នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
BREAKING NEWS|កម្ពុជាចាត់ទុកផែនការថៃចង់ដណ្តើមប្រាសាទតាក្របី និងបិទប្រាសាទតាមាន់ធំគឺជាការប៉ុនប៉ងឈ្លានពានកម្ពុជាគិតទុកជាមុន និងមិនគោរពបទឈប់បាញ់
សម្ដេចតេជោ៖សង្គ្រាមព្រំដែនកម្ពុជា-ថៃបានផ្ទេរពីសង្គ្រាមប្រើប្រាស់អាវុធមកជាសង្រ្គាម ប្រើប្រាស់ជំពាមកៅស៊ូ ខណៈបើពិនិត្យឲ្យសុីជម្រៅវាជារឿងធំ ប្រសិនបើមិនទប់ស្កាត់
ឯកឧត្តម ចាន់ ដារ៉ុង ដឹកនាំគណៈកម្មការ​អន្តរ​ក្រសួង​ចុះ​ពិនិត្យ​វាយ​តម្លៃ​បញ្ចប់​សុពល​ភាព​ការងារ​ថែ​ទាំ​ផ្លូវ​ខួបចំនួន ៣កំណាត់ ក្នុងខេត្តពោធិ៍សាត់
BREAKING NEWS! សម្តេចធិបតី អបអរសាទរចំពោះការប្រព្រឹត្តទៅដោយជោគជ័យ​នូវ​កិច្ច​ប្រជុំ​​វិសាមញ្ញ នៃ​គណៈកម្មាធិកា​រ​ព្រំដែន​ទូទៅកម្ពុជា-ថៃ

នយោបាយ​ និង ការអភិវឌ្ឍន៍

យោធាអាមេរិក នឹងរៀបចំផ្នែកនៃសមយុទ្ធទ្រង់ទ្រាយធំ នៅប្រទេសជប៉ុន ជាលើកដំបូង

2024/05/24 12:30:32 pm        141
Facebook Telegram Linkin
ប្រព័ន្ធផ្សព្វផ្សាយ NHK បានរាយការណ៍ថា យោធាសហរដ្ឋអាមេរិក នឹងរៀបចំផ្នែកមួយនៃសមយុទ្ធទ្រង់ទ្រាយធំរបស់ខ្លួន នៅក្នុងប្រទេសជប៉ុនជាលើកដំបូង ក្នុងកិច្ចខិតខំប្រឹងប្រែងជាក់ស្តែង ដើម្បីបង្កើនសមត្ថភាពឆ្លើយតបយ៉ាងឆាប់រហ័សរបស់ខ្លួន ក្នុងការដោះស្រាយស្ថានភាពអាសន្ន ដែលអាចកើតមាននៅជិតប្រទេសនេះ។យោធាសហរដ្ឋអាមេរិក ធ្វើសមយុទ្ធដែលមានឈ្មោះថា ខែលការពារដ៏ក្លាហាន រៀងរាល់ពីរឆ្នាំម្តង នៅកោះ Guam និងនៅកន្លែងផ្សេងទៀត។ វានឹងមានការចូលរួមពីបុគ្គលិក មកពីអង្គភាពនានា ដូចជា កងទ័ពជើងទឹក កងទ័ពអាកាស និងកងម៉ារីន។ ការអះអាងនៃសមយុទ្ធនៅឆ្នាំនេះ គ្រោងនឹងចាប់ផ្តើមនៅដើមខែមិថុនា ហើយបន្តរយៈពេលប្រហែលពីរសប្តាហ៍។ប្រភពព័ត៌មានបាននិយាយថា យន្តហោះចម្បាំងអាមេរិក គ្រោងនឹងទៅដល់មូលដ្ឋានទ័ពអាមេរិក និងមូលដ្ឋានកងកម្លាំងស្វ័យការពារចំនួនពីរកន្លែងនៅក្នុងប្រទេសជប៉ុន ដើម្បីចូលរួមក្នុងការហ្វឹកហាត់ជាមួយយន្តហោះរបស់កងកម្លាំងស្វ័យការពារ។ ប្រភពព័ត៌មាននិយាយថា មូលដ្ឋានកងទ័ពស្វ័យការពារទាំងពីរ ទំនងជាមូលដ្ឋានទ័ពអាកាស ហាឈីណូហេ(Hachinohe) ក្នុងខេត្ត Aomori និង មូលដ្ឋាន Matsushima នៅក្នុងខេត្ត Miyagi ។មូលដ្ឋានរបស់កងកម្លាំងស្វ័យការពារ ដែលមូលដ្ឋានទាំងពីរស្ថិតនៅប្រទេសជប៉ុនភាគឦសាន បានធ្វើប្រតិបត្តិការយន្តហោះល្បាត យន្តហោះចម្បាំង និងយន្តហោះផ្សេងទៀត។ ប៉ុន្តែ វាកម្រណាស់សម្រាប់យន្តហោះចម្បាំងអាមេរិក ដែលចាកចេញពីមូលដ្ឋានដើម្បីហ្វឹកហាត់។

ក្រុមការងារគណបក្សប្រជាជនកម្ពុជាចុះមូលដ្ឋានខណ្ឌមានជ័យ បិទយុទ្ធនាការឃោសនាបោះឆ្នោតជ្រើសរើសក្រុមប្រឹក្សាខណ្ឌ

2024/05/24 12:06:19 pm        116
Facebook Telegram Linkin
ភ្នំពេញ៖ នៅថ្ងៃទី២៤ ខែឧសភា ឆ្នាំ២០២៤ លោក ជួន ណារិន្ទ អនុប្រធានទី១ ក្រុមការងារចុះមូលដ្ឋានខណ្ឌមានជ័យ, និងលោក សេង គន្ធ ប្រធានគណៈកម្មាធិការគណបក្សខណ្ឌមានជ័យ បានដឹកនាំសមាជិក-សមាជិកា គណបក្សប្រជាជនកម្ពុជាខណ្ឌមានជ័យ ហែក្បួនបិទយុទ្ធនាការឃោសនាបោះឆ្នោតជ្រើសរើសក្រុមប្រឹក្សារាជធានី ក្រុមប្រឹក្សាខណ្ឌ អាណត្តិទី៤ ឆ្នាំ២០២៤ ក្នុងមូលដ្ឋានខណ្ឌមានជ័យសរុបចំនួនជាង១ពាន់នាក់។លោក ជួន ណារិន្ទ បានថ្លែងអំណរគុណ និងកោតសរសើរ និងវាយតម្លៃខ្ពស់ចំពោះក្រុមការងារគណបក្សចុះមូលដ្ឋានខណ្ឌមានជ័យ និងមន្ត្រីគណបក្សទាំងអស់ ដែលបាននិងកំពុងខិតខំប្រឹងប្រែងយ៉ាងសកម្ម ចូលរួមក្នុងយុទ្ធនាការឃោសនាបោះឆ្នោត ដោយបានយកអស់កម្លាំងកាយចិត្ត សម្ភារ ថវិកា ពេលវេលា សំដៅសម្រេចឲ្យបានជោគជ័យជូនគណបក្សប្រជាជនកម្ពុជា ក្នុងការបោះឆ្នោតជ្រើសរើសក្រុមប្រឹក្សាខេត្ត ក្រុមប្រឹក្សាស្រុក អាណត្តិទី៤ ឆ្នាំ២០២៤ ខាងមុខនេះ។លោក បានឱ្យដឹងថា ការបោះឆ្នោតជ្រើសរើសក្រុមប្រឹក្សាខេត្ត ក្រុមប្រឹក្សាក្រុង ស្រុក នៅថ្ងៃអាទិត្យ ទី២៦ ខែឧសភា ឆ្នាំ២០២៤ ខាងមុខនេះ គឺជាការបោះឆ្នោតមួយដ៏មានសារៈសំខាន់សម្រាប់ការបន្តជំរុញដំណើរការ អភិវឌ្ឍសង្គមជាតិយើងពិសេសការអភិវឌ្ឍតាមបែបប្រជាធិបតេយ្យនៅថ្នាក់ក្រោមជាតិ។ ទោះបីការបោះឆ្នោតនេះជាបោះឆ្នោតអសកល ប៉ុន្តែគឺជាបោះឆ្នោតដែលកើតចេញពីឆន្ទះរបស់ប្រជាជនកម្ពុជាពិតប្រាកដ ព្រោះថាសមាជិក សមាជិកាជាក្រុមប្រឹក្សាសង្កាត់ ដែលជាអ្នកបោះឆ្នោតផ្ទាល់ គឺជាអ្នកតំណាងរបស់ប្រជាជនដែលបានប្រសូត្រចេញពីឆន្ទៈរបស់ប្រជាជន។លោក បានបញ្ជាក់ថា ការជ្រើសតាំងបេក្ខជនរបស់គណបក្សប្រជាជនកម្ពុជា សម្រាប់ការប្រកួតប្រជែងយកអាសនៈក្នុងការបោះឆ្នោតនេះ គឺសម្រាំងយកបុគ្គលដែលមានគុណតម្លៃខ្ពស់ មានសមត្ថភាព និងសីលធម៌ ដើម្បីចូលរួមដឹកនាំខណ្ឌ និយាយដោយឡែក និងនិយាយជារួមគឺការចូលរួមកសាងប្រទេសជាតិឲ្យមានការអភិវឌ្ឍ និងរីកចម្រើន។លោក បន្ថែមថា គណបក្សប្រជាជន បានសម្រិតសម្រាំងរកបានរួចហើយ និងសង្ឃឹមថា អង្គបោះឆ្នោតដែលជាមន្ត្រីបក្សនៅមូលដ្ឋាន ដែលមានសិទ្ធិបោះឆ្នោត គូសសន្លឹកឆ្នោតក្នុងប្រអប់ឆ្នោតរបស់គណបក្សប្រជាជនកម្ពុជា រូបសញ្ញាទេវតាបាចផ្កា ដែលសន្លឹកឆ្នោត សម្រាប់ក្រុមប្រឹក្សាខណ្ឌមានជ័យ។

បក្សនយោបាយអនុវត្តបានល្អតាមការណែនាំរបស់ គ.ជ.ប ឃោសនាបោះឆ្នោតជ្រើសរើស ក្រុមប្រឹក្សា

2024/05/24 11:45:07 am        116
Facebook Telegram Linkin
នៅថ្ងៃទី២៤ ខែឧសភា ឆ្នាំ២០២៤ មានគណបក្សនយោបាយចំនួន៣នៅរាជធានីភ្នំពេញ បាន​ធ្វើសកម្មភាពបិទយុទ្ធនាការឃោសនាបោះឆ្នោតជ្រើសរើសក្រុមប្រឹក្សារាជធានី និង​បោះឆ្នោត​ជ្រើស​រើសក្រុមប្រឹក្សាខណ្ឌ ហើយនៅក្នុងដំណើរការឃោសនាបោះឆ្នោតនេះ បណ្តា​គណបក្ស​នយោបាយ​បានអនុវត្តគោលការណ៍ណែនាំរបស់ គណៈកម្មាធិការជាតិរៀបចំការបោះឆ្នោត (គ.ជ.ប) បានល្អប្រសើរ និងមានសណ្តាប់ធ្នាប់ល្អ។លោក ស៊ីម ដូនី ប្រធានគណៈកម្មការរៀបចំការបោះឆ្នោតរាជធានីភ្នំពេញ ថ្លែងថា នៅរាជធានី​ភ្នំពេញ នាព្រឹកនេះ មានគណៈបក្សនយោបាយចំនួនបី បានធ្វើ​សកម្មភាព​បិទ​យុទ្ធនាការ​ឃោសនា​បោះឆ្នោត ជ្រើសរើសក្រុមប្រឹក្សារាជធានី និងបោះឆ្នោតជ្រើសរើសក្រុមប្រឹក្សាខណ្ឌ ក្នុងនោះគណបក្សប្រជាជនកម្ពុជា បានធ្វើសកម្មភាពនៅតាមបណ្តាខណ្ឌទាំង១៤ ដោយ​បាន​ប្រមូល​ផ្តុំ​ជួបជុំសមាជិកសមាជិការបក្សចំនួនប្រមាណ ៥០០នាក់ក្នុងមួយក្បួន និងហែក្បួន​ទៅ​តាម​តម្រាយផ្លូវដែលបានស្នើសុំទៅ គណៈកម្មការរៀបចំការបោះឆ្នោតរាជធានី។ ចំណែក​គណបក្ស​ហ៊្វុនស៊ិនប៉ិច និងគណបក្សឆន្ទៈខ្មែរ បានធ្វើសកម្មភាពឃោសនាបិទយុទ្ធនាការ តាមរយៈ​ការជួបជុំគ្នានៅទីស្នាក់ការបក្សតាមបណ្តាខណ្ឌរបស់ខ្លួនផងដែរ។លោក​បន្តថា យុទ្ធនាឃោសនាបោះឆ្នោតជ្រើសរើសក្រុមប្រឹក្សារាជធានីភ្នំពេញ និង​បោះឆ្នោត​ជ្រើស​រើស​ក្រុមប្រឹក្សាខណ្ឌអណត្តិទី៤ នៅព្រឹកថ្ងៃទី២៤ ខែឧសភានេះ គឺមានសន្តិសុខ សណ្តាប់​ធ្នាប់​ល្អប្រ​សើរ មិនមានបាតុភាពអ្វីកើតឡើងនោះទេ ពោលកម្លាំងការពារសន្តិសុខ រៀបចំ​សណ្តាប់​ធ្នាប់​ចម្រុះ មានកងកម្លាំងនគរបាល កងអាវុធហត្ថ កងប្រជាការពារ និងកម្លាំង​រៀបចំ​សណ្តាប់​ធ្នាប់​តាមបណ្តាគណបក្ស គឺបានធ្វើការសហការគ្នាល្អ ធ្វើឲ្យដំណើរការ​ឃោសនា​បោះឆ្នោត​នេះ មានភាពរលូន។សូមបញ្ជាក់ថា ការបោះឆ្នោតជ្រើសរើសក្រុមប្រឹក្សារាជធានីភ្នំពេញ និងការបោះឆ្នោត​ជ្រើសរើស​ក្រុម​ប្រឹក្សាខ័ណ្ឌ នៅក្នុងរាជធានីភ្នំពេញ មានអង្គបោះឆ្នោតដែល​ជា​សមាជិក​ក្រុម​ប្រឹក្សា​សង្កាត់​នៅ​ក្នុង​តំណែង មានចំនួន ៨៩៩រូប និងមានការិយាល័យបោះឆ្នោតចំនួន១៤ នៅតាម​បណ្ដា​ខណ្ឌនីមួយ​នៃ​រាជធានីភ្នំពេញ៕ អត្ថបទ ស៊ុម សុខជា 

សហរដ្ឋអាមេរិក និងសម្ព័ន្ធមិត្ត អំពាវនាវឱ្យកោះតៃវ៉ាន់ ត្រូវបានអនុញ្ញាតឱ្យចូលរួមក្នុងកិច្ចប្រជុំ WHO

2024/05/24 11:27:11 am        115
Facebook Telegram Linkin
សហរដ្ឋអាមេរិក និងសម្ព័ន្ធមិត្តរបស់ខ្លួនមួយចំនួន រួមទាំងចក្រភពអង់គ្លេស កាណាដា អូស្ត្រាលី អាល្លឺម៉ង់ និងជប៉ុន បានចេញសេចក្តីថ្លែងការណ៍រួមមួយនៅថ្ងៃសុក្រ (២៤ ឧសភា) នេះដោយអំពាវនាវឱ្យកោះតៃវ៉ាន់ ត្រូវបានអនុញ្ញាតឱ្យចូលរួមក្នុងកិច្ចប្រជុំដ៏សំខាន់មួយគឺសន្និបាតសុខភាពពិភពលោក (WHA) របស់អង្គការ WHO ដែលចាប់ផ្តើមនៅថ្ងៃទី២៧ ខែឧសភា នេះ។កោះតៃវ៉ាន់ ត្រូវបានដកចេញពីអង្គការអន្តរជាតិភាគច្រើន ដោយសារតែការជំទាស់របស់ចិន ដែលចាត់ទុកកោះស្វ័យគ្រប់គ្រងតាមបែបប្រជាធិបតេយ្យនេះថាជាទឹកដីរបស់ខ្លួន។សេចក្តីថ្លែងការណ៍រួមដែលចេញដោយស្ថានទូតតាមជាក់ស្ដែងនៃសហរដ្ឋអាមេរិក និងប្រទេសផ្សេងទៀតនៅទីក្រុងតៃប៉ិ និយាយថា ខណៈដែលសម័យប្រជុំលើកទី៧៧ នៃមហាសន្និបាតសុខភាពពិភពលោកឆ្នាំនេះ ចាប់ផ្តើមនៅទីក្រុងហ្សឺណែវ ការអញ្ជើញកោះតៃវ៉ាន់ ជាអ្នកសង្កេតការណ៍នឹងបង្ហាញយ៉ាងល្អបំផុតនូវការប្តេជ្ញាចិត្តរបស់អង្គការសុខភាពពិភពលោកចំពោះវិធីសាស្រ្ត «សុខភាពសម្រាប់ទាំងអស់គ្នា» សម្រាប់កិច្ចសហប្រតិបត្តិការអន្តរជាតិ។ សហរដ្ឋអាមេរិក និងសម្ព័ន្ធមិត្តសំខាន់ៗមួយចំនួន ដែលមិនមានទំនាក់ទំនងការទូតផ្លូវការជាមួយទីក្រុងតៃប៉ិ បានអំពាវនាវម្តងហើយម្តងទៀត ឱ្យកោះតៃវ៉ាន់ ត្រូវបានអនុញ្ញាតឱ្យចូលរួម ដោយធ្វើឱ្យទីក្រុងប៉េកាំង ខឹងសម្បារយ៉ាងខ្លាំង។ ការិយាល័យកិច្ចការតៃវ៉ាន់ របស់ប្រទេសចិន បាននិយាយនៅខែនេះថា វាជាកំហុសរបស់បក្សកាន់អំណាចរបស់តៃវ៉ាន់ ដែលកោះនេះមិនអាចចូលរួមសន្និបាត WHA បានដោយសារ «កង្វះមូលដ្ឋាននយោបាយ»។ អង្គការ WHO និយាយថា ការចូលរួមរបស់តៃវ៉ាន់ គឺទុកឱ្យរដ្ឋសមាជិកជាអ្នកសម្រេចចិត្ត៕

កូរ៉េខាងត្បូងដាក់ពង្រាយប្រព័ន្ធដំណើរការដោយ AI ដើម្បីតាមដានការគំរាមកាន់តែប្រសើរពីកូរ៉េខាងជើង

2024/05/24 11:21:14 am        73
Facebook Telegram Linkin
កូរ៉េខាងត្បូងបានដាក់ពង្រាយការប្រើប្រាស់បញ្ញាសិប្បនិម្មិត (AI) ក្នុងវិស័យយោធារបស់ខ្លួនដើម្បីបង្កើនការប្រុងប្រយ័ត្នរបស់ខ្លួន លើកូរ៉េខាងជើង។ ទីក្រុងសេអ៊ូលកំពុងសាកល្បងប្រព័ន្ធដំណើរការដោយ AI ដើម្បី តាមមានការគំរាមកំហែងរបស់កូរ៉េខាងជើងកាន់តែប្រសើរឡើង ពីជួរមុខនៅតាមព្រំដែនក្នុងតំបន់ យ៉ុនជុន (Yeoncheon) នៃខេត្ត ជីយ៉ុនជី (Gyeonggi) ភាគខាងជើង ដែលខណ្ឌចែកឧបទ្វីបកូរ៉េ។ ប្រព័ន្ធដំណើរការដោយ AI ត្រូវបានដំឡើងនៅប៉ុស្តិ៍យោធាកូរ៉េខាងត្បូង តាមបណ្តោយចុងភាគខាងត្បូងនៃតំបន់គ្មានយោធា (DMZ) ដែលពុះចែកប្រទេសបងប្អូនកូរ៉េទាំងពីរ។របាយការណ៍បាននិយាយថា កងវរសេនាតូចហានសាន (Hansan) របស់យោធាកូរ៉េខាងត្បូង កំពុងបំពាក់បច្ចេកវិទ្យា AI នៅក្នុងឧបករណ៍តាមដាន ដើម្បីវិភាគវីដេអូតាមពេលវេលាជាក់ស្តែង និង សម្គាល់ មនុស្ស និងសត្វព្រៃ ដូចជាសត្វក្តាន់ និងជ្រូកព្រៃ។ប្រភពដដែលបាននិយាយថា ការចុះអ័ព្ទធ្វើឱ្យមនុស្សពិបាកមើលឃើញជនជាតិកូរ៉េខាងជើង ឆ្លងកាត់ខ្សែបន្ទាត់ព្រំដែន។ ទោះជាយ៉ាងណាក៏ដោយ ឧបករណ៍តាមដានទំនើបៗ របស់ទីក្រុងសេអ៊ូល កំពុងបង្កភាពងាយស្រួលដល់ទាហាន ក្នុងការត្រួតពិនិត្យសមភាគីកូរ៉េខាងជើងរបស់ពួកគេ។ ប្រព័ន្ធបច្ចុប្បន្នជួយទាហានក្នុងការវិភាគសកម្មភាពព្រំដែនកូរ៉េខាងជើង ហើយកងទ័ពរំពឹងថាសមត្ថភាពសម្គាល់មនុស្ស-សត្វ របស់ AI នឹងកាន់តែប្រសើរឡើង ទន្ទឹមនឹងការធ្វើឱ្យប្រសើរឡើងនូវក្បួនដោះស្រាយ និងនៅពេលសំណុំទិន្នន័យហ្វឹកហ្វឺនរបស់ខ្លួន ត្រូវពង្រីកបន្ថែមទៀត៕

ឯកឧត្តម គន់ គីម អញ្ជើញបិទយុទ្ធនាការឃោសនាបោះឆ្នោតក្រុមប្រឹក្សាខេត្ត ក្រុង ស្រុក ក្នុងខេត្តឧត្តរមានជ័យ

2024/05/24 11:11:57 am        103
Facebook Telegram Linkin
នៅថ្ងៃទី២៤ខែឧសភា ឆ្នាំ២០២៤នេះ ឯកឧត្តមកិត្តិសង្គហបណ្ឌិត គន់ គីម សមាជិក​គណៈ​អចិន្ត្រៃយ៍ នៃ​គណៈកម្មាធិការកណ្តាលគណបក្សប្រជាជនកម្ពុជា និងជាប្រធាន​ក្រុម​ការងារ​ថ្នាក់​​កណ្តាលចុះជួយគណបក្សខេត្តឧត្តរមានជ័យ បានអញ្ជើញ​ជា​អធិបតី​ក្នុង​ពិធី​បិទ​យុទ្ធនាការ​ឃោសនា​បោះឆ្នោតក្រុមប្រឹក្សាខេត្ត ក្រុមប្រឹក្សាក្រុង ក្រុមប្រឹក្សាស្រុក ឃុំ សង្កាត់ អាណត្តិទី៤ ខេត្តឧត្តរមានជ័យ។ឯកឧត្តមកិត្តិសង្គហបណ្ឌិត គន់ គីម មានប្រសាសន៍ថា ក្នុងនាមសម្តេចប្រធាន សម្តេច​អនុ​ប្រធាន​គណបក្សប្រជាជនកម្ពុជា បានសម្តែងនូវការគោរពអរគុណ និងកោត​សរសើរ​វាយ​​តម្លៃ​ខ្ពស់​ចំពោះ​អស់លោក លោកស្រី ជាសមាជិកក្រុមប្រឹក្សា ឃុំ សង្កាត់ មកពី​គណបក្ស​ប្រជាជន​កម្ពុជា​ទូទាំង​ក្រុង និងខេត្តដែលបានប្តេជ្ញាចិត្តចូលរួមយ៉ាងសកម្ម ក្រោមការដឹកនាំរបស់គណបក្ស និង​បាន​បោះឆ្នោ​តគាំទ្រគណបក្សប្រជាជនកម្ពុជា ក្នុងការបោះឆ្នោតជ្រើសតាំងសមាជិកព្រឹទ្ធសភា នីតិកាល​ទី៥ កន្លងទៅថ្មីៗនេះ ចូលរួមធ្វើ​ឱ្យគណបក្ស​ប្រជាជន​កម្ពុជា ​ដណ្តើម​បាន​ជោគជ័យ​យ៉ាង​ត្រចះ​ត្រចង់ក្នុងការបោះឆ្នោតដ៏មានសារសំខាន់នេះ។ ទន្ទឹមនេះ ឯកឧត្តមកិតិ្តសង្គហបណ្ឌិត គន់ គីម បានថ្លែងនូវការកោតសរសើរ អរគុណ និង​វាយ​តម្លៃ​ខ្ពស់ ចំពោះគណៈកម្មាធិការគណបក្ស និងក្រុមការ​ងារ​គណបក្ស​ចុះមូលដ្ឋាន​គ្រប់​លំដាប់​ថ្នាក់​នៃ​ក្រុង និងខេត្តឧត្តរមានជ័យ ដែលបានខិតខំ​បំពេញ​ការងារ​ប្រកប​ដោយ​ស្មារតី​ទទួល​ខុស​ត្រូវ​ខ្ពស់ ក្នុងការសម្របសម្រួលចាត់ចែងការងារបោះឆ្នោតរបស់គណបក្ស ដោយបាន​លះបង់​នូវ​កម្លាំង​កាយ ប្រាជ្ញាស្មារតី និងធនធានផ្ទាល់ខ្លួនយ៉ាងច្រើន ក្នុងការចុះបំពេញការងារតាមមូលដ្ឋាន ដើម្បីចិញ្ចឹមចលនា និងការកសាងកម្លាំងនយោបាយនៅតាមមូលដ្ឋាននានា សំដៅពង្រឹង និង​លើក​កម្ពស់​ការចូលរួម ការគាំទ្រ ពីប្រជាពលរដ្ឋ និងអង្គបោះឆ្នោត​អសកល​មក​លើ​គណបក្ស​ប្រជាជន​កម្ពុជា ចូលរួមធ្វើឱ្យគណបក្សទទួលបានជោគជ័យយ៉ាងត្រចះត្រចង់។ក្នុងនាមគណបក្សប្រជាជនកម្ពុជា និងក្នុងនាមសម្តេចអគ្គមហាសេនាបតីតេជោ ហ៊ុន សែន ប្រធានគណបក្ស ឯកឧត្តម បានផ្ដល់ការលើកទឹកចិត្តដល់អស់លោក លោកស្រី ជា​សមាជិក​ក្រុម​ប្រឹក្សា ឃុំ សង្កាត់ មកពីគណបក្សប្រជាជនកម្ពុជាទូទាំងខេត្តឧត្តរមានជ័យ ដែលជា​អង្គ​បោះឆ្នោត​ជ្រើស​រើស​ក្រុមប្រឹក្សា រាជធានី ខេត្ត ក្រុង ស្រុក សូមមេត្តាបន្ត​ពង្រឹង​ការ​ប្តេជ្ញា​ចិត្ត​រួម​គ្នា​ជា​ធ្លុង​មួយ​។ ជាចុងក្រោយ ឯកឧត្តម ក្នុងនាមគណបក្សប្រជាជនកម្ពុជា និងក្នុ​ង​នាម​គណប​ក្ស​ប្រជាជន​មូល​ដ្ឋាន​ខេត្ត ឯកឧត្តម មានក្តីសង្ឃឹមជឿជាក់យ៉ាងមុតមាំលើការប្តេជ្ញាចិត្ត ការចូលរួម និងការ​គាំទ្រ​របស់​ឯកឧត្តម លោកជំទាវ លោក លោកស្រី ជាថ្នាក់ដឹកនាំ មន្ត្រីនៃក្រុមការងារ, ថ្នាក់ដឹកនាំ មន្ត្រី នៃ​គណៈកម្មាធិការគណបក្សគ្រប់ថ្នាក់របស់ខេត្តឧត្តរមានជ័យ បេក្ខជនក្រុមប្រឹក្សា ខេត្ត ក្រុង ស្រុក ខណ្ឌ និងអង្គបោះឆ្នោតទាំងអស់មកពីគណបក្សប្រជាជនកម្ពុជាទូទាំងខេត្តឧត្តរមានជ័យ នឹង​រួមគ្នាដណ្តើមជោគជ័យឱ្យបានដាច់ខាតក្នុងការបោះឆ្នោតជ្រើសរើសក្រុមប្រឹក្សា ខេត្ត ក្រុង ខណ្ឌ ស្រុក អាណត្តិទី៤ នៅថ្ងៃទី២៦ ឧសភា ឆ្នាំ២០២៤នេះ៕

គណបក្ស ហ្វ៊ុន ស៊ិនប៉ិច រៀបចំពិធីចួបជុំសមាជិក-សមាជិកា នៅថ្ងៃបិទបញ្ចប់យុទ្ធនាការ​ឃោសនាបោះឆ្នោត ក្រុមប្រឹក្សា អាណត្តិទី៤

2024/05/24 10:55:51 am        153
Facebook Telegram Linkin
នៅថ្ងៃទី២៤ ខែឧសភានេះ ដែលជាថ្ងៃ​បិទ​បញ្ចប់​យុទ្ធនាកា​រ​ឃោសនាបោះឆ្នោត​ជ្រើសរើស​ក្រុម​ប្រឹក្សា​រាជ​ធានី ខេត្ត ក្រុង ស្រុក ខណ្ឌ អាណត្តិទី៤ គណបក្ស ហ៊ុន ស៊ិនប៉ិច បាន​រៀបចំ​ពិធី​ចួប​ជុំ​សមាជិក-សមាជិកា ប្រមាណជាង១០០នាក់ ស្ថិតនៅទីស្នាក់កណ្តាលគណបក្ស ហ្វ៊ុន ស៊ិនប៉ិច រាជធានីភ្នំពេញ។លោក អ៊ុក វុទ្ធី ប្រធានគណៈកម្មាធិការប្រតិបត្តិរាជធានីភ្នំពេញ នៃគណបក្ស ហ្វ៊ុន ស៊ិនប៉ិច បា​ន​ប្រាប់​BTV​ឱ្យដឹងថា ចាប់តាំងពីថ្ងៃបើកយុទ្ធនាការ រហូតដល់ថ្ងៃបិទបញ្ចប់នេះ គណបក្ស ហ្វ៊ុន ស៊ិនប៉ិច បានគោរពតាមសេចក្តីណែនាំរបស់គណៈកម្មាធិការជាតិរៀបចំការបោះឆ្នោត និង​សង្កេត​ឃើញ​ថា ដំណើរការឃោសនាបោះឆ្នោតក្នុងអាណត្តិនេះ ប្រព្រឹត្តិ​ទៅដោយ​រលូន​មិនមែន​បញ្ហា​អ្វី​មួយ​កើត​ឡើងនោះទេ។ការឃោសនាបោះឆ្នោតជ្រើសរើសក្រុមប្រឹក្សារាជធានី ខេត្ត ក្រុង ស្រុក ខណ្ឌ ឫហៅថា ក្រុម​ប្រឹក្សា​អាណត្តិ​ទី៤ ឆ្នាំ២០២៤ មានរយៈពេល ៨ ថ្ងៃ ចាប់ពីថ្ងៃទី១៧ ដល់ថ្ងៃទី២៤ ខែឧសភា ឆ្នាំ២០២៤។ រីឯការបោះឆ្នោតនឹងប្រព្រឹត្តទៅ នៅថ្ងៃអាទិត្យ ទី២៦ ខែឧសភា ឆ្នាំ២០២៤ ចាប់​ពី​វេលាម៉ោង៧:០០ព្រឹក រហូតដល់ ៣:០០រសៀល នៅតាមការិយាល័យបោះឆ្នោតទាំង ២០៩ ការិយាល័យ នៅទូទាំងប្រទេសកម្ពុជា ដែលមានអង្គបោះឆ្នោតជាក្រុមប្រឹក្សាឃុំ-សង្កាត់ ក្នុង​មុខ​តំណែង​សរុប​នៅ​ទូទាំង​ប្រទេសចំនួន ១១,៦២២នាក់។ការបោះឆ្នោតជ្រើសរើសក្រុមប្រឹក្សាអាណត្តិទី៤នេះ មានគណបក្សចំនួន៥ បានដាក់បេក្ខជន​ឈរ​ឈ្មោះ​ប្រកួត​ប្រជែង ដែលក្នុងនោះរួមមាន៖ គណបក្សប្រជាជនកម្ពុជា គណបក្សឆន្ទៈខ្មែរ គណបក្ស​កម្លាំងជាតិ គណបក្ស ហ៊្វុន ស៊ិនប៉ិច និងគណបក្សខ្មែររួបរួមជាតិ។ អត្ថបទ៖ទូច សោភ័ណ 

កងទ័ពជើងទឹកកម្ពុជា និងចិនជាង ៧០០នាក់ ធ្វើសមយុទ្ធជាលើកដំបូង ដើម្បីប្រឆាំងភេរវកម្មលើលំហរសមុទ្រ

2024/05/24 10:38:40 am        771
Facebook Telegram Linkin
ព្រះសីហនុ៖ កងទ័ពជើងទឹកកម្ពុជា-ចិន បានធ្វើសមយុទ្ធជាលើកដំបូងមិនធ្លាប់មាន ដើម្បីផ្លាស់ប្ដូរបទពិសោធន៍ រក្សាបានកិច្ចការប្រតិបត្តិការ បង្កើនទំនុកចិត្តកាន់តែរឹងមាំ និងបន្តជំរុញអភិវឌ្ឍន៍ទំនាក់ទំនងរវាងកងទ័ពជើងទឹកប្រទេសទាំងពីរ។ នេះបើយោងតាមអ្នកនាំពាក្យអគ្គបញ្ជាការដ្ឋាន នៃកងយោធពលខេមរភូមិន្ទ លោកឧត្តមសេនីយ៍ទោ ថោង សូលីម៉ូ បានប្រាប់ឲ្យដឹងនៅថ្ងៃទី២៤ ខែឧសភា ឆ្នាំ២០២៤នេះ។ សមយុទ្ធរវាងកងទ័ពជើងទឹកកម្ពុជា និងកងទ័ពជើងទឹកចិន មានរយៈពេល១២ថ្ងៃ ដែលចាប់ផ្ដើម​ពី​ថ្ងៃទី១៦ដល់ថ្ងៃទី២៧ ខែឧសភា នៅលើផ្ទៃសមុទ្រកម្ពុជា ក្នុងខេត្តព្រះសីហនុ។ សមយុទ្ធនេះត្រូវគេឲ្យឈ្មោះថា "សមយុទ្ធកងទ័ពជើងទឹក នាគមាស-ឆ្នាំ២០២៤" ដែលមានការចូលរួម​ពីកងទ័ពជើងទឹកកម្ពុជា-ចិន ​សរុប៧៨២នាក់ នាវាចំនួន ១៤គ្រឿង និងឧទ្ធម្ភាគចក្រ ០២គ្រឿង ក្នុងប្រតិបត្តិការរំដោះចំណាប់ខ្មាំងពីក្រុមភេរវករដែល​ចាប់ជំរឹត​នាវាដឹកទំនិញ។មន្ត្រីអ្នកនាំពាក្យអគ្គបញ្ជាការ បានបញ្ជាក់ឲ្យដឹងទៀតថា សមយុទ្ធនេះនឹងត្រួសត្រាយផ្លូវធ្វើឲ្យកិច្ច​សហប្រតិបត្តិការរវាងកងទ័ពប្រទេសទាំងពីរកាន់តែប្រសើរឡើង ​ពិសេសការផ្លាស់ប្តូរពិសោធន៍ ការបង្កើនសមត្ថភាព​ លើប្រតិបត្តិការប្រើប្រាស់កម្លាំង​ មធ្យោបាយកងទ័ពជើងទឹក ដើម្បីទប់ទប់ទល់​នឹងបញ្ហាប្រឈមនានា​ រួមចំណែកក្នុងបុព្វហេតុការពារសន្តិភាពក្នុងតំបន់៕ អត្ថបទ បាន ចក់

សពប្រធានាធិបតីអ៊ីរ៉ង់ និងរដ្ឋមន្រ្តីការបរទេសត្រូវបានបញ្ចុះ ដោយមានមនុស្សរាប់ម៉ឺននាក់ចូលរួម

2024/05/24 10:02:26 am        107
Facebook Telegram Linkin
សពរបស់លោកប្រធានាធិបតី អ៊ីប្រាហ៊ីម រ៉េស៊ី (Ebrahim Raisi) ត្រូវបានគេបញ្ចុះនៅក្នុងទីក្រុងដ៏បរិសុទ្ធ ម៉ាសហាដ (Mashhad) ចំណែកសពលោករដ្ឋមន្រ្តីការបរទេស ហូសេន អាមឺ អាបឌូលឡាហៀន (Hossein Amirabdollahian) នៅភាគខាងត្បូងនៃទីក្រុងតេអេរ៉ង់ របស់ប្រទេសអ៊ីរ៉ង់ កាលពីថ្ងៃព្រហស្បតិ៍ (២៣ ឧសភា) ខណៈដែលអ្នកកាន់ទុក្ខជាច្រើនម៉ឺននាក់បានដើរដង្ហែរចូលរួមក្នុងបុណ្យសពនេះ រយៈពេលបួនថ្ងៃបន្ទាប់ពីអ្នកទាំងពីរបានស្លាប់នៅក្នុងការធ្លាក់ឧទ្ធម្ភាគចក្រ។លោក រ៉េស៊ី វ័យ ៦៣ ឆ្នាំត្រូវបានគេមើលឃើញយ៉ាងទូលំទូលាយថាជាបេក្ខជនស្នងតំណែងមេដឹកនាំកំពូលវ័យ ៨៥ ឆ្នាំ លោក អាលី ខាមីណេ (Ali Khamenei) ដែលជាអ្នកសម្រេចគ្រប់យ៉ាងចុងក្រោយនៅក្នុងប្រទេសអ៊ីរ៉ង់។ លោក ម៉ូហាមម៉េដ ម៉ូកប៊ឺ (Mohammad Mokhber) ដែលធ្លាប់ជាអនុប្រធានាធិបតីទីមួយ កំពុងកាន់តំណែងជាប្រធានាធិបតីបណ្ដោះអាសន្នរហូតដល់ការបោះឆ្នោតនៅថ្ងៃទី២៨ ខែមិថុនា។ពិធីបញ្ចុះសពនេះមានការចូលរួមពីរដ្ឋាភិបាលអ៊ីរ៉ង់ និងមន្ត្រីយោធា ព្រមទាំងបុគ្គលិកសាសនាផងដែរ។ មនុស្សម្នានាំគ្នាដាក់ផ្កាលើមឈូសរបស់លោក ខណៈពេលផ្លាស់ទីយឺតៗនៅលើក្បួនរថយន្តឆ្លងកាត់ហ្វូងអ្នកកាន់ទុក្ខដើម្បីបញ្ចុះនៅទីសក្ការបូជា អ៊ីម៉ាម រ៉េហ្សា (Imam Reza) ដែលជាកន្លែងគោរពបូជាសាសនាអ៊ីស្លាមដ៏ពិសិដ្ឋបំផុតរបស់ប្រទេសអ៊ីរ៉ង់។ពិធីមួយត្រូវបានធ្វើឡើងដើម្បីគោរពដល់សពលោករដ្ឋមន្រ្តីការបរទេស អាបឌូលឡាហៀន នៅក្រសួងការបរទេសក្នុងទីក្រុងតេអេរ៉ង់។ សពលោក អាបឌូលឡាហៀន ត្រូវបានគេបញ្ចុះនៅភាគខាងត្បូងរដ្ឋធានីតេអេរ៉ង់ ក្នុងទីក្រុង រៃ (Rey) នៃទីសក្ការៈបូជា ស្ហាស អាបដូឡាហ្ស៊ីម (Shah Abdolazim) ដែលជាកន្លែងបញ្ចុះសពអ្នកនយោបាយ និងវិចិត្រករជនជាតិអ៊ីរ៉ង់ដ៏ល្បីល្បាញ៕

សម្ដេចធិបតី ហ៊ុន ម៉ាណែត អញ្ជើញដឹកនាំកិច្ចប្រជុំឧត្ដមក្រុមប្រឹក្សាពិគ្រោះ និងផ្តល់យោបល់

2024/05/24 09:56:09 am        97
Facebook Telegram Linkin
នៅព្រឹកថ្ងៃសុក្រ ទី២៤ ខែឧសភា ឆ្នាំ២០២៤នេះ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានអញ្ជើញដឹកនាំកិច្ចប្រជុំប្រចាំឆមាសរបស់ឧត្តមក្រុមប្រឹក្សាពិគ្រោះ និងផ្តល់យោបល់។ កិច្ចប្រជុំត្រូវបានធ្វើឡើងនៅវិមានសន្តិភាពទីស្តីការបំពេញការងាររបស់នាយករដ្ឋមន្ត្រី។នេះជាលើកទី២ដែលសម្ដេចធិបតី នាយករដ្ឋមន្រ្ដី បានជួបប្រជុំជាមួយឧត្ដមក្រុមប្រឹក្សាពិគ្រោះ និងផ្តល់យោបល់ ដែលជាយន្តការប្រមូលផ្តុំពហុគំនិតជូនរាជរដ្ឋាភិបាលក្រៅក្របខណ្ឌសភា ក្នុងគោលដៅលើកស្ទួយប្រជាធិបតេយ្យ និងប្រសិទ្ធភាពការងារ ដើម្បីជាប្រយោជន៍ជូនប្រជាជន និងសង្គមជាតិ។ក្នុងឱកាសកិច្ចប្រជុំនេះបានចាប់ផ្តើមដោយសុន្ទរកថាបើកកិច្ចប្រជុំ និងសារៈប្រយោជន៍នៃការរួមចំណែករបស់ប្រតិភូគណបក្សឧត្តមក្រុមប្រឹក្សាពិគ្រោះ និងផ្តល់យោបល់ដោយសម្តេចធិបតី ហ៊ុន ម៉ាណែត។ កិច្ចប្រជុំក៏បានផ្តល់ឱកាសឱ្យប្រធានប្រតិភូគណបក្សនីមួយៗ អំពីការរួមចំណែកផ្តល់ធាតុចូលក្នុងន័យស្ថាបនាអំពីបច្ចុប្បន្នភាពសង្គមរយៈពេល៦ខែកន្លងមក និងចក្ខុវិស័យនៃការរំពឹងទុកដោយប្រធានប្រតិភូគណបក្សនីមួយៗផងដែរ។សូមបញ្ជាក់ថា ឧត្តមក្រុមប្រឹក្សាពិគ្រោះ និងផ្តល់យោបល់ ត្រូវបានផ្តួចផ្តើមបង្កើតឡើងដោយសម្តេចតេជោ ហ៊ុន សែន ក្នុងពេលសម្ដេចជានាយករដ្ឋមន្ត្រីកាលពីឆ្នាំ២០១៨ នៅដើមនីតិកាលទី៦ ដែលជាយន្តការមួយក្នុងការពិគ្រោះ និងផ្តល់យោបល់របស់គណបក្សនយោបាយជូនរាជរដ្ឋាភិបាល ក្រៅក្របខណ្ឌសភា ក្នុងគោលដៅលើកស្ទួយប្រសិទ្ធភាពការងារដើម្បីជាប្រយោជន៍ដល់ការបម្រើសេវាជូនប្រជាជន និងការអភិវឌ្ឍសង្គមជាតិ ប្រកបដោយសក្តានុពល។ក្រុមប្រឹក្សាពិគ្រោះ និងផ្តល់យោបល់មានភារកិច្ចចម្បងចំនួន៣រួមមាន៖ ទី១ ផ្តួចផ្តើមគំនិត ឬផ្តល់យោបល់លើការរៀបចំគោលនយោបាយនានារបស់រាជរដ្ឋាភិបាល។ ទី២ ផ្តួចផ្តើមគំនិតតាក់តែង ឬផ្តល់យោបល់លើការរៀបចំធ្វើសេចក្តីព្រាងច្បាប់ និងសេចក្តីព្រាងលិខិតបទដ្ឋានគតិយុត្តផ្សេងទៀតរបស់រាជរដ្ឋាភិបាល ក្នុងដំណាក់កាលនៃដំណើរការនីតិវិធីធ្វើច្បាប់ដែលកំពុងស្ថិតក្នុងក្របខណ្ឌអំណាចនីតិប្រតិបត្តិ និង ទី៣ តាមដានដំណើរការអនុវត្តច្បាប់ និងគោលនយោបាយរបស់រាជរដ្ឋាភិបាលទាំងនៅថ្នាក់ជាតិ ក្រោមជាតិ និងផ្តល់អនុសាសន៍កែលម្អភាពអសកម្ម និងភាពមិនប្រក្រតី។ ជាមួយគ្នានេះឧត្តមក្រុមប្រឹក្សាពិគ្រោះ និងផ្តល់យោបល់ មានសិទ្ធិផ្តើមរៀបចំគោលនយោបាយ ដើម្បីស្នើជូននាយករដ្ឋមន្ត្រីពិនិត្យ និងសម្រេច។ ឧត្តមក្រុមប្រឹក្សាពិគ្រោះ និងផ្តល់យោបល់មានសិទ្ធិផ្តួចផ្តើមគំនិតតាក់តែងរៀបចំធ្វើសេចក្តីព្រាងច្បាប់ និងសេចក្តីព្រាងលិខិតបទដ្ឋានគតិយុត្តផ្សេងទៀតស្នើជូននាយករដ្ឋមន្ត្រី ដើម្បីពិនិត្យ និងចាត់ចែងប្រគល់ជូនរដ្ឋមន្ត្រីក្រសួង ឬរដ្ឋលេខាធិការដ្ឋានដែលមានសមត្ថកិច្ចជំនាញពាក់ព័ន្ធ ដើម្បីពិនិត្យ សិក្សា និងផ្តល់យោបល់ជូននាយករដ្ឋមន្ត្រីសម្រេច។សមាជិកឧត្តមក្រុមប្រឹក្សាពិគ្រោះ និងផ្តល់យោបល់ ក៏អាចដាក់លទ្ធផលនៃការងាររបស់ខ្លួនទៅក្នុងរបៀបវារៈពិគ្រោះ និងផ្តល់យោបល់ក្នុងកិច្ចប្រជុំណាមួយរបស់ឧត្តមក្រុមប្រឹក្សាពិគ្រោះ និងផ្តល់យោបល់ ហើយក៏អាចដាក់ជូននាយករដ្ឋមន្ត្រីផ្ទាល់តែម្តង ដើម្បីពិនិត្យ និងសម្រេច។ ឧត្តមក្រុមប្រឹក្សាពិគ្រោះ និងផ្តល់យោបល់ក៏អាចលើកយោបល់កែលម្អអំពីភាពអសកម្ម ឬភាពមិនប្រក្រតីជូនាយករដ្ឋមន្ត្រីផងដែរ។សូមបញ្ជាក់ថា ឧត្តមក្រុមប្រឹក្សាពិគ្រោះ និងផ្តល់យោបល់នៅក្នុងអាណត្តិថ្មីនេះ មានគណបក្សនយោបាយចូលរួមមានចំនួន ២៩ រួមមានដូចជា៖ ១ គណបក្ស ប្រជាជនកម្ពុជា, ២ គណបក្ស ខ្មែររួបរួមជាតិ, ៣ គណបក្ស ពន្លឺថ្មី, ៤ គណបក្ស សញ្ញាតិកម្ពុជា, ៥ គណបក្ស សំបុកឃ្មុំសង្គមប្រជាធិបតេយ្យ, ៦ គណបក្ស នគរប្រជាធិបតេយ្យ, ៧ គណបក្ស រស្មីខេមរា ៨ គណបក្ស ខ្មែរសាធរណរដ្ឋ, ៩ គណបក្ស ហ៊ុនស៊ិនប៉ិច, ១០ គណបក្ស ខ្មែរអភិវឌ្ឍន៍សេដ្ឋកិច្ច, ១១ គណបក្ស យុវជនកម្ពុជា, ១២ គណបក្ស ធម្មាធិបតេយ្យ, ១៣ គណបក្ស ជនជាតិដើមប្រជាធិបតេយ្យកម្ពុជា, ១៤ គណបក្ស ខ្មែរតែមួយ,១៥ គណបក្ស កម្លាំប្រជាធិបតេយ្យ, ១៦ គណបក្ស កសិករ, ១៧. គណបក្ស ស្ត្រីដើម្បីស្ត្រី, ១៨ គណបក្ស បំណងពលរដ្ឋ, ១៩គណបក្ស ឯកភាពជាតិខ្មែរ, ២០ គណបក្ស ខ្មែរអភិរក្ស, ២១ គណបក្ស អំណាចប្រជាពលរដ្ឋ, ២២ គណបក្ស មហាសាមគ្គីជាតិខ្មែរ, ២៣ គណបក្ស ខ្មែរអង្គរ, ២៤ គណបក្ស អភិវឌ្ឍន៍កម្ពុជា, ២៥ គណបក្ស មហានគរ, ២៦ គណបក្ស ខ្មែរឈ្នះ, ២៧ គណបក្ស កម្ពុជាសេរី ឯករាជ្យ ប្រជាធិបតេយ្យ, ២៨ គណបក្ស មូលីណាកា, ២៩ គណបក្ស ចលនាប្រជាធិបតេយ្យ៕អត្ថបទ៖វ៉ន ដារ៉ា

បណ្ដាញសង្គម

ព័ត៌មានថ្មីៗ

ឯកឧត្ដមរដ្ឋមន្ត្រី ជា វ៉ាន់ដេត អញ្ជើញជាចូលរួមកម្មវិធីជាមួយវិស័យឯកជននិងទីភ្នាក់ងារជំនាញនៃប្រទេសម៉ាឡេស៊ី
08/15/2025 10:08 PM
Facebook Telegram Linkin
បុរសប៉ាឡេស្ទីនជម្លៀសខ្លួនពិបាកស្វែងរកស្បៀងអាហារសម្រាប់ក្រុមគ្រួសាររបស់លោកនៅតំបន់ហ្កាហ្សា
08/15/2025 08:08 PM
Facebook Telegram Linkin
លោក Trump៖ អ៊ុយក្រែន គឺជាអ្នកសម្រេចដោយផ្ទាល់ ជុំវិញការដោះដូរដែនដី
08/15/2025 08:08 PM
Facebook Telegram Linkin
អេស្ប៉ាញទទួលបានយន្តហោះទម្លាក់ទឹក Canadair ចំនួន ២គ្រឿងពីបារាំង ដើម្បីជួយពន្លត់ភ្លើងឆេះព្រៃ
08/15/2025 08:08 PM
Facebook Telegram Linkin
នគរបាល៖ មនុស្ស ២នាក់ រងរបួសនៅក្នុងហេតុការណ៍បាញ់ប្រហារ ក្បែរវិហារឥស្លាម នៅស៊ុយអែត
08/15/2025 08:08 PM
Facebook Telegram Linkin
ជនប៉ាឡេស្ទីននាំគ្នាប្រញាញចំណីអាហារនៅផ្ទះបាយស៊ុបនៅទីក្រុងហ្កាហ្សា ខណៈវិបត្តិអត់ឃ្លាននៅតែបន្ត
08/15/2025 08:08 PM
Facebook Telegram Linkin
ក្នុងជំនួបរវាងឯកឧត្តម Wang Yi រដ្ឋមន្រ្ដីការបរទេសកម្ពុជា និងថៃ, ភាគីទាំងបីសម្រេចបានកុងសុងស៊ីសចំនួន៥ចំណុច
08/15/2025 08:08 PM
Facebook Telegram Linkin
សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ចាត់មន្ត្រីចុះសួរសុខទុក្ខ និងផ្តល់អំណោយមនុស្សធម៌ជូនក្រុមគ្រួសាររបស់វីរៈយុទ្ធជន ៦រូប រស់នៅខេត្តសៀមរាប ដែលត្រូវបានចាប់ខ្លួនក្រោយមានបទឈប់បាញ់​
08/15/2025 08:08 PM
Facebook Telegram Linkin
រដ្ឋមន្ត្រីអ៊ីស្រាអែលស្តាំនិយមជ្រុលបង្កឲ្យមានការភ្ញាក់ផ្អើល ដោយទៅសួរសុខទុក្ខមេដឹកនាំប៉ាឡេស្ទីន នៅពន្ធនាគារ
08/15/2025 08:08 PM
Facebook Telegram Linkin
លោក Prabowo៖ ថវិកាឆ្នាំ២០២៦ របស់ឥណ្ឌូនេស៊ី ត្រូវបានរៀបចំឡើង ដើម្បីធ្វើឲ្យប្រទេសរឹងមាំ
08/15/2025 08:08 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.