BTV NEWS

សម្ដេចតេជោ៖សង្គ្រាមព្រំដែនកម្ពុជា-ថៃបានផ្ទេរពីសង្គ្រាមប្រើប្រាស់អាវុធមកជាសង្រ្គាម ប្រើប្រាស់ជំពាមកៅស៊ូ ខណៈបើពិនិត្យឲ្យសុីជម្រៅវាជារឿងធំ ប្រសិនបើមិនទប់ស្កាត់

ឯកឧត្តម ចាន់ ដារ៉ុង ដឹកនាំគណៈកម្មការអន្តរក្រសួងចុះពិនិត្យវាយតម្លៃបញ្ចប់សុពលភាពការងារថែទាំផ្លូវខួបចំនួន ៣កំណាត់ ក្នុងខេត្តពោធិ៍សាត់

BREAKING NEWS! សម្តេចធិបតី អបអរសាទរចំពោះការប្រព្រឹត្តទៅដោយជោគជ័យនូវកិច្ចប្រជុំវិសាមញ្ញ នៃគណៈកម្មាធិការព្រំដែនទូទៅកម្ពុជា-ថៃ

TOP STORY | សម្ដេចធិបតី បានចាត់វិធានការចាំបាច់ជាបន្តបន្ទាប់ចំពោះការវិលត្រឡប់ទ្រង់ទ្រាយធំរបស់ពលករខ្មែរ និងជនភៀសសឹក

នយោបាយ និង ការអភិវឌ្ឍន៍

៩ខែឆ្នាំ២០២០ បង្ក្រាបបទល្មើសធនធានធម្មជាតិនៅដែនជម្រកសត្វព្រៃ-ព្រៃឡង់ បាន ៩៥៤ករណី

ភ្នំពេញ៖ ក្រសួងបរិស្ថាន បានបង្ហាញរបាយការណ៍ នៃការចុះល្បាតបង្ក្រាបបទល្មើសធនធានធម្មជាតិនៅដែនជម្រកសត្វព្រៃព្រៃឡង់រយៈពេល ៩ ខែឆ្នាំ២០២០ នេះឃើញថា ក្រុមមន្ត្រីឧទ្យានុរក្សបានបង្ក្រាបបទល្មើសចំនួន ៩៥៤ករណី នឹងរឹបអូសវត្ថុតាងបានជាច្រើនគ្រឿង។រយៈពេល៩ខែនេះ មន្ត្រីឧទ្យានុរក្សបានចុះប្រតិបត្តិការល្បាតចំនួន ១៨២៣លើក ក្នុងនោះបទល្មើសធនធានធម្មជាតិចំនួន ៩៥៤ ករណី ត្រូវបានបង្ក្រាប ហើយបានកសាង និងបញ្ជូនសំណុំរឿងចំនួន ៤០ ករណីទៅតុលាការ ធ្វើការអប់រំ និងចុះកិច្ចសន្យាបញ្ឈប់សកម្មភាពចំនួន ៤២០ករណី និងពិន័យអន្តរការណ៍ ៤១ករណី។ក្នុងប្រតិបត្តិការនេហដែរ មន្ត្រីឧទ្យានុរក្សាបានរឹបអូសរណាយន្តបានចំនួន ៤៣៣គ្រឿង រថយន្ត៩ គ្រឿង គោយន្តចំនួន ១០៦គ្រឿង និងម៉ូតូ ៤៦គ្រឿង រឹបអូសឈើចំនួន ៣០៣ ម៉ែត្រគូប ដោះអន្ទាក់បានចំនួន ១៦៧៧អន្ទាក់ និងដកហូតនិងរឹបអូសកាំភ្លើងកែច្នៃបានចំនួន ១០៣គ្រឿង។របាយការណ៍ចេញផ្សាយនាថ្ងៃទី១៨ ខែតុលា ឆ្នាំ២០២០ បានបង្ហាញថាមានកត្តាផ្សេងៗជាច្រើនដែលជំរុញឱ្យមានបទល្មើសទាំងនេះកើតឡើងរួមមាន៖ កត្ដាជីវភាពរបស់ប្រជាសហគមន៍ ដែលធ្លាប់តែពឹង អាស្រ័យ ទៅលើផល អនុផលព្រៃឈើ និងការទាក់ទាញ និងញុះញង់ពីសំណាក់ក្រុមឈ្មួញទុច្ចរិត គួបផ្សំនឹងចំនួនមន្ដ្រីឧទ្យានុរក្សដែលបានឈរជើងនៅក្នុងតំបន់នោះ នៅមានកម្រិតនៅឡើយ។ឯកឧត្តម នេត្រ ភក្ត្រា រដ្ឋលេខាធិការក្រសួងបរិស្ថាន សង្កេតឃើញថា បទល្មើសនៅតំបន់មួយចំនួនមានការ ថយចុះ ដោយសារតែមានកិច្ចសហការស្អិតរមួតជាមួយសហគមន៍តំបន់ការពារធម្មជាតិ ការបង្កើតស្នាក់ការល្បាតចល័ត ការរៀបចំផែនការល្បាតបានល្អិតល្អន់ និងមានការចូលរួមពីអាជ្ញាធរពាក់ព័ន្ធ។ រដ្ឋលេខាធិការក្រសួងបរិស្ថានឯកឧត្តម នេត្រ ភក្ត្រា បានគូសបញ្ជាក់ថានេះគឺជាកិច្ចខិតខំប្រឹង ប្រែងរបស់មន្ត្រីឧទ្យានុរក្ស និងសហគមន៍នៃតំបន់ការពារធម្មជាតិ ក្នុងការការពារនិងអភិរក្សធនធានធម្មជាតិក្នុងតំបន់ព្រៃ ឡង់ឱ្យបានគង់វង្សសម្រាប់មនុស្សរាប់ជំនាន់ទៅមុខទៀត។ជាមួយគ្នានេះ រដ្ឋលេខាធិការក្រសួងបរិស្ថានរូបនេះក៏បានលើកឡើងថា ទោះបីជាមានការចុះទប់ស្កាត់ និងបង្ក្រាបទាំងយប់ទាំងថ្ងៃពីសំណាក់មន្ត្រីឧទ្យានុរក្សនិងសមាជិកនៃសហគមន៍តំបន់ការពារធម្មជាតិក៏បទល្មើសធនធានធម្មជាតិទ្រង់ទ្រាយតូចដូចជាការលបលួចកាប់ឈើ ការទន្ទ្រានរានយកដី ធ្វើជាកម្មសិទ្ធិការបរ បាញ់និងការដាក់អន្ទាក់សត្វព្រៃនៅតែបន្ដកើតមាននៅក្នុងតំបន់ព្រៃឡង់ដែលចាំបាច់ត្រូវចាត់វិធានការទប់ស្កាត់និងបង្ក្រាបបន្តទៀត។រាជរដ្ឋាភិបាលកម្ពុជា តាយរយៈក្រសួងបរិស្ថាន និងដៃគូអភិវឌ្ឍបានយកចិត្ដទុកដាក់ខ្ពស់លើការរៀបចំ និងពង្រឹងយន្ដការគ្រប់គ្រង ការផ្ដល់មធ្យោបាយ ឧបករណ៍ សម្ភារៈ ក៏ដូចជាការជួយលើកស្ទួយជីវភាពរបស់ប្រជាសហគមន៍មូលដ្ឋានបន្ថែមទៀតតាមរយៈការបង្កើតមុខរបរថ្មី បង្កើតសេដ្ឋកិច្ចនៅមូលដ្ឋាន បង្កើនចំណូលការជំរុញទេសចរណ៍ធម្មជាតិជាដើម ដើម្បីធានា ប្រសិទ្ធភាពនៃការងារគ្រប់គ្រង ការពារ និងអភិរក្សតំបន់ព្រៃឡង់។ បច្ចុប្បន្ននេះ ក្រសួងបរិស្ថានបាននិងកំពុងសហការអនុវត្តគម្រោងការពារនិងអភិរក្សតំបន់ដែនជម្រកសត្វព្រៃព្រៃឡង់ជាមួយគម្រោងព្រៃឡង់បៃតងគាំទ្រថវិកាដោយ USAID របស់សហរដ្ឋអាមេរិកសម្រាប់រយៈពេល ៥ ឆ្នាំ (២០១៨–២០២៣) ក្នុងទំហំទឹកប្រាក់ ២១លានដុល្លារ។សូមបញ្ជាក់ថា ដែនជម្រកសត្វព្រៃព្រៃឡង់ ត្រូវបានបង្កើតឡើងដោយអនុក្រឹត្យ នៅខែឧសភា ឆ្នាំ ២០១៦ មានផ្ទៃដីជាង ៤៣ ម៉ឺនហិកតា ស្ថិតនៅក្នុងភូមិសាស្ត្រខេត្តចំនួន ៤ រួមមាន ខេត្តកំពង់ធំ ខេត្តព្រះវិហារ ខេត្តក្រចេះ និងខេត្តស្ទឹងត្រែង។ បច្ចុប្បន្ននេះ មានមន្ត្រីឧទ្យានុរក្សចំនួន ៨៤នាក់ បាននិងកំពុងឈរជើងការពារនៅក្នុងនោះ ខេត្តកំពង់ធំមាន ៣៤នាក់ ខេត្តស្ទឹងត្រែងមាន ២៤នាក់ និងខេត្តក្រចេះចំនួន ១២នាក់ ខេត្តព្រះវិហារចំនួន ១៣នាក់ ហើយសហគមន៍តំបន់ការពារធម្មជាតិមានចំនួន ១៩ នៅក្នុងដែនជម្រកសត្វព្រៃព្រៃឡង់ដែលបានចូលរួមសហការចុះល្បាតជាមួយមន្ត្រីឧទ្យានុរក្ស៕ អត្ថបទ៖ សុជាតា

ថ្នាក់ដឹកនាំ និងក្រុមការងារសមាគមTYDA ចុះសួរសុខទុក្ខ និងចែកអំណោយដល់គ្រួសាររងគ្រោះទឹកជំនន់ ១,៣០០គ្រួសារនៅក្នុងខេត្តពោធិ៍សាត់

ពោធិ៍សាត់៖ ដោយមើលឃើញនៅទុក្ខលំបាករបស់ប្រជាពលរដ្ឋ ដែលជួបគ្រោះជំនន់ទឹកភ្លៀងនៅក្នុងខេត្តពោធិ៍សាត់ នៅព្រឹកថ្ងៃទី១៨ ខែតុលានេះ លោកស្រី ពេជ ចន្ទមុន្នី ហ៊ុនម៉ាណែត អនុប្រធានក្រុមប្រឹក្សាភិបាលសមាគមគ្រូពេទ្យស្ម័គ្រចិត្តយុវជនសម្តេចតេជោ(TYDA) បានដឹកនាំក្រុមការងារអញ្ជើញចុះសួរសុខទក្ខ និងនាំយកអំណោយមនុស្សធម៌ជាច្រើន ជូនដល់ប្រជាពលរដ្ឋរងគ្រោះ ចំនួន ១,៣០០ គ្រួសារ មកពី៨ឃុំ ស្ថិតនៅក្នុងស្រុកកណ្តៀង ខេត្តពោធិសាត់ ដោយក្នុងនោះចែកចេញជា៣ទីតាំង ដើម្បីជាការចូលរួមចំណែកជាមួយរាជរដ្ឋាភិបាល និងជួយគ្នាក្នុងគ្រាមានអាសន្ន។ក្នុងឱកាសជួបសំណេះសំណាលនោះ លោកលោកស្រី ពេជ ចន្ទមុន្នី ហ៊ុនម៉ាណែត បានពាំនាំប្រសាសន៍របស់ សម្តេចតេជោ និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ដែលផ្តាំផ្ញើសួរសុខទុក្ខ និងថ្លែងអំណរគុណយ៉ាងជ្រាលជ្រៅចំពោះម្ចាស់អំណោយទាំងអស់ ដែលបាននាំយកអំណោយទាំងនេះ មកឧបត្ថម្ភដល់សមាគមគ្រូពេទ្យស្ម័គ្រចិត្ត យុវជនសម្តេចតេជោ ដើម្បីបន្តចែកជូនប្រជាពលរដ្ឋងាយរងគ្រោះ ជាពិសេសប្រជាពលរដ្ឋរងគ្រោះដោយសារគ្រោះទឹកជំនន់ នៅតាមបណ្តាខេត្តមួយចំនួននៅក្នុងប្រទេសកម្ពុជា។ ទាក់ទងនឹងគ្រោះទឹកជំនន់ដែលកំពុងយាយីនាពេលបច្ចុប្បន្ននេះ លោកស្រីបានថ្លែងអំណរ គុណដល់អាជ្ញាធរគ្រប់លំដាប់ថ្នាក់ បាននិងកំពុងប្រើប្រាស់ នូវកម្លាំងសរុប មធ្យោបាយសរុប ដើម្បីជួយសង្គ្រោះប្រជាពលរដ្ឋ ឱ្យរួចផុតពីគ្រោះថ្នាក់ និងទៅដល់ទីទួលសុវត្ថិភាព។ក្រៅពីការជួយសង្គ្រោះប្រជាពលរដ្ឋដល់ទីទួលសុវត្ថិភាព មានកម្លាំងយុវជន និងអ្នកស្ម័គ្រចិត្ត បានធ្វើការអប់រំផ្សព្វផ្សាយដល់ពលរដ្ឋ ឱ្យបង្កើនការប្រុងប្រយ័ត្ន និងរស់នៅមានអនាម័យស្អាត បរិភោគទឹកឆ្អិន ឬអាហារដែលចម្អិនបានល្អ ចៀសវាងជំងឺរាតត្បាតនានាដែលបង្កឡើងដោយទឹក និងប្រុងប្រយ័ត្នពីសត្វអាសិរពិសគ្រប់ប្រភេទ ។សូមប្រុងប្រយ័ត្នខ្ពស់ចំពោះគ្រោះថ្នាក់លង់ទឹក ជាពិសេសកុមារ ៗ ដែលងាយប្រឈមនឹងគ្រោះថ្នាក់នេះ និងសូមបន្តទប់ស្កាត់ជំងឺកូវីដ–១៩ នៅក្នុងសហគមន៍ ដោយអនុវត្តតាមវិធានការនានារបស់ក្រសួងសុខាភិបាល និងទម្លាប់រស់នៅតាមបែបគន្លងថ្មី សូមប្រុងប្រយ័ត្ន និងការពារកុំឱ្យកើតមានជំងឺគ្រុនឈាម និងគ្រុនឈីក។ប្រជាពលរដ្ឋ ដែលទទួលបាននូវអំណោយមនុស្សធម៌ទាំងនេះ ម្នាក់ៗបានថ្លែងអំណរគុណយ៉ាងជ្រាវជ្រៅចំពោះម្ចាស់អំណោយ ដែលបានជួយសម្រាល ក្នុងជីវភាពរបស់ពួកគាត់ ដែលកំពុងតែមានការលិចលង់ពីគ្រោះទឹកជំនន់នេះ។ឯកឧត្តម ម៉ៅ ធនិន អភិបាលខេត្តពោធិសាត់បានថ្លែងអំណរគុណចំពោះទឹកចិត្តសប្បុរសធម៌ដ៏ថ្លៃថ្លានេះ ស្តែងឲ្យឃើញអំពីការជួយគិតគូរ និងក្តីអាណិតស្រលាញ់ ចំពោះប្រជាពលរដ្ឋដោយឈរលើបុព្វហេតុជាតិ សាមគ្គីជាធ្លុងមួយ ក្នុងស្មារតីជួយគ្នាទៅវិញទៅមក នៅក្នុងកាលៈទេសៈ ដែលប្រទេសជាតិបាន និងកំពុងជួបប្រទះនូវគ្រោះធម្មជាតិ។ជាមួយគ្នានេះ លោក ឆាយ គឹមម៉ុង អភិបាលស្រុកកណ្តៀង បានអោយដឹងថាក្នុងស្រុកកណ្តៀងនេះ៩ឃុំ ក្នុងនោះ៨ឃុំបានលិចលុង ដែលធ្វើអោយប៉ះពាល់ដល់លំនៅដ្ឋានរបស់ប្រជាពលរដ្ឋរហូតដល់ ១០៦៣៤ គ្រួសារ និងហេដ្ឋារចនាសម្ព័ន្ធមួយចំនួន។សូមជម្រាបផងដែរថា នៅក្នុងឱកាសនោះ លោកជំទាវបានដឹកនាំក្រុមការងារ នាំយកអំណោយមនុស្សធម៌ជាច្រើន ជូនដល់ប្រជាពលរដ្ឋរងគ្រោះ ចំនួន ១,៣០០ គ្រួសារ រួមមាន អង្ករ២៥គីឡូក្រាម,ទឹកបរិសុទ្ធ២កេស, ត្រីខ២០កំប៉ុង ភួយ១ សារ៉ុង១ ថ្នាំពេទ្យ១កញ្ចប់ និងថវិកា១០ម៉ឺនរៀលផងដែរ។ ព្រមទាំងបានដឹកនាំក្រុមគ្រូពេទ្យ ស្ម័គ្រចិត្តយុវជនសម្តេចតេជោ មកពិនិត្យពិគ្រោះជម្ងឺទូទៅ និងផ្តល់ថ្នាំព្យាបាលជំងឺស្រាលៗ ជូនប្រជាពលរដ្ឋដោយឥតគិតថ្លៃផងដែរ។ លើសពីនោះបើប្រពលរដ្ឋណាមានជំងឺធ្ងន់ធ្ងរក្រុមការងារនិងទទួលយកមកព្យាបាលជូននៅភ្នំពេញដោយអត់គិតថ្លៃ៕

ពូជស្រូវជាង ១ពាន់តោន នឹងត្រូវប្រើសម្រាប់ដាំស្តារឡើងវិញ នៅខេត្តបាត់ដំបង និងបន្ទាយមានជ័យ

បាត់ដំបង ៖ បន្ទាប់ពីធ្វើការវាយតម្លៃជាក់ស្តែងទៅលើដំណាំរងការខូចខាត ដោយសារគ្រោះទឹកជំនន់នៅខេត្តបាត់ដំបង និងខេត្តបន្ទាយជ័យ មន្ត្រីមន្ទីរកសិកម្ម រុក្ខាប្រមាញ់ និងនេសាទខេត្ត បានឱ្យដឹងថា តម្រូវការពូជស្រូវជាង ១ពាន់តោន ដើម្បីជួយដល់ប្រជាកសិករ ដាំស្តារឡើងវិញ ក្រោយគ្រោះទឹកជំនន់ស្រកទៅវិញ។លោក ឈឹម វជិរ៉ា ប្រធានមន្ទីរកសិកម្ម រុក្ខាប្រមាញ់ និងនេសាទខេត្តបាត់ដំបង នៅព្រឹកថ្ងៃទី១៩ តុលា ឆ្នាំ២០២០នេះ បានប្រាប់ឱ្យដឹងថា យោងតាមស្ថានភាពជាក់ស្តែង បន្ទាប់ពីខេត្តទទួលជួបគ្រោះទឹកជំនន់ ខេត្តបាត់ដំបង នឹងមានតម្រូវការពូជស្រូវរហូតដល់ ១ពាន់តោន ដោយសារមកទល់ថ្ងៃនេះ តំបន់មួយចំនួនផ្ទៃដីខូចខាតមានប្រមាណ ២ម៉ឺន ៤ពាន់ហិកតា។ ខេត្តបាត់ដំបង មានផ្ទៃដីដំណាំស្រូវទំហំ សរុបជាង ២១ម៉ឺនហិកតា ក្នុងនោះផ្ទៃដីដាំដុះស្រូវរដូវវស្សាសរុបសម្រេចបានជាង ៨ម៉ឺន ៤ពាន់ហិកតា ស្មើនឹងជាង ២១ភាគរយ មានដូចជា ស្រូវស្រាល សរុបជិត ៧ម៉ឺនហិកតា, ស្រូវកណ្តាលសរុបជាង៤ម៉ឺនហិកតា, ស្រូវធ្ងន់ជាង ៨ម៉ឺនហិកតា និងស្រូវឡើងទឹកសរុបជិត ២ម៉ឺនហិកតា។ដោយឡែក លោក ប៉ាង វណ្ណាសេដ្ឋ ប្រធានមន្ទីរកសិកម្ម រុក្ខាប្រមាញ់ និងនេសាទខេត្តបន្ទាយមានជ័យ បានឱ្យដឹងដែរថា សម្រាបផ្ទៃដីដាំដុះក្នុងខេត្ត សរុបចំនួនជាង ២៣ម៉ឺន ៥ពាន់ហិកតា ក្នុងនោះ ដំណាំស្រូវដែលរងផលប៉ះពាល់មានចំនួនជាង ១ម៉ឺន ៥ពាន់ហិកតា។កាលពីសប្តាហ៍មុន ឯកឧត្តម វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានបញ្ជាក់ថា បច្ចុប្បន្នខេត្ត ដែលរងផលប៉ះពាល់ដំណាំស្រូវខ្លាំងជាងគេ គឺខេត្តបាត់ដំបង និងបន្ទាយមានជ័យ។ លោក បានឱ្យដឹងទៀតថា ជារៀងរាល់ឆ្នាំ រាជរដ្ឋាភិបាល បានត្រៀមគ្រាប់ពូជស្រូវប្រហែល ២ពាន់តោន សម្រាប់ផ្ដល់ជូនដល់កសិករដែលរងផលប៉ះពាល់ដោយទឹកជំនន់។សូមបញ្ជាក់ថា ក្នុងរបាយការណ៍របស់គណៈកម្មាធិការជាតិគ្រប់គ្រងគ្រោះមហន្តរាយ គិតចាប់ពីថ្ងៃទី១ ខែកញ្ញា មកដល់ព្រឹកថ្ងៃទី១៨ ខែតុលា ឆ្នាំ២០២០នេះ ជំនន់ទឹកភ្លៀងបានបង្កឱ្យមានផលប៉ះពាល់ដល់រាជធានី-ខេត្តចំនួន១៩ ក្នុងនោះប៉ះពាល់ដំណាំស្រូវប្រមាណជាង១៣ម៉ឺន ៧ពាន់ហិកតា ហើយស្រូវដែលរងការខូចខាតទាំងស្រុងចំនួនជាង ៧ពាន់ហិកតា ខណៈដំណាំរួមផ្សំជិត ៧ម៉ឺនហិកតា បានរងការជន់លិច៕អត្ថបទ ៖ ឈិត បូរ៉ាវី

ក្រសួងសាធារណការ និងដឹកជញ្ជូន បើកការពិគ្រោះយោបល់ជ្រើសរើសទីតាំងផ្លូវក្រវាត់ក្រុងទី៤

ភ្នំពេញ៖ នាព្រឹកថ្ងៃទី១៩ តុលា ឆ្នាំ២០២០ នេះ ក្រសួងសាធារណការ និងដឹកជញ្ជូន បានបើកសិក្ខាសាលាពិគ្រោះយោបល់ជុំវិញការជ្រើសរើសរើសទីតាំងផ្លូវខ្សែក្រវ៉ាត់ក្រុងទី៤ ដែលជាផ្លូវប្រព័ន្ធផ្លូវថ្នល់ងាយស្រួលក្នុងការធ្វើចរាចរណ៍ និងដឹកជញ្ជូនទំនិញ ដែលជាគន្លឹះផ្តល់ភាពងាយស្រួលដល់ប្រជាពលរដ្ឋប្រកបអាជីវកម្មនិងមុខជំនួញបានគ្រប់ប្រភេទ។ជាលទ្ធផលនៃសិក្ខាសាលាពិគ្រោះយោបល់ព្រឹកមិញនេះ ក្រសួងសាធារណការ និងដឹកជញ្ជូន មិនទាន់បង្ហើបពីទីតាំងច្បាស់លាស់ណាមួយដើម្បីស្ថាបនាផ្លូវក្រវ៉ាត់ក្រុងទី៤នេះនៅឡើយទេ ដោយក្រសួងគ្រាន់តែបញ្ជាក់ថា ផ្លូវថ្មីនេះ នឹងសាងសង់បន្ទាប់ពីគម្រោងសាងសង់ផ្លូវក្រវ៉ាត់ក្រុងទី៣ បញ្ចប់។កន្លងមក ឯកឧត្ដមទេសរដ្ឋមន្ត្រី ស៊ុន ចាន់ថុល ធ្លាប់បានលើកឡើងថា ចំពោះទីតាំងនៃការស្ថាបនាផ្លូវក្រវាត់ក្រុងទី៤នេះ នឹងមិនបញ្ចេញជាសាធារណៈនោះទេ ព្រោះបារម្ភពីការកើនឡើងនៃតម្លៃដីនៅជុំវិញតំបន់នោះ។ យ៉ាងណាក៏ដោយគម្រោងផ្លូវក្រវ៉ាត់ក្រុងទី៤នេះ នឹងមានវិសាលភាពធំជាងគម្រោងផ្លូវក្រវ៉ាត់ក្រុងមុនៗ ចំណែកទំហំថវិកាស្ថាបនាក៏នឹងចំណាយច្រើនជាងមុនផងដែរ។ជុំវិញការពិភាក្សាពិគ្រោះយោបល់នៅទីស្ដីការក្រសួងនាព្រឹកមិញ មានការចូលរួមពីក្រសួងពាក់ព័ន្ធនានាចំនួន៨ស្ថាប័ន ព្រមទាំងមានក្រុមហ៊ុនឯកជនក្នុងស្រុក និងអន្តរជាតិចូលរួមប្រមាណ១០ ក្រុមហ៊ុនផងដែរ។ គួរជម្រាបជូនថា នៅក្នុងរាជធានីភ្នំពេញមានផ្លូវក្រវ៉ាត់ក្រុងចំនួន ២ខ្សែហើយដែលបានដាក់ឲ្យប្រើប្រាស់ ចំណែកផ្លូវក្រវ៉ាត់ក្រុងទី៣កំពុងស្ថាបនាមិនទាន់រួចរាល់នៅ ហើយផ្លូវនេះនឹងបញ្ចប់ការស្ថាបនានាឆ្នាំ២០២២ខាងមុខ៕ អត្ថបទ៖ ជាតា

គ្រូពេទ្យស្ម័គ្រចិត្តឯកឧត្តម ហ៊ុន ម៉ានី ចុះអប់រំពលរដ្ឋពីវិធីបង្ការអំឡុងគ្រោះទឹកជំនន់និងទប់ស្កាត់កូវីដ១៩ នៅកំពង់ស្ពឺ

កំពង់ស្ពឺ ៖ ក្រុមការងារគ្រូពេទ្យឯកឧត្តម ហ៊ុន ម៉ានី ចុះពិនិត្យនិងអប់រំដល់ប្រជាពលរដ្ឋពីបញ្ហាទឹកជំនន់ និងការការពារទប់ស្កាត់ជំងឺកូវីដ១៩ នៅតំបន់ដាច់ស្រយាល ក្នុងភូមិអន្លង់សង្កែ ឃុំតាសាល ស្រុកឱរ៉ាល់ ខេត្តកំពង់ស្ពឺ, កាលពីថ្ងៃទី១៨ តុលា ម្សិលមិញ ។ក្នុងគោលដៅចូលរួមចំណែកជាមួយរាជរដ្ឋាភិបាលក្នុងការទប់ស្កាត់ប្រយុទ្ធនឹងជំងឺកូវីដ–១៩ ដោយក្រុមការងារគ្រូពេទ្យស្ម័គ្រចិត្ត ឯកឧត្តម ហ៊ុន ម៉ានី ចំនួន២៧រូប ដឹកនាំដោយឯកឧត្តម លេង ផាលី ប្រធានប្រតិបត្តិក្រុមការងារគ្រូពេទ្យស្ម័គ្រចិត្ត ឯកឧត្តម ហ៊ុន ម៉ានី សហការជាមួយឯកឧត្តមកិត្តិសេដ្ឋាបណ្ឌិតទេសរដ្ឋមន្ត្រី ឆាយ ថន ប្រធានក្រុមការងាររាជរដ្ឋាភិបាលចុះជួយខេត្តកំពង់ស្ពឺ សាខាសកម្មជនក្រុមការងារយុវជនគណបក្សរាជធានីភ្នំពេញ សហភាពសហព័ន្ធយុវជនកម្ពុជាស្រុកឱរ៉ាល់ និងអាជ្ញាធរមូលដ្ឋានស្រុកឱរ៉ាល់ បានបន្តចុះអប់រំ ណែនាំ អំពីវិធានការ ការពារទប់ស្កាត់ប្រយុទ្ធនឹងជម្ងឺកូវីដ–១៩ ដោយបង្រៀនប្រជាពលរដ្ឋឲ្យយល់ដឹងអំពីការរស់នៅស្អាតប្រកបដោយអនាម័យល្អ លាងសម្អាតដៃនឹងអាកុល ឬសាប៊ូ ពាក់ម៉ាស់ឲ្យបានត្រឹមត្រូវនៅពេលចាំបាច់ វិធីបង្ការគ្រុនចាញ់ គ្រុនឈាម គ្រុនឈីក និងគ្រុនផ្តាសាយធំ ព្រមទាំងពាំនាំការសួរសុខទុក្ខ និងនាំយកអំណោយរបស់ឯកឧត្តម ហ៊ុន ម៉ានី ជាតំណាងរាស្ត្រ និងជា ប្រធានសហភាពសហព័ន្ធយុវជនកម្ពុជា រួមមាន ៖ ពិនិត្យព្យាបាលជំងឺទូទៅ ចែកថ្នាំពេទ្យ ផ្តាសាយ សន្លាក់ឆ្អឹង ក្រពះ ពោះវៀន មុលទីវីតាម៉ីន វីតាម៉ីនសេ ព្រមទាំងចែកអាល់កុល ជូនប្រជាពលរដ្ឋក្រីក្រចំនួន ១០គ្រួសារ ថែមទាំងមួយគ្រួសារៗ ទទួលបាន អង្ករសែនក្រអូប ១០០% ស្មើ ២៥ គីឡូក្រាម, មី, ត្រីខ ទឹកត្រី ទឹកស៊ីអ៊ីវ ប្រេងឆា និងថវិកា ៤ ម៉ឺនរៀល តាមខ្នងផ្ទះតំបន់ដាច់ស្រយាលផងដែរ។ឯកឧត្តម លេង ផាលី បានថ្លែងថា ការងារមនុស្សធម៌ចុះជួយប្រជាពលរដ្ឋរៀងរហូតមកដល់បច្ចុប្បន្ននេះ គឺកើតចេញពីការឧបត្ថម្ភគាំទ្រ និងដោយសារទទួលការណែនាំបង្ហាញរបស់ឯកឧត្តមប្រធាន ហ៊ុន ម៉ានី ដែលលោកតែងតែខ្វល់ខ្វាយគិតគូរ និងរួមសុខ រួមទុក្ខជាមួយប្រជាពលរដ្ឋដែលជួបការលំបាកគ្រប់កាលៈទេសៈ។ ជាក់ស្ដែងសព្វថ្ងៃនេះ ដោយបញ្ហាការរាតត្បាតជំងឺកូវីដ១៩ និងប្រជាពលរដ្ឋកំពុងរងផលប៉ះពាល់ដោយសារជំនន់ទឹកភ្លៀង បានបណ្ដាលឱ្យពលរដ្ឋរងផលប៉ះពាល់ដល់សុខភាព និងសេដ្ឋកិច្ចនៅក្នុងគ្រួសារផង ទើបក្រុមការងារគ្រូពេទ្យស្ម័គ្រចិត្តរបស់ឯកឧត្តម ហ៊ុន ម៉ានី ចុះមកជួយបងប្អូនប្រជាពលរដ្ឋនាពេលនេះ។ ឯកឧត្តម លេង ផាលី អំពាវនាវឲ្យប្រជាពលរដ្ឋទាំងអស់ ចូលរួមអនុវត្តន៍វិធានការពារអំឡុងពេលកូវីដ១៩ និងគ្រោះទឹកជំនន់នេះផង ត្រូវអនុវត្តន៍តាមវិធានការ ការណែនាំរបស់ក្រសួងសុខាភិបាល ដែលបានផ្សព្វផ្សាយនាពេលកន្លងមក។ទន្ទឹមនឹងនោះដោយហេតុថានៅតំបន់នេះ ជាតំបន់ព្រៃភ្នំ បងប្អូនប្រជាពលរដ្ឋ ត្រូវសម្រាន្តក្នុងមុងគ្រប់ពេល ដើម្បីការពារជំងឺគ្រុនឈាម គ្រុនចាញ់ គ្រុនឈីក គ្រុនផ្តាសាយធំ និងជំងឺផ្សេងៗ។ ស្ត្រីមានផ្ទៃពោះត្រូវតាមដាន និងពិនិត្យផ្ទៃពោះតាមការកំណត់របស់មណ្ឌលសុខភាព ឬមន្ទីរពេទ្យ បើស្ត្រីគ្រប់ខែជិតដល់ពេលសម្រាល ត្រូវរកកន្លែងស្នាក់នៅក្បែរមណ្ឌលសុខភាព ឬមន្ទីរពេទ្យដែលនៅជិតលោកអ្នកបំផុត។ ត្រូវប្រុងប្រយ័ត្នចៀសវាងនូវគ្រោះថ្នាក់លង់ទឹក ត្រូវការពារកុមារតូចៗមិនឲ្យចុះទឹក ពន្យល់កុមារពីគ្រោះថ្នាក់នៃការលង់ទឹក នាំកុមារទៅកន្លែងខ្ពស់ និងមានអ្នកថែទាំ ប្រើអាវពោង ឬប៊ីដុងជ័រគ្រប់ពេលកុមារចេញពីផ្ទះ។ ត្រូវបរិភោគទឹកស្អាតដោយប្រើធុងចម្រោះ ឬដាំទឹកឲ្យពុះ ឬប្រើប្រាស់ទឹកដោយប្រើថ្នាំក្លរីន ឬក្ខរ៉ាមីន ត្រូវលាងសម្អាតបន្លែ និងផ្លែឈើជាមួយទឹកស្អាត អាហារចម្អិនឲ្យបានត្រឹមត្រូវ និងឆ្អិនល្អ គ្របអាហារឲ្យបានជិត ដើម្បីការពាររុយរោម និងធូលីដីហុយចូល ព្រមទាំងសម្អាតកន្លែងធ្វើម្ហូប និងសម្ភារផ្ទះបាយ ដូចជា ចាន ឆ្នាំង ស្លាបព្រា ខ្វះ កាំបិតជ្រុញឲ្យបានស្អាត។ លាងសម្អាតដៃជាមួយសាប៊ូឲ្យបានញឹកញាប់មុន និងក្រោយបរិភោគអាហារ និងក្រោយចេញពីបង្គន់ផងដែរ៕អត្ថបទ ៖ ហួត រដ្ឋា

ក្រសួងបរិស្ថានរៀបចំពិព័រណ៍សត្វកម្ពុជា លើកទី២ នៅខេត្តសៀមរាប

សៀមរាប ៖ ដើម្បីជាការអភិរក្ស និងបង្ហាញពីសក្ដានុពល នៃសត្វស្លាបនៅកម្ពុជា ក្រសួងបរិស្ថាន បានរៀបចំ ពិព័រណ៍សត្វកម្ពុជា លើកទី២ ក្រោមប្រធានបទ «ការមើលសត្វស្លាបផ្សារភ្ជាប់ជាមួយទេសចរណ៍ធម្មជាតិ» ដើម្បីផ្សព្វផ្សាយដល់យុវជនឱ្យបានយល់ដឹងពីសារសំខាន់របស់សត្វនៅកម្ពុជា។ពិព័រណ៍សត្វកម្ពុជា ត្រូវបានរៀបចំធ្វើឡើងរយៈពេល២ថ្ងៃ ចាប់ពីថ្ងៃទី១៧ ដល់ថ្ងៃទី១៨ ខែតុលា នេះ នៅសួនច្បារព្រះអង្គចេក ព្រះអង្គចម ក្នុងក្រុងសៀមរាប ដែលលោក ជួប ប៉ារីស៍ អគ្គនាយកចំណេះ ដឹង និងព័ត៌មានបរិស្ថាន នៃក្រសួងបរិស្ថាន បានឱ្យដឹងថា សត្វស្លាបជាង២០ប្រភេទ ត្រូវបានយកមក បង្ហាញ ដើម្បីផ្សព្វផ្សាយដល់យុវជនជំនាន់ក្រោយ ឱ្យបានស្គាល់ពីប្រភេទសត្វកម្រៗជាច្រើនប្រភេទ ដែល បណ្តាប្រទេសផ្សេងៗមិនមានដូចកម្ពុជា។ នេះជាការបំផុសគំនិតពួកគេឱ្យចេះស្រឡាញ់ ថែរក្សា និងការ ពារព្រៃឈើ ដែលជាជម្រករបស់សត្វគ្រប់ប្រភេទ។លោក បានបន្ដថា ក្មេងៗជាទំពាំងស្នងឫស្សី ដូច្នេះពួកគេត្រូវស្គាល់អំពីសត្វ ដែលសត្វបក្សីខ្លះ មិន មាននៅក្រៅប្រទេសទេ មានតែនៅស្រុកខ្មែរ ដូចជា សត្វត្រកៀលទ្រូងលឿង ក្ងោកពណ៌ប្រាក់។លោក បានបញ្ជាក់ថា សត្វស្លាបនៅកម្ពុជា នាពេលបច្ចុប្បន្ននេះ មានការកើនឡើងច្រើន ដោយសារ ប្រជាពលរដ្ឋខ្មែរមានការយល់ដឹង និងចូលរួមថែរក្សាសត្វស្លាប ព្រោះពួកគេ អាចរកចំណូលបានពីវិស័យ ទេសចរណ៍សត្វស្លាប តាមរយៈការបង្កើតសហគមន៍ទេសចរណ៍សត្វ ជាដើម។លោក ង៉ាន់ ភិរុន អភិបាលរងខេត្តសៀមរាប បានថ្លែងគាំទ្រ ចំពោះការផ្សព្វផ្សាយពិព័រណ៍សត្វ កម្ពុជា ព្រោះសកម្មភាពទាំងនេះ ជាការរួមចំណែកកាត់បន្ថយការ បរបាញ់ ឬសម្លាប់សត្វគ្រប់ប្រភេទ និងត្រូវ ផ្តល់សេចក្តីស្រឡាញ់ចំពោះសត្វ ដើម្បីជាផលប្រយោជន៍ដល់វិស័យទេសចរណ៍។ក្រសួងបរិស្ថាន បានរៀបចំតាំងបង្ហាញរូបភាពសត្វស្លាបនេះ ជាលើកទី២ ដោយសត្វស្លាប ដ៏កម្រ ចំនួន២១ប្រភេទ ត្រូវបានដាក់បង្ហាញទៅដល់សាធារណជន ដើម្បីឱ្យពួកគេយល់ដឹងពីសត្វស្លាបនៅ កម្ពុជា។ ជាមួយគ្នានោះ ក៏បានធ្វើបទបង្ហាញយ៉ាងក្បោះក្បាយពីអ្នកជំនាញសត្វស្លាបផងដែរ។ ចំណែក ការធ្វើពិព័រណ៍លលើកទី១ បានរៀបចំឡើងកាលពីខែមីនា ឆ្នាំ២០១៨ នៅបរិវេណនៃតំបន់រមណីយដ្ឋាន វប្បធម៌ និងប្រវត្តិសាស្ត្រវត្តភ្នំ រាជធានីភ្នំពេញ៕អត្ថបទ ៖

អង្គការទស្សនៈពិភពលោក នឹងបន្តចូលរួមយ៉ាងសកម្មក្នុងគោលនយោបាយរដ្ឋាភិបាលកម្ពុជា

ភ្នំពេញ ៖ ឯកឧត្តមរដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ បានបញ្ជាក់ថា អង្គការទស្សនៈពិភពលោក បង្ហាញបន្តការចូលរួមយ៉ាងសកម្មរបស់ខ្លួន ក្នុងការលើកកម្ពស់គោលនយោបាយរបស់រដ្ឋាភិបាលកម្ពុជា ជាពិសេសក្រោយ ថ្ងៃ៧មករា ឆ្នាំ១៩៧៩។ឯកឧត្តម ងុយ រិទ្ធ អនុរដ្ឋលេខាធិការក្រសួងការងារ និងបណ្តុះបណ្តាលវិជ្ជាជីវៈ បានប្រាប់ឱ្យដឹង ក្រោយជំនួបការងារ រវាងឯកឧត្តមបណ្ឌិត អ៊ិត សំហេង រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ និងលោក Edward Danielraj Selvanayagam នាយកប្រចាំប្រទេស នៃអង្គការទស្សនៈពិភពលោក កាលពីព្រឹកថ្ងៃទី១៩ តុលា ឆ្នាំ២០២០នេះថា ឯកឧត្តមរដ្ឋមន្ត្រី បានកត់សម្គាល់ថា អង្គការនេះ មានគោលដៅធំៗជាច្រើន ដូចជា គម្រោងបណ្ដុះបណ្ដាល វិជ្ជាជីវៈ និងគម្រោងលុបបំបាត់ការធ្វើពលកម្មកុមារជាដើម។ឯកឧត្តម អនុរដ្ឋលេខាធិការ បន្តថា លោក Edward Danielraj Selvanayagam បានសម្តែងការពេញចិត្តជាខ្លាំងនូវអ្វីដែលជាវិធានការណ៍របស់រដ្ឋាភិបាលកម្ពុជា ក៏ដូចជា ចំណាត់ការរបស់ក្រសួងការងារ។ ជាមួយគ្នានេះ អង្គការ ក៏មានបំណងចង់បន្តការងារនេះឱ្យល្អប្រសើរថែមទៀតផងដែរ នាពេលអនាគត។សូមបញ្ជាក់ថា អង្គការទស្សនៈពិភពលោក គឺជាអង្គការមនុស្សធម៌គ្រីស្ទានអន្តរជាតិ កំពុងធ្វើការជាមួយជនក្រីក្រ និងលើកស្ទួយប្រែជីវិត ការរស់នៅ និងស្វែងរកភាពយុត្តិធម៌៕អត្ថបទ ៖ ឈិត បូរ៉ាវី

ប្រជាពលរដ្ឋជាង ៤០០គ្រួសារ ដែលរងផលប៉ះពាល់ដោយសារទឹកជំនន់ ទទួលការឧបត្តម្ភស្បៀងអាហារ ដើម្បីដោះស្រាយជីវភាព

កំពង់ធំ៖ ប្រជាពលរដ្ឋជាង៤០០គ្រួសារ នៅស្រុកប្រាសាទបល្ល័ង្ក និងស្រុកស្ទោង ខេត្តកំពង់ធំ ដែលរងផល ប៉ះពាល់ដោយសារគ្រោះទឹកជំនន់ ទទួលបានការឧបត្ថម្ភ ជាស្បៀងអាហារពីអាជ្ញាធរដើម្បីដោះស្រាយជីវភាពប្រចាំថ្ងៃ។នៅថ្ងៃទី១៩ ខែតុលា ឆ្នាំ២០២០, ឯកឧត្តមបណ្ឌិត ថោង ខុន ប្រធានក្រុមការងារថ្នាក់ជាតិចុះជួយ ខេត្តកំពង់ធំ និងឯកឧត្តម សុខ លូ អភិបាលខេត្តកំពង់ធំ ដឹកនាំសហការីចុះសួរសុខទុក្ខ និងចែកអំណោយ ជាស្បៀងអាហារជូនប្រជាពលរដ្ឋជាង៤០០គ្រួសារ នៅស្រុកប្រាសាទបល្ល័ង្ក និងស្រុកស្ទោង ដែលកំពុងរង ផលប៉ះពាល់ដោយគ្រោះទឹកជំនន់។ក្នុងឱកាសនោះដែរ ឯកឧត្តមបណ្ឌិត ថោង ខុន បានពាំនាំនូវប្រសាសន៍ ផ្តាំផ្ញើរសាកសួរសុខទុក្ខ ពីសម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា និងសម្តេចគតិ ព្រឹត្តបណ្ឌិត ប៊ុន រ៉ានី ហ៊ុន សែន ដែលជានិច្ចកាលសម្តេចទាំងពីរតែងតែនឹករលឹក ចង់ដឹងសុខទុក្ខរបស់ បងប្អូនប្រជាពលរដ្ឋគ្រប់ទីកន្លែង និងចាត់ទុកសុខទុក្ខរបស់ប្រជាពលរដ្ឋគ្រប់រូបជាសុខទុករបស់សម្តេច។ឯកឧត្តមបន្តថា ថ្វីត្បិតតែអំណោយទាំងអស់នេះតិចតួច មិនគ្រប់គ្រាន់ក្នុងការផ្គត់ផ្គង់ជីវភាព ប៉ុន្តែ វាក៏អាចជួយ សម្រួលដល់ភាពលំបាករបស់បងប្អូនប្រជាពលរដ្ឋ ក្នុងដំណាក់កាលដែលមិនអាចទៅប្រកបការងារអំឡុង ពេលទឹកជំនន់កំពុងតែលិចលង់នៅតាមភូមិឋាន និងសហគមន៍។ហើយជំហ៊ានដំបូងរបស់បងប្អូន គឺត្រូវរក្សាសុវត្ថិភាពខ្លួនឯង និងសមាជិកគ្រួសារនៅក្នុងបន្ទុកកុំឲ្យមានគ្រោះថ្នាក់ណាមួយកើត ឡើងជាយថាហេតុ! ជាពិសេសបង្ករឡើងដោយការធ្វេសប្រហែលធ្វើបាត់បង់សមាជិកក្នុងគ្រួសារដោយ ការលង់ទឹក ឬសត្វអាសិរពិសខាំជាដើម។ក្នុងនោះ បងប្អូនប្រជាពលរដ្ឋទាំងអស់ត្រូវប្រកាន់ភ្ជាប់នូវការរស់នៅ ប្រកបដោយអនាម័យ ជាពិសេសការហូបទឹកស្អាត ឬផឹកទឹកដាំពុះដើម្បីគេចផុតពីជំងឺដង្កាត់ផ្សេងៗ។ជាមួយគ្នានេះ ឯកឧត្តម សុខ លូ អភិបាលខេត្តកំពង់ធំ បញ្ជាក់ដែរថា នៅក្នុងខេត្តកំពង់ធំទឹកជំនន់នា ពេសលបច្ចុប្បន្នរងផលប៉ះពាល់គ្រប់ស្រុកទាំងអស់! ប៉ុន្តែ នៅក្នុងស្រុកស្ទោងបានទទួលរងផលប៉ះពាល់ខ្លាំង ជាងគេដោយសារជំនន់ទឹកភ្លៀងកើនឡើងយ៉ាងគំហុក ធ្វើលិចក្រោមផ្ទះរបស់ប្រជាពលរដ្ឋ និងប្រព័ន្ធហេដ្ឋា រចនាសម្ព័ន្ធដែលធ្វើឲ្យពិបាកធ្វើដំណើរទៅវិញទៅមក! ក្នុងថ្ងៃនេះស្ថានភាពទឹកជំនន់នៅតែបន្តកើនឡើង លិចក្រោមផ្ទះ របស់ប្រជាពលរដ្ឋនៅតាមបណ្តាភូមិមួយចំនួនទៀត ដែលកាលពីឆ្នាំមុនៗកន្លងទៅមិនដែល មានទឹកលិចនោះឡើយ។ឯកឧត្តមបញ្ជាក់ថា អំណោយដែលចែកជូនដល់ប្រជាពលរដ្ឋនៅពេលនេះ មានប្រមាណជាង ៤០០គ្រួសារ ដែលក្នុងមួយគ្រួសារ ទទួលបានអង្ករ ២៥ គីឡូក្រាម មី ១កេះ ទឹកត្រី២យួរ ទឹកសុទ្ធមួយកេស ត្រីខ ១យួរ រួមទាំងថ្នាំសង្កូវផងដែរ៕

ទំនប់អាងអូរខៃដនបានបាក់បណ្ដាលឲ្យមានការជន់លិចផ្លូវជាតិលេខ៥ចំណុចកូនដំរី

ភ្នំពេញ៖ នាព្រឹកថ្ងៃទី២០ ខែតុលា ឆ្នាំ២០២០ កម្លាំងអន្តរាគមន៍កងពលតូចថ្មើរជើងលេខ៥១ បន្តចុះសម្រួលចរាចរណ៍ជូនប្រជាពលរដ្ឋនឹងជួយសង្គ្រោះជម្លៀសប្រជាពលរដ្ឋរងគ្រោះដោយទឹកជំនន់ដែលហូរចេញពីអាងអូរខៃដនដែលបានបាក់ មកកាន់ទីកន្លែងសុវត្ថិភាព។សូមជំរាបថា គិតត្រឹមព្រឹកនេះអាងអូរខៃដនបានបាក់បណ្ដាលឱ្យទឹកហូរកាត់ផ្លូវជាតិលេខ៥ ចំណុចកូនដំរី ហើយភូមិមួយចំនួនមានភូមិសូរិយា ភូមិអណ្ដូងថ្មមាស ភូមិថ្មសិន សង្កាត់និមិត្ត ក្រុងប៉ោយប៉ែត ប្រឈមនឹងការរងគ្រោះដោយទឹកជំនន់នេះ ៕

សប្បុរសជនចូលរួមជាមួយរាជរដ្ឋាភិបាល ដើម្បីសង្គ្រោះពលរដ្ឋរងគ្រោះដោយទឹកជំនន់សរុបថវិកាជាង៧លានដុល្លារហើយ

ភ្នំពេញ ៖ ទោះបីស្ថានភាពជំនន់ទឹកភ្លៀងមកដល់ពេលនេះ បានថមថយស្រកចុះទៅវិញនៅតំបន់មួយចំនួនហើយក៏ដោយ ប៉ុន្តែគិតមកដល់ វេលាម៉ោង១១:២៩នាទីព្រឹកថ្ងៃទី២០ តុលានេះ សប្បុរសជននានា នៅតែបន្តចូលរួមជាមួយរាជរដ្ឋាភិបាលដោយបរិច្ចាគនូវថវិកាផ្ទាល់ខ្លួន ដើម្បីជួយដល់ប្រជាពលរដ្ឋរងគ្រោះដោយជំនន់ទឹកភ្លៀងសរុបថវិកា បានចំនួនជាង៧លានដុល្លារអាមេរិកហើយ។តាមរយៈហ្វេសប៊ុករបស់សម្តេច នៅវេលាម៉ោង១១:២៩ នាទីព្រឹកថ្ងៃទី២០តុលា សម្តេចនៅតែបង្ហាញការអរគុណចំពោះសប្បុរសជនដែលបាន ចូលរួមជាបន្តបន្ទាប់ជួយប្រជាជន ក្នុងគ្រោះជំនន់ទឹកភ្លៀងដែលកំពុង កើតមាននៅក្នុងប្រទេស។សម្តេចតេជោ បានបញ្ជាក់ថា គិតត្រឹមម៉ោង ១១:២៩ នាទីព្រឹក ថ្ងៃទី២០ តុលា ២០២០ នេះថវិកាទទួលបាន ៧.១៧០.៥៤៩ ដុល្លារ , ៦២៧.០២៥.០០០ រៀល និង ៥.០០០€ (ប្រាំពាន់អឺរ៉ូ) និងអង្ករ១០០តោន។ជាមួយនឹងការបង្ហាញនាមសប្បុរសជនជាច្រើនដែលមានរហូតដល់លេខរៀង១៦៣ ហើយនោះសម្តេច បានបញ្ជាក់ថា ថវិកាដែលសប្បុរសជនចូលរួមនេះ នឹងចាត់ចែងជួយសង្គ្រោះបន្ទាន់តាមរយៈគណៈកម្មាធិការជាតិគ្រប់គ្រងគ្រោះមហន្តរាយ។ក្នុងករណីមានសប្បុរសជនចង់ចូលរួមបន្ថែមទៀតសូមទាក់ទងលោកសេង ទៀង រដ្ឋលេខាធិការទីស្តីការគណៈរដ្ឋមន្ត្រី។ ជាមួយនឹងមោទនភាពជាតិដែលតែងតែប្រកាន់ខ្ជាប់នូវវប្បធម៌ចែករំលែកនេះ សម្តេចនៅតែបញ្ជាក់នូវសុភាសិតមួយឃ្លាថា (ស្រឡាញ់គ្នាក្នុងគ្រាក្រ ស្គាល់មិត្តល្អក្នុងគ្រាលំបាក)៕អត្ថបទ ៖ មុត សុត

បណ្ដាញសង្គម

ព័ត៌មានថ្មីៗ

យុទ្ធនាការទ្រង់ទ្រាយធំ ៧ថ្ងៃនេះ ក្រសួងការងារផ្សាយពីឱកាសការងារដល់ពលករមកពីថៃ និងពលរដ្ឋជាង៦ម៉ឺននាក់ ខណៈអ្នកទទួលបានការងារភ្លាមជាង ១ម៉ឺននាក់

អ្នកវិភាគ៖ បើសិនជាលោក Trump និងលោក Putin មិនជួបគ្នាទេ អ៊ុយក្រែននឹងប្រឈមស្ថានភាពអាក្រក់ខ្លាំង

លោក Xi ប្រាប់លោក Putin ថា ចិនរីករាយឃើញអាមេរិក និងរុស្ស៊ីមានទំនាក់ទំនងប្រសើរឡើង

ក្រសួងសុខាភិបាល ទទួលឱសថ សម្ភារ និងបរិក្ខារវេជ្ជសាស្ត្រ ពីអង្គការសុខភាពពិភពលោក សម្រាប់ប្រជាពលរដ្ឋរងគ្រោះនៅតាមបណ្តោយព្រំដែន កម្ពុជា-ថៃ

សមាជិករដ្ឋសភា ប្តេជ្ញាចូលរួមក្នុងសកម្មភាពលែងកូនត្រី និងបង្កង ដើម្បីបង្កើនផលមច្ឆាជាតិឱ្យកាន់តែប្រសើរ

សារព័ត៌មានរដ្ឋចិនរាយការណ៍ថា លោក Xiជជែកតាមទូរស័ព្ទជាមួយប្រធានាធិបតីរុស្ស៊ីលោក Putin

ឥណ្ឌាផ្អាកគម្រោងទិញអាវុធពីសហរដ្ឋអាមេរិក ដោយសារពន្ធរបស់លោក Trump

អ្នកនាំពាក្យប្រធានអាជ្ញាធរប៉ាឡេស្ទីនច្រានចោលការសម្រេចចិត្តរបស់អ៊ីស្រាអែលក្នុងការគ្រប់គ្រងទីក្រុងហ្កាហ្សា

បែលហ្ស៊ិកកោះអញ្ជើញឯកអគ្គរដ្ឋទូតអ៊ីស្រាអែល ពាក់ព័ន្ធនឹងផែនការគ្រប់គ្រងហ្កាហ្សា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

៩ខែឆ្នាំ២០២០ បង្ក្រាបបទល្មើសធនធានធម្មជាតិនៅដែនជម្រកសត្វព្រៃ-ព្រៃឡង់ បាន ៩៥៤ករណី

ពូជស្រូវជាង ១ពាន់តោន នឹងត្រូវប្រើសម្រាប់ដាំស្តារឡើងវិញ នៅខេត្តបាត់ដំបង និងបន្ទាយមានជ័យ

ក្រសួងសាធារណការ និងដឹកជញ្ជូន បើកការពិគ្រោះយោបល់ជ្រើសរើសទីតាំងផ្លូវក្រវាត់ក្រុងទី៤

ក្រសួងបរិស្ថានរៀបចំពិព័រណ៍សត្វកម្ពុជា លើកទី២ នៅខេត្តសៀមរាប

អង្គការទស្សនៈពិភពលោក នឹងបន្តចូលរួមយ៉ាងសកម្មក្នុងគោលនយោបាយរដ្ឋាភិបាលកម្ពុជា

ប្រជាពលរដ្ឋជាង ៤០០គ្រួសារ ដែលរងផលប៉ះពាល់ដោយសារទឹកជំនន់ ទទួលការឧបត្តម្ភស្បៀងអាហារ ដើម្បីដោះស្រាយជីវភាព

ទំនប់អាងអូរខៃដនបានបាក់បណ្ដាលឲ្យមានការជន់លិចផ្លូវជាតិលេខ៥ចំណុចកូនដំរី

សប្បុរសជនចូលរួមជាមួយរាជរដ្ឋាភិបាល ដើម្បីសង្គ្រោះពលរដ្ឋរងគ្រោះដោយទឹកជំនន់សរុបថវិកាជាង៧លានដុល្លារហើយ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

៩​ខែ​ឆ្នាំ​២០២០ បង្ក្រាប​បទល្មើស​ធនធាន​ធម្មជាតិ​នៅ​ដែន​ជម្រកសត្វព្រៃ​-​ព្រៃ​ឡង់ បាន ៩៥៤ករណី

ពូជស្រូវ​ជាង​ ១​ពាន់​តោន​ នឹង​ត្រូវ​ប្រើ​សម្រាប់​ដាំ​ស្តារឡើងវិញ ​នៅ​ខេត្តបាត់ដំបង ​និង​បន្ទាយមានជ័យ

ក្រសួង​សាធារណការ និង​ដឹកជញ្ជូន បើក​ការពិគ្រោះ​យោបល់​ជ្រើសរើស​ទីតាំង​ផ្លូវ​ក្រវាត់​ក្រុង​ទី​៤

ក្រសួងបរិស្ថាន​រៀបចំ​ពិព័រណ៍​សត្វ​កម្ពុជា ​លើក​ទី​២ ​នៅ​ខេត្តសៀមរាប

អង្គការ​ទស្សនៈ​ពិភពលោក​ នឹង​បន្ត​ចូលរួម​យ៉ាងសកម្ម​ក្នុង​គោលនយោបាយ​រដ្ឋាភិបាល​កម្ពុជា

ប្រជាពលរដ្ឋជាង ៤០០គ្រួសារ ដែលរងផលប៉ះពាល់ដោយសារទឹកជំនន់ ទទួលការឧបត្តម្ភស្បៀងអាហារ ដើម្បីដោះស្រាយជីវភាព

ទំនប់​អាង​អូរ​ខៃដ​នបាន​បាក់​បណ្ដាល​ឲ្យ​មាន​ការ​ជន់​លិច​ផ្លូវ​ជាតិ​លេខ៥​ចំណុច​កូន​ដំរី

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

៩ខែឆ្នាំ២០២០ បង្ក្រាបបទល្មើសធនធានធម្មជាតិនៅដែនជម្រកសត្វព្រៃ-ព្រៃឡង់ បាន ៩៥៤ករណី

ពូជស្រូវជាង ១ពាន់តោន នឹងត្រូវប្រើសម្រាប់ដាំស្តារឡើងវិញ នៅខេត្តបាត់ដំបង និងបន្ទាយមានជ័យ

ក្រសួងសាធារណការ និងដឹកជញ្ជូន បើកការពិគ្រោះយោបល់ជ្រើសរើសទីតាំងផ្លូវក្រវាត់ក្រុងទី៤

ក្រសួងបរិស្ថានរៀបចំពិព័រណ៍សត្វកម្ពុជា លើកទី២ នៅខេត្តសៀមរាប

អង្គការទស្សនៈពិភពលោក នឹងបន្តចូលរួមយ៉ាងសកម្មក្នុងគោលនយោបាយរដ្ឋាភិបាលកម្ពុជា

ទំនប់អាងអូរខៃដនបានបាក់បណ្ដាលឲ្យមានការជន់លិចផ្លូវជាតិលេខ៥ចំណុចកូនដំរី