នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្តេចតេជោ ហ៊ុន សែន បញ្ជាក់ថា រូបថតមួយសន្លឹក ដែលថតនៅឆ្នាំ១៩៩០ គឺពិតជានៅខេត្តបាត់ដំបងមែន
សម្ដេច​ធិបតី ហ៊ុន ម៉ាណែត​ តែងប្រាប់មិត្តបរទេសថាកម្ពុជាប្រើយន្តការ UNCLOS មកពីថៃដក​ខ្លួន​ឯកតោភាគីពី MoU 2001
កម្ពុជា-ហ្វីលីពីន វាយតម្លៃខ្ពស់ចំពោះភាពរីកចម្រើននៃកិច្ចសហប្រតិបត្តិទ្វេភាគី
ICRC ប្ដេជ្ញាបន្តគាំទ្រ និងពង្រឹងកិច្ចសហប្រតិបត្តិការជាមួយកម្ពុជា បន្ថែមទៀត

នយោបាយ​ និង ការអភិវឌ្ឍន៍

អាមេរិក និងរុស្ស៊ី បន្ទោសគ្នាទៅវិញទៅមក នៅក្រុមប្រឹក្សាUN ជុំវិញអាវុធក្នុងទីអវកាស

2024/05/21 01:54:24 pm        112
Facebook Telegram Linkin
អ្នកតំណាងសហរដ្ឋអាមេរិក និងរុស្សី បានបន្ទោសគ្នាទៅវិញទៅមក នៅក្រុមប្រឹក្សាសន្តិសុខអង្គការសហប្រជាជាតិ ជុំវិញសកម្មភាពយោធា នៅក្នុងទីអវកាសខាងក្រៅ។ ក្រុមប្រឹក្សាសន្តិសុខ កាលពីថ្ងៃចន្ទ បានបោះឆ្នោតទម្លាក់ចោទសេចក្តីសម្រេចពង្រាងដោយរុស្ស៊ី ដែលបានអំពាវនាវឱ្យរារាំង «គ្រប់ពេលវេលា» ចំពោះការដាក់អាវុធនៅក្នុងទីអវកាសខាងក្រៅ។ សេចក្តីព្រាងច្បាប់នេះ បានបរាជ័យក្នុងការទទួលបានសំឡេងយ៉ាងតិចប្រាំបួនសំឡេង។មុនពេលបោះឆ្នោត ឯកអគ្គរដ្ឋទូតរងសហរដ្ឋអាមេរិក លោក Robert Wood បាននិយាយថា រុស្ស៊ីបានបាញ់បង្ហោះផ្កាយរណបមួយកាលពីសប្តាហ៍មុន ដែលតាមការវាយតម្លៃរបស់ទីក្រុងវ៉ាស៊ីនតោន សន្មតថាមានសមត្ថភាពវាយប្រហារផ្កាយរណបផ្សេងទៀត នៅក្នុងគន្លងផែនដីទាប។លោក Wood បានចោទប្រកាន់រុស្ស៊ីថា កំពុងស្វែងរក ការបង្វែរចំណាប់អារម្មណ៍ជាសកល ពីការអភិវឌ្ឍន៍ផ្កាយរណបថ្មីរបស់ខ្លួន ដែលបំពាក់ឧបករណ៍នុយក្លេអែរ។ឯកអគ្គរដ្ឋទូតប្រចាំអង្គការសហប្រជាជាតិរបស់ប្រទេសរុស្ស៊ី លោក វ៉ាស៊ីលី ណេបេនហ្សៀ (Vassily Nebenzia) បានឆ្លើយតបដោយនិយាយថា លោកពិតជាមិនយល់ទាំងស្រុង នូវអ្វីដែលបេសកជនសហរដ្ឋអាមេរិក កំពុងនិយាយ។កាលពីខែមេសា រុស្ស៊ី បានប្រើសិទ្ធវ៉េតូ សេចក្តីព្រាងសេចក្តីសម្រេច បង្ហាញដោយប្រទេសជប៉ុន និងសហរដ្ឋអាមេរិក ដែលស្វែងរកការហាមឃាត់លើការអភិវឌ្ឍន៍អាវុធនុយក្លេអ៊ែរ និងអាវុធមហាប្រល័យផ្សេងទៀត សម្រាប់ដាក់ពង្រាយក្នុងគន្លងរបស់ភពផែនដី។សេចក្តីព្រាងច្បាប់របស់រុស្ស៊ី ដែលត្រូវបានបោះឆ្នោតទម្លាក់ចោល កាលពីថ្ងៃចន្ទ ដែលបានអំពាវនាវឱ្យប្រទេសនានា កុំដាក់ពង្រាយអាវុធគ្រប់ប្រភេទ នៅក្នុងទីអវកាស រួមទាំងអាវុធមហាប្រល័យ(WMDs)។

ប្រភព៖ ការស្លាប់របស់ប្រធានាធិបតីអ៊ីរ៉ង់ អាចជំរុញឱ្យមានការប្រជែងស្នងតំណែងមេដឹកនាំកំពូល

2024/05/21 01:51:15 pm        148
Facebook Telegram Linkin
ការស្លាប់របស់ប្រធានាធិបតីអ៊ីរ៉ង់ លោក អ៊ីប្រាហ៊ីម រ៉េស៊ី (Ebrahim Raisi) ក្នុងឧបទ្ទវហេតុធ្លាក់ឧទ្ធម្ភាគចក្រ ធ្វើឱ្យមានការខកចិត្តចំពោះផែនការរបស់ក្រុមប្រកាន់ជំហរតឹង ដែលចង់ឱ្យលោកស្នងតំណែងពីមេដឹកនាំកំពូល លោក អាយ៉ាតូឡា អាលី ខាមីណេ (Ayatollah Ali Khamenei) ហើយអាចនឹងជំរុញឱ្យមានការប្រជែងគ្នានៅក្នុងចំណោមអ្នកនយោបាយអ៊ីរ៉ង់ អំពីអ្នកដែលនឹងត្រូវកាន់កាប់សាធារណរដ្ឋអ៊ីស្លាម នៅពេលលោក ខាមីណេ ស្លាប់។លោក រ៉េស៊ី វ័យ ៦៣ ឆ្នាំ ដែលជាសិស្សរបស់លោក ខាមីណេ និងទទួលបានភាពលេចធ្លោតាមរយៈជួរនៃលទ្ធិប្រជាធិបតេយ្យរបស់អ៊ីរ៉ង់ ត្រូវបានគេមើលឃើញយ៉ាងទូលំទូលាយថាជាបេក្ខជននាំមុខគេដើម្បីឡើងកាន់តំណែងបន្តពីមេដឹកនាំកំពូលវ័យ ៨៥ ឆ្នាំរូបនេះ។ខណៈពេលដែលលោក ខាមីណេ មិនទាន់បានគាំទ្រអ្នកស្នងតំណែងណាម្នាក់នៅឡើយ ក្រុមអ្នកឃ្លាំមើលអ៊ីរ៉ង់និយាយថា លោក រ៉េស៊ី គឺជាឈ្មោះមួយក្នុងចំណោមឈ្មោះទាំងពីរដែលត្រូវបានលើកឡើងជាញឹកញាប់បំផុត ដែលអ្នកទីពីរគឺជាកូនប្រុសទីពីររបស់លោក ខាមីណេ ឈ្មោះលោក ម៉ូចតាបា (Mojtaba) ដែលត្រូវបានគេជឿថាមានឥទ្ធិពលនៅពីក្រោយឆាកនយោបាយ។យោងតាមប្រភពពីអ៊ីរ៉ង់ ដែលជិតស្និទ្ធនឹងការិយាល័យមេដឹកនាំកំពូលបាននិយាយថា លោក ខាមីណេ បានបង្ហាញការប្រឆាំងទៅនឹងបេក្ខភាពកូនប្រុសរបស់ខ្លួន ដោយសារតែលោកមិនចង់ឃើញជំហានថយក្រោយឆ្ពោះទៅរកប្រព័ន្ធនៃការគ្រប់គ្រងបន្តវង្សត្រកូល នៅក្នុងប្រទេសដែលរបបរាជានិយមគាំទ្រដោយសហរដ្ឋអាមេរិក ត្រូវបានផ្ដួលរំលំក្នុងឆ្នាំ១៩៧៩។អតីតមន្ត្រីអ៊ីរ៉ង់ម្នាក់បាននិយាយថា តួអង្គដ៏មានឥទ្ធិពលរួមទាំងកងឆ្មាំបដិវត្តន៍ និងបុព្វជិតដ៏មានឥទ្ធិពល ឥឡូវនេះត្រូវបានគេរំពឹងថានឹងបង្កើនកិច្ចខិតខំប្រឹងប្រែងដើម្បីរៀបចំដំណើរការជ្រើសរើសមេដឹកនាំកំពូលបន្ទាប់៕

អគ្គលេខាធិការរងUN៖ ជោគជ័យរបស់កម្ពុជាទប់ស្កាត់អំពើប្រល័យពូជសាសន៍ ជាមេរៀនពិសោធដ៏ល្អសម្រាប់ប្រជាជាតិ នៅលើពិភពលោក

2024/05/21 01:46:25 pm        110
Facebook Telegram Linkin
ភ្នំពេញ៖ អគ្គលេខាធិការរង អង្គការសហប្រជាជាតិ បានលើកឡើងថា ជោគជ័យរបស់កម្ពុជានៃដំណើរការអង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក.) និងការទប់ស្កាត់អំពើប្រល័យពូជសាសន៍ គឺជាមេរៀនពិសោធដ៏ល្អសម្រាប់ប្រជាជាតិ នៅលើពិភពលោក។លោកស្រី Alice Wairimu Nderitu អគ្គលេខាធិការរង អង្គការសហប្រជាជាតិ និងជាទីប្រឹក្សាពិសេសទទួលបន្ទុកកិច្ចការបង្ការអំពើប្រល័យពូជសាសន៍ និងសហការី បានលើកឡើងបែបនេះក្នុងឱកាស សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា អនុញ្ញាតឱ្យ ចូលជួបសម្តែងការគួរសម និងពិភាក្សាការងារ នៅវិមានសន្តិភាព នាព្រឹកថ្ងៃទី២១ ខែឧសភា ឆ្នាំ២០២៤នេះ។ ក្នុងឱកាសនៃជំនួប លោកស្រីអគ្គលេខាធិការរងបានថ្លែងអំណរគុណយ៉ាងជ្រាលជ្រៅដល់ សម្តេចធិបតី ដែលបានឆ្លៀតពេលវេលាដ៏មមាញឹកអនុញ្ញាតឱ្យរូបលោកស្រី និងសហការី បានចូលជួបសម្ដែងការគួរសម និងពិភាក្សាការងារ។ លោកស្រីបានគោរពជម្រាបជូន សម្ដេចធិបតី អំពីបទពិសោធ និងបេសកកម្មការងាររបស់លោកស្រី នាពេលកន្លងមកក្នុងការទប់ស្កាត់ និងបង្ការអំពើប្រល័យពូជសាសន៍ នៅតាមបណ្ដាប្រទេសដូចជា បូស្ន៊ី ហេហ្សេហ្គូវីន (Bosnia and Herzegovina) និងរ៉វាន់ដា (Rwanda) ហើយគោលបំណងនៃបេសកកម្មសំខាន់មួយរបស់លោកស្រីនៅកម្ពុជានាពេលនេះ គឺដើម្បីចូលរួមក្នុងសន្និសីទស្តីពី "អនាគតកម្ពុជាដោយគ្មានអំពើប្រល័យពូជសាសន៍ ៖ ការការពារ និង ការឆ្លើយតប តាមរយៈការអប់រំ និងការថែទាំសុខភាព"។ លោកស្រីអគ្គលេខាធិការរង ក៏បានវាយតម្លៃខ្ពស់ចំពោះកិច្ចសហប្រតិបត្តិការប្រកបដោយជោគជ័យរវាង អង្គជំនុំជម្រះវិសាមញ្ញក្នុងតុលាការកម្ពុជា (អ.វ.ត.ក.) និង អង្គការសហប្រជាជាតិ និងការបញ្ជ្រាបការយល់ដឹង ការអប់រំអំពីអំពើប្រល័យពូជសាសន៍ ដល់យុវជន សិស្ស និងនិស្សិត តាមរយៈការបណ្ដុះបណ្ដាលតាមសាលារៀន ទាំងសាលារដ្ឋ និង ឯកជន ចាប់ពីកម្រិតចំណេះទូទៅ ដល់កម្រិតសាកលវិទ្យាល័យ ក្នុងក្របខ័ណ្ឌទូទាំងប្រទេស។ លោកស្រីអគ្គលេខាធិការវាយតម្លៃខ្ពស់ចំពោះជោគជ័យដ៏ត្រចះត្រចង់របស់កម្ពុជា ក្នុងការរៀបចំដំណើរការនៃ អ.វ.ត.ក. ហើយលោកស្រីបានគោរពបញ្ជាក់ថា មេរៀន និងបទពិសោធរបស់កម្ពុជា គួរតែត្រូវបានចែករំលែកជាមួយបណ្ដាប្រទេសជុំវិញពិភពលោក និងការបន្តកិច្ចសហប្រតិបត្តិការរវាងអង្គការសហប្រជាជាតិ និងរាជរដ្ឋាភិបាលកម្ពុជាលើការអនុវត្តគម្រោងស្វ័យអភិវឌ្ឍនានា (Home Grown Project)។ ជាការឆ្លើយតប សម្ដេចធិបតី បានសម្ដែងនូវក្ដីសោមនស្សរីករាយ ដែលបានជួបពិភាក្សាការងារជាមួយលោកស្រី អគ្គលេខាធិការរង និងអរគុណចំពោះចំណាប់អារម្មណ៍របស់លោកស្រីអំពីជោគជ័យរបស់កម្ពុជា ពាក់ព័ន្ធនឹងការអប់រំផ្សព្វផ្សាយ បញ្ជ្រាបការយល់ដឹងអំពីអំពើប្រល័យពូជសាសន៍។ សម្ដេចធិបតីបានគូសបញ្ជាក់ថា ការអប់រំដល់មនុស្សជំនាន់ក្រោយ គឺពិតជាមានសារសំខាន់ ហើយការណ៍នេះ មិនត្រឹមតែជាការអប់រំអំពីអំពើប្រល័យពូជសាសន៍ ដែលបង្កឡើងដោយរបបខ្មៅងងឹតខ្មែក្រហមទេ ថែមទាំងជាការរួមចំណែកទប់ស្កាត់ និងបង្ការការវិលត្រលប់មកវិញនៃអំពើដ៏សាហាវយង់ឃ្នង់ មិនអាចពរណ៌នាបានក្នុងសង្គមកម្ពុជា។ ជាមួយគ្នានេះ សម្ដេចធិបតីបានគូសបញ្ជាក់ថា រាជរដ្ឋាភិបាលនឹងបង្កើតវិទ្យាស្ថានមួយ ដើម្បីចងក្រង គ្រប់គ្រងឯកសារ និងជាមណ្ឌលស្រាវជ្រាវ ចែករំលែកការយល់ដឹង និងផ្ដល់ព័ត៌មានដល់អ្នកជំនាន់ក្រោយ អ្នកសិក្សាស្រាវជ្រាវ និងសាធារណជនទូទៅ ដើម្បីជាការស្វែងយល់បន្ថែមអំពីអំពើប្រល័យពូជសាសន៍ ក៏ដូចជាជោគជ័យ និងដំណើរការនៃ អ.វ.ត.ក.។ជាទីបញ្ចប់ សម្ដេចធិបតីបានគូសបញ្ជាក់ថា ចំពោះកិច្ចសហប្រតិបត្តិការលើគម្រោងស្វ័យអភិវឌ្ឍ (Home Grown Project) សម្ដេចបានជំរុញនិងលើកទឹកចិត្តឱ្យតំណាងអង្គការសហប្រជាជាតិ បន្តកិច្ចសហការជាមួយក្រសួង ស្ថាប័នពាក់ព័ន្ធនៃរាជរដ្ឋាភិបាលកម្ពុជា បន្ថែមទៀត ដើម្បីបន្តអនុវត្តទិសដៅការងាររបស់ខ្លួន ឈានទៅសម្រេចជោគជ័យនៃការអនុវត្តគម្រោងនេះ ៕

សម្ដេចធិបតី នាយករដ្ឋមន្រ្ដី អនុញ្ញាតឱ្យអគ្គលេខាធិការរង UN ជួបសម្ដែងការគួរសម និងពិភាក្សាការងារ

2024/05/21 11:35:32 am        185
Facebook Telegram Linkin
នៅព្រឹកថ្ងៃទី២១ ខែឧសភា ឆ្នាំ២០២៤នេះ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានអនុញ្ញាតឱ្យជួបជាមួយ លោកស្រី អាលីស វ៉ារីម៉ូ អ៊ិនឌៀរីធូ (Alice Wairimu Ndeeritu) អគ្គលេខាធិការរងអង្គការសហប្រជាជាតិ (UN) និងជាទីប្រឹក្សាពិសេសទទួលបន្ទុកការងារបង្ការប្រល័យពូជសាសន៍ ជួបសម្ដែងការគួរសម និងពិភាក្សាការងារ នៅវិមានសន្តិភាព។សូមជម្រាបថាលោកស្រី លោកស្រី អាលីស វ៉ារីម៉ូ អ៊ិនឌៀរីធូ អញ្ជើញមកកម្ពុជា គឺដើម្បីចូលរួមសន្និសីទលើកទី១ ស្តីពីអនាគតកម្ពុជាគ្មានអំពើរប្រល័យពូជសាសន៍ នៅកម្ពុជាផងដែរ៕

សម្ដេចធិបតីនាយករដ្ឋមន្រ្ដី អនុញ្ញាតឱ្យអគ្គនាយិការងទីភ្នាក់ងារ AFD ជួបសម្ដែងការគួរសម និងពិភាក្សាការងារ

2024/05/21 11:29:09 am        165
Facebook Telegram Linkin
នៅព្រឹកថ្ងៃទី២១ ខែឧសភា ឆ្នាំ២០២៤នេះ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី​កម្ពុជា អនុញ្ញាតឱលោកស្រី ម៉ារី អេឡែន លូអាហ្សង់ (Marie-Hélène LOISON) អគ្គនាយិការង​ទីភ្នាក់ងារអភិវឌ្ឍន៍បារាំង (AFD) ជួបសម្ដែងការគួរសម និងពិភាក្សាការងារ នៅវិមានសន្តិភាព។ទីភ្នាក់ងារ អភិវឌ្ឍន៍បារាំង (AFD) បានបើកការិយាល័យរបស់ខ្លួន នៅភ្នំពេញកាលពីខែកញ្ញា ឆ្នាំ​១៩៩៣ ដើម្បីធ្វើអន្តរាគមន៍នៅប្រទេសកម្ពុជា។ ដើមឡើយទីភ្នាក់ងារ AFD បានផ្តោត​សកម្មភាព​របស់​ខ្លួន​តែលើការផ្តល់ហិរញ្ញប្បទានដល់វិស័យកសិកម្ម ការអភិវឌ្ឍទីក្រុង និងសុខាភិបាល​ប៉ុណ្ណោះ​។ ប៉ុន្ដែចាប់តាំងពីខែកក្កដា ឆ្នាំ២០០៩ មធ្យោបាយ នៃការធ្វើអន្តរាគមន៍របស់ AFD នៅ​ក​ម្ពុជា បានវិវឌ្ឍគួរឱ្យកត់សម្គាល់។ ដើម្បីទ្រទ្រង់កំណើនសេដ្ឋកិច្ចកម្ពុជាទីភ្នាក់ងារ AFD បាន​សហការ ជាមួយអាជ្ញាធរ​កម្ពុជា​ដើម្បី​ទ្រទ្រង់​ដល់​ផ្នែក​ផលិតកម្ម​តាមរយៈ​ការ​ផ្តល់​ប្រាក់​កម្ចី​គ្មាន​ការ​ធានា​ពីរដ្ឋមានន័យថា ប្រាក់កម្ចីដែលផ្តល់ដោយផ្ទាល់ដល់សហគ្រាស ឬធនាគារឯកជន ឬ​សាធារណៈដោយមិនមានការធានាពីរាជរដ្ឋាភិបាលកម្ពុជា។ជាង​នេះ​ទៅទៀត ចាប់តាំងពីខែកក្កដា ឆ្នាំ២០១២ ប្រទេសកម្ពុជា អាចទទួល​បាន​កម្ចី​សម្បទាន​ពី AFD បន្ទាប់ពីទទួលបានចំណាត់ថ្នាក់ប្រសើរជាងមុន ពីមូលនិធិរូបិយវត្ថុអន្តរជាតិ ចំពោះ​លទ្ធភាព​ក្នុង​ការសងបំណុលរបស់ប្រទេសនេះ។បច្ចុប្បន្នវិស័យ​អាទិភាពនៃអន្តរាគមន៍ទាំងបួនរបស់ AFD រួមមាន៖ កសិកម្ម និងកសិ​ឧស្សាហកម្ម, ហេរដ្ឋារចនាសម្ព័ន្ធ, ការទ្រទ្រង់វិស័យផលិតកម្ម, ការបណ្តុះបណ្តាលវិជ្ជាជីវៈ (ក្នុងវិស័យវាយនភ័ណ្ឌ និងទេសចរណ៍ និង កសិកម្ម ប្រសិនបើអាច)។ ចាប់​តាំងពីឆ្នាំ១៩៩៣ មក ក្រុម AFD បានទ្រទ្រង់គម្រោងជាច្រើននៅប្រទេសកម្ពុជាដោយផ្តល់ទឹកប្រាក់ជាង ២៧០ លានអឺរ៉ូ៕

រុស្ស៊ី បរាជ័យក្នុងសំណើប្រជែងនៅ UN ជុំវិញការដាក់នុយក្លេអ៊ែរ និងអាវុធផ្សេងទៀតក្នុងលំហ

2024/05/21 10:55:50 am        116
Facebook Telegram Linkin
ពង្រាងសេចក្តីសម្រេចរបស់ក្រុមប្រឹក្សាសន្តិសុខអង្គការសហប្រជាជាតិ របស់រុស្ស៊ី ដែលបានអំពាវនាវឱ្យប្រទេសទាំងអស់ទប់ស្កាត់ «គ្រប់ពេលវេលា» នៃការដាក់អាវុធ ការគំរាមកំហែង ឬការប្រើប្រាស់អាវុធណាមួយនៅក្នុងលំហអាកាស បានបរាជ័យកាលពីថ្ងៃចន្ទ (២០ ឧសភា) ខណៈស្ថាប័នដែលមានសមាជិកចំនួន ១៥ រូបនេះបានខ្វែងគំនិតគ្នាចំពោះវិធានការនេះ។សេចក្តីព្រាងច្បាប់នេះ បានបរាជ័យក្នុងការទទួលបានសំឡេងយ៉ាងតិចចំនួនប្រាំបួនដែលត្រូវការ ដោយសមាជិកចំនួន ៧ រូបបានបោះឆ្នោតគាំទ្រ និង ៧ រូបប្រឆាំងង ខណៈដែលមានម្នាក់បានអនុប្បវាទ។ ការបោះឆ្នោតវេតូ អាចត្រូវបានធ្វើឡើងដោយសហរដ្ឋអាមេរិក រុស្ស៊ី ចិន អង់គ្លេស ឬបារាំង ប្រសិនបើពង្រាងច្បាប់មួយទទួលបានសំឡេងគាំទ្រយ៉ាងតិចប្រាំបួន។ប្រទេសរុស្ស៊ី បានដាក់បញ្ជូនពង្រាងសេចក្ដីស្នើច្បាប់នេះ បន្ទាប់ពីខ្លួនបានវេតូ លើសេចក្ដីសម្រេចដែលព្រាងដោយសហរដ្ឋអាមេរិក កាលពីខែមុន ដែលបានអំពាវនាវឱ្យប្រទេសនានាទប់ស្កាត់ការប្រណាំងប្រជែងសព្វាវុធនៅក្នុងលំហអាកាស។ ការវេតូរបស់រុស្ស៊ី នោះបានជំរុញឱ្យអាមេរិកចោទសួរថា តើក្រុងមូស្គូកំពុងលាក់បាំងអ្វីខ្លះ។ទីក្រុងវ៉ាស៊ីនតោន បានចោទប្រកាន់ទីក្រុងមូស្គូ ពីការបង្កើតអាវុធនុយក្លេអ៊ែរប្រឆាំងផ្កាយរណបដើម្បីដាក់ក្នុងលំហ ប៉ុន្តែរុស្ស៊ី បានបដិសេធ។ ប្រធានាធិបតីរុស្ស៊ី លោក វ្ល៉ាឌីមៀ ពូទីន (Vladimir Putin) បាននិយាយថា ទីក្រុងមូស្គូ ប្រឆាំងដាច់ខាតនឹងការដាក់អាវុធនុយក្លេអ៊ែរ នៅក្នុងលំហ៕

ចិន៖ ស្ថានភាពនយោបាយកោះតៃវ៉ាន់ ពុំផ្លាស់ប្តូរការពិតដែលថាមានចិនតែមួយនោះឡើយ

2024/05/21 08:54:08 am        287
Facebook Telegram Linkin
អ្នកនាំពាក្យក្រសួងការបរទេសចិន បាននិយាយកាលពីថ្ងៃចន្ទទី២០ឧសភា សប្ដាហ៍នេះថា មិនថាស្ថានភាពនយោបាយទាក់ទងនឹងកោះតៃវ៉ាន់ប្រែប្រួលយ៉ាងណានោះទេ ក៏នឹងមិនផ្លាស់ប្តូរការពិតជាប្រវត្តិសាស្ត្រ និងផ្លូវច្បាប់ ដែលថាភាគីទាំងពីរនៃច្រកសមុទ្រតៃវ៉ាន់ជារបស់ចិនតែមួយដែរ និងនិន្នាការប្រវត្តិសាស្ត្រដែលប្រទេសចិននឹងត្រូវជុំជាតិនៅពេលវេលាមកដល់ ហើយនឹងត្រូវបង្រួបបង្រួមដោយជៀសមិនរួច។ ដោយគូសបញ្ជាក់ថា គោលការណ៍ចិនតែមួយ គឺជាការឯកភាពជារួមរបស់សហគមន៍អន្តរជាតិ និងស្របតាមបទដ្ឋានជាមូលដ្ឋាននៃទំនាក់ទំនងអន្តរជាតិ លោក Wang Wenbin អ្នកនាំពាក្យក្រសួងខាងលើបាននិយាយថា នោះក៏ជាមូលដ្ឋានគ្រឹះនយោបាយ និងជាគោលសម្រាប់ប្រទេសចិនក្នុងការអភិវឌ្ឍន៍ទំនាក់ទំនងជាមួយប្រទេសផ្សេងទៀតក្នុងពិភពលោក ផងដែរ។ លោកបាននិយាយថា ប្រទេសមួយចំនួនធំ ក៏ដូចជាអង្គការអន្តរជាតិ និងតំបន់ ឈរយ៉ាងរឹងមាំជាមួយរដ្ឋាភិបាល និងប្រជាជនចិន ដោយគាំទ្រដល់បុព្វហេតុតែមួយគត់របស់ប្រទេសចិនក្នុងការប្រឆាំងនឹងសកម្មភាពបំបែកខ្លួន ទាមទារឯករាជ្យរបស់កោះតៃវ៉ាន់ និងការតស៊ូដើម្បីការបង្រួបបង្រួមជាតិ។លោក Wang បាននិយាយថា បណ្ដាអ្នកនយោបាយមកពីប្រទេសមួយចំនួនចូលរួមក្នុងឧបាយកលនយោបាយ និងការបង្ហាញការពាក់ព័ន្ធរបស់ខ្លួនដោយផ្ទាល់លើបញ្ហាទាក់ទងនឹងកោះតៃវ៉ាន់ ដែលបានជ្រៀតជ្រែកយ៉ាងធ្ងន់ធ្ងរនៅក្នុងកិច្ចការផ្ទៃក្នុងរបស់ប្រទេសចិន និងបានរំលោភលើគោលការណ៍ចិនតែមួយ។ ប្រទេសចិនថ្កោលទោសយ៉ាងដាច់អហង្ការចំពោះទង្វើបែបនេះ ហើយនឹងចាត់វិធានការចាំបាច់ទាំងអស់ដើម្បីការពារអធិបតេយ្យភាពជាតិ និងបូរណភាពទឹកដីរបស់ខ្លួនយ៉ាងរឹងមាំ៕

ប្រទេសអ៊ីរ៉ង់ នឹងរៀបចំការបោះឆ្នោតប្រធានាធិបតីនៅថ្ងៃទី២៨ ខែមិថុនា

2024/05/21 08:38:53 am        205
Facebook Telegram Linkin
ទីភ្នាក់ងារព័ត៌មានផ្លូវការ IRNA បានរាយការណ៍ថា រដ្ឋាភិបាលរបស់ប្រទេសអ៊ីរ៉ង់ បានសម្រេចកាលពីថ្ងៃចន្ទ (២១ ឧសភា) ថា ការបោះឆ្នោតប្រធានាធិបតីទី១៤ របស់ប្រទេសនឹងត្រូវធ្វើឡើងនៅថ្ងៃទី២៨ ខែមិថុនា ខាងមុខនេះ។ កាលបរិច្ឆេទបោះឆ្នោតត្រូវបានកំណត់នៅក្នុងកិច្ចប្រជុំមួយដែលមានការចូលរួមដោយអនុប្រធានាធិបតីទីមួយរបស់ប្រទេសអ៊ីរ៉ង់ លោក ម៉ូហាម៉ាដ ម៉ូកប៊ឺ (Mohammad Mokhber) ដែលបច្ចុប្បន្នកំពុងកាន់តំណែងជាប្រធានាធិបតីបណ្ដោះអាសន្ន រួមទាំងប្រមុខនៃសាខាអំណាចផ្សេងៗទៀត និងតំណាងក្រុមប្រឹក្សាធម្មនុញ្ញ ព្រមទាំងក្រសួងមហាផ្ទៃរបស់អ៊ីរ៉ង់។ប្រធានាធិបតីអ៊ីរ៉ង់ លោក អ៊ីប្រាហ៊ីម រ៉េស៊ី (Ebrahim Raisi) និងសមាជិកមួយចំនួននៃក្រុមអមដំណើររបស់លោក រួមទាំងរដ្ឋមន្ត្រីការបរទេស លោក ហ៊ូសេន អាមឺ អាប់ឌូលឡាហៀន (Hossein Amir-Abdollahian) ត្រូវបានគេអះអាងថាបានស្លាប់កាលពីព្រឹកថ្ងៃចន្ទ ខណៈបំណែកនៃឧទ្ធម្ភាគចក្រដែលដឹកពួកគេត្រូវបានរកឃើញ បន្ទាប់ពីការធ្លាក់ក្នុងអាកាសធាតុអាក្រក់កាលពីថ្ងៃអាទិត្យ នៅជិតតំបន់ វ៉ាហ៊្សាកាន (Varzaqan) ចម្ងាយប្រហែល ៦៧០ គីឡូម៉ែត្រ ពីទីក្រុងតេអេរ៉ង់។ក្នុងអំឡុងពេលនៃកិច្ចប្រជុំនេះ អ្នកចូលរួមក៏បានកំណត់កាលវិភាគសម្រាប់ដំណើរការបោះឆ្នោត រួមទាំងការបង្កើតគណៈប្រតិភូប្រតិបត្តិ ការចុះឈ្មោះបេក្ខជន និងការចាប់ផ្តើមយុទ្ធនាការបោះឆ្នោត នេះបើយោងតាមទីភ្នាក់ងារព័ត៌មាន IRNA ។របាយការណ៍បាននិយាយថា ដោយផ្អែកលើកាលវិភាគ ការចុះឈ្មោះនឹងធ្វើឡើងចាប់ពីថ្ងៃទី៣០ ខែឧសភា ដល់ថ្ងៃទី០៣ ខែមិថុនា បន្ទាប់មកបេក្ខជនត្រូវធ្វើយុទ្ធនាការបោះឆ្នោតចាប់ពីថ្ងៃទី១២ ដល់ថ្ងៃទី២៧ ខែមិថុនា ហើយក្រុមប្រឹក្សាធម្មនុញ្ញបានយល់ព្រមជាបឋមចំពោះកាលវិភាគនោះ៕

ចិនរិះគន់អាមេរិក និងសហភាពអឺរ៉ុប ខណៈដែលជម្លោះពាណិជ្ជកម្ម កាន់តែខ្លាំងឡើង

2024/05/20 01:28:42 pm        162
Facebook Telegram Linkin
ប្រទេសចិន បានចាប់ផ្តើមការស៊ើបអង្កេតប្រឆាំងការបោះចោលសំណល់នៃការនាំចូលប្លាស្ទិកដែលប្រើប្រាស់រួច ពីសហរដ្ឋអាមេរិក សហភាពអឺរ៉ុប កោះតៃវ៉ាន់ និងជប៉ុន។សេចក្តីប្រកាសរបស់ក្រសួងពាណិជ្ជកម្មថា ការនាំចូលសារធាតុប៉ូលីអុកស៊ីតមេទីលីនកូប៉ូលីមើ ដែលប្រើក្នុងគ្រឿងអេឡិចត្រូនិក និងរថយន្ត គឺជាសញ្ញាមួយដែលចិននឹងវាយបកវិញ ក្នុងជម្លោះពាណិជ្ជកម្មជាមួយសហរដ្ឋអាមេរិក និងអឺរ៉ុប។ការប្រកាសនេះ ធ្វើឡើងស្របពេលដែលជម្លោះពាណិជ្ជកម្មរបស់ចិនជាមួយសហរដ្ឋអាមេរិក និងសហភាពអឺរ៉ុប កាន់តែខ្លាំងឡើង ក្នុងរយៈពេលប៉ុន្មានខែថ្មីៗនេះ។រយៈពេលមិនដល់មួយសប្តាហ៍កន្លងទៅ ទីក្រុងវ៉ាស៊ីនតោន បានដំឡើងពន្ធយ៉ាងខ្លាំងលើទំនិញរបស់ចិន រួមទាំងរថយន្តអគ្គិសនី (EVs) បន្ទះស្រូបពន្លឺព្រះអាទិត្យ និងបន្ទះឈីបកុំព្យូទ័រ។ចំណាត់ការថ្មីរបស់សហរដ្ឋអាមេរិក ក៏បានពង្រីកផងដែរលើការបោសសម្អាតពន្ធតាមព្រំដែន ដែលត្រូវបានដាក់លើទំនិញរបស់ចិន នៅក្រោមរដ្ឋបាលរបស់លោក ត្រាំ(Trump)។ជាការឆ្លើយតប ក្រសួងពាណិជ្ជកម្មរបស់ប្រទេសចិន បាននិយាយថា ចំណាត់ការថ្មីនេះ នឹង«ប៉ះពាល់យ៉ាងធ្ងន់ធ្ងរដល់បរិយាកាសសម្រាប់កិច្ចសហប្រតិបត្តិការទ្វេភាគី» ហើយបានរិះគន់អ្វីដែលខ្លួនចាត់ទុកថា ជាការធ្វើឲ្យមានលក្ខណៈជានយោបាយនៃបញ្ហាសេដ្ឋកិច្ច។

បេក្ខជនបក្សប្រឆាំងវ៉េណេហ្ស៊ុយអេឡា អះអាងថា លោកនឹងធានាឲ្យមានសេរីភាពនយោបាយ

2024/05/20 01:24:19 pm        153
Facebook Telegram Linkin
បេក្ខជនបក្សប្រឆាំងវ៉េណេហ្ស៊ុយអេឡា លោក Edmundo Gonzalez បាននិយាយកាលពីថ្ងៃសៅរ៍ថា លោក នឹងធានាថា គណបក្សនយោបាយទាំងអស់មានសេរីភាព ក្នុងការដំណើរការ ប្រសិនបើលោកទម្លាក់ លោកប្រធានាធិបតី នីកូឡាស ម៉ាឌូរ៉ូ ( Nicolas Maduro) ពីតំណែង នៅក្នុងការបោះឆ្នោត ខែកក្កដា ហើយលោកបានជំរុញឲ្យយោធារក្សាស្ថាប័នរបស់ប្រទេសនេះ ដូចដែលមានចែងក្នុងរដ្ឋធម្មនុញ្ញ។លោក Gonzalez អតីតឯកអគ្គរដ្ឋទូតប្រចាំប្រទេសអាល់ហ្សេរី និងអាហ្សង់ទីន ត្រូវបានជ្រើសរើសដោយក្រុមចម្រុះប្រឆាំងវេទិកាឯកតា ក្នុងខែមេសា ជាបេក្ខភាពរបស់ខ្លួន បន្ទាប់ពីការហាមប្រាមប្រឆាំងនឹងការកាន់កាប់តំណែងរបស់លោកស្រី Maria Corina Machado ដែលជាអ្នកឈ្នះឆ្នោតបឋមយ៉ាងភ្លូកទឹកភ្លូកដី ត្រូវបានតម្កល់ដោយតុលាការកំពូល។គណបក្សប្រឆាំង បាននិយាយថា បម្រាមរបស់លោកស្រី Machado គឺខុសច្បាប់ ហើយជាការប៉ុនប៉ងរបស់រដ្ឋាភិបាលរបស់លោក ម៉ាឌូរ៉ូ ដែលបានត្រួតពិនិត្យវិបត្តិសេដ្ឋកិច្ចដ៏ជ្រៅ នៅក្នុងប្រទេសនេះ ដើម្បីកាត់បន្ថយការគាំទ្រសម្រាប់គណបក្សប្រឆាំង នៅក្នុងការបោះឆ្នោតប្រធានាធិបតីថ្ងៃទី ២៨ ខែកក្កដា។ដោយឈរលើរថយន្តធំមួយ លោក Gonzalez និងលោកស្រី Machado បាននិយាយទៅកាន់ហ្វូងមនុស្សប្រហែលជា ៣.000 នាក់ នៅក្នុងសង្កាត់ La Victoria ដែលជាស្រុកកំណើតរបស់លោក Gonzalez នៅ រដ្ឋ Aragua ភាគកណ្តាល។លោក Gonzalez បាននិយាយថា លោកនឹងធានាថា ចលនានយោបាយ អាចអនុវត្តសិទ្ធិរបស់ពួកគេ នៅក្រោមរដ្ឋធម្មនុញ្ញ ដោយជំរុញឲ្យអ្នកបោះឆ្នោតស្រមៃមើលប្រទេសមួយ «ជាកន្លែងដែលប្រធានាធិបតី មិនប្រមាថ ឬចាត់ទុកគូប្រជែងរបស់ខ្លួនថា ជាសត្រូវ»។

បណ្ដាញសង្គម

ព័ត៌មានថ្មីៗ

តុលាការបារ៉ែនបើកសវនាការកាត់ទោសមនុស្ស ១៩នាក់ ដែលត្រូវបានចោទប្រកាន់ពីបទគាំទ្រអ៊ីរ៉ង់
07/06/2026 02:07 PM
Facebook Telegram Linkin
អតីតរដ្ឋមន្ត្រីការបរទេសអូទ្រីស៖ សហភាពអឺរ៉ុបកំពុងផ្លាស់ប្តូរពីពាណិជ្ជកម្មទៅជាសង្គ្រាម   
07/06/2026 02:07 PM
Facebook Telegram Linkin
អង់គ្លេសរឹតបន្តឹងច្បាប់ស្តីពីការបរិច្ចាគនយោបាយនៅបរទេស ដើម្បីបញ្ឈប់«ការផ្តល់មូលនិធិក្លែងក្លាយ»
07/06/2026 02:07 PM
Facebook Telegram Linkin
លោក TRUMP៖ អឺរ៉ុបចាប់ផ្តើមរៀនពីរបៀបក្លាយជាប្រទេសតតិយលោក
07/06/2026 02:07 PM
Facebook Telegram Linkin
លោក ហ្សេឡិនស្គី និយាយថា ការប្រយុទ្ធគ្នានៅបន្ត ដើម្បីដណ្តើមគ្រប់គ្រងទីក្រុង Kostyantynivka
07/06/2026 02:07 PM
Facebook Telegram Linkin
មន្ត្រីប៉ាឡេស្ទីនចោទអ៊ីស្រាអែលថា កំពុងស្វះស្វែងគ្រប់គ្រងទីតាំងបុរាណវត្ថុជាង ៣.៧៥០កន្លែង នៅវេសបែង
07/06/2026 02:07 PM
Facebook Telegram Linkin
Unai Simón៖ Ronaldo នៅតែគ្រោះថ្នាក់ ទោះមិនស្ថិតក្នុងចំណុចកំពូលនៃអាជីព មុនអេស្ប៉ាញជួបព័រទុយហ្គាល់
07/06/2026 01:07 PM
Facebook Telegram Linkin
សមត្ថកិច្ចរាជធានីភ្នំពេញ បន្តប្រតិបត្តិការបង្ក្រាប Online Scams នៅខណ្ឌដង្កោ ឃាត់ជនបរទេស ៨នាក់
07/06/2026 01:07 PM
Facebook Telegram Linkin
លោក Carlos Queiroz លាលែងពីតំណែងគ្រូបង្វឹកហ្គាណា ក្រោយធ្លាក់ចេញពី World Cup
07/06/2026 01:07 PM
Facebook Telegram Linkin
ទូតជប៉ុន សរសើរ និងវាយតម្លៃខ្ពស់ចំពោះកិច្ចខិតខំប្រឹងប្រែងលើវិស័យបរិស្ថាន​កម្ពុជា​ធ្វើឱ្យប្រទេសក្លាយជា «ផ្ទះដ៏ស្អាត និងមានបរិស្ថានល្អ» សម្រាប់ពលរដ្ឋ
07/06/2026 01:07 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.