នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ស្ពានមិត្តភាពកម្ពុជា-ចិន មេគង្គក្រចេះ នឹងបើកជូនពលរដ្ឋឆ្លងកាត់ចាប់ពីថ្ងៃទី១មេសា ឆ្នាំ​២០២៦​តទៅ
សម្តេចតេជោ ហ៊ុន សែន ដឹកនាំកិច្ចប្រជុំគណៈកម្មាធិការអចិន្ត្រៃយ៍ព្រឹទ្ធសភា ដើម្បី​សម្រេច​លើ​របៀប​វារៈចំនួន៧
បេក្ខជន និងសកម្មជនគណបក្សភ្លើងទៀនចំនួន៤នាក់នៅស្រុកកណ្តាលស្ទឹង ចូលរួម​ជីវភាពនយោបាយ ជាមួយគណបក្សប្រជាជនកម្ពុជា
ស្ថានីយប្រព្រឹត្តកម្មទឹកកខ្វក់ក្រុងកំពង់ឆ្នាំងតម្លៃជាង ១៩លានដុល្លារ ត្រូវបាន​សម្ពោធ​ដាក់​ឲ្យ​ប្រើ​ប្រាស់​ជាផ្លូ​វការ​នៅថ្ងៃនេះ

នយោបាយ​ និង ការអភិវឌ្ឍន៍

ចៅក្រមពិន័យលោក Trump ចំនួន ៩ ពាន់ដុល្លារ និងគំរាមដាក់ពន្ធនាគារពីបទមើលងាយតុលារការ

2024/05/01 01:15:38 pm        166
Facebook Telegram Linkin
ចៅក្រមដែលមើលការខុសត្រូវលើការកាត់ទោសក្ដីព្រហ្មទណ្ឌជុំវិញបណ្ដឹងប្រាក់បំបិទមាត់របស់លោក ដូណាល់ ត្រាំ (Donald Trump) បានពិន័យអតីតប្រធានាធិបតីអាមេរិករូបនេះចំនួន ៩.០០០ ដុល្លារសម្រាប់ការមើលងាយតុលាការកាលពីថ្ងៃអង្គារ (៣០ មេសា) ហើយនិយាយថាចៅក្រមនឹងពិចារណាចាប់លោក ត្រាំ ដាក់ពន្ធនាគារ ប្រសិនបើលោកបន្តបំពានលើដីកាបង្គាប់។នៅក្នុងដីកាជាលាយលក្ខណ៍អក្សរ លោកចៅក្រម វ័ន មើឆែន (Juan Merchan) បាននិយាយថា ការផាកពិន័យនេះប្រហែលជាមិនគ្រប់គ្រាន់ដើម្បីជាការរារាំងអ្នកជំនួញ និងអ្នកនយោបាយ ដែលមានទ្រព្យសម្បត្តិហូរហៀរូបនេះទេ ហើយលោកមានការសោកស្ដាយជាខ្លាំងដែលលោកមិនមានអំណាចក្នុងការដាក់ប្រាក់ពិន័យឱ្យខ្ពស់ជាងនេះទេ។លោក មើឆែន បានដាក់ចេញនូវដីការារាំងលោក ត្រាំ ពីការរិះគន់សាក្សី និងអ្នកផ្សេងទៀតដែលពាក់ព័ន្ធនឹងបណ្ដឹងនេះ។ ចៅក្រមបានពិន័យលោក ត្រាំ ចំនួន ១.០០០ ដុល្លារលើរាល់ការបង្ហោះតាមអ៊ីនធឺណិតចំនួនប្រាំបួនផុស ដែលបានរំលោភលើបញ្ជារបស់ចៅក្រមមិនឱ្យរិះគន់សាក្សី ឬអ្នកចូលរួមផ្សេងទៀតនៅក្នុងការកាត់ក្តី។ រដ្ឋអាជ្ញាបានលើកឡើង ១០ សារបង្ហោះថាអាចជាការបំពានដីកាបង្គាប់។លោក មើឆែន បានច្រានចោលទឡ្ហីករណ៍របស់លោក ត្រាំ ដែលថាខ្លួនមិនអាចទទួលខុសត្រូវចំពោះ «សារបង្ហោះបន្ត» ដែលលោកមិនបានសរសេរដោយខ្លួនឯងនោះទេ។ ចៅក្រមនឹងពិចារណាថាតើត្រូវដាក់ពិន័យបន្ថែមទៀតសម្រាប់សារបង្ហោះផ្សេងទៀត ឬយ៉ាងណា នៅក្នុងសវនាការនៅថ្ងៃព្រហស្បតិ៍ (០២ ឧសភា) ស្អែកនេះ៕

ហ្វីលីពីននិយាយថា ឆ្មាំល្បាតឆ្នេរចិន កំពុងបង្កើនភាពតានតឹងនៅសមុទ្រចិនខាងត្បូង

2024/05/01 01:09:06 pm        165
Facebook Telegram Linkin
ហ្វីលីពីន នៅថ្ងៃពុធ (០១ ឧសភា) នេះបានចោទប្រកាន់ឆ្មាំល្បាតឆ្នេររបស់ចិន ពីការបង្កើនភាពតានតឹងនៅក្នុងសមុទ្រចិនខាងត្បូង បន្ទាប់ពីបានប្រើប្រាស់កាណុងបាញ់ទឹក ដែលបានបង្កការខូចខាតដល់នាវាពីរគ្រឿងរបស់ហ្វីលីពីន។ក្រុមមន្ត្រីហ្វីលីពីនបាននិយាយថា នាវាឆ្មាំល្បាតឆ្នេរមួយគ្រឿង និងកប៉ាល់នេសាទមួយគ្រឿងបានរងការខូចខាតកាលពីថ្ងៃអង្គារ ដោយសារកាណុងបាញ់ទឹកដែលឆ្មាំល្បាតឆ្នេរចិន ក្នុងពេលដែលកំពុងធ្វើដំណើរទៅកាន់ថ្មប៉ប្រះទឹក ស្កាបូរ៉ូ ស្ហូល (Scarborough Shoal) ដើម្បីជួយអ្នកនេសាទហ្វីលីពីននៅក្នុងតំបន់នោះ។អ្នកនាំពាក្យឆ្មាំល្បាតឆ្នេរហ្វីលីពីន លោក ជេយ តារៀលឡា (Jay Tarriela) និយាយថា «ឆ្មាំល្បាតឆ្នេរចិនឥឡូវនេះបានបង្កើនភាពតានតឹង និងកម្រិតនៃការខឹងសម្បាររបស់ពួកគេផងដែរ ឆ្ពោះទៅរកនាវាឆ្មាំល្បាតឆ្នេរហ្វីលីពីន»។ លោក តារៀលឡា បន្ថែមថា ខណៈពេលដែលការប្រើប្រាស់កាណុងបាញ់ទឹករបស់ចិនមិនទាន់ជាការវាយប្រហារដោយប្រដាប់អាវុធនៅឡើយទៅលើនាវា និងបុគ្គលិករបស់ខ្លួន ប្រទេសចិនបាននិងកំពុងបង្កើនសម្ពាធទឹកនៅពេលកំណត់គោលដៅលើនាវាហ្វីលីពីន។ពុំមានប្រទេសណាមានអធិបតេយ្យភាពលើតំបន់ ស្កាបូរ៉ូ ស្ហូល ដែលជាកន្លែងនេសាទដ៏សំខាន់ប្រើប្រាស់ដោយប្រទេសមួយចំនួននៅជិតផ្លូវដឹកជញ្ជូនធំៗនេះទេ។ ថ្មប៉ប្រះទឹកនេះ ស្ថិតនៅក្នុងតំបន់សេដ្ឋកិច្ចផ្តាច់មុខរបស់ប្រទេសហ្វីលីពីន ហើយបានក្លាយជាកន្លែងនៃការប្រឈមមុខគ្នាជាច្រើនរវាងចិន និងហ្វីលីពីន ក្នុងប៉ុន្មានឆ្នាំថ្មីៗនេះ៕

កោះតៃវ៉ាន់ ស្ថិតក្នុងការប្រុងប្រយ័ត្នខ្ពស់សម្រាប់សមយុទ្ធចិន ក្រោយមេដឹកនាំថ្មីចូលកាន់តំណែង

2024/05/01 01:05:55 pm        160
Facebook Telegram Linkin
ប្រមុខមន្រ្តីសន្តិសុខតៃវ៉ាន់ នៅថ្ងៃពុធ (០១ ឧសភា) នេះបាននិយាយថា កោះតៃវ៉ាន់ កំពុងស្ថិតនៅក្នុងការប្រុងប្រយ័ត្នចំពោះការធ្វើសមយុទ្ធយោធារបស់ប្រទេសចិន បន្ទាប់ពីការចូលកាន់តំណែងរបស់មេដឹកនាំជាប់ឆ្នោតថ្មី លោក ឡៃ ឈីងទឺ (Lai Ching-te) ក្នុងខែនេះ ដោយបានបញ្ជាក់ថា រដ្ឋាភិបាលទីក្រុងប៉េកាំង តែងតែចាប់ផ្តើមសមយុទ្ធបែបនេះក្នុងខែមិថុនា។ប្រទេសចិន ដែលចាត់ទុកកោះតៃវ៉ាន់ថាជាទឹកដីរបស់ខ្លួន មានការមិនពេញចិត្តយ៉ាងខ្លាំងចំពោះលោក ឡៃ ដោយជឿជាក់ថាលោកជាអ្នកផ្ដាច់ខ្លួនដ៏គ្រោះថ្នាក់។ រដ្ឋាភិបាលចិន បានច្រានចោលសំណើម្តងហើយម្តងទៀតនៃការចរចារបស់លោក ឡៃ រួមទាំងសំណើកិច្ចពិភាក្សាមួយដែលបានលើកឡើងកាលពីសប្តាហ៍មុន។លោក ឡៃ ដូចនឹងមេដឹកនាំបច្ចុប្បន្ន លោកស្រី សៃ អ៊ីងវិន (Tsai Ing-wen) ដែរគឺបដិសេធការទាមទារអធិបតេយ្យភាពរបស់ទីក្រុងប៉េកាំង។ អ្នកទាំងពីរនិយាយថាមានតែប្រជាជនកោះនេះទេដែលអាចសម្រេចអនាគតរបស់ពួកគេបាន។ លោក លៃ ដែលបច្ចុប្បន្នជាមេដឹកនាំលំដាប់ទី២ នឹងត្រូវចូលកាន់តំណែងនៅថ្ងៃទី២០ ខែឧសភា ខាងមុខនេះ។យោធារបស់ចិន ក្នុងអំឡុងពេលបួនឆ្នាំកន្លងមកនេះ បានបង្កើនសកម្មភាពរបស់ខ្លួនយ៉ាងច្រើនជុំវិញកោះតៃវ៉ាន់។ ប្រភពសន្តិសុខដែលមានមូលដ្ឋាននៅតៃវ៉ាន់ បានព្រមានម្តងហើយម្តងទៀតថាប្រទេសចិន អាចបង្ហាញពីការមិនពេញចិត្តរបស់ពួកគេចំពោះលោក ឡៃ ដោយប្រើយោធា។ចាប់តាំងពីការឈ្នះឆ្នោតខែមករា របស់លោក ឡៃ មក ប្រទេសចិន បានរក្សាសម្ពាធជាបន្តបន្ទាប់លើកោះតៃវ៉ាន់ រួមទាំងការយាមល្បាតរបស់ឆ្មាំល្បាតឆ្នេរនៅជិតប្រជុំកោះមួយក្រុមដែលគ្រប់គ្រងដោយតៃវ៉ាន់ នៅជិតឆ្នេរសមុទ្រចិន និងការបើកផ្លូវអាកាសថ្មីនៅច្រកសមុទ្រតៃវ៉ាន់ ដែលទីក្រុងតៃប៉ិ និយាយថា គំរាមកំហែងដល់សុវត្ថិភាពអាកាសចរណ៍៕

ព្រះមហាក្សត្រថៃ រាជានុម័តឱ្យអតីតអ្នកការទូត លោក Maris ធ្វើជារដ្ឋមន្ត្រីការបរទេស

2024/05/01 01:02:30 pm        162
Facebook Telegram Linkin
សារព័ត៌មានរាជវង្សរបស់ប្រទេសថៃ (Royal Gazette) បាននិយាយនៅថ្ងៃពុធ (០១ ឧសភា) នេះថា អ្នកការទូតចូលនិវត្តន៍ លោក ម៉ារីត សាងៀមផុង្ស (Maris Sangiampongsa) ត្រូវបានរាជានុម័តឱ្យធ្វើជារដ្ឋមន្ត្រីការបរទេសថ្មីរបស់ប្រទេសនេះដោយព្រះមហាក្សត្រថៃ។លោក ម៉ារីត វ័យ ៦៥ ឆ្នាំគឺជាអតីតឯកអគ្គរដ្ឋទូតថៃ ប្រចាំនៅអូស្ត្រាលី និងកាណាដា និងជាទីប្រឹក្សារបស់អ្នកកាន់តំណែងរដ្ឋមន្ត្រីការបរទេសពីមុន គឺលោក ផនព្រី បាហីត្ថា នុការ៉ា (Parnpree Bahiddha-Nukara) ដែលបានលាលែងពីតំណែងដោយមិននឹកស្មានដល់កាលពីថ្ងៃអាទិត្យ បន្ទាប់ពីលោកបានបាត់បង់តំណែងជាឧបនាយករដ្ឋមន្ត្រីនៅក្នុងការរុះរើគណៈរដ្ឋមន្ត្រីថ្មី។ការតែងតាំងនេះធ្វើឡើងក្នុងពេលវេលាដ៏សំខាន់មួយ នៅពេលដែលប្រទេសថៃ បង្កើនកិច្ចខិតខំប្រឹងប្រែងការទូតក្នុងការគ្រប់គ្រងជម្លោះដែលកំពុងបន្តនៅក្នុងសហភាពមីយ៉ាន់ម៉ា ជាប្រទេសជិតខាង ដែលសង្រ្គាមស៊ីវិលរវាងយោធាកំពុងកាន់អំណាច និងសម្ព័ន្ធកងទ័ពជនជាតិភាគតិច និងចលនាតស៊ូ កំពុងកើនឡើងខ្លាំង។ប្រទេសថៃ បាននិងកំពុងដាក់សម្ពាធដល់ប្លុកតំបន់អាស៊ាន ឱ្យមានសកម្មភាពកាន់តែខ្លាំងក្នុងការព្យាយាមស្វះស្វែងរកដំណោះស្រាយ បន្ទាប់ពីបរាជ័យផែនការសន្តិភាពរបស់ខ្លួនដែលមិនទទួលបានការវិវត្តន៍ក្នុងរយៈពេលបីឆ្នាំចាប់តាំងពីត្រូវបានប្រកាស។ សមាជិកសំខាន់ៗមួយចំនួនបានខកចិត្តចំពោះការបដិសេធរបស់របបសឹកក្នុងការចូលរួមសម្របសម្រួលបញ្ជប់ជម្លោះជាមួយគូប្រជែងរបស់ពួកគេ៕

លោក ហ្សេឡិនស្គី៖ យើងត្រូវតែបង្កើនល្បឿននៃការបញ្ជូនសព្វាវុធសម្រាប់ទាហានជួរមុខ

2024/05/01 12:50:03 pm        154
Facebook Telegram Linkin
លោកប្រធានាធិបតី វ៉ូឡូមៀ ហ្សេឡិនស្គី ( Volodymyr Zelenskiy) បាននិយាយកាលពីថ្ងៃអង្គារថា អ៊ុយក្រែន ត្រូវការ «ការបង្កើនល្បឿនដ៏សំខាន់»ក្នុងការបញ្ជូនសព្វាវុធពីដៃគូរបស់ខ្លួន ដើម្បីឲ្យកងទ័ពរបស់ខ្លួនប្រឈមមុខនឹងការជំរុញកងទ័ពរុស្ស៊ីក្នុងតំបន់ជាច្រើននៅជួរមុខ។លោក ហ្សេឡិនស្គី បានធ្វើអត្ថាធិប្បាយរបស់ខ្លួននៅក្នុងវីដេអូពេលយប់ ចំពេលមានការទទួលស្គាល់ពីមេបញ្ជាការជាន់ខ្ពស់របស់លោកថា កងកម្លាំងរបស់អ៊ុយក្រែន បានដកថយពីភូមិនានា នៅក្នុងផ្នែកខ្លះនៃការប្រឈមមុខដ៏ក្តៅបំផុត នៅក្នុងសង្គ្រាមដែលមានរយៈពេលពីរឆ្នាំហើយនោះ។លោក បាននិយាយថា៖«យើងត្រូវការការបង្កើនល្បឿនដ៏សំខាន់នៃការផ្គត់ផ្គង់ ដើម្បីបង្កើនសមត្ថភាពរបស់ទាហានរបស់យើង»។លោកបានចង្អុលបង្ហាញជាពិសេសចំពោះការបញ្ជូនសព្វាវុធរបស់សហរដ្ឋអាមេរិក បន្ទាប់ពីការធ្លាក់ចុះនៃការផ្គត់ផ្គង់រយៈពេល ៦ខែ ដែលមានសារៈសំខាន់ ក្នុងការកែតម្រូវស្ថានភាព នៅចំណុចសំខាន់ៗ នៅក្នុងជួរមុខចម្ងាយ ១.000 គីឡូម៉ែត្រ (៦០០ ម៉ាយ)។លោក ហ្សេឡិនស្គី បានបន្តថា៖ «យើងពឹងផ្អែកខ្លាំងណាស់លើការបញ្ជូនសព្វាវុធភ្លាមៗពីសហរដ្ឋអា មេរិក»។

អឺរ៉ុប បើកការស៊ើបអង្កេតលើក្រុមហ៊ុន Meta ជុំវិញការព្រួយបារម្ភព័ត៌មានមិនពិត

2024/05/01 12:31:44 pm        182
Facebook Telegram Linkin
សហភាពអឺរ៉ុប បានបើកការស៊ើបអង្កេតលើក្រុមហ៊ុន Meta ដែលជាម្ចាស់ក្រុមហ៊ុន Facebook និង Instagram។ មន្ត្រីសហភាពអឺរ៉ុបបាននិយាយថា ក្រុមហ៊ុនបច្ចេកវិទ្យាព័ត៌មានយក្សមួយនេះ ប្រហែលជាពុំបានធ្វើអ្វីឲ្យគ្រប់គ្រាន់ដើម្បីការពារអ្នកប្រើប្រាស់ពីការផ្សាយព័ត៌មានមិនពិត។គណៈកម្មការអឺរ៉ុប ដែលជាអង្គភាពប្រតិបត្តិរបស់សហភាពអឺរ៉ុប បានប្រកាសកាលពីថ្ងៃអង្គារថា ក្រុមហ៊ុន Meta អាចនឹងបំពានច្បាប់សេវាកម្មឌីជីថល ដែលតម្រូវឱ្យអាជីវកម្មមានចំណាត់ការប្រឆាំងទៅនឹងខ្លឹមសារខុសច្បាប់។ អ្នកបំពាន អាចត្រូវបានផាកពិន័យរហូតដល់ ៦ភាគរយនៃប្រាក់ចំណូលប្រចាំឆ្នាំរបស់ពួកគេ។គណៈកម្មាការ បានសង្ស័យថាក្រុមហ៊ុន Meta ថាពុំបានដាក់ការការពារឲ្យបានគ្រប់គ្រាន់ប្រឆាំងការផ្សាយពាណិជ្ជកម្មឆរបោក និងយុទ្ធនាការផ្សព្វផ្សាយព័ត៌មានមិនពិត។ គណៈកម្មការ ក៏មានការព្រួយបារម្ភផងដែរអំពីកង្វះការបង្ហាញពិតប្រាកដដែលមានប្រសិទ្ធភាព និងឧបករណ៍ត្រួតពិនិត្យក្នុងការបោះឆ្នោត។វិធានការនេះ ធ្វើឡើងនៅមុនពេលការបោះឆ្នោតនៅខែមិថុនាសម្រាប់សភាអឺរ៉ុប។ អ្នកសង្កេតការណ៍មួយចំនួន ព្រួយបារម្ភពីភ្នាក់ងារបរទេស រួមទាំងអ្នកមកពីប្រទេសរុស្ស៊ី ដែលអាចជ្រៀតជ្រែកក្នុងការបោះឆ្នោត។ ប្រធានគណៈកម្មាធិការអឺរ៉ុប លោកស្រី Ursula von der Leyen បាននិយាយថា ប្រសិនបើមន្ត្រីសង្ស័យថាមានការរំលោភបំពាន ពួកគេនឹងមានចំណាត់ការ ជាពិសេសនៅក្នុងពេលនៃការបោះឆ្នោតតាមបែបលទ្ធិប្រជាធិបតេយ្យ។

អ្នកគាំទ្រ លោក Trump មកប្រមូលផ្តុំគ្នានៅខាងក្រៅតុលាការ អំឡុងពេលជម្រះក្តីនៅក្រុងញូវយ៉ក

2024/05/01 11:03:29 am        112
Facebook Telegram Linkin
អ្នកគាំទ្រ លោក ដូណាល់ត្រាំ ជាង២០នាក់បានមកប្រមូលផ្តុំគ្នានៅខាងក្រៅតុលាការ កាលពីថ្ងៃអង្គារ ដោយស្រែកហៅឈ្មោះរបស់លោក និងគ្រវីបដា ដែលមានអំណានថា «TRUMP 24» ។អង្គការសាធារណៈក្នុងស្រុកមួយ បានអំពាវនាវឱ្យអ្នកគាំទ្រស្ងប់ស្ងាត់បន្ទាប់ពី លោក Trump បានត្អូញត្អែរថាពុំមានមនុស្សច្រើនគ្រប់គ្រាន់ក្នុងការតវ៉ាទៅនឹងការជម្រះក្តីនេះទេ។នាង Bernard Chow ប្រជាជនទីក្រុងញូវយ៉ក បាននិយាយថា សហរដ្ឋអាមេរិក និងទីក្រុងញូវយ៉កអាចប្រើប្រាស់ឲ្យមានការផ្លាស់ប្តូរ។ ប្រទេសរបស់យើងនឹងក្ស័យធនពិតប្រាកដក្នុងពេលឆាប់ៗនេះ លុះត្រាណាតែមាននរណាម្នាក់នឹងធ្វើអ្វីមួយអំពីរឿងនេះ ហើយយើងជឿថា លោក Trump នឹងជាអ្នកដែលនៅទីនោះ ដើម្បីធ្វើអ្វីមួយចំពោះការក្ស័យធននេះ។វាគ្រាន់តែជារឿងដ៏អាក្រក់ ក្រោមការដឹកនាំរបស់ លោក Joe Biden យើងចាំបាច់ត្រូវតែឲ្យលោកចាកចេញ។ នាងបាននិយាយថា យាយតារបស់នាង ដែលជាអ្នកប្រជាធិបតេយ្យពេញមួយជីវិត នឹងបោះឆ្នោតឲ្យលោក ដូណាល់ ត្រាំ នៅឆ្នាំនេះ។

កិច្ចខិតខំប្រឹងប្រែងសម្រុះសម្រួលរបស់កាតាក្នុងសង្គ្រាមអ៊ីស្រាអែល-ក្រុមហាម៉ាស កំពុងរងការរិះគន់

2024/05/01 10:56:09 am        93
Facebook Telegram Linkin
នៅពេលដែលមន្ត្រីអាមេរិក ត្រូវការចរចាជាមួយក្រុមតាលីបង់ ដើម្បីបញ្ចប់សង្រ្គាមអាហ្វហ្គានីស្ថាន ពួកគេបានងាកទៅរកប្រទេសកាតា។ជាមួយនឹងរុស្ស៊ីបន្តយុទ្ធនាការរបស់ខ្លួន នៅអ៊ុយក្រែន កាតាបានក្លាយជាអ្នកសម្របសម្រួលដ៏សំខាន់សម្រាប់អ្វីដែលជាការទំនាក់ទំនងដ៏តិចតួចរវាងភាគីទាំងពីរ។ក្នុងរយៈពេលប៉ុន្មានឆ្នាំកន្លងទៅ ប្រទេសវាលខ្សាច់ដ៏តូចមួយនេះ បានទាក់ទាញការចាប់អារម្មណ៍យ៉ាងខ្លាំង ដោយសារតែគម្រោងអចលនទ្រព្យ ដែលកំពុងរីកចម្រើន ជាមួយនឹងប្រាក់ចំណូលពីតំបន់ឧស្ម័នដ៏ធំបំផុតរបស់ពិភពលោក។ ប្រទេសនេះ ក៏ជាទីតាំងនៃមូលដ្ឋានទ័ពអាកាសដ៏សំខាន់បំផុតមួយរបស់សហរដ្ឋអាមេរិក នៅមជ្ឈិមបូព៌ាផងដែរ។ប៉ុន្តែកាន់តែខ្លាំងឡើងក្នុងអំឡុងពេល៦ខែនៃសង្រ្គាមនៅតំបន់ហ្កាហ្សា តួនាទីរបស់កាតាជាអ្នកសម្រុះសម្រួល បានស្ថិតនៅក្រោមការត្រួតពិនិត្យយ៉ាងយកចិត្តទុកដាក់បំផុត។ទីក្រុងដូហា បានទទួលជោគជ័យមានកម្រិតក្នុងការបង្កើតកិច្ចព្រមព្រៀងមួយ ដើម្បីបញ្ឈប់ការប្រយុទ្ធគ្នា និងដោះលែងចំណាប់ថ្នូរអ៊ីស្រាអែល ដែលជំរុញឲ្យមានការរិះគន់យ៉ាងខ្លាំងពីសមាជិកសភាអាមេរិក និង មន្ត្រីអ៊ីស្រាអែល។កិច្ចចរចាបទឈប់បាញ់ជុំថ្មី នៅតំបន់ហ្កាហ្សា ដែលបានចាប់ផ្តើមកាលពីចុងសប្តាហ៍ មានអេហ្ស៊ីប ជំនួសឲ្យប្រទេសកាតា ក្នុងតួនាទីដឹកនាំកិច្ចការនេះ។ប្រទេសកាតា និយាយថា ខ្លួនកំពុងវាយតម្លៃឡើងវិញនូវតួនាទីរបស់ខ្លួន។ នៅចុងសប្តាហ៍នេះ អ្នកនាំពាក្យក្រសួងការបរទេស លោក Majed Al-Ansari បាននិយាយក្នុងអំឡុងដំណើរទស្សនកិច្ច ទៅកាន់ប្រទេសអ៊ីស្រាអែលថា កាតាររំពឹងថា នឹងមាន «ការប្តេជ្ញាចិត្តកាន់តែច្រើន និងកាន់តែមានភាពហ្មត់ចត់» នៅក្នុងការចរចាពីភាគីទាំងពីរ។

អង្គការលើកលែងទោសអន្តរជាតិ អំពាវនាវឲ្យលោក បៃដិន ផ្អាកបញ្ជូនសព្វាវុធទៅអ៊ីស្រាអែលជាបន្ទាន់

2024/05/01 10:53:12 am        120
Facebook Telegram Linkin
អង្គការលើកលែងទោសអន្តរជាតិ (Amnesty International)ក្នុងសប្តាហ៍នេះ បានអំពាវនាវឲ្យលោកប្រធានាធិបតី បៃដិន (Biden) ផ្អាកជាបន្ទាន់នូវការបញ្ជូនសព្វាវុធទៅកាន់ប្រទេសអ៊ីស្រាអែល ខណៈដែលអង្គការនេះ បានបន្តការចោទប្រកាន់ថា យោធាអ៊ីស្រាអែល កំពុងបំពានច្បាប់អន្តរជាតិ។អង្គការលើកលែងទោសនេះ បាននិយាយនៅក្នុងការបង្ហោះកាលពីថ្ងៃចន្ទថា ការស្រាវជ្រាវថ្មីដែលផ្តល់ដល់រដ្ឋបាលលោក បៃដិន បានរៀបរាប់លម្អិតអំពីអាវុធដែលអាមេរិកផ្គត់ផ្គង់ដល់អ៊ីស្រាអែល «ត្រូវបានប្រើប្រាស់ នៅក្នុងការរំលោភយ៉ាងធ្ងន់ធ្ងរលើច្បាប់មនុស្សធម៌ និងសិទ្ធិមនុស្សអន្តរជាតិ និងក្នុងលក្ខណៈដែលមិនស្របនឹងច្បាប់ និងគោលនយោបាយរបស់សហរដ្ឋអាមេរិក»។លោកស្រី អាម៉ានដា ក្លាស៊ីង (Amanda Klasing) ប្រធានផ្នែកទំនាក់ទំនងរដ្ឋាភិបាលជាមួយអង្គការលើកលែងទោសអន្តរជាតិសហរដ្ឋអាមេរិក បានថ្លែងថា៖ វាគឺជារឿងគួរឲ្យភ្ញាក់ផ្អើលណាស់ ដែលរដ្ឋបាលលោក បៃដិន បន្តប្រកាន់ភ្ជាប់ថា រដ្ឋាភិបាលអ៊ីស្រាអែល មិនបំពានច្បាប់មនុស្សធម៌អន្តរជាតិជាមួយនឹងអាវុធ ដែលផ្តល់ដោយសហរដ្ឋអាមេរិក នៅពេលដែលការស្រាវជ្រាវរបស់យើងបានបង្ហាញផ្ទុយពីនេះទៅវិញ ហើយអ្នកជំនាញច្បាប់អន្តរជាតិ ក៏មិនយល់ស្របដែរ។លោកស្រី ក្លាស៊ីង បាននិយាយនៅក្នុងសេចក្តីថ្លែងការណ៍មួយថា៖«លោកប្រធានាធិបតី បៃដិន ត្រូវតែបញ្ចប់ការអនុលោមរបស់សហរដ្ឋអាមេរិកជាមួយរដ្ឋាភិបាលដែលមានការរំលោភច្បាប់អន្តរជាតិយ៉ាងធ្ងន់ធ្ងររបស់អ៊ីស្រាអែល ហើយផ្អាកជាបន្ទាន់នូវការបញ្ជូនអាវុធទៅឲ្យរដ្ឋាភិបាលអ៊ីស្រាអែល»។ការអំពាវនាវរបស់អង្គការនេះ បានធ្វើឡើង នៅពេលដែលសេតវិមានប្រឈមនឹងកាលបរិច្ឆេទកំណត់ថ្ងៃទី ៨ ឧសភា ដើម្បីបញ្ជាក់ដល់សភាថា អាវុធដែលផ្តល់ដោយសហរដ្ឋអាមេរិកដល់អ៊ីស្រាអែល កំពុងត្រូវបានប្រើប្រាស់ស្របតាមច្បាប់អន្តរជាតិ ដោយមានរបាយការណ៍មួយចំនួនបង្ហាញថា មានការខ្វែងគំនិតគ្នា នៅក្នុងក្រសួងការបរទេសអាមេរិកលើបញ្ហានេះ។

សម្តេចធិបតី ហ៊ុន ម៉ាណែត ប្រាប់ទៅក្រុមជ្រុលនិយមថា ករណីផ្ទុះគ្រាប់នៅកំពង់ស្ពឺ ជាបញ្ហាបច្ចេកទេសមិនមែនទ័ពធ្វើការបះបោរនោះឡើយ

2024/05/01 10:37:00 am        108
Facebook Telegram Linkin
សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានផ្តាំទៅក្រុមបក្សពួកជ្រុលនិយម ឬក្រុមឧទ្ទាមក្រៅច្បាប់ថា ករណីផ្ទុះគ្រាប់នៅយោធភូមិភាគទី៣ នៃខេត្តកំពង់ស្ពឺ កាលពីកន្លង ទៅថ្មីៗនេះ ហើយបានបណ្តាលឲ្យយោធិនពលីជីវិតចំនួន២០នាក់ យ៉ាងសោកសង្រែកនោះ គឺកើតឡើងដោយសារបញ្ហាបច្ចេកទេស មិនមែនទ័ពធ្វើការប៉ះបោរដូចការប្រឌិតរឿង​របស់ជនក្បត់ជាតិ​បីជំនាន់ សម រង្ស៊ីនោះឡើយ។ក្នុងឱកាសអញ្ជើញជួបសំណេះសំណាលជាមួយមន្រ្តីរាជការ បុគ្គលិក កម្មករ និយោជិតកំពង់ផែ ស្វយ័តក្រុងព្រះសីហនុ ​នាឱកាសអបអរសាទរខួបអនុស្សាវរីយ៍លើកទី១៣៨ នៃទិវាពលកម្មអន្តរជាតិ នាថ្ងៃទី១ ខែឧសភា ឆ្នាំ២០២៤នេះ សម្តេចធិបតី ហ៊ុន ម៉ាណែត បានប្រតិកម្មតបទៅកាន់ទណ្ឌតិក្បត់ ជាតិបីជំនាន់ សម រង្ស៊ីថា ករណីផ្ទុះគ្រាប់នៅយោធ​ភូមិភាគទី៣ ខេត្តកំពង់ស្ពឺ ជាបញ្ហាបច្ចេកទេស មិនមែនជាបញ្ហាកងទ័ពបះបោរ ដូចក្រុមប្រឆាំងបំផ្លើសនោះទេ ហើយចំពោះបញ្ហានេះ សម្តេចក៏បានណែនាំ ឲ្យរដ្ឋមន្រ្តីក្រសួង​ការពារជាតិកម្ពុជាធ្វើការឆ្លើយបំភ្លឺ និងឆ្លើយតបរួចទៅហើយដែរ ប៉ុន្តែទោះជាយ៉ាងណា សម្តេចធិបតី​មានការហួសចិត្តចំពោះទណ្ឌិតក្បត់ជាតិរូបនេះដែលហ៊ានធ្វើខណៈគេកំពុងកើតទុក្ខនិង មានសេចក្តីរន្ធត់​ចំពោះឧបទ្ទវហេតុមួយនេះ។សូមបញ្ជាក់ថា ក្រោយពីទណ្ឌិតក្បត់ជាតិបីជំនាន់ សម រង្ស៊ី បានសរសេរថាករណីផ្ទុះគ្រាប់នៅ ខេត្តកំពង់ស្ពឺ កាលពីថ្ងៃទី២៦ ខែមេសា ឆ្នាំ២០២៤កន្លងទៅនេះ ជាករណីកងទ័ពបះបោរនោះ ត្រូវបានអ្នក នាំពាក្យរបស់ក្រសួងការពារជាតិកម្ពុជាធ្វើការទាត់ចោលភ្លាមៗផងដែរ ដោយក្រសួងការពារជាតិបានហៅ ការប្រឌិតរឿងរបស់ទណ្ឌិតក្បត់ជាតិបីជំនាន់នេះ ជាការញុះញង់ បំផ្លិចបំផ្លាញ ប្រឆាំងចំពោះសន្តិភាព និងការអភិវឌ្ឍប្រទេសជាតិទាំងមូល។ ជាមួយគ្នានោះដែរ ក្រសួងការពារជាតិកម្ពុជា ក៏បានផ្តាំទៅទណ្ឌិត ក្បត់ជាតិបីជំនាន់ និង​បក្សពួកឲ្យបញ្ឈប់ការស្រមើរស្រមៃដ៏ឆ្កួតលីលារបស់ខ្លួនផងដែរ៕អត្ថបទបាន ចក់

បណ្ដាញសង្គម

ព័ត៌មានថ្មីៗ

កម្ពុជាដាក់តាំងស្តង់ជាតិ បង្ហាញសិល្បៈ វប្បធម៌ និងផលិតផលខ្មែរក្នុងពិព័រណ៍នាំចូលអន្តរជាតិចិន-CIIE នៅទីក្រុងសៀងហៃ
11/06/2025 02:11 PM
Facebook Telegram Linkin
សម្ដេចធិបតី អបអរសាទរទិវាជាតិអាហារូបត្ថម្ភលើកទី១២ក្រោមប្រធានបទ «អាហារូបត្ថម្ភដើម្បីសន្តិភាពសន្តិភាពដើម្បីអាហារូបត្ថម្ភ»
11/06/2025 02:11 PM
Facebook Telegram Linkin
កូរ៉េខាងត្បូងយល់ថា ការសាងសង់នាវាមុជទឹកនុយក្លេអ៊ែរនៅក្នុងស្រុក គឺ «សមហេតុផល»
11/06/2025 02:11 PM
Facebook Telegram Linkin
អាហ្វហ្គានីស្ថាន និងប៉ាគីស្ថាន នឹងចាប់ផ្ដើមកិច្ចចរចាបទឈប់បាញ់ឡើងវិញ នៅទីក្រុងអ៊ីស្តង់ប៊ុល
11/06/2025 02:11 PM
Facebook Telegram Linkin
លោក Trump គំរាមបញ្ឈប់ផ្ដល់ជំនួយទាំងអស់ និងចាត់វិធានការយោធានៅក្នុងប្រទេសនីហ្សេរីយ៉ា
11/06/2025 02:11 PM
Facebook Telegram Linkin
នីហ្សេរីយ៉ាបដិសេធការកំណត់របស់អាមេរិក ជុំវិញសិទ្ធិសេរីភាពសាសនា ដោយបញ្ជាក់ថា គ្រប់យ៉ាងផ្អែកលើទិន្នន័យខុស
11/06/2025 02:11 PM
Facebook Telegram Linkin
ចំនួនអ្នកស្លាប់នៅហ្កាហ្សាកើនឡើងដល់ ២៤១នាក់ ចាប់តាំងពីបទឈប់បាញ់ចូលជាធរមាន
11/06/2025 02:11 PM
Facebook Telegram Linkin
អ្នកឡើងភ្នំជនជាតិអ៊ីតាលី៧នាក់បាត់ខ្លួននៅនេប៉ាល់ខណៈព្យុះនិងការបាក់ផ្ទាំងទឹកកកបណ្តាលឲ្យមនុស្ស៩នាក់ស្លាប់
11/06/2025 02:11 PM
Facebook Telegram Linkin
រដ្ឋបាលខេត្តបន្ទាយមានជ័យរៀបចំពិធីអកអំបុក សំពះព្រះខែ ដេីម្បីចូលរួមអបអរសាទរព្រះរាជពិធីបុណ្យអុំទូក បណ្តែតប្រទីប និងអកអំបុក សំពះព្រះខែ
11/06/2025 01:11 PM
Facebook Telegram Linkin
អភិបាលខេត្តបន្ទាយមានជ័យបញ្ចុះបឋមសិលាសាងសង់អគារសង្រ្គោះបន្ទាន់ និងវះកាត់នៅមន្ទីរបង្អែកអូរជ្រៅ
11/06/2025 01:11 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.