BTV NEWS

សម្ដេចតេជោ៖សង្គ្រាមព្រំដែនកម្ពុជា-ថៃបានផ្ទេរពីសង្គ្រាមប្រើប្រាស់អាវុធមកជាសង្រ្គាម ប្រើប្រាស់ជំពាមកៅស៊ូ ខណៈបើពិនិត្យឲ្យសុីជម្រៅវាជារឿងធំ ប្រសិនបើមិនទប់ស្កាត់

ឯកឧត្តម ចាន់ ដារ៉ុង ដឹកនាំគណៈកម្មការអន្តរក្រសួងចុះពិនិត្យវាយតម្លៃបញ្ចប់សុពលភាពការងារថែទាំផ្លូវខួបចំនួន ៣កំណាត់ ក្នុងខេត្តពោធិ៍សាត់

BREAKING NEWS! សម្តេចធិបតី អបអរសាទរចំពោះការប្រព្រឹត្តទៅដោយជោគជ័យនូវកិច្ចប្រជុំវិសាមញ្ញ នៃគណៈកម្មាធិការព្រំដែនទូទៅកម្ពុជា-ថៃ

TOP STORY | សម្ដេចធិបតី បានចាត់វិធានការចាំបាច់ជាបន្តបន្ទាប់ចំពោះការវិលត្រឡប់ទ្រង់ទ្រាយធំរបស់ពលករខ្មែរ និងជនភៀសសឹក

នយោបាយ និង ការអភិវឌ្ឍន៍

ក្រុមយុវជនជាច្រើនប្រមូលគ្នាជាក្រុមស្ម័គ្រចិត្តចូលរួមចំណែកជួយដល់ពលរដ្ឋជួបគ្រោះជំនន់ទឹកភ្លៀង

ភ្នំពេញ ៖ សម្រាប់រយៈពេលប្រមាណ ១សប្ដាហ៍ដែលខណ្ឌដង្កោ ក៏ដូចជាបណ្ដាខេត្តជាច្រើននៅកម្ពុជា រងគ្រោះធម្មជាតិទឹក ជំនន់ វត្តមានកងកម្លាំងចម្រុះជាច្រើនបានចុះបំពេញការងារភ្លាមៗជួយសង្គ្រោះជីវិត និងជម្លៀសប្រជាពលរដ្ឋមកទីទួល សុវត្ថិភាព។ ក្នុងបេសកកម្មនេះ ក៏មានវត្តមានរបស់ក្រុមយុវជនជាច្រើន រួមចំណែកជួយទៅតាមលទ្ធភាពដែលខ្លួន អាច បំពេញបានផងដែរ។ក្នុងបេសកកម្មជួយសង្គ្រោះជីវិត និងជម្លៀសប្រជាពលរដ្ឋពីទឹកជំនន់ទៅទីទួលសុវត្ថិភាព ក្រៅពីសកម្មភាពស្នូលរបស់កងកម្លាំងចម្រុះជាច្រើន ក៏មានការរួមចំណែកជាកម្លាំង ក៏ដូចជា ការឧបត្ថម្ភផ្សេងៗជួយដល់ប្រជាពលរដ្ឋរងគ្រោះ និងកងកម្លាំងពីសំណាក់ក្រុមយុវជនជាច្រើនក្រុមផងដែរ។ ជាក់ស្ដែងក្នុងរយៈពេលប៉ុន្មានថ្ងៃមកនេះ នៅចំណុចទីទួលសុវត្ថិភាពមុខផ្សារព្រែកជ្រៃ ក្នុងខណ្ឌដង្កោ វត្តមានរបស់យុវជន សហភាពសហព័ន្ធយុវជនកម្ពុជា វត្តមានរបស់យុវជនកាកបាទក្រហមកម្ពុជា រួមទាំងវត្តមានរបស់ក្រុមយុវជនផ្សេងទៀត បានចូលរួមបំពេញសកម្មភាពការងារជាប្រចាំទៅតាមលទ្ធភាពដែលខ្លួនអាចធ្វើបាន។ សម្រាប់យុវជន ស ស យ ក និង យុវជនកាកបាទក្រហមកម្ពុជា បានចូលរួមក្នុងបេសកកម្ម តាមការជួយជញ្ជូនរបស់របររបស់ជនរងគ្រោះឡើងមកលើគោកឱ្យមានសុវត្ថិភាព។ រីឯវត្តមានរបស់យុវជនមួយក្រុមទៀត បានចូលរួមតាមរយៈការផ្ដល់ជូននូវអាហារសម្រន់ និងភេសជ្ជៈជូនដល់កងកម្លាំងដោយមិនគិតថ្លៃ សម្រាប់ជាការលើកទឹកចិត្តចំពោះការព្យាយាម និងការលះបង់ទាំងកម្លាំងកាយចិត្តរបស់កងកម្លាំង ក្នុងការជួយសង្គ្រោះប្រជាពលរដ្ឋរងគ្រោះ។ជុំវិញបញ្ហាទឹកជំនន់ដែលវាយប្រហារមកលើកម្ពុជានេះ បានបង្កផលប៉ះពាល់ជាច្រើន ហើយក៏បានបង្កឱ្យប្រជាពលរដ្ឋចំនួន ២៥នាក់បាត់បង់ជីវិតផងដែរ នេះបើតាមរបាយការណ៍របស់ គណៈកម្មាធិការជាតិគ្រប់គ្រងគ្រោះមហន្តរាយគិតត្រឹមថ្ងៃទី ១៩ តុលាម្សិលម៉ិញ។ របាយការណ៍ដដែលបញ្ជាក់ថា ទឹកជំនន់បានប៉ះពាល់ដល់១៩ រាជធានី ខេត្តស្មើនឹង ៩១ ក្រុង ស្រុក ខណ្ឌ និងប៉ះពាល់ដល់ប្រជាជនជិត ៨ម៉ឺនគ្រួសារ និងធ្វើឱ្យស្រូវលិចទឹកប្រមាណជាង ២សែនហិកតា និងលិចដំណាំរួមផ្សំប្រមាណជិត ៨ម៉ឺនហិកតា។ លើសពីនេះ ក៏បានប៉ះពាល់ដល់ផ្លូវជាតិ ផ្លូវខេត្ត ផ្លូវគ្រួសក្រហមជិត ៤០០ គីឡូម៉ែត្រផងដែរ។សម្រាប់បញ្ហាអាកាសធាតុវិញ ក្រសួងធនធានទឹក និងឧតុនិយម បានចេញសេចក្ដីជូនដំណឹងនាព្រឹកនេះថា កម្ពុជាបាននឹងកំពុងទទួលខ្យល់មូសុងនិរតីកម្រិតមធ្យម ប្រព័ន្ធសម្ពាធទាបបន្តអូសបន្លាយកាត់ពីលើ។ លើសពីនេះ កម្ពុជាក៏អាចរងឥទ្ធិពលតិចតួចពីព្យុះទី ១៧ឈ្មោះ សុដែល ដោយព្យុះនេះនឹងធ្វើដំណើរចូលភាគខាងជើងប្រទេសវៀតណាម ក្នុងកំឡុងថ្ងៃទី ២៥–២៦ តុលា។ បាតុភូតនេះ នឹងធ្វើឱ្យកម្ពុជាសម្រាប់បណ្ដាខេត្តនៅជាប់តំបន់វាលទំនាប មានភ្លៀងធ្លាក់រាយប៉ាយពីតិចទៅមធ្យម ធ្វើឱ្យបណ្ដាខេត្តជាប់ជួរភ្នំដងរែក និងខ្ពង់រាបឦសាន មានភ្លៀងធ្លាក់រាយប៉ាយពីតិចទៅមធ្យម និងធ្វើឱ្យតំបន់មាត់សមុទ្រអាចមានភ្លៀងធ្លាក់ពីតិចទៅបង្គួរ៕អត្ថបទ ៖ គឹមហុក

កម្ពុជាធ្វើជាម្ចាស់ផ្ទះកិច្ចប្រជុំឧត្តមមន្ត្រីវប្បធម៌អាស៊ាន លើកទី១៦ តាមរយៈប្រព័ន្ធវីដេអូ

ភ្នំពេញ ៖ នេះជាលើកទី០១ ដែលឧត្តមមន្ត្រីអាស៊ាន បានរៀបចំកិច្ចប្រជុំឧត្តមមន្ត្រីអាស៊ាន ទទួលបន្ទុកផ្នែកវប្បធម៌ និងសិល្បៈលើកទី១៦ តាមរយៈប្រព័ន្ធវីដេអូ ដែលបង្ហាញនូវការប្តេជ្ញាចិត្ត ក្នុងការសម្របខ្លួនទៅនឹងសភាពការណ៍ថ្មី ក្នុងខណៈយើងកំពុងខិតខំប្រឹងប្រែងជំរុញការកសាងសហគមន៍អាស៊ាន និងពង្រឹងសាមគ្គីភាព ក្រោមក្របខណ្ឌទ្វេភាគី និងពហុភាគី សំដៅធានាឲ្យបាននូវការងើបឡើងវិញនៃការអភិវឌ្ឍសង្គម និងសេដ្ឋកិច្ច ប្រកបដោយក្តីសង្ឃឹមខ្ពស់ ក្រោយវិបត្តិជំងឺកូវីដ–១៩នេះ ត្រូវបានបញ្ចប់, នាព្រឹកថ្ងៃទី២០ តុលា ២០២០នេះ។លោកជំទាវ ប៉ែន មុនីមករា រដ្ឋលេខាធិការក្រសួងវប្បធម៌ និងវិចិត្រសិល្បៈ បានថ្លែងក្នុងកិច្ចប្រជុំថា ក្នុងនាមលោកជំទាវ បណ្ឌិតសភាចារ្យ ភឿង សកុណា រដ្ឋមន្រី្តក្រសួងវប្បធម៌ និងវិចិត្រសិល្បៈ សូមថ្លែងអំណរគុណយ៉ាងជ្រាលជ្រៅជូនចំពោះឧត្តមមន្រី្តអាស៊ានឥណ្ឌូនេស៊ី ដែលមានសមានចិត្តសប្បុរសទទួលភារកិច្ចជាប្រធានឧត្តមមន្រី្តអាស៊ាន ទទួលបន្ទុកផ្នែកវប្បធម៌ និងសិល្បៈ ជំនួសអាណត្តិកម្ពុជាសម្រាប់ឆ្នាំ២០១៨–២០២០ កន្លងមក ខណៈដែលកម្ពុជា ជាប់ភារកិច្ចរៀបចំការបោះឆ្នោតសកល ឆ្នាំ២០១៨ នាពេលនោះ។ សូមកោតសរសើរឧត្តមមន្រី្តអាស៊ានទទួលបន្ទុកផ្នែកវប្បធម៌ និងសិល្បៈឥណ្ឌូនេស៊ី ដែលសម្រេចបាននូវសមិទ្ធផលជោគជ័យជាច្រើនក្នុងការបំពេញតួនាទីជាប្រធានឧត្តមមន្រី្តអាស៊ានទទួលបន្ទុកផ្នែកវប្បធម៌ និងសិល្បៈកន្លងមកនេះ។ ក្នុងនាមប្រធានឧត្តមមន្រី្តអាស៊ាន សូមវាយតម្លៃខ្ពស់ និងទទួលស្គាល់នូវតួនាទីរបស់ឥណ្ឌូនេស៊ី ក្នុងការរួមវិភាគទានលើកកម្ពស់អត្តសញ្ញាណអាស៊ាន តាមរយៈការដឹកនាំអនុវត្តផែនការយុទ្ធសាស្ត្រអាស៊ានសម្រាប់សិល្បៈ និងវប្បធម៌ ឆ្នាំ២០១៦–២០២៥ រួមនឹងសេចកី្តសម្រេចនានា របស់ឧត្តមមន្រី្ត ក៏ដូចជារដ្ឋមន្រី្តអាស៊ានទទួលបន្ទុកផ្នែកវប្បធម៌ និងសិល្បៈ ដែលបានដាក់ចេញ សំដៅរួមចំណែកអនុវត្តគោលការណ៍អាស៊ាននានា ឆ្ពោះទៅសម្រេចការកសាងសហគមន៍អាស៊ានឆ្នាំ២០២៥។ជាមួយនឹងផែនការសកម្មភាពអាទិភាពដែលមានស្រាប់ លោកជំទាវ សូមអំពាវនាវដល់ឧត្តមមន្រី្តអាស៊ាន និងដៃគូសន្ទនាទាំងអស់ សូមបន្តកិច្ចសហប្រតិបតិ្តការ និងការគាំទ្រចំពោះកម្ពុជា ក្នុងភារកិច្ចជាប្រធាននៃឧត្តមមន្រី្តអាស៊ាន ទទួលបន្ទុកផ្នែកវប្បធម៌ និងសិល្បៈ ដើម្បីធានានូវជោគជ័យក្នុងការអនុវត្តផែនការយុទ្ធសាស្ត្រ និងគោលការណ៍នានារបស់អាស៊ាន ក្នុងក្របខណ្ឌសិល្បៈ និងវប្បធម៌ ក្នុងអាណតិ្តឆ្នាំ២០២០–២០២២នេះ៕អត្ថបទ ៖ រដ្ឋា

កម្មវិធីរត់ដើម្បីមនុស្សធម៌ជាមួយសាយ រៃអង្គាសថវិកា១ពាន់លានរៀល ជួយទ្រទ្រង់មូលនិធិមន្ទីរពេទ្យកុមារអង្គរ

សៀមរាប ៖ ក្រុមយុវជនសាយ ត្រូវបានអនុញ្ញាតឱ្យចូលជួបសម្ដែងការគួរសមជាមួយអភិបាលខេត្ដ ក្រុង សប្បុរសជន លោកឧក ញ៉ា ទៀ វិចិត្រ ប្រធានក្រុមកង់មនុស្សធម៌ខេត្ដព្រះសីហនុ និងតំណាងសាខាសមាគមចលនាយុវជនកម្ពុជា (ក្រុម១៥៧) សហភាពសហព័ន្ធយុវជនកម្ពុជា (សសយក) សមាគមនិស្សិតអាហារូបករណ៍សម្ដេចតេជោ ហ៊ុន សែន (អមត) ខេត្ដព្រះសីហនុ ដើម្បីរៃអង្គាសថវិកាជួយទ្រទ្រង់មូលនិធិមន្ទីរពេទ្យកុមារអង្គរខេត្ដសៀមរាប ដែលផ្តល់សេវាសុខភាពសម្រាប់កុមារ កម្ពុជា ដោយមិនគិតថ្លៃ។ឯកឧត្ដម គួច ចំរើន អភិបាលខេត្ដព្រះសីហនុ បានថ្លែងថា ឯកឧត្ដម មានសេចក្ដីរីករាយចំពោះកម្មវិធីមនុស្សធម៌ នេះ ដែលយុវជនកម្ពុជា ចេះបណ្ដុះគំនិត បំផុសស្មារតីឱ្យយុវជន ប្រជាពលរដ្ឋ និងយុវជនជំនាន់ក្រោយ ឱ្យចូលរួមការងារ សង្គម ដោយនាំគ្នាគោរពច្បាប់ចរាចរណ៍ ចូលរួមថែរក្សាអនាម័យ បរិស្ថាន ដើម្បីសុខភាព និងការអភិវឌ្ឍសង្គមជាតិឱ្យរីក ចម្រើនជឿនលឿន។ឯកឧត្ដម បានជំរុញអាជ្ញាធរ និងសមត្ថកិច្ចតាមតំបន់ ឱ្យចូលរួមគាំទ្របេសកកម្មនេះឱ្យបានសម្រេច ជោគជ័យ ដើម្បីនាំយកថវិកាទៅជួយទ្រទ្រង់មូលនិធិមន្ទីរពេទ្យកុមារអង្គរ ខេត្ដសៀមរាប និងដើម្បីការអភិវឌ្ឍសង្គមជាតិ។លោក សាយ ជាប្រធានគម្រោងកម្មវិធីរត់ដើម្បីមនុស្សធម៌ជាមួយសាយ និយាយថា លោក គឺជាសិល្បករម្នាក់ នៅ ក្នុងគម្រប់ខួបអាយុ៣០ឆ្នាំ ដោយលោកបានបង្កើតកម្មវិធីរត់ដើម្បីមនុស្សធម៌ជាមួយសាយ ដើម្បី តបស្នងសងគុណ ប្រទេសជាតិវិញ ដោយធ្វើការងារសង្គម ក្នុងនោះលោកបានជ្រើសរើសយកការរត់ជុំវិញប្រទេសកម្ពុជា ដើម្បីរៃអង្គាសថវិកា ជួយទ្រទ្រង់មូលនិធិមន្ទីរពេទ្យកុមារអង្គរ ខេត្ដសៀមរាប។កម្មវិធីរត់ដើម្បីមនុស្សធម៌ជាមួយសាយ សហការគាំទ្រដោយសហភាពសហព័ន្ធយុវជនកម្ពុជា (សសយក មន្ទីរ ពេទ្យកុមារអង្គរ ខេត្ដសៀមរាប និងប្រព័ន្ធផ្សព្វផ្សាយសាបាយ ក្នុងរយៈពេល៩៩ថ្ងៃនេះ ដើម្បីរៃអង្គាសថវិកាឱ្យបានចំនួន ១ពាន់លានរៀល ដើម្បីជួយទ្រទ្រង់មូលនិធិមន្ទីរពេទ្យកុមារអង្គរ ខេត្ដសៀមរាប។ កម្មវិធីនេះ លោក និងក្រុមការងារ បាន ចាប់ផ្ដើមរត់ចេញពីរាជធានីភ្នំពេញ ឆ្លងកាត់២១ខេត្ដ ជុំវិញប្រទេសកម្ពុជា រហូតដល់ចុងបញ្ចប់ នៅក្រុងតាខ្មៅ ដែលមាន ប្រវែងផ្លូវរត់សរុបប្រមាណជាង២ពាន់៥រយគីឡូម៉ែត្រ៕អត្ថបទ៖ គង់ ប៊ុនថា

ទំនប់ទឹកពីរក្នុងខេត្តឧត្ដរមានជ័យប្រែជាទីតាំងកម្សាន្តដ៏ពេញនិយមនារដូវទឹកលិច

ឧត្ដរមានជ័យ ៖ ទំនប់ទឹកពីរ ដែលមានទីតាំងក្នុងក្រុងសំរោង ខេត្តឧត្ដរមានជ័យ គឺទំនប់ទឹកត្រពាំងខ្ទុំ និងត្រពាំងវេង បានប្រែជាទីតាំងកម្សាន្តដ៏ពេញ និយម នារដូវទឹកលិចនេះ។លោកស្រី ធិននីមន្នីរស្មី ប្រធានមន្ទីរទេសចរណ៍ខេត្តឧត្តរមានជ័យ បានឲ្យដឹងថា អាជ្ញាធរខេត្ត ក៏ដូច ជាអាជ្ញាធរក្រុងសំរោង គ្រោងនឹងរៀបចំកែប្រែតំបន់ទាំងពីរនេះ ឱ្យក្លាយជាតំបន់រមណីយដ្ឋានទេសចរណ៍ ដ៏គួរទាក់ទាញភ្ញៀវទេសចរក្នុងស្រុក ដោយសារតំបន់នេះ នៅរដូវវស្សាម្តងៗ មានទឹកច្រើន បានហូរកាត់ លើដងផ្លូវទំនប់បង្ហៀរទឹក។ កត្តាទាំងនេះហើយ ធ្វើឱ្យប្រជាពលរដ្ឋជាច្រើននាក់ បានទៅលេងកម្សាន្តរៀង រាល់ថ្ងៃចុងសប្ដាហ៍យ៉ាងសប្បាយរីករាយ។ក្នុងតំបន់ភូមិត្រពាំងខ្ទុំ គឺមានប្រាង្គប្រាសាទបុរាណខ្មែរមួយកន្លែង ដែលបានលាក់កំបាំងនៅ កណ្តាលព្រៃដាច់ស្រយាលមួយ គឺប្រាង្គប្រាសាទព្រះនាងសក់ក្រអូប ដែលប្រជាពលរដ្ឋតែងតែមានជំនឿ តៗគ្នាមកថា ជាកន្លែងសក្ដិសិទ្ធិមួយ៕អត្ថបទ ៖ ឃិន សារិទ្ធ

ព័ត៌មាន ជាតិនយោបាយ និង ការអភិវឌ្ឍន៍ ជំនន់ទឹកភ្លៀងបង្កការខូចខាតផ្លូវមួយចំនួននៅស្រុកអង្គរជុំ តែមិនប៉ះពាល់ដំណាំស្រូវនោះទេ

សៀមរាប ៖ អាជ្ញាធរស្រុកអង្គរជុំ ខេត្តសៀមរាប បានឱ្យដឹងថា ក្នុងរយៈពេលប៉ុន្មានថ្ងៃមកនេះ ទឹកជំនន់បានធ្វើ ឱ្យផ្លូវ និងទំនប់មួយចំនួនត្រូវទឹកហូរកាត់ បណ្តាលឱ្យមានការខូចខាតមួយចំនួន ប៉ុន្តែមិនមានហានិភ័យ ដល់ដំណាំស្រូវនោះទេ។លោក លុក ផុស អភិបាលស្រុកអង្គរជុំ បានឱ្យដឹងថា ជំនន់ទឹកភ្លៀង ដែលហូរធ្លាក់មកពីស្រុកវ៉ារិន បានបង្កឱ្យមានផលប៉ះពាល់ដល់មូលដ្ឋានឃុំទាំង៧របស់ស្រុកនេះ។ ជំនន់ទឹកភ្លៀងនេះ បានចាប់ពីថ្ងៃ ទី១៦ ដល់ថ្ងៃទី១៧ ខែតុលា តែបានស្រកបន្តិចវិញនៅថ្ងៃទី១៨ និងបានចាប់ផ្តើមកំរើកឡើងវិញ នៅព្រឹក ថ្ងៃទី១៩ ខែតុលា នេះ។លោក បានបញ្ជាក់ថា យោងតាមស្ថានភាពភូមិសាស្ត្ររបស់ស្រុកអង្គរជុំ គឺមិនអាចចៀសផុតឡើយ ពីការទទួលជំនន់ទឹកភ្លៀង ដែលហូរធ្លាក់មកពីស្រុកវ៉ារិន ហើយបើទោះជាទឹកជំនន់ ដែលកើតមានដោយ គំហុកយ៉ាងយ៉ាងក្តី មិនយូរនោះឡើយ ដោយសារតែអង្គរជុំ គឺជាតំបន់ទទួលការឆ្លងកាត់ចរន្តទឹក សម្រាប់ ការហូរទម្លាក់បន្តទៅតំបន់ខាងក្រោម គឺស្រុកក្រឡាញ់ និងស្រុកពួក ដែលផ្អែកលើលក្ខណៈភូមិសាស្ត្រនេះ ដំណាំស្រូវមិនមានផលប៉ះពាល់ ខូចខាតនោះឡើយ។ទោះជាយ៉ាងនេះក្តី លោកបានឱ្យដឹងថា កម្លាំងអន្តរាគមន៍របស់គណៈបញ្ជាការឯកភាពស្រុក បាន ត្រៀមខ្លួនរួចជាស្រេចហើយ ដើម្បីចេញប្រតិបត្តិការបន្ទាន់ បើសិនជាមានហេតុការណ៍ធ្ងន់ធ្ងរ ដែលអាច កើតមានជាយថាហេតុក្នុងករណីទឹកជំនន់នេះ និងមានកម្លាំងមួយផ្នែក បាននឹងកំពុងចុះអប់រំប្រជាពលរដ្ឋ ឱ្យចូលរួមប្រុងប្រយ័ត្ន ជាប់ជាប្រចាំផងដែរ៕អត្ថបទ៖ ងឹន គឹមឡេង

សម្តេចព្រះសង្ឃរាជ បួរ គ្រី ចែកអំណោយដល់បងប្អូនប្រជាពលរដ្ឋរងគ្រោះ ដោយទឹកជំនន់នៅខណ្ឌដង្កោ

ភ្នំពេញ៖ បងប្អូនប្រជាពលរដ្ឋចំនួនពីររយគ្រួសារ នៅសង្កាត់ព្រៃស និងសង្កាត់ស្ពានថ្ម ខណ្ឌដង្កោ រាជធានីភ្នំពេញ ដែលរងគ្រោះដោយសារទឹកជំនន់ នៅព្រឹកថ្ងៃទី២០ ខែតុលានេះ បានទទួលបានអំណោយមនុស្សធម៌ ពីសម្តេចព្រះអភិសិរីសុគន្ធាមហាសង្ឃរាជាធិបតីកិត្តិឧទ្ទេសបណ្ឌិត បួរ គ្រី សម្តេចព្រះមហាសង្ឃរាជ នៃគណៈធម្មយុត្តិកនិកាយ នៃព្រះរាជាណាចក្រកម្ពុជា។អំណោយដែល បងប្អូនប្រជាពលរដ្ឋទទួលបានពីសម្តេចព្រះសង្ឃរាជ បួរ គ្រី នេះរួមមានអង្ករ មី ទឹកត្រី ស្ករស ទឹកស៊ីអ៊ីវ អំបិល ទឹកដោះគោ ទឹកត្រី និងថវិកាមួយចំនួនទៀត។លោកងួន ស្តេចភក្តី អនុសាកលវិទ្យាធិការនៃពុទ្ធការសាកលវិទ្យាល័យព្រះសីហមនុរាជា តំណាងសម្តេចព្រះសង្ឃរាជ បួរ គ្រី ដែលបានយកអំណោយចែកជូនផ្ទាល់ដល់បងប្អូនរងគ្រោះទឹកជំនន់នោះបាន លើកឡើងថា ការផ្តល់ជូនអំណោយទាំងនេះ គឺកើតឡើងដោយសារទឹកចិត្តអាណិតស្រលាញ់ ក្នុងនាមជាប្រជាជាតិខ្មែរមិនប្រកាន់ឋានៈ បក្ខពួក ឬនិន្នាការនយោបាយអ្វីទាំងអស់។លោកបន្តថា សម្តេចព្រះសង្ឈរាជ បួរ គ្រី និងសាស្ត្រាចារ្យ បុគ្គលិក សមណនិស្សិត នៃសកលវិទ្យាល័យពុទ្ធការសាកលវិទ្យាល័យព្រះសីហមនុរាជា ទាំងអស់នឹងបន្តជួយប្រជាពលរដ្ឋតាមលទ្ធភាពដែលអាចធ្វើទៅបាន ខណៈបងប្អូនយើងជួបទុក្ខលំបាកដោយសារគ្រោះទឹកជំនន់នេះ។ជាមួយគ្នានោះដែរ លោក ងួន ស្តេចភក្តីក៏បានថ្លែងអំណរគុណចំពោះទឹកចិត្តសប្បុរសធម៌ដ៏ថ្លៃថ្លារបស់សម្តេចព្រះសង្ឈរាជនេះ ស្ដែងឲ្យឃើញអំពីការជួយគិតគូរ និងក្តីអាណិតស្រលាញ់ ចំពោះប្រជាពលរដ្ឋដោយឈរលើបុព្វហេតុជាតិ សាមគ្គីជាធ្លុងមួយ ក្នុងស្មារតីជួយគ្នាទៅវិញទៅមកនៅក្នុងកាលៈទេសៈដែលប្រទេសជាតិបាន និងកំពុងជួបទុក្ខលំបាកនោះ។លោកងួន ស្តេចភក្តី បានអំពាវនាវដល់បងប្អូនប្រជាពលរដ្ឋខ្មែរទាំងអស់ឲ្យមានការប្រុងប្រយ័ត្នខ្ពស់ចំពោះទឹកជំនន់នេះ ជាពិសេសគឺកូនតូចៗ ខណៈទឹកជំនន់នៅបន្តលិចលង ហើយបានបណ្តាលឲ្យមនុស្សស្លាប់ និងប៉ះពាល់បងប្អូនប្រជាពលរដ្ឋខ្មែររាប់ម៉ឺនគ្រួសារនោះ៕ អត្ថបទ៖ បាន ចក់

មន្ត្រីជាន់ខ្ពស់ក្រសួងមហាផ្ទៃ អំពាវនាវឲ្យខិតខំរួមគ្នាបន្ថែមទៀត ក្នុងការទប់ស្កាត់ផលិតផលក្លែងក្លាយ

ភ្នំពេញ ៖ នាយឧត្តមសេនីយ៍ មៀច សុផាន់ណា រដ្ឋលេខាធិការក្រសួងមហាផ្ទៃ និងជាប្រធានគណៈកម្មាធិការប្រយុទ្ធប្រឆាំង ផលិតផលក្លែងក្លាយ (គ.ប.ផ.ក) បានធ្វើការអំពាវនាវដល់ភាគីពាក់ព័ន្ធទាំងអស់ខិតខំរួមគ្នាបន្ថែមទៀត ក្នុងការទប់ស្កាត់ និងបង្ក្រាបផលិតផលក្លែងក្លាយ ។ថ្លែងប្រាប់អ្នកយកព័ត៌មានបន្ទាប់ពីបានដឹកនាំកិច្ចប្រជុំស្តីពី «យន្តការអនុវត្តន៍ការប្រយុទ្ធប្រឆាំងផលិតផលក្លែងក្លាយ និងទិសដៅអនុវត្តបន្ត» នៅទីស្តីការក្រសួងមហាផ្ទៃ នាព្រឹកថ្ងៃទី២០ ខែតុលា ឆ្នាំ២០២០នេះ ឯកឧត្តម មៀច សុផាន់ណា បានឲ្យដឹងថា នៅក្នុងកិច្ចប្រជុំនេះភាគីទាំងអស់បានពិភាក្សាគ្នា ដើម្បីរិះរកមធ្យោបាយបន្ថែមក្នុងការទប់ស្កាត់ និងបង្ក្រាបផលិតផលក្លែងក្លាយទាំងនោះ ដើម្បីធ្វើយ៉ាងណា កុំឲ្យមានហានិភ័យចំពោះបងប្អូនប្រជាពលរដ្ឋយើង។រយៈពេល៩ ខែឆ្នាំ២០២០នេះ ពោលគិតចាប់ពីខែ មករា មកដល់ខែកញ្ញា គណៈកម្មាធិការប្រយុទ្ធប្រឆាំងផលិតផលក្លែងក្លាយ បានចុះបង្ក្រាបឱសថខុសច្បាប់ ផលិតផលវេជ្ជសាស្ត្រ និងផលិតផលដែលក្លែងក្លាយខុសច្បាប់ទូទៅ សរុបចំនួន ១៣៤ ករណី ស្មើនឹង ៥៩៤.៦៥ តោន ដែលត្រូវយកទៅកម្ទេចចោល នៅថ្ងៃទី៥ វិច្ឆិកា ឆ្នាំ២០២០ ខាងមុខនេះ។យោងតាមរបាយការណ៍របស់គណៈកម្មាធិការប្រយុទ្ធប្រឆាំងផលិតផលក្លែងក្លាយ បានឲ្យដឹងនៅថ្ងៃទី២០ ខែតុលានេះថា ក្នុងចំណោមបទល្មើសទាំងអស់នេះ រួមមាន ឱសថ ១៩ ករណី, ផលិតផលវេជ្ជសាស្ត្រប្រឆាំង និងមេរោគកូវីដ–១៩ ,ចំនួន១២ករណី, ផលិតផលឧបភោគបរិភោគ ៣៥ ករណី, ផលិតផលគ្រឿងសំអាង ២៩ ករណី, ផលិតផលប្រើប្រាស់ ២០ករណី, និងផលិតផលថ្នាំជក់ ១៩ ករណី។ក្នុងនោះ អនុលោមតាមច្បាប់ ៩ ករណី, កិច្ចសន្យាអប់រំណែនាំ ១០៥ ករណី, ផាកពិន័យតាមវិធានក្រសួងពាក់ព័ន្ធ ១ ករណី, កំពុងបន្តនីតិវិធី ៦ករណី ខណៈបញ្ជូនសំណើរឿងទៅតុលាការ ១៣ករណី ឃាត់មនុស្ស ២៩ នាក់ ក្នុងនោះ កំពុងបន្តនីតិវិធី ១១ ករណី ដែលមានមនុស្ស ១៨ នាក់ និងតុលាការសម្រេច២ ករណី មនុស្ស ២នាក់ ដាក់ពន្ធនាគារ។សូមបញ្ជាក់ថា ការចុះបង្ក្រាបផលិតផលក្លែងក្លាយនេះ ធ្វើឡើងនៅតាមបណ្ដាលរាជធានីខេត្ត រួមមាន រាជធានីភ្នំពេញ , ខេត្តកណ្ដាល, កំពង់ស្ពឺ, តាកែវ, ព្រះសីហនុ, បាត់ដំបង, កំពង់ចាម, ត្បូងឃ្មុំ និងខេត្តស្វាយរៀង៕អត្ថបទ ៖ បាន ចក់

លោកជំទាវ ម៉ែន សំអន ផ្ដល់អំណោយដល់បងប្អូនរងគ្រោះដោយទឹកជំនន់នៅសង្កាត់ចោមចៅ

ភ្នំពេញ ៖ លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច និងជាប្រធានក្រុមការងាររាជរដ្ឋាភិបាលចុះជួយរាជធានីភ្នំពេញ បាននាំយកអំណោយរបស់សម្តេចតេជោ និងសម្តេចកិត្តិព្រឹទ្ធបណ្ឌិត ចែកជូនប្រជាពលរដ្ឋជាង ៥០០គ្រួសារ ដែលរងគ្រោះដោយសារ ទឹកជំនន់ទឹកភ្លៀង នៅ សង្កាត់ ចោមចៅ២ ខណ្ឌពោធិ៍សែនជ័យ រាជធានីភ្នំពេញ ។ ពិធីនេះ រៀបចំ នៅវត្តគោកបញ្ជាន់ នាព្រឹកថ្ងៃអង្គារ ទី២០ ខែតុលា ឆ្នាំ២០២០នេះ ។ថ្លែងក្នុងឱកាសនោះ លោកជំទាវក៏បានពាំនាំនូវការផ្តាំផ្ញើសួរសុខទុក្ខពីសំណាក់ សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទ ក្រហមកម្ពុជា ជូនដល់អង្គពិធីនូវក្តីនឹករលឹក និងការគិតគូរយកចិត្តទុក្ខដាក់អំពីសុខទុក្ខរបស់ប្រជាពលរដ្ឋ ។ ជាពិសេស សម្តេចតេជោ និងសម្តេចកិត្តិព្រឹទ្ធបណ្ឌិត ក៏បានចុះជួបនិងចែកអំណោយដោយផ្ទាល់ដល់ប្រជាពលរដ្ឋដែលរងគ្រោះនៅក្នុងខណ្ឌដង្កោកាលពីពេលថ្មីៗនេះ និងព្រឹកនេះសម្តេចតេជោ ក៏បានបន្តដំណើរទៅជួបប្រជាពលរដ្ឋដែលរងគ្រោះដោយសារទឹកជំនន់នៅខេត្តបន្ទាយមានជ័យផងដែរ ។លោកជំទាវ បានមានប្រសាសន៍ថា រាជរដ្ឋាភិបាលពុំបានទុក្ខប្រជាពលរដ្ឋណាម្នាក់ចោលដោយអត់អាហារ និងពុំបានដោះស្រាយជូនពួកគាត់នោះទេ នៅក្នុងកាលៈទេសៈដែលតំបន់មួយចំនួននៃប្រទេសកម្ពុជាកំពុងរងគ្រោះដោយសារជំនន់ទឹកភ្លៀង និងបានជួយដោះស្រាយប្រជាពលរដ្ឋក្រីក្រដែលរងផលប៉ះពាល់ដោយសារកូវីដ១៩ រួមជាមួយគោលនយោបាយគាំពារសង្គម ដើម្បីជួយដល់កម្មករ កម្មការិនី ជាដើម ។ល។ជាមួយគ្នានោះ លោកជំទាវក៏បានផ្ដាំផ្ញើឲ្យអាជ្ញាធរត្រូវខិតខំជម្លៀសនៅពេលទឹកជន និងទឹកស្រកទៅវិញ ដោយយកចិត្តទុក្ខដាក់ថែទាំ និងមិនត្រូវឲ្យប្រជាជនស្លាប់ដោយសារលង់ទឹកនោះឡើយ ហើយត្រូវយកចិត្ដទុកដាក់ការពារទ្រព្យសម្បត្តិរបស់ប្រជាពលរដ្ឋនៅតាមផ្ទះ ដែលត្រូវជម្លៀសមកទីទួលសុវត្ថិភាពជាដើមនោះ។លោកជំទាវ ក៏បានអំពាវនាវដល់បងប្អូនទាំងអស់ត្រូវប្រុងប្រយ័ត្នចំពោះក្មេងៗ ដោយមិនឲ្យនៅឆ្ងាយពីមនុស្សចាស់ ត្រូវប្រុងប្រយ័ត្នចំពោះសត្វអាសិរពិស និងត្រូវមានអនាម័យជានិច្ចក្នុងពេលទទួលទានអាហារ និងត្រូវហូបទឹកស្អាត ហើយបងប្អូនដែលបានជម្លៀសមកកាន់ទីទួលសុវត្ថិភាពហើយក៏ត្រូវគិតអំពីគម្លាតសុវត្ថិភាព ដើម្បីការពារជំងឺកូវីដ១៩ផងដែរ។ឆ្លៀតក្នុងឱកាសនោះ លោកជំទាវក៏បានអំណរគុណដល់សប្បុរសជន ដែលបានចូលរួមឧបត្ថម្ភជាមួយរាជរដ្ឋាភិបាល ដើម្បីសង្គ្រោះប្រជាពលរដ្ឋដោយទឹកជំនន់ នៅពេលនេះ ក៏ដូចជាការចូលរួមចំណែក តាមរយៈ លោកជំទាវ និងថ្លែងអំណរគុណដល់អភិបាលរាជធានីភ្នំពេញ កម្លាំងប្រដាប់អាវុធ ប្រជាការពារភូមិអាជ្ញាធរមានសមត្ថកិច្ចពាក់ព័ន្ធទាំងអស់ ដែលបានរួមដៃគ្នាសស្រាក់សស្រាំក្នុងការជួយសង្គ្រោះប្រជាពលរដ្ឋមកកាន់ទីទួលសុវត្ថិភាព ។អំណោយសម្រាប់មួយគ្រួសារ ទទួលបាន អង្ករ ១៥គីឡូក្រាម ទឹកដោះគោ ៥កំប៉ុង ត្រីខ ១យួរ ទឹកសុទ្ធ ១កេស មី ១កេស នំប៉័ង ១ដើម និងថវិកា ១០ម៉ឺនរៀល៕អត្ថបទ៖ បាន ចក់

អាជ្ញាធរកំពុងមមាញឹកនាំពលរដ្ឋទៅលំនៅឋាន បន្ទាប់ពីទឹកជំនន់ថមថយ

ភ្នំពេញ៖ ខណៈជំនន់ទឹកភ្លៀងមានការថមថយ ប្រជាពលរដ្ឋមួយចំនួនរស់នៅសង្កាត់ស្ពានថ្ម ខណ្ឌដង្កោ រាជធានីភ្នំពេញ បានត្រលប់ទៅលំនៅដ្ឋានវិញជាបណ្តើរៗ ដោយក្នុងនោះមានពលរដ្ឋមួយចំនួនស្នាក់នៅក្នុងផ្ទះ និងមួយចំនួនទៀតទៅមើលទ្រព្យសម្បត្តិ និងសម្អាតផ្ទះ។បន្ទាប់ពីជំនន់ទឹកភ្លៀងនៅសង្កាត់ស្ពានថ្ម ខណ្ឌដង្កោ រាជធានីភ្នំពេញមានភាពធូរស្រាលជាងមុន នៅថ្ងៃទី២០ ខែតុលានេះ ពលរដ្ឋបន្តដំណើរត្រលប់ទៅលំនៅដ្ឋានវិញ ដោយក្នុងនោះមានពលរដ្ឋមួយចំនួនស្នាក់ទៅផ្ទះ និងមួយចំនួនទៀតទៅសម្អាតផ្ទះ ព្រមទាំងមើលទ្រព្យសម្បត្តិផងដែរ។ លើសពីនេះ ពួកគាត់បានអគុណដល់អាជ្ញាធរគ្រប់ស្ថានប័នដែលជួយនាំពួកគាត់មកទីទទួលមានសុវត្ថិភាព និងជួយសម្រួលរាល់ពួកគាត់ជួបបញ្ហាផ្សេងៗ។ប៉ុន្មានថ្ងៃមកនេះ កម្ពុជាបានរងឥទ្ឋិពលព្យុះ មានភ្លៀងធ្លាក់ជាបន្តបន្ទាប់ បណ្តាលអោយខេត្ត-ក្រុងចំនួន១៩រងផលប៉ះពាល់ ដែលក្នុងនោះរួមមាន៖ ខេត្តពោធិ៍សាត់ ប៉ៃលិន បន្ទាយមានជ័យ ភ្នំពេញ បាត់ដំបង ស្វាយរៀង ឧត្តរមានជ័យ សៀមរាប តាកែវ កំពង់ស្ពឺ មណ្ឌលគិរី ព្រះសីហនុ កោះកុង ព្រះវិហារ ស្ទឹងត្រែង កំពង់ចាម កណ្ដាល កំពង់ឆ្នាំង និងកំពង់ធំ។ នេះបើតាមរបាយការណ៍របស់គណៈកម្មាធិការជាតិគ្រប់គ្រងគ្រោះមហន្តរាយចេញផ្សាយនៅពេលថ្មីៗនេះ។យោងតាមរបាយការណ៍ដដែលបានបន្តថា ចាប់ពីថ្ងៃទី១ ខែកញ្ញា ដល់ព្រឹកថ្ងៃទី១៩ ខែតុលា ឆ្នាំ២០២០ ប្រជាជនកម្ពុជាប្រមាណជាង៧ម៉ឺនគ្រួសារ បានរងផលប៉ះពាល់ និងមានមនុស្សស្លាប់ចំនួន២៥នាក់។ ស្រូវលិចទឹកជាង២១ម៉ឺនហិកតា ដំណាំរួមផ្សំផ្សេងៗលិចទឹកជាង៧ម៉ឺនហិកតា និងខូចខាតហេដ្ឋារចនាសម្ពន្ធជាដើម៕ អត្ថបទ៖ ទូច សោភ័ណ

មន្ត្រីក្រសួងមហាផ្ទៃ ក្រើនរំលឹកដល់ស្ត្រីខ្មែរគ្រប់រូប ដែលចង់ស្វែងរកគូស្រករនៅក្រៅប្រទេសត្រូវគិតគូរឲ្យបានច្បាស់លាស់

ភ្នំពេញ ៖ លោកជំទាវ ជូ ប៊ុនអេង រដ្ឋលេខាធិការក្រសួងមហាផ្ទៃ និងជាអនុប្រធានអចិន្ត្រៃយ៍គណៈកម្មាធិការជាតិ ប្រយុទ្ធប្រឆាំង អំពើជួញដូរមនុស្ស បានក្រើនរំលឹកដល់ស្ត្រីខ្មែរគ្រប់រូប ត្រូវគិតគូរឲ្យបានច្បាស់លាស់ មុននឹងសម្រេចចិត្តជ្រើសរើសគូស្រករ ដែលជាជនជាតិបរទេស ខណៈមានស្ត្រីខ្មែរមួយចំនួនត្រូវបានចាញ់បោកគេ (មេខ្យល់)ថា បានប្តីបរទេសមានជីវភាពប្រសើរអាចជួយខ្លួនឯង និងគ្រួសារបានជាដើមនោះ។ថ្លែងប្រាប់អ្នកយកព័ត៌មានក្រោយពី អញ្ជើញបើកសិក្ខាសាលា ស្តីពី សេវាគាំទ្រជនរងគ្រោះដោយអំពើជួញដូរមនុស្ស នៅភោជនីយដ្ឋានទន្លេបាសាក់២ នៅព្រឹកថ្ងៃទី២១ ខែតុលា ឆ្នាំ២០២០នេះ លោកជំទាវ ជូ ប៊ុនអេង បានលើកឡើងថា យើងបានឃើញស្រាប់ហើយថា កាលពីកន្លងទៅថ្មីៗនេះមានស្ត្រីខ្មែរម្នាក់ បានចាញ់បោកមេខ្យល់ឲ្យទៅរៀបការជាមួយជនជាតិចិន ដោយគេបោកថា នឹងទទួលបានប្រាក់ និងការងារស្រួលដើម្បីយកមកផ្គត់ផ្គង់ក្រុមគ្រួសារបានដោយងាយនោះ។ ប៉ុន្តែផ្ទុយទៅវិញការរៀបការនោះមិនងាយស្រួលដូចការចង់បានរបស់គាត់ ឬងាយស្រួលដូចអ្វីដែលមេខ្យល់បានប្រាប់គាត់នោះឡើយ ដូច្នេះ មុននឹងសម្រេចចិត្តយកបរទេសមកធ្វើជាគូស្រករ ត្រូវធ្វើការពិចារណាឲ្យបានដិតដល់ជៀសវាង មានវិប្បដិសារី ទៅថ្ងៃក្រោយ។ជាមួយគ្នានោះដែរ លោកជំទាវ ជូ ប៊ុនអេង ក៏បានលើកឡើងផងដែរថា នាពេលបច្ចុប្បន្ននេះ អាជ្ញាធរពាក់ព័ន្ធទាំងអស់កំពុងតែបន្តសហការគ្នាយ៉ាងសកម្មក្នុងការស្វែងរក និងទប់ស្កាត់នូវមេខ្យល់ទាំងនោះ ដែលបានដើរបោកបងប្អូនប្រជាពលរដ្ឋតាមរយៈរូបភាពនេះ និងរូបភាពផ្សេងៗទៀតយកមកផ្ដន្ទាទោសទៅតាមច្បាប់ តែទោះជាយ៉ាងណាក្តីក៏ត្រូវមានការសហការជាមួយជនរងគ្រោះ និងបងប្អូនប្រជាពលរដ្ឋផងដែរទើបអាចទៅរួច។កាលពីកន្លងទៅថ្មីៗនេះ ស្ថានអគ្គកុងស៊ុលកម្ពុជាប្រចាំទីក្រុងសៀងហៃ ប្រទេសចិន បានសហការជាមួយអាជ្ញាធរចិន អន្តរាគមន៍ជួយនារីខ្មែរម្នាក់ឈ្មោះ សែម ស្រីពេជ្រ ស្នាក់នៅខេត្តជឺជាំង ប្រទេសចិនដែលមានបំណងត្រឡប់មកកម្ពុជាវិញ បន្ទាប់ពីនាងអះអាងតាមរយៈហ្វេសបុកថា មិនអាចរស់នៅចុះសម្រុងជាមួយស្វាមីបាន។ បច្ចុប្បន្នស្ត្រីរូបនេះ កំពុងស្នាក់នៅទីក្រុងសៀងហៃប្រទេសចិន ហើយស្ថានអគ្គកុងស៊ុលប្រចាំនៅទីក្រុងសៀងហៃ បានចេញលិខិតបើកផ្លូវដល់រូបនាង ហើយប៉ូលិសចិនក៏បានយល់ព្រមនិងប្រគល់ទិដ្ឋាការជូនដល់នាងនៅថ្ងៃពុធនេះផងដែរ ដើម្បីឲ្យវិលត្រឡប់មកកម្ពុជាវិញនោះ៕អត្ថបទ ៖ បានចក់

បណ្ដាញសង្គម

ព័ត៌មានថ្មីៗ

ក្រសួងអភិវឌ្ឍន៍ជនបទ ចុះវាយតម្លៃការងារថែទាំខួបផ្លូវជាច្រើនខ្សែ នៅក្នុងខេត្តកំពង់ចាម

ICRC ថា ទាហានកម្ពុជា១៨រូប ដែលកំពុងស្ថិតក្រោមការឃុំខ្លួនរបស់ភាគីថៃនោះ គឺមានសុវត្ថិភាព និងមានសុខភាពល្អទាំងអស់គ្នា ..

ក្រុមធម្មយាត្រាអ៊ីរ៉ង់ ធ្វើដំណើរឆ្លងកាត់ព្រំដែនចូលទៅក្នុងប្រទេសអ៊ីរ៉ាក់ មុនពិធីបុណ្យសាសនា Arbaeen

មន្រ្តីជាន់ខ្ពស់ធនាគារជាតិដឹកនាំក្រុមការងារ គោរពវិញ្ញាណក្ខវិរកងទ័ពពលីក្នុងបុព្វហេតុជាតិ នៅខេត្តកំពង់ធំ

UNHCR ព្រមានពីការរីករាលដាលឆ្លងជំងឺអាសន្នរោគក្នុងចំណោមជនភៀសខ្លួនស៊ូដង់នៅប្រទេសឆាដ

សម្ដេចតេជោ អស់សំណើចក្រោយឭថាសាកលវិទ្យាល័យថៃមួយបានបោះឆ្នោតដកហូតសញ្ញាបត្រពីសម្ដេច ខណៈសម្ដេចបានបោះវាចោលចូលក្នុងបង្គន់តាំងពីឆ្នាំ២០០៨

ជនប៉ាឡេស្ទីន៖ តើឲ្យពួកយើងគួរទៅកន្លែងណា បើអ៊ីស្រាអែលគ្រប់គ្រងទីក្រុងហ្កាហ្សាហើយនោះ?

អ៊ីរ៉ាក់បដិសេធគ្មានចំណែករួមណាមួយ ក្នុងការរត់ពន្ធប្រេងជាប់ទណ្ឌកម្មរបស់អ៊ីរ៉ង់

លោក Merz៖ អាល្លឺម៉ង់ផ្អាកការនាំចេញយោធាដែលអាចត្រូវបានប្រើប្រាស់នៅហ្គាហ្សា

យុទ្ធនាការទ្រង់ទ្រាយធំ ៧ថ្ងៃនេះ ក្រសួងការងារផ្សាយពីឱកាសការងារដល់ពលករមកពីថៃ និងពលរដ្ឋជាង៦ម៉ឺននាក់ ខណៈអ្នកទទួលបានការងារភ្លាមជាង ១ម៉ឺននាក់

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

ក្រុមយុវជនជាច្រើនប្រមូលគ្នាជាក្រុមស្ម័គ្រចិត្តចូលរួមចំណែកជួយដល់ពលរដ្ឋជួបគ្រោះជំនន់ទឹកភ្លៀង

កម្ពុជាធ្វើជាម្ចាស់ផ្ទះកិច្ចប្រជុំឧត្តមមន្ត្រីវប្បធម៌អាស៊ាន លើកទី១៦ តាមរយៈប្រព័ន្ធវីដេអូ

កម្មវិធីរត់ដើម្បីមនុស្សធម៌ជាមួយសាយ រៃអង្គាសថវិកា១ពាន់លានរៀល ជួយទ្រទ្រង់មូលនិធិមន្ទីរពេទ្យកុមារអង្គរ

ទំនប់ទឹកពីរក្នុងខេត្តឧត្ដរមានជ័យប្រែជាទីតាំងកម្សាន្តដ៏ពេញនិយមនារដូវទឹកលិច

សម្តេចព្រះសង្ឃរាជ បួរ គ្រី ចែកអំណោយដល់បងប្អូនប្រជាពលរដ្ឋរងគ្រោះ ដោយទឹកជំនន់នៅខណ្ឌដង្កោ

មន្ត្រីជាន់ខ្ពស់ក្រសួងមហាផ្ទៃ អំពាវនាវឲ្យខិតខំរួមគ្នាបន្ថែមទៀត ក្នុងការទប់ស្កាត់ផលិតផលក្លែងក្លាយ

លោកជំទាវ ម៉ែន សំអន ផ្ដល់អំណោយដល់បងប្អូនរងគ្រោះដោយទឹកជំនន់នៅសង្កាត់ចោមចៅ

អាជ្ញាធរកំពុងមមាញឹកនាំពលរដ្ឋទៅលំនៅឋាន បន្ទាប់ពីទឹកជំនន់ថមថយ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

ទំនប់ទឹក​ពីរ​ក្នុង​ខេត្ត​​ឧត្ដរមានជ័យ​ប្រែជា​ទីតាំង​កម្សាន្ត​ដ៏​ពេញ​និយម​នា​រដូវ​ទឹក​លិច

សម្តេចព្រះ​សង្ឃរាជ បួរ គ្រី ចែក​អំណោយ​ដល់​បងប្អូន​ប្រជាពលរដ្ឋ​រងគ្រោះ ​ដោយ​ទឹកជំនន់​នៅ​ខណ្ឌដង្កោ​

លោកជំទាវ ម៉ែន សំអន ផ្ដល់​អំណោយ​ដល់​បងប្អូន​រងគ្រោះ​ដោយ​ទឹកជំនន់​នៅ​សង្កាត់​ចោមចៅ

អាជ្ញាធរ​កំពុង​មមាញឹក​នាំ​ពលរដ្ឋ​ទៅ​លំនៅឋាន បន្ទាប់ពី​ទឹកជំនន់​ថមថយ​

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

ទំនប់ទឹកពីរក្នុងខេត្តឧត្ដរមានជ័យប្រែជាទីតាំងកម្សាន្តដ៏ពេញនិយមនារដូវទឹកលិច

សម្តេចព្រះសង្ឃរាជ បួរ គ្រី ចែកអំណោយដល់បងប្អូនប្រជាពលរដ្ឋរងគ្រោះ ដោយទឹកជំនន់នៅខណ្ឌដង្កោ

លោកជំទាវ ម៉ែន សំអន ផ្ដល់អំណោយដល់បងប្អូនរងគ្រោះដោយទឹកជំនន់នៅសង្កាត់ចោមចៅ

អាជ្ញាធរកំពុងមមាញឹកនាំពលរដ្ឋទៅលំនៅឋាន បន្ទាប់ពីទឹកជំនន់ថមថយ