នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ក្រសួងអភិវឌ្ឍន៍ជនបទ កសាងហេដ្ឋារចនាសម្ព័ន្ធ ជួយសម្រួលជីវភាពពលរដ្ឋ​នៅគម្រោងដី​សម្បទាន​សង្គមកិច្ច​ក្នុងភូមិសាស្ត្រាស្រុកចន្ទ្រា ខេត្តស្វាយរៀង
ប្រធានក្រុមការងារគណបក្សចុះមូលដ្ឋាន អញ្ជើញបើកការដ្ឋានសាងសង់​ផ្លូវលំ​ប្រវែង ៥.៧០០​ម៉ែត្រ ស្ថិតក្នុងស្រុកប្រាសាទបល្ល័ង្ក ខេត្តកំពង់ធំ
សម្ដេចតេជោ ចាត់ទុក អតីតរដ្ឋមន្ត្រីការពារជាតិវៀតណាម ជាមិត្តចាស់របស់កម្ពុជា
ឯកឧត្តម ចាយ បូរិន អញ្ជើញចុះសួរសុខទុក្ខនិងនាំយកអំណោយដ៏ថ្លៃថ្លារបស់ សម្តេចមហាបរធិបតី ហ៊ុន ម៉ាណែត និង លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ជូនឯកឧត្តម កង ណម នៅគេហដ្ឋាន

នយោបាយ​ និង ការអភិវឌ្ឍន៍

លោក ពូទីន ទទួលបានការស្វាគមន៍យ៉ាងកក់ក្ដៅនៅកូរ៉េខាងជើង ក្នុងជំនួបជាមួយលោក គីម

2024/06/19 02:39:48 pm        171
Facebook Telegram Linkin
ហ្វូងមនុស្សប្រមូលផ្ដុំអបអរសាទរ និងពិធីដ៏អធិកអធម ត្រូវប្រារព្ធឡើងដើម្បីស្វាគមន៍ប្រធានាធិបតីរុស្ស៊ី លោក វ្ល៉ាឌីមៀ ពូទីន (Vladimir Putin) នៅទីក្រុងព្យុងយ៉ាង នៅថ្ងៃពុធ (១៩ មិថុនា) នេះ ជាទីដែលលោកបានជួបជាមួយមេដឹកនាំកូរ៉េខាងជើង លោក គីម ជុងអ៊ុន (Kim Jong Un) សម្រាប់កិច្ចប្រជុំកំពូលដ៏កម្រមួយ ក្នុងគោលបំណងបង្កើតភាពជាដៃគូ ដើម្បីទប់ទល់នឹងសម្ពាធ និងទណ្ឌកម្មរបស់សហរដ្ឋអាមេរិក។វីដេអូដែលផ្សាយដោយប្រព័ន្ធផ្សព្វផ្សាយរុស្ស៊ីបានបង្ហាញ ឆ្មាំកិត្តិយស រួមទាំងវត្តមានទាហានដ៏ច្រើនសន្ធឹក និងហ្វូងជនស៊ីវិលយ៉ាងអ៊ូរអរបានប្រមូលផ្តុំគ្នានៅទីលានចតុរង្គក្បែរទន្លេ តែដុង (Taedong) ដែលហូរកាត់រដ្ឋធានីនេះ។ ទិដ្ឋភាពនោះរួមមានកុមារកាន់ប៉េងប៉ោងនៅតាមផ្លូវ និងរូបគំនូរធំៗរបស់មេដឹកនាំទាំងពីរដែលមានទង់ជាតិប្រទេស ត្រូវបានតុបតែងក្នុងសាលសិក្សារបស់សភាប្រជាជនដ៏ធំ។ប្រព័ន្ធផ្សព្វផ្សាយរុស្ស៊ីបាននិយាយថា បន្ទាប់មកលោក គីម និងលោក ពូទីន បានជិះរថយន្តទៅកាន់វិមាន គូមស៊ូសាន (Kumsusan) សម្រាប់កិច្ចពិភាក្សាកំពូល។ ទីភ្នាក់ងារសារព័ត៌មានរដ្ឋរុស្ស៊ី RIA បានដកស្រង់សម្តីលោក ពូទីន ដែលបាននិយាយនៅពេលចាប់ផ្តើមកិច្ចចរចាជាមួយលោក គីម ថា «យើងសូមកោតសរសើរយ៉ាងខ្លាំងចំពោះការគាំទ្រដ៏ជាប់លាប់ និងឥតងាករេរបស់អ្នកចំពោះគោលនយោបាយរុស្ស៊ី រួមទាំងក្នុងទិសដៅរបស់អ៊ុយក្រែន»។ ប្រព័ន្ធផ្សព្វផ្សាយនោះរាយការណ៍ថា លោក ពូទីន បាននិយាយថា ទីក្រុងមូស្គូ កំពុងប្រយុទ្ធប្រឆាំងនឹងគោលនយោបាយចក្រពត្តិនិយមអនុត្តរភាពរបស់សហរដ្ឋអាមេរិក និងសម្ព័ន្ធមិត្ត។លោក គីម បាននិយាយថា ទំនាក់ទំនងកូរ៉េខាងជើង និងរុស្ស៊ី កំពុងឈានចូលដល់ដំណាក់កាលនៃការចេញផ្លែផ្កាថ្មី។ លោក ពូទីន កំពុងធ្វើទស្សនកិច្ចនៅរដ្ឋធានីកូរ៉េខាងជើង ជាលើកដំបូងក្នុងរយៈពេល ២៤ ឆ្នាំ ដែលជាដំណើរមួយទំនងជានឹងផ្លាស់ប្តូរទំនាក់ទំនងជាច្រើនទសវត្សរ៍រវាងរុស្ស៊ី-កូរ៉េខាងជើង ក្នុងពេលប្រទេសទាំងពីរប្រឈមមុខនឹងភាពឯកោពីអន្តរជាតិ៕

ហ្វីលីពីន៖ ពាក្យសម្ដីរបស់ចិន មិនត្រូវគ្នានឹងសកម្មភាពនៅសមុទ្រចិនខាងត្បូងទេ

2024/06/19 02:20:40 pm        64
Facebook Telegram Linkin
ក្រសួងការបរទេសហ្វីលីពីន បាននិយាយនៅថ្ងៃពុធ (១៩ មិថុនា) នេះថា ប្រទេសចិន ត្រូវតែជៀសវាងសកម្មភាពដែលបង្កគ្រោះថ្នាក់ដល់នាវិក និងនាវានៅក្នុងសមុទ្រចិនខាងត្បូង ដោយបន្ថែមថា សន្តិភាពមិនអាចសម្រេចបានទេ ប្រសិនបើពាក្យសម្ដីរបស់ចិនមិនត្រូវគ្នានឹងអាកប្បកិរិយារបស់ខ្លួននៅក្នុងដែនទឹកដែលមានជម្លោះ។ក្រសួងការបរទេសហ្វីលីពីនបាននិយាយថា ខ្លួន «ថ្កោលទោសចំពោះសកម្មភាពខុសច្បាប់ និងកម្រោល» របស់អាជ្ញាធរចិន ដែលបណ្តាលឱ្យមានរបួសដល់បុគ្គលិក និងមានការខូចខាតនាវាក្នុ ងអំឡុងពេលបេសកកម្មផ្គត់ផ្គង់ឡើងវិញជាប្រចាំរបស់ទីក្រុងម៉ានីល នៅសមុទ្រចិនខាងត្បូងកាលពីថ្ងៃទី១៧ ខែមិថុនា។ក្រសួងបានបន្តថា «ស្របតាមការប្តេជ្ញាចិត្តក្នុងការស្វែងរកសន្តិភាព ហ្វីលីពីនបាននឹងកំពុងខិតខំប្រឹងប្រែងដើម្បីកសាងឡើងវិញនូវបរិយាកាសអំណោយផលសម្រាប់ការសន្ទនា និងការពិគ្រោះយោបល់ជាមួយចិន ស្តីពីសមុទ្រចិនខាងត្បូង ហើយសន្តិភាពមិនអាចសម្រេចបានទេប្រសិនបើពាក្យសម្ដីរបស់ចិន មិនត្រូវគ្នានឹងសកម្មភាពរបស់ពួកគេនៅលើដែនទឹក»។ ក្រសួងក៏បានអំពាវនាវឱ្យចិន គោរពអធិបតេយ្យភាព សិទ្ធិអធិបតេយ្យភាព និងយុត្តាធិការរបស់ហ្វីលីពីននៅក្នុងដែនទឹករបស់ខ្លួន។ ហ្វីលីពីន មានជម្លោះដែនទឹកដ៏យូរលង់ជាមួយចិន ដែលទាមទារស្ទើរតែទាំងអស់នៃសមុទ្រចិនខាងត្បូង ដែលជាច្រកសម្រាប់ពាណិជ្ជកម្មនាវាប្រចាំឆ្នាំជាង ៣ សែនកោដិ៍ដុល្លារ៕

ប្រជាជនកូរ៉េខាងត្បូង ព្រួយបារម្ភចំពោះដំណើរទស្សនកិច្ចរបស់លោកពូទីន ទៅកាន់ទីក្រុងព្យុងយ៉ាង

2024/06/19 12:49:51 pm        122
Facebook Telegram Linkin
ប្រជាជនកូរ៉េខាងត្បូងមួយចំនួន បានសម្តែងការព្រួយបារម្ភ ខណៈប្រធានាធិបតីរុស្ស៊ី លោក វ្ល៉ាឌីមៀ ពូទីន ត្រូវបានទទួលស្វាគមន៍នៅទីក្រុងព្យុងយ៉ាង ប្រទេសកូរ៉េខាងជើង កាលពីថ្ងៃពុធ ទី១៩ មិថុនា។លោកពូទីន បានធ្វើទស្សនកិច្ចទៅកាន់រដ្ឋធានីប្រទេសកូរ៉េខាងជើងជាលើកដំបូង ក្នុងរយៈពេល២៤ ឆ្នាំកន្លងទៅ ហើយដំណើរទស្សនកិច្ចនេះ ទំនងជានឹងកែប្រែស្ថានភាពទំនាក់ទំនងរុស្ស៊ី-កូរ៉េខាងជើង ជាច្រើនទសវត្សរ៍មកនេះ ក្នុងពេលដែលប្រទេសទាំងពីរប្រឈមមុខទៅនឹងភាពឯកោអន្តរជាតិ។ប្រជាជនទីក្រុងសេអ៊ូលម្នាក់ បានពណ៌នាអំពីមិត្តភាពថ្មីរបស់ប្រទេសរុស្ស៊ី-កូរ៉េខាងជើងថា «គ្រោះថ្នាក់» ខណៈម្នាក់ទៀតបាននិយាយថា កិច្ចសហប្រតិបត្តិការយោធារបស់ទីក្រុងមូស្គូ ជាមួយទីក្រុងព្យុងយ៉ាងអាចជាមហន្តរាយដល់ទីក្រុងសេអ៊ូល។លោក Yuri Ushakov ទីប្រឹក្សាគោលនយោបាយការបរទេសរបស់ លោក ពូទីន ត្រូវបានទីភ្នាក់ងារសារព័ត៌មានរុស្ស៊ី Interfax ដកស្រង់សម្តីដែលបាននិយាយថា របៀបវារៈកាលពីថ្ងៃពុធនៅក្នុងទីក្រុងព្យុងយ៉ាង រួមមានការពិភាក្សាទល់មុខគ្នារវាងលោកពូទីន និងមេដឹកនាំកូរ៉េខាងជើង លោក គីម ជុងអ៊ុន ព្រមទាំងការទទួលទានអាហារមានការប្រគុំតន្ត្រី ការទទួលស្វាគមន៍រដ្ឋ កងកិត្តិយស ការចុះហត្ថលេខាលើឯកសារ និងសេចក្តីថ្លែងការណ៍ទៅកាន់ប្រព័ន្ធផ្សព្វផ្សាយ។

សម្ដេចធិបតី៖ កម្ពុជាជាគោលដៅវិនិយោគដ៏ទាក់ទាញបំផុត នៅក្នុងតំបន់អាស៊ាន

2024/06/19 12:45:06 pm        155
Facebook Telegram Linkin
ក្នុងឱកាសអញ្ជើញចូលរួមជាអធិបតី វេទិកាធុរកិច្ចកម្ពុជា-សិង្ហបុរី នៅប្រទេសសិង្ហបុរី នាព្រឹកថ្ងៃទី១៩ ខែមិថុនានេះដែរ សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា បានបញ្ជាក់ទៅកាន់បណ្ដាធុរជន និងវិនិយោគិននានានៅប្រទេសសិង្ហបុរីថា ប្រទេសកម្ពុជា បានឈររឹងមាំជាគោលដៅវិនិយោគដ៏ទាក់ទាញបំផុតនៅក្នុងតំបន់អាស៊ាន ជាមួយនឹងសន្ដិភាព និងស្ថេរភាពសដ្ឋកិច្ចសម្រាប់វិនិយោគិននានា។សម្ដេចធិបតី នាយករដ្ឋមន្រ្ដី មានប្រសាសន៍ថា រាជរដ្ឋាភិបាលកម្ពុជាបានប្ដេជ្ញាចិត្តក្នុងការកសាងបរិយាកាសអំណោយផលដល់ភាពជោគជ័យនៃការវិនិយោគដែលបង្កើតឡើងថ្មីលើគ្រប់វិស័យនៅកម្ពុជា។ ចំពោះការជំរុញបរិយាកាសវិនិយោគនេះ រាជរដ្ឋាភិបាលបាននឹងកំពុងនុវត្តការកែទម្រង់ស៊ីជម្រៅសម្រួលបទបញ្ញត្តិ និងនីតិវិធីក្នុងការបង្កើត​អាជីវកម្ម និងផ្ដល់ការលើកទឹកចិត្តផ្នែកពន្ធដារដល់វិនិយោគិនថ្មីថែមទៀត។ សម្ដេចធិបតីបញ្ជាក់ថា ច្បាប់ថ្មីស្ដីពីការវិនិយោគនៅកម្ពុជា បានផ្ដល់ការលើកទឹកចិត្ត និង​អនុគ្រោះផ្នែកពន្ធដាររហូតដល់ ១៥ ឆ្នាំ សម្រាប់វិស័យអាទិភាពជាច្រើន រួមជាមួយនឹងការធានា និងការការពារលើការវិនិយោគនានានៅកម្ពុជាដោយមិនមានការរើងអើងរវាងវិនិយោគិនក្នុងស្រុក និងបរទេស។បើតាមប្រសាសន៍សម្ដេចធិបតី នាយករដ្ឋមន្រ្ដី សិង្ហបុរី បានក្លាយជាដៃគូពាណិជ្ជកម្ម និងវិនិយោគដ៏ធំមួយរបស់កម្ពុជា ជាមួយនឹងការផ្លាស់ប្ដូរទំនិញ និងសេវាកម្មប្រកបដោយជវភាព។ ពាក់ព័ន្ធនឹងការវិនិយោគក្នុងឆ្នាំ ២០២៣ ក្រុមប្រឹក្សាអភិវឌ្ឍកម្ពុជា (CDC) បានអនុវត្តគម្រោង​វិនិយោគចំនួន ២៦៨ គម្រោង ក្នុងទំហំទឹកប្រាក់ជិត ៤,៩ ពាន់លានដុល្លារអាមេរិក ហើយក្នុង​រយៈពេល ៨ ខែដើមឆ្នាំ ២០២៤ CDC បានអនុម័តគម្រោងវិនិយោគសរុប ១៥៣ គម្រោង ក្នុងទំហំទឹកប្រាក់ ២,៧៥ ពាន់លានដុល្លារអាមេរិក។ ចំនួននេះបានកើនឡើងរហូតដល់៤ដង បើធៀបនឹងរយៈពេលដូចគ្នាក្នុងឆ្នាំ ២០២៣។ ក្នុងនោះសិង្ហបុរីតែងតែឋិតក្នុងប្រភពវិនិយោគពីបរទេសកំពូលទាំង ១០ របស់កម្ពុជា ដោយបានចូលរួមចំណែកជិត ២ ពាន់លានដុល្លារអាមេរិក ក្នុងទិដ្ឋភាពវិនិយោគរបស់កម្ពុជា។សម្ដេចធិបតីបញ្ជាក់ថា ការវិនិយោគរបស់សិង្ហបុរី បានដើរតួនាតីដ៏សំខាន់ ក្នុងការអភិវឌ្ឍកម្ពុជា ដោយបានជំរុញកំណើនក្នុងវិស័យជាច្រើនដូចជា កម្មន្តសាល អចលនទ្រព្យ និងបដិសណ្ឋារកិច្ច។ ក្រុមហ៊ុនល្បីៗរបស់សិង្ហបុរី ជាច្រើនបានចូលរួមបណ្ដាក់ទុនវិនិយោគដ៏រឹងមាំនៅកម្ពុជា ដែលការណ៍នេះ បង្ហាញពីភាពជោគជ័យ និងសក្ដានុពលនៃការវិនិយោគនៅកម្ពុជា៕ អត្ថបទ៖វ៉ន ដារ៉ា

សម្ដេចធិបតីបង្ហាញពីសក្ដានុពល និងផលប្រយោជន៍គម្រោងព្រែកជីកហ្វូណនតេជោដល់ធុរជននៅសិង្ហបុរី

2024/06/19 12:31:01 pm        140
Facebook Telegram Linkin
ក្នុងឱកាសអញ្ជើញចូលរួមជាអធិបតី វេទិកាធុរកិច្ចកម្ពុជា-សិង្ហបុរី នៅប្រទេសសិង្ហបុរី នាព្រឹកថ្ងៃទី១៩ ខែមិថុនានេះ សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា បានលើកឡើងពីសារៈសំខាន់ សក្ដានុពល និងផលយោជន៍នៃគម្រោងព្រែកជីកហ្វូនតេជោដល់ធុរជន និងវិនិយោគិននៅសិង្ហបុរី។ក្នុងឱកាសនោះសម្ដេចធិបតី នាយករដ្ឋមន្រ្ដី មានប្រសាសន៍បញ្ជាក់ពីកិច្ចខិតខំប្រឹងប្រែងរបស់រាជរដ្ឋាភិបាលក្នុងការពង្រីកការស្ថាបនាហេដ្ឋារចនាសម្ព័ន្ធ និងធនធានមនុស្ស ដើម្បីផ្ដល់ឱកាស និងភាពងាយស្រួល អំណោយផលដល់ការវិនិយោគនានានៅកម្ពុជា។ សម្ដេចធិបតីនាយករដ្ឋមន្រ្ដីបានបញ្ជាក់ថា បច្ចុប្បន្នកម្ពុជា មានហេដ្ឋារចនាសម្ព័ន្ធផ្លូវថ្នល់ស្អាត ការដឹកជញ្ជូនតាមផ្លូវទឹក ការពង្រីកកំពង់ផែទឹកជ្រៅ តាមបណ្ដាខេត្តជាប់សមុទ្រ និងការពង្រីកជើងហោះហើរត្រង់ទៅកាន់ប្រលានយន្តហោះអន្តរជាតិថ្មីរបស់កម្ពុជានៅភ្នំពេញ និងខេត្តគោលដៅមួយចំនួនទៀតផងដែរ។ សម្ដេចធិបតីថ្លែងទៅកាន់បណ្ដាធុរជន នៅក្នុងវេទិកាធុរកិច្ចកម្ពុជា-សិង្ហបុរីព្រឹកនេះថា ព្រែកជីកហ្វូណនតេជោ ដែលគ្រោងបើកការដ្ឋានសាងសង់នៅថ្ងៃទី៥ ខែសីហាខាងមុខនេះ នឹងពង្រឹងការតភ្ជាប់នៅក្នុងតំបន់ និងធានាប្រសិទ្ធភាពក្នុងការតភ្ជាប់ទៅក្នុងច្រករបៀងសេដ្ឋកិច្ចសំខាន់ៗរវាងកម្ពុជានិងទូទាំងតំបន់។ក្នុងឱកាសនោះសម្ដេចធិបតី នាយករដ្ឋមន្រ្ដីបញ្ជាក់ថា ការវិនិយោគលើហេដ្ឋារចនាសម្ព័ន្ធនានារបស់កម្ពុជា គឺជាយុទ្ធសាស្រ្ដមួយក្នុងការផ្ដល់ផលប្រយោជន៍ដោយផ្ទាល់ដល់ធុរកិច្ច លើការកាត់បន្ថយការចំណាយលើវិស័យឡូជីស្ទិក បង្កើនប្រសិទ្ធភាពប្រតិបត្តិការ ព្រមទាំងអនុញ្ញាតឱ្យធុរជនទាញយកអត្ថប្រយោជន៍បានយ៉ាងពេញលេញពីសក្ដានុពលយ៉ាងធំធេងនៃគម្រោងព្រែកជីកហ្វូណនតេជោនៅក្នុងទីផ្សារតំបន៕អត្ថបទ៖ វ៉ន ដារ៉ា

លោក Putin និងលោក Kim យល់ព្រមបង្កើតទំនាក់ទំនង បន្ទាយយុទ្ធសាស្ត្រ

2024/06/19 12:05:07 pm        127
Facebook Telegram Linkin
ប្រព័ន្ធផ្សព្វផ្សាយរដ្ឋកូរ៉េខាងជើងបានរាយការណ៍ថា លោកប្រធានាធិបតីរុស្ស៊ី Vladimir Putin និងមេដឹកនាំកូរ៉េខាងជើងលោក Kim Jong Un បានព្រមព្រៀងអភិវឌ្ឍន៍ទំនាក់ទំនងប្រទេសជាតិរបស់ខ្លួន ជាបន្ទាយយុទ្ធសាស្ត្រ ក្នុងអំឡុងកិច្ចប្រជុំនៅថ្ងៃដំបូងនៃដំណើរទស្សនកិច្ចរបស់លោក Putin ទៅកាន់ទីក្រុងព្យុងយ៉ាង នៅថ្ងៃពុធនេះ។យោងតាមរបាយការណ៍នានា សង្គ្រាមនិងអាវុធ ជាបៀបវារៈដ៏សំខាន់រវាងជំនួបនៃមេដឹកនាំទាំងពីរ។ លោក Kim បានស្វាគមន៍លោក Putin នៅព្រលឹមស្រាងៗ នៅអាកាសយានដ្ឋានក្រុងព្យុងយ៉ាង ដោយចាប់ដៃ ឱប និងរាក់ទាក់គ្នា នៅក្បែរយន្តហោះរបស់មេដឹកនាំរុស្ស៊ី។ បន្ទាប់មកមេដឹកនាំទាំងពីរបានជិះរថយន្ត ម៉ាក លីមូហ្ស៊ីន (limousine) ដូចគ្នា ហើយដើរជាមួយគ្នាចូលទៅក្នុងសណ្ឋាគាររបស់លោក Putin ។ លោក Putin ប្តេជ្ញាពង្រឹងទំនាក់ទំនងពាណិជ្ជកម្ម និងសន្តិសុខជាមួយរដ្ឋមានអាវុធនុយក្លេអ៊ែរមួយនេះ និងគាំទ្រប្រឆាំងនឹងសហរដ្ឋអាមេរិក។យោងតាមទីភ្នាក់ងារសារព័ត៌មានរដ្ឋ KCNA បានឱ្យដឹងថា ជំនួបរវាងមេដឹកនាំទាំងពីរបានបង្ហាញពី "ភាពស្ថិតស្ថេរ និងយូរអង្វែង" នៃមិត្តភាព និងឯកភាពរវាងកូរ៉េខាងជើង និងរុស្ស៊ី។ទីភ្នាក់ងារសារព័ត៌មានខាងលើនេះ បាននិយាយថា ទំនាក់ទំនងកូរ៉េខាងជើង-រុស្ស៊ី បានលេចចេញជាបន្ទាយយុទ្ធសាស្ត្រដ៏រឹងមាំសម្រាប់ការរក្សាយុត្តិធម៌ សន្តិភាព និងសន្តិសុខអន្តរជាតិ និងជាម៉ាស៊ីនសម្រាប់ពន្លឿនការកសាងពិភពលោកពហុប៉ូលថ្មីមួយ៕

មេដឹកនាំតៃវ៉ាន់៖ កោះនេះនឹងមិនឱនក្បាលចុះចាញ់សម្ពាធចិនឡើយ ហើយមានតែយោធាប៉ុណ្ណោះអាចរក្សាន្តិភាពជាមួយចិនបាន

2024/06/19 12:02:50 pm        38
Facebook Telegram Linkin
មេដឹកនាំកោះតៃវ៉ាន់ លោក ឡៃ ឆឹង-ទ័រ (Lai Ching-te) បាននិយាយនៅថ្ងៃពុធនេះថា ប្រទេសចិនកំពុងព្យាយាមបង្ខំកោះតៃវ៉ាន់ឱ្យចុះចូល ប៉ុន្តែកោះស្វ័យគ្រប់គ្រងមួយនេះ នឹងមិនចុះចាញ់នឹងសម្ពាធនោះទេ ហើយមានតែកម្លាំងយោធាទេ ដែលអាចរក្សាសន្តិភាពជាមួយចិនបាន។ចិន អះអាងកោះតៃវ៉ាន់ ជាផ្នែកនៃទឹកដីរបស់ខ្លួន ហើយបាននិយាយថា ខ្លួននឹងមិនបោះបង់ការប្រើកម្លាំងដើម្បីក្រសោបយកកោះនេះមកដាក់ក្រោមការគ្រប់គ្រងរបស់ក្រុងប៉េកាំងឡើយ។ក្នុងរយៈពេលប៉ុន្មានឆ្នាំចុងក្រោយនេះ ទីក្រុងប៉េកាំងបានបង្កើនសម្ពាធផ្នែកយោធា និងនយោបាយលើរដ្ឋាភិបាលក្រុងតៃប៉ិ ដោយការបង្ហាញកម្លាំងចុងក្រោយ រយៈពេលបីថ្ងៃបន្ទាប់ពីការស្បថចូលកាន់តំណែងរបស់មេដឹកនាំលោក ឡៃ នៅពេលប្រទេសចិនធ្វើល្បែងសង្គ្រាមជុំវិញកោះនេះ។ថ្លែងនៅក្នុងសន្និសីទសារព័ត៌មានមួយនៅថ្ងៃពុធនេះ គម្រប់រយៈពេលខែដំបូងក្នុងការចូលកាន់តំណែងរបស់ខ្លួន លោក Lai បាននិយាយថា ការបញ្ចូលតៃវ៉ាន់ គឺជាគោលនយោបាយជាតិរបស់សាធារណរដ្ឋប្រជាមានិតចិន។ការលើកឡើងរបស់លោក កើតឡើងបន្ទាប់ពីសហរដ្ឋអាមេរិក បានអនុម័តការលក់យានដ្រូន និងមីស៊ីលក្នុងទំហំទឹកប្រាក់ប្រមាណ៣៦០លានដុល្លារអាមេរិក ឲ្យទៅកោះតៃវ៉ាន់៕

ខ្លឹមសារសំខាន់ៗរបស់សម្តេចធិបតី ថ្លែងសុន្ទរក​ថា​ក្នុង « វេទិកាធុរកិច្ចកម្ពុជា-សិង្ហបុរី » ថ្ងៃទី១៩ ខែមិថុនា ឆ្នាំ២០២៤

2024/06/19 11:37:46 am        196
Facebook Telegram Linkin
សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃ​ព្រះរាជាណាចក្រកម្ពុជា នាព្រឹកថ្ងៃទី១៩ ខែមិថុនា ឆ្នាំ២០២៤នេះ បានអញ្ជើញអធិបតី និងថ្លែងសុន្ទរកថាគន្លឹះពី « វេទិកាធុរកិច្ចកម្ពុជា-សិង្ហបុរី» ដែលកម្មវិធីនេះបាន​រៀបចំ​ឡើង​​នៅប្រទេសសិង្ហបុរី។ ខ្លឹមសារសំខាន់ៗរបស់សម្តេចធិបតី ថ្លែង​ក្នុង « វេទិកាធុរកិច្ចកម្ពុជា-សិង្ហបុរី » ដែលមានខ្លឹមសារដូចខាងក្រោម៖ -ក្នុងឱកាសនោះ សម្ដេចធិបតី នាយករដ្ឋមន្រ្ដី បានបង្ហាញការស្វាគមន៍យ៉ាងកក់ក្ដៅ ចំពោះអ្នកវិនិយោគិនខ្មែរ និងសិង្ហបុរី ដែលបានអញ្ជើញចូលរួម ក្នុង «វេទិកាធុរកិច្ចកម្ពុជា-សិង្ហបុរី» នៅថ្ងៃទី១៩ ខែមិថុនា ឆ្នាំ២០២៤នេះ នៅប្រទេសសិង្ហបុរី។ -សម្ដេចក៏បានថ្លែងអំណរគុណដល់សភាពាណិជ្ជកម្មកម្ពុជា និងសហព័ន្ធធុរកិច្ចសិង្ហបុរី និងសភាពាណិជ្ជកម្មសិង្ហបុរីនៅកម្ពុជា និងសមាគមនអតីតសិស្សនិស្សិតខ្មែរនៅសិង្ហបុរី ចំពោះកិច្ចសហការដ៏មានតម្លៃសហការរៀបចំវេទិកាធុរកិច្ចនេះឡើង។ -សម្ដេចធិបតីបញ្ជាក់ថា វេទិកានេះ បានដើរតួសំខាន់ ក្នុងការពង្រឹងទំនាក់ទំនងសហគមធុរកិច្ចកម្ពុជា-សិង្ហបុរីឱ្យកាន់តែស៊ីជម្រៅ និងបង្កើតកាលានុវត្តភាពផ្ដល់ផលប្រយោជន៍ឱ្យគ្នាទៅវិញទៅមក ដើម្បី កម្ពុជា និងសិង្ហបុរី អាចរួមគ្នាជំរុញនវានុវត្តន៍ កសាងសេដ្ឋកិច្ចរឹងមាំ និងបង្កើតអនាគតប្រកបដោយវិបុលភាពបន្ថែមទៀតសម្រាប់ប្រជាជាតិប្រទេសទាំងពីរ។-សម្ដេចធិបតី នាយករដ្ឋមន្រ្ដីមានប្រសាសន៍ថា កម្ពុជា និងសិង្ហបុរី មានទំនាក់ទំនងយូរអង្វែង និងស៊ីជម្រៅ ដោយចាប់ផ្ដើតមតាំងពីកម្ពុជាទទួលស្គាល់ឯករាជភាពរបស់សិង្ហបុរី ក្នុងឆ្នាំ១៩៦៥។ ឈរលើមូលដ្ឋានគ្រឹះដែលបានកសាងឡើងដោយសម្ដេចព្រះនរោត្តមសីហនុ និងលោក លី ខ្វាន់យូ នាយករដ្ឋមន្រ្ដីទីមួយរបស់សិង្ហបុរី ភាពដៃគូដ៏រឹងមាំនេះ បានរឹតតែរឹងមាំថែមទៀតជាលំដាប់ក្នុងរយៈពេលកន្លងប៉ុន្មានទស្សវត្សរ៍មកនេះ ដោយយើងឃើញការរីកចម្រើនគួរឱ្យគត់សម្គាល់នៃទំនាក់ទំនងរបស់ប្រទេសទាំងពីរដែលត្រូវបានពង្រឹងដោយបានផ្លាស់ប្ដូរកម្រិតកំពូលជាញឹកញាប់ និងការប្ដេជ្ញាចិត្តរួមឆ្ពោះទៅកាន់ភាពរីកចម្រើន។-សម្ដេចធិតបីបញ្ជាក់ថា សិង្ហបុរី បានក្លាយជាដៃគូពាណិជ្ជកម្ម និងវិនិយោគដ៏ធំមួយរបស់កម្ពុជា ជាមួយនឹងការផ្លាស់ប្ដូរទំនិញ និងសេវាកម្មប្រកបជវភាព។ ពាក់ព័ន្ធនឹងការវិនិយោគក្នុងឆ្នាំ ២០២៣ ក្រុមប្រឹក្សាអភិវឌ្ឍកម្ពុជា (CDC) បានអនុវត្តគម្រោងវិនិយោគចំនួន ២៦៨ គម្រោង ក្នុងទំហំទឹកប្រាក់ជិត ៤,៩ ពាន់លានដុល្លារអាមេរិក។ ក្នុងរយៈពេល ៨ ខែដើមឆ្នាំ ២០២៤ CDC បានអនុម័តគម្រោងវិនិយោគសរុប ១៥៣ គម្រោង ក្នុងទំហំទឹកប្រាក់ ២,៧៥ ពាន់លានដុល្លារអាមេរិក។ ចំនួននេះបានកើនឡើងរហូតដល់ ៤ដង បើធៀបនឹងរយៈពេលដូចគ្នាក្នុងឆ្នាំ ២០២៣។-សម្ដេចធិបតីបញ្ជាក់ថា សិង្ហបុរីតែងតែឋិតក្នុងប្រភពវិនិយោគពីបរទេសកំពូលទាំង ១០ នៅក្នុងប្រទេសកម្ពុជា ក្នុងទស្សវត្សរ៍កន្លងមក ដោយបានចូលរួមចំណែកជិត ២ ពាន់លានដុល្លារអាមេរិក ក្នុងទិដ្ឋភាពវិនិយោគរបស់កម្ពុជា។ -សម្ដេចធិបតីបញ្ជាក់ថា ការវិនិយោគរបស់សិង្ហបុរី បានដើរតួនាតីដ៏សំខាន់ ក្នុងការអភិវឌ្ឍកម្ពុជា ដោយបានជំរុញកំណើនក្នុងវិស័យជាច្រើនដូចជា កម្មន្តសាល អចលនទ្រព្យ និងបដិសណ្ឋារកិច្ច។ ក្រុមហ៊ុនល្បីៗរបស់សិង្ហបុរី ជាច្រើនបានចូលរួមបណ្ដាក់ទុនវិនិយោគដ៏រឹងមាំនៅកម្ពុជា ដែលការណ៍នេះ បង្ហាញពីភាពជោគជ័យ និងសត្តានុពលនៃការវិនិយោគនៅកម្ពុជា។ -សម្ដេចធិបតី នាយករដ្ឋមន្រ្ដីបញ្ជាក់ថា កម្ពុជា និងសិង្ហបុរី មានកិច្ចសហការលើសពីពាណិជ្ជកម្ម និងការវិនិយោគទៅទៀត ប្រទេសទាំងពីរកំពុងសហការគ្នាក្នុងការជំរុញវិសយទសចរណ៍ កសាងហេដ្ឋារចនាសម្ព័ន្ធសំខាន់ៗ និងចាប់យកកាលានុវត្តភាពនានានៃបរិវត្តកម្មឌីជីថល។ -សម្ដេចធិបតីបន្ថែមថា កម្ពុជា-សិង្ហបុរី បានឹងកំពុងធ្វើការរួមគ្នាយ៉ាងសកម្មក្នុងការបង្កើនការអភិវឌ្ឍធនធានមនុស្ស ដើម្បីធានាថាកម្លាំងពលកម្មរបស់ប្រទេសទាំងពីរមានជំនាញ និងចំណេះដឹងស្របតាមតម្រូវការសេដ្ឋកិច្ចក្នុងសម័យទំនើប។ -សម្ដេចបន្តថា ការដាក់សម្ពោធមជ្ឈមណ្ឌលកិច្ចសហប្រតិបត្តិការ កម្ពុជា-សិង្ហបុរី នៅរាជធានីភ្នំពេញ ក្នុងខែសីហា ឆ្នាំ ២០២២ បានបង្ហាញពីកិច្ចសហប្រតិបត្តិការដ៏សំខាន់មួយក្នុងភាពជាដៃគូររវាងកម្ពុជា និងសិង្ហបុរី។ ធនធានមនុស្សដែលបានបណ្ដុះបណ្ដាលចេញពីមជ្ឈមណ្ឌលនេះ គឺជាសក្ខីភាពនៃការប្ដេជ្ញាចិត្តឥតងាករេរបស់ប្រទេសទាំងពីរចំពោះការផ្លាស់ប្ដូរចំណេះដឹង និងការកសាងសមត្ថភាព។-សម្ដេចធិបតីបញ្ជាក់ថា កម្ពុជាមានកំណើនសេដ្ឋកិច្ចដ៏គួរឱ្យស្ងប់ស្ងែង ដែលអត្រាកំណើនប្រចាំឆ្នាំជាមធ្យមជាង ៧% ក្នុងមួយឆ្នាំ ក្នុងរយៈពេលជាងពីរទសវត្សរ៍មុនការរាតត្បាតជំងឺកូវីដ-១៩។ ទោះបីជាមានការថមថយបន្ដិចនៅឆ្នាំ ២០២០ សេដ្ឋកិច្ចកម្ពុជា បានស្ទុះងើបឡើងវិញយ៉ាងឆាប់រហ័ស និងបង្ហាញភាពធន់គួរឱ្យគត់សម្គាល់ក្នុងឆ្នាំ២០២៣ និងឈានទៅសម្រេចបានតាមកំណើនអត្រា ៥% ក្នុងឆ្នាំ២០២៣ ជាមួយនឹងការព្យាការណ៍កំណើន៦ ៦% ក្នុងឆ្នាំ២០២៤។ -តាមរយៈកំណើនដ៏ឋិតថេរ និងភាពធន់ គួបផ្សំនឹងការកើនឡើងនៃការវិនិយោគពីបរទេសបានជំរុញឱ្យកម្ពុជាក្លាយជាប្រទេសឈានមុខមួយមានការរីកចម្រើននៅអាស៊ីអាគ្នេយ៍។ -រាជរដ្ឋាភិបាលកម្ពុជាបានប្ដេជ្ញាចិត្តក្នុងការកសាងបរិយាកាសអំណោយផលដល់ភាពជោគជ័យនៃនិយោគិន និងសហគ្រាសដែលត្រូវបានបង្កើតឡើងថ្មីលើគ្រប់វិស័យនៅកម្ពុជា។ ចំពោះការជំរុញបរិយាកាសវិនិយោគរាជរដ្ឋាភិបាលបាននឹងកំពុងនុវត្តការកែទម្រង់ស៊ីជម្រៅសម្រួលបទបញ្ញត្តិ និងនីតិវិធីក្នុងការបង្កើតអាជីវកម្ម និងផ្ដល់ការលើកទឹកចិត្តពន្ធដារដល់វិនិយោគិនថ្មីនៅកម្ពុជា។ -សម្ដេចធិបតីបញ្ជាក់ថា ច្បាប់ថ្មីស្ដីពីការវិនិយោគនៅកម្ពុជា បានផ្ដល់ការលើកទឹកចិត្ត និងអនុគ្រោះផ្នែកពន្ធដាររហូតដល់ ១៥ ឆ្នាំ សម្រាប់វិស័យអាទិភាពជាច្រើន រួមជាមួយនឹងការធានា និងការការពារលើការវិនិយោគនានានៅកម្ពុជាដោយមិនមានការរើងអើងរវាងវិនិយោគិនក្នុងស្រុក និងបរទេស។ -សម្ដេចធិបតីថ្លែងទៅកាន់ វេទិកាធុរកិច្ចកម្ពុជា-សិង្ហបុរី ថា ព្រែកជីកហ្វូណនតេជោ ដែលគ្រោងបើកការដ្ឋានសាងសង់នៅថ្ងៃទី៥ ខែសីហា ឆ្នាំ ២០២៤ ខាងមុខនេះ នឹងពង្រឹងការតភ្ជាប់នៅក្នុងតំបន់ និងធានាប្រសិទ្ធភាពក្នុងការតភ្ជាប់ទៅក្នុងច្រករបៀងសេដ្ឋកិច្ចសំខាន់ៗនៅកម្ពុជា និងទូទាំងតំបន់។-ការវិនិយោគជាយុទ្ធសាស្រ្ដទាំងនេះ បានផ្ដល់ផលប្រយោជន៍ដោយផ្ទាល់ដល់ធុរកិច្ច លើការកាត់បន្ថយការចំណាយលើវិស័យឡូជីស្ទិក បង្កើនប្រសិទ្ធភាពប្រតិបត្តិការ ព្រមទាំងអនុញ្ញាតឱ្យធុរជនទាញយកអត្ថប្រយោជន៍បានយ៉ាងពេញលេញពីសក្ដានុពលយ៉ាងធំធេងនៃគម្រោងព្រែកជីកហ្វូណនតេជោនេះនៅក្នុងទីផ្សារតំបន់។

សម្ដេចធិបតី ហ៊ុន ម៉ាណែត ទស្សនាវិទ្យាស្ថានពហុបច្ចេក​ទេសណានយ៉ាង និង​មជ្ឈមណ្ឌល​នវានុវត្តន៍ សម្រាប់ឧបករណ៍អេឡិចត្រូនិក និងអ៊ីនធឺណែត

2024/06/19 11:34:47 am        118
Facebook Telegram Linkin
នាព្រឹកថ្ងៃទី១៩ ខែមិថុនា ឆ្នាំ២០២៤ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានដឹកនាំគណៈប្រតិភូអញ្ជើញទស្សនកិច្ចនៅវិទ្យាស្ថានពហុបច្ចេកទេសណានយ៉ាង (Nanyang Polytechnic) ក្នុងឱកាសនៃដំណើរបំពេញទស្សនកិច្ចផ្លូវការ នៅសាធារណរដ្ឋសិង្ហបុរី ចាប់ពីថ្ងៃទី១៨-១៩ ខែមិថុនា ឆ្នាំ២០២៤។ វិទ្យាស្ថានពហុបច្ចេកទេសណានយ៉ាង អនុវត្តតាមគោលការណ៍សំខាន់ចំនួន ៣៖ (ទី១) ការបណ្តុះបណ្តាលជំនាញដល់សិក្ខាកាម ដើម្បីឆ្លើយតបទៅនឹងតម្រូវការជាក់ស្តែងរបស់ឧស្សាហកម្ម និងសហគ្រាស-Industry Focus, (ទី២) ការសិក្សា ជាមួយនឹងការអនុវត្តជាក់ស្តែង ដែលការបណ្តុះបណ្តាលលើសមត្ថភាព និងជំនាញ ឈរលើមូលដ្ឋាននៃការរៀនបណ្តើរ និងការអនុវត្តជាក់ស្តែងបណ្តើរ និង (ទី៣) ការពង្រឹងយន្តការនៃការរៀនសូត្រពេញមួយជីវិត(Life-long learning) ដើម្បីឆ្លើយតបទៅនឹងទីផ្សារការងារប្រកបដោយភាពបត់បែន និងតាមតម្រូវការជាក់ស្តែង ព្រមទាំងពង្រឹងសមត្ថភាពបន្ថែមតាមរយៈការរៀបចំជំនាញឡើងវិញ (Reskilling) និងការបង្កើនជំនាញ (Upskilling)។ចំណុចពិសេសនៃភាពជោគជ័យរបស់វិទ្យាស្ថានពហុបច្ចេកទេសណានយ៉ាង គឺការផ្តោតលើកិច្ចសហប្រតិបត្តិការ និងភាពជាដៃគូ ដ៏ជិតស្និទ្ធរវាងឧស្សាហកម្មក្នុងវិស័យនានានៃសេដ្ឋកិច្ចជាតិ និងវិទ្យាស្ថានបណ្តុះបណ្តាលបច្ចេកទេស តាមរយ:កិច្ចសហការក្នុងស្មារតីយោគយល់ នីងទទួលខុសត្រូវខ្ពស់ ទាំងក្នុងការរៀបចំកម្មវិធីសិក្សា ការសិក្សាអនុវត្តជាក់ស្តែង និង ទាំងការចំណាយថវិការួមគ្នាលើកម្មវិធីសិក្សា ជាដើម ៕

ក្រសួងវប្បធម៌ និងវិចិត្រសិល្បៈ ផ្តល់ឱកាសសម្រាប់យុវជន សិក្សាវគ្គបណ្តុះបណ្តាលភាពយន្តខ្លីកម្ពុជា២០២៤

2024/06/19 10:27:02 am        731
Facebook Telegram Linkin
នាយកដ្ឋានសិល្បៈភាពយន្ត និងផ្សព្វផ្សាយវប្បធម៌ នៃក្រសួងវប្បធម៌ និងវិចិត្រសិល្បៈ បានសហការជាមួយCambodia Film Commission និងCINÉ HUB រៀបចំវគ្គបណ្តុះបណ្តាលភាពយន្តខ្លីកម្ពុជា ២០២៤ ក្នុងគោលបំណងរួមចំណែកបណ្តុះបណ្តាលនិងពង្រឹងសមត្ថភាពយុវជន ដែលបានចំណាប់អារម្មណ៍ស្រលាញ់ ចូលរួមចំណែកក្នុងវិស័យភាពយន្តកម្ពុជា។ លោក ប៉ុក បូរក្ស ប្រធាននាយកដ្ឋានសិល្បៈភាពយន្ត និងផ្សព្វផ្សាយវប្បធម៌ បានថ្លែងប្រាប់BTV ព័ត៌មាន នាព្រឹកថ្ងៃទី១៩ ខែមិថុនា ឆ្នាំ២០២៤នេះថា តាមរយៈការបណ្តុះបណ្តាលជំនាញនេះ យើងមានធនធានយុវជនថ្មីៗ ដែលបានបោះជំហានចូលក្នុងវិស័យភាពយន្តកម្ពុជា។ ថ្វីត្បិតថាការបណ្តុះបណ្តាលមានរយៈពេលខ្លី ក៏ប៉ុន្តែវាជាការរួមចំណែកមួយយ៉ាងសំខាន់ ក្នុងការជម្រុញបណ្តុះគំនិត គិតស្រលាញ់របស់យុវជន ពិសេសផ្តល់ឱកាសជាលក្ខណៈបច្ចេកទេសភាព ហើយបោះជំហានចូលក្នុងការផលិតភាពយន្តទាំងខ្នាតខ្លី និងខ្នាតវែង នាពេលខាងមុខ។

បណ្ដាញសង្គម

ព័ត៌មានថ្មីៗ

លោក Rubio ទៅដល់បុរីវ៉ាទីកង់ ដើម្បីចូលគាល់សម្តេច ប៉ាប Leo XIV
05/07/2026 06:05 PM
Facebook Telegram Linkin
ប្រធានាធិបតីអ៊ីរ៉ង់ បញ្ជាក់ថា លោកទើបតែបានជួបជាមួយមេដឹកនាំកំពូល លោក Mojtaba Khamenei
05/07/2026 06:05 PM
Facebook Telegram Linkin
អតីតរដ្ឋមន្ត្រីការពារជាតិចិន ២រូប ត្រូវបានកាត់ទោសប្រហារជីវិតដោយមានការបន្ថយទោស ពាក់ព័ន្ធអំពើពុករលួយ
05/07/2026 06:05 PM
Facebook Telegram Linkin
អាជ្ញាធរភ្នំពេញផ្សព្វផ្សាយច្បាប់ប្រឆាំងការឆបោកតាមប្រព័ន្ធបច្ចេកវិទ្យា និងអនុក្រឹត្យលេខ ០៣ ដល់ម្ចាស់ទីតាំងស្នាក់នៅប្រមូលផ្តុំ ដើម្បីរួមគ្នាលុបបំបាត់បទល្មើសទាំងស្រុង
05/07/2026 06:05 PM
Facebook Telegram Linkin
កងទ័ពអ៊ីស្រាអែលអះអាងថា ខ្លួនបានវាយប្រហារគោលដៅក្រុមហេសបូឡាចំនួន ១៥កន្លែង នៅក្នុងប្រទេសលីបង់
05/07/2026 06:05 PM
Facebook Telegram Linkin
រុស្ស៊ីនឹងបំផ្លាញឧស្សាហកម្មរបស់អាល្លឺម៉ង់ និងអឺរ៉ុបទាំងមូល ប្រសិនបើសង្គ្រាមផ្ទុះឡើង
05/07/2026 06:05 PM
Facebook Telegram Linkin
អ៊ីរ៉ង់៖ គោលនយោបាយទិដ្ឋាការរបស់អាមេរិក មិនត្រូវប៉ះពាល់ដល់ក្រុមជម្រើសជាតិ ក្នុងព្រឹត្តិការណ៍ World Cup
05/07/2026 05:05 PM
Facebook Telegram Linkin
ប៉ាគីស្ថានព្រមានពីការឆ្លើយតបយ៉ាងខ្លាំងចំពោះការវាយប្រហារណាមួយ នៅខួបនៃការប៉ះទង្គិចជាមួយឥណ្ឌា
05/07/2026 05:05 PM
Facebook Telegram Linkin
ក្រុមសិទ្ធិមនុស្សអំពាវនាវរកជំនួយជួយដល់ជនស៊ីវិល នៅភាគខាងជើងប្រទេសមីយ៉ាន់ម៉ា
05/07/2026 05:05 PM
Facebook Telegram Linkin
ក្រសួងការបរទេស៖ ប៉ាគីស្ថានរំពឹងថា កិច្ចព្រមព្រៀង រវាងអាមេរិក និងអ៊ីរ៉ង់ នឹងកើតឡើងឆាប់ៗ
05/07/2026 05:05 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.