BTV NEWS

រដ្ឋមន្ត្រីក្រសួងអភិវឌ្ឍន៍ជនបទចុះពិនិត្យវឌ្ឍនភាពការងារសាងសង់ស្ពានភ្នំក្រវាញ និងផ្លូវកៅស៊ូក្នុងខេត្តពោធិ៍សាត់

BREAKING NEWS|កម្ពុជាចាត់ទុកផែនការថៃចង់ដណ្តើមប្រាសាទតាក្របី និងបិទប្រាសាទតាមាន់ធំគឺជាការប៉ុនប៉ងឈ្លានពានកម្ពុជាគិតទុកជាមុន និងមិនគោរពបទឈប់បាញ់

សម្ដេចតេជោ៖សង្គ្រាមព្រំដែនកម្ពុជា-ថៃបានផ្ទេរពីសង្គ្រាមប្រើប្រាស់អាវុធមកជាសង្រ្គាម ប្រើប្រាស់ជំពាមកៅស៊ូ ខណៈបើពិនិត្យឲ្យសុីជម្រៅវាជារឿងធំ ប្រសិនបើមិនទប់ស្កាត់

ឯកឧត្តម ចាន់ ដារ៉ុង ដឹកនាំគណៈកម្មការអន្តរក្រសួងចុះពិនិត្យវាយតម្លៃបញ្ចប់សុពលភាពការងារថែទាំផ្លូវខួបចំនួន ៣កំណាត់ ក្នុងខេត្តពោធិ៍សាត់

នយោបាយ និង ការអភិវឌ្ឍន៍

ជប៉ុនផ្តល់ថវិកាជិត ៤ ម៉ឺនដុល្លារសម្រាប់ផ្តល់ឧបករណ៍តន្រ្តីបុរាណ នៅសាលាមធ្យមវិចិត្រសិល្បៈកម្ពុជា

ភ្នំពេញ៖ រដ្ឋាភិបាលជប៉ុនកាលពីថ្ងៃទី២០ ខែមីនានេះ បានចុះហត្ថលេខាផ្តល់ថវិកាសរុបចំនួន ៣៨,៧៥០ ដុល្លារអាមេរិកដល់ សាលាមធ្យមវិចិត្រសិល្បៈក្រោមគ្រោងការណ៍ ជំនួយឥតសំណងសម្រាប់គម្រោងទ្រង់ទ្រាយតូចវប្បធម៌ (គូសាណូណិ) ដើម្បីផ្ដល់ឧបករន៍តម្រីបុរាណនៅសាលានេះ។ កិច្ចសន្យាផ្តល់ជំនួយ ត្រូវបានចុះហត្ថលេខានៅថ្ងៃនេះ ដោយ ឯកឧត្តម អ៊ូអិណុ អាត់ស៊ូស៊ី ឯកអគ្គរាជទូតវិសាមញ្ញ និងពេញសមត្ថភាពរបស់ប្រទេសជប៉ុនប្រចាំព្រះរាជាណាចក្រកម្ពុជា និងអ្នកតំណាងសាលាមធ្យមវិចិត្រសិល្បៈ។ឯកឧត្តម អ៊ូអិណុ អាត់ស៊ូស៊ី មានប្រសាសន៍ថា ជំនួយឥតសំណងសម្រាប់គម្រោងទ្រង់ទ្រាយតូចវប្បធម៌នេះ គាំទ្រដល់អាជ្ញាធរមូលដ្ឋាន និងអង្គការក្រៅរដ្ឋាភិបាលនានាក្នុងការអនុវត្តគម្រោង ដែលរួមចំណែកដោយផ្ទាល់ដល់ការលើកកម្ពស់សកម្មភាពវប្បធម៌ កីឡា និងការអប់រំកម្រិតខ្ពស់ ក៏ដូចជាការអភិរក្សបេតិកភណ្ឌវប្បធម៌ នៅក្នុងប្រទេសកំពុងអភិវឌ្ឍន៍។ឯកឧត្តមបន្តថា សម្រាប់គម្រោងដែលចុះហត្ថលេខានាថ្ងៃនេះ រដ្ឋាភិបាលជប៉ុនផ្តល់ថវិកាចំនួន ៣៨,៧៥០ ដុល្លារ អាមេរិកទៅដល់សាលាមធ្យមវិចិត្រសិល្បៈ ក្នុងគោលបំណងតម្លើងឧបករណ៍តន្រ្តីបុរាណខ្មែរចំនួន ១៥ប្រភេទ សរុប ២៤គ្រឿង។ ដោយសារកង្វះខាតឧបករណ៍តន្រ្តីបុរាណ សាលាមធ្យមវិចិត្រសិល្បៈ បាននឹងកំពុងប្រឈមមុខនឹងបញ្ហាក្នុងការបណ្តុះបណ្តាល យុវវ័យជំនាន់ថ្មី ដែលអាចលេងឧបករណ៍តន្រ្តីបុរាណទាំងនេះបាន។ ជាមួយការតម្លើងឧបករណ៍ថ្មី យើងរំពឹងថា លោកគ្រូអ្នកគ្រូ និងសិស្សានុសិស្ស នឹងមានឱកាសកាន់តែច្រើនក្នុងការសម្តែង និងហាត់សមឧបករណ៍តន្រ្តីបុរាណខ្មែរទាំងនោះ ហើយនឹងអាចពង្រីក ក៏ដូចជាបន្តវប្បធម៌ខ្មែរទៅថ្ងៃអនាគត។ឯកអគ្គរាជទូត បញ្ជាក់ថា ជប៉ុន និងកម្ពុជាមានទំនាក់ទំនងការទូតជិតស្និទ្ធិជាង ៧០ឆ្នាំមកហើយ។ ខ្ញុំសង្ឃឹមថា គម្រោងនេះនឹងជួយសម្រួលដល់ការផ្លាស់ប្តូរវប្បធម៌ ក៏ដូចជាធ្វើឱ្យចំណងមិត្តភាព និងការយល់អំពីគ្នាមានភាពកាន់តែស៊ីជម្រៅរវាងប្រទេសទាំងពីរ។ ជប៉ុន នឹងបន្តចូលរួមចំណែកក្នុងការដោះស្រាយបញ្ហាប្រឈម ដើម្បីកែលម្អគុណភាពជីវិត តាមរយៈគ្រោងការណ៍ជំនួយអភិវឌ្ឍន៍ផ្លូវការផ្សេងៗ ដែលរួមមាន ជំនួយឥតសំណងគូសាណូណិទាំងពីរទម្រង់ គឺ ជំនួយឥតសំណងសម្រាប់គម្រោងទ្រង់ទ្រាយតូចសន្តិសុខមនុស្សជាតិ និងជំនួយឥតសំណងសម្រាប់គម្រោងទ្រង់ទ្រាយតូចវប្បធម៌។សូមជម្រាបថា គម្រោងទ្រង់ទ្រាយតូចវប្បធម៌ “គូសាណូណិ” របស់ប្រទេសជប៉ុន រួមចំណែកដោយផ្ទាល់ដល់ការលើកកម្ពស់វប្បធម៌ កីឡា និងសកម្មភាពអប់រំកម្រិតខ្ពស់ ក៏ដូចជាការអភិរក្សបេតិកភណ្ឌ វប្បធម៌ ធ្វើឡើងដោយអង្គការមិនរកប្រាក់ចំណេញ ដែលសកម្មនៅកម្រិតមូលដ្ឋាន នៅក្នុងប្រទេសកំពុងអភិវឌ្ឍន៍៕

រុស្ស៊ី៖ ផែនការទ្រព្យបង្កករបស់ EU គឺជាអំពើចោរកម្ម ហើយនឹងនាំឱ្យមានការប្តឹងផ្តល់គ្នាជាច្រើនទសវត្សរ៍

រុស្ស៊ី បាននិយាយកាលពីថ្ងៃពុធ (២០ មីនា) ថា សំណើរបស់ប្រធានគោលនយោបាយការបរទេសសហភាពអឺរ៉ុប លោក ចូសេប បូរ៉ែល (Josep Borrell) ក្នុងការយក ៩០ ភាគរយនៃប្រាក់ចំណូលពីទ្រព្យសម្បត្តិរបស់រុស្ស៊ី ដែលត្រូវបានបង្កកនៅអឺរ៉ុប ហើយផ្ទេរប្រាក់ទាំងនោះទៅទិញអាវុធសម្រាប់អ៊ុយក្រែន គឺជា «អំពើប្លន់ និងចោរកម្ម»។នៅក្រោមផែនការរបស់លោក បូរ៉ែល ប្រាក់ចំណូលពីទ្រព្យសកម្ម ដូចជាការបង់ការប្រាក់ នឹងចូលទៅមូលនិធិសន្តិភាពអឺរ៉ុប ដែលជាមូលនិធិក្រៅថវិកាផ្តល់ជំនួយយោធាដល់ប្រទេសក្រៅសហភាពអឺរ៉ុប និងត្រូវបានប្រើប្រាស់ជាចម្បងសម្រាប់អ៊ុយក្រែន។វិមានក្រឹមឡាំងបាននិយាយថា ប្រសិនបើផែនការបែបនេះត្រូវបានអនុវត្ត វានឹងបំផ្លាញកេរ្តិ៍ឈ្មោះរបស់អឺរ៉ុប ក្នុងនាមជាអាណាព្យាបាលដែលអាចទុកចិត្តបាននៃសិទ្ធិអចលនទ្រព្យ និងនាំឱ្យមានការកាត់ទោសជាច្រើនឆ្នាំ។ នៅពេលត្រូវបានសាកសួរអំពីផែនការរបស់លោក បូរ៉ែល លោកស្រី ម៉ារៀ ហ្សាខារ៉ូវ៉ា (Maria Zakharova) អ្នកនាំពាក្យក្រសួងការបរទេសរុស្ស៊ី បាននិយាយថា «នេះគឺជាអំពើប្លន់ និងចោរកម្ម»។លោកស្រី ហ្សាខារ៉ូវ៉ា បាននិយាយថា រុស្ស៊ីនឹងឆ្លើយតប ប្រសិនបើលោកខាងលិច បន្តរឹបអូសទ្រព្យសម្បត្តិរបស់ខ្លួន ខណៈដែលរុស្ស៊ីបាននិយាយជាទៀងទាត់ថា ខ្លួននឹងចាត់វិធានការប្រឆាំងនឹងទ្រព្យសម្បត្តិលោកខាងលិច ប្រសិនបើទ្រព្យសម្បត្តិខ្លួនត្រូវបានរឹបអូស៕

គណៈកម្មការទី៦ នៃរដ្ឋសភា ទទួលជួបពិភាក្សាការងារជាមួយរដ្ឋមន្ត្រីក្រសួងយុត្តិធម៌

គណៈកម្មការនីតិកម្ម និងយុត្តិធម៌ នៃរដ្ឋសភា (គណៈកម្មការទី៦)ដឹកនាំដោយឯកឧត្តម អង្គ វឌ្ឍានា ប្រធានគណៈកម្មការ បានទទួលជួបពិភាក្សាការងារជាមួយឯកឧត្តម កើត រិទ្ធ ឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌ក្នុងបំណងឈ្វេងយល់ និងពិគ្រោះយោបល់លើការអនុវត្តកម្មវិធីនយោបាយនិងយុទ្ធសាស្ត្របញ្ចកោណដំណាក់កាលទី១ របស់រាជរដ្ឋាភិបាលអាណត្តិទី៧ ពាក់ព័ន្ធវិស័យយុត្តិធម៌។ក្នុងជំនួបពិភាក្សាការងាររវាងគណៈកម្មការនីតិកម្ម និងយុត្តិធម៌ នៃរដ្ឋសភា ជាមួយគណ:ប្រតិភូក្រសួងយុត្តិធម៌បានធ្វើឡើងនៅព្រឹកថ្ងៃទី២០ ខែមីនាឆ្នាំ២០២៤ នាសាលសន្និសីទបាយ័ន នៃវិមានរដ្ឋសភា ដោយមានការអញ្ជើញចូលរួមពីសំណាក់ ឯកឧត្តម លោកជំទាវ ជាតំណាងគណៈកម្មការជំនាញទាំង១០ នៃរដ្ឋសភា ។ក្នុងជំនួបពិភាក្សានោះដែរឯកឧត្តម អង្គ វង្ស វឌ្ឍានា បានមានប្រសាសន៍ថា កិច្ចប្រជុំនាពេលនេះគឺមិនមែនជាវេទិកាសួដេញដោលនោះ គឺជាកាជួបពិភាក្សាដើម្បីឈ្វេងយល់ពីការអនុវត្តកម្មវិធីនយោបាយ និងយុទ្ធសាស្ត្របញ្ចកោណតំណាក់កាលទី១ របស់រាជរដ្ឋាភិបាល នីតិកាលទី៧ នៃរដ្ឋសភា ជាពិសេសពាក់ព័ន្ធនិងវិស័យយុត្តិធម៌មានជាអាទិ៍:១- ការបណ្តុះបណ្តាលធនធានមនុស្សនៃរាជបណ្ឌិតសភាវិជ្ជាជីវ:តុលាការ និងការបន្តផ្សព្វផ្សាយច្បាប់គោលថ្មីៗពាក់ព័ន្ធនឹងវិស័យយុត្តិធម៌ និងតុលាការ។២- ការរៀបចំរចនាសម្ព័ន្ធតុលាការគ្រប់ជាន់ថ្នាក់ តុលាការជំនាញ និងរៀបចំនិងដំណើរការរបស់សាលាឧទ្ទរណ៍តំបន់។៣- ការរៀបចំ និងដំណើរការនៃយន្តការដោះស្រាយវិវាទក្រៅប្រព័ន្ធតុលាការ។៤- អំពីលទ្ធផលការងាររបស់ក្រុមការងារពិសេសតាមដាន និងត្រួតពិនិត្យការអនុវត្តច្បាប់សាលាជម្រះក្តី និងអង្គការអយ្យការអមសាលាជម្រះក្តី ចំពោះសំណុំរឿងគ្រឿងញៀន ចរាចរណ៍ និងអត្រានុកូលដ្ឋាន។៥- ចក្ខុវិស័យក្នុងការតាក់តែងសេចក្តីព្រាងច្បាប់ ឬវិសោធនកម្មច្បាប់មួយចំនួន ក្នុងការជួយពង្រឹងបន្ថែមដល់វិស័យយុត្តិធម៌។ឯកឧត្តម កើត រិទ្ធ ឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌ បានមានប្រសាសជម្រាបជូនឯកឧត្តមប្រធានអង្គប្រជុំឱ្យដឹងថា តាមយុទ្ធសាស្ត្របញ្ចកោណ-ដំណាក់កាលទី១ របស់រាជរដ្ឋាភិបាល រាជរដ្ឋាភិបាល នៅតែ បន្តចាត់ទុក “ការកែទម្រង់ច្បាប់ និង ប្រព័ន្ធយុត្តិធម៌” គឺជាអាទិភាពមួយដ៏សំខាន់របស់ខ្លួនសំដៅ ពង្រឹង និង លើកកម្ពស់ “នីតិរដ្ឋ” នៅកម្ពុជា ដែលជាមូលដ្ឋានដ៏សំខាន់ ក្នុងការធានាថែរក្សាស្ថិរភាព សង្គម សន្តិសុខ និង សណ្តាប់ធ្នាប់សាធារណៈការលើកកម្ពស់ការគោរពសិទ្ធិមនុស្ស និង ការ ពង្រឹង “យុត្តិធម៌នៅក្នុងសង្គមជាតិ” ដែលជាគ្រឹះសម្រាប់ភាពសុខសាន្តរបស់ប្រជាជន និង ការ អភិវឌ្ឍប្រទេសជាតិប្រកបដោយចីរភាព ។ “ការកែទម្រង់ច្បាប់ និង ប្រព័ន្ធយុត្តិធម៌” ក៏ត្រូវបាន រៀបចំបញ្ចូលជាមុំមួយដ៏សំខាន់ក្នុងចំណោមមុំទាំង ៥ ដែលបង្កើតបានជាស្នូលនៃយុទ្ធសាស្ត្រ បញ្ចកោណ-ដំណាក់កាលទី១ របស់រាជរដ្ឋាភិបាល សំដៅ “ពង្រឹង និង លើកកម្ពស់ប្រសិទ្ធភាពនៃច្បាប់ និងប្រព័ន្ធយុត្តិធម៌”នៅកម្ពុជា ។ ឯកឧត្តមបន្តថាចំពោះបញ្ហាការបណ្តុះបណ្តាលធនធានមនុស្សគឺក្រសួងបានលើកកម្ពស់ធនធានមនុស្សក្នុងវិស័យយុត្តិធម៌ទាំងបរិមាណ និងគុណភាពគឺជាអាទិភាពទី១ ក្នុងចំណោមអាទិភាពទាំង៦ នៃមុំទី៤ នៃស្នូលរបស់យុទ្ធសាស្ត្របញ្ចកោណ-ដំណាក់កាលទី១ របស់រាជរដ្ឋាភិបាល នីតិកាលទី៧ នៃរដ្ឋសភាពាក់ព័ន្ធនឹង “ការលើកកម្ពស់ និងការពង្រឹងប្រសិទ្ធភាពនៃច្បាប់ និង ប្រព័ន្ធយុត្តិធម៌” សំដៅបង្កើនប្រសិទ្ធភាពការងារក្នុងវិស័យយុត្តិធម៌ និងប្រសិទ្ធភាព និងភាពឆាប់រហ័សនៃការដោះស្រាយវិវាទទាំងក្នុងប្រព័ន្ធតុលាការ ទាំងក្រៅប្រព័ន្ធតុលាការ ។ ពាក់ព័ន្ធនឹងបញ្ហាគ្រឿងញៀន គឺជាក្តីកង្វល់រួមរបស់ជាតិ ព្រោះគ្រឿងញៀនបង្កជាផលប៉ះពាល់ធ្ងន់ធ្ងរដល់សង្គមជាតិ និងប្រជាជនជាពិសេស សុខភាព សន្តិសុខ និងសណ្តាប់ធ្នាប់សាធារណៈ ព្រមទាំងបំផ្លាញដល់ធនធានមនុស្សរបស់កម្ពុជា ល្រសួងបានដាក់ចេញគោលការណ៍ ៣ កុំ និង ១រាយការណ៍ ក្នុងសំណុំរឿងគ្រឿងញៀន គឺ “កុំពាក់ព័ន្ធ, កុំអន្តរាគមន៍ និងកុំលើកលែង ។ រីឯបញ្ហាគ្រោះចរាចរណ៍គឺជាបញ្ហាកង្វល់របស់រាជរដ្ឋាភិបាលដែលកំពុងយកចិត្តទុកដាក់អនុវត្តច្បាប់ដោយរឹតបណ្តឹង ជាពិសេសតាមប្រសាសន៍ណែនាំរបស់សម្តេចបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជាបានដាក់បទបញ្ជាឱ្យគ្រប់ភាគីទាំងត្រូវធ្វើការដោះស្រាយរាល់នីតិវិធីឱ្យបានឆាប់ចំពោះសំណងដល់ជនរងគ្រោះក៏ដូចជានីតិវិធីផ្សេងៗអោយឆាប់រហ័ស ។ពាក់ព័ន្ធនឹងអន្រ្តានុកូលដ្ឋាននាពេលបច្ចុប្បន្នគឺមានភាពស្មុកស្មាញណាស់ ដោយមកដល់ពេលនេះសុំណុំរឿងដែលពាក់ព័ន្ធនឹងអន្ត្រានុកូលដ្ឋានក្រសួងបានជម្រូញឱ្យសាលាដំបូងទូទាំងប្រទេសត្រូវធ្វើការកែតម្រូវជូនបងប្អូនប្រជាពលរដ្ឋឱ្យបានឆាប់បំផុតដែលអាចធ្វើទៅបានដែលជាតម្រូវការចាំបាច់របស់ពួគាត់។ក្រោយពីបានស្តាប់នៅបទបង្ហាញក៏ដូចជាសេចក្តីរាយការណ៍របស់ឯកឧត្តម ឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌រួចមក ឯកឧត្តម អង្គ វង្ស វឌ្ឍានា បានធ្វើការកោតសរសើ និងវាយតម្លៃខ្ពស់ចំពោះការខិតខំកំណែទម្រង់របស់ក្រសួងយុត្តិធម៌ ទៅលើវិស័យយុត្តិធម៌ឱ្យមានភាពល្អប្រសើរស្របតាមយុទ្ធសាស្ត្របញ្ចកោណតំណាក់កាលទី១ របស់រាជរដ្ឋាភិបាល ក្រោមការដឹកនាំរបស់សម្តេចបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ជាពិសេសការកំណែទម្រង់នេះក៏ជាសាទររបស់បងប្អូនប្រជាពលរដ្ឋទូទាំងប្រទេស ដែលអាចជាជំនឿជឿជាក់លើប្រព័ន្ធយុត្តិធម៌នៅកម្ពុជា ៕

លោក Blinken ចាប់ផ្តើមដំណើរនៅមជ្ឈិមបូព៌ា ខណៈទំនាក់ទំនងរវាងអាមេរិក និងអ៊ីស្រាអែលហាក់ល្អក់កករ ជុំវិញសង្រ្គាមហ្កាហ្សា

អ្នកការទូតជាន់ខ្ពស់សហរដ្ឋអាមេរិកលោក Antony Blinken បានទៅដល់ទឹកដីមជ្ឈិមបូព៌ា កាលពីថ្ងៃពុធទី២០មីនា ដើម្បីជំរុញកិច្ចខិតខំប្រឹងប្រែងឲ្យមានបទឈប់បាញ់ក្នុងសង្គ្រាមនៅតំបន់ហ្កាហ្សា ខណៈកងកម្លាំងអ៊ីស្រាអែលបានបន្តវាយឆ្មក់លើមន្ទីរពេទ្យដ៏ធំបំផុតរបស់ដែនដីនេះ។ក្តីបារម្ភជាសកលបានកើនឡើងជុំវិញជម្លោះយោធាដែលពេលនេះបានឈានចូលដល់ខែទី៦ហើយ ទន្ទឹមនឹងលោកនាយករដ្ឋមន្ត្រីអ៊ីស្រាអែល Benjamin Netanyahu បានប្តេជ្ញាថានឹងកម្ទេចក្រុមហាម៉ាសឲ្យអស់ឬស់គល់ ជាការឆ្លើយតបទៅនឹងការវាយប្រហារដ៏សាហាវដោយក្រុមយុទ្ធជននេះ កាលពីថ្ងៃទី ៧ខែតុលា ឆ្នាំ២០២៣។ ការប្រយុទ្ធចុងក្រោយបង្អស់រួមទាំងការវាយលុករបស់អ៊ីស្រាអែលទៅលើមន្ទីរពេទ្យ Al-Shifa ក្នុងទីក្រុង ហ្កាហ្សា ជាកន្លែងដ៏ធំទូលាយប្រមូលផ្តុំដោយអ្នកជំងឺ និងមនុស្សដែលកំពុងស្វែងរកកន្លែងជ្រកកោន ជាទីដែលអ៊ីស្រាអែល និយាយថាក្រុមសកម្មប្រយុទ្ធប៉ាឡេស្ទីនកំពុងពួនសំងំនៅទីនោះ។ កងទ័ពអ៊ីស្រាអែលបាននិយាយថា ជនសង្ស័យជាង៣០០ នាក់ត្រូវបានចាប់ខ្លួន ក្នុងការវាយឆ្មក់ក្នុងមន្ទីរពេទ្យដែលបានចាប់ផ្តើមកាលពីព្រឹកថ្ងៃចន្ទ រួមទាំង ភេរវករជាន់ខ្ពស់រាប់សិបនាក់ និងអ្នកមានមុខតំណែងសំខាន់ៗ។ ជាមួយគ្នានោះដែរ ក្រុមហាម៉ាស បានថ្កោលទោសសកម្មភាពឧក្រិដ្ឋកម្មរបស់អ៊ីស្រាអែលនៅមន្ទីរពេទ្យ Al-Shifa សម្រាប់ថ្ងៃទីបីជាប់ៗគ្នា ការប្រហារជីវិតអ្នកផ្លាស់ទីលំនៅ អ្នកជំងឺ និងបុគ្គលិកមន្ទីរពេទ្យនោះរាប់សិបនាក់។ទីភ្នាក់ងារអង្គការសហប្រជាជាតិបានព្រមានថាប្រជាជន ២,៤ លាននាក់នៅក្នុងតំបន់ហ្កាហ្សាកំពុងស្ថិតក្នុងភាពអត់ឃ្លានហើយប្រធានសិទ្ធិមនុស្សរបស់អង្គការសហប្រជាជាតិលោកវ៉ូលឃើទើក(VolkerTurk)និយាយថាអ៊ីស្រាអែលប្រហែលជាកំពុងប្រើប្រាស់ភាពអត់ឃ្លានជាវិធីសាស្រ្តសង្គ្រាម។ស្ថានភាពដ៏ធ្ងន់ធ្ងររបស់ប៉ាឡេស្ទីន និងជោគវាសនារបស់ចំណាប់ខ្មាំងអ៊ីស្រាអែល ដែលជាប់ឃុំនៅហ្កាហ្សា បានជំរុញឱ្យក្រុមអ្នកចរចាត្រឡប់ទៅតុចរចាវិញនៅក្នុងប្រទេសកាតា ដើម្បីព្យាយាមបង្កើតឲ្យមានកិច្ចព្រមព្រៀងបទឈប់បាញ់ ប៉ុន្តែរហូតមកដល់ពេលនេះ ក្រុមមន្ត្រី បានរាយការណ៍ពីវឌ្ឍនភាពតិចតួចប៉ុណ្ណោះ៕

សម្តេចធិបតី៖ រាជរដ្ឋាភិបាលដាក់ចេញនូវគោលនយោបាយនានា គឺដើម្បីផលប្រយោជន៍ប្រជាពលរដ្ឋ

សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានថ្លែងថា រាល់គោលនយោបាយរបស់ រាជរដ្ឋាភិបាល ដែលបានដាក់ចេញ គឺដើម្បីផលប្រយោជន៍របស់ប្រជាពលរដ្ឋទាំងអស់ ខណៈរាជរដ្ឋាភិបាលអាណត្តិទី៧នេះ នឹងខិតខំកាត់បន្ថយភាពក្រីក្រ និងបង្កើនការងារជូនដល់ពលរដ្ឋឲ្យកាន់តែច្រើនបន្ថែមទៀត។ក្នុងឱកាសអញ្ជើញបិទសន្និបាតបូកសរុបលទ្ធផលការងារឆ្នាំ២០២៣ និងលើកទិសដៅការងារឆ្នាំ២០២៤ របស់ក្រសួងអភិវឌ្ឍន៍ជនបទ នាថ្ងៃទី២០ ខែមីនា ឆ្នាំ២០២៤នេះ សម្តេចធិបតី ហ៊ុន ម៉ាណែត បានថ្លែងថា រាជរដ្ឋាភិបាលអាណត្តិទី៧នេះ នឹងខិតខំកាត់បន្ថយភាពក្រីក្រ បង្កើនការងារដល់ពលរដ្ឋ និងបង្កើនសមត្ថភាពគ្រប់ក្រសួង ស្ថាប័នទាំងអស់ឲ្យកាន់តែមានប្រសិទ្ធភាពបន្ថែមទៀត ដោយការប្តេជ្ញានេះ គឺដើម្បីផលប្រយោជន៍របស់ប្រជាពលរដ្ឋទាំងអស់មិនថាទីប្រជុំជន ឬតាម ជនបទនោះឡើយ។សម្តេចធិបតី នាយករដ្ឋមន្រ្តីនៃកម្ពុជា បានបន្ថែមទៀតថា ជីវភាពរបស់បងប្អូនប្រជាពលរដ្ឋនៅ តាមជនបទ គឺជាគន្លឹះសម្រាប់ធានានូវចីរភាព និងភាពធននៃការអភិវឌ្ឍសេដ្ឋកិច្ចសង្គម ខណៈសព្វថ្ងៃតំបន់ជនបទរបស់កម្ពុជា បានកំពុងរីកចម្រើនពីមួយថ្ងៃទៅមួយថ្ងៃ លើគ្រប់វិស័យ ជាពិសេសគឺផ្នែកហេដ្ឋារចនាសម្ព័ន្ធនេះតែម្តង។ សម្តេចធិបតី ក៏បានអះអាងផងដែរថា រាជរដ្ឋាភិបាលនឹងខិតខំស្ថាបនានូវហេដ្ឋារចនាសម្ព័ន្ធតាមជនបទឲ្យកាន់តែប្រសើរបន្ថែមទៀត ដើម្បីផ្តល់ភាពងាយស្រួលក្នុងការធ្វើដំណើរ និងការដឹកជញ្ជូនរបស់បងប្អូនប្រជាពលរដ្ឋគ្រប់រូប៕អត្ថបទ៖ បាន ចក់

ចិន រិះគន់ការប្រកាសរបស់សហរដ្ឋអាមេរិកអំពីសម្ព័ន្ធភាពដែកថែបជាមួយហ្វីលីពីន

ប្រទេសចិនបានរិះគន់បន្ទាប់ពីរដ្ឋមន្ត្រីការបរទេសអាមេរិកបានសន្យាថាប្រទេសរបស់លោកត្រៀមខ្លួនដើម្បីគាំទ្រហ្វីលីពីន ដែលជាគូប្រជែងក្នុងតំបន់របស់ទីក្រុងប៉េកាំង។ លោក Antony Blinken បានសន្យាកាលពីថ្ងៃអង្គារអំឡុងដំណើរទៅកាន់ទីក្រុងម៉ានីលថាទីក្រុងវ៉ាស៊ីនតោនរក្សាការប្តេជ្ញាចិត្តរឹងមាំដូចដែកថែបឥតងាករេ ដើម្បីការពារហ្វីលីពីន។ សហរដ្ឋអាមេរិកបាននិងកំពុងបង្កើនទំនាក់ទំនងការទូតកាន់តែស៊ីជម្រៅ និងយោធាជាមួយសម្ព័ន្ធមិត្តរបស់ខ្លួនផ្សេងៗនាពេលថ្មីៗនេះ ខណៈភាពតានតឹងជាមួយចិនកំពុងកើនឡើង។ ទីក្រុងប៉េកាំងបានឆ្លើយតបភ្លាមៗចំពោះសេចក្តីថ្លែងការណ៍របស់មន្ត្រីអាមេរិក ដោយទទូចថាសហរដ្ឋអាមេរិក គ្មានសិទ្ធិជ្រៀតជ្រែកក្នុងសមុទ្រចិនខាងត្បូងនោះទេ ជាទីដែលទីក្រុងប៉េកាំង និងម៉ានីលសុទ្ធតែបានអះអាងសិទ្ធិគ្រប់គ្រងរៀងៗខ្លួន ក្នុងដែនទឹកពោពេញដោយការប្រកួតប្រជែងគ្នា។ ភាពតានតឹងបានកើនឡើងក្នុងរយៈពេលប៉ុន្មានខែថ្មីៗនេះ ស្របពេលមានឧបទ្ទវហេតុ រួមទាំងការប៉ះទង្គិចគ្នារវាងនាវាហ្វីលីពីន និងនាវាចិន នៅជិតថ្មប៉ប្រះទឹកដែលមានជម្លោះ។ លោក Blinken បាននិយាយនៅក្នុងសន្និសីទសារព័ត៌មានរួមគ្នាជាមួយសមភាគីលោក អ៊ីរីគ ម៉ាណាឡូ(Enrique Manalo) ថាផ្លូវទឹកទាំងនេះមានសារៈសំខាន់សម្រាប់ហ្វីលីពីន ចំពោះសន្តិសុខ និងសេដ្ឋកិច្ចរបស់ខ្លួន ប៉ុន្តែវាក៏មានសារៈសំខាន់ផងដែរចំពោះផលប្រយោជន៍ក្នុងតំបន់ សហរដ្ឋអាមេរិក និងពិភពលោក៕

សហរដ្ឋអាមេរិក ព្រមាន ចិនទល់នឹងការវាយប្រហារដោយអាវុធលើនាវារបស់ប្រទេសហ្វីលីពីន

តាមសេចក្ដីរាយការណ៍របស់សារព័ត៌មាន The New York Times ប្រមុខការទូតអាមេរិក លោក Antony Blinken បានព្រមានចិន កាលពីថ្ងៃអង្គារ អំឡុងទស្សនកិច្ចនៅហ្វីលីពីន ដោយបញ្ជាក់ថា ការវាយប្រហារដោយអាវុធណាមួយទៅលើនាវារបស់ប្រទេសហ្វីលីពីន នៅក្នុងសមុទ្រចិនខាងត្បូង នឹងធ្វើឲ្យកិច្ចព្រមព្រៀងស្វ័យការពាររវាងទីក្រុងវ៉ាស៊ីនតោន និងម៉ានីល កាន់តែសកម្មនៅក្នុងតំបន់ ដែលអាចអូសសហរដ្ឋអាមេរិកឲ្យចូលពាក់ព័ន្ធក្នុងជម្លោះជាមួយទីក្រុងប៉េកាំង។ ទោះបីចេញការព្រមាន ក្ដី ដំណើរទស្សនកិច្ចរបស់លោក Blinken ទៅកាន់ទីក្រុងម៉ានីល ក្នុងបំណងបន្ធូរបន្ថយស្ថានភាព ពុំបានឲ្យបានច្បាស់លាស់ថាតើ សកម្មភាពថ្មីៗរបស់ចិន ដូចជាការបើកបំបុកនាវាហ្វីលីពីន និងការដាក់ពង្រាយកាណុងបាញ់ទឹក ត្រូវបានចាត់ទុកថាជាការវាយប្រហារដោយអាវុធដែរឬយ៉ាណា។ យោងតាមសារព័ត៌មាន The New York Times អំឡុងសន្និសីទសារព័ត៌មានរួមគ្នាជាមួយសមភាគីហ្វីលីពីន លើកឡើងពីយុទ្ធសាស្ត្របង្ខិតបង្ខំតំបន់ប្រផេះ របស់ចិន ដែលរួមមានឧបទ្ទវហេតុដូចជាការបញ្ចាំងភ្លើងឡាស៊ែរដ៏មានថាមពលខ្លាំងដាក់នាវាឆ្មាំសមុទ្រហ្វីលីពីន ដែលធ្វើឱ្យប៉ះពាល់ភ្នែករបស់ក្រុមសមាជិកនាវិកមួយរយៈ លោក Blinken បានសង្កត់ធ្ងន់លើសារៈសំខាន់នៃការបន្តស្វែងដំណោះស្រាយការទូតជុំវិញការឆ្លើយតបខាងយោធា។ លោកគិតថា ភាពមើលឃើញច្បាស់នៃសកម្មភាពទាំងនោះ បានធ្វើឱ្យប្រទេសមួយចំនួនមានសេចក្តីថ្លែងការណ៍ច្បាស់លាស់ ក្នុងការគាំទ្រហ្វីលីពីន និងប្រឆាំងនឹងសកម្មភាពបង្កហេតុទាំងនេះ ដែលជាការគំរាមកំហែងដល់សន្តិភាព សន្តិសុខ សេរីភាពនៃការធ្វើនាវាចរណ៍ និងសិទ្ធិជាមូលដ្ឋានក្រោមច្បាប់អន្តរជាតិ៕

នាយករដ្ឋមន្ត្រីអាមេនី៖ ការបោះបង្គោលព្រំដែនបានឆាប់រហ័ស គឺចាំបាច់ដើម្បីបញ្ចៀសជម្លោះថ្មីជាមួយ អាស៊ែរបៃហ្សង់

នាយករដ្ឋមន្ត្រីអាមេនី បាននិយាយកាលពីថ្ងៃអង្គារថា ប្រទេសតំបន់កូកាស( Caucasus) ចាំបាច់ត្រូវកំណត់ព្រំដែនឲ្យបានឆាប់រហ័សជាមួយប្រទេសជិតខាងអាស៊ែរបៃហ្សង់ ដើម្បីបញ្ចៀសអរិភាពជុំថ្មី។កាលពីឆ្នាំមុន អាស៊ែរបៃហ្សង់ បានធ្វើយុទ្ធនាការយោធាមួយ ដើម្បីដណ្តើមយកតំបន់ការ៉ាបាក់ មកវិញ ដោយបញ្ចប់ការគ្រប់គ្រងរបស់ក្រុមផ្តាច់ខ្លួនជនជាតិអាមេនីអស់រយៈពេលបីទសវត្សរ៍ នៅទីនោះ។នៅខែធ្នូ ភាគីទាំងពីរ បានយល់ព្រមចាប់ផ្តើមការចរចាលើសន្ធិសញ្ញាសន្តិភាព។ ទោះជាយ៉ាងណាក៏ដោយ អ្នកស្រុកជាច្រើននៃតំបន់ព្រំដែនរបស់ប្រទេសអាមេនី បានប្រឆាំងនឹងកិច្ចខិតខំប្រឹងប្រែងកំណត់ព្រំដែន ដោយមើលឃើញថា វាជាការទន្ទ្រានរបស់អាស៊ែរបៃហ្សង់លើតំបន់ដែលពួកគេចាត់ទុកជាកម្មសិទ្ធិរបស់ពួកគេនោះ។ថ្លែងទៅកាន់អ្នករស់នៅភូមិព្រំដែន Voskepar ក្នុងតំបន់ Tavush លោកនាយករដ្ឋមន្ត្រី នីកូល ប៉ាស៊ីនយ៉ាន (Nikol Pashinyan) បានព្រមានថា ការបដិសេធរបស់អាមេនី ក្នុងការកំណត់ព្រំដែនអាចបង្កឲ្យមានការប្រឈមមុខដាក់គ្នាថ្មី។លោកប៉ាស៊ីនយ៉ាន បាននិយាយថា៖«វាមានន័យថា សង្រ្គាមអាចផ្ទុះឡើងនៅចុងសប្តាហ៍»។ លោកបានកត់សម្គាល់ថា ការបោះបង្គោលព្រំដែន គួរតែផ្អែកលើការទទួលស្គាល់គ្នាទៅវិញទៅមកនៃបូរណភាពទឹកដីនៃប្រទេសអាមេនី និងអាស៊ែរបៃហ្សង់ដោយផ្អែកលើផែនទីសូវៀតតាំងពីឆ្នាំ១៩៩១ នៅពេលដែលពួកគេទាំងពីរជាផ្នែកនៃសហភាពសូវៀតនោះ។

លោក ពូទីន អំពាវនាវឱ្យសេវាសន្តិសុខសហព័ន្ធរុស្ស៊ី ជួយលុបបំបាត់ទណ្ឌកម្មរបស់លោកខាងលិច

ប្រធានាធិបតីរុស្ស៊ី លោក វ្ល៉ាឌីមៀ ពូទីន កាលពីថ្ងៃអង្គារ (១៩ មីនា) បានប្រាប់សេវាសន្តិសុខសហព័ន្ធ (FSB) ដែលជាអ្នកស្នងតំណែងដ៏សំខាន់របស់គណកម្មាធិការសន្តិសុខរដ្ឋ KGB សម័យសូវៀត ឱ្យជួយក្រុមហ៊ុនរុស្ស៊ី លុបបំបាត់ទណ្ឌកម្មរបស់លោកខាងលិច និងពង្រីកឥទ្ធិពលរបស់ពួកគេទៅកាន់ទីផ្សារថ្មីជុំវិញពិភពលោក។នៅក្នុងការប៉ុនប៉ងដើម្បីពន្លិចសេដ្ឋកិច្ចរុស្ស៊ី និងបង្ខំលោក ពូទីន ឱ្យផ្លាស់ប្តូរបុព្វហេតុសង្រ្គាមរបស់ខ្លួន លោកខាងលិចបានដាក់លើរុស្ស៊ីនូវអ្វីដែលខ្លួនបានចាត់ថាជាទណ្ឌកម្មដ៏តឹងតែងបំផុតមិនធ្លាប់មាន ភ្លាមៗបន្ទាប់ពីវិមានក្រឹមឡាំង បានបញ្ជាឱ្យឈ្លានពានអ៊ុយក្រែន នៅឆ្នាំ២០២២។ទោះបីជាយ៉ាងណាក៏ដោយ លោក ពូទីន និយាយថា សេដ្ឋកិច្ចក្នុងសម័យសង្គ្រាមរបស់រុស្ស៊ីមានភាពរីកចម្រើន ទោះបីជាមានការដាក់ទណ្ឌកម្មក៏ដោយ ជាមួយនឹងការផលិតគ្រាប់កាំភ្លើងធំលើសពីប្រទេសលោកខាងលិច និងសេដ្ឋកិច្ចរុស្ស៊ី កើនឡើង ៣,៦ ភាគរយកាលពីឆ្នាំមុន។ប្រធានាធិបតីរុស្ស៊ីរូបនេះបានប្រាប់សេវាសន្តិសុខសហព័ន្ធ FSB ឱ្យផ្តល់ការគាំទ្រដល់ក្រុមហ៊ុនរបស់រយស្ស៊ី ដែលកំពុងអភិវឌ្ឍយ៉ាងសកម្ម ទោះបីជាមានឧបសគ្គដែលបានបង្កើតឡើងដើម្បីបង្អាក់ពួកគេក៏ដោយ និងក្រុមហ៊ុនកំពុងស្វែងរកទីផ្សារថ្មី ដែលត្រូវប្រឈមមុខនឹងសកម្មភាពអរិភាពដោយបើកចំហពីលោកខាងលិច៕

កោះតៃវ៉ាន់ ព្រមានពីមូលដ្ឋានទ័ពដ៏ធំសម្បើមរបស់ចិននៅជិតកោះរបស់ខ្លួន ក្នុងសមុទ្រចិនខាងត្បូង

រដ្ឋមន្ត្រីការបរទេសកោះតៃវ៉ាន់បាននិយាយនៅថ្ងៃពុធទី២០មីនាសប្ដាហ៍នេះថា ប្រទេសចិនបានសាងសង់មូលដ្ឋានយោធាដ៏ធំសម្បើម នៅលើកោះចំនួនបីជុំវិញតំបន់កាន់កាប់ដ៏សំខាន់របស់កោះតៃវ៉ាន់នៅក្នុងសមុទ្រចិនខាងត្បូង ប៉ុន្តែក្រុងតៃប៉ិ(Taipei)ពុំបានសម្លឹងរកការបង្កើនភាពតានតឹងបន្ថែមទៀតនៅក្នុងផ្លូវទឹកយុទ្ធសាស្ត្រនោះទេ។ ទាំងតៃវ៉ាន់ ទាំងប្រទេសចិន បានអះអាងសិទ្ធិគ្រប់គ្រងភាគច្រើននៅសមុទ្រចិនខាងត្បូងថាជាទឹកដីរបស់ខ្លួន ប៉ុន្តែតៃវ៉ាន់គ្រប់គ្រងតែកូនកោះមួយនៅក្នុងប្រជុំកោះស្ព្រាតលី (Spratly) មានជម្រៅជ្រៅនៅភាគខាងត្បូងនៃសមុទ្រនេះហៅឈ្មោះថា កោះអ៊ីទូ អាបា(Itu Aba) ដែលកោះតៃវ៉ាន់ហៅថា កោះតៃពីង (Taiping) ។សមាជិកសភាមួយចំនួនមកពីគណបក្សកាន់អំណាច និងគណបក្សប្រឆាំងសំខាន់ៗ បានអំពាវនាវឱ្យមេដឹកនាំលោកស្រីសៃ អ៊ីង-វិន (Tsai Ing-wen) ទៅកាន់កោះ អ៊ីទូ អាបា មុនពេលលោកស្រីចុះចេញពីតំណែងក្នុងខែឧសភាខាងមុខ ដើម្បីអះអាងលើអធិបតេយ្យភាពរបស់តៃវ៉ាន់ និងពិនិត្យកំពង់ផែ ត្រូវបានជួសជុលថ្មីដែលអាចផ្ទុកនាវាធំៗបាន។អ្នកកាន់តំណែងមុនទាំងពីររបស់លោកស្រី បានទៅកាន់កោះនេះ ប៉ុន្តែលោកស្រីពុំទាន់ទៅនៅឡើយទេ អំឡុងពេលកាន់តំណែង។ នៅពេលសួរដោយអ្នកសារព័ត៌មានអំពីការអំពាវនាវឱ្យ ឲ្យលោកស្រី Tsai ទៅកាន់កោះ Itu Aba រដ្ឋមន្ត្រីការបរទេសតៃវ៉ាន់ លោកហូសេប វ៉ូ (Joseph Wu )បាននិយាយថា គ្មានការសង្ស័យទេ ថាកោះនេះជាកម្មសិទ្ធិរបស់តៃវ៉ាន់ ហើយរដ្ឋាភិបាលនឹងការពារអធិបតេយ្យភាពរបស់កោះនោះ។ លោក Wu បាននិយាយថា ប្រទេសចិន និងហ្វីលីពីនបានប្រឈមដាក់គ្នាដ៏គ្រោះថ្នាក់នៅសមុទ្រចិនខាងត្បូងកាលពីចុងសប្តាហ៍មុន ប៉ុន្តែស្ថានភាពនៅជុំវិញកោះ Itu Aba ក៏មានភាពតានតឹងផងដែរ។លោក Wu បាននិយាយថា ប្រទេសចិនបានបង្កើតមូលដ្ឋានយោធានៅសមុទ្រចិនខាងត្បូងដ៏ធំសម្បើមរួចហើយនៅលើកោះចំនួនបីជុំវិញ កោះតៃពីង (Taiping) គឺកោះស៊ូប៊ីរីហ្វ (Subi Reef) កោះហ្វើរីក្រូស រីហ្វ (Fiery Cross Reef) និងកោះមីសឈីហ្វ រីហ្វ (Mischief Reef) ហើយទាំងនេះគឺនៅជិតកោះ តៃពីង របស់យើង៕

បណ្ដាញសង្គម

ព័ត៌មានថ្មីៗ

ស្របពេលកើតគ្រោះទុរ្ភិក្ស ក្មេងស្រីស្បែកដណ្តប់ឆ្អឹងប៉ាឡេស្ទីនពិបាកស៊ូ ដើម្បីអាចរស់រានបាន

រដ្ឋមន្រ្តីការបរទេសអាជ្ញាធរប៉ាឡេស្ទីនអះអាងថា ចំនួនមនុស្សស្លាប់នៅតំបន់ហ្កាហ្សា កើនឡើងដល់ ៦២.០០០នាក់

ក្រុមអ្នកសារព័ត៌មានគ្មានព្រំដែនអំពាវនាវឲ្យមានការឆ្លើយតបខ្លំាងក្លាចំពោះការវាយប្រហាររបស់អ៊ីស្រាអែលសម្លាប់អ្នកកាសែត

ជនអន្តោប្រវេសន៍ទៅដល់ចក្រភពអង់គ្លេសតាមទូកតូចៗ ឡើងដល់កម្រិតខ្ពស់បំផុតថ្មី

លោក Putin និងលោក Pezeshkian ពិភាក្សាអំពីទំនាក់ទំនងទ្វេភាគី និងបញ្ហាក្នុងតំបន់ អំឡុងពេលសន្ទនាតាមទូរសព្ទ

លោក Yunus ព្រមានថា បង់ក្លាដែសអស់ធនធានសម្រាប់ជនភៀសខ្លួនរ៉ូហ៊ីងយ៉ាទៀតហើយ

នគរបាលឥណ្ឌូនេស៊ីប៉ះទង្គិចជាមួយបាតុករតវ៉ាប្រឆាំងនឹងប្រាក់ខែរបស់សមាជិកសភាតំណាងរាស្ត្រ

ហ្វាំងឡង់លើកឡើងថា អ៊ីស្រាអែលបំពានច្បាប់អន្តរជាតិ នៅតំបន់ហ្កាហ្សា

អ្នកនាំពាក្យក្រសួងការពារជាតិ៖រសៀលនេះ កងកម្លាំងយោធាថៃបានព្យាយាមរាយបន្លាលួសនៅភូមិជោគជ័យ ប៉ុន្តែត្រូវបានពលរដ្ឋ និងសមត្ថកិច្ចទីនោះទប់ស្កាត់យ៉ាងខ្លាំងទើបយកបន្លាលួសនោះត្រឡប់ទៅវិញ

ឧទ្ធម្ភាគចក្រធ្លាក់នៅកូនកោះ Isle of Wight របស់ចក្រភពអង់គ្លេស ខណៈមានមនុស្សម្នាក់រងរបួស

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ​ និង ការអភិវឌ្ឍន៍