BTV NEWS

ស្ពានមិត្តភាពកម្ពុជា-ចិន មេគង្គក្រចេះ នឹងបើកជូនពលរដ្ឋឆ្លងកាត់ចាប់ពីថ្ងៃទី១មេសា ឆ្នាំ២០២៦តទៅ

សម្តេចតេជោ ហ៊ុន សែន ដឹកនាំកិច្ចប្រជុំគណៈកម្មាធិការអចិន្ត្រៃយ៍ព្រឹទ្ធសភា ដើម្បីសម្រេចលើរបៀបវារៈចំនួន៧

បេក្ខជន និងសកម្មជនគណបក្សភ្លើងទៀនចំនួន៤នាក់នៅស្រុកកណ្តាលស្ទឹង ចូលរួមជីវភាពនយោបាយ ជាមួយគណបក្សប្រជាជនកម្ពុជា

ស្ថានីយប្រព្រឹត្តកម្មទឹកកខ្វក់ក្រុងកំពង់ឆ្នាំងតម្លៃជាង ១៩លានដុល្លារ ត្រូវបានសម្ពោធដាក់ឲ្យប្រើប្រាស់ជាផ្លូវការនៅថ្ងៃនេះ

នយោបាយ និង ការអភិវឌ្ឍន៍

រដ្ឋមន្ត្រីការបរទេសចិន៖ សហរដ្ឋអាមេរិក មានការយល់ឃើញខុសចំពោះប្រទេសចិន

រដ្ឋមន្ត្រីការបរទេសចិន លោក វ៉ាង យី (Wang Yi) បាននិយាយនៅថ្ងៃព្រហស្បតិ៍ (០៧ មីនា) នេះថាសហរដ្ឋអាមេរិក នៅតែបន្តប្រកាន់យកការយល់ឃើញខុសចំពោះប្រទេសចិន ហើយមិនទាន់បានបំពេញតាមការសន្យារបស់ខ្លួននៅឡើយទេ បើទោះបីជាមានការរីកចម្រើនខ្លះៗចាប់តាំងពីប្រធានាធិបតី ចូ បៃដិន (Joe Biden) និងលោកប្រធានាធិបតី ស៊ី ជីនពីង (Xi Jinping) បានជួបគ្នាកាលពីខែវិច្ឆិកា ឆ្នាំមុនក៏ដោយ។ថ្លែងនៅក្នុងសន្និសីទសារព័ត៌មានមួយនៅខាងក្រៅកិច្ចប្រជុំសភាប្រចាំឆ្នាំនៅទីក្រុងប៉េកាំង លោក វ៉ាង បាននិយាយថា ការផ្លាស់ប្តូររវាងប្រទេសទាំងពីរអាចបន្តបានលុះត្រាតែភាគីទាំងពីរគោរព និងទទួលស្គាល់ភាពខុសគ្នារបស់ពួកគេ។ភាពតានតឹងរវាងមហាអំណាចទាំងពីរបានធូរស្រាលបន្តិច ចាប់តាំងពីលោក បៃដិន និងលោក ស៊ី បានរៀបចំកិច្ចប្រជុំកំពូលដ៏សំខាន់របស់ពួកគេក្នុងទីក្រុង សាន់ហ្វ្រាន់ស៊ីស្កូ (San Francisco) កាលពីខែវិច្ឆិកា ប៉ុន្តែពួកគេនៅតែស្ថិតក្នុងភាពមិនច្បាស់លាស់មុនការបោះឆ្នោតនៅសហរដ្ឋអាមេរិកនៅឆ្នាំនេះ ដែលអាចមើលឃើញថា ប្រទេសចិនមិនពេញចិត្តឱ្យលោក ដូណាល់ ត្រាំ (Donald Trump) ត្រឡប់ទៅកាន់តំណែងសេតវិមានវិញនោះទេ។ទីក្រុងវ៉ាស៊ីនតោន បាននិយាយម្តងហើយម្តងទៀតនូវបំណងប្រាថ្នារបស់ខ្លួនក្នុងការក្រាលផ្លូវសម្រាប់ទំនាក់ទំនងជាមួយចិន បន្ទាប់ពីបានធ្លាក់ចុះដល់កម្រិតអាក្រក់បំផុតរបស់ខ្លួនក្នុងទសវត្សរ៍មុន លើបញ្ហាជាច្រើនរួមទាំងកោះតៃវ៉ាន់ ការប្រកួតប្រជែងផ្នែកបច្ចេកវិទ្យា ពាណិជ្ជកម្ម និងបាឡុងចារកម្មចិនដែលត្រូវបានចោទប្រកាន់ថាបានបាញ់ទម្លាក់ដោយសហរដ្ឋអាមេរិក នៅឯឆ្នេរសមុទ្រភាគខាងកើតរបស់ខ្លួន៕

ឯកឧត្តម ប៉ែន កុសល្យ៖ ស្ត្រីមានតួនាទីដ៏សំខាន់ក្នុងការរួមចំណែកការលើកកម្ពស់សីលធម៌ និងការអភិវឌ្ឍសង្គម

ឧត្ដរមានជ័យ៖ ឯកឧត្តមប៉ែន កុសល្យ អភិបាលខេត្តឧត្តរមានជ័យ បានលើកឡើងថា ស្ត្រីមានតួនាទីសំខាន់ណាស់ ទាំងនៅក្នុងគ្រួសារ និងសង្គមជាតិ ហើយស្ត្រីក៏ជាមាតា និងជាឆ្អឹងខ្នងសម្រាប់ទ្រទ្រង់ ក្នុងការលើកកម្ពស់ក្រមសីលធម៌សង្គម តម្លៃគ្រួសារ និងមានតួនាទីរួមចំណែកក្នុងការអភិវឌ្ឍសង្គមជាតិផងដែរ។ ថ្លែងបែបនេះ ក្នុងឱកាសឯកឧត្តម ប៉ែន កុសល្យ អភិបាលខេត្តឧត្តរមានជ័យ បានអញ្ជើញជាអធិបតី ក្នុងពិធីអបអរសាទរខួបលើកទី១១៣ ទិវានារីអន្តរជាតិ៨មីនាឆ្នាំ២០២៤ ក្រោមប្រធានបទ "ស្រ្តីនិងក្មេងស្រីក្នុងបរិវត្តកម្មឌីជីថល" និងមានការចូលរួមពីមន្ទីរស្ថានពាក់ព័ន្ធមកពីតាមបណ្តាលក្រុង-ស្រុក ដែលជាស្រ្តីចូលរួមយ៉ាងច្រើនកុះករ នាព្រឹកថ្ងៃទី៧មីនាឆ្នាំ២០២៤នេះ។ជាមួយគ្នានោះដែរឯកឧត្តមអភិបាលខេត្ត បានប្រសាសន៍លើកទឹកចិត្ត ដល់ស្តី្រទាំងអស់សូមឲ្យបន្តចូលរួមរាល់គ្រប់សកម្មភាពសង្គមឲ្យបានកាន់តែផុលផុសបន្ថែមទៀត ព្រោះប្រទេសជាតិមួយ មិនអាចខ្វះស្ត្រីបានទេ ក្នុងការរួមចំណែកការអភិវឌ្ឍការងារសង្គម។ ឯកឧត្តម បានកោតសរសើរ និងវាយតម្លៃខ្ពស់ចំពោះគ្រប់សកម្មភាពចូលរួមការងារសង្គមរបស់ស្ត្រីនាពេលកន្លងមក ទទួលបានជោគជ័យល្អប្រសើរសម្រាប់គ្រប់សកម្មភាពផ្សេងៗ ពិសេសសកម្មភាពមនុស្សធម៌សង្គម និងការងារយេនឌ័រ។យ៉ាងណាម៉ិញ ឯកឧត្តមអភិបាលខេត្ត ក៏បានជំរុញឱ្យស្ត្រី ដែលធ្វើការងារពាក់ព័ន្ធនឹងស្ត្រី ទាំងអស់ត្រូវបន្តចូលរួមគ្រប់សកម្មភាពសង្គមឲ្យបានកាន់តែប្រើសើរឡើងបន្ថែមទៀតដើម្បីចូលរួមលើកកម្ពស់ តម្លៃស្ត្រី និងតម្លៃគ្រួសារខ្មែរទាំងមូលឲ្យមានភាពល្អប្រសើររីកចម្រើនបានលើគ្រប់វិស័យផងដែរ។ឯកឧត្តមអភិបាលខេត្ត បានលើកទឹកចិត្តដល់ស្ត្រី ត្រូវបន្តក្នុងការចែករំលែក និងផ្តល់ការអប់រំនៅក្នុងគ្រួសារឱ្យបានល្អ និងបន្តការចែករំលែកនូវចំណេះដឹង សីលធម៌ វប្បធមម៌ តាមរយៈបណ្តាញសង្គមផ្សេងៗ ពិសេសផ្សព្វផ្សាយពីដំណើរការអភិវឌ្ឍសង្គមជាតិរបស់រាជរដ្ឋាភិបាលទៅកាន់បងប្អូនប្រជាពលរដ្ឋទាំងអស់ ឱ្យទូលំទូលាយពីការអភិវឌ្ឍរីកចម្រើនលើគ្រប់វិស័យរបស់សង្គមជាតិនាពេលបច្ចុប្បន្ន៕

ក្រុមហ៊ុនប្រេងឥណ្ឌា ដកខ្លួនពីកិច្ចព្រមព្រៀងរយៈពេលវែងសម្រាប់ប្រេងឆៅរុស្ស៊ី ចំពេលមានទណ្ឌកម្មដ៏តឹងតែង

ក្រុមហ៊ុនចម្រាញ់ប្រេងឈានមុខគេមួយចំនួននៅក្នុងប្រទេសឥណ្ឌា ត្រូវបានគេរាយការណ៍ថា បានដកខ្លួនពីកិច្ចសន្យារយៈពេលវែងសម្រាប់ប្រេងឆៅពីអ្នកផ្គត់ផ្គង់រុស្ស៊ី ចំពេលមានការដាក់ទណ្ឌកម្មរបស់សហរដ្ឋអាមេរិក កាន់តែខ្លាំង។ទីភ្នាក់ងារសារព័ត៌មាន Bloomberg បានរាយការណ៍ថា រោងចក្រចម្រាញ់ប្រេងរបស់រដ្ឋចំនួនបីរបស់ឥណ្ឌា បានកំពុងពិភាក្សាជាមួយក្រុមហ៊ុនថាមពលយក្សរុស្ស៊ី Rosneft ដើម្បីទទួលប្រេង ៥០០.000 បារ៉ែលក្នុងមួយថ្ងៃក្នុងតម្លៃទាប ប្រហែលស្មើនឹងមួយភាគបីនៃការនាំចូលប្រចាំថ្ងៃរបស់ឥណ្ឌា។របាយការណ៍ពី Bloomberg បានឲ្យដឹងថា ក្រុមហ៊ុនចម្រាញ់ប្រេងរបស់រដ្ឋដ៏ធំបំផុតរបស់ឥណ្ឌាគឺ Indian Oil កំពុងពិចារណាកាត់បន្ថយការផ្គត់ផ្គង់ប្រេងឆៅពីប្រទេសរុស្ស៊ី ក្រោមការផ្គត់ផ្គង់រយៈពេលវែងរបស់ខ្លួន ខណៈដែលក្រុមហ៊ុនធំពីរផ្សេងទៀតគឺ Bharat Petroleum និង Hindustan Petroleum មិនបានប្តេជ្ញាចិត្ត ក្នុងកិច្ចសន្យារយៈពេលវែងនោះទេជាមួយអ្នកផ្គត់ផ្គង់រុស្ស៊ី។ សារព័ត៌មាន Bloomberg បាននិយាយថា កិច្ចព្រមព្រៀងដែលបានចុះកិច្ចសន្យា នឹងកាត់បន្ថយការពឹងផ្អែកលើការទិញម្តង ដែលមានតម្លៃថ្លៃ ជាង។ការសម្រេចចេញពីកិច្ចព្រមព្រៀងរយៈពេលវែងសម្រាប់ប្រេងឆៅរុស្ស៊ី កើតឡើង នៅពេលដែលទណ្ឌកម្មពីលោកខាងលិច ត្រូវបានដាក់ទៅលើពាណិជ្ជកម្មប្រេងរបស់រុស្ស៊ី ដោយឥណ្ឌាបានទិញកាន់តែច្រើនពីប្រទេសផ្សេងទៀតដូចជាអារ៉ាប៊ីសាអ៊ូឌីត ក្នុងខែកុម្ភៈ។ទោះបីជារុស្ស៊ី នៅតែជាអ្នកផ្គត់ផ្គង់ប្រេងឆៅដ៏ធំបំផុតរបស់ប្រទេសនេះក៏ដោយ ក៏ក្រុមហ៊ុនចម្រាញ់ប្រេងរបស់ឥណ្ឌា កំពុងងាកទៅរកប្រទេសនៅមជ្ឈិមបូព៌ាដូចជាអ៊ីរ៉ាក់ អារ៉ាប់រួម និងអារ៉ាប៊ីសាអ៊ូឌីត។ ការសម្រេចនេះ បានអូសទាញការនាំចូលប្រេងរបស់រុស្ស៊ី ទៅកាន់កម្រិតទាបបំផុត កាលពីខែមុន ចាប់តាំងពីខែមករា ឆ្នាំ២០២៣។

លោកស្រីហាលី មិនសោកស្ដាយចំពោះបោះបង់ការប្រជែងតំណែងប្រធានាធិបតីទេ ហើយក៏មិនគាំទ្រលោក Trumpដែរ

លោកស្រី នីគី ហាលី(Nikki Haley) អតីតឯកអគ្គរដ្ឋទូតសហរដ្ឋអាមេរិកប្រចាំអង្គការសហប្រជាជាតិ បានបោះបង់ចោលការប្រកួតប្រជែងតំណែងបេក្ខភាពប្រធានាធិបតីរបស់លោកស្រី កាលពីថ្ងៃពុធ ទី៦ ខែមីនាសប្ដាហ៍នេះ។ការសម្រេចរបស់លោកស្រី ឈានទៅរកការបើកផ្លូវឲ្យលោក Donald Trump ទទួលបានការតែងតាំងជាបេក្ខភាពប្រធានាធិបតីរបស់គណបក្សសាធារណរដ្ឋ ហើយលោកនឹងជួបគ្នាជាថ្មីម្តងទៀតជាមួយប្រធានាធិបតីលោក Joe Biden មកពីគណបក្សប្រជាធិបតេយ្យ នៅក្នុងការបោះឆ្នោតខែវិច្ឆិកាខាងមុខ។ អតីតអភិបាលរដ្ឋ South Carolina វ័យ៥២ឆ្នាំ ជាបេក្ខជនក្រោយបំផុតដែលបានឆ្លងកាត់យុទ្ធនាការដណ្ដើមតំណែងបេក្ខភាពប្រធានាធិបតីជាមួយលោកTrump នៅតាមបណ្ដារដ្ឋជាច្រើនមកនេះក៏បាននិយាយផងដែរថា លោកស្រីគ្មានការសោកស្ដាយទេចំពោះការបោះបង់ចោលការប្រកួតប្រជែងនេះ ហើយលោកស្រីក៏មិនគាំទ្រអតីតប្រធានាធិបតីរូបនេះដែរ។ លោកស្រីនឹងមិនជួយគៀរគររកសំឡេងឆ្នោតពីក្រុមអ្នកគាំទ្ររបស់លោកស្រីដើម្បីជួយលោក Trump ដែរ ដោយហៅពេលវេលានេះថានេះជាឱកាសរបស់លោកហើយ។ ថ្លែងនៅក្នុងទីក្រុង Charleston រដ្ឋ South Carolina កាលពីថ្ងៃពុធ លោកស្រីបាននិយាយថា ខ្ញុំបាននិយាយហើយថាខ្ញុំចង់ឲ្យពលរដ្ឋអាមេរិក បានលឺសំឡេងសំឡេងរបស់ពួកគេ ។ខ្ញុំធ្វើបានហើយ ។ខ្ញុំគ្មានការសោកស្ដាយទេ។ការប្រកួតប្រជែងគ្នាជាថ្មីម្ដងទៀត រវាងលោក Trump វ័យ ៧៧ឆ្នាំ និងលោក Biden វ័យ ៨១ឆ្នាំ ដែលជាការប្រជែងតំណែងប្រធានាធិបតីអាមេរិករវាងគូបដិបក្ខដជាលើកដំបូង ចាប់តាំងពីឆ្នាំ១៩៥៦មកនោះ គឺជាអ្វីដែលប្រជាជនអាមេរិកភាគច្រើនមិនចង់បាន។ តាមការស្ទង់មតិពលរដ្ឋអាមេរិក ភាគច្រើនមិនចង់ឃើញលោកទាំង២ប្រកួតប្រជែងគ្នាទេ៕

លោក Biden និងលោក Trump អូសទាញបានអ្នកបោះឆ្នោតរបស់លោកស្រីHaley ជារង្វាន់ថ្មីនៃបោះឆ្នោតបឋមឆ្នាំ២០២៤

លោកប្រធានាធិបតី Joe Biden មកពីគណបក្សប្រជាធិបតេយ្យ និងលោក Donald Trump មកពីគណបក្សសាធារណរដ្ឋ កំពុងប្រជែងគ្នាដើម្បីប្រមូលយកក្រុមអ្នកគាំទ្ររបស់លោកស្រី នីគី ហាលី (Nikki Haley) ជាមណ្ឌលបោះឆ្នោតមួយ ដែលអាចមានសារៈសំខាន់ក្នុងការរុញបេក្ខជនទាំងពីរត្រឡប់ទៅសេតវិមានវិញ។ លោកស្រី ហាលី បានធ្លាក់ចេញពីការប្រកួតប្រជែងជ្រើសរើសបេក្ខភាពប្រធានាធិបតីក្នុងជួរគណបក្សសាធារណរដ្ឋកាលពីថ្ងៃពុធ ទី៦ មីនា ប៉ុន្តែពុំបានគាំទ្រ Trump ទេ ហើយបាននិយាយថាឥឡូវនេះអាស្រ័យលើរូបលោកខ្លួនឯងដើម្បីទទួលបានការគាំទ្រពីម្ចាស់ឆ្នោតដែលពុំបានគាំទ្រលោកតាំងពីដំបូងមក។ អ្នកបោះឆ្នោតជិត ៥៧០.០០០ នាក់ នៅក្នុងរដ្ឋប្រទាញប្រទង់គ្នាសំខាន់ៗចំនួនបីគឺរដ្ឋ Nevada រដ្ឋ North Carolina និង Michigan បានបោះឆ្នោតឱ្យលោកស្រី Haley ក្នុងការប្រកួតប្រជែងជ្រើសរើសបេក្ខជនក្នុងគណបក្សសាធារណរដ្ឋ ត្បិតថាជាចំនួនតិចតួច ប៉ុន្តែមានសក្តានុពលក្នុងការប្រណាំងប្រជែងនៅក្នុងការបោះឆ្នោតនាពេលថ្មីៗនេះ។ ជាឧទាហរណ៍ លោកស្រី Haley បានឈ្នះចំនួន២៥០.០០០ សំឡេងនៅក្នុងការបោះឆ្នោតបឋមរក្នុងរដ្ឋ North Carolina ជារដ្ឋមួយដែលលោក Trump បានឈ្នះតិចជាង៧៥.០០០ សំឡេងកាលពីឆ្នាំ ២០២០ ។ ទាំងលោក Biden និង លោកTrump បានចេញសេចក្តីថ្លែងការណ៍ភ្លាមៗកាលពីថ្ងៃពុធដោយអំពាវនាវឱ្យអ្នកបោះឆ្នោត គាំទ្រលោកស្រី ហាលី ចូលរួមក្នុងក្រុមរបស់ខ្លួន ទោះបីជាលោកទាំង២បានប្រើយុទ្ធសាស្ត្រខុសគ្នាយ៉ាងខ្លាំងក៏ដោយ។ លោក Biden បានសរសើរលោកស្រី Haley ចំពោះការនិយាយការពិតអំពីលោក Trump ស្របពេលលោកTrump និយាយថាលោកបានទម្លាក់លោកស្រីនៅក្នុងការប្រកួត Super Tuesday របស់គណបក្សសាធារណរដ្ឋ។ លោក Biden បាននិយាយនៅក្នុងសេចក្តីថ្លែងការណ៍មួយថា លោក Donald Trump បានបញ្ជាក់យ៉ាងច្បាស់ថាខ្លួនមិនចង់បានក្រុមអ្នកគាំទ្ររបស់លោកស្រី Haley ទេ។ ខ្ញុំចង់បញ្ជាក់ឱ្យច្បាស់ មានកន្លែងសម្រាប់ពួកគេនៅក្នុងយុទ្ធនាការរបស់ខ្ញុំ។ នៅក្នុងការបង្ហោះលើបណ្ដញសង្គម Truth Social របស់លោក លោក Trump បានបន្ថែមថា លោកចង់អញ្ជើញក្រុមអ្នកគាំទ្ររបស់លោកស្រី Haley ទាំងអស់ឱ្យចូលរួមចលនាដ៏អស្ចារ្យបំផុតក្នុងប្រវត្តិសាស្ត្រជាតិរបស់យើង ហើយបានហៅលោក Biden ជាសត្រូវដែលកំពុងបំផ្លាញប្រទេសជាតិ៕

អតីតវិស្វករសូហ្វវែរ Google ត្រូវបានចោទប្រកាន់ពីបទលួចការសម្ងាត់ AI ដើម្បីជួយក្រុមហ៊ុនចិន

អតីតវិស្វករសូហ្វវែរ (Software) របស់ក្រុមហ៊ុន ហ្គូហ្គល (Google) ត្រូវបានចោទប្រកាន់នៅរដ្ឋកាលីហ្វ័រនីញ៉ា របស់សហរដ្ឋអាមេរិក ពីបទលួចអាថ៌កំបាំងពាណិជ្ជកម្មទាក់ទងនឹងប្រជ្ញាសិប្បនិមិត្ត AI ពីក្រុមហ៊ុនបុត្រសម្ព័ន្ធរបស់ អាល់ហ្វាប៊ែត (Alphabet) មួយនេះ ដើម្បីផ្តល់ផលប្រយោជន៍ដល់ក្រុមហ៊ុនចិនចំនួនពីរស្ថាប័ន ដែលខ្លួនកំពុងធ្វើការជាមួយដោយសម្ងាត់។លោក ទីង លីនវៃ (Ding Linwei) ដែលត្រូវបានគេស្គាល់ថាឈ្មោះ លីអន ទីង (Leon Ding) ត្រូវបានចោទប្រកាន់កាលពីថ្ងៃអង្គារ (០៥ មីនា) ដោយគណៈវិនិច្ឆ័យសហព័ន្ធនៅក្នុងទីក្រុង សានហ្រា្វន់ស៊ីស្កូ (San Francisco) ជាមួយនឹងបទល្មើសចំនួនបួនករណីនៃការលួចការសម្ងាត់ពាណិជ្ជកម្ម។ បុរសជនជាតិចិន វ័យ ៣៨ ឆ្នាំរូបនេះ ត្រូវបានចាប់ខ្លួនកាលពីព្រឹកថ្ងៃពុធ នៅលំនៅឋានរបស់ខ្លួនក្នុងទីក្រុង ណេវ៉ាក (Newark) រដ្ឋ កាលីហ្វ័រនីញ៉ា។យោងតាមការចោទប្រកាន់បានបង្ហាញថា លោក ទីង បានលួចយកព័ត៌មានលំអិតអំពីហេដ្ឋារចនាសម្ព័ន្ធហាដវែរ (Hardware) និងកម្មវិធីសូហ្វវែរកុំព្យូទ័រ ដែលអនុញ្ញាតឱ្យមជ្ឈមណ្ឌលទិន្នន័យកុំព្យូទ័រទំនើបរបស់ Google បណ្តុះបណ្តាលគំរូ AI ដ៏ធំតាមរយៈម៉ាស៊ីនហ្វឹកហាត់។ការចោទប្រកាន់របស់លោក ទីង នេះត្រូវបានបើកបង្ហាញក្នុងរយៈពេលជាងមួយឆ្នាំបន្ទាប់ពីរដ្ឋបាលលោកប្រធានាធិបតី បៃដិន បានបង្កើតកងកម្លាំងវាយប្រហារការរំខានបច្ចេកវិទ្យា ដើម្បីជួយបញ្ឈប់បច្ចេកវិទ្យាទំនើបដែលត្រូវបានទិញដោយបណ្ដាប្រទេសដូចជាចិន និងរុស្ស៊ី ឬបច្ចេកវិទ្យាណាដែលអាចគំរាមកំហែងដល់សន្តិសុខជាតិ៕

តុលាការកំពូលអាមេរិក កំណត់ថ្ងៃទី២៥ មេសា សម្រាប់សវនាការបណ្ដឹងអភ័យឯកសិទ្ធិឧក្រិដ្ឋកម្មរបស់លោក Trump

តុលាការកំពូលរបស់សហរដ្ឋអាមេរិក បានកំណត់ថ្ងៃទី២៥ ខែមេសា ជាកាលបរិច្ឆេទដែលខ្លួននឹងស្តាប់សវនាការនៃការទាមទារអភ័យឯកសិទ្ធិរបស់លោកអតីតប្រធានាធិបតី ដូណាល់ ត្រាំ (Donald Trump) ពីការកាត់ទោសលើបទចោទប្រកាន់ទាក់ទងនឹងកិច្ចខិតខំប្រឹងប្រែងរបស់លោកដើម្បីផ្តួលរំលំលទ្ធផលឆ្នោតឆ្នាំ២០២០ ដែលជាថ្ងៃចុងក្រោយនៃអំណះអំណាងផ្ទាល់មាត់នៃអាណត្តិបច្ចុប្បន្នរបស់ខ្លួន។តុលាការបានចេញផ្សាយកាលបរិច្ឆេទសវនាការដែលបានធ្វើបច្ចុប្បន្នភាពរបស់ខ្លួន រយៈពេលមួយសប្តាហ៍បន្ទាប់ពីបានយល់ព្រមទទួលយកករណីនេះ និងផ្តល់ការជំរុញដល់លោក ត្រាំ ដោយបញ្ឈប់ការកាត់ទោសព្រហ្មទណ្ឌ ដែលកំពុងបន្តដោយរដ្ឋអាជ្ញាពិសេស លោក ជែក ស្មីត (Jack Smith)។ចៅក្រមនឹងពិនិត្យមើលការបដិសេធរបស់តុលាការជាន់ទាបលើការទាមទារអភ័យឯកសិទ្ធិរបស់លោក ត្រាំ ពីការកាត់ទោស ដោយសារតែពេលនោះលោកនៅជាប្រធានាធិបតី ក្នុងពេលដែលបានធ្វើសកម្មភាពក្នុងគោលបំណងបញ្ច្រាសជ័យជម្នះក្នុងការបោះឆ្នោតរបស់ប្រធានាធិបតី ចូ បៃដិន (Joe Biden)។លោក ត្រាំ ដែលជាអតីតប្រធានាធិបតីដំបូងគេដែលប្រឈមមុខនឹងការចោទប្រកាន់ពីបទឧក្រិដ្ឋ កំពុងត្រៀមខ្លួនជាស្រេចក្នុងការក្លាយជាបេក្ខភាពមកពីគណបក្សសាធារណរដ្ឋដើម្បីប្រជែងនឹងលោក បៃដិន នៅក្នុងការបោះឆ្នោតសហរដ្ឋអាមេរិកនៅថ្ងៃទី០៥ ខែវិច្ឆិកា ខណៈគូប្រកួតចុងក្រោយរបស់ខ្លួនសម្រាប់ការតែងតាំង គឺអតីតអភិបាលរដ្ឋ សៅ ខារ៉ូឡាញណា (South Carolina) លោកស្រី នីកគី ហាលី (Nikki Haley) បានដកខ្លួនចេញពីការប្រជែងតំណែងបេក្ខជនប្រធានាធិបតី៕

ឯកឧត្តម ហ្សង់-ហ្វ្រង់ស័រ តាន់៖ នាយករដ្ឋមន្រ្តីអូស្រ្តាលីចាត់ទុកកម្ពុជាជាប្រទេសមួយអស្ចារ្យ

ឯកឧត្តម ហ្សង់-ហ្វ្រង់ស័រ តាន់ រដ្ឋមន្រ្តីប្រតិភូអមនាយករដ្ឋមន្រ្តី បានបញ្ជាក់ថា ឯកឧត្តម Anthony Albanese នាយករដ្ឋមន្រ្តីអូស្រ្តាលី ចាត់ទុកកម្ពុជា ជាប្រទេសមួយអស្ចារ្យ ដែលឆ្លងកាត់របបប្រល័យពូជសាសន៍ ហើយឥឡូវក្លាយជាប្រទេសរឹងមាំ មានសន្តិភាព និងស្ថិរភាពនយោបាយ និងការអភិវឌ្ឍដូចប្រទេសសមាជិកអាស៊ានដទៃទៀតដែរ។ ឯកឧត្តម ហ្សង់-ហ្វ្រង់ស័រ តាន់ បានថ្លែងបញ្ជាក់បែបនេះ ក្នុងសន្និសីទសារព័ត៌មាន នៅព្រលានយន្តហោះអន្តរជាតិភ្នំពេញ ជុំវិញលទ្ធផល នៃការអញ្ជើញចូលរួមរបស់ សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា ក្នុងកិច្ចប្រជុំកំពូលពិសេសអាស៊ាន-អូស្រ្តាលី កាលពីយប់ថ្ងៃទី៧ ខែមីនា ឆ្នាំ២០២៤នេះ។ ឯកឧត្តមថ្លែងថា នាយករដ្ឋមន្រ្តីអូស្រ្តាលីបានចាត់ទុកប្រទេសកម្ពុជាជាប្រទេសមួយអស្ចារ្យក្នុងន័យថា ជាប្រទេសមួយមានភាពធន់ខ្លាំង គួរឱ្យស្ញប់ស្ញែង ដ្បិតកម្ពុជាបានឆ្លងកាត់សោកនាដកម្មមួយពាន់ជំពូក រួមទាំងបានឆ្លងកាត់របបប្រល័យពូជសាសន៍ថែមទៀត ប៉ុន្ដែឥឡូវក្លាយជាប្រទេសរឹងមាំ ដែលមានសន្តិភាព និងស្ថិរភាពនយោបាយ ដើម្បីបន្តអភិវឌ្ឍ ដោយតាមប្រកិតពីក្រោយបណ្តាប្រទេសនានានៅអាស៊ីអាគ្នេយ៍ដែរ។សូមជម្រាបថា កម្ពុជា-អូស្រ្តាលី មានទំនាក់ទំនងជាមួយគ្នាយូរអង្វែងជាង៧ទសវត្ស កន្លងមកហើយ ដោយអូស្រ្តាលីជួយកម្ពុជាច្រើន ជាពិសេសអំឡុងស្វែងរកសន្តិភាព ជូនកម្ពុជានៅក្នុងទសវត្ស ឆ្នាំ១៩៩០ ហើយពេលនេះអូស្រ្តាលីបន្តជួយកម្ពុជាលើការអភិវឌ្ឍធនធានមនុស្ស និងក្នុងវិស័យគន្លឹះៗជាច្រើន ដូចជាកសិកម្ម សុខាភិបាល ការបោសសម្អាតមីន សន្តិសុខ និងការការពារសន្តិសុខជាដើម។ឯកឧត្តម ហ្សង់-ហ្វ្រង់ស័រ តាន់ បានលើកឡើងថា អូស្ត្រាលី បានដាក់ចេញនូវយុទ្ធសាស្រ្តសេដ្ឋកិច្ចអូស្ត្រាលីមួយច្បាស់លាស់សម្រាប់អាស៊ីអាគ្នេយ៍ ហើយនៅក្របខ័ណ្ឌក្នុងការអនុវត្តយុទ្ធសាស្ត្រនេះ អូស្រ្តាលីគ្រោងនឹងសហការជាមួយកម្ពុជា នៅលើវិស័យមួយចំនួនដូចជាវិស័យកសិកម្មដែលត្រូវតែលើកកម្ពស់ផលិតភាព វិស័យអប់រំតាមរយៈការលើកកម្ពស់ជំនាញវិទ្យាសាស្ត្រ ព្រមទាំងវិស័យទេសចរណ៍ជាដើម។ តាមរយៈវិស័យទេសចរណ៍នេះដែរ រដ្ឋាភិបាលកម្ពុជា-អូស្រ្តាលី តាមរយៈក្រសួងការបរទេស នៃប្រទេសទាំងពីរ បានចុះកិច្ចព្រមព្រៀងមួយស្តីពីសេវាកម្មដឹកអញ្ជូនតាមផ្លូវអាកាស ហើយគោលដៅគឺជំរុញទំនាក់ទំនងកម្ពុជា-អូស្រ្តាលីជាអាទិ៍ នៅលើវិស័យទេសចរណ៍នេះឯង៕ អត្ថបទ៖ វ៉ន ដារ៉ា

ក្នុងកិច្ចប្រជុំកំពូលពិសេសអាស៊ាន-អូស្ត្រាលី សម្តេចធិបតីស្វាគមន៍អូស្ត្រាលីក្នុងការជំរុញទំនាក់ទំនងសេដ្ឋកិច្ចជាមួយតំបន់អាស៊ីអាគ្នេយ៍

ភ្នំពេញ៖ តបតាមការអញ្ជើញរបស់ ឯកឧត្តម អេនថូនី អាល់បានីស៊ី (Anthony Albanese) នាយករដ្ឋមន្ត្រីអូស្ត្រាលី សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានដឹកនាំគណៈប្រតិភូជាន់ខ្ពស់អញ្ជើញចូលរួមកិច្ចប្រជុំកំពូលពិសេសអាស៊ាន-អូស្ត្រាលី ដើម្បីអបអរសាទរខួបអនុស្សាវរីយ៍លើកទី៥០ នៃទំនាក់ទំនងដៃគូសន្ទនាអាស៊ាន-អូស្ត្រាលី ដែលបានប្រព្រឹត្តទៅ នៅទីក្រុងម៉ែលប៊ន ប្រទេសអូស្ត្រាលី ថ្ងៃទី២-៦ ខែមីនា ឆ្នាំ២០២៤។ប្រមុខដឹកនាំអាស៊ាន និងអូស្ត្រាលី បានពិនិត្យឡើងវិញអំពីកិច្ចសហប្រតិបត្តិការក្រោមសសរស្ដម្ភសហគមន៍ទាំងបីរបស់អាស៊ាន ក្នុងរយៈពេល៥០ឆ្នាំកន្លងមក ជាពិសេសវឌ្ឍនភាពសម្រេចបានសំខាន់ៗ បន្ទាប់ពីការបង្កើតនូវភាពជាដៃគូយុទ្ធសាស្ត្រគ្រប់ជ្រុងជ្រោយនៅឆ្នាំ២០២១ ព្រមទាំងបានកំណត់ទិសដៅអនាគតសម្រាប់តំបន់ទាំងពីរ ទន្ទឹមនឹងការបញ្ចប់ឱ្យបានឆាប់នូវផែនការសកម្មភាពថ្មី (២០២៥-២០២៩)។ កិច្ចប្រជុំកំពូលពិសេសបានអនុម័តឯកសារចំនួនពីរ គឺទី១ សេចក្តីប្រកាសចក្ខុវិស័យរួមរបស់ថ្នាក់ដឹកនាំអាស៊ាន-អូស្ត្រាលី៖ ដៃគូសម្រាប់សន្តិភាព និងវិបុលភាព និងទី២ សេចក្តីថ្លែងការណ៍ទីក្រុងម៉ែលប៊ន៖ ភាពជាដៃគូសម្រាប់អនាគត។នៅក្នុងកិច្ចប្រជុំកំពូលពិសេសសម្តេចធិបតីបានគូសបង្ហាញថា ដោយការផ្សារភ្ជាប់គ្នានៃកត្តាភូមិសាស្រ្ត និងលក្ខណៈរួមគ្នាអាស៊ាន និងអូស្ត្រាលីគឺជាដៃគូដ៏ស្និទ្ធស្នាល។ ចាប់តាំងពីបានក្លាយ ជាដៃគូសន្ទនាដំបូងគេបង្អស់របស់អាស៊ាន ទំនាក់ទំនងអាស៊ាន-អូស្ត្រាលីបានរីកលូតលាស់កាន់តែខ្លាំងឡើងៗជាលំដាប់ និងនាំមកនូវអត្ថប្រយោជន៍ជាក់ស្តែងសម្រាប់ប្រជាជន និងឈានដល់ការបង្កើតភាពជាដៃគូយុទ្ធសាស្ត្រគ្រប់ជ្រុងជ្រោយនៅឆ្នាំ២០២១។ ទំនាក់ទំនងអាស៊ាន-អូស្ត្រាលី និងវិបុលភាពនៅក្នុងតំបន់កម្ពុជាតែងតែផ្អែកលើបំណងប្រាថ្នាមួយ និងមកការជឿជាក់គ្នា និងការផ្តល់ផលប្រយោជន៍ទៅវិញទៅមក។អាស្រ័យដោយអាស៊ាន និងអូស្ត្រាលីមានសក្តានុពលកំណើនសេដ្ឋកិច្ចដ៏ត្រចះត្រចង់ដូចគ្នា សម្តេចធិបតី បានគូសបញ្ជាក់ពីសារៈសំខាន់ក្នុងការអនុវត្តប្រកបដោយប្រសិទ្ធភាពនៃកិច្ចព្រមព្រៀងពាណិជ្ជកម្មពហុភាគីដែលមានស្រាប់ ដូចជាកិច្ចព្រមព្រៀងបង្កើតតំបន់ពាណិជ្ជកម្មសេរីអាស៊ាន-អូស្ត្រាលី-នូវែលសេឡង់ (AANZFTA) និងកិច្ចព្រមព្រៀងភាពជាដៃគូសេដ្ឋកិច្ចគ្រប់ជ្រុងជ្រោយតំបន់ (RCEP) ជាដើម និងទន្ទឹងការចូលជាធរមាននៃពិធីសារទីពីរដើម្បីធ្វើវិសោធនកម្មនៃកិច្ចព្រមព្រៀង AANZFTA ឱ្យបានទាន់ពេលវេលា។ សម្តេចធិបតីក៏បានស្វាគមន៍ការផ្តោតការយកចិត្តទុកដាក់របស់អូស្ត្រាលីក្នុងការជំរុញទំនាក់ទំនងសេដ្ឋកិច្ច ជាមួយតំបន់អាស៊ីអាគ្នេយ៍ និងការដាក់ចេញនូវរបាយការណ៍ស្តីពី «វិនិយោគ៖ យុទ្ធសាស្ត្រសេដ្ឋកិច្ចអាស៊ីអាគ្នេយ៍របស់អូស្ត្រាលីឆ្ពោះទៅឆ្នាំ២០៤០។សម្តេចធិបតី បានលើកឡើងនូវតម្រូវការបន្តពង្រឹងការផ្លាស់ប្តូររវាងប្រជាជន និងប្រជាជនដោយបានបញ្ជាក់ថា ប្រជាជននៃតំបន់អាស៊ីអាគ្នេយ៍ទទួលបាននូវអត្ថប្រយោជន៍ជាច្រើន ពីការអប់រំប្រកបដោយគុណភាពខ្ពស់របស់អូស្ត្រាលី តាមរយៈអាហារូបករណ៍អូស្ត្រាលីសម្រាប់អាស៊ាន, អូស្ត្រាលី សម្រាប់គំនិតផ្តួចផ្តើមបរិវត្តកម្មឌីជីថលអាស៊ាន និងជំនាញសម្រាប់ពេលអនាគត, និងអាហារូបករណ៍អូស្ត្រាលី Awards។ សម្តេចធិបតីក៏បានឆ្លៀតឱកាសថ្លែងអំណរគុណដល់អូស្ត្រាលី ចំពោះភាពជាដៃគូអូស្ត្រាលីសម្រាប់គំនិតផ្ដួចផ្ដើមហេដ្ឋារចនាសម្ព័ន្ធ និងចំពោះការគាំទ្ររបស់ខ្លួនដល់កម្មវិធីពង្រឹង សមត្ថភាពមន្ត្រីរាជការកម្ពុជា និងវិស័យឯកជនក្នុងការអភិវឌ្ឍប្រព័ន្ធអេកូឡូស៊ីនៃភាពជាដៃគូរវាងរដ្ឋ និងឯកជន។នៅក្នុងសម័យប្រជុំចង្អៀតប្រមុខដឹកនាំអាស៊ាន និងអូស្ត្រាលីក៏បានពិភាក្សាលើបញ្ហាជា យុទ្ធសាស្ត្រ ដែលជាកង្វល់ និងផលប្រយោជន៍រួម និងវិធីសាស្ត្រដែលអាស៊ាន និងអូស្ត្រាលីអាចធ្វើការរួមគ្នា ដើម្បីដោះស្រាយបញ្ហាប្រឈមរួម។ សម្តេចធិបតី បានលើកទឹកចិត្តឱ្យមានកិច្ចប្រឹងប្រែងបន្ថែមទៀតក្នុងការជំរុញកិច្ចសហប្រតិបត្តិការជាក់ស្តែង និងផ្តល់ផលប្រយោជន៍ទៅវិញទៅមក និងពង្រឹងពហុភាគីនិយមដែលសេរី បើកចំហ តម្លាភាព បរិយាបន្ន យុត្តិធម៌ និងផ្អែកលើវិធានច្បាប់។ បន្ថែមពីលើនេះសម្តេចធិបតីបានគូសបញ្ជាក់អំពីតួនាទីដ៏សំខាន់នៃកិច្ចសន្ទនាការទំនាក់ទំនង និងវិធានការ កសាងជំនឿទុកចិត្តគ្នា ក្នុងការថែរក្សា និងលើកកម្ពស់សន្តិភាព ស្ថិរភាព និងវិបុលភាព នៅក្នុងតំបន់ និងសាកលលោក៕ អត្ថបទ៖ វ៉ន ដារ៉ា

អាមេរិកជំរុញឲ្យអ៊ីរ៉ង់ កាត់បន្ថយសារធាតុអ៊ុយរ៉ានីញ៉ូមកម្រិតដែលជិតអាចផលិតអាវុធបានរបស់ខ្លួន

សហរដ្ឋអាមេរិកកាលពីថ្ងៃពុធ បានអំពាវនាវឲ្យប្រទេសអ៊ីរ៉ង់កាត់បន្ថយអ៊ុយរ៉ានីញ៉ូមទាំងអស់ដែលខ្លួនបានចម្រាញ់យកភាពបរិសុទ្ធរហូតដល់ ៦០ភាគរយ ជិតឈានដល់កម្រិតដែលអាចផលិតអាវុធបានប្រហែល ៩០ភាគរយ នៅក្នុងសេចក្តីថ្លែងការណ៍មួយ បានថ្កោលទោសសកម្មភាពនុយក្លេអ៊ែរថ្មីៗជាច្រើនរបស់ទីក្រុងតេអេរ៉ង់។ទីភ្នាក់ងារថាមពលបរិមាណូអន្តរជាតិ (IAEA)បាននិយាយនៅក្នុងរបាយការណ៍សម្ងាត់មួយទៅកាន់ប្រទេសជាសមាជិកកាលពីសប្តាហ៍មុនថា ស្តុកសារធាតុអ៊ុយរ៉ានីញ៉ូមរបស់អ៊ីរ៉ង់ដែលចម្រាញ់បានរហូតដល់ ៦០ភាគ បានធ្លាក់ចុះបន្តិចនៅក្នុងត្រីមាសមុននេះ ដោយសារវាត្រូវបានបន្ថយ ឬ «ធ្លាក់ចុះ» មកពីធាតុដើមអ៊ុយរ៉ានីញ៉ូមដែលត្រូវបានចម្រាញ់ច្រើនជាងអ្វីដែលខ្លួនបានផលិត។របាយការណ៍ដែលឃើញដោយសារព័ត៌មានរ៉យទ័រ បានបង្ហាញថា អ៊ីរ៉ង់នៅតែមានសម្ភារៈគ្រប់គ្រាន់នោះ ប្រសិនបើពង្រឹងបន្ថែមទៀត ដើម្បីផលិតអាវុធនុយក្លេអ៊ែរចំនួនពីរ តាមការកំណត់ជាទឹ្រស្តីរបស់ IAEA ហើយមានវត្ថុធាតុដើមគ្រប់គ្រាន់សម្រាប់ផលិតគ្រាប់បែកបន្ថែមទៀត ដោយគ្រាន់តែស្ថិតនៅក្នុង កម្រិតមួយទាប។ សហរដ្ឋអាមេរិក បាននិយាយនៅក្នុងសេចក្តីថ្លែងការណ៍មួយស្តីពីអ៊ីរ៉ង់ទៅកាន់កិច្ចប្រជុំប្រចាំត្រីមាសនៃក្រុមប្រឹក្សាភិបាល IAEA ដែលមានប្រទេសចំនួន៣៥ថា៖«អ៊ីរ៉ង់គួរតែកាត់បន្ថយទាំងអស់ មិនមែនត្រឹមតែមួយចំនួននៃស្តុកទុក៦០ភាគរយរបស់ខ្លួននោះទេ ហើយបញ្ឈប់ការផលិតអ៊ុយរ៉ានីញ៉ូម ដែលត្រូវបានចម្រាញ់ដល់៦០ភាគរយទាំងស្រុង។

បណ្ដាញសង្គម

ព័ត៌មានថ្មីៗ

គណៈកម្មាធិការសិទ្ធិមនុស្សកម្ពុជា ស្នើ OHCHR ធ្វើរបាយការណ៍សិទ្ធិមនុស្សអំពីប្រទេសកម្ពុជា ឆ្លុះបញ្ចាំងពីការពិតជាក់ស្ដែង

ក្រុមហ៊ុន Lukoil ប្រកាសប្រធានសក្តិ នៅឯតំបន់ប្រេង នៅអ៊ីរ៉ាក់ ក្រោយមានទណ្ឌកម្ម

ប្រភព៖ ស៊ីរីបានកម្ចាត់ផែនការរបស់ក្រុម ISIS ដែលប៉ងយកជីវិតរបស់ប្រធានាធិបតី

កម្ពុជាទាក់ទាញភ្ញៀវទេសចរពីប្រទេសអីរ៉ុង ខណៈអ៊ីរ៉ុងមានប្រជាជន ៩២លាននាក់ លំដាប់ទី២ ក្នុងតំបន់មជ្ឈិមបូព៌ា

វិមានក្រឹមឡាំង៖ ការរៀបចំយ៉ាងសកម្ម កំពុងដំណើរការ សម្រាប់ទស្សនកិច្ចរបស់លោក Putin នៅឥណ្ឌា

អារ៉ាប់រួមច្រានចោលការចូលរួមជាមួយកម្លាំងរក្សាស្ថិរភាពហ្កាហ្សា សម្រាប់ពេលនេះ និងគាំទ្រកិច្ចប្រឹងប្រែងសន្តិភាព

រដ្ឋសភារៀបចំសិក្ខាសាលា ដើម្បីរៀបចំសេចក្តីព្រាងច្បាប់ ស្តីពី ហិរញ្ញវត្ថុសម្រាប់ការគ្រប់គ្រងឆ្នាំ ២០២៦

ឯកឧត្តមបណ្ឌិត ធន់ វឌ្ឍនា ៖ ការពន្យារពេលដោះលែងវីរកងទ័ពកម្ពុជា ១៨រូប គឺខ្វះការគោរពចំពោះកិច្ចព្រមព្រៀងសន្តិភាពកម្ពុជា-ថៃ ប្រធានអាស៊ាន និងប្រធានាធិបតី ដូណាល់ ត្រាំ

ក្រុមការងារ អ.ន.ក ចុះពិនិត្យការជីកស្រះទឹក និងស្ថាបនាប្រឡាយទឹក ជូនអតីតយុទ្ធជន នៅភូមិព្រៃសិន ខេត្តបាត់ដំបង

លោក Orban៖ ហុងគ្រីមាននូវកិច្ចព្រមព្រៀងខែលហិរញ្ញវត្ថុជាមួយទីក្រុងវ៉ាស៊ីនតោន

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

រដ្ឋមន្ត្រីការបរទេសចិន៖ សហរដ្ឋអាមេរិក មានការយល់ឃើញខុសចំពោះប្រទេសចិន

ឯកឧត្តម ប៉ែន កុសល្យ៖ ស្ត្រីមានតួនាទីដ៏សំខាន់ក្នុងការរួមចំណែកការលើកកម្ពស់សីលធម៌ និងការអភិវឌ្ឍសង្គម

ក្រុមហ៊ុនប្រេងឥណ្ឌា ដកខ្លួនពីកិច្ចព្រមព្រៀងរយៈពេលវែងសម្រាប់ប្រេងឆៅរុស្ស៊ី ចំពេលមានទណ្ឌកម្មដ៏តឹងតែង

លោកស្រីហាលី មិនសោកស្ដាយចំពោះបោះបង់ការប្រជែងតំណែងប្រធានាធិបតីទេ ហើយក៏មិនគាំទ្រលោក Trumpដែរ

លោក Biden និងលោក Trump អូសទាញបានអ្នកបោះឆ្នោតរបស់លោកស្រីHaley ជារង្វាន់ថ្មីនៃបោះឆ្នោតបឋមឆ្នាំ២០២៤

អតីតវិស្វករសូហ្វវែរ Google ត្រូវបានចោទប្រកាន់ពីបទលួចការសម្ងាត់ AI ដើម្បីជួយក្រុមហ៊ុនចិន

តុលាការកំពូលអាមេរិក កំណត់ថ្ងៃទី២៥ មេសា សម្រាប់សវនាការបណ្ដឹងអភ័យឯកសិទ្ធិឧក្រិដ្ឋកម្មរបស់លោក Trump

ឯកឧត្តម ហ្សង់-ហ្វ្រង់ស័រ តាន់៖ នាយករដ្ឋមន្រ្តីអូស្រ្តាលីចាត់ទុកកម្ពុជាជាប្រទេសមួយអស្ចារ្យ

អាមេរិកជំរុញឲ្យអ៊ីរ៉ង់ កាត់បន្ថយសារធាតុអ៊ុយរ៉ានីញ៉ូមកម្រិតដែលជិតអាចផលិតអាវុធបានរបស់ខ្លួន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

រដ្ឋមន្ត្រីការបរទេសចិន៖ សហរដ្ឋអាមេរិក មានការយល់ឃើញខុសចំពោះប្រទេសចិន

ឯកឧត្តម ប៉ែន កុសល្យ៖ ស្ត្រីមានតួនាទីដ៏សំខាន់ក្នុងការរួមចំណែកការលើកកម្ពស់សីលធម៌ និងការអភិវឌ្ឍសង្គម

ក្រុមហ៊ុនប្រេងឥណ្ឌា ដកខ្លួនពីកិច្ចព្រមព្រៀងរយៈពេលវែងសម្រាប់ប្រេងឆៅរុស្ស៊ី ចំពេលមានទណ្ឌកម្មដ៏តឹងតែង

លោកស្រីហាលី មិនសោកស្ដាយចំពោះបោះបង់ការប្រជែងតំណែងប្រធានាធិបតីទេ ហើយក៏មិនគាំទ្រលោក Trumpដែរ

លោក Biden និងលោក Trump អូសទាញបានអ្នកបោះឆ្នោតរបស់លោកស្រីHaley ជារង្វាន់ថ្មីនៃបោះឆ្នោតបឋមឆ្នាំ២០២៤

អតីតវិស្វករសូហ្វវែរ Google ត្រូវបានចោទប្រកាន់ពីបទលួចការសម្ងាត់ AI ដើម្បីជួយក្រុមហ៊ុនចិន

តុលាការកំពូលអាមេរិក កំណត់ថ្ងៃទី២៥ មេសា សម្រាប់សវនាការបណ្ដឹងអភ័យឯកសិទ្ធិឧក្រិដ្ឋកម្មរបស់លោក Trump

ឯកឧត្តម ហ្សង់-ហ្វ្រង់ស័រ តាន់៖ នាយករដ្ឋមន្រ្តីអូស្រ្តាលីចាត់ទុកកម្ពុជាជាប្រទេសមួយអស្ចារ្យ

អាមេរិកជំរុញឲ្យអ៊ីរ៉ង់ កាត់បន្ថយសារធាតុអ៊ុយរ៉ានីញ៉ូមកម្រិតដែលជិតអាចផលិតអាវុធបានរបស់ខ្លួន

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍