BTV NEWS

សម្ដេចតេជោ៖ការពង្រឹងខឿនការពារជាតិមិនសំដៅតែនៅសមរភូមិមុខទេ ត្រូវយកចិត្តទុកដាក់ទំនុកបម្រុងអ្នកសមរភូមិក្រោយជាគ្រួសារយុទ្ធជនជួរមុខ និងអតីតយុទ្ធជន

ឯកអគ្គរដ្ឋទូតហុងគ្រីចប់អាណត្តិមើលឃើញថាកម្ពុជាគឺជាដៃគូដ៏ជិតស្និទ្ធរបស់ហុងគ្រី

ឯកអគ្គរដ្ឋទូតបញ្ចប់អាណត្តិស្វីស៖ រដ្ឋាភិបាលស្វីសនឹងបន្តគាំទ្រដល់ការអភិវឌ្ឍសង្គម-សេដ្ឋកិច្ចកម្ពុជា

សម្តេចធិបតីផ្ញើសារច្បាស់លាស់ និងយ៉ាងម៉ឺងម៉ាត់ដល់អាជ្ញាធរមូលដ្ឋានឱ្យបង្ក្រាប Online Scams ឱ្យទាល់តែអស់ជាដាច់ខាតប្រកបដោយស្មារតីទទួលខុសត្រូវខ្ពស់បំផុត

នយោបាយ និង ការអភិវឌ្ឍន៍

ភ្នំពេញមានការអភិវឌ្ឍជាង១ពាន់គម្រោងបន្ថែមទៀត ទុនវិនិយោគជាង ២,៣ ពាន់លានដុល្លារ

ភ្នំពេញ ៖ រាជធានីភ្នំពេញនាពេលបច្ចុប្បន្ន បាននឹងកំពុងមានការអភិវឌ្ឍឥតឈប់ឈរ ដោយមានសំណង់អាគារបុរីរាប់រយទីតាំង ខុនដូ ផ្សារទំនើប និងអាគារខ្ពស់ៗ ជាង១ពាន់អាគារបានចេញជារូបរាង ហើយគម្រោងសាងសង់ថ្មីប្រមាណ១ពាន់គម្រោងទៀត ក៏នឹងចាប់ផ្ដើមសាងសង់ ដែលភ្នំពេញបច្ចុប្បន្ន មានទំហំទុនវិនិយោគតាមការប៉ាន់ស្មានជាង ២,៣ ពាន់លានដុល្លារ សហរដ្ឋអាមេរិកបន្ថែមទៀត។ថ្លែងនាឱកាសអញ្ជើញជាអធិបតីក្នុងពិធីបើកការដ្ឋានសាងសង់ផ្សារទំនើប អ៊ឺអន ម៉ល គម្រោងទី៣ ដែលស្ថិតតាមបណ្ដោយមហាវិថីសម្ដេចតេជោ ហ៊ុន សែន ក្នុងខណ្ឌមានជ័យ រាជធានីភ្នំពេញ នៅថ្ងៃទី០៧ ខែតុលា ឆ្នាំ២០២០ ឯកឧត្ដម ឃួង ស្រេង អភិបាលរាជធានីភ្នំពេញ បានបង្ហាញពីការវិនិយោគ និងភាពរីកចម្រើនរបស់រាជធានីភ្នំពេញថា ប្រសិនបើប្រទេសកម្ពុជា គ្មានសុខសន្តិភាព គ្មានការបង្រួបបង្រួមជាតិ និងគ្មានការអភិវឌ្ឍ សមិទ្ធផល ហេដ្ឋារចនាសម្ព័ន្ធរូបវ័ន្ត វិស័យសេដ្ឋកិច្ច សង្គមកិច្ច ទាំងផ្នែករដ្ឋ និងឯកជន រួមទាំងពិធីបើកការដ្ឋាននាពេលនេះ ពិតជា មិនអាចប្រព្រឹត្តទៅបានឡើយ។ឯកឧត្ដម ឃួង ស្រេង បន្ថែមថា ក្រោមនយោបាយ ឈ្នះឈ្នះ របស់សម្តេចតេជោ នាយករដ្ឋមន្ត្រី ប្រទេសកម្ពុជា បានក្លាយជាប្រទេសមួយ រាជធានីមួយមានសុខសន្តិភាពពេញលេញ ជាមជ្ឈមណ្ឌលផលិត និងចែកចាយទំនិញ ជាបណ្ដុំនៃការរស់នៅប្រកបដោយប្រណីតភាព និងជាតំបន់ទេសចរណ៍រស់រវើក ដែលបង្ហាញឱ្យឃើញតាមរយៈវត្តមាន ទីក្រុងរណប អាគារពាណិជ្ជកម្ម សំណង់បុរី ខុនដូ និងផ្សារទំនើប ត្រូវបានសាងសង់ឡើងជាបន្តបន្ទាប់ ក្នុងនោះ ជារួម រាជធានីភ្នំពេញមានសំណង់បុរីចំនួន ២៦៣ កន្លែង និងអាគារខ្ពស់ៗចំនួន ១.៤២៤ អាគារ ហើយក្នុងរយៈពេល ០៩ ខែ ឆ្នាំ២០២០នេះ ភ្នំពេញបន្តទទួលបានគម្រោងសាងសង់ថ្មីចំនួន ១.០២០ គម្រោង លើផ្ទៃក្រឡាសំណង់សរុបជាង ៥ លានម៉ែត្រក្រឡា ដែលមានទំហំទុនវិនិយោគប៉ាន់ស្មានជាង ២,៣ ពាន់លានដុល្លារ សហរដ្ឋអាមេរិកបន្ថែមទៀត ធ្វើឱ្យរាជធានីភ្នំពេញ កាន់តែមានភាពស្រស់បំព្រង មិនចាញ់បណ្តាទីក្រុងនៃប្រទេសក្បែរខាង និងក្នុងតំបន់អាស៊ានឡើយ។ឯកឧត្ដម ឃួង ស្រេង បញ្ជាក់ថា ក្នុងរយៈពេលជាង ០៦ ទសវត្សកន្លងទៅនេះ ផ្តើមចេញពីកិច្ចសហប្រតិបត្តិការក្នុងភាពជាដៃគូរវាងរដ្ឋ និងឯកជន ប្រទេសកម្ពុជាបានជាប់ចំណាត់ថ្នាក់លេខ ៦ ក្នុងចំណោមប្រទេស ដែលមានសេដ្ឋកិច្ចរីកចម្រើនលឿនជាងគេនៅលើពិភពលោក តាមរយៈការសម្រេចបាននូវកំណើនសេដ្ឋកិច្ចជាមធ្យម ៧% ក្នុងមួយឆ្នាំ ទន្ទឹមគ្នាទៅនឹងការកើនឡើងនូវផលិតផលក្នុងស្រុកសរុបសម្រាប់ប្រជាជនកម្ពុជាម្នាក់ៗពីប្រមាណ ៧៣៨ ដុល្លារ នៅឆ្នាំ២០០៨ ដល់ ១.៧០៦ ដុល្លារ នៅឆ្នាំ ២០១៩ និងកំពុងឈានឆ្ពោះទៅសម្រេចចក្ខុវិស័យ កម្ពុជា ជាប្រទេសចំណូលខ្ពស់នាពេលខាងមុខ៕អត្ថបទ៖ ប្រាក់ វ៉ាន់ដា

សម្ដេចតេជោ៖ កាលៈទេសៈកូវីដ១៩ កម្ពុជា បានបង្វែរទិសទេសចរណ៍ក្នុងស្រុក

ភ្នំពេញ ៖ សម្ដេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានបង្ហាញនូវមោទនភាពជា ខ្លាំងថា ទោះបីជាពិភពលោកជួបវិបត្តិកូវីដ១៩ ប៉ុន្តែកម្ពុជា បានបង្វែរទិសទេសចរណ៍ ពីការដែលប្រជាជន ធ្លាប់ចេញទៅទេសចរនៅក្រៅប្រទេស មកទេសចរកម្សាន្តនៅក្នុងស្រុកវិញ។សម្ដេចតេជោ ហ៊ុន សែន ប្រមុខរាជរដ្ឋាភិបាលកម្ពុជា ខណៈអញ្ជើញជាអធិបតីដ៏ខ្ពង់ខ្ពស់ក្នុងពិធី បើកសម្ពោធជាផ្លូវការនៃមជ្ឈមណ្ឌលកម្សាន្តព្រីនស៍ម៉ាណ័រ ដែលមានទីតាំងស្ថិតនៅក្នុងស្រុកកៀនស្វាយ ខេត្តកណ្ដាល នៅព្រឹកថ្ងៃទី៧ ខែតុលានេះ បានបញ្ជាក់ថា ក្នុងកាលៈទេសៈ នៃកូវីដ១៩នេះ គឺមិនទាន់មាន ជើងហោះហើរនាំទេសចរពីខាងក្រៅមកនៅឡើយទេ ទោះបីជាកម្ពុជា បានអនុញ្ញាតឱ្យមានការហោះហើរ ចេញចូលខ្លះៗ សម្រាប់ធុរកិច្ច ដែលមានក្រុមហ៊ុននៅកម្ពុជាក៏ដោយ ប៉ុន្តែសម្រាប់ទេសចរ មិនទាន់ត្រូវ បានអនុញ្ញាតឱ្យមានការហោះហើរចេញចូលនៅឡើយនោះទេ ហើយក្នុងកាលៈទេសៈ នៃវិបត្តិកូវីដ១៩នេះ កម្ពុជា បានបង្វែរទិស ពីការដែលប្រជាជនធ្លាប់ចេញទៅទេសចរនៅក្រៅប្រទេស មកបង្កើនការ ទេសចរនៅក្នុងស្រុកវិញ។ ក្នុងកត្តាសត្យានុម័តបែបនេះហើយ ទើបសម្តេចតែងតែអញ្ជើញសម្ពោធបើក កន្លែងកម្សាន្តនានាជាបន្តបន្ទាប់នេះ។មជ្ឈមណ្ឌលកម្សាន្តព្រីនស៍ម៉ាណ័រ បានវិនិយោគដោយក្រុមហ៊ុនព្រីនស៍ហូលឌីងគ្រុប ដែលមាន អ្នកឧកញ៉ា ចេន ហ្ស៊ី ជាប្រធានក្រុមប្រឹក្សាភិបាល ដែលបានចំណាយទុនវិនិយោគចំនួន៨៥លានដុល្លារ ដើម្បីលើកកម្ពស់វប្បធម៌ និងវិស័យទេសចរណ៍របស់ព្រះរាជាណាចក្រកម្ពុជា។ មជ្ឈមណ្ឌលនេះ មានបុគ្គលិកក្នុងស្រុកចំនួន២៩០នាក់ ដែលមានចំនួនច្រើនជាង៨០ភាគរយ នៃបុគ្គលិកសរុប ដែលដើរតួនាទី យ៉ាងសំខាន់ ដើម្បីបណ្ដុះទេពកោសល្យក្នុងវិស័យឧស្សាហកម្មទេសចរណ៍៕អត្ថបទ៖ មុត សុទ្ធ

ក្រសួងពាណិជ្ជកម្មបង្ហាញចំណុចសំខាន់បី ដើម្បីជំរុញនិងនាំចេញទំនិញក្រោមក្របខ័ណ្ឌតំបន់និងទ្វេភាគី

ភ្នំពេញ ៖ នៅទីស្តីការក្រសួង កាលពីថ្ងៃទី៦តុលា ម្សិលមិញនេះ បានរៀបចំប្រជុំលើកទី២ ស្តីពីការងារជំរុញផលិតកម្ម និងនាំចេញទំនិញក្រោមក្របខ័ណ្ឌតំបន់និងទ្វេភាគី បន្ទាប់ពីការផ្លាស់ប្តូរមតិយោបល់ និងផ្តល់ធាតុចូលសំខាន់ពីសមាជិកពាក់ព័ន្ធ ជាលទ្ធផលឯកភាពគ្នាលើចំណុចសំខាន់៣ ដើម្បីនឹងធ្វើការសិក្សាស្រាវជ្រាវ និងចងក្រងជាឯកសារ។ផេកហ្វេសប៊ុករបស់ក្រសួងពាណិជ្ជកម្ម បានឱ្យដឹងថា កិច្ចប្រជុំនេះ បានប្រព្រឹត្តទៅក្រោមវត្តមានរបស់ឯកឧត្តម ស៊ាង ថៃ រដ្ឋលេខាធិការ ក្នុងគោលបំណងដើម្បីពិនិត្យឡើងវិញលើបញ្ជីមុខទំនិញ និងផលិតផលដែលមានសក្ដានុពល របស់កម្ពុជាសម្រាប់រៀបចំផែនការជំរុញការនាំចេញទៅទីផ្សារអន្តរជាតិក្រោមក្របខ័ណ្ឌតំបន់ និងទ្វេភាគី ជាពិសេសដើម្បីទាញយកផលប្រយោជន៍ពីកិច្ចព្រមព្រៀងពាណិជ្ជកម្មសេរីដែលមានស្រាប់ និងកិច្ចព្រមព្រៀង ពាណិជ្ជកម្មសេរី ដែលគ្រោងនឹងចុះហត្ថលេខាជាមួយដៃគូទេ្វរភាគី និងពហុភាគី សំដៅលើកកម្ពស់ផលិតកម្មក្នុងស្រុក និងពង្រីកទីផ្សារនាំចេញ។ទាក់ទិននឹងចំណុចសំខាន់៣ខាងលើ រួមមាន ៖១.សិក្សាស្រាវជ្រាវលើផលិតផលមានស្រាប់ដែលអាចនាំចេញបានភ្លាមៗ, សិក្សាស្រាវជ្រាវលើផលិតផលសក្ដានុពល សម្រាប់ធ្វើការនាំចេញពេលអនាគត ២.ផ្សព្វផ្សាយលទ្ធផលនៃការចរចាពាណិជ្ជកម្ម និងសុំធាតុចូលត្រឡប់វិញពីវិស័យឯកជន ព្រមទាំងក្រសួងស្ថាប័នពាក់ព័ន្ធ និងទី៣.រៀបចំបញ្ជីរាយមុខទំនិញសំខាន់ៗ និងវិភាគលើស្ថានភាពនៃការនាំចេញពេលកន្លងទៅ។នៅក្នុងកិច្ចប្រជុំនេះ ឯកឧត្តម ស៊ាង ថៃ បានលើកឡើងពីលទ្ធផលការងារ និងការឯកភាពគ្នាក្នុងកិច្ចប្រជុំលើកទី១ កាលពីខែកញ្ញា កន្លងទៅ ដូចជាការបង្កើតក្រុមការងារលេខាធិការដ្ឋាន និងក្រុមស្រាវជ្រាវឯកសារ ការកំណត់ទំនិញអាទិភាព និងការកំណត់ទម្រង់រៀបចំរបាយការណ៍ដោយយកគំរូប្រហាក់ប្រហែលគោលនយោបាយដំឡូងមីកម្ពុជាជាដើម។ ក្នុងនោះ លោកបានស្នើសុំថ្នាក់ដឹកនាំក្រសួង ពិនិត្យ និងចុះហត្ថលេខាលើប្រកាសដើម្បីបែងចែកភារកិច្ចដល់ក្រុមការងារតាមតួនាទីរៀងៗខ្លួន៕អត្ថបទ៖ ឈិត បូរ៉ាវី

អាជ្ញាធរ និងពលរដ្ឋឃុំបុសមន រីករាយជាមួយសមិទ្ធផលថ្មី និងការជួយឧបត្ថម្ភគាំទ្រពីក្រុមការងាររាជរដ្ឋាភិបាល

ស្វាយរៀង ៖ ប្រជាពលរដ្ឋ និងអាជ្ញាធរមូលដ្ឋានឃុំបុសមន ស្រុករំដួល ខេត្តស្វាយរៀង បានសម្តែងក្តីរីករាយ និងអបអរសាទរជាមួយសមិទ្ធផលថ្មីនៅមូលដ្ឋាន ដែលកើតចេញពីកិច្ចខិតខំប្រឹងប្រែង ការយកចិត្តទុកដាក់ពីក្រុមការងាររាជរដ្ឋាភិបាល ចុះមូលដ្ឋានឃុំបុសមន។ជាក់ស្តែង នៅព្រឹកថ្ងៃទី០៧ ខែតុលា ឆ្នាំ២០២០នេះ ឯកឧត្តម ទេសរដ្ឋមន្ត្រី លី ធុជ អនុប្រធានក្រុមការងាររាជរដ្ឋាភិបាល ចុះមូលដ្ឋានខេត្តស្វាយរៀង ទទួលបន្ទុកជាប្រធានក្រុមការងាររាជរដ្ឋាភិបាលចុះមូលដ្ឋានស្រុករំដួល អមដំណើរដោយឯកឧត្តម ស៊ុយ ជីហ៊ាង ប្រធានក្រុមការរាជរដ្ឋាភិបាលចុះមូលដ្ឋានឃុំបុសមន បានអញ្ជើញជួបសំណេះសំណាលជាមួយក្រុមប្រឹក្សាឃុំ និងប្រជាការពារ ឃុំបុសមន ព្រមទាំងផ្តល់ថវិកាជាង៥០លានរៀល ដើម្បីស្តារឡើងវិញកំណាត់ផ្លូវលំមួយខ្សែ សម្រួលដល់ការធ្វើដំណើររបស់ប្រជាពលរដ្ឋនៅមូលដ្ឋាន។លោក កែវ សាន មេឃុំបុសមន បានឱ្យដឹងថា ផ្លូវលំមួយខ្សែនេះ គឺជាតម្រូវការចាំបាច់របស់ប្រជាពលរដ្ឋនៅក្នុងមូលដ្ឋានឃុំបុសមន សម្រាប់ធ្វើដំណើរ និងដឹកកសិផលទៅកាន់ទីផ្សារ មានប្រវែងសរុប២២៥១ម៉ែត្រ ដោយឆ្លងកាត់ភូមិស្រម៉ឃុំបុសមន មានប្រវែង១៧៦៤ម៉ែត្រ ចូលទៅកាន់ឃុំថ្នាធ្នង់ប្រវែង៤៨៧ម៉ែត្រ ដោយចំណាយថវិកាអស់ប្រមាណជាង៥០លានរៀល។ឯកឧត្តម ទេសរដ្ឋមន្ត្រី លី ធុជ បានមានប្រសាសន៍ថា ក្រុមការងាររាជរដ្ឋាភិបាលចុះជួយមូលដ្ឋាន តែងបំពេញតម្រូវការចាំបាច់របស់ប្រជាពលរដ្ឋនៅមូលដ្ឋាន តាមផែនការយុទ្ធសាស្ត្ររបស់ប្រមុខរាជរដ្ឋាភិបាល សំដៅដោះស្រាយបញ្ហាប្រឈម និងធានានិរន្តរភាព នៃវឌ្ឍនភាពមូលដ្ឋាន។ឯកឧត្តម បន្តថា រាជរដ្ឋាភិបាល កើតចេញពីគណបក្សប្រជាជនកម្ពុជា នៅតែរក្សាបាននូវការគិតគូរខ្ពស់ដល់សុខទុក្ខប្រជាពលរដ្ឋ ធានាសុខសន្តិភាព និងវឌ្ឍនភាពសង្គម ប្រកបដោយទស្សនវិស័យច្បាស់លាស់។ឯកឧត្តម ស៊ុយ ជីហ៊ាង មានប្រសាសន៍ថា សមិទ្ធជាច្រើនដែលកើតចេញ និងផុសឡើងនៅមូលដ្ឋាននេះ គឺជាកិច្ចខិតខំប្រឹងប្រែងរបស់រាជរដ្ឋាភិបាល,អាជ្ញាធរគ្រប់ជាន់ថ្នាក់ និងក្រុមការងារគ្រប់ផ្នែក ក្រោមការដឹកនាំ និងចង្អុលបង្ហាញប្រកបដោយចក្ខុវិស័យខ្ពស់របស់ សម្តេចតេជោ ហ៊ុនសែន។ ឯកឧត្តម បានអំពាវនាវ និងសំណូមពរដល់អាជ្ញាធរមូលដ្ឋាន គិតគូរខ្ពស់ដល់សុខទុក្ខ និងតម្រូវការរបស់ប្រជាពលរដ្ឋ ជាពិសេសធានាសន្តិសុខសុវត្ថិភាព ព្រមទាំងរួមគ្នាទប់ស្កាត់ការរីករាលជំងឺកូវីដ–១៩។ឯកឧត្តម ទេសរដ្ឋមន្ត្រី លី ធុជ បានអញ្ជើញប្រគល់ថវិកាជាង៥០លានរៀល ជូនលោក កែវ សាន មេឃុំបុសមន ដើម្បីចាត់ចែងសងថ្លៃការស្តារឡើងវិញផ្លូវលំមួយខ្សែ,ប្រគល់ឯកសណ្ឋាន ដល់ប្រជាការពារឃុំ,ផ្តល់សម្ភារៈការិយាល័យ និងថវិកាដល់ប៉ុស្តិ៍នគរបាលរដ្ឋបាល និងក្រុមប្រឹក្សាឃុំបុសមន ព្រមទាំងឧបត្ថម្ភថវិកាដើម្បីក្រាលការ៉ូអគារសាលាឃុំបុសមន ដែលទើបសាងសង់រួចផងដែរ៕

វិស័យទេសចរណ៍ក្នុងស្រុក និងវិស័យឯកជនជួយ ទ្រទ្រង់សភាពការណ៍ក្នុងអន្តរកាលកូវីដ-១៩

ភ្នំពេញ ៖ សម្ដេចតេជោ បានថ្លែងសរសើរ ដល់បណ្តាក្រុមហ៊ុនវិស័យឯកជនទាំងអស់ ដែលមិនបិទក្រុមហ៊ុន រក្សាការងារជូនបុគ្គលិកកម្មករ ទោះបីស្ថិតក្នុងកាលៈទេសៈវិបត្តិកូវីដ-១៩ ក៏ដោយ ចំណែកទេសចរក្នុងស្រុក បានក្លាយជាចំណែកមួយសំខាន់ដែរក្នុងការជួយទ្រទ្រង់ សភាពការណ៍នេះ។នៅក្នុងពិធីបើកសម្ពោធជាផ្លូវការមជ្ឈមណ្ឌលកម្សាន្តព្រីនស៍ម៉ាណ័រ ដែលមានទីតាំងនៅក្នុងស្រុក កៀនស្វាយ ខេត្តកណ្ដាល នៅព្រឹកថ្ងៃទី០៧ ខែតុលានេះ សម្ដេចតេជោ ប្រមុខរាជរដ្ឋាភិបាលកម្ពុជា បានថ្លែងសរសើរវិស័យឯកជន ដែលបានរួមចំណែកជាមួយរាជរដ្ឋាភិបាល ក្នុងការខិតខំរក្សាការងារ ជំរុញ ផលិតកម្មរបស់ខ្លួន ក្នុងការនាំចេញ ដែលជាការរួមចំណែកជាមួយរាជរដ្ឋាភិបាល ឱ្យមានដំណើរការជានិរន្តរភាព។ពាក់ព័ន្ធនឹងវិស័យទេសចរណ៍ សម្ដេចតេជោ បានបង្ហាញនូវមោទនភាពជាខ្លាំងថា ទោះបីជាពិភព លោកជួបវិបត្តិកូវីដ១៩ ប៉ុន្តែកម្ពុជា បានបង្វែរទិសទេសចរណ៍ ពីការដែលប្រជាជន ធ្លាប់ចេញទៅទេសចរ នៅក្រៅប្រទេស មកទេសចរកម្សាន្តនៅក្នុងស្រុកវិញ។ ក្នុងកាលៈទេសៈ នៃកូវីដ១៩នេះ គឺមិនទាន់មាន ជើងហោះហើរនាំទេសចរពីខាងក្រៅមកនៅឡើយទេ ទោះបីជាបានអនុញ្ញាតឱ្យមានការហោះហើរចេញ ចូលខ្លះៗ សម្រាប់ធុរកិច្ច ដែលមានក្រុមហ៊ុននៅកម្ពុជាក៏ដោយ។សម្ដេច បានបន្តបញ្ជាក់ថា ការចូលរួមចំណែកដ៏សំខាន់ នៃវិស័យទេសចរណ៍ក្នុងស្រុក និងឯកជន នេះ មិនបានទម្លាក់បន្ទុកឱ្យរាជរដ្ឋាភិបាលធ្វើការដោះស្រាយនោះទេ។ ទោះបីមានវិបត្តិកូវីដ–១៩ក៏ដោយ ក្រុមហ៊ុនសំណង់ធំៗ បាននឹងកំពុងបន្តដំណើរការរបស់ខ្លួន ដែលធ្វើឱ្យកម្មករមានការងារធ្វើ និងប្រាក់ចំណូល។ ទោះមានការបិទរោងចក្រខ្លះ ប៉ុន្តែរោងចក្រថ្មី ក៏បានបើកដែរ នេះជាឱកាសក្នុងការបង្កើតការងារ ថ្មី និងផលិតកម្មថ្មីផងដែរ ក្នុងនោះមានការរីកដុះដាលផ្នែកកម្មន្តសាល និងឧស្សាហកម្មធុនតូច និង មធ្យម៕អត្ថបទ៖ មុត សុទ្ធ

រថយន្តមិនទាន់ធ្វើឆៀកជាង៣៦ម៉ឺនគ្រឿង អាចនឹងរងការពិន័យ បើបន្តមិនធ្វើឆៀក

ភ្នំពេញ ៖ នៅថ្ងៃទី៧ ខែតុលា ឯកឧត្តម ទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន បានអញ្ជើញបើកមណ្ឌលត្រួតពិនិត្យលក្ខណៈបច្ចេកទេសយានយន្តថ្មីមួយទៀតនៅសាលាខ័ណ្ឌកំបូល ជាយខាងលិចរាជធានីភ្នំពេញ។ក្នុងពិធីនេះ រដ្ឋមន្ត្រីក្រសួងសាធារណការ បានអំពាវនាវម្ចាស់រថយន្តទៅធ្វើឆៀករថយន្ត ដើម្បីកាត់បន្ថយគ្រោះថ្នាក់ចរាចរណ៍ និងការពិន័យ ខណៈបច្ចុប្បន្នក្រសួងរកឃើញមានរថយន្តជាង៣៦០ពាន់គ្រឿងមិនទាន់បានទៅធ្វើឆៀកនេះ។ឯកឧត្តម ទេសរដ្ឋមន្ត្រី ស៊ុន ចាន់ថុល បានថ្លែងថា នៅពេលបច្ចុប្បន្ននេះ មានរថយន្តប្រមាណជាង៣៦០ពាន់គ្រឿងដែលស្មើនឹង២៨% នៃចំនួនរថយន្តទាំងអស់ គឺបានហួសសុពលភាព ការត្រួតពិនិត្យលក្ខណៈបច្ចេកទេសយានយន្ត ឬហៅថា ការធ្វើឆៀក ដែលបញ្ជានេះ ងាយបង្កការគ្រោះថ្នាក់ចរាចរណ៍ ដល់ខ្លួនឯង និងអ្នកផ្សេងៗទៀត ដោយសារការបើកបររថយន្តមិនមានលក្ខណៈបច្ចេកទេសត្រឹមត្រូវ។សម្រាប់បញ្ហានេះ បើតាមឯកឧត្តម ឈួន វុន អគ្គនាយកដឹកជញ្ជូនផ្លូវគោកនៃក្រសួងសាធារណៈនិងដឹកជញ្ជូន បានបញ្ជាក់ថា សម្រាប់ការធ្វើឆៀករថយន្តគ្រប់ប្រភេទនៅពេលបច្ចុប្បន្ន គឺក្រសួងសាធារណៈការ និងដឹកជញ្ជូន នឹងផ្តល់យោគយល់ជូនចំពោះម្ចាស់យានយន្តដែលខ្លះមិនដែលបានមកធ្វើឆៀក ខ្លះមិនទាន់បានមកធ្វើឆៀកចំនួន២ឆ្នាំ និងរថយន្តហួសសុពលភាពធ្វើឆៀក សម្រាប់ឡានតូចទុកពេលជូន២ឆ្នាំ ឡានធំ ១ឆ្នាំ ហើយ៣០ថ្ងៃដំបូង ក៏មិនធ្វើការផាកពិន័យដែរ។ទោះយ៉ាងណា ឯកឧត្តម ឈួន វុន ក៏បានបញ្ជាក់ថាដែរថា ចាប់ពីនគរបាលចរាចរណ៍ ពង្រឹងការអនុវត្តច្បាប់មក ចំនួនរថយន្តដែលបានទៅធ្វើឆៀក មានចំនួនកើនឡើងចំនួន៤ដង ខណៈពីមុនក្នុងរយៈពេល១ថ្ងៃនៅទូទាំងប្រទេសមានរថយន្តទៅធ្វើឆៀកប្រមាណតែ១ពាន់គ្រឿង ហើយបច្ចុប្បន្ននេះ មួយថ្ងៃមានរថយន្តធ្វើឆៀកមានប្រមាណជាង៤ពាន់គ្រឿង ប៉ុន្តែក្នុងរយៈពេលប៉ុន្មានថ្ងៃចុងក្រោយនេះ គឺមានការថយចុះវិញ។ឯកឧត្តម បន្តថា នៅក្នុងរយៈពេល៣ខែចុងក្រោយនេះ មានរថយន្តប្រមាណជាង៨ម៉ឺនគ្រឿងគឺបានមកធ្វើឆៀក ក្នុងនោះ មានរថយន្តមិនបានធ្វើឆៀក បានរងការពិន័យនោះ គឺមានជាង២ម៉ឺនគ្រឿង សរុបថវិកា ដាក់ចូលជាចំណូលរដ្ឋ គឺមានចំនួនប្រមាណជាង៣០០០លានរៀល៕អត្ថបទ ៖ ស៊ុម សុខជា

សម្តេចតេជោ នឹងចូលរួមវេទិកាភាពងាយរងគ្រោះ នៃអាកាសធាតុ តាមប្រព័ន្ធវីដេអូ នៅថ្ងៃនេះ

ភ្នំពេញ ៖ តបតាមការអញ្ជើញរបស់នាយករដ្ឋមន្ត្រី នៃសាធារណរដ្ឋប្រជាមានិត បង់ក្លាដែស នៅថ្ងៃនេះ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា នឹងអញ្ជើញចូលរួមក្នុងព្រឹត្តិការណ៍ថ្នាក់ដឹកនាំ របស់វេទិកាភាពងាយរងគ្រោះនៃអាកាសធាតុ (CVF) ដែលនឹងប្រព្រឹត្តទៅតាមប្រព័ន្ធវីដេអូ នៅព្រលប់ថ្ងៃទី០៧ ខែតុលា ឆ្នាំ២០២០ ស្របពេលសម័យប្រជុំលើកទី៧៥ នៃមហាសន្និបាតអង្គការសហប្រជាជាតិ។យោងតាមសេចក្តីប្រកាសព័ត៌មានរបស់ក្រសួងការបរទេសដែលបានចេញនៅថ្ងៃទី៧ ខែតុលានេះ ក្នុងឱកាស សម្តេចតេជោ ហ៊ុន សែន អញ្ជើញចូលរួមក្នុងព្រឹត្តិការណ៍ថ្នាក់ដឹកនាំរបស់វេទិកាភាពងាយរងគ្រោះ នៃអាកាសធាតុ (CVF) សម្តេចតេជោ នឹងធ្វើបទអន្តរាគមន៍ផ្សាយបន្តផ្ទាល់ នឹងលើកឡើងអំពីផលប៉ះពាល់ធ្ងន់ធ្ងរ នៃការប្រែប្រួលអាកាសធាតុលើការអភិវឌ្ឍសេដ្ឋកិច្ច-សង្គម និងសន្តិសុខ ក្នុងតំបន់ក៏ដូចជាពិភពលោក។ជាមួយគ្នានេះ សម្តេចតេជោ នឹងគូសបញ្ជាក់អំពីកិច្ចខិតខំប្រឹងប្រែង និងការរួមចំណែករបស់រាជរដ្ឋាភិបាលកម្ពុជាលើបញ្ហាការប្រែប្រួលអាកាសធាតុ ដែលឆ្លុះបញ្ចាំងតាមរយៈការដាក់បញ្ចូលវិធានការកាត់បន្ថយផលប៉ះពាល់ទៅក្នុងគោលនយោបាយអភិវឌ្ឍន៍ជាតិ ដំណើរការទៅមុខយ៉ាងឆាប់រហ័សនៅកម្ពុជា នៃក្របខ័ណ្ឌ គតិយុត្តិនិងបច្ចេកទេសសម្រាប់កម្មវិធីសកម្មភាពកាត់បន្ថយការបំភាយឧស្ម័នផ្ទះកញ្ចក់ដែលកើតឡើងដោយ សារការកាប់បំផ្លាញនិងការសឹករេចរឹល នៃព្រៃឈើបូក (REDD+) និង ការផ្តល់ទាន់ពេលវេលានូវរបាយការណ៍ បច្ចុប្បន្នភាពស្តីពីការចូលរួមចំណែករបស់ជាតិ ក្នុងការអនុវត្តអនុសញ្ញាក្របខ័ណ្ឌអង្គការសហប្រជាជាតិ ស្ដីពីការប្រែប្រួលអាកាសធាតុ (NDC Update-UNFCCC)។សេចក្តីប្រកាសព័ត៌មាននេះ បានបន្តឲ្យដឹងថា សម្តេចតេជោ ហ៊ុន សែន ក៏នឹងផ្តល់អនុសាសន៍ក្នុងការអនុវត្តជាក់ស្តែងមួយចំនួនស្តីពីការឆ្លើយតបឲ្យបានគ្រប់ ជ្រុងជ្រោយ និងប្រកបដោយប្រសិទ្ធភាពចំពោះឥទ្ធិពលអវិជ្ជមាន នៃការប្រែប្រួលអាកាសធាតុទៅលើបរិស្ថាន សេដ្ឋកិច្ច និងសង្គម៕អត្ថបទ ៖ សេក ឧត្តម

កម្មវិធីពង្រឹងអាជីវកម្មខ្នាតតូច និងមធ្យមដែលប៉ះពាល់ដោយសារជំងឺកូវីដ១៩ បានចាប់ផ្ដើមដំណើរការ

ភ្នំពេញ៖ កម្មវិធីអប់រំដើម្បីពង្រឹងអាជីវកម្មខ្នាតតូច និងមធ្យមដែលរងការប៉ះពាល់ដោយសារជំងឺកូវីដ១៩ បានចាប់ផ្ដើមដំណើរការ ដោយទទួលជំនួយពីមូលនិធិទឹកប្រាក់ចំនួន 1 លានដុល្លារ របស់ក្រុមហ៊ុន Smart Axiata ដើម្បីប្រឆាំងកូវីដ១៩។កម្មវិធីអប់រំនេះ ជាកម្មវិធីសិក្សាអនឡាញ ដែលមានគោលបំណងជួយ ដល់សហគ្រិននៅកម្ពុជា ដើម្បីជម្នះបញ្ហា ដែលបង្កឡើងដោយជំងឺរាតត្បាតសកលកូវីដ១៩។ កម្មវិធីនេះបង្កើតឡើង ជាពិសេសសម្រាប់អ្នកដឹកនាំអាជីវកម្មខ្នាតតូច និងមធ្យម ដែលត្រូវការដំណោះស្រាយ ដើម្បីជួយឲ្យអាជីវកម្មរបស់ពួកគេប្រសើរឡើង និងបង្កើតក្រុមហ៊ុនដែលធន់នឹងគ្រោះមហន្តរាយផ្សេងៗ។អំឡុងពេលនៃកម្មវិធីសិក្សា អ្នកចូលរួមនឹងរៀនសូត្រអំពីរបៀបវាយតម្លៃនៃប្រតិបត្ដិការអាជីវកម្មនាពេលបច្ចុប្បន្នរបស់ពួកគេ ដើម្បីសម្របខ្លួនទៅនឹងការផ្លាស់ប្តូរនៃកាលៈទេសៈ ដោយរៀបចំគម្រោង និងអនុវត្តផែនការថ្មី។តាមរយៈកម្មវិធីនេះ សហគ្រិនក៏នឹងរៀនអំពីវិធីផ្សេងៗ ដើម្បីទទួលបានមូលនិធិជំនួយបន្ថែម ការប្រាស្រ័យទាក់ទងជាមួយអតិថិជន និងវិធីកែលម្អផែនការហិរញ្ញវត្ថុរបស់ពួកគេឡើងវិញឲ្យសាកសមនឹងទីផ្សារបច្ចុប្បន្ន។ ថ្នាក់រៀនតាមអនឡាញ នឹងមាននៅលើគេហទំព័ររបស់ Impact Hub ហើយសហគ្រិនអាចចូលមើលខ្លឹមសារមេរៀនបានគ្រប់ពេលដោយឲ្យគិតថ្លៃ។កញ្ញា អូលីវា ហូក (Olivia Hough) នាយកគ្រប់គ្រងរបស់ Impact Hub Phnom Penh មានប្រសាសន៍ថា៖ «គោលដៅនៃកម្មវវិធីពង្រឹង អាជីវកម្ម សម្រាប់អាជីវកម្មខ្នាតតូច និងមធ្យមគឺ ដើម្បីនាំយកចំណេះដឹងដល់សហគ្រិននៅទូទាំងប្រទេសកម្ពុជា និងជួយពួកគេបង្កើតអាជីវកម្មប្រកបដោយនិរន្តរភាព និងភាពធន់ ដែលអាចជម្នះវិបតិ្ត ដូចជាជំងឺរាតត្បាតសកលកូវីដ១៩។»សម្រាប់ការចូលរួមជួយឧបត្ថម្ភលើកម្មវិធីអប់រំនេះ លោក ថូម៉ាស ហ៊ុន (Thomas Hundt) នាយកប្រតិបត្តិក្រុមហ៊ុន Smart Axiata មានប្រសាសន៍ថា « យើងមានមោទនភាពណាស់ដែលបានគាំទ្រដល់កម្មវិធីពង្រឹងអាជីវកម្ម របស់ Impact Hub។ការជោគជ័យរបស់អាជីវកម្មទើបបង្កើតថ្មី និងសហគ្រាសធុនតូច និងមធ្យម គឺមានសារៈសំខាន់ខ្លាំងណាស់ ដើម្បីកសាងសេដ្ឋកិច្ចឲ្យរឹងមាំ ជាពិសេសក្នុងអំឡុងពេលដែលអាជីវកម្មកំពុងប្រឈមនឹងបញ្ហាធ្ងន់ធ្ងរ ដូចជា ការផ្លាស់ផ្ដូរក្នុងទីផ្សារ ការបាត់បង់អតិថិជន និងបញ្ចូលសកម្មភាពទៅអនឡាញ។» រហូតមកដល់ពេលនេះ ក្រុមហ៊ុន Smart បានផ្តល់ជំនួយមូលនិធិដល់គម្រោងចំនួន ១១ ផ្សេងៗគ្នា តាមរយៈ មូលនិធិប្រឆាំងវីរុសកូវីដ ១៩ ដែលក្នុងចំណោមគម្រោងនោះ គឺផ្តោតលើសកម្មភាពផ្សេងៗដូចជា ការអប់រំពីចម្ងាយ ការរក្សាអនាម័យផ្ទាល់ខ្លួន បរិក្ខារការពារខ្លួនសម្រាប់អ្នកជំនាញផ្នែកវេជ្ជសាស្ត្រ និងការបណ្តុះបណ្តាលវិជ្ជាជីវៈផ្នែកជំនួយហិរញ្ញវត្ថុសម្រាប់សហគ្រិន៕ អត្ថបទ៖ គឹមហុក

កម្មករក្រុមហ៊ុនស៊ិនទ្រី យល់ព្រមឈប់ធ្វើកូដកម្មនឹងចេញប្រមូលសំរាមឡើងវិញ

ភ្នំពេញ៖ កម្មកររបស់ក្រុមហ៊ុនស៊ីនទ្រីចំនួនជាង ២០០០នាក់ ដែលបានធ្វើកូដកម្ម តវ៉ាមិនព្រមប្រមូល និងដឹកជញ្ជូនសំរាមទៅកាន់ទីលានចាក់សំរាម អស់រយៈពេល ៥ថ្ងៃកន្លងមកនេះ ពួកគាត់បានឯកភាពឈប់ធ្វើកូដកម្ម និងសន្យាថានឹងចូលបម្រើការងារវិញនៅល្ងាចថ្ងៃទី០៧ ខែតុលានេះ។កម្មករនិយោជករបស់ក្រុមហ៊ុនស៊ីនទ្រី បានឯកភាព និងបញ្ឈប់នូវរាល់ការធ្វើកូដកម្មហើយនៅរសៀល ថ្ងៃទី៧ ខែតុលានេះ បន្ទាប់ពី ឯកឧត្ដម ឃួង ស្រេង អភិបាលរាជធានីភ្នំពេញ បានអញ្ជើញដោះស្រាយផ្ទាល់ដល់ទីតាំងក្រុមហ៊ុន ស៊ិនទ្រី ដែលស្ថិតនៅភូមិម័រ សង្កាត់ដង្កោ ខណ្ឌដង្កោ នៅថ្ងៃត្រង់ថ្ងៃទី៧ ខែតុលា ឆ្នាំ២០២០។ជាលទ្ធផល នៃការចរចារភាគីទាំងអស់បានព្រមព្រៀងគ្នា៣ចំណុច គឺទី១ ចំពោះសំណើរបស់កម្មករនិយោជិតទាមទារឲ្យក្រុមហ៊ុនដោះស្រាយពេលបញ្ចប់កិច្ចសន្យា ក្រុមហ៊ុនទទួលដោះស្រាយតាមច្បាប់ស្ដីពីការងារ ហើយរដ្ឋបាលរាជធានីភ្នំពេញ ជាអ្នកធានាខុសត្រូវ។ទី២ ចំពោះការងាររបស់កម្មករនិយោជិតទៅថ្ងៃខាងមុខ រដ្ឋបាលរាជធានីភ្នំពេញ ធានាមិនបាត់បង់ឡើយ ទោះបីក្រុមហ៊ុនស៊ីនទ្រី ដេញថ្លៃជាប់ ឬមិនជាប់ក៏ដោយ និងទី៣ សូមឲ្យកម្មករនិយោជិតទាំងអស់នាំគ្នាចូលធ្វើការងារជាធម្មតាវិញ ចាប់ពីរសៀលថ្ងៃទី០៧ ខែតុលា ឆ្នាំ២០២០នេះតទៅ។ក្រុមកម្មករក្រុមហ៊ុន ស៊ិនទ្រី បានឲ្យដឹងថា ពួកគាត់មួយចំនួនធំបានឯកភាពធ្វើការវិញ នៅកម្មករមួយចំនួនតូចហាក់នៅមិនទាន់យល់ពីការព្រមព្រៀងគ្នាក្នុងកិច្ចប្រជុំ ប៉ុន្តែតំណាងពាក់ព័ន្ធបានយល់ព្រមគ្នាហើយ ដូច្នេះតំណាងផ្នែកពាក់ព័ន្ធនឹងបន្តពន្យល់ផ្សព្វផ្សាយដល់ក្រុមកម្មករបន្ថែមទៀត។មន្ដ្រីរដ្ឋបាលរាជធានីភ្នំពេញបានឲ្យដឹងថា កិច្ចប្រជុំដោះស្រាយរបស់អភិបាលរាជធានីភ្នំពេញ ដោយមានការណែនាំពីក្រសួងមហាផ្ទៃ ក្រសួងសេដ្ឋកិច្ច និងហិរញ្ញវត្ថុ ទើបដោះស្រាយបានបញ្ចប់។ ទោះជាយ៉ាងណា ក្នុងអន្ដរកាលនេះ អភិបាលរាជធានីភ្នំពេញ បានណែនាំ និងដាក់ផែនការឲ្យអភិបាលខណ្ឌទាំង១៤ រួមទាំងមន្ដ្រីពាក់ព័ន្ធ បន្តចុះប្រមូលសំរាមជាបណ្ដោះអាសន្ន ក្នុងពេលនេះផងដែរ ហើយក្នុងឱកាសនោះដែរ ឯកឧត្ដម ឃួង ស្រេង បានផ្ដល់នូវអង្ករចំនួន ២៥គីឡូក្រាម ក្នុងម្នាក់ៗដល់កម្មករទាំងអស់។សូមបញ្ជាក់ថា ការធ្វើកូដកម្មរបស់កម្មករក្រុមសហ៊ុនស៊ិនទ្រី គឺចាប់តាំងពីល្ងាចថ្ងៃទី០២ ខែតុលា ឆ្នាំ២០២០ រហូតមកដល់ព្រឹកថ្ងៃ០៧ ខែតុលា ដែលកម្មករប្រមូលសំរាមរបស់ក្រុមហ៊ុននេះមិនចេញប្រមូលសំរាម ដែលធ្វើឲ្យមានសំរាមកកស្ទះនៅតាមដងផ្លូវនានាក្នុងរាជធានីភ្នំពេញ៕អត្ថបទ ៖ ប្រាក់ វ៉ាន់ដា

គ.ជ.ប ព្រមានភ្នាក់ងារបក្សនយោបាយអង្កេតការណ៍ ដែលសួរព័ត៌មានលម្អិតពីពលរដ្ឋហួសតួនាទី

ភ្នំពេញ ៖ ឯកឧត្តម សោម សូរីដា អគ្គលេខាធិការរងនៃគណៈកម្មាធិការជាតិរៀបចំការចុះឈ្មោះបោះឆ្នោត ហៅកាត់ថា គជប បានព្រមានភ្នាក់ងារបក្សនយោបាយអង្កេតការណ៍ ដែលសួរព័ត៌មានលម្អិតអត្តសញ្ញាណរបស់ប្រជាពលរដ្ឋដែលបានចុះឈ្មោះបោះឆ្នោត ហួសតួនាទីនោះឡើយ។ការព្រមានរបស់មន្ត្រីជាន់ខ្ពស់ នៃគណៈកម្មាធិការជាតិរៀបចំការបោះឆ្នោត ហៅកាត់ថា គជប ធ្វើឡើងក្នុងកិច្ចប្រជុំជាមួយភាគីពាក់ព័ន្ធនឹងការពិនិត្យបញ្ជីឈ្មោះបោះឆ្នោត និងបញ្ហាប្រឈមក្នុងដំណើរការចុះឈ្មោះបោះឆ្នោតនៅតាមឃុំ-សង្កាត់ នៅថ្ងៃទី៩ ខែតុលានេះ។ឯកឧត្តម សោម សូរីដា អគ្គលេខាធិការរងរបស់ គជប បានមានប្រសាសន៍ថា ក្នុងដំណើរការចុះឈ្មោះបោះឆ្នោតរយៈពេលមួយសប្តាហ៍កន្លងទៅនេះ មានពាក្យបណ្តឹងដែលប្តឹងដោយគណបក្សនយោបាយចំនួន ៨ បណ្តឹង ពាក់ព័ន្ធនឹងការអនុវត្តភារកិច្ចរបស់មន្ត្រីចុះឈ្មោះបោះឆ្នោត ដោយ គជប នឹងធ្វើការពិនិត្យណែនាំ ក៏ដូចជាដោះស្រាយទៅតាមនីតិវិធី នៃការចុះឈ្មោះបោះឆ្នោតជាដើម។ជាមួយគ្នានេះ ឆ្លើយតបនឹងតំណាងភា្នក់ងារគណបក្សនយោបាយ ដែលរិះគន់ពីការរឹតត្បិតចូលរួមពិនិត្យការចុះឈ្មោះបោះឆ្នោត ឯកឧត្តម សោម សូរីដា បានបញ្ជាក់ថា ក្នុងនាមជាភ្នាក់ងារគណបក្សនយោបាយចូលរួមអង្កេតការណ៍ចុះឈ្មោះបោះឆ្នោតមិនមានសិទ្ធិប្រមូលទិន្នន័យលម្អិតពីអត្តសញ្ញាណរបស់ប្រជាពលរដ្ឋឡើយ ដោយសារតែទិន្នន័យទាំងអស់នេះ មានសិទ្ធិគ្រប់គ្រងបានដោយ គជប តែប៉ុណ្ណោះ។ ឯកឧត្តម បានព្រមានដល់ភា្នក់ងារតំណាងគណបក្សនយោបាយទាំងអស់មិនត្រូវអនុវត្តហួសពីតួនាទីឡើយ ដោយសារតែការប្រមូលទិន្នន័យព័ត៌មានផ្ទាល់ខ្លួនរបស់ប្រជាពលរដ្ឋដែលបានអញ្ជើញទៅចុះឈ្មោះបោះឆ្នោតនេះ អាចបង្កជាចារកម្ម និងបាត់នូវសុវត្ថិភាពបុគ្គលគ្រប់ពេលពេលវេលាផងដែរ។សូមបញ្ជាក់ថា គិតត្រឹមរយៈពេលមួយសប្តាហ៍ នៃការចុះឈ្មោះបោះឆ្នោត នៅទូទាំងប្រទេសមានប្រជាពលរដ្ឋដែលបានចុះឈ្មោះបោះឆ្នោតថ្មីចំនួន ១០៤,៦៩១ នាក់ ខណៈតាមការប៉ាន់ស្មានសម្រាប់ការចុះឈ្មោះបោះឆ្នោតឆ្នាំ២០២០របស់ គជប ចំនួនប្រជាពលរដ្ឋគ្រប់អាយុដែលត្រូវចុះឈ្មោះបោះឆ្នោតសរុបនៅទូទាំងប្រទេសមានចំនួនប្រមាណ ៣០ម៉ឺននាក់ ដោយការចុះបោះឆ្នោតនេះប្រព្រឹត្តទៅចាប់ពីថ្ងៃទី១ រហូតដល់ថ្ងៃទី១៩ ខែតុលា ឆ្នាំ២០២០នេះ៕អត្ថបទ ៖ សេក ឧត្តម

បណ្ដាញសង្គម

ព័ត៌មានថ្មីៗ

អ៊ីស្រាអែលបង្កើនការវាយប្រហារលើតំបន់ភាគខាងត្បូងលីបង់ បណ្តាលឲ្យមនុស្សយ៉ាងហោច ១៦នាក់ស្លាប់

រុស្ស៊ីចុះហត្ថលេខាលើកិច្ចព្រមព្រៀងតម្លៃ ១៦,៥ពាន់លានដុល្លារ ដើម្បីសាងសង់រោងចក្រថាមពលនុយក្លេអ៊ែរដំបូងនៅកាហ្សាក់ស្ថាន

រុស្ស៊ី៖ អឺរ៉ុបគួរបង្ហាញភ័ស្តុតាងពីអំណះអំណាងថាទីក្រុងមូស្គូរំខានសញ្ញា GPS

មន្ត្រីរុស្ស៊ី៖ គំនិតផ្តួចផ្តើមសន្តិភាពអ៊ុយក្រែន ជាមួយសហរដ្ឋអាមេរិក កំពុង «ជាប់គាំង»

ក្រុមហ៊ុន Temu របស់ចិនរងការផាកពិន័យ ២៣២លានដុល្លារ សម្រាប់ការបំពានច្បាប់លក់របស់ EU

ទីភ្នាក់ងារអាកាសធាតុអេស្ប៉ាញ ព្យាករសីតុណ្ហភាពខ្ពស់ខ្លាំងអំឡុងរដូវក្តៅ និងហានិភ័យភ្លើងឆេះព្រៃ

កូរ៉េខាងត្បូងធ្វើសមយុទ្ធបាញ់គ្រាប់ពិត ដើម្បីបញ្ជាក់ការជំរុញការការពារពឹងផ្អែកលើខ្លួនឯង

លោក Zelenskiy ៖ អ៊ុយក្រែនរៀបចំជំហានដឹរឹងមាំសម្រាប់យន្តហោះចម្បាំង Gripen

នាយករដ្ឋមន្រ្តីជប៉ុនលោកស្រី Takaichi ជួបពិភាក្សាការងារជាមួយប្រធានាធិបតីហ្វីលីពីននៅទីក្រុងតូក្យូ

កម្មករធ្វើផ្លូវនៅភាគនិរតីប្រទេសបារាំង ពិបាកស៊ូទ្រាំនឹងអាកាសធាតុក្តៅខ្លាំងអំឡុងខែឧសភា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

ភ្នំពេញមានការអភិវឌ្ឍជាង១ពាន់គម្រោងបន្ថែមទៀត ទុនវិនិយោគជាង ២,៣ ពាន់លានដុល្លារ

សម្ដេចតេជោ៖ កាលៈទេសៈកូវីដ១៩ កម្ពុជា បានបង្វែរទិសទេសចរណ៍ក្នុងស្រុក

ក្រសួងពាណិជ្ជកម្មបង្ហាញចំណុចសំខាន់បី ដើម្បីជំរុញនិងនាំចេញទំនិញក្រោមក្របខ័ណ្ឌតំបន់និងទ្វេភាគី

អាជ្ញាធរ និងពលរដ្ឋឃុំបុសមន រីករាយជាមួយសមិទ្ធផលថ្មី និងការជួយឧបត្ថម្ភគាំទ្រពីក្រុមការងាររាជរដ្ឋាភិបាល

វិស័យទេសចរណ៍ក្នុងស្រុក និងវិស័យឯកជនជួយ ទ្រទ្រង់សភាពការណ៍ក្នុងអន្តរកាលកូវីដ-១៩

រថយន្តមិនទាន់ធ្វើឆៀកជាង៣៦ម៉ឺនគ្រឿង អាចនឹងរងការពិន័យ បើបន្តមិនធ្វើឆៀក

សម្តេចតេជោ នឹងចូលរួមវេទិកាភាពងាយរងគ្រោះ នៃអាកាសធាតុ តាមប្រព័ន្ធវីដេអូ នៅថ្ងៃនេះ

កម្មវិធីពង្រឹងអាជីវកម្មខ្នាតតូច និងមធ្យមដែលប៉ះពាល់ដោយសារជំងឺកូវីដ១៩ បានចាប់ផ្ដើមដំណើរការ

កម្មករក្រុមហ៊ុនស៊ិនទ្រី យល់ព្រមឈប់ធ្វើកូដកម្មនឹងចេញប្រមូលសំរាមឡើងវិញ

គ.ជ.ប ព្រមានភ្នាក់ងារបក្សនយោបាយអង្កេតការណ៍ ដែលសួរព័ត៌មានលម្អិតពីពលរដ្ឋហួសតួនាទី

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

ភ្នំពេញ​មានការ​អភិវឌ្ឍ​ជាង​១​ពាន់​គម្រោង​បន្ថែមទៀត​ ​ទុន​វិនិយោគ​ជាង ២,៣ ​ពាន់​លាន​ដុល្លារ

សម្ដេច​តេ​ជោ​៖ កាលៈទេសៈ​កូ​វីដ​១៩ កម្ពុជា បាន​បង្វែរ​ទិស​ទេសចរណ៍​ក្នុងស្រុក​

វិស័យ​ទេសចរណ៍​ក្នុងស្រុក ​និង​វិស័យ​ឯកជន​ជួយ​ ទ្រទ្រង់​សភាពការណ៍​ក្នុង​អន្តរកាល​កូ​វីដ​-១៩

រថយន្ត​មិនទាន់​ធ្វើ​ឆៀក​ជាង​៣៦​ម៉ឺន​គ្រឿង​ អាច​នឹង​រង​ការ​ពិន័យ​ បើ​បន្ត​មិន​ធ្វើ​ឆៀក

សម្តេច​តេ​ជោ ​នឹង​ចូលរួម​វេទិកា​ភាព​ងាយ​រងគ្រោះ​ នៃ​អាកាសធាតុ ​តាម​ប្រព័ន្ធ​វីដេអូ ​នៅថ្ងៃនេះ

កម្មករ​ក្រុមហ៊ុន​ស៊ិន​ទ្រី​ យល់ព្រម​ឈប់​ធ្វើ​កូដកម្ម​នឹង​ចេញ​ប្រមូល​សំរាម​ឡើងវិញ​

គ​.​ជ​.​ប​ ព្រមាន​ភ្នាក់ងារ​បក្ស​នយោបាយ​អង្កេតការណ៍​ ដែល​សួរ​ព័ត៌មាន​លម្អិត​ពី​ពលរដ្ឋ​ហួស​តួនាទី

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

ភ្នំពេញមានការអភិវឌ្ឍជាង១ពាន់គម្រោងបន្ថែមទៀត ទុនវិនិយោគជាង ២,៣ ពាន់លានដុល្លារ

សម្ដេចតេជោ៖ កាលៈទេសៈកូវីដ១៩ កម្ពុជា បានបង្វែរទិសទេសចរណ៍ក្នុងស្រុក

វិស័យទេសចរណ៍ក្នុងស្រុក និងវិស័យឯកជនជួយ ទ្រទ្រង់សភាពការណ៍ក្នុងអន្តរកាលកូវីដ-១៩

រថយន្តមិនទាន់ធ្វើឆៀកជាង៣៦ម៉ឺនគ្រឿង អាចនឹងរងការពិន័យ បើបន្តមិនធ្វើឆៀក

សម្តេចតេជោ នឹងចូលរួមវេទិកាភាពងាយរងគ្រោះ នៃអាកាសធាតុ តាមប្រព័ន្ធវីដេអូ នៅថ្ងៃនេះ

កម្មករក្រុមហ៊ុនស៊ិនទ្រី យល់ព្រមឈប់ធ្វើកូដកម្មនឹងចេញប្រមូលសំរាមឡើងវិញ

គ.ជ.ប ព្រមានភ្នាក់ងារបក្សនយោបាយអង្កេតការណ៍ ដែលសួរព័ត៌មានលម្អិតពីពលរដ្ឋហួសតួនាទី