នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ស្ពានមិត្តភាពកម្ពុជា-ចិន មេគង្គក្រចេះ នឹងបើកជូនពលរដ្ឋឆ្លងកាត់ចាប់ពីថ្ងៃទី១មេសា ឆ្នាំ​២០២៦​តទៅ
សម្តេចតេជោ ហ៊ុន សែន ដឹកនាំកិច្ចប្រជុំគណៈកម្មាធិការអចិន្ត្រៃយ៍ព្រឹទ្ធសភា ដើម្បី​សម្រេច​លើ​របៀប​វារៈចំនួន៧
បេក្ខជន និងសកម្មជនគណបក្សភ្លើងទៀនចំនួន៤នាក់នៅស្រុកកណ្តាលស្ទឹង ចូលរួម​ជីវភាពនយោបាយ ជាមួយគណបក្សប្រជាជនកម្ពុជា
ស្ថានីយប្រព្រឹត្តកម្មទឹកកខ្វក់ក្រុងកំពង់ឆ្នាំងតម្លៃជាង ១៩លានដុល្លារ ត្រូវបាន​សម្ពោធ​ដាក់​ឲ្យ​ប្រើ​ប្រាស់​ជាផ្លូ​វការ​នៅថ្ងៃនេះ

នយោបាយ​ និង ការអភិវឌ្ឍន៍

សម្ដេចធិបតី នាយករដ្ឋមន្រ្ដី និងលោកជំទាវបណ្ឌិត អញ្ជើញចូលរួមពិធី «បុណ្យវិសាខបូជា» នៅក្នុងបរិវេណព្រះមហាសក្យមុនីចេតិយ ភ្នំព្រះរាជទ្រព្យ

2024/05/22 11:02:38 am        138
Facebook Telegram Linkin
ភ្នំពេញ៖ នៅព្រឹកថ្ងៃទី២២ ឧសភា ២០២៤នេះ សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា និងលោកជំទាវបណ្ឌិត បាន អញ្ជើញចូលរួមពិធី «បុណ្យវិសាខបូជា» នៅក្នុងបរិវេណព្រះមហាសក្យមុនីចេតិយ ភ្នំព្រះរាជទ្រព្យ។ បុណ្យវិសាខបូជា គឺជាពិធីបុណ្យសាសនាដ៏សំខាន់បំផុតមួយ ដែលត្រូវបានពុទ្ធសាសនិកទូទាំងពិភពលោកប្រារព្ធធ្វើចំថ្ងៃ១៥កើត ខែពិសាខ រៀងរាល់ឆ្នាំ ដើម្បីរំឭកនឹកដល់ព្រះសម្មាសម្ពុទ្ធ ដែលព្រះអង្គទ្រង់បានប្រសូត បានត្រាស់ដឹង និងជាថ្ងៃចូលបរិនិព្វាន។ ក្នុងសម័យកាលព្រះអង្គព្រឹត្តិការណ៍ទាំងបីនេះគឺកើតឡើងចំចួន ថ្ងៃ១៥កើត ខែពេញបូណ៌មី ក្នុងខែពិសាខដូចគ្នាខុសតែឆ្នាំតែប៉ុណ្ណោះ ។ នៅថ្ងៃទី ១៥ ខែធ្នូ ឆ្នាំ ១៩៩៩ អង្គការសហប្រជាជាតិ (UN) ក៏បានប្រកាសទទួលស្គាល់ «វិសាខបូជា» ជាពិធីបុណ្យសាសនាអន្តរជាតិ ដែលបុគ្គលិកធ្វើការ និងសាធារណៈជនអាចប្រារព្ធធ្វើបាននៅទូទាំងពិភពលោកទៀតផង។នៅក្នុងថ្ងៃដ៏វិសេសវិសាលនេះ ក្នុងឋានៈជាពុទ្ធសាសនិក យើងត្រូវប្រឹងប្រែងរៀនពុទ្ធសាសនាឱ្យយល់ច្បាស់ ហើយយកពុទ្ធធម៌មកអនុវត្តឱ្យបានជាប់ជាប្រចាំថ្ងៃ ដើម្បីថែរក្សាពុទ្ធសាសនាឱ្យបានគង់វង្ស សមជាសាសនារបស់រដ្ឋ និងផ្សព្វផ្សាយពាក្យប្រៀនប្រដៅរបស់ព្រះពុទ្ធអង្គអំពីសន្តិភាព បញ្ញា និងមេត្តាករុណា ដល់កុលបុត្រខ្មែរ និងមនុស្សជាតិជំនាន់ក្រោយ ឱ្យបានទូលំទូលាយតរៀងទៅ ៕

ប្រសាសន៍សំខាន់ៗរបស់សម្តេចតេជោ ហ៊ុន សែន ក្នុងឱកាសអញ្ជើញបិទសន្និសីទស្ដីពី « អនាគតកម្ពុជាគ្មានអំពើប្រល័យពូជសាសន៍ »

2024/05/22 09:22:00 am        123
Facebook Telegram Linkin
ភ្នំពេញ៖ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា ព្រឹកថ្ងៃពុធ ១៥កើត ខែពិសាខ ឆ្នាំរោង ឆស័ក ព.ស. ២៥៦៧ ត្រូវនឹង ថ្ងៃទី២២ ខែឧសភា ឆ្នាំ២០២៤ បានអញ្ជើញជាអធិបតីបិទសន្និសីទស្ដីពី « អនាគតកម្ពុជាគ្មានអំពើប្រល័យពូជសាសន៍ » ដែលត្រូវបានផ្សព្វផ្សាយជាសកលអំពីដំណើរការនៃសាលាក្តីខ្មែរក្រហមអស់រយៈពេល ១៦ឆ្នាំ ព្រមទាំងភារកិច្ច និង សកម្មភាពការងារសំខាន់ៗ ដែលអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក.) ដែលបានអនុវត្តក្រោយដំណើរការនៃសវនាការសាលាក្តី នៅសាលយុត្តិតេជោ បញ្ជាការដ្ឋានកងទ័ពជើងគោក។ប្រសាសន៍សំខាន់ៗរបស់សម្តេចតេជោ ហ៊ុន សែន ដែលមានខ្លឹមសារដូចខាងក្រោម៖-សម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភាមានប្រសាសន៍ថា ទីតាំងអង្គជំនុំជម្រះវិសាមញ្ញក្នុងតុលាការកម្ពុជា(សាលាក្ដីខ្មែរក្រហម) ត្រូវបានខ្ញុំ (សម្ដេចតេជោ)ចុះហត្ថលេខាកាត់បញ្ចូលមកក្នុងដែនដីរាជធានីភ្នំពេញ គឺដោយសារកិច្ចព្រមព្រៀងជា មួយអង្គការសហប្រជាជាតិ ដែលតម្រូវឱ្យសាលាក្ដីនេះ ស្ថិតក្នុងដែនដីនៅភ្នំពេញ ហេតុនេះហើយ បានជាទីតាំងសាលាក្ដីនោះដែលពីមុនស្ថិតនៅក្នុងទឹកដី ខេត្តកណ្ដាលត្រូវបានខ្ញុំ(សម្ដេចតេជោ)ចុះ ហត្ថលេខាកាត់បញ្ចូលមកដែនដីភ្នំពេញវិញ។ សម្ដេចតេជោមានប្រសាសន៍បន្តថា នេះជាប្រវត្តិសាស្ត្រ មួយដែលត្រូវដឹង។-សម្ដេចតេជោ ហ៊ុន សែន បានស្នើឱ្យមានច្បាប់ ដើម្បីដាក់ទោសលើជនណាដែលនិយាយថា មិនមានរបបប្រល័យពូជសាសន៍ នៅកម្ពុជា។ សម្ដេចតេជោ មានប្រសាសន៍បន្តថា សម្ដេចរង់ចាំ ៤៣ ឆ្នាំទើបយុត្តិធម៌មួយត្រូវបានផ្ដល់ ជូនប្រជាជនកម្ពុជា។-សម្ដេចតេជោ ហ៊ុន សែន ប្រធានព្រឹទ្ធសភា បានរម្លឹកថា នៅអំឡុងការចរចាស្វែងរកសន្តិភាពសម្រាប់កម្ពុជាកាលពីឆ្នាំ១៩៨៩ ក្នុងសុន្ទរកថារបស់ សម្ដេច, សម្ដេចបានលើកឡើងថា កន្លែងដ៏ស័ក្ដិសមបំផុតរបស់ក្រុមខ្មែរក្រហម គួរនៅតុលាការឧក្រិដ្ឋ កម្មអន្តរជាតិ មិនគួរស្ថិតនៅក្នុងក្រុមប្រឹក្សាជាតិជាន់ខ្ពស់កម្ពុជា(SNC)នោះទេ។ ការលើកឡើងរបស់ សម្ដេចបែបនេះ ត្រូវបានធ្វើឱ្យជាប់គាំងដំណើរការស្វែងរកសន្តិភាពនៅកម្ពុជានាពេលនោះ។-សម្ដេចតេជោ ហ៊ុន សែន ប្រធានព្រឹទ្ធសភា បានស្នើដល់ប្រទេសមួយចំនួនគួរទទួលស្គាល់កំហុស ចំពោះការទទួលស្គាល់ និងគាំទ្រក្រុមខ្មែរក្រហម ដែលបានប្រព្រឹត្តអំពើប្រល័យពូជសាសន៍នៅកម្ពុជា។-សម្ដេចតេជោ ហ៊ុន សែន បានមានប្រសាសន៍ថា យើងគួរតែអរគុណ ប៉ុល ពត ដែលបានដកខ្លួនចេញពីកិច្ចព្រមព្រៀងសន្តិភាព ទីក្រុងប៉ារីស ដែលធ្វើឱ្យយើងអាចរំលាយអង្គការចាត់តាំងរបស់ ប៉ុល ពត បានតាមរយៈនយោបាយ ឈ្នះ ឈ្នះ។-សម្ដេតេជោ ហ៊ុន សែន ប្រធានព្រឹទ្ធសភា បានរម្លឹកឱ្យដឹងថា នៅមុនមានកិច្ចព្រមព្រៀងសន្តិភាពទីក្រុងប៉ារីស ប្រទេសមួយចំនួនបានផ្ដល់ទិដ្ឋា ការ(Visa)ការទូតដល់ក្រុមខ្មែរក្រហម ហើយទទួលក្រុមខ្មែរក្រហមដែលបានប្រព្រឹត្តអំពើប្រល័យពូជសាសន៍នៅកម្ពុជា ដោយព្រំក្រហម ដែលជាការទទួលភ្ញៀវអន្តរជាតិកម្រិតខ្ពស់ថែមទៀត។-សម្ដេចតេជោ ហ៊ុន សែន ប្រធានព្រឹទ្ធសភា បានរម្លឹកឱ្យដឹងថា អំឡុងដំណើរទស្សនកិច្ចនៅកម្ពុជា ឯកឧត្ដម បាន គីមូន អតីតអគ្គលេខាធិការអង្គ ការសហប្រជាជាតិ បានស្នើឱ្យពង្រីកការកាត់ទោសអតីតអ្នកជាប់ពាក់ព័ន្ធនឹងរបបប្រល័យពូជសាសន៍ នៅកម្ពុជា រហូតដល់ថ្នាក់ឃុំ។ សម្ដេចតេជោ បានបញ្ជាក់ជូនទៅឯកឧត្ដម បាន គីមូន ថា សម្ដេចសុខ ចិត្តឱ្យតុលាការកូនកាត់ដើម្បីកាត់ទោសអតីតមេដឹកនាំខ្មែរក្រហមបរាជ័យ តែសម្ដេចមិនសុខចិត្តឱ្យកម្ពុជាមានសង្គ្រាមឡើងវិញនោះទេ។-សម្ដេចតេជោ ហ៊ុន សែន បានរម្លឹកឱ្យដឹងថា អង្គជំនុំជម្រះវិសាមញ្ញក្នុងតុលាការកម្ពុជា(សាលាក្ដីខ្មែរក្រហម)បានឆ្លងកាត់អគ្គលេខាធិការអង្គការសហប្រជាជាតិចំនួន ៣ រូប មុនសម្រេចឱ្យបង្កើតមានឡើង។-សម្ដេចតេជោ ហ៊ុន សែន ប្រធានព្រឹទ្ធសភា បានរម្លឹកឱ្យដឹងថា បើមិនមានការរារាំងពីសម្ដេចនោះទេ នោះតុលាការកាត់ទោសខ្មែរក្រហមនឹងដំណើ រការកាត់ទោសជាបន្តបន្ទាប់លើអតីតអ្នកជាប់ពាក់ព័ន្ធនឹងរបបប្រល័យពូជសាសន៍នៅកម្ពុជារហូតដល់ ថ្នាក់ឃុំ និងគ្រប់ទីកន្លែង ដែលធ្វើឱ្យតុលាការនេះដំណើរការមិនចេះចប់ ហើយសហគមន៍អន្តរជាតិនឹងប្រឹងរកលុយដើម្បីជួយដល់ការចំណាយរបស់តុលាការនេះ។-សម្ដេចតេជោ ហ៊ុន សែន ប្រធានព្រឹទ្ធសភា បានរម្លឹកឱ្យដឹងថា សាលក្រមដែលសម្រេចដាក់ទោសលើអតីតមេដឹកនាំខ្មែរក្រហម ដែលបានប្រព្រឹត្ត អំពើប្រល័យពូជសាសន៍នៅកម្ពុជា ជាគោលដៅដែលសម្ដេចចង់បាននូវយុត្តិធម៌មួយសម្រាប់ពលរដ្ឋ កម្ពុជា ហើយក៏ជាការលើកទឹកចិត្តឱ្យសម្ដេចដកខ្លួនចេញពីតំណែងជានាយករដ្ឋមន្ត្រីផងដែរ។-សម្តេចតេជោ ហ៊ុន សែន បញ្ជាក់ថា អំពើហិង្សាក្នុងពេលឃោសនាបោះឆ្នោតនៅកម្ពុជា គឺបានរលាយសាបសូន្យតែម្ដងពីសង្គមកម្ពុជា។-សម្តេចតេជោ ហ៊ុន សែន បញ្ជាក់ថា មកដល់ពេលនេះ កម្ពុជាមានសន្ដិភាពជាង ២៥ ឆ្នាំហើយ ដែលអាចឱ្យកម្ពុជាអាចមានលទ្ធភាពម្រមូលអ្វីគ្រប់យ៉ាងដើម្បីអភិវឌ្ឍប្រទេសជាតិ។ ក្នុងន័យនេះកម្ពុជាដាច់ខាតត្រូវតែរក្សានូវសន្ដិភាពនេះឱ្យបាន ដោយមិនឱ្យក្រុមណាមួយមកបំផ្លាញសន្ដិភាពរបស់កម្ពុជាឡើយ។-សម្ដេចតេជោ ហ៊ុន សែន ប្រធានព្រឹទ្ធសភា បានរំលេចឱ្យដឹងថា បន្ទាប់ពីសម្រេចជោគជ័យនៃនយោបាយ ឈ្នះ ឈ្នះ នៅអំឡុងចុងឆ្នាំ១៩៩៨ ឃើ ញថា អំពើហិង្សាដែលតែងកើតមាននៅអំឡុងបោះឆ្នោតត្រូវរលាយសាបសូន្យ។ សម្ដេចតេជោបញ្ជាក់ បន្ថែមថា ការគ្មានអំពើហិង្សានៅអំឡុងបោះឆ្នោតបង្ហាញពីភាពចាស់ទុំនយោបាយ និងលទ្ធិប្រជាធិប តេយ្យនៅកម្ពុជាផងដែរ។-សម្ដេចតេជោ ហ៊ុន សែន ប្រធានព្រឹទ្ធសភា បានរម្លឹកឱ្យដឹងថា កាលពីអំឡុងឆ្នាំ២០១៣ មានការប៉ុនប៉ងធ្វើបដិវត្តន៍ពណ៌នៅកម្ពុជា។ ការប៉ុនប៉ង នេះត្រូវបរាជ័យ គឺដោយសារកម្ពុជាមានអព្យាក្រឹតភាពនៃកងកម្លាំងប្រដាប់អាវុធ និងរដ្ឋបាលស៊ីវិល។-សម្ដេចតេជោ ហ៊ុន សែន ប្រធានព្រឹទ្ធសភា បានមានប្រសាសន៍ថា សុខភាពរបស់សម្ដេច គឺសម្ដេចមានលទ្ធភាពកាន់តំណែងនាយករដ្ឋមន្ត្រី យ៉ាង ហោច ២ អាណត្តិទៀត។ សម្ដេចបន្ថែមថា ១០ ឆ្នាំ No Problem !-សម្តេចតេជោ ហ៊ុន សែ អំពាវនាវឱ្យសន្និសីទលើកទី១ ស្តីពី «អនាគតកម្ពុជាគ្មានអំពើប្រល័យពូជសាសន៍» រៀនសូត្រពីកំហុសប្រវត្តិសាស្រ្ដដែលប្រទេសមួយចំនួនបានធ្វើលើកម្ពុជា ដើម្បីជៀវវាងកំហុសលើកទី៣ (អំពើប្រល័យពូជសាសន៍) កើតឡើងម្ដងទៀត។-សម្តេចតេជោ ហ៊ុន សែន មាន ប្រសាសន៍ថា សម្ដេចតែងតែរម្លឹកទៅមិត្តការទូតបរទេសមួយចំនួនរបស់កម្ពុជាថា សូមកុំកសាងកំហុសទី៣ (អំពើប្រល័យពូជសាសន៍) នៅកម្ពុជា ខណៈដែលបណ្ដាប្រទេសទាំងនោះ បានបង្កើតកំហុសពីរលើករួចហើយចំពោះកម្ពុជា។-សម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៅព្រឹកថ្ងៃទី២២ ខែឧសភា ឆ្នាំ២០២៤បានស្នើឱ្យមានការចងចាំកំហុសប្រវត្តិសាស្ត្រចំនួន ២។ កំហុសប្រវត្តិសាស្ត្រទី១ គឺប្រទេសដែលតាំង ខ្លួនជាប្រទេសប្រជាធិបតេយ្យ តែបែរជាគាំទ្រឱ្យមានរដ្ឋប្រហារទម្លាក់សម្ដេចព្រះ នរោត្ដម សីហនុ ចេ ញពីតំណែង ដែលបានបណ្ដាលឱ្យកម្ពុជាធ្លាក់ទៅក្នុងភ្នក់ភ្លើងសង្គ្រាម និងរបបប្រល័យពូជសាសន៍។ កំហុសប្រវត្តិសាស្ត្រទី២ គឺការគាំទ្រក្រុមខ្មែរក្រហម និងទទួលស្គាល់ខ្មែរក្រហម ដែលបានប្រព្រឹត្តអំពើ ប្រល័យពូជសាសន៍នៅកម្ពុជា ឱ្យអង្គុយនៅអង្គការសហប្រជាជាតិរយៈពេល ១២ ឆ្នាំនៅក្រោយការដួ លរលំនៃរបបកម្ពុជាប្រជាធិបតេយ្យ។

ព្រឹត្តិការណ៍ “សប្តាហ៍វប្បធម៌វៀតណាមនៅកម្ពុជាឆ្នាំ២០២៤” ជាយានរឹតចំណងមិត្តភាពរវាងប្រទេសទាំងពីរ

2024/05/22 08:16:33 am        148
Facebook Telegram Linkin
ពិធីសម្តែងសិល្បៈនៅព្រះរាជាណាចក្រកម្ពុជា សម្រាប់ព្រឹត្តិការណ៍ សប្តាហ៍វប្បធម៌វៀតណាមនៅកម្ពុជាឆ្នាំ២០២៤ លើកទី១៩ នាល្ងាចថ្ងៃទី២១ ខែឧសភា នៅសាលសន្និសីទចតុម្មុខ បានរៀបចំរួមគ្នា ចាប់តាំងពីឆ្នាំ២០០៦មក ដោយយកវិស័យសិល្បៈវប្បធម៌ ជាយានរឹតចំណងមិត្តភាពរវាងប្រទេសទាំងពីរ ដែលមានប្រវត្តិដ៏រឹងមាំ និងយូរអង្វែងមកហើយ។ ក្នុងព្រឹត្តិការណ៍ សប្តាហ៍វប្បធម៌វៀតណាមនៅកម្ពុជាឆ្នាំ២០២៤ ឯកឧត្តម តា ក្វាងដូង(Ta Quang Dong) អនុរដ្ឋមន្ត្រីក្រសួងវប្បធម៌ កីឡា និងទេសចរណ៍នៃសាធារណរដ្ឋសង្គមនិយមវៀតណាម បានថ្លែងថា វៀតណាម និងកម្ពុជា មានទំនាក់ទំនងយូរអង្វែង ដោយឈរលើសាមគ្គីភាពកិច្ចសហប្រតិបតិ្តការជិតស្និទ្ធ និងអ្នកជិតខាងល្អ។ ក្នុងទំនាក់ទំនងការទូតជាងកន្លះសតវត្សរ៍កន្លងមកនេះ យើងកត់សម្គាល់ឃើញថា ទំនាក់ទំនងកិច្ចសហប្រតិបតិ្តការរវាងប្រទេសយើងទាំងពីរលើវិស័យនានា គឺកំពុងតែអភិវឌ្ឍកាន់តែខ្លាំងឡើងជាលំដាប់ ដែលសម្រេចបាននូវលទ្ធផលជាក់ស្តែង និងសំខាន់ក្នុងវិស័យនយោបាយ សេដ្ឋកិច្ច វប្បធម៌ ការអប់រំ និងជាច្រើនទៀត ដែលនាំមកនូវអត្ថប្រយោជន៍ជូនដល់ប្រជាជននៃប្រទេសទាំងពីរ។ វៀតណាម សូមអបអរសាទរដល់ជោគជ័យបានដ៏គួរឲ្យកត់សម្គាល់ ក្នុងវិស័យសេដ្ឋកិច្ច វប្បធម៌ និងសង្គម ដែលកម្ពុជាទទួលបានក្នុងរយៈពេលប៉ុន្មានឆ្នាំនេះ។ លទ្ធផលទាំងនេះ បន្តផ្តល់ផលវិជ្ជមានដល់ការអភិវឌ្ឍនៃការផ្លាស់ប្តូរវប្បធម៌រវាងប្រទេសទាំងពីរ។នាឱកាសនោះលោកជំទាវបណ្ឌិតសភាចារ្យ ភឿង សកុណា រដ្ឋមន្រី្តក្រសួងវប្បធម៌ និងវិចិត្រសិល្បៈ នៃព្រះរាជាណាចក្រកម្ពុជា បានថ្លែងថា ជាការពិត អស់រយៈពេលជាង៥៧ឆ្នាំកន្លងមកនេះនៃទំនាក់ទំនងការទូត កម្ពុជា-វៀតណាម តែងតែមានទំនាក់ទំនងល្អ ក្នុងស្មារតីអ្នកជិតខាងល្អ សាមគ្គីភាព និងការយោគយល់គ្នាខ្ពស់។ ថ្មីៗនេះដំណើរទស្សនកិច្ចផ្លូវការរបស់សម្តេចធិបតី ហ៊ុន ម៉ាណែត នៅសាធារណរដ្ឋសង្គមនិយមវៀតណាម គឺជាសញ្ញាបន្ថែមបញ្ជាក់ច្បាស់ថា ថ្នាក់ដឹកនាំនៃប្រទេសទាំងពីរ ប្តេជ្ញាបន្តពូនជ្រុំ និងពង្រីកកិច្ចសហប្រតិបត្តិការលើគ្រប់វិស័យ និងគ្រប់កម្រិត។ ជាសក្ខីភាពនៃការចូលរួមចំណែកដល់ការរឹតបន្តឹងចំណងមិត្តភាពនេះ ក្រសួងវប្បធម៌នៃប្រទេសទាំងពីរ បានបន្តចុះហត្ថលេខានិងអនុវត្តនូវកិច្ចព្រមព្រៀងផែនការសហប្រតិបត្តិការស្តីពីវប្បធម៌និងសិល្បៈ សម្រាប់ឆ្នាំ២០២៣-២០២៧ ដែលកិច្ចព្រមព្រៀងនេះបាននិងកំពុងដើរតួនាទីយ៉ាងសំខាន់ក្នុងការផ្សារភ្ជាប់ទំនាក់ទំនងលើវិស័យវប្បធម៌រវាងប្រទេសទាំងពីរ។ នៅចុងឆ្នាំ២០២៣កន្លងទៅនេះ គណៈប្រតិភូនៃក្រសួងវប្បធម៌និងវិចិត្រសិល្ប:នៃព្រះរាជាណាចក្រកម្ពុជា បានរៀបចំសប្តាហ៍វប្បធម៌កម្ពុជានៅសាធារណរដ្ឋសង្គមនិយមវៀតណាម យ៉ាងអធិកអធម និងជោគជ័យ។ក្រៅពីព្រឹត្តិការណ៍សប្តាហ៍វប្បធម៌ ក្រសួងវប្បធម៌ក៏ដូចជាស្ថាប័នពាក់ព័ន្ធរបស់ប្រទេសទាំងពីរ បានខិតខំរួមគ្នាពង្រឹងកិច្ចសហការទូទៅ ដោយរាប់បញ្ចូលទាំង ការផ្លាស់ប្តូរបទពិសោធន៍ ជំនាញទាំងរូបី និងអរូបី ការគាំទ្របេក្ខភាពគ្នាទៅវិញទៅមកសម្រាប់ជាសមាជិកនៃយន្តការអន្តរជាតិ ក៏ដូចជាការគាំទ្រដល់ដំណើរការចុះបញ្ជីបេតិកភណ្ឌពិភពលោក និងការសិក្សាស្រាវជ្រាវ បណ្តុះបណ្តាលធនធានមនុស្ស សម្រាប់វិស័យវប្បធម៌ផងដែរ។ ក្នុងន័យនេះ ខ្ញុំសូមយកវេទិកានារាត្រីនេះ ជំរុញលើកទឹកចិត្តដល់មន្ត្រីជំនាញរបស់ប្រទេសទាំងពីរ បន្តកិច្ចសហការល្អ និងពង្រីកតំបន់សហការឱ្យកាន់តែទូលាយ ដោយត្រូវគិតគូរផងដែរទៅដល់កិច្ចសហការដោះដូរបទពិសោធន៍ក្នុងវិស័យឧស្សាហកម្មវប្បធម៌ ដែលជាវិស័យកំពុងតែមានសក្តានុពលទាំងទៅលើសេដ្ឋកិច្ច និងសង្គម។....សម្លេងលោកជំទាវ ភឿង សកុណា យកជិត០១នាទី....(sound 01)លោកជំទាវ រដ្ឋមន្រី្ត បានបញ្ជាក់ថា ថ្ងៃនេះ ការរៀបចំព្រឹត្តិការណ៍សប្តាហ៍វប្បធម៌លើកទី១៩ មិនត្រឹមតែបង្ហាញឱ្យឃើញពីកិច្ចខិតខំប្រឹងប្រែងរួមគ្នានោះទេ ប៉ុន្តែជាវេទិការំឭកនិងជំរុញប្រជាជននៃប្រទេសទាំងពីរក្នុងការស្វែងយល់វប្បធម៌គ្នាទៅវិញទៅមក និងរួមចំណែកក្នុងការផ្សារភ្ជាប់និងកិច្ចសហប្រតិបត្តិការមិត្តភាពនិងបងប្អូនភូមិផងរបងជាមួយគ្នា។ ក្រសួងវប្បធម៌ និងវិចិត្រសិល្បៈ សូមប្រកាសពីជំហរបន្តគាំទ្រ និងបន្តពង្រឹងសកម្មភាពរួមគ្នានេះ និងសូមចាត់ទុកថា ជាសកម្មភាពគំរូ ដែលប្រទេសទាំងពីរអាចយកជាលំនាំសម្រាប់អនុវត្តជាមួយប្រទេសជាមិត្តដទៃទៀត ដើម្បីសិល្បៈវប្បធម៌ ដើម្បីជាតិ និងដើម្បីប្រជាជន៕អត្ថបទ រដ្ឋា

សម្តេចតេជោហ៊ុន សែន និងសម្តេចធិបតី ហ៊ុន ម៉ាណែត ផ្ញើសារអបអរសាទរថ្ងៃបុណ្យវិសាខបូជា

2024/05/22 07:31:01 am        221
Facebook Telegram Linkin
សម្តេចតេជោ ហ៊ុន សែន ប្រធានព្រឹទ្ធសភានៃកម្ពុជា និងជាប្រធានក្រុមឧត្តមប្រឹក្សាផ្ទាល់ព្រះមហាក្សត្រ និងសម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជានៅថ្ងៃទី២២ ខែឧសភា ឆ្នាំ២០២៤នេះ បានផ្ញើសារអបអរសាទរថ្ងៃបុណ្យវិសាខបូជា ខណៈថ្ងៃដ៏មានសារសំខាន់មួយនេះ គឺរំលឹកនូវ ថ្ងៃព្រះសម្មាសម្ពុទ្ធទ្រង់ប្រសូត្រ ត្រាស់ដឹង និងថ្ងៃបរិនិព្វាន។តាមរយៈហ្វេសបុក និងឆាណែល តេលេក្រាម សម្តេចតេជោ ហ៊ុន សែន បានលើកឡើងថា «អនុមោទនា ថ្ងៃបុណ្យវិសាខបូជា។បុណ្យវិសាខបូជា គឺជាពិធីបុណ្យសាសនាដ៏សំខាន់បំផុត ក្នុងចំណោមបុណ្យសាសនាដទៃៗទៀត ពីព្រោះពិធីបុណ្យនេះ គឺបានបង្ហាញនូវការគោរពរំឭកនឹកដល់ព្រឹត្តិការណ៍ធំៗបី នៃសម័យកាលរបស់ព្រះសម្មាសម្ពុទ្ធសមណគោតម គឺថ្ងៃដែលព្រះអង្គទ្រង់បានប្រសូត បានត្រាស់ដឹង និងជាថ្ងៃចូលបរិនិព្វាន»។ជាមួយគ្នានោះដែរ សម្តេចតេជោ ហ៊ុន សែន បន្ថែមទៀតថាព្រឹត្តិការណ៍ទាំងបីនេះគឺកើតឡើងចំថ្ងៃ ១៥កើត ខែពេញបូណ៌មី ដែលមានព្រះច័ន្ទពេញវង់ ក្នុងខែពិសាខដូចគ្នាខុសតែឆ្នាំតែប៉ុណ្ណោះ។ នៅថ្ងៃទី១៥ ខែធ្នូ ឆ្នាំ ១៩៩៩ អង្គការសហប្រជាជាតិ (UN) ក៏បានប្រកាសទទួលស្គាល់ «វិសាខបូជា» ជាពិធីបុណ្យសាសនាអន្តរជាតិដែលបុគ្គលិកធ្វើការនិងសាធារណៈជនអាចប្រារព្ធធ្វើបាននៅទូទាំងពិភពលោកទៀតផង។សម្តេចធិបតី នាយករដ្ឋមន្រ្តីក៏បានផ្ញើសារអបអរសាទរនូវថ្ងៃបុណ្យវិសាខបូជានេះ ផងដែរដោយ សម្តេចបានលើកឡើងថា«អនុមោទនាបុណ្យ វិសាខបូជា ថ្ងៃពុធ ១៥កើត ខែពិសាខ ឆ្នាំរោង ឆស័ក ពុទ្ធសករាជ ២៥៦៧ ត្រូវនឹងថ្ងៃទី ២២ ខែឧសភា ឆ្នាំ២០២៤»៕អត្ថបទបាន ចក់

ស្ថានទូតចិន ប្រឆាំងការធ្វើទស្សនកិច្ចសមាជិកសភារបស់ជប៉ុន និងកូរ៉េខាងត្បូង នៅកោះតៃវ៉ាន់

2024/05/21 02:18:13 pm        58
Facebook Telegram Linkin
ស្ថានទូតចិន ប្រចាំប្រទេសកូរ៉េខាងត្បូង និងជប៉ុន នៅថ្ងៃអង្គារ (២១ ឧសភា) នេះបាននិយាយថា ពួកគេប្រឆាំងដាច់ខាត និងថ្កោលទោសយ៉ាងខ្លាំងលើសមាជិកសភាកូរ៉េខាងត្បូង និងជប៉ុន ដែលធ្វើទស្សនកិច្ចនៅកោះតៃវ៉ាន់ ដើម្បីចូលរួមក្នុងអ្វីដែលគេហៅថា «ពិធីឡើងកាន់តំណែងមេដឹកនាំ» ហើយបានសម្តែងការតវ៉ាយ៉ាងម៉ឺងម៉ាត់។អ្នកនាំពាក្យស្ថានទូតចិនប្រចាំប្រទេសជប៉ុន បាននិយាយនៅក្នុងសេចក្តីថ្លែងការណ៍មួយថា «រដ្ឋាភិបាលជប៉ុន និងអ្នកនយោបាយមួយចំនួនបានព្រងើយកន្តើយចំពោះក្រុមប្រឆាំងដ៏ខ្លាំងក្លារបស់ប្រទេសចិន ហើយបានអបអរសាទរចំពោះមេដឹកនាំតៃវ៉ាន់ថ្មី»។ អ្នកនាំពាក្យស្ថានទូតចិន ប្រចាំប្រទេសកូរ៉េខាងត្បូងបាននិយាយថា ទង្វើនេះដើរផ្ទុយទៅនឹងភាពជាដៃគូសហប្រតិបត្តិការយុទ្ធសាស្ត្រចិន និងកូរ៉េខាងត្បូង។លោក ឡៃ ឆឹងទ័រ (Lai Ching-te) បានស្បថចូលកាន់តំណែងជាមេដឹកនាំថ្មីរបស់កោះតៃវ៉ាន់ កាលពីថ្ងៃចន្ទ ហើយបានស្នើឱ្យចិន បញ្ឈប់ការគំរាមកំហែងផ្នែកយោធា និងនយោបាយរបស់ខ្លួន ដោយបាននិយាយនៅក្នុងសន្ទរកថារបស់លោកថា សន្តិភាពគឺជាជម្រើសតែមួយគត់ ហើយទីក្រុងប៉េកាំង ត្រូវតែគោរពជម្រើសរបស់ប្រជាជនតៃវ៉ាន់។អ្នកនាំពាក្យក្រសួងការបរទេសចិន បាននិយាយកាលពីថ្ងៃចន្ទថា ទោះបីជាស្ថានភាពនយោបាយទាក់ទងនឹងកោះតៃវ៉ាន់ ផ្លាស់ប្តូរយ៉ាងណាក៏ដោយ វានឹងមិនផ្លាស់ប្តូរការពិតជាប្រវត្តិសាស្ត្រ និងផ្លូវច្បាប់ ដែលថាភាគីទាំងពីរនៃច្រកសមុទ្រតៃវ៉ាន់ជារបស់ចិនតែមួយ និងនិន្នាការប្រវត្តិសាស្ត្រដែលប្រទេសចិន នឹងត្រូវបង្រួបបង្រួមដោយជៀសមិនរួច៕

គណៈប្រតិភូរុស្ស៊ី ទៅដល់កូរ៉េខាងជើង ខណៈទំនាក់ទំនងរវាងភាគីទាំងពីរកាន់តែស៊ីជម្រៅ

2024/05/21 02:15:37 pm        72
Facebook Telegram Linkin
ប្រព័ន្ធផ្សព្វផ្សាយរដ្ឋកូរ៉េខាងជើង បាននិយាយនៅថ្ងៃអង្គារ (២១ ឧសភា) នេះថា គណៈប្រតិភូរុស្ស៊ី បានទៅដល់ទីក្រុងព្យុងយ៉ាង ខណៈដែលទំនាក់ទំនងរវាងប្រទេសទាំងពីរបានរីកចម្រើនកាន់តែខ្លាំងចាប់តាំងពីដំណើរទស្សនកិច្ចរបស់លោក គីម ជុងអ៊ុន (Kim Jong Un) ទៅកាន់ប្រទេសរុស្ស៊ី កាលពីឆ្នាំមុន។វីដេអូដែលផ្តល់ដោយទីភ្នាក់ងារសារព័ត៌មានកណ្តាលកូរ៉េ (KCNA) បានបង្ហាញគណៈប្រតិភូដឹកនាំដោយលោក ហ្គ្រីហ្គោរី រ៉ាផូថា (Grigory Rapota) សមាជិកនៃគណៈកម្មាធិការកិច្ចការអន្តរជាតិនៃក្រុមប្រឹក្សាសហព័ន្ធរុស្ស៊ី និងជាប្រធានក្រុមសភាមិត្តភាពរុស្ស៊ី-កូរ៉េខាងជើង បានទៅដល់អាកាសយានដ្ឋានក្រុងព្យុងយ៉ាង និងត្រូវបានស្វាគមន៍ដោយសមភាគីកូរ៉េខាងជើង លោក រី ឆុល (Ri Chol)។ទីភ្នាក់ងារសារព័ត៌មាន KCNA បាននិយាយថា គណៈប្រតិភូបានទៅដល់កាលពីថ្ងៃចន្ទ (២០ ឧសភា) ប៉ុន្តែមិនបានបញ្ជាក់លម្អិតពីគោលបំណងនៃដំណើរទស្សនកិច្ចនោះទេ។ ស្ថានទូតរុស្ស៊ី ប្រចាំនៅកូរ៉េខាងជើង បាននិយាយតាមរយៈបណ្តាញផ្ញើសារតេលេក្រាម របស់ខ្លួនថា គណៈប្រតិភូនឹងស្នាក់នៅក្នុងទីក្រុងព្យុងយ៉ាង រហូតដល់ថ្ងៃសុក្រ (២៤ ឧសភា) ហើយភាគីទាំងពីរនឹងពិភាក្សាអំពីការផ្លាស់ប្តូរសភា និងការចូលរួមបន្ថែមទៀត៕

ឧត្តមសេនីយ៍ជាន់ខ្ពស់៖ អាមេរិក មិនមានផែនការបញ្ជូនគ្រូបណ្តុះបណ្តាលយោធា ទៅអ៊ុយក្រែនទេ

2024/05/21 01:57:20 pm        131
Facebook Telegram Linkin
ឧត្តមសេនីយ៍ជាន់ខ្ពស់អាមេរិក បាននិយាយកាលពីថ្ងៃចន្ទថា សហរដ្ឋអាមេរិក មិនមានផែនការបញ្ជូនគ្រូបណ្តុះបណ្តាលយោធាទៅប្រទេសអ៊ុយក្រែនទេ ហើយទំនងជានឹងធ្វើបាន លុះត្រាតែសង្រ្គាមនៅទីនោះជាមួយរុស្ស៊ី ត្រូវបានបញ្ចប់ បន្ទាប់ពីប្រទេសបារាំង បានបើកទ្វារក្នុងការបញ្ជូនកងទ័ពទៅហ្វឹកហ្វឺនកងកម្លាំងរបស់ទីក្រុងគីវ។ .រយៈពេលជាងពីរឆ្នាំនៅក្នុងសង្រ្គាម រុស្ស៊ីកំពុងរុលចូលទៅមុខបន្តិចម្តងៗនៅអ៊ុយក្រែនភាគខាងកើត ដោយទាញយកផលចំណេញពីការខ្វះខាតកម្លាំងពលកម្មរបស់អ៊ុយក្រែន និងការពន្យារពេលជាច្រើនខែក្នុងការផ្គត់ផ្គង់អាវុធពីលោកខាងលិច។ចំណាត់ការនោះ បានធ្វើឲ្យមានចម្ងល់អំពីអ្វីដែលសហរដ្ឋអាមេរិក និងសម្ព័ន្ធមិត្តអាចធ្វើបាន លើសពីការបញ្ជូនអាវុធមានតម្លៃរាប់ពាន់លានដុល្លារ និងការផ្តល់ព័ត៌មានចារកម្ម និងការបណ្តុះបណ្តាលដល់កងកម្លាំងយោធាអ៊ុយក្រែនមកពីក្រៅប្រទេសនេះ។លោកឧត្តមសេនីយ៍ Charles Q. Brown ដែលជាប្រធាននៃអគ្គសេនាធិការចម្រុះកងទ័ពសហរដ្ឋអាមេរិកបានប្រាប់អ្នកយកព័ត៌មានថា៖«ឥឡូវនេះ មិនមានផែនការនាំយកគ្រូបណ្តុះបណ្តាលអាមេរិកចូលទៅប្រទេសអ៊ុយក្រែនទេ»។លោក Brown បានបន្ថែមថា៖«នៅពេលដែលជម្លោះនេះ ត្រូវបានបញ្ចប់ ហើយយើងស្ថិតនៅក្នុងកន្លែងប្រសើរជាងមុន នោះខ្ញុំនឹងសង្ស័យថាតើយើងនឹងអាចនាំគ្រូបណ្តុះបណ្តាលចូលទៅប្រទេសនោះ ឬយ៉ាងណាទេ?»។

អាមេរិក និងរុស្ស៊ី បន្ទោសគ្នាទៅវិញទៅមក នៅក្រុមប្រឹក្សាUN ជុំវិញអាវុធក្នុងទីអវកាស

2024/05/21 01:54:24 pm        90
Facebook Telegram Linkin
អ្នកតំណាងសហរដ្ឋអាមេរិក និងរុស្សី បានបន្ទោសគ្នាទៅវិញទៅមក នៅក្រុមប្រឹក្សាសន្តិសុខអង្គការសហប្រជាជាតិ ជុំវិញសកម្មភាពយោធា នៅក្នុងទីអវកាសខាងក្រៅ។ ក្រុមប្រឹក្សាសន្តិសុខ កាលពីថ្ងៃចន្ទ បានបោះឆ្នោតទម្លាក់ចោទសេចក្តីសម្រេចពង្រាងដោយរុស្ស៊ី ដែលបានអំពាវនាវឱ្យរារាំង «គ្រប់ពេលវេលា» ចំពោះការដាក់អាវុធនៅក្នុងទីអវកាសខាងក្រៅ។ សេចក្តីព្រាងច្បាប់នេះ បានបរាជ័យក្នុងការទទួលបានសំឡេងយ៉ាងតិចប្រាំបួនសំឡេង។មុនពេលបោះឆ្នោត ឯកអគ្គរដ្ឋទូតរងសហរដ្ឋអាមេរិក លោក Robert Wood បាននិយាយថា រុស្ស៊ីបានបាញ់បង្ហោះផ្កាយរណបមួយកាលពីសប្តាហ៍មុន ដែលតាមការវាយតម្លៃរបស់ទីក្រុងវ៉ាស៊ីនតោន សន្មតថាមានសមត្ថភាពវាយប្រហារផ្កាយរណបផ្សេងទៀត នៅក្នុងគន្លងផែនដីទាប។លោក Wood បានចោទប្រកាន់រុស្ស៊ីថា កំពុងស្វែងរក ការបង្វែរចំណាប់អារម្មណ៍ជាសកល ពីការអភិវឌ្ឍន៍ផ្កាយរណបថ្មីរបស់ខ្លួន ដែលបំពាក់ឧបករណ៍នុយក្លេអែរ។ឯកអគ្គរដ្ឋទូតប្រចាំអង្គការសហប្រជាជាតិរបស់ប្រទេសរុស្ស៊ី លោក វ៉ាស៊ីលី ណេបេនហ្សៀ (Vassily Nebenzia) បានឆ្លើយតបដោយនិយាយថា លោកពិតជាមិនយល់ទាំងស្រុង នូវអ្វីដែលបេសកជនសហរដ្ឋអាមេរិក កំពុងនិយាយ។កាលពីខែមេសា រុស្ស៊ី បានប្រើសិទ្ធវ៉េតូ សេចក្តីព្រាងសេចក្តីសម្រេច បង្ហាញដោយប្រទេសជប៉ុន និងសហរដ្ឋអាមេរិក ដែលស្វែងរកការហាមឃាត់លើការអភិវឌ្ឍន៍អាវុធនុយក្លេអ៊ែរ និងអាវុធមហាប្រល័យផ្សេងទៀត សម្រាប់ដាក់ពង្រាយក្នុងគន្លងរបស់ភពផែនដី។សេចក្តីព្រាងច្បាប់របស់រុស្ស៊ី ដែលត្រូវបានបោះឆ្នោតទម្លាក់ចោល កាលពីថ្ងៃចន្ទ ដែលបានអំពាវនាវឱ្យប្រទេសនានា កុំដាក់ពង្រាយអាវុធគ្រប់ប្រភេទ នៅក្នុងទីអវកាស រួមទាំងអាវុធមហាប្រល័យ(WMDs)។

ប្រភព៖ ការស្លាប់របស់ប្រធានាធិបតីអ៊ីរ៉ង់ អាចជំរុញឱ្យមានការប្រជែងស្នងតំណែងមេដឹកនាំកំពូល

2024/05/21 01:51:15 pm        116
Facebook Telegram Linkin
ការស្លាប់របស់ប្រធានាធិបតីអ៊ីរ៉ង់ លោក អ៊ីប្រាហ៊ីម រ៉េស៊ី (Ebrahim Raisi) ក្នុងឧបទ្ទវហេតុធ្លាក់ឧទ្ធម្ភាគចក្រ ធ្វើឱ្យមានការខកចិត្តចំពោះផែនការរបស់ក្រុមប្រកាន់ជំហរតឹង ដែលចង់ឱ្យលោកស្នងតំណែងពីមេដឹកនាំកំពូល លោក អាយ៉ាតូឡា អាលី ខាមីណេ (Ayatollah Ali Khamenei) ហើយអាចនឹងជំរុញឱ្យមានការប្រជែងគ្នានៅក្នុងចំណោមអ្នកនយោបាយអ៊ីរ៉ង់ អំពីអ្នកដែលនឹងត្រូវកាន់កាប់សាធារណរដ្ឋអ៊ីស្លាម នៅពេលលោក ខាមីណេ ស្លាប់។លោក រ៉េស៊ី វ័យ ៦៣ ឆ្នាំ ដែលជាសិស្សរបស់លោក ខាមីណេ និងទទួលបានភាពលេចធ្លោតាមរយៈជួរនៃលទ្ធិប្រជាធិបតេយ្យរបស់អ៊ីរ៉ង់ ត្រូវបានគេមើលឃើញយ៉ាងទូលំទូលាយថាជាបេក្ខជននាំមុខគេដើម្បីឡើងកាន់តំណែងបន្តពីមេដឹកនាំកំពូលវ័យ ៨៥ ឆ្នាំរូបនេះ។ខណៈពេលដែលលោក ខាមីណេ មិនទាន់បានគាំទ្រអ្នកស្នងតំណែងណាម្នាក់នៅឡើយ ក្រុមអ្នកឃ្លាំមើលអ៊ីរ៉ង់និយាយថា លោក រ៉េស៊ី គឺជាឈ្មោះមួយក្នុងចំណោមឈ្មោះទាំងពីរដែលត្រូវបានលើកឡើងជាញឹកញាប់បំផុត ដែលអ្នកទីពីរគឺជាកូនប្រុសទីពីររបស់លោក ខាមីណេ ឈ្មោះលោក ម៉ូចតាបា (Mojtaba) ដែលត្រូវបានគេជឿថាមានឥទ្ធិពលនៅពីក្រោយឆាកនយោបាយ។យោងតាមប្រភពពីអ៊ីរ៉ង់ ដែលជិតស្និទ្ធនឹងការិយាល័យមេដឹកនាំកំពូលបាននិយាយថា លោក ខាមីណេ បានបង្ហាញការប្រឆាំងទៅនឹងបេក្ខភាពកូនប្រុសរបស់ខ្លួន ដោយសារតែលោកមិនចង់ឃើញជំហានថយក្រោយឆ្ពោះទៅរកប្រព័ន្ធនៃការគ្រប់គ្រងបន្តវង្សត្រកូល នៅក្នុងប្រទេសដែលរបបរាជានិយមគាំទ្រដោយសហរដ្ឋអាមេរិក ត្រូវបានផ្ដួលរំលំក្នុងឆ្នាំ១៩៧៩។អតីតមន្ត្រីអ៊ីរ៉ង់ម្នាក់បាននិយាយថា តួអង្គដ៏មានឥទ្ធិពលរួមទាំងកងឆ្មាំបដិវត្តន៍ និងបុព្វជិតដ៏មានឥទ្ធិពល ឥឡូវនេះត្រូវបានគេរំពឹងថានឹងបង្កើនកិច្ចខិតខំប្រឹងប្រែងដើម្បីរៀបចំដំណើរការជ្រើសរើសមេដឹកនាំកំពូលបន្ទាប់៕

អគ្គលេខាធិការរងUN៖ ជោគជ័យរបស់កម្ពុជាទប់ស្កាត់អំពើប្រល័យពូជសាសន៍ ជាមេរៀនពិសោធដ៏ល្អសម្រាប់ប្រជាជាតិ នៅលើពិភពលោក

2024/05/21 01:46:25 pm        87
Facebook Telegram Linkin
ភ្នំពេញ៖ អគ្គលេខាធិការរង អង្គការសហប្រជាជាតិ បានលើកឡើងថា ជោគជ័យរបស់កម្ពុជានៃដំណើរការអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក.) និងការទប់ស្កាត់អំពើប្រល័យពូជសាសន៍ គឺជាមេរៀនពិសោធដ៏ល្អសម្រាប់ប្រជាជាតិ នៅលើពិភពលោក។លោកស្រី Alice Wairimu Nderitu អគ្គលេខាធិការរង អង្គការសហប្រជាជាតិ និងជាទីប្រឹក្សាពិសេសទទួលបន្ទុកកិច្ចការបង្ការអំពើប្រល័យពូជសាសន៍ និងសហការី បានលើកឡើងបែបនេះក្នុងឱកាស សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា អនុញ្ញាតឱ្យ ចូលជួបសម្តែងការគួរសម និងពិភាក្សាការងារ នៅវិមានសន្តិភាព នាព្រឹកថ្ងៃទី២១ ខែឧសភា ឆ្នាំ២០២៤នេះ។ ក្នុងឱកាសនៃជំនួប លោកស្រីអគ្គលេខាធិការរងបានថ្លែងអំណរគុណយ៉ាងជ្រាលជ្រៅដល់ សម្តេចធិបតី ដែលបានឆ្លៀតពេលវេលាដ៏មមាញឹកអនុញ្ញាតឱ្យរូបលោកស្រី និងសហការី បានចូលជួបសម្ដែងការគួរសម និងពិភាក្សាការងារ។ លោកស្រីបានគោរពជម្រាបជូន សម្ដេចធិបតី អំពីបទពិសោធ និងបេសកកម្មការងាររបស់លោកស្រី នាពេលកន្លងមកក្នុងការទប់ស្កាត់ និងបង្ការអំពើប្រល័យពូជសាសន៍ នៅតាមបណ្ដាប្រទេសដូចជា បូស្ន៊ី ហេហ្សេហ្គូវីន (Bosnia and Herzegovina) និងរ៉វាន់ដា (Rwanda) ហើយគោលបំណងនៃបេសកកម្មសំខាន់មួយរបស់លោកស្រីនៅកម្ពុជានាពេលនេះ គឺដើម្បីចូលរួមក្នុងសន្និសីទស្តីពី "អនាគតកម្ពុជាដោយគ្មានអំពើប្រល័យពូជសាសន៍ ៖ ការការពារ និង ការឆ្លើយតប តាមរយៈការអប់រំ និងការថែទាំសុខភាព"។ លោកស្រីអគ្គលេខាធិការរង ក៏បានវាយតម្លៃខ្ពស់ចំពោះកិច្ចសហប្រតិបត្តិការប្រកបដោយជោគជ័យរវាង អង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក.) និង អង្គការសហប្រជាជាតិ និងការបញ្ជ្រាបការយល់ដឹង ការអប់រំអំពីអំពើប្រល័យពូជសាសន៍ ដល់យុវជន សិស្ស និងនិស្សិត តាមរយៈការបណ្ដុះបណ្ដាលតាមសាលារៀន ទាំងសាលារដ្ឋ និង ឯកជន ចាប់ពីកម្រិតចំណេះទូទៅ ដល់កម្រិតសាកលវិទ្យាល័យ ក្នុងក្របខ័ណ្ឌទូទាំងប្រទេស។ លោកស្រីអគ្គលេខាធិការវាយតម្លៃខ្ពស់ចំពោះជោគជ័យដ៏ត្រចះត្រចង់របស់កម្ពុជា ក្នុងការរៀបចំដំណើរការនៃ អ.វ.ត.ក. ហើយលោកស្រីបានគោរពបញ្ជាក់ថា មេរៀន និងបទពិសោធរបស់កម្ពុជា គួរតែត្រូវបានចែករំលែកជាមួយបណ្ដាប្រទេសជុំវិញពិភពលោក និងការបន្តកិច្ចសហប្រតិបត្តិការរវាងអង្គការសហប្រជាជាតិ និងរាជរដ្ឋាភិបាលកម្ពុជាលើការអនុវត្តគម្រោងស្វ័យអភិវឌ្ឍនានា (Home Grown Project)។ ជាការឆ្លើយតប សម្ដេចធិបតី បានសម្ដែងនូវក្ដីសោមនស្សរីករាយ ដែលបានជួបពិភាក្សាការងារជាមួយលោកស្រី អគ្គលេខាធិការរង និងអរគុណចំពោះចំណាប់អារម្មណ៍របស់លោកស្រីអំពីជោគជ័យរបស់កម្ពុជា ពាក់ព័ន្ធនឹងការអប់រំផ្សព្វផ្សាយ បញ្ជ្រាបការយល់ដឹងអំពីអំពើប្រល័យពូជសាសន៍។ សម្ដេចធិបតីបានគូសបញ្ជាក់ថា ការអប់រំដល់មនុស្សជំនាន់ក្រោយ គឺពិតជាមានសារសំខាន់ ហើយការណ៍នេះ មិនត្រឹមតែជាការអប់រំអំពីអំពើប្រល័យពូជសាសន៍ ដែលបង្កឡើងដោយរបបខ្មៅងងឹតខ្មែក្រហមទេ ថែមទាំងជាការរួមចំណែកទប់ស្កាត់ និងបង្ការការវិលត្រលប់មកវិញនៃអំពើដ៏សាហាវយង់ឃ្នង់ មិនអាចពរណ៌នាបានក្នុងសង្គមកម្ពុជា។ ជាមួយគ្នានេះ សម្ដេចធិបតីបានគូសបញ្ជាក់ថា រាជរដ្ឋាភិបាលនឹងបង្កើតវិទ្យាស្ថានមួយ ដើម្បីចងក្រង គ្រប់គ្រងឯកសារ និងជាមណ្ឌលស្រាវជ្រាវ ចែករំលែកការយល់ដឹង និងផ្ដល់ព័ត៌មានដល់អ្នកជំនាន់ក្រោយ អ្នកសិក្សាស្រាវជ្រាវ និងសាធារណជនទូទៅ ដើម្បីជាការស្វែងយល់បន្ថែមអំពីអំពើប្រល័យពូជសាសន៍ ក៏ដូចជាជោគជ័យ និងដំណើរការនៃ អ.វ.ត.ក.។ជាទីបញ្ចប់ សម្ដេចធិបតីបានគូសបញ្ជាក់ថា ចំពោះកិច្ចសហប្រតិបត្តិការលើគម្រោងស្វ័យអភិវឌ្ឍ (Home Grown Project) សម្ដេចបានជំរុញនិងលើកទឹកចិត្តឱ្យតំណាងអង្គការសហប្រជាជាតិ បន្តកិច្ចសហការជាមួយក្រសួង ស្ថាប័នពាក់ព័ន្ធនៃរាជរដ្ឋាភិបាលកម្ពុជា បន្ថែមទៀត ដើម្បីបន្តអនុវត្តទិសដៅការងាររបស់ខ្លួន ឈានទៅសម្រេចជោគជ័យនៃការអនុវត្តគម្រោងនេះ ៕

បណ្ដាញសង្គម

ព័ត៌មានថ្មីៗ

ឃាត់ខ្លួនជនពាក់ព័ន្ធ Online Scams ជាង ៦៥០នាក់ នៅបាវិត ភាគច្រើនជាជនបរទេស
11/07/2025 10:11 PM
Facebook Telegram Linkin
អ្នករស់រានពីការវាយប្រហាររបស់សត្វខ្លាឃ្មុំនៅប្រទេសជប៉ុន អំពាវនាវឲ្យមានការឆ្លើយតបគ្មានមេត្តា
11/07/2025 09:11 PM
Facebook Telegram Linkin
មេដឹកនាំជីវពលលោក Khazali ព្យាយាមចង់កែប្រែខ្លួនជាអ្នកនយោបាយកំពូលមួយរូបរបស់អ៊ីរ៉ាក់
11/07/2025 09:11 PM
Facebook Telegram Linkin
ប្រជាពលរដ្ឋស៊ូដង់បង្ហាញក្តីសង្ឃឹម និងក្តីបារម្ភ ក្រោយកងកម្លាំង RSF ទទួលយកសំណើឈប់បាញ់
11/07/2025 09:11 PM
Facebook Telegram Linkin
កម្ពុជាចូលរួមកិច្ចប្រជុំរដ្ឋមន្រ្តីសេដ្ឋកិច្ច CLMV លើកទី១៧ នៅ មីយ៉ាន់ម៉ា
11/07/2025 08:11 PM
Facebook Telegram Linkin
ប្រធានាធិបតីអ៊ីរ៉ង់៖ ទីក្រុងតេអេរ៉ង់ស្វែងរកសន្តិភាព តែនឹងមិនចុះញ៉មជាមួយការសម្លុតកំហែងឡើយ
11/07/2025 08:11 PM
Facebook Telegram Linkin
លោក Zelenskyy នឹងទៅទស្សនកិច្ចអេស្ប៉ាញឆាប់ៗនេះ ក្រោយខកខានកាលពីខែមេសា
11/07/2025 08:11 PM
Facebook Telegram Linkin
ក្រុមអ្នកវិទ្យាសាស្រ្តដាក់ការស្តីបន្ទោសសីតុណ្ហភាពកើនឡើង ស្របពេលព្យុះ Kalmaegi បង្កភាពវឹកវរនៅអាស៊ីអាគ្នេយ៍
11/07/2025 07:11 PM
Facebook Telegram Linkin
រដ្ឋមន្ត្រីមហាផ្ទៃ៖ អង់គ្លេសសម្រេចដកទណ្ឌកម្មពីប្រធានាធិបតីស៊ីរី
11/07/2025 07:11 PM
Facebook Telegram Linkin
តុលាការ ICCបញ្ជាក់ការចោទប្រកាន់ឧក្រិដ្ឋកម្មសង្គ្រាមប្រឆាំងនឹងមេដឹកនាំឧទ្ទាមអ៊ូហ្គង់ដាលោក Joseph Kony
11/07/2025 07:11 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.