នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
លោកសាស្ត្រាចារ្យ Yang Jiemian៖ ការពង្រឹង និងពង្រីកកិច្ចសហប្រតិបត្តិការលើគ្រប់វិស័យ និងគ្រប់តួអង្គ ជាកត្តាគន្លឹះនៃទំនាក់ទំនងទ្វេភាគី ចិន-កម្ពុជា
មេបញ្ជាការរងកងទ័ពជើងគោកនៃសហព័ន្ធរុស្ស៊ី ប្ដេជ្ញាបន្តពូនជ្រំទំនាក់ទំនង និងកិច្ចសហប្រតិបត្តិការរវាងប្រទេសទាំងពីរ ឱ្យកាន់តែរឹងមាំ និងរីកចម្រើន
កម្ពុជា បារាំង ចង់បង្កើតនូវកិច្ចសហប្រតិបត្តិការ លើវិស័យសុខាភិបាល និងអាកាសចរស៊ីវិល បន្ថែមទៀត
សម្ដេចតេជោ៖ ទំនាក់ទំនងស្នូលកម្ពុជា-ជប៉ុន មិនអាចខ្វះបានឡើយ នូវផ្នែកសេដ្ឋកិច្ច ពាណិជ្ជកម្ម និងវិនិយោគ

នយោបាយ​ និង ការអភិវឌ្ឍន៍

រដ្ឋលេខាធិការដ្ឋានអាកាសចរណ៍ស៊ីវិល ជម្រាបជូនគណៈកម្មការរដ្ឋសភាពីផែនការការងារ និងវឌ្ឍនភាពនៃការដឹកជញ្ជូនតាមផ្លូវអាកាស សម្រាប់នីតិកាលទី៧នៃរដ្ឋសភា

2024/06/22 05:22:17 pm        343
Facebook Telegram Linkin
នៅវិមានរដ្ឋសភា នាព្រឹកថ្ងៃទី២០ ខែមិថុនា ឆ្នាំ២០២៤ គណៈកម្មការសាធារណការ ដឹកជញ្ជូន អាកាសចរណ៍ស៊ីវិល ប្រៃសណីយ៍ ទូរគមនាគមន៍ ឧស្សាហកម្ម វិទ្យាសាស្រ្ត បច្ចេកវិទ្យា នវានុវត្តន៍ រ៉ែ ថាមពល ពាណិជ្ជកម្ម រៀបចំដែនដី នគរូបនីយកម្ម និងសំណង់ នៃរដ្ឋសភា (គណៈកម្មការទី៩) ដឹកនាំដោយលោកជំទាវ និន សាផុន ប្រធានគណៈកម្មការ ព្រមទាំងតំណាងមកពីគណៈកម្មការជំនាញផ្សេងៗទៀតនៃរដ្ឋសភា បានជួបប្រជុំពិភាក្សាការងារជាមួយរដ្ឋលេខាធិការដ្ឋានអាកាសចរណ៍ស៊ីវិល ដឹកនាំដោយឯកឧត្តមបណ្ឌិត ម៉ៅ ហាវណ្ណាល់ រដ្ឋមន្ត្រីរដ្ឋលេខាធិការដ្ឋានអាកាសចរណ៍ស៊ីវិល។ ជាកិច្ចចាប់ផ្តើមលោកជំទាវ និន សាផុន បានជម្រាបជូនថ្នាក់ដឹកនាំរដ្ឋលេខាធិការដ្ឋានអាកាសចរណ៍ស៊ីវិលថា កិច្ចប្រជុំនាពេលនេះ គឺក្នុងគោលបំណងដើម្បីឈ្វេងយល់ពីវឌ្ឍនភាពការងារបស់រដ្ឋលេខាធិការដ្ឋានអាកាសចរណ៍ស៊ីវិល បញ្ហាប្រឈម ផែនការការងារ និងប្រសិទ្ធភាពនៃការប្រតិបត្តិច្បាប់ និងលិខិតបទដ្ឋាន​គតិយុត្តនានា ដែលពាក់ព័ន្ធនឹងសមត្ថកិច្ចទទួលខុសត្រូវរបស់រដ្ឋលេខាធិការដ្ឋាន​អាកាសចរណ៍ស៊ីវិល។ លោកជំទាវ និន សាផុន បានបន្តថា កិច្ចប្រជុំនេះមិនមែនជាកិច្ចប្រជុំសួរដេញដោល ត្រួតពិនិត្យ និងអធិការកិច្ចលើស្ថាប័នរាជរដ្ឋាភិបាលនោះទេ គោលបំណងសំខាន់គឺ ឈ្វេងយល់នូវវិស័យ​ការងារ​ដែលជាសមត្ថកិច្ចទទួលខុសត្រូវរបស់គណៈកម្មការទី៩ ​នៃរដ្ឋសភា ដើម្បីរួមសហការគ្នារវាង​ស្ថាប័ននីតិប្បញ្ញត្តិ និងស្ថាប័ននីតិប្រតិបត្តិ ជំរុញការអនុវត្តន៍កម្មវិធីនយោបាយ និងយុទ្ធសាស្ត្រ​បញ្ចកោណដំណាក់កាលទី១របស់រាជរដ្ឋាភិបាលនីតិកាលទី៧ នៃរដ្ឋសភា។ ឯកឧត្តមបណ្ឌិត ម៉ៅហាវណ្ណាល់ បានជម្រាបជូនកិច្ចប្រជុំថា ស្របទៅតាមយុទ្ធសាស្ត្របញ្ចកោណ ដំណាក់កាលទី១ របស់រាជរដ្ឋាភិបាលកម្ពុជា នីតិកាលទី៧ ក្រោមការដឹកនាំប្រកបដោយ​គតិបណ្ឌិត​របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានជំរុញឱ្យមានកំណើនអ្នកធ្វើដំណើរ និងការដឹកជញ្ជូនទំនិញតាមផ្លូវអាកាស។រដ្ឋលេខាធិការដ្ឋានអាកាសចរណ៍ស៊ីវិល បានបន្តអនុវត្តគោលនយោបាយបើកចំហជើងមេឃ ពង្រឹងសុវត្ថិភាព និងសន្តិសុខអាកាសចរណ៍ ពង្រឹងនិងពង្រីកហេដ្ឋារចនាសម្ព័ន្ធអាកាស​យានដ្ឋាន​ជាតិ និងអន្តរជាតិ ពង្រឹងផ្នែកសេវាកម្មនាំផ្លូវអាកាស ការធ្វើទំនើបកម្មប្រព័ន្ធនាំផ្លូវហោះហើរ ការពង្រឹងនិងពង្រីកកិច្ចសហប្រតិបត្តិការអន្តរជាតិ ទាំងទ្វេភាគី និងពហុភាគី ព្រមទាំងបន្តការជំរុញ​ឱ្យមានកិច្ចប្រឹងប្រែងបង្កើនការហោះហើរត្រង់មកកាន់កម្ពុជា ទាំងក្នុងតំបន់ តំបន់មជ្ឈឹមបូព៌ា និងជាពិសេសអឺរ៉ុប ការពង្រឹងក្របខ័ណ្ឌច្បាប់ បទប្បញ្ញត្តិ កិច្ចព្រមព្រៀង កិច្ចសន្យាសម្បទាន ដើម្បីជំរុញឱ្យមានកំណើនចំនួនអ្នកធ្វើដំណើរនិងទំនិញតាមផ្លូវអាកាស និងស្របតាមបទដ្ឋាន​របស់អង្គការអាកាសចរណ៍ស៊ីវិលអន្តរជាតិ (ICAO)។ ឯកឧត្តមបណ្ឌិត ម៉ៅ ហាវណ្ណាល់បានបន្តថា រដ្ឋលេខាធិការដ្ឋានអាកាសចរណ៍ស៊ីវិល បានកំណត់គោលដៅច្បាស់លាស់លើការពង្រឹងនិងពង្រីកកិច្ចព្រមព្រៀងសេវាកម្មដឹកជញ្ជូនតាមផ្លូវអាកាស ជាមួយបណ្តាប្រទេសសំខាន់ៗជាលក្ខណៈទ្វេភាគី និងជាមួយបណ្តាប្រទេស​ជាសមាជិក​អាស៊ាន ព្រមទាំងដៃគូសន្ទនាអាស៊ានជាលក្ខណៈពហុភាគី។ ក្រោយពីឯកឧត្តមរដ្ឋមន្ត្រី បានជម្រាបជូនគណៈកម្មការទាំង១០របស់រដ្ឋសភារួចហើយ លោកជំទាវ និន សាផុន ប្រធានគណៈកម្មការទី៩នៃរដ្ឋសភា បានថ្លែងការកោតសរសើរចំពោះរបាយ​ការណ៍​ដ៏ល្អិតល្អន់ ក្បោះក្បាយ និងការបំភ្លឺនូវសំណួរឈ្វេងយល់របស់ ឯកឧត្តមរដ្ឋមន្ត្រី និងសហការី ជូនអង្គប្រជុំ ដែលជាធាតុចូលយ៉ាងសំខាន់សម្រាប់គណៈកម្មការជំនាញនៃរដ្ឋសភា មានមូលដ្ឋាន​ក្នុងការបំពេញតួនាទីស្នូលសំខាន់ៗគឺតួនាទីនីតិកម្ម តួនាទីត្រួតពិនិត្យ តួនាទីជាអ្នកតំណាង និងជាពិសេសការបំពេញតួនាទីជាសេនាធិការរបស់រដ្ឋសភា។ លោកជំទាវ និន សាផុន បានវាយតម្លៃខ្ពស់ចំពោះការខិតខំយកចិត្តទុកដាក់បំពេញការងារ និងតួនាទី​ប្រកបដោយវិជ្ជាជីវៈ និងប្រកបដោយការទទួលខុសត្រូវខ្ពស់ ក្នុងការបន្ត​មរតក​សមិទ្ធផលនៃបិតាសន្តិភាពរបស់កម្ពុជា គឺសម្តេចអគ្គមហាសេនាបតីតេជោ ហ៊ុន សែន ដែលសម្តេចតេជោបានតស៊ូលះបង់គ្រប់បែបយ៉ាងដើម្បីរំដោះជាតិ និងអភិវឌ្ឍន៍​ប្រទេសរហូតដល់ទទួលបានឯកភាពជាតិ និងសុខសន្តិភាពពេញលេញ។ ជាពិសេស ការអនុវត្តន៍នូវ «គោលនយោបាយ បើកចំហរជើងមេឃ» របស់សម្តេចតេជោ ហ៊ុន សែន ដែលបានដាក់ចេញនៅថ្ងៃទី៦ ខែធ្នូ ឆ្នាំ២០០២​ ជាសមិទ្ធផលមិនអាចបដិសេធបានរបស់សម្តេច គឺជាជោគជ័យ​មិនអាចកាត់ថ្លៃបានសម្រាប់ប្រជាជនកម្ពុជា។ ហើយបានបន្តដំណើរមកដល់សហសម័យកម្ពុជា ដែលជាយុគសម័យទំនើបនៃការបន្តដំណើរ​រីកចម្រើនទៅមុខ ព្រមទាំងការដាក់ចេញនូវផែនការសកម្មភាពការងារ និងទិសដៅការងារបន្ត ដើម្បីឈានទៅសម្រេចបានសន្ទុះនៃកំណើនសេដ្ឋកិច្ច និងកសាងមូលដ្ឋានគ្រឹះឆ្ពោះទៅសម្រេច​បានចក្ខុវិស័យកម្ពុជា២០៥០ ស្របតាមកម្មវិធីនយោបាយ និងយុទ្ធសាស្ត្របញ្ចកោណរបស់រាជ​រដ្ឋាភិបាល​នីតិកាលទី៧ នៃរដ្ឋសភា ក្រោមការដឹកនាំប្រកបដោយភាពឈ្លាសវៃ និងគតិបណ្ឌិតរបស់​សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រ​កម្ពុជា៕

ឯកឧត្តមបណ្ឌិត ម៉ឹង មករា ជំរុញឲ្យមន្រ្តីស្រុកមេមត់ នាំគ្នាដាំកូនឈើ និងរក្សាបរិស្ថានអនាម័យល្អ

2024/06/22 05:12:58 pm        206
Facebook Telegram Linkin
ឯកឧត្តមបណ្ឌិត ម៉ឹង មករា រដ្ឋលេខាធិការ ក្រសួងសេដ្ឋកិច្ច និងហិរញ្ញវត្ថុ និងជាប្រធានក្រុមការងាររាជរដ្ឋាភិបាលចុះមូលដ្ឋាន ស្រុកមេមត់ បានចុះពិនិត្យមើលស្ថានភាពការលក់ ដូរ និងសួរសុខទុក្ខបងប្អូនប្រជាពលរដ្ឋនៅក្នុងផ្សារមេមត់ ក្នុងស្រុកមេមត់ ខេត្តត្បូងឃ្មុំ ព្រមទាំងជម្រុញជំរុញគោលនយោបាយ "បរិស្ថានល្អ" ដោយចាប់ផ្ដើមយុទ្ធនាការឲ្យមន្រ្តីសាលាស្រុកមេមត់ នាំគ្នាដាំកូនឈើ និងថែរក្សាបរិស្ថានអនាម័យល្អ។ឯកឧត្តមបណ្ឌិត ម៉ឹង មករា បានគូសរំលេចថា ក្រោយពីមានសេចក្ដីសម្រេច ចាត់តាំងក្រុមការងារ​រាជរដ្ឋាភិបាលចុះមូលដ្ឋាន ខេត្តត្បូងឃ្មុំ នៅថ្ងៃទី១៧ ខែមករា ឆ្នាំ២០២៤ និងការណែនាំដ៏ខ្ពង់ខ្ពស់​ពីសំណាក់ ឯកឧត្តមបណ្ឌិត អៀង សុផលែ្លត រដ្ឋមន្ត្រីក្រសួងបរិស្ថាន និងជាប្រធានក្រុមការងារ​រាជរដ្ឋាភិបាលចុះមូលដ្ឋានខេត្តត្បូងឃ្មុំ ​ក្រុមការងាររាជរដ្ឋាភិបាលចុះមូលដ្ឋានស្រុកមេមត់ បានដឹកនាំជំរុញគោលនយោបាយ "បរិស្ថានល្អ" ដោយចាប់ផ្ដើមយុទ្ធនាការដាំកូនឈើ​ដោយច្រើន​ដែលអាចធ្វើទៅបាននៅក្នុងមូលដ្ឋានស្រុកមេមត់ និងមិនឲ្យមានសំរាមតាមភូមិឃុំ។ ជាក់ស្ដែង រដ្ឋបាលស្រុកមេមត់បានចាប់ផ្ដើមអនុវត្តមិនឲ្យមានសំរាមនៅមុខសាលាស្រុកមេមត់ តាមដងផ្លូវជាតិលេខ៧ ចម្ងាយជាងពីរគីឡូម៉ែត្ររួចស្រេចទៅហើយ។ គោលនយោបាយយុទ្ធនាការ "បរិស្ថានល្អ" មិនត្រឹមតែជួយកាត់បន្ថយការប្រែប្រួលអាកាសធាតុ លើកកំពស់សុខភាព​ប្រព័ន្ធអេកូឡូស៊ី និងកែលម្អគុណភាពបរិស្ថានទាំងមូលនោះទ "បរិស្ថានល្អ" គឺមាន សារៈសំខាន់​សម្រាប់ប្រជាពលរដ្ឋរ ដែលជាមូលដ្ឋានគ្រឹះនាំមកនូវ វិបុលភាពសេដ្ឋកិច្ច សុខភាពសាធារណៈ និងភាពសុខដុមរមនាក្នុងសង្គម។ឯកឧត្តមបណ្ឌិត ​បានបន្តថ្លែងថា បេសកកម្មចម្បងរបស់ក្រុមការងារថ្នាក់ជាតិ​ចុះមូលដ្ឋាន​ស្រុកមេមត់ ​គឺការរួមចំណែកជាមួយរាជរដ្ឋាភិបាលកម្ពុជា ផ្សព្វផ្សាយនិងអនុវត្តនូវគោល​នយោបាយ​សំខាន់ៗ​នៃកម្មវិធីនយោបាយ "យុទ្ធសាស្ត្របញ្ចកោណ-ដំណាក់កាលទី១" ដែលជាកម្មវិធី​នយោបាយ​របស់ រាជរដ្ឋាភិបាលអាណត្តិទី៧​ សម្រាប់ការកសាង និងការពារជាតិមាតុភូមិកម្ពុជា។ក្រុមការងាររាជរដ្ឋាភិបាលចុះមូលដ្ឋានស្រុកមេមត់ ត្រូវសហការគ្រប់គ្រងសភាពការណ៍​នៅមូលដ្ឋាន ដើម្បីពង្រឹង ​និងលើកកម្ពស់ការទទួលខុសត្រូវរបស់អាជ្ញាធរ កងកម្លាំងមានសមត្ថកិច្ច​នៅក្នុងមូលដ្ឋាន ​សំដៅបំពេញការងារបម្រើប្រជាពលរដ្ឋប្រកបដោយការទទួលខុសត្រូវ និងប្រសិទ្ធភាព​ព្រមទាំងខិតខំចូលរួមសហការដោះស្រាយឆ្លើយតបបញ្ហាប្រឈមនានា ជាពិសេស បញ្ហាប្រឈមពាក់ព័ន្ធ "ជីវភាពរស់នៅរបស់ប្រជាពលរដ្ឋនៅមូលដ្ឋាន"៕

ប្រមុខអង្គការសហប្រជាជាតិ ព្រមានប្រទេសលីបង់ថា មិនអាចក្លាយជាតំបន់ហ្កាហ្សាមួយផ្សេងទៀតទេ

2024/06/22 04:13:51 pm        91
Facebook Telegram Linkin
អគ្គលេខាធិការអង្គការសហប្រជាជាតិ លោក Antonio Guterres បាននិយាយកាលពីថ្ងៃសុក្រទី ២១ ខែមិថុនាថា លោកមានការព្រួយបារម្ភយ៉ាងខ្លាំង ចំពោះការកើនឡើងភាពតានតឹងរវាងអ៊ីស្រាអែលនិងក្រុមហេសបូឡា នៅប្រទេសលីបង់ ហើយកងរក្សាសន្តិភាពរបស់អង្គការសហប្រជាជាតិ កំពុងធ្វើការដើម្បីធ្វើឱ្យស្ថានការណ៍ស្ងប់ស្ងាត់។លោកបានប្រាប់អ្នកសារព័ត៌មានថា សកម្មភាពកើតមានឡើងជាញឹកញាប់ ការគិតខុស អាចបង្កឱ្យមានមហន្តរាយដែលហួសពីព្រំដែន ហើយនិយាយដោយត្រង់ទៅហួសពីការនឹកស្មាន។ សូមបញ្ជាក់ឱ្យច្បាស់ថា ប្រជាជនក្នុងតំបន់ និងប្រជាជននៅលើពិភពលោក ពុំអាចទ្រាំទ្របានឱ្យប្រទេសលីបង់ក្លាយជាតំបន់ហ្កាហ្សាមួយផ្សេងទៀតនោះទេ។ក្រុមហេសបូឡា ដែលគាំទ្រដោយប្រទេសអ៊ីរ៉ង់ បាននឹងកំពុងបាញ់រ៉ុក្កែតទៅលើប្រទេសអ៊ីស្រាអែលក្នុងសាមគ្គីភាពជាមួយក្រុមហាម៉ាស ជាសម្ព័ន្ធមិត្តប៉ាឡេស្ទីន ចាប់តាំងពីសង្គ្រាមនៅតំបន់ហ្កាហ្សា បានផ្ទុះឡើងកាលពីខែតុលា ដោយបង្ខំឱ្យមនុស្សរាប់ម៉ឺននាក់ភៀសខ្លួនចេញពីលំនៅឋាន នៅក្នុងប្រទេសអ៊ីស្រាអែល ជាកន្លែងដែលសម្ពាធនយោបាយកំពុងបង្កើតឱ្យមានសកម្មភាពកាន់តែតានតឹង។ប្រជាជនលីបង់រាប់ម៉ឺននាក់ ក៏បានភៀសខ្លួនចេញពីលំនៅឋានរបស់ពួកគេ បន្ទាប់ពីការវាយប្រហាររបស់អ៊ីស្រាអែលនៅភាគខាងត្បូងប្រទេសលីបង់។ បេសកជនរបស់អ៊ីរ៉ង់ប្រចាំអង្គការសហប្រជាជាតិបាននិយាយកាលពីថ្ងៃសុក្រថា ក្រុមហេសបូឡា មានសមត្ថភាពក្នុងការការពារខ្លួននិងប្រទេសលីបង់ ប្រឆាំងអ៊ីស្រាអែល។បេសកជនរបស់អង្គការសហប្រជាជាតិរបស់អ៊ីរ៉ង់ បានបង្ហោះនៅលើបណ្តាញ X ថា ការសម្រេចចិត្តដោយមិនប្រុងប្រយ័ត្នណាមួយធ្វើឡើងដោយរបបអ៊ីស្រាអែល ដើម្បីសង្គ្រោះខ្លួនឯង អាចធ្លាក់ចូលទៅក្នុងសង្រ្គាមថ្មីមួយ។

អ៊ីរ៉ង់ ថ្កោលទោសកាណាដា ជុំវិញការដាក់កងឆ្មាំបដិវត្តន៍ឥស្លាមក្នុងបញ្ជីខ្មៅ ជាអង្គភាពភេរវកម្ម

2024/06/21 09:12:32 pm        100
Facebook Telegram Linkin
រដ្ឋមន្ត្រីការបរទេសចាំផ្ទះអ៊ីរ៉ង់ លោក Ali Bagheri Kani កាលពីថ្ងៃព្រហស្បតិ៍ បានថ្កោលទោសការសម្រេចចិត្ត «បង្កហេតុ និងគ្មានការទទួលខុសត្រូវ» របស់រដ្ឋាភិបាលកាណាដា ក្នុងការដាក់កងឆ្មាំបដិវត្តន៍ឥស្លាម (IRGC)របស់អ៊ីរ៉ង់ក្នុងបញ្ជីខ្មៅជា «អង្គភាពភេរវកម្ម» ។លោកបានធ្វើការអធិប្បាយនៅក្នុងការបង្ហោះនៅលើប្រព័ន្ធផ្សព្វផ្សាយសង្គម X ខណៈពេលដែលប្រតិកម្មទៅនឹងការប្រកាសកាលពីថ្ងៃពុធ ដោយរដ្ឋមន្ត្រីសុវត្ថិភាពសាធារណៈកាណាដា លោក Dominic LeBlanc ថា ប្រទេសរបស់ខ្លួន បានសម្រេចចិត្តដាក់ IRGC ក្នុងបញ្ជីជា «ក្រុមភេរវកម្ម»។លោក Bagheri Kani បាននិយាយថា ទង្វើរបស់ប្រទេសកាណាដា ក្នុងការដាក់ IRGC ក្នុងបញ្ជីខ្មៅដែលជាផ្នែកសំខាន់មួយនៃកងកម្លាំងប្រដាប់អាវុធផ្លូវការរបស់អ៊ីរ៉ង់ គឺជា «ការបង្កបញ្ហា»ចំពោះគោលការណ៍ និងច្បាប់អន្តរជាតិ និងគំរាមកំហែងដល់សន្តិភាពនិងស្ថិរភាពក្នុងតំបន់។ស្របពេលជាមួយគ្នានេះ អ្នកនាំពាក្យក្រសួងការបរទេសអ៊ីរ៉ង់ លោក Nasser Kanaani កាលពីថ្ងៃព្រហស្បតិ៍ បានថ្កោលទោសយ៉ាងដាច់អហង្ការចំពោះចំណាត់ការរបស់រដ្ឋាភិបាលកាណាដាថា «មិនធម្មតា និងខ្វះការពិចារណា» ដោយនិយាយថា ការសម្រេចចិត្តនេះ គឺជា«សកម្មភាពអរិភាពផ្ទុយនឹងច្បាប់អន្តរជាតិ ដែលពាក់ព័ន្ធនឹងសមភាពអធិបតេយ្យ និងការមិនជ្រៀតជ្រែកក្នុងកិច្ចការផ្ទៃក្នុងរបស់រដ្ឋ។ លោក Kanaani បានហៅការសម្រេចចិត្តនេះថា ជាការឈ្លានពានប្រឆាំងនឹងអធិបតេយ្យភាពជាតិរបស់ អ៊ីរ៉ង់»។

អាមេរិក នឹងផ្តោតលើការពង្រឹងទំនាក់ទំនងជាមួយវៀតណាម បន្ទាប់ពីទស្សនកិច្ចលោក ពូទីន

2024/06/21 09:09:07 pm        207
Facebook Telegram Linkin
សហរដ្ឋអាមេរិក បានឆ្លើយតបទៅនឹងដំណើរទស្សនកិច្ចរបស់ប្រធានាធិបតីរុស្ស៊ី លោក វ្ល៉ាឌីមៀ ពូទីន (Vladimir Putin) ទៅកាន់វៀតណាម កាលពីថ្ងៃព្រហស្បតិ៍ (២០ មិថុនា) ដោយនិយាយថា ទីក្រុងវ៉ាស៊ីនតោន នឹងបន្តផ្តោតលើការពង្រឹងទំនាក់ទំនងកាន់តែស៊ីជម្រៅជាមួយទីក្រុងហាណូយ ដែលខ្លួនបានស្វះស្វែងរកទំនាក់ទំនងរឹងមាំដើម្បីប្រឆាំងនឹងការប្រជែងជាមួយចិន។មួយថ្ងៃបន្ទាប់ពីការចុះហត្ថលេខាលើកិច្ចព្រមព្រៀងការពារទៅវិញទៅមកជាមួយកូរ៉េខាងជើង លោកពូទីន ត្រូវបានទទួលការស្វាគមន៍ក្នុងពិធីដ៏អធិកអធមមួយក្នុងប្រទេសវៀតណាម ហើយបាននិយាយនៅទីក្រុងហាណូយ ថាលោកចង់កសាង «ស្ថាបត្យកម្មសន្តិសុខដែលអាចទុកចិត្តបាន» នៅក្នុងតំបន់។ប៉ុន្មានម៉ោងក្រោយមក ទីក្រុងវ៉ាស៊ីនតោន បានប្រកាសថា ប្រមុខអ្នកការទូតរបស់ខ្លួនសម្រាប់អាស៊ីបូព៌ាគឺលោក ដានីញ៉ែល គ្រីថិនប្រ៊ីង (Daniel Kritenbrink) នឹងធ្វើទស្សនកិច្ចនៅវៀតណាមនៅថ្ងៃសុក្រ (២១ មិថុនា) និងថ្ងៃសៅរ៍ (២២ មិថុនា) សប្ដាហ៍នេះ ដើម្បីសង្កត់ធ្ងន់លើការប្តេជ្ញាចិត្តរបស់ទីក្រុងវ៉ាស៊ីនតោន ក្នុងការធ្វើការជាមួយទីក្រុងហាណូយ ដើម្បីធានាឱ្យមានតំបន់ឥណ្ឌូប៉ាស៊ីហ្វិក «សេរី និងបើកចំហ»។ដំណើរទស្សនៈកិច្ចរបស់លោក ពូទីន ទៅកាន់អាស៊ី ត្រូវបានគេមើលឃើញថាជាការផ្គើនទៅនឹងលោកខាងលិច ហើយការធ្វើជាម្ចាស់ផ្ទះរបស់វៀតណាម ត្រូវបានរិះគន់យ៉ាងខ្លាំងដោយទីក្រុងវ៉ាស៊ីនតោន ដែលបាននិយាយថា មេដឹកនាំរុស្ស៊ី មិនគួរត្រូវបានផ្តល់វេទិកាឱ្យការពារសង្រ្គាមរបស់ខ្លួននៅអ៊ុយក្រែននោះទេ៕

វៀតណាម ថាខ្លួននឹងពិភាក្សាជាមួយហ្វីលីពីន លើបណ្ដឹងទាមទារដែនសមុទ្រនៅ UN របស់ក្រុងម៉ានីល

2024/06/21 08:52:49 pm        101
Facebook Telegram Linkin
វៀតណាម បាននិយាយនៅថ្ងៃសុក្រ (២១ មិថុនា) នេះថា ខ្លួនមានឆន្ទៈក្នុងការពិភាក្សាជាមួយប្រទេសហ្វីលីពីន ដើម្បីស្វែងរកវិធានការដែលសមស្របនឹងផលប្រយោជន៍នៃប្រទេសទាំងពីរ បន្ទាប់ពីទីក្រុងម៉ានីល កាលពីសប្តាហ៍មុន បានដាក់បណ្ដឹងទៅអង្គការសហប្រជាជាតិ ទាមទារសិទ្ធិលើតំបន់ខ្ពង់រាបសមុទ្រទឹកជ្រៅនៅសមុទ្រចិនខាងត្បូង។អ្នកនាំពាក្យក្រសួងការបរទេសវៀតណាម លោកស្រី ហ្វាំ ធូហាំង (Pham Thu Hang) បាននិយាយនៅក្នុងសេចក្តីថ្លែងការណ៍មួយដែលបានបង្ហោះនៅលើគេហទំព័ររដ្ឋាភិបាលថា «វៀតណាមអះអាងជាថ្មីម្តងទៀតនូវអធិបតេយ្យភាពរបស់ខ្លួនចំពោះប្រជុំកោះ ហ័ងសា (Hoang Sa) និង ទ្រឿងសា (Truong Sa) ស្របតាមច្បាប់អន្តរជាតិ» ដោយសំដៅទៅលើប្រជុំកោះ ប៉ារ៉ាសែល (Paracel) និង ស្ព្រាតលី (Spratly)។ វៀតណាម និងហ្វីលីពីន ស្ថិតក្នុងចំណោមអ្នកទាមទារផ្នែកខ្លះនៃសមុទ្រចិនខាងត្បូង ដែលជាផ្លូវទឹកសមុទ្រពិភពលោកដ៏មមាញឹក ដែលស្ទើរតែទាំងអស់ត្រូវបានទាមទារដោយចិន។ ហ្វីលីពីន កាលពីសប្តាហ៍មុនបានដាក់បណ្ដឹងទៅអង្គការសហប្រជាជាតិទាមទារតំបន់ខ្ពង់រាបសមុទ្រទឹកជ្រៅមួយនៅសមុទ្រចិនខាងត្បូង ដែលគេជឿថាសម្បូរទៅដោយប្រេង និងឧស្ម័នធម្មជាតិ ព្រមទាំងជង្រុកត្រី។លោកស្រី ហាំង បានបន្ថែមនៅក្នុងសេចក្តីថ្លែងការណ៍ថា «បណ្ដារដ្ឋឆ្នេរសមុទ្រ ដែលបញ្ចូលព្រំដែនខ្ពង់រាបសមុទ្រទឹកជ្រៅខាងក្រៅរបស់ពួកគេ ចាំបាច់ត្រូវតែគោរពសិទ្ធិ និងផលប្រយោជន៍ស្របច្បាប់នៃរដ្ឋឆ្នេរសមុទ្រពាក់ព័ន្ធផ្សេងទៀត ដែលមានឆ្នេរសមុទ្រទល់មុខ ឬនៅជាប់គ្នា»៕

អ្នកបោះឆ្នោតអាមេរិក ទន្ទឹងរងចាំការជជែកដេញដោលរវាងលោក Biden និងលោកTrump

2024/06/21 08:48:12 pm        68
Facebook Telegram Linkin
ជនជាតិអាមេរិក ដែលមិនប្រាកដប្រជាអំពីបេក្ខភាពប្រធានាធិបតីដែលពួកគេពេញចិត្តនៅក្នុងការបោះឆ្នោតសហរដ្ឋអាមេរិកនាពេលខាងមុខ ដែលលោកប្រធានាធិបតី ចូ បៃដិន (Joe Biden) ប្រកួតទល់នឹងលោក ដូណាល់ ត្រាំ (Donald Trump) ឥឡូវនេះកំពុងទន្ទឹងរងចាំការជជែកដេញដោលនៅសប្តាហ៍ក្រោយនេះ ដើម្បីជួយពួកគេសម្រេចចិត្តថាតើត្រូវគាំទ្រអ្នកណានៅឆ្នាំនេះ។ មនុស្សជាច្រើន ដែលធ្លាប់បានបោះឆ្នោតឱ្យលោក ត្រាំ ក្នុងឆ្នាំ២០១៦ មុនពេលងាកទៅគាំទ្របេក្ខភាពលោក បៃដិន ក្នុងឆ្នាំ២០២០ ដោយសារតែពួកគេមានអារម្មណ៍ថាការដឹកនាំរបស់លោក ត្រាំ មានភាពច្របូកច្របល់ខ្លាំងពេក បាននិយាយថា ឥឡូវនេះពួកគេកំពុងងាកទៅគាំទ្រលោក ត្រាំ ម្តងទៀត ដោយសារមិនសប្បាយចិត្តចំពោះការធ្វើអន្តោប្រវេសន៍ខុសច្បាប់នៅព្រំដែនអាមេរិក-ម៉ិកស៊ិក និងអតិផរណាដ៏ខ្ពស់នៅក្រោមការគ្រប់គ្រងលោក បៃដិន។ពួកគេបន្ថែមថា ទោះជាយ៉ាងណាក៏ដោយ លោក បៃដិន អាចយកចិត្តពួកគេបាន ប្រសិនបើលោកបង្ហាញសំណើដ៏រឹងមាំមួយដើម្បីធានាសន្តិសុខព្រំដែន និងសុខភាពរឹងមាំរបស់ខ្លួន ទោះបីជាលោកមានអាយុច្រើនក៏ដោយ។ ប្រហែល ២០ ភាគរយនៃអ្នកបោះឆ្នោតនិយាយថា ពួកគេមិនទាន់បានជ្រើសរើសបេក្ខជនប្រធានាធិបតីឆ្នាំនេះនៅឡើយទេ ហើយកំពុងពឹងផ្អែកលើជម្រើសរបស់ភាគីទីបី ឬប្រហែលជាមិនបោះឆ្នោតទាល់តែសោះនៅក្នុងការបោះឆ្នោតថ្ងៃទី០៥ ខែវិច្ឆិកា នេះបើយោងតាមការស្ទង់មតិរបស់សារព័ត៌មានរ៉យទ័រ និងស្ថាប័នស្រាវជ្រាវ អ៊ីបសូស (Ipsos) ថ្មីៗនេះ។សុខភាពរឹងមាំខាងផ្លូវចិត្ត ជាពិសេសសម្រាប់លោក បៃដិន គឺជាបញ្ហាសំខាន់សម្រាប់អ្នកបោះឆ្នោតដែលមិនទាន់សម្រេចចិត្តទាំងនេះ ដែលនឹងរងចាំមើលការជជែកដេញដោលលើកដំបូង ដើម្បីមើលថាតើបេក្ខភាពវ័យចំណាស់ជាងគេទាំងពីរនាក់ ដែលឈរឈ្មោះជាប្រធានាធិបតីអាមេរិកនេះ អាចគិតបានល្អកម្រិតណា។ ការគ្រប់គ្រងសេដ្ឋកិច្ចរបស់លោក បៃដិន និងជាពិសេសការគ្រប់គ្រងអតិផរណារបស់លោកក៏ជាប្រធានបទក្តៅគគុកផងដែរសម្រាប់ការបោះឆ្នោតអាមេរិក៕

បេក្ខជនប្រធានាធិបតីវេណេស៊ុយអេឡា ព្រមព្រៀងគោរពលទ្ធផលបោះឆ្នោត ខណៈបក្សប្រឆាំងធំ អនុបវាទ

2024/06/21 06:53:08 pm        119
Facebook Telegram Linkin
ប្រធានាធិបតីប្រទេសវេណេស៊ុយអេឡា លោក Nicolas Maduro និងបេក្ខជន ៧រូបផ្សេងទៀត សម្រាប់ការបោះឆ្នោតនៅខែកក្កដា កាលពីថ្ងៃព្រហស្បតិ៍ បានចុះហត្ថលេខាលើកិច្ចព្រមព្រៀងមួយ ដើម្បីគោរពលទ្ធផលបោះឆ្នោត ទោះបីជាគណបក្សប្រឆាំងធំរបស់ប្រទេសនេះ បានអនុបវាទ ដោយនិយាយថា រដ្ឋាភិបាល បានរំលោភលើកិច្ចព្រមព្រៀងដែលមានស្រាប់។ កិច្ចព្រមព្រៀងចំនួនប្រាំបួនចំណុច ត្រូវបានបង្ហាញដោយ ក្រុមប្រឹក្សាជាតិរៀបចំការបោះឆ្នោត (CNE) ជាអាជ្ញាធររៀបចំការបោះឆ្នោតកម្រិតខ្ពស់បំផុតរបស់ប្រទេសវេណេស៊ុយអេឡា ដែលអ្នករិះគន់និយាយថា ជាការបន្ថែមពេលរបស់គណបក្សកាន់អំណាច។បេក្ខជនគណបក្សប្រឆាំងធំ លោក អ៊ីដមុនដូ ហ្កុនហ្សាឡេស(Edmundo Gonzalez) បានបដិសេធមិនចុះហត្ថលេខា។ នៅក្នុងសេចក្តីថ្លែងការណ៍ ដែលបានចេញផ្សាយកាលពីថ្ងៃព្រហស្បតិ៍ លោក Gonzalez បាននិយាយថា គណបក្សប្រឆាំងបានគោរពតាមលក្ខខណ្ឌមុនសម្រាប់ការបោះឆ្នោត ដែលត្រូវបានបង្កើតឡើងនៅក្នុងកិច្ចព្រមព្រៀង ចុះហត្ថលេខារវាងរដ្ឋាភិបាល និងគណបក្សប្រឆាំងនៅក្នុងទីក្រុង Barbados កាលពីឆ្នាំមុន។ប្រធានក្រុមប្រឹក្សាជាតិរៀបចំការបោះឆ្នោត (CNE) លោក Elvis Amoroso បាននិយាយថា លោក Gonzalez ពុំបានឆ្លើយតបទៅនឹងការអំពាវនាវរបស់ប្រទេសនោះទេ បន្ទាប់ពីអញ្ជើញលោកឲ្យមកចុះហត្ថលេខា ខណៈស្ថានីយ៍ទូរទស្សន៍ផ្លូវការ បានផ្សាយបង្ហាញពីកៅអីនៅទទេ។ លោក Gonzalez អតីតអ្នកការទូតអាយុ ៧៤ឆ្នាំ បាននិយាយទៅកាន់អ្នកសារព័ត៌មាន កាលពីថ្ងៃព្រហស្បតិ៍ថា លោកពុំបានទទួលការកោះហៅណាមួយពីក្រុមប្រឹក្សាជាតិរៀបចំការបោះឆ្នោត (CNE) ឡើយ។

លោក Biden ហាមឃាត់ការលក់កម្មវិធី Kaspersky នៅសហរដ្ឋអាមេរិក ជុំវិញទំនាក់ទំនងរុស្ស៊ី

2024/06/21 06:50:34 pm        112
Facebook Telegram Linkin
រដ្ឋបាលសហរដ្ឋអាមេរិក របស់លោក Joe Biden កាលពីថ្ងៃព្រហស្បតិ៍ បានប្រកាសពីផែនការដើម្បីរារាំងការលក់កម្មវិធីកំចាត់មេរោគដែលផលិតដោយមន្ទីពិសោធ កាសភឺស្គី ឡេប(Kaspersky Lab) របស់រុស្ស៊ី នៅសហរដ្ឋអាមេរិក ដោយនិយាយយោងទៅរកអតិថិជនធំៗនៅសហរដ្ឋអាមេរិករបស់ក្រុមហ៊ុននេះ រួមទាំងក្រុមហ៊ុនផ្តល់ហេដ្ឋារចនាសម្ព័ន្ធសំខាន់ៗ រដ្ឋាភិបាលរដ្ឋ និងរដ្ឋាភិបាលតំបន់។លោក Gina Raimondo រដ្ឋមន្ត្រីក្រសួងពាណិជ្ជកម្ម បាននិយាយក្នុងការសន្ទនាតាមទូរស័ព្ទ ជាមួយអ្នកសារព័ត៌មាន កាលពីថ្ងៃព្រហស្បតិ៍ថា ឥទ្ធិពលរបស់ទីក្រុងមូស្គូលើក្រុមហ៊ុន ត្រូវបានគេរកឃើញថាបង្កឱ្យមានហានិភ័យគួរឱ្យកត់សម្គាល់។ ប្រភពព័ត៌មានមួយបាននិយាយថា ដំណើរការដែលមានឯកសិទ្ធិរបស់កម្មវិធី ទៅកាន់ប្រព័ន្ធកុំព្យូទ័រ អាចអនុញ្ញាតឱ្យក្រុមហ៊ុនលួចយកព័ត៌មានរសើបពីកុំព្យូទ័ររបស់អាមេរិក ឬដំឡើងកម្មវិធីមេរោគ និងរក្សាការធ្វើបច្ចុប្បន្នភាពសំខាន់ៗ ដែលនឹងបង្កើនការគំរាមកំហែង។មន្ទីរពិសោធន៍ Kaspersky Lab និងស្ថានទូតរុស្ស៊ី ពុំបានឆ្លើយតបទៅនឹងសំណើសុំការអត្ថាធិប្បាយនោះទេ។ កន្លងមកក្រុមហ៊ុន កាសភឺស្គី(Kaspersky) ធ្លាប់បាននិយាយថា ក្រុមហ៊ុននេះ ជាក្រុមហ៊ុនគ្រប់គ្រងដោយឯកជនសុទ្ធសាធ ពុំមានទំនាក់ទំនងជាមួយរដ្ឋាភិបាលរុស្ស៊ីទេ។ចំណាត់ការនានាបង្ហាញថា រដ្ឋបាលរបស់លោក Biden កំពុងព្យាយាមបំបាត់ហានិភ័យនៃការវាយប្រហារតាមប្រព័ន្ធអ៊ីនធឺណិតរបស់រុស្ស៊ី ដែលកើតចេញពីកម្មវិធីកំចាត់មេរោគ Kaspersky និងរក្សាការប្រជ្រៀតចូលរបស់ទីក្រុងមូស្គូ ខណៈកិច្ចខិតខំប្រឹងប្រែងសង្រ្គាមរបស់ខ្លួននៅអ៊ុយក្រែន ទទួលបានសន្ទុះឡើងវិញ។

ប្រទេសចិន ថ្កោលទោសការលក់អាវុធរបស់សហរដ្ឋអាមេរិក ឲ្យទៅកោះតៃវ៉ាន់

2024/06/21 06:35:30 pm        76
Facebook Telegram Linkin
ទីក្រុងប៉េកាំង បានថ្កោលទោសយ៉ាងដាច់អហង្ការ កាលពីថ្ងៃព្រហស្បតិ៍សប្ដាហ៍នេះ ចំពោះការលក់អាវុធលើកទីពីររបស់ទីក្រុងវ៉ាស៊ីនតោន ក្នុងខែនេះទៅឱ្យតំបន់តៃវ៉ាន់ ដោយនិយាយថា អ្វីដែលសហរដ្ឋអាមេរិកបានធ្វើគឺដើម្បីជួយដល់ការប៉ុនប៉ងរបស់អាជ្ញាធរគណបក្សប្រជាធិបតេយ្យជឿនលឿនក្នុងការស្វែងរកឯករាជ្យតាមរយៈការកសាងកម្លាំងយោធា ដែលនឹងទទួលបានការវាយប្រហារត្រលប់ទៅវិញតែប៉ុណ្ណោះ។ ការអត្ថាធិប្បាយនេះ ត្រូវបានធ្វើឡើង ស្របពេលក្រសួងការបរទេសសហរដ្ឋអាមេរិកបានអនុម័តកាលពីថ្ងៃអង្គារលើការលក់យានដ្រូន និងមីស៊ីលទៅឱ្យតៃវ៉ាន់ក្នុងតម្លៃប្រមាណ ៣៦០ លានដុល្លារអាមេរិក។កាប្រកាសនេះបានកើតឡើងត្រឹមតែពីរសប្តាហ៍ប៉ុណ្ណោះ បន្ទាប់ពីរដ្ឋបាលអាមេរិកបានសម្រេចចិត្តលក់គ្រឿងបន្លាស់ និងជួសជុលយន្តហោះចម្បាំង F-16 ក្នុងតម្លៃ ៨០លានដុល្លារទៅឱ្យកោះនេះ។ថ្លែងនៅក្នុងសន្និសីទសារព័ត៌មានប្រចាំថ្ងៃ អ្នកនាំពាក្យក្រសួងការបរទេសចិន លោក លីន ចៀន (Lin Jian) បាននិយាយថា ការលក់អាវុធរបស់អាមេរិកទៅកាន់តំបន់តៃវ៉ាន់ ដោយមិនគិតពីការប្រឆាំងរបស់ចិន គឺបំពានយ៉ាងធ្ងន់ធ្ងរលើគោលការណ៍ចិនតែមួយ និងសេចក្តីថ្លែងការណ៍រួមទាំងបីរបស់ចិន និងសហរដ្ឋអាមេរិក ជាពិសេសសេចក្តីថ្លែងការណ៍កាលពីថ្ងៃទី ១៧ ខែសីហា ឆ្នាំ១៩៨២។ លោកបាននិយាយថា ការលក់បែបនេះធ្វើឱ្យប៉ះពាល់ដល់អធិបតេយ្យភាព និងផលប្រយោជន៍សន្តិសុខរបស់ចិនយ៉ាងខ្លាំង និងធ្វើឱ្យប៉ះពាល់ដល់ទំនាក់ទំនងចិន-អាមេរិក សន្តិភាព ព្រមទាំងស្ថិរភាពនៅទូទាំងច្រកសមុទ្រតៃវ៉ាន់ ហើយផ្ញើសារខុសដ៏ធ្ងន់ធ្ងរទៅកាន់កងកម្លាំងបំបែកខ្លួនទាមទារឯករាជ្យតៃវ៉ាន់៕

បណ្ដាញសង្គម

ព័ត៌មានថ្មីៗ

អ៊ីរ៉ង់ព្រមានថា សង្គ្រាមអាចរាលដាល «កាន់តែធំ​ទូលាយ» បើសហរដ្ឋ​អាមេរិកបើក «ប្រតិបត្តិការ​យោធាថ្មី​»
10/31/2026 05:10 PM
Facebook Telegram Linkin
ប្រធានាធិបតីប៉ូឡូញប្រកាសពី​ការ​រំលោភ​​សណ្តាប់ធ្នាប់រដ្ឋធម្មនុញ្ញ ក្រោយ​​ការ​ប្រឈម​មុខ​ដាក់គ្នា ​ជុំវិញ​បញ្ហាតុលាការ​
10/31/2026 05:10 PM
Facebook Telegram Linkin
ជនជាតិប៉ាឡេស្ទីន​នៅបន្ត​ស្លាប់​ ខណៈអ៊ីស្រាអែលនៅ​បន្តរំលោភកិច្ចព្រមព្រៀងបទ​ឈប់បាញ់ នៅហ្កាហ្សា
10/31/2026 04:10 PM
Facebook Telegram Linkin
ការហោះ​របស់​យន្តហោះ Air Force One ពីលើ​​សេតវិមាន សម្រាប់បុណ្យ Halloween នាំឱ្យមានការពន្យារជើងហោះហើរ
10/31/2026 04:10 PM
Facebook Telegram Linkin
ក្រុម​ចម្រុះ​ដឹកនាំដោយអារ៉ាប៊ីសាអ៊ូឌីត៖ យានដ្រូន ១គ្រឿង ត្រូវបាន​ស្ទាក់ចាប់​ នៅលើតំបន់ Riyadh
10/31/2026 04:10 PM
Facebook Telegram Linkin
ការ​បាញ់ប្រហារ នៅហាងសម្ភារៈបុណ្យ Halloween ក្នុងរដ្ឋ California បណ្តាលឱ្យមនុស្សម្នាក់ស្លាប់ និង ៦នាក់រងរបួស
10/31/2026 04:10 PM
Facebook Telegram Linkin
សម្តេចបវរធិបតី ហ៊ុន ម៉ាណែត និងលោកជំទាវបណ្ឌិត ពេជ ចន្ទមុន្នី បន្តផ្ដល់អំណោយប្រចាំខែប្រគល់ជូនមណ្ឌលមែកឈើ និងឧបត្ថម្ភស៊ីម៉ង់ត៍ ១០ តោនបន្ថែម
10/31/2026 04:10 PM
Facebook Telegram Linkin
កូរ៉េខាងជើងអះអាងថា ទណ្ឌកម្មមិនអាចកែប្រែឋានៈរបស់ខ្លួន ក្នុងនាមជារដ្ឋមានអាវុធនុយក្លេអ៊ែរនោះទេ
10/31/2026 03:10 PM
Facebook Telegram Linkin
គណបក្សប្រឆាំង នៅប៉ូឡូញ អំពាវនាវឱ្យមានការតវ៉ានៅខាងក្រៅតុលាការធម្មនុញ្ញ ក្នុងទីក្រុងវ៉ាសូវី
10/31/2026 03:10 PM
Facebook Telegram Linkin
របាយការណ៍៖ លោក Trump អាចនឹងបញ្ជាឱ្យ​វាយប្រហារអ៊ីរ៉ង់ទ្រង់ទ្រាយធំ បើ​បក្សសាធារណរដ្ឋ​​ចាញ់​ឆ្នោត
10/31/2026 03:10 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.