នាំកន្លងទៅនេះ បទល្មើសធនធានធម្មជាតិ ទ្រុងទ្រាយធំ លែងមានទៀតហើយ។ បច្ចុប្បន្ននេះ កម្ពុជាយើងមានតំបន់ការពារធម្មជាតិ និងរបៀងអភិរក្សជីវៈចម្រុះសរុបចំនួន ៦៦កន្លែង ដែលក្នុងនោះ មានឧទ្យានជាតិ ដែនជម្រកសត្វព្រៃ តំបន់ប្រើប្រាស់ច្រើនយ៉ាង តំបន់ការពារទេសភាព និងតំបន់រ៉ាមសារដែលមានផ្ទៃដីសរុប ៧,៣ លានហិតាស្មើប្រមាណ ៤១%នៃផ្ទៃដីសរុបរបស់ប្រទេស កម្ពុជាដែលត្រូវគ្រប់គ្រងដោយក្រសួងបរិស្ថាន។ចំពោះតំបន់ការពារធម្មជាតិនៅក្នុងខេត្តមណ្ឌលគិរី មានចំនួន ៦កន្លែង មានផ្ទៃដីសរុបប្រមាណ ១លានហិតា ដែលក្នុងនោះ រួមមានដែនជម្រកសត្វព្រៃកែវសីមា ដែនជម្រកសត្វព្រៃស្រែពក ដែនជម្រកសត្វ ព្រៃណាមលៀរ ដែនជម្រកសត្វព្រៃលំផាត់ ដែនជម្រកសត្វព្រៃភ្នំព្រេច និងរបៀងអភិរក្សជីវចម្រុះ ឦសាន។ នៅក្នុងការគ្រប់គ្រងអភិរក្សតំបន់ការពារធម្មជាតិទាំងនេះ មន្ទីរបរិស្ថានមានមន្ត្រី ឧទ្យានុរក្ស សរុបចំនួន ១០៤នាក់ ដែលចំនួននេះនៅមិនទាន់ ឆ្លើយតបនៅឡើយជាមួយទំហំដីដែលត្រូវអភិរក្ស និងការពារ។ ជុំវិញបញ្ហានេះក្រសួងបរិស្ថាន បានអំពាវនាវ ឲ្យមានការរួមគ្នាពីប្រជាពលរដ្ឋ អាជ្ញាធរមូលដ្ឋាន ដើម្បីរក្សាធនធានធម្មជាតិ សម្រាប់មនុស្ស ជំនាន់ ក្រោយ។ក្នុងការងារអភិរក្សធនធានធម្មជាតិនៅក្នុងខេត្តមណ្ឌលគិរីនេះដែរ ក៏មានការគាំទ្រផ្នែកបច្ចេកទេស ពីអង្គការដៃគូនានាដូចជាអង្គការសមាគមអភិរក្សសត្វព្រៃ WCS ជាដើម។នៅក្នុងរយៈពេល ៩ខែឆ្នាំ២០២០ នេះមន្ត្រីឧទ្យានុរក្ស នៃមន្ទីរបរិស្ថានខេត្តមណ្ឌលគិរី បានចុះល្បាត ក្នុងតំបន់ការពារធម្មជាតិចំនួន២៩៩៥ លើកដោយបានបង្ក្រាបបទល្មើសធនធានធម្មជាតិបានចំនួន ១៥២៨ករណី ដែលក្នុងនោះ បានបញ្ជូនសំណុំរឿងទៅតុលាការចំនួន ៨៤ករណី ពិន័យអន្តរការណ៍ ចំនួន ២៦ករណី រឹបអូសរណាយន្តបានចំនួន ៣៦៤គ្រឿង ចាប់ឃាត់រថយនកតចំនួន ៣៤គ្រឿង ដោះអន្ទាក់ចម្រុះ សរុបចំនួន ២៩៥៧ខ្សែ។ នេះបើយោងតាមរបាយការណ៍របស់ មន្ទីរបរិស្ថានខេត្ត មណ្ឌលគិរី។ រដ្ឋលេខាធិការក្រសួងបរិស្ថានរូបនេះ បានគូសបញ្ជាក់ថា តាមរយៈការខិតខំ ប្រឹងប្រែងរបស់មន្ត្រី ឧទ្យានុរក្សនៅក្នុងរយៈពេល ជាច្រើនឆ្នាំមកនេះ បទល្មើសធនធានធម្មជាតិទ្រុងទ្រាយធំលែងកើត មានទៀតហើយ តែនៅសល់បទល្មើសទ្រុងទ្រាយតូចដែលចាំបាច់សមត្ថកិច្ចជំនាញត្រូវបន្តខិតខំ បន្ថែមទៀត ដើម្បីទប់ស្កាត់និងបង្ក្រាបដើម្បីថែរក្សាធនធានធម្មជាតិ ព្រៃឈើ សត្វព្រៃដែលកម្ពុជា មាន៕ អត្ថបទ៖ ជាតា

អគ្គនាយកដ្ឋានអន្តោប្រវេសន៍ បន្តណែនាំមន្ត្រីតាមច្រកព្រំដែនទាំងអស់ ត្រូវបង្កើនការគ្រប់គ្រង់ពលរដ្ឋលួចឆ្លងដែន

ភ្នំពេញ៖ អគ្គនាយកដ្ឋានអន្តោប្រវេសន៍ នាយឧត្តមសេនីយ៍ គៀត ច័ន្ទថារិទ្ធ បានណែនាំទៅដល់មន្ត្រីនៅតាមច្រកព្រំដែនទាំងអស់ ត្រូវបង្កើនការគ្រប់គ្រង់ពលរដ្ឋឆ្លងដែនដោយខុសច្បាប់ ដើម្បីធានាឲ្យបាននូវសន្តិសុខ សណ្ដាប់ធ្នាប់សាធារណៈ នៅតាមច្រកទ្វាព្រំដែន និងទប់ស្កាត់ការចំណាកស្រុកដោយខុសច្បាប់ ដើម្បីបង្ការការរីករាលដាលនូវជំងឺឆ្លងកូវីដ១៩ ខណៈមេរោគនេះនៅតែបន្តផ្ទុះឡើងនោះ។ការណែនាំបែបនេះ គឺបន្ទាប់ពីពិនិត្យឃើញថា បើទោះបីជាជំងឺកូវីដ១៩ នៅតែបន្តរាតត្បាតជាសកល ប៉ុន្តែ ពលករខ្មែរនៅតែព្យាយាមឆ្លងដែនខុសច្បាប់តាមខ្សែបន្ទាត់ព្រំដែនកម្ពុជា–ថៃ កើតមានជារៀងរាល់ថ្ងៃ ដោយសារតែកត្តាជីវភាព និងតាមការអូសទាញពីសំណាកមេខ្យល់ ដើម្បីចេញទៅធ្វើការងារ ខណៈក្នុងខែកញ្ញាកន្លងទៅនេះ ភាគីថៃ បានចាប់បញ្ជូនត្រឡប់មកវិញ ចំនួន ៣៦លើក ស្មើនឹង ៩៩៥ នាក់ ក្នុងនោះ ស្រី ១៦៩ នាក់ និងកុមារ ៦០ នាក់។ថ្លែងនៅក្នុងកិច្ចប្រជុំបូកសរុបលទ្ធផលការងារប្រចាំខែកញ្ញា និងលើកទិសដៅការងារបន្តខែតុលា ឆ្នាំ២០២០ របស់អគ្គនាយកដ្ឋានអន្តោប្រវេសន៍ នាព្រឹកថ្ងៃទី០៦ តុលានេះ នៅអគ្គនាយករដ្ឋានអន្តោប្រវេសន៍ ឯកឧត្ដម នាយឧត្តមសេនីយ៍ បានលើកឡើងថា «មន្ត្រីនគរបាលអន្តោប្រវេសន៍ ទាំងអស់ ត្រូវបង្កើនកិច្ចសហការជាមួយ មន្ត្រីពាក់ព័ន្ធទាំងអស់ ដើម្បីបម្រើសេវាសាធារណៈជូនភ្ញៀវជាតិ និងអន្តរជាតិ ឲ្យកាន់តែមានប្រសិទ្ធភាពខ្ពស់បន្ថែមទៀត ជាពិសេសត្រូវបង្កើនកិច្ចការងារគ្រប់ ជនអន្តោប្រវេសន៍ឆ្លងដែនដោយខុសច្បាប់ និងពលរដ្ឋខ្មែរ លួចឆ្លងដោយសុខច្បាប់ ជាពិសេសប្រទេសថៃ ខណៈរាជរដ្ឋាភិបាលថៃ បានប្រកាសដាក់ប្រទេសស្ថិតនៅក្នុងគ្រាអាសន្នមួយខែបន្ថែមទៀតនោះ»។ឯកឧត្ដមបន្តថា ក្នុងនាមជាមន្ត្រីនគរបាលអន្តោប្រវេសន៍ ទាំងអស់ត្រូវមានស្មារតីទទួលខុសត្រូវខ្ពស់ មានវិន័យ សេចក្ដីថ្លៃថ្នូរ ចេះគោរព និងឲ្យតម្លៃគ្នាទៅវិញទៅមក ដើម្បីប្រយោជន៍ជាតិ និងប្រជាជន និងជៀសវាងដាច់ខាតនូវការប្រើប្រាស់មុខងារ និងសិទ្ធិអំណាចរបស់ខ្លួន ដើម្បីប្រព្រឹត្តអំពើមិនគប្បី ការប្រព្រឹត្តអំពើពុករលួយ ការប្រកាន់បក្សពួក និងត្រូវប្រកាន់ខ្ជាប់នូវគុណសម្បត្តិ ៤យ៉ាង គឺ ឆន្ទៈម្ចាស់ការ មនសិការវិជ្ជាជីវៈ ភក្ដីភាព និងវប្បធម៌សេវាសាធារណៈ។បើតាមរបាយការណ៍របស់អគ្គនាយកដ្ឋានគរបាលអន្តោប្រវេសន៍បានឲ្យដឹងថា គិតចាប់ពីថ្ងៃទី២៣ សីហា ដល់ថ្ងៃទី២២ កញ្ញាឆ្នាំ២០២០ មានពលរដ្ឋខ្មែរ ចេញទៅក្រៅប្រទេស មានចំនួនជិត ១ម៉ឺននាក់ ក្នុងនោះ ចេញជាលក្ខណៈអន្តរជាតិ ៧,១៩៤នាក់ និងជាជលក្ខណៈតំបន់ព្រំដែនចំនួន ២,៦១៧នាក់ ខណៈពលរដ្ឋខ្មែរដែលធ្វើដំណើរមកកាន់ប្រទេសកម្ពុជា មានចំនួន ជិត ៨ ពាន់នាក់ ក្នុងនោះ ពលរដ្ឋខ្មែរ ដែលត្រូវបានអាជ្ញាធរបរទេសបញ្ជូនត្រឡប់មកវិញមានចំនួន ៣៩ លើក ស្មើនឹង ៥៤៥នាក់ ស្រី ១៨៣នាក់ និងកុមារ ៤០ នាក់៕ អត្ថបទ៖ បាន ចក់

អាជ្ញាធរជាតិប្រយុទ្ធប្រឆាំងគ្រឿងញៀនកម្ពុជា-ថៃ រួមគ្នាបើកវគ្គបណ្តុះបណ្តាលជំនាញទប់ស្កាត់គ្រឿងញៀននៅកម្ពុជា

ភ្នំពេញ៖ អាជ្ញាធរជាតិប្រយុទ្ធប្រឆាំងគ្រឿងញៀនកម្ពុជា និងក្រុមប្រឹក្សាត្រួតពិនិត្យគ្រឿងញៀនថៃ បានធ្វើការសហការគ្នារៀបចំវគ្គបណ្តុះបណ្តាល ស្តីពីការគ្រប់គ្រងត្រួតពិនិត្យសារធាតុគីមីផ្សំស្ថិតក្រោមបញ្ញត្តិ នៃច្បាប់ ស្តីពីការត្រួតពិនិត្យគ្រឿងញៀន សម្រាប់ក្រុមហ៊ុន និងរោងចក្រនានា ដែលកំពុងប្រតិបត្តិការនៅប្រទេសកម្ពុជា ដើម្បីជំរុញឲ្យមានការចូលរួមចំណែកក្នុងការទប់ស្កាត់នៃការសំយោគគ្រឿងញៀននៅកម្ពុជា។ថ្លែងនៅក្នុងវគ្គបណ្តុះបណ្តាលនោះ ឯកឧត្តម មាស វិរិទ្ធ អគ្គលេខាធិការ នៃអាជ្ញាធរជាតិប្រយុទ្ធប្រឆាំងគ្រឿងញៀន បានលើកឡើងថា ក្រុមឧក្រិដ្ឋជនអន្តរជាតិ ដែលមានអង្គការចាត់តាំងច្បាស់លាស់ មានមហិច្ឆតាចិញ្ចឹមចិត្តឃុបឃិតជាមួយក្រុមឧក្រិដ្ឋជននៅក្នុងស្រុក ធ្វើសកម្មភាពល្មើសច្បាប់ជាច្រើនរូបភាព ដើម្បីរកផលចំណេញឲ្យក្រុមបក្សពួករបស់ពួកគេ ស្របពេលដែលយើងទាំងអស់គ្នាមានការខ្វះចន្លោះ ក្នុងការអនុវត្តច្បាប់នោះ។ឯកឧត្តម បានបន្តថា ការចរាចរគ្រឿងញៀនខុសច្បាប់នៅក្នុងតំបន់ក៏ដូចជាសកលលោកពុំមាន សញ្ញាថមថយនៅឡើយនោះទេ ខណៈការដាំដុះអាភៀន និងកញ្ឆាមានការថយចុះ ប៉ុន្តែ ផ្ទុយទៅវិញគ្រឿង ញៀនសំយោគមានការកើនឡើងគួរឲ្យកត់សម្គាល់ ក្នុងខណៈគ្រឿងញៀនសំយោគនេះ កើតចេញពីការយកសារធាតុគីមីផ្សំជាច្រើនប្រភេទគ្រឿងញៀនមកសំយោគនោះ។បញ្ហាខាងលើនេះហើយ ដែលទាមទារឲ្យភាគីជាប់ពាក់ព័ន្ធទាំងអស់ត្រូវមានវិធានការគ្រប់គ្រងការប្រើប្រាស់សារធាតុគីមីផ្សំស្ថិតក្រោមបញ្ញាត្តិនៃ ច្បាប់ស្តីពីការត្រួតពិនិត្យគ្រឿងញៀនឲ្យបានច្បាស់លាស់ ដើម្បីទប់ស្កាត់ការបង្វែរខុសច្បាប់យកទៅសំយោគកែច្នៃផលិតគ្រឿងញៀនខុសច្បាប់នៅក្នុងប្រទេសកម្ពុជានោះ។ឯកឧត្ដមបានបន្តទៀតថា ក្រុមហ៊ុន និងរោងចក្រទាំងអស់ ដែលបានស្នើសុំនាំចូលចែកចាយ និងប្រើប្រាស់សារធាតុគីមិផ្សំស្ថិតក្រោមបញ្ញត្តិ នៃច្បាប់ស្តីពីការត្រួតពិនិត្យគ្រឿងញៀន ត្រូវគ្រប់គ្រង និងរក្សាទុកសារធាតុគីមីទាំងនោះ ឲ្យបានត្រឹមត្រូវតាមលក្ខណៈបច្ចេកទេស និងគោលការណ៍ណែនាំរបស់ក្រសួងស្ថាប័នមានសមត្ថកិច្ចពាក់ព័ន្ធទាំងអស់។ជាមួយគ្នានោះដែរ ឯកឧត្តមមាស វិរិទ្ធ ក៏បានអំពាវនាវដល់សិក្ខាកាម ដែលជាតំណាងឲ្យក្រុមហ៊ុន និងរោងចក្រទាំងអស់ត្រូវខិតខំក្រេបចំណេះដឹង និងជំនាញទាំងនេះពីគ្រូ ដែលបានធ្វើការបណ្ដុះបណ្ដាល ដើម្បីធ្វើយ៉ាងណារួមគ្នាលុបបំបាត់គ្រឿងញៀននៅក្នុងប្រទេសកម្ពុជា ជាពិសេសរួមគ្នាឲ្យប្រទេសកម្ពុជាយើងមានសុខសន្តិភាព ប្រជាជនមានសុខុមាលភាពល្អ ជីវភាពរស់នៅថ្កុំថ្កើង និងសង្គមជាតិមានការអភិវឌ្ឍ បន្ថែមទៀត៕ អត្ថបទ៖ បាន ចក់

ថៃស្នើឲ្យកម្ពុជា ពន្លឿនការបញ្ជូនពលករ ១ពាន់នាក់ ទៅធ្វើការនៅប្រទេសថៃ

ភ្នំពេញ៖ ឯកឧត្ដម អ៊ូក សោភ័ណ ឯកអគ្គរាជទូតកម្ពុជាប្រចាំទីក្រុងបាងកក ប្រទេសថៃ បានឲ្យដឹងថា ថៃស្នើឲ្យកម្ពុជាពន្លឿនការបញ្ជូនពលករ១ពាន់នាក់ទៅធ្វើការនៅប្រទេសថៃ ក្នុងនោះភាគីនឹងទទួលបន្ទុកលើការចំណាយធ្វើចត្តាឡីស័ក រួមទាំងផ្តល់ការតាមដានសុខភាពជាប្រចាំជូនពលករ។ថ្លែងក្នុងសម្ភាសន៍ជាមួយ BTV នៅថ្ងៃទី៦ ខែតុលា ឆ្នាំ២០២០នេះ ឯកឧត្តម អ៊ូក សោភ័ណ ឯកអគ្គរាជទូតកម្ពុជា ប្រចាំទីក្រុងបាងកក បានមានប្រសាសន៍ថា កាលពីពេលកន្លងទៅ ក្នុងជំនួបពិភាក្សារវាងអាជ្ញាខេត្តបាត់ដំបង និងខេត្តចាន់ថាក់បុរី ភាគីថៃ បានស្នើឲ្យកម្ពុជាបញ្ជូនពលករចំនួន៥០០នាក់ ដើម្បីទៅបន្តការងារនៅប្រទេសពាក់ព័ន្ធនឹងវិស័យកសិកម្ម ប៉ុន្តែ ទន្ទឹមនឹងការស្នើពីភាគីថៃ កម្ពុជាបានសម្រេចបន្ថែមចំនួនពលករដែលនឹងត្រូវនៅធ្វើការប្រទេសថៃចំនួន១ពាន់នាក់ ខណៈភាគីថៃ និងសមាគមអ្នកវិនិយោគចម្ការមៀនថៃឯកភាពនឹងចំណាយការធ្វើចត្តាឡីស័កជូនបងប្អូនពលករ។ឯកឧត្ដម អ៊ូក សោភ័ណ បានគូសបញ្ជាក់ទៀតថា ដើម្បីចូលរួមទប់ស្កាត់ការឆ្លងរាតត្បាតនៃជំងឺកូវីដ១៩ ភាគីកម្ពុជា-ថៃនឹងសម្របសម្រួលការចេញចូល និងអនុវត្តយ៉ាងតឹងរឹងចំពោះវិធានសុខាភិបាល ដូចជាការពិនិត្យសុខភាពជាប្រចាំពីអាជ្ញាធរថៃផងដែរ។ដោយឡែក អំឡុងកិច្ចប្រជុំរវាងឯកឧត្ដម អ៊ូក សោភ័ណ ឯកអគ្គរាជទូតកម្ពុជាប្រចាំប្រទេសថៃ ជាមួយឯកឧត្ដម សុឆាត ឈុំគ្លិន រដ្ឋមន្ត្រីក្រសួងការងារថៃ កាលពីដើមខែតុលានេះ ភាគីថៃបានឯកភាពជួយសម្រួលដល់ពលករកម្ពុជាដែលបានដំណើរការចូលមកធ្វើការក្នុងប្រទេសថៃតាមប្រព័ន្ធMoU ដើម្បីអាចធ្វើការបានដោយបណ្ដោះអាសន្ននៅប្រទេសថៃ, បញ្ចុះតម្លៃទិដ្ឋាការស្នាក់នៅ ពី១, ៩០០បាត ក្នុង១ឆ្នាំ ទៅតម្លៃ ៥០០បាត សម្រាប់រយៈពេល២ឆ្នាំ ដល់ពលករខ្មែរ, សម្រួលបើកឱ្យនាំចូលពលករបរទេសចូលមកធ្វើការក្នុងប្រទេសថៃតាមប្រព័ន្ធ MOU ដោយបន្ធូរបន្ថយការចំណាយលើថ្លៃចត្តាឡីស័កចំនួន ១៤ថ្ងៃផងដែរ៕ អត្ថបទ៖ សេក ឧត្តម

អតីតរដ្ឋមន្ត្រីការបរទេសកម្ពុជា ដឹកនាំប្រជុំគណៈកម្មាធិការសម្របសម្រួលអន្ដររដ្ឋាភិបាលកម្ពុជា-ចិន

ភ្នំពេញ៖ នៅព្រឹកថ្ងៃទី០៦ ខែតុលា ឆ្នាំ២០២០ ឯកឧត្ដមឧបនាយករដ្ឋមន្ដ្រី ហោ ណាំហុង បានដឹកនាំកិច្ចប្រជុំ សមាជិកគណៈកម្មាធិការសម្របសម្រួលអន្តររដ្ឋាភិបាលកម្ពុជា-ចិន ដើម្បីពិនិត្យមើលការអនុវត្តបញ្ជីការងារបន្ទាន់លើ វិស័យសំខាន់ៗ ដើម្បីត្រៀមចុះហត្ថលេខាជាមួយចិន ក្នុងការជួយដល់សេដ្ឋកិច្ចជាតិ។កិច្ចប្រជុំនោះ បានពិនិត្យលើការចុះហត្ថលេខានៃកិច្ចព្រមព្រៀងពាណិជ្ជកម្មសេរីកម្ពុជា-ចិន ដែលបានសម្រេចខ្លឹមសារនៃកិច្ចព្រមព្រៀងទាំងស្រុងរួចរាល់អស់ហើយ ដោយនៅតែពេលចុះហត្ថលេខាក្រោមអធិបតីភាពសម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងថ្នាក់ដឹកនាំកំពូលចិន។ឯកឧត្ដមឧបនាយរដ្ឋមន្ត្រី ក៏បានពិភាក្សាជាមួយសមាជិកគណៈកម្មាធិការសម្របសម្រួលអន្ដររដ្ឋាភិបាលកម្ពុជា-ចិន អំពីការអភិវឌ្ឍទំនើបកម្មកសិកម្មកម្ពុជា និងការនាំកសិផលកម្ពុជាច្រើនមុខទៅកាន់ប្រទេសចិន អោយបានច្រើនក្នុងពេលឆាប់ៗ ជាពិសេស អង្ករឲ្យបានគ្រប់ចំនួន៤០ម៉ឺនតោន និងកសិផលជាច្រើនផ្សេងទៀតមានដូចជា ចេក ស្វាយ ម្សៅដំឡូងមី ទុរេន គ្រាប់ស្វាយចន្ទី កៅស៊ូ ស្ករស មៀនប៉ៃលិន និងទឹកមាត់ត្រចៀកកាំ ជាដើម។ជាមួយគ្នានេះ ការអភិវឌ្ឍប្រព័ន្ធទឹកកខ្វក់នៅក្រុងព្រះសីហនុឲ្យបានឆាប់ និងកិច្ចសហប្រតិបត្តិការ រវាងក្រសួងមហាផ្ទៃ ជាពិសេសបញ្ហាសន្តិសុខ បញ្ហាបណ្ដុះបណ្ដាល ធនធានមនុស្ស និងបញ្ហាសហប្រតិបត្តិការរដ្ឋបាលថ្នាក់ក្រោមជាតិ ក៏ជាប្រធានបទនៃកិច្ចពិភាក្សាសំខាន់នៅក្នុងកិច្ចប្រជុំសមាជិកគណៈកម្មាធិការសម្របសម្រួលអន្ដររដ្ឋាភិបាលកម្ពុជា-ចិន នៅថ្ងៃនេះដែរ៕ អត្ថបទ៖ ជា ធីរិទ្ធ

ព័ត៌មាន ជាតិនយោបាយ និង ការអភិវឌ្ឍន៍ព័ត៌មាន អន្តរជាតិ លោកបៃដិន ចង់ឲ្យលោកត្រាំ បង្ហោះសារត្រឹមត្រូវស្តីពីជំងឺ COVID-19

អន្តរជាតិ៖ បេក្ខជនឈរឈ្មោះជាប្រធានាធិបតីសហរដ្ឋអាមេរិក មកពីគណបក្សប្រជាធិបតេយ្យ លោកចូ បៃដិន បាននិយាយថា លោកសប្បាយចិត្ត ពេលដែលលោកប្រធានាធិបតីដូណាល់ ត្រាំ ឆាប់ជាសះស្បើយពីជំងឺ COVID-19លឿនបែបនេះ ប៉ុន្តែ លោកបន្តថា មាននូវក្តីកង្វល់ច្រើនណាស់ពីការរីករាលដាលឆ្លងសកលជំងឺដ៏កាចសាហាវមួយនេះ។អំឡុងការជជែកនៅក្នុងសាលធំរបស់ទូរទស្សន៍ NBC News កាលពីថ្ងៃចន្ទ លោកបៃដិន បាននិយាយថា លោកសង្ឃឹមថា គ្មាននរណាម្នាក់ ដើរចេញជាមួយសាររបស់លោកត្រាំ គិតថាវាគ្មានបញ្ហានោះទេ ។ វាគឺជាបញ្ហាធ្ងន់ធ្ងរ។គួរឲ្យដឹងថា លោកត្រាំ បានវិលត្រឡប់មកកាន់សេតវិមានវិញដ៏គួរឲ្យភ្ញាក់ផ្អើល កាលពីយប់ថ្ងៃចន្ទ ក្រោយចាកចេញពីមន្ទីរពេទ្យយោធា ជាកន្លែងដែលលោកទទួលបានការព្យាបាលមិនធ្លាប់មានពីមុន សម្រាប់ជំងឺ COVID-19 ។ភ្លាមៗនោះ លោកបានធ្វើឲ្យមានជម្លោះថ្មីកើតឡើង ជាមួយនឹងការអះអាងថា ប្រទេសរបស់លោកមិនគួរខ្លាចជំងឺ COVID-19នោះទេ ដែលបានសម្លាប់ពលរដ្ឋអាមេរិកជាង ២១ម៉ឺននាក់ ហើយលោកថែមទាំងបានដើរចូលក្នុងសេតវិមានដោយគ្មានពាក់ម៉ាស់មុខការពារទៀតផង ៕ អត្ថបទ៖ សារ៉ាត់

ករណីឆ្លងប្រចាំថ្ងៃនៃជំងឺ COVID-19ហក់ឡើងខ្ពស់នៅប្រទេសម៉ាឡេស៊ី

ម៉ាឡេស៊ី៖ នៅថ្ងៃអង្គារនេះ ពលរដ្ឋមួយចំនួន រស់នៅក្នុងទីក្រុងកូឡាឡាំពួ បានបង្ហាញពីការមិនពេញចិត្តរបស់ពួកគេចំពោះដំណោះស្រាយរបស់រដ្ឋាភិបាលម៉ាឡេស៊ី ចំពោះការរីករាលដាលឆ្លងជំងឺ COVID-19 ស្របពេលដែលករណីឆ្លងជំងឺដ៏កាចសាហាវនេះ បន្តកើនឡើងខ្ពស់។នាយករដ្ឋមន្ត្រីម៉ាឡេស៊ី លោកមូហ៊ីយីឌីន យ៉ាស៊ីន បានដាក់ខ្លួនឯងឲ្យនៅដាច់ដោយឡែក ក្រោយពេលដែលរដ្ឋមន្ត្រីក្នុងគណៈរដ្ឋមន្ត្រីរបស់លោក ធ្វើតេស្តវិជ្ជមានជំងឺ COVID-19 ។លោកមូហ៊ីយីឌីន បានធ្វើជាប្រធានកិច្ចប្រជុំកាលពីថ្ងៃទី ៣ ខែតុលាកន្លងទៅ ដោយមានការចូលរួមពីរដ្ឋមន្ត្រីក្រសួងកិច្ចការសាសនាម៉ាឡេស៊ី លោកហ្ស៊ូលគីហ្វលី មហាម៉ាដ អាល់ បាគ្រី ដែលបានចូលសម្រាកព្យាបាលជំងឺ COVID-19នៅក្នុងមន្ទីរពេទ្យ កាលពីថ្ងៃចន្ទម្សិលមិញ។ខណៈពេលនោះដែរ ក្រសួងសុខាភិបាល បានធ្វើការព្រមានថា ម៉ាឡេស៊ី ប្រឈមនឹងរលកថ្មីនៃករណីឆ្លងជំងឺ COVID-19 ស្របពេលដែលករណីឆ្លងហក់ឡើងខ្ពស់ រយៈពេលប៉ុន្មានថ្ងៃចុងក្រោយនេះ ។ករណីឆ្លងជាក្រុម បានកើតមាននៅតាមរដ្ឋជាច្រើន ស្របពេលដែលការធ្វើដំណើរកើនឡើងទៅកាន់រដ្ឋសាបា ដែលជាចំណុចក្តៅ សម្រាប់ការបោះឆ្នោតថ្នាក់រដ្ឋ កាលពីខែមុន ។សូមបញ្ជាក់ថា ម៉ាឡេស៊ី រាយការណ៍ករណីឆ្លងប្រចាំថ្ងៃនៃជំងឺ COVID-19ចំនួន ៤៣២នាក់ ធ្វើឲ្យករណីឆ្លងនៅក្នុងប្រទេសមួយនេះ កើនឡើងដល់ ១២.៨១៣នាក់ និងករណីស្លាប់ ១៣៧នាក់៕ អត្ថបទ៖ សារ៉ាត់

បណ្ដាញសង្គម

ព័ត៌មានថ្មីៗ

អ៊ីស្រាអែលបង្កើនការវាយប្រហារលើតំបន់ភាគខាងត្បូងលីបង់ បណ្តាលឲ្យមនុស្សយ៉ាងហោច ១៦នាក់ស្លាប់

រុស្ស៊ីចុះហត្ថលេខាលើកិច្ចព្រមព្រៀងតម្លៃ ១៦,៥ពាន់លានដុល្លារ ដើម្បីសាងសង់រោងចក្រថាមពលនុយក្លេអ៊ែរដំបូងនៅកាហ្សាក់ស្ថាន

រុស្ស៊ី៖ អឺរ៉ុបគួរបង្ហាញភ័ស្តុតាងពីអំណះអំណាងថាទីក្រុងមូស្គូរំខានសញ្ញា GPS

មន្ត្រីរុស្ស៊ី៖ គំនិតផ្តួចផ្តើមសន្តិភាពអ៊ុយក្រែន ជាមួយសហរដ្ឋអាមេរិក កំពុង «ជាប់គាំង»

ក្រុមហ៊ុន Temu របស់ចិនរងការផាកពិន័យ ២៣២លានដុល្លារ សម្រាប់ការបំពានច្បាប់លក់របស់ EU

ទីភ្នាក់ងារអាកាសធាតុអេស្ប៉ាញ ព្យាករសីតុណ្ហភាពខ្ពស់ខ្លាំងអំឡុងរដូវក្តៅ និងហានិភ័យភ្លើងឆេះព្រៃ

កូរ៉េខាងត្បូងធ្វើសមយុទ្ធបាញ់គ្រាប់ពិត ដើម្បីបញ្ជាក់ការជំរុញការការពារពឹងផ្អែកលើខ្លួនឯង

លោក Zelenskiy ៖ អ៊ុយក្រែនរៀបចំជំហានដឹរឹងមាំសម្រាប់យន្តហោះចម្បាំង Gripen

នាយករដ្ឋមន្រ្តីជប៉ុនលោកស្រី Takaichi ជួបពិភាក្សាការងារជាមួយប្រធានាធិបតីហ្វីលីពីននៅទីក្រុងតូក្យូ

កម្មករធ្វើផ្លូវនៅភាគនិរតីប្រទេសបារាំង ពិបាកស៊ូទ្រាំនឹងអាកាសធាតុក្តៅខ្លាំងអំឡុងខែឧសភា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

ប្រធានក្រុមការងាររាជរដ្ឋាភិបាល ចុះមូលដ្ឋានខេត្តកំពត ប្រាប់មន្ត្រីឱ្យកែលម្អចំណុចខ្វះខាត

យុវជនជាទំពាងស្នងឫស្សី ត្រូវបង្កើនការសិក្សារៀនសូត្រ ដើម្បីអនាគតខ្លួន

តាមរយៈការខិតខំ របស់មន្ត្រីឧទ្យានុរក្ស បទល្មើសធនធានធម្មជាតិទ្រុងទ្រាយធំ លែងមានទៀតហើយ

ថៃស្នើឲ្យកម្ពុជា ពន្លឿនការបញ្ជូនពលករ ១ពាន់នាក់ ទៅធ្វើការនៅប្រទេសថៃ

អតីតរដ្ឋមន្ត្រីការបរទេសកម្ពុជា ដឹកនាំប្រជុំគណៈកម្មាធិការសម្របសម្រួលអន្ដររដ្ឋាភិបាលកម្ពុជា-ចិន

ករណីឆ្លងប្រចាំថ្ងៃនៃជំងឺ COVID-19ហក់ឡើងខ្ពស់នៅប្រទេសម៉ាឡេស៊ី

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

ប្រធាន​ក្រុមការងារ​រាជរដ្ឋាភិបាល ​ចុះ​មូលដ្ឋាន​ខេត្តកំពត​ ប្រាប់​មន្ត្រី​ឱ្យ​កែ​លម្អ​ចំណុច​ខ្វះខាត

យុវជន​ជា​ទំ​ពាង​ស្នង​ឫស្សី​ ត្រូវ​បង្កើន​ការសិក្សា​រៀន​សូត្រ​ ដើម្បី​អនាគត​ខ្លួន​

តាមរយៈ​ការខិតខំ ​របស់​មន្ត្រី​ឧ​ទ្យា​នុ​រក្ស បទល្មើស​ធនធានធម្មជាតិ​ទ្រុងទ្រាយ​ធំ លែងមានទៀតហើយ​

ថៃ​ស្នើ​ឲ្យ​កម្ពុ​ជា ​ពន្លឿន​ការ​បញ្ជូន​ពលករ​ ១​ពាន់​នាក់ ​ទៅ​ធ្វើ​ការ​នៅ​ប្រទេស​ថៃ​

ករណី​ឆ្លង​ប្រចាំថ្ងៃ​នៃ​ជំងឺ COVID-19​ហក់​ឡើង​ខ្ពស់​នៅ​ប្រទេស​ម៉ាឡេស៊ី​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

ប្រធានក្រុមការងាររាជរដ្ឋាភិបាល ចុះមូលដ្ឋានខេត្តកំពត ប្រាប់មន្ត្រីឱ្យកែលម្អចំណុចខ្វះខាត

យុវជនជាទំពាងស្នងឫស្សី ត្រូវបង្កើនការសិក្សារៀនសូត្រ ដើម្បីអនាគតខ្លួន

តាមរយៈការខិតខំ របស់មន្ត្រីឧទ្យានុរក្ស បទល្មើសធនធានធម្មជាតិទ្រុងទ្រាយធំ លែងមានទៀតហើយ

ថៃស្នើឲ្យកម្ពុជា ពន្លឿនការបញ្ជូនពលករ ១ពាន់នាក់ ទៅធ្វើការនៅប្រទេសថៃ

ករណីឆ្លងប្រចាំថ្ងៃនៃជំងឺ COVID-19ហក់ឡើងខ្ពស់នៅប្រទេសម៉ាឡេស៊ី