នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
លោកសាស្ត្រាចារ្យ Yang Jiemian៖ ការពង្រឹង និងពង្រីកកិច្ចសហប្រតិបត្តិការលើគ្រប់វិស័យ និងគ្រប់តួអង្គ ជាកត្តាគន្លឹះនៃទំនាក់ទំនងទ្វេភាគី ចិន-កម្ពុជា
មេបញ្ជាការរងកងទ័ពជើងគោកនៃសហព័ន្ធរុស្ស៊ី ប្ដេជ្ញាបន្តពូនជ្រំទំនាក់ទំនង និងកិច្ចសហប្រតិបត្តិការរវាងប្រទេសទាំងពីរ ឱ្យកាន់តែរឹងមាំ និងរីកចម្រើន
កម្ពុជា បារាំង ចង់បង្កើតនូវកិច្ចសហប្រតិបត្តិការ លើវិស័យសុខាភិបាល និងអាកាសចរស៊ីវិល បន្ថែមទៀត
សម្ដេចតេជោ៖ ទំនាក់ទំនងស្នូលកម្ពុជា-ជប៉ុន មិនអាចខ្វះបានឡើយ នូវផ្នែកសេដ្ឋកិច្ច ពាណិជ្ជកម្ម និងវិនិយោគ

នយោបាយ​ និង ការអភិវឌ្ឍន៍

សម្តេចតេជោ៖ តាំងពីថ្ងៃបដិសន្ធិមកគណបក្សប្រជាជនកម្ពុជា រួមសុខរួមទុក្ខជាមួយប្រជាពលរដ្ឋជានិច្ច

2024/06/28 02:02:51 pm        200
Facebook Telegram Linkin
ក្នុងឱកាសអបអរសាទរខួបលើកទី៧៣ឆ្នាំរបស់គណបក្សប្រជាជនកម្ពុជា នាថ្ងៃទី២៨ ខែមិថុនា ឆ្នាំ២០២៤នេះ សម្តេចតេជោ ហ៊ុន សែន ប្រធានគណបក្សប្រជាជនកម្ពុជា បានអះអាងថា តាំងពីចាប់បដិសន្ធិមកគណបក្សប្រជាជនកម្ពុជា មានឧត្តមគតិរបស់ខ្លួន គឺរួមសុខរួមទុក្ខជាមួយបងប្អូនប្រជាពលរដ្ឋជានិច្ច ហើយមួយវិញទៀតគណបក្សប្រជាជនកម្ពុជា គឺជាបង្អែកដ៏សំខាន់សម្រាប់ការកសាង និងអភិវឌ្ឍន៍ជាតិតាំងពីអតីតកាល បច្ចុប្បន្នកាល និងថ្ងៃអនាគត។តាមរយៈតេលេក្រាម និងហ្វេសបុក នាព្រឹកថ្ងៃទី២៨ ខែមិថុនា ឆ្នាំ២០២៤នេះ សម្តេចតេជោ ហ៊ុន សែន បានលើកឡើងថា «អបអរសាទរខួបទី៧៣ នៃការបង្កើតគណបក្សប្រជាជនកម្ពុជានៅថ្ងៃទី២៨ ខែមិថុនា ឆ្នាំ២០២៤នេះ ជាខួបទី៧៣ឆ្នាំ ថ្ងៃកំណើតបក្ស (២៨ មិថុនា ១៩៥១-២៨ មិថុនា ២០២៤)» ។សម្តេចប្រធានគណបក្សបានបញ្ជាក់ថា «ចាប់តាំងពីថ្ងៃបដិសន្ធិមកគណបក្សប្រជាជនកម្ពុជា បាន​ប្រកាន់ខ្ជាប់ជានិច្ចនូវគោលបំណង និងឧត្តមគតិរបស់ខ្លួន គឺឈរនៅជាមួយប្រជាជនផ្សារភ្ជាប់​រួមសុខទុក្ខជាមួយប្រជាជន ពុះពារជម្នះគ្រប់ឧបសគ្គ ហ៊ានធ្វើពលិកម្មឥតរុញរា ដើម្បីកម្ពុជា ឯករាជ្យ សន្ដិភាព សេរីភាព ប្រជាធិបតេយ្យ អព្យាក្រឹត្យ និងវឌ្ឍនភាពសង្គម។ គណបក្សប្រជាជនកម្ពុជាបានសាងស្នាដៃ និងគុណបំណាច់ដ៏ឧត្តមសម្រាប់ជាតិ និងប្រជាជនកម្ពុជា​មួយនេះ គឺជាកម្លាំងនយោបាយតែមួយគត់ ដែលបានក្រោកឈរតស៊ូ​ហើយបានប្រមូលផ្ដុំរាល់​កម្លាំង​ស្នេហាជាតិ បង្កើតឡើងរណសិរ្សសាមគ្គីសង្គ្រោះជាតិកម្ពុជា ដើម្បីបំផុស និងដឹកនាំចលនា​ប្រជាជននៅទូទាំងប្រទេស វាយផ្ដូលរំលំរបបប្រល័យពូជសាសន៍ ប៉ុល ពត»។ សម្តេចតេជោ ហ៊ុន សែន បានបញ្ជាក់អះអាងទៀតថា« គណបក្សប្រជាជនកម្ពុជា គឺជាបង្អែក​ដ៏សំខាន់សម្រាប់ការកសាង និងអភិវឌ្ឍន៍ជាតិតាំងពីអតីតកាល បច្ចុប្បន្នកាល និងថ្ងៃអនាគត»៕អត្ថបទបាន ចក់

រដ្ឋាភិបាលយេម៉ែននិយាយថា ក្រុមហ៊ូទី ដណ្តើមយកយន្តហោះយេម៉ែន៤គ្រឿង នៅអាកាសយានដ្ឋានសាណា

2024/06/27 09:18:28 pm        126
Facebook Telegram Linkin
រដ្ឋាភិបាល ដែលទទួលស្គាល់ជាអន្តរជាតិរបស់ប្រទេសយេម៉ែន បាននិយាយកាលពីថ្ងៃពុធថា ក្រុម ហ៊ូទី បានដណ្តើមយកយន្តហោះក្រុមហ៊ុនអាកាសចរណ៍យេម៉ែនចំនួន៤គ្រឿង នៅអាកាសយានដ្ឋានអន្តរជាតិ សាណា ដោយបានបង្អាក់ដល់ការធ្វើដំណើររបស់ក្រុមអ្នកធ្វើធម្មយាត្រា និងប្រតិបត្តិការរបស់ក្រុមហ៊ុនអាកាសចរណ៍។សេចក្តីថ្លែងការណ៍មួយ ដែលបានចេញផ្សាយដោយទីភ្នាក់ងារសារព័ត៌មានរដ្ឋ Saba បានអះអាង ថា ក្រុមឧទ្ទាម ហ៊ូទី បានដណ្តើមយកដោយខុសច្បាប់យន្តហោះចំនួន៣គ្រឿងពីក្រុមហ៊ុនដឹកជញ្ជូនបំពាក់ទង់ជាតិរបស់ប្រទេសកាលពីថ្ងៃអង្គារ ហើយយន្តហោះទី៤ ត្រូវបានឃាំងទុកអស់រយៈពេលប្រហែលមួយខែមកហើយ។ រដ្ឋាភិបាល និយាយថា យន្តហោះ ត្រូវបានប្រើប្រាស់ជាចម្បងសម្រាប់ការដឹកជញ្ជូនក្រុមអ្នកធ្វើធម្មយាត្រា រវាងប្រទេសអារ៉ាប៊ីសាអ៊ូឌីត និងទីក្រុងសាណា ដែលគ្រប់គ្រងដោយក្រុមហ៊ូទី។សេចក្តីថ្លែងការណ៍ បាននិយាយថា ក្រុមអ្នកធ្វើធម្មយាត្រាជនជាតិយេម៉ែនជាង១.៣០០នាក់ បច្ចុប្បន្ននេះបានជាប់គាំងនៅក្នុងប្រទេសអារ៉ាប៊ីសាអ៊ូឌីត ដោយសារតែការដណ្តើមយកយន្តហោះ។ដោយឡែក ក្រុមហ៊ុនអាកាសចរណ៍ Yemenia Airways បានសម្តែងការព្រួយបារម្ភអំពីផលប៉ះពាល់លើសុវត្ថិភាពផ្លូវអាកាស និងសមត្ថភាពរបស់ខ្លួនដើម្បីធ្វើប្រតិបត្តិការហោះហើរនៅក្នុងប្រទេស។រដ្ឋាភិបាល បានចោទប្រកាន់បន្ថែមទៀតថា ក្រុមហ៊ូទី បានបង្កកទ្រព្យហិរញ្ញវត្ថុរបស់ប្រទេសយេម៉ែន លើសពី១០០ លានដុល្លារអាមេរិក ចាប់តាំងពីខែមីនា ឆ្នាំ២០២៣ ដោយចោទប្រកាន់ពួកគេពីបទប៉ុនប៉ងគ្រប់គ្រងប្រាក់ចំណូលរបស់ក្រុមហ៊ុនអាកាសចរណ៍ ខណៈមិនយកចិត្តទុកដាក់លើការចំណាយក្នុងប្រតិបត្តិការ។ប្រទេសយេម៉ែន បានអំពាវនាវទៅកាន់អង្គការសហប្រជាជាតិ និងសហគមន៍អន្តរជាតិ ឱ្យជួយក្នុងការធានាបានការដោះលែងសមាជិកយានិកនិងយន្តហោះ ការពារទ្រព្យសម្បត្តិរបស់ខ្លួន និងធានាឱ្យមានប្រតិបត្តិការ ជាបន្ត។

ហ្វីលីពីន មិនបានរកការគាំទ្រពីសហរដ្ឋអាមេរិក ក្នុងជម្លោះសមុទ្រចិនខាងត្បូងជាមួយចិនទេ

2024/06/27 09:08:58 pm        92
Facebook Telegram Linkin
ឯកអគ្គរដ្ឋទូតហ្វីលីពីន ប្រចាំទីក្រុងវ៉ាស៊ីនតោន បាននិយាយកាលពីថ្ងៃពុធ (២៦ មិថុនា) ថា ប្រទេសហ្វីលីពីន មិនបានស្នើសុំឱ្យសហរដ្ឋអាមេរិក គាំទ្រក្នុងបេសកកម្មផ្គត់ផ្គង់កងទ័ពរបស់ខ្លួនឡើងវិញ ក្នុងការប្រឈមមុខជាមួយចិន នៅសមុទ្រចិនខាងត្បូងដែលមានជម្លោះនោះទេ ដោយបន្ថែមថា សហរដ្ឋអាមេរិកកំពុងផ្តល់តែ «ទស្សនៈយល់ឃើញ» របស់ខ្លួនប៉ុណ្ណោះ ដើម្បីជួយដល់ហ្វីលីពីន។ទីក្រុងម៉ានីល បានត្អូញត្អែរថាឆ្មាំល្បាតឆ្នេរចិន បានប្រើ «កម្លាំងដ៏កម្រោល និងខុសច្បាប់» កាលពីសប្តាហ៍មុនដើម្បីរំខានដល់បេសកកម្មផ្គត់ផ្គង់ឡើងវិញសម្រាប់កងទ័ពហ្វីលីពីន ក្នុងដែនទឹក សេខិន ថូម៉ាស ស្ហូល (Second Thomas Shoal) ខណៈចិន មានជម្លោះដែនទឹកកំពុងកើនឡើងជាមួយហ្វីលីពីន ដែលមានសន្ធិសញ្ញាការពារជាតិយូរអង្វែងជាមួយសហរដ្ឋអាមេរិក។លោកឯកអគ្គរដ្ឋទូត ហូសេ ម៉ានូអ៊ែល រ៉ូមូលដេស (Jose Manuel Romualdez) បានប្រាប់អ្នកយកព័ត៌មានថា ការអត់ធ្មត់របស់ទីក្រុងម៉ានីល កំពុងត្រូវបានសាកល្បងដោយសកម្មភាពរបស់ចិន ប៉ុន្តែខ្លួនសង្ឃឹមថានឹងមានកិច្ចពិភាក្សាដើម្បីបន្ថយភាពតានតឹងជាមួយទីក្រុងប៉េកាំង ឱ្យបានឆាប់នៅខែកក្កដា ហើយមិនចង់អំពាវនាវឱ្យប្រើប្រាស់សន្ធិសញ្ញារបស់សហរដ្ឋអាមេរិកនោះទេ។រដ្ឋមន្ត្រីការបរទេសហ្វីលីពីន លោក អ៊ិនរីកេ ម៉ាណាឡូ (Enrique Manalo) បានប្រាប់សវនាការព្រឹទ្ធសភានៅទីក្រុងម៉ានីល កាលពីថ្ងៃអង្គារថា ហ្វីលីពីនបានប្តេជ្ញាធ្វើការជាមួយចិន ដើម្បីបង្កើត «វិធានការកសាងទំនុកចិត្ត» ដើម្បីគ្រប់គ្រងភាពតានតឹងនៅក្នុងសមុទ្រចិនខាងត្បូង៕

ចិនផ្តល់ជំនួយសង្គ្រោះបន្ទាន់ជាង ៣១៦ លានដុល្លារ ក្នុងគ្រោះទឹកជំនន់ដ៏ធ្ងន់ធ្ងរ

2024/06/27 09:00:37 pm        98
Facebook Telegram Linkin
ប្រទេសចិន បានផ្តល់មូលនិធិជាង ២,៣ ពាន់លានយ័ន (៣១៦,៤ លានដុល្លារ) ដើម្បីជួយដល់កិច្ចប្រឹងប្រែងជួយសង្គ្រោះ ការផ្គត់ផ្គង់សង្គ្រោះបន្ទាន់ និងការរៀបចំផែនការ នៅពេលដែលទឹកជំនន់ដ៏មហន្តរាយ និងបំណាក់ដីដែលបង្កឡើងដោយភ្លៀងធ្លាក់ខ្លាំងជិតពីរសប្តាហ៍ បានបំផ្លាញផ្នែកជាច្រើននៃប្រទេស។យោងតាមការគណនារបស់សារព័ត៌មានរ៉យទ័រ បានឱ្យដឹងថា នាយកដ្ឋានរដ្ឋាភិបាលនានាបានបែងចែកប្រាក់ចំនួន ២,៣៤៤ ពាន់លានយ័ន ទៅកាន់ទីក្រុង និងខេត្តនានាក្នុងរយៈពេលប៉ុន្មានថ្ងៃកន្លងមកនេះ ដើម្បីជួយដល់ប្រតិបត្តិការទាំងនោះ។កាលពីសប្តាហ៍មុន លោកប្រធានាធិបតី ស៊ី ជីនពីង (Xi Jinping) បានជំរុញឱ្យអាជ្ញាធរដាក់កិច្ចខិតខំប្រឹងប្រែងទាំងអស់ដើម្បីការពារអាយុជីវិត ខណៈដែលទឹកជំនន់ និងគ្រោះមហន្តរាយធម្មជាតិបានកើនឡើង។ មនុស្សរាប់សិបនាក់បានស្លាប់ដោយសារទឹកជំនន់ ឬបំណាក់ដីដែលបណ្ដាលមកពីភ្លៀងក្នុងរដូវទឹកជំនន់ប្រចាំឆ្នាំ ដោយភាគខាងត្បូងប្រទេសចិន បានទទួលរងនូវផលប៉ះពាល់យ៉ាងខ្លាំងជាពិសេសនៅឆ្នាំនេះ។ភ្លៀងធ្លាក់ឥតឈប់ឈរ បានបង្ខំឱ្យអាជ្ញាធរទូទាំងក្រុង បង្កើនផែនការសង្គ្រោះបន្ទាន់ ខណៈទន្លេដែលជន់លិច បានគំរាមកំហែងដល់អាយុជីវិតមនុស្សរាប់លាននាក់។ សារព័ត៌មានស៊ីនហួ បានរាយការណ៍ថា កាលពីថ្ងៃព្រហស្បតិ៍ មន្ត្រីនៅក្នុងខេត្ត ជាំងស៊ី (Jiangxi) បានព្រមានថា កម្រិតទឹកនៃទន្លេ និងបឹងមួយចំនួននៅភាគខាងជើងខេត្តនេះ បានកើនឡើងយ៉ាងឆាប់រហ័ស ដោយសារតែភ្លៀងធ្លាក់ខ្លាំង និងអាចជន់លិច ខណៈដីសើមនៅតំបន់ភ្នំមានកម្រិតឆ្អែតទឹក (ជោគទៅដោយទឹក) ដែលអាចបណ្តាលឱ្យមានបំណាក់ដី៕

រដ្ឋមន្ត្រីការពារជាតិប៉ាគីស្ថាន រិះគន់សភាអាមេរិក ដែលជំរុញឱ្យស៊ើបអង្កេតការបោះឆ្នោត

2024/06/27 08:56:45 pm        89
Facebook Telegram Linkin
រដ្ឋមន្ត្រីការពារជាតិប៉ាគីស្ថាន កាលពីថ្ងៃពុធ (២៦ មិថុនា) បានរិះគន់សេចក្ដីសម្រេចរបស់សភាតំណាងរាស្រ្តអាមេរិក ដែលអំពាវនាវឱ្យមានការស៊ើបអង្កេតលើភាពមិនប្រក្រតីនៃការបោះឆ្នោត នៅនៅក្នុងការបោះឆ្នោតសកលខែកុម្ភៈ របស់ប្រទេសអាស៊ីខាងត្បូងមួយនេះ។ការបោះឆ្នោត ដែលមិនមានគណបក្សណាមួយទទួលបានសំឡេងភាគច្រើនច្បាស់លាស់នោះ ត្រូវបានរំខានដោយអំពើហិង្សា ការដាច់បណ្ដាញទំនាក់ទំនង និងការចោទប្រកាន់ពីគណបក្សរបស់លោកអតីតនាយករដ្ឋមន្ត្រីជាប់ពន្ធនាគារ អ៊ីមរ៉ាន ខាន់ (Imran Khan) ថាការបោះឆ្នោតត្រូវបានក្លែងបន្លំ ប៉ុន្តែគណៈកម្មាធិការរៀបចំការបោះឆ្នោតរបស់ប្រទេសបដិសេធការលើកឡើងនេះ។រដ្ឋមន្ត្រីការពារជាតិ លោក ខាវ៉ាចា អាស៊ីហ្វ (Khawaja Asif) បានប្រាប់ទូរទស្សន៍ក្នុងស្រុកមួយថា «អាមេរិកគ្មានសិទ្ធិជ្រៀតជ្រែកក្នុងកិច្ចការផ្ទៃក្នុងរបស់ប៉ាគីស្ថាន ឬផ្តល់សាលក្រមណាមួយលើបញ្ហានេះទេ»។ លោកបានបន្ថែមថា សេចក្ដីសម្រេចដែលបានអនុម័តកាលពីថ្ងៃអង្គារគឺ «គ្មានតម្លៃ» ហើយមានជំហរនយោបាយ ក្នុងឆ្នាំបោះឆ្នោតមួយនៅសហរដ្ឋអាមេរិក។ការិយាល័យបរទេសរបស់ប៉ាគីស្ថាន បានចេញផ្សាយសេចក្តីថ្លែងការណ៍ដោយប្រុងប្រយ័ត្នមួយថា សេចក្ដីសម្រេចរបស់សភាអាមេរិកនោះ «កើតចេញពីការយល់ដឹងមិនពេញលេញអំពីស្ថានភាពនយោបាយ និងដំណើរការបោះឆ្នោតនៅប៉ាគីស្ថាន»៕

រដ្ឋមន្រ្តីការបរទេសថៃ ប្ដេជ្ញាបន្តពង្រឹង និងពង្រីកកិច្ចសហប្រតិបត្តិការ​ជាមួយកម្ពុជា​ឱ្យកាន់តែរឹងមាំបន្ថែមទៀត

2024/06/27 08:53:37 pm        266
Facebook Telegram Linkin
បន្ទាប់ពីធ្វើដំណើរដល់ប្រទេសកម្ពុជាភ្លាមនាព្រឹកថ្ងៃទី២៧ ខែមិថុនា ឆ្នាំ ២០២៤នេះ ឯកឧត្តម ម៉ារីត សាងៀមផុង្ស (Maris SANGAMPONGSA) រដ្ឋមន្ត្រីការបរទេស នៃព្រះរាជាណាចក្រថៃ​បាន​ទទួល​ការអនុញ្ញាតដ៏ខ្ពង់ខ្ពស់ពីសម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្ដី​នៃ​កម្ពុជាឱ្យ​ចូលជួបសម្ដែងការគួរសម និងពិភាក្សាការងារ នៅវិមានសន្តិភាព។ក្នុងឱកាសនៃជំនួប ឯកឧត្តមរដ្ឋមន្រ្តីការបរទេសថៃ បាន​ថ្លែងអំណរគុណ​យ៉ាង​ជ្រាល​ជ្រៅ​ជូន​ចំពោះ​សម្ដេច​ធិបតី ដែលបានឆ្លៀតពេលវេលាដ៏មមាញឹកអនុញ្ញាតឱ្យរូបឯកឧត្តម និងគណៈ​ប្រតិភូ បានចូលជួបសម្ដែងការគួរសម និងពិភាក្សាការងារ។ ឯកឧត្តមរដ្ឋមន្ត្រីការបរទេសថៃ បាន​គោរព​ជម្រាបជូនសម្ដេចធិបតីថា ក្នុងតួនាទីជារដ្ឋមន្រ្តីការបរទេស ឯកឧត្តម​នឹង​ខិតខំ​ពង្រឹង​ទំនាក់​ទំនង​រវាង​ប្រទេសទាំងពីរឱ្យកាន់តែរឹងមាំ ក៏ដូចជាជំរុញ និងពង្រីកកិច្ចសហប្រតិបត្តិការថៃ-កម្ពុជា ឱ្យ​កាន់តែរីកចម្រើនបន្ថែមទៀត ព្រមទាំងបានត្រៀមជាស្រេច ក្នុងការបំពេញការងារ យ៉ាង​ជិត​ស្និទ្ធ​ជាមួយ​រាជរដ្ឋាភិបាលកម្ពុជា ដើម្បីជាផលប្រយោជន៍ទៅវិញទៅមកសម្រាប់ប្រជាជន និង​ប្រទេសទាំងពីរ។ជាការឆ្លើយតប សម្ដេចធិបតី បានសម្ដែងនូវក្ដីសោមនស្សរីករាយ ដែល​បាន​ជួប​ពិភាក្សា​ការងារ​ជា​មួយ​ឯកឧត្តមរដ្ឋមន្រ្តីការបរទេសថៃ និងគណៈប្រតិភូ និងបានអបអរសាទរចំពោះឯកឧត្តម ដែល​ត្រូវ​បាន​ជ្រើសតាំងជារដ្ឋមន្រ្តីការបរទេស នៃព្រះរាជាណាចក្រថៃ។ សម្តេចធិបតី ក៏បានបញ្ជាក់ថា នៅ​ឆ្នាំ​ក្រោយគឺជាខួបអនុស្សាវរីយ៍លើកទី៧៥ នៃទំនាក់ទំនងការទូតរវាងប្រទេសទាំងពីរ ហើយ​កម្ពុជា-ថៃ​ក៏បានដំឡើងកម្រិតទំនាក់ទំនងទ្វេភាគីទៅជា “ភាពជាដៃគូយុទ្ធសាស្ត្រ” ដែលនេះ​បង្ហាញ​ពី​ទំនាក់ទំនងដ៏រឹងមាំ និងកិច្ចសហប្រតិបត្តិការដ៏យូរអង្វែង។សម្តេចធិបតី បានវាយតម្លៃខ្ពស់ចំពោះទំនាក់ទំនង និងកិច្ចសហប្រតិបត្តិការ​ដ៏​រឹងមាំ​រវាង​ប្រទេស​ទាំង​ពីរ ហើយតាមរយៈទំនាក់ទំនងដ៏ល្អនេះ កិច្ចសហប្រតិបត្តិការ​រវាង​ប្រទេស​ទាំង​ពី​រ​លើ​វិស័យ​ជា​ច្រើនត្រូវ បានពង្រឹង និងពង្រីក ជាបន្តបន្ទាប់ និងបន្ថែមទៀត។ បន្ថែមលើនេះ សម្តេចធិបតី ក៏​បានសម្តែងនូវការពេញចិត្តចំពោះ រាជរដ្ឋាភិបាលថៃ ដែលបានផ្តល់ការលើកលែងថ្លៃទិដ្ឋាការ ចេញ​-ចូលសម្រាប់ពលករកម្ពុជា តាមច្រកព្រំដែនកម្ពុជា-ថៃ ក្នុងអំឡុង​ពេល​ចូល​ឆ្នាំ​ថ្មី​ប្រពៃណី​ជាតិ​កន្លងមកនេះ។ ជាមួយគ្នានេះសម្តេចធិបតី និងឯកឧត្តមរដ្ឋមន្រ្តីការបរទេសថៃ ក៏បាន​សម្តែង​នូវ​ក្តីរីករាយ និងវាយតម្លៃខ្ពស់ចំពោះការរៀបចំបង្កើតស្ថានអគ្គកុងស៊ុលរវាងប្រទេសទាំងពីរ នៅ​ខេត្ត​សៀមរាប និងនៅខេត្តសុងក្លា ដើម្បី សម្របសម្រួលដល់ប្រជាពលរដ្ឋនៃប្រទេសទាំងពីរ។ឆ្លៀតក្នុងឱកាសនៃជំនួបនេះ សម្តេចធិបតី និងឯកឧត្តមរដ្ឋមន្រ្តីការបរទេសថៃ ក៏បាន​ពិភាក្សា​លើ​ការ​ពង្រឹង និងពង្រីកកិច្ចសហប្រតិបត្តិការលើវិស័យជាច្រើន ដែលរួមមាន៖ សេដ្ឋកិច្ច ពាណិជ្ជកម្ម ការ​ផ្លាស់ប្តូររវាងប្រជាជន និងប្រជាជន ទេសចរណ៍ សន្តិសុខថាមពល និងកិច្ច​សហប្រតិបត្តិការ​លើ​សកម្មភាពបោសសម្អាតមីន ជាដើម៕

លោក Erdogan រិះគន់ខ្លាំងៗលើលោក Netanyahu សម្រាប់ការបង្វែរសម្លឹងទៅរកការប្រយុទ្ធជាមួយក្រុមហេសបូឡា

2024/06/27 08:48:08 pm        90
Facebook Telegram Linkin
ប្រធានាធិបតីទួរគី លោក Recep Tayyip Erdogan បានរិះគន់ខ្លាំងៗជុំវិញការលើកឡើងរបស់នាយករដ្ឋមន្ត្រីអ៊ីស្រាអែល លោក Benjamin Netanyahu ដែលថា លោកនឹងបង្កើនការប្រយុទ្ធប្រឆាំងជាមួយក្រុមអ៊ីស្លាមនិយមហេសបូឡា មានមូលដ្ឋាននៅប្រទេសលីបង់។លោក Netanyahu បាននិយាយទៅកាន់ប្រព័ន្ធផ្សព្វផ្សាយក្នុងស្រុកថា អ៊ីស្រាអែល ត្រៀមនឹងបញ្ចប់ដំណាក់កាលនៃការប្រយុទ្ធយ៉ាងខ្លាំងប្រឆាំងក្រុមហាម៉ាស នៅតំបន់ហ្កាហ្សាស្ទ្រីប។ លោកបាននិយាយបង្ហើបអំពីការពង្រាយកម្លាំងបន្ថែមទៀត សម្រាប់ការប្រយុទ្ធប្រឆាំងជាមួយក្រុមហេសបូឡា។លោក Erdogan បាននិយាយកាលពីថ្ងៃពុធថា អ៊ីស្រាអែល បានដុតបំផ្លាញតំបន់ហ្កាហ្សា ហើយពេលនេះ ទំនងជាកំពុងដាក់គោលដៅរបស់ខ្លួនលើប្រទេសលីបង់។ លោក និយាយថា ផែនការរបស់លោក Netanyahu ក្នុងការធ្វើឲ្យរាលដាលសង្គ្រាម នឹងនាំទៅរកមហន្តរាយ។រដ្ឋមន្ត្រីការបរទេសអាល្លឺម៉ង់ លោកស្រី អាណាលីណា ប៊ែបុក(Annalena Baerbock) ដែលបានទៅធ្វើទស្សនកិច្ចនៅប្រទេសអ៊ីស្រាអែល និងលីបង់ ក្នុងសប្តាហ៍នេះ បានសម្តែងការព្រួយបារម្ភអំពីការប្រយុទ្ធគ្នារវាងអ៊ីស្រាអែល និងក្រុមហេសបូឡា នៅក្នុងបទសម្ភាសន៍ជាមួយប្រព័ន្ធផ្សព្វផ្សាយអាល្លឺម៉ង់ កាលពីថ្ងៃពុធ។លោកស្រី បាននិយាយថា អ្វីដែលសំខាន់បំផុត គឺត្រូវប្រើគ្រប់មធ្យោបាយផ្នែកការទូត ហើយប្រទេសអាល្លឺម៉ង់ កំពុងសហការជាមួយប្រទេសនានា រួមមានទាំងសហរដ្ឋអាមេរិក ដើម្បីបន្ធូរបន្ថយភាពតានតឹង។ នៅក្នុងការព្រមានជាក់ស្តែងមួយ ទៅកាន់ក្រុមហេសបូឡា ការិយាល័យនាយករដ្ឋមន្ត្រីអ៊ីស្រាអែល បាននិយាយកាលពីថ្ងៃពុធថា លោក Netanyahu បានពិនិត្យមើលការហ្វឹកហ្វឺនយោធា ដែលធ្វើឡើងនៅជិតព្រំដែនជាមួយប្រទេសលីបង់។

លោក ពូទីន៖ កងទ័ពជើងទឹករុស្ស៊ី នឹងទទួលបាននាវាថ្មីជាង ៤០គ្រឿង ក្នុងឆ្នាំ ២០២៤

2024/06/27 08:20:20 pm        208
Facebook Telegram Linkin
ប្រធានាធិបតីរុស្ស៊ី លោក វ្ល៉ាឌីមៀ ពូទីន បាននិយាយនៅក្នុងកិច្ចប្រជុំស្តីពីការកសាងនាវា ដោយបានលើកឡើងពីស្ថិតិ ពីមួយឆ្នាំទៅមួយឆ្នាំ កងទ័ពជើងទឹករបស់រុស្ស៊ី ទទួលបាននាវាចម្បាំង និងនាវាកាន់តែច្រើនឡើង ពីមួយឆ្នាំទៅមួយឆ្នាំ។យោងតាមលោកប្រធានាធិបតី គោលបំណងមួយក្នុងចំណោមគោលបំណងរបស់រុស្ស៊ី គឺ«ធ្វើឲ្យប្រសើរឡើងនូវកងទ័ពជើងទឹកឲ្យបានទូលំទូលាយ រួមទាំងនាវា យន្តហោះ និងសមាសធាតុឆ្នេរសមុទ្រ ព្រមទាំងហេដ្ឋារចនាសម្ព័ន្ធនៃមូលដ្ឋានទ័ព ដើម្បីពង្រឹងទីតាំងរបស់ខ្លួន នៅក្នុងតំបន់សំខាន់ៗ ជាយុទ្ធសាស្ត្រនៃមហាសមុទ្រពិភពលោក និងដើម្បី ធ្វើឲ្យប្រសើរឡើងយ៉ាងខ្លាំងនូវសមត្ថភាពប្រយុទ្ធរបស់ខ្លួន»។លោក ពូទីន បាននិយាយបន្ថែមថា៖«ការងារជាច្រើន ត្រូវបានធ្វើ នៅក្នុងតំបន់នេះ ដោយសារកងទ័ពជើងទឹករបស់យើង កំពុងទទួលបាននាវាថ្មីបន្ថែមទៀត» ដោយបញ្ជាក់ថា «ការជួសជុល និងការកែលម្អឡើងវិញនូវឧបករណ៍នានា» កំពុងដំណើរការ។លោកប្រធានាធិបតី បាននិយាយថា បើប្រៀបធៀបទៅនឹងឆ្នាំ ២០២២ នៅពេលដែលកងទ័ពជើងទឹក ត្រូវបានផ្តល់នាវានិងទូកថ្មីចំនួន ២៤គ្រឿង នៅក្នុងឆ្នាំ ២០២៣ ចំនួនមានចំនួន ៣៣គ្រឿង ខណៈនាវា និងទូកជាង ៤០គ្រឿង គ្រោងនឹងប្រគល់ឲ្យ នៅឆ្នាំ ២០២៤នេះ។

កម្ពុជារៀបចំទិវាយល់ដឹងពីទន្លេមេគង្គ នៅមជ្ឈមណ្ឌលសហប្រតិបត្តិការកម្ពុជា-ជប៉ុន ចំនួន២ថ្ងៃ

2024/06/27 08:13:59 pm        232
Facebook Telegram Linkin
ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ នៅព្រឹកថ្ងៃទី២៧ ខែមិថុនា ឆ្នាំ២០២៤ បានអញ្ជើញជាអធិបតីក្នុងកម្មវិធីបើកសម្ភោធទិវាយល់ដឹងពីទន្លេមេគង្គ នៅមជ្ឈមណ្ឌលសហប្រតិបត្តិការកម្ពុជា-ជប៉ុន (CJCC)។ ក្នុងពិធីនេះ ឯកឧត្តមរដ្ឋមន្ត្រី បានសម្តែងនូវក្តីសោមនស្សរីករាយដែលបានអញ្ជើញជាអធិបតី ក្នុងការបើកសម្ភោធកម្មវិធីផ្សព្វផ្សាយចំណេះដឹង វប្បធម៌ ជាពិសេសប្រធានបទថ្ងៃនេះ ជុំវិញទន្លេមេគង្គ (Mekong Discovery Day)។ឯកឧត្តមបានបន្តថា កម្ពុជាមានធនធានធម្មជាតិយ៉ាងសំបូរបែប ដែលកូនខ្មែរគ្រប់រូប​ត្រូវចូលរួម​ផ្សព្វផ្សាយឱ្យពិភពលោកបានដឹង បានយល់ ជាពិសេសអំពីការខិតខំប្រឹងប្រែង​កន្លងមក​របស់ក្រសួងនិងអង្គការដៃគូពាក់ព័ន្ធលើការងារនេះ។ ការសហការល្អ ធ្វើការជាមួយគ្នា ទាំងរដ្ឋ ដៃគូអភិវឌ្ឍន៍ និងភាគីពាក់ព័ន្ធ គឺចាំបាច់ណាស់ ដើម្បីទទួលបានប្រសិទ្ធភាពការងារខ្ពស់ ក្នុងការធ្វើឱ្យមានតុល្យភាពរវាងការអភិវឌ្ឍ និងការអភិរក្ស ដើម្បីនិរន្តរភាពធនធានធម្មជាតិ។ ទន្ទឹមនឹងនេះដែរ ឯកឧត្តមរដ្ឋមន្ត្រី ក៏បានបង្ហាញពី​សុទិដ្ឋិនិយម​ និងស្វាគមន៍ចំពោះភាពរីកចម្រើន ការកើនឡើងនៃសត្វផ្សោតដែលជារតនសម្បត្តិជាតិ ព្រមទាំងធនធានជលផលដទៃទៀត​នៅ​កម្ពុជា​ផងដែរ។គួរបញ្ជាក់ដែរ ទិវាជុំវិញទន្លេមេង្គ ប្រារព្ធធ្វើឡើងចាប់ពីថ្ងៃទី២៧ ដល់ថ្ងៃទី២៨ ខែមិថុនាឆ្នាំ២០២៤នេះ ធ្វើឡើងក្នុងគោលបំណង លើកកម្ពស់ និងផ្សព្វផ្សាយឱ្យយល់​ដឹងពីជីវៈចម្រុះ ធនធានធម្មជាតិ បរិស្ថាន និងជីវរស់នៅរបស់ប្រជាពលរដ្ឋ​សហគមន៍​នៅតាមដងទន្លេមេង្គ៕ អត្ថបទ៖ទូច សោភ័ណ 

អឺរ៉ុប និងលោក Zelenskyy ត្រូវបានរំពឹងថា នឹងចុះហត្ថលេខាលើកិច្ចព្រមព្រៀងសន្តិសុខអ៊ុយក្រែន

2024/06/27 06:38:19 pm        194
Facebook Telegram Linkin
សហភាពអឺរ៉ុប ត្រូវបានគេរំពឹងថានឹងចុះហត្ថលេខាលើកិច្ចព្រមព្រៀងសន្តិសុខ ជាមួយប្រធានាធិបតីអ៊ុយក្រែន លោក Volodymyr Zelenskyy នៅថ្ងៃព្រហស្បតិ៍ ទី២៧ ខែមិថុនានេះ ដោយសន្យាថានឹងបន្តផ្តល់អាវុធ ការបណ្តុះបណ្តាលយោធា និងជំនួយផ្សេងទៀតដល់ទីក្រុងគីវ សម្រាប់ឆ្នាំខាងមុខ។កិច្ចព្រមព្រៀងនេះ នឹងដាក់ចេញនូវការប្តេជ្ញាចិត្តរបស់សហភាពអឺរ៉ុប ក្នុងការជួយប្រទេសអ៊ុយក្រែនក្នុងវិស័យចំនួនប្រាំបួន នៃគោលនយោបាយការពារជាតិ និងសន្តិសុខ ដែលរួមមានទាំងការផ្តល់សព្វវុធ ការបណ្តុះបណ្តាលយោធា កិច្ចសហប្រតិបត្តិការឧស្សាហកម្មការពារជាតិ និងការដោះមីន។លោក Zelenskyy ត្រូវបានគេរំពឹងថា នឹងចុះហត្ថលេខាលើកិច្ចព្រមព្រៀងនេះ នៅក្នុងកិច្ចប្រជុំកំពូលនៃមេដឹកនាំសហភាពអឺរ៉ុប នៅទីក្រុងព្រុចសែល។ដំណើរទស្សនកិច្ចរបស់លោក ពុំត្រូវបានប្រកាសជាផ្លូវការនោះទេ ប៉ុន្តែអ្នកការទូត បាននិយាយថា លោកត្រូវបានគេរំពឹងថានឹងមកចូលរួម។ កតិកាសញ្ញានេះ មានគោលបំណងបំពេញបន្ថែមនូវកិច្ចព្រមព្រៀងស្រដៀងគ្នា ដែលបានផ្សាភ្ជាប់រវាងអ៊ុយក្រែន និងសម្ព័ន្ធមិត្តរបស់ខ្លួន ខណៈប្រទេសនេះបន្តការពារការឈ្លានពានរបស់រុស្ស៊ី។នៅក្នុងករណីនៃ ការឈ្លានពាននាពេលអនាគត ឯកសារនិយាយថា សហភាពអឺរ៉ុប និងអ៊ុយក្រែន នឹងពិភាក្សាក្នុងរយៈពេល២៤ម៉ោង លើតម្រូវការរបស់ទីក្រុងគីវ និង កំណត់យ៉ាងឆាប់រហ័ស នូវជំហានបន្ទាប់ ស្របតាមការប្តេជ្ញាចិត្ត។ ឯកសារនេះ គឺជាផ្នែកមួយនៃកិច្ចខិតខំប្រឹងប្រែងកាន់តែទូលំទូលាយដោយដៃគូរបស់ប្រទេសអ៊ុយក្រែន ក្នុងការផ្តល់ការធានាថា ពួកគេនឹងឈរក្បែរទីក្រុងគីវ សម្រាប់រយៈពេលយូរ ដោយគ្មានទីបញ្ចប់នៅក្នុងសង្រ្គាម និងគ្មានការរំពឹងទុកភ្លាមៗដែលថា អ៊ុយក្រែន នឹងបានចូលជាសមាជិកសហភាពអឺរ៉ុប ឬសម្ព័ន្ធយោធា NATO ។ប្រទេសនានា រួមមានសហរដ្ឋអាមេរិក អង់គ្លេស បារាំង និងអាល្លឺម៉ង់ បានចុះហត្ថលេខាកិច្ចព្រមព្រៀងសន្តិសុខជាមួយទីក្រុងគីវ។ ក្រុមមន្ត្រី បាននិយាយថា កិច្ចព្រមព្រៀងបែបនេះ មិនដូចគ្នាទៅនឹងកតិកាសញ្ញាការពារទៅវិញទៅមក រវាងបណ្តាប្រទេសសម្ព័ន្ធយោធាណាតូ នោះទេ ប៉ុន្តែសន្យាថា នឹងផ្តល់សព្វាវុធដល់អ៊ុយក្រែន និងជំនួយផ្សេងទៀត ដើម្បីពង្រឹងសន្តិសុខរបស់ប្រទេសនេះ និងទប់ស្កាត់ការឈ្លានពានណាមួយនាពេលអនាគត។

បណ្ដាញសង្គម

ព័ត៌មានថ្មីៗ

អ៊ីរ៉ង់ព្រមានថា សង្គ្រាមអាចរាលដាល «កាន់តែធំ​ទូលាយ» បើសហរដ្ឋ​អាមេរិកបើក «ប្រតិបត្តិការ​យោធាថ្មី​»
10/31/2026 05:10 PM
Facebook Telegram Linkin
ប្រធានាធិបតីប៉ូឡូញប្រកាសពី​ការ​រំលោភ​​សណ្តាប់ធ្នាប់រដ្ឋធម្មនុញ្ញ ក្រោយ​​ការ​ប្រឈម​មុខ​ដាក់គ្នា ​ជុំវិញ​បញ្ហាតុលាការ​
10/31/2026 05:10 PM
Facebook Telegram Linkin
ជនជាតិប៉ាឡេស្ទីន​នៅបន្ត​ស្លាប់​ ខណៈអ៊ីស្រាអែលនៅ​បន្តរំលោភកិច្ចព្រមព្រៀងបទ​ឈប់បាញ់ នៅហ្កាហ្សា
10/31/2026 04:10 PM
Facebook Telegram Linkin
ការហោះ​របស់​យន្តហោះ Air Force One ពីលើ​​សេតវិមាន សម្រាប់បុណ្យ Halloween នាំឱ្យមានការពន្យារជើងហោះហើរ
10/31/2026 04:10 PM
Facebook Telegram Linkin
ក្រុម​ចម្រុះ​ដឹកនាំដោយអារ៉ាប៊ីសាអ៊ូឌីត៖ យានដ្រូន ១គ្រឿង ត្រូវបាន​ស្ទាក់ចាប់​ នៅលើតំបន់ Riyadh
10/31/2026 04:10 PM
Facebook Telegram Linkin
ការ​បាញ់ប្រហារ នៅហាងសម្ភារៈបុណ្យ Halloween ក្នុងរដ្ឋ California បណ្តាលឱ្យមនុស្សម្នាក់ស្លាប់ និង ៦នាក់រងរបួស
10/31/2026 04:10 PM
Facebook Telegram Linkin
សម្តេចបវរធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី បន្តផ្ដល់អំណោយប្រចាំខែប្រគល់ជូនមណ្ឌលមែកឈើ និងឧបត្ថម្ភស៊ីម៉ង់ត៍ ១០ តោនបន្ថែម
10/31/2026 04:10 PM
Facebook Telegram Linkin
កូរ៉េខាងជើងអះអាងថា ទណ្ឌកម្មមិនអាចកែប្រែឋានៈរបស់ខ្លួន ក្នុងនាមជារដ្ឋមានអាវុធនុយក្លេអ៊ែរនោះទេ
10/31/2026 03:10 PM
Facebook Telegram Linkin
គណបក្សប្រឆាំង នៅប៉ូឡូញ អំពាវនាវឱ្យមានការតវ៉ានៅខាងក្រៅតុលាការធម្មនុញ្ញ ក្នុងទីក្រុងវ៉ាសូវី
10/31/2026 03:10 PM
Facebook Telegram Linkin
របាយការណ៍៖ លោក Trump អាចនឹងបញ្ជាឱ្យ​វាយប្រហារអ៊ីរ៉ង់ទ្រង់ទ្រាយធំ បើ​បក្សសាធារណរដ្ឋ​​ចាញ់​ឆ្នោត
10/31/2026 03:10 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.