BTV NEWS

សម្ដេចតេជោ៖សង្គ្រាមព្រំដែនកម្ពុជា-ថៃបានផ្ទេរពីសង្គ្រាមប្រើប្រាស់អាវុធមកជាសង្រ្គាម ប្រើប្រាស់ជំពាមកៅស៊ូ ខណៈបើពិនិត្យឲ្យសុីជម្រៅវាជារឿងធំ ប្រសិនបើមិនទប់ស្កាត់

ឯកឧត្តម ចាន់ ដារ៉ុង ដឹកនាំគណៈកម្មការអន្តរក្រសួងចុះពិនិត្យវាយតម្លៃបញ្ចប់សុពលភាពការងារថែទាំផ្លូវខួបចំនួន ៣កំណាត់ ក្នុងខេត្តពោធិ៍សាត់

BREAKING NEWS! សម្តេចធិបតី អបអរសាទរចំពោះការប្រព្រឹត្តទៅដោយជោគជ័យនូវកិច្ចប្រជុំវិសាមញ្ញ នៃគណៈកម្មាធិការព្រំដែនទូទៅកម្ពុជា-ថៃ

TOP STORY | សម្ដេចធិបតី បានចាត់វិធានការចាំបាច់ជាបន្តបន្ទាប់ចំពោះការវិលត្រឡប់ទ្រង់ទ្រាយធំរបស់ពលករខ្មែរ និងជនភៀសសឹក

នយោបាយ និង ការអភិវឌ្ឍន៍

សម្តេចតេជោ ជំរុញដល់គ្រប់គណបក្សនយោបាយ ចូលរួមផ្ដល់ជំនួយដល់ពលរដ្ឋរងគ្រោះដោយទឹកជំនន់ ដោយមិនគិតពីនិន្នាការ

ភ្នំពេញ ៖ ក្នុងឱកាសផ្ដល់អំណោយដល់គ្រួសាររងគ្រោះដោយសារទឹកជំនន់នៅខេត្តបន្ទាយមានជ័យ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានជំរុញដល់សប្បុរសជននានា និងគ្រប់គណបក្សនយោបាយ អោយចូលរួមផ្ដល់ជំនួយដល់ពលរដ្ឋរងគ្រោះ ដោយមិនគិតពីនិន្នាការនយោបាយ។នៅព្រឹកថ្ងៃទី២១ ខែតុលា ឆ្នាំ២០២០នេះ ក្នុងឱកាសអញ្ជើញចែកអំណោយជូនប្រជាពលរដ្ឋ៥ពាន់គ្រួសារ (គោលដៅទី១) ដែលរងគ្រោះដោយសារទឹកជំនន់ នៅស្រុកមង្គលបូរី ខេត្តបន្ទាយមានជ័យ សម្តេចតេជោ បានគូសបញ្ជាក់ថា សម្រាប់ខេត្តបន្ទាយមានជ័យ ឆ្នាំណាក៏ត្រូវរងនូវទឹកជំនន់ដែរ សម្រាប់អំណោយនៅថ្ងៃនេះ គ្រាន់តែជាការដោះទាល់ភ្លាមៗ មួយរយះប៉ុណ្ណោះ។ យ៉ាងណា រាជរដ្ឋាភិបាល និងស្ថាប័នពាក់ព័ន្ធគ្រប់លំដាប់ថ្នាក់ នឹងនៅតែបន្តតាមដានស្ថានភាពទឹកជំនន់ ក៏ដូចជាស្ថានភាពប្រជាពលរដ្ឋដែលរងគ្រោះដោយទឹកជំនន់នេះ។សម្ដេច បានបញ្ជាក់ទៀតថា ក្រោយពេលដែលសម្តេចតេជោ បានចែកអំណោយជូនប្រជាពលរដ្ឋរងផលប៉ះពាល់ដោយសារទឹកជំនន់នៅខេត្តបន្ទាយមានជ័យនេះ មិនមែនមានន័យថា ការផ្ដល់ជំនួយជូនពួកគាត់ត្រូវបានបញ្ចប់ឡើយ។ ក្នុងន័យនេះ សម្តេចតេជោ បានជំរុញដល់សប្បុរសជននានា និងបណ្ដាគណបក្សនានា ត្រូវចូលរួមក្នុងការជួយផ្ដល់ទៅតាមលទ្ធភាពនៅក្នុងគ្រាដែលពលរដ្ឋកំពុងជួបការលំបាកនេះ ដោយមិនគិតពីនិន្នាការនយោបាយ។សូមជម្រាបថា ថ្មីៗនេះសម្តេចតេជោ ហ៊ុន សែន នាយករដ្ឋមន្ត្រីកម្ពុជា បានជម្រាបទៅអាជ្ញាធររាជធានី ខេត្ត ជាពិសេសខេត្តដែលរងផលប៉ះពាល់ដោយគ្រោះទឹកជំនន់ បង្កលក្ខណៈងាយស្រួលឲ្យលោក កឹម សុខា និងគ្រប់គណបក្សនយោបាយទាំងអស់ បានចែកអំណោយជូនប្រជាពលរដ្ឋ ។ ដោយសម្តេច បានសង្កត់ធ្ងន់ថា នេះគឺជាកិច្ចការរួមគ្នាគ្រប់បណ្តាគណបក្សនយោបាយ គ្រប់អ្នកនយោបាយ និងគ្រប់សប្បុរសជនដែលចង់ចូលរួម។ ត្បិតកិច្ចការដែលយើងកំពុងធ្វើជាកិច្ចការមនុស្សធម៌ ហើយដោយមិនប្រកាន់បក្ខពួកនយោបាយទេ គឺគិតពីប្រជាជនរស់រានមានជីវិត និងទទួលបាននូវការគាំពារ ការរីកចំរើនទាំងអស់គ្នា៕

ក្រុមមេធាវីស្ម័គ្រចិត្តសម្ដេចតេជោ នាំយកអំណោយជួយពលរដ្ឋរងគ្រោះទឹកជំនន់នៅស្រុកបាទី

តាកែវ ៖ ក្រុមមេធាវីស្ម័គ្រចិត្តសម្ដេចតេជោ ដែលមានឯកឧត្តម គី តិច ជាប្រធានបានដឹកនាំក្រុមការងារជាច្រើន នាំយក អំណោយមួយចំនួន ផ្តល់ជូនដល់ពលរដ្ឋរងគ្រោះទឹកជំនន់ចំនួន ៦០គ្រួសារ ដែលបានជម្លៀសមកទីទួលសុវត្ថិភាពនៅវត្ត ឃ្លាំងមឿង ស្ថិតនៅជាប់ផ្លូវលេខ ២ ក្នុងឃុំពត់សរ ស្រុកបាទី ខេត្តតាកែវ នៅល្ងាចថ្ងៃទី២០ ខែតុលា ម្សិលមិញនេះ ។អំណោយដែលផ្ដល់ជូននេះ រួមមានអង្ករ មុង កន្ទេល មី ទឹកត្រី ទឹកសុទ្ធ ត្រីខ ចង្ក្រានហ្គាស និងជែលសម្រាប់លាងដៃផងដែរ។ក្នុងឱកាសជូនអំណោយដល់ពលរដ្ឋរងគ្រោះ ឯកឧត្តម គី តិច បានលើកឡើងថា ការចុះមកជួយឧបត្ថម្ភនាពេលនេះ គឺធ្វើឡើងភ្លាមៗក្រោយទទួលដំណឹងថា ប្រជាពលរដ្ឋមួយចំនួនកំពុងរងគ្រោះពីទឹកជំនន់ទឹកភ្លៀង។ ឯកឧត្តម លើកឡើងដែរថា ទាំងនេះ គឺជាសកម្មភាពរួមចំណែកជួយដល់ប្រជាពលរដ្ឋក្នុងគ្រាមានអាសន្ន ដោយស្របនឹងគោលដៅរបស់រាជរដ្ឋាភិបាលកម្ពុជា។សម្រាប់ការជម្លៀសមកទីសុវត្ថិភាពនៅវត្ត ឃ្លាំងមឿងនេះ គឺធ្វើឡើងនៅយប់ថ្ងៃទី ១៩ ខែតុលាដោយសារភ្លៀងធ្លាក់ធ្វើឱ្យជន់លិចខ្លាំង នេះបើតាមការបញ្ជាក់របស់ប្រជាពលរដ្ឋដែលកំពុងស្នាក់នៅបណ្ដោះអាសន្ននៅទីតាំងនេះ។ ពួកគាត់ ក៏បានអរគុណដល់អាជ្ញាធរ ក៏ដូចជាសប្បុរសជនជាម្ចាស់ជំនួយដែលបានរួមចំណែកជួយសង្គ្រោះ និងជួយផ្គត់ផ្គង់ការរស់នៅក្នុងកំឡុងពេលជួបវិបាកនេះផងដែរ។ជុំវិញការជន់លិចនេះ ឯកឧត្តម អ៊ូច ភា អភិបាលខេត្ត តាកែវ លើកឡើងដែរថា ជំនន់នេះជាជំនន់ទឹកភ្លៀង មិនបង្កជាផលប៉ះពាល់ធ្ងន់ធ្ងរនោះទេ។ យ៉ាងណាម៉ិញ ឯកឧត្តម ក្នុងនាមជាថ្នាក់ដឹកនាំខេត្ត ក៏បញ្ជាក់ឱ្យអាជ្ញាធរមូលដ្ឋាន ក៏ដូចជាកងកម្លាំងបន្តតាមដានមើលស្ថានភាពជាក់ស្ដែងពីស្ថានភាពទឹកជំនន់នេះ ត្រៀមកម្លាំងដើម្បីជម្លៀសដើម្បីធានាថា គ្មានពលរដ្ឋណាម្នាក់រងគ្រោះ។ ឯកឧត្តម បញ្ជាក់ដែរថា ខណៈនេះ អាជ្ញាធរកំពុងដើរបើកច្រកទឹកគ្រប់ទីកន្លែង ដើម្បីធ្វើឱ្យទីតាំងដែលមានការជន់លិច មានការស្រកចុះផងដែរ៕អត្ថបទ ៖ គឹមហុក

បញ្ហាទឹកជំនន់មិនប៉ះពាល់ដល់ការប្រឡងបាក់ឌុប និងមិនប៉ះពាល់ការត្រៀមបើកសាលារៀនដំណាក់កាលទី៣

ភ្នំពេញ ៖ ក្រសួងអប់រំតាមរយៈអ្នកនាំពាក្យ បានបញ្ជាក់នៅព្រឹកថ្ងៃទី២១ខែតុលាឆ្នាំ ២០២០នេះថា សាលារៀនទូទាំងប្រទេសចំនួន ៥៦៨សាលាក្នុងរាជធានី ខេត្តចំនួន១៧ បានរងការប៉ះពាល់ដោយសារ ទឹកជំនន់។ សម្រាប់ការប៉ះពាល់ពីទឹកជំនន់នេះ អ្នកនាំពាក្យក្រសួងអប់រំ បានបញ្ជាក់ថា ពុំបានបង្កផលប៉ះពាល់ដល់ការរៀបចំការប្រឡងថ្នាក់ទី១២ និងត្រៀមបើកដំណើរការសាលារៀនក្នុងដំណាក់កាលទី៣ ដដែល។បញ្ហាទឹកជំនន់ក្រៅពីបង្កផលប៉ះពាល់ដល់អាយុជីវិត ក៏ដូចជាទ្រព្យសម្បត្តិប្រជាពលរដ្ឋ និងទ្រព្យសម្បត្តិសាធារណៈជាច្រើននោះ ទឹកជំនន់នៅឆ្នាំ២០២០នេះ ក៏បានបង្កផលប៉ះពាល់មួយចំនួនក្នុងវិស័យអប់រំផងដែរ។ សម្រាប់ការប៉ះពាល់នេះ ឯកឧត្តម រស់ សុវាចា អ្នកនាំពាក្យក្រសួងអប់រំបញ្ជាក់ថា សាលារៀនចំនួនបាន៥៦៨ ភាគច្រើនជាថ្នាក់បឋមសិក្សារងការប៉ះពាល់ និងផ្អាកជាបណ្ដោះអាសន្នចំនួន ចំនួន៤១៨សាលា ដោយមានចំនួនសិស្សប្រមាណ ៤៤០០០នាក់។ ក្នុងចំណោមរាជធានី ខេត្តទាំង ១៧ដែលមានសាលារងការប៉ះពាល់ ក្នុងនោះ ខេត្តបន្ទាយមានជ័យជាខេត្ត ដែលកំពុងរងគ្រោះដោយសារទឹកជំនន់ធ្ងន់ធ្ងរជាងគេ ក៏បានប៉ះពាល់សាលារៀនចំនួន១៨៦សាលា (ត្រូវផ្អាកការសិក្សាបណ្តោះអាសន្ន)។ការប៉ះពាល់ទាំងនេះ ឯកឧត្តម អ្នកនាំពាក្យអះអាងថា មិនប៉ះពាល់ដល់ដំណើរការរៀបចំការប្រឡងសញ្ញាប័ត្រមធ្យមសិក្សាទុតិយភូមិដែលនឹងធ្វើឡើងនៅថ្ងៃទី ២១ ខែធ្នូខាងមុខ ហើយក៏មិនប៉ះពាល់ចំពោះការត្រៀមបើកដំណើរការសាលារៀនឡើងវិញ ក្នុងដំណាក់កាលទី ៣នោះទេ គ្រប់យ៉ាងនៅតែដំណើរការជាធម្មតា។ឯកឧត្តម បញ្ជាក់ដែរថា ក្នុងដំណាក់កាលនៃការជន់លិចដែលឈានដល់ការផ្អាកការសិក្សាជាបណ្ដោះអាសន្ននេះ ការសិក្សារបស់សិស្សគឺបង្វែរមកការសិក្សាតាមរយៈប្រព័ន្ធអនឡាញ និងការសិក្សាពីចម្ងាយ ដែលជាប្រព័ន្ធមានស្រេច ដោយក្រសួងអប់រំនៅតែបន្តអនុវត្តសម្រាប់ការអប់រំបែបចម្រុះ ក្នុងបរិបទជំងឺ កូវីដ ១៩នេះ។ក្នុងពេលបច្ចុប្បន្នភាពនេះ ឯកឧត្តម អ្នកនាំពាក្យស្នើសុំដល់សិស្សានុសិស្សដែលរងការប៉ះពាល់ដោយសារទឹកជំនន់ ត្រូវតែបន្តយកចិត្តទុកដាក់ព្យាយាមសិក្សាតាមប្រព័ន្ធអនឡាញ និងការសិក្សាពីចម្ងាយ ហើយសំណូមពរដល់គ្រប់សាលារៀន ដែលមិនទាន់បានបើកដំណើរការឡើងវិញ ត្រូវរៀបចំខ្លួនស្របតាមវិធានការ SOP សម្រាប់ការបើកដំណើរការដំណាក់កាលទី ៣ខាងមុខ៕អត្ថបទ ៖ គឹមហុក

ពលរដ្ឋរស់នៅខណ្ឌដង្កោ ដែលប៉ះពាល់ដោយជំនន់ទឹកភ្លៀង ផ្តើមសម្អាតផ្ទះ សម្បែង ក្រោយទឹកបន្តស្រក

ភ្នំពេញ៖ បន្ទាប់ពីអាកាសធាតុនៅរាជធានីភ្នំពេញមានការវិវឌ្ឍន៍ប្រសើរជាងមុន ប្រជាពលរដ្ឋជាច្រើនគ្រួសាររស់នៅក្នុងខណ្ឌដង្កោដែលរងការជន់លិចផ្ទះសម្បែង ហេដ្ឋារចនាសម្ព័ន្ធផ្លូវ ថ្នល់ សាលារៀន វត្តអារាមនោះ នៅថ្ងៃនេះ បាននាំគ្នាត្រឡប់ទៅលំនៅដ្ឋាន ដើម្បីសម្អាតផ្ទះសម្បែងក្រោយពីទឹកជំនន់នេះបានបន្តស្រកចុះ។អស់រយៈពេលជាងមួយសប្តាហ៍ហើយដែលសង្កាត់ជាច្រើនក្នុងខណ្ឌដង្កោ រាជធានីភ្នំពេញ បានរងការប៉ះពាល់ដោយជំនន់ទឹកភ្លៀងដែលហូរមកពីផ្នែកខាងលើ នៃខេត្តកំពង់ស្ពឺ ក្នុងនោះហេដ្ឋារចនាសម្ព័ន្ធ ស្ពាន ផ្លូវ ថ្នល់ សាលារៀន វត្តអារាម និងលំនៅដ្ឋានរបស់ប្រជាពលរដ្ឋរាប់ពាន់គ្រួសារបានរងការជន់លិចរហូតជម្លៀសទៅទីទួលសុវត្ថិភាព។ដោយឡែកនៅថ្ងៃនេះ ក្រោយអាកាសធាតុមិនមានភ្លៀងបង្អុលធ្លាក់ ស្ថានភាពជំនន់ទឹកភ្លៀងនៅក្នុងភូមិសាស្ត្រនៃខណ្ឌដង្កោបានបន្តស្រកចុះផ្នែកខ្លះ នៃខណ្ឌមួយនេះរួមមាន សង្កាត់គយនយ សង្កាត់ទៀន សង្កាត់រលួស និងសង្កាត់ស្ពានថ្ម ប្រជាពលរដ្ឋជាច្រើនគ្រួសារបាននាំគ្នាត្រឡប់ទៅលំនៅដ្ឋាន ដើម្បីបោសសម្អាត លំនៅដ្ឋាន ជាបន្តបន្ទាប់។បើទោះបីជា ស្ថានភាពទឹកជនន់ក្នុងខណ្ឌដង្កោបានបន្តស្រកចុះក្តី ប៉ុន្តែក្រុមអន្តរាគមន៍ជួយសង្គ្រោះពីបណ្តាអង្គភាពចម្រុះនៅតែបន្តមានវត្តមាននៅទីតាំងនៃទីបញ្ជាការស្រាលដដែល ដើម្បីជួយដឹកជញ្ជូនប្រជាពលរដ្ឋទៅមករហូតដល់ស្ថានភាពទឹកបានស្រកទាំងស្រុង។ សូមជម្រាបជូនថា ក្រោយជំនន់ទឹកភ្លៀងដែលបង្កការប៉ះពាល់ដល់សង្កាត់ជាច្រើនក្នុងខណ្ឌដង្កោ សម្តេចតេជោ នាយករដ្ឋមន្ត្រី និងសម្តេចកត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា បានអញ្ជើញនាំយកនូវអំណោយ ចែកជូនដល់គ្រួសារដែលរងគ្រោះក្នុងខណ្ឌដង្កោប្រមាណរាប់ពាន់គ្រួសារផងដែរ៕ អត្ថបទ៖ ឧត្តម

ព័ត៌មាន ជាតិនយោបាយ និង ការអភិវឌ្ឍន៍ មន្ត្រីសុខាភិបាល៖ សេវាសុខភាពមួយប្រកបដោយគុណភាព យើងត្រូវមានធនធានមនុស្សលើវិស័យសុខាភិបាល

ភ្នំពេញ៖ រដ្ឋលេខាធិការក្រសួងសុខាភិបាល ឯកឧត្តម សាស្ត្រាចារ្យ ស៊ា ហួង អៈអាងថា ដើម្បីធានាបាននូវសេវាសុខភាពមួយប្រកបដោយគុណភាព យើងត្រូវមានធនធានមនុស្សលើវិស័យសុខាភិបាល អ្នកជំនាញ សម្ភារៈបរិក្ខាពេទ្យ និងក្រមសីលធម៌វិជ្ជាជីវៈសុខាភិបាល។ការថ្លែងរបស់ឯកឧត្តម សាស្ត្រាចារ្យ ស៊ា ហួង យ៉ាងដូច្នេះ ក្នុងឱកាសដាក់ឲ្យដំណើរការជាថ្មី អគារឆ្លុះ ក្រពះ ពោះវៀន នៃមនី្ទរពេទ្យមិត្តភាពខ្មែរ-សូវៀត។ ឯកឧត្តម សាស្ត្រាចារ្យ បន្តថា ចំនុចទាំង០៣ខាងលើនេះ មិនអាចខ្វះមួយណាបាននោះទេ ដើម្បីធានាបានក្នុងការផ្តល់សេវា ជាទីទុកចិត្តរបស់ប្រជាពលរដ្ឋ។បើតាមលោកសាស្ដ្រាចារ្យ ងី ម៉េង នាយកមន្ទីរពេទ្យមិត្ដភាពខ្មែរ-សូវៀត បានឲ្យដឹងថា ក្រសួងសុខាភិបាល ជាពិសេសរាជរដ្ឋាភិបាលកម្ពុជា បានគាំទ្រក្នុងការអភិឌ្ឍវិស័យសុខាភិបាល បច្ចុប្បន្ននេះនៅមន្ទីរពេទ្យយើង បានអភិវឌ្ឍទាំងធនធានមនុស្សគ្រូពេទ្យរបស់យើង ដោយបណ្ដុះបណ្ដាលជំនាញគ្រប់ផ្នែកទាំងអស់។ជាចុងក្រោយឯកឧត្តមសាស្ដ្រាចារ្យ ស៊ាង ហួង បានបញ្ជាក់ថា ការអភិវឌ្ឍទាំងអគារថ្មី និងសម្ភារបរិក្ខារពេទ្យនាពេលេនះ គឺឆ្លើយតបទៅនឹងតម្រូវការរបស់ក្រុមគ្រូពេទ្យជំនាញ ក្នុងពេលសង្គ្រោះពលរដ្ឋ ដែលមានបញ្ហាសុខភាព ឱ្យកាន់តែមានប្រសិទ្ធិភាពខ្ពស់៕ អត្ថបទ រដ្ឋា

ឯកឧត្តម ប្រាក់ សុខុន នាំយកអំណោយសម្ដេចតេជោ ផ្ដល់ជូនពលរដ្ឋរងគ្រោះដោយទឹកជំនន់ជាង៥០០គ្រួសារ នៅមូលដ្ឋានស្រុកស្អាង

កណ្ដាល ៖ ប្រជាពលរដ្ឋរងគ្រោះដោយសារទឹកជំនន់ក្នុងឃុំស្អាងភ្នំ និងឃុំក្រាំងយ៉ូវចំនួន៥៤៦គ្រួសារ បានទទួលអំណោយ របស់សម្តេចតេជោ ហ៊ុន សែន នាយករដ្ឋមន្ត្រី តាមរយៈឯកឧត្តម ប្រាក់ សុខុន ឧបនាយករដ្ឋមន្ត្រី រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិ និងជាអនុប្រធានក្រុមការងាររាជរដ្ឋាភិបាលចុះជួយខេត្តកណ្តាល ។ការចែកអំណោយជូនដល់ប្រជាពលរដ្ឋទាំង២ឃុំបានធ្វើឡើង នៅព្រឹកថ្ងៃទី២២ ខែតុលាឆ្នាំ ២០២០នេះ ស្ថិតវត្តសាលាអណ្តែតហៅវត្តអណ្តូងស្ថិតក្នុងភូមិអណ្តូង ឃុំក្រាំងយ៉ូវ ស្រុកស្អាង ខេត្តកណ្ដាល ។សូមជម្រាបថា ក្នុងចំណោមប្រជាពលរដ្ឋទាំង៥៤៦គ្រួសារ មានប្រជាពលរដ្ឋ២៦៧គ្រួសារមកពីឃុំស្អាងភ្នំ និង២៧៩គ្រួសារ នៅឃុំក្រាំងយ៉ូវ ។ ថ្លែងក្នុងពិធីចែកអំណោយនេះ ឯកឧត្តម ប្រាក់ សុខុន បានមានប្រសាសន៍ផ្ដាំផ្ញើការសួរសុខទុក្ខពីសម្តេចតេជោ និងបានបញ្ជាក់ថា ការជួយនេះ គឺពុំមានរើសអើងនិន្នាការនយោបាយនោះទេ ។ឯកឧត្តម ក៏បានជំរុញឲ្យប្រជាពលរដ្ឋថែរក្សាសុខភាព ប្រយ័ត្នកុមារតូចៗកុំឲ្យលេងទឹក ជាពិសេសទីណាមានទុក្ខ ទីនោះមានសម្តេចតេជោ ទៅជួយ ទីណាមានទុក្ខ ទីនោះមានគណបក្សប្រជាជនកម្ពុជាទៅជួយ ទីណាមានទុក្ខ គឺទីនោះមានក្រុមការងារគណបក្សប្រជាជនកម្ពុជាទៅជួយ ៕

កូរ៉េ ផ្ដល់ថវិកាជាង១លានក្នុង១ឆ្នាំ សម្រាប់អភិវឌ្ឍន៍វិស័យសុខាភិបាលនៅកម្ពុជា

ភ្នំពេញ ៖ កូហ្វី ជាទីភ្នាក់ងារមួយរបស់រដ្ឋាភិបាលកូរ៉េ ដែលស្ថិតនៅក្រោមឱវាទក្រសួងសុខាភិបាលនិងសុខុមាលភាព នៃ សាធារណរដ្ឋកូរ៉េខាងត្បូង ផ្តោតសំខាន់លើវិស័យសុខាភិបាល ដែលបានសហការជាមួយក្រសួងសុខាភិបាល នៃ ព្រះរាជាណាចក្រកម្ពុជាតាំងពីឆ្នាំ ២០១១ ក្នុងការពង្រឹងប្រព័ន្ធសុខាភិបាល ជាពិសេសផ្នែក មាតាទារក និងកុមារ មកដល់បច្ចុប្បន្ន បានលើកកម្ពស់ផ្នែក មាតាទារក និងកុមារទៅលើខេត្តគោលដៅចំនួន៣ មានខេត្តពោធិ៍សាត់ ខេត្តប៉ៃលិន និងខេត្តបាត់ដំបង ។ការថ្លែងរបស់លោកវេជ្ជបណ្ឌិត គីម សាំងយន់ ប្រធានអង្គការ Kofi កូរ៉េ ប្រចាំកម្ពុជា យ៉ាងដូច្នេះ ក្នុងពិធីបើកវគ្គបណ្តុះបណ្តាលស្តីពី ការគ្រប់គ្រងឧបករណ៍ ពេទ្យ ដែលមានសិក្ខាកាមមក មន្ទីរពេទ្យបង្អែកនានា ។លោកវេជ្ជបណ្ឌិត គីម សាំងយន់ បានបន្តថា អង្គការ កូហ្វី បានផ្តល់ជាសម្ភារៈ ក៏ដូចជា ថវិកា ដល់មន្ទីរពេទ្យខេត្តទាំងបីខាងលើ ដែលគិតជាទឹកប្រាក់ ១.៥លានដុល្លារអាមេរិកជារៀងរាល់ឆ្នាំ ចាប់តាំងពីឆ្នាំ២០១១ដល់សព្វថ្ងៃនេះ ។ ទន្ទឹមនឹងនេះ កូហ្វី បានផ្តល់សេវាសុខាភិបាលនៅមូលដ្ឋាន ទាមទារចាំបាច់នូវការថែទាំសម្ភារៈ បរិក្ខារពេទ្យ ដូច្នេះហើយទើប កូហ្វី ធ្វើការគាំទ្រអោយមានវគ្គបណ្តុះបណ្តាល និងសិក្ខាសាលាស្តីពីការគ្រប់គ្រង និងការថែទាំសម្ភារៈដល់មន្ត្រីមន្ទីរពេទ្យ ក្នុងការថែទាំសម្ភារៈវេជ្ជសាស្ត្រ ។ សម្រាប់ផែនការអនាគត កូហ្វីនឹងសហការបន្ថែមជាមួយក្រសួងសុខាភិបាលកម្ពុជា ទៅលើជំងឺមិនឆ្លង ដែលជាគោលការណ៍ ធ្វើយ៉ាងណាឱ្យប្រព័ន្ធសុខាភិបាលកាន់នៅកម្ពុជាកាន់ល្អតែប្រសើរ ។ជាមួយគ្នានោះដែរ លោកស្រី វេជ្ជបណ្ឌិត គឹម រ័ត្ននា ប្រធានមន្ទីរពេទ្យជប៉ុន បានថ្លែងអំណរគុណចំពោះអង្គការកូហ្វី ដែលតែងតែផ្តល់ការបណ្តុះបណ្តាលជំនាញផ្សេងៗ ក៏ដូចជា ជំនាញថែទាំសម្ភារៈបរិក្ខារវេជ្ជសាស្ត្រនាពេលនេះ ។ លោកស្រីវេជ្ជបណ្ឌិត ក៏បានផ្ដាំផ្ញើសូមអោយសិក្ខាកាមទាំងអស់ខិតខំសិក្សារៀនសូត្រ ព្រោះវា មានសារៈសំខាន់ណាស់ក្នុងការទទួលបាន បច្ចុប្បន្នភាព ឧបករណ៍ នៅតាមមន្ទីរពេទ្យនីមួយៗ ដូចជា ចំនួនឧបករណ៍ ស្ថានភាពប្រើប្រាស់ ស្ថានភាពដំណើរការ ហើយក្រសួងមានការងាយស្រួលធ្វើផែនការទប់ស្កាត់ ជំងឺឆ្លងផ្សេងៗ ដោយមានទិន្នន័យឧបករណ៍ពេទ្យច្បាស់លាស់ផងដែរ ៕អត្ថបទ ៖ រដ្ឋា

សម្តេចតេជោ ថ្លែងថា ពេលមានទុក្ខ មានមុខសម្តេច និងមន្ត្រីគណបក្សប្រជាជនកម្ពុជា

បន្ទាយមានជ័យ ៖ សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានថ្លែងថា ពេលណាមានទុក្ខ គឺមានមុខសម្តេច រួមនឹងមន្ត្រីគណបក្សប្រជាជននៅគ្រប់កាលៈទេសៈ។សម្តេចតេជោ ហ៊ុន សែន ប្រមុខរាជរដ្ឋាភិបាលកម្ពុជា នៅព្រឹកថ្ងៃទី២២ ខែតុលានេះ បានបន្តអញ្ជើញសួរសុខទុក្ខ និងចែកអំណោយដល់ប្រជាពលរដ្ឋរងគ្រោះទឹកជំនន់ ក្នុងខេត្តបន្ទាយមានជ័យ ដែលក្នុងពិធីនេះ ជាមួយនឹងការ ពាំនាំនូវព្រះរាជបណ្តាំផ្ញើពីអង្គព្រះមហាក្សត្រ និងសម្តេចម៉ែ ដែលតែងតែយកព្រះទ័យគិតគូរពីសុខទុក្ខ របស់ប្រជារាស្ត្រ និងបានបង្ហាញពីការអាណិត និងចូលរួមមរណទុក្ខ និងការលំបាករបស់ប្រជាពលរដ្ឋរងគ្រោះទឹកជំនន់នោះ សម្តេចតេជោ បានបញ្ជាក់ថា វត្តមានរបស់សម្តេច និងថ្នាក់ដឹកនាំទាំងអស់នៅទីនេះ បានបង្ហាញថា គណបក្សប្រជាជន កម្ពុជា រួមសុខរួមទុក្ខជាមួយប្រជាជននៅគ្រប់កាលៈទេសៈ។សម្តេចតេជោ បានរម្លឹកថា រយៈពេល១០ខែនេះ បានលេចឡើងនូវការទទួលខុសត្រូវរបស់មន្ត្រីគ្រប់ថ្នាក់ និងការចូលរួមរបស់ប្រជាជន ដែលធ្វើតាមការណែនាំ របស់ក្រសួងសុខាភិបាល ដើម្បីកុំឱ្យកូវីដ–១៩ ឆ្លងចូលសហគមន៍ ។ ដល់ពេលទឹកជំនន់ ស្រុះគ្នាចេញធ្វើសកម្មភាព ជួយពលរដ្ឋរងគ្រោះ។ មិនមែនតែប្រទេសខ្មែរទេ ប្រទេសជឿនលឿន សូម្បីតែប្រទេសជប៉ុន ក៏មិនអាចបញ្ជាអាកាសធាតុបានដែរ។ នេះហើយដែលហៅថា គ្រោះធម្មជាតិនោះ ហើយសម្រាប់កម្ពុជា សំណាងហើយដែលមិនមានគ្រោះរញ្ជួយផែនដី។ក្នុងបញ្ហាគ្រោះធម្មជាតិនេះ សម្តេចក៏យកឱកាសថ្លែងការសរសើរជាថ្មីដល់អាជ្ញាធរខេត្ត ស្រុក ឃុំភូមិ និងកង កម្លាំងពាក់ព័ន្ធ សប្បុរសជន ទាំងអស់ដែលរួមគ្នាដោះស្រាយបញ្ហាដ៏លំបាកនេះ ហើយបន្ទាប់ពីនេះទៅ ត្រូវដោះស្រាយស្តារការខូចខាតឡើងវិញ។ ប្រជាពលរដ្ឋស្តារការដាំដុះ រដ្ឋគិតគូរផ្តល់ពូជស្រូវ ពូជដំណាំផ្សេងៗ និងជួសជុលផ្លូវ ទំនប់ ប្រឡាយ សាលារៀន មន្ទីរពេទ្យ ជាដើម ហើយសម្តេច ក៏បានបញ្ជាក់ថា ការជួយនៅថ្ងៃនេះ គឺគ្រាន់តែជាផ្នែកតូចមួយនៃអន្តរាគមន៍ចំពោះមុខតែប៉ុណ្ណោះ បន្ទាប់ពីនេះ នឹងមានអន្តរាគមន៍ជាច្រើនទៀតពីរាជរដ្ឋាភិបាល៕

សិស្សានុសិស្សស្រុកជាំក្សាន្តផ្លាស់ប្ដូរទម្លាប់ការចូលរៀនសូត្រតាមគន្លងថ្មីក្នុងបរិបទកូវីដ បានល្អប្រសើរ

ព្រះវិហារ ៖ បន្ទាប់ពីក្រសួងអប់រំយុវជន និងកីឡាបានប្រកាសអោយមានសាលាសាធារណៈបើកដំណើរសិក្សាឡើងវិញ មកដល់ពេលនេះ បណ្តាសិស្សានុសិស្សនៅក្នុងវិទ្យាល័យ ហ៊ុន សែន ជាំក្សាន្ត ក៏ដូចជាសិស្សានុសិស្សនៅតាមសាលារៀននានាទៀត ក្នុងខេត្តព្រះវិហារ បានអនុវត្តរបៀបនៃការចូលរៀនសូត្រតាមបែបថ្មីបានល្អប្រសើរជាពិសេសគឺការវាស់កំដៅមុនពេលចូលបរិវេណសាលា ពាក់ម៉ាស និងឧស្សាហ៍លាងដៃ បន្ទាប់ពីបានប៉ះរបស់របររួមគ្នាជាដើម។បើតាមកញ្ញា ហូយ ចិន្តាលី សិស្សវិទ្យាល័យហ៊ុនសែន ជាំក្សាន្ត បានថ្លែងប្រាប់BTV នៅថ្ងៃទី២២ ខែតុលានេះថា សម្រាប់ការចូលរៀនសូត្រឡើងវិញតាមបែបថ្មីដើម្បីបង្ការទប់ស្កាត់មេរោគ COVID-19 ដែលមានការវាស់កំដៅ ពាក់ម៉ាស់ អង្គុយរក្សាគម្លាតគ្នា និងឧស្សាហ៍លាងដៃ ទឹកសាប៊ូ អាកុល ជែល ជាដើម គឺវាបានក្លាយជាទម្លាប់មួយដែលមិនអាចខ្វះបានក្នុងការពារខ្លួនរួចពីមេរោគ COVID-19 ជាពិសេសនៅពេលចូលសាលារៀន និង នៅតាមទីសាធារណៈជាដើម។កញ្ញា ក៏ដូចសិស្សានុសិស្សផ្សេងទៀត បានថ្លែងថា សម្រាប់ការងារផ្លាស់ប្តូរទំលាប់ចូលរៀនតាមបែបថ្មី ភាគច្រើនគឺសិស្សានុសិស្សទាំងអស់អាចអនុវត្តបាន ប៉ុន្តែការកែតម្រូវម៉ោងសិក្សាតាមបែបថ្មី គឺវាហាក់ដូចជា មានរយៈពេលខ្លី ដែលបញ្ហានេះ ធ្វើអោយគេពិបាកសិក្សាស្វែងយល់យកចំណេះដឹង។បើតាមលោកគ្រូគណិតវិទ្យា ចាន់ សុភក្ត្រា ក៏គ្រូនានាទៀត បានថ្លែងថា សម្រាប់ការសិក្សាតាមបែបថ្មីនេះ គ្រប់គ្រូទាំងអស់ បានតម្រូវអោយសិស្សានុសិស្សទាំងអស់ត្រូវអនុវត្តតាមបទបញ្ជាដែលសាលាបានដាក់ចេញ និងបានតម្រូវអោយសិស្សប្រកាន់ខ្ជាប់នូវវិធានអនាម័យដែលក្រសួងសុខាភិបាល និងក្រសួងអប់រំយុវជន និងកីឡា។នៅក្នុងឱកាសចុះត្រួតពិនិត្យការសិក្សារៀនសូត្រតាមបែបថ្មី នៅក្នុងវិទ្យាល័យ ហ៊ុន សែន ជាំក្សាន្តនេះ លោកជំទាវ ឱ វណ្ណឌីន រដ្ឋលេខាធិការក្រសួងសុខាភិបាល និងលោកស្រី លី អាយឡែន តំណាងអង្គការសុខភាពពិភពលោក ប្រកាសនៅកម្ពុជា បានថ្លែងកោតសរសើរខ្ពស់ចំពោះសិស្សានុសិស្ស និងលោកគ្រូអ្នកគ្រូ បានអនុវត្តវិធានអនាម័យ បង្ការទប់ស្កាត់ Covid-19 នៅក្នុងសាលារៀន និងការទប់ស្កាត់ការរាតត្បាត COVID-19 នៅក្នុងសហគមន៍ តាមរយៈការអប់រំផ្សព្វផ្សាយនៅក្នុងសាលារៀន ការបំពាក់សម្ភារៈវាស់កម្ដៅសិស្ស រៀបចំកែច្នៃរដាក់កន្លែងលាងដៃសិស្សដែលបញ្ហានេះ គឺបានជំរុញអោយសិស្សមានផ្លាស់ប្ដូរទម្លាប់ការរស់នៅតាមបែបថ្មីបានល្អប្រសើរ៕អត្ថបទ ៖ ស៊ុម សុខជា

អបអរសាទរទីក្រុងសៀមរាប ត្រូវបានជ្រើសរើសជាទីក្រុងវប្បធម៌អាស៊ាន សម្រាប់ឆ្នាំ ២០២១-២០២២

សៀមរាប ៖ ទីក្រុងសៀមរាប នៃព្រះរាជាណាចក្រកម្ពុជា ត្រូវបានប្រកាសជា ទីក្រុងវប្បធម៌អាស៊ាន ក្នុងកិច្ចប្រជុំលើកទី៩ រដ្ឋមន្ត្រីអាស៊ាន ទទួលបន្ទុកវប្បធម៌ និងសិល្បៈ។ ការជ្រើសរើសទីក្រុងសៀមរាប ជាទីក្រុងវប្បធម៌អាស៊ាន សម្រាប់ឆ្នាំ២០២១–២០២២ គឺដោយសារទីក្រុងសៀមរាប គឺជាអតីតរាជធានី នៃចក្រភពខ្មែរ សម្បូរទៅដោយមរតកវប្បធម៌ទាំងរូបី និងអរូបី និងជាគោលដៅទេសចរណ៍វប្បធម៌ ធម្មជាតិដ៏ល្បីល្បាញពាសពេញពិភពលោក របស់ព្រះរាជាណាចក្រកម្ពុជា។ នេះបើតាមការបញ្ជាក់ពីក្រសួងវប្បធម៌ និងវិចិត្រសិល្បៈ នាថ្ងៃទី ២២ ខែតុលា ឆ្នាំ២០២០ នេះ។ចាប់ពីឆ្នាំ២០០៨ មក នៅក្នុងកិច្ចប្រជុំរដ្ឋមន្ត្រីអាស៊ាន ទទួលបន្ទុកវប្បធម៌ និងសិល្បៈបានឯកភាពគ្នាឲ្យប្រទេសនីមួយដែលជាប្រធានប្តូរវេនដឹកនាំកិច្ចប្រជុំ ជ្រើសរើសទីក្រុងមួយរបស់ខ្លួនដើម្បីស្នើដាក់ជាទីក្រុងវប្បធម៌អាស៊ាន។ការកំណត់ទីក្រុងវប្បធម៌អាស៊ាន គឺធ្វើឡើងដើម្បីបង្ហាញពីអត្តសញ្ញាណអាស៊ាន និងភាពផ្សេងគ្នានៃវប្បធម៌របស់ប្រទេសនីមួយៗ ដែលជាសមាជិកអាស៊ាន។ ការជ្រើសរើសនេះ មានសុពលភាពរយៈពេល០២ឆ្នាំ។ទីក្រុងវប្បធម៌អាស៊ាន ដែលបានជ្រើសរើសកន្លងមករួមមាន១. ទីក្រុង Cebu នៃប្រទេសហ្វីលីពីន ចាប់ពីឆ្នាំ ២០១០ –២០១១២. ទីក្រុង Singapore នៃប្រទេស សិង្ហបុរី ចាប់ពីឆ្នាំ ២០១២–២០១៣៣. ទីក្រុង Hue នៃប្រទេសវៀតណាម ចាប់ពីឆ្នាំ ២០១៤–២០១៥៤. ទីក្រុង Bandar Seri Begawan នៃប្រទេសប្រ៊ុយណេ ចាប់ឆ្នាំ ២០១៦–២០១៧

បណ្ដាញសង្គម

ព័ត៌មានថ្មីៗ

ក្រសួងអភិវឌ្ឍន៍ជនបទ ចុះវាយតម្លៃការងារថែទាំខួបផ្លូវជាច្រើនខ្សែ នៅក្នុងខេត្តកំពង់ចាម

ICRC ថា ទាហានកម្ពុជា១៨រូប ដែលកំពុងស្ថិតក្រោមការឃុំខ្លួនរបស់ភាគីថៃនោះ គឺមានសុវត្ថិភាព និងមានសុខភាពល្អទាំងអស់គ្នា ..

ក្រុមធម្មយាត្រាអ៊ីរ៉ង់ ធ្វើដំណើរឆ្លងកាត់ព្រំដែនចូលទៅក្នុងប្រទេសអ៊ីរ៉ាក់ មុនពិធីបុណ្យសាសនា Arbaeen

មន្រ្តីជាន់ខ្ពស់ធនាគារជាតិដឹកនាំក្រុមការងារ គោរពវិញ្ញាណក្ខវិរកងទ័ពពលីក្នុងបុព្វហេតុជាតិ នៅខេត្តកំពង់ធំ

UNHCR ព្រមានពីការរីករាលដាលឆ្លងជំងឺអាសន្នរោគក្នុងចំណោមជនភៀសខ្លួនស៊ូដង់នៅប្រទេសឆាដ

សម្ដេចតេជោ អស់សំណើចក្រោយឭថាសាកលវិទ្យាល័យថៃមួយបានបោះឆ្នោតដកហូតសញ្ញាបត្រពីសម្ដេច ខណៈសម្ដេចបានបោះវាចោលចូលក្នុងបង្គន់តាំងពីឆ្នាំ២០០៨

ជនប៉ាឡេស្ទីន៖ តើឲ្យពួកយើងគួរទៅកន្លែងណា បើអ៊ីស្រាអែលគ្រប់គ្រងទីក្រុងហ្កាហ្សាហើយនោះ?

អ៊ីរ៉ាក់បដិសេធគ្មានចំណែករួមណាមួយ ក្នុងការរត់ពន្ធប្រេងជាប់ទណ្ឌកម្មរបស់អ៊ីរ៉ង់

លោក Merz៖ អាល្លឺម៉ង់ផ្អាកការនាំចេញយោធាដែលអាចត្រូវបានប្រើប្រាស់នៅហ្គាហ្សា

យុទ្ធនាការទ្រង់ទ្រាយធំ ៧ថ្ងៃនេះ ក្រសួងការងារផ្សាយពីឱកាសការងារដល់ពលករមកពីថៃ និងពលរដ្ឋជាង៦ម៉ឺននាក់ ខណៈអ្នកទទួលបានការងារភ្លាមជាង ១ម៉ឺននាក់

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

សម្តេចតេជោ ជំរុញដល់គ្រប់គណបក្សនយោបាយ ចូលរួមផ្ដល់ជំនួយដល់ពលរដ្ឋរងគ្រោះដោយទឹកជំនន់ ដោយមិនគិតពីនិន្នាការ

ក្រុមមេធាវីស្ម័គ្រចិត្តសម្ដេចតេជោ នាំយកអំណោយជួយពលរដ្ឋរងគ្រោះទឹកជំនន់នៅស្រុកបាទី

បញ្ហាទឹកជំនន់មិនប៉ះពាល់ដល់ការប្រឡងបាក់ឌុប និងមិនប៉ះពាល់ការត្រៀមបើកសាលារៀនដំណាក់កាលទី៣

ពលរដ្ឋរស់នៅខណ្ឌដង្កោ ដែលប៉ះពាល់ដោយជំនន់ទឹកភ្លៀង ផ្តើមសម្អាតផ្ទះ សម្បែង ក្រោយទឹកបន្តស្រក

កូរ៉េ ផ្ដល់ថវិកាជាង១លានក្នុង១ឆ្នាំ សម្រាប់អភិវឌ្ឍន៍វិស័យសុខាភិបាលនៅកម្ពុជា

សម្តេចតេជោ ថ្លែងថា ពេលមានទុក្ខ មានមុខសម្តេច និងមន្ត្រីគណបក្សប្រជាជនកម្ពុជា

សិស្សានុសិស្សស្រុកជាំក្សាន្តផ្លាស់ប្ដូរទម្លាប់ការចូលរៀនសូត្រតាមគន្លងថ្មីក្នុងបរិបទកូវីដ បានល្អប្រសើរ

អបអរសាទរទីក្រុងសៀមរាប ត្រូវបានជ្រើសរើសជាទីក្រុងវប្បធម៌អាស៊ាន សម្រាប់ឆ្នាំ ២០២១-២០២២

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

ក្រុម​មេធាវី​ស្ម័គ្រចិត្ត​សម្ដេច​តេ​ជោ​ នាំ​យក​អំណោយ​ជួយ​​ពលរដ្ឋ​រងគ្រោះ​ទឹកជំនន់​នៅ​ស្រុក​បាទី

ពលរដ្ឋ​រស់នៅ​ខណ្ឌដង្កោ ដែល​ប៉ះពាល់​ដោយ​ជំនន់​ទឹកភ្លៀង ផ្តើម​សម្អាតផ្ទះ សម្បែង ក្រោយ​ទឹក​បន្ត​ស្រក​

កូរ៉េ ​ផ្ដល់​ថវិកា​ជាង​១​លានក្នុង​១​ឆ្នាំ​ សម្រាប់​អភិវឌ្ឍន៍​​វិស័យ​សុខាភិបាល​នៅ​កម្ពុជា

សម្តេច​តេ​ជោ​ ថ្លែង​ថា​ ពេល​មានទុក្ខ ​មានមុខ​សម្តេច ​និង​មន្ត្រី​គណបក្ស​ប្រជាជន​កម្ពុជា

អបអរសាទរ​ទីក្រុង​សៀមរាប ត្រូវ​បាន​ជ្រើសរើស​ជាទី​ក្រុង​វប្បធម៌​អាស៊ាន ​សម្រាប់​ឆ្នាំ ២០២១-២០២២

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

ក្រុមមេធាវីស្ម័គ្រចិត្តសម្ដេចតេជោ នាំយកអំណោយជួយពលរដ្ឋរងគ្រោះទឹកជំនន់នៅស្រុកបាទី

ពលរដ្ឋរស់នៅខណ្ឌដង្កោ ដែលប៉ះពាល់ដោយជំនន់ទឹកភ្លៀង ផ្តើមសម្អាតផ្ទះ សម្បែង ក្រោយទឹកបន្តស្រក

កូរ៉េ ផ្ដល់ថវិកាជាង១លានក្នុង១ឆ្នាំ សម្រាប់អភិវឌ្ឍន៍វិស័យសុខាភិបាលនៅកម្ពុជា

សម្តេចតេជោ ថ្លែងថា ពេលមានទុក្ខ មានមុខសម្តេច និងមន្ត្រីគណបក្សប្រជាជនកម្ពុជា

អបអរសាទរទីក្រុងសៀមរាប ត្រូវបានជ្រើសរើសជាទីក្រុងវប្បធម៌អាស៊ាន សម្រាប់ឆ្នាំ ២០២១-២០២២